"تعالي غيمةٍ تبكي أسفها في يدين العشب
تعالي ينتصر شاعر حزين و ينفض همومه !"

ثلاث شهور وأنا أفضّل العزلة عن الجلاس
‏ما غير أمشي على طاريك وأسولف على ظلّي

يا الله ..
يا جايدٍ على كل من جاد عجّل بما ننوي ولا نستطيعه

"أنا اللي حيلته صمته على شرفة هوى ما طاب
‏و أنا اللي شوفني واقف .. رغم همي على حيلي"

ما نشدت الليل لا أرخى منكبه وش أنت جايب
‏أنشد الله عالم أسرار الفلك .. يجبر صوابي

‏لا دفعنيّ طاري الذكرى على ذكرى الحبايب
‏ليت لي حلم الرسول وليت لي صبر الصحابي

‏عسى الله يلعن الشيطان كان القلب ما قهوّاك
‏ تركت الدلة وصبيت لك .. حملي من كتوفي

‏"على مهل القلوب اللي تدامى والدروب طوال
‏وأنا ما لي سوى قلبٍ يخاف ويحشم ضلوعي

‏حبيبي يا مدى العمر الرحيب و مغريات البال
‏تركتك قبل ما ينقص غلاك .. و تكثر دموعي"

"تموت الأمنيات ويجبر الله الخاطر المكسور
‏مثل ما مت في ليلة فراقه .. والله أحياني"

يخيب الظن في قلبٍ هقيت إنه على ظني
‏ويصيب الظن في قلبٍ حسبته يخلف الهقوة

"فجر حايل لا ظهر
‏شمع وعقود مرايا
‏روض من جمرٍ حَمَر
‏ورد في كفوف الصبايا
‏كن نوره في السَّحَر
‏سلَّة سيوف الطَّنايا
‏الهوى لجبال حايل
‏والوله فاق الخيال"

‏"أشوفك في منامي حلم جابك لـ الحزين إنصاف
‏و أشوفك بـ السماء بين الغيوم و لمعة النجمه"

تركني ضايع بدونه ولا أدري حتى أنا ويني ؟
أحاول أسلى بـ غيابه و أدور لـ الغياب أعذار

رجعت أسأل عن أخباره و تاهت بي عناويني
رجعت أداري جروحي و قلبٍ ما عرف .. يختار

أنا الليله يا غايب فوق صدري هم مدري شوق
‏من البارح و أنا أحس بـ ملل والقلب في حيره
‏
بغيت النوم .. قال النوم لا والله علي مرفوق
‏ما ترقد إلين يأتي الصبح .. و تغرد عصافيره

يا شوارع هالمدينة .. شفتي وش سوّا المطر ؟
‏- رجع الضحكة القديمة غايبه من كم شهر ..

"يا رب ما لي ملجأ من صكة الدنيا سواك
‏لو شانت وضاقت عليّ أضيق من عيون الإبر"

و إذا أشرق صبحٍ ما جاد بـ هواك ولا تسامى فيك
‏ بعيش العمر في رجوى الصباح .. اللي يطرّونه