.

البـارت 105 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ندى من بيتهم مطفيه سراج الغرفه واقفه في طاقتها بتتفرج وبتضحك 

على خرجتها من المطبخ والصحون في يدها جهزت السلطه والصحون شافت في الصاله

عمتها بتتكلم في التلفون وعمها جالس بيتفرج التلفزيون وحده لمحت دموع في عيونه

 ومروى نازله من الدرج: ماهو هذا اللي في يدش!

اسيل على خرجتها: صحون عتجي تتعشي احنا في الحوش

مروى رفعت صوتها: مااشتيس جغبصه ومهد شاخلي وليد يشتري لي من خارج

اسيل ماسمعتها خرجت وهي بتتكلم شافتهم بيتسافطوا وبتضحك طرحت الصحون فوق الماسه

وقفت جنبهم وبجديه بتدمع: حرام عليكم والله

كلهم سكتوا ووقفوا: خير!

فارس: مالش خير؟

اسيل: ادخلوا ابسروا ابي كيف هو يرحم الله ليش ماتخرجوه!

وليد ضحك: بغير جنان برد

اسيل مسكته من يده: فارس جي معي

فارس: اين!

اسيل دخلوا واقفين في الصاله: اطلع ادي له لبس دافي ونخرجه ابسر كيف بيدمع يعلم الله ضابح او ايش

عمتها شافتهم واقفين بتحاول تخلص مكالمتها بسرعه

فارس حس الجو مش برد قوي طلع بسرعه يدي لابوه شال وفنيليه وبطانيه ونزل

اسيل بتساعده يلبسوه

عمتها: ماعتفعلوا اين عتخرجوه بين البرد

فارس: عتخرجي معنا !ن تعشى

امه: من اللي سبر العشى؟

اسيل واقفه مستغربه من سؤالها !

فارس بابتسامه: كلنا كل واحد فعل حاجه

جميله: يلا شالبس والحق


في الحوش جالسين كلهم بيتساعدوا

اسيل: يوسف وجمال ممكن يكون عليكم الكراسي تخرجوهن من داخل !

جمال فعل سلام ضباط: ولايهمش تم يامرة اخي الان اي اوامر ثانيه

امه سمعتهم وهي خارجه: ماشاءالله مصدقه روحها قد بتدي اوامر

وليد شافها وشاف اسيل حب يغير الموضوع: حياش الله منوره ياحجه

مروى خرجت وقفت جنب عمتها

وليد استغرب: اهلا مش قلتي معيفه

مروى تشتي تكسب عمتها تحانك اسيل: نزلت عشان خاطر امي بس

جميله حضنتها: انا فدالش مالش ماتلبسي سوا لاتستبردي علينا انتي واحمه يوو الله يتمم على خير يفرحني بعافيتش انتي والجاهل


فارس شاف تمثيليتهن وشاف اسيل هيا اجلسوا نتعشى

اسيل مش مركزه معهن ولا مع عمتها كانت جالسه سارحه بتشوف عمها كيف تغيرت نفسيته ومبتسم وبيتفرجهم كلهم ويدقق في ملامحهم واحد واحد تذكرت ابوها لما كان مريض قبل مايموت وكيف كانت تنتبه له شافت الأكل كله صعب ياكله دخلت المطبخ

كلهم بيتعشوا ويتكلموا نسيوا انها مش موجوده

فارس استغرب وين راحت بعد لها اكل على جنب

وليد شاف فارس: اخي وين مرتك ! قد عنكمل

مروى شافت فارس: شكلها معيفه والكل او قدي واحمه ومخبيين

خرجت اسيل بصحن اكل عمها

فارس: ليش نخبي!

وليد: الصدق قد كانت تشتي تخبي وانا قلت لها مابش داعي

جميله شافتها: او واحمه و مخبيه من عينفسش! قدني ام اربعه وتيه واحمه

اسيل بتسحب عمها بالعربيه جلسته جنبها هي وفارس وبتأكله ردت: اخبي ليش! من ينفسني!

جميله عوجت فمها: مدري

اسيل: انا بين استودع نفسي كل يوم في يد الله

مروى ضحكت لفتت لعمتها: ومادخل هذا في الموضوع

اسيل بتوزع نظراتها بين مروى وعمتها: يعني لو بين استودع الله نفسي وازيد اخاف من العين معناها مابش ثقه ويقين في الله وانا الحمدلله لابين اخاف من عين ولاسحر ولاشي لأني واثقه فيه

جميله ارتبشت من الموضوع: هو مابياكل الا من يدي خليه وانا شأكله

جمال: والله لايموت جوع وهو مراعي لش يمه وانتي فوق التلفون اتصالات واصل

وليد: امانه كل ماابسر السكرتيره اذكر امي ولما ابسر امي اذكر السكرتيره

مروى شافته بنص عين: ماشاءالله ذكرتك العافيه

جمال ضحك: ليلتك هناء وسرور يا اخي فضحت روحك

مروى: ليش ماتعرف ومخبي!

جمال قرب يشاور اخوته واحد واحد

ضحكوا كلهم كانت اسيل مبتسمه مش فاهمه شي ومروى مبرقطه فكرت في الف قصه وقصه في راسها...

جمال بيمثل: انا الصدق شاقل لمرة اخي

مروى: تحاكا هيا

يوسف شافها جديه في الموضوع ماسك نفسه لايضحك: بغير خباله يا جمال اوبه تتحاكى

وليد بيمثل انه مهنجم: اتحداااك عتبسر مايقع بك عترقد في الحوش واشر له عند الطاقة وغمز له

جمال ضحك اذا هكذا هيا والله لاتحاكى: انتي داريه ان

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 106 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


جمال لمح الستاره حق ندى والطاقه مفتوحه رفع صوته: ان اخي معه سكرتيره ايش ماشاءالله عيونها ساعي هكذا حاليات وبتمشي عمله كله بدون تعب باتصال واحد

مروى لفتت له معصبه: اتصال !!! يعني بتمسح الاتصال من سجل المكالمات !

جمال ضحك: هيا استلم رقدني في الحوش انا لي منعك

وليد بيضحك ع مرته وحركات اخوه: الله يقلعك صدقت المجنونه حقي

جميله: بغير خباله لاتصدقيهم اصلا ماقد استقر مع اخوه.

جمال هي سكرتيره فارس وكل شي قلته بتفعله لفارس

اسيل بنفس الابتسامه: وانا اقول ليش اغلب الوقت مفلت عمله هذا لانه راكن عليها

فارس بيشوفها بنظرات حب ومبتسم

جمال شافها ماغارت زيد: ايوه حتى الصبوح والشاهي ولو هو ضابح تجابره تنكت له

اسيل: مايسبرش نذكرها هكذا ولو مزح حرام

مروى بتتفرجها بنص عين وبمزحه ثقيله: قولي ان انتي غرتي بدل ماتفعلي نفسش عاقله

اسيل ضحكت: اغيررر ! اولا ماعيحصل اللي قاله بس لو معه سكرتيره وبتهتم بعملها وملتزمه حدودها عادي انا واثقه في زوجي اختارني بنفسه لو يشتيها كان شلها ..لفتت له صح؟

فارس بضحكه وفرحه من اللي قالته: صح الصح

جمال اشر لمروى واسيل وبيضحك: الصدق واحد صفر

مروى: مادراك اصلا اللي مايغيرش مايحبش وانا بين احب زوجي واغير عليه

وليد باستغراب تحبه !! مزح معها: انا ؟

اسيل مسكت نفسها لاتضحك وتفكرها بتستقضي جلست مستمره تأكل عمها..

 جميله: بس لغاجه يكفي تعشيتوا هيا رفعوا وادخلوا الناس يشتوا يرقدو خزا

اسيل: فارس ابي قدو بينعس طلعه اول يرقد واحنا عنرفع

جميله بصياح: ليش من عيرفع او مراعيه لابني يرفع لش

يوسف مسك يد امه: والله ان صوره امي منعسه اقوى من ابي اسبق بها أول

وليد وجمال بيضحكوا

فارس واقف ماسك عربية ابوه وبيشوفها بزعل

جميله دهفت يد يوسف: بس لكم لغاجه زيدتوا بها

مروى قامت شافت أسيل: وانا مع الوحام بين انعس وانا جالسه ، شافت وليد تسلموا ياروحي على العشاء الحالي

وليد: يسلموا جمال واسيل اكثر من صمم وشعب بالفكره

جمال شاف الطاقه تغلقت: شكلنا كلنا عنرقد

اسيل: جي لهنا انت يتخايلك شاستحي منك انت ويوسف مابش هربه هيا ندخل الكراسي امد مايرجع فارس يرفعهن معنا

جميله: من بين احاكي انا!

وليد بضبح: ماهو نرفع الكراسي مالش يمه

جميله: قلت او عتغسولوا يكفي غسلت لي راس ابني ماناقصني الا انتوا

اسيل مطنشه رفعت نص الصحون ودخلت طرحتهن في المطبخ

جمال لف الباقيات كلهن

امه بتصيح

جمال بيضحك هرب بهن للمطبخ

وليد رفع الماسه: وانت يا يوسف طفي الناره

جميله بتتبرقط

مروى شافت جمال ويوسف ووليد: انتوا داريين في عمتي الضغط ليش بتجننوها !

جمال شاف مروى: باقي الغسوله عليكن ادخلي ساعدي مرة اخي مايسبرش وحدها وكلنا تعشينا ونفلت لها كنت شاغسول معها بس امي حلفت.. قفا بسرعه ومبتسم لاوجه يوسف ماسك ضحكته

جميله: والله ماتعس صحن هي واحمه اللي طلع الفكره ورفس الحوش يغسول هو

يوسف قرب جنب اذن جمال وبصوت واطي: بين افكر لو تزوجت ادي واحده تعرف تجامل وتساير امي بكلمتين ابسر كيف كل واحده فيهن بتنتبه على الثانيه

جمال ضحكك: مرة اخي فارس ترحم والله على نياتها.

فارس نزل شافها في المطبخ: اغسول معش

اسيل: كملت

فارس: طيب شاسبق اتفاقد الحوش لو باقي شي

جميله كملت تكلمهم ودخلت المطبخ: مسرع! بتخرجهن على صحن صحن وتتفرج ومروى واقفه باب المطبخ ماسكه خصرها

اسيل: كملت ولو مانظفتهن سوا مع المعاجله تغسلهن مروى... وخرجت من المطبخ طلعت بسرعه بالدرج قبل ماتلحقها دخلت غرفتها بتضحك وقفلت

فارس مبتسم: مالش بتضحكي؟

اسيل : اهرب قبل ماتقرح القنابل فوق راسي ماشاءالله على امك حين فيها طافه بين اتعب حين تتحاكى وانا بين اسمع بس الله يهديهم

فارس بيضحك: مجنونه وزد فيش شقاوه

سحبها جلسها جنبه مسك يدها: كل يوم بتسحريني

اسيل: ايوه ابدأ حركاتك ذلحين داريه ماتشتي

فارس: والله انه احاكيش صدق يوم شجاعه يوم حماشه يوم طيبه يوم تكبري عقلش.. الله يسامحش خليتيني انسى الباقيات.. مااشتي !

اسيل: تفتح موضوع العمل.. تمام ماشسيرش وشاتصل لفيروز تدي بدلي

فارس ضحك: مع هذا سدينا عليه اول خلاص مابلا هو انتي في بالش بيحز لكن صدقيني ماافعل الا اللي يرضيش واعرفي عمل ترتاحي فيه ويناسبش

اسيل: تمام ياروحي..
.
.

في غرفتهم..

مروى قربت منه قفلت انفها وتغاثت جريت وهربت للحمام

وليد شافها مستغرب سحب التيشرت بيشمه ! عطر ومشاوي!  يمكن حين ريحتي اكل!

غير بجامته...

دخلت فتحت الطاقه وبتهوي

وليد: قد غيرت ثيابي هيا قفلي لايدخل نامس وجي ارقدي

مروى قفلت الطاقه ورجعت سريرها مغمضضضه عيونها: ماهو هذا العطر ! شمه يخ بلاستيك محروق

وليد بهرر وجلس: بلاستيك محروق! ماعد باقي الا تقلي لي..

















📚 @rewayatyamania  🇾🇪

.

البـارت 107 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


مروى قفلت الطاقه ورجعت سريرها مغمضضضه عيونها: ماهو هذا العطر ! شمه يخ بلاستيك محروق

وليد بهرر وجلس: بلاستيك محروق! ماعد باقي الا تقلي لي تواير انتي داريه بكم هذا العطر

مروى: والله لو هو بمليون بعد

وليد تضايق شويه حين قالت له بعد: طيب شاغير ثيابي واخبيه

مروى: واتغسل قوا يييخ

وليد شايف ملامحها وبتشوفه هكذا.. زعل سحب منشفته ودخل يتغسل بدل ورجع


بعد عشر دقايق شلت وسادتها وملايه وامتدت فوق الكنبه

وليد: جي انتي هنا فوق السرير انتي واحمه شاخرج عند اخوتي

مروى: تمام حاضر ولف عطورك كلها قوا.
.
.

ثاني يوم الصبح..

فارس غلق المنبه ورقد

اسيل صاحيه بتتفرج الساعه قامت تشتي تلبس ذكرت الموضوع

فارس: ارقدي شويه مالش !

اسيل: متعوده هذا الساع ابكر صعب ارجع ارقد شافعل لحبيبي الصبوح

فارس باسها فوق راسها: شكلي شادي لش منوم وارقدي لوما ارجع مااشتيش حد يغثيش

اسيل ضحكت: مافي نفسك صبوح!

فارس: امم خورت بيض عيون

اسيل: من عيوني

فارس: افديهن بروحي العيون هذه

اسيل: هيا اسرع لاتتأخر

فارس قام: يلا ادخل افعل دش اصحصح

اسيل جهزت له ملابسه ونزلت تجهز الصبوح..

يوسف فتح عيونه بيتمطط شاف واحد راقد في الارض لفت للسرير اللي في الجهه المقابله جمال نوم

قام نزل بعد البطانيه من فوقه بصوت صدمه وبيضحك: وليدددد!

جمال نكز خايف: ماله؟

يوسف بيأشر للارض: الله يقلعك والزبجه ياجمال ابسر الولد اين راقد

وليد: اصصصصه عتخلوني ارقد

جمال بيضحك: جي في حضني ياروحي من غثاك علينا

وليد بنص عين سحب الوساده من تحت راسه ورجمه: بس خباله

يوسف بيضحك: والله انو ملان منك ياولد

وليد قام شل بطانيته وخرج من عندهم بيمشي لغرفته شاف فارس بيخرج من الغرفه مبدل معطر

فارس: بسم الله الرحمن الرحيم! رجعت تلوي وانت نوم بين اقل كبرت وتزوجت وعقلت تذكر ياوليد

وليد بضبح: اصه انت الثاني بحجر الله خلوا لي حالي...دخل غرفته

فارس بيضحك دخل غرفه اخوته: افتهنتوا يا جن انطرد الرجال بمزحه

جمال بيضحك: الزبج الثقيل لمرتك كان شكلك في الطيرمانه

فارس بهرر فوقه وبغمزه: احسن ماارقد جنب طاقه ندى هيا اقطب البس شرق عليك ماعتلحق طابور الصباح.

جميله نزلت بتدور من قام ومن راقد سمعت صوت في المطبخ دخلت

اسيل خرجت بصحن الصبوح

جميله: هذا كله لش!

اسيل رفعت حواجبها مستغربه ورجعت تشوف الصحن فيه حبتين بيض عيون ومزينه بطماط حولهن شكل قلب وقلص شاهي وجبن وخبز بسسس!

رجعت تشوف عمتها: صبوح فارس مافعلت لكم لانه مابيعجبكم غير من يد ام ندى وخرجت لاعند فارس في الصاله مراعي لها.

فارس شل منها الصحن: تسلم يدش حبيبتي

أمه واقفه بتتفرج يدها ع خدها: عتصتبح بيض؟

فارس: صباح الخير هيا صبوح

جميله اشرت بيدها: مااشتيش ، اجهزي اليوم شكمه مروى

اسيل:اليوم ! ماحاكتنيش امس

جميله: نسينا مانقلهم يزيدوا يفعلوا لش دعوه، البنت واحمه معيفه تاعبه تشتي تذكر تعزمش

يوسف خرج شافهم بيصتبحوا جلس: اصبحنا واصبح الملك لله بذمتش يمه الوجه الحالي هذا يقالع من الصبح

اسيل شافت البيض قليل قامت

فارس: اين عتسيري!

جاوبين الثنتين في نفس الوقت

اسيل: ازيد افعل صبوح ليوسف.. شافت جمال ووليد

جميله: عاد الحنقه لها... سكتين نفس الوقت بعد ماسمعتها

اسيل راحت المطبخ.

فارس قام من فوق الصبوح يشتي يخرج: اذا بتفتهني حين بتقهريها هكذا براحتش والله ماالقى مثلها

جميله: والله انك اعتميت ماعد بتستضي ولا انا داريه كيف بتفكر خيرة الله بس عنبسر اللي ماتلقى مثلها هذه لوما ترجع لكلامي وتقلي يمه اخطبي لي

فارس انصدم من كلامها وماقدر يرد بحرف زعل وخرج

يوسف قام بيكلمها بصوت هادئ: لو ماعجبتش انتي مش انتي مضطره تتعاملي معها اخي يشتيها خلاص يسدوا مايفعل يعني يخرج من البيت تفتهني!

جميله: ماعدلا كل من عيهددني ذلحين يخرج والله مايدي خطوه لاطلع عينها سع مازغللت عين ابني وعلى ايش ولا فيها ذرة حلا

يوسف ضبح شاف جمال: هيا نخطى تأخرنا

اسيل خرجت بالشاهي والبيض لهم: يوه وين فارس وين عتسيروا فعلت لكم صبوح

يوسف شل الصحن من يدها: تسلمي يااختي فارس خرج بسرعه معه اتصال يمكن عمل

اسيل: تمام.. شافت عمتها: يلا لو تشتوا شي انا في غرفتي.

جميله مطنشه..

اسيل ضبحت عشان طنشتها طلعت غرفتها وقفلت امتدت فوق سريرها فتحت تلفونها بتراسل صاحباتها وفيروز دخلت لها خاص من المجموعه: مامعش اليوم؟

اسيل: شكمه سليفتي بس ماشسيرش ليش!

فيروز: احسن ينفع اجي عندش او ممنوع الصاحبات من عمتش الطيبه جي انتي نخرج

اسيل اتصلت بها: اسكتي بس قدني للنخر لكن الصبر

فيروز: ليش ايش حصل

اسيل: ...

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 108 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


اسيل اتصلت بها: اسكتي بس قدني للنخر لكن الصبر

فيروز: ليش ايش حصل

اسيل: مدري يااختي بين احس نفسي صميل فوق راسها ماكانت تشتيني ابدا

فيروز: طز اهم شي ابنها يشتيش

اسيل: وانا عشانه مدعممه المهم مارأيش تجي عندي احسن مافيني للخرجه مكسله حتى الشكمه

فيروز: خلاص تمام

اسيل رتبت غرفتها سمعت الباب بيدق فتحت

جميله واقفه ومروى من بعيد بتسمع: او راقده لذلحين

اسيل: ماشي تميت ارفع غرفتي تشتوا شي؟

جميله: مع طبعا ايش اشتي منش! ماغير قلت اقلش لو تشتي تتكوفري او تتسرحي تبسري لش كوافيره لان انا شاسير مع مروى ذلحين خوروها صبوح وامها حلفت اسير وعيدوا لها واحده تلبسها وتكوفرها دبري روحش

اسيل: يهنى بالعافيه

جميله: وانتي ماعتلبسي !

اسيل: انا ماشاجيش

جميله: ماهووو! وللمه ان شاءالله؟

اسيل: لأن محد حاكاني ولاعزمني

جميله بنبره مرتفعه: محددد ! وانا بكلي مامليتش عينش او ماهو

اسيل: مش انتوا صاحبين العزومه ولاهو بيتكم انتوا مثلي ضيوف وانا مااسيرش عند حد بدون عزومه رسميه

جميله باستخفاف: ماعد ناقصني الا هذا مرة ابني تتحاكى هكذا!

اسيل: ياعمه لاتجلسوا تغيروا المواضيع ع ماتشتوا ، امي اتصلت لامها واتصلت لها تحاكيها واتصلت لكم وحدكم

جميله: هاه كان يعني الموضوع مجهاله يتصلوا لش يعزموش لراسش! او بتستقضي

اسيل: طيب وفرضا لو استقضيت اين المشكله

جميله: هي كانت تاعبه واحمه وانتي مامعش !

مروى: اذا هو على الاتصال شاخلي امي يتصلوا لها

اسيل: لاتتعبيش نفسش ماشاجيش صاحبتي عتجي عندي

مروى: يوه يوه كيف صاحبتش وهي شكمه

اسيل: شكمتش انتي مادخلني انا!!  اقطبي سيري لايبرد صبوحش

جميله مشيت بدون ماتتكلم وكأنها بتهدد: ادي تلفوني يابنتي من نازل اتصل لفارس

مروى بتمشي بسرعه: حاضر

جميله بعدها

اسيل: دلا على نفسش يااختي انتي واحمه اوبهي دخلت وقفلت بتضحك على تصرفهن
.
.


في الشركه

فارس بيتصايح مع مصطفى: كيف يسحبوا مننا المشروع! ليش ما اتكفل به انا ومن الشيخ هذا اللي بيتفلسف هو ماسك منصب او ايش!

مصطفى: مدري قال انها منطقتهم وبيدي لنا فرصه نغير وننقل ملكية المشروع

فارس: اتصل له ذلحين وابسر اين هو نتقابل ما مجبره تلفونات مايسبرش

مصطفى: حاضر

فارس شاف تلفونه رد عليها: خير في شي مهم؟ معي عمل

امه: ايوه مهم ونص لو تبسر مرتك على قلة حياء وعلى وقاحة واقفه باب مكانها تحاكينا بقلة ذوق

فارس: اسيل؟؟ هذا كله اسيل؟ كيف لوما تغيرت فجأه هكذا حين انا مابحد؟؟

امه: بتتليغج عليا؟ بين احاكيها تسير الشكمه حق مرة اخوك قالت ماعتسيرش لانها ماسارت شكمتها مرتك تتليغج ساع الجهال وانا اتبدع وانحرج قبال الناس

فارس: شاتصلها ابسر الموضوع

امه: قد بين اقلك الموضوع وعادك تشتي تتصلها مابتصدقنيش او مه؟

فارس: انا مشغول خاطرش يمه.. مع السلامه قفل

اتصل لاسيل

اسيل بتضحك: مسرع ماشاءالله

فارس صوته متضايق: صدق قلتي لامي ماعتسيريش الشكمه ؟

اسيل: ايوه اصلا...

فارس مصطفى دخل: جاء بنفسه بيتصايحوا خارج 

فارس: مع السلامه.. قفل

اسيل ماسمعت اللي حصل عنده شافت رده هكذا انصدمت! وهو الكل حنق ؟ هكذا يقفل في وجهي !!!
.
.


 في الصاله..

جميله: ابني يتحاكى معي هكذا وعشان ايش مرته!! حاضر

مروى: مايسبرش قد انتوا بكلكم ياعمه بتحاكوها وتعزموها وجيتوا لباب غرفتها وتفعل هكذا

جميله لفتت لها: وانتي صدق مالامش ماتتصلها!  ياسعم ماشاءالله عليكم كنت اقل مابش بعدكم في الأخلاق والذوق والاصول

مروى ارتبشت وحاولت تخرج نفسها: هي امي طلبتني رقم اسيل وقلت لها شاحاكيها ونسيت حاكيتوها انتوا قلت عيب اكلمها بعد كلامكم

جميله: ايوه اصلا قد استغربت هيا عنبسر اخرتها قومي البسي نخطى امش مراعيه عيب
.
.


بعد العصر فتحت لها الباب وطلعتها غرفتها..

فيروز: ماشاءالله ايش الغرفه الضخمه هذه تجنن ومااحلى صورتكم يااااربي عليكم

اسيل: وحشتيني كيف العمل بدوني

فيروز بعدت بالطوها وعلقته وواقفه: وانتي قوي مظلم بدونش قلي لي ماوقع

اسيل: تحبي ننزل الديوان؟

فيروز: ايوه تمام لو جاء فارس او شي

اسيل: ماقد رجع من الصبح شكله زعل مني وانا الصدق غثيت منه ليش يزعل ومافهم شي

فيروز: مش فاهمه على ايش

اسيل تنهدت بزعل وملامح ضبح: تخيلي ماوقع... جلست تكلمها الموقف.
.
.

بيت اهل مروى ..

جميله شافت بثينه وامها انصدمت: يوه ماجابش يامرة اخي عزموش؟

مرة اخوها: ايوه مرة ابنش مروى اتصلت لبثينه وعزمتني ماشاءالله قدهن صاحبات قوي سدين

جميله مستغربه ! كيف ومتى وليش ماقد ذكرت مروى الموضوع

بثينه قربت تسلم ع عمتها

جميله بعدت وجهها على جنب

بثينه: مالكم ياعمه احرجتوني قبال الناس سلموا

جميله: بنت اخي تجي لاوسط بيتي تطرح سحر! واسلم عليها

 


















📚 @rewayatyamania  🇾🇪

.

البـارت 109 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


بثينه: مالكم ياعمه احرجتوني قبال الناس سلموا

جميله: بنت اخي تجي لاوسط بيتي تطرح سحر! واسلم عليها

 بثينه خافت وشافت نظره لمروى وهي مبهرره طنشت عمتها ومشيت جلست جنب مروى

مروى: حيا بششش فرحت انش جيتي

بثينه: ماشاءالله والفرحه قد لحقتي تحاكي عمتي بالموضوع!!!

مروى: اي موضوع؟

بثينه: انهم لقيوا في غرفه اسيل في العرس سحر!

مروى: صدددق؟ لقيوا؟

بثينه عوجت فمها: عتتملعني عليا انا بثينه

مروى: والله مانا داريه صدق!

بثينه سكتت شويه: ذاحين ماينفعش نفتح هذا الموضوع كما روحتي شاراسلش.. ورسلت لميار تسألها من فيهن اللي عارفه!! 
.
.

بيت الشيخ..

فيروز بتسمع منها بتوصف لها طيبه اخوته وطيبته ووقفته معاها بس انه كان متغير اليوم لاول مره

اسيل سمعت سيارته وقفت في الطاقه تشوفه نزل وقفل السياره: شالبس بسرعه وانزل

فيروز قامت معها تلبس: ماع قدو مغرب انا اصلا مروحه

اسيل: طيب اروحش انا وياه

فيروز: بس جنان اجلسي ابسري ماله قلتي ضابح

اسيل: ماشي اجلسي شانزل اشوفه وارجع

فيروز لبست وخرجت بعدها: اسيل راااعي لي

اسيل في الصاله اللي نازل شافته

فارس ضابح جلس: ادي لي ماء راسي عيقرح والا اقلش ... سار من نفسه للمطبخ

اسيل: شادي لك انا مالك اليوم غثيت وانت قلت ماعتدخلش؟

فارس مش فاهم ع ايش بتتكلم نسي موضوع امه: كيف ماادخلش هكذا اخرتها !!

اسيل انصدمت  ايش قد وصله!  سمعتها بتنزل من الدرج: راعي شابسر فيروز وارجع

فارس انصدم: جت عندش !

اسيل: ايوه وخرجت لاعندها

فيروز فتحت الباب وخرجت

اسيل واقفه في الباب: مصممه

فيروز: ماعليش شي اجي اشغلش لوما تشبعي شرق عليا وانتي ابسري زوجش.. بيباي

اسيل: اتصلي لي لما توصلي.. ودخلت

فارس: ماسرتيش مع امي

اسيل: ماشي

فارس سكت

اسيل: ادفي لك غداء؟

فارس: مع تسلمي شويه اصلي وبعدا

اسيل: ليش تغثى مني قبل ماتفهمني هذا الاتفاق اللي اتفقنا عليه ؟

فارس: مادخلش انتي في الموضوع! تنهددد راعوا لما تميت المشروع وجوا يقاسموني فيه ان الارض مدري ماهو وبلادهم وشيخ الجن اللي عندهم

اسيل بصدمه: من!

فارس جلس يحكي لها

اسيل: تشتي نصيحتي لاتجلس تداريه عيطمع فيك اكثر انبع للي فوقه واكبر منه وسير اتفق معهم وغلقوا الموضوع

فارس سكت شويه: طيب عنبسر كيف نسكته جاء اليوم يتصايح لوسط المكتب لما اتصلتي

اسيل باستغراب: وانا ظنيت انك قفلت غاثي مني حين ماسرتش

فارس: ماشي انتي داريه..
مواضيع ومشاكل بينش وبين امي قلت لش سدين ماشدخل الا في الكبار

اسيل ارتاحت انه ما اساء فهمها: تمام اطلع صلي أجهز لك تاكل قدو عشاء مش غداء

فارس: والا مارأيش اصلي ونخرج نتعشى مابش نفس لاكل البيت

اسيل فرحت حضنته: احلى شي لاتغثاش كل شي عيسبر طالما نيتك خير وحابب تسعد الناس ربي عيسهلها لك.
.
.

في بيت مروى..

جميله جالسه جنبها مرة اخوها ومابتتكلم معها سوا لقيت واحده تعرفها طنشتها ، مروى مع معاريفها صاحباتها وبثينه وام مروى جالسه تتنقل تجلس كل شويه جنب واحده من اللي تعرفهن

جميله بتتفرج لها ولتصرفات مروى ومنرفزه تذكرت اسيل وامها وكيف كان البيت عندهم زقع والجلسه حلوه.. اتصلت لوليد يجي لهن..
.
.

في الحوش وهم خارجين..

فارس: اين نسير مافي نفسش

جمال دخل هو ويوسف من خارج سمع فارس: في نفسي عصير ليمون وانت يايوسف !

يوسف: الله يقلعك انا اوريك لازد كلمتك بشي

فارس شاف يوسف: اهاااه!! هكذا السر عندك ساع التنفاش يطاير من زد حاكيت

اسيل شافت فارس ورافعه حواجبها مبتسمه: ايش من سر وليمون!

جمال شافها ضحك: خلاص درينا لاتبهرريش فوقه هيا عنجي معاكم تشربونا منه قالوا اول ماتشربه تطلع لك الاميره قبالك والقدر يخليك تتزوجها بسرعه ساع هذك القصه حق شجرة الليمون

فارس طرح يده ع كتفه وضغط عليه بقوه لف رجله على رجله جلسوا يتسافطوا: مابش جيه مراعي لكم من اول تجلسوا مع ابي امد اخرج انا

يوسف: الله معاكم

اسيل اشرت لهم بيباي وطلعوا ومشيوا



بعد ربع ساعه وصلت مروى وعمتها ووليد

جميله: اين البقية!

جمال: عرسان بيلووا من مطعم لمطعم ومن دوله لدوله واحنا لا مره ولاحتى قلص عصير

يوسف ضحك: ليمون

جلسوا يتكركروا.

مروى شافتهم ثقالة دم طلعت سكته

وليد: اطلع اصلي وننزل نتعشى مراعي لكم من اول ميت جوع جهزوا لنا عشاء

جميله بعصبيه وضبح: قد تمت شهر وشويه وشكمت وقدي واحمه ماذلحين قل لمرتك تنزل تفعلك هي.

جمال شاف يوسف: مدري مابيحصل لامي ترجع مع نسوان اخوتي من عند اهلهن وهي بتتقارح مابيفعلوا لكم وسط الشاهي

جميله: عصيد

مروى نزلت وبضبح ليش عمتها رفضت تمسي عند اهلها: ماافعل عشاء!

جميله: ...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 110 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


مروى نزلت وبضبح ليش عمتها رفضت تمسي عند اهلها: ماافعل عشاء!

جميله: وانا مادراني ماتعرفي تفعلي ومايشتي زوجش اسأليه

وليد: اي شي جاوع

مروى دخلت المطبخ لقيت باقي اكل من حق الغداء قربت له

وليد اكل شويه ورجع الملعقه: هكذا الرز باارد! وبعدا مايعجبنيش انا من حق الغداء افعلي لي فاصوليا لو سمحتي

مروى محرجه من اخوته: دفيته بس مازيدت لايحرق ، فاصوليا وين هي ؟

جميله: ادخلي المطبخ عندش افعلي ساع اسيل دخلت ولا سألتني اين الملح شكلها دورت كل شي بنفسها.

مروى ببطء تقلب العلب تدور بهارات الملح تتفرجهن تخرج اللي تشتيه وترجع الباقي بدأت تقطع البصل والطماط ببطء على حبه حبه ..

بعد ساعه وشويه

وصلوا فارس واسيل نزلوا في يدهم العشاء ..

اسيل: ادخل انت اول

فارس: تمام تشتي تجلسي داخل الجاكت مخبايه طول الوقت ماعندي مانع

اسيل دهفته: ادخل بس لو ندخل مثل ماقلت عمتي عيولعوا علينا صدقني

فارس فتح الباب دخل وهو بيضحك شاف امه قدامه ومعصبه ذكر كلامها ضحك

اسيل مبتسمه وماسكه ضحكتها: مساء الخير

فارس: مساء الخير

جميله: بعدها بعدها

فارس ذكر كلامها مسك نفسه رجع يضحك وهي ضحكت خرجت شويه يروح الضحك منها وبعدين لحقته.

جمال بيتنبع: الله أكبر العشاء لنا كلنا

وليد سحب كيس وبدأ ياكل شبس: والله ان انا ميت جوع

يوسف جلس جنب جمال ووليد داهفهم وبياكل من كيس كل واحد

فارس: اصبروا ياجن لوما نجلس كلنا نطرح الاكل كله

جميله بنظرات: من اي حين قد بناكل من المطاعم !

جمال: من زمااان ذلحين عتبدعي بنا وتقل مرة اخي ان احنا قليلين ولف.

فارس: هي تشتي تبدا موضوع انا داري به وحدي بين افهم امي لكن اقلها قبل ماتبدأ الخوره خورتي لاخوتي واسيل رفضت تاكل وحدها هانك جينا سوا

اسيل بهدوء وابتسامه تهدي الجو بينه وبين امه: مابش داعي تبرر حتى لو هي خورتي مافيها نشتري الأكل واللي يخور حيا به يهنى قلبه... هيا اقربوا بسم الله

مروى سمعتهم خرجت بالفاصوليا والشاهي طرحتهن قدام وليد

وليد: ماهو هذا! جي هذا اطعم

مروى صدقت نصيحه مرة اخوها ( مثلي انش تاعبه لاتمرعش سليفتش وعمتش وزوجش يدلعش ): انا مغثيه كل شي

جميله شافتها كيف اكلت في بيتهم: هيا اطلعي مكانش يابنتي لايضايقش الشم.

مروى ضبحت كان نفسها تجلس وتسمع وتتكلم معها بتغير من علاقة اسيل مع اخوه زوجها: سهل شاستحمل ماشاءالله الجلسه مع بعض كلنا تبعد المرض

جمال: والله كم كان نفسي في اخت مابلا قبال 3 جن

وليد: وانت الرابع

جمال شاف اسيل: جت مرة اخي رجعتنا لايام اللمه وبنات عمي وخالي حين كنا نجتمع بيت سيدي نفس الجنان

مروى: وانا معاكم

يوسف: انتي تباني عاقله مااظن تنسجمي معهم

اسيل شافت جمال بتمزح وبتحارش على يوسف معهم: رجعنا انا وانت المجانين ولايدخل معنا يوسف في شي

يوسف انحرج: فارس توسط لنا

جميله عاشت تفاصيل العشاء معهم ومبتسمه لحركاتهم وزبجهم ع بعض داخل نفسها: كم له جمال من جلسة البيت هذه كان واصل سهرات خارج في الشوارع ويوسف يحبس نفسه واصل باللابتوب

مروى: هو مش لسبب الا لأنك ذكرتني ضايقت

الكل استغرب ايش من مزحه!

وليد مراعي: ايوه!

مروى: بس

جمال: مافهمت تمي المزحه؟

مروى: مش هي مزحه خلاص بس انسوا الموضوع

جميله تغيرت ملامحها شافت مروى: اي حين عزمتي بثينه وماشاءالله قد بينكن صحبه

مروى شافت اسيل وقلبت عيونها: ايوه حبوبه لطيفه قوي

اسيل بابتسامه ومصغره عيونها (سخريه بذوق): حالي حين تلقي حد تتعرفي عليه ويطلع شبهش تحسي ان انتين بتفهمين على بعض قوي نفس التفكير وطيبة القلب

وليد شاف فارس وجمال وبيضحك بدون صوت مبتسم وبيهتز

يوسف بصمت اشر له براسه مالك: ؟؟

وليد بصوت واطي وهن بيتكلمين: كبرنا هجعنا من الدحس والغيره انا وفارس سخر لنا الله بنسواننا

ضحكوا بصوووت كلهم سكتهن..

جميله: مالكم!

مروى ضايقت ظنت الموضوع فيها: انا شاطلع احسن من حين جلست محد طايقني وحركات من تحت لتحت ومشاوره وضحك

استغربوا كلهم شافوها

اسيل مطنشه بتاكل وتغمس الشبس في الكاتشب وماسكه ضحكتها من تصرفاتها وتفكيرها!

جميله بتبرر لها: سهل الله يعينها الوحام هكذا يضيق بواحد...

وليد رفع 2 اصابعه: يضيق 2 والله ياحجة خيرة الله

جمال: اين تشتي اليوم سريري او سرير يوسف اما الارض امس اتعبك يااخي بعد الغرفه الضخمه حقك

وليد بهرر له

امه بتتفرج لوليد: للمه امس رقد عندكم؟؟

جمال اشر لوليد يجاوب

وليد: ايوه معيفه عطري

جميله كانت مجمعه مواضيع كثيره استفزتها بها بيت اهلها مروى لقتها حجه تطلع لها

وليد شافها بتطلع بسرعه بعد الموضوع شاف اخوته: الله يقلعكم عقد حواجبه وملامح خوف بمزح: مرتي... مرتتتتتي

قام رفع زنته شويه ويمثل لهم انه بيجري: طلعة امك طلعة اسد

كانوا يضحكوووا كلهم




https://t.me/rewayatyamania/47791













📚 @rewayatyamania  🇾🇪

.

البـارت 111 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


اسيل شافت فارس: بتفعل هكذا وتدافع عليا وانا طالع؟

جمال: انتي ربل ماشاءالله عليش

يوسف دكمه

جمال: لاتداكم ولاتغمز ولاتفعل حركات مني صدق هي ربل والله وهي امي ان انا بين احرق هي تحرق وانا احرق وارجع ارقد نادم غثيتها لكن ماافعل تعصب بواحد

اسيل: بس ولو مهما كان هي امك اذا انا بنت الناس لا اعرفها سوا ولاشي وبين اوقع ربل احتراما لهم بسسس لانهم بمقام امي طالما هم ام زوجي وابو جهالي مستقبليا ، لايتخايلك ان انا ربل ناقصك في قصه عصير الليمون الجزء الثاني الخلاصه هي ام تحترمها ولو عصبت ولو اي شي مابش مبرر ابدا انك تفعل دور الضحيه

يوسف: ايش قصه الجزء الثاني يا اخي..

فارس: والله ان الربل يحرق لايتخايلك انه سهل خفعته تفجعك

جلسوا يضحكوا اصواتهم لاطالع..

جميله صيحت: كل واحد غرفته من اللغاجه قلة ذوق ماناش داريه ماحصل لكم

وليد واقف قدامهن: يعني بتحاسبيها ذلحين ؟

جميله: ايوه كيف لوما

وليد: بتحاسبيها لانها مصاحبه بنت خالي يمه مافي نفسش!

جميله شافتها: هي اخبر تقلي ماحكت لها مروى خرجت مواضيع من البيت واشتي اعرف من بينقلها

مروى بدأت تمثل وترقق صوتها تشتي تبكي: قصدش انا ! الله المستعان هيا ابسري هاه مجابرتنا

جميله: اسكه؟

وليد: امه منش صدق!

جميله: انت اسكت اشتي ابسر

مروى سارت تدي تلفونها حذفت كل الدردشه وناولتها

جميله شافت: على من بتضحكي جاهله قبالش!

مروى: حذفت صورها وليد واقف جنبش

جميله: حاضر تمام هكذا كنت بين اميزش وافضلش على غيرش لكن بدأتيها ليوكه انتي... مشيت غرفتها

وليد لحقها دخل وغلق: ممكن افهم الموضوع لان ماشجلس اسمع من طرف واحد

جميله: بس القطيعه بيننا لو حاكيت اخوك يوم عرس فارس بثينه طرحت لغرفة اسيل سحر

وليد عقد حواجبه: بغير جنان ليش!

جميله: مادراني هي وامها لكن دريت انها كانت بتقل انها بتحب فارس وكان نفسها اخطبها له

وليد: كيف دريتي من حاكاش قد خطبت مااعتقدش

جميله بنرفزه: مابتصدقش جت ميار تبعده حرقته في الحوي وسألتها السبب قالت لي ، وبعدا مادراها مرة اخوك كيف دريت وماكانت تعرف غير ام ندى وماحاكت حد واثقه فيها

وليد: وليش ماطلعتي اسيل وسألتيها من وصل لها كيف تتهمي مرتي وانتي بتشكي غر شك فيها! يمكن بثينه حاكت اسيل

جميله: انا اخبر ما بيحصل مش انت داري ماعند النسوان اليوم كله مشاوره وضحك

وليد: لاحول ولاقوة الا بالله

جميله: ابعد مرتك عن بثينه بنت اخي لكن ماافعل فيها مرض نفسي هي وامها

وليد مش عارف يصدق او يكذب امه .. بس خاف من بثينه !! قرر يدخل يصارحها تخفف علاقتها ببثينه وصدق امه لانها رفضته وكان يتقرب منها ويحبها وهي تتجاهله

مروى: وانت بتصدق لامك كل شي هي مابتحبهن وتشتي الكل يقاطعهن

وليد: تسمعي امي وبس

مروى: مابتقدروا الا عليا و مرة اخوك عايشين حياتهم مفتهنين بيخرجوا يدخلوا وكل شي وانا بعد امك

وليد: اتحاكي سوا وطي صوتش بين اتكلم لمصلحتش مادخل خرجتها ودخلتها في الموضوع بتحسدي اوقعي ساعها ان خرجنا ضابحه وان جلسنا جمعه ضابحه ماافعلش !
.
.

فارس وصله اتصال صاحبه خارج الباب خرج يجاوبه

اسيل شافت يوسف قام يشتي يطلع: يوسف راعوا اشتي احاكيكم

جمال: عتحكي لنا القصه!

اسيل ضحكت: مع شاقلكم سر لايعرف فارس لو سمحتوا!!!

جمال: خير

اسيل: عيد ميلاده بكره كنت حابه احتفل بعيد ميلاده وحدنا بس بعد ماشفت لمتكم وذكرياتكم وانا مفتقده اخي مسافر قررت نشاركه كلنا حفله صغيره يعني من ينفعني يدي الترته قد حجزتها

يوسف: انا شاسير

جمال ضحك: انتي داريه اي حين اخر عيد ميلاد في حياته وقع له

اسيل: داريه شفت صفحته في ماليزيا مع شلته

يوسف: قصده على اليمن

اسيل: اي حين!

جمال: كان اخر عيد ميلاد في حياته من امي

اسيل ضحكت: ليش مافعل

يوسف: كان عيد ميلاده ومش هو داري وامي حين يوقع عيد ميلاد واحد فينا مدري ليش الحفله توقع لصاحباتها

جلسوا يضحكوا شويه

جمال: كمل والله ان صوتها عتنزل

يوسف: بعدا امد لايعس الكيكه حين هي حق حفلته امي كذبت عليه قالت له حق عم مختار جارنا عيجي لها لحد يعسها

أسيل مبتسمه متشوقه: ايوه

جمال: امي عند النسوان وجاء عم مختار يدور ابي  سار فارس خرجها له قله هذه ياعم حقكم شلوها

اسيل جلست تضحك: وشلها!

جمال: ايوه فرح ورجع ثاني يوم يتشكر من ابي

اسيل: مافعلت به عمتي

يوسف: ضربته وصيحت فوقه وحلفت ماتزيد تفعله حفله

جميله نزلت تصيح: اين جاء فارس!

جمال: شكلها عتثني له الضربه ذلحين ذكرت

اسيل ماقدرت تمسك نفسها منهم وحست عيب تجلس تضحك قدام عمتها قامت: تصبحوا على خير ..

طلعت غرفتها



















📚 @rewayatyamania  🇾🇪

.

البـارت 112 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ثاني يوم..

جميله دقت باب غرفه وليد: هيا انزل انت ومرتك صبوح

فتحت اسيل قبل ماتدق عليها شافتها: صباح الخير.. ومشيت ماتوقعت ترد

جميله: صباح النور

فارس خرج حب راس امه: صباح الفل

جميله: صبحك الله بالخير والعافيه

وليد خرج: صباح الخير

جميله: وين مرتك؟

وليد: راقده

جميله رفعت صوتها: هيا شرررق الرقده لاظهر مرض

مروى بضبح قامت بتتأفف


فوق الصبوح

فارس جاوب تلفونه: ايوه ملفها كله جاهز ..اها !! يلا تمام الان شاديها واجي

اسيل بتشوفه: من؟

فارس: اطلعي البسي يشتوا يفعلوا معش مقابله للعمل وتدريب اسبوع لو حبيتيه تبدأي معهم

اسيل فرحت: تمام قامت

جميله: مش قلنا مابش عمل

اسيل طنشت طلعت لبست

فارس: ليش! ايش السبب؟

جميله: مابش داعي مقصر عليها بشي! تحمد الله على عيشه احسن من عيشتهم

يوسف: عيب يمه لاتسمعش

فارس فلت الصبوح وخرج فوق السياره

جمال: هو حر وموافق يسد هو ومرته ليش انتي بتمنعي ! مابلا تحرجي نفسش

جميله: ومن عيفعل العمل او احنا خدم لها

اسيل نزلت: انتوا قلتوا مابش عمل ومايعجبكم طبخ حد ولو في شي انا ماشقصرش جهزوا لي لما ارجع ايش اللي لازم نسويه ونتداور انا ومروى

مروى: ماقلنا لش ياروحي ان انا واحمه

جميله عصبت: كلنا وحمنا ولانتي واحمه مانفعلش ننقشش !

يوسف وجمال انحرجوا من موقف امهم خرجوا.

جميله شافتها خرجت: وهذه الثانيه معانده راسها حجر ماتشتي الا قولها مابتفعل احترام لحد ، اول واخر من درست لاقد درست عتشتغل صميل

مروى: لاتضايقوش نفسكم مايوقع الا اللي في نفسكم

جميله: مكنيني غر مجبر وافعلي عكسه وفلتتها وطلعت تصبح زوجها

مروى: اوووف يخ والعيشه لازوج ولاعمه ساع الناس وزد قمت اوحم ودفت بروحي


كان كل واحد في مشواره شافوا رساله من اخوهم: الله المستعان معي 3 أخوه كل واحد يتعزز يشتغل معي وبيتلبج ويدور عمل بدل مانوقع يد واحده وتساعدوني اوقف في وجه هولا لكن براحتكم ،  مش بعدا اخي وتحتاج شي ماشقبلش واحد فيكم وقت مايتطور المشروع.. ياتعبنا ونجحنا جمعه ياما من اولها لاخرها كل واحد وحده.

وليد رد عليه: أخي انا قلت لك مشروعي غير مشروعك مادخل العمل في علاقتنا ببعض كل واحد يستقل بعمله

يوسف: طيب مايلزم مني انا شاجي

جماال: وانا مابش معي اي خبره غير امسك الصميل واوقف لك باب الشركه ماتشتي مني يااخي اذا جدول الضرب بين اغشه امد اغش مسائل الفيزياء.
.
.


في مكان ثاني خلصت تاخذ فكره عن عملها ( اداره ماليه في البنك) وخرجت تشتري هديه لفارس ( تشكيلة كرفتات فخمه منوعه لفتهن في بوكيه مثل الورد ) ورجعت البيت طلعت غرفتها صلت وخبتهن ونزلت ..

جميله في المطبخ هي وام ندى بيتجابرين

اسيل: تشتي معاونه ياخاله ( ام ندى)

جميله: غسولي

ام ندى: مع اسلمي مابش شي سيري افتهني

جميله: ماسمعتينيش او كيف!

ام ندى : مابش غسوله يااختي

اسيل شافت مابش غسوله خرجت من المطبخ وقررت تستأذنه وتسير تزور امها ويجي لها على رجعته.
.
.

بعد صلاه المغرب..

فارس شافها نزلت دورها في البيت مالقيهاش وهدوء امه خرجت تتفرط ومروى في غرفتها واخوته مابش لهم حس ماتوقع يكونوا في ديوان الضيوف ( منفصل عن البيت) اتصلها ما بترد ! استغرب كيف خرجت ماقالت له..

وصلت امه: مالك في الحوش!

فارس: اسيل جت معاكم؟

امه ضحكت بتشفاي: ماشي قد بتخطي كلامك عليا ادالك الله من يخطي كلامه عليك.
.
.

في الديوان زينوه بالونات والترته ..

جمال: اسير ادعيهم ؟

يوسف: مادخلك فارح انت أكثر منه

اسيل ضحكت: شاسير الان ادعيه وانت تدعي عمتي

جمال: تمام جي عاوني يا يوسف عاد هي عتحقق ساعه وتعلق ساعه

يوسف خرج معه بيضحك

اسيل طلعت تدوره مابحد شافت مكالمه منه اتصلت له

فارس بضبح: وين انتي من اول اقلقتيني؟؟ خرجتي وماحاكيتيني!

جمال قرر لايدي تفاصيل لامه: جي ابسري اسيل مافعلت في الديوان

جميله مشيت بسرعه بدون كلام

اسيل دخلت الديوان: انا تاعبه في الديوان دوخت

وليد ليوسف: ايش في؟

يوسف: جي وادعي مرتك

فارس دخل بسرعه من الحوش.!

فارس: اسيل ؟ ليش الكهرباء مطفايه بيدور يولع

امه: ماهو هذا من طفى؟؟

يوسف ولع الكهرباء جلس يضحك هو وجمال على امهم

فارس شافها واقفه مغطيه وجهها بالبوكيه اللي في يدها ضحك: مجنونه لقيت مجانين

مشي لاعندها مبتسم منتظر زفه امه

اسيل ناولته..

مروى واقفه بتتفرج بنص عين: ذلحين عيدميلاد من هنا

وليد لفت لها مبتسم: فارس

مروى ضحكت وشافت عمتها: منهم صدق؟

جميله شافت لأسيل بنظرات: من فلوس عمك ماهمك

مروى: منش صدق يا اسيل افعلوا حفله لجهال لنا احنا بنات اما الرجال مااظنش تفرحه هذه الخباله

وليد: ليش من قلش...



















📚 @rewayatyamania  🇾🇪

.

البـارت 113 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


مروى: منش صدق يا اسيل افعلوا حفله لجهال لنا احنا بنات اما الرجال مااظنش تفرحه هذه الخباله

وليد: ليش من قلش هذا الكلام ! مابش احسن من رجال يحس انه مدلع ومرته تداريه ساع الطفل

لاتصدق يا اخي احتفل والله ان فكرة مرتك اضخم فكره

اسيل واقفه مطنشه عمتها ومروى: هيا جي نتصور

وليد بيلقط الشكلاته اللي في الكيك

فارس لطمه: قالت مرتك توقع عاقل

مروى خرجت بعد كلام زوجها

جميله نفسها تخرج بس ضحكه عيالها وفرحتهم وسفاطهم منسيها تحنق وتخرج.

جمال شل الهديه: وهذولا ماهن ناكلهن؟

فارس شاف: اوف اوف والذوق والهديه الروعه هذه ايش الحركه الجميله هذه.

وليد: نتقاسم بالنص

اسيل قطعت كيك وناولت عمتها صحن

جميله بنرفزه: انتي داريه مابين اكلش من خارج!
لو انا جالسه هنا فانا جالسه عشان جهالي مش للتنظيمات حقكم اللي سكته سكته ابسري كيف سليفتش خرجت حنقت..

اسيل: ليش تحنق هي خرجت من نفسها وبعدا هي مفاجأه ليش عنفعل سكته سكته ونحاكيكم!

جميله سكتت

يوسف شاف امه: هيا من هذه الجغرات والدحس

اسيل واقفه وراها شافته وبهررت له وهي مبتسمه بمزح: محد له دخل بي انا وعمتي عنجلس نتقالع هكذا لوما تعرفني سوا وتحبني كم عنجلس هكذا ياسعم ؟ انا هنا العمر كله ماعذر من يوم وتهدى النفوس

جمال صفق وبيصفر: ايووووه هكذا ابسري يمه على مرة ابن معش

جلسوا يصيحوا ويسافطوها

جميله بتضحك معهم وسكتت ماردت على اسيل

اسيل قسمت باقي الكيك: انا شاسير ادق لبيت الحارس امكنهم الكيك

وليد: ادي انا اكلت شاطلع ابسر مروى و امكنهم على الطريق.

اسيل: مع انت ناولها صحنها واطلع اجلس معها يمكن مع الوحام ضابحه ومابيعجبها الازعاج

جميله بتتفرجها سكته شافتها خرجت لحقت بعدها: جي كذا

اسيل شافتها وقفت عند الباب: ها؟

جميله: انا لو سكت داخل فهو امد ابني لااغثيه واكسر فرحته وهو يضحك لكن ماعتخطيني على مزاجش تمام؟ قلت يلا قد جت قدي بيننا نبسر كم عتجلس معه لكن تجلسي غصب عني وزد تعانديني وعمل وخرجه وفتشه وبدعتي بي وسمعتي بي قبال الناس ماشي ياقمر والدليل اللي قبلش تشتي تخطى ع مزاجها قرحت من البيت..

اسيل قاطعتها: كملتوا كلامكم؟

جميله يلا طنشي واخرجي ساع كل مره ولا بتفعلي احترام

اسيل: كل مره اطنش لاني مايعجبني ازعل حد لاني وانا معصبه اتحاكى اي حكى يغثي ، لكن الان مازعلنيش كلامكم انتوا داريين ليش؟

جميله واقفه بتتفرجها معصبه

اسيل: انا هكذا واختارني هكذا يقبل بي هكذا .. البيت مايهمنيش اقرح منه عادو يمكن لو نستقر بيت وحدنا عيكون افضل نريحكم مني احسكم بتضايقوا قوي ومااشتيش اسبب لكم اي توتر واضركم..

ولا شي عيقرحني الا لما يقلي هو بفمه انا مااشتيش ساعتها ايوه شاخطى لكن غير هكذا لاتتعبوش نفسكم وتوتروا نفسكم على الفاضي طول مانا في قلبه وبيحبني وبيحترمني شاطرحه وادعمم ومااهتم بأي شي تسووه عشانه هو وبس... خرجت بالصحن

جميله وقحه وقليلة ادب قبالهم تفعل نفسها ملاك ساع الدمه وعندي لسان حاضر يا انا يا انتي هنا عنبسر من عيقرح الثاني.
.
.

في غرفتها

وليد بيقلد الاطفال: مالحبيبي طلعت تشتي حفله

مروى: امانه بغير خباله ياوليد قلك حفله

وليد: والله انها حركه ضخمه منها عجبتني قوي

مروى: هي مش هي عشانه هي فارحه تمثل الطيبه والحركات هذه تدري البيت كله انها مابش ساعها

وليد: ناهي حتى لو بتمثل الطيب كثر خيرها بننبسط وهي فاعله جو في البيت انتي مش انتي داريه كيف كنا مانلتقيش وسط البيت انا واخوتي كل واحد في وادي

مروى  بعصبية: وانا لمن ؟ حتى مافكرت تحجز وتشلني اتابع عند دكتوره للحمل مدعمم عملك ومشروعك جالس الا تسمر والصبح رقده وتخرج تلوي ولاقد فعلت شي

وليد: مش انتي داريه بشي انا مخبي افعلش مفاجأة

مروى: ماتخبي ؟؟

وليد: راعي باقي شويه بس اجتماعات وتواقيع وافاجئش وبعدا بطلي هذا الاسلوب معي كم لش وانتي ضابحه مقارحه تبسريني ويقتلب وجهش

مروى ملثمه بثيابها مغطيه منه: ماافعلك معيفتك بين اتغاثاك قوي

وليد انقهر لما سمعها خرج وقفل الباب

مروى فتحت الطاقه ووقفت بتتأفف: ماله هذا ثقيل دم قوي يتحسس من اي كلمه مبعسس يخ شاجلس اداري.
.
.

في الغرفه..

يوسف: حياك الله! مانضيفك

جمال: الارض او سرير

وليد متضايق ماسك تلفونه: امانه هجعني انت وياه مش وقت مزح

جمال شاف يوسف وسكت

يوسف رجع يتفرج الفيلم باللابتوب حقه.
.
.

في غرفتهم ..

فارس سامرين بيتفرجوا سوا فيديوهات له وهو صغير وتضحك على صوره ويحكي لها مغامراته


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 114 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ثاني يوم..

ندى شافتها رجعت من العمل طلعت بعدها بتدق غرفه اسيل

خرج من غرفته جمال شافها فرح ارتبش شويه: ماتشتي؟ اظن هي في العمل

اسيل فتحت بابتسامه صغيره: العفو تميت اصلي خير؟

ندى: ينفع ادخل احاكيش شي!

اسيل بعدت من الباب: ايوه اكيد ادخلي انا ظنيت عتقلي اجاوب عمتي او اي شي

ندى: الصدق طلعت لاعندش هربه، امي عتصيح معي خطوبه صاحبتي وكلهن عيجين صاحباتي وفستايني قديمه شويه ينفع استلف منش فستان لو احراج بالنسبه لش انسي الموضوع لاتنحرجي ولاشي سهل

اسيل مبتسمه: لحظه تنفسي شويه هههه ماقد جاوبت الا معي خيرات ونقي اللي يعجبش اغلبهن ماقد لبستهن حق كسوتي جداد ابسري واحد يلا ومني لش هديه

ندى: مع مش هكذا مااقبلش الا لو ارجع ادي لش قيمته من عسبي في العيد

اسيل فتحت دولابها بتوريها على واحد واحد: سهل عنسد بعدا قيمته مش مهمه اهم شي نطيب خاطرش ويعجبش اي شي

ندى: اي شي منش اكيد حالي ذوقش قوي يعجبني وطيبتش يعني مستحيل اسير اطلب سليفتش يخ مااحبهاش

اسيل نقت واحد انيق: كيف هذا ؟

ندى: هذا شكله قوي حالي مع خليه لش ابسري لي اي واحد عادي

اسيل شافتها اعجبها واحد ولمعت عينها لما شافته: هذا كيف هو؟

ندى بحماس: قوي يجنن

اسيل: يلا شليه معش عليه صندل تلبسيه؟

ندى: معي ذهبي يناسب!

اسيل: لا لونه مموج سماوي وبنفسجي فاتح وفيروزي اعتقد يناسبه فضي كم مقاسش؟

ندى: 37

اسيل خرجت لها من الدولاب وعادها جديده: حالي قوي انا 38 بس مابش فرق خيرات جربيها

ندى: يو والله ان انا خازيه منش قوي عادهن جداد

اسيل: مايغلى عليش سهل ، كيف عتصلحي شعرش؟

ندى: مدري والله مش داريه كيف اقدر اسبر شعر اي حد بس شعري مااقدرش

اسيل: ولايهمش اسبره لش انا اطلعي لاعندي

ندى: وزوجش خزا

اسيل: شاخلي فارس يجلس مع عمي امد

ندى فرحت حضنتها: تمام تسلمي قوي..نزلت

اسيل شافت سيارة فارس وصلت خرجت تشتي تنزل

جمال شافها: خير ماتشتي ندى؟

اسيل: سر يخص البنات

جمال: يعني ماهو

اسيل ضحكت: يوه والفضول عتخليني اتفيضل واقلك وانت ليش مهتم قوي هكذا؟

جمال: يعني قالت لش لو معجبه بحد!

اسيل ضحكت: ماشي والله لكن فضحت روحك تمام

جمال جلس يشعفل شعره محرج: والله ان انا ودفت اسألش بالله بيننا لاحاكيتي حتى اخي فارس

فارس دخل الصاله

اسيل: تمام لكن بشرط ترجع تحكي لي انت ليش سألت

جمال: تمام امري لله.
.
.

فوق الغداء..

فارس بضبح شاف وليد: مالك ماداومت اليوم؟؟ ذلحين عتشتغل معي او ماشي!

وليد: يا اخي والله ان معي عمل وبطيبه نفس ولاتغثاش مني وكل واحد يشتغل سع مايشتي

جميله: ليش ماتشتغل مع اخوك ! محد عينفعكم غير بعض كل واحد يقع سند للثاني لكن تتفرقوا وتشاركوا الغير وتشتوا تنجحوا كيف !

فارس: خليه براحته يفعل مااشتى.. قام من فوق الاكل وطلع

اسيل قامت تشوفه وتفهم ليش ردة فعله هكذا

مروى شافت عمتها: مالها بعده بعده بتجلس تعبي راسه هي.

عمتها صدقتها قامت طلعت لحقتهم بتسمعهم من ورا باب الغرفه..

فارس: ايش افهمه وانا راشيته وجلس يتعذر وقلت له تمام اجلس بقعتي لو تشتي اهم شي افعل عمل مش تمكني شكى وبكى وانت ولابتسوي شي

اسيل: فارس انا مالي دخل اللي بينك وبين اخوك سدوا، لكن اسلوبك ماينفعش هكذا كلامك كان تهديد ومرتفع صوتك عيب لاتنسااش مرته جالسه جنبه وأبوك انت داري كيف بيتوتر من المشاكل هذه

غير ان امك عتتضايق قوي بتبسر عيالها هكذا مختلفين على عمل وهم وسط بيت واحد.. تمام مش هو غصب كل واحد حر كل واحد فيكم يحترم رغبة الثاني

فارس: اسيل اخوتي انا أعرفهم مش حق مسؤوليه عيشارك مشروعه بزلط ومابش معه عيستلف بيسير يدي لي ناس مااعرفهمش ولا لهم صيت لو ينهبه اي حد!

اسيل: عيتعلم من غلطه اخوتك كبروا خلي كل واحد يسوي اللي يشتيه ويتعلم من غلطه.

جميله شافت يوسف طلع شافها بتتسمع بعدت ومشيت غرفتها ..
.
.

بيت اهلها..

فيروز: والله فقدت لها قوي قلت اجي ياخاله اتغدة ماعد بحد اسيل عتنسوني

ام اسيل ضحكت: والله وانا فقدت لها لكن كل شويه وهي هنا مااشتيش البنت من اولها تفعل حساسيه بينها وبين عمتها

فيروز: طز توقع على حلاها عمتها

ام اسيل قلقت: ليش قالت لش اسيل شي؟

فيروز ذكرت ان امها مش عارفه شي: ماشي بس انا من شكلها ماارتحت لها

ام اسيل تطمنت شويه: الحمدلله قد انا قلقه بين اهمها .

فيروز: والله انها بخير وماشاءالله ربي يسعدها بفارس طارحها وسط عينه.

خالتها رفعت يدها قدام فيروز وقدامها: قل اعوذ برب الفلق انا وانتي عنمرعها

ام اسيل: وانتين ربي يسخر لكن عيال الحلال




















📚 @rewayatyamania  🇾🇪

.

البـارت 115 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


بيت الشيخ..

اسيل شافت رنه من ندى لتلفونها: هدأت حبيبي؟ سير اشرب شاهي مع اخوتك وتفاهموا .. اممم عتطلع عندي ندى ذلحين

فارس: تمام شاسير عند ابي

جمال في الصاله شافها طلعت للغرفه بسرعه جلس شويه وطلع غرفته والباب مفتوح عشان يلمحها لما تنزل
.
.

في غرفتها بعد ماجهزتها ..

اسيل: ماشاءالله وقعتي تجنني

ندى: المكياج مش هو زياده؟ امي عتقتلني

اسيل: ماشي خفيف مش باين شي انتي قمر من غير.

ندى فرحت لبست البالطو وطرحت المقرمه فوق راسها لاتخرب شعرها وخرجت من الغرفه

جمال سمع باب الغرفه حق فارس خرج وقف باب غرفته شافها

ندى شافته مشيت بسرعه

جمال شاف شعرها خارج من المقرمه رجع دخل وغلق غرفته وبيشوف من الطاقه..
.
.

بعد المغرب..

اسيل متضايقه بتلوي في الغرفه

فارس كان بيشتغل شوية اوراق: مالش ؟

اسيل: مدري حاسه نفسي متضايقه قوي

فارس: كيف؟

اسيل: مدري معدتي مقبوضه مغثيه حاسه بخنقه مدري كيف

فارس فتح الطاقه ومسكها: اوقفي شويه تنفسي

اسيل ماقدرت تتحمل مشيت بسرعه هزرت المقرمه غطت شعرها وخرجت للحمام

فارس خرج بعدها: اسيل!! مالش


جميله تمت تصلي خرجت والمسبحه في يدها شافته واقف: ادخل الحمام الثاني عتطوبر هنا

اسيل فتحت الباب وخرجت

فارس: ايش حصل ؟

اسيل: مااحبش الكريمه والكيك اللي اكلته غاثاني..

جميله: الحمدلله اللي ماذقته يعلم الله من اين اشتريتيه

يوسف من داخل غرفتها عند ابوه: هو انا اللي شليت الكيك ماحصل ! شاسير ذلحين اقلب المحل فوق راسهم.. خرج من جنب امه من باب الغرفه

امه: يوسف بغير جنان ارجع دخلت تجاوب زوجها

يوسف غمز لفارس واسيل وابتسم: نغير المشكله هكذا

امه خرجت: امسك اخوك والا جي ابسر أبوك نطرحه في القع شكله تعب من الكرسي

اسيل راحت مع فارس غرفه ابوه ويوسف بينزل من الدرج: دورك يا اخي انا عند ابي من ظهر.

جميله: اين جاء اخوك يشله معك؟ مانا ماقدرت ظهري مقطقط..
خرجت من الغرفه بتداعي يوسف سمعها هرب وهو بيضحك وفلت المهمه لفارس.

مروى: يو انا حامل والا كنت شاساعد مالها اسيل ماتعاون زوجها
.
.

في غرفة الأب..

فارس كل مره يتساعد مع واحد من اخوته بسبب زيادة وزن الاب حاول يتحمله

جميله رجعت بعد ماسمعت تعليق مروى: راعي يجي يوسف يعاونك

اسيل مسكت يد الاب: انا شاساعدك وانت امسك من الجهه الثانيه

مروى واقفه باب الغرفه ماسكه خصرها وبتتفرج اسيل: امسكيه سوا مالش ساع اللي مفتجعه على اظافرش

جميله ملاحظه ملامح اسيل كيف الثقل عليها ووجهها احمر

فارس بيحاول يمدده: نزليه معي للارض دلا

اسيل حست الثقل زاد طرحت راسه ووقفت شافت مروى تذكرت فلسفتها بنبره مستفزه: اخرجي من هنا شمش بخور وعطر قوي وممنوع على ابي الروائح الثقيله

مروى بضحكه مستفزه: لهذه الدرجه بتفتجعي عليهم وبعدا مادخل العطر ياقمر في وضعهم الصحي او قد انتي دكتوره ومادريناش

فارس شاف مرة اخوه بنظره : اين وليد!؟ عتقلي له يجي يعاوني بدل الفلسفه حق النسوان

اسيل شافتها بنظرات وسكتت فارس فعل الواجب

جميله بأسلوب معاتبه: ايوه مش انتي داريه ان عمش فيه ربو وممنوع بخور وعطر وتراب وصوابين وكل شي

مروى حنقت وخرجت لغرفتها: هيا اخرج شبعوني حكا ووجع راس بسببك وانت جالس مفتهن هنا بتلعب

وليد منسجم مع اللعبه بيتحرك يمين ويسار: راعي قد شافوز... فزت

مروى عصبت: انا جالسه اتبهذل وانت ماعندك دم جالس بتلعب بتسمع والا ماشي

وليد: مالش ماقد معش

مروى: ابسر ابسر كيف انت مبورد كيف احكي لك وانت هكذا  ؟؟؟

وليد عصب وصيح: ماافعل احرق اولع اجنن ماتشتي مالشششش!

جميله سمعت صياحهم خرجت بتسمع ايش في

فارس شاف لاسيل: ماحصل بينهم عادها خرجت من هنا ؟

اسيل: الله اعلم ابرد لك ..

فارس: كيف قد انتي احسن؟

اسيل: ايوه بس بطني بتوجعني شاسير امتد شويه

فارس: تمام


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 116 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


فارس: تمام وانا شاجي ذلحين

اسيل: يوه ماتجي تفعل انا بخير،  اجلس عند عمي لوما يرقد

فارس: تمام انا فدالش

جميله واقفه خارج الغرفه..

مروى: اخوك بهذلني انا وانت وتفلسف

وليد هدأ شويه وبيسمعها: ماقال؟

مروى بدأت تكبر وتشرح له الموضوع

اسيل خرجت من الغرفه ماسكه بطنها شافت جميله

جميله شافتها ماسكه بطنها بعد ماسمعت وشافت وقارنت بينهن: صورتش استبردتي سيري افعلي لش ماء دافي وعسل من اللي في الدبه بلدي لاتفعلي سكر من القصع

اسيل فرحت انها اول مره تحس بها: حاضر.. ونزلت جالسه تشرب

ام ندى دخلت بخبز دافيات: خبزت هولا دافيات قلت تتعشوهن مابتفعلي هنا مالش وشش هكذا او تاعبه

اسيل: مدري زيدنا الكريمه والكيك او مع البرد استبردت مدري

ام ندى: العسل حالي عيدفيش شازيد افعلش ثلاجه واطلعها

اسيل: سهل شافعلي انا

ام ندى: مع كنت بين اقل عتفعلين العشاء وانش تاعبه وتيك اللي طالع وغيرت ملامح وجهها بسخريه: سليفتش معيفه..

اسيل: الله يعينها 3 شهور وتتخارج ان شاءالله

ام ندى شافتها مستغربه كيف بتتكلم عنها عادي وهي من وراها تتكلم ع اسيل: والله يابنتي ان عاد انتي على نياتش كلهم حاليين طيبين عندش

اسيل: ماشي والله ياخاله انا داريه كل مابيحصل لكن مانفعل كل واحد يفعل بأصله المرض والتعب مابش تشفاي فيه اما لقانتها واسلوبها مابين اتعامل معها لهذا السبب.

ام ندى: صدقيني جميله والله ماكانت كذا غير طليقة زوجش كانت لسان وترادد ع كل كلمه وتحنق عند امها ع كل كلمه يمكن تعقدت وخافت يكرر زوجش هذا الشي معها الله اعلم

اسيل قامت وقفت: ابردوا بس

ام ندى: كيف قد انتي افتهنتي؟

اسيل: ماشي شاطلع امتد شويه.

ام ندى: تمام شافور لش قهوه دافيه واطلع

اسيل: تمام.
.
.

في غرفته..

وليد اشر لها تسكت جاوب تلفونه: اهلا وسهلا وين انت يارجال مراعي لك يومين مغلق تلفونك.. اهاه الا الان ولايهمك انا الان شاجي تمام.. مع السلامه.

مروى: عتخرج وانا هكذا!

وليد: اختمدي مالش هكذا بخير له الحمد اذا مابتطيقيش احد اجلسي بقعتش

مروى: شاعيش عمري كله محبوسه

وليد لبس الكوت وطنشها فتح الباب وخرج

جميله: اين عتسير! عتخرج تقاتل اخوك؟

وليد: لاحول ولاقوة الا بالله مالكم كلكم هكذا مافعلت انا مافعلت... ونزل

جميله شافتها بتغلق الباب فتحته ودخلت وقفلت

مروى شافت نظراتها ودخلتها المفاجئه خافت: خير يمه ؟

جميله: اماه! انتي الوحيده قبلتها منش وقلت اخترتها ع مافي النفس صورتي كنت غلطانه لو انا مثل امش عتحاكيها هكذا؟

مروى: مالكم كيف تحاكيت!

جميله: اسمعي ميزتش عليها وقلت بنت فلان حسب ونسب وأخلاق صورتي غلطانه مابسرت منش لاذلحين غير المحارشه وشعللة المشاكل معش لسان يشتي له قص

مروى: مابتبسروني الا انا وهي بتفعل كل شي وتخطي كلامها عليكم

جميله: صح لكن بأدب كم غلطت فوقها ولابترد ولابتقلل احترامها معش الا لوما تبدأي انتي المطابزه ونذاق الحكى

مروى اقتهرت لانها قارنتها بأسيل وبتدافع عليها وتغلطها وبدأت تبكي: ولاعد شابدي وجهي لحد ولاعد شاخرج ماهي به جنبها من يواسيها ويداريها ويدافع عليها لكن وليد مستحيل يدافع عليا عندكم..

جميله: دموع التماسيح ع زوجش مش عليا... وخرجت
.
.

في الغرفه..

اسيل بتبكي

فارس دخل بيقفل الباب وهو بيتكلم: وسمعت كلامش ورقدوا وجيت بيشوفها ساكته لفت لها: رقدتي

اسيل: بطني بتوجعني قوي ضروري نسير المستشفى الان

فارس: خير ليش
.
.

في الصاله اللي نازل

جميله معصبه دخلت المطبخ: عتجنني هذه العقربه حق من يقص لسانها غنج ووقاحه

ام ندى: قلت لش ولاصدقتيني

جميله: خلاص مش وقت تحرقي دمي قد الضغط مرتفع مافي يدش!

ام ندى خافت منها: مسكينه والله انها تاعبه قلت افعلها شي دافي جنبها من الطلعه والنزله

جميله ماقالت شي: تمام وخرجت شافتهم نازلين من الدرج واسيل بتمسح دموعها: اين عتسيري وانتي تاعبه!

فارس: المستشفى

ام ندى بتسمع وهي خارجه من المطبخ وقد خرجوا

جميله شافتها: يووه هي زد شربت العسل

ام ندى ماسكه وشها: والله شربت قلصين وقلت ازيد الثلاجة جنبها

جميله مسكت راسها: وتحملت الشيبه مع زوجها قولي يارب يسلم ومش هي واحمه

مروى نازله تشرب ماء بتسمعهم ومقهوره ليش زد مهتمين بأسيل وهي لا
.
.

في الحوش وصلت السياره..

ابوها: اخر مره تخرجي انتي قلتي للمغرب

ندى بدلع: هو للمغرب انت تأخرت

ابوها ضحك: وعادها عتغنج اهم شي افتهنتي

ندى خرجت من السياره: قوي افتهنت ورقصت وزفيناها يوم يجنن

جالس بيأنتر داخل السياره في الحوش ومطفايه من داخل محد انتبه

ابوها: هيا ادخلي

ندى: انا شاسير قفى البيت ادخل الملابس حقي واجي خلي الباب مردود (مفتوح شويه)

ابوها: ...



















📚 @rewayatyamania  🇾🇪

.

البـارت 117 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ندى: انا شاسير قفى البيت ادخل الملابس حقي واجي خلي الباب مردود (مفتوح شويه)

ابوها: تمام اسرعي لايدخل نامس

جمال كان فاتح الطاقه مش عارف ينزل يكلمها او لا يتهور... نزل ولف من الجهه الثانيه حق الحوش ومشي بسرعه

ندى نكزت: من هنا!

جمال: اششش انا جمال سعليش

ندى: ماتشتي!

جمال: ندى ابسري ماطرحت لش قفا الخزان شلي الكيس وقلي من صاحبتش.

ندى: ماشي شله

جمال: لو ماشليتيه الكل عيدرى انه لش من واحد انتي حره انا شاطلع خاطرش

ندى  توترت شافت كيس هدايا خبته بين الملابس ودخلت.
.
.

في المستشفى.

الدكتوره بتكلم فارس: حامل بس في مشكله..!

فارس: خير؟ ايش !

اسيل بخوف بتشوفه وتسمعها ساكت

الدكتوره شافت اسيل: حملش في خطر معرضه للسقط (إجهاض)

رجعت الدكتوره شافت فارس: مع راحه تاااامه في السرير ممنوع اعمال المنزل

فارس شاف اسيل وابتسم: ووظيفه

الدكتوره تابعت كلامها: الحركه الوقفه الكثير رفع اشياء ثقيله والانفعالات والتوتر

بعد ماخرجوا من عند الدكتوره

فارس شافها متوتره مسك يدها ومبتسم: شفتي الدكتوره كيف لفتت لاعندي قززت وبتهدد راحه وممنوع حركه ووقفه وانفعال وتوتر

اسيل بتمشي هي وياه ويتكلموا: مش هي داريه انك اللي بتنسيني اي توتر.

فارس مبتسم شاف الحوامل على خرجته في الانتظار: ذلحين مرتي حامل وشاوقع أب

اسيل بشوية زعل مع ابتسامه: يارب مايوقع شي ..اول ما اوصل شارتاح مثل ماقالت خايفه عليه مااشتيش يحصل شي

فارس فتح باب السياره: لاتفوليش هي بتقول انتبهوا مثل كل الدكتورات يقلين لاي واحده واحمه مابش في مرتي شي عتوقع احلى واطيب ام في الدنيا مافي نفسش ماخاوره

اسيل ضحكت: ولاشي ولاخاوره شي بس لو حاكينا امي لاتقلهاش اللي قالت الدكتوره عتقلق

فارس: مع امش مانقلهاش لكن امي نقلها

اسيل ضحكت: ليش هكذا حرام عليك

فارس: والله امد تهدأ من المشاكل، الله يهديها بس

اسيل سكتت وجالسه تفكر كلام الدكتوره !
.
.

في مكان ثاني..

وليد: صدق صدق ؟؟

ابن عمه: نعم ابوك خرف لكن بعد ماشل حق ابي لكن يلا سهل اللي مضى قد سار احنا في اليوم

وليد: مانسوي اهم شي عمي مات بعد ما سامح أبي،  اما فواتيرهم وحساباتهم انتهى وقتها احنا في اليوم

ابن عمه ضحك: ايوه الرابح اهم شي عنده اليوم على الاقل ابوك كبر وخرف بعد ماشل لكم بيت ضخم  ايش من بيت قول قصر.. غير الهناء والعز اللي كنتوا فيه... ابي مات وخلانا نبدأ من التراب

وليد ماحب اسلوبه وكلامه: مش مهم كيف بدأت اهم شي انك وصلت

ابن عمه ضحك وماسك ضبحه ضحكات متقطعه: ايوه اصلا مش مهم كيف وصلت بحمار او فراري اهم شي توصل

وليد بنص ضحكه مش مرتاح لنبرته وقف: يلا خاطرك وقت ارجع البيت

ابن عمه غير اسلوبه ورجع لاخلاقه ومزاحه: المهم ماعلينا من الملفات القديمه منتظرك من بكره نداوم وننسق ونبدأ دراسة مشروع وتخطيط وننفذ على بركة الله

وليد رجع فرح اتطمن مد يده سلم عليه بحماس ضرب يده بيده: على طوول..اي أوامر

ابن عمه: الله معك
.
.


في غرفتها (صغيره فيها قاعده سرير خشب فوقها فرش ووساده جنب الجدر والطاقه ، ودولاب صغير واحد من ابوابه مكسور ومغطى بستاره).

ماعرفت فين تخبي الكيس خايفه امها تشوف دخلت قفلت غرفتها غيرت ملابسها وفتحت كيس الهديه..


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 118 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


قفلت غرفتها غيرت ملابسها وفتحت كيس الهديه..

تلفون مسجل فيه رقمه وعطر وشكلاتات كانت تعجبها وهي صغيره لما يجعلوا سوا ..ابتسمت فتحت التلفون مره ثانيه شافت رساله منه لاعندها طووويله سمعت أبوها دق باب غرفتها خافت..

خبتها بسرعه في ملابسها وطرحتهن في الدولاب..

ابوها بيدق: هيا اين انتي مراعي لقلص قهوه

ندى: حاضر جيت الاااان البس بس بتشوف دولابها مرفوس داريه ان امها تكره الرفاس وعتخليها تخرجهن لها تعطفه رجعت بعدتها طرحتها تحت السرير وغطت السرير ببطانيتها وفتحت باب غرفتها

خرجت تسوي القهوه لابوها.
.
.

في البيت..

جمال متوتر كل شويه يفتح تلفونه يشوف رسلت او لا ! ضبح بيروح ويجي ويخرج للصاله يسمع لو هي عندهم ويرجع يخرج الحوش مالقي اي رد منها رجع البيت
 
يوسف: عتجلس عند ابي اسير اشتري له علاج؟؟

جمال: ماناش فاضي اتصل لفارس او وليد هم خارج

جميله: مامعك ياسعم سير انت

جمال: اشتي ارقد

فارس واسيل وصلوا وهم بيتصايحوا.


جميله: ترقد على من الملعنه تيه،  كان اجلس عند ابوك وهو يسير

جمال: ماشسيرش وماشجلسش عنده ومش هو على ماتشتوا ممنوع اخرج وحدي لكن منافع سير جي ادخل أخرج اقرح..

اسيل وراه واقفه منصدمه فارس شافه معصب خاف عليها سحبها ع جنب: اطلعي غرفتش ارتاحي

جمال نزل بسرعه: يشتي يخرج

اسيل: راعي احاكيه واطلع

جمال خرج واسيل لحقت بعده

جميله بملامح زاعله قوووي من ردة فعل جمال شافت فارس: وانت ماقالوا في مرتك

فارس بملامح زعل: واحمه.. وجلس يشرح لها

امه تغيرت ملامحها فرحت: صدق ماشاءالله

فارس: بس تقلي ماعيقع شي

جميله صاحت: يوووو والفعله اليوم شربناها عسل لوما قالت بس

فارس: سالت الدكتوره اذا حملت ثقيل ذكرت حين عاونتني في ابي

جميله: وكودها داخله خارجه مابتقر عمل ومعك اين ماسرت وجيت بسيارتك


خارج في الحوش

اسيل: جمال اشتي احاكيك

جمال: قوا يامرة اخي انا ذلحين شاقرح ومااشتيش اغثيش

اسيل: ماعتسخاش تغثيني الدكتوره قالت محد يغثي ابن اخوك صحة النونو في خطر

جمال هدأ شويه وابتسم: شاوقع عم لاثنين

اسيل: نعم وعتفعل هكذا قبالهم !

جمال: مافعلت وهم واصل جننوني لاخرجه لاسمرات لاخبره يشتوا شاقي اجلس اخدم ابي وامي

اسيل: قلتها بفمك ابوك وامك احمد الله انهم بخير ومعك وجنبك هذه طاعه مش فضل منك عليهم

جمال: والله لو انتي مكاني لايقرح قلبش

اسيل ضحكت: ياسعم مابتبسر مابيوقع بي! ومش هي امي وبين احترمها غير كلنا تحصل وانا وقع بي مثلك وتحملت مسؤوليه اكثرر منك ومافعلت هذا كله وبعدا شافت طاقة ندى: لو في بنت معجبه بك كذا والا كذا عتكبر في نظرها اكثر وانت محترم ومطيع لاهلك عتركن على روحها معك

جمال ابتسم: ماقصدش؟

اسيل: انت ارجع قلي الوقت اللي تحبه ماقصدي اظن فهمت عليا..

جمال وصلت له رساله فتحها منها ابتسم: خلاص تمام في الوقت المناسب شاحاكيش

اسيل: خير ان شاءالله ..


جميله نزلت تشوف ايش بتفعل وايش بتقل لجمال !.

واقفه قفا الباب تسمع

اسيل: بس قبل ماتلتهي بتلفونك وتخرج اطلع طيب خاطرها هي أم حاول تتحكم بعصبيتك الشي اللي مضايقك ماتخرجه فوقهم حرام مايسبرش

جمال: حاضر وذلحين والله احلى مراضاه توقع لها

اسيل مشيت

جميله دخلت شويه واقفه في المطبخ: هيا قربي وليد وصل

مروى نزلت: وليد ماقد جاء؟

جميله: عادو دخل الحوش بسيارته اخرجي انفخي شمي هوا

اسيل دخلت وشافتهم جالسين بالصاله بتمشي

جميله شافتها بنظره بتحاول تخلي نفسها طبيعيه بس باين عليها التصنع: مبروك الحمل

اسيل: الله يبارك

مروى: يووه حامل !

اسيل شافتها وسكتت

مروى: مبروك

اسيل راحت جلست جنب فارس: الله يبارك

وليد وجمال دخلوا متحمسين: ياحيا الله بهذه اللمه.

جميله شافت جمال وقلبت عيونها بزعل

جمال جلس يراضيها ويشاورها يتأسف لها

جميله بهمس: ولاتتأسف ولا اشتي ابسر صورتك يراشوك الغرباء تتأسف لي

جمال: ماشاءالله يمه معش اذان ساع الرادارات يوصلين لكل بقعه شابكه بالقمر الصناعي او كيف

وليد ضحك هزر امه من يده: مالك عليها حد غثاش ياحجه

جميله: والله ان صورتي شانجلط على يدكم كل من بيقرح قلبي بطريقته

فارس ساكت منهم وبيكلمها بصوت واطي تطلع ترتاح في غرفتها

اسيل: طيب نتعشى واطلع جاوعه

جميله شافت اسيل كيف تداري فارس وتستقبله وتودعه للباب ومروى لاكلمت وليد ولاعبرته واقفه تتفلسف: ادخلي قربي

مروى شافت اسيل بابتسامه مكر: هيا جي ندخل نتعاون ونتجابر جمعه

جميله: ماشي هي ممنوعه من الحركه سيري انتي قد العشاء حاصل مابش ماتعاونش فيه

مروى بلقانه: ياسعم هي فعلته!

جميله شافتها بنظرات وبهرره

مروى مشيت للمطبخ


















📚 @rewayatyamania  🇾🇪

.

البـارت 119 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


جمال جالس بعيد منهم كلهم بيرد على رسالتها: ليش ماعتقبليه ! ليش عيب والله بين افقدلش واشتي احاكيش صدقيني شويه يزيد يخطبوا ليوسف وافتح الموضوع احاكيهم..

ندى: ذلحين قلي كيف ارد لك التلفون حنبتني بالقلافد هنا لو تبسرهن امي والله لايقع لي يوم

جمال: ارجمي كل شي وخلي التلفون معش لو سمحتي شاكلمش كل شي واعرفي مايرضيش.

يوسف شاف الكل هادئ وساكت واسيل سارحه: صلاة على رسول الله مالكم مطننين ! متعودين كل يوم اكشن

فارس ضحك: بحجر الله خلينا نهجع

جميله ضحكت ورجمته بالوساده: ماقصدك يا ذربه

مروى خرجت بصحن الشاهي والقلصات: وليد جي شلهن من يدي بسرعه

اسيل رافعه حواحبها بصدمه بتشوفها !

فارس: تعلمي


اسيل شافته لفت وجهها مقابل لفارس عشان محد يشوفها وبتقلد مروى وتتكلم بصوت واطي: شاهي! اعرف افعل شاهي بس دلع التقديم هذا مااقدر له

فارس: اصلا من قال عتقربي قلص واحد تتعشي وتطلعي غرفتش وكل شي عيطلع لاعندش فاهمه

اسيل: حاضر

كلهم جلسوا وقربوا فوق الاكل

فارس شاف اسيل مد يده يقيمها: هيا

اسيل بتقلدها بدون محد يحس غيرهم بصوت واطي: يف مااشتيش معيفه

فارس ضحك: مجنونه

جلسوا يتعشوا

اسيل بتاكل عادي

مروة بتبعد من قدامها الفاصوليا والزحاوق: بتاكلي كل شي ولاعيفتي شي !

اسيل: لا

جميله: ماتبدأش العيافه اول ماتدري ان انتي واحمه بس مدري كيف انتي

فارس شاف وليد: مافعلت بمشروعك

وليد بغيره منه شويه: عتدرا لما يجهز افعل مثلك مفاجأه محد يدرى الا وقد تميت

فارس هز راسه ببطء مستغرب: حلو،  رغم ان انا راشيتك تسير بدلي تتابع العمال تدفع لهم اجرتهم لكن ابسرتك انشغلت قبل العرس وقدرتك

وليد سكت

يوسف: بعدا مااحناش صغار نتحانب وواحده بواحده اخوك اكبر منك وعنده خبره في هذا المجال اسأل واستفيد منه مش هي مسابقه بينكم

وليد: طول عمرك صاحب الحكمه والفلسفه هيا كل

جمال جالس بياكل ويرد بسرعه ع الرسايل بتلفونه ويرجع ياكل

جميله: واصل 24 ساعه والتلفون في يدك

جمال كمل كلامها هو وياها نفس الكلام: عتمرض انت والبلا هذا مامنهن الا المرض

كلهم ضحكوا عليهم

يوسف: اي حين عيد الأم مارأيكم نشل لأمي تلفون تهجعنا الدحس هذا

جمال: لكن والله مايعلمها الا انت على الاقتراح هذا

جميله: اشتي افعل مولد يوم الجمعه بكره الصبح بكري انزلي عاونينا

مروى: وحدي؟

جميله: ايوه عليش العمل الخفيف

مروى: يمه انا خايفه يقع بي ساع اسيل ابسري تيه وبنتها يعاوننش

جميله: ماقالت دكتورتش اي شي وحمنا وفعلنا عمل ولاوقع بنا شي.

مروى بضحكة متدرب: بس انتوا والفين على الشغالات ولابتفعلوا شي

جميله بنبره مشدده: عادو غير من ذلحين والا كانت عمتي ام زوجي تشقي بي الادوار كلهن وانا واحمه اغسل اصبن اعجن اخبز اطبخ افعل كل شي

اسيل سارحه وبتكلم نفسها: طيب بما انها عانت هكذا ليش بتفعل بنا هكذا!  مفروض تغير اسلوبها معنا

مروى بحركات تقلد انها بتمزح: وانتوا تشتوا تفعلوا بنا هكذا ذلحين

جميله: مافعلت بكن ؟ ياعيبتش عليا لا بتطبخي ولاتكنسي حتى غرفتش عتمني علينا حين قربتي قلصين عنبسر بعدا كيف عتفعلين بنسوان عيالكن

وليد شاف مرته: عنتعشى !

مروى بنرفزه: تعشى من مسكك؟

اخوته استغربوا شافوها ورجعوا ياكلوا سكته.

اسيل قامت من فوق الأكل رفعت القلص اللي شربت فيه الشاهي وقامت طرحته في المطبخ ورجعت وقفت قبل ماتطلع: تصبحوا على خير

اخوة فارس ردوا عليها

وليد شاف فارس: واقتوا له خمس دقايق وابسروا حين يفحط غرفته يهرب لاينتبه لأبي

فارس شاف امه وقام: سكتيه انتي لاني قدني منه للنخر

وليد: هكذا هو الكبير لحد يحاكيه حين يشتي يزبج براحته ولو قلب وضبح لحد يحاكيه

فارس طنش وطلع
.
.


ثاني يوم بيقشعين وينظفين

مروى دخلت مكتبة الأب فيها كتب وشهايد والبومات صور جالسه وبتمسح الكتب والتحف لقيت كرتون في الدولاب مغلق وداخله ظرف ومكتوب فوقه فارس فتحته شافت صور فارس وطليقته في العرس شلت الظرف ورجعت الكرتون بقعته وطلعت بسرعه بتدق لها باب غرفتها..

اسيل بتكلم اخوها شافتها دقت الباب ودخلت: راعي ياحسام شاحاكيك بعد شويه

مروى: مابتفعلي

اسيل: احاكي اخي

مروى: هنيت لش مفتهنه وانا بيشقوا بي وكأنش الواحمه الوحيده

اسيل: ايش المطلوب

مروى: يوه مالش صلِ ع النبي بين امزح معش على هكذا ماعد شاوريش اللي معي وانتي معصبه

اسيل: ايش معش؟

مروى بتهز الظرف في يدها: قد ابسرتي طليقة فارس!

اسيل: ماشي ومش مهتمه عادي

مروى شافتها مبورده بملعنه: بس مش انا داريه ليش محتفظين بها عيب المفروض طلق يحرقهن او يردهن لها اوبهي مدري ليش حاسه عمتي عتردها

اسيل: ليش كيف عرفتي؟

مروى: قبل يومين ...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 120 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


مروى شافتها مبورده بملعنه: بس مش انا داريه ليش محتفظين بها عيب المفروض طلق يحرقهن او يردهن لها اوبهي مدري ليش حاسه عمتي عتردها

اسيل: ليش كيف عرفتي؟

مروى: قبل يومين وانتي في العمل اتصلت لامها وبتسأل عليها وتتطمن كيف قدي بعد ما مات ابنها

اسيل: ماينفعش نسمع او نشوف تصرف ونقرر عليه ونحس احاسيس مش صحيحه في اشياء انسانيه مثل اتصال عمتي تسأل على صحتها كانت حامل بابن ابنها ومات وفي واقع زوجي مايشتيني الا انا ولو يشتي ماكان تزوجني وكان رجعها بكل سهوله

مروى: طيب خلي ذيه معش يا حرقتيه يا اما رديتيه لها.

اسيل شلته من يدها وخبته في درج التسريحه: تسلمي

مروى: هنيت لش على قلب معش ولافي حسش من شي

اسيل ابتسمت لها ابتسامه عريضه متصنعه: عاد باقي شي في نفسش حابه تتحاكي به

مروى: مع شكرا ، خاطرش اسير قبل ماتضايق عمتي.

خرجت قفلت الباب وضحكت بمكر وهي رافعه حواجبها وبتتكلم داخل نفسها: هكذا يقع بش تبطلي تفرحي بروحش زوجش بيضحك عليش بكلمتين وانتي فارحه بروحش تشتي تكسبي الكل قد عمتي ضدي بسببش

اسيل قفلت غرفتها بالمفتاح بعدها وفتحت درج التسريحه خرجت الظرف وجالسه تتفرج الصور اقتهرت شويه لما شافت ابتسامته ونظراته لطليقته في الصور وتذكرت نفسها لما تصورت معه اتصلت لفارس وهو في العمل

فارس رد بحماس: خلاص كل شي جهز حتى الحمامات اليوم سلموني المفاتيح المشروع جاهز وعنسير كلنا قريب

اسيل: فارس ليش محتفظ بصور طليقتك؟

فارس: اي صور !

اسيل: حق العرس !

فارس: والله مالي علم ناولت امي تديهن لها مع أداتها اسأليها هي ليش ماناولتها

اسيل: اللي يسمعك يقل عمتي عتموت عليا وعتغثى حين نسيت تردهن انت داري انها عتزيد تفحرني بهن

فارس: طيب ومالش ذلحين معصبه اهدأي قلت لش مالي دخل

اسيل: تمام

فارس: اسيل بتتحاكي منش صدق؟

اسيل: ماشي عشان سكت اول مره ذلحين عادي شاسكت والكل اصلا مابش معي إحساس ولا بين احس ولا بين اغير اشوف صورك هكذا واقول سهل

فارس شاف انها مش هكذا طبيعتها وهي متفهمه جدا يمكن بسبب الحمل: ياروحي انا مقدر لش وغيرتش عليا ومن حقش لكن صدقيني مالي دخل عتشتغل هرمونات الحمل من ذلحين فوقي انا! 

اسيل: طيب شاحرقهن

فارس: طيب افعلي مااشتيتي

اسيل: افعل مااشتيت بزعل ! والامنك صدق

فارس: والله احرقيهن لو هذا الشي يريحش مااشتي بهن وهي ماتفعل بهن لو رديناهن لها مابش داعي لحد فينا يحتفظ بهن

اسيل هدأت شويه: طيب يلا ماششغلك ..مع السلامه

قفلت وشافت ردة فعله حست انها بالغت حاسبت نفسها شويه ليش صدقت لمروى وهي عارفه اسلوبها كيف مستفز وتحب تسوي مشاكل ليش تهرم زوجها على حاجه ماله دخل فيها.. رجعت تفكر في كلام مروى على عمتها: قد بين اقل طيبتها معي مش طبيعيه! يمكن مروى صدق بتتكلم؟ تشتي تردهم لبعض عتقل ماعد شاطلق حين قد وحمت لو رجعتهم لبعض !!

يف استغفر الله من ابليس من اي حين بين اجلس افترض و اوسوس هكذا ؟ اقوم اصلي ظهر اخرج من الدوامه هذه.
.
.

في مكتب ابوه دخل وليد: انتي هنا بين ادورش

مروى: ايوه بين ارفع تيه الغرفه حين هي مساح قولتهم خلوها عليا لكن كل شي ثقيل كتب وتحف وكراتين جي ابسر صورتك كيف كنت وانت جاهل الطف من ذلحين

وليد شافها بنظرات مقزز: وانتي زبجش عكس وجهش من يصدق لسانش بهذا الطول وملامحش بهذه الرقه

مروى قلبت عيونها: تعلمت منكم ماشاءالله كلكم هنا لسان شبر ونص

وليد يشتي يخرج من المكتب

مروى: بعدا بيتكم طلع ماشاءالله قيمته خياليه من يصدق 

وليد استغرب لفت لها: مادراش !

مروى بطرف اصابعها ماسكه الورقه قلبتها وناولته البصيره حق البيت: ابسرت هنا

وليد وصل لخيط من اللي يشتي يتأكد منه كلام ابن عمه قرب منها: اسكه بعدي هولا ثقال عليش الكراتين خليني ارفعهن وسيري افعلي لي عصير بارد

مروى قامت ومسكت بطرف يده: اخيرا فعلت حاجه مفيده

وليد بيقرأ منسجم في الورقه شافها خرجت جلس مكانها بيشوف بقية الورق اللي في الملف منها عقد زواجه بأمه وبصيره البيت وبصيره بيع اراضي جده واعمامه اوراق كثير ماقد شافهن ابدا لان هذا المكتب مغلق بالمفتاح دايما. وكيف فتحت مروى الخزنه !!! دعاها

مروى...

رجعت واقفه في الباب: هاه؟

وليد: كيف فتحتي الخزنه

مروى: من ذكاءكم فاعلين ورقه ملصقه عرضها ومغطايه بغشايه

وليد جلس يفكر وسارح بيخطط لقي خطه: هيا اقطبي سيري

جميله شافتها خرجت من المكتب: مابتفعلي ياهانم عندش بدل ماتعاونينا

مروى باستغراب: يو قلتوا لي انظف المكتب وامسح

جميله شافتها بضبح: انا قلت لش المكتب حق الديوان

مروى: ناهي كله عمل مافرقت قد نظفت

جميله بضبح: مانظفتي هانك مابلا كتب وماسه وكرسي

مروى: والطاقه والجدر والباب والدواليب

جميله ماسكه خصرها بتتفرجها ببهرره: وتميتيهن!

مروى: ...








https://t.me/rewayatyamania/47791










📚 @rewayatyamania  🇾🇪