لا باس يالجوف الكتوم و سلامات
فيك أسرفت كفّ الجروح ؛ الكريمه

و اللي يشوف الوجه و الابتسامات
ما يدري إن الصدر ؛ مسرح جريمه
.

في سهرة العشق لا تنطق ولا كلمه
ابغى عيونك تسولف لي بليا كلام

العشق سلم عليه وحب لي خشمه
يازين ليل المحبه والغلا والغرام !!

انتي قصيدة حبرها ماله اقلام
بالحلم .. تكتبها يدين الحقيقه

الليل يرويها احاسيس وهيام
والصبح يتنفس بها كل دقيقه

هاتي تفاصيله ،، جمالك وزينك
هلّي على صدر الظما من مزونك

هيا خذيني بين جفنك و عينك
خليني اكتب قصتي في عيونك

قلبي طواه الشوق والحب والبعد
والهمس واللمسه وبعض الجروحي

اسمك وطيفك والسهر غاية السعد
اليا حضرو اسهر معاهم بروحي

ياليتني حطيت للقلب عداد
يطبع فواتير الغلا والموده ،

من شان لاجاني من الناس نشاد
اسحب له برنت الغرام ويسده !

عيش بصراحه ، وابتسامه ، وطيبه
وتصير لجلك معظم الناس .. عشّاق

انك فقير المال ؟ ماهي مصيبه
بس المصيبه كلها .. فقر الاخلاق !
.

يكذب اللي يقول ان كل مافات مات
من واقع يعرض الماضي بصوره وصوت

ويصدق اللي يقول ان اصعب الذكريات
اللي يموتون (من فيها) وهي ما تموت

ياللي تقول الحظ عيّا لا يطيب
وتحس في ضيقه ونار ٍ لااضيه

اصبر على الدنيا تجيب اللي تجيب
العمر فتره و الليالي مااضيه

وان كان فيك من الزمن شكّه وريب
ونفسك عن اللي صار ماهي رااضيه

لا تنشد مجرّب ولا تنشد طبيب
رح جرّب انت الناس ماهي فاضيه

بعض الرسايل خطها ينعش الـــروح..
‏لاجات من غالـــــــــــي وقلبك يوده..

‏تشفي عليل النفس وإن كان مجروح..
‏وتخلــــــــــــي أوقاته رخا بعد شدة..

الشاعـر سعدالله الجوهري

الصمت حكمه واعقل الناس مجنون
والحال واحـد مـا جـرا لك جـرا لي

واللـه لـــو تمـلك مــن المـال بليـون
مـا عـوضك عـن فقدك انسان غالي

لـو كنت مـن فقد المحبين مـحزون
لا تظـهـر  الأحــزان يا راس مــالي

طنش  كـلام الناس مـهمـا يقـولون
ولا تصــدقـهــم ولــو هــم غــوالي

الناس صارو شكل من دون مضمون
أرداء بشــر صـاروا يشوفـوه مثالي

يا صاحـي ارداء بز بالشكـل مـزيون
طـرحة نساء وتقـول غـترة رجـالي

واحد يشوف الماء يقل كاس إفيون
واللـون الاصـفـر  يحـسـبه  برتقالي

واحـد يشوف السم ويقـول كمـون
مـن حسن ظنه مـا نوى في سؤالي

وصـحـبة ابن السـوق تديك للدون
صاحـب عيال الناس واهل المعالي

كيلو عنب عندي وزن كيس ليمون
شوف العنب يرجع زبيب يا هلالي

لـو تحـرق الـدنيـا ويتفـجر الكـون
وتعاود احــداث السنين الـخـوالي

والطير يرجع حوت والتوت زيتون
لـو يرجـع القطب الجنوبي شمـالي

والشمس تتشكل على شكل عرجون
مـا احـط لهل المصلحه يوم شالي

الشاعـر علي المهتار


لِمَكَارِمِ الأخلاقِ كان مُتَمِّمَا
وبنورهِ نالَ الجَمَالُ تعَظُّمَا

عن خيرِ مَرتَبَةٍ تُغرِّدُ أحرُفِي
ويزيْدُها ذِكرُ الحبيبِ تكرُّما

لغةُ العطورِ تضَوَّعَتْ بِجَلَالهِ
وبِلُطفهِ طِيْبُ النَّسيمِ تَكَلَّما

في ذِكْرهِ ألقٌ يحيلُ عبارتي
وَهَجَاً تُرتِّلُهُ الأَوَادِمُ والدُّمى

إنَّ السبيلَ إلى عنَاق مَديْحهِ
أنْ نمنحَ الألبابَ فيه تفَهُّما

فهو الذي لَبِسَ السماحةَ مِئْزَراً
و بعدلهِ الحُكمُ الحَنيفُ تعمَّما

ما أنبأت كُتبُ السما بقدومهِ
إلا لشأنٍ في المقامِ تعظَّما

ببزُوغهِ زالَ الظلامُ تقَهقُرَا
نحو النهايةِ والضلالُ تحطَّما

هو رحمةٌ للعالمين وجنَّةٌ
في الأرضِ أولُها وآخرُها السما

لولاهُ ما غربَتْ جهالَةُ مَعشَرٍ
وَأَدُوا البَراﺀَةَ بَطْرَةً وتَهَكُّمَا

لن تبلغ الأقلامُ وصفَ محمدٍ
ولو اتخذنا للبلاغة سُلَّمَا

فالشعرُ مازاد النبيَّ وسامةً
بل ذكرهُ زاد القصيد توسُّما

زكَّاهُ في القرﺀان جلَّ جلالُه
و لحبه صلى عليه وسلما

جات المقادير مثنيّه ومربوعه
‏وان قلت عدّت يصيح الوقت لي توّك

‏مايدري ان الهموم ان جات مجموعه
‏أقول ياقوّها "وتقول ياقـوّك

‏يالله توسع خاطري دامني حي
‏وتجعل هناي وراحتي في صلاتي
‏..
‏يارب مابي خاطري يكسره شي
‏ابيك تسعد مابقى من حياتي!!