КАПАЛАК

Капалак дунёни тушуниб қолди:
«Абадий эмас у, оний экан, хўш,
Бир кун яшадинг ё минг йилча турдинг,
Фарқ қани, ўртада жимжитлик, бўм-бўш?!»

Шу мантиқ бўйича қоқди қанотин,
Ҳислари сочилди кўҳна заминга.
Ҳарир туйғулар-ла қучди ҳаётин:
«Битта тонг, битта тун етади менга!»

Бир кунгина учди, бир кунгинаю,
Не тароват бўлса топди бенуқсон.
Шунақа бахтиёр кўз юмдики у,
Бу қадар ўлмаган бирорта инсон.

Уйғонса қай бир Тонг капалак яна,
Булбулга қўшилиб куйлаб туражак --
Бир кунлик умрида кўрганларини
Йиллаб одамларга сўйлаб беражак.

📚 @Xayrulla_Hamidov_adabiyot

ҲАСРАТ

Табиат ям-яшил. Гўзаллик ҳоким,
Олам бир ҳаловат таъмини тотмиш.
Уфқ сари чўзилган хаёллар тўкин,
Қуёшга қарайман. Титраниб ботмиш:

У кўриб келяпти ҳамма-ҳаммасин,
У билар қайдадир эримаган қор.
Мазлум кўнгилларга нотаниш фасл
Жумлаи оламга хуш келган баҳор.

Офтоб махлуқотнинг баридан сирлик,
Ёритмоқ учунмас туман, дарани,
Эрта тонгда чиқиб келади шўрлик
Қайта кўрмайин деб шу манзарани.

Кўради у яна, ёнар бағриқон
Бир чимдим тутолмас саратонлардан.
Кетайин демайди ёвуз қаҳратон
Тақвим ҳам киролмас хонадонлардан.

Юрак зириллайди. Силтанар зил-зил,
Кўзим таниб қолган беғуборларни.
Аллоҳ, Аллоҳ, Ўзинг нусрат улашгил,
Мен кўриб чарчадим бебаҳорларни...

📚 @Xayrulla_Hamidov_adabiyot

СЕН ҚАЙДАН БИЛАРДИНГ...

Сен қайдан билардинг, осмон четида Тун заҳри сездирмай ўчаётганин, Интиқ шеригини излаб тун бўйи Бир юлдуз соғиниб учаётганин...

Сен қайдан билардинг, гуллар саройда Адирлар ҳақида ўйлар сурганин, Ҳув анов қоронғу кўринган жойда Бахт мени жимгина кутиб турганин.

Сен қайдан билардинг, юрагим куйган, Локин мақсадига етаётганин. Серсоқол, қоп-қора шляпа кийган Одам менга совға элтаётганин.

Сен қайдан билардинг, бир одам бўлсанг, Ҳеч еринг бўлмаса бизлардан ошиқ.

Ҳовлимда сайраган момиққина қуш Менга толе ҳақда айтганин қўшиқ...

📚 @Xayrulla_Hamidov_adabiyot

КЎЗГУ

Бу ёруғ дунёда яшамоқ надир, Фалсафа суқмоқлик ярашмас унга. Кундузнинг тўрида қуёшнинг ўрни, Уни мажбурламоқ жоизмас тунга.

Ҳар ким масъулидир айтган сўзининг, Қизиқмасин шундан уёғи билан. Эчки ҳам осилар бир кун ўзининг Умр бўйи юрган оёғи билан.

Ҳеч ким кўролмагай бировнинг тушин, Бировнинг қабрида ётолмас, ахир. Не учун ўзгага саф тортмоқ қўшин, Кўзгудан ёт жойга арзимас қаҳр.

Ҳа, кўзгу юзига термулиқ кўзим, Ундан садо қайтар: “Қалбан таъсирлан. Мен сени тинглашга тайёрман, ўзим, Мени тинглаш учун сен ҳам ҳозирлан!"

📚 @Xayrulla_Hamidov_adabiyot

ДАЛДА

Онажон, чарчадим дунёларидан,
Кўнглим зада бугун, дилим хор бугун.
Зерикдим туш бўлган рўёларидан,
Юрагим узлатга зор бугун.

Ҳасрат учрайверса ҳар тонг, ҳар оқшом,
Телбалик кўйига тушаркан одам.
Ерлик ифлосларнинг исканжасидан
Самодан сўрайман ҳар куни ёрдам.

Онажон, бир дўст йўқ дардинг айтгали,
Холис дуо қилар йўқдир битта қўл.
Ҳавасим ортади ортга қайтгали,
Тугайин демайди бу сарҳадсиз йўл.

Сирпанчиқ орзулар, сўнгсиз фарёдлар
Чиркин вужудимда айқашу уйқаш.
Билсам-да ҳеч қачон топилмаслигин,
Излайман бу саҳро қўйнида дилкаш.

Учрамайди, ахир, ҳар ён асабий,
Забун нигоҳларга келаверам дуч.
Кошки дунёларни енга олишга
Топа олсам куч...

Онажон. Оҳ, онам, сизни яратган
Худойимга чексиз шукрлар бўлсин.
Тилимда бир ният мудом таралган:
Ҳамма йиғласа ҳам оналар кулсин!

Сизни соғинишнинг ўзи ҳам малҳам,
Сизни хотирламоқ юракка даво.
Биргина эзгулик яшаб қолса ҳам,
Сизга, фақат сизга кўргайман раво.

... Шу шеърни битар пайт сездим ногаҳон
Кўнгил кўнгиллигин англади, туйди.
Қалам олганимда, оғриган юрак
Тузалди – қўйди...

Онажон, масофа фарқи йўқ сизга,
Оғрисам, зўр малҳам қўяверасиз.
Сизга улашганим – озорларимни
Тағин яхшиликка йўяверасиз.

Шу олис масканда англадим, билдим,
Сиздан бошқа кимса мутлақ бегона.
Улуғ раббоният иймонга келдим:
Ростан жаннат экан пойингиз, Она!

Ростан жаннат экан ҳар қадамингиз,
Қайғуларни бу тун яна йиқаман:
Ҳеч кимга билдирмай шу кеча, Она,
Сизни ўйлабгина йиғлаб чиқаман.

Тушимга бир далда шарти-ла киринг,
Бу оғир йўллардан шундоқ ўтилар.
Илтимос, шу сафар овутмай туринг,
Кўздаги ёшларим сиздан ўтинар...

2013 йил.

📚 @Xayrulla_Hamidov_adabiyot

🎁 Bugun yana bir bor ulug‘ va fazilatli Ramazon oyiga yetib kelganimiz uchun Yaratganga shukronalar aytamiz. Bu oy nafaqat ro‘za tutish, balki ruhiy poklanish, sabr, saxovat va rahm-shafqat oyidir.

🎁 Bu muborak kunlarda o‘zaro mehr-oqibatni kuchaytiraylik, bir-birimizga yaxshilik ulashaylik va ehtiyojmandlarga yordam beraylik.

🤲 "Ey Alloh! Bizni shu muborak oyda gunohlardan pokla, qalbimizni nur ila to‘ldir va bizni sen rozilik topgan bandalaring qatoriga kirgiz."

🎁 BARCHAGA RAMAZON MUBORAK BO'LSIN

Xulosa qilishga shoshilmang!

🐝Asalari 454g asal yig’ish uchun 2 milliondan ortiq gulga qo’nishi va umumiy hisobda 80 ming km uchishni talab qilar ekan.

Dunyoda umuman aynimaydigan maxsulot bo’lsa u ham asal hisoblanadi. To’g’risi ozgina asal orqasida bunday darajada katta mehnat yotishi tasavvurimga ham kelmagan edi.

Nega bularni sizga aytyabman?

Bir kun tanishim bilan ko’chada turgan edik, oldimizdan qimmat avtomobil o’tib ketdi. “Zo’r avtomobil ekan-a?” desam, tanishim menga qarab “birorta davlat ishida ishlaydigan poraxo’rdirda” dedi.

Afsuski moliyaviy muvaffaqiyat ortida faqatgina poraxo’rlik yoki xaromxo’rlik yotibdi deb o’ylaydiganlar song mingta, balki siz ham o’shalarni biridirsiz. Bunday o’ylash bilan siz ularga emas o’zingizga zarar yetkazasiz.

Men doim o’zimdan yaxshiroq moliyaviy holatdagi insonni ko’rsam, “bunday yurishiga o’zini sohasini 2 millionta muammosiga kirib chiqqani, va o’sha sohani yoziniyam, qishiniyam, kuziniyam, bahoriniyam ko’rgani uchun hozir “asalini” yeb yuribdi” deyman.

O’z muvaffaqiyatsizligingizda boshqalarni ayblashni to’xtating, uni o’rniga:

“Menda qanday hunar bor-ki shunday insonlarni biror muammosini yechadigan?” deb o’zingizdan so’rang

Javobini topsangiz ularga aloqaga chiqib muammosini tekinga hal qilib bering (begona insonga yaqinlashishning eng samarali uslubi)

Yordam berish jarayonida, imkonini qilsangiz sizni qiynayotgan moliyaviy savollaringizga javob oling. Bergan javoblarini o’z kasbingiz yoki biznesingizda qo’llang.

📌@shahadolimov