زرمبش براہوئی | 🎙ZBC
97 subscribers
3.61K photos
25 videos
1 file
6.39K links
‌‏“زرمبش براڈکاسٹنگ کارپوریشن” بی این ایم نا حوالکاری ادارہ ءِ ہرا بلوچستان تون اوار تیبہ جہان نا حوال تِہ نُمے اسکان جتا زبان تیٹ سر کیک
Download Telegram
مند آن فوج ورنا ئسے زوراکی ئٹ بیگواہ کرینے

چار شمبے، 11 نومبر 2026 زرمبش براہوئی

تمپ ئنا ہند مند ئٹی استو پاکستانی لشکر چھاپہ خلیسا وسیم بلوچ ءِ دزگیر کرسا بیگواہ کرینے۔

حوال تا رد یار وسیم بلوچ ولد حاجی اسحاق مند ئنا ہند سورو، کھنک نا ہندی ئسے کہ ہرادے استو دوازدہ بجہ اُراغان دزگیر کرسا بیگواہ کرینو۔
https://brahui.zrumbesh.com/11719/
کچھی ٹی زوراک آ پاکستانی لشکر و پولیس نا اوارو چوکی ئسے آ جلہو نا ذمہ واری ءِ بی آر جی ارفک

چار شمبے، 11 نومبر 2026 زرمبش براہوئی

بلوچ ریپبلکن گارڈز نا ترجمان دوستین بلوچ تینا شنگ کروکو بیان ئسیٹی پارے کہ درو بیگہ نا بی آر جی نا یونٹ آمر ائیروگارڈینز نا سرمچارک کچھی نا ہند بولان ئٹی مغربی بائی پاس آ فوج و پولیس نا اوارو چوکی سے آ ڈرون جلہو کرینو۔ آمر ائیروگارڈینز نا سرمچارک دشمن نا کارندہ تے ہمو وخت جلہو ئٹی ٹک کریر ہرا وخت او کسر آ ساڑی اسُر۔ جلہو ئٹی پاکستانی لشکر ئنا کیہی کارندہ ٹپی مسونے۔

دوستین بلوچ دا جلہو نا ذمہ واری ہرفسا پارے کہ ننا دُن انگا کاروائیک بلوچستان نا آجوئی اسکان برجاء مرور۔
https://brahui.zrumbesh.com/11725/
پروم و نال آن مُسہ ایلم تون اوار کیہی بندغ آک زوراکی ئٹ بیگواہ کننگانو

چار شمبے، 11 نومبر 2026 زرمبش براہوئی

پنجگور نا ہند پروم و خضدار نا ہند نال آن پاکستانی لشکر مُسہ ایلم تون اوار کیہی بندغ آتے زوراکی ئٹ بیگواہ کرینو۔

حوال تا رد ئٹ 03 نومبر 2026 آ پاکستانی لشکر پروم آن مُسہ ایلم جلیل احمد، امر اللہ و نصیر احمد ولد نور اللہ ءِ تینا کیمپ آ خواہیسہ بیگواہ کرینے۔

بیگواہ کننگوک آ ایلم تا بابت ئٹ پاننگ ءُ کہ اوفتے پین ایلم ئس جاسم ولد نور اللہءِ نُہہ سال مُست پاکستانی لشکر دزگیر کرسا بیگواہ کرینے۔ دا وخت چھار ایلم پاکستانی لشکر نا زندان تیٹی بندءُ۔

ایلو نیمہ غا درو پاکستانی لشکر نال ئنا جتا جتا ہند آتا چھاپہ خلیسا کیہی بندغ آتے زوراکی ئٹ بیگواہ کرینے۔

بیگواہ کننگوک آ بندغ آتیٹی منٹ نا چاہنداری نصیر احمد، فاروق، سمیر احمد، گلشن، سالم، سلیم و نزر نا پن تیٹ مسونے ہرا نال ئنا جتا جتا جاگہ آتا تولوکءُ۔

دا بابت ئٹ ننا گیشتر پٹ و پول برجاءءِ۔
https://brahui.zrumbesh.com/11727/
سلمان بلوچ نا زوراکی ئٹ بیگواہی ءِ چار سال پورو مسونے۔ سعدیہ بلوچ

پنچ شمبے، 12 نومبر 2026 زرمبش براہوئی

زوراکی ئٹ بیگواہ کننگوک آ سلمان بلوچ نا ایڑ سعدیہ بلوچ نا پاننگ ءِ کہ اونا ایلم نا زوراکی ئٹ بیگواہی ءِ چار سال پورو مسونے سلمان نا خاہوت نا اُمیت، ودار و انصاف نا جہد دائسکان برجاءءِ۔

او پارے کہ اسہ لُمہ ئس تینا چُنا نا کسرئے ہننگءِ ، اسہ خاہوت ئس اینو ہم تینا چُنا نا واپسی نا ودار ئٹی تولوکءِ۔ چار سال ئنا بے تواری، درد ولے ہمو مُست ئنا سواج ، سلمان ارانگءِ؟

سعدیہ بلوچ تینا خیال آتے درشان کریسہ پارے کہ سلمان بلوچ ءِ زوت آجو کننگ مرے و اگہ اوڑا دوبہ ئس ارے گُڑا قانون نا رد ئٹ اودے عدالت ئٹی پیش کننگ مرے ۔

بیگواہ کننگوک آ سلمان نا ایڑ مُستی پارے کہ 14 نومبر آ سلمان نا آجوئی کن چاگڑدی میڈیا ٹی کیمپین ئس اڈ تننگ مرو، زند ئنا کُل بشخ آتیان تعلق تخوکا بندغ آتیان خواستءِ کہ دا مہم ئٹی بشخ ہلیر و تینا توارئے بُڑز کرسا سلمان بلوچ نا خاہوت نا توار جوڑ مریر۔
https://brahui.zrumbesh.com/11730/
مستونگ ئٹی پاکستانی لشکر نا کیمپ آ فدائی جلہو نا ذمہ واری ءِ بی ایل اے ارفے

پنچ شمبے ، 12 نومبر 2026، زرمبش براہوئی

بلوچستان نا ضلع مستونگ نا ہند کانک ئٹی پاکستانی لشکر نا اسہ کیمپ ئسے آ اینو تُرند ءُ تراک ئس مسنے ۔

ہندی ذرائع نا در ئٹ تراک کئی کلومیٹر مُر ئسکان بننگانے ، اندون اُراتا کھڑکی تا شیشہ غاک ہم پنانو ۔

جلہو نا ذمہ واری ءِ بلوچ لبریشن آرمی( بی ایل اے ) ارفینے ۔

بی ایل اے نا ترجمان جیہند بلوچ میڈیا ٹی شنگ کروک بیان ئسیٹی پارے کہ بی ایل اے نا فدائی یونٹ ، مجید برگیڈ مستونگ نا ہند کانک کنڈاب ئٹی کوضہ گیر پاکستانی لشکر نا کیمپ آ اسہ تُرند انگا فدائی جلہو ئٹ ٹک کننگانے ، اراڑے شورو ئٹ لوڈ گاڑی ( وی بی آئی ای ڈی ) ئٹ دشمن نا کیمپ آ تراک ئس کرینو ۔ ارانا تراک آن دشمن لشکر نا کیمپ تیوہ بھُس مسنے ، داڑان گُڈ پین سرمچار آک کیمپ ئنا تہٹی پیہانو او دشمن نا لغور آ کارندہ تے ٹک کرینو ۔ ننا اولی حوال تا رِد ئٹ دا جلہو آن کوضہ گیر لشکر نا 18 کارندہ مرگ ئنا گواچی مسُنے ۔ اندون کہوکاتا کچ زیات مننگ مرو ۔ جلہو آن پد سرمچار آک حفاظت ئٹ تینا ٹھکانہ تا نیمہ غا ہننگ کہ سرسوب مسنو ۔

ترجمان پارے کہ بلوچ لبریشن آرمی دا جلہو نا ذمہ واری ءِ ارفیک ۔
https://brahui.zrumbesh.com/11733/
مستونگ و پنجگور آن حوالکار نیاز بلوچ و کماش ئسیتون اوار مُسہ بندغ زوراکی ئٹ بیگواہ

پنچ شمبے، 12 اکتوبر 2026 زرمبش براہوئی

مستونگ و پنجگور آن پاکستانی فوج حوالکار نیاز بلوچ و پین کماش ئسیتون اوار مُسہ بندغ آتے زوراکی بیگواہ کرینے۔

حوال تا رد ئٹ استو پاکستانی فوج دوازدہ ءُ نیم بجہ غا حوالکار نیاز بلوچ نا اُراغا چھاپہ خلیسا اودے درینے و نیازءِ اونا خاہوت نا مونا دزگیر کرسا بیگواہ کرینو۔ نیاز بلوچ نا زوراکی ئٹ بیگواہ کننگ آ جتا جتا بشخ آتا نیمہ غان افسوس نا اظہار کننگانے۔

ایلو نیمہ غا پنجگور نا ہند چتکان آن 01 نومبر 2026 آ پاکستانی فوج پروم نا ہندی ورنا کمبر بلوچ ولد امیدءِ دزگیر کرسا بیگواہ کرینے۔ کمبر دکاندار ئسے ہرادے اونا دکان آن دزگیر کرسا بیگواہ کرینو۔

اندا وڑ 02 نومبر 2026 آ پاکستانی فوج پروم ریش پیس آن ہفتاد سالی آ حیاتان ولد عزیز ءِ دزگیر کرسا تینتون درینو۔ اوکان پد کماش نا ہچو حوال ئس اف، کماش اسہ بزغر ئسے۔
https://brahui.zrumbesh.com/11741/
آسیا آباد ئٹی فوج آ جلہو کننگانے

*جمعہ، 13 نومبر 2026 زرمبش براہوئی*

تمپ ئنا ہند آسیا آباد ئٹی سرمچار آک پاکستانی فوج آ جلہو کرینو۔

حوال تا رد ئٹ سرمچار آک اینو ویگ ئنا چار ءُ نیم بجہ غا فوج ئنا چوکی آ بھلا سلاہ تیئٹ جلہو کرینو۔ جلہو ہُرے آسمان برجاء مسُنے، ہرانا بھرم ئٹی فوج ءِ جانی نسخان ہرفوئی تمانے۔

جلہو آن پد فوج بھلو کچ ئسیٹی برسا تیبہ ہند ءِ گھیرہ کرینے و اُراتے پٹ ءَ پول کرینے۔

دا جلہو نا ذمہ واری ءِ داسکان ہچو تنظیم ئس ہرفتنے۔
کچھی ٹی زوراک آ پاکستانی فوج ئنا چوکی آ ڈرون جلہو نا ذمہ واری ءِ بی آر جی ہرفینے

جمعہ، 13 نومبر 2026 زرمبش براہوئی

بلوچ ریپبلکن گارڈز نا ترجمان دوستین بلوچ تینا شنگ کروک بیان ئسیٹی پارینے کہ اینو ویگ ئنا سرمچار آتا ڈرون یونٹ آمر ایئروگارڈینز نا سرمچار آک کچھی نا ہند بولان بائی پاس نا کسر آ فوج ئنا چوکی آ ڈرون جلہو کرینو۔ جلہو ئٹی زوراک آ فوج ئنا اِرا کارندہ خلنگانے و اسٹ بھاز ٹپی مسُنے۔

دوستین بلوچ پارینے کہ دا جلہو نا ذمہ واری ئے ننا تنظیم بی آر جی ہرفک و ننا دُن انگا جلہو آک بلوچستان نا آجوئی اسکان برجاء مرور۔
https://brahui.zrumbesh.com/11743/
اسپلنجی ٹی پاکستانی فوج ئنا بھلا کیمپ آ جلہو

*جمعہ، 13 نومبر 2026 زرمبش براہوئی*

سلاہ بند بندغ آک اسپلنجی ٹی پاکستانی فوج ئنا کیمپ ئنا کارندہ تے سُمکاری ٹی نشانہ کرینو۔

حوال تا رد ئٹ درو دے ئنا 12:00 بجہ نا وخت بلوچستان نا ہند اسپلنجی ٹی برجاء انگا پاکستانی فوجی کیمپ ئنا کارندہ تے سلاہ بند بندغ آک ہمو وخت خودکار سلاہ تیٹ نشانہ کریر ہراتم کارندہ غاک کیمپ آن پیشن گشت کننگ اسُر۔

ہندی حوال تا رد ئٹ دا جلہو ئٹی فوجی کارندہ تا خلنگ و ٹپی مننگ نا حوال ارے۔

دا جلہو نا ذمہ واری ءِ داسکان ہچو تنظیم ئس ہرفتنے۔
نوشکی ٹی فوج و ڈیتھ اسکواڈ نا کارندہ آک اُراتا چھاپہ خلیسا اُراتے ہُشانے

*جمعہ، 13 نومبر 2026 زرمبش براہوئی*

نوشکی نا ہند کلی جمالدینی ٹی پاکستانی فوج و ڈیتھ اسکواڈ نا کارندہ آک اُراتا چھاپہ خلیسا زوراکی کرینو و اُراتے ہُشانو۔

حوال تا رد ئٹ پاکستانی فوج و ڈیتھ اسکواڈ نا کارندہ آک نقیب جمالدینی نا اُراغا چھاپہ خلیسا چُنا و زالبول آتون زوراکی کرینو و پدا اُراتے ہُشانو۔

دُن کہ درو فوج و ڈیتھ اسکواڈ نا کارندہ آک الطاف جمالدینی نا اُراغا چھاپہ خلکنو و چُنا زالبول آتون زوراکی کرینو و اوفتا اُراتے ہُشانو۔ الطاف جمالدینی نا جندئے ملخدو ڈیتھ اسکواڈ نا کارندہ آک سُمکاری کرسا خلکنو۔
مند ئٹی اسہ بندغ ئسینا جون خننگانے

ہفتہ ، 14 نومبر 2026، زرمبش براہوئی

تمپ ئنا ہند مند آبسار ڈور ئٹی اسہ بندغ ئسینا جون خننگانے ۔

حوال آتا رِد ئٹ خلننگ مروک بندغ نا پن عمران ولد عبدالرحمن ءِ، ہرا تمپ ئنا ہند گومازی نا جہی ئسے۔

خلنگ مروک بندغ نا جون ءِ المی کاروائی کن اسپتال آ سرکننگانے۔
گوادر ئٹی کسر آ کاریم کروکا کمپنی آ جلہو

*ہفتہ،14 نومبر 2026 زرمبش براہوئی*

گوادر ئٹی بلوچ سرمچار آک کسر آ کاریم کروکا کمپنی آ جلہو کرسا ساڑی آ مشینری تے نسخان تسنو۔

حوال تا رد ئٹ دا کارروائی اینو سوب ئنا ہشت بجہ غا گوادر نا ہند سنٹ ئٹی مسنے ہراڑے سلاہ بند بندغ آک کمپنی نا مشینری و سامان تے ہشانو۔

دا جلہو نا ذمہ واری ءِ داسکان ہچو تنظیم ئس ہرفتنے۔
مستونگ ئٹی ڈرون جلہو تیٹی قوضہ کروک لشکر نا میجر ئس خلنگانے۔ بی ایل اے

ہفتہ، 14 نومبر 2026/ زرمبش براہوئی

بلوچ لبریشن آرمی نا ترجمان جیئند بلوچ میڈیا ٹی شنگ کروک تینا درشان ئسیٹی پارینے کہ مستونگ نا علاقہ کردگاپ ئٹی بلوچ لبریشن آرمی نا بُڑزی و ڈرون وارفیئر یونٹ "قہر" انٹیلیجنس بیسڈ کارروائی ئسیٹی قوضہ کروک پاکستانی لشکر نا اسہ کاروان ئسیٹی اوار اسہ لاری ئسے ڈرون جلہو تیٹی نشانہ کرینے۔

ترجمان نا رد ئٹ دا جلہو ئٹی قوضہ کروک لشکر نا 44 ایف ایف نا میجر عمر منہاس تون اوار کیہی کارندہ غاک مُڑدار مسنو۔

بلوچ لبریشن آرمی پارینے کہ نن دا جلہو نا ذمہ واری ئے ہرفنہ و شابیتی حوال آک زوت میڈیا ٹی شنگ کننگ مرور۔
شال آن مُسہ بندغ زوراکی ئٹ بیگواہ

ہفتہ، 14 نومبر 2026 زرمبش براہوئی

شال آن ڈھکوک ادارہ آتا دو آن مُسہ بندغ زوراکی ئٹ بیگواہ کننگانے۔

حوال تا رد ئٹ زوراکی ئٹ بیگواہ کننگوک آ بندغ آتا چائنداری محاذ بلوچ ولد حاجی عبدالستار، دینار بلوچ ولد علی نواز و محمد عمران ولد عبدالغفور نا پن تیٹ مسُنے۔ محاز بلوچ ءِ آئی ایس آئی و سی ٹی ڈی 09 نومبر 2026 نا دے ئنا سئے بجہ غا شال ئنا بازار آن دزگیر کرسا بیگواہ کرینے۔

ہندا وڑ دینار بلوچ ءِ ایم آئی و سی ٹی ڈی نا کارندہ غاک درو نا دے چار بجہ غا کلی جیو ٹی اونا اُراغان دزگیر کرسا بیگواہ کرینو۔

محمد عمران ءِ آئی ایس آئی و پولیس دوانزدہ نومبر 2026 آ سریاب کسر آن دزگیر کرسا بیگواہ کرینو۔

مُسٹ انگا بندغ آتا زوراکی ئٹ بیگواہی نا ہیت ءِ بی وائی سی پک کرینے و اوفتا عکس آتے شنگ کرینے۔
https://brahui.zrumbesh.com/11747/
کمانڈر رحمن گل عرف مرید ءِ تنظیم نا پوسکُن آ رہشون کرینُن ۔ بی ایل اے

ہفتہ، 14 نومبر 2026، زرمبش براہوئی

بلوچ لبریشن آرمی نا ترجمان جیئند بلوچ تینا شنگ کروک بیان ئسیٹی پارینے کہ سینیئر کمانڈ کونسل نا تین پہ تینی ٹی بی ایل اے نا کل رہشون ءُ کل کمانڈر تا فیصلہ غان پد سینیئر کمانڈر رحمن گل عرف مرید ءِ تنظیم نا پوسکن آ رہشون گچین کننگانے ۔

او پارینے کہ پوسکن گچین کننگوک آ رہشون رحمن گل عرف مرید سینیئر کمانڈ کونسل نا بشخ ءُ مجید برگیڈ نا کمانڈری نا دروشم ئٹ تینا ذمہ واری تے ادا کرسہ کرینے ۔ اودے تنظیم نا کُل عہدہ تا کمانڈ کننگ نا تجربہ ارے ۔

او پارے کہ بلوچ لبریشن آرمی دا قول ءِ کیک کہ پوسکن آ رہشون نا بھلنی ٹی راجی آجوئی نا جہد سوگوی و تُرندی ئٹ برجاء مرو ۔
https://brahui.zrumbesh.com/11750/
آپسر ئٹی پاکستانی لشکر زوراکی کرینے

یک شمبے، 15 نومبر 2026 زرمبش براہوئی

تربت نا ہند آپسر ئٹی پاکستانی لشکر بندغ آتیا زوراکی کرینے۔

حوال آتا رد ئٹ فوج و ڈھکوک آ ادارہ تا کارندہ غاک اینو سوب ئنا آبسر ڈاکی بازار ئٹی شہید منظور نا اُرا ءِ پلویڑ کرسہ پٹ ءَ پول کرینے و بندغ آتیا زوراکی کرینے۔

شہید منظور نا اُراغان بید ہند ئنا ایلو اُرا تے ہم پٹ ءَ پول کرینے۔

دا زوراکی تا وخت آ ہچ وڑ نا بیگواہی و جانی نسخان نا حوال مونا بتنے۔
پنجگور آن اسہ بندغ ئسینا جون دو تمانے

یک شمبے، 15 نومبر 2026 زرمبش براہوئی

پنجگور نا ہند پسکول کور آن نادرست او بندغ ئسینا جون خننگانے۔

جون ءِ المی کارروائی کن اسپتال آ دننگ آن پد چائنداری کن مڑدہ تا جہہ ٹی تخنگانے۔
وی بی ایم پی نا برانزی گدان ءِ 6420 دے پورو مسُنے

یک شمبے، 15 نومبر 2026/ زرمبش براہوئی

شال ئٹی زوراکی ئٹ بیگواہ کننگوک آ بندغ آتا آجوئی کن برجاء انگا وائس فار بلوچ مسنگ پرسنز نا شال پریس کلب نا مونا برانزی گدان ءِ 6420 دے پورو مسُنے۔ زند ئنا جتا بشخ آتیان سیالی تخوک آ بندغ آک برانزی گدان آ برسہ بیگواہ کننگوک آ بندغ آتا خاہوت آتیتو ہمدڑدی نا درشانی ءِ کرینو۔


وی بی ایم پی نا چیئرمین نصراللہ بلوچ پارینے کہ زوراکی ئٹ بیگواہی و وے قانودی آ گامگیج آک بندغی حق آتا برخلافی ءُ۔

او خواست کرسہ پارینے کہ بیگواہ کننگوک آ بندغ آتے زوت آجو کننگ مرے، اگہ کس ئسے آ ہمرو ہم دوبہ ئس ارے تو اودے بیست ءُ چار ساہت ئٹی اودے عدالت آ ہترِسہ قانود نا خواست آتے پورو کننگ مرے۔

نصراللہ بلوچ پارینے کہ زوراکی ئٹ بیگواہیگ ایسر کننگر، شاری تے آئین و قانود نا رد ئٹ رکھنگ مرے و زیمی آ خاہوت آتے انصاف تننگ مرے۔
https://brahui.zrumbesh.com/11753/
تربت ئٹی سمکاری آن اسہ بندغ ئس بیران مسُنے

یک شمبے، 15 نومبر 2026 / زرمبش براہوئی

تربت نا ہند سیٹلائٹ ٹاون ئٹی سمکاری آن اسہ بندغ ئس بیران مسُنے۔

حوال آتا رد ئٹ خلنگ مروک آ بندغ نا پن دوشمبے ولد سعید ءِ، ہرا ہوشاب نا ہندی ئس ءِ۔

خلنگ مروک دوشمبے نا جون ءِ المی کارروائی کن اسپتال آ سر کننگانے۔
وندر و خضدار ئٹی اسہ خاہوت نا کیہی بندغ آتے زوراکی ئٹ بیگواہ کننگانے

یک شمبے، 15 نومبر 2026 زرمبش براہوئی

وڈھ و خضدار آن پاکستانی فوج اسٹ انگا خاہوت نا کیہی بندغ آتے دزگیر کرسا بیگواہ کرینے۔

حوال تا رد ئٹ 25 مئی 2026 آ پاکستانی فوج وندر آن شہزاد ولد محمد شریف زہری، جاوید ولد عبدالقیوم زہری و نوید احمد ولد عبدالقیوم ءِ دزگیر کرسا بیگواہ کرینے۔ پدا 28 مئی آ شہزاد و جاوید آجو مسنو ولے نوید احمد داسکان بیگواہ ءِ۔

ایلو نیمہ غا 12 اکتوبر 2026 نا شام ئنا دو بجہ غا ایف سی و سی ٹی ڈی اِرا اُرا تیا چھاپہ خلکُنے و ریاض احمد ولد عبدالغفار زہری و نعیم ولد عبدالقادر زہری ءِ دزگیر کرسا بیگواہ کرینے۔

ہندا وڑ دہ نومبر 2026 آ خضدار نا ہند انجیرہ آن ، زہری آن خضدار آ ہنوکا علی دوست ولد مولابخش ءِ انجیرہ کیمپ ئنا فوجی کارندہ آک دزگیر کرسا بیگواہ کرینو اوکان پد اونا ہچو ڈس ئس افک۔

بیگواہ کننگوک آ کُل بندغ آک تین پہ تین سیال ءُ۔
https://brahui.zrumbesh.com/11756/