نصائح مهمة الى طلاب الخامس المقبلين على السادس 📝

شاركها لكل طالب خامس رايح للسادس حتى تعم الفائدة 🌹

اذا جنتوا اعفاء فمبروك على انتهاء المرحلة و اذا ما جنتوا اعفاء فعادي ما ظل شي و تخلصون…

اولاً : بخصوص السادس فهو مرحلة مو صعبة مثل ما تتخيلون بالعكس الطالب الي يعرف يقره و يضبط وضعه راح يشوف مواد الخامس اصعب من مواد السادس و خصوصاً اصحاب الاعفاء راح يلاحظون هذا الشي ، صعوبة السادس تكون بكونه مرحلة مصيرية و مرحلة تأثر على نفسية الطالب ايضاً الطالب الي يكدر يتحمل الضغط هو الي راح يربح بالنهاية .

ثانياً : بهذا الشهر حاولوا ترتاحون و تضبطون وضعكم من بعض النواحي و منها :

1. بخصوص المواد الدراسية خلي مرجعك يكون الكتاب المنهجي حصراً هو الي تدرس عليه بالاساس و بعدها تختار ملزمة وزارية و ملزمة منهجية لاستاذ معين و لازم تبحث عليها من هسة حتى تعتمدها طول السنة .

2 . حاول تبدي بالمواد الحفظية مثل الادب , الاحياء , الاسلامية و خلي قرايتها يومياً على جدول انت تكتبه .

3. بخصوص المحاضرات :
- فاذا جنت مسجل بمعهد الحجي مو يمك انت مرتب وضعك .

- اذا جنت بعدك ما مسجل فحاول تسجل يم اكثر من استاذ و ابقى فقط يم الي تفتهم عليه و ديربالك تمشي وره السمعة هذا أكبر خطأ ممكن توكع بيه .

- اذا جنت تدرس يوتيوب و هذا هو الافضل برأيي الشخصي لازم تبحث و تشوف اكثر من استاذ و ايضا اعتمد على الي تفتهم عليه و يكون شارح جميع الافكار و ايضا لا تمشي على السمعة ديربالك .

- شلون تعرف انت لازم تسجل خصوصي او تقرة يوتيوب ؟ ، اليوتيوب يحتاج طالب عنده واهس و ما يحتاج متابعة من قبل استاذ ، اما الطالب الي ماعنده واهس و ما يلتزم الافضل هو المعهد .

على قناتنا رح يتم نشر اغلب الملازم الحديثة مع الوزاريات في حال صدورها , تكدر تشوف الملزمة واذا عجبتك تروح تشتريها او تقرا بيها على جهازك بكيفك .

4. بخصوص مناهج العلمي ، الالية ما معلون عليها لحد الان شلون حتكون الكتب لكن تكدر تمشي على الكتب الي رح نذكرها حاليا

الرياضيات ، الفيزياء , تعتمد منهج التطبيقي
الكيمياء تعتمد منهج الاحيائي

5. بخصوص المدرسة الالكترونية ماكو معلومات عنها حاليا لكن اذا جانت شبيهة بالانتساب فانصح بيها اذا انت جنت ما تحتاج للمدرسة .

6. بخصوص تقليص المواد ، ما رح يكون اكو أي تقليص , صح المواد رح تكون اصعب و اكثر بشوية لكن لا تخافون هذا الشي احسن حتى تنزل المعدلات و الطالب الي يبلش من هسة هو الي رح يربح بالاخير ، مو مثل اذا مادة قليلة تلكة شخص قاري المادة بفترة قليلة و جايب معدل المهم افتهمتوا الفكرة

و بالتوفيق ان شاء الله ❤️

مدير شبكة المساعد التعليمية ✍🏻
رابط القناة https://t.me/SadsHelp
للتواصل معنا @SadsHelpAdsBot

السلام عليكم بعد قليل رح انشر منشور مهم لطلاب دفعة 24 لذلك ارجو الانتباه …

السلام عليكم #منشور يخص دفعة 24
طبعًا مع بداية العام الجديد لازم نحجي بعدة امور مهمة لازم ندير بالنا عليها لان الوضع حاليًا ما يبشر بخير..

بخصوص المناهج
بعد الغاء التنوع المنهج صار مكثف اكثر من قبل (بغض النظر عن التقليص) و ما اعتقد ممكن يكمل المنهج اذا الدوام يبدي بشهر العاشر و الطالب يكعد بشهر الرابع غالبًا للمراجعة (حتى لو لغينا كل العطل المنهج ما يكمل و حتى لو كمل الطالب ما يضبط المادة).

طبعًا المنهج مع التقليص الاساتذة بالكوة يخلصوه و الطلاب بلكوة يضبطوه لعد شلون اذا المنهج اضخم من قبل و بدون تقليص؟

خل نجي ناخذ مادة او مادتين على سبيل المثال

الفيزياء 10 افصل زين انت حط نفسك بمكان المدرس و مطلوب منك خلال اشهر قليلة تخلص 10 افصل شنو رح تسوي بهل حالة؟ شي اكيد تمشي بسرعة و ما تشرح كل شي بالتفصيل و الطالب كل شي ما رح يفتهم منك.. و لعلمك اكو طلاب مضبطين وضعهم بالخصوصي بس يجي للمدرسة ينسى كل شي و ميفتهم على شرح المدرس.

ابسط شي بالخصوصي الاساتذة الكبار بادين من شهر السادس الى حد الان و بعدهم اول افصل و اكو بيهم هسة يلا كمل فصل اول (طبعا بغض النظر عن المدرس المفروض ما يتعمق كلش بالفصل و يشرح زايد و يمشي اسرع) يعني احسن الاحوال حاليا اذا مدرس الخصوصي مكمل 3 افصل خلال العطلة مثلا بالفيزياء او فصلين بالاحياء هذا كلش زين…

زين بالمدرسة شلون؟ صحيح اغلب الطلاب ما تعتمد على المدرسة بس مع ذلك حتى لو قروا المادة مع استاذهم الخصوصي او على اليوتيوب ما رح يضبطوها بشكل كامل من ناحية الافكار او من ناحية الحفظ الخ…

نجي على طلاب فترة التقليص من 2020 الى حد 2023 لو نجي نشوف وضعهم اغلبهم ما عدهم اساس من دخلوا للسادس بنوا اساسهم بي لعد دفعة 24 شنو عدهم اساس قابل؟ اغلبهم هسة رايح فاتح الاساسيات و ديقراها على يوتيوب فشلون هذا الطالب تطلب منه يضبط منهج ضخم خلال فترة قصيرة.

لو فعلا الوضع و التعليم بالعراق زين جان اساس الطالب صار احسن و هذاك الوقت عندك الحق تحطلهم 10 افصل بالفيزياء او غير مادة

هي المشكلة مو بس بالفيزياء زين و العربي 10 مواضيع قواعد هو الطلاب ايام التقليص 4 مواضيع كوة جانوا يدبروها لان الافكار حيل هواية خصوصا من تقرا وزاريات من سنة ال90 و ايضا هو طالب علمي اغلب المواضيع الي ديدرسها مثلا بالقواعد او الادب ما اتوقع رح تفيده بالكلية او بمسيرة حياته

نرجع على طلاب دفعة 23 الاحياء فصلين و نص مع ذلك اغلبهم جانوا ما مضبطيه و ما جاوبوا زين ، زين حاليا فقط الوراثة تعادل اول فصلين و نص شلون الطالب يكدر يضبطها بالمدرسة و ب اخر اشهر الا يدخل خصوصي و يدفع مبالغ

طبعا اني ما اريد اخوف الطلاب ماكو شي مستحيل بس الي اشوفه هو المفروض يصير تكييف يتراهم مع الوضع الدراسي الحالي و مستوى الطالب

هسة دفعة 23 ما جان المفروض يصير الهم تقليص يعني ماكو سبب منطقي 100‎%‎ بس التقليص صار و ضروري يصير لان الوضع التعليمي بالعراق تعبان

الحجي طويل و ما يخلص ابد لكن نتمنى من الوزارة مراعاة الطالب و ظروفه

https://t.me/SadsHelp

طبعا نسيت أذكر فقرة وهي المناهج الى حد الان و الوزارة ما ناشرتها بشكل رسمي زين الطالب اذا يريد يقرا بالعطلة شيسوي؟ يريد يضبط وضعه يريد يشوف شنو التغييرات او الاختلافات الي صارت بالمناهج ما يكدر طبعا ، المفروض من الوزارة ينشرون المناهج خلال العطلة حتى الطالب يكدر يشوف شنو الوضع..

ثانيا فقرة المعدلات هسة يجي طالب يحجي و يكول التقليص يسبب زيادة المعدلات و ممكن يسبب صعوبة الاسئلة

اولا خل نجي نتفق على شغلة عزيزي الطالب مهما جانت المناهج صعبة و ضخمة المعدلات رح تبقى عالية صح تكون اقل من هسة بس تبقى عالية اكو طلاب ما شاء الله يقرون 24 ساعة و مضبطين وضعهم بس هل كل مستويات الطلاب مثلهم؟

بخصوص صعوبة الاسئلة ابد مالها علاقة بالتقليص و حتى لو اجتي الاسئلة صعبة رح تكون المقارنة متشابهة اذا الاسئلة سهلة بس المنهج اطول يعني المحصلة نفس الشي

منهج طويل اسئلة سهلة = منهج قصير اسئلة اصعب

وعوفك من هاي شوف اسئلة الدور الاول فقط بمواد معينة صارت الصعوبة اما البقية مشت زين ما عجبك دور اول شوف الدور الثاني الاسئلة كلها نصا بدون افكار

https://t.me/SadsHelp

بالنهاية نتمنى ان شاء الله التوفيق لجميع الطلاب بجميع المراحل..

و حبيت أذكر احنا مستعدين مع بقية القنوات بالمشاركة وية الحملات الي تصب في مصلحة الطالب من خلال الهاشتاكات 🌹

اكو طلاب ممكن خافوا بسبب الرسائل ابد لا تخاف ماكو شي مستحيل هاي اولا و ثانيا ترة كل الطلاب مثل وضعك من ناحية ممكن صعوبة بسيطة و تدبر ان شاء الله في حال الوزارة ما استجابت اكو الف حل ❤️

كل شي يحتاجه الطالب خلال مسيرته الدراسية ♥️
اعداد شبكة المساعد التعليمية ✅

➖ بوت المساعد التعليمي 🤖
https://t.me/EDIRQBot
➖ دليل المدرسين 👨‍🏫
https://iraqedu.net/دليل-المدرسين/

جميع كتب و ملازم و وزاريات 2024-2025 📚

➖ المرحلة الابتدائية 🏷
الرابع الابتدائي ⭐️
https://iraqedu.net/الرابع-الابتدائي/
الخامس الابتدائي ⭐️
https://iraqedu.net/الخامس-الابتدائي/
السادس الابتدائي ⭐️
https://iraqedu.net/السادس-الابتدائي/

➖ المرحلة المتوسطة 🏷
الاول المتوسط ⭐️
https://iraqedu.net/الاول-المتوسط/
الثاني المتوسط ⭐️
https://iraqedu.net/الثاني-المتوسط/
الثالث المتوسط ⭐️
https://iraqedu.net/الثالث-المتوسط

➖ المرحلة الثانوية 🏷
الرابع العلمي ⭐️
https://iraqedu.net/الرابع-العلمي/
الخامس العلمي ⭐️
https://iraqedu.net/الخامس-العلمي/
السادس العلمي ⭐️
https://iraqedu.net/السادس-العلمي
السادس الادبي ⭐️
https://iraqedu.net/السادس-الادبي

➖ الوزاريات 📚
لتحميل وزاريات الثالث المتوسط 📚
https://iraqedu.net/وزاريات-الثالث-المتوسط/
لتحميل وزاريات السادس الاعدادي 📚
https://iraqedu.net/وزاريات-السادس-الاعدادي/

نسخ الاسئلة الوزارية مع الاجوبة النموذجية 🗃
https://iraqedu.net/نسخ-الاسئلة-الوزارية-مع-الحلول/

➖ المراجعات المركزة 📚
لتحميل مراجعات الثالث المتوسط 📚
https://iraqedu.net/المراجعات-المركزة-الثالث-المتوسط/
لتحميل مراجعات السادس الاعدادي 📚
https://iraqedu.net/المراجعات-المركزة-السادس-الاعدادي/

➖ البحث عن محتوى 🔍
https://iraqedu.net/sr
━━━━━━━━━━━━•
عبر الرابط ليصلكم كل ماهو جديد:🔗
🌐|| https://t.me/SadsHelp

وصلتنا الكثير من الاستفسارات بخصوص التقليص:-

هل التقليص نفسه للاعوام السابقة؟
ج/ ما معلوم حاليًا ننتظر التعليمات من الوزارة و على الاغلب لا.

هل المعدلات راح تصعد و بالتالي القبولات تصعد؟
ج/ اذا جان الحذف جبير ممكن تصعد بنسبة بسيطة لان خلي نخليها ببالنا حتى لو ما صار تقليص فالمعدلات راح تبقى عالية و السبب اكو نسبة جبيرة من الطلاب يقرون المواد على وقت مثلا من الخامس العلمي و يسجل خصوصي من الشهر السادس و هاي بغض النظر عن الطلاب الي عايدين او طلاب التحميل و حاليًا كل شي متوفر على اليوتيوب و القنوات من ناحية المحاضرات و الملازم فصار اسهل الوضع الطالب يجيب معدل مقارنة بالسنين السابقة.

هل الاسئلة راح تكون صعبة؟ (مثل ٢٠٢٣)
ج/ الاسئلة راح تكون على نفس المستوى بالسنين السابقة، و الصراحة السنة السابقة فقط الرياضيات جان بي صعوبة نوعًا ما بس هواية جابوا ١٠٠ لكن الطالب يكدر يجتاز هذا الشي من خلال تطوير مستواه من خلال اليوتيوب و التدرب على الوزاريات و الواجبات الوقت جدًا كافي.

و حتى لو ما حالفكم الحظ بالدور الاول فالدور الثاني تجي كلش سهلة مثل ما صار العام السابق اجتي الاسئلة ماكو اسهل منها.

و خلوها ببالكم حتى لو اجتي الاسئلة صعبة و بكل المواد فهذا الشي يعادل المواد اذا جانت بدون تقليص

يعني اسئلة صعبة = مواد بدون تقليص

و ممكن المواد بدون تقليص تجي وياها اسئلة صعبة فالتقليص شي اكثر ضمان للطالب يجيب درجة اعلى.

و تبقى هاي وجهة نظرنا بهذا الموضوع و بالتوفيق للجميع ان شاء الله

https://t.me/SadsHelp

طلابنا واخواتنا دفعة ٢٠٢٤
اخر منشور الكم ف حكول
الدفعة اللي انظلمت بالتكييف والموعد وبعض نسخ الأسئلة
وكذلك من الأساتذة اللي ما عرفوا يكملون المنهج بصورة صحيحة

تهانينا لكل شخص عُبر وبأي معدل طلع
المهم انت طلعت من مكان وراح تدخل بأماكن واُفق جديدة
والحظ الاوفر والوفير لكل الابطال المجاهدين اللي عادوا علمود يرجعون بأقوى من السنة الكئيبة هذه

أتمنى ان القناة وصلت رسالتها الكم
وقدمت الكم كل الأمور الي ساعدتكم بأجتياز هذه المرحلة المهمة من حياتكم
احنا ومثل ما تعودتوا علينا نكره سرد العنتريات والتزويق اللفظي مثل ثلة من القنوات
لكن نحب نعرف رأيكم بالقناة حتى نثبت الصحيح ونستمر عليه ونعالج الخطأ
وانا دائمًا اگول ان شغلنا وتعبنا وما يحدث خلف الكواليس قبل تنزيل أي بوست هو مجرد شيء بسيط ويد حنونة تُقدم للطالب العراقي اللي كل شيء بالحياة ضده
فنتمنى نسمع منكم عن قناتنا وما نعطي رأينا احنا لأن رأيكم اهم اكثر
@IraqEduContactBot


وأكيد وهذا شيء مو عيب ولا راح نگول الكم لا لأن شيء طبيعي، اكو منكم راح يطلع من القناة بس قبل لا تطلع احب انبهك ان مثل ما جنا وياك بالسادس راح نكون وياك بالجامعة ، من التقديم لحد بحث التخرج
لذلك لا ما راح نعوفك وسوينا قناة للجامعة تحت اشراف مختصين بالاقسام والتقديم حتى تكون متحصن ضد اي خطأ يخص قبولك الجامعة
نتشرف بيك بعائلتنا الثانية
https://t.me/IraqiUni

ملزمة كلاميات الفيزياء 💡
الجزء الاول - يشمل الفصل (١،٢،٣،٤)

للصف : السادس العلمي
عدد الصفحات : ١٩٧ صفحة

مدعمة بالوزاريات من ٢٠١٣ الى ٢٠٢٤ الدور الثالث مع الأجوبة النموذجية ✅

إعداد | الاستاذ عصام الشمري 💡

مميزات ملزمة ℹ️
https://t.me/Esam_6/5789
لشراء الملزمة ⭐️
https://t.me/almashreq22/392

https://t.me/SadsHelp

كلام مهم لطلاب 2026

الطالب يحجي مع نفسه :


أكو شي بداخلي من زمان دا يصيح…
بس الضجة كانت أعلى.
كلشي حولي دا يصير بسرعة،
أسماء تطلع، منصات تتسابق، مكتبات تتفاخر،
وكل واحد يحچي كأنه الوحيد اللي يعرف مستقبلك.

وإنت؟
إنت وسط هاي الفوضى، صرت مو متعلم…
صرت مستهلك،
والمعلومة؟
صارت مثل عرض على رفّ… مو نور تشكّل بيه عقلك.

تحچي وياك صفحة، تگلك: "هذا المدرّس هو نجاتك"،
تفتح رابط، تلاگيه محاط بـ رموز، خصومات، وإعلانات ممولة.
بس محد، أبد محد، گعد وياك وگلك:
شنو تحتاج؟ شنو يناسبك؟

ماكو أحد سأل:
تفهم من النظرة الأولى لو تحتاج واحد يصبر عليك؟
تحب أسلوب قوي لو تفضل البساطة؟
تخاف من التشدد لو ترتاح للضغط؟

الكل يبيع،
والكل يصرخ،
وإنت ضايع بين ألسن ما تعرفك… بس تعرف تبيع عليك.

ولهذا، أنا أگلك من النهاية:
غيّب صوتهم… واسمع نفسك.
مو كل أستاذ يفيدك،
ولا كل شهرة تعني جودة،
ولا كل خصم هو فرصة… يمكن فخ.

أنت مو تابع، ولا رقم،
أنت عقل… ولو وعيت، يصير اختيارك هو أقوى إعلان.

#لسان_حال_الطالب
هـيـثـم وسـام 🤍

لطلابنا التعبانين، اللي گلوبهم دا تدگ مو من حب… من قلق، من خوف، من ورقة اسمها "امتحان"…

لكل واحد گال:
"راح أبچي… ماريد… دا أموت من التفكير… لو حرب أهون!"

إي نعرف،
مو بس انتو تعبتوا، انتو استنزفتوا كل طاقتكم،
الليالي سهر، والعين ملت من الحروف،
والمخ ما عاد يتحمّل حتى صفحة جديدة.

بس تعالوا نفضفض شويّة:
تره مو عيب إذا تعبت،
ولا غلط إذا نزلت دمعة فجأة وانت تقرأ.

العيب؟
العيب إنك تتنازل، وتخلي التعب يربح وانت ما كملت بعد.

ترى انتو ماشيين بنهاية الطريق،
باقي خطوة… خطوة وحدة تفرق بين "تعبت" و"نجحت".

الليلة إذا حسّيتوها صعبة…
بس تذكّروا شگد مرّيتوا بصعوبات قبلها وتجاوزتوها.

غداً؟ مو بس امتحان…
غداً فرصة تثبت بيها إنك گدّها، وإن التعب ما راح يضيع سُدى.

شدّوا الحيل، ولو دقيقة…
يمكن هي الدقيقة اللي تغيّر مستقبلك كله.

وإذا گلت "ما أگدر"؟
نگلك: "إنت گدها وأكثر."

ونگولها من هسه:
مبروك مقدّماً، لأنكم سويتوا اللي ما ينسكت عنه… قاومتوا، وكملتوا.

🖤

نسولف للمرة الاخيرة
عن الاسلامية وامتحان باجر ؟


@IraqEduContactBot

اريدك متنسى هالكلام باچر الي ميكول
شلون تجاوب
وانمـا شلـون حـتكتـب.

خطك هو أول نظرة،
وأول نظرة تبقى…

📘 دفترك لازم يكون مريح للعين،
مرتب ، نظيف ، خالي من الشخبطة والعصبية.
اكتب وانت هادئ، حتى لو السؤال صعب…
هدوءك يوصل قبل جوابك.
وان كان الجواب بسيط ؟
ف ترتيبك يخلى اجمل

القلم مقطوط ومرتب
المساحة لا تخليها تشگ الورقة
وحاول كل شي يكون موزون…
ترتيبك يوصل انطباع أقوى من كلماتك

⏳ لا تركض ورا الوقت، امشِ وياه.
وزّع جهدك... لا تستعجل

وخلّ كل صفحة تبين شكد انت تعبت وشكد انت مرتب.

صدگني، المصحّح ما يدور بس على الحل،
يدور على الطالب اللي يحترم تعبه ويخلي يتونس بالدفتر …

خلي دفترك يحچي عنك:
"هالطالب تعبان عالأقل، وهالخط ما بيه عشوائية"
هالشي يخلي المصحح يتناسى ويعبر حتى لو عندك خطا....

━━━━━━━━━━━━•
عبر الرابط ليصلكم كل ماهو جديد:🔗
🌐|| https://t.me/SadsHelp

اللهم يا مَن وسِعَ كلَّ شيءٍ علمًا ورحمة،
يا مَن فتحتَ على عبدك سليمان، وعلّمتَ آدمَ الأسماءَ كلّها،
اللهم افتح عليَّ فتوح العارفين بحكمتك،
وانشر عليّ رحمتك، وذكّرني ما نسيتُ، يا ذا الجلال والإكرام.

اللهم ارزقني فهمَ النبيين، وحفظَ المرسلين، وصفاء ذهنِ الملائكةِ المقرّبين،
اللهم اجعل لساني عامرًا بذكرك، وقلبي بخشيتك، وسري بطاعتك،
واجعلني ممن يستمعون القول فيتّبعون أحسنه.

اللهم إني أستودعك ما قرأتُ، وما حفظتُ، وما تعلّمت،
فردّه إليّ عند حاجتي، وبارك لي فيه، إنك على كل شيء قدير.

اللهم ارزقني قوّة الحفظ، وسرعة الفهم، وثبات العقل، ونقاء النيّة،
ولا تجعل العلمَ عليّ حجّةً، بل اجعله نورًا يهدي قلبي، ويشرح صدري، ويعلو به قدري.

وأعوذ بك يا ربّ من علمٍ لا ينفع، ومن قلبٍ لا يخشع،
ومن دعاءٍ لا يُسمع، ومن نفسٍ لا تشبع،
وأعوذ بك من شرّ ما علمت، ومن شرّ ما لم أعلم.

@IraqEduContactBot

كان احدُهم كُـلما مرَ بـبـلاءٍ يقول :
مالِكٌ يتصرف في املاكهِ
حكيم لا يفعل شيئاً عبثاً ...

@IraqEduContactBot

عقلية البـطـل 🤍

لا تروح منك ولا تنسى روحك ولا تنسى تعبك
هديلي روحك
واخذ نفس
ولا تنسى غراضك بطاقتك الامتحانية اقلامك الجاف والرصاص مقطاطة والكلينس
واذا تحب اخذ مي وياك خلي يمك 🤍
استودعتكم ربي 🤍

@IraqEduContactBot