🌙 Рамазанға 2️⃣0️⃣ күн қалды

Балиғат жасына жетпеген жас бала мен ақыл-есінен ауысқан адамға ораза тұту парыз емес. Пайғамбарымыз (оған Алланың салауаты мен сәлемі болсын) былай дейді: «Үш адамнан (амал дәптерін жазатын) қалам көтерілді: айыққанға дейін жынданған адамнан, оянғанға дейін ұйқыдағы адамнан, балиғатқа толғанға дейін баладан» [1]. Алайда балаларды құлшылыққа баулу мақсатында ораза ұстатқызу – мұстахап.

📚 Хадисте: «Біз балаларымызға ораза ұстатқызып, оларға жүннен ойыншық жасап қоятынбыз. Егер біреуі тамақ сұрап жыласа, ауызашар уақыты келгенше (ермек қылып отырсын деп) сол ойыншықты беретінбіз» [2] делінеді.

[1] Термизи, №1423. Нәсәи, №7346. Ахмад, №956.
[2] Бұхари, №1960. Муслим, №1136.

#СағындырғанРамазан

«Шамасы жетпейтін іске кіріскен адам
күлкі болады. Өзінен басқа ешбір жанды менсінбеген құрдымға кетеді. Кімде-кім адамдарға тәкаппарлық танытса түбінде қор болады. Кеңеспеген кісі өкінеді. Ғалымдармен
мәжілістес болған кісі білгір болады. Сөзі азайған кісінің есендігі арта түседі»

Ізгелер сөзінен

@Sayatedu_ld1

Абай атамыздың 1-45 ші қара сөзі. Ән орнына тыңдап жүріңіз.

Өте құнды аудио🙂, міндетті түрде сақтап алыңыз.

“Уа, Алла тағалам! Барлық бұрыс міндеттерден, жағымсыз орындардан, теріс іс-әрекеттерден, пайдасыз сөздерден һәм пасық ой-пікірлерден сақта деп Өзіңе сыйынамын әрі кешірім сұраймын”.

(Мухаммед ибн Уаси)

#бүгінгідұға

🌙 Рамазанға 1️⃣9️⃣ күн қалды

Сұрақ: Рамазан айында жолаушыға ораза тұтпауына бола ма?

Жауап: Алыс жолға шыққан (шамамен 90 шақырым) жолаушыға рамазан айында ораза тұтпауға рұқсат етіледі [1]. Алла Тағала Құранда былай дейді: «Сонда сендерден кім ауру немесе жолаушы болса, басқа күндерде өтесін» [2].

Егер жолаушы сәресін ішіп, таң атқаннан кейін жолға шықса, онда сол күннің оразасын бұзуға болмайды. Өйткені ол оразасын тұрғылықты кезінде бастап қойған. Оны өз еркімен бұза алмайды. Егер жолға шықпай жатып аузын ашса, оразаның қазасымен қоса кәффаратын өтейді. Ал сапарда аузын ашып қойған жағдайда тек оразаның қазасын өтейді [3]. Сол үшін ораза ұстауға әрекетін жасамай таң атпай жатып жолға шығу керек.

[1] «Фәтху әл-қадир», 2/356.
[2] «Бақара» сүресі, 184-аят.
[3] Абдулхамид Махмуд Туһмаз, «әл-фиқһ әл-ханафи фи сәубиһи әл-жәдид», 1/437.

#СағындырғанРамазан

Жалқаулығымыздан балалап жатқан жағымпаздық пен көреалмаушылықтан құтылғанда ғана қазақ бір-біріне дос бола алады, бірлікке бір табан жақындай түседі.

Шархан Қазығұл
📓 Оңашадағы онлайн ойлар

Қазақ бекер айтпайды: «Кедей бай болсам дейді, бай құдай болсам дейді». Қолына қарға тышқан адам байлығын еселей түссем деп жанталасады. Философияның заңы: «Қажеттілікті өтеу жаңа қажеттілікті туғызады». Бұдан кейін бəсекелестік басталады.
Мұның арты дүниеқоңыздыққа барып тіреледі. Осындай маршрут.
Ешқашан «happy end»-ке апармайтын маршрут!

Шархан Қазығұл
📓 Оңашадағы онлайн ойлар

Омар ибн Абдул Азиздің артында тұрып намаз оқыдым. Сонда "Оларды тоқтатыңдар! Олар алдымен (дүниелік істері үшін) жауапқа тартылады", – деген аятты (әс-Саффат-24) қайта-қайта оқып әрі қарай жалғастыра алмады.

Муқатил ибн Хаййан (Алла рахым етсін)

@yerzhan_bakhytzhanov

“Уа, Раббым! Жүректерімізді безендір һәм бейнемізді көркемде”.

#бүгінгідұға

🌙 Рамазанға 1️⃣8️⃣ күн қалды ☺️

Сұрақ: Жолаушы сапардан оралған күні не істеуге міндетті?

Жауап: Жолаушы өзінің тұрғылықты тұратын жеріне оралғанда немесе бір қалада 15 күн тұрақтануды ниет етсе, ораза ұстауға міндетті.

Егер жолаушы сапардан үйіне күннің жартысынан бұрын (яғни бесіннен шамамен бір немесе бір жарым сағат аралықта) қайтып, оразаға (еш нәрсе жемеген болса) ниет етсе, оразасы дұрыс болады. Ал бесіннен кейінгі уақыт аралығында келсе, онда адамдардың айыптауынан аулақ болу үшін күн батқанша еш нәрсе жемейді. Себебі айып тағылатын нәрседен аулақ болу, сақтану – уәжіп [1]. Рамазан айынан кейін сол күннің қазасын өтейді.

[1] «Әл-Ихтияр», 1/421.

#СағындырғанРамазан

“Уа, Алла тағалам! Саған жер мен көкті толтырардай шүкірліктер болсын”.

(Мисар ибн Кидам)

#бүгінгідұға

Жұма мүбәрак болсын!!

☪️ «Уа, иман келтіргендер! Мал-мүліктеріңді араларыңда арам жолмен жемеңдер. Ол табысыңыз әрбіріңіздің ризалығымен болған сауда заты болса да».

📖 «Ниса» сүресі, 29-аят.

🤲 Жұма мүбәрак болсын!

Керемет оқылған Кәһф сүресі❤️

Бүгін Жұма. Кәһф сүресін оқу сүннет амал.

Егер жан-жануарлар өлім туралы сендердің білетіндеріңді білсе, ешқашан семіз малдың етін жемес едіңдер. (Хадис)

Өмірдің фитнасы сондай, өлімнің өзін ұмыттырып жібереді ғой…

@dastan_kurmanbayev

Адам баласы тозаққа түсу үшін, тозаққа лайықты болуы қажет, өйткені Алла залым емес.

Ұстаз Бауыржан Әлиұлы (Алла рахымына алсын 🤲)

“Уа, Алла тағалам! Тура жолдан тайып кетуден немесе адасудан, біреуге зұлымдық жасап қоюдан немесе зұлымдыққа ұшырап қалудан, бір нәрсені ойланбай істеп, жаза басудан Өзіңе сыйынамын”.

(Пайғамбарымыздың (с.а.с) дұғасы)

#бүгінгідұға

🌙 Рамазанға 1️⃣6️⃣ күн қалды

Сұрақ: Ауыр жұмыс істейтін адамның ораза ұстамауына бола ма?

Жауап: Аузы берік адам (ауыр жұмыс істеу арқылы) қатты шөл мен аштыққа шалдығып, сол үшін өмірінен не есінен айырылатындай жағдайға душар болса, онда оған оразасын бұзуға рұқсат етіледі. Кейін бұл күннің қазасын ғана өтейді. Тек өзін әлсіретуге өзі себепші болып, тіпті ауыз ашуға дейін алып барса, әрі бұған ешқандай зәрулік жағдай түрткі болмаса ғана кәффаратын өтейді. Сондықтан наубайшы, егінші секілді ауыр жұмыс істейтіндер оразасын аяғына дейін ұстауға кедергі келтіретіндей тым көп жұмыс істемеу керек. Рамазан күндерінде күздізгі жұмысын қысқартуы немесе түнгі уақытқа ауыстыруы қажет.

Дегенмен рамазан айында ауыр жұмыс істеуге мәжбүр болған адамдар таң атқаннан аузын аша бермейді. Сәресін ішіп, аузын бекітеді. Мүмкін Алла оған оразасын соңына дейін тұтуға көмек берер.

🌐 Толығырақ осы сілтемеден оқи аласыз.

#СағындырғанРамазан

Деніңіз сау болса, сіз әр күні Алладан болған екі сыйды ашасыз!!!

Мен сіздің көзіңізді айтып отырмын🙂!!

Ғалымдар айтады: “Ақылдың” мағынасы — ұстау. Кім мына үш жағдайда өз-өзін ұстай алса ақылды болғаны:

1. Күнәні қалап тұрғанда;

2. Ашуланып тұрғанда;

3. Басына қайғы келгенде;

@dastan_kurmanbayev