‏حّمد من رد لگاهة وجوه متغيرة
لگه وادم جديدة وبايعه العشرة

شحلاتك من تسولف ،
واني مو يم السوالف ..
يم ضحكتك

"علي عماد"
انه اول نذر ما عثر الينسون

_

"صفاء السراي"
صار گلبي
زفة طيور النوارس كلش أبيض ..

"علي عبد القادر"
يا ميت يريد يعيش
خل يگعد وأموت انه ..

"مظفر النواب"
تنام العين
چي تعبانه مني ومن نفسه.

"عزيز السماوي"
ذاك انت نهار بعيد تلمض من وره الظلمة.

"ناصر البدري"
مدري، ياهو الباگ ليلي
وضلت أحلامي عرايه ..

"مظفر النواب"
فما خللٌ بها الدنيا ،
ولكن ...
كُلها خللُ ..

"سلوان عدنان"
ليش بس عينج أحبها
ليش ما اضحك للعيون التودني!

"فيصل عاشور"
والله حيره
تربي وادم تكبر بعينك ضفيره
وتالي تندم ..

"حسام باسم"
خوفي تعتگ
والجريده المال امس ما تنقري .

"طارق بريسم"
منو يحبني اعلى گد حزني
منو البيكم صدگ ويريد يندلني؟

"موسى الحمامي"
معنى الروح يبدي من الرحم ويروح
أكبر غلطة بالتاريخ
ما غرگت سفينة نوح.

"مصطفى الخزاعي"
ياهو إللي يعوضني خساراتي الدموع بيا سعر تنسام ..

"عقيل العرد"
شوكت امدد وانتچي ويصفالي بال
وبطرف ضحكاتي امشط حجايتي
خلگ ماعندي اكمل صفنتين
شوكت اموتن حتى اعيش براحتي.

"جبار رشيد"
اجيتك ردت اگلك شوف
ردنا نعوف كلشي وما گدرنا نعوف.

"سمير صبيح"
الفرحة طير بغصن
سهام الملامة وهلي
واعداي والمستحه،معقولة ما تنكتل؟

"أحمد عاشور"
شحصلت منكم؟
مختنگ، و من يمته ما ضاحك صدگ.

"حسين المطوري"
محد شافني يدليني وين انه؟
العمر ضل بي عمر، لو كافي لهنانه.