انَه بِلا وَعي مِن انطيتَك
الرَوح
وعقِل مَا جَان عِندي و هَسة
فَزيت
مَا اجذِب واكلَك باَجر
انسَاك
عِفتني وذكرِيات هِواي
خَليت
هذاك الحَايط البَي اسمَك
يطَيح
عَلى هَالحالة لَازِم
نهدِم البيَت

ناري ما تطفى ولا نارك طفت
وعيَني كبلك تبچي إذا عينك بچت
يالعزيز الما غَبَت عن بالي لحظة
ما أكول انتَ بعدك وشلون أضلمك
ومن يذكَرونك كَبالي يَبين بوجهَي
القَلق لو جابو أسمك
انتَ نُقطة ضَعفي أنتَ
ولو أحب ثاني أرد ارجع وأحبك

ولو أنَك دمع ما ضمتك عيني
ولو أنَك گحل ما شالتك عيني
يَلوموني وآحسك تكبَر بَروحي
وأنا بلا شوفتَك شينفعن عَيوني
يَشوفي ورجَوتي ودنياي
دنياتي ولوَني وعذآبي
بَسمتي وشكوآي وضنوني
يخيعونك عليه
وبيكَ خيعونيَ

ضلام أنتَ بحياتي
وضلمك هواي
وأضوكك مُر وأگولن
لا طعم هيل
وأعرفك خاين
وأدريك بالذات
تريد وياك أخلصها بتواسيل
لك أعرفك گبلي عاشك
وأعرف البيك
ضميت الأسرار بوحشة الليل
كَل هذا وبقيت
مصَبر الروح
حَلم وأبقي على حيلج
قوي الحيل
أنا الدلليتك وبوكت عوز
وتگلهم عليه مشوفك الويل

المفروَض هسه
الإيد بـ الإيد
چا حلوه خربَانين
بـ العيد؟

انا أعرفج ما تجين
وأدري ماتنسين بس ما تِنّسين
اني أحلى الأوفيا
وانتِ أحلى الخاينين

فاَرشلك جفن واتنطر تناَم
نام ولا يهمك ضيم الأَيام
يا بعَد رموش عيني وجفني
والعين وصبيه ونظره
وذيج الأحلام
سنة ما شايفك بس أنتَ موجود
لهسة اشتم عُطر من شوفته العام
ما تاجرت باسمك بس تعاطيت
بيني وبين روحي هجرك أعدام
شفتك بالحلم فزيت مرعوب
ما لحكت أشوفك مسرع اجدام
نذر لو ملتفتلي جان حنيت
من أطراف جدم الشعرة الهام
ملثم مَن تمر ما أعرفك تريد
أعرفك لو تحط على أسمك الثام

يعوّضني الدمع وانه الخسارة هواي؟
شيعوّضني الدمع انه الخسارة هواي
على رملة أمل كل عمري شلگته
و انا الباگي نهاري و رحت أدور بليل
و المسودن طبع مايعوف السالفة
على نفس الدرب ذبولي بس الصوف
حتى ارجع واكول ذياب ماكلته
و انه الصبر والعطش ما وازه
ذنت نفسه وذبح بالصحره راحلته
كلب ما جنه كلبي جني متني
جرعته التعب ما يوم دللته
طفل من ايده اكوده وهو يمشي وياي
وعلى ضحكة كهف للموت نزلته
انقفل باب الصبر كد ما أدك عليه
مو خالي كرم بس اني مللتة
بعد ما هد سهم كون الطريد بعيد
ما بيها فخر لو أكول وصلتة