لمولاتنا فاطمة العليلة صلوات الله عليها وخروج ضعن المولى ابا عبد الله صلوات الله عليه
ودعته وبوداعي ... دمع المحنه ناعي
يبعد ضعن دلالي ... ويگرب علي ضياعي
راح الأبو وحنانه ... وياهو اليسد مچانه
بفيّه چنت حمامه ... وهسه افگدت أمانه
طفله وعليله وانكسر جنحي امن الوداع
وحمل المشه بثگل السمه ماتحمله الگاع
صبريت گـوه حچايته چانت ألـي متاع
لابد يجـي الأكبر علـي يردنـي أله بساع
واعدني ... يرسل ألي
واعدني ... الأكبر علي
واعدني ... بملگه هلي ... استراح
ويردني ... لذاك الوطن
ويردني ... لفيّ الضعن
ويردني ... عيوني انملن ... جراح
~~~~~~~~~~~~~~~~~
گال بعطف كلامه ... من يوصل لمرامه
ويأمّن الضعينه ... ألحگهم بسلامه
أحسب أله وأتاني ... ويثگل مشي الثواني
طال السفر يويلي ... ومرساله ما أجاني
مرساله طوّل ماأجه وگلبي برعب ليل
وحشه ودمعتي ماهدت بفراگه وتسيل
ليش بصفنتي وصحوتي أسمع صده الخيل
ماچنه سـالم والـدي وأهـلي مچاتيل
عاندني ... خوف الگلب
عاندني ... ناعي الدرب
عاندني ... صوت الحرب ... يصيح
ضاهدني ... خيل وصَهل
ضاهدني ... امراوه الحبل
ضاهدني ... امناشغ طفل ... جريح
~~~~~~~~~
شوگ ومرض سباني ... وملگه الأبو جفاني
أتعافه من اشوفه ... ويخفت جمر حناني
منين الرحل أجيبه ... فراگه وعلي مصيبه
عگبه صرت أسيره ... بلايه وطن غريبه
شيسكّن اجروح الجفه ولچمات الصواب
وعيوني بعيون الدرب يم عتبة الباب
حته المشه بنفس الدرب رد امن الغياب
وعن والدي وضعنه ولا عنهم خبر جاب
مشتاگه ... وماكو خبر
مشتاگه ... وگلبي انفطر
مشتاگه ... وليل السهر ... مصاب
بفراگه ... كلشي جرح
بفراگه ... حل مايصح
بفراگه ... حته الصبح ... عذاب
~~~~~~~~~
مسلوبه من قراري ... ومتعوبه باانتظاري
امودعه أبو وعشيره ... وليلي مثل نهاري
يمته يفض عذابي ... وآلامي واغترابي
سفره وصفت طويله ... ماينگضي عتابي
اشلون ويفض هالحزن واهلي بعيدين
ماينجلي غيم التعب ذبّل ضوه العين
ماعندي سلوه ولا سند بس ام البنين
تنعالي واندب ياهلي ويابويه يحسين
مجروحه ... تنعه وأون
مجروحه ... ابّيت الحزن
مجروحه ... وگلب اليحن ... جريح
مشبوحه ... اعيون الأمل
مشبوحه ... وكلشي ذبل
مشبوحه ... وچنه الرحل ... ذبيح
~~~~~~~~~
سجاد الگريزي
ودعته وبوداعي ... دمع المحنه ناعي
يبعد ضعن دلالي ... ويگرب علي ضياعي
راح الأبو وحنانه ... وياهو اليسد مچانه
بفيّه چنت حمامه ... وهسه افگدت أمانه
طفله وعليله وانكسر جنحي امن الوداع
وحمل المشه بثگل السمه ماتحمله الگاع
صبريت گـوه حچايته چانت ألـي متاع
لابد يجـي الأكبر علـي يردنـي أله بساع
واعدني ... يرسل ألي
واعدني ... الأكبر علي
واعدني ... بملگه هلي ... استراح
ويردني ... لذاك الوطن
ويردني ... لفيّ الضعن
ويردني ... عيوني انملن ... جراح
~~~~~~~~~~~~~~~~~
گال بعطف كلامه ... من يوصل لمرامه
ويأمّن الضعينه ... ألحگهم بسلامه
أحسب أله وأتاني ... ويثگل مشي الثواني
طال السفر يويلي ... ومرساله ما أجاني
مرساله طوّل ماأجه وگلبي برعب ليل
وحشه ودمعتي ماهدت بفراگه وتسيل
ليش بصفنتي وصحوتي أسمع صده الخيل
ماچنه سـالم والـدي وأهـلي مچاتيل
عاندني ... خوف الگلب
عاندني ... ناعي الدرب
عاندني ... صوت الحرب ... يصيح
ضاهدني ... خيل وصَهل
ضاهدني ... امراوه الحبل
ضاهدني ... امناشغ طفل ... جريح
~~~~~~~~~
شوگ ومرض سباني ... وملگه الأبو جفاني
أتعافه من اشوفه ... ويخفت جمر حناني
منين الرحل أجيبه ... فراگه وعلي مصيبه
عگبه صرت أسيره ... بلايه وطن غريبه
شيسكّن اجروح الجفه ولچمات الصواب
وعيوني بعيون الدرب يم عتبة الباب
حته المشه بنفس الدرب رد امن الغياب
وعن والدي وضعنه ولا عنهم خبر جاب
مشتاگه ... وماكو خبر
مشتاگه ... وگلبي انفطر
مشتاگه ... وليل السهر ... مصاب
بفراگه ... كلشي جرح
بفراگه ... حل مايصح
بفراگه ... حته الصبح ... عذاب
~~~~~~~~~
مسلوبه من قراري ... ومتعوبه باانتظاري
امودعه أبو وعشيره ... وليلي مثل نهاري
يمته يفض عذابي ... وآلامي واغترابي
سفره وصفت طويله ... ماينگضي عتابي
اشلون ويفض هالحزن واهلي بعيدين
ماينجلي غيم التعب ذبّل ضوه العين
ماعندي سلوه ولا سند بس ام البنين
تنعالي واندب ياهلي ويابويه يحسين
مجروحه ... تنعه وأون
مجروحه ... ابّيت الحزن
مجروحه ... وگلب اليحن ... جريح
مشبوحه ... اعيون الأمل
مشبوحه ... وكلشي ذبل
مشبوحه ... وچنه الرحل ... ذبيح
~~~~~~~~~
سجاد الگريزي
سافرت وي كل اهلنه
آه ياسفرة حبيب بصف حبيب
وآه ياجرح المكاتيب التغيب
گلبي يخبرني ويصيح
حته ساعي اهلج ذبيح
وانا اودي بجنح كل مغرب يمرني
بدمع دلالي مراسيل النحيب
بماي عيني حوطت آثار مشيك
بلكت يخضر املاگه ... ونحر سالم
وضعن سالم راد من الطف اليه
بويه ياشيخ المحنه
ادوهنت روحي بسفرتك
والعليل اتعذبه دمعاته الجريه
العليل يخفن اوجاعه ويهيد
من يشوف احبابه ملتمه عليه
مو يبويه يفارگونه
وآه ياطشّة اللمه الهاشميه
بويه ياموطن دلالي
من وره الباب اسمع اسوالف عليه
هذا بيت المشو من عدها اهلها
هذا بيت التشتل ويذبل شتلها
هذا بيت العلعلاها افراگ ابوها
هذا بيت الماأجه ياخذها اخوها
هذا بيت الحايره المعتازه جيه
وين ياراعي العگل وديلي رايك
خانگتني الفرگه حيل
چنها دخان الحرگ ذاك الأكل باب الزچيه
يالمسهرني بجفاك
غافلاني الليل مره
ونوّم عيوني وسهرهن لچن مانوّم دمعتي
بويه ياسيد النسيم
اتحلمت بيك وبچيت
شفت صدرك چنه ماي وطاش بالطف
والهوه يدور عليك يريد ريه
وشفت راسك نازل بحضن السبيه
حيل شابگتك وميته بنص خرابه
اتمعنت بيها ... برسمها
شفت چويات وأثرهن صار شامات بوجها
أويه ماباوعت اذنها
صوت آذان الفجر فززني بويه
وخايفه وترجف اديه
وگلت ياگلبي شتفسره
گلي يافاطم مصيبه
كل حلم بحسين تفسيره رقيه
٢٨ رجب خروج المولى ابا عبد الله صلوات الله عليه من المدينة الى مكة المكرمة سنة ٦٠ هـ
لا حول ولا قوة الا بالله
اللهم عجل لوليك الفرج
آه ياسفرة حبيب بصف حبيب
وآه ياجرح المكاتيب التغيب
گلبي يخبرني ويصيح
حته ساعي اهلج ذبيح
وانا اودي بجنح كل مغرب يمرني
بدمع دلالي مراسيل النحيب
بماي عيني حوطت آثار مشيك
بلكت يخضر املاگه ... ونحر سالم
وضعن سالم راد من الطف اليه
بويه ياشيخ المحنه
ادوهنت روحي بسفرتك
والعليل اتعذبه دمعاته الجريه
العليل يخفن اوجاعه ويهيد
من يشوف احبابه ملتمه عليه
مو يبويه يفارگونه
وآه ياطشّة اللمه الهاشميه
بويه ياموطن دلالي
من وره الباب اسمع اسوالف عليه
هذا بيت المشو من عدها اهلها
هذا بيت التشتل ويذبل شتلها
هذا بيت العلعلاها افراگ ابوها
هذا بيت الماأجه ياخذها اخوها
هذا بيت الحايره المعتازه جيه
وين ياراعي العگل وديلي رايك
خانگتني الفرگه حيل
چنها دخان الحرگ ذاك الأكل باب الزچيه
يالمسهرني بجفاك
غافلاني الليل مره
ونوّم عيوني وسهرهن لچن مانوّم دمعتي
بويه ياسيد النسيم
اتحلمت بيك وبچيت
شفت صدرك چنه ماي وطاش بالطف
والهوه يدور عليك يريد ريه
وشفت راسك نازل بحضن السبيه
حيل شابگتك وميته بنص خرابه
اتمعنت بيها ... برسمها
شفت چويات وأثرهن صار شامات بوجها
أويه ماباوعت اذنها
صوت آذان الفجر فززني بويه
وخايفه وترجف اديه
وگلت ياگلبي شتفسره
گلي يافاطم مصيبه
كل حلم بحسين تفسيره رقيه
٢٨ رجب خروج المولى ابا عبد الله صلوات الله عليه من المدينة الى مكة المكرمة سنة ٦٠ هـ
لا حول ولا قوة الا بالله
اللهم عجل لوليك الفرج
اجه لبيت النبي مولود
وقرّت عينه واستبشر
وفرحت فاطمه بجيته ... وحيدر مبتهج گلبه
واچفوف الحسن تنثر .. عطر و اورود
واطيور الـ ( هله يحسين ) انترست بيهن الدنيه
والرحمه بملائكها هبطت عله الرحمه اوّفود
وجنح فطرس ومهد حسين
( شهيد وشاهد ومشهود )
( اجه لبيت النبي مولود
وغفله وطاحت الدمعه .. اعله نحره تنود
بيت وبيّـه چم بهجه ... واحساب الفرح معدود
وحزن ماينگضي الباقي ... مثل درب السمه ممدود
عجيب اشلون متلازم فرح هالبيت
وياه الحزن معگود )
فرصةّ مولودك مولاي ... بدايه وهيّكله وتجديد
ميلادك يرد الروح ... وللحب والمشاعر عيد
فطرس للعفو نيشان .. والخدمه وجرح عاشور
والدمعه وحَمَار الجِيد
من أقصى ضياع الروح .. أجيت لفيّك امن ابعيد
أجيت امتاعي چم دمعه ... وخجل تقصير
شايلهن برجفة أيد
أجيت ومنبر اعيونك ... علمني اعله گد گلبي
بلا كل فلسفه وتعقيد
العين الما تصلي اعليك
ماضاگت هوى التوحيد
اعله بابك ديني علگته
يستجدي قرب وايمان ... ولنفحةّ رضاك ايريد
وجنح المعرفه المكسور .. بس چفك إله تضميد
ردت روحي غريبه تعيش
معتكفه بخيم عاشور
وگلبي بكل عَزَه لطّام ... بيه أسمك حزن مستور
بشباچك ردت عمري علگ مشدود
لاجئ طحت يم عَفوك
اذا تبقه عله اعمالي ... ولا أوصل طرف قربك
ومن حضرة الحب مطرود
صحت يابو رقيه ادخيل
اريد احيه اعله محياكم
واموت اعليكم بلهفه ... گبل لا اموت وياكم
ردت بااثنينهن موجود
يراحم عثرة الحافر
خذاني اشگد هَوى الغفله ... ورداني هواك اردود
يساتر زلّة اجدامي
جبتني لحضرتك عابد ...
اوّ وصلك بيه رضا المعبود
بـ كساءك حَرّز اعيوني ...
وماي لگصة الغيره ... وامروّه ردت مولاي
من راعي الفضل والجود
أسعد الله قلوبكم وايامكم بولادة المولى ابا عبدالله صلوات الله عليه والولادات المحمدية الميمونة 🧡
وقرّت عينه واستبشر
وفرحت فاطمه بجيته ... وحيدر مبتهج گلبه
واچفوف الحسن تنثر .. عطر و اورود
واطيور الـ ( هله يحسين ) انترست بيهن الدنيه
والرحمه بملائكها هبطت عله الرحمه اوّفود
وجنح فطرس ومهد حسين
( شهيد وشاهد ومشهود )
( اجه لبيت النبي مولود
وغفله وطاحت الدمعه .. اعله نحره تنود
بيت وبيّـه چم بهجه ... واحساب الفرح معدود
وحزن ماينگضي الباقي ... مثل درب السمه ممدود
عجيب اشلون متلازم فرح هالبيت
وياه الحزن معگود )
فرصةّ مولودك مولاي ... بدايه وهيّكله وتجديد
ميلادك يرد الروح ... وللحب والمشاعر عيد
فطرس للعفو نيشان .. والخدمه وجرح عاشور
والدمعه وحَمَار الجِيد
من أقصى ضياع الروح .. أجيت لفيّك امن ابعيد
أجيت امتاعي چم دمعه ... وخجل تقصير
شايلهن برجفة أيد
أجيت ومنبر اعيونك ... علمني اعله گد گلبي
بلا كل فلسفه وتعقيد
العين الما تصلي اعليك
ماضاگت هوى التوحيد
اعله بابك ديني علگته
يستجدي قرب وايمان ... ولنفحةّ رضاك ايريد
وجنح المعرفه المكسور .. بس چفك إله تضميد
ردت روحي غريبه تعيش
معتكفه بخيم عاشور
وگلبي بكل عَزَه لطّام ... بيه أسمك حزن مستور
بشباچك ردت عمري علگ مشدود
لاجئ طحت يم عَفوك
اذا تبقه عله اعمالي ... ولا أوصل طرف قربك
ومن حضرة الحب مطرود
صحت يابو رقيه ادخيل
اريد احيه اعله محياكم
واموت اعليكم بلهفه ... گبل لا اموت وياكم
ردت بااثنينهن موجود
يراحم عثرة الحافر
خذاني اشگد هَوى الغفله ... ورداني هواك اردود
يساتر زلّة اجدامي
جبتني لحضرتك عابد ...
اوّ وصلك بيه رضا المعبود
بـ كساءك حَرّز اعيوني ...
وماي لگصة الغيره ... وامروّه ردت مولاي
من راعي الفضل والجود
أسعد الله قلوبكم وايامكم بولادة المولى ابا عبدالله صلوات الله عليه والولادات المحمدية الميمونة 🧡
باسـم ثـغـر ابـو اليمه ... وبعينه الفرح لمعه
إلـه مـنّ السـمـه نـازل ... خليفه وأول التسعه
انولد ساجد بحضن حسين ... وبيبان الهله امشرعه
أجهْ الّـيّـتحب ترانيمه ... مناجاة السمه السبعه
أجه اليبني مدائن حب ... بين السجده والركعه
أجه زيـن العِباد وهَلّ ... خاشـع والوَرَع طبعه
هَلّ لـبـيـت ابو طالب ... عظيم الحَسب والِرفعه
هَلّ ماي العِلم والدين .. مـن جنّـة ( علي ) نَبـعه
هَلّ العمّـه ابو فـاضل ... الگمر يم نورهم شمعه
الصفا چفه ومُنى عينه ... وهيام الأدعيةّ يسعه
كليم العرش والتوحيد ... الشرع المصطفى شرعه
سيماء النبي ومحياه ... وصفاته واضحه بـفرعه
جَلّ الخالق المعبود ... الجمال بعابده امجمعه
اعله ( صنعة ) والد الباقر .. سبحانه اعله هالصنعه
قـنـوت المعرفه هـاليـوم ... كَـبّـر وابتهـل دَمعه
فوگ الوصف والتوصيف ... ومايوصل ربع ربعه
بحميته وصايته ادخلنه ... حليف الغوث والفزعه
علمنه غرامه انعيش ... بنَجابه بـ وفه مترصعه
الآنـس نـاره هنياله ... ومن شمسه انرزق لسعه
ومن فيضه يحصل امراد ... بالطف روح متولعه
ومجلس گلبه للزهراء ... ( وناعي اعله الولد ينعه )
اسعد الله قلوبكم بولادة مولانا زين العابدين السجاد صلوات الله عليه 🤍🤍
إلـه مـنّ السـمـه نـازل ... خليفه وأول التسعه
انولد ساجد بحضن حسين ... وبيبان الهله امشرعه
أجهْ الّـيّـتحب ترانيمه ... مناجاة السمه السبعه
أجه اليبني مدائن حب ... بين السجده والركعه
أجه زيـن العِباد وهَلّ ... خاشـع والوَرَع طبعه
هَلّ لـبـيـت ابو طالب ... عظيم الحَسب والِرفعه
هَلّ ماي العِلم والدين .. مـن جنّـة ( علي ) نَبـعه
هَلّ العمّـه ابو فـاضل ... الگمر يم نورهم شمعه
الصفا چفه ومُنى عينه ... وهيام الأدعيةّ يسعه
كليم العرش والتوحيد ... الشرع المصطفى شرعه
سيماء النبي ومحياه ... وصفاته واضحه بـفرعه
جَلّ الخالق المعبود ... الجمال بعابده امجمعه
اعله ( صنعة ) والد الباقر .. سبحانه اعله هالصنعه
قـنـوت المعرفه هـاليـوم ... كَـبّـر وابتهـل دَمعه
فوگ الوصف والتوصيف ... ومايوصل ربع ربعه
بحميته وصايته ادخلنه ... حليف الغوث والفزعه
علمنه غرامه انعيش ... بنَجابه بـ وفه مترصعه
الآنـس نـاره هنياله ... ومن شمسه انرزق لسعه
ومن فيضه يحصل امراد ... بالطف روح متولعه
ومجلس گلبه للزهراء ... ( وناعي اعله الولد ينعه )
اسعد الله قلوبكم بولادة مولانا زين العابدين السجاد صلوات الله عليه 🤍🤍
گالولي دينك سجن ... گلت اعشگ القاضي
گالولي عمرك جزه ... بثوب الحزن راضي ؟
گلت الحزن يستمر ... بس العمر گاضي
يمتـاز ربـح اليحب ... بـاچـر بـ دمعاته
ومابين گال وگلت ... مو يمهم اعماقي
عالينگضي ما أهمّ ... كل همّي بالباقي
قلمي مدامع عشگ ... واخدودي اوراقي
وگلبي اعله گد طاقته ... ينعه بكتابته
هيّبني عشگه وصرت ... خَدّام لـ احبابه
وامنيتي اعيش العمر ... مشتول يم بابه
ويسحگني سحگة گطن ... واتحول اترابه
حته اسجد ابراحتي ... ومحرابي خطواته
للكلشي لجله انوجد ... اسجدله تكليفي
لـ أمر السمه اذعنت ... ماعابد بـ كيفي
من اسجد اعله الشرف ... معناها تشريفي
وبحسين لله العبد ... تصعد عباداته
لحضرةّ حبيب العرش ... أرفع مناجاتي
يسامحني عن المضن ... ويرحمني باللآتي
بقربه فرحتي سمه ... بصدّه عذاباتي
كلشي بمحبته اتصل ... چلّبت بـ اعباته
وينه العليه ارتضه ... لـ ايامي يتوسط
مـااريد أبـعـد بعد ... عـنـه وأرد اغلط
ياخذني بيده أله ... وبخاطره اتحوط
ويشدني يمه علگ ... بشباچ نظراته
وانچان عنده ظرف ... ويرد تواسيلي
يذكرني لو بالدعه ... وهالّأمر يعنيلي
حته أگصد لكربله ... بمحبوب داعيلي
ادخيله وسيع الصبر ... طالب امراضاته
گالولي عمرك جزه ... بثوب الحزن راضي ؟
گلت الحزن يستمر ... بس العمر گاضي
يمتـاز ربـح اليحب ... بـاچـر بـ دمعاته
ومابين گال وگلت ... مو يمهم اعماقي
عالينگضي ما أهمّ ... كل همّي بالباقي
قلمي مدامع عشگ ... واخدودي اوراقي
وگلبي اعله گد طاقته ... ينعه بكتابته
هيّبني عشگه وصرت ... خَدّام لـ احبابه
وامنيتي اعيش العمر ... مشتول يم بابه
ويسحگني سحگة گطن ... واتحول اترابه
حته اسجد ابراحتي ... ومحرابي خطواته
للكلشي لجله انوجد ... اسجدله تكليفي
لـ أمر السمه اذعنت ... ماعابد بـ كيفي
من اسجد اعله الشرف ... معناها تشريفي
وبحسين لله العبد ... تصعد عباداته
لحضرةّ حبيب العرش ... أرفع مناجاتي
يسامحني عن المضن ... ويرحمني باللآتي
بقربه فرحتي سمه ... بصدّه عذاباتي
كلشي بمحبته اتصل ... چلّبت بـ اعباته
وينه العليه ارتضه ... لـ ايامي يتوسط
مـااريد أبـعـد بعد ... عـنـه وأرد اغلط
ياخذني بيده أله ... وبخاطره اتحوط
ويشدني يمه علگ ... بشباچ نظراته
وانچان عنده ظرف ... ويرد تواسيلي
يذكرني لو بالدعه ... وهالّأمر يعنيلي
حته أگصد لكربله ... بمحبوب داعيلي
ادخيله وسيع الصبر ... طالب امراضاته
لمولانا أمير المؤمنين علي بن ابي طالب صلوات الله عليه
نعه جبريل العرش بـ احزانه
انطـبر قـرآن الفجر واذانه
~~~~~~~~~~~~~~~~
بسجدته الأولى علي بمحرابه
وسيف ابن ملجم يويلي صابه
صايم الوالي وفطر بـ صوابه
وثاني سجده اتيتمت بمصابه
والشريعه اعله الوصي حزنانه
انطـبر قـرآن الفجر واذانه
~~~~~~~~~~~~~~~~
مصيبه منها اهتزت اركان السمه
انفجع بيها المصطفى بحامي الحمه
امن الوجع كضت ضلعها فاطمه
وروحـها بـطبـرة علي متـألمه
ودمع الملاگه الحزن عنوانه
انطـبر قـرآن الفجر واذانه
~~~~~~~~~~~~~~~~
الشال باب الحصن ولده شالته
ردتـه لبيتـه وخضابه بـ لحيته
ولنها زينب بالعويل اتلگته
وطاحت تقبل أديه وتنخته
لا تسـافـر ياعلي و اتوانه
انطـبر قـرآن الفجر واذانه
~~~~~~~~~~~~~~~~
ادخيل جرحك ياعلي غيث الدخيل
نضيع يابو حسين من تنوي الرحيل
لا تيتـمنه وحـمل فگـدك ثگيل
يـاهـو للأيتـام والنـه من تشيل
لا تيتم عـيدنـه ورمضانه
انطـبر قـرآن الفجر واذانه
~~~~~~~~~~~~~~~~
ماصح لجرحك دوه يابا الحسن
وسره سم السيف بعروگ البَدن
ابـابـك الأيـتـام بيـديـها اللبن
اطيب ظنها ويندفع خَطّب الزمن
مادرت ناوي الرحيل احمانه
انطـبر قـرآن الفجر واذانه
~~~~~~~~~~~~~~~~
ودعـانه وغمّض اعيـونه ورحل
وذبلت بهالفاجعه ارسوم الأهل
انشال نعش المرتضى خير العمل
وطاحت الدار الأمينه امن انحمل
وراحو اولاده بـ علي دفانه
انطـبر قـرآن الفجر واذانه
~~~~~~~~~~~~~~~~
ردو امن الدفن ولده لزينبه
وجوه متعوبه وثياب امتربه
منكسر وي منكسر ينعه الربه
عيله صارت حايره ومتغربه
ابين وادم حاقده وخوّانه
انطـبر قـرآن الفجر واذانه
~~~~~~~~~~~~~~~~
سجاد الگريزي
نعه جبريل العرش بـ احزانه
انطـبر قـرآن الفجر واذانه
~~~~~~~~~~~~~~~~
بسجدته الأولى علي بمحرابه
وسيف ابن ملجم يويلي صابه
صايم الوالي وفطر بـ صوابه
وثاني سجده اتيتمت بمصابه
والشريعه اعله الوصي حزنانه
انطـبر قـرآن الفجر واذانه
~~~~~~~~~~~~~~~~
مصيبه منها اهتزت اركان السمه
انفجع بيها المصطفى بحامي الحمه
امن الوجع كضت ضلعها فاطمه
وروحـها بـطبـرة علي متـألمه
ودمع الملاگه الحزن عنوانه
انطـبر قـرآن الفجر واذانه
~~~~~~~~~~~~~~~~
الشال باب الحصن ولده شالته
ردتـه لبيتـه وخضابه بـ لحيته
ولنها زينب بالعويل اتلگته
وطاحت تقبل أديه وتنخته
لا تسـافـر ياعلي و اتوانه
انطـبر قـرآن الفجر واذانه
~~~~~~~~~~~~~~~~
ادخيل جرحك ياعلي غيث الدخيل
نضيع يابو حسين من تنوي الرحيل
لا تيتـمنه وحـمل فگـدك ثگيل
يـاهـو للأيتـام والنـه من تشيل
لا تيتم عـيدنـه ورمضانه
انطـبر قـرآن الفجر واذانه
~~~~~~~~~~~~~~~~
ماصح لجرحك دوه يابا الحسن
وسره سم السيف بعروگ البَدن
ابـابـك الأيـتـام بيـديـها اللبن
اطيب ظنها ويندفع خَطّب الزمن
مادرت ناوي الرحيل احمانه
انطـبر قـرآن الفجر واذانه
~~~~~~~~~~~~~~~~
ودعـانه وغمّض اعيـونه ورحل
وذبلت بهالفاجعه ارسوم الأهل
انشال نعش المرتضى خير العمل
وطاحت الدار الأمينه امن انحمل
وراحو اولاده بـ علي دفانه
انطـبر قـرآن الفجر واذانه
~~~~~~~~~~~~~~~~
ردو امن الدفن ولده لزينبه
وجوه متعوبه وثياب امتربه
منكسر وي منكسر ينعه الربه
عيله صارت حايره ومتغربه
ابين وادم حاقده وخوّانه
انطـبر قـرآن الفجر واذانه
~~~~~~~~~~~~~~~~
سجاد الگريزي
لمولانا مولى الموحدين أمير المؤمنين علي بن ابي طالب صلوات الله عليه
قنوت الحب قنت گلبي بمناجاته
إلىْ الّمسوسه في ذاتِ العُلى ذاته
علي تاج المعارف ... والعواطف ... من عطف جوده
علي شمس الحقيقه ... والخليقه ... لأمـره مردوده
_____________________
تِوجهت بقنوت الحب .. إلى حب فاطمه وأحمد
بحدود افكاري تسبيحي ... بذكر المايحده الحد
علي قبل القبل موجود .. صنيع الواحد الأحد
علي بعد البعد مذخور ... نجـاتـه البيه يتعبد
علي سر الجلاله وصعبه توضيحه
وذِكر أسمه عباده وأحلى تسبيحه
گبل آدم وجوده ... واعله موده ... الدنيه موجوده
علي شمس الحقيقه ... والخليقه ... لأمره مردوده
_____________________
اشتق الباري من اسمه ... علي وسبحانه مِنّ اشتق
يأول كلمة بالتـوحيد ... ولسـان ايجادك الأنطق
ظهرت وضلن اسـرارك ... مكنونه بكتاب الحق
عشت ياسيدي مظلوم ... وانتـه بكلهن الأسبق
علي بوسط الخلگ مظلومه ياروحك
يمن بس فاطمه اتضمدهن اجروحك
تصبّرها وتصـبّرك ... يلي گدرك ... عارفه احدوده
علي شمس الحقيقه ... والخليقه ... لأمره مردوده
_____________________
علي يمـدبـر الـعالـم ... المـا والاك يتنـدم
يمن مثل الهوه اعلومك ... لا تگضي ولا تنضم
علي يلحبـك اليفصل ... بين الجنه واجهنم
وبين الطاهره انسابه ... عن الـ بلّنسب مبهم
علي يمدبر افلاك السمه بإيدك
وبس الطينه فاضل ياعلي يريدك
مـريـدك ألّـ تبرّي ... والــ تَـولّـي ... مـنه مريوده
علي شمس الحقيقه ... والخليقه ... لأمره مردوده
_____________________
المؤثّـِر بالأثـر ينشاف ... وعلي ماتنحصي آثاره
لكن عالعيون حجاب ... وگلب اليبغض احجاره
نشدوني شفت حيدر ؟ ... وگلت يامحله أنواره
شفته بچلمة ( ادخيلك ) ... لخوفي وآنست ناره
دخيلك لو صحت يحضرني للعونه
وسجد خوفي شكر يم مأمن اعيونه
وزكـاة الحب دمائي ... وانتمـائي ... لمذهبه وزوده
علي شمس الحقيقه ... والخليقه ... لأمره مردوده
_____________________
نخيتك ياعلي وجيتك ... اوگفت بحاجه بااعتابك
يراد الشمس معقوله ! ... ترد سائل على بابك ؟
العفو ياسيدي وحاشاك ... روحي بحرگة امصابك
تتلـوه عـله المحجـوب ... آخر ولي باأنسابك
نخيتك تدعي ربنه تعجل اظهوره
أخيـر اولادك وكلشي بأمل نوره
علىٰ شوگ انتظاره ... واعله ثـاره ... تهتف اجنوده
علي شمس الحقيقه ... والخليقه ... لأمره مردوده
_____________________
سجاد الگريزي
قنوت الحب قنت گلبي بمناجاته
إلىْ الّمسوسه في ذاتِ العُلى ذاته
علي تاج المعارف ... والعواطف ... من عطف جوده
علي شمس الحقيقه ... والخليقه ... لأمـره مردوده
_____________________
تِوجهت بقنوت الحب .. إلى حب فاطمه وأحمد
بحدود افكاري تسبيحي ... بذكر المايحده الحد
علي قبل القبل موجود .. صنيع الواحد الأحد
علي بعد البعد مذخور ... نجـاتـه البيه يتعبد
علي سر الجلاله وصعبه توضيحه
وذِكر أسمه عباده وأحلى تسبيحه
گبل آدم وجوده ... واعله موده ... الدنيه موجوده
علي شمس الحقيقه ... والخليقه ... لأمره مردوده
_____________________
اشتق الباري من اسمه ... علي وسبحانه مِنّ اشتق
يأول كلمة بالتـوحيد ... ولسـان ايجادك الأنطق
ظهرت وضلن اسـرارك ... مكنونه بكتاب الحق
عشت ياسيدي مظلوم ... وانتـه بكلهن الأسبق
علي بوسط الخلگ مظلومه ياروحك
يمن بس فاطمه اتضمدهن اجروحك
تصبّرها وتصـبّرك ... يلي گدرك ... عارفه احدوده
علي شمس الحقيقه ... والخليقه ... لأمره مردوده
_____________________
علي يمـدبـر الـعالـم ... المـا والاك يتنـدم
يمن مثل الهوه اعلومك ... لا تگضي ولا تنضم
علي يلحبـك اليفصل ... بين الجنه واجهنم
وبين الطاهره انسابه ... عن الـ بلّنسب مبهم
علي يمدبر افلاك السمه بإيدك
وبس الطينه فاضل ياعلي يريدك
مـريـدك ألّـ تبرّي ... والــ تَـولّـي ... مـنه مريوده
علي شمس الحقيقه ... والخليقه ... لأمره مردوده
_____________________
المؤثّـِر بالأثـر ينشاف ... وعلي ماتنحصي آثاره
لكن عالعيون حجاب ... وگلب اليبغض احجاره
نشدوني شفت حيدر ؟ ... وگلت يامحله أنواره
شفته بچلمة ( ادخيلك ) ... لخوفي وآنست ناره
دخيلك لو صحت يحضرني للعونه
وسجد خوفي شكر يم مأمن اعيونه
وزكـاة الحب دمائي ... وانتمـائي ... لمذهبه وزوده
علي شمس الحقيقه ... والخليقه ... لأمره مردوده
_____________________
نخيتك ياعلي وجيتك ... اوگفت بحاجه بااعتابك
يراد الشمس معقوله ! ... ترد سائل على بابك ؟
العفو ياسيدي وحاشاك ... روحي بحرگة امصابك
تتلـوه عـله المحجـوب ... آخر ولي باأنسابك
نخيتك تدعي ربنه تعجل اظهوره
أخيـر اولادك وكلشي بأمل نوره
علىٰ شوگ انتظاره ... واعله ثـاره ... تهتف اجنوده
علي شمس الحقيقه ... والخليقه ... لأمره مردوده
_____________________
سجاد الگريزي
حِـدّ لسان حـگـك واطلع وداعي
وعوف اهل الرخاوه المالهم داعي
طب بحيل صدرك وبرهاوه وصيح
گاع اهل ابو طالب موطني وگاعي
عَـلّـي اعنان صوتك والشريعه اتريد
غياره وحچي يلصمّ صوت الاقطاعي
حـگ الحـب مواقف واجبك تنطيه
لـ( علي وآله ) بـ( نصرهم ) كونك اتراعي
گـالاهـا نبيـك والاضـداد اشـهود
اليحبونك ( علي ) شيعتي واتباعي
دگ اوتـاد دينك واطلب المسلوب
رسالتنه البقيع ، الموقف الساعي
مرات الملاسن گبل جرة السيف
يـرد احگوگ لـو طلّابهن واعي
الگبر الينهدم تفزع أله وتبنيه
مو ردةّ الفعل تصبح أله ناعي
لا تصنع عدوك ذيب وانته الشاة
صير انته بجساره الذيب والراعي
أحذر لا يصيّرك دين ابو سفيان
لـ أفكار السقيفه ناصر وداعي
البقيع متاني صوت يداعي بالمهدوم
حِـدّ لسان حـگـك واطلع وداعي
اللهم عجل لوليك الفرج
#البقيع_مطلبنا
وعوف اهل الرخاوه المالهم داعي
طب بحيل صدرك وبرهاوه وصيح
گاع اهل ابو طالب موطني وگاعي
عَـلّـي اعنان صوتك والشريعه اتريد
غياره وحچي يلصمّ صوت الاقطاعي
حـگ الحـب مواقف واجبك تنطيه
لـ( علي وآله ) بـ( نصرهم ) كونك اتراعي
گـالاهـا نبيـك والاضـداد اشـهود
اليحبونك ( علي ) شيعتي واتباعي
دگ اوتـاد دينك واطلب المسلوب
رسالتنه البقيع ، الموقف الساعي
مرات الملاسن گبل جرة السيف
يـرد احگوگ لـو طلّابهن واعي
الگبر الينهدم تفزع أله وتبنيه
مو ردةّ الفعل تصبح أله ناعي
لا تصنع عدوك ذيب وانته الشاة
صير انته بجساره الذيب والراعي
أحذر لا يصيّرك دين ابو سفيان
لـ أفكار السقيفه ناصر وداعي
البقيع متاني صوت يداعي بالمهدوم
حِـدّ لسان حـگـك واطلع وداعي
اللهم عجل لوليك الفرج
#البقيع_مطلبنا