لإستقبال شهر محرم الحرام 1440 هـ


عادة الحجاج لو رادت طواف
تلبس الإحرام أبيض سامي

وانه يا مظلوم من شهرك يهل
ثوبي لسود يا حسين اِحرامي

زمزم الحجاج بيت الله الغسل
وانه غسلي بالدموع الهامي

تلبيات الحاج يا رب العباد
اوتلبياتي يالغريب الضامي

ابماتمك يحسين ليليه اطوف
زَحِفْ لو يتعب طَرَفْ اجدامي

والله يا مولاي أزحف عاليدين
اولو عياها التعب يزحف هامي

ماني مشرك (لا) لبيكَّ حُسين
بالحسين ايكون تم اِسلامي

بيك دين الله يمظلوم استقام
من قلت لجلك عفت ايتامي

والخلق طُرًا إلهي في هواك
الدنيا ما تسوى ظِفِرْ ابهامي

ما يميل افادي يا ربي السواك
لو طحت مذبوح بالطف دامي


عبدالله الفقير وخادم تراب الإمام الحسين عليه السلام
السيد موسى السلمان الأحسائي

29 ذو الحجة الحرام 1439 هـ
9 سبتمبر 2018 مـ
ونسأل من الله القبول والتوفيق ...

مِيمَكْ يا شهر عاشور موح او جمره وسط العين
حائَكْ حَزَّتْ المنحر اوحوافر داست إعله حسين

رائك رُمِحْ شال الراس وهز ركن الشرع والدين
اوميم الخاتمه مذبوح حفيد الهادي شاف البين

(محرم)



السيد موسى السلمان الأحسائي
29 ذو الحجة 1439 هـ

لِبست اِحرامي الأسود واريد اتعنى للماتم
اطوف ابكل حسينيه اوعلى المظلوم اتألم
أبچي وسچب العبره على المنه ضلع ماتم
ألطم صدري بچفوفي لين اضلوعي تتهدم


#السيد_موسى_السلمان_الأحسائي
#هلال_محرم_1440هـ

لسابع محرم وداع السيدة زينب للعباس عليهما السلام
طلب الرادود باقر المطوع

وين رايح عني يا نبضة دليلي
رد جواب اوداعة امي يا كفيلي

عندي اعتاب يخويه عندي اعتاب
فقدِ لحباب هضيمه فقدِ لحباب
ــــــــ
انتظرني يا بو فاضل ودي اتوادع معاك
خل اضمك خل اشمك خلني اتنفس هواك
تدري بِيّه مالي غيرك يالأخو مالي سواك
امن اكفلتني عودتني ما يفارقتي ضواك

خلني اتزود يخويه من جمالك
أدري ما ترجع ولا يرجع دلالك

عطره خَلِّيه اشمه ياهوا الهاب
فقدِ لحباب هضيمه فقدِ لحباب
ــــــــ
صعبه ياخويه عليَّه روحتك صوب الفرات
ادري رايح للمنيه وانه اظل للنايبات
بعدك الونه اجرها والمدامع ساكبات
يالأخو تدري ابغيابك تبقى بس الذكريات

يالكفيل ابطلعتك دلالي ذايب
يستر الله من بعد فقد الحبايب

يظلم الكون عليَّه بدري لو غاب
فقدِ لحباب هضيمه فقدِ لحباب
ــــــــ
إنته ستري اِحزام ظهري إنته صوني والخدر
لا تسافر تدري بعدك والله ما يسوى العمر
آنه خوفي من افقدك لَيَّه ما يبقى صبر
اومن بعد هاي المعزه يحدي بضعوني الزجر

چان رايح هالعلم خله معايه
لجل باچر بيه تتغطى السبايه

تدري مايبقى ابخيمنا باچر احجاب
فقدِ لحباب هضيمه فقدِ لحباب
ــــــــ
يالجبتني امن المدينه اوقلت قومي ابْذِمِّتِي
ما يمسچ ضيم يختي اوسيفي يلزم يمنتي
جيت بحماتك عزيزه اوبيك چانت سلوتي
او چفك ايظلل عليَّه وانته تحدي ابناقتي

ما يِهِزْنِي الريح بوجودك يغالي
اوباچر الشِّمَّات تنشد عن دلالي

وانه دمع العين بِيَّه يغلي سَچَّابْ
فقدِ لحباب هضيمه فقدِ لحباب
ــــــــ
امودع الله يا كفيلي روح يا ريحة علي
ساعه يا راعي الشهامه اويبقى لِمْخَيَّمْ خِلِي
عالوطيه امقطعيها عيني تنظر كل هلي
والحرم تطلع سبايه ما يظل ليها ولي

راسك اعله ارماح يتعلى وشوفه
ينصدع قلبي إذا أنظر خسوفه

أصرخ أحاه كسرني هذا لمصاب
فقدِ لحباب هضيمه فقدِ لحباب




عبدالله الفقير وخادم تراب ابي الفضل العباس عليه السلام
السيد موسى السلمان الأحسائي

تمت
2 محرم 1440 هـ
12 سبتمبر 2018 مـ
والله ولي التوفيق ...

قصيدة تحكي عن فقد الشباب ليلة التاسع من محرم ....




فارقونا ألِّمونا
چم شباب إنضم تحت حر التراب
ــــــ
ياشباب الغايب .. كم گلب أم ذايب .. ابلايا راحه
مـاتِـنـام ابليله .. والدموع اتسيله .. بالـمـناحه

سَاهِرَه الليل / دمع سيل / تِجُرْ الحسره
دمعة الشوگ / بِلِعْـيُـون / حَرَارَة جمره

تِنْدَبْ الراح فَگْدِتَه اجراح
تِنْجِرِح لـو عِطْرَه شَمَّتْ بالثياب
ــــــ
بعبرة المكسوره .. منتجيله تزوره .. تخاطب الموت
هيجيت جروحي .. ليش تارك روحي .. تنده بصوت

إبني خلِّيت / ونه اخذيت / يريت ابداله
فَگْدَةْ الشاب / ترى جروح / هضم چتَّاله

اتنوح يَمَّه آه يـَ يُـمَّـه
تجذب الحسره على فگد الشباب
ــــــ
لو شباب يغادر .. نذكر الطف عاشر .. نذكر حسين
منحني عالأكبر .. بالظَهَرْ لِـمْـكَـسَّرْ .. يجذب اونين

بالعفى ايصيح / من ايطيح / حشاشة جوفه
امنثر اوصـال / على الگاع / حبيبه ايشوفه

اتمدد إِعْلِيه راد ايحاچيه
صاح يبني الدنيا من بعدك عذاب
ــــــ
للخيم من شاله .. امجمعات اوصاله .. في بُرِدْتَه
ليلى أمه اتنادي .. يـا شبيه الهادي .. شالفعلته

تبچي وتنوح / بِـلِـجْـرُوحْ / تنادي اوليدي
أبـد ماچان / على البال / تروح امن ايدي

وسفى يبني رِحِتْ عني
جفني گَرَّحْ دمعي يجري گلبي ذاب
ــــــ
يـا حبيبي الغالي .. يـا ثـمـر دللالي .. چان حلمي
من يِشَيِّبْ راسي .. من أَلُفْظْ أنفاسي .. إنـته يمي

للگبر ريـت / تـمـنـيـت / تِشَيِّعْ نَعـشـي
تـقـرا أيـات / يـريـحـان / گبل ماتمشي

ياضيه الكون خابت اظنون
حلمي اتحول يبعد أهلي سراب
ــــــ
يالـولد ضميتك .. للهَرَمْ ربـيـتـك .. أَتِّكِي إِعْلِيكْ
لـو أَشَيِّبْ أني .. لـو زمن آذاني .. أَسْتِنِد بيـك

لاكن البين / إجى امنين / خِطَفْ أنفاسك
خابت آمال / بِـلِـتْـراب / تِـوَسَّـدْ راسـك

يالعفتني عذَّبِتْني
والدمع يبني بـعـد موتك سحاب
ــــــ




تمت بتوفيق خالقي ..

خادم خِدَّامْ الحسين عليه السلام :
السيد موسى السلمان
ابو السيد علي رضا الأحسائي

19 ذو الحجة 1438 هـ
11 سبتمبر 2017 مـ

والله ولي التوفيق ...

أذكروني بدعوة فوق منبر الحسين


طور القصيدة

https://youtu.be/SpEhTWRHZuA

وأسأل من الله القبول ...

للثامن من محرم الحرام ليلة العريس القاسم بن الحسن
طلب الرادود أنور الياسين



ليش طفيتوا الشمع .. عيني ما نشفت دمع
خاف مايرضى الحسن .. ثوب عرس ابني چفن
ليش طفيتوا الشمع
ــــــــ
آنه رمله بالمصيبه .. والقلب زايد نحيبه
والدمع يجري اويهل
انشد ابلوعه او رِزِيَّه .. يا غريب الغاضريه
أبني ميت لو عدل
قِلِّي يا روح البتوله .. ليش دمعاتك هموله
عالوجن ما تنفصل
اشصار بوليدي تِقِلِّي .. هذا روحي اوهذا عقلي
هالولد ماله مِثِلْ

الحالتك قلبي انْكِسَرْ .. منحني ليش الظَّهَرْ
اوشايل ابقلبك مِحَنْ .. ثوب عرس ابني چفن
ــــــــ
أَسْأَلْ ابونه ثچيله .. زينب الحُرَّه العقيله
اونار تسعر مهجتي
بضعة الزهره الأمينه .. جَاوِبِينِي ابني وينه
وين جاسم ضنوتي
تعرفي عندي غلاته .. امن الحسن ماخذ صفاته
هـالـولـد شَـمَّـامِـتِـي
غالي يا زينب عليه .. خايفه راح امن ايديه
اوبعده ترحل بسمتي

ردي يا ضنوة علي .. وين شَمَّامَة هلي
خايفه جار الزمن .. ثوب عرس ابني چفن
ــــــــ
بالآلم أنده يوادم .. ابني وينه يالفواطم
ليش ما اسمع جواب
اثياب عرسه جهزتها .. اوحِنِّتَه بيدي اعجنتها
قولي وينه يا رباب
قلبي متفطر يليلى .. من طلع وانه اندعي له
طَلْعَةْ اوليدي عذاب
بالله يم كلثوم ردي .. عالولد مسعوره چبدي
مو سهل فقد الشباب

ثمر قلبي مـن طلع .. يالـفـواطـم مـا رجـع
خوفي بالخيل انطحن .. ثوب عرس ابني چفن
ــــــــ
صاح ابو سكنه ابونينه .. بالله يـا رمله الحزينه
عالولد زيدي ونين
مُهْجِتَه يا رمله ذابت .. اوهَامِتَه نصين صـارت
اوعالثرى طايح طعين
دارت إعلِيه الأعادي .. بـالـرمـاح او بـالـهـنـادي
صاح بسمي ياحسين
رِحِـتْ للعركه اشيله .. شِـفْتَه مِتْمَرِّدْ دليله
امعفر اويجذب انين

جِسمه عالغبره وِقَعْ .. شفته واقليبي انصدع
الحنه من دمه انعجن .. ثوب عرس ابني چفن
ــــــــ
ضَجَّتْ النسوان كلها .. اتعزي رمله في شبلها
بالبواچي والـنحـيـب
رمله مـا يحتاج شمعه .. صبي يـا محزونه دمعه
بالدم اوليدچ خضيب
شمعة الجاسم طِفُوهَا .. اوحِنِّتَه ابدمه اعْجِنُوهَا
بالولد مالچ نصيب
صاحت ابلوعه اومناحه .. قومن انعالج جراحه
بلچن اِيعُودْ الحبيب

چـان يـنـفـع لـه الدِّوَا .. افت قلبي للضوى
عيوني من فقده انعمن .. ثوب عرس ابني چفن
ــــــــ
طبت الخيمه تشوفه .. امخضبه حمره چفوفه
ويلي من دم النَّحَرْ
خَـرَّتْ اتنادي ابألمها .. هامِتَكْ يـاهـو الهِدَمْهَا
يبني دلَّالِي انْفَطَرْ
حَضَّرِت ثوب الزَفَافَكْ .. والچِفَنْ أصبح ضِفافك
آه من غَدْرْ الدهر
سافرت يبني اوعفتني .. لـلـنـوايـب خَـلَّـفِـتْـنِـي
اوخايفه اِيطُولْ السَّفَرْ

قوم يبني ابْهِمِّتَكْ .. لا تِرِدْ امِّـيـمِـتَـكْ
قوم رجعني الوطن .. ثوب عرس ابني چفن



تمت
عبد الله الفقير وخادم تراب القاسم بن الحسن عليهما السلام
السيد موسى السلمان الأحسائي
3 محرم 1440 هـ
13 سبتمبر 2018 مـ
والله ولي التوفيق

يهدى ثواب القصيدة لأخي خادم أهل البيت المرحوم الشاب جاسم الراشد والمؤمنين والمؤمنات لروحه الفاتحة مع الصلوات

لسابع محرم نزله فزاعية شجاعية للعباس عليه السلام
طلب الرادود انور الياسين


عباس شال اعمامِته
حين زينب نادِتَه
يابس احشاي

صاح لبيچ القمر
ماي ردتي لو نهر
بـشـري بالماي

صاح عباس يزينب صاح عباس
ـــــــ
صاح ابو فاضل يزينب أمري يختي أمر
لا يهمچ يالعقيله هالحَشِدْ يم الخدر
الماي لعيونچ أجيبه إلزمي يختي الصبر
هسه اطب هاي الشريعه وانثر العسكر نَثِرْ

مهما يزداد العدد
يا علي أَصْرَخْ مدد
واقلب الكون

دام چفي عالزند
احرث العسكر ورد
خـل يسمعون

ما تِعِطْشِينْ اوخيچ سالم الراس
صاح عباس يزينب صاح عباس
ـــــــ
اعتله صهوة جواده اوخاض ذيچ المعمعه
باليمين الجيش شته وابشماله جمَّعه
عسكر ابن ازياد هَزَّه اوزلزله بِمْلَمَّعه
اولو وصل يَمَّه شمرهم بالمطهم قطَّعه

هلا ابعباس الفَحَلْ
عالمعسكر من نِزَلْ
صـار زل زال

والـعـسـاكـر بالحرب
مـا يـدلـون الدرب
شـافت اهوال

ضَيَّقْ الحومه عليهم چنه عِفْراسْ
صاح عباس يزينب صاح عباس
ـــــــ
غَضَبْ نازل عالأعادي الليث راعي المرجله
نِسَفْ بالحومه اوخسفها ضيع اعلوم المَلَه
بالحرب بركان صاير هَزَّه تجذب زِلْ زِلَه
اوصاح يجيوش آل ميه مقبرتكم كربله

آنه بن خير العمل
بيدي يا قوم الأجل
بالجـمـع صاح

آنه بـن حيدر علي
صارمي مـن يعتلي
يخطف ارواح

والوصل يم القمر بجدامه ينداس
صاح عباس يزينب صاح عباس
ـــــــ
(دَمْدَمْ) العباس بيهم تسلم اچفوفه القمر
چنه ابو الحملات حيدر عاد خيبر وانتصر
بعد مـا شتت جمعهم وِقَفْ ويدير النظر
عين لخيام الوديعه اوعين مالت عالنهر

وقف عباس ابتسم
ابحومِتَه هز العلم
اولـلـنـهـر مال

الماي خاضه ابْهِمِّته
مـا نـسـاهـا اوخيته
اوذيچ لطفال

ماشرب ماي الشريعه عالي الباس
صاح عباس يزينب صاح عباس
ـــــــ
وافي ما يخلف وعوده اوما يبدل كلمته
حُرْ ابن ليث الحرايب وعده دَينْ ابرقبته
الماي جابه للعقيله اودنق الها ابهامته
هلهلت زينب لخوها اورحبت به اوضمته

دمعة الفرحه انزلت
ابْجَيتْ اخوها هلهلت
اوقالت ابصوت

هلا ابسبع القنطره
هلا ابغيرة حيدرة
قـاهـر الموت

يم خدر اخته انحنى دنق الراس
صاح عباس يزينب صاح عباس





تمت
عبدالله الفقير وخادم تراب العباس عليه السلام
السيد موسى السلمان الأحسائي

5 محرم 1440 هـ
15 سبتمبر 2018 مـ
والله ولي التوفيق ...

لثامن محرم زفة القاسم عليه السلام طور حمزاوي
للرادود باقر المطوع


يا محلا العرس بالغاضريه
ولشموع المضيه
مِعْرِسْ لابس اثياب المنيه
ـــــــ
معرس للمعاره زَفِّتَه صارت
ما بين الأعادي
عليه بالمعركه اجيوش الكفر غارت
برماح اوهنادي
أراضي كربله مثل الرحى دارت
واتزلزل الوادي

زفه اوما مثلها
يا محلا حفلها

العروس المعركه لِبْنْ الزچيه
ـــــــ
نِزَلْ شبل الحسن للمعركه باسم
وبْـعُـودَه تـمثل
شِبْلْ المجتبى مثل القمر جاسم
ضي وَجْهَ تِهلهل
بيمينه الـرمـح وبيسرته الصارم
والعسكر تزلزل

حومتهم نسفها
زلزلها اوخسفها

ومن دم العدى أروى الوطيه
ـــــــ
زَأَرْ مثل الأسد ضَيَّقْ مناسمها
وِحْتارت الأرجاس
هـذا المرتضى النَكَّس عَمايمها
لـو بالحرب عباس
من هاشم برز للعركه قاسمها
بيده الدرع والطاس

ابصولاته العجيبه
چن ليث الحريبه

نِزَلْ بالمعركة حامي الحميه
ـــــــ
بس ساعه اوعليه دارت كتايبها
بالغَدْرْ او مَكِرْها
نِزَلْ أمر القضا اوحلت مصايبها
واتـحـيـر بدرها
اشـقـاهـا انبعث حـقـق مطالبها
والهـامـه طبرها

موته من تِدَنَّه
مـن دمه تِحَنَّه

جاسم واصبحت زَفْتَه عزيه
ـــــــ
خَرْ إعله الثرى بدمومه امحنه
ريحانة المسموم
يـا عـمـي نِـدَهْ وازاددت الونَّه
إدركـني يمظلوم
تعناله الغريب اونادى بالمحنه
والدمعه وِلِهْموم

ياجاسم زماني
حيرني اورماني

اوزفافك للخيم يصعب عليَّه
ـــــــ
شـالـه بالآلم وادمـوعـه سچابه
تِـوجـه للصواوين
صاح إعله العقيله ناره لهَّابَه
جاسم صَوِّبَه البين
زفه بالخيم بين اهله واحبابه
حاطتبه النساوين

صاحت ياوسافه
مـذبـوح ابزفافه

واسيوف العدى ابدمه رويه



عبدالله الفقير وخادم تراب القاسم بن الحسن عليهما السلام
السيد موسى السلمان الأحسائي
#زفة_القاسم
تمت
7 محرم 1440 هـ
17 سبتمبر 2018 مـ
والله ولي التوفيق

لتاسع محرم وداع الإمام الحسين لعلي الأكبر عليهما السلام ومقتطفات من شهادته
طلب الرادود علي العامر


صعبه توديع الحبايب للمنيه
اشحال ابو السجاد برض الغاضريه

لـمَّـن .. لــكــبــر .. راد ايــــــروح
ضمه .. الصدره .. ابدمعه اونوح
ــــــــ
اشحال ابو الأكبر يشيعه من إجه الأكبر علي
يطلب الرخصه اويقِلَّه بالله بويه اِرخِص إلي
رايد العركه أطبها أفدي دمي يالولي
إرخصني يا بويه يِقِلَّه والدمع بالخد هِلِي

ضمه ودموعه تهل هل السحابه
قَلَّه مثلك مو سهل من دم خضابه

خايف .. يـبـنـي .. مِـنِـي اتـروح
ضمه .. الصدره .. ابدمعه اونوح
ــــــــ
صاح ابو السجاد يبني يا شِبْه جدي الرسول
طَلْعِتَكْ تصعب عليَّه خايف افراقك يِطُولْ
اوخايف اتغوص الهنادي ابْجُثِّتك ويه النصول
والأعادي ما تِرُحْمَكْ وصَدْرَكْ اتدوسه الْخِيُولْ

اموذر امقطع وِصَلْ لمن أَشوفك
يبني قلبي ينشلع وشلون أعوفك

جسمك .. مرمي .. مملي اجروح
ضمه .. الصـدره .. ابدمعه اونوح
ــــــــ
ضمه وادموعه تجارت عالوجن مثل السَحَابْ
خـروا إعله القاع ويلي من عظم ذاك المصاب
صـاح ابو السجاد يبني اوداعك ابقلبي عذاب
واحْتَضَرْ ساعة وِداعه صعبه توديع الشباب

غالي يوليدي الولد وشلون اَسَلْمَكْ
للمنيه اوللحرب بيدي أَقَدْمَكْ

جفنه .. إعله ابنه .. ظـل مقروح
ضمه .. الصدره .. ابدمعه اونوح
ــــــــ
اشحالة المظلوم لمن للحرب شِبْلَه طلع
ما ابالغ من اقولن قلبه من صدره إِنْشِلَعْ
ذَوَّبْ افاده عزيزه للخيم لمن رِجَعْ
بالعطش ذايب دليله اوجسمه بسهام إنزرع

اينادي يابويه العطش فتت دليلي
بالله شَربَةْ ماي وتبرد غليلي

طَلْبَه .. شَـرْبَـه .. قـلـبـي ايفوح
ضمه .. الصدره .. ابدمعه اونوح
ــــــــ
صـاح والونه يجرها امنين اجيبن لك فرات
يبني ياروحي اوحياتي وانه مِشْرِفْ عالممات
روحه بِلْغَتْ للتراقي حين شاف المُعْصِرَاتْ
قَبَّلَه اوشمه ابوريده بالشفاه الذابلات

وَدَّعْ اوليده اودمع عينه يسيله
قَلَّه روح الهادي ينتظرك تجي له

ابچفه .. هَـمَّـكْ .. يـبـنـي ايزوح
ضمه .. الصدره .. ابدمعه اونوح
ــــــــ
الأكبر الحومه نِزَلْهَا اومن نزل ضاق الفَضَى
ابعين ابو اليِمَّه يَوَسْفَه حسين روح المرتَضَى
ايعاين اوليده اوحبيبه بين عدوانه مَضَى
اوبالقلب تسعر يويلي نار من جَمْرْ الغَضَى

حين شافه منفرد بين الأعادي
نادى الله اوياك يانبضة فؤادي

چَـنَّـكْ .. يـبـنـي .. بَـدْرْ ايــلـوح
ضمه .. الصدره .. ابدمعه اونوح
ــــــــ
اتكاثرت حوله الأعادي اوغاب مصباح الصبح
هذا بالخنجر يِطِعْنَه اوذاك بسنان الرمح
زادت اجراحات جسمه الجرح فوق الجرح
صاح بحسين الشفيه إدركني من قبل الذبح

اعتناله اونادى عالدنيا العفى
من عقب عمرك يَشِبْهْ المصطفى

رادت .. تـطــلـع .. مـنـه الــروح
ضمه .. الصدره .. ابدمعه اونوح


تمت
عبدالله الفقير وخادم تراب علي الأكبر عليه السلام
السيد موسى السلمان الأحسائي

8 محرم 1440 هـ
18 سبتمبر 2018 هـ
ونسأل من الله القبول ..

تهيئة عزاء

عليمن تحلى صرخات المحبين
لو ناعي نعى اوهز الأراضين

الصرخه اودمعة العين
بس تحلى على حسين


#السيد_موسى_السلمان_الأحسائي

مجاريد .. نزله .. فزاعي
مصاب سيد الشهداء عليه السلام وجزء من مصرعه
طور ( *يازينب وين سويتي عزا حسين* )
طلب أحد الخدام ولكن لم اتذكره من


*يـا زينب طـاح عِزِّچْ يـا حزينه*

ابـسِـهامْ البين جسمه امَطَرِّزِينَه
عـلـيـه القوم دارت بالضغينه
ابـسِيُـوف إعداه ويلي امثخِنينه
وقَفْ يـرتـاح ريـحـانة نبينه
الـحـجـر يـاحيف طَرْ غُرَّةْ جبينه
وسَـفْ مـن سـال دمـه يالحنينه
قـمـيـصـه شال يا زينب ولينه
لَجِلْ لـيـسـيـل هالدم فوق عينه
يِـمِـسْـحَـه راد يا بنت الأمينه
لمع بـالـنـور صدره اوراصدينه
الأعادي هاي فـرصـتـهـم ثمينه
ابسهم مسموم قـلـبـه امصوِبينه
مـن امـحـيـاه ريـتـچ تنظرينه
يِـشِـلْـعَـه راد واتـزايـد ونـيـنـه
الـسـهـم أَحَّـاهْ من ظهره ابيمينه
تِقَطَّعْ حـيـف مـن سَـلَّـه وتينه
وقـع عـالـقـاع ريـتـچ تِعْدِلينه
*يـا زينب طـاح عِزِّچْ يـا حزينه*



عبد الله الفقير وخادم تراب الإمام الحسين عليه السلام
السيد موسى السلمان الأحسائي


فجر اليوم العاشر من محرم 1440 هـ
20 سبتمبر 2018 مـ

والله ولي التوفيق ....

كأني بمولاتي زينب في مثل هذه الليلة وفي مثل هذا الوقت من الليل وهي تحرس الخيمة تقول ...

الليل مُظْلِمْ والفله مـوحـش عليَّه
واخواني الشجعان كلهم عالوطيه
ماهي بعيده كربله عنك يبو حسين
شالعوقك ماجيت يا حامي الحميه

(كأني بمولاي أمير المؤمنين يرد الجواب ويقول)

بسچ يزينب لا تجري وَنَّةْ الويل
موجود يمچ من عليكم عَجَّتْ الخيل
ابعيني اباريكم وَضَوِّي ظَلْمَةْ الليل
وْمَقْدَرْ أرد الخيل عنكم يا زچيه


عبدالله الفقير وخادم تراب العقيلة
السيد موسى السلمان الأحسائي
منتصف ليلة الحادي عشر من الحرم 1440 هـ

في مثل هذا الوقت مولاتي زينب عليها السلام تنتظر صلاة الفجر وما إن حان وقت الصلاة وصار وقت الفجر إلا وقد جائوا الأعداء بالنياق الهزل والسلاسل والحبال ومذ رأتهم مولاتنا زينب كأني بها تقول وهي تحشم العباس


ما تنهض يبـو الكلفات هاي النوق جابوها
اوخواتك لليسر يردون هالعدوان يسبوها
ولو وحده تصيح اعليك ياعباس ضربوها

يطيب الذات والسيره
ما تـنـهـض يبو الغيره
خواتك صارن ابحيره
ما ظن غيرتك ترضى نرافق بالدرب عدوان


عبدالله الفقير وخادم خادم تراب الحوراء زينب عليها السلام
السيد موسى السلمان الأحسائي
فجر يوم الحادي عشر من محرم 1440 هـ

كأني بمولاتي زينب الكبرى عليها السلام في مثل هذه الأيام في الكوفة وقد سألها بن مرجانة عليه اللعنة شامتا قائل

(زينب كيف رأيتِ صُنْعْ الله بأخيك)

كأني بها قالت ...

شفت كل شي جميل اوفوضت لله
أَمْرِي اوقدمت قربان جثمانه

اوصحت يارب يقادر يا أعز معبود
مثلي مـن فقد بالغربه خوانه

واذا كان الذبح لخواني يرضيك
فَخُذْ حتى الرضى مرضاك منوانا

يبن ازياد ظنك من ذبحت حسين
ضامي عالشريعه إنهدمت اركانه ..؟

تراني حسين ثاني ابْهِمَّةْ الكرار
ومن أحچي تراني أحچي بلسانه

طغيانك أبيده اويبقى ذكر حسين
ما تمحيه جهودك يبن مرجانه

يزيدك باچر ابشاماته انفه الْوِيه
شنو يعني يزيد او شنهو طغيانه

تراني بت علي الزلزل حصن خيبر
وأباد ابسيفه ذو الفقار فرسانه

مثل ما شال حيدر بيده ذاك الباب
قصرك والحسين أقلعها بيبانه

ظَنَّكْ من تسايل كَيفَهَ صُنْعْ اللهْ
رَأَيتِي بالحسين ادموعي تتفانى




عبدالله الفقير وخادم تراب العقيلة زينب عليها السلام
السيد موسى السلمان الأحسائي
13 محرم الحرام 1440 هـ
22 سبتمبر 2018 مـ

شور على طور *يخيمات* القصيدة التي القاها الرادود عمار الكناني لشهادة الإمام السجاد عليه السلام


يسجاد .. جسمك بالمرض ناحل يسجاد
ابعنقك جامِعَه وابچـفكْ اقياد
سيدهم عجب عالناقه تنقاد
ــــــــــــ
يالراكب اظهور الهزل وامربط ابسلاسل
فوق الوجن دمع الحزن مثل المطر يهاطل
ابدرب السبي رغم المرض وابذمتك ارامل
راس الولي عن يمنتك وابيسرتك بو فاضل

يضربوك .. كـلـمـا تدمع اعيونك يضربوك
عـلـيـل ابدال ما هُمَّا يراعوك
ابشماته وابحقد والغل يشتموك
ــــــــــــ
يالعاينت كـل الأهل فوق الترب ضحايه
يـسـالـك ادروب الـسـبـي يشايف الرزايه
شِفْتْ الهضم عِشْتْ الآلم واحْكَايِتَكْ حكايه
ابْرِجْلَكْ حبل بِيدَكْ حبل وامكفَّل ابسبايه

من الناس .. شِفْتْ الضيم والذِّلَّه من الناس
عـمـاتـك سـبـايـه ابغير حراس
خواتك تنضرب بسياط عالراس
ــــــــــــ
يَـالْـرِقْـبِـتَـكْ بالجَامِعَه تنزف دِمَه دَمِعْهَا
لَمَّنْ مسامير الـحـقـد تِطْعَنْ على نِطِعْهَا
أرد اَنْشِدَكْ يا سيدي شالتِذْكِرَه ابوجعها
تِذْكِرْ ونين أم الحسن حين انكسر ضلعها

يمسمار .. مـنـهـم يوجعك أكثر يمسمار
ذاك البصدر مـن هجموا الدار
لو ذاك الـتـرك بِـالْـرِّقْـبَـه أثار
ــــــــــــ
يالَ العجب صَبْرَكْ صَبرْ حيدر علي ابحياته
ما تِحْمِلَه أَرْضْ اوسِمَه حق النبي اوصفاته
من مثلك ابدار الغُرُبْ عاين هضم خواته
وعمَّاته بين أهل الغدر شِبْعَتْ وِسَفْ شَمَاتَه

يعمات .. صاح ابـدمـعـة اعـيـونـه يعمات
شاء الله يـشـوفـنـكـن سَبِيَّات
صِـبْـرَنْ عَـالْـتِـشُـوفَـنَّـه يَلِخْواتْ
ــــــــــــ
لمصابك اَبْچِي سيـدي يالماحصل مثيله
ضيم اوقهر عِلَّه اوثَكِلْ والسلسله الثقيله
يالمدمعك مثل الجمر فوق الوجن تِسِيلَه
لـمـن تـمـر بالذاكرة قـصـة سبي العقيله

مع اجناب .. صعبه من مشت زينب مع اجناب
تصـيح ابْوَنِّتَكْ وابقلبك اعتاب
يا أهـل الـشـيـم فِزْعُو يلحباب
ــــــــــــ
هَزَّتْ عروش أهل الظِلِمْ يبن النبي صفاتك
يالناقِتَكْ سَجَّادِتَكْ يَالْمِنْبَرَكْ عَصَاتَكْ
موسى الكليم ابْهِيبِتَكْ والمُعْجِزَه حَياتَكْ
رُغْمْ الحبل والسلسله مـا فَوَّتِتْ صلاتك

على اجمال .. صلاتك ياعلي صارت على اجمال
تـوضـيـت ابـدمـع زينب والعيال
هَـزِّيـت الـكـفـر وابـچـفَّك احبال




عبدالله الفقير وخادم تراب الإمام السجاد عليه السلام
السيد موسى السلمان الأحسائي

محرم 1440 هـ
سبتمبر 2018 هـ


طور القصيدة في الرابط التالي
https://youtu.be/Jm6TOEZ83eQ

ونسأل من الله القبول والتوفيق والسداد...

القصيدة السابقة تعديل في المسمى فقط

ماعشقت حسين من أجل الرغيف
وما خدمته من أجل صينيه

أحضر الماتم لجل أنصب عزاه
اوقـلـبـي سَـوِّيـتَـه إِلَه حْسِينِيَّه


#السيد_موسى_السلمان_الأحسائي
محرم 1440 هـ

الزهراء تنعى على جسد ابنها السجاد عليهما السلام

علي السجاد يبني يا ضيه العين
أنه أمك الزهره أجذب اونين
يـمـك حاضره من جالك البين

جيت أرد اتفگد احوالَكْ
يـبـنـي وأَتْـذَكَّـرْ أَحْبالَكْ
وأنشد يا جرح الأذى لَكْ

دخول الشام أَشَدْ لو ذبحة حسين


#السيد_موسى_السلمان_الأحسائي
محرم 1440 هـ

قصيدة مشتاقه العيون لشهادة مولاتي السيدة رقية

مشتاگه لعيون تِـنْـظُـرْ جمالك
يـا آَيَة احساس غـايـب دلالك

بويا مشتاگه الحنانك حن عَلَيَّه
بويا مشتاگه الحنانك حن عَلَيَّه
ــــــ
بـويـا من صُغْرِي ابحنانك دَلَّلِتْنِي
ابْقُبْلَه كل صُبْحْ اومسيه عودتني
غِـيـبِـتَـكْ طــالـت عَلَيَّه خَوَّفِتْنِي
ابيا أَرِضْ گِلِّي وَگِصْدَكْ يالعفتني

لـو أدري في ويـن آنه اعتنيلك
أَگْطَعْ مسافات وبشوگ اجيلك

كافي بس هجران ياروح الزچيه
بـويـا مشتاگه الحنانك حن عَلَيَّه
ــــــ
أسـآلـك تـدري يـبـويـا ربـطـونـي
بالسلاسل وانه طفله مـا رعـونـي
لو صِحِتْ بِسْمَكْ يعزنا يضربوني
بِالضَّرُبْ يـابـا الـحـمـيـه عوروني

لو رايد اِتْعُودْ إجلب لي بلسم
تِدْرِي بِلِسْياطْ مـتـنـي تـوسـم

عذبوني وانـسـبـونـي خـارجـيـه
بـويـا مشتاگه الحنانك حن عَلَيَّه
ــــــ
ياخليلي تدري بيها الغربه صعبه
رِدْ عَلَيَّه يـا حـبـيـب الزهره طُلْبَه
ماني متعوده على افراگ الأحبه
اليحب ما يشـغـل المحبوبه گلبه

يا أغلى لحباب بُـعْـدَكْ سِبَانِي
ترضاها ظِلَّامْ وسـفـى ولوني

يا أعز إنسان تـدري اشصار بِيَّه
بويا مشتاگه الحنانك حن عَلَيَّه
ــــــ
ياحـبـيبـي هاي چانت مستحيله
أنصطر بچفوف أصحاب الرذيله
أشتكي لـك منهو غيرك أشتكيله
طفـله أنـه مَحْتِمِلْ چـف الثچيله

أَنْـشِـدْ بِـلالام تِـقْـبَـلْ يـغـيـره
توليني أرجاس مِثْلْ الأسيره

وَنْحَبْ ابلوعات ياراعي الحميه
بويا مشتاگه الحنانك حن عَلَيَّه
ــــــ
(آه) عـلـيـها حين طَبَّتْ بالخرابه
امـن التعب غَفَّتْ يويلي عالترابه
حِلْمَتْ اوشافت ابوها بكل مهابه
رادت اتضمه اوتگله اهـلـيـن بابه

لاكن يَخَلَّافْ مـاتـم حـلـمـهـا
فَزَّتْ تِنَادِيه اوتـشـهـگ بَلَمْهَا

لا تـخـليـنـي وحـيـده ياشـفـيـه
بويا مشتاگه الحنانك حن عَلَيَّه
ــــــ
الحوره سِمْعَتْ لليتيمه عالي ونها
چالحمامه تـرتـعـد تجذب شجنها
شالت المحزونه ضمتها ابحضنها
رادت اتـســلــيــهــا وِتْهَوِّنْ حِزِنْها

گـالـت بِلَسْفَارْ عودِچْ يـعـمـه
گـلـبـي بِلوجاع نوحـچ يِأَلْمَه

نامي لا يرتاع گـلـبـچ يـا رقـيـه
بويا مشتاگه الحنانك حن عَلَيَّه
ــــــ
صاحت ابـضلع البتوله وابعصرها
والله يَمِّي كان ابويه حق صدرها
مارعوا سـنـهـا ولا رحموا صغرها
الأعـادي حـطـوا الراس ابحجرها

مگطوعه لوداج والدم خضابه
احتضنت الـراس بنت النجابه

ماتت ابساعتها من عُظْمْ الرزيه
بويا مشتاگه الحنانك حن عَلَيَّه
ــــــ
چني بيها اتگول مـاگـصَّـر زِماني
أحمد الله موتـي مـا طـوَّل لِفاني
ابعـالـم الأرواح حـقـقـت الأماني
شفت ابويه اهناك ياعالم خذاني

ضميته بالشوگ وابكل حنيني
قَـبَّـلْـتَـه بِالإيد قَـبَّـلْ جـبـيـنـي

قُـبْـلِـتَـه نَـسَّـتْـنِـي آلام الـمـنـيـه
بويا مشتاگه الحنانك حن عَلَيَّه


تمت بحمد خالقي ...
خادم السيدة رقية عليها السلام
السيد موسى السلمان الأحسائي

28 محرم 1439 هـ 19 اكتوبر 2017 مـ
والله ولي التوفيق..

ملاحظة : المقطع الخامس الشطر الآول الهاء صامته والقصيدة للعام الماضي

نخوة شور للسيدة رقية عليها السلام

عـلـى بـابـچ يــا رقـيـة
ــــــ
يـا مـن اِتْشِبْهِي البتوله
جـيـنـه بالدمعه الهموله
على بـاب الله اورسوله
نـطـلـب امـراد اوعطيَّه
ـــــــ
بـالـدعـا نـرفـع ايدينه
وانْـتِـوَسَّـلْ بـالـحـزيـنـه
حـنـي يـا حـره علينه
مسحي بـچفوف الآبيَّه
ـــــــ
مـدي اچـفـوف الكرامه
اوسوي يـا بنت الإمامه
مـعـجـزه اوبيها سلامه
ابحق غريب الغاضريه
ــــــــ
ابكعبة الـبـاري اوكتابه
نـخـوه يا بـنـت النجابه
يـاللـي مـاتـت بالخرابه
مـن أثـر ضرب آل أميه
ــــــــ
مـثـل أبو الأكـبـر كريمه
يــا رقـيـه يـا عـظـيـمـه
رحمه مخلوقه ورحيمه
يـا مـن اچفوفچ سخيه



عبدالله الفقير خادم السيدة رقية عليها السلام
السيد موسى السلمان الأحسائي

صفر 1440 هـ
أكتوبر 2018 مـ