Imkon Scholars: Иқтидорли ёшлар учун топ университетлар сари имконият

Ўтган йили ёзда қизим 9-синфни бошлаганда, биз уни АҚШдаги IVY League (энг нуфузли университетлар)га тайёрлаш ҳақида ўйлай бошладик. Танишларим Ўзбекистондаги Freshman Academy бу университетларга тайёргарликда ёрдам бериши ва кўплаб ёшларни 100% грант билан ўқишга киритганини айтишди. Шу тариқа мен Yale университети битирувчиси ва Freshman Academy асосчиси Валера билан танишиб, унинг консалтинг хизматларини олдик.

Суҳбат давомида Валера Ўзбекистонда иқтидорли ёшлар жуда кўплигини, аммо кўпчилигининг молиявий имконияти чеклангани сабабли тахминан $8 000 турадиган бундай хизматларни ололмаслигини айтди. Ҳатто айрим ёшлар дунёнинг топ университетларидан $300–400 минглик грант ютиш мумкинлигига ҳам ишонмайди. Яъни, кўп ҳолларда биз ўз имкониятларимизни тўғри баҳолай олмаймиз.

Шунда мен Валерага: «Агар шундай иқтидорли ёшлар бўлса, камида 4 нафарига мен ёрдам бераман», дедим. Валера ҳисоб-китоб қилиб, агар 10 нафар талабага бюджет топилса, харажатларни анча тушириш мумкинлигини айтди. Мен қўшимча 6 нафар талаба учун ҳам маблағ излашни бошладим ва дўстларим билан гаплашдим. Бир нечта дўстларим бу ғояни қўллаб-қувватлашга тайёр эканини билдиришди. Натижада биз 10 нафар эмас, 20 нафар талаба учун маблағ йиғдик.

Икки ой давомида дастурни тайёрладик ва бугун Freshman Academy билан ҳамкорликда молиявий имконияти чекланган 20 нафар иқтидорли талабага дунёнинг топ университетларига киришда ёрдам беришни бошлаяпмиз. Танлов ҳақидаги маълумотни талаба бўлишни истаган танишларингиз билан улашсангиз мамнун бўламиз.

Дастурнинг мақсади — 20 нафар талабага топ университетлардан 100% грант ютишга кўмаклашиш. Бу ёрдам эвазига сўраладиган ягона нарса эса — келажакда Ўзбекистон ва ўзбекистонликлар ривожига ҳисса қўшиш.

Тўлиқ маълумот ва ариза топшириш учун: https://imkon.org

Шунингдек, ушбу ташаббусни қўллаб-қувватлаган дўстларимизга алоҳида миннатдорчилик билдираман:
Зафар Хашимов, Мурод Назаров, Лазиз Адҳамов, Ботир Арифжанов, Иброҳим Мамасаидов, Анвар Ирчаев, Алишер Тожиев ва Ҳикмат Абдурахманов.

Дастур бўйича янгиликлар ва тажрибалар билан мунтазам бўлишиб бораман.

Видео ҳажми катта бўлгани сабабли, уни бу ерда томоша қилишингиз мумкин.

@paiziev24

Hatto, itlar ham o’qishni o’rganayotgan bir payta biz nimalar bilan shug’ullanayapmiz?

https://youtu.be/E-DVvJJlH9o

Tadbirkor do’stlarimizni dam olish kunlarida “Topex school” maktabimizga taklif etib “Cash flow” o’yinini tashkil etdik!

👉@rustamnishonov👈

Илон Маск Ой ва Марсда шаҳарлар қуриш режасини маълум қилди

Америкалик тадбиркор Илон Маск SpaceX компанияси яқин ўн йилликларда Ой ва Марс сайёраларида шаҳарлар барпо этишни режалаштираётганини маълум қилди.

“Билмаганлар учун, SpaceX аллақачон Ойда ўз-ўзини таъминлай оладиган шаҳар қуришга эътиборни кучайтирди. Биз бунга ўн йилдан кам вақт ичида эришишимиз мумкин.

Шунингдек, SpaceX Марсда ҳам шаҳар барпо этишни мақсад қилган ва бу ишларни тахминан беш-етти йил ичида бошлашни режалаштирмоқда”, — деб ёзди Илон Маск X ижтимоий тармоғида.

Маскнинг таъкидлашича, Марсга парвозлар фақат Қуёш тизимидаги сайёралар муайян тарзда яқинлашадиган даврларда — ҳар 26 ойда бир маротаба амалга оширилиши мумкин. Бунда саёҳатнинг ўзи тахминан олти ой давом этади.

Шу билан бирга, тадбиркорнинг айтишича, Ойга ракеталарни ҳар ўн кунда бир учириш мумкин, парвоз эса икки кун давом этади. Бу эса Ер йўлдошида шаҳар қуриш жараёнини тезлаштириш имконини беради.

👉@rustamnishonov👈