عندي الاجوبة بس اني تعبان
اكو اسألة احتاج اني انسألها

امن اسمع ناس عاشت انقهر حيل
امن اسمع ناس ماتت افرحلها💔

انه متعود ابچي ياله ارتاح
ومن انقهر من ناسي، اضحكلها💔

من هذا السواد البيه، لتخاف!
التجارب تخلق ابنادم مثلها💔

تره ابشع خسارة من الخسارات
التنسيك الخسارات القبلها💔

وهو اصعب شعور ايمر بالانسان
من يحجي اويه عالم ساكتلها…

دنيا وعادي بيها تعاني من شي
اني المشكلة ماذيتني كلها💔

اطلع من غرفتي محمل احلام
ومترب حزن من ارجعلها 💔

بنص الماعرفهم راسي مرفوع
وتوكعني عالم ..واكفلها

اتوتر من الحبيتهم حيل
وامل من المحطة الاوصللها

انه من الناس التظم كلشي بالروح
الزعل والمرض متشوفه بشكلها

انه من الناس الماذيتهم الناس
التمدح بالبشر حتى بزعلها💔

وهيه الروح تدريجياً تموت
من ماتلگه الارواح المثلها💔

عاجبني اسولفلكم شوية هنا

دريبالكم تصيرون كتاب مفتوح للكل……صدكوني راح تلكون الكل همه مصدر تعاسة الكم. دائماً خلوا الناس المقربة منكم ميتجاوزون الثنين بالزايد…واتذكروا هايه الحجاية وحفظوها وراح احطها بين قوسين
(الانسان اليحاول يكون محبوب من قبل الكل راح يكره الكل)…لان الناس تكون لطيفة كلش وطيبة كلش بس ويه الاشخاص الميعرفوها حق المعرفة
لكن يكونون وحوش استغلالين ومرضى نفسيين
ويه الاشخاص اليعرفون اسرارهم وحياتهم….
احياناً اكو كلام ميستوعبة الشعر ولا الاغنية ولا اي كتابة فنية…..احياناً اكو كلام تحتاج تسولفه
بمالات اهلنه♥️🙏

هم خل اسولفلكم هنا شوية

تعرفون شنو اليقهر بالموضوع؟……من تحس نفسك اذيت شخص تحبه ويعنيلك الدنيا كلها..
وانته بينك وبين نفسك تدخل بصراع نفسي جبير
لدرجة تكره كلشي يتعلق بيك….شعور انك جاني ومذنب ابشع مليار مره من ان تكون ضحية…
من تحاول تكون انسان احسن وتتجاوز اغلاط بحياتك وتفشل….واهلنه كالو حجاية عظيمة
تلخص الموضوع(نام مظلوم ولا تنام ظالم)
فشكد تقهر من تكون ظالم بدون ماتقصد….

احجولي عن بشاعة الشعور
لمن يكون عندك هواي ناس وماعندك احد تحجيله عن حزنك!!…

كسرات الكلوب انواع
واصعبها..
يخرب واهسك من سالفة تحبها….

الم يشُعرك صمتي أنّي مليىء بالكلام؟