#shaxsiyfikr #GinnesRekordi
Men barchani g‘alaba bilan tabriklayman. Lekin ochiq aytaman: men quvonmadim. Yangi O‘zbekiston yoshlari uchun bugun eng katta ehtiyoj — shov-shuv emas, ilm. Men robototexnika bo‘yicha texnologiya fani o‘qituvchilariga dars beraman: ular darslikka yangilik sifatida kiritilgan Robototexnika mavzularini avval o’qishmagan, bu fan bo’lmagan ham. Endi ular bu sohani o‘quvchilarga sifatli o‘rgatish uchun o‘rganishmoqda, lekin ko‘plarining mablag‘i yetmaydi, jihozlar yetarli emas.

Bir martalik rekordlarga ketadigan resurslarni hech bo‘lmasa 2000–3000 ta maktabga kichik “namuna to‘plami” sifatida taqsimlasak, o‘quvchilar robototexnikani faqat rasmda emas, balki haqiqiy jihozlarda ko‘rgan bo‘lardi. Chunki darslikdagi chizma va suratlardan ko‘ra amaliy tajriba bolalarda butunlay boshqa darajadagi tushuncha uyg‘otadi.

Biz shu kunga qadar 500 ta texnologiya fani o‘qituvchisini robototexnika bo‘yicha, darslikdagi murakkab mavzularni tushuntira olishlari uchun tayyorladik. Ularning har biri o‘z hisobidan jihoz to‘plamini sotib oldi va kurs uchun ham to‘lov qildi. Agar har biri maktabida kamida 10 soatlik dars o‘tsa va o‘rtacha 5 ta sinfga kirsa, bir ustoz yil davomida kamida 75 nafar o‘quvchiga ta’sir qiladi. Demak, shu 500 ustoz orqali bugungi kunda 37 500 nafar o‘quvchi robototexnika nima, undan qanday foydalanish mumkin va uning imkoniyatlari haqida aniq tasavvurga ega bo‘ldi deb hisoblaymiz.

Men muhandislikni aynan shu yo‘l bilan — ustozlar va o‘quvchilar orqali yoyish tarafdoriman. Chunki ularning ichidan ertangi muhandislar, ixtirochilar, olimlar chiqishi mumkin. Har kuni ko‘plab ustozlar bizga murojaat qiladi: ularni qiynayotgan masala — moddiy imkoniyatning yetishmasligi. Ko‘pchilik ustozlar bolalarga o‘rgatishni jon-dildan xohlaydi, ammo imkoniyati yetmaydi. Biz ba’zilariga chegirmalar, hatto 100% vaucherlar ham berdik, lekin hammasiga yordam berishga imkoniyatimiz yetmaydi.

Bir martalik rekord o‘rniga ilm bilan qo‘yiladigan, kamharajat va mazmunli rekordlar ham bor. Masalan, yaponiyalik Tatsuhiko Mitsuya 2024-yil 6-aprelda atigi 57,676 mm balandlikdagi insonsimon robot yasab rekord qo‘ydi. Bu shunchaki shov-shuv emas, balki laboratoriya, muhandislik va ijod mahsuli edi.

Keling, motivatsiyani saqlagan holda resurslarni uzoq muddatli ta’limga, haqiqiy natija beradigan tashabbuslarga yo‘naltiraylik. Chunki ilmiy ta’limni kengaytirish — biz qo‘yadigan eng katta va eng foydali rekord bo‘lishi mumkin.

👉 Agar bizda o‘qigan bo‘lsangiz va natijasini ko‘rgan bo‘lsangiz, fikringizni qoldiring. Fikrlarimga qo‘shilsangiz, izoh yozing. Bu gaplar muammolardan xabari yo‘q mas’ullarga yetib borsa, balki yechim topilib hammamizga foydasi tegishi mumkin.

Biz bilan bog‘lanish:
✅ @Robotronix_qabul
📞Telefon: +998338033353

📱 Rasmiy sahifalarimizga ulaning:
📱https://t.me/Robotronix_LLC
Telegram | Instagram | Facebook | Youtube

📣 Farzandingiz kelajak texnologiyasini bugundan o‘rgansin!

😉 Robototexnika nafaqat o‘yin, balki:
✅ Mantiqiy fikrlashni o‘stiradi
✅ Sabr va diqqatni shakllantiradi
✅ Texnologiyaga qiziqishni uyg‘otadi
✅ Jamoada ishlash ko‘nikmasini beradi

Guruhlar:
4–7 yosh — LEGO orqali o‘yin tarzida ilm va texnologiya
8–10 yosh — dastlabki mexanizmlar va dasturlash asoslari
11+ yosh — elektronika, Arduino, murakkab loyihalar va innovatsiyalar

♾ Darslar o‘zbek va rus tillarida!

📍 Manzillar:
Farg‘ona shahar markazi hamda
Ilg‘or MFY, Happy Hause bog'chasi binosida

📇 Farzandingiz vaqtini bekorga sarflamasin — u ertangi kashfiyotchilar safida bo‘lsin! Robotlarni hayotimizga kirib kelishi tezlashmoqda va bu fantastika emas!

Biz bilan bog‘lanish:
✅ @Robotronix_qabul
📞Telefon: +998338033353

🔗 Rasmiy sahifalarimizga ulaning:
📱 https://t.me/Robotronix_LLC
Telegram | Instagram | Facebook | Youtube