.

البـارت 91 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


عبير واجتمع قهر العالم فوقها وقفت وبصوت عالي: من بتتخايي نفسسش انتي الا حدددش بنت مزينةةة لا اصل ولا فصل يا حيددددي..والله طالت وشمخت ماعد الا بنات الـ.... يتأمروا عليناااا ويسمعونا كلاااام و...

قطعت كلامهااا اول ما مسكتها زهراء من صدرها وضربتها كف قووي.. شهقت بصدمه والم واتكلمت زهراء ومازالت ماسكة لها: ما اسمحش لحثالة وجزمةةة زييش تتكلم عن امي يا قليلة التربيةة.. ما تذكري امي والا وبلقفش عسسل يا زبالةةةة 

مسكتها عبير من شعرها بقوة وبدأين يتضاربين وكل واحده تسب وتشتم بالثانييية بس عبير ماقدرت لزهراء اللي افترستها وخرجت قهرها فوقهااا ما وقفهن الا صوت علي الحاد من خلفهن: بنتتتتتتتتت

عبير بكيت بخباثةة وزهراء فكت لهااا وهي توقف وتتكلم بتهديد: مرة ثانية عيتكسر راسش مش الا كف

وقف علي بينهن وهو يتكلم بحده: جوواهل انتين تتضاربين واصواتكن ملان الفلةةة ماهذه الخبالةةة

عبير وقفت ويدها على خدهااا ووبكاء: علي ابسر ضربتني كف يرضيييك هذااا

علي بسر خدها محمر ولف لزهراء واتكلم بحده: ليش ترفعي يدش عليهاااا من سمح لش

زهراء بحده مماثلة: سمحت لنفسي واللي عيتطاول على امي وبذكرها بسوء ماله الا كفوف تعدله وتعدل كلامه

علي فتح عيونه من كلامها وقبل يرد تقدمت منها عبير بسرعة: من بتظني نفسش يا####.. 

مسكتها زهراء بسرعة قبل تضربها كف ودهفتها لاورا ونكعت للقاع وصاحت بألم: اااه يا بنت الـ....

فزت زهراء عليها ومسكها علي بسرعة وهو يتكلم بحده: بسسسس بسسس انتي وهي مابش احترام للرجال اللي قدامكن

زهراء بحده: لو انت رجال ما تتكلم قدامك هكذا و...

قاطعها وهو يضربها كف على خدها ويتكلم بعصبية: رجااال غصبآ عن انفش يا قليلة التربيةةة

طرحت يدها على خدها ببرود وعبير بتبسرها بتشفي واتكلمت: يعني هكذا اثبت انك رجاال ويشهدالله مالك بعلوم المرجلةة صلةةة

مسكها من فكهاا بقوة واتكلم من بين اسنانه: حدش لاتتجاوزيه يا بنت المزينةة.. انتي عارفة ما اصلش فلا تتكلمي عن رجال قبيلي وراسه يابس لأن احتمال اذا ما مسكت نفسي ادفنش هانا فوق ما انتي داعسةةة

زهراء ابتسمت بغيظ وردت بحدة: بنت المزينةة تسواك وتسوى عشرةة من امثالككك بنت المزينةة بعشرة رجال يا عديم الرجولةةة

رفع يده بتهور وعصبيةةة ونزلها بآخر لحظةة وهو يبسر نظرات التحدي بعيون زهراء.. تكلم بهمس حاد: ويشهد الله لا اربيش من اول وجديد ولسانش هذا بقصه لش واوعدش 

زهراء ببرود: اعلى ما بخيلك اركبه وانا مربايةة من قبل ما اعرفكك ربي اول نفسكك واختككك

مسك المزهريةة اللي فوق الماسه ورماها للجدار تنفيس عن غضبه قبل يقتلهااا وغمضت زهراء وعبير عيونهن برعب

علي بصوت عالي: انقلعيييي من قدامي قبل ما اكفر فييش واقتلش بيداتييي انقلعييي

زهراء بحدة: شنقلععع من قدامككك وبيتك وحيااتك لأنه ماعاش ولا خلق اللي يرفع يده على الزهراء وورقة طلاقي توصل بعدي.. لفت وطلعت الدرج بسرعةة

لف لعبير اللي بتبسر بعد زهراء ببسمة نصر واتكلم بحدة: حسابش بعدين يا عبير لاتظني اني مش عارف انش الغلطانةةةة.. لف وطلع الدرج بسرعة يلحقها قبل ترحلها وتوصل اللي وقع لأبوها وابوه..!!!

@rewayatyamania المصدر الأول للروايات

القريةةة!!!!
دخل للمجلس وبسره متمدد وذراعه على عيونه ومازال بالزي العسكري تكلم بهدوء وهو يجلس عند راسه: السلاام عليكم

رد بهدوء وتعب: وعليكم السلام

تكلم بعد ثواني: صدق اللي سمعت عن سجى يا احمد

احمد وهو على وضعه: ايوةةة صدق ي امجد صددق

امجد: طيب كيف انا مادخلش راسي الصدق يعني لا حادث ولا ضربة او مرض او شي هكذا فجأة

احمد: .......

امجد بتنهيده: وبعدما فحصت وطلعت سليمةة ما عتفعل

احمد بهمس: مدرري مش عارف يا امجد انا زي المربط مقيدد ولاقادر افعل حاجةة

امجد: طيب ولايهمك بكرة عتخطى انا وانت وهي لاعند طبيب عيون ضخم صاحبي يبسر عيونها واذا ما طلع حاجة عترسل الفحص للخارج يتأكدوا منه وان شاءالله خير

احمد هز راسه وكل حسه عند سجى وبكاها اول ما وصلوا للبيت يوديها عند امهااا واللي عيجننه كيف وقع معاهم هذه المصيبة بيوم وليلة همس بتنهيده عميقة تدل على تعبه: الحمدلله.. الحمدلله
.
.

دخل للغرفةة وبسرها بتراجم لداتها لابين الشنطةة بكل عصبية تكلم بهدوء مستفز: لاوووين

زهراء بدون ما تلف له: جهنمممم

علي: ههههه حلو سلمي لي على ابو لهب بطريقش ههههه

قفلت الشنطةة وخطيت شلت العبايةة ولبستهااا.. سحبت الشنطه بيدها بعدما تبرقعت ووقفت قدام الباب واتكلمت بهدوء: بعد لو سمحتتتت

علي بنفس الهدوء: لاااااا

زهراء وبدأت تفقد اعصابها: علييي قلت بعد بالرضا

تقدم منها ومسكها من اكتافها واتكلم بهمس وهو يتنهد: ...




📚 @rewayatyamania  🇾🇪

.

البـارت 92 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


زهراء وبدأت تفقد اعصابها: علييي قلت بعد بالرضا

تقدم منها ومسكها من اكتافها واتكلم بهمس وهو يتنهد: انا آســـــــف

زهراء برفعة حاجب: ههه آسف على ايش

رفع يده لاخدها اللي ضربها واتكلم: حقش علياااا.. واعتذر.. بس لاتدخلي ابوش وابي بمشاكلنااا خلينا نحلهن بانفسنااا

زهراء نزلت يده واتكلمت بحدة: مابش حاجةة تنحل بعد رفعكك ليدك فاااهم

علي بقهر: وربي لو اوصل كلامش لابوش لا يكسر عظامش ويدفنش حيةة

زهراء: كلامي مش كذب ولاغلط انا ما قلت الا الصدق

علي من بين اسنانه: عتتغاضى واقول جاهله واكبر عقلي بس وربي لو عاد اسمع كلمةة تمسني بسوء لا ادفنش حيةةة يا بنت ابوووش.. لف وخرج من الغرفة وقفل الجناح بالمفتاح عاسب لاتخرج وزهراء حددت على اسنانها بقهر وغيظ اول ما بسرت الجناح مقفل..!!
.
.

القريةةة..!!
دخل للغرفة بعدما قربوا الغداء وبسر سجى متممده على السرير ونظرها لافوق ودموعها عالقات بالطرف جلس بطرف السرير ومسك يدها بيده وهمس: سجىىى

غمضت عيونها بهدوء بدون رد

احمد: قومي هيااا نتغدى

سجى بهمس يلا ينسمع: مااشتيش

شد على يدها واتكلم: ما ينفعش تجلسي بغير اكل انتي حتى صبوح ما اصتبحتي

سجى بغصة: شابعةة

احمد: سجىىى

سحب يدها بهدوء ونزلت ارجلها من السرير ووقفت اخذت نفس بقوة وخطيت بتردد

وقف احمد ومسكها من يدها: وين ودش تسيري

سحبت يدها منه واتكلمت: فك لي

احمد: اساعدش

سجى بغصة وهي تخطى: مش انا بحاجة مساعدة احد اقدر اعتمد على نفسي.. واصل مشي واحمد خلفها ومركز بخطواتها خايف عليهااا

دقت عرض الماسه ومسكها احمد بسرعة وهو يتكلم: بسم الله عليييش انتبهي

بكت بقهر وغبنةة وهي تخبي وجهها بصدره

شد عليها وهو مقهور وقلبه متقطع بسبب بكاهااا همس بهدوء: اااااش اوعدش كل شي عيتصلح وربي لا اوديش لافضل الاطباء خلي ثقتش بالله كبيرة

سجى من بين بكاها: واذا ما..... بكت وماقدرت تكمل كلامها

احمد فهم عليها وبهدوء مطمن لها: لا تقنطي من رحمةة الله خلي ثقتش به كبيرةة لا تيأسي... رفع وجهها ومسح دموعهااا واتكلم ببسمة: وذلحين يلا تعالي معي نتغداااا اكيد انش جاوعةة..

سجى برجاء: مااشتيش انزل

احمد فهم عليها واتكلم: طيب انا اطلع الغداء لاهانا واتغدا انا وانتي

هزت راسها برضا وهمست: اشتي اغسل يداتي

لمها من اكتافها وخطاها معه وهو يرد: ابشري من عيني..!!!

@rewayatyamania المصدر الأول للروايات

بعـد اسبــــوع..!!!

صنعــاء..!!!  العصـــر..!!!
رجمت الدفتر والكتاب والاقلام بعصبية وهي تتكلم: الله يقلع اللي يدرس اللي اخترع الرياضيات اووووف.. شيبت ولا فهمت حرررف..

شلت تلفونها واتصلت لرنيم ثواني وجاها صوتها: هلا قلبي.

نرجس: مرحبيتن وينش

رنيم: بغرفتي بين اذاكر للمه

نرجس: معي امتحان رياضيات وربي لي ساعة فوق مسألة ولا دريت من وين اجي لهااا قد عتبكي

رنيم: ههههه ما جيتي الا لاعند افشل واحده بالرياضيات وربي مانا فاهمه منه كلمة كود يلا كملت ثالث اذا لوما هيثم اخي

نرجس باحباط: وذلحين كيف من عيفهمني

رنيم: غبيةة انتي او ايييش زوجش مهندس معماري يعني الرياضيات عنده ساع الماء.. اتصلي له يجي يذاكر لش ماكان يفهمني الا هو

نرجس: سابر مع السلامةة.. غلقت الخط واخدت نفس وهي تضغط رقم هيثم ثواني ورد: حيااا عيوني

نرجس بنفسها..يماه على السنه معاهم: هيثم وينككك

هيثم بتنهيده: على الاقل ردي او القي السلام واسألي عن الحال

عضت شفتها وردت: عادك الصبح قدامي اكيد انك بخير

هيثم بيأس: سابر ودش حاجةة

نرجس بتردد: معي امتحان رياضيات

ابتسم على جنب لوما فهم طلبها: سابر ذاكري وادي درجات سوا

نرجس بقهر: هييييثم

هيثم بهدوء: عيونه

نرجس: جي ذاكر لي هياااا

هيثم برفعة حاجب: اعتبر هذا طلب والا أمر

نرجس بزفرة: اللي ودك بس جي هياااا

هيثم بقهر من اسلوبها: مشغول ما شقدرش ذاكري لنفسش

نرجس بغصة: طيب شكرآ.. غلقت الخط ورجمت التلفون ودموعها بعيونها همست بقهر: نذذذل اول مره اطلب منه حاجةة.. وقفت وشلت الدفتر والكتاب ورجعت لافوق السرير تحاول تفهم ولو حرف واحد بس صعب صعب.. تمددت وغطت وجهها بالكتاب..!!

وقف قدام الغرفة واخذ نفس وفتح الباب بهدوء ووزع نظره واستقر عليها وهي متمدده بوسط السرير والكتاب مغطي وجهها..

طرح شنطته على الكنبه والتلفون والمفاتيح على التسريحةة وخطي جلس بطرف السرير عند راسها وشل الكتاب من وجهها وهو يتكلم: ماشاءالله والمذاكرةة و... سكت لوما بسرها فزت ومسحت دموعها بسرعةةة ووجهها للجهه الثانية..!!.





📚 @rewayatyamania  🇾🇪

.

البـارت 93 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


سكت لوما بسرها فزت ومسحت دموعها بسرعةةة ووجهها للجهه الثانية

هيثم: ليش بتبكي لهذه الدرجة صعب عندش

سحبت دفترها من يده وردت ببرود: ما دخلكككك

هيثم: ههههه لايكون بتبكي لأني قلت انا مشغول

نرجس ببكاء: مادخلككك

ابتسم هيثم وهو يشل دفترها ويتكلم: دخلني ونصصص يلا قومي وركزي معي افهمش بسرعةة

نرجس: مااشتيش ولانا بحاجتككك عتذاكر لنفسي وانت مشغول لا نشغلك  اكثر

هيثم: ههههه عاد انا عرفت انش حساسةة لهذه الدرجةةة تزعلي من كلمةة

نرجس بكت وهي تتكلم: اول مرةة اطلبكك طلب وتردني وانا بحاجتككك

انصدم من بكاها ولمها من اكتافها له واتكلم ببسمة: والله انني نذل دامني نزلت دموعش.. وربي كنت امزح معش.. انتي لو تطلبي عيوني ما تغلى علييش

نرجس وهي تمسح دموعها وتبعد راسها من صدره: مااشتيش عيونككك ذاكر لي وكثر الله خيركك

هيثم: ههههه ماشاءالله عليكم يا اهل ذمار  صريحين وكلامكم بوسط الجبهه ههههههه

ابتسمت نرجس وردت: كان ماهو يا سيدي وعيني

هيثم بابتسامة: عاد هذه يا سيدي وعيني لحالها.. تدخل وسط القلب

نرجس: طيب وذلحين ذاكر لي الوقت بيخطى

هيثم شل الدفتر والكتاب وارتزح لخشبة السرير ونرجس جنبه وبدأ يبسر المسائل ثواني واتكلم: هاتي القلم وركزي وافهمي سوا هن مسائل بسيطات يشتين فهم بس
.
.


القريةةة..!!
دخل مع امجد للبيت وبسروا الكل بالصالة عدا لبنان وسجى تكلموا مع بعض: السلام عليكم

لين وليلى وامهن: وعليكم السلام

احمد: وين سجى ولبنان

ليلى: بغرفةة لبنان

احمد هز راسه ولف لأمجد: سابر انا عتطلع وانت اخطى غرفتك ارتاح اليوم تعبتك معي

امجد: تعبك راحةة يا رجال ومابش بيننا احنا اخوةة

ابتسم له احمد ورد وهو يطلع الدرج: تسلم ما تقصررر

@rewayatyamania المصدر الأول للروايات

دق الغرفةة ودخل وبسر لبنان بتذاكر بطرف السرير وسجى ممددة على الطرف الثاني ومغمضة عيونها

تكلم بهمس: السلام عليكم

لبنان: وعليكم السلام

احمد: نوم او..

لبنان: ايوة رقدت قبل شويةة انت بشر ردوا عليكم من الخارج

تنهد بتعب وجلس بطرف السرير: اليوم وصل الرد والدكتور كلم امجد والدكتور محمد

لبنان بأمل: ايوةة ما قالوا

احمد اخذ نفس واتكلم بعد فترة صمت: سليمةة ومابش في عيونها اي حاجةة

لبنان بهمس: يعني ايش

مسح وجهه بعشوائية ورد: يعني مابش حتى علاج او عمليةة.. حاجة غريبة وحيرت الدكاترةة

لبنان سكتت بغصةة وفزت مع احمد على صوت بكاء سجى الخافت

لبنان: سجى

قام احمد وخطي جلس عند راسها وحط يده على راسها وهمس: سجى يا عيوني

سجى بشهاق: وديييني عند مامااا

احمد: من عيني بس وقفي بكاااء

رفعت نفسها واتكلمت ببكاء: وديني عند ماماااا ذلحيين.. مااشتيش اجلس هاناااا اشتيييي مامااااا

احمد حضنها ورد مهدي لها: حاضر من عيني اوديش عند امش بس لاتبكي ارحمي نفسش بسش بكاااء

سجى سكتت وبتبكي بقوة واحمد بيمسح على راسها

لبنان تنهدت بغصةة وما تشتي تبكي وتزيد الطين بله

سجى ببحة بكاء: وديني عند ماما انا بحاجتهااا

احمد: ابشري.. لبنان اخطي جهزي لها لداة لمدة اسبوع وهاتي عبايتها لاهانا

لبنان وقفت وخطيت وهي ترد: حاضر

سجى بغصة: عتجلس اكثر من اسبوع

احمد: طيب كم ما ودش اهم شي ترتاحي..!!
.
.


المدينةةة..!!

بجناح علــي..!!
خطيت تفتح الباب اول ما اندق وبسرت عبير قدامها وعلى آخر شياكة تكلمت ببرود: خير

عبير: وين الخير من وجهش

زهراء: اوووف ما تشتي

عبير ببسمة خبث: ولاشي بس اشراق عندنا وقلت اداعيش تنزلي نجلس جمعة عيب البنت ضيفه عندنا وما تنزلي عندها

زهراء: اشراق من

عبير: خطيبة علي اخي قبل المهم انزلي لاتخافي  ي قلبي لفت وخطيت وزهراء بتبسرها بقهر من كلامها غلقت الباب وخطيت للغرفةة وقفت بالوسط ويداتها على خصرها همست بحدة: ما تستحي على نفسها جاية بيت خطيبها الاول سار الحياءء الله يستر بس

تقدمت من الدولاب وفتحته واحتارت ما تلبس من فستان بسرتهن على واحد واحد وفي الاخير شلت فستان لحمي خفيف يداته نص ونفخةة مع قبضة بالطرف ويوصل لاعند الركبةة والصدر مربع مع الظهر طرحته فوق السرير وخطيت غسلت بالمغسلةة ورجعت غيرت لداتها بسرعة ولبست الفستان وقفت قدام التسريحة وشلت الميكأب ولأول مرة بعد العرس عتفعل لوجهها

عملت بودرة خفيفه وروج لحمي بلون فستانها مع كحل لحمي بسرت رموشها وهمست: ما يحتاج مسكرة كثاف من الله هههه.. حددت حواجبها ببراعة وبدأت تمشط شعرهاا احتارت تلمه او تخليه منثور وفي الاخير لبست طوق كرستال وشعرها كله منثور على ظهرها لأنه سلس ما يحتاج استشوار.. خرجت لها قصص خفيفات من الحالين وبسرت نفسها برضااا وهمست بضحكة: والله اني قمرر اموووواححح

شلت تلفونها وخرجت من الغرفة والجناح متجهة لانازل..!!


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 94 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


تقدمت منهن وهي تتكلم بابتسامة ثقة: السلام عليكم

الكل رد بخفوت وصدمة: وعليكم السلام 

سلمت عليهن.. مسكت يد اشراق وشدت على يدها وهي تتكلم ببسمة: حيا الله من جانا نوررتي

اشراق بقهر ونظرها للعيونها العسلي: بنورش

فكت يدها وجلست على الكنبة قدامها وطرحت رجل على رجل

غدير ببسمة: الله الله ايش هذا الحلا يا زهراء

بسرتها زهراء بابتسامة واتكلمت: عيونش الحاليات ي قلبي

غدير: انا راحمةة لعلي اخي منش ومن حلاش كل يوم احلى من الثاني

زهراء وحبت غدير بهذه اللحظة لانها بتغيظ اشراق: ههههه علوشي يستاهل كل ماهو حالي وانا قليلة عليه

اشراق مثلت البرود واتكلمت: كيف حالش انتي وهو قادرة تصبري عليه لاني اعرف علي مثل اسمي عصبييي قوي

زهراء بابتسامة حب وهيام ممثل: فديييته يعصب على الكل الا عليااا اول ما يبسرني تتبخر عصبيته وما يلقى راحته الا عندددي

عبير بسرتها بسخرية وضحكت: هههه ومن عادها اللي قبل اسبوع ضـ....

قاطعتها غدير لما عرفت ما عتتكلم واتكلمت بابتسامة: الا ي اشراق ما قلتي لنا كيف حالش وكيف زوجش

تنهدت زهراء براحة ان غدير انقذت الموقف وبسرت عبير بحقد

اشراق ببرود: انفصلنا قبل اسبوع

عبير وغدير بصدمة: تطلقتي

اشراق: ايوةة.. ما سدينااش الصراحةةة

زهراء: يلا الله يعوضش بالاحسن

اشراق بدقة: آمييين

زهراء وقفت وهي تتكلم ببسمة: يووه ليش ماقد ضيفتين ضيفتنا مايسبرش حتى ولو كان ضيف ثقيل بس لازم نقوم بالواجب تعالي يا غدير معي

خطيت مع غدير قبل ترد اشراق اللي انقهرت من ردها

وقفت عبير وهي تتكلم: عتطلع ادي تلفوني وابسر ريتاج ليش ماقد جت

بقيت لوحدها بالصالة وبتفكر بحقد رفعت يدها لشعرها اللي لاحد اكتافها واتذكرت شعر زهراء اللي لاحد خصرهااا وسلاسته زفرت بغيظ وعيونها العسلي الوساع قدامها همست بقهر: ذبت انا وانا بنت عادما علي اووووف.. سمعت صوت سيارة داخلةة للحوش ووقفت وهي تتقدم من الباب وابتسمت بخبث اول مابسرتها سيارة علي خطيت بسرعه للحوش كأنها مش منتبهة لعلي بالمره
.
.

بالمطبخ..!!
زهراء: هذا صوت سيارة علي عتخطى اقوله لايدخل وهذه الصياد داخل

غدير: ايوة بسرعة مشو عارف ان به احد عندنا

خرجت زهراء بسرعة وخطيت للحوش وما ركزت ان اشراق وعبير مابحد بالصالةةة..

@rewayatyamania المصدر الأول للروايات

غلق باب السيارة ولف يخطى واتفاجأ من اللي قدامه وبلم مكانه

اشراق فزت وشهقت على اساس منصدمةة ووقفت مكانها

حس على نفسه واتحرك يخطىى واتجمد مكانه اول مابسر زهراء واقفه قدامه خلف اشراق بشويةة وبتبسرهم بسخرية ممزوجة بحدة وعيونها امتلين دموع

اشراق حست من نظراته المنصدمه ان زهراء خلفها واتكلمت بخبث ودلع: اول لقاء لنا يكون قصير بس المهم اني بسرتك ولبيت دعوتك وجيت لابيتكم ههه

هزت زهراء راسها بقهر ولفت تخطى بكل برود

علي ما انتبه ما قالت اشراق الا من بعد لأنه مركز على زهراء ودموعها اللي عالقات بعيونها.. تكلم بصوت عالي وهو يلحقها ويتعدا اشراق: زهــــــــــراءءء

مسكها من يدها ولفت له وهي تسحب يدها بقوة وتتكلم بحدة: فككككك لييي

علي: لحظةةة لاتفهمي غلط

زهراء بسخرية: من قال فهمت غلط انا فاهمة كل حاجةةة كككل حاجةةة

علي: لا مش انتي فاهمة حاجةةة

زهراء بسخرية اكبر: هههههه صح مانا فاهمه حاجةة على العموم بدل اللقاءات الحرام تزوجها واهجع

علي بحدة: ثمني كلامش سوااا وايش من اتزوجها وهي مزوجةة فكري بعقلش

زهراء ببرود: على اساس مش انت عارف انها تطلقت هههه يلا على اساس عادك عرفت ونمشيهااا

علي من بين اسنانه: زهرااااء

همست بقهر وغصةةة: حقيــــر... لفت وخطيت متجهة لاداخل بسرعةة

ثبت نظره عليهااا وهي تخطى وابتسم بخفوت وهو يهمس: اول مرة تفرد شعرهااا.. طوويل ههه.. انتبه على صوت خلفه: علــي

عرفها من صوتها وما لف واتكلم بحده: الا حياتي وزهراء يشهد الله لو تمسيهن بضر ماعد بسكت او اتغاضى مثل هذه المرة وعلى فكرة نزلتي من عيني قوووي.. فلتها وخطي متجه لا جناحهـ..
.
.

وقف قدام البيت ولف لصوت سجى: وصلنا

احمد: ايوة... نزل وخطي لا جهتها فتح الباب ومسك يدها وساعدها تنزل وخطاها معه للبيت بعدما قفل السيارة.. دقوا الباب وبعد ثواني فتحت اختها الصغيرة وابتسمت اول مابسرتهم: سجىىىى

ابتسمت سجى بغصة وهي تغمض عيونها واتكلم احمد: وين ماما

اختها: داخل ادخلوا فلتت الباب وحملت لاداخل بتداعي بصوت عالي: مااااامه.. سجى وزوجهااا جوا عندنا





📚 @rewayatyamania  🇾🇪

.

البـارت 95 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


دخل احمد مع سجى وهو يتكلم: الله الله

ام سجى وهي تتقدم  منهم: ياهلا ياهلا حيا الله من جانا

احمد وهو يسلم عليها: الله يبقيش ويحييش

لفت لسجى اللي واقفه مكانها واتكلمت: سجى ي روحي ما تشتي تسلمي على امش والا ماقد فقدتيها

سجى انفجرت بكاااء وهي تتكلم: مااااامااا احضنيني

انفجعت امها وحضنتها بسرعة وسجى شدت عليهااا

تنهد احمد ونزل راسه بحزن وألم لصوت بكاها

ام سجى بخوف: سجى مابه ليش بتبكي هكذا.. سجىى

سجى ماردت ومستمرة تبكي

ام سجى لفت لاحمد وبسؤال: احمد وقع حاجة مالها

تقدم احمد وسحبها من حضن امها ولمها له واتكلم بابتسامة خافته: دلوعةة بنتش وانتي اكثر واحدة تعرفيها.. رفع يده ومسح دموعها وهو يهمس لها: فجعتي امش وخواتش مش هكذا

سجى دفنت وجهها بصدره وبكت اعظم وبشكل هستيري واتكلمت امها بحدة وخوف: الآن وذلحييين تقولوا ايش به وليش بتبكككي

@rewayatyamania المصدر الأول للروايات

دخل للجناح وبسرها في الصالةة بتتفرج للشاشةة وحسها بعيد.. جلس جنبهااا وهمس باذنها: اييش هذا الحلاااا

فزت ولفت له وبعدت بسرعة وهي ترجع نظرها للشاشةة

علي بتنهيدة: زهراء افهميني ولاتحكمي غلط

زهراء بسخرية: فاهمة لككك وقووي

علي بحدة: لاتزيدي بهااا انا بسرتهااا صدفةة اول ما نزلت من السيارةة وانتي جيتي على طول

زهراء: هههههههه وخربت عليككم صح

علي بقهر: انتي كييف واحد يفهمش كيف عتصدقي

زهراء ببرود: والله ما هميتني انت وهي ولا انا معبرة لكممم اصلآ من انت علاسب يدخل في بالي وازعل بالناااقص منككك والله ماعد الا انت ازعل منككك ههه

علي من بين اسنانه: انتي عارفةة عمررش لا صدقتي وايوة اتصلت لها وقلت لها تجي بيتنا عندش لي حاجةة تكلمتي بهااا

زهراء بلعت غصتها واخفتها بضحكة قهر وبرود: ههههههه هههه ماهمني ليت والله و.... هههه ليش عااااد

وقف وهو يتكلم بسخرية: وفرحت انها تطلقت وعتتزوجهااا خلي يكون عندش خبر.. خرج بسرعة قبل ترد زهراء لأنه عارف لها عترد بعشر بدل الكلمةة..

رجمت الجهاز بضبح وهمست بقهر: فرحت لما تطلقت وعتتزوجها يييخ على حلاهااا هذك الصياااد.. سكتت لفترة بعدها تكلمت بغصة: شكله يحبهااا.. لو يتزوجها صدق واناااا... غطت وجهها بيداتها وبكت وهي تتذكر كلامه وتأكيده انه اتصل لها تجي ولأول مرة تبكي ارتفع صوت بكاها وهي حاسة بضيق وشعور بشع من خيانة وتقليل بذاتها وحقهااا ومكانتها

جلس جنبها وسحبهااا لاحضنه واتكلم بضحكة: لهذه الدرجة تحبيني لوما وصلت للبكاء

انصدمت من وجوده واستحت انه بسرها بتبكي بس زاد بكاها بدل ما تسكت

تنهد علي بقوة واول مره يبسرها تبكي وهو متعود عليها قوية ودموعها ما تنزل همس بهدوء: ويشهد الله ان كل كلامي كذب واني بسرتها صدفةة.. والله لوعاد يدوها لي بلاش وهديةة ماعد ابسر لاوجهها النفس عافتها من زمان واليوم عافتها بالكثير

زهراء ببكاء: احـلف

علي بضحكة: وماعاد انا كملت.. والله العظيم كذب في كذب 

رفعت راسها واتكلمت وهي منزله له: صدقتك خلاص

علي: ههههه غصب عتصدقي انا ما اكذبش الا احب انرفزش بس

زهراء بقهر: حمااار

علي وقف وهو يضحك: مقبولةةة

زهراء بحدة: وووين

علي بغمزة وضحكة: الاقـــي

زهراء بحدة اكبر: عليييييي..مابش خرجةةة

علي خطي وبضحكة: العمل العمل مع السلامةة
.
.

سجــى..!!
تكلمت امها بهدوء وهي تمسك يد سجى بقوة: ليش بتبكي ما يسبرش لازم تكوني راضيةة بقدر الله وقضاءه

سجى ببكاء: بسس ي مامه ..

ام سجى بحنيةةة وهي تمسح على شعرها: يا عيون مامه انتي.. انتي مؤمنه المفروض ما تعترضي لقدر وحكم الله وتجلسي تبكي هذا ابتلاء لش ولعلها تخفيف ذنوب والله عيعوضش في الآخرة والجنةة بافضل واحسن اكييد

احمد بهدوء: كلام امش صح هذا قضاء وقدر بس انا ما عتيأسش وعاد عتوديش لأطباء و..

قاطعته سجى بغصة: قد رسلتوا الفحص للخارج مابش فايدةة

ام سجى: خلي املش بالله كبير يا بنتي لعل في ذلك سبب وحكمةة

احمد وقف واتكلم: يلا انا الان استأذن وسجى ياعمه انتبهي لهااا ولاتخلوا حاجة تزعلهااا

ام سجى ببسمة: في عيوني لاتهم

انحنى وحب سجى على جبينها واتكلم وهو يرفع نفسه: اي حاجة شتيها كلميني او تعبتي او شي وانتبهي لنفسش سابر

سجى بخفوت: حاضر

احمد: يلاا خاطركم ولوما يروح جدي سلموا لي عليه

ام سجى وهي تخطى معه للباب: يصل الله معاك توصل بالسلامةةة
.
.

بعد مرور ايااام..!!

القريةةة...!!

حامـد..!!
شد على الفلاشة بيده وهمس وهو يتذكر اليوم الشخص اللي كان يلحقه: لازم اسلمها لأيادي امينةة لازم.. شل تلفونه وعمل رسالة لدانيال: تعال لاغرفتي سريييع..

ثواني وفتح الباب ودخل وهو يتكلم: سلام


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 96 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بعد مرور ايااام..!!

القريةةة...!!

حامـد..!!
شد على الفلاشة بيده وهمس وهو يتذكر اليوم الشخص اللي كان يلحقه: لازم اسلمها لأيادي امينةة لازم..شل تلفونه وعمل رسالة لدانيال: تعال لاغرفتي سريييع...

ثواني وفتح الباب ودخل وهو يتكلم: سلام

حامد: وعليكم السلام غلق الباب

غلق الباب وخطي جلس جنبه وهو يتكلم: خير به حاجةة مالك ليش داعيتني

حامد بتنهيدة: عدي انا عتأمنك على سر واذا وقع او حصل فيني حاجةةة ضروري انت توصله للشرطةة

دانيال بقلق: ايش السر مالك خوفتني تحاكى

حامد مد له الفلاشة وهو يتكلم: هذه الفلاشة فيها معلومات خطيرة قوي عن واحد نذل اسمه الجوكر.. واذا تسلمت ليد الشرطةة عيروح خلف الشمس

دانيال وهو يشلها من يده: طيب ليش ما تسلمها للشرطة الآن

حامد بحقد: لااا..اول اساومه واخدعه واخليه يدفع مية مليون دبل الخمسين اللي خلا ابي واخي يدفعوها سرق ونهب منهم وحق دخلتي السجن ظلم

دانيال: قصدك تقول ان قضية الاختلاس مدبرة وان الجوكر هذا دخلك السجن بسبب هذا الفلاش

حامد: بالضبط..اكتشف ان انا صورته وقت كلامه مع واحد من رجاله وهو يعترف بحاجات خيرات وطلب مني ادي له الفلاش مقابل ملايين ومارضيت.. بس قبل ما اسلمه للشرطه حبسوني بتهمة اختلاس في الشركةةة

دانيال: ي الله والدناااءةةة والحقارةة..طيب واي حين عتساومه

حامد: من اليوم ادبر رقم وهمي واكلمه واراوغه انني عتدي له الفلاش مقابل مية مليون

دانيال: وانت متأكد انه عيدفع الزلط كلهااا

حامد ببسمة حقد: اكيد عيدفع اكثر لأن راسه بين يداتي اناااا ومابش معه خيار ثاني ودامه استخدم اسلوب الحقارة والغدر معي فانا عتستخدم معه نفس الاسلوب المهم..يا عدي خبي هذا الفلاش بمكان آمن وانتبه احد يدرى باللي كلمتك به انا ما كلمتك الا وانا واثثق فييك

دانيال: اشتد وسرك في بير ولاتخاف عتخبي الفلاش بمكان آمن...!!

@rewayatyamania المصدر الأول للروايات


بعد الظهر..!!
وقف بالسيارة قدام المدرسةة بعدما اشر للحارس علشان يداعي لبنان.. دقيقة وفتحت الباب الامامي وطلعت وهي تهمس: السلام عليكم

احمد وهو يلف بالسيارة ويخطى: وعليكم السلام


احمد: هاه كيف الدراسة معش

لبنان بهدوء: تمام

بعد فترة صمت لف لها مستغرب سكوتها وبسرها شديه ليداتها بقوة ونظرها للشارع تكلم بسؤال: فيش حاجةةة مالش

اشرت براسها بمعنى مع بدون ما تلف له

احمد بحدة خفيفة: لبنااااان

لبنان بكت وهي تنزل راسهااا

جنب السيارة واتكلم بقلق: لبنااان..ايش به احد زعلش تحاكي

لبنان من بين بكاها: مع بس زاعله شويةة

احمد: من ايييش

لبنان بغصة: ولاشي

احمد بقلة صبر: لبناااان.. تحاكي

اخذت نفس وهي تمسح دموعها وتتكلم: اليوم بنات الفصل بيسألني عن سجى ليش غايبة قمت قلت لهن.. انها تاعبةة شويةة وان شاءالله تحضر قريب.. قالين ايش فيها.. قلت تاعبةة بس... قالت واحده منهن ليش تكذبي قولي ان قدها عمياء وماعد بتبسرش.. والثانية قالت... ليش عادكم بتخبوا قد الناس كلهم عارفين ان مرة الشيخ احمد انعمت.. قلت من قلكن لاتصدقين.. قالين هناااء تكلمت وقد القرية كلها عارفةةة.. لا وايش قالوا قدك عتتزوج وتطلق سجىىى.. غطت وجهها وبكت

واحمد غمض عيونه بقهر وطرح راسه على الدركسون وشد عليه بيداته بقوةة.. ثواني واعتدل بجلسته وشغل السيارة واتحرك بها بسرعةة...!!!
.
.

وقف بالسيارة قدام الباب واتكلمت لبنان بخوف: احمد ما جيت تفعل هانا

احمد بحده: الشي اللي لازم افعله من زمااان

فتح الباب ينزل واتكلمت لبنان: احمد اهدأ انت عارف لابو هناء والله لا يقتلهااا

احمد ببرود وهو ينزل: وهذا اللي اشتي.. طبق الباب وخطي لابيت ابو هناء ونزلت لبنان خلفه..
.
.


المدينةةة..!!
دخلت بيتهم وهي تتكلم بصوت عالي: يييه وينكككم

زياد من المطبخ: هانا يا مشولحةة تعااالي

دخلت للمطبخ وبسرت زينب بتسبر اكل وزياد جالس على الكرسي بيتجابروا: السلام عليكم ي قووم

زياد وزينب: وعليكم السلام

زهراء وهي تقرب من الفرن: الله شم اكل من حق زينب اللي يجنن

زياد: لا تلمحي ولاشي ماعنزمش تتغدي معانا معش بيت يعزززش

زهراء برفعة حاجب: غصبآ عن انفككك عتتغدا من حق ابي مش من حق ابوككك

زياد وزينب: هههههههههههه

زهراء وهي تجلس على كرسي جنب زياد: ايوة ايش به قلتوا ضروري اجي

زياد: ايوة به خبر طازج حصل امس

زهراء بحماس: ايشوووه سررريع

زياد: كم تدفعي وادي لش

زهراء بقهر: احذذي تكلم يا نصاب

زياد بقهر: في لقفش ي  كلبةةة والله ما اتحاكىى

زهراء: زينب تكلمي ايش به

قبل تتكلم زينب رد زياد: لا تتكلمي انتي اخبررر

زهراء وقفت وبحده: بالناقص انت وهي ييييخ

قبل تخرج تكلم زياد بضحكه: تعاالي تعاالي طريقش عتقول لش




📚 @rewayatyamania  🇾🇪

.

البـارت 97 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


زهراء وقفت وبحدة: بالناقص انت وهي ييييخ

قبل تخرج تكلم زياد بضحكة: تعاالي تعاالي طريقش عتقول لش

زهراء بدعممة وهي تخطى: طز ما يهمني

لحقتها زينب وهي تمسكها: تعالي للخبالةة الموضوع ضروري.. رجعت معاها للمطبخ واتكلمت زينب: كلمها ي زياااد

زياد: احممم.. الخبر ومافيه.. ان زينب القمر هذه عيجوا اليوم يدفعوا ويحددوا عرسهااا

زهراء بصدمة فرح: اسألكم بالله قولوا والله

زينب: ههههه والله

زياد: طبعآ امس خطيبها كلمني اكلم ابي انهم عيجوا الليلة وابي نبى على اخوته

زينب: قول اعمامي يا مؤدب

زياد ببرود: ما اعترف بهم.. المهم زهراء اليوم عتتغدي عندنا سابر

زهراء بغرور: اممم افكككر

رجمها بالخيار اللي كان بيده واتكلم بقهر: عاد عتفكر الاميرة انقلعييي

زهراء: ههههههه ههههههه
.
.

خرجت من البيت وطلعت جنبه واتحرك بالسيارة واتكلمت: ارتحت الآن ابوها قتلها ضرب في غرفتهااا

احمد ببرود: وربي برد قلبي لي صابر لها خيرات وهي تحشر انفهاااا بكل حاجةة.. المهم اتصلي لسجى ذلحين قبل نوصل البيت وافتحي سبيكر

لبنان وهي تشل تلفونه: قد كلمتها او مع

احمد: لاوالله ماقد فضيت مشغول هذه الفترة قوي وانتي عارفةة

لبنان: سابر..اص بيرن...وصلها صوت سجى: هلا من معي

لبنان بابتسامة: قلبششش

سجى بضحكة: ياروووحي حياااا كييفش

لبنان: تمام الحمدلله نسأل عنش  ي قلب

سجى بتنهيدة: انا تمام الحمدلله كيف اهل البيت

لبنان: كلنا بخير الحمدلله ناقصنا غير وجودش

سجى بتردد: وكيف احمد

لبنان لفت لأحمد اللي لف لها بعدما وقف السيارة قدام البيت وردت: الحمدلله في خير

سجى بهدوء: قالوا قد عيتزوج ويطلقني..باركي له ههه هه

لبنان فتحت عيونها بصدمة ولفت لاحمد اللي ملامحة جامدة ونظره لها تكلمت بضحكة توتر: هههههه بالله من قال لش هذا الخبر السامج

سجى بغصة: الله يهنيه في الاخير معه حق ويحق له ما يفعل ببنت عمياء ماعد منها فايدةة الا عالةة على قلبه 

لبنان  بحدة: سجىىى من قلش هذا الكلام لاتصدقي

سجى بحرقةة وغصة بكاء: بس خسارة لو ما كانت البتول متزوجة كان يمدي احمد يتزوجها


لبنان: ا..... قاطع كلامها سحبة احمد للتلفون وكلم سجى  بهدوء: تجهزي انا جايي لش ذلحيــن...غلق الخط قبل يسمع ردها ولف للبنان: يلا انزلي

لبنان: وين عتسير

احمد بحدة: اسيرر اديهاااا وابسر من وصل لهااا هذا الخبر قبل تجنن وتجنني معاهاااا..انزليييي

نزلت لبنان واحمد لف وخطي بالسيارةة خارج من الحارةةة..!!

@rewayatyamania المصدر الأول للروايات

المركزز مكان عمل علــي..!!!
رفع راسه اول ما دخل جواد وهو يتكلم بسرعة: احترامي سيدي تعال بسرعة لانازل وقع امر مهم

وقف علي وخطي معه وهو يتكلم: بخصوص  ايش

جواد: بخصوص الجوكرر

وقف شهاب اول ما تقدم منه علي واتكلم: احترامي

علي وهو يوقف جنبه: استرريح..

جواد: شهاب رجع شريط التسجيل للعقيد علي

شهاب: حاضر.. هذا هو بنفس الشركةة اللي دخلناها قبل اشهر وعملنا كاميرات مراقبةة ومسكنا الادوية المهربه اللي كان بيهربوها

علي: اها.. اللي كل اللي مسكناهم فيهااا ولافادونا بشي

جواد: ايوةة بالضبط

علي: سابر شغل ي شهاب

شهاب ونظره للكمبيوتر: الآن ابسررر..

بالتسجييل....
وقف المدير بترحيب منصدم: هلا هلاا نورت الشركةة

رد بغرور: انت عارف ايش جزاة اي واحد يفشل في مهمة وكلتها له وانت فشلت في تهريب الادويةة وقتل رجالنا والسجن لنصهم

علي بهمس وعيونه على اللي بيتكلم وظهره للكاميرا: الصوت مش غريب علياااا.. كمل يبسر بترقب

المدير بخوف: بس انت عارف ان الشرطةة مدري كيف عرفت وافشلت المهمه بتدخلهم

....... هذا ما يهمني كان المفروض اجي يوم ثاني للمهمه بس انشغلت

المدير برعب وهو يبسره يخرج مسدسه ويركب كاتم الصوت: الجووكررر اترجاااك ادي لي فرصةة اخيرةة واوعدككك اصلح ما فعلت فرصةةة

الجوكر بضحكة: انت عارف الجوكر ما يدي فرصة لاحد.. ماجد

ماجد: امر

الجوكر: عتتخلص من حياته وانت ورجالك تخلصوا من جثته بأي مكاان فاهم

ماجد: ابشررر

المدير برعب شديد: الله يخليككك فرصةة اخيرةة واوعدك اعمل اللي ودك فيه ا...  قاطع كلامه اول ما طرح المسدس بين عيونه واطلق رصاصة بكل برود وارتجم للقاع غارق بدمه

الجوكر ببرود وهو يحط المسدس بخصره: نظف المكان واتخلص من جثته بدون ما يحسوا الموظفين بأي حاجةةة خلهم يخلوا الشركةة

ماجد: حاضر ولايهمكك.. عملناااا

لف الجوكر يخرج واتضحت صورته للكاميرا بكل وضوح..

علي فتح عيونه بصدمة كبيرةةة وشد على راس الكرسي بيده وحس بدوار فظييع همس بعدم تصديق: لااااااااا مستحيييل يكوون هو مستحييييل


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 98 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


جلس بالمجلس بعدما سلم على عمته واتكلم بسؤال: وين سجى

ام سجى بتنهيدة: في غرفتها مش انا عارفة مالها تية اليومتين حابسه لنفسها بغرفتها قد كانت عيس واتقبلت الامر حتى جدها حاول معاها تخرج وتجلس معانا ولارضيت

احمد وقف: ممكن تدليني على غرفتها بعد اذنش

ام سجى وهي تخطى: ولايهمك تعال يا ولدي لو هي عترضى تكلمك وتخرج معاك يا ليت

فتحت باب الغرفة وهمست له: ادخل يمكن انها نوم او بتتظاهر مثل كل مرة

اشر براسه ودخل وهي غلقت الباب وخطيت

تقدم من السرير وهو يبسرها متلحفة بالكامل نوم.. جلس بالطرف واتكلمت سجى تلقائيآ: ماما مااشتيش غداء خلوا لي حالي

احمد بهدوء: وليش ماتشتي غداااء

فزت ورفعت الغطاء من وجهها وبسرت عكس الجهه اللي احمد فيها..

مسك ذقنها ولف وجهها لاعنده وابتسم: ما حسيتي اني هانا

رفعت نفسها وهي ترفع شعرها من وجهها وتتكلم بهمس: ليش جييت

احمد برفعة حاجب: هكذا تستقبل الواحدة زوجها.. قلدها بقهر.. ليش جييت..

سجى بتنهيدة: حياااككك

احمد: كيف حالش ان شاءالله احسن

ابتسمت بغصة وردت: تمام في احسن حال

احمد: بس انا بين ابسر العكس

سجى: بتتخيل.. دام انا عند مامه انا بخير

احمد: جعل دايم.. طيب جهزتي نفسش نروح

سجى: لااا من قال عتروح..

احمد بمصابرة: مش انا كلمتش تتجهزي لوما اجي

سجى بابتسامة قهر: مابش داعي.. كل شي بيننا انتهى دامك عتتزوج.. وطلقني

احمد بزفرة: ممكن اعرف من كلمش بهذا الكلام البايخ

سجى سكتت بدون رد..

احمد بحدة: سجىىى من قلش هذاا الكلاااام

سجى بغصة: ناس من عندكم وكلامهم صح.. ايش تفعل ببنت عمياء ساعي و.... 

احمد: هناء او ليلى او لين.. من اللي كلمتش منهن

سجى غطت وجهها وبكت وهي ترد: كككلهن كلهن.. كلميني امس واتشمتين فينيي

شد على يداته بغيظ من هناء وخواته اللي ما عيخلينه في حاله ابدآ

بعد يداتها من وجهها واتكلم وهو يمسح دموعها: وانتي صدقتيهن على طووول هكذاا

سجى ببرود وغصة: على اساس تحبني وواثقة بحبك علشان اقدر ارد عليهن.. الكل عارف اصلآ 

احمد حضنها لاصدره وماقدر يرد او يعبر عن مشاعره كل اللي يعرفه.. انه مستحيل يتخلى عنهااا وانها حاجةة كبيرة وعظيمة في حياته.. ما يدري اذا هذا حب اللي يعرفه انه ما يتخيل حياته من دونهااا..!!
.
.

دخل للبيت وهو بيخطى بسرعةة ووقفه صوت ابوه وبسرهم كلهم بيتغدوا بس ما انتبه واتكلم: هلا السلام عليكم

الكل: وعليكم السلام..

ابوعلي: مالك بتحمل هكذااا ما حتى انتبهت لنااا

ام علي: او وقع معك حاجةة والا شي

علي بهدوء: لا لا مابش شي بس مستعجل شويةة وين جدي

غدير: بيت ابي علي هو وزهراء

علي وهو يطلع الدرج: سابر

ام علي: تعال تغدااا 

علي بدون ما يلف: شاابع بالعافيةة عليكم..

@rewayatyamania المصدر الأول للروايات

دخل غرفته ووقف قدام التسريحة وهمس بهدوء: ما كنت توقع ولا واحد بالميةة مستحييل اصلآ..ما دخلش عقلي للآن..معقول يكون هو اللي فجر السيارة بدانيال واتسبب بتشويهه..او يكون ورا موت دانيال.. لا لا الاهذااا ورربي صدمةةة..

خطي وارتمى على السرير بتعب وغمض عيونه بقوة ثواني وفز على صوت تلفونه رفعه لاوجهه وبسره سامي..غمض عيونه ورد بهدوء: ارحب

سامي: وين انت ي رجاال

علي: روحت الآن لييش

سامي: ولاشي بس قلت نتغدا جمعه بمطعم لنا كثير ماعد تغدينا مع بعض

علي بتعب: وربي اني تاعب ومصدع بقوة ولا نفسي بشي

سامي: اووه ليش مابه ايش وقع معاك

علي بتنهيدة: لاتهم مابش حاجة مهمة

سامي: وما عتفعل ذلحين

علي: اقوم اتوضى واصلي وارقد لامغرب لعل الصداع يخف

سامي.: سابر نوم العوافي بس تغدا قبل ترقد

علي: سابر اي خدمات

سامي: سلامتك مع السلامةةة..

رجم تلفونه بضيق ووقف متجه للحمام يشل دش ويتوضى يصلي بعدها يرقد لعل صداع راسه يخف..!!!
.
.

بعد العصر..!!!
دخلت للغرفةة وبسرته نوم على السرير واتقدمت منه وهي تتكلم بهدوء: عدي.. عدددي

فتح عيونه وبسرها وبهمس: ماهو

بتول: قال ابي عتخطى معاهم الجربةة او مع

دانيال اعتدل وهو يمسح وجهه ويتكلم: لااا تاعب راسي بيوجعني قوي

بتول بقلق: راسك من ايش جلست بين الشمس او ايش

دانيال: مدري بس صداع قووي

بتول: نفس المرة الاوله صح

دانيال بتنهيدة وهو يمسك راسه: مدرري مش عارف ليش هذه الايام يجلس يوجعني واحس بدوار اوووف..ابسري لي بانادول لو به والا خلي حسن يخطى يدي لي سريع

بتول وهي توقف: تمام الآن عتقوله..بس اذا ما افتهنت ضروري تخطى المستشفى وبدوون اعذار فاااهم

دانيال بألم: طيب اول ادي بانادول هيااا..

خرجت من الغرفةة وهو غمض عيونه بألم وهذا الصداع بيحسه فكك راسه..




📚 @rewayatyamania  🇾🇪

.

البـارت 99 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


وقف السيارة في الحوش.. ونزل وخطي فتح بابها واتكلم وهو يمسك يدها: يلا انزلي

اخذت نفس بقوة ونزلت وخطيت معه لاداخل البيت

تكلم وهو يخطى من الصالة طالع الدرج: السلام عليكم

ليلى ومريم: وعليكم السلام
.
.

دخل معاها للغرفه وجلسها بطرف السرير وخطي فتح دولابه وهو يتكلم: انا عتخطى العمل ذلحين

سجى: وين لبنان

لف لها بعدما شل الميري حقه: ليش ما ودش بها

سجى: بحاجتهااا

احمد: ايش ودش وانا بفعلش

سجى بخزا: لا داعيهااا هي

ابتسم وهو يشل الميري يلبسه واتكلم: مابش امل اعرف يعني

سجى اشرت براسها بمعنى مع

احمد: ههههه طيب حاضر الآن اداعيهااا

كمل لبس وشل تلفونه ومفاتيحه وخرج وهو يتكلم: انتبهي لنفسش..
.
.

بعد العشاء...!!
دخلت مع عمها حامد للغرفة وهي تتكلم: تعال ابسره كيف تاعب كود الا صلى ورجع يرقد مارضي يخطى المستشفى

جلس بطرف السرير واتكلم: عدددي.. ووووو.. عدددي

فتح عيونه وبسره بتعب وهو يرد: ايييش

حامد وهو يحط يده على جبينه: مالك ي رجال قالوا تاعب

لف لبتول اللي بتبسره بخوف وابتسم بهدوء: شويةة صداع بس الا بنتكم خوافةة شويةة

بتول: لا والله تاعب اسعفوه ذلحيين

حامد: مش انت حامي.. بس ماله راسككك صداع بس

دانيال بتعب: ايوةة

دخل ابو بتول والحسن والحسين وهم يتكلموا: ماله... سلامات.. ايش فيه

غمض عيونه بتعب واتكلم حامد: راسه له من عصر يوجعه قالت البتول

بتول: مش الا اليوم قد تعب من قبل والكل

ابو بتول: وماعد بتفعلوا هانا قوموا اسعفوه يلااا

دانيال: مابش داعي والله

حسين: الا داعي ونص انا عتخطى اشغل السيارة وانت غير لداتك وتعال معاهم هيااا

تنهد دانيال بتعب وهو يرفع نفسه والبتول خطيت للدولاب تخرج له لداة...!!!

@rewayatyamania المصدر الأول للروايات


المدينةةة..!!
فز على يدها اللي طرحتها على جبينه

تكلمت بهدوء: سعليك... بين ابسر حرارتك.. مرتفعةة قوم اشرب علاج

رجع نفسه ورد بتعب: مابش داعي عتقوم اشل دش بارد وافتهن.. كم الساعة

زهراء: قد اذن عشاء

علي: اوووه وليش ما قومتيني اصلي

زهراء: تعبت وانا من عصر اقومك ولارضيت تقوم شكلك تاعب قووي

رفع نفسه ونزل من السرير وخطي سحب منشفته من العلاقة وخطي للحمام وهو يتكلم: جهزي لي لداة عتخرج

زهراء: وين عتخرج وانت تاعب وعاد عتشل دش بارد

خطي ومارد عليهااا واتنهدت بقهر وخطيت تجهز له لداة..
.
.

المدينةة..!!
طلع سيارته وشل تلفونه وهو يتصل لرقم سامي ثواني وجاه الرد: هلااا

علي: هلااا فيككك وينككك

سامي: بالشركةة ليش

علي: اذا فاضي تعال لمطعم.... نتعشى هنااك

سامي: على حسابك

علي ضحك بالغصب: ههه هه ايوة انت تعال بس

سامي: هههههه يلاا مسافةة الطريق بس

علي: سابر لاتتأخر
.
.

بعد نص ساعةةة في المطعم..!!

تكلم سامي بتنهيده: ااااح

رفع نظراته له واتكلم: مالككك

سامي بحزن: تذكرت دانيال.. تذكر كم كنا نتعشى جمعه في هذا المطعم خصوصآ على هذه الطاولةة

علي بتنهيدة: اي بالله.. الله يرحمه

سامي: موته صدمة ماقدرت اتجاوزها مش انا مصدق

علي بهدوء: كلنا.. بس في الاخير كلنا عنمووت

عم الهدوء عليهم واكلوا بصمت قطعه علي: سامي

سامي وجهه نظره له: عيونه

علي: انسىى خلاااص

سامي: امانةة تكلم مالك

علي: لا ولاشي.. كمل عشاك

سامي: طيب براحتكك.. بعدين مالك شكل مريض او بين اتخيل

علي: شويةة حمى ووجع راس

سامي: سلامتك.. كان ليش تخرج وانت تاعب

علي بابتسامة: قلت اطيب خاطرك لأني ماجيت اتغدى معاك

سامي: انا فدااا يااخي.. اهم شي صحتكك

علي: كله ولا زعل صااحبي

سامي ابتسم بدون رد ورجع يأكل وعلي معه
.
.

القريةةة

الساعةةة 9..
رجعوا للبيت مع دانيال اللي دخل لاغرفته مع حامد والبتول خلفهم بتسأل بخوف: هاه ما قالوا لكم ليش تأخرتوا

حامد وهو يطرح العلاجات على الكوميدينا: لاتخافي صداع عادي.. بسبب فقدانه للذاكرةة

بتول: يعني ايش

حسين وهو يدخل مع حسن: على حسب مافهمت من الدكتور انو مؤشر لرجوع ذاكرة عدي ومدري

حسن: الا عدي انت تتذكر حاجات او شي

دانيال بتعب: لا بس اصوات ووجوه مشوشة مش واضحةة

حامد: يعني بدايةة خير

دانيال غمض عيونه وسرح تفكيره لابعيد.. من هو ومن وين وايش عمله ومن اهله

حامد اشر لحسن وحسين وخرجوا واتكلمت بتول وهي تجلس  بطرف السرير: كيف بتحس نفسكك الآن خف الصداع

فتح عيونه وبسرها بابتسامه خفيفة: ايوة الحمدلله احسن

تنهدت البتول براحةة وسكتت بتفكير

دانيال باستغراب: بتول مالش

بتول: ......

دانيال: ووو.. بتووول

فزت ولفت له: ايش.. بتداعيني

دانيال: مالش بأيش بتفكري

بتول: لا ولاشي تحتاج حاجة اديها لككك

دانيال: بتول تحاكي مالش عارف لش فيش حاجةة


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 100 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


دانيال: بتول تحاكي مالش عارف لش فيش حاجةة

اخذت نفس واتكلمت بتوتر وهي تنزل نظرها ليداتها: لاا بس يعني بين افكر لو ترجع لك الذاكرة و...

دانيال بترقب: وايش.. كملي

بتول بغصة وهي توجهه نظرها بعيد: لو تطلع متزوج وتحب مرتككك

دانيال همس: متزوج... يمكن ليش لااا

رفعت نظرها بعيون ملان دموع وهمست: وانااا

دانيال بغباء: وانتي مالش

بتول بغصة اكبر: ايش عيكون مكاني بحياتكك

دانيال استوعب قصدها وضحك وهو يتكلم: يا مجنونةةة.. وعتبكي على هذااا

بتول بكت وهي تتكلم: لو رجعت لك الذاكرة وطلعت متزوج عترجع لمرتك وتفلتني اكيدد صح

رفع نفسه بتعب واعتدل لاعرض السرير وبهدوء: بتووول

بتول بسرته بعيون ملان دموع وما تكلمت

دانيال بنذالة: اكيد عترجع لمرتي كان ما رأيش

بتول سكتت بصدمه ونزلت راسهااا

مد يده ومسك يدها وشد عليها واتكلم ببسمة: وربي لو اكون متزوج وكنت اموت فيهاا ماعد تهمني انتي حياتي وقلبي وكل شي حلو في حياتي مستحيل استغني عنش او ابدلش باحد فاهمة

ضحكت بهدوء وهي ترفع يدها وتمسح دموعها وتتكلم: حمااار وقفت قلبي

دانيال: ههههه كنت اشتي ابكيش

ضربته بقهر وهي توقف وتتكلم: عتسير ادي لك عشاء لاترقدش طيب

دانيال بضحكه: طيب لا تتأخري..

@rewayatyamania المصدر الأول للروايات

الصباح..!!

القريةةة...!!
حامد بصوت عالي وهو في الحوش: عدددي

عدي وهو يخرج: يلا يلا جييت

لف خارجي وهو يتكلم: اخرتنا هيااا

دانيال وهو يخطى محادي له: انت اللي مستعجل والا ايش به

حامد: انت عارف ان الساعة تسع وماقد خطينا محمود وابي عيصيحوا.. هم لما جوا معانا يحصدوا بكروا بحين

دانيال: مشي على البكارة ياحيدي

حامد: هههه عنقلهم البتول خطيت المدرسةة

دانيال: ايوة خليتها تخطى مع حسين وحسن

حامد: احسن هي وزاري وبتغيب خيرات

دانيال: هانت قربت الاختبارات

حامد لف لاورى بسرعة ولف دانيال معه: مالككك

حامد بشك: مدري حسيت ان به احد ورانا

دانيال وهو يبسر  البيوت: شكلك بتتخيل ماحد

حامد: الظاهر اجزع هيااا 

حامد بهمس لدانيال: به واحد ورانا لا تلتف او تبين انك عرفت

دانيال بنفس الهمس: متأكد

حامد: ايوة واكثر من واحد مش الا واحد

دانيال بهمس: كلمت هذا الجوكر

حامد: مع روحت من المستشفى تاعب وماعد تكلمت

دانيال: ايش نفعل ذلحين

حامد وهو مركز على الظل خلفهم.. سمع صوت تعشيق الآلي واتكلم بتوتر: عدي انتبه معاهم سلاح

دانيال بقلق: الخط قدامنا وين نسير مابحد هانا

حامد وهو يسرع في خطواته: اسررع بسرعة قبل يطلقوا النار

اسرعوا في خطواتهم واللي خلفهم كذلك واتكلم حامد بصوت عالي بعدما لف وبسرهم موجهين السلاح لهم: عددي اهرب بجهه ثانيةةة هم يشتوني اناا بسرعة

دانيال تلخبط وسعي متجه للخط وحامد نفسه وبيحملوا الاثنين والرجال خلفهم

اجتاز حامد الخط ودخل لجربة ودانيال خلفه بالخط بس ماقدر يسرع لأنه تاعب من امس.. سمع صوت رصاص ولف يبسر وماحس بنفسه الا طاير  بالهواء بسبب السيارة اللي ضربته وصوت حامد الخايف: عـــــــــــدي..
.
.

المدينةة...!!
اعتدل في جلسته اول ما ركبت السيارة وهي تتكلم: يلا تحركككك

علي وهو يخطى: وايش عتسجلي بالمعهد

زهراء بحماس: عتدخل دورة تمريض تقويةة لوما ادخل السنه الجايةة الجامعة

علي: وليش تمريض بالذات

زهراء: كان ما ادخل

علي: مثلآ هندسةة علشان تشتغلي بالشركة حق جدي

زهراء: الله لا قال ماعد الا اشتغل عند جدكك

لف لها بنظرات حادة ولف لقدام: على فكرةة جدي هو جدش يا محترمةة اي حين عتتعلمي الادب

زهراء ببرود: مؤدبة مش مريعه لأحد يعلمني

علي بقهر: باين الادب ماشاءالله

زهراء: بعض مما عندكم

علي بحده: انتي ا....  سكت بصدمة اول مابسر السيارة اللي خلفهم من المرايةة وخلف السواق رجال موجه السلاح لهم

علي بصوت عالي: دني دني نززززلي رااااسش بسرعةةة

فزت زهراء ولفت لاورا واتكلم علي بعصبية: لا تلفي نزززلي راسش

صاحت برعب اول ما سمعت صوت الرصاص وغطت اذانها وهي تنزل راسها: عليييي

علي بيسوق بأقصى سرعةة لعله يتفاداهم.. ولولا وجود زهراء كان استخدم  سلاحه رجم تلفونه لزهراء واتكلم ونظره للطريق: اتصلي لجواد بسرعة

شلت التلفون بيدات راجفةة وضغطت رقم جواد اللي رد: هلاا

زهراء برعب: سيارة بتلاحقنا وتضرب عليناا رصاص تعالوا بسرعة احنا بشاررع الـ.....  يشتوا يقتلوا علي ب...

قطعت كلامها اول ما وقف علي السيارة بقوة ولف لها مغطي لها بجسمه كله وما سمعت الا صوت الرصاص صاحت برعب وخووف وهي تتمسك بعلي اللي ارتخى جسمه عليهااا: علـــــــــــي


https://t.me/rewayatyamania/51645



📚 @rewayatyamania  🇾🇪

💔

بارتات يومنـا الاربعـاء 👆🏻😍

.

واحد يقول:
سألت خالي عن اختبارات ولده؟
قال: الظاهر إن احنا بانغرق!
قلت له: ليش؟
قال: التكملة هنا

.

البـارت 101 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


صاح حامد بصدمةة وهو يبسر السيارة تضرب دانيال بقوة: عددددددي.. سعي بسرعة متجه له وصاحب السيارة نزل بخوف ورعب

رفعه من اكتافه وبسر الدم غطى وجهه واتكلم بخوف: عدددي عددي بتسمعنييي

صاحب السيارة وهو يجس نبضه: عاده عايش قوم بسرعة نوديه للمستشفى بسرعةة

رفع راسه وبسر رجال الجوكر اختفوا وقف بسرعة واتساعد مع الرجال في حمل دانيال للسيارة واتحركوا باقصى سرعةة للمستشفى..!!
.
.

المستشـــفى..!!
لفت على صوت محمد الخايف وهو يتقدم منها: زهراءء وين علي كيف حالته

زهراء وهي ميته بكاء: مدري مدري عاده بغرفةة العمليات

مسح وجهه بتعب وخوف وانتبه على صوت جواد: محمد

محمد: جواد اهلآ ما بتفعل هانا عرفت ما وقع بعلي

جواد بتنهيده: ايوة والحمدلله وقت اتصلي كنت قريب منه وقدرت انقذه بآخر لحظة

محمد: طيب من هم وليش حاولوا قتله

جواد بتهرب: مدري.. الاهل عرفوا او كلمتهم

محمد: لا ماحد عارف كلمتني مرة علي وجيت بدون ما اقول لأحد

جواد: افضل خلنا اول نتطمن عليه وبعدها كلمهم لايخافوا

محمد: تمام

جواد خطي للطرف يجاوب اتصال من المركز..

ومحمد خطي جلس جنب زهراء بمسافة واتكلم: احكي لي ما وقع بالضبط

زهراء مركزة بنقطة معينة ومازالت بصدمة فظيعةة للآن ومنظر علي وهو يغطيها ويحميها من الرصاص ما سار من بالها ولولا قدوم جواد بسرعة كان جسم علي امتلى رصاص ومات..

محمد بصوت رافع: زهررراااءءءء

لفت له بهدوء وعيون ذابلة وقبل ترد نكعت للقاع فاقدة وعيهااا

فز محمد وهو ينزل لمستواها ويمسك بكتفها: زهررراءء..زهراءء..

رفع يده وانصدم من الدم اللي فيها وبسر كتفها مصاب وبينزف وقف وداعى بصوت عالي: يا دكتوور يا ممرضةة احد يجي لاهاناااا بسرعةةةة..

@rewayatyamania المصدر الأول للروايات

بالجهه الثانية..!!
رفع تلفونه اللي رن للمره الالف باسم محمود اخي..واخذ نفس ورد: هلا محمود

محمود بحدة: انتتت وينكككك قد عيأذن ظهر ولاجيتتت ووين عدي

تنهد بقوة ومارد

واتكلم ابو بتول: حاااامد ليش ماقد جيتوا وين انتتتت

فز على فتحة الباب وبسر الدكتور اللي خرج واتقدم منه: دكتور طمني 

الدكتور بهدوء: مااقدر احدد حالته ضروري نعمل له كشافة مقطعية للراس لذلك عنوديه لقسم الاشعةة عن اذنككك

غمض عيونه بقوة وانتبه لصوت التلفون اللي بيده رفع لأذنه وسمع ابوبتول بيتكلم: الوووو حامد.. ايش من دكتور ليش انت في المستشفى

حامد: ولاشي تطمن..

قاطعه بحدة: حاااااامدددد

زفر بقوة وتكلم: عدي سوا حادث بسيط واحنا في المستشفى

ابو بتول بفزع: ايييش حادث..وكيف حالته وكم له

حامد بتوتر: بسيط بسيط لاتخافوا يلا اخليك ذلحين مع السلامة..غلق الخط ولف لصاحب السيارة: ان شاءالله خير لا تخاف

هز راسه بهدوء وشد على التلفون بيده وهمس بحدة: الجوكـــر نهايتک على يـدي يا نذل..!!
.
.

صنعاء..!!
فتحت باب السيارة وطلعت وهي تتكلم: السلام عليكم

هيثم: هلا وعليكم السلام

نرجس: وين دنيا ماقد خرجت

هيثم بتوتر: هذه هي جايةة 

وجهت نظرها لقدام وبسرت دنيا جايه مع رحاب وتكلمت بسؤال: وهذه رحاب وين عتسير


هيثم: كلمتني امها اوصلها معي ابوها مشغول

لفت له بحدة: ايييش عتركبهاا معانااا

فتحين الباب دنيا ورحاب وطلعين وهن يتكلمين: سلاااام

هيثم: وعليكم السلام

نرجس همست بحدة: يا انا يا هي فووق السيارة

هيثم بهدوء: نرجس

نرجس: اللي سمعت ي انا يا هي

رحاب: من هييي

لفت لها وبحدة: انتي في احد غيرش كتم على نفوسناااا

رحاب برفعة حاجب وهي تحط رجل على رجل: والله هذه سيارة ابن خالي يا قمر مش سيارتش

نرجس: هييييثم

هيثم بحدة: بس للهبالةةةة

بسرته بصدمة ومسك شنطتها وفتحت الباب ونزلت بسرعة وهي تغلق الباب بقوة

نزل هيثم خلفها بسرعة: نرررجس

مسك يدها  بقوة وتكلم بحدة: مجنونةةة وين شاتسيري

نرجس بحدة اكبر: مجنونة اذا ركبت مع هذه البنت وقلت لك يا انا يا هي بس شكلها غاليةة عليكك

هيثم بتنهيدة: نرجس افهميني والله مانا عاحب عليها بس مايسبرش افلتها هانا

نرجس سحبت يدها بقوة وردت: ما يهمنييي.. وذلحين اخطى وصلها وانا عتخطى لوحدي

هيثم فتح عيونه: ايش تخطي لوحدش ارجعي للسيارة هيااا

نرجس بعناد: ما عترجعش.. خطيت وهو مسكها من يدها بسرعة وخطي معاها للسيارة وهي استحت من الناس وخطيت معه بقهر فتح الباب وخلاها تطلع غصب وركب مكان السواق وامن السيارة واتحرككك

رحاب: هههههه هباله ناس ما يجوا الا بالصميل

لفت لها نرجس وبحدة: ...




📚 @rewayatyamania  🇾🇪

.

البـارت 102 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


رحاب: هههههه هباله ناس ما يجوا الا بالصميل

لفت لها نرجس وبحدة: تحمدي لله قلت له بس طريقها نوصلها بطريقنا ونفعل لنا خير حسب الله واحنا عنوصل واحد مسكين مابش معه شي والا قد كان عيخليش تنزلي وتخطي رجل للبيت لوما مره ثانية تعزي نفسش وما تركبي مع ناس ما يشتوش معاهم.. واشش ولاعاد اسمع لش صووت.. اوووف

رحاب سكتت بقهر وماعرفت ايش ترد

هيثم حاول يخفي ابتسامته بس ماقدر بسبب كلامها وكذبهاا..
.
.

المستشفىىى..!!
غمض عيونه بقوة وابو بتول للمرة الالف يسأله كيف لوما عمل الحادث وهو وين كان؛ محمود.. انا سبقته وهو خلفي ما بسرت الا السيارة ضربته

ابو بتول: طيب واي حين عيطمنونا عليه لهم خيرات د...

ماكمل كلامهم الا بخروج الدكتور اللي تكلم وهو يوقف قدامهم: ابشركم الحمدلله هو بخير واصابته مش قويةة

حامد بفرحة: متأكد يا دكتور

الدكتور: ايوة.. الا دقه براسه وكسر في يده بس بسيط 

ابو بتول: طيب نقدر ندخل لاعنده

الدكتور: اكيد.. بس سؤال هو كان فاقد للذاكرة صح؟

حامد باهتمام: ايوة ليش

الدكتور ببسمة: اعتقد ان ذاكرته رجعت له بس باقي نتأكد من التحاليل

ابو بتول ابتسم بفرحه ودخل مع حامد للغرفة
.
.

فرك جبينه بوجع وألم وهو يهمس: دانيال دانيال... انا دانيال.. علي.. داليا.. ريتاج.. سامي جدي الاستخبارات.. غمض عيونه بألم وكل الاحداث تتشابك براسه وحسه ينفجر.. لف لفتحة الباب وابتسم لابو بتول وحامد اللي تقدموا منه وهم يتكلموا: الف الحمدلله على السلامةة

دانيال: الله يسلمكم

ابو بتول: كيف فعلت الحادث يا ولدي

دانيال بسر حامد وحامد غمز له وتكلم: قطعت الخط وما انتبهت للسيارة..

ابو بتول: سلم الله

حامد بابتسامة: هاه قول لنا من انت قالوا رجعت لك الذاكرة

دانيال ويده على راسه بألم: دانيال

ابو بتول بضحكه.: اسمك دانيال

حامد بسره بصدمة وسكت وبباله الف سؤال

ابو بتول بصوت عالي: حاااااامد

انتبه ولف له: هاه

ابو بتول: مالككك انا عتخطى ابسر اي حين نخرجه وانت اجلس عنده

حامد: تمام

خرج ابو بتول وتكلم حامد: دانيال

دانيال بابتسامة: كيف احلى من عدي

حامد بجدية: اصحابك.. علي والثاني سامي صح

دانيال اختفت ابتسامته وسأل: مادراككك

حامد: تشتغل في الاستخبارات الأمنية

دانيال: من وين تعرفني

حامد: كنت شاكك انك نفسه دانيال بس انا متأكد انه مات كيف كان جثة من اللي قبروا

دانيال: ايش من موت عن ايش بتتكلم انت

حامد جلس بتعب وتكلم: عملوا لك عزا وقبر وكل شي

دانيال: كيف لوماااا

حامد: مدري هذا اللي مستغرب منه

دانيال: طيب كيف تعرفني انت انا ما اعرفك

حامد: قد بسرتني اكثر من مرة بس غرورك وزنطك ما خلوك تبسر الناس اللي حولككك 

دانيال بقلة صبر: وين بسرتني

حامد: انا موظف بشركة الـ...... 

دانيال فتح عيونه بصدمة: قصدك ان الجوكر هو.....

حامد: بالضبط

دانيال بصدمة: لاااااااا مستحيل

حامد: تقدر تبسر الفلاش اللي عندك وتتأكد

رجع نفسه بهدوء وغمض عيونه بصدمة كبيرة وهو يهمس: مستحيل الا هو..

@rewayatyamania المصدر الأول للروايات

بنفس المستشفى..!!
رفع راسه على خطوات وبسرها زهراء وتكلم بحدة: ايش قومش انتي نسيتي انش مصابة وفقدتي دم

زهراء بهدوء وهي تجلس: مابش حاجة كبيرة هي الا خدش رصاصة وقد لفوها بشاشة وعلقوها.. علي خرج من العمليات

محمد بتنهيدة: لا حد الآن مع

لفوا لخطوات وبسروا جواد وشهاب وكمال اللي تكلم: هاه ايش آخر الاخبار

محمد: على حطة ايديكم ماقد حد خرج

جواد: ان شاء الله خير

انفتح الباب وخرج الدكتور واتقدموا منه الشباب وبصوت واحد: بشررر

الدكتور بتعب: الحمدلله قدرنا نطلع الرصاصتين اللي انصاب بهن واجتاز مرحلة الخطر بصعوبةة

الكل: الحمدلله

جواد: وين اماكن الرصاص بمكان خطر او..

الدكتور: رصاصة بالكتف والثانية بظهره بس الحمدلله ما تضرر العمود الفقري

محمد: نقدر نبسره

الدكتور: حاليآ.. لاااا لأنه تحت الملاحظةة

شهاب: طيب يعطيك العافيةة

الدكتور: الله يعافيكم.. عن اذنكم

محمد خطي لاعند زهراء وتكلم: يلا اروحش البيت

زهراء: وعلي

محمد: سمعتي الدكتور ماقال مابش للجلسة فايدة

زهراء وقفت وهي تتكلم: واذا سألوني عن يدي

محمد: عنقول لهم اكيد مايسبرش

زهراء خطيت خلفه ومحمد اشر لهم بيده وخطي..





📚 @rewayatyamania  🇾🇪

.

البـارت 103 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بيت الشيخ...!!
دخل للصالة وبسر لبنان متجهة للدرج وبيدها صحن فيه الغداء: وين عتسيري لمن الغداء

فزت ولفت له: اوووف فجعتني.. مطلعه الغداء لسجى وعتتغدا معاها على فكرةة

احمد برفعة حاجب: افهم يعني انني مطرود ولا تطلعش غرفتك

لبنان بضحكه وهي تطلع: ههههه بالضبط تغدا معاهم

ابتسم واتجه للمجلس وبسر ابوه بالصدر تكلم وهو يتجه لاداخل: السلام عليكم

ابو احمد: وعليكم السلام

حبه على راسه وجلس جنبه وهو يتكلم: مالك بتكلم نفسك ايش به

ابو احمد بتنهيده: اليوم كلمني واحد انه بسر رجال بيلاحقوا حامد ابن امين القرية.. وزوج بنت اخوه ذاك عدي.. ورموهم رصاص وبعدها سيارة ضربت عدي

احمد بصدمة: اييش واي حين حصل هذا وليش ما بلغوا الشرطة

ابو احمد: الصبح عاد انا عرفت قبل اضوي البيت وقلت اكلمك

احمد: ووين وقع هذا

ابو احمد: بالخط القرية الفاصل بين الجرب والقرية نفسهااا ما كان به احد

احمد: طيب وكيف عدي

ابو احمد: كلمت الامين وقال الحمدلله هو بخير بس ما ذكر لي ان به احد لاحقهم او شي

احمد: يمكن حامد ما كلمهم

ابو احمد: وانا قلت هكذا.. ما عتفعل انت

احمد: اكمل اتغدا واخطى للمستشفى على طول ابسر الخبر من عدي وحامد..!!!

@rewayatyamania المصدر الأول للروايات

وقف قدام غرفة دانيال ودق الباب بهدوء وفتحه اول ماسمع صوت حامد: تفضل

احمد وهو يتقدم منهم: السلام عليكم

حامد ودانيال: وعليكم السلام

مد يده وصافح دانيال وهو يتكلم: الحمدلله على سلامتك ماتشوف شر

دانيال: الشر مايجيك تسلم

جلس بطرف السرير وحامد على الكرسي قدامه: هاه فهموني ماوقع

حامد: حادث عادي

بسره بنص عين ولف لدانيال: هاه عدي.. ليش لاحقوكم هولك الرجال وليش اطلقوا عليكم الرصاص

حامد ودانيال كل واحد بسر الثاني بتوتر وتكلم حامد: احمد عتفهمك القصةة كاملةةة بس خلنا نحلها بيننا لاقد تدخل الشرطةة..

احمد: سابر تكلم

حامد بتنهيدة: هذا قبل سنة واكثر كنت اشتغل في شركة الـ.... وبعدها....
.
.

بيت ابو بتول..!!
تكلمت بتوتر وهي بتغسل الصحون بالمغسلة: غريبة ليش ابي وابي حامد وعدي تأخروا لاذلحين قد الناس تغدوا زمان

ام بتول: ذلحين كملوا يتغدوا وبيتجابروا والا شي لاتهمي

لفين لفتحة الباب وصوت ابو بتول: يا اهل البيت يانسواااان

خرجين للصالة وبسرين ابو بتول والحسن والحسين

بتول: وين عدي ليش مشو معاكم

ابو بتول: تعالين اجلسين

بتول بسرت امها بخوف وخطيت جلست مع امها قدام ابوها واخوتها وتكلمت: ايش

ابو بتول: عدي عمل حادث بس ح

صاحت بتول بفزع وخوف: ايييييش حااااااادث

حسين: حادث بسيط لاتخافي

حسن: دقه في راسه وكسر بسيط في يده

بتول من بين بكاها: وعاد هذا بسييط كان ماعاد كنتوا تشتوا قوموا ودوني لاعنده ذلحيين هياااا

ام بتول حضنتها: هدي يابنتي قالوا لش هو بخير والحمدلله سلم الله

ابوبتول: الحمدلله هذا الحادث جاء لصالحه

بتول وهي تمسح دموعها: كيف لصالحه

ابوبتول بابتسامة: لأن بسبب الحادث هذا الذاكرةة رجعت له

بتول فتحت عيونها بصدمةة وعدم استيعاب

حسين غمز لحسن وتكلم: عرف ايش اسمه ومن هو وابن من وعمله

حسن بتمثيل: والاهم من هذا طلع

بتول بترقب: طلع ايش

ابوهم بيبسرهم باستغراب وتكلم حسين: طلع متزوج ومعه ولد وبنت

حسن: بس ولاتهمي لاهو يشتي يرجع لها يرجع طز فيه

بتول قرحت بكاء وهي تحضن امهااا والحسين والحسن قرحوا ضحكةة

ابو بتول بضحكة: لا تصدقيهم والله انه كذب

ام بتول: هيا سمعتي قلش كذذب

رفعت راسها وبسرت حسن وحسين بحدة شلت المدكى بسرعة ورجمتهم الاثنين به وهي توقف وتتكلم بعصبية: قوموا ودوني لاعنده بسرعةةة..!!

.
.

المدينةةة..!!

بيت ابو علي..!!
دخل محمد وخلفه زهراء خاطية بتعب وقفوا في الصالة وبهدوء: السلام عليكم

الكل: وعليكم السلام

غدير وهي تتقدم من زهراء: زهراء ما ليدش

زهراء بسرتها بعيونه ملان دموع وماقدرت تتكلم حضنتها وانفجرت بكاء والكل وقف بخوف: ايش به يا محمد

غدير شدت عليها وبخوف: زهراء ايش فيش ووين علي خرجتي معه

ابو علي بقلة صبر: محمد تكلم

محمد وهو يأخذ نفس: محمد تصاوب

الكل بصدمة: اييييش

ام علي جلست بصدمة ومسكتها عبير وهي تتكلم ببكاء: كيف تصاوب وليييش

ابو علي بحده: تحاكوااا

زهراء وهي تبعد من غدير وتمسح دموعها: واحنا خاطيين لاحقتنا سيارة واللي فيها ضربوا علينا رصاص وعلي تصاوب

ام علي بتعب ويدها على قلبها: ووينه ولدي

محمد: بخير بخير يمه الحمدلله تجاوز مرحلةة الخطر

ابو علي وهو يخطى خارجي: جي هيا سوقني لاعنده بسرعةة

خطي محمد خلفه وهو بيحاول يقنعه انهم ما عيخلوه يبسره بس بدون فايدةة

جلسين عبير وغدير وام علي وزهراء بصالة البيت والكل بيبكي..


https://t.me/+Ecxq_OzMYh40M2E0




📚 @rewayatyamania  🇾🇪