بنشر لكم بارتات جديدة بس توعدوني انكم راح تتفاعلوا مع البارتات

@riwait_221
📖 روايـة أنتي حمول الوقت وأنا سندها .
(البارت 51)
.
ابعدي عن طريق البنت
في هاللحظه كانت هيا ودها تدعي على ام سند بس ماطاوعها قلبها ابد
مسكها سند : يلا يا هيا
راحوا وام سند تدعي على هيا بكل انواع الدعاوي السيئه
_______.
في بيت ابو مقبل
كانت ام مقبل تدور وتدور ماتدري وش هالقلق اللي صابها
وطلع مقبل : يمه وش فيتس تدورين
ام مقبل ناظرته بحزن: مدري يا مقبل قلبي اكلني ياخوفي هيا فيها شي
مقبل : بسم لله عليها مافيها الا العافيه ان شاء الله وكلها عدت ايام وتنقضي
ام مقبل: يارب تكون بعون بنيتي والله ان هيا ماتستاهل الا كل خير
مقبل تنهد: اخ ليت ابوي خلاني فدا لها
ام مقبل: لا يامقبل تكفى لا تزيد جروح قلبي وانا امك لا تخلوني اموت بحسرتكم
مقبل اقبل يبوس راسها: الله يخليتس لنا يا يمه وان شاء الله كل شي بخير
ام مقبل: يارب امين
جلسوا وكلهم قلقانين لكن ساكتين عشان بعض
_______.
وفي بيت ابو سعد
صحت عزوف وهي في عالم ثاني من التعب حاولت توقف ماقدرت الدنيا تدور فيها قاومت نفسها لين وصلت غرفة سعد وبعدها طاحت غشيانه
وفز سعد على صوت طيحه وبسرعه فتح الباب ولقى عزوف طايحه بأرضها انفج وهو يحاول يرفعها ويناديها: عزوف عزوف وش بلاتس عزوف
ركض يجيب الماء واول مارشها فيها شهقت
سعد: وش فيتس وش فيتس
عزوف بصوت ذايبب: مدري مدري الدنيا تدور
سندها سعد: تعالي تعالي بوديتس المستشفى
اخذها مسرع للمستشفى وهو قلقان عليها
_______.
وفالمستشفى
وصلوا ودخلو هيا اللي كان عندها ولاده وجلست ام شايع وسند برا ينتظرون بقلق
كان سند خايف من لحظة ولادة هيا ووش بتجيب
وبعد ساعات طلعت الدكتوره : مرافق المريضهه هيا ؟
سند : انا انا
وقفت ام شايع تحاول تستند : وانا
الدكتوره : الف مبروك هيا جابت بنت
سمع سند كلمة بنت ودارت دنياه فيه وماعاد سمع بعدها شي لكن رجع الواقعه على صوت ام شايع تقول : لا اله الا الله لا اله الا الله
الدكتور: الحمدلله هيا وبنتها بخير الحمدلله بس الولد وضعه صعب شوي يحتاج عنايه
سند: ولد وشو؟
الدكتور: هيا جابت بنت ولد توم بس الولد تعبان
مايمدي فرحة سند تكتمل الا تلاشت بسرعه وكثير اشياء لازم يستوعبها ( توأم؟ ولد ؟ وبنت ؟ والولد المنشود تعبان)
وش يسوي يفرح ولا يزعل يبكي ولا يضحك
ام سند : الله يخليهم لك ياسند ومبروك ماجاك
ناظرها سند بهدوء وهو ماكان مستعد المباركه من احد نزل راسها وسكت وهو مايدري كيف بيقول لابوه الخبر
_______.
في الطرف الثاني من المستشفى
بعد ماتطمن سعد ان عزوف بخير وكل اللي فيها سخونه وارهاق من كثر ما تفكر طلع يمشي لين ينتهي دواء عزوف
.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 52 )
.
في الطرف الثاني من المستشفى
بعد ماتطمن سعد ان عزوف بخير وكل اللي فيها سخونه وارهاق من كثر ما تفكر طلع يمشي لين ينتهي دواء عزوف
وصدمة عمره يوم شاف سند اللي يمشي من الاستقبال لقسم الولاده ويرجع وكان باين عليه التوتر
وطلع الدكتور اول ما تكلم مع سند مسكه سند وجلس
وهنا طاح قلب سعد اللي يدري ما احد في قسم الولاده الا هيا ولا تطمن لوجه سند وخاف
حاول يسمع بس ماقدر وقاطعته الممررضه: يالاخو انت سعد
سعد : ايه خير فيه شي
الممرضه: المريضه تبغاك
رجع سعد وهو تايه وجلس
عزوف:سعد وش فيك
سعد : هاه مافيني شي
عزوف : ماهوب علي ذا الكلام وش فيه وجهك مخطوف
عجز سععد يسكت وقال : عزوف شفت شي ما يطمن
عزوف: وش
سعد : هيا هنا
شهقت عزوف وجلست ومسكها: وين وين
عزوف : بروح لها
سعد: اقول انثبري بتجيبين مصيبه
عزوف:وش مصيبته بشوفها ياسعد تكفى
سعد : اصبري اصبري
عزوف: وين شفتها ووش بلاها
سعد : فيي قسم الولاده
طارت عيون عزوف : وشوو ولدت؟ وش جابت
سعد : مدري مدري
عزوف : قم قم بنروح لها
طلعوا رايحين للقسم ولفت عزوف : انت اوقف لايعرفك رجلها وانا بروح لهم
سعد: محد مدخلتس
عزوف : لا تخاف علي
راحت عزوف ووقف سعد حيران
_______.
اما عند سند
كان واقف مايدري وش يسوي كيف يسوي كانوا ينادونه عشان يشوف عياله ويعرف اشكالهم لكن ماهو مستوعب الفكره هو مابعد تقبل انه متزوج عشان يصير ابو ولاثنين بعد والمصيبه هالاثنين بيعيشون بذنب مالهم فيه علاقه واكثر الذنب بيطيح على بنته
التفت على صوت ام شايع: سند يايمه روح شوف عيالك
سند : وش اشوف ياجده وش اشوف
ام شايع : افا يا سند هذا كلامك وانا اللي احسبك عاقل
سند :والله اني عاقل لكن اللي يصير فيني يطير العقل
ام شايع : تعوذ من ابليس وروح شوف عيالك
سند: وش اشوف ياجده وش اشوف
ام شايع : افا يا سند هذا كلامك وانا اللي احسبك عاقل
سند : والله ياجدتي اني عاقل بس هاللي يصير فينا يطير العقل
ام سند: استغفر ربك وشوف عيالك ماصاير الا كل خير
اخذ نفس سند وطلع متجه للحضانه خايف يصير للولد شي وحزتها كل الدنيا بتنقلب على راسه
_______.
عند هيا
صارعت الم الولاده صارعت كثير لين انهد حيلها كان اغلب بكاها وصراخها مب من الولاده كانت حجه عشان تطلع اللي بداخلها وتبكي وتصرخ براحتها بدون ما تخاف احد يشوف ضعفها
كانت صدمة عمرها انها حامل بتوأم كانت تبي ولد بس والحين كيف بتسوي بالبنت اللي كل الناس بيبعضونها
في نص المعمعه سمعت صوت مانسته ومستحيل تنساه
صوت وحشها لابعد الحدود
.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 53 )
.
صوت وحشها لابعد الحدود : عزوف
عزوف . هيا هيا
ركضت لها وهي تحاول تضمها لكن فزت هيا متناسيه اوجاعها ضمت عزوف بكل قوتها ضمتها وبكت بكل حيلها
وبعد نوبة بكاء قالت هيا : اشتقت لكم تكفين ياعزوف اخذني معتس تعبت والله العظيم تعبت انهد حيلي خاطري اضم امي وابوي خاطري انام بحضنهم ابي انام وعيني قريره تكفين ياعزوف ابي كل شي عندكم تكفين
عزوف مسحت دموعها: والله ياهيا كل مكان بغيابتس انطفى نوره حتى فرقنا فاقدتس وبضاعته خاست عنده كلنا نبيتس لكن انتي قويه وهذا هي جت ساعة الفرج ولدتي
هيا ببكى: ولدت لكن ولدت هم
عزوف : ااعوذ بالله استغفري ربتس ياهيا وش هالحكي
هيا: همي ماعاد هو لنفسي همي صار بعيالي
عزوف : عيالتس ؟
هياا: جبت توم ياهيا جبت توم ولد وبنت
شهقت عزوف لكن كان لازم تهدي هيا: احمدي ربتس ياهيا هذا هو الله عوضتس ببنت تبري حرة الولد اذا اخذوه
هيا ببكى: بنت! بنتي بتضيع بالطوشه كلٍ بيكرها ابوها واهل ابوها بيكرهونها عشان خالها وخالها واهل خالها بيكرهونها لانها بنت عدوهم
عزوف: ماهوب لازم يحبونها انتي حبتس يكفيها افا بس افا هاذي بنت هيا كل الدنيا بتغليها وان شاء الله اخوها يكون عون لتس ولها
رجعت هيا تبكي وتوترت عزوف: وش فيتس ياهيا
هيا: فيني اخوها مايندرى يعيش ولا يموت
عزوف : شلون
هيا: تعبان قالوا لي تعبان مدري يعيش ولا يموت وكل الاحتمالات تذبحني وتعذبني
عزوف: اذكري للله والله كريم ويلطف بالحال
جو الممرضات بيطلعون هيا لغرفتها وكان عزوف ماسكتها وتمشي معها مايطاوعها قلبها تخليها
_______.
سند كان فالحضانه ويناظر عياله اوجعه قلبه على هالشعور اللي يحسه حطوا بنته بحضنه وارتبكت كل مشاعره حس ان وده يصيح وده يحطها في عيونه ويسكر عليها من الهم اللي ينتظرها
عطاهم اياها وطلع رايح للولد ووقف في عناية الاطفال وهو يشوفه والاسلاك حاله وضاق صدره ماكان معه الا يقول استودعتك الله الذي لا تضيع ودائعه
وطلع واتجه للاستقبال يسألهم اذا هيا طلعت وقالوا له بغرفتها طلع لها ودق الباب وقال بصعوبه : هيا
فزت عزوف : وين اروح وين اروح
هيا :تغطي واطلعي بدون ما يشوفتس
عزوف : والله ماودي اخليتس
هيا: ارجعي اذا راح
تغطت عزوف وطلعت بصده ولا استغرب سند لان المستشفى عام ودخل هو بهدوء ووقف
وكانت هيا تناظره وهي ماعاد تستحي من دموعها قدامه فقدت السيطره على نفسها وعلى دموعها اخذت نفس وهي تقول : كيف عيالي ؟
سند : البنت بخير والولد ان شاء الله بيكون بخير
هيا: ابي اشوفهم
سند : ارتاحي الحين واذا صحيتي تشوفينهم
هيا: مابي ابي اشوفهم اول
سند : والله ياهيا بخير بس انتي ارتاحي
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 54 )
.
سند : والله ياهيا بخير بس انتي ارتاحي
هيا كانت تعبانه مهدود حيلها ماعاد تقدر حتى ترد الصوت كانت دموعها تنزل مو راضيه توقف
دخلت ام شايع : هيا يابنتي
قربت وضمت هيا اللي تشبثت فيها وبكت مسحت على ظهرها وهي تسمي عليها: الحمدلله على سلامتس يابنتي ومبروك ماجاتس وعسى الله يقر عينتس بهم
بكت هيا ونست سند وقالت: صدق تباركين لي ياجده؟
ام شايع: افا وليه ما بارك لتس يابنيتي ببارك لتس واهنيتس هذولا قرت عيونتس عسى الله لايحرمتس منهم ويخليهم لتس ولا يجي في بالتس ان محد بيبارك لتس هذولا زينة الدنيا وهذولا صلاح الحال وصلاح الدم
تشجع سند بعد كلام جدته وحس وده يبارك لها ولا يكسر خاطرها زود على اللي يصير لها : مبروك ياهيا وحمدلله على سلامتكم والله لايوريك فيهم كدر
كلام بسيط مسح على قلب هيا ونساها وش هي فيه و وش همها ومصيبتها ابتسمت من بين دموعها وقالت: الله يبارك فيكم ويحفظ لكم ماعطاكم
ام شايع: امين امين هالحين نامي وارتاحي
استخرت هيا في حضن ام شايع ونامت بتعب نامت وشعرها على وجهها المليان دموع كسرت خاطر ام شايع اللي مالها حيله في ذا كله الا تجبر خاطر هيا لان الجاي اصعب من اللي راح
وقفت ام شايع: يلا يلا ياسند روح بلغ اهلك وجيب ثريا ولا ساره يقعدون مع هيا
سند: ما بتروحين معي ياجده؟
ام شايع: لا بجلس لين تجي
سند : زين
راح سند وهو مايدري كيف يقولهم
_______.
عند سعد
طلعت عزوف وهي ضايقه قلبها مع هيا ماتدري كيف تخليها
سعد: عزوف بشريني تكفين
عزوف: ولدت وجابت بنت وولد
سعد : وشوووو بنت ولد
عزوف : اييه وضايقه فيها الدنيا يابعد عمري هي ماتدري وين تروح من همها
سعد : ياويل قلبي عليتس ياهيا
عزوف : ولدها تعبان يمكن مايعيش
سعد : لا تقولينها
عزوف : هذا اللي صاير هم ولدها من جهه وهم بنتها اللي بتضيع فالطوشه من جهه اول مره في حياتي ماعرف اواسيها انربط لساني
جلس سعد بضيق : وش الحل الحين ياعزوف
عزوف : الحل عند ربي ما في يدينا شي غير ندعي لها
سعد: يارب يارب تلطف بها
عزوف : وش السوات نقول لاهلها
سعد : وش نقول اخاف نقول شي وينهبل مقبل ويحوس كل شي
عزوف : ترا مقبل ذا اشغلنا فوق شينة قوات عينه
سعد: وش بلاتس عليه انتي ؟
عزوف: ما بلاني شي بس هو ساس كل هالمصايب وكل صبح وهو منكد علينا بتهديده وتوعيده
سعد بغضب : عزوووف اياني واياتس اسمعتس تكلمين هالكلام مره ثانيه والا تقولينه عند احد خصوصاً هيا
عزوف: مانيب قايله شي
سعد: امشي يلا
عزوف : بروح لهيا
سعد: لا تجيبين المصايب لنا ولها بنسال بهدوء بدون محد يحس يلا ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 55 )
.
سعد: لا تجيبين المصايب لنا ولها بنسال بهدوء بدون محد يحس يلا
راح سعد وحط رقم تلفون القهون عند احد الممرضين وطلب منه يطمنه كل فتره على هيا
_______.
في بيت ابو سند
وصلهم خبر ان هيا راحت تولد ومن ساعة روحتهم لين ولدت هيا وام سند تبكي بحسره وغضب والكل جالس بصمت وقال ابو سند: وش بلاتس تنوحين
ام سند : وشلون تسألني وانا ابكي ولدي فقيدي اللي خليتوا عوضه ولد اخت غريمه
ابكي وانا اللي حرمتوني فرحتي بأول احفادي حرمتوني فرحتي بعيال سند بعيال بكري
ابو سند : قسمة ربي محد له ذنب يا ام سند تعوذي من ابليس
في هاللحظه دخل سند ووقف قدامهم بهدوء وسلم وردوا السلام وقال ابو سند : عساه مجاهد
سند : مجاهد و نوره ( على اسم ام شايع )
انصدموا كلهم وعم الصمت
ابو سند : وشو؟
سند : بنت وولد يا ابو سند
ابو سند ماقدر انه ما يبتسسم لولده لكن عبرته كانت اقوى صد وهو يقول: الله يكتب صلاحهم
الموقف كان صعب محد يدري يبارك ولا يسكت
لكن فاجأهم سند اللي قال: الولد تعبان يبه مدري يعيش ولا يموت
التفت ابو سند بقوه: وشوو ؟ وش بلاه وش فيه
سند : قال الدكتور ضعيف شوي نموه ضعيف ويحتاج يكون بالعنايه وقت
صدت ام سند وابعدت وجلس ابو سند : لا حول ولا قوة الا بالله العلي العظيم
التفت سند بهدوء: بعد اذنك يبه ابي ثريا ولا ساره تروح معي عشان تبقى عندها وجدتي تجي
ابو سند: زين زين
ساره: انا بروح معك
سند : طيب
ثريا: لاتروحون انتظروا بسوي شي دافي تاكله
ابتسم لها سند بهدوء وراحت ثريا تركض
اما مزون اللي صدت بكرهه وراحت ماقالت شي
_______.
الصباح بدري
في بيت ابو مقبل دق الباب وقام مقبل يفتح وكانت عزوف صد بعدم اهتمام وترك الباب وطلع
اخذت عزوف نفس وهي تقول بنفسها: الله يصبرني لا اذبحه
دخلت وهي تنادي :خالتي خالتي
ابو مقبل : ادخلي يابنيتي ادخلي
عزوف : صبحهم بالخير
ابو مقبل وام مقبل :صباحك نور تعالي تعالي
عزوف : قبل اجي عندي لكم بشاره
ابو مقبل : بشري وابشري
عزوف سكتت شوي وقالت: هيا ولدت
فزوا كلهم وركضت لها ام مقبل : امانه امانه من علمتس
عزوف بدت تقولهم كل اللي صار وهم يبكون حزن على بنتهم وحنين
عزوف : خلاص تكفون انا جايه ابشركم ان الفرج قريب
ام مقبل: وين قريب لو يصير بالولد شي وش يصير بهيا
ابو مقبل: يارب انك تلطف ببنيتي
ام مقبل : تكفى تكفى نبي نروح لها
ابو مقبل : مقدر والله مقدر وياليتني اقدر
ابعد وهو يمسح دموعه بغترته وطاحت ام هيا في حضن عزوف تبكي وهي تحاول تهديها .
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 56 )
.
في المستشفى
صحت عزوف وهي تحس بأحد حولها وشافت ساره واقفه وجنبها سند لفت بسرعه تناظر حولها : انا وين انا وين
ساره: بسم الله عليتس اهدي اهدي
سند: هيا انتي ولدتي
تذكرت هيا كل شي ونزلت راسها : وش صار في ولدي
سند : الدكتور يقول ان شاء الله بيصير بخير يبي له ملاحظه شوي
ساره: كل شي زين بس انتي كلي
ناظرت هيا فالاكل كانت تدوخ من الجوع طلع سند وعرف انها ماتبيه يكون شاهد على مواقف ضعفها
ساره: يلا مدي يدتس
بدت هيا تعطي هيا الاكل وتلقمها وهيا في عالم ثاني
_______.
في قهوة سعد
دخل مقبل اللي ماعنده خبر بشي
واول ماشافه سعد عرف انه مادرا واحتار كيف يقول
مقبل : سعد سعد وش بلاك من وقت اناديك
سعد : هاه مافيني شي اقعد اقعد
مقبل: وش فيك وجهك منقلب
سعد حاول يدور مقدمات بس ماعرف وقال : هيا ولدت
فز مقبل اللي مابعد قعد زين : وشووو
سعد: اهداء اهداء واجلس
مقبل: من قالك وكيف عرفت
سعد: اقعععد الناس يناظرونك
جلس مقبل: تككككلم
سعد قاله كل شي ووقف مقبل ومسكه سعد : وين رايح
مقبل : بروح لاختي تكفى ياسعد
سعد: مقبل ماهوب من صالحك ولا من صالحها لا تهدر تعبها تحملت لين هاللحظه لا تهد حيلها
مقبل : وشلون اجلس وشلون
سعد: اجلس عشانها لا تخليها تشوف ان كل شي سوته يرووح عبث في لحظة ضعف
جلس مقبل وهو حاط راسه بين يدينه وضاقت به الارض كان الموت ارحم من ذا كله ندم على لحظات غضبه وندم على كل شي سواه بدون تفكين
وقف سعد متكتف وهو اشد لهفه من مقبل بس حيل الله اقوى
_______.
عند سند
كان يناظر ولده بهدوء وجات الدكتوره:سند؟
سند : ايه نعم تفضل
الدكتوره :حبيت اطمنك على حالة طفلك هو حمدلله اموره مستقره كثيير وفرق عن اول ساعات الولاده لكن نحتاج الرضاعه الطبيعيه عشان تقوي مناعته
انقلب وجه سند : طيب يادكتور كلموا امه بهالوضع
الدكتوره: اكيد بنكلمها بس حبيت ابلغك عشان تساعد الام شوي
سند: خير خير ان شاء للله
الدكتوه : حالياً بناخذ الطفله للام وبعدين الطفل خلال ساعات
سند: زين
اخذوا البنت لهيا وسند يمشي مايدري كيف يمشي دخلوا الغرفه فزت هيا تناظر وش جايبين وكانت بنتها
اعطتها الممرضه وهي تسمي عليها وتعلمها كيف تشيلها وهي بس تبكي مسحت عليها وسند وساره واقفين ويراقبون
كانت هيا جداً رقيقه
بدت الممرضه تتكلم مع هيا عن الرضاعه وتعلمها وتوترت هيا وفهمت ساره وطلعت بسرعه هي وسند
وقالت ساره تلطف الجو: تعال تعال ورني الولد .
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 57 )
.
وقالت ساره تلطف الجو: تعال تعال ورني الولد
سند: وش بتشوفين ماينشاف من الاسلاك
ساره: عادي بشوف من ازين هو ولا البنت
راح بها وقفوا يناظرون وبدوا يبعدون عنه بعض الاسلاك
ابتسمت ساره: ياملللحه لا لا واضح زين مثل ابوه
ضحك سند بغصه: تحاولين تجبرين بخاطري
ساره: لا ابد ما اجب بخاطرك انت سند اسم على مسمى حتى في اصعب الظروف رغم انك حاولت تزيف نفسك بس ماقدرت تكون غير سند حتى للغره
ابتسم سند يفكر في كلامها كان عميق وكان يحتاجه سند
_______.
في بيت ابو مقبل
جاء سند وقام البيت معه يوم جاء الكل يبكي ويفكر في هيا لكن مقبل اذهل عزوف اول ماقالها: عزوف
سكتوا كلهم يناظرونه وتفشلت عزوف اللي تحاول تلملم عبايتها وهي ماتدري وش يبي وتقول بنفسها
( هذا وش جاه علي ) : نعم
مقبل : يوم جيتي هيا تبكي
سكتت عزوف ماتدري وش ترد وتقول في نفسها( هذا وش اقوله ان قلت تبكي بينهبل الخبل وان قلت تضحك محد مصدقني )
مقبل : اكلمتس ردي جواب
عزوف: مرتاحه وكل تفكيرها بعيالها
مقبل : ماقالت لتس كيف عايشه
عزوف : ما شكت ضيم لكن حياة الغره معروفه
قد ماتقدر عزوف ماعطته جواب صريح وبكذا زاد حقد مقبل على عزوف لكن عزوف تفكر في هيا لا يتهور مقبل وينهي تعبها بساعة غضب
طلع وتركهم ووقفت عزوف : انا اترخص ياخالتي ولاتخافين على هيا تراها بخير
ام مقبل : الله يجزاتس خير ياعزوف مدري وين اروح من جزاتس
عزوف: مابينا هالكلام ياخالتيي الله يحفظها لكم ويحفظكم لها
طلعت وهي تدعي ان هيا تكون بخير
ولفت على صوت سعد : عزوف
عزوف : وش فيك جاي ومخلي شغلك
سعد: ا ماعليه شغلي عنده العيال بس وش رايتس نروح نشوف هيا
عزوف: قصدك انا اشوفها
سعد: اكيد طبعاً
عزوف :ودي ما اغيب عنها دقيقه بس اخاف يدرون ان حنا عندها ويسوون مشكله وانت سيد العارفين
سعد : والله ادري بس مدري خايف عليها
عزوف : الله يطمن قلبها وهي مدحت خواته وقالت انهم كويسات معها واكيد مابيخلونها
سعد انقلب وجهه : الله كريم
عزووف:انا بروح للبيت لا تاخرشوي عن الغداء
سعد: زين
تفرقوا وعزوف تمشي بهدو ماتدري وين تروح وسعد يحاول يكبت نفسه ولا يروح للمستشفى لكن شاف مقبل المسرع وخاف منه واسرع وراه
_______.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 58)
.
اسرع سعد ورا مقبل و وقفه: وين على الله ياحافظ
مقبل : مدري مدري بروح ارجم بنفسي في اي ديره مقدر اقعد لي مكان هيا قريبه مني ولا اقدر اجيها ولا اشوفها
سعد: طيب طيب خلني اقفل القهوه واجي معك
اسرع يسكر قهوته وراح مع مقبل اللي يدور بدون هدف المهم بعيد عن مكان هيا
_______.
وعند هيا
بعد فتره جابو لها ولدها وحضنته تناظره وترجي الامل فيه بعد الله استودعته الله وهي تدعي يارب يكون بخير بدت ترضعه و تراقب ملامحه الصغيره ودخلت ساره وسند
ورفعت راسها هي لهم وقالت: وش قال الدكتور
سند: يقول ان وضعه مستقر ويحتاج وقت معتس عشان تزيد مناعته وان شاء الله يكون بخير
ساره: باذن الله ودام امه قويه اكيد هو قوي وبيتشافى
ابتسمت هيا بهدوء وهي تمسح عليه وتقرا عليه وسند يراقب بهدوء
وجات الممرضه اخذت الولد واعلنت ان الزياره انتهت وطلع سند بعد ماودعهم وجلست ساره مع هيا
وناظرتها هيا بهدوء: ساره فرحانه صدق ؟
ساره: اكيد بفرح وبنبسط : هذولا عيال اخوي
هيا: بس أمهم غرة
ساره: ما انتي غره ياهيا انتي مالتس ذنب بشي انت بس تحبين اخوتس مثل ما انا احب سند وفرحانه بعياله انتي تبين تشوفين عيال اخوتس وتبين تشوفينه حي بينكم
ما تنلامين
هيا: الله يعطيتس لين يرضيتس ياسارة
ابتسمت ساره: ابتسمي واضحكي الدنيا بخير
سكتت هيا وهي تفكر وتحمد ربها صح ان سند مجنونه بس ربي رحمها بسند اللي شوي متفاهم وام شايع وساره وثريا وخافت من احتمال لو انهم ماهم عندها وش تسوي وش حيلتها بينهم
_______.
في بيت ابو فزاع
طلع فزاع على صوت سند اللي من الصبح ماشافه اقبل يسلم عليه ويبارك له وابتسم سند اللي بدا يتقبل التبريكات
فزاع: كيف عيالك
سند: نوره بخير الحمدلله عيونها لو تشوفها تمسح على قلبك بالحب واليقين ومجاهد تحسنت حالته عن اول ما ولد واشوى بدت اموره تستقر ويارب بكره يكون بخير
فزاع بهدوء: وهيا
اخذ نفس سند: اه يا هيا ما كسر ظهري الا هي من اللحظه اللي حملت فيها وانا خايف يافزاع خايف من هاللحظه وجتني ياقووووها يوم تكون مجبور تكون سند لاحد بينك وبينه عداوة والبلا انكم حالكم من حال بعض كلكم مظاليم مالكم فيها لا جمل ولا ناقه
فزاع: هون على نفسك ياسند ما حطك الله في هالمكان الا انك تحمل ولا قدر الله يجيب هيا عندك الا انها خيره ولو خارجها شر بيجزيكم الله على صبركم وعلى تضحيتكم مثل ما انت فزيت لدم اخوك هي بعد فزت لدم اخوها عسى هالعيال يغسلون الثار ويلمون الشمل
سند : الله يجازيك يا مقبل
.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 59 )
.
سند : الله يجازيك يا مقبل
فزاع: صدقني ياسند ربي جازاه والا من يقدر يتحمل هالوضع وصدقني كان موته اهون ولا يشوف اخته ذليله ولا يمشي موطي راسه بين الناس يخاف يسمع خبر ان اخته تضام ولا يقدر ينتخي ويفزع لها حط نفسك محله لا سمح الله وتخيل ان اختك تذل وانا ما تقدر تعاونها تخيل ان تدري انها مب بخير ولا تقدر تاخذها وتنصرها تخيل انك تدري ان اختك تعيش في بيت كل اهله كارهينها ومعادينها تخيل انك تدري ان اخت بتعيش مرارة فقد ولدها عشانك تخيل ان احد يسحب ضناها ويحرمها منه وانت ما تقدر تفزع لها صدقني يا سند ربي جازاه وعذبه اضعاف عذاب هيا وعذابك
تنهد سند : الله يعين والله يهون هالمصايب علينا والله ما نستاهل هاللي يصير
فزاع: امين امين
استاذن سند وراح ينام من التعب مهدود حيله مافيه حيل يسوي شي اكثر
_______.
ومن بكره
سعد كان طول الوقت مع مقبل ولا خلاه وكالعاده كان يسحب غضبه ويهديه لين تأكد انه هدا وبعدها وداه البيت
وام مقبل وابو مقبل ما ناموا الليل كله يبكون ويتوجدون على بنتهم وقرة عيونهم
_______.
وفي بيت ابو سند
من الفجر كان ثريا تطبخ وتجهز اكل لهيا اللي تطلع اليوم
وام شايع من صبح الله وهي طالعه مع سند ويقضون كل شي تحتاجه هيا لنفاسها او لعيالها
وان سند ومزون اللي مب عاجبهم شي ولكن من هاللحظه حذر ابو سند وتحذير شديد محد يقرب لهيا ولا احد يقولها شي تكمل نفاسها بصحه وعنايه وبعد النفاس يحل مشكلتهم
_______.
عند سند فالسوق كان شعوره غريب كان يمشي ورا ام مقبل ويقضي معها كل شي وكان كرم ام شايع يحفز سند انه يشتري ويعطي ويكرم ويفرح
انتهوا وام شايع تحرص على سند باللي بقى : قلت لك باقي لك ذبيحه وخذها رهيفه وصغيره والعسل اخذ عسل اصلي لا تاخذ المغشوش واخذ طحين بر اخذ تمره زينه وترا تغذية هيا السليمه تعود لعيالك بالنفع
سند : ابشري ياجده ابشري
ام شايع: ولا اوصيك وانا جدتك الحين ماعاد بينكم ثار هيا جابت الولد وجابت لك معها هديه من الله توصى فيهم خير
سند : وانا ليه سميتها عليتس يا جده عشان تكون خير وممشاها خير
ام شايع : ابوها خيّر وامها خيّره وان شاء الله انها خيره
سند: يلا ياجده خلينا نلحق قبل يجي وقت طلوعهم
خلصوا بسرعه واتجهوا للمستشفى
_______.
وفي المستشفى
ساره ماقصرت ابد مع هيا كانت شايلتها شيل وتساعدها وتمشيها وقفتها بعد ماساعدتها تبدل وتلبس عباتها
ساره: هذا حنا خلصنا
.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
📖 روايـة أنتي حمول الوقت وأنا سندها .
(البارت 60 )
.
ساره: هذا حنا خلصنا
هيا: والله مدري كيف اجازيتس ياساره
ساره: لا تجازيني الا انتس تكونين بخير وعيال اخوي بخير بس والحين تعالي نروح الحضانه نطلع نوره ونشوف مجاهد
هيا : يلا توكلنا على الله
طلعوا للحضانه وهيا تناظر عيالها بهدوء وقالت لهم الدكتوره البنت بتطلع معهم والولد بيتاخر شوي حرصاً على سلامته
ماقدرت هيا تطلع وتخليه وكانت منهاره تبكي لين وصل سند واسرع لهم بخوف : ساره وش فيكم
ساره: مافيه شي لا تخاف بس مجاهد بيخلونه عندهم وقت عشان يتطمنون عليه وهيا مالها قلب تخليه وتروح
سند: اذكري الله ياهيا ان شاء الله بيكون بخير وهذا بيكون لمصلحته وانتي ارجعي بنوره على ما تتعودين عليها يكون مجاهد بحضنتس
ساره: ان شاء الله يلا سند خلص اوراقك عشان ترتاح هيا
راح سند وخلص كل شي ورجعوا لبيتهم وهيا تبكي من وقت ماطلعوا لين وصلوا
_______.
في بيت ابو سند الكل مجتمع
ماعدا ام سند اللي تدعي ان هيا وعيالها مايعيشوون وقفوا كلهم على صوت سند ينادي عشان يدخلون
لكن جمدت قلوبهم اول ماشافوهم معهم طفل واحد
وقال ابو سند قبل كل شي : وين مجاهد ؟
سند: مارخصوه المستشفى يقولون يبي لهم وقت لين يتطمنون عليه وعلى صحته
ابو سند : هو بخيييير ؟
سند : بخير بخير لا تخاف
التفت ابو سند بهدوء وقال: حمدلله على سلامتكم
ماصدقت هيا اللي تسمعه بس ردت بهدوء وصوت واطي وينعرف ردها (الله يسلمك)
اقبلت ثريا تسلم على هيا وخذت نوره من سند وهي تسلم عليها وفي هاللحظات طلعت ام شايع غوايش ذهب وهي تلبسها سميتها والكل يبتسم
وقالت ام شايع: عسى الله يحفظها
ردت هيا: والله يحفظتس لها يا جدتي وعساها تطلع تشابهتس بخيرتس وطيبتس
ام شايع: امين
جلست هيا وبدت ثريا وام شايع يعتنون فيها ويدارونها
وسند جالس وهو وده يخلي نوره بحضنت دايم بس نظرات ابوه وترته
_______.
فالمستشفى
وصل سعد لحاله بدون احد وسال عن هيا وقالوا له طلعت وبقى ولدها وعرف عن وضعه ووقفت يناظره من ورا القزاز وهو يدعي انه يكون بخير
كان في قلبه يرجيه ويقول ( تكفى ياذخر هيا لا تخليها انت حبل نجاتها لا تخلليها)
ابعد والتفت بس تجمد وهو يشوف مقبل واقف وراه : سعد؟ وش تسوي هنا؟
ارتبك سعد بس كان هادي وقال: جيت اتطمن على اختك وولدها عشان اطمن اهلك واطمنك كنت خايف تجي تسوي مصيبه لكن الظاهر اللي اخاف منه صار انت اللي ليش هنا
مقبل : عجزت يا سعد ابي اشوفها واتطمن هي بخير ولا لا
سعد: ووش لقيت؟
مقبل : طمني الدكتور عليها وعلى عيالها ويارب لا يخيب رجاها
ا.
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

واين التفاعل

#قصة_راعي_الغنم_قال_لها_اريد_ان_اخطبك

الجزء الاول
قال لها اريد ان اخطبك.فقالت مامستواك الدراسي قال انا ارعى الغنم قالت هل ترضى لاختك ان تتزوج راعي غنم. قال بلى قالت اذن ابحث لها عن احدهم .قال مامستواك الدراسي قالت انا الان بصدد اكمال الدراسة والتحق بالعمل ذهب وذهبت معه كل اماله
ذات يوم ارادت العمل .جلست تنتظر دورها عنا ډخلت وجدت امامها اسم مكتوب بمداد من ذهب السيد فلان رئيس الشركة .لم تعرفه لوهلة لكنه تعرف عليها .عند دخوله للمكتب .نهضت من الكرسي احتراما له فأبتسم كان على هيئة تكاد ان تكون عقيدا في ال صرامة بادية على وجهه لكنه محى لها تلك النظرة بابتسامة جميلة .
مرحبا بك .وبك سيدي مالذي اتى بك الى هنا.. لقمة العيش سيدي قال اعطيني ملفك قلب الاوراق ولكنه كان ينظر اليها بشغف وضع الملف على الطاولة حسنا اصدقيني القول هل تعرفينني فقالت له لا لم اتعرف عليك !!! فقال لم اقل تعرفتي بل هل تعرفينني قالت عذرا لم انتبه لكنني لم اتعرف عفوااا اعرفك .خۏف باد عليها. فقال لقد قبلتك ان تعملي معي بشړط ان ټكوني امينة مكتبي السكريتيرة العامة
فاجابت .نعم نعم .شكرا لك سيدي. قام بمصافحتها وهمت بالخروجوعنا وصلت الباب
قال لها شكرا جزيلا لك يا فلانة فنظرت اليه وقالت من اين لك ان تعرف اسمي .فرفع الملف من على الطاولة وقال من هذا!! فضحكت ا من ڠبائها ويحي لما انا ة لهاته الدرجة فقال لها غدا في تمام الثامنة تكونين هنا .فقالت له .نعم نعم .ذهبت والحيرة تتمكنها تعطلت كل احاسيسها ليس لما وجدته من ترحاب لصاحب الشركة .بل لانها وجدت قبولا لطلبها .كيف لا وهي ارقى المؤسسات ومن ظفر بمنصب فيها .فقد تمكن من تحقيق احدى اجمل اهدافه وهو الاستقرار المادي وضعت خدها على وسادتها وبدأت تحلم واذا بها تغط في نوم عمېق كيف لا وشغلها الشاغل الۏظيفة استيقظت في الصباح وكانت اشعة الشمس تتخلل زجاج غرفتها نظرت الى جمال المنظر ولكنها تذكرت شيئ ماهو
تباااا انه العمل انها التاسعة..هرعت تجري وسط زحمة السير وهي تردد سيطردني سيطردتي وصلت متأخرة وهي مطأطأة الرأس مخافة خسارة ما حلمت به سابقا عند دخولها مكتب الامانة التقتها احدى الموظفات اذهبي انه ينتظرك .تبااااا سيفصلني دقت الباب تفضلي اجلسي جلست فقال ما بك لم تصلي في الموعد المحددفقالت عذرا سيدي لقد نمت ولم افق الا وهي الساعة التاسعة !!! اعذرني ارجوووك لن تتكرر معي مرة ثانية فابتسم وقال هل اعطيك سرا يبقى بيننا فسكتت
قال عنا كنت اعمل كان ابي دوما يناديني بالكسول .ولكن هناك من اعطاني دفعة لكي استفيق من غيبوبتي .هي انسانة حمقاء لكنني احببت حمقها لانه جعلني ها هنا
#يتبـــــــع✅
#لقراءة_الجزء_الثاني_من_القصة
اضغط_ع_الرابط👇👇👇
https://t.me/ahgeelgsa/40156 ✅