“Уа, Аллаһ тағалам! Бұл күннің берекетінен нәсібімді мол қыл; жақсылықтарыңа жету жолымды жеңілдет; жақсы амалдарыңның қабыл болуынан мені құр қалдырма”.

(Пайғамбарымыздың ﷺ дұғасы)

#Бүгінгідұға

Көзіміз камера болса ше?

Ол қанша мегапиксель болатын еді, қызық.🤔

Бақытымызға орай, бұл сұрақты қоюда біз жалғыз болған жоқпыз және бұл мәселе бойынша толыққанды зерттеу жүргізілген.

Нәтижесінде адам көзі шамамен 140 мегапиксельді құрайды деген қорытындыға келді.

Және бұл 1 көздің өлшемі екенін және ондағы «пиксельдердің» біркелкі таралмағанын ескеру керек.

Мысалы, көздің көру центрінде 1 шаршы мм-ге 200 мың түс рецепторы бар, ал шеткі жағында әлдеқайда аз.

#Махаббатпенжаратқанадамзатты

“Раббым, кедейге жәрдем беріп, көңілін табудан қашпауға һәм нәпсімнің алдында тізе бүкпеуге жететіндей маған күш-қуат бере гөр”.

#Бүгінгідұға

Күн🌞 витамині (D)

Көктемгі әлсіреу себептерінің бірі - жарықтың жетіспеушілігі.

Сондықтан, қазір ашық күн сәулесінің барлық артықшылықтарын пайдаланып, күндізгі серуенге, тіпті аз болса да уақыт табуға тырысу керек.

Сонымен қатар, D дәруменінің жеткілікті деңгейін қоспа мен тамақтану арқылы сақтау қажет. Ол майлы балықта (лосось, майшабақ, скумбрия), сиыр сүті өнімдерінде және жұмыртқаның сарысында кездеседі.

#PQ

Денсаулық жайлы ақпаратты қайдан аласың?⬆️

Маған жиі қойылатын сұрақтардың бірі. Жасыратын ештеңе жоқ))) Бұған дейін де бөліскен едім.
Бұл 1⃣

Маған денсаулық жайлы жазба астында, түрлі сұрақтар қойып жатады. Тіпті біреулер диагноз сұрап жатады😃 Сәйкесінше, жауап жазбаймын. Себебі мен дәрігер емеспін.

Менің мамандығым құрылыс саласы. Тек медицина, анатомия, жаратылыс бағыты маған қызықты тақырыптардың бірі. Сол үшін де Сағаттағы медицина менің қызығушылық деңгейімде ғана жарық көруде.

Бұл2⃣

Сағат жұмыс істеп бастағалы бері мақсаты бірнеше рет өзгерді.

Қазіргі біздің міндет - жалпыға бірдей түрлі салада пайдалы дүниелермен бөлісу. Дәл осы⬅️ мақсатпен жұмыс жасап жатқан басқа каналдардан айырмашылығы біреу ғана - біз бұл салалардың барлығын тек Алламен байлап, Онымен ғана жеңіс пен тыныштық барын білдіріп, рухани байлықпен ұштастырғымыз келеді.

Бұл3⃣

Каналда қозғалып жүрген тақырыптар⬇️

Анатомия
Салауатты өмір салты
Жеке даму
Ұлт байлығы

Каналда адам саны көбейген сайын жауапкершілік те ұлғая бермек. Сол үшін алдағы уақытта әр салада өз маманын сөйлетуге тырысамыз.

#Ұлттықкод жазарманы Ерасыл - педагог. Тақырыбына сәйкес жазарман.

Енді бізге қажеті дәрігер. Мейлі ол студент болсын.

Бізде бір ғана талап бар, ол танып білген әрбір жаңа жасушасында Құдай ізін көре білуі керек. Сонда ғана ол Жаратушы Жалғыз Иеміздің сізге деген ерекше махаббатын жеткізе алады.

Егер сізде бізге сай таныс болса, не сізде ниет болса, біздің құшақ та, ортамыз да, жекеміз де ашық🙂🙂🙂

Уақыт сағатқа қарамай тоқылдата беруге рұқсат⬇️⬇️

Бұл4⃣

4 пункттегі адам табылып жатса, каналға Қаржылық сауаттылық тақырыбын қосамыз.

Тек теория ғана емес, өмірде қолдануға қажетті инструмент ұсына аламыз.

“Аллаһ тағалам! Мен күнә-қателіктерім себепті Өзіңнен қатты ұялам. Уа, Аллаһ тағалам! Күнәларым көл-көсір. Бірақ, Сенің кешіріміңнің жанында олар бір тамшы құрлы болмайды. Аллаһ тағалам! Өзіңнің сүйікті құлыңның құрметі үшін мені азабыңнан сақтай гөр! Мені мейірімің мен кешіріміңе бөлей гөр!”

(Зәкария Ансари)

#Бүгінгідұға

Баланы қорықпайтын ер қылып өсіру үшін оның денесін һәм жанын сау, берік қылып тәрбие қылу керек. Алдымен баланы ешбір уақыт қорқытпау керек. Бөки келеді, жалмауыз кемпір келеді, пері, жын, шайтан, албасты, обыр келеді деген сықылды сөздермен баланы қорқыту қып-қызыл зиян. Мұндай сөздерді, ертегілерді, әңгімелерді естіп өскен бала өмір бойы су жүрек, қорқақ болады. Жасында қорқытып үйренбеген бала өскенде ер болады. Ер болып үйренуден адамға ер болу керек деген құр сөз пайда бермейді. Ерлікке іспен үйрету керек. Мысалы, қараңғы үйге кіруге қорқатын баланы үлкен адам өзі бірге алып кіргізіп үйретсе, бала қорықпайтын болады. Тырсыл-гүрсіл, қатты атыс, соғыстың ішінде жүрген адам қорқудың не екенін білмейді.
Жоғарыда айтылған баланы қорқыту қате деген сөзден балаға жаза қылудың дұрыс еместігі келіп шығады. Яғни баланы жазамен қорқыту еш дұрыс емес. Жазамен қорқытқанда бала нәрсені істегісі келіп істеп, болмаса істемегісі келіп істемейді емес, жазадан қорыққаннан ғана не істейді, не істемейді. Яғни бала өтірік айтуға, алдауға үйренеді. Баланы ұру, соғу ісі – адамшылыққа ұнамайтын іс. Ұрылып, соғылып тәрбие қылынған бала жанының бар жақсы мінездерінен, ақылынан, есінен айрылып, миғұла болады. Өтірікші, алдауыш болады. Су жүрек, жасқаншақ болады. Ұру баланың денесіне де көп зиян келтіреді.

Мағжан Жұмабаев "Педагогика"

@kitapuzindisi

​​Миға теріс әсер беретін 10 фактор:

Бүгінше бесеу⬇️

1. Ұйқының қанбауы

Бәріне таныс бұл құбылыс елеулі мәселеге айналып барады. БДҰ-ның мәліметінше, соңғы 100 жылда адамзат ұйықтау уақытын орташа есеппен 20%-ға азайтқан. Ұйқысыздықтың салдарынан адам сергек күйінде мидың әр жері баяу ұйқы фазасына ауыса бастайды. Бұл уақытта адам бір нүктеге «қадалып» қалады, бытыраңқы жүреді, ұсақ моторикасы бұзылады. Ұдайы ұйқысыздық ми жасушаларының өлуіне әкеп соғады.

2. Таңғы ас ішпеу

Таңғы ас ішпеу адамның еңбекке қабілеттілігі мен күні бойғы тонусына кері әсер етеді. Бұл түсінікті жайт болып көрінуі мүмкін, алайда мұнда тек ағзаға қажетті қуат алу мәселесі ғана емес, таңғы асты ішпеу қандағы қант мөлшерін азайтады. Ал бұл өз кезегінде, миға нәрлі заттардың жетуін төмендетеді және қиындатады.

3. Артық қант мөлшері

Алдыңғы тармақта мидың өнімді жұмыс істеуі үшін тәттіні, әсіресе ащы шоколадты не үшін жеу керектігі түсіндірілді. Алайда ағзада қанттың шамадан тыс көп болуы ақуыз бен нәрлі заттарды сіңіруді қиындатады. Нәтижесінде қант деңгейі төмен болған жағдай қайталанады: нәрлі заттар миға жетпей қалады.

4. Стресс

Қатты психоэмоционалдық стресс нейрондар арасындағы арақатынасты ажыратып, жағдайлардың себеп-салдар байланысын және жүйелілігін түсінуді қиындатады. Бұл жүйке жүйенің қатты қозуы мен шарасыздық сезімін тудырады. Жиналып қалған стресс есте сақтауды қиындатып, интеллектуалдық мүмкіндіктерді төмендетеді.

5. Антидепрессанттар мен ұйықтататын дәрілер

Жақсы әсер ететін дәрі-дәрмекке жаппай құмар болу мәселесі әсіресе АҚШ-та өзекті, себебі мұндай дәрілерді сатып алу оңай. Ұйықтататын дәрілер мен ксанакс сияқты танымал антидепрессанттарды ішу есті амнезияға дейін нашарлатуы мүмкін, сонымен қатар жарымес етіп, суицидтік ойларға жетелеуі мүмкін. 

#IQ

“Уа, Аллаһ тағалам! Саған жер мен көкті толтырардай шүкірліктер болсын”.

(Мисар ибн Кидам)

#Бүгінгідұға

​​Миға теріс әсер беретін 10 фактор

Жалғасы

6. Темекі шегу

Темекі шегудің ағзаға кері әсері жайлы әңгіме қозғалғанда, ең әуелі қарайған өкпе мен құрттаған тістерді елестетеміз. Дегенмен темекінің миға қалай әсер ететіні жайлы көп айтылмайды: никотин қан тамырларын тарылтады. Миға нәрлі заттарды жеткізбеу сияқты кері әсерімен қатар, бұл зиянды әдет Альцгеймер ауруына шалдығу қатерін бірнеше есеге арттырады. 

7. Күн

Адам ағзасына күн сәулесінің жетіспеуі адамның танымдық қасиеттеріне тікелей әсер етеді. Біріншіден, күн сәулесімен бірге алынатын ультракүлгін, қан айналымын реттейді, яғни оттегі мен нәрлі заттардың тасымалын. Екіншіден, күн сәулесі серотониннің – адамның көңіл күйіне әсер ететін гормонның бөлінуіне әсер етеді. 

8. Су

Ағзаға судың жетіспеуі ми көлемінің кішірейуіне әкеледі, ал бұл оның еңбекке қабілеттілігін төмендетеді және ақпаратты сақтай алу қабілетін нөлдік деңгейге дейін түсіреді. Күніне шамамен 2 литр су ішу ұсынылады. 

9. Шамадан тыс көп ақпарат

Жыл өткен сайын адам қабылдайтын ақпарат мөлшері өсіп келеді. Бұл миды жаттықтыру мен оны қалыпты деңгейде ұстап тұруға көмектесетін сияқты көрінеді. Бірақ шын мәнінде, шамадан тыс көп ақпаратқа ми қарсылықпен жауап береді. Ол ақпаратты мүлдем қабылдай алмай қалуы мүмкін, кейде тіпті көп нәрсе естен шығып кететін кездер болады. 

10. Бір мезетте көп ақпаратты қабылдау

Ақпараттық дәуірдің тағы бір дерті: адам бір мезетте бірнеше ақпаратты игеруге тырысады. Нәтижесінде, бірде біреуі лайықты түрде сіңірілмейді, ал ес осы режимге үйрене бастайды. Ақпарат атүсті қабылданады, екіншісіне ауыспай, біреуіне ғана ден қойып орындау күн өткен сайын қиындай түседі.

#IQ

“Тек Саған құлшылық етіп, жалғыз Сенен жәрдем сұраймыз”.

(Фатиха сүресі 5)

#Бүгінгідұға

Сөздік қор демекші, кім өзінің сөздік қорын арттырғысы келеді?

Сіздерге аз-маз білетін кеңестерімді айта кетейін.🌝

1. Барлық сөз бір әріптен басталатын сөйлем құрау

«Әкемнің әңгімелері әдеттегідей әсерлі»
деген сияқты.

Тек сөйлем емес, әңгіме құрап, мақала жазсаң да болады.

Ағылшын нейромаркетологтардың айтуы бойынша бұл жаттығу ми шығармашылығына 80% әсер етеді екен-мыс.
Сөйлем ұйқастыру, оны әдемі жеткізу барысында сөз таппай қиналасың, ізденесің, миға жаттығу жасап, миды қозғайсың.

Күн сайын жаңа әріппен, жаңа сөйлемдер құрап көр. Жиі жасаған сайын, сөздік қорыңа да әсер ететініні анық.

2. Қандайда бір кітаптан, әңгіме, сұхбаттан, жазбалардан, видео мен әннен естіген әдемі сөз тіркесін, ерекше сөз көрсең, жазып жүру

Ол да сөздің қорыңның молаюына әсер ететініне сенімдімін. Өз басым кітаптан, инстада посттан көріп қалсам, жазып алам. Кейін өзім мәтін жазғанда қолданамын сосын.

Тіпті сол сөздерді жазуға блокнот арнап қоюға да болады.

@oshpesiz

#Біліпжүр

Миллиондаған адам анасымен ең болмағанда бір рет кездесіп сөйлесуі үшін қолындағы барын беруге дайын😥

Сіз ше, анаңызды қалай қуантар едіңіз?

@talim_tv_telegram

Бұл кісі мен ұнатып оқитын ақындардың бірі - Серік Қалиев.

Алда өлеңдерімен жиірек бөлісетін боламын.

“Уа, Раббымыз! Халқымның және мемелекетімнің құт-берекесін арттыр!”

#Бүгінгідұға

Жұма мүбәрәк болсын!!!

Мүмкін сіз шаршап жүрсіз?
Қарыз? Ауру? Проблема? Бақытсыз секілдісіз бе?

Бәрін бір сәтке ұмытып, шын жүрекпен, сезініп бір шүкір етіңізші Аллаға!!

Неге? Себебі, сізде мына жағдай болып жатқан жоқ⬇️.

Демек, сіз бақыттысыз.

🔹Ашудың жетегінде істелген істің кейбірін қалпына келтіру мүмкін емес.

🔸Тек шариғатқа бойұсыну арқылы ғана қателіктен сақтанамыз.

🔹Қандайда бір ісің шариғат тұрғысынан айыпты болып табылса, онда ақталып (өзіңді де, өзгені де алдап) әуре болма. Себебі, Раббыңнан ﷻ жақсырақ білуші емессің.

@taammul

Лимфа түйіндері - біздің денедегі губка.

Қызметінде де, құрылымы жағынан да губкаға ұқсас.

Өйткені, лимфа түйіндерінің қызметі - организмнен тазалау қажет барлық нәрсені - бөтен бөлшектерді, микроорганизмдерді және өзінің өлі жасушаларын дене тіндерінен «сіңіру».

Олардың құрылымы да губкаға ұқсайды, өйткені ол өз бойынан лимфаны(сұйықтық) жоғарыдағы аталған заттармен қоса иммундық жасушалармен бірге өткізеді.

Тағы бір ұқсастығын келтіре кетейік. Бұл түйіндерде жад жасушалары немесе антиденелер бар. Бұл жасушалар иммундық жүйенің арнайы жасушалары, олар бұрын денеге енген бактериялар мен вирустар туралы ақпаратты сақтайды.

#Махаббатпенжаратқанадамзатты