عطر اللافندر💜🌸
الجزء الرابع عشر :-
بقلمي عواطف حسن📝
تسنيم: انا ماشه افطر مع زينب وشلته من الدمعه والمديده
رقيه: سمح ما تقيلي عندهم زي كل مره تعالي سريع ابوهم ده م برضى
تسنيم: حاضر حاضر يله..
زينب اصبحتي كيف الليله؟
زينب: حاكون كيف بس💔
تسنيم: اسمعيني يا زينب السكوت م بفيدك ولا بساعدك وكونك تنزلي الفي بطنك ده جريمه ومن ناحيه دينيه زاتو حرام
زينب: اعمل شنو طيب
تسنيم: دي ما دايره ليها تفكير كلمي ابوك بالحصل عشان يعرف انو غلط لمن اختار ليك الولد ده وبعدين تاخدي حقك بالقانون
زينب: عشان ابوي يضبحني
تسنيم: انا عارفه ابوك صعب لكن مستحيل يقيف ضدك هو حيتفهم فالنهايه ولو خايفه منو كلمي امك خليها توصل ليهو كلامك بطريقه كويسه محترمه وبعدين انتي تقولي رايك
زينب: الموضوع ما بالسهوله دي انا خايفه وخلانه م عارفه حاتكلم كيف بقدر ما انا غضبانه وزعلانه علي روحي وعمري وشرفي بقدر م انا استسلمته خلاس للواقع انا حياتي انتهت
تسنيم: تستسلمي لي؟ وعن شنو؟ عن حياتك وعن نفسك...انتي لسه في بداية عمرك الحصل ده انتي ضحيه فيهو وبنات كتير زيك ضحايا للوحوش امثال ود عمك ده ... حيتحاكم ويحصل العدل باذن الله
زينب: خير ان شاءالله ☹ شكرا ليك علي وقفتك معاي انا م عندي اخت غيرك زي م عارفه💔بالجد لو من غيرك انا كان انتحرته وخلاص
تسنيم: بعد الشر عنك استغفري يا بت😳👋قشي دموعك دي ويله خلينا نفطر انا جعانه 😋
زينب: ولا عندي نفس والله بس عشان جيتك دي حارضي عليك
تسنيم: اصلا حاكلك غصب عنك😗
__________
ياسين: الووو حبي😚
تسنيم: عيونها...كيفك؟
ياسين: كيفك انتي بعد قريتي الخبر😂
تسنيم: خبر شنو في شنو؟
ياسين: النتيجه ي سجم بكره🤣🤣
تسنيم: وبعليييي انت جاااادي لالا ما استخارو 😳💔💔💔💔💔💔
ياسين: عارفك جرسه شديده قلته اطمن انك حيه ولا ميته🤣
تسنيم: م قادره اعيش يله😩😭
ياسين: ده ما موضوعنا انا اتفقته مع الشباب بكره بعد النتيجه نطلع لو نجحنا نحتفل مره وحده ولو سقطنا نطبطب علي روحنا 🤣💔
تسنيم: عديله غايتو حامسك سبحتي واقيم الليل🤣😭
ياسين: نتيجه دي ولا جنه ونار...المهم حنمشي البيتش تمام؟
تسنيم: ظاااابط
ياسين: تصبحي ع خير حبي 😚
تسنيم: تلاقي الخير يا قلب❤
_________
..... : زي ما اتفقنا بكره ما عاوز/عاوزه غلطه
..... : اكييييد😏
"الصباح فالجامعه"...
ياسين: مبرووووووووك علينا كلنا النجاح🤩🤩🤩
تسنيم: الحمدلله حمداً كثيراً مباركاً فيه😭
مصعب: ياخ انا زاتي ما مصدق اني باس😂
احمد: النيه غلبت 🤩
نور: بختكم💔
ياسين: مالك؟
نور: شايله ماده💔
تسنيم: وااااي ي قلبي ☹💔💔💔💔💔ما مشكله عوضي فالجاي انا واحمد بنساعدك فالملحق
ياسين: يبقى نخلي الطلعه عشان نور
نور: لا والله تطلعو انا اصلا من امس حاسه نفسي تعبانه م كنته حاطلع معاكم امشو وانبسطو انا حارجع ارتاح
مصعب: اركبي اوصلك البيت طيب
نور: لا ماف داعي انا بركب الحافله اسي بصل سريع
تسنيم: طمنينا لمن تصلي
نور: ان شاءالله
تسنيم: غايتو نور م كويسه 💔☹
احمد: انا زاتي حاسي بيها متغيره او حاصل معاها شي وما عاوزه تتكلم
ياسين يله ارح عشان نقضي وقت اطول فالبيتش😍
مصعب: يله انا بي وراك🤙
بعد وصلو وقعدو اتونسو وشربو عصير فجاه يجي حرامي يسرق شنطت تسنيم ويجري
ياسين واحمد ومصعب جرو وراهو بسرعه وحاولو يمسكو م قدرو بس الحرامي رمى الشنطه وجرى
تسنيم لحقتهم ولقت الحاجات كلها مشتته من ضمنها شريط الحمل بتاع زينب
ياسين: تسنيم...!؟
تسنيم: لا يله حافسر ليك💔☹
احمد: ده شنو يا بت ده بعمل شنو في شنطتك
تسنيم: ياسين دقيقه م تمشي..مصعب امشي حصلو ما تخليهو يسوق وهو معصب كده
مصعب: كويس
تسنيم: احمد انت لازم تصدقني انت صحبي وعارفني كويس
احمد: الغلط معاك كده منو وريني انا بقتلو ليك هسي😡😤
تسنيم: ده ما حقي ده حق وحده جارتنا
احمد: جارتكم؟ جارتكم منو وبعمل شنو في شنطتك ؟
تسنيم: اااااخ كلو مني م طلعتو من الشنطه انا كيف نسيت ارميهو😩😩😩اسي ياسين فهمني غلط
احمد: فهميني انا كدي الاول
تسنيم حكت القصه كلها لي احمد وصدق تسنيم وبقو بحاولو يتصلو علي ياسين بس م برفع لحدي ما مصعب اتصل علي تسنيم...
تسنيم: حادث💔💔💔لا مستحيل
مصعب: حاوديهو المستشفى بي عربيتي تعالي مع احمد بسرعه
تسنيم: كويس💔
احمد: ارح ارح اركبي...لا حول ولا قوة الا بالله
تسنيم: انا حيلي ما شايلني يا احمد في شنو هو الحاجات دي حصلت ورا بعض💔
أحمد: استغفري واستهدي بالله كلها ابتلاءات ارح نصل وادعي ليهو فالطريق
تسنيم: الله كريم💔
يتبع......

عطر اللافندر💜🌸
الجزء الخامس عشر:-
بقلمي عواطف حسن📝
وداد(ام ياسين): كيف يا مصعب عمل الحادث ده😭💔يا الله تطلعو لي حي يا رب ما يموت ده ولدي الوحيد 💔الرشيد ولدي انقذ لي ولدي بس💔
الرشيد: استهدي بالله ما تنهاري لازم نتقوى ببعض باذن الله حيطلع من العمليه
تسنيم: مصعب 💔
مصعب: لسه ما طلعو
احمد: الصبر بس ان شاءالله بطلع كويس
الرشيد: انتو منو؟
احمد: نحن زملاءو فالجامعه كان معانا قبل الحادث و...قال ماشي البيت وحصل الحادث ده
وداد: كر علي اريتكم ما خليتو يمشي😭😭😭😭💔💔💔انا ما عندي غيرو فالدنيا دي
تسنيم: احمد💔انا السبب انا💔كلو بسببي يا ريتني لو خليت الحرامي يسرق الشنطه💔يا ريتكم ما لحقتو💔😭
احمد: وطي صوتك ده امو براها تعبانه لو سمعت كلامك ده ما تحلمي تتزوجي ياسين وبعدين انتي ما سبب في شي ده قضاء ربنا وقدرو
تسنيم: اتزوج شنو بس يا احمد😩ياسين بين الحياه والموت ان شا الله يطلع معافى ياااااا رب
"وبعد ٤ ساعات من الانتظار".....
الدكتور: نزف كتير واتضرب ضربه قوية علي راسو حاليا لسه فاقد الوعي لمن يصحى حنقييم وضعو
وداد: وحيصحى متين💔😭
الدكتور: في احتماليه انو يكون فاقد الذاكره نسبة للضربه القويه الاخدها دي ويمكن لا فما حنقرر ما لم يصحى ودي حاجه نخليها علي الله بعد ده ...ربنا يعافيهو ان شا الله
وداد: لا حول ولا قوة الا بالله كمان فيها فقدان ذاكره💔
علاء: الف سلامه الحاصل شنو
الرشيد: قضاء الله حادث بس والله
علاء: وين الزول العمل الحادث
الرشيد: هرب بس الكاميرات فالشارع يمكن صورت شي
تسنيم: احمد اتصل علي نور لازم تعرف خليها تجي
احمد: طيب
🍂🍂🍂🍂🍂🍂🍂🍂🍂
نور: لا حول ولا قوة الا بالله ده كلو حصل؟
تسنيم: كلو بسببي💔 عاوزه اشوفو يا احمد خليني اشوفو😭
مصعب: الدكتور ما قال ممنوع لكن وقت الزياره انتهى ولازم نطلع بعد ده
تسنيم: بس خمس دقايق يا مصعب انت خش معاي لي اشوفو اطمن عليهو والله م حاقدر ارجع البيت كده💔
مصعب: طيب ارح بسرعه
تسنيم دخلت ودموعها ما وقفت لمن شافتو💔راسو مربوط بالشاش والكدمات على وشو كتيره💔مسكت يدو وقالت ليهو " لازم تبقى كويس لازم حبيبي"💔💔💔
مصعب: يله ارح اوصلك البيت تعالي الصباح
تسنيم: طيب💔 لو حصل شي وريني عليك الله خلاص
مصعب: ان شاءالله
🍂🍂🍂🍂🍂🍂🍂🍂🍂🍂🍂🍂
محمد: سلامتو ياسين ان شالله ربنا يشفيهو
تسنيم: الله يسلمك يا رب☹
رقيه: بكره ببقى كويس ونرمي ليهو زلابيه كرامه
محمود: انا ماشي المسجد اصلي العشاء حادعي ليهو واخلي مولانا يدعي ليهو
تسنيم: الله يتقبل منكم يا رب...انا ماشه انوم تصبحو علي خير
الووو مصعب اها طمني كيف بقه؟ ماف اي جديد؟
مصعب: ما صحى لكن اطمني هو كويس وانا وعمو الرشيد حنبيت هنا ما فايتنو وضعو مستقر الحمدلله
تسنيم: طيب انا بكره الصباح حاجي اطمن عليهو
مصعب: الزياره الساعه 4م وبتخلص 5م يعني امشي جامعتك يا بت وابقي عشره علي قرايتك جيتك هنا ما بتفيد الدنيا بتليل عليك وانتي بت
تسنيم: ما بتفيد بس على الاقل بطمن عليهو ولو علي الرجعه برجع مع احمد
مصعب: غايتو عنيده بشكل🙄خلاس خير الصباح رباح يله...
"فالجامعه"
احمد: ما غريبه يا تسنيم🤔
تسنيم: الغريب شنو؟
احمد: تلفونك قاعد وقروشك وبطاقة الجامعه وكل شي قيم قاعد في شنطتك....الحرامي ده سرق شنو
تسنيم: انا زاتي محتاره اتفقدته حاجاتي كم مره بس مافي شي اتسرق...يمكن الحرامي ده بعد سكيتو حسه بالخوف قام رمى الشنطه وجرى
احمد: ما منطق لكن عدت علي خير
تسنيم: ارح المستشفى وبعدها رجعني البيت...نور ماشه معانا؟ نووور؟
نور: اي لالا انا راجعه البيت
احمد: مالك يا بت انتي ما عاجبانا ليك كم يوم تصرفاتك متغيره🙄
نور: مافي شي يله مع السلامه
تسنيم: ارح عليك الله الساعه 5 بتخلص الزياره
🍂🍂🍂🍂🍂🍂🍂🍂🍂
مصعب: مافي اي استجابه لسه بس ادعو ليهو
تسنيم كالعاده دخلت ليهو ومسكت يدو وقالت ليهو "لازم تبقى كويس"....
عدت الايام وتم اسبوع وياسين فاقد للوعي تماما بس تسنيم ما فقدت الامل في ربنا بتدعي ليها ونهارا وثاابت بعد تخلص محاضراتها بتمشي مع احمد المستشفى تطمن عليهو وترجع البيت
يتبع......

عطر اللافندر💜🌸
الجزء السادس عشر:-
بقلمي عواطف حسن📝
تسنيم: الوو مصعب .. خير ان شاء الله ؟
مصعب: زغردي وانبسطي الحمدلله ياسين فتح عيونو❤😭
تسنيم: الحمدلله الحمدلله الحمدلله الحمدلله 😭😭😭😭😭😭😭😭😭❤❤❤❤❤❤❤❤انا منتظره اليوم ده من متين واخيرا صحى...طيب انا جايه فورا
يا امي ابوي محمد... ياسين صحى😭الحمدلله
محمد: ارح نمشي سوا خليني اكفر ليهو
تسنيم: طيب ارح بس بسرعه
رقيه: حأشد ليهو بليله امشي وتعالي نرمي الزلابيه سوا😍
محمود: حمدلله علي السلامه😍
تسنيم: الله يسلمك يا ابوي ويسلم خاطرك انا مبسوطه جدا الليله😭😭😭😭😭😭❤❤❤❤❤
"في المستشفى "
مصعب: محمد خشى وكفر ليهو..انتي مالك ما خشيتي؟كل يوم بتجي وبتسالي ولمن صحى رفضتي تشوفي؟
تسنيم: ما بقدر يا مصعب💔انا السبب في حالتو دي بياتو عين اخش ليهو واقول شنو💔ما تنسى اخر شي شافو مني كان شريط الحمل يمكن يتضايق مني ويتعب احنا ما صدقنا انو فتح عيونو
احمد: انتي ما سبب في شي كل الحصل كان سوء تفاهم
انا حافهمو الحصل ده كللللو
تسنيم: لا اوعك تتكلم هسي انا حافهمو بي طريقتي بس هسي خلوهو يرتاح اول من يطلع من المستشفى حاكلمو...اسي كفايه اني اطمنته عليهو من بعيد❤بكره بفهم الامور دي كلها
احمد: براحتك....نور فالطريق اسي حتصل
تسنيم: سلم عليها انا حارجع البيت حأوزع ليهو كرامه ❤
🍂🍂🍂🍂🍂
نور: حمدلله علي السلامه ياسين🥰
ياسين: الله يسلمك يا رب😊
نور: تسنيم متحسسه علي العملتو وهي خجلانه منك لدرجة ما جات تحمد ليك السلامه جابت ليك حلاوة الشكولاته دي حاجه بسيطه منها🥰
ياسين: ما قصرت
نور: ما جيناك كتير اعفي لينا انشغلنا بالجامعه وكده
ياسين: لله انا م بلوم زول
نور: طيب انا حارجع البيت عشان الزمن واخليك تاخد راحتك
ياسين: تسلمي يا رب
🍂🍂🍂🍂🍂🍂🍂🍂🍂🍂
زينب: تسنيم...
تسنيم: ايوه
زينب: عاوزه اقول ليك انتي اجدع بت فالدنيا❤انتي الطاقه الايجابيه❤وانتي الطريق الصاح الممكن يختارو كل انسان❤انتي الملجأ للمحتاج❤انتي سبيل للعطشان❤انتي الله يخليك لي
تسنيم: خير خير ده كلو لي انا😩🥺🥺🥺🥺❤كتير علي الكلام ده
زينب: لانك تستاهلي❤
تسنيم: طيب خير في شنو؟
زينب: الليله اتكلمته مع ابوي
تسنيم: بالجد😃😃😃😃😃😃😃احكي الحصل شنو بالتفصيل
زينب: بصراحه ما تساليني جبته الشجاعه دي من وين بس اتذكرته كلامك وانو ده حقي ما مفترض اسكت عليهو
بعدها جبته امي ووريتها قدام ابوي عشان ما يلوم امي ويقول عرفت اول او دست الموضوع منو..اتفاجات زيها زيو
طبعا ابوي فالبدايه عصب حتى انو قرب يضربني بس امي قالت ليهو جواها طفل ما تأذيها...الكلمه دي اثرت فيني لانو لو كان اجهضته الطفل ده كان ابوي شبع ضرب فيني ويمكن قتلني لكن الحمدلله على كل حال
هو فالنهايه اعتذر مني وقال لي انا م بخلي وحاعاقبو وادخلو ليك السجن واخد حقك تالت ومتلت
اما امي بكت قدرتها بقت تقول سمعت بتي وشرف بتي و.....الخ لكن اقتنعت انو قضاء ربنا كده.. المهم انا حاليا مرتاحه نفسيا من الموضوع ده كونو معاي اهلي فانا مطمنه💜انا م براي💜حسيت انو في جبال في اكتافي نزلت الحمدلله والفضل ليك بعد ربنا 💜لانو لو ما تشجيعك ووقفتك معاي ما كنته حاقدر اتكلم وكنته حاجهض الفي بطني ده واسكت علي كده غايتو الله يحفظك يا رب💜
تسنيم: الحمدلله والله فرحتيني كتيييير بي كلامك ده❤🥺وانا م عملته شي ي هبله المهم انك بقيتي شجاعه واخيرا اتكلمتي مع اهلك خصوصا ابوك شفتي كيف وقف معاك اكيد ما بخليك مهما كان صعب فالنهايه انتي بنتو الوحيده وواثق فيك وصدقك
ان شالله تقدرو تاخدو حقكم من الوحش دا ويتحاكم اشد عقوبه عشان يبقى عبره وعظه لغيرو
زينب:اللهم امين يا رب💜اسي نحنا ماشين نفتح البلاغ دعواتك تتسهل
تسنيم: ان شالله ربنا ينصركم يله بالسلامه🥺👋👋
والله زينب الليله فرحتني كتير بالكلام ده وزي ما هي صلحت الغلطه انا كمان لازم اصلح كلامي واوري ياسين الحصل هو كمان حيصدقني اصلا بكره حيطلعو احسن شي ازورو فالبيت...
💕💕💕💕💕💕💕💕💕💕💕💕
"الصباح في بيت ياسين"...
وداد: وعليكم السلاااام والرحمه اتفضلي يا تسنيم 🥰
تسنيم: حمدلله علي سلامة ياسين اجر وعافيه يا رب
وداد: الله يعافيك تسلمي اتفضلي🥰
تسنيم: كيف صحتو اسي؟
وداد: اتفضلي قاعد فالصاله التانيه معاهو مصعب
تسنيم: طيب حامشي اسلم عليهو
سلام عليكم ياسين؟
ياسين: مصعب قوم جيب لي مويه👋
مصعب: اساسا دي ما طريقه توزعني بيها كنته طالع براي🙂💔
ياسين: اتفكفك يا زول😂😂👋💔
تعالي اقعدي هنا
مصعب همس في اضانها وقال ليها: انا ما حكيت ليهو شي فسري ليهو الموضوع برواقه حيفهم منك انتي...
تسنيم: خير🥰
يتبع......

عطر اللافندر💜🌸
الجزء السابع عشر :-
بقلمي عواطف حسن📝
تسنيم: بقيت كيف يا قلبي؟
ياسين: الحمدلله انتي كيف؟...مااا تبكي عارفاني بضعف بالطريقه دي😩
تسنيم: ما هو انا السبب في حالتك دي🥺💔الامور حصلت ورا بعض لو ما الحرامي و...
ياسين: حبيبي الحصل حصل وانتهى لازم نتجاوز النقطه دي
تسنيم: وبخصوص اني حامل🤧...
ياسين: انا واثق فيك انتي مستحيل تعملي كده ولو افترضنا حصل ما كنتي حتخبي عني موضوع زي ده
تسنيم:😭😭😭😭😭😭😭😭😭💔💔💔🤧🤧🤧🤧🤧🤧🤧🤧🤧🤧
ياسين: يا بت ما تجعري اسي امي بتجي جاريه تقول الولد ده مات ولا شنو🙂ما تبكي خلاس
تسنيم: انا بحبك😭❤
ياسين: يا سلاااااام عارفه دي اول مره تقوليها لي
تسنيم: بحبك بحبك بحبك شديد😭❤❤❤❤
ياسين: عارف يا هبله لو ما كده ما كنتي حتزوريني فالمستشفى كل يوم وتمسكي يدي..
تسنيم: عرفته كيف...انا غالبا بكون براي لمن اعمل كده😳
ياسين: بي ريحة العطر عطر اللافندر الهديتك ليهو في عيد ميلادك💜ريحتو مميزه وقويه كنته بشمو وبحس بي وجودك...كنته بحس بالناس حوالي بس ما قادر اسيطر علي جسمي بحاول اصحى بس بفقد الوعي تاني
تسنيم: بالجد حاجه غريبه 💜😭
ياسين: بس انتي عارفه الاغرب شنو
تسنيم: شنو؟
ياسين: نور....
تسنيم: نور؟ مالها🤔
ياسين: حاسي انها بتكذب علي...جاتني فالمستشفى امس وجابت لي حلاوة شكولاته وقالت لي دي من تسنيم وهي خجلانه على العملتو ولانها ما قاعده تجي وانشغلت بالجامعه وكلام زي ده
تسنيم: نور قالت ليك كده؟😳💔
ياسين: انا طوالي شكيت فيها لانو انتي عارفه عندي السكري وممنوع من اي شي فيهو سكر فمستحيل تجيبي لي شكولاته...والحاجه التانيه ده ما اسلوبك انك ترسلي زول يعتذر بدلك كنته عارف انك حتجي تتكلمي معاي وتفهميني الحصل فاستغربته انك رسلتيها هي لا واعتذرت عشان انتي ما قاعده تجيني قال😒هي ما عارفه اني كل يوم بعرفك جيتي بس هي الما بتجي حتى مصعب وراني انها جات مره وحده لمن كنته فالغيبوبه
تسنيم: يا ربي لي عملت كده😳وفعلا هي تصرفاتها متغيره ليها فتره
ياسين: انا شكيت فيها من يوم الكرامه حقت ناس مصعب حاولت توقع بيني وبينك وتوهمني انو في شي بينك وبين مصعب بس عملت الموضوع هظار وانا قريت في عيونه كل ملامح الغيره والحسد فاللحظه ديك
تسنيم: ياسين ده كلام شنو البتقول فيهو ده نور دي صحبتي من دخلتي للجامعه دي انا بعرفها كويس كلو سوء تفاهم انا حاتكلم معاها وحتفسر لي كل شي
ياسين: لا حنخليها تتكلم براها
تسنيم: بس كيف؟؟
مصعب: ياسين اولاد عمك ديل جو وعاوزين يسلمو عليك
تسنيم: طيب انا حارجع البيت نتم كلامنا بعدين...ارتاح وما تتعب نفسك لا بالتفكير ولا بالحركه فاهم🙄👊
ياسين: حاضر يا قلبي يله تصلي بالسلامه😂👋
رجعته وانا بفكر طول الطريق في كلام ياسين معقوله تكون نور بتحاول تبعدني من ياسين او هي حاسده وحاقده زي ما قال اخخخخخ راسي حيطق من وجع الراس انا لي حياتي دي مشاكلها ورا بعض كده😩احسن شي ارجع انوم وخلاص💤💤💤
استمرت الزيارات بين تسنيم وياسين وامو وابوهو اتعرفو علي تسنيم كنتهم المستقبليه💜كانت اسره بسيطه ملامحها حلوة صادقه نقيه💜كانو واضحين وختو النقاط فوق الحروف وحيتقدمو لتسنيم في الايام الجايه بصورة رسمية 💜
الحمدلله ياسين اتعافى وبقه بنزل محاضراتو عادي ولحق الفاتو وبدا في مشروع التخرج مع زملاؤ ...
احمد: تسنيم بقت ما شغاله بينا اليوم كلو مع ياسين😂👋
نور: مش كده😂 مدام حيعرسها فالنهايه خلاس ادينا فرصه نشبع منها
احمد: تعالي نعمل فيها مقلب🤣
نور: غااايتو انت.. حتسوي شنو يا جن😂
احمد: حنعمل فيها انك بتحبي ياسين وتعترفي قدام تسنيم بالحاجه دي
نور: اجي اجي اجي ده مقلب شنو ده بس
احمد: نخلعها ساي بس وم حنوري لا تسنيم ولا ياسين😂
نور: امممممممم...موافقه 😀
احمد: ظط ي مكتب ننفذ الخطه دي بكره بعد البريك 👍
🌸🌸🌸🌸🌸🌸🌸🌸🌸🌸🌸🌸🌸🌸
بليل نور رسلت رساله لي ياسين في تلفونو كان مكتوب فيها: "كان نفسي من زمان اقول ليك اني بحبك وبموت فيك بس ضحيت عشان صحبتي تسنيم ما قلته كده عشان ما اخرب البينكم بس مشاعري كل يوم بقت بتكبر اكتر واكتر وانا اسي بقيت ما قادره اخبي لانو بقه ظاهر في عيوني..دي ما انانيه مني بس بتمنى تديني فرصه زي ما اديت تسنيم فرصه انا كمان بت بتحمل كل مشاعر الحب تجاهك ومستعده اضحي بحياتي عشانك"
ياسين رد عليها: لاقيني بكره الصباح قبل المحاضرات👍
نور قالت ليهو تمام..💜
يتبع......

عطر اللافندر💜🌸
الجزء الثامن عشر:-
بقلمي عواطف حسن📝
الصباح لمن جا.. نور اتصلت علي ياسين ولاقتو جمب القاعه....
نور: صباح الخير😍
ياسين: صباح النور
نور: انا مبسوطه يا ياسين انك اديتني الفرصه دي وان شاءالله ما حيخيب ظنك فيني حاحتويك اكتر من تسنيم☹💜
ياسين: انا لمن قلته ليك تمام ما قصدي اني وافقته عليك كل العاوز اقولو ليك انو ما ينفع تعملي كده لا في تسنيم ولا في روحك
نور: كيف؟..لا..لا ما تقول كده انت ما جربتني انا صدقني انا بحبك اكتر منها ومن قبلها حتى🥺
ياسين: انتي سامعه بتقولي في شنو يا نور الحكايه ما سباق وبعدين كونك حبيتيني ما معناها احبك انا بحب تسنيم وعلاقتي معاها جاده ورسميه
نور: احمد امس قال لي نعمل مقلب في تسنيم واقول اني بحبك وانا فعلا بحبك ورسلته ليك الرساله دي من امس وفيها كل مشاعري الصادقه وانا ما بغش فيك والله 🥺تسنيم ما بتستاهلك هي بتحب مصعب انا شايفه في عيونها كده بس انت ما ملاحظ لانو ما بتشوف العيب فالزول البتحبو مهما كان..ده صحبك ودي القلته انك بتحبها فما حتشوف شي بس انا حافتح ليك عيونك
ياسين: نور....
نور: عارف انا عشان احصل عليك عملته شنو😭 شفته شريط الحمل في شنطت تسنيم وكشفتها ليك انها حامل رجعتو ليها يوم النتايج فالشنطه لمن حضنتني وبقت تواسيني عشان انا كنته شايله ملحق واتفقته مع واحد يسرق شنطتها 😈 ويشتت الحاجات الفيها وبس من غير ما يسرق شي وفعلا حصل العاوزاهو😈صح انت حصل ليك الحادث فاليوم داك بس بسبب منو؟ بسببها هي لو ما كانت واقفه في طريقي ما كان عملته كده
ياسين: نور😳!!!!
نور: انا ما ندمانه ابدا علي العملتو وشايفه انو دي احسن طريقه عشان ابعدكم من بعض😈تسنيم غلطت مع مصعب انا متاكده من الحاجه دي
" الطلبه بدو يدخلو القاعه وفجاه تسنيم واحمد ومصعب يطلعو من ورا حيطه ويكونو سامعين كل الحوار ده..."
نور: ان..انتو!!!..صباح الخير اسي كنته بسال ياسين منكم 😅😅😅
"تسنيم ادت نور كف"
تسنيم: معقوله دي انتي نور؟💔 انا اديتك الكف ده عشان تصحي...انتي كيف كيف كنتي بالخباثه دي ومن متين ياخ نحنا اخوات اكتر من صحبات كيف بتشكي فيني بالطريقه الوسخه دي؟ لا وبدل تفرحي لي تقومي تحاولي تشلبي مني ياسين؟
انتي منو انا ما بعرفك
احمد: مع الاسف يا نور انتي سقطتي من نظرنا كلنا💔حقيقي كنته ليك اخو وسند بس طلعتي وحده وسخانه وحاقده وحاسده وم بتستاهلي عُشرتنا....عارفه المقلب القلتو ليك؟ ما كان حنعملو في تسنيم المقلب كان فيك انتي والخطط ليهو ياسين حصل بس سبحان الله انتي ما صدقتي جاتك الفرصه دي ورسلتي الرساله حقتك امس وادردقتي طوالي زي ما قال ياسين...الوحيده الكانت معارضه تسنيم وقالت لا نور ما بتعمل حاجه زي دي بس طلعتي ما بتستاهلي محل الثقه دي
مصعب: بسبب تهورك يا متخلفه ياسين كان حيخسر حياتو انتي السبب ما تسنيم وانتي المفترض تبعدي عنو لانك اذى وحتفضلي اذى في حياة اي زول تخشي ليهو
تسنيم: هو سؤال واحد وبس.. لي؟ لي عملتي كده فيني💔💔💔💔جاوبي
نور:ههههههههههههههههههه 😈😈😈😈😈😈😈
مدام سمعتي الحوار الكان بيناتنا انا وياسين معناها ماف داعي امثل...تسنيم تسنيم تسنيم ااااااااه اي زول بتكلم عنك😈😂😈😂😈تسنيم الجميله تسنيم الشاطره تسنيم الحنونه تسنيم البتساعد غيرها تسنيم الخدومه تسنيم الاولى تسنيم تسنيم 😤😤😤😡كل شي بتعلق بتسنيم انا ٤ سنه معاك ما حصل زول قال نور ابدا لي...انا ما كعبه بس ما حصلته علي انتباه الحوالي عشان حضرتك قاااعده في طريقي 😡😡
أحمد: وطي حسك ده😡الناس بتتفرج فينا
نور: ما بوطي😡😡😡الليله صوتي لازم يصل لاضنينكم وضميركم واحد واحد انا الشي الوحيد الكنته متمنيه ياسين💔من زمان وانا عيني عليهو ومستحيه اعترف ليهو كيف تقومي انتي تجي في دقايق وتاخدي ببساطه كده😩💔انا احلى منك وارقى واغنى واذكى منك فيك شنو انا ما فيني
تسنيم: نور💔....
نور: ما نور ولا شي😡انتي سقطتي من نظرنا كلنا بعد حملتي من مصعب
مصعب: هه😏😒انتي لسه م فاهمه الحصل؟ الشريط حق وحده جارتهم وختتو في شنطتها على اساس ترمي في طريقها ونستو جوه...بالله تاني م تلصقي فيني تهم زي دي لانها بتشبهك اكتر مني😘
نور: كككيف؟ وانتو صدقتوها؟ اكيد لعبة عليكم لعبه اعملو فحص هسي دي
احمد: تسنيم قالت كده ونحنا واثقين فيها اما لو كان انتي كان عملنا كل الفحوصات
ياسين: ولي علمك تسنيم كانت بتزورني فالمستشفى كل يوم لاني بحس بيها وبشم عطرها المميز عشان كده ما بتقدري تكضبي علي وتقولي انها ما جات+مصعب كان معاي طول الوقت اكيد حيوريني الجاني منو والما جا منو😒 انا حبيت تسنيم لانها صادقه لانو قلبي ارتاح ومال عليها❤حسيت انو هي الحتكملني انا ناقص من غيرها❤وبقولها ليك في وشك😤😡 انااااا بحب تسنيم وعمري ما حستغنى عنها طول ما فيني نفس سامعه ولا اعيدو ليك الكلام ده اناا..اخخخ
"ياسين مسك راسو ووقع على الأرض"
تسنيم: يااااسين💔💔💔💔
يتبع.....

عطر اللافندر💜🌸
الجزء التاسع عشر :-
بقلمي عواطف حسن📝
نور: ياسين😭
مصعب: احمد ارفعو معاي ارح المستشفى بسرعه
"وصلو المستشفى والدكتور كشف علي ياسين وقال ليهم هو كويس بس شكلو اتعرض لضغوطات شديده خلوهو بعيد عن كل شي بسبب ليهو وجع راس عشان ما يوجعو هو لسه طالع من عمليه"
وفعلا ياسين استعاد وعيو بعد ساعه وكان كويس🌸
تسنيم: حمدلله علي سلامتك حبيبي🥺😭💔م بتتخيل قدر شنو خفته عليك
مصعب: الف سلامه عليك ي دفعه
احمد: اجر وعافيه ان شالله
ياسين: الله يعافيكم انا كويس الحمدلله ما تخافي ي تسنو هسي ارح نتغدا في بيتنا جعااان😫😫اكل بره ده مسيخ
تسنيم: خليها مره تانيه انا عاوزه ارجع البيت
ياسين: انتي كويسه؟
تسنيم: اذا انت كويس انا كمان كويسه 🥰
احمد: انا غايتو فاااضي ما وراي شي😗😗
مصعب: عديييله انا وراكم طوالي
ياسين: نور وين؟
احمد: بعد الحصل ماف زول رضى يركبها معاهو😤
ياسين: خير ارح البيت ي شباب
" بعد طلعو من المستشفى تسنيم مشت لي نور في بيتهم"
نور: ههههههههه😈قال عطر قال ياهو ده اها بقه من نصيبي والله السرقه من البت دي ساهله ولا بتحس بشي😈😈😈انا البستاهلو خلاس ده بقه حقي انا حيذكرني بي ياسين🥺💜
تسنيم: نور؟؟
نور دخلت العطر فالشنطه بسرعه واتوترت ...
نور: انتي؟ اااا ...عاوزه شنو 🙄😒
تسنيم: عاوزة نور💔
نور: ايوه نعم
تسنيم: لا انتي ما نور💔 نور صحبتي البينا عشرة سنين والبينا حب واخوّه وود...بينا ضحك وصداقه صادقه 💜 مستحيل تتغير لو مرت اقسى الظروف انا ما مصدقه انك بقيتي كده الغيرك شنو؟ انا اذيتك في شنو بس يا نور😭😭😭💔
نور: ماف داعي للدراما 😒😒😒ياسين ما هنا عشان تمثلي دور البت الطيبه...ماف ضحيه غير ياسين فالموضوع هو بحبك بس انتي ما بتحبي انتي مفتكره اني ما ملاحظه بس الشي ده واضح
تسنيم: يا نور انتي لو بتحبي بالجد ما بتقولي كلامك ده انا صحبتك اتمني لي الخير وما تدخلي بيناتنا انا وياسين
نور: يا بجاحتك ياخي ده كلام تقولي اسي؟ بدل تعتذري لي عن الحصل قبيل وعن الكف الاديتيني ليهو قدامهم كلهم تسمعيني فارغه تاني؟😤 صدقيني بدل الكف الاديتيني ليهو ده حاردو ليك كفوف ما تنسيها في حياتك😈بره
تسنيم: انتي وحده مريضه
نور: براااااااااااااا
فاطمه(ام نور): في شنو يا نور في شنو يا تسنيم صوتكم طالع الشارع
تسنيم: هي كلمه وحده يا تسنيم ابعدي عني انا وياسين والا حتشوفي شي ما بعجبك😡
معليش يا خالتو بس نقاش بسيط بيناتنا واسي اتحلى
نور: تاني يا امي المخلوقه دي م تجي بيتنا😤😤😤
فاطمه: اتشاكلتو في شنو يا بتي دي صحبتك بالسنين
نور: امي خليني عليك الله خلاااااص😤
فاطمه: اهدي قولي بسم الله هاك مويه
🥀🥀🥀🥀🥀🥀🥀🥀🥀
محمد: لا حول ولا قوة الا بالله💔💔
ده كلو حصل من نور معقووووله؟
تسنيم: والله ولا انا مصدقه الحصل ده طلعت حاقده وحاسده سايكوووو 💔😤
محمد: وياسين؟
تسنيم: اكيد واقف معاي بس تعب خلاس المشاكل بتجيهو ورا بعض بس الحمدلله😪
تصبح على خير
محمد: تلاقي الخير🌸
"صباح الجمعه كنته مرهقه وراسي واجعني من التفكير اتصلته علي ياسين اطمن عليهو"...
ياسين: لا الصداع ده بقه مركز شديد معاك بتفكري في شنو
تسنيم: يعني حيكون في شنو بس😪نور وما ادراك ما نور والعملتو
ياسين: الحكايه نفسيات خلاس اسمعيني عازمك في حته راااقيه وهااااديه عاوزك تتظبطي تمااام وتكوني اخر شياكه😘👍حاجيك الساعه ٣ عصر كده اوكي؟
تسنيم: والله يا ياسين م عندي نفس اطلع بس عشان خاطرك😪💜
ياسين اتفقنا حبيبي🥰😘
وفعلا بديت اجهز نفسي لحدي الساعه ٣ وربع بالظبط الباب دقه وهنا كانت المفاجأه صراحه كانت اكبر مفاجاه حصلت لي...
يتبع.....

عطر اللافندر💜🌸
الجزء العشرون:-
بقلمي عواطف حسن📝
لقيت ياسين واسرتو جايين كلهم وكانو شايلين هدايا كتير وفواكه وغداء جاهز بقه بغمز لي من بعيد ويضحك😂وانا زي الصابه فيني مطره ما مستوعبه هو ده شنو وفي شنو🤣🤣🤣❤
ياسين: حلااااااوة من غير ما تتظبطي😘
تسنيم: ده شنو ما فاهمه
ياسين: اسي حتفهمي😉
محمود: وعليكم السلام والرحمه والبركه
رقيه: اتفضلو الدار داركم😇
وداد: ما بتقصرو يزيد فضلكم
الرشيد: ياسين ابننا حكى لينا عن ابنتكم تسنيم وكان معجب بيها جدا ومعجب بي أخلاقها وطيبتها وطبعها الحلو🥰❤ونحنا واثقين في اختيارو ليها وواضح جدا انكم من عائله ماشاءالله متدينه ومتواضعه وانا مسبقا عارف محمد محمود كموظف في الشركه ماشاءالله زول مجتهد وممتاز
محمد: تسلم يا ريس🥰
الرشيد: فااا يشرفنا نتقدم لابنتكم تسنيم محمود لابني العزيز والوحيد ياسين الرشيد على سنة الله ورسوله 🥰
تسنيم:🥺🥺😭😭😭😭😭😭😭💜💜
محمود: ونحنا يسعدنا حضوركم اليوم ويسعدنا كمان نتناسب مع اسره كريمه ومرموقه زيكم بس نشوف قرار البت دي موافقه او لا
تسنيم: 😭😭😭😭😭😭😭😭😭😭😭😭😭😭😭😭😭😭
ياسين: بت🤣الناس ديل عاوزين اجابتك
تسنيم: موافقه موافقه موافقه😭😭😭😭😭😭😭😭😭❤❤❤❤❤❤❤
ياسين: الفااااتحه🤲........❤
تسنيم: اميييين❤😭🤲
امي بقت تزغرد وبقو يباركو لي وانا ما مستوعبه شي لسه كيف ياسين قدر يعمل كده
وداد: انا شايفه انو نعمل خطوبه بسيطه يتعرفو فيها على بعضهم اكتر ونحن كمان نتعرف فيها عليكم اكتر🥰
محمود: خير وبركه اذا الاولاد موافقين نحنا ما عندنا مشكله😊
ياسين: انا موافق علي بال ما نخلص الجامعه وابدا في ترتيبات العرس احسن نكون مخطوبين..ولا كيف يا تسنيم؟😉
تسنيم: اي ااي طبعا طبعا🤗
الرشيد: يبقى نعمل الخطوبه بعد تلاته ايام
محمود: ومستعجلين كده لي خلوها بعد اسبوع
وداد: خير البر عاجله يا حاج محمود😂💜
رقيه: بس الترتيبات كتيره والوقت بسيط
ياسين: يا خالتي الخطوبه حتكون بسيطه مختصره علينا نحنا الاسرتين مع شاي لبن ظريف وبس ما عاوزين اي تكاليف
محمود: خلاس تتعمل في بيتنا هنا
ياسين: ما عندك مشكله يا حاج محمود🥰💜
محمد: يبقى على بركة الله🤲💜
"اتونسنا وانبسطنا كتيييير💜💜كان يوم تاريخي بالنسبه لي وكانت احلى مفاجأه حصلت لي واخيرا انا وياسين حنبقى مع بعض وعلاقتنا بقت رسميه الطريقه الجاني بيها والكلام القالو واسرتو وكل شي فاليوم ده كان لطيف جدا 💜"
ياسين: الووو حبيبي❤رايك شنو في يوم الليله ده😘
تسنيم: انت اروع حاجه حصلت لي بالجد بالجد بالجد الله يحفظك لي❤انت ما بتتخيل انا قدر شنو كنته منزعجه ومتضايقه الفتره الفاتت بس من بعد اللحظه دي ماف شي حيزعلني تاني خلاس انت معاي❤الله م يحرمني منك🥺❤
ياسين: ولا منك😘❤ابدي جهزي نفسك ليوم الخطوبه وارتاحي اهم شي ما تقومي وتقعي فالنضافه دي🙄ارتاحي نفسيا واشربي حاجات دافيه تخليك مسترخيه😪💤
تسنيم: حاضر بشوفك يوم الخطوبه❤
"في بيت ياسين"...
وداد: انت واثق من الخطوه دي يا ياسين؟
ياسين: اي يا امي في شنو انا كبير وعارف بسوي في شنو
وداد: بقصد تسنيم بالذات؟ في بنات كتار احسن واحلى..
ياسين: امي ده كلام شنو انا عاوزها وباقي عليها بالعشره
وداد: خلاس خلاس البريحك فالنهايه ده قرارك..الله يهنيك...
🌸🌸🌸🌸🌸🌸🌸🌸🌸
اجزته من الجامعه وبدينا نجهز للخطوبه وخبزنا وعزمنا اصحابنا احمد ومصعب اما نور اكتفيت باني ارسل ليها مسج كمان عزمنا الجيران وزينب وامها واولاد عم ياسين وبس💜... اشتريت فستاني الحالبسو كان بمبي مع شبط ابيض وطرحه بيضاء 💜🌸
كنته متواصله مع ياسين طول الفتره الفاتت وحرفيا اتعلقنا ببعض اكتر واكتر وكنا منتظرين يومنا بفارغ الصبر 💜💜💜
واخيرا جا اليوم المنتظر💜
ياسين واسرتو وصلو بي عربيتين علي حقت مصعب وابوهو ٣ عربات💜
كنته لابسه الفستان ومحجبه حجاب حلووو بالابيض مع اكسسورات من الفضه🤍وحنه بسيطه 🤍
ياسين كان لابس بدله كحليه مع قميص ابيض وساعه بالاسود 💜
غنو لينا وزغردو وفرحنا شديد..كانت اول فرحه لينا في بيتنا وان شالله عقبال محمد اخوي💜
لبسنا بعض الخواتم وباسني في يدي وجبهتي وقرا لي اية الكرسي في راسي😂🤍واتصورنا صور كتيره مره برانا ومره مع الاسره ومره مع أصحابنا 💜🌸
تسنيم: انا ما مصدقه اني وصلته الحته دي ابدا🥺
ياسين: اكضب عليك؟ ولا انا والله😂😂💜
ان شالله طول العمر مع بعض 💜
احمد: ما تراعو للعبد المسكين ده شنو لكن بتتوسوسو في شنو😂😂
ياسين: اخطب عشان تعرف😌
مصعب: لالا قريييييب اكيد عقبالنا كلنا تتسهل علينا💜
تسنيم: اللهم امين💜
الخطوبه خلصت وكل زول رجع بيتو  كنا مبسوطيييين جدا 😍😍😍 ونمنا واحنا تعبانين ومرتاحين في نفس الوقت💜

الصباح الباب دقه بصوره مخيفه زول كان بدق بكل قوتو صحينا كلنا مخلوعين لانو الساعه كانت ٧ صباحا...ابوي فتح الباب وكانت الشرطه...
الشرطي: بنأسف علي الازعاج ده منزل تسنيم محمود؟
تسنيم: ايوا انا تسنيم محمود خير يا جنابو؟
الشرطي: عاوزين افادتك بخصوص اختفاء نور صديق
تسنيم: نور مختفيه؟😱😱😱😱😱
يتبع.....

_




مره كنت جاي جنب مستشفي المجانين سامعهم بكوركو وبقولو 157 وبكررو فيها بصوت عالي 157 - 157 كان بيناتنا سور عالي م قدرت أعاين ليهم بس فجأه لقيت لي قده في السور ختيت عيني عشان أشوفهم مالهم واحد طبظني بي عود في عيني وبقو يكوركو 158 - 158 ياريت لو ختيت عيني التانيه وخليتهم يقولو 159 عشان ما أشوف منشورك ده

__


من اجمل ذكريات الحرب 😂

وعند الله تجتمع الخصوم ستعلم في الحساب إذا التقينا … غداً عند الإله من الملوم. #لأنصرنك_ولو_بعد_حين في هذه الليالي المباركة اللهم انتقم من الظلمة وأرنا فيهم عجائب قدرتك.

تقول إحداهن:

وبعد أربع سنوات من الزواج تحملت فيها
جوارب زوجي القذره، ومصادفه رأسه الاصلع
كل صباح، وشفتاه المشققتين، والكثير
صارحني برغبته في الزواج، لم اغضب منه
ولم أبكي فإن إمرأة ديمقراطيه واعرف الدين
واعرف ان هذا حقه، بالعكس باركت له،
واستأذنته أن أقيم عند أهلي فتره، لم يمانع
وهذا ما حدث، وبعدها إجتمعت مع المخابرات
الامريكيه خاصتي المكونه من اختي وابنه
خالتي، حددنا فيها من هذه الفتاه التي تلعب
برأس زوجي الاصلع ، في النهايه إتضح أنها
فتاه في ال ٢٠ من عمرها، ويحك ي فتاه لن
تشاركيني في هذه الصلعه مهما فعلتي.
حددنا مكان سكنها وإقامتها وكافه المعلومات
عنها وحتي إسم الدايه التي أخرجتها لهذه
الحياه، وإتضح أن لديها حبيب أيضا، خسئت
وما باك إذا (تقابضيني) في (اب شنب بتاعي)
المهم بدأنا بالخطه (أ) ، في هذه المرحلة تقربت
بنت خالتي من هذه الفتاه وصادقتها حتي باتت
الفتاه تثق في بنت خالتي واخبرتها بزوجي الذي
يريد الزواج منها.
إنتقلنا بعدها للخطه (ب) في هذه المرحله إدعت
بنت خالتي أنها تعرف زوجي، وهي كذلك
واخبرت الفتاه أن هذا الرجل مُحتال ، ويتزوج
الفتيات الصغيرات وبعدها يبيع أعضائهن،
لم نواجهه صعوبه في إقناعها مع بعض
الادله غير الصحيحه.
واخيرا الخطه (د) وهي إرسال صور للفتاه
مع حبيبها من رقم غريب الي زوجي.

وهكذا إنتهت الحكايه قبل أن تبدأ
فانا إمرأة ديمقراطيه واعرف الدين كما
اخبرتكم سابقاً، وعدت مجدداً لزوجي
ونور صلعته الذي يجهرني دائماً.

#نير_الهادي

عطر اللافندر💜🌸
الجزء الواحد والعشرون:-
بقلمي عواطف حسن📝
مشينا القسم وهناك اديت افادتي...
مجتبى(الشرطي الماسك القضيه): نور مختفيه ليها يومين.. امها بلغت في نفس اليوم الاختفت فيهو وبعد تمت ٢٤ ساعة تم فتح البلاغ باعتبارها مخطوفه
تسنيم: مخطوفه؟ يا سعادتك الكلام ده خطير علي وحده زي نور هي زوله كويسه ما عندها اي اعداء
مجتبى: ده البنحاول نعرفو ونصل ليهو
امها قالت انك زميلتها فالجامعه وبينكم زيارات كتير بس اخر مره حصل مشكله بينكم ممكن تشرحي الحصل بالتفصيل
تسنيم: سعادتك الحصل شي عادي بحصل بين اي بنتين انت عارف امور البنات بنتشاكل على حاجات تافهه 😅
مجتبى: لازم اعرف كل التفاصيل اتفضلي...
تسنيم: طيب...انا مرتبطه بولد في جامعتنا اسمو ياسين وامس خطبنا بعض ...كنا انا ونور صحبات وعلاقتنا حلوة وتعلم تماما اني بحب ياسين بس فجاه اتغيرت وبقت تحب ياسين فخليناها تعترف قدامنا غصب عنها بالحاجه دي قدامنا
مجتبى: غصب عنها كيف يعني؟ وقدام منو بالظبط؟
تسنيم:اعترفت قدام اصحابنا التانيين احمد ومصعب...عملنا فيها مقلب خططنا ليهو عشان تعترف
مجتبى: اخدنا افادات الطلبه فالقاعه معاكم وكانو شاهدين بعلاقتكم المتوترة فالفتره الاخيره حتى انك ضربتيها كف
تسنيم: ايوا فعلا ضربتها فاللحظه ديك قالت انها بتحب ياسين استفزتني شديد وضربتها😡😠 بس يا سيادتك ده ما سبب اني اكرها بالعكس انا ضميري انبني مشيت ليها فالبيت وحاولته اعتذر منها بس النقاش اتحول لصراخ وجوطه واصواتنا بقت عاليه وسمعتنا امها بس ده كل الحصل
مجتبى: وبعدها ما اتلاقيتو تاني؟
تسنيم: ابدا حتى اني عزمتها على خطوبتي امس وما جات
مجتبى:تلفونها مفقود ومحفظتها وبطاقة الجامعه كذلك
طلعت اول امس الجامعه الصباح وما رجعت
تسنيم: نور ما عندها ناس غيرنا مستحيل تمرق وما تكلمنا يمكن اتناقشنا واتزاعلنا بس بنرجع نتصافى💔
مجتبى: بتشكي في اي زول؟
تسنيم: لا
مجتبى: طيب شكرا ليك بتقدري تطلعي
طلعته لقيت ياسين ومصعب واحمد واقفين جمب اهلي كلهم قعدو يسالوني بس انا اكتفيت بالبكاء والصراخ العالي وبقول يا حليلها نور مشت وين خلتنا😭💔استجوبو ياسين وكمان احمد ومصعب وسالوهم نفس الاسئله...
فاطمه: والله يا تسنيم لو كان عندك دخل فالقصه دي صدقيني ما برحمك😭😭😭😭😭💔
تسنيم: خاله فاطمه ده كلام شنو💔انتي بتشكي فيني؟ نور دي اختي مهما اتزاعلنا م بحصل الدرجه دي..انتي بتعرفيني كويس ادعي ليها بس ترجع بالسلامه
محمد: خلاس تسنيم اعصابك ارح البيت يله كفايه
تسنيم: انا م حاتحرك من هنا الا اعرف مشت وين😭😭😭😭
ياسين: تسنو عايني لي هنا في عيوني نور حترجع تمام💜وقفتك هنا ما بترجعها ولو حصل اي جديد الشرطه بتكلمنا انتي لازم ترجعي وترتاحي حبيبي اوكي؟
تسنيم: طيب🤧🤧🤧🤧😭💔
مصعب: احنا كمان خلينا نرجع البيت
احمد: يله....
🌸🌸🌸🌸🌸🌸🌸🌸🌸🌸🌸🌸🌸
تسنيم: م معقول الحصل ده خالص وين حتكون اختفت نور؟ انا بعرفها كويس ما عندها زول تمشي ليهو غيرنا لا من قريب ولا من بعيد 💔
محمد: والله بالجد شي مخيف اختفت فجاه وسبحان الله وقت انتو اتشاكلتو معاها...معقول....؟
تسنيم: معقول شنو يا محمد م تسكت
محمد: ما عاوز اظن ظن السوء انسي
تسنيم: ظن شنو لو عارف شي قول
محمد: انا ما عارف شي بس.. ما عارف فكرته انو تكون نور خاطفه نفسها واختارت التوقيت ده بالذات عشان تقول انتو السبب
تسنيم: اعوذ بالله ده تفكير شنو😕م معقول تعمل كده هي اكيد عارفه اذا اختفت فتره طويله حنبلغ الشرطه وتفتش عنها ...ماف زول عاقل بدخل نفسو في متاهات زي دي
محمد: اصلا دي كلها افكار مني ساي ان شالله م تطلع صاح قومي نومي عندك جامعه بكره
تسنيم: طيب ت ع خ👋👋
"الصباح فالجامعه"....
وحده من بنات الجامعه: صحبتك مختفيه وانتي مبسوطه لدرجة تخطبي😏
تسنيم: خليك في حالك احسن ليك ولي 😤
مصعب: غييييره وروح شريره😌👋👋موووتي كيي يا بايره وللعرس دايره👏👏👏عينك طايره وزي تسنيم ما لاقيه😌👏👏يله اتشايلي من هنا
تسنيم:😂😂😂😂😂💜ده شنو انت ردحته ليها؟
مصعب: هه ومال قايلاني بسكت للزي ديل😌انا صفحاتي القديمه سودا م زيك يعني بعرف اتعامل مع اشكال زي دي😂😂👋
تسنيم: كويس والله يا ماما اميره😂😂😂😂
مصعب: ايوا كده عاوز اشوفك بتضحكي على طول ❤
تسنيم: ان شالله ترجع وبعدها عمري ما حاكشر وحيكون كل شي تمام😪
الووو؟ اهلين سيادتك...بس انا فالجامعه وعندي...
مجتبى: انا ما طلبته منك ... لازم تجي وده امر
تسنيم: طيب انا فالطريق
مصعب: خير؟
تسنيم: لازم امشي القسم ما بعرف لي
مصعب: خليني اوصلك طيب
تسنيم: طيب ارح....
يتبع.......

عطر اللافندر💜🌸
الجزء الثاني والعشرون:-
بقلمي عواطف حسن📝
مجتبى: لقينا شنطت نور مرميه في غابه جمب البحر
تسنيم: غابه؟ جمب البحر؟ طيب ونور
مجتبى: لسه ما وصلنا ليها بس انا شايف انو بعد ده مفروض تخافي علي نفسك
تسنيم: عفواً ؟
مجتبى: الشنطه كان فيها ادله كتيره ضدك
(تسنيم وقفت علي حيلها وبقت مندهشه )💔
مجتبى: اول دليل هو تلفونها بعد فكينا الباسويرد لقينا اخر مكالمه ليها كانت انتي وكانت قبل الخطف بي نص يوم يعني يوم جيتيها فالبيت
تسنيم: ايوه صح انا جيتها وقبلها اتصلته عليها بس ده ما بعني انو انا سويت ليها شي🥺💔
مجتبى: الدليل التاني لقينا عطر اسمو اللافندر وعليهو بصماتك وياهو ده زي ما شايفه
تسنيم: عطري🥺💔💔💔كككيف وصل ليها
مجتبى: الدليل التالت..هي المذكره دي
كاتبه فيها تفاصيل حياتها ونحنا قريناها كلها واخر صفحات كانت متغيره ما زي البدايه
تسنيم: كيف يعني ما حصل قالت لي عندها مذكره
مجتبى: اخر فتره ليها كانت بتتكلم عنك كتير انك اتغيرتي عليها وتصرفاتك معاها بقت ما زي زمان حتى انها بتخاف منك وذكرت اسم ياسين كمان
تسنيم: ممكن اقرا المذكره دي
مجتبى: لا ممنوع
تسنيم: يا سيادتك انا...
مجتبى: تسنيم اذا انتي عندك علاقه بالحاصل ده اعترفي حتسهلي علينا وعليك كتير
تسنيم: والله ما عملته شي انا😭😭😭😭💔انا صحبتها واختها مستحيل افكر في شي زي ده
مجتبى: طيب اتفضلي لمن نطلبك تجي فورا
تسنيم: خير😭💔
مصعب: قالو ليك شنو...مالك بتبكي؟
تسنيم: كل الادله ضدي انا بقيت متهمه بخطف نور💔💔
مصعب: يا زوله ده كلام شنو...المتهم برىء حتى تثبت تهمتو الناس ديل بلصقو التهم كلها في الناس عشان يخافو والمجرم يظهر من تلقاء نفسو وم يتعبو فالتحقيق...ما تخافي نحنا كلنا جمبك وانتي اصلا ما عملتي حاجه عشان تخافي وبكره بظهر الحق
تسنيم: ان شاءالله والله💜
مصعب: لكن ما غريبه كل التهم ضدك؟🤔
تسنيم: انا زاتي استغربته والله عطري الجابو لي ياسين كان في شنطتها انا م اديتو ليها
مصعب: كانو بتحاول تخليك انتي المشتبه الاول..معقول تكون..
تسنيم: نفس كلام محمد اخوي بس انا متاكده ما هي بس ان شالله تكون كويسه
مصعب: والله ان شالله
تسنيم: ارح الجامعه
مصعب: لو ما بتقدري برجعك البيت ترتاحي
تسنيم: لا ياسين م كلمتو لازم اشوفو
مصعب: طيب ارح
"في الجامعه"...
ياسين: وين انتي يا بت دقيت ليك دشلميه مره م بتردي لي😠
تسنيم: مالك هايج كده
ياسين: جاوبيني ومصعب كان معاك وبرضو دقيت ليهو ما برد في شنو😡😡
تسنيم: كنا فالقسم استجوبوني واسي جيت زي ما شايف
مصعب: ياسين ابرد في شنو مالك انت ناسي انك عامل عمليه والدكتور قال ليك م تضغط نفسك وتتوتر اسي معصب كده بتقع لينا
ياسين: طيب الكلام ده كان ممكن تردو علي ام التلفون ده وتوروني بدل انا قاعد كده
تسنيم: تلفوناتنا صامت معليش ممكن تهدا
ياسين: انا بس خايف عليك يا قلبي😢😩 كفايه نور مختفيه انا فكرته حصل ليك حاجه والله قاعد على أعصابي
تسنيم: ما قصدي اقلقك علي حبيبي معليش🥺😭
مصعب: خلاس حصل خير ي ناس ارح نكمل محاضراتنا ونتخارج
تسنيم: احمد وين
ياسين: دقيت ليهو قبيل قال ما جاي
تسنيم: مالو خير؟
ياسين: ما بعرف والله اختصرني سريع ..شكلو مشغول
تسنيم: طيب ارح...
🍂🍂🍂🍂🍂🍂🍂🍂🍂🍂🍂🍂🍂🍂
زينب: تسنيم ازيك مشتاقين يا بت وين انتي
تسنيم: والله مع الجامعه والقرايه بس لكن بالاكتر وعلي بالي طوالي
زينب: لالا خير بس شكلك عيانه عديل😕
تسنيم: م تشغلي بالك ما شاءالله بطنك كبرت
زينب: اسكتي حاخش فالرابع بعد ده والناس بقت تلاحظ وغايتو
تسنيم: الناس م بتريح ما تشتغلي بيهم وانتي زاتك م تجهدي نفسك ارتاحي فالبيت
زينب: ان شاءالله خلاس سلمي علي امك
تسنيم: ان شاءالله 🥰
🍂🍂🍂🍂🍂🍂🍂🍂🍂🍂🍂
وداد: اها تسنيم اخبارها شنو
ياسين: كويسه والله
وداد: مالها ما بتسال مننا😂
ياسين: عليك الله يا امي خليني اسي راسي واجعني ومتنشن شديد
وداد: لالا خلاس خليتك ارتاح...
"بعد يومين"....
مجتبى: الو تسنيم؟ الحمدلله لقينا نور وهي حاليا فالقسم ومعاها امها بتقدري تجي تشوفيها🥰
تسنيم: الف الحمد والشكر ليك يا رب😭😭😭😭😭😭😭😭😭😭❤❤❤❤
طيب انا جايه مسافة الطريق
محمد: لقوها؟
تسنيم: ايوه الحمدلله😭😭😭❤
رقيه: بركه والله حمدلله علي السلامه
محمود: قولي ليها حمدلله علي السلامه🥰
تسنيم: انا ماشه القسم يله يله...
يتبع......

عطر اللافندر💜🌸
الجزء الثالث والعشرون:-
بقلمي عواطف حسن📝
في القسم لقيت ياسين ومصعب ونور بتبكي معاها امها وابوها...
تسنيم: نور😭😭😭😭😭💔
نور: واااي يا تسنيم من الشفتو😭💔💔💔💔
"حضنتها وقعدنا نبكي مسافه"..
تسنيم: الحصل شنو وكنتي وين طول الفتره الفاتت دي🥺
نور: اليوم داك الصباح بدري قمته زهجانه ومتضايقه فقلته امشي البحر مكان لمتنا عاوزه اشم هوا نضيف ... وخلاس قربته اصل فجاه اشوف ليك خالد وأمير بنادو فيني استغربته جو هنا مصادفه غريبه المهم بكل حسن نيه مشيت عليهم😭😭😭بعدها خدروني ورفعوني في عربيه وما صحيت تاني الا وانا في غرفه ما فيها ولا شي 😭😭😭💔كنته مربوطه طول الوقت بجيبو لي اكل ومويه بس انا م كنته باكل من الخوف...عشته ليالي بارده ومضلمه وانا ببكي طول الوقت حتى صوت الكلاب مافي انا كنته قايله اني حاموت😭💔 ما عارفه عملو معاي كده لي 😭😭😭😭💔
تسنيم: الله ينتقم منهم ان شالله ديل ما بشر كيف يعملو فيك كده💔 ولقوك كيف طيب
نور: الشرطه شكت فيهم لانهم برضو مختفين وحققو جمب البحر الحمدلله شنطتي وقعت هناك والا ما كان حيعرفوني قريبه من الحته ديك .. اسي الشرطه بتحقق معاهم جوه
ياسين: بس كدي يطلعو والله اشبعهم ضرب الكلاب ديل😤😤😤😤
مصعب: الحمدلله البِعدنا منهم والا كان بقينا زيهم
تسنيم: ان شالله ينالو جزاءهم ويتعزبو زي م عذبوك🥺
مجتبى: اتفضلي استلمي حاجاتك استاذه نور حمدلله علي السلامه🥰
نور: وامير وخالد؟
مجتبى: لا ديل بعد ده خليهم علينا حنوديهم النيابه متفقين مع تجار بشر وما ادراك عندهم عصابه تانيه جاري البحث عنها حاليا
مصعب: كانو حيبيعوها؟
مجتبى: خالد اعترف بس رافضين يقولو اسماءهم بس حيعترفو عاجلا ام اجلا...حمدلله علي السلامه
نور:😭😭😭😭😭😭😭
"امير وخالد طلعو مقيدين يدينهم وماشين من القسم على النيابة"....
ياسين: والله ما بسيبكم يا كلاب كيف تعملو كده😤😡😡😡😡😡😡جنيتو انتو تعملو في البت دي كده
مصعب: ياسين فكهم
ياسين: فكني خليني اوريهم انا شنو وادخلهم في علبهم
تسنيم: ياسين خلاس فكهم انت زول عيان
مجتبى: ارجع ورا ما تنسى انك فالقسم مافي بيتك
"ياسين فكاهم"...
ياسين: زحوهم من وشي والا بقتلهم هسي
مصعب: خلاص خلاص مشو انت بس اهدا ارح نطلع احنا زاتنا من هنا ونور تمشي بيتها وترتاح
تسنيم امشي مع نور وانا بسوق ياسين وبطلع
تسنيم: طيب طيب بس خلي بالك عليهو
مصعب: تمام
🍂🍂🍂🍂🍂🍂🍂🍂🍂🍂🍂
مصعب: بالغته يا ياسين ما كان تتهجم عليهم فالقسم
ياسين: يرضيك العملو في بت الناس ديل كانو حيبيعوها
بسببهم اتهمو تسنيم فالقصه وكانت حتتسجن برضو
مصعب: انت قايل انو القصه دي عاجباني انا زيك كان نفسي اخنقهم في محلهم بس اتمالكته اعصابي وقلته الشرطه كفيله بيهم اكتر مني وحتتصرف معاهم
ياسين: غايتو الحمدلله عدت علي خير ونور رجعت والامور رجعت لي مجاريها😪
🍂🍂🍂🍂🍂🍂🍂🍂🍂🍂🍂🍂
تسنيم: حمدلله علي السلامه نور🥰انا بعد دا اطمنته عليك ولازم ارجع البيت
نور: طيب...تسنيم!!...بخصوص موضوعنا انا وانتي والحاصل بيناتنا عاوزاك تسامحيني و..
تسنيم: يا بت عيب عليك تقولي كده احنا اخوات والحصل كلو انسي🥰💜
نور: مصعب وراني انكم خطبتو...الف مبروك م حضرته الخطوبه بس بحضر الجايات باذن الله🥰
تسنيم: وعقبالك يا رب💜
فاطمه: اعفي لي ي بتي القلتو ليك كان مجرد لحظات عصيبه بمر بيها ما قصدي
تسنيم: لله ما تقولي كده انا حاسه بيك واكيد ما قصدك تقولي كده واي ام في محلك كان حصل الحصل ليك عشان كده ما تعتذري
نور: خلي ابوي يقدمك
تسنيم: لالا خليكم مع بعض انا عندي مشوار تاني
نور: تصلي بالسلامه 👋
🍂🍂🍂🍂🍂🍂🍂🍂🍂🍂🍂🍂🍂
وداد: اهلين تسنيم خشي
تسنيم: عاوزه ياسين هو موجود؟
وداد: ايوه قاعد خشي
ياسين: اهلين تسنيم كان تتصلي لي كنته بجيك
تسنيم: لي في مشكله اجي بيتي😌
ياسين: لا مافي شي بس خليتك فالقسم فجاه ومرقته
تسنيم: ما مشكله بس عاوزه اطمن عليك...بقيت عصبي والحاجه دي م كويسه ليك انت عارف الدكتور قال ليك ابعد من التوتر
ياسين: معليش بس في لحظات كده م بقدر اتحكم فيها بي نفسي بلقى روحي انفصمته سريع
تسنيم: اسي خلاس كل زول حياخد جزاءو والامور اتحسنت انت زاتك ارتاح وانسى الفات ده كلو وركز علي قرايتك ومشروع التخرج الامتحانات قربت
ياسين: خير حبيبتي💜
تسنيم: صحي احمد وين؟
ياسين: ما بعرف دقيت ليهو الصباح ما برد
تسنيم: اجي😳 م من عوايدو .. كدي حامشي ليهو اطمن عليهو
ياسين: لا
تسنيم: لا شنو؟
ياسين: ما تمشي ليهو فالبيت دقي ليهو بس لو رد خلاس لو م رد ما لازم تمشي ليهو فالبيت
تسنيم: ياسين ده احمد😂عادي بنمشي لبعضنا من زمان
ياسين: زمان اما هسي انتي بتخصيني وم بقدر اشوفك في بيوت اولاد انا بقيت ما بثق في اي زول
تسنيم: عاوز تقارن احمد بي خالد وامير؟
ياسين: معليش بس مافي مشيه ليهو...انا بمشي عليهو انتي ارجعي البيت
تسنيم: امممممم...طيب بس اتصل لي وريني الحاصل شنو اتفقنا؟
ياسين: اتفقنا💜
يتبع......

عطر اللافندر💜🌸
الجزء الرابع والعشرون:-
بقلمي عواطف حسن📝
وداد: تسنيم دي ما بتسلم علي مالها طوالي بتجيك وتتونس معاك انا ما نسيبتها🙄
ياسين: الايام دي راسنا كابس كلنا😆لكن هي ونااااسه لمن تقعد معاك حتزهجي منها عديل🤣🤣
وداد: اسي انت زيها بقيت ما بتقعد معاي ابوك شغال وانت ماف...اسي ماشي وين
ياسين: عندي مشوار صغير يا ست الحبايب بقضي واجيك سريع😘
وداد: خلي بالك وانت بتسوق الله يرضى عليك
ياسين: حااااضر😘😘😘👋
"تاني يوم الصباح فالجامعه"....
تسنيم: اها أحمد اخبارو شنو ما اتصلته لي امس
ياسين: مشيت ليهو فالبيت ما لقيتو
تسنيم: انا بقيت مقلقه عليهو
ياسين: الو..اي يا ابوي...هسي؟ طيب كويس
تسنيم: الشركه ولا شنو
ياسين: لازم امشي الفرع الجديد ده كبير شديد وشغلو كتير...بعد تخلصي ارجعي البيت طوالي تمام
تسنيم: اوك يله...
🌸🌸🌸🌸🌸🌸🌸🌸🌸🌸🌸
تسنيم: احمد؟
احمد: تسنو والله مشتاق ليك كتير😘
تسنيم: يا ولد انت كنته وين طول الفتره الفاتت
احمد: بالنيه بس
تسنيم: م بالنيه ولا شي اتكلم احكي لي
احمد: لو حكيت ليك ما بتصدقي
تسنيم: كلي آذان صاغية
احمد: الحاقولو ليك ده تقيل علي قلبي شديد واذاني💔
الفتره الفاتت كنته مؤجر شقه لي براي عاوز افهم انا منو وشنو وكيف
تسنيم: احكي من الاخر كده يا ولد شفقتني
احمد: انا ما ولد ابوي💔
تسنيم: نعم؟
احمد: انا واختي ريم ما اخوان من الابو
امي كانت متزوجه واحد اسمو سيف الدين وجابتني بعد تم عمري ٣ سنه اتطلقت منو اتزوجت شريف يلي هو ابوي الحالي وجابت منو ريم
امي طلعت لي رقم وطني جديد وغيرت اسم ابوي ودست وثيقة الزواج والطلاق وكل شي مني عشان تبعدني عنو
تسنيم: لا حولا ولا قوة الا بالله لي عملت كده
احمد: ده الانا بحاول اعرفو وهي ما بتجاوبني
تسنيم: طيب وانت عرفته كيف بحكاية ابوك دي
احمد: كلمتني حبوبتي ام امي حتى انها ورتني مكانو...مشيت شفتو والله المنظر الشفتو فيهو يبكي الحجر💔
تسنيم: مالو😭😭😭
احمد: لقيتو مرمي في دار المسنين جوه عنبر وسخان وماف زول شغال بيهو موسخ في هدومو وريحتو كعبه وجعان وضعفان وحالتو كربه
استلمتو ليك وطلعتو وقعدتو معاي فالشقه اهتميت بيهو حاولته اتكلم معاهو بس هو ما حيتذكرني وم حيعرفني زاتو... جبته ليهو دكتور قال لي عندو زهايمر بالرغم من انو م كبير فالسن لكن الاهمال الحصل ليهو خلاهو يبقى كده
تسنيم: يا حليلو😭😭😭😭💔💔💔امك لي عملت كده
أحمد: طبعا جيت لامي فالبيت واتكلمته معاها رفضت تشوفو او تتكلم معاي في موضوعو عشان كده طلعته من البيت وقعدته مع ابوي
تسنيم: يا حليلك يا احمد ده كلو وم بتكلمني🥺💔
احمد: والله يا تسنيم قافل تلفوني وزهجان وقرفان كنته عاوز اقعد مع نفسي شويه
تسنيم: حبوبتك مستحيل ما تكون عارفه السبب جرب اسالها
احمد: سافرت البلد وتلفونها م بخش معاي
تسنيم: والله بالجد حاجه غريبه...لكن ما تلوم امك وتزعل منها اتفاهم معاها براحه واي شي بوضح ليك
وادعي الله ده يفرجها ويزيل الكرب
احمد: اي ان شاءالله....اها اخبارك انتي وياسين كيف
تسنيم: كويسين هسي كان معاي...نور طلعت عارف؟
"وحكيت لاحمد الحصل كلو...اتفاجأ برضو بس قال الحمدلله دي ارادة ربنا...كانت تعابير وشو حزينه وزول يائس كده حاولته اخفف عنو بس ما قدرته فالنهايه دي امور عائليه بتخصهم".....
حقيقه مآسينا فالحياه دي عجيبه وكتيره ونحنا ك شله
مصايبنا كانت واحده ورا التانيه بس عديناها مع بعض حتى لو اتشاكلنا واتزاعلنا م بنتفكفك❤
كل الكرب في حياتنا بتروح بالدعوات والزعل ربنا بعوضو لينا بي فرح كبير يرضينا بيهو❤ بس الواحد يكون صابر ويتمسك بي حبل الامل مهما طال الزمن لمن ربنا يقول ليها كوني...💜🍂
يتبع.....