😔


بارتـات يومنـا الاربعــاء 👆🏻😍

.

#اعتذر للتأخير الخارج عن إرادتي سأعرض لكم من لحق يقرأها ومن رقد لبكرة


.

البـارت 21 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


في بيت مجد...

ام مجد: قذا لقيت لك بنت ساع القمري.


مجد (باستغراب): من هيي.


ام مجد: ساره بنت احمد الـ... عم حسان صاحبك.


مجد (كان ايقل لامه ايووه اعرفها ورجع سكت): هااااه ايوه عرفته.


ام مجد: مارأيك...


مجد (بتفكير عميييق): مدري يا امه والله ما اقلكم الا كل خير شافكر (وقلبه قد عيخرج من الفرحه).


ام مجد: فكر براحتك ي ولدي ولاعد اضغط عليك بشي... غر انا اشتي ابسرك حريو قبال عيني قبل مااموت وانفذ وصية ابوك الله يرحمه وابسر احفادك قبالي وتعوضنا بالبنات والعيال وتحيي البيت بجهالك.


مجد (ذكر ابوه وزعل): الله يرحمه ويسكنه فسيح جناته لو عاده بخير انه مابينقص عليا شي وان قد زوجني زمان ودنيا.


ام مجد: الله يرحمه سار وماخلاناش نحتاج لاحد ووفر لنا كل شي ولانقص علينا حاجه... سيارات واشتراهن بيوت وعمرهن اراضي وسجلهن باسمك ماعاد تشتي احمد الله غيرك بيدور ماياكل.


مجد (دمعين عيونه): اي والله صدقتوا ي امه الله يرحمه ويجمعنا به في الجنه.


ام مجد: ياااارب.



في المستشفى.....

الممرضه: المريضه رشا محمد الـ....


لجين: هيياا جاء دورنا.


الممرضه: واحده بس ي استاذه.


رشا(بتهديد): اول قلتي ورقه وسرنا قطعنا وخليتينا نريع وذلحينه تشتي تدخلي واحده اتدحني قبل ماالم عليش اللي في المستشفى كلهم.


الممرضه: انتي تفهمي بالعربي والا لا...اقلش واححدده بس تدخل تتعالج.


رشا (بتحاول تمسك اعصابها): قلنا مانشتيش معاينه اشتي ادخل استفسر وبعدا يشلوش الجن انتي والورقه والمعاينه.


لجين(بخوف) : رشااا اصه هجعينا.


الممرضه: من يشلوا ي محترمه.


رشا: يشلوش ويشلوا اهلش اللي ماعرفوا يربوش.


(الدكتور بيسمع مقلاعه خرج).

الدكتور: ويت ويت ويت ايش في.


الممرضه: اهلا ي دكتور محمد بس هذولا يشتين يدخلين الثنتين وقطعين ورقه واحده.


الدكتور( بسر رشا ولجين): انتوا.


رشا: ايوه احنـا...(وقاطعتها لجين بارتباك).


لجين: ي دكتور احنا نشتي نستفسر بس مانشتيش لامعاينه ولاغيره.


الدكتور (بيبسر عيون لجين من فتحة البرقع بشكل غريب): طيب من المريض.


رشا(بعصبيه): اسمعوا لكم وهذا الثاني...بتقلك نستفسر مش نتعاين افهههم.


لجين(دكمت رشا): رشا عيب عليش اتحاكي بأدب.


رشا: وانتي ابسري كيف بيتسيخفوا.


لجين: ولو عيب عليش مايسبرش.


الدكتور (بيبسر لجين باأعجاب): عشانها بس بادخلكم مش عشان الملقوفه هذه.


رشا (بعصصبيييه): ايين ملقوفه احتــر...


لجين (غلقت فم رشا): ششككرا ي دكتور نقدر نتفضل عشان نستعلم ونخرج.


الدكتور (بابتسامه خفيفه): تفضلي.


دخلين البنات غرفة الدكتور...


الدكتور: كيف اقدر اساعدكن.


لجين: ي دكتور اشتي بس تقلي هل يوجد مريض عندكم باسم ايمن الـ...


الدكتور: ي استاذه هذي معلومات خاصه بالمريض ومااقدرش اخرجها لاحد.


لجين (نظرات ترجي): دككتور لوسسمحت الله يحفظك المسأله فيها حياة او موت.


الدكتور: اااممم طيب باشوف السجل (وبدأ يبحث).


رشا: حاول تسرع.


الدكتور (رفع عينه لاعند رشا بنظرة استفزاز): على اساس انا بين العب ببجي او كيف.


لجين (دكمت رشا): اهههه بتمزح ي دكتور خذ راحتك.


الدكتور: المريض ايمن خالد الـ...


لجين (وعيونها امتلت دموع وحاطه يداتها في فمها ومتوتره): اييوه ي دكتور هو نفسه.


الدكتور (جلس دقائق وهو ساكت): ااااااممممم هذا المريض يعاني من تضخم في القلب وعنده الصمامات تالفه ومحتاج عمليه في اقررررب وقت...ويفضل انه يجريها في الخارج لعدم توفر الكادر الطبي الممتاز عندنا في اليمن او عيتعرض لذبحة صدريه ويتوفى لانه عايش على نظام معين وممنوع من البرد العامل الاساس والمسبب لذبحه الصدريه.


لجين (انهااااارت بكاء وماعاد قدرت تتمالك نفسها وماقدرت تتحكم في توازنها ونكعت على ركبتها...وهي حاااسسه ان الدنيا لفت بها وتمنت لو ابتلعتها الارض قبل ماتسمع هذه الخبريه).


رشا (بتبكي وهي حاضنه للجين وبتحاول تهدأها): لجججين قوميي ي روحي... واستهدي بالله.


لجين (صوتها بيرتفع بالبكاء): فييه هذا كله وانا مش داريه ي رششاا... انا شخسر ايمن وعادنا ماقد عرفته ولافهمته سواااااا ايمن عيطير من بين يديييي.


رشا: صلِ ع النبي وتعوذبي من الشيطان وتفاءلي بخخخيير البكاء ماعينفعش.


الدكتور: اهلا اتفضل.


لجين( التفتت وعيونها حممممر وملااان دموع عشان تبسر من واقف وراها...صوتهااااا ارتفع ازيد بالبكاء وشفايفها بيرتجفين من كثر البكاء وبصوت مرتفع): اييييممنن.


ايمن (قد كان بيبسر لجين بتبكي وبيبكي معاها وهو ساكت).


لجين (قامت بكل صعوبه واسرعت لاعند ايمن وبسسسسسرعه...




ليتني لم احبك ولم اتعرف عليك بعد ليتني اتيتُ قبل الموعد لسلامة قلبي وقلبك من الانهيار💔.




















📚 @rewayatyamania 🇾🇪

البـارت 22 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


ايمن (قد كان بيبسر لجين بتبكي وبيبكي معاها وهو ساكت).


لجين (قامت بكل صعوبه واسرعت لاعند ايمن وبسسسسسرعه مسكت ايمن وهي بتشهق من البكاء وبتتحاكى بلعثمه): ايي مم نن ويين انت ي روح ي ليي شش ماقل تت لي ان كك مريض ليي شش.


ايمن (ماسك للجين وبيبكي وبيتشنهج(يشهق) من البكاء ): اااصصصص اهددئي هوذانا عندشش.


لجين: ويينه عندي وانت غايب عليا سنه ومااعرفش عنك ولاحاجه اسكه قلي.


ايمن: شافهمش بكل شي انتي بس اهدئي الله يحفظش لاتبكيش دموعش غاليه عليا.


لجين (هدأت وبتحاول ان هي ماتبكيش عشان ايمن): خلاص شهدأ بس قلي وين انت.


ايمن (خرج هو ولجين للحوش حق المستشفى وجلسها على الكرسي).


الدكتور: لوسمحتي ممكن سؤال.


رشا(بغرور): تفضضضل.


الدكتور: اخوها او ايش يقرب لها.


رشا(بجراءه): مالكش دخخخل.


الدكتور (شاف رشا باستفزاز وعصبيه): اخرجي من العياده.


رشا: اصلا شخرج بدون ماتتكلم.


الدكتور: الافضل لي ولش.


رشا: اوووكِ (وخرجت).



قدام المستشفى....

عمار: لوسمحت فين قسم الطوارئ.


الرجال: على يدك اليمين اول غرفه على الجهه اليسرى.


عمار : شكرا...يعلم الله وينهن ان شاء الله القاهن ويكون شكي في محله.



داخل المستشفى....

ايمن: بعد اخر اختباراتكم حق اخر السنه جت عليا ظروف ماقدرت احاكي احد بها.


لجين: طيب ليش ماتتصلي او تحاكيني.


ايمن: بعت التلفون عشان جدتي كانت محتاجه للعلاج وكنت مضطر ابيعه لان انا مشتيش اخسر جدتي بعد ماخسرت امي وابي.


لجين (بصدمممه): امممك ماتت.


ايمن (وعيونه امتلين دموع وبيتحاكى بحزن): ايوه ماتت.


لجين (نزلت راسها وحطت يدها في وجهها وبكيت): إنا لله وإنا اليه راجعون....لاحول الله ولاقوة الا بالله.


ايمن: الحمدلله على كل حال.


رشا: لججين اسرعي قد الوقت متأخر.


عمار: عادكن ذكرتين ان الوقت متأخر ي محترمات.


(لجين وايمن ورشا تصنموا بقعتهم من الخوف).
.
.

قدام بيت علي....

مجد (بيصيح من تحت البيت): راااااافتت.


رأفت (خرج من الطاقه وباستعجال): الاااان الااااان باقي البس الجاكت بس.


مجد (وطى صوته):اجي البسك الجاكت ي روحي.


رأفت: ياااي لاتحرجونيش.


مجد(بيقلد انه بيخلس الصندل عشان يرجم رأفت): ادخل دخلت عينك قلك ياي حسافه حين الآلي فوق السياره والا قد كنت شفعلك واحده تحت الجلد تهدئ اعصابك.


رأفت: هههههه خخخلاص اخررر مره.


ساره (بتتفرجهم من الطاقه وتضحك عليهم....لمحها مجد...وهي تخبت).


مجد (جلس شويه واتصل لساره).


ساره: الو


مجد: اااالوووو


ساره: هههه اااالووووو


مجد: رأفت فيين.


ساره : في الدهليز.


مجد: بيعمل ايه.


ساره: بيعمل ببيه وراء الخزان.


مجد(بصصصوت مرتفع): بببههههههههههههههههههههعهعهعهعهعهههعهع.


ساره: هههههههه يعني ايش تتوقع ايش عيفعل في الدهليز اكيد بيلبس صندله


مجد: خلاص ناهي لاتقززوش فوقنا.


ساره: مابنقززشش.


مجد: الا الاااا.


ساره: قلنا مابنقزززش.


مجد: احلفي يمين.


ساره: قسما عظما


مجد: ايوه هكذااااا.


ساره: هههههههه.


مجد: اااح ااااححح.


ساره: سلامتك من الااح.


مجد:معي لش خبر مش انا داري كيف عتتقبليه ومعي سؤال مش انا داري كيف عتواجهيه لذلك لو قلت لش انتي ماعتكسفيني صح.


ساره: اكككيد ماشكسفك (داخل نفسها) يياااارب يقلهاا يااارب.


مجد: صلِ ع النبي ي بنت الناس.


ساره: صلوات الله عليه.


مجد: انتي داريه ان انا....(قاطعه رأفت).


رأفت(سمع مجد وبيغني): اننناا يابو يااانااا انا يااابو يانااا.


مجد(وطى راسه وبصوت منخفض) : ياالله والحظ خلاص شرجع اتصلش لما نرجع من عند الاستديو.


ساره (بضبح): نااهيي.


مجد: نااااهي.


ساره: حاااضر.



في المستشفى....

عمار: من الاستاذ.


ايمن (يشتي يتحاكى قاطعته لجين).


لجين: عمار شافهمك كل شي بس لاتفهمناش غلط.


عمار: انا بين احاكيه هو.


لجين: عمااار اسمعني اشتي افهمك.


رشا(قربت لاعند عمار): خليها تفهمك لاقد تحكمش عليها.


عمار (بصوت ملأ المستشفى): انننتتتيي اسككتي مفههوووم.


رشا (انكسفت): حاااضر شسكت بس خلي اختك على الاقل تفهمك الموضوع.


عمار(بعصبيييه): قلت اسسسسسككككتتتتتييي.


رشا (وهي بتبكي من ردة فعل عمار): حاضر.


لجين (قربت لاعند عمار وبتبكي): عمااار اسمعني لاتتسرعش بششي رشا مالهاش دخل بأي شي.


عمار (بسرعه يرفع يده ويفعل للجين كككفف خلها تستدير): لاتبرريش موقفها انتين الثنتين اسكتين نقاااشي معه هو مفهووووم.


رشا (افتجعت على لجين وسارت تمسكها وبصياح): ليششش انت هكذا لجين مافعلتش حاجه غلط.


عمار (يفعل ككف ثاني لرشا).


رشا: ...






















📚 @rewayatyamania 🇾🇪

البـارت 23 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


عمار (يفعل ككف ثاني لرشا).


رشا: شكراَ...ماقصرت، ايش رأيك تفعل ملطام ثاني عشان لو عتقدر تخرج ضبحك اكثر وتسمعنا.


عمار(مش مستوعب انه لطم رشا): رششا لاتعصبينيش اكثر.. خليه يحاكيني هو والا عتبسرين الوجه الثاني.


ايمن: يااخي...(قاطعه عمار).


عمار(بعصبيه): لاتتتتقلش ي اخي.


ايمن: طيب اللي تشتي ... وحاول تسمعني لووسمحت.


عمار: سمعنا...تكلم سريع.


ايمن: انا ايمن خالد الـ.... انا جيت طالب راغب لاختك لجين صح اني حبيتها بس ماكنش معي زلط تكفي ان انا اجي اتقدم لها وانا ذلحينه مريض وشفعل قدر استطاعتي عشان اوفر لها كل اللي تحتاجه بس لاتظلمهاش ولا تعاقبها لانه كله بسببي.


عمار (وهو متعصب): وعاااادك بكل قلة حياء بتتحاكى على اختي هكذا وقدامي...وتشتي تتقدم لها وانت عااااجز.


ايمن(بكل هدوء): انا مش عاجز انا بس مريض.


عمار(بصياح): يااااخخيي موووت انا ماافعلككك.


لجين (وهي بتبكي وبصياح فوق عمار): الله لاااااقال في اعدائه ولا فييه


عمار(باستفزاز): هه وعاد بتدافعي عليه ...صدق والله ان اخي عادل ماعنده حجه حين قال ان انا اللي بين ادلع لش وان انا اللي شاضيعش وانش عتكسري ثقتي في يوم من الايام وفععععلاً كسرتي ثقتي ي لجين انتي واللي جنبش بس سهل اذا ماقدرت احكم عليكن شاخلي عادل يتصرف معشش(شل التلفون يتصل لعادل).


ايمن (بسرعه يهزر التلفون من يد عمار لانه يعرف طبيعة عادل وكيف هو معقد): لوووسمحت ي اخي عمار هوذا بين اوعدك وعد اني شتقدم لها انت ادي لي مهله بس لمدة اسبوع بس.


لجين (وهي بتبكي): لوسسمحت ي عمار.


عمار (وهو بيبسر رشا): وفعلتكن هذه اللي سودت وجهي قبال خلق الله اين اشلها.


لجين: وعد ان هي اول واخر مره.


ايمن: عمار قدك اطيب واحد واعقل واحد لذلك لوسمحت امنحني فرصه ، الناس كلهم حبوا واكيد اللي يحب يشتي يكون من نصيب شريكه وانه ماعيسخاش انه يبكيه او انه يخونه وانا مابش معي خوات ولا اهل ولجين قدهي امي وابي وخواتي واهلي كلهم ومااشسخاش عليها.


عمار ( دمعين عيونه وهو بيبسر رشا ولجين): معك مهله لمدة اسبوع...(وخطي): انا في السياره الحقين بعدي الان.


رشا:رريييعع.


عمار (وقف والتفت لرشا).


رشا (بتقرب لاعند عمار وبتبكي): اانناا اسسسفه.


عمار (بسر رشا بتبكي وبكي): انا افتجعت علييككن لايكون احد فعل بكن شي والا شي ماعاد معي في الدنيا هذه الا انتين وامي افتجع عليكن.


لجين (اشرت لايمن بمعنى لاتقلق...وسارت لاعند عمار وحضنته): انااا اسسفه ي روحي اخر مرره اوعدك مااعيدها ابداً.


ايمن(قرب لاعند عمار ومسك كتفه): اعتذر منك لاني انفردت بها ولحالنا وبدون علم احد بس والله ماكنت داري ان هي عتجي والا كنت شمنعها.


عمار (حضن ايمن): عفى الله عنك وانا اعتذر منك ولاتنسى الوعد اللي قلته لاتخيب ظني فيك...وربنا يشفيك.


ايمن (حس انه معه اهل من جديد وحس عمار قريب منه وانه عيساعده): ابششر اني مااخيب ظنك.


عمار: خاطرك واستاذنك عد اشلهن البيت قد بيقلقوا عليهن.


ايمن: الله معاكم وانتبهوا لبعض.


عمار (بابتسامه خفيفه): ان شاء الله.


لجين (بسرت ايمن وبصوت منخفضض): انتبه على نفسكك، ومنتظره لك تمام.


ايمن : حااضر وانتي والكل...ماعترجعي تبسريني الا وبين ادق الباب.


لجين: ان شاء الله (ودعت ايمن والتفتت تمشي مع عمار ورشا اللي زعلانين من بعض وعلى بعض).



في بيت علي...

الساعه 2:30 ظهراً الجو بارد ومطر.

نايله: سبحان الله والجو.


رؤى: الجو حق خرجه.


احلام: اين خرجه ابسري على برد.


ساره: والله انو حق خرجه صدق او (وبسرت رؤى بنظرات شريره).


رؤى:ههههههههه بالضضضبط...هيا بنااا (وشلت ساره وطلعين الجباء يلعبين بين المطر).


نايله: سااره وارجع قلي رجلي بتصق.


احلام: ماعيوقع بهن شي ي عمه الله يحفظهن.


نايله: وانتي للمه ماتطلعي معاهن.


احلام: هههه والله ي عمه لو قد بين اجنن.


نايله: ههه قصدي كما هي عادتش من دق لش رقصتي.


احلام: ههههههه مش لتيه الدرجه ي عمه...اصلا قد بين احس بوجع في بطني.


نايله: صلاة ع النبي ليش في اي شهر قدش .


احلام: قد شادخل السابع.


عاتقه ام عمار: الله يستر ي بنت اخي لاتولدي في السابع بعمليه.


احلام: يوووه مع الله لاقال والله ان الدنيا في ثوب الستر ومايعلم بها الا الله.


نايله: لاتهمي ولا الباري عيسهل كل شي.


عاتقه: صدق والله الباري مايفلت احد.


(قاطعين كلامهن سلوى و نجوى).


نجوى: اي حين عيجوا هولا قد الغداء عيبرد.


نايله: احمد هو مع اخوته.


سلوى: والجهال ساروا الاستوديو يدوا صور حسان.


عاتقه: للمه وين هو حسان.


سلوى: ...














https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 24 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


عاتقه: للمه وين هو حسان.


سلوى: ساروا عند ام لمى تسلم عليها.


نجوى: عاتقه وين البنات لاذلحينه.


عاتقه: قد اتصل عمار انه سار يديهن من عند صاحبتهن وقذا هم في الطريق.


نجوى: يله سابر.


احلام: من سار يدي الصور ي امه.


سلوى: رأفت ابن عمش وصاحبه مجد.


نايله: إنا منو ذيه مكنتونا مجد مجد مجد.


سلوى: يووووه مجد ابن تيك المره اللي جلست تجابرش امس ولد سااع البدر ومأدب تربى هو وحسان.


نايله: صلاة ع النبي الله يجبر قلب امه.


فايز: يااااا اهل البيتتتت.


سلوى: قذا الجهال جوا


هاشم ورشاد: امي العزيزه اين انتي.


نجوى: امي وروحي هوذا انا.


رشاد(دخل المكان): السلاااام عليكم.


البنات: وعليكم السلام.


رشاد: ما للبيت فاضي كذيه.


احلام: كلهم خرجوا وعيجوا ذلحينه.


هاشم: ورأفت.


احلام: سار يدي صور حسان هو ومجد.


فايز: قوة القوه دام ومجد معه اميد يروح نتغدى ونخزن جمعه.


فايز: قد انا جججاااوع.


عادل(دخل): ومن سممعك.


نجوى: وهذا الرابع.


عاتقه: هههههه الله يزيد ويبارك.



في الاستديو...

مجد: انى مااالك ساع جدتي.


رأفت: ي اخي انا بساعتي ابرد.


مجد: جي ندخل في السياره وعندفى امد مايخف المطر.


رأفت: ماعيشلنا للسياره ابسر اين قد طرحتها.


مجد(سحب رأفت لاخارج): اخخخطى ي شخيطه.


رأفت (وهو بيصيح من البرد): ي يهودي بين اقشط.


مجد: هوذا كلنا بنقشط ومابندلعش ساعك.


رأفت: انت معك جلد خنزير.


مجد (بسر رأفت): قل ماشاء الله.


رأفت: ماشاااء الله (وبيتفل مجد💦).


مجد: ي يهودي امانه ان تفلتك وصلت اقوى من المطر.


رأفت: ههههههههههههه قل ماشاء الله.


مجد (بيقلد رأفت ): ماشاااء الله (وزبط رأفت).


رأفت: ااايييي... ي اخي برد وزبط مايجيش.


مجد: الا ايجي.


رأفت(بيتافهه): صدق وين هو.


مجد (😒): بين اقلك لاتفور بطوني.


رأفت(زبط مجد): قذا جججاء (وهرررب).


مجد: انا اروييككك (وبيلحقه).


(جلسوا يتلاحقوا بين المطر ويتضاربوا).




في بيت علي....

عمار : ييحححح افتحوا الباب.


(رشا ولجين بيضحكين).


فايز(من وراء الباب): موووت برد


عمار: قواا افتح.


هاشم (لحق فايز وبيضحكوا على عمار اللي جالس بين المطر): عيسسس اجلس بين المطر اميد يخف عقلك شويه.


عمار: مانا عادي شجلس مابه عليا غر اختكم ي استاذ عتموت برد.


هاشم : اخخختي ( وفتح الباب).


رشا: امانه مارضيتوا تفتحوا (ولحقت هاشم وهو بيهرب).


عمار: هههههههه تستاهل.


(عمار ولجين وفايز طلعوا بعدهم وهم بيضحكوا وبارردين).



واخيراً الساعه 3:00 عصراً.

الجميع جاء بعد ماخف المطر وقدهم شبه دافيين وقربوا يتغدوا


مجد (بيصيح): اممه سلوى.


سلوى (سمعت مجد وهي في المطبخ): امميي وروحي.


مجد: انا فدا ليدكم وسلموا على الغداء.


سلوى: يهنا بالعافيه.


احمد: الحمدلله كرمتوا وسلمتوا.


علي: خير الله ويهنى بالعافيه عليكم.


البنات كملين يتغدين وجالسات نازل وساره طالع ماقدرتش تتغدى وبتحس ببرد.


ساره: اممماااااه.


نايله (بخوف) : مااالشش.


ساره: بططني بطنني.


نايله: مالهااا بطنش.


ساره: مدري بين احسها بتتمزقق.


نايله: ياالله بسس خارجنا (وبصوت مرتفع): نججوى سسلوووى.


(البنات سمعين عمتهن بتصيح وساره بتتوجع افتجعين وطلعين بسرعه).


سلوى: مااالهااا.


نايله: بتصيح من بطنهااا.


احلام: انزلين ادعين عمكن احمد.


رشا: شنزل انا بساعتي.


(رشا نزلت للدور الثاني).


محمد: مالش ي بابه بتحملي.


رشا: ابه ادعوا عمي احمد قلوا له ساره مدري مالها بتصيح من بطنها قوووي.


محمد: ياالله خارجنا خلاص اطلعي وشدعيه الان.


علي(بيسأل اخوه محمد): من بيصيح.


محمد : ريع جي بعدي (ودخل للديوان): احممد يااخي بنتك قالوا تاعبه جي نسير نسعفها.


الشباب (افتجعوا على ساره) .


احمد (طلع بسسررعه لاعند بنته).


رأفت: مالهااا ي عم.


محمد: مدري نزلت البنت بتقل ان هي تاعبه قوي جوا نسعفها بالسياره.


رأفت: ابي فلت السياره في العمل بسبب المطر.


علي: وانا سيارتي وقفتت وسيارة عمك محمد عند المهندس.


محمد: حللقتتت علينا من كل بقعه.


مجد(بخوف على ساره): بتحسسوني ان انا مش انا من الاهل الله المستعان بسس...عنشلها بسيارتيي.


رأفت: ااييوه صحح هياااا كان خلوا ابي ينزلها.



ومن حبي لك دعوت الله ان يأتيك لي عاجلاً ليس أجلاً فاانا اعلم بأن الله لن يخذلني🤍.






















📚 @rewayatyamania 🇾🇪

البـارت 25 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


في حارة بيت احمد، وبالاخص في احد البيوت المجاوره...


الساعه12:27منتصف الليل.

الجو بارد والصاله وصلت درجة برودتها تحت الصفر ، البيت كله بينزل منه المطر، الدرج اللي بيودي للدور الثاني كله مبلل، الشبابيك مفتوحه والبرد بيسود المكان، رائحة مختلفه في الغرفه، وصوته مبحوح وشاحب، هزة الكرسي اللي ملت الغرفه وبس، تنفسه اللي بيتبع صوت هزة الكرسي، الرائحه مازالت متواجده ورائحتها مؤذيه

ايوه نفس الرائحه اللي محرم علينا نشربها، رائحة الخمر والقوارير الفارغه اللي تحت رجوله، صور ساره معلقه في جدران البيت وعلى الجهه الثانيه سينما فيها صور ساره العائليه، وعلى الجهه المقابله لها بالضبط صورتها بجانبه وشكل الصوره فوتوشوب...


(بصوت مبحوح ): اربع سنين ي ساره وانا بعدش اربع سنين وفي قلبي بس انتي...تقدمت لش ورفضتيني الف مره وقهرتيني وعذبتيني وخليتيني في هذه الحاله...هذا كله بس لاني ماقدرت احافظ عليش مره واحده...ااااححححح... وفي الاخير احصل عليش في صوره واتابع ضحكاتش ونبرة صوتش اللي ماشاخليها تفارقني...وعد اني شاخليش من نصيبي وانهي وجود هذا اللي اسمه مجد من حياتش...قبل ماتكبر علاقتكم وتزداد اتصالاتكم ورسائل عشقكم...والا ماعيكون اسمي (نصصصر).



في المستشفى....

مجد(فوق سيارته وحده وبيحس انه انسان عاجز): انا فدالكم لاتقلقوا عليا ولاشي انا في المستشفى وشويه وانا عندكم.


ام مجد (مسكت على صدرها وبخوف): ييووه مابتفعل في المستشفى او فيك شي والا شي.


مجد: يوووه ي قلبي مشو انا لاتقلقوش ٳنى وشاحاكيكم بهذه النبره وانا مريض...تطمنوا غر سرنا نسعف بنت عم حسان وقدلها من بعد العصر لاحدكم وذلحينه ماقد خرجوهاش.


ام مجد: يوووه ياساتر من منهن.


مجد (بحزن): ساره.


ام مجد(بشهقه): اللي عاد انا بين اقل شديها لككك.


مجد: ايوه ، ماقدرت افلتها ي امه خايف لو يوقع فيها شي والاشي والله ماعاد اسامح نفسي ابداً.


ام مجد: خليك قوي وخليك مجد اللي اعرفه وربيته بيدي لاتخليش الظروف القاسيه تهدك...انت ابني مجد اللي مانزلت دمعه من عينك الا وقد حققت اللي في بالك لاتدمعش وعادك في نص المشوار.


مجد (والدموع بينزلين من عينه بهدوء ومش قادر يتحكم في نفسه): ليشش ي امه حظ ابنش هكذا ليششش كل ماتعلق بشخص يشتي يرحله من بين يدي انا مااستاهلش اعيش والا كيف.


ام مجد(بتبكي مع ابنها): لاتبكيش وانا فدا روحك ساره عتقوم بالسلامه صدقني انت لاتغثي روحك ولا وذلحينه امسح دموعك وادخل ابسر كيف حالتها.


مجد (بيبكي): مش انا قادر اتحرك خايف ادخل وابسرها تاعبه ومابش في يدي شي افعله لها اسكه قلوا لي ماافعل قوا امه ابنش عاجز لاول مره في حياته...(ببكاء وهو بيخفع السكان حق السياره وبيصيح) مجد اللي بيهدد الجميع بالاسلحه هدته(اضعفته) بنت ياااامه ههدتتته بننتتت.


ام مجد(بتبكي وماقدرت ترجع مجد اللي تعرفه): وامك مابش في يدها الا شي واحد، شاقوم اصلي ذلحينه وادعي لها من داخل قلبي ان الباري يجبر قلب امها وابوها ويردها لك بالسلامه ويجعلها من نصيبك.


مجد(وهو بيمسح دموعه): وانا شفعل ساعكم الان واسير اتوضى واصلي في اقرب جامع.


ام مجد(بابتسامه حزين): الله يصلحك ي ولدي ويجبر قلبي بك ومايحرمني منك يا مالي ومامعي.


مجد: انا فدا لحذاتكم ي روحي الغالي انتبهوا على نفسكم شويه وانا في البيت لما تخرج ساره تمام.


ام مجد: استودعتك الله ي ضنايا.


مجد: وانتوا كذلك استودعتكم الله (وغلق التلفون وطرح راسه فوق السكان حق السياره).


ام مجد(فرشت السجاده وبتدعي من قلبها): ااححح ي ولدي الله لايفجع لك قلب ولا يوريك شر في من تحبه ويجعل لك في ما تحب نصيب أنا اسأل الله وادعيه.



عمار: هااا وين انت.


مجد (بصوت منخفضض): انا في السياره عادنا جيت من الجامع.


عمار (بحزن على مجد اللي مش قادر يفعل شي): الله يتقبل ويسمع منك...لو انت ذلحينه باب المستشفى معي لك خبرين الاول عيفرحك والثاني....


مجد (بخووووف): ساره فيها ششي ي عمار.


عمار: تطمن مابش شي...جي للعنايه احنا هناك.


مجد (بخوف شديد): العناية ...(وبصياح): سسسااااره فيهااا شي ي عمااااااااار.


عمار: اططلع ياخي ماينفعش اقلك في التلفون.


مجد (قفل السماعه وبسرعه يطلع للعنايه المركزه).


احمد ابو ساره (جالس باب الباب وبحزن وهو طارح ليده في راسه وبيبسر للفراغ بدون اي حركه).


رأفت (بيتفرج لاخته بحزن من الطاقه الزجاجيه حق غرفة العنايه ومسرح في وجهها).


نايله(حاضنه لابنها مازن وبتبكي).


البنات والشباب (سرحانين وحزينين على ساره).


مجد (اول ماوصل...


















https://t.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 26 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


البنات والشباب (سرحانين وحزينين على ساره).


مجد (اول ماوصل وبسرهم بهذه الحاله حسس قلبه انقبض وكأن روحه انشلت من جسده وجسمه تجمد... غرز يده في شعره وجلس على ركبته ويشتي احد يطمنه ان مابش فيها شي).


الدكتور بيحاكي عمار: ايوه ضروري جداً وحاولوا تعثروا على نفس الفصيله.


عمار: ان شاء الله ي دكتور.


مجد (بسر الدكتور وحمل بسرعه لاعنده): مافي ساره ي دكتور طمني عليهااا.


الدكتور (بسر عمار بمعنى من هذا).


عمار: خطيبها ي دكتور.


الدكتور: اهاا العفو منك ي استاذ بس المريضه تعبانه وتحتاج رااحححه هذ الفتره.


مجد: قلي مافيها.


الدكتور (وطى راسه وبحزن): لمن اسعفتوها كانت بتصيح من بطنها او تقدر تقول من كليتها لانه بعد ماسوينا لها فحوصات اتضح ان المريضه عندها كلى تالفه وتاثرت زياده بسبب البرد ، والثانيه فيها حصوات واذا مافيش اهتمام من المؤكد في اي لحظه انها تصاب بفشل كلوي.


مجد(ضضرررب على الجدار بقوووووووووه): ليشش يارب ليشششششش.


عمار (اسرع لاعند مجد): صلِ ع النبي ي مجد ماعيوقع فيها شي.


مجد (حضن عمار وهو مهزوم): ماقدرت اعترف لها بحبي ولاقدرت احافظ عليها اخوك تاعب ي عماااار تاااععبببب.


عمار (بسر مجد وشد على كتفه): انت مجد اللي احنا نعرف ماتنزلش منه دمعه الان تمسح دموعك وتجي بعدي وابسر سارونتك يلاااه.


مجد (فرح لان عمار عيساعده يبسر ساره بدون محد ينتبه): بس كيف عنفعل والكل هنا.


عمار (لاتقلقش شتصرف انا، وسار لاعند خاله احمد).


احمد(ولاحركه وحزين على بنته).


عمار (جلس عشان يكلم عمه احمد): لاي حين عتجلسوا هكذا وكل واحد بيبسر للفراغ وبس.


احمد: بنتي عتسير من بين يدي ي عمار.


عمار: ومن قلكم ان هي عتسير من يدكم ودام الله موجود وقادر يغير حالها الى احسن حال.


احمد: ونعم بالله انا متمسك بالله لكن بنتيي اليوم بتعاني وحدها.


عمار: قوي قلبك انت الدكتور احمد الــ... اللي الناس كلهم بيجوا يتعالجوا عندك...وانت قادر بفضل الله تعالجها.


احمد (بسر عمار) : واذا ماقدرت اساعد بنتي.


عمار: انا واثق فيكم انكم عتساعدوا ساره...وذلحينه جوا اروحكم البيت تفتهنوا وترقدوا شويه.


احمد (بعناد وبيقااطع عمار): ماااشي ماشافلت بنتي هذه المره شجلس عندها (قاطعه عمار).


عمار: الله يحفظكم ياخال ابسروا كيف قد حالتكم وحالة خالتي نايله والباقيين.


احمد (بسر مرته وجهاله).


عمار: الكل زاعل على ساره ومشو قادر يفعلها شي واحنا عنخلي امالنا بالله وماعنجلسش كلنا هنا اميد جدتي وحدهم وامي ونسوان عمي ومريعين نرد لهم خبر على ساره.


احمد (بعد تفككييير عميق شل البنات والشباب وروح البيت وبقي رأفت وعمار ولجين ومجد رجع عندهم بعد ماروح الباقين البيت).



في بيت علي...

الجده: ي قهر قلبي على بنت ابني.


احمد (بحزن): الحمدلله ي امه امر الله مانفعل.


علي: له الحمد على كل حال.


رؤى (بتبكي وتتأسف من عمها): انا اسسسفه كله عملي...انا اللي ططلعتها الجباء ووقع فيها هذا كله...(وجت حضنتها اختها رشا).


نايله(وهي بتبكي على بنتها): ي روحي انتي لاتزعلي روحش ولا هذا مقدر انه يوقع في ساره من يوم ماخلقت.


احلام(بحزن): جعلي مكسر عليها كنا نفتجع لاتصق رجلها وانه جت لها حاجه اخس من رجلها.


فايز: امر الله ي اختي، مامعنا الا انه نحمد الله ونشكره.


نجوى: من عندها ذلحينه.


محمد زوج نجوى: عمار ورأفت ولجين بنت اختي عاتقه.


نجوى: ليش ماشليتوني معاكم كنت شجلس عندها انا.


عاتقه: ذلحينه شلونا وانسير نجلس عندها ماشفلتهاش وحدها.


علي: ماعدبش زياره هذا السع غر خلونا نجلس حين احمد اخي دكتور ومعروف.



في المستشفى....

(عمار ورأفت خرجوا يشتروا عشاء ...ولجين خططت هي وعمار ان مجد يدخل يبسر ساره)


مجد (دخل للغرفه وعيونه متعلقات بساره ودموعه بينزلين بدون شعور وبيحس قلبه ضعيف ومشو قادر يتحكم بشعوره واحساسه وهو بيبسرها بحاله يرثى لها، الاجهزه من كل الجهات بتحيطها والاكسجين في وجهها والمغذيات اللي في يدها ، قرب لاجنب سريرها وجلس على كرسي، وبيقرب يده يمسك يدها الباااارده، وسحب يده بسرعه وطرحها في راسه وبكي بحرقه): ليش يا ساره مابتظهري قدامي الا وانتي في وضع يعجزني ان انا ابسرش فيه...ليش تشتي تخلي مجد يظهر بشخصيه غير شخصيته...ليش بتخلي مجد يبكييي ليششش.


لجين (بتسمع مجد بيبكي بقوه في الغرفه دخلت لاعنده): ...

























📚 @rewayatyamania 🇾🇪

البـارت 27 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


لجين (بتسمع مجد بيبكي بقوه في الغرفه دخلت لاعنده): مجد صلِ ع النبي ي اخي اهدأ انت رجال والرجال مايبكوش.


مجد (وهو بيبسر ساره وعيونها دموع): ليشش مايبكوش او مابش معاهم قلب ومابيحسوش خلاص لاقد احنا رجال مابش معانا مشاعر ولامعنا قلب.


لجين (ذكرت ايمن اول ماقلها هذه الكلمه قبل سنه من فراقهم...وبسرت ساره بنت خالها وانهارت بالبكاء).


عمار (دخل للغرفه): قلنا انش قويه عتجي تهدي الوضع وانش بتبكي معه والكل.


لجين: ماقدرت ابسر بنت خالي في ذيه الوضع.


عمار (حضن اخته وبيوجه كلامه لمجد): هياا مجدي جي ننزل نتعشى رأفت بيعامل مع الدكتور وايجي ذلحينه ولجين تجلس تتعشى لها هنا...(ومد يده لمجد).


مجد (مسح دموعه ومسك يد عمار وخرجوا): انتبهي لها ي اختي.


لجين: حاضر ساره اختي ماشسخاش عليها.



في بيت علي الساعه7:40 صباحاَ.

بعد ماصحي الكل من الكابوس اللي عانوه الليله الماضيه ومازال مستمر...


احمد: هيا قطبه البسين امد مادفي السياره.


احلام: عمو قدنا جاهزه.


عمها محمد: اللي جاهزات يطلعين في السياره.


فايز (قام من صباح الصبح وهو مصحصح).


رشاد: انتوا مركزين على حاجه او مع.


رؤى : ايششش.


رشاد: فايز قام من النوم.


فايز (بيبسر رشاد باستفزاز): ساره اختي واي شي يضرها عيضرني معاها.


عادل(خرج من الحمام وقده جاهز): صدق والله ساره اختنا.


رشا: الله يحفظنا ويبعد عننا كل شر والباري مايفجع علينا قلب بإذن الله.


الجميع: ياااااارب.


الجميع جهز وقدهم في السياره متجهين للمستشفى عشان يبسروا ساره...



في المستشفى الساعه 8:00.

رأفت (متمدد في سرير جنب غرفة ساره وعاده مارقدش) .


لجين (جت وفي يدها اثنين قلصات شاهي): صباح الخير اديت لكم شاهي اميد تصحصحوا.


رأفت (بحزن وعيونه حمر):تسلمي ي بنت عمتي اتعبناش معنا.


لجين: الله المستعان احنا اخوه مابش بيننا هذا الكلام.


رأفت: الله يحفظش (وشل الشاهي وباقي القلص الثاني في يد لجين): بس لمن الثاني او ماقد اصطبحتي.


لجين: الا الحمدلله اصطبحت انا وعمار باقي غر انتوا... وهذا الشاهي اديه لمجد.


رأفت (نسي ان مجد معاهم وركز بعد كلام لجين): مجد عاده هناااا انا قصدي انه روح.


لجين (بتاشر لرأفت يبسر مجد اللي جنب الطاقه): هوذك جنب الطاقه من امس وبدون نوم.


رأفت (استغرب وسار لاعنده): خلاص شامكنه الشاهي وانتي اجلسي عند ساره.


لجين: حااضر شاسير ذلحينه.


رأفت(مسك كتف مجد): انا اشهد ان حسان ابن عمي حين كان يمدحك انه مدح الشخص الصح.


مجد (بسر رأفت): قد احنا اهل.


رأفت: هذه المره الثالثه تساعد اختي وتوقف معنا...اشكرك من اعماق قلبي وماشقدر ارد جميلك هذا لو مهما كان.


مجد (حضن رأفت): الله المستعان.


رأفت: الشاهي عينتعث فوقك.


مجد: ههههه قد حسيت الحمى في ظهري.


رأفت: هههه ماانتبهت والله سامحني بدل ما ارد جميلك شحرقك.


عمار (دخل وهم بيضحكوا على الشاهي اللي نصه في ظهر مجد وفي يده صبوح): مابشش شي ذلحينه اخلس الجاكت ي مجد واشرب هنيئاً مريئا.


مجد:ههههه اهلاً ي صباحه اي حين قمت.


عمار: قبل نص ساعه قيمتني الهرمه قالت قدي جاوعه...ومعي لكم خبر قوه.


رأفت (بفرحه):سااااره.


عمار: ايوه ساره فاقت قبل شويه.


(مجد ورأفت اتنابعوا لاعند ساره).


عمار (☹️):هذ وانا اللي حاكيتهم بالبشاره...ريعووووا لي ي يهود (ولحق بعدهم).


الجميع وصل للمستشفى وساره اخيراً فاقت من الغيبوبه وقد الكل فارح ومجد اللي كأنه ملك الدنيا ومافيها حين بسر ساره فاقت.


مجد (اتصل لامه): اممه.


ام مجد(انتبهت لصوت مجد انه فارح): امي وروحي...وانا فدا للصوت هذا.


مجد: انا فدالكم انا.


ام مجد: بشرني.


مجد: فااقت...وهذا بفضل الله ثم فضلكم وفضل دعواتكم.


ام مجد (سجدت): ييوه يارب لك الحمد ولك الشكر.

.
.

في بيت ايمن...

الساعه12:09ظهراً.

ايمن: جده شاسير ابسر لي لابه شغل والا شي ، ماتشتوا ادي لكم معي.


جدة ايمن: سلامة روحك اهم شي لاتتأخر.


ايمن: حاضر وانتوا اوبهوا لنفسكم خييييرررررات عاد انا بحاجتكم.


جدة ايمن(بنبرة حزن): ماعاد جالسه في هذه الدنيا الا اميدك.


ايمن (بضحكه حزن): هههههه عتذلوني ياجده.


جدة ايمن: ماعاش اللي عيذلك.


ايمن: اي والله صدقتوا (وقرب لاجنب جدته وحضنها).


جدة ايمن: استودعتك الله الذي لاتضيع ودائعه.


ايمن:وانتوا كذلك.



دائماً يجب على المرء ان يعلق امالهُ
بالله حتى وإن تكالبت عليه الهموم ك الجبال🤍💙.













https://t.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 28 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


في بيت علي....

نجوى (بتجاوب التلفون): والله مااقلكم الا كل خير البنت قدهي موافقه وابوها واعمومها موافقين غر وقع معانا ظروف ماقدرناش نردكم نابي.


ام وليد: الحححمدلله اهم شي حين وافقتوا...واي حين ماتشتوا حددوا وقت واحنا انجي.


نجوى: ان شاء الله مايقع الا كل خير شرجع اتصلش لما تخرج بنت احمد من المستشفى.


ام وليد: ييووه سلامات مالها.


نجوى: الله يسلمش غر الكلى عندها تالفهه والثانيه فيها حصوات وعلى الله عادهي في المستشفى.


ام وليد: يوووه ي عيبا عادهي صغيره على المرض، المهم قلدكن الله لوتشتين شي والا شي حاكيتونا قد احنا اهل.


نجوى: تسسسلمي ماتقصري الكلمه تكفينا.


ام وليد: يله كان خاطرش(وقفلين).



فايز: من عيسير اليوم عند ساره.


سلوى: نايله ولجين عيجلسين عندها ومدري.


فايز: والعيال.


سلوى: رأفت ومجد وعمار.


فايز (بضبح): وللمه عاد مجد واحنا مابنفعل هنا.


سلوى: ومافيها لاجلس مجد قدو ساع اخوها.


فايز: اخووها والا مششش اخوها مايسبرشش.


سلوى: عيب عليك مابيوصلنا الا هو بالسياره اكيد الرجال ماعيخليش سيارته عند احد.


فايز: الله كريم يجرها مش احنا بحاجة السياره حسستوني مدري ماقد عيطرح.


هاشم (سمع فايز بيصيح): مالك بتصيح ي غرنديزر.


فايز: وانت اسمع لك اخر الاخبار قلك مجد مع البنات في المستشفى.


هاشم: ومافيها يحسب الله وهو اللي بيشلنا ويدينا.


فايز: حتى انت قد غسلوا عقلك.


هاشم(مستغرب): مااحصلك وعادك بتمدحه امس.


فايز: هه هذك امسسس...فعل ماضي.


هاشم: عيب عليك مايسبرش تقل هكذا مجد رجال.


فايز: هههههجعني نصه غر هوكه على الفاضي.


حسان ( عاده وصل من خارج وسمع فايز بيتجابر هو وهاشم): منو الفاضي.


هاشم(يشتي يغير الموضوع): ههههه قصده العلبه حق النيدو.


حسان (بيبسرهم ومش مقتنع): وللمه الاخ قالب صورته هكذا.


هاشم: ضابح حين مابش معه حق القات.


حسان (طرح يده وراء ظهره): ومن اي حين قد بتضبحوا اميد مابش حق القات ي استاذ فايز.


فايز (باستفزاز): مشو اميد حق القات ي اخ حسان.


حسان: كان على ميد مه بتقلب صور (ومسك يد فايز): اسمع انا مايعجبنيش قلاب الصور.


فايز (بعد يد حسان): فك لي ي مرتاح عيجي يفرض نفسه عليا.


حسان:الله الله وقد بتقدر ترد والكل.


فايز: اييووه اقدر ارد او مامعاكم لسان الا انتوا بس.


حسان (بيصيح لامه): امااااه مايشتي ابنش هذا السع.


سلوى: فااااييز عيب عليك هذا اخوك.


فايز (بصياح): عييب عليا انا اما هو ماااشششي على راسه ريشه.


حسان: لِك ليك على كلام (ومسك فايز من رقبته): تأدب بين اقلك احسن ماقلع رقبتك.


فايز (بضبح بعد يد حسان): ي اخييي مادخلك فك لي اختص بنفسك بس.


حسان: ككييف مادخلني وانت بتجاوب على امي هكذا.


فايز (باستفزاز): انااا ححححر مالكش دخل مني.


حسان (بدون مايراجع نفسه مد يده وفعل لفااايز ملططام): احترم نفسسك... قلليل ذووق.


فايز (رجع الملطام لحسان): والله ماقليل ذوق الا انت ومن بتصاحب.


حسان (نرفزه كلام فايز وهجم عليه).


هاشم (بيحاول يفرع بينهم ماقدرش).


سلوى (بسرت جهالها بيتضاربوا رجعت تبكي وتصيح لرشاد اللي ماكان موجود في البيت الا هو وهاشم).



مجد وعمار (عادهم وصلوا عاتقه ونايله للبيت عشان يرجعوا يشلوا الغداء للمستشفى وصلوا على صياح حسان وفايز والمقلاعه اللي في البيت).


رشاد وهاشم (بيحاولوا يفرعوا بينهم).


احلام (بتبكي على اخوتها حين بيتضاربوا).


عاتقه (وهي بتنزل من فوق سيارة مجد): هذا صوت صياح في بيت اخي علي انزلوا ي جهال ابسروا مابه.


مجد: اي والله هذا صوت حسان بيصيح شكله قد جاء.


نايله: تقلوا قد احلام بتتولد.


عمار: خلاص اخطين وانا شلحق بعدكن.


عاتقه ونايله (طلعين البيت ولمى مرة حسان بتبكي في الدرج).


عاتقه: لمى مالششش ي روحي (وسمعت صوت الضرب).


نايله(بخوف): هذا حسان بيضرب فايز اطلعي نبسر مالهم.


حسان (بيضرب فايز بدون استيعاب وهاشم ورشاد بيفرعوا ماقدروش).


سلوى (ببكاء):اينو عمار ومجد يجوا يفرعوا.


عاتقه(حملت بسرعه للطاقه تصيح لمجد وعمار): عمااااااار اطلعوا افرعوا حسسان عيقتل فااااايز.


عمار ومجد ( افتجعوا وبسرعه اتنابعوا للبيت).


مجد (بيطلع وراسه منزل للارض): الله الله تغطين.























📚 @rewayatyamania 🇾🇪

البـارت 29 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


مجد (بيطلع وراسه منزل للارض): الله الله تغطين.


رشاد: ججي هكذا ي تغطين.


مجد (بسر حسان بيضرب فايز حمل مسك حسان هو وعمار من وراء ظهره): زوجناك تعقل وانه خف عقلك.


حسان (بصياح وهو بيضرب مجد لانه ماسك له): فكككك لي واقسم بالله لااقتله وادفنه بيدي هذا القليل الذوق.


مجد : بسسس ي شجااع قذا قتلته ماعاد تشتي.


حسان: اشتي يموت على يدي(وبصياح وبيحاول يفتك من مجد) بين اقلك فككك ليي.


فايز (باستفزاز وصياح): هذاا اللي كان ناقصص كله عملك ي اخ حسان.


مجد وعمار ( بسروا بعض ومستغربين).


حسان: اشههدوا ي جماااعة الخخير والله لااقتله (وقرب يضربه من جديد).


مجد (مسك حسان): بس عيب عليكم والله ان انتوا ماتتسموش اخوه قلدني الله.


فايز (بضبح): مششوو عليك انت اخرج من قبالي.


حسان (بسر مجد، ورجع هجم على فايز): ككيف مايدخلش هذا اخيي اخييي (مسك فايز من الفنيله وسحبه منزل): اخررج انت ماقدهوش بيت ابوك وحدك بتخرج من تشتي ولما تتعلم الادب.


مجد (اقتهر من كلام فايز): انا غر طلعت افرع والله ماحسي من شي ثاني.


حسان (بيحاول يبرر موقفه قدام مجد): والله لو تخرج ماازيد احاكيك.


هاشم: مجد والله لوتخرج مانزيد نحاكيك كلنا.


مجد (شل نفسه ونزل... شغل سيارته وفحححححططط).


رشاد وعمار(لحقوا مجد ).


حسان (الضبح سيطر عليه سحب فايز ملان الدرج وهو بيصيح): بيطررد من يششتي وانا والله ماتجلس في ببيت ....اخررججججج ولاازيد ابسر لك صوره هنا لااقتلك.


فايز (بعناد): انت هكذا يعجبك تطرد اهل البيت عشان تدخل الغرباء والشوارعيين.


حسان (بضبح): ححررر ادخل اللي اشتي.


سلوى (بتبكي) : حسسان اخوك ي ولدي قوا لكم لاتقهروش قلبي.


حسان: بتسمعي يا امه على قد كلام.


سلوى: مشتا ابرد منه عادو غاوي.


حسان: والله ماغاوي الا انا لكن والله لاارويه العين الحمراء خلوا ابي يجي وهو يبسر..




في المستشفى...

لجين: بس لو ادرى انش تتحاكي ي ويلش.


ساره (بتعب): ههههه والله مااقل لاحد.


رأفت (دخل لاعندهن): سسارونتي كيف قدش ي روحي.


ساره: قدنا الحمدلله بخيره على ماكنت امس.


رأفت: الحمدلله.


لجين: اين جوا مجد وعمار تأخروا وقدنا جاوعه.


ساره (تجمدت حين سمعت اسم مجد وبارتباك):مججد ....وين هو ااااا قصدي من هو.


لجين: مجد صاحب حسان ابن خالي...لو تبسري على ولد محتررررررم غر قعشه.


رأفت: ايوه صح نسيت ماقلش.


ساره: ماتقلي.


رأفت: مجد ذيك اللي ساعدش حين غازلوش الشباب في الجبل قبل مانجي بيت عمي.


ساره: هاااااه داريه.


رأفت: ككيفه؟


ساره (انتبهت لكلامها وبتحاول تعدله): هاااااااا امانه صصصووودق.


رأفت(مستغرب ): مااااهو هاااااااا خبلا قلدني الله.


لجين : ههههههههه ي رحمتاه اثرت عليها الكلى.


رأفت (بهرر فوق لجين).


لجين: ااا قصدي اثر عليش المستشفى المستشفى.


ساره (ودموع ملان عيونها): ماااااهو.


رأفت: ولابه شي لاتصدقيش لها.


ساره(وقدهي عتبكي): رأفتت ماافيني ليش بتخبي عليااا.


رأفت(بحزن) : ولافيش شي انتي بخخخيره لاتصدقيش لها.


ساره (بكيت): والله ان به حاجه وماتشتوش تقلوا لييي.


لجين (قربت تحضن ساره وبتبكي): سعليش ي روحي انتي عتفتهنيي بإذن الله.


رأفت (بيحاول انه مايبكيش قدام ساره): تأكدي دام وانا جنبش ماعيوقع فيش حاجه.


ساره(وهي بتبكي وبتعب): يعني فيني شي بس ماتشتوش تتحاكوا.


رأفت (بيحاول يهدئ ساره): التهابات في الكلى بس من البرد وحين مابتشربيش ماء خيرات بس.


ساره (ببراءة): قل والله.


رأفت (قده عيحلف قاطعته دقة الباب).


لجين (تبرقعت).


: (بسرت ساره وحملت تحضنها وهي بتبكي وتحبها) : جعليي مكسسسر عليشش فيني ولافيش ي روحي.


ساره (بتبكي):من غير شر علينا الثنتين.


رأفت (نزل راسه وقده عيخرج): استأذنكم.


ساره: ميسس صلِ ع النبي انا بخيره وبين احاكيش مابش فيني شي.


رأفت(سمع اسم ميس وعيونه تحولين لقلوب😍 وحاول يبسر عذر عشان يرجع): ساره قال الدكتور ابسر المغذيه لوهي تشتي تغيير.


ميس (بتبكي ومتعلقه في حضن ساره): ولو تخيلي وقع شي لاسمح الله.


ساره: ماعيوقع اسكه قلي لي وانا معي صاااحبه ساع العسل مابتفلتنيش من دعواتها.


ميس(خفعت راس ساره): مشو عليش ذيه الخبر ادعي والا مادعيش ليش مابتوبهي لروحش.


ساره: احنا ماقلنا....كله بامر الله.


ميس: اكيد ونعم بالله.


رأفت (منسجم معاهن): ونعم بالله.


ساره ولجين وميس (بسرين رأفت).


ميس (انتبهت لرأفت وخززيت): يووووه والله ماانتبهت ان هو هنا قد طلعت ساع المجنونه.


ساره: هههههه سهل ي سعم انه عياكلش.


رأفت (بصوت منخخخخفض): ياريت.


ميس: ايشش؟.


رأفت(بارتباك): ...















https://t.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 30 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


ميس: ايشش؟.


رأفت(بارتباك): هاه ولاشي.


ساره: جي جنبي وجابريني قدلي منش من حين ماعطلنا.


ميس (بتتحاكى بصوت منخفض): اشتي افتش قد شطفح قلي له يخرج...

(ميس مش داريه ان رأفت اخو ساره).


ساره: هوذا شويه وعيخرج.


لجين: عرفينا ي ساره.


ميس: بدون ماتعرف بدون شي شاقلش انا ميس صاحبتها اللي اين ماسارت ساره وانا بعدها بعدها.


لجين: جيتي في الحفله حق عيد ميلاد ساره.


ميس (بدلع): ييييبب.


لجين: لاتقلي لي انش تيك اللي كانت لابسه فستان بيج ساع حق ساره ورافعه شعرش وهو شويه مصفر وانتي بيضضاء وعيونش عسلي.


ميس (بخزاء): ههههه ايوه انا ....هذه قدي مغازله.


لجين: هههههه حيا بشش (وقربت تسلم عليها).



رأفت (ذكر يوم حفلة ساره...)

قبل شهر....

رأفت : ضيعت كتبي وضيعت شنيطي ولاعاد خلت لي حاجه.


مازن: وطي صوتك لان البيت ملان ناس.


رأفت: عرس من.


مازن: هاهاهاا ي زباج اليوم عيد ميلاد اختك.


رأفت: قلدك الله ....والله مالي علم الا ذلحينه.


مازن: لانك فاضي لنا.


رأفت (خفع مازن في راسه): بس ي لقانه.


مازن: نااههي...مابتدور.


رأفت: حقي الكتب...اطلع لاعندها قوا قلها اين طرحتهن تاخرت والخبره مريعين لي.


مازن: بشرط؟.


رأفت: ياالله احنا والشروط...تفضل ...بس شرط ساع الناس؟.


مازن: شرطي انك تشلني معك عند الخبره.


رأفت: ههههههههه انا شاسير اخزن واذاكر عتجي تخزن معي.


مازن: مشتيش اخزن شجلس سكته لانه لو اجلس هنا ضبح ونسوان عيجلسين غر يرقصين ويتسيمجين.


رأفت: خلاص ولاازعلك اطلع حاكيها والحقني.


مازن: والهديه.


رأفت (خفع راسه): اووووف والله نسيت.


مازن: قد اعدتنا زهايمر وهي بتتحسن.


رأفت: ماديت لها انت.


مازن: اشتريت لها فستان على ذوق امي.


رأفت : وانا ماشتري لها صندل على ذوق ابي.


مازن: هاهاهاها زباج.


رأفت (خفع مازن): بين اجابرك صدق ي ظريف ...فكر معي مانشتري لها.


مازن: امممممم اشتري لها غلاف تلفون نفس اللي عجبها او قد اسمك مصور كنت عتفعلها جلسة تصوير.


رأفت: ااااااففف ي خطير امانه ان معك عقل يشتي له مصادره.


مازن: قل ماشاء الله.


رأفت : هههههه ماشاء الله...اطلع ادعيها لي الان اعيد عليها وشرجع اصورها حين نروح.


مازن: شطلع احاكيها وانت ريع هنا واول ماتنزل افعلها مفاجأة تمام.


رأفت: تمام...بس مالابسه.


مازن: فستان ساع هذا اللون (واشر لاعند لون الكنب اللي لونه بيج).


بعد نص ساعه نزلت للمطبخ عشان تشل سكينه وشوية صحون ...جسمها متنااسق ولابسه فستان بيج بيضاء وشعرها اشقر ورافعه له لافوق وشكلها تحفه.


رأفت(بسرها وبيخطى بهدوء).


مازن (واقف في الدرج بسر رأفت بيقرب فتح فمه وتجمد).


رأفت(بيصفق ويرقص): اختتي كككل سنه وانتي طيبه ي عزيزتي وككل سنه وانتي اضضضخم واحده في حياتي وكل سنه وانتي اول مززه في بيتناا وانتي ملكة واميرة البيت كل سنه وانتي بخيره ي رروحي(وقرب حضنها من وراها).


ميس: تجممممدت وانشلت حركتها.


مازن (طرح يده في فمه ومازال متجمد وماتحركش).


رأفت (مواصل المدح والغناء).


ميس (افتجعت غطت وجهها بالشال كان في يدها وهي مغمضه ومابتتحركش).


رأفت (لف بميس لاعنده وبسر ان الملامح مش نفس ساره عيونه سرجين): سسااره.


ميس (عيونها مغمضات وبتبسر منزل): مشش انا ساره الله يقلعك ي وقحح(وحملت لاطالع).


مازن (بسرها بتطلع وهي ضابحه): انا اسسسفف نسيت ان هي لابسه هي وساره سوا.


رأفت (متجمد وخازي من الحركه اللي فعلها).


مازن (بيهز يد رأفت): ووو رأفت قد كمل المشهد وعادك متأثر.

رأفت (حضن مازن وهربوا).


قاطع خيال رأفت صوتها.

ميس: لو سسممحت.


رأفت (بفرحه وعيونه مسرجات): هااا مالش.


ميس: وين حسسك من اول بنصيح وانت في علم الله.


رأفت: ماسمعتش والله ماكنتي تشتي.


ميس: جي نظف تحت السرير هذا ابسر على قد وسخ...اتشي ادرى ليش بيدوا لكم معاشات اميد تجلسوا وتأنتروا بس.


رأفت (بقق عيونه من كلام ميس): اين سرير واين معاش مالش بتربشي.


ميس: وعادك بترد مابتستحيش.


رأفت (مستغرب): مالهذه.


ساره ولجين (بيضحكين وبدون كلام).


ميس: مااالي حسستني مدري مابين اقل.


رأفت: الله يشفيش.


ميس: مابسرتنيش مجنونه.


رأفت (خفع راسه): لاحول ولا قوة إلا بالله بس.


عمار(بيدق الباب): الله الله.


رأفت: ادخخخل.


ميس (بهررت): ككيف ادخل من قد يقلوا لك يا باشه.


رأفت: ساره عتحاكيها والا عتجلسي تتكركري.


ساره (بتضحك وقد عيونها ملادن دموع من الضحك): ماااقلهاا مالك.


رأفت: قلي لها ان اناا اخوش ان انا ابن الجيران ابن الكلب ااي ششي دبري روحش.


ساره: ههههههه هذا اخي مشو منظف هيا ماعاد تشتي.


ميس (خزيت ونزلت راسها للارض وبصوت منخفض):...















https://t.me/rewayatyamania/43878







📚 @rewayatyamania 🇾🇪

😔


بارتـات يومنـا الخميـس 👆🏻😍

البـارت 31 ``

ليتهـا لـم تصحـو 😔

👌🏻👇🏻 😍
📚 @rewayatyamania 🇾🇪


ساره: ههههههه هذا اخي مشو منظف هيا ماعاد تشتي.


ميس (خزيت ونزلت راسها للارض وبصوت منخفض): ياااااللهوي والاحراج ليش ماتتحاكي ي كلبه وانا من اول بين اتفلسف.


ساره: قصدي انش تعرفيه.


ميس: والله مالي علم...العفو منك ي اخي والله مانا داريه اسفه.


رأفت (ضحك وبيتحيلا لميس): عاادي حصل خير.


عمار (بيدق الباب بقوه): بنننقلل الله الله ي جن.


رأفت: الله اكبر عليك ادخل ي اخي كسرت راسي.


عمار (دخل وهو ضااااابح): السلام عليكم.


ميس: استاذنكم خاطركن ي بنات تشتين شي.


رأفت: اين عتسيري اجلسي والله ماتتحركي انا شخرج انا وياه ذلحينه.


عمار: العفو منش ي اختي اجلسي والله مانتبهت قدنا مربوش.


رأفت: مالك ضابح.


عمار (بدون مقدمات): حسان وفايز اتضاربوا.


ساره (سمعته افتجعت): عيال عممي اتضاربوا لليششش.


عمار(مش مركز): اميد فايز بيتغروق فوق مجد.


ساره (اتفاجأت): ليششش مابه.


عمار (ركز على كلامه): ولا شي خاطرش شويه وعنرجع(وخرج هو ورأفت يبسروا مجد).


ساره بتتجابر هي وصاحبتها ميس وحسها عند مجد وايش حصل مع عيال عمها.

.
.

الساعه 8:35 مساءً والجو مطر.

في بيت علي...

علي ( بعد ماوصل من العمل هو واخوته طرح حسان وفايز في غرفه وغلق عليهم).


هاشم: لاي حين عتخلوهم هكذا ي عم.


علي(بيرفع صوته): لما يتأدبوا.


احلام: يابابه ماعيتادبوش كذيه مابلا خليهم قبالك وصيح فوقهم.


احمد: ابوش الله يحفظه بيفعل نفس تصرفاتي ابي حين كان يعاقبنا هكذا.


الجده: انتوا عاد كان ابوكم يطفي عليكم السراج ويخليكم بغير اكل يوم كامل...اما هذا عادو فاتح لهم التلفزيون وعندهم العشاء


رشاد: كيف هي تيه الحركه ماقد سمعت بها.


محمد ابو رشاد: اخليكم تجربوها عاد باقي مكان فاضي.


هاشم (بخوف): ماااشششي من قال.


الكل: ههههههههههههههههههههههه.


علي: اسكه جوا ياسعم انكم عتتوسطوا لهم لاعندي وانا شاخرجهم بضمانه وشرط.


احمد: شاتوسط لهم انا.


محمد: خلاص هيا قدلهم من الساعه 5حتى ماقد صلوش.


لمى (بتضحك هي واحلام ورؤى ورشا على حسان).


رؤى: ههههههه انتوا داريين ان عمي خزا بحسان قبال مرته.


سلوى: ههههه تتعود هي والكل اميد لارجعوا تضاربوا تفعل حسابها ان هي عتنحبس.


لمئ (بخزاء): هههههه من قلكم ان انا شتضارب انا وياه.


سلوى: هههه الله يحفظكم...هيا جي توسطي لزوجش اميد يخرجه من االمكان.


الكل سار يبسر حسان وفايز من الطاقه...لان الغرفه اللي هم فيها معاها طاقه للمجلس).




في المستشفى....

عمار: وذلحين مغلق والكل.


رأفت: ي اخي جرب اتصل لاعند امه ماعيوقع.


عمار: ماايسبرش وبعدا ما اقلها ابنش حنق من فايز ورحله.


رأفت: امممم صح خلاص اتصل لارقم اي احد يعرفه.


عمار: محد يعرفه غيرنا.


ساره(بتهمس للجين) : سيري اسمعي مابيقلوا.


لجين: ايوه ولو مسكوني ما اقلهم هي ساره بتسمعكم.


ساره (بتترجى لجين): قوا انا فدالش والله مايتحاكوا.


لجين : هذه المره بس لانش مريضه.


ساره: ايوه تمام.


لجين (قربت تسمع عمار ورأفت).


ساره (فتحت تلفونها ولقيت رسائل من مجد)....


قعشة♡: لاغيبش.

قعشة♡: اوعدش اول ماتتعافي ان معي لش مفاجأة عتفرح قلبش.

قعشة♡: سسساره هذا اليوم الثاني وانتي ماقد فقتي... امانه عليش لاتتعبي قلبي وحاولي تتعافي بسرعه وتقاومي المرض.

قعشة♡: الحححممدلله على سلامتش ي سعادة وفرحة مجد.


ساره (بسرت رسائل مجد ودمعت من كلامه وخوفه عليها وذكرت انهم بيدوروه فعلت له رساله).


: مجد الكل بيدورك وبيقلقوا عليك...لوسمحت اذا رسالتي عتوصلك اتمنى ترد.


(جلست نص ساعه ووصلت لها رساله).


قعشة♡: انا موجود لاتقلقيش...بس شختفي عشان سلامة عائلتش.


ساره(فرحت حين جاوبهاا مجد): كيف جاوبتني وهم بيتصلوا لك وهو مغلق.


قعشة♡: عندش رقم وعندهم رقم...انتبهي تحاكي احد اني رديت عليش مشتيش ازعج احد.


ساره: ماشاحاكيش احد بسس اذا كنت فعلاً قاصد للكلام اللي في الرسائل اتمنى انك تجي لان قد لي خيرات مابسرتش القعشه.


مجد (بسر رسالتها وضحك): ههههه شاحاول قدر المستطاع عشانش مش عشان احد.


ساره: شبسر معك ساعه من ذلحينه...انتبه على نفسك.


مجد: حاااااضر وانتي انتبهي على نفسش.




في بيت علي....

حسان(ضابح وطارح راسه فوق المدكى): اقلب القناه الثانيه.


فايز (لارد).


حسان (بسر فايز وبضبح): بنقل اقلب القناه الثانيه.


فايز (باستفزاز): قد زوجناك ومعك غرفه وحدك سير غرفتك.


حسان: او بتحسدني على الغرفه والكل.


فايز: تماس.


حسان(رجم فايز بالقلص وماجاش فيه): بنقلك عدل اسلوبك انا شاعدل راسك.


فايز (بصياح وقهر): ...




في صمتي كلام لم استطيع ان ابوح به وفي قلبي انت لا محاله💙🤍.






















📚 @rewayatyamania 🇾🇪