البـارت 69 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


رؤوف بلع ريقه ويشتي يخرج


ابو رؤوف : اذا شليت لداتك وخرجت انسى ان معك اب وبيت واهل... وانا محمد الكاسر وما ارجعش في كلمتي وانا من اليوم نسيت ان معي ولد واسمه رؤوف وبسر لعند مرته... قربي لنا الصبوح هيااا...
.
.

عبد المطلب بكرر من صباح الصبح خرج قبل ماتقوم امه وقف باب بيت محمد الكاسر وهو مش داري ما اداه لعندهم اللي هو عارف ومتاكد منه انه مش راضي بحالة اخته وضروري يفعل اي شي...
نزل وبدا يداعي محمد ويدق الباب


عند ذياب اللي وصل فتح سيارته اللي ماتقلش عن سيارة رؤوف وبيبسر باستغراب لعند عبد المطلب...


محمد مقهوور من رؤوف واول ما سمع صوت عبد المطلب بيداعيه كرره نفسه وكره جهاله اللي بس يدوا له المصايب وماعرف ايش يفعل... توجه يفتح وهو بيهم اين يسير بوجهه من عبد المطلب


رؤوف خرج بعد ابوه...


عبد المطلب بسرهم كلهم موجودين وصورهم مقلوبه كلهم استغرب ودخل بعدما قله محمد يدخل


محمد بيبسر رؤوف خارجي مع ذياب ويقتهرر من داخل قلبه فعلاً حسس انه ولا شي ولا له معزه ولا قدر عند رؤوف ابنه البكر واللي بيفتخر به


رؤوف بسر ذياب بنظرات حيره وبسر ابوه وماعاد قدر يتحمل نظرات ابوه له اكثر من هكذااا وتكلمم بقهر : افعععل مشتيت ي بااه... وما عاش من يكسر كلمة محمد الكاسر... انا بعدك وانت افعل اللي يريحك افعل اللي تشتي وانا بعددك وخرجج


محمد ابتسمم ولو ان هو عارف انو مغصوب بس ولو حياة البنت وسمعتها اهم من رضاه والا زعله.... خصوصاً انه صرح له يتزوج بعدها حتى باسبوع اهم شي يتزوج بها ويسترها ويبعد عنه تأنيب الضمير...


عبد المطلب وذياب مستغربين من الالغاز اللي بين رؤوف وابوه...


ذياب لحق رؤوف في اخر لحظه تذكر انه خلاى المفاتيح في سيارته اشر له بمعنى راعي وقدو بيريوس يشتي يدور طلع ذياب وهو خااايف من رؤوف والضبحح باين في وجهه...


رؤوف زرر السياره ومشى وفحط لوما سمع الحاره كلها تفحيطة السياره .........

.
.

لا بأس يا ورد ..، أحيانًا يُبتلى الإنسان بحُزنٍ لا يَعرِف مَداه ..🖤🥀


قامت الصبح من فراشها وماتشتيش تقووم اين تسير اين ما خرجت الكلام نازل عليها من كل فم واللي يقذف واللي يطلع اشاعات ومن طبيعة البشر يزيدوا فوق الكلام كلام... تنهدت وما عرفت اين تسير حتى الاكل ماعاد نزل لها بسرت نفسها في المرايه ورربي رغم ذبول ملامحها الا ان صفات الجمال مغروسه فيها غريسه، بسرت جسمها النحيل بعد كل مامرت فيه وعيونها الرمادي اللي بيلمعين من كثر البكاء، اتحسست وجهها برضى وحمدت الله انها ماتشوهت في وجهها وان هو بس مجرد ندوب صغيره ابتسمت ابتسامة جانبيه ابتسامة تعب وحمدت الله على حياتها وما فيها... ومسحت وجهها وعيونها بيداتها مشي عارفه ايش بيحصل وكل شي حدث فجأه بس اللي تعرفه انها من كثر الالم ماعاد بتحس واللي تعرفه انها تعلمت الصبر الصبرر على كل شي.. ومستغربه من نفسها ومن القوة اللي بتخليها تقوم من فراشها بعد كل الالم اللي بتحس فيه....
.
.

في بيت محمد الكاسر:
عبد المطلب وعيونه قد عيخرجين من الصدمه والقهرر: ماهووو ما بتقل ماهو هذا الجنان من يتزوج من.... والله لو ابنك هذك السامج واللي حاسس نفسه ملك زمانه اخر رجال في العالم ما ازوجه اختي وشقيقة ظهري....


محمد وقد عجز يقنع عبد المطلب اللي بيحسه ابنه من احترامه له وتصرفاته بعد كل شي جاء منه ومن عائلته : يا وليدي الله يرضى لي عليك... لا تفكر في نفسك بس وتظلم البنت... لا تكونش اناني ما عرفتك هكذا


عبد المطلب بقهرر وصياح: اناني مه كل شي حصلها وبيحصلها من تحت روسكم انتم وعادو جا يقلي اديها لا هانا وعند من اكبررر مغرور في العاصمه يجلس يهينها ويعيرها احلممم، والا ايششش اديها عند هناء اللي يمكن لو تبسرها لا تنهيها من حيا على الفلاااح... انت بس اتقرص العافيه لك ولجهالك انا عاد انا محترمك لا ذلحين والا انا شاوريكم وجهي الثاني اعتبره تهديد خليكككك بعيددد من اختتي يا محمد خليكككك بعيددددد ومشى....
.
.

ذيااب في قمة خووفه وقمه ضبحه شحب من كثر ما صيح للادمي اللي قدامه وهو مطنش ويزيد اكثر...

ذياب بصياااح: رررررررررؤؤؤؤووف دلاااااااا من الجناااان عتصدم بنا بين اقلك جنب


رؤوف وعروقه باينات وانفاسه بتتسارع والصياح باب حلقه وكاتممه من اول بس خلاص ماعاد قددر و.....









https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 70 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


رؤوف وعروقه باينات وانفاسه بتتسارع والصياح باب حلقه وكاتممه من اول بس خلاص ماعاد قددر ومسكك وهو في اقصى سرعته لما لصصين التواير عرض الزفلت وصصصصاح: لييييييييييييش ليييييييش انا بالذات يا ذييييياب لييش!!!؟؟؟


ذياب تنهد براحه بعدما وقفت السياره ما كان بينهم وبين الموت الا شعررره... سمع صوت رؤوف لوما اختزقت اذنه اول مرره يبسر رؤوف متنرفز ومعصب هكذا اوجعه قلبه من الصوت اللي واضح انه خرج من قلبه من الصميم رد: رررؤوف صل على النبي فهمني مالكككك عتموتنا بحقك الجنان هذاااا اهدأ


رؤوف يداته ماسكات السكان وبيشدد لوراء بيبسر السكان بحدده: خليييييييني اموووت ولاااا اني اتخيررر امام اغلاااا شي يا ذياب محد عيفهمني محددد....


ذياب: رؤوف بغير نذاله برقطتني اتكلم احسن من ما اقوم افحررك هنااا ومن ايحين ماببين افهمك اتكككلم سريع


رؤوف بصياح وقهرر باين في عيونه:انننا انااااا رؤوف اخرتي اتزززوج بنت قد تفحمتتت لا وسيرتها في القاف اللي يسووووا واللي مايسووووا.... مشتييش اتزززوج هكذا انا اللي قلت شتزوج عن حب ومرتي عتكون اجمل مره اخرتي هكذاا اتزووج طيييب ليييش يا ذياب فهمنييي!!؟


ذياب وكأن هو بدأ يفهم المخلوق الناري اللي قدامه: يعننني ايييش افهم منك ان ابوك قلك تتزوج البنت اللي سحب صورها عبدالله... وانت رؤوف اللي يحبب ابوه فوق كل شي واحترامه عندك اهم من اي شي اضطريت تكسر كرامتك اللي هي كيانك في الحياه وتطاوع ابوك صح والا انا غلطان!!!؟؟


رؤوف بسره برجاء: ماااا افعللل يا ذياب قلي ما افعل من امس ماذاقت عيني النوووم من كثر التفكير.. قررت اخرج من البيت واكسر كلمة ابي ولا اانني اتزوج واحده..##.. لكن نظرات ابي يا ذياب كسرتني كله الا نظرات ابي اللي حسستني ان انا انسان حقيررر.. ما قدرت اقاومهااا وصاااح ماقدددددددرررت


ذياب مسكه: اهدددأ مالك وصل علي النبي... وكل مشكله ولها حل هونها وتهون


رؤوف: مافيييش حللل خلاص ابي اكيدد قد كلم اخوهااا الكريه هذك وهو اكيد ما عيمانع هه كرهااا عتوقع له يزوج اخته برؤوف الكاااسر اللي الكل بيتمنى يكون مثله


ذياب: ذاحين انت اول شي اهددأ وبعددا سهل كل شي محلول ربك عيفرجها...

.
.

هنااء اربع وعشرين ساعه راقده مش نووم لا بس زي الصرعاااء حتى لما احد يكلمها ماعاد بتقدر تتكلم كانها شاربه شي او احد ضاربها وكسرها تكسير وكللله تأثير الحبوب... حتى الاكل ماعاد بتنزل تاكل معاهم واللي بتعاون امها تطلع لها لا طالع والجامعه لها اسبوع ماعاد داومت وهي نفسها مش عارفه لييش قد حالتها هكذا ماعاد بتقدر تتحكم حتى بنفسها...
.
.

فوق الغداء محمد بيبسر المايده مافيش احد الا هو ومرته ووديان جالسه بتلعب بالايباد فوق الكنبه...


محمد: وين العيال!!؟


ام رؤوف: مدري والله... عبدالله قدك داري ماعاد بيرضى يخرج من غرفته الا للجامع امانه اهتدى وماعااااد بيفلت فرررض... وهناء ماهي ماعاد بسرت لها صوره مدري يعلم الله كيف حالتها


محمد قاطعها: كيف ماعاد بتبسري لها صوره بتنزل تاكل بتخرج ماهي هذه الحاله من دعى علينا


وديان بلقافه وعينها على الايباد: البنتت اللي عذبتوها اكيد روحها بتنتقم منكم


محمدبسرها بقزز: انتي بطلي الافلام الخرافيات وانتي عتسبري وقلنا لش كوني اسكتي لوما يتحاكوا الكبار... وقوومي تتغدي يله


وديان بنفس الحاله: مشتيش ماعتتغدى الا لوما يجي رؤوف


محمد اتذكره وهو اصلا ما نساه وبلع ريقه وهو بيفكر يعلم الله اين هوو يعرفه اذا ضبح ماعاد يعرف حدد..: ماعليش من رؤوف انتي وقومي اتغدي


ام رؤوف: لا حول ولاقوة إلا بالله مدرري من دعى علينا صددق


محمد بهم: كل شي عيسبر عيسبرها الباري الصبرر وقااام


ام رؤوف: هيااا تغدى والا بتصيح فوق وديان وانت الاول مارضيتش تاكل


محمد: مشتيش كلي بالعافيه وابسري هناء كيف هي.


ام رؤوف: مشتيش ابسرها خلي لي حالي من المشاكل انا وياها


محمد بجديه: قلتت ابسريها... هي بنتي مثل ما جهالش جهالي لا تنسيش هذا الكلام


ام رؤوف هزت راسها بضبح بمعنى تمام....
.
.

الساعه 2بعد الظهر

رجع ابو ورد من العمل وهو ضابح عيقررح


عبد المطلب وامه جالسين في الصاله بيحاكي امه من محمد وعرضه اللي لا يمكن يوافق عليه


ام ورد: يا بني والله ان محمد اطيبب واحد وانا متاكده انه عيحمي بنتي وانت ماعليك من ابنه قد بيقلك هو عيتكفلها شخصيأ خلينا نسد القاف الخلق


عبد المطلب بضبح ومايشتيش ينهر امه ويصيح فوقها: مااااااشي حررررام ما تدخله


ابو ورد وصل على اخر الكلام و...












📚 @rewayatyamania 🇾🇪

البـارت 71 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


عبد المطلب بضبح ومايشتيش ينهر امه ويصيح فوقها: مااااااشي حررررام ما تدخله


ابو ورد وصل على اخر الكلام واستغرب من نقاشهم الحاد وتكلم بقهرر وضبح: اكبر غلط ان الواحد يدي له بنات في هذا الزمن... من هاذهه اين ماسرت وهم بيتحاكوا عليها


عبد المطلب بهرر: من هم هولا اللي بيتحاكوا يا باه والله لا اكسر القافهم


ابو ورد: مش هم مجانين يتكلموا قدامي بس بين ابسرهم شويه ويأشروا لعندي بقزازه... لكن حالتي ماعتدوومش هكذاا وبابتسامة خبث قد الحج حمود طلب يدها مني اليوم عشان يسترها وانا ماعارضت بالمره واديت له الموافقه على طوول وعيشلها الخميس ان شاءالله


عبد المطلب وام ورد مذهووولين من كلام ابو ورد اللي باين فيه الجديه...


ام ورد: ماهوو مالك بتخررف قلك الحج حمود قد رجل هنيه ورجل في المقبره قلك زواجه في احلامك


ابو ورد: والله ما في المقبره الا انتي متزوج اربع بس قال عيطلق واحده منهن ماعجبتش ويستر بنتش المحرقه واللي سمعتها في القاف الحاره كلها...


عبد المطلب: اجنن لك اجنن قلك الحج حمود عادنا رفضت رؤوف الكاسر وهو ابن الاكابر جاء يقلي الحج حموود بحجر الله بطلووا حقكم المجابير هذه... وبعدا ورد مش هي لعبه في يد حد هي امانه في رقبتي لوما امووت انا الشاقي وانا لها السند... وهي ما حرقتش بكلها لوما عترجمها هذه الرجمه هيذك مثل القمر وسط السماء... الخلاصه ماااابش معانا بناتت للزواج...


ابو ورد وهو مستتغرب بقووه من كلام عبد المطلب على ما يظن انه سمع اسم رؤوف انه ابن محمد عدوووه اللدود.. يعني عيقدر يلوي يده من خلال ابنه ويستغل وردد بهذه القضيه بسر عبد المطلب وفي راسه مية خطه خبيثه: ماهو مابتقل من رؤوف قصدك ابن محمد اتقدم لووورد.. وببرود عاااااع... لو عادي مثل زمان ما اصدق خلي اما ذلحين وقد...


قاطعه عبد المطلب: خلااااااااص بسسسسسس شبعنا من هذه المجابير... ورد هي ورد ماتغيرت انتم اللي تغيرتم...


ابو ورد بهنجمه: اصصصصه عادك عترفع صوتك على ابوك يا قليل الحياء وعندك خيارين اثنين مابش غيرهم... امااا تخطبها لرؤوف حقك خلال هذا الاسبوع... او ان هو ما عيجي الخميس الا وهي في بيت حمود وبين ثلاث طباين وانتت اخبر بشقيقة ظهرك قولتك ابسر مصلحتها... وقدو خارجي على فكرره مااعتقدرش تمنعني من زواجتها بحمود انا ابوها وكلهم عيقلوا لك ما تدخلش في وجود ابوها وانت اخبر باختك وخرج وصرع الباب


عبد المطلب بسر ابوه وبعدين امه واشر لعند الباب ببلاده: هذا اب والا ما هو من ادمي هذا عنده احساس ومشاعر والا ماشي... كيف يشتي يرجم بنته لا بين نارين وكل نار اقوى من اختهااااا... ابي ما كنش هكذا ايش اللي غيره لهذه الدرجه ايشششششش....


ورد كانت متمدده فوق السرير مثل الجثه والا اللعبه اللي بيلعب بها القدر هانا وهانا... سمعت حكاهم كله درت اليوم بقدر نفسها كم انها رخيصه وضعيفه كم انها عاجززه وهذا كلهههه لانهاااا بنتتتت نزلت دمعه بحرقه في خدها وهي ما تحركت دموعها تنزل وهي ماتحركت بس كانت تفكر كيف بتكون نهايتها...

وكم هي رخيصه في يد ابوها كررهت نفسها انها بنتت وتمنت للحظه تكون ولد لو كانت ولد يمكن كانت حياتهاااا مختلفههه تماما حتى لو حرق الولد بيقلوا رجال وما يعيبه شي حتى لو سمعته مش حاليه محد عيزيد في الحكى وبيقولوا رجال ويعمل اللي يشتي... ليييش ايش ذنبي لاني بنتت ايش ذنبي عشان روحي تدفع ثمن اغلاط انا ما ارتكبتهاش بكتت بحررقه من مرارة وجعها وغموض مستقبلها المجهول بس تذكرت وجود الله وابتسمت من فووق دموعها ولجأت لاعظممم شي للمنكسرين لجأت للدعاااء.....



يا اللهّ إنّي قد بَكيتُ كثيرًا وقلت تفاصيلًا تعرفها، و حكايا أوجعتني تُدرِكُها ، نبشتُ قلبي ففاض لساني لك، أشرتُ لكَ على كتفي و أخبرتكَ أنّ الحمل ثقيل، سألتُك العوض، سألتك أن تنتصر للحلم بداخلي، توسلت إليكَ بأسمائكَ و أعظم صفاتك، فعجِل ليّ من الاستِجابة."🖤..
















📚 @rewayatyamania 🇾🇪

البـارت 72 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


الحااال متكهرب بين جميع ابطال وشخصيات روايتي

عبد المطلب ماعاد دري ما يفعل ومنين يلقفها من ابوه والا من ورد اللي ولا عاد بتطلع كلمه وعادها بتبتسم وكأنها مش الضحيه يكلمها وما تجيب اي ردة فعل حتى ماعادت تبكي خلااص ورد يمكن تحجرت لانه كثر الألم بيموت الاحساس فعلاً... فاكيدد الاحساس عندها تحت الصفرر..عبده تعب بهذله وبعد النتوفه ذي نتوفه الحج حمود والمرافقين حقه لانه بيعتبر نفسه شيخ وما يمشي الا بالحبه والمرافقين... بعدما اتكلم عليه... وسبه وقال له انه شيبه وعاده ساع المراهقين كل يوم بمره.. بعدما هدد الحج حمود وطبعا تهديده لا يطلع ولا ينزل.. حسس بضعف وعجززز..

وخصوصا بعد ما سمع كلمه الحج حمود...""
صدقني شاردها لك يا عبد المطلب واختك شتزوجها يعني شتزوجها وحق قلة الاحترام حقك ما يجي الخميس الا وهي في بيتي وشاوريها نجوم الظهر..واخليها خدامه لي وبين ارجلي ادسعها وعنشووف اذا حد بيقدر يرد كلمة الشيخ حمود


مسكك على راسه بوجععع وهم كبيررررر... : يا ربي ماهي هذه المصايب كلها فوق راسي بسس وقسم بالله ما ازوجها الحج حمود لو يطير راسي
لو ازوجها بابن محمد على الاقل عتأمنها عنده الحج حمود قدوه متوعد يهينها من ذلحين يارب تعبتت انا من التفكيرر يارب حلهااا..
.
.

العشي الساعه 11

الثلاثه جالسين ومن بعد الغداء وهممم ساكتين اول مره يبسروا رؤوف بهذا القز حتى كلمه ما خرجها... والقات مارضي يخزن ولا يتعشى مارضي يتغدى...


يزن وذياب عجزوووا كيف يفعلوا به بقدر طيبة قلبه وزبجه بقدر عناده ولغاجته ولا يرضى يفهم....


ذياب بضبح رجم العلاقيه القات لا حضنه: هيااااا ناهي لك يا رؤوف عيجلس لي ساااكت قد تصبرت خيررات قم تعشى وخزن هيااا مالك هونها وتهون ياسعم انك بنت وابوها عيزوجها بواحد لا يعرف الله ولا رسوله هياا من السماجه حقك ضبحت بي


يزن: والله صددق يا رؤوف اكثر البنات بيقع بهن هكذا خبر فجأه تفلت دراستها وكل شي وتتزوج لبلاد وناس لا يعرفوها ولا تعرفهم...


قاطعه نظرات رؤوف الحاااده وبقهرر : ههههي نفسها مابه فرق بيني انا وياهن اسكه قلي.. ابي يشتي يزوجني غصب وفجأة وبواحده لا اعرفها ولا اصرفها واكيدد ميه في الميه لا يمكن افعل عررس وانا عتتزوج واحده نفس هذك...


قاطعه يزن بضبح: رؤؤؤؤووف لو سمحت الزم حدودك عاد الذي بتتحاكى منها بمقام اختي واعظم لو سمحت لا تغلط عليها قدامي


رؤوف بسره وقلب وجهه


ذياب: يعني ماهوووو هذا الدبور عذا قلنا عنتزوج جمعه ومدري مه وخلينا يزن يخطب... و شكلك عتتزوج انت الاول


رؤوف: بحجرر الله اسكت يا ذياب لا عاد تحمضهاش قدهي حامضه فارح اتزوج بيبسرني فااارح مشتتتتتيش وسكت شويه ورجع بسر لعند يزن وبفرحه شويه مسك يده.. يززن مش قلت انت تعرفها ومدري مه ولا اغلطش وكلام فااضي خلاص اتزوجها انت واسترها بدلي وانا حرام لا اتكفل بكل شي...


قاطعه يزن بصدمه من كلامه اللي باين انه بيديه وعاد في امل: مالك بتخرررف قلك اتزوجها بين اقلك مثل اختي بتفهمم.. وبعدا عادنا خطبت قبل ثلاثه ايام والا اتزوج ثنتين سكران على مرق او مالك


رؤوف فلت يد يزن وبضبح: خلااااص اصهههه انتم ما تدوش لواحد حل مابلا تزيدوا فوق المصيبه مصيبه... قددددبين افكر اسافر والا انتحرررر والا مافعلت اهم شي ما اتزوجهاااااش...


يزن وذياب بيبسروه بدهشه التذع اكيدد


ذياب: مالك يارؤوف صل على رسول الله قال ينتحر على حاجه تافهه ساااع وجهككك قم من قبالي لا اتحمل بمصيبتك اليوم


يزن: ماليوم رؤوف مجنون رسمي

.
.

في بيت محمد الكاسر

محمد جالس في الصاله ومراعي لرؤوف بس مابش له وجود... اتصله اكثر من عشرين مره مابيجاوبش... قلق عليه قوووي ومادرى مايفعل فكر انه يلغي كل شي ويخلي رؤوف براحته بس تذكرر كلام صالح اليوم ومسح الافكار من راسه وقرر يتصل لذياب اكيد عارف وين هوو


ذياب: يا جماعه جاااوع الله يقلعك يا رؤوف من سببك ماتعشيناش


رؤوف مركب صامت من اول وهم بيزبجوا لعل وعسى يسلاا... بس رؤوف هذه المره غير كل مره بسرهم بإستحقار..


ذياب بسر لعند يزن: وانت ايش مجلسك عندي قووم اضووي ارقد في بيتكم... ياسعم قد سجلوا بيتنا ملجأ للحنقات والا ماهو... وبعدا لفلفت البطانيات كلهن لا عندك هذا ضيف رزعه ولا يستحي من حد


يزن وهو بيسبر بقعته يرقد: اولا مش انا جالس في بيتك جالس عند بيت سليمم ال..... وجالس على شان رؤوف قلبي ثانياً الدنيا بردد تشتيني امررض بعدا خطيبتي تفسخ


ذياب: هههههه امانه انك بوشك


بيضحكوا ما بسروا الا رؤوف بيبسرهم بنظرات قاتله...


رؤوف بإستحقار: حن عاد لكم نفس تزبجوا واخوكم بيتعذب واتغطى بالبطانيه بضبح...

ذياب تنهدد بهمم هم زاعلين وضابحين اكثر منه بس ايش بيدهم يفعلوا له...
قاطع تفكيره رنة تلفونه برقم ابو رؤوف...
ذياب اتلعثم ومادرى مايفعل...



https://t.me/joinchat/AAAAAEIz_KDfjDgo7Gaxwg

البـارت 73 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ذياب اتلعثم ومادرى مايفعل

ذياب بربكه : يا رؤوف ابووك بيتصل ما افعل!!!؟


رؤوف قفز وتوضع وبحيره: قله مشو عندي ماقد ابسرته بالمره


ذياب فتح الخط طوالي


محمد بجديه مختلطه بخوف على ابنه وهيبه : يا ذياب خلي رؤوف يحاكيني انا داري ان هو عندك


ذياب بلع ريقه وبسر رؤوف: وعليكم السلام ورحمة الله .... ماشيي يا عمم من قلكم مشوو عندي


محمد عرف من كلام ذياب ان هو المفروض اول يسال عن الحال مش هكذا من راس القامه.... بسس خايف على ابنه بس ملزوم يصطنع القسوه عشان مصلحه الجميع: انا عارف انه عندك وداري انه ماعيضويش لكن وصله هولا الكلمتين


رؤوف ويزن بيبسروا ذياب ومقعيين لعند التلفون... ذياب فتح الاسبيكر


محمد غمض عيونه وتكلمم : انا داري انك عند ذياب وبتسمعني... لكن قصدك بحقك الحركات هذه عتتراجع انا عند كلمتتتي وغطوه عتم الخطبه اشتيك غطوه تكون موجود ماشي يمين طلاق ماعاد تجلس لي امك في بيت واسمعها يمين


رؤوف فتحح عيونه على وسعها وكان يشتي يصيح يتكلم يعبر عن شعوره اللي بيعذبه بس بسر انهى المكالمه وسكت بسر يزن وذياب بيبسروه بحيره شل البطانيه وتغطى وهو فيه غصه محد يطفيهاااااا....
.
.

صباح يوم جديد..

عبد المطلب من امس وهو يطنش اتصالات محمد ومحتار ومش عارف ايش يسوي اتنهد بضيق اول مابسر ابوه خرج من الغرفه


ابو ورد بابتسامه : صباح الخير


عبد المطلب مستغرب ابوه بيتبيسم من الصبح وفي مثل هذه الظروف معجزه رد بضيق : صباح النور


صالح: مالك ضابح هكذا وقالب صورتك.

خلاص قد سبرت كل شي امس كلمت محمد وهنته اهانه وقال ان هم عيجوا اليوم ويخطبوا رسمي كلم امك تجهز كل شي للمخزنين


عبد المطلب بهرر: متى وقعع هذا كله ويحين سرت لعنده هوذا على اساس بتكرهه وو..


قاطعه ابوه: انتت كم فيك من هدار بين اقلك خلاص سدينا واحمد الله ان انا ما زوجتها للشيخ حمود صدقني لو ماكان عيجوا اليوم او ماجوش لا اعقد لها الليله بالشيخ حمود


عبد المطلب وهو في نفسه زواجتها لا عند ابن محمد الحل الانسب بس كل مايتذكر انه رؤوف اللي عيتزوجها يكره نفسه : اييشش فرقتت يعني قصدك من رجمه بتدور اين تسوق بنتك يا ظالم


ابوه : بنتي وافعل بها ماشتيت وصررع الباب وخرج...

.
.

- ‏مثل ماشانت يجي لها يوم و تزين
‏لاتلعن الحظ ما تدري وش الخيره🖤⚜️



الساعه 11الظهر

قاموا ابطالي الثلاثه...

رؤوف متمدد في بقعته وبيبسر السقف بسكات
التفت اول ما حس اصحابه المصونين اللي على اساس جوا يخففوا عنه مختمدين من العشي وعادهم بدأوا يصحصحووا


ذياب بيمسح عيونه ويتقعم ويمطمط ايديه بسر رؤوف بيبسره بنظرات قاتله
بلع ريقه: صباح الخير


يزن بنفس الحاله عاده قام وعادو بيتعرف على نفسه : مراعي منه يجاوبك اسلم غر جلدك ورجع يتمدد


ذياب بيبسره ويضحك: مالك رجعت تتمدد ماقد شبعت نووم


يزن بطفوله : افتهن شويه


رؤوف ابتسم لا ارادي من حركاتهم ساع الجهال ما كأن قدهم خاطبين... تذكر طاري الخطبه ورجع يبرطم...


ذياب: ههههه يفتهن شويه ياسعم بيقلط طول الليل قووم قامت قيامتك وندعه بالوساده


يزن بسر لعند رؤوف: ذلحين مانفعله هذا لوما يسلا ونبسر اسنانه.


ذياب بيتحسس دقنه ياسعم بيفكر: اممم يا اخي مالك عتحلقها قووم نقطع لنا جوازات ونسافر وينهم قالوا سافروا وخلاص


يزن بسره بإستحقار: امانه انت اسكت وما تتحاكى الا يوووم العيد.. وقام.. وبعدا رؤوف زيدد بها الصدق ياسعم انك بنت يااخي انت عتبسرها وتنهبل بها صدقني خاطركم اسير ابسر عبد المطلب ذلحين هو مش موافق وقد اطحن هو وابوه امس لوما عرفتت الحاره كلها مراعي لكم بعد الغداء عند الخطبه... بسر رؤوف وبجديه.. صدقني يا رؤوف ماعتندم ورد واعرفها كان الكل يتمناها خلي املك بالله كبير وتوكل عليه.. ولا تزيدش في الخباله ساع المكالف ..


رؤوف بسره بغرور: انا مش خايف من الزواجه ولا من اللي في راسكك انا قادر اتزوجها واتزوج عشر من فوقها بسسس انا ما كنت مخطط لمستقبلي هكذاا كنت اشتي اتزوج عن حب واحده اختارهاااا انا بنفسي برضايا واختياري واعيشش معاها مرتاااح طوول عمري وبقهرر ابتسم اتمنى توصل الفكره يا وليف الروح....


يزن: افعل ما في راسك بس تأكد انك مش اللي عتختار الحب الحب هو عيجي من نفسه ويلااااا مع السلامه....


ذياب قرب لجنب رؤوف: ....














📚 @rewayatyamania 🇾🇪

البـارت 74 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ذياب قرب لجنب رؤوف: يا اخي افردها مالك والله ان انا ضابح اعظم منك حالتك هذه مش عاجبه لي الصدق مادراك وفيها خير لك والله كل شي عندي يهون الا اني ابسر صاحبي في تيه الحاله ما ارضاها لك الصدق انا معك يا حيدي وربي جنبك وسندك انت بس اشر واللي تشتي عيقع كله ولا زعلك...


قاطعه رؤوف: ضااابح يا اخي بين احس همم الدنيا كلها فوووقي عاجز ومش قادر افعل شي... مشتيش اتزوجها وانا عارف بنفسي شظلمها معي... وقول ابي ما اقدر اخالف قول ابي وانا داري ما قال الله ورسوله... سمعت امس امي بتتحاكى هي وابي قلك حرررقت بالزيت انت بتفهم يعلم كيف قد صورتها ذلحين يمكن ساع افلام الرعب يخخخخ ما ورطني بهذه المسأله مش انا دارري ضااابح يا خووك باقوووا قوووتي ضااابح


ذياب بيسمعه ويتووجع على صاحبه: مالك لا تحلقهاش عيفرجها ويسبرها الله واذا قدو نصيبك هذا احمد الله واشكره.. وابوك قلك تتزوج بعدها حتى باسبوع خلاص لو ما عجبتك اتزوج..


رؤوف قام: انا اصلا هكذا القدر دايما ضددي وكل ما تمردغني الحياه اقوول عتسبر عتفرج ولا فرجت ولا سبرت... لكن انا عارف ايش افعل وشخطى بعد ابي لكن شاوريها نجوم الظهر لوما يكره ان هو زوجها بي ويخليني اطلقها من نفسه ... انت عتشووف...


ذياب مستغرب من رؤوف اول مره يبسره بهذا الحقدد والجديه يعرفه قلبه طيب....
.
.

في بيت ابو ورد

ام ورد وعبد المطلب جالسين

ام ورد: ذلحين ماهو كيف نفاتحها بالموضوع فيها ما يكفيها ما عتزيد تتحمل بنتي واعرفها خايفه يقع فيها شي..


قاطعها عبد المطلب: اعصابش يمه مالش ماعيقع شي اختي قوويه بالله اعرفها... انا عتحاكيها انا قد اصتبحت!؟


ورد خرجت من غرفتها وهي مبتسمه ابتسامه باهته..: ماشي ما اصتبحتش قالت لي امي الصبح قلت مشتيش.. وتكلمت ببرود شبه مستفز ابردوا لكم من الصبوح ... ماهو الشي اللي بتقل امي ماعتتحمله ورد؛؛!!؟ ما قدبه من مصيبه جديده او قد نشروا صوري في الفيسبوك والا الحج حمود عقد والا ما قد به من كارثه عاددي اتكلموا والله ماعاد في حسي اناا قد متت من زمان وقابله للطرق والسحب والتشكيل خلاااص تعودنا...


عبد المطلب مبهرر في اخته والكلام من داخل قلبها والقهر والتعب باين في ملامحها بس منين القووه هذه منين وكيف عرفت بقصة الحج حمود وحتى ما جابت اي ردة فعل...: اين حج حمود وين طلي مالش بتخوطي


ورد: قصدكم ماعتسمع حكاكم او صياحكم هذك ماعدوش حكى قدو صياح وغوار.. مابش شي الفارق صاله وغرفه ياسعم ان انا في المريخ وبين اسمع كل شي... ولا تقهر نفسك يا عبده وخلي ابي يفعل الذي في راسه ماعاد يهمني حتى اكون الطبينه الرابعه للحج حمود ما تفرررق بتسمعوووا ماعاد بيفرق معي شششششششي خلااااصصصصص.....


ام ورد دمعت من قهرها: لا تقليش هكذا يابنتي مش انا راضيه لش انا بالحج حمود ولو انتي قولتش عااادي وداريه ان هو مش من قلبش،.. هوو صح اليوم خطوبتش بس مشو بالحج حمود


ورد انصدمت بس مابينت: هه قلك خطوبتي اليوم ومش بالحج حمود كان بمن والا اقلش مشتيش ادرى بالاصل كفاااااايه وجعععع ومشتتت


ام ورد بكيت ومسكت بعبده : مشي هذه ورد ياعبده مشي هذه مشي هذه بنتي الزقعه من هي تيه اللي ماعاد بتحس بشي يا قهررري على بنتي ودموعها بتنزل اربع اربع على بنتها


عبد المطلب حضن امه: كللل شي عيسبر يمه وربش واسسع كريم وعيفرج همنا انتي بس ادعي لها وعلى ما قلتي قدو نسبة محمد اشكل من نسبة الحج حمود... وما عيقع الا المكتوب....
.
.

في غرفه وردد
فيض بضبح: طيبببب حاكيني


ورد ببرود: ما اقلششش


فيض: اي شي تشتي ان شاءالله نكته تافهةة حتى اي شي سخيف وطلع في راسش والا تشتي تفعليه كلميني بسسسسس قووووووا يا ورد لا تجلسي هكذاااااا بتفلجيني....


ورد وعينها على الطاقه وبتبسر الشارع: خلي لي حالي يا فيضض قوووا وعشان عارفه اني اتعبتتشش قووووي روحي ارتاااااحي...


فيض وتعرف ورد لو ضبحت تشتي تجلس لحالها قامت لعندها وبقهرر: ماشضويششش اسكهههه ما عتفلي وبتهزهاااا من اكتافهااا وبصوووت باكي: صيحيييي فووووقي لاعنيني ضاربيني ازبجي عليا افعلي اللي تشتي ضبحي بي ساع كل مره والله ووعد ما ازعل بسسسس لا تجلسيش هكذااااا....


ورد بتبسر من الطاقه وما ردتتت بحرررف...........

.
.

بعد العصرر

وووسططط المقيل..

كووولهم مش مصدقين لا اخوال ورد ولا اهل الحاره ولا حتى موسى معقوله رؤوف الكاسر يتزوج ورد بنت طليقة ابووه واللي حرقت واللي سمعتها في القاف الخلق كوولهم... الكل مستغرب ومنتظر الحلقه الاخيره... بس خلاص تأكدووا انه كله خررط الساعه عتغلق 4 وهو ما قد جاء اكيد ما عيجيش ومش هو مجنون عشان يجي...شكل المصيبه الثالثه عتوقع فوق راس ورد عشان الناس ماعاد يسكتوووا...










https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 75 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


عبد المطلب بالكاد جالس وسط المقيل ونفسه يقتل ابووه ليش حطه في هذا الموقف... وكل ما يحاول يقوم يمكسه محمد...


عبد المطلب والقهر لا الف بيبسر كوولهم بيتحاكوا بهمس... شكله ما عيجي وينو هذا... وانت بتصدق انهم عيخطبوها....


محمد مسكه وماعاد باقي الا شويه وينفجر فوقهم يسكتوووا وبهمس: مالك ياعبد المطلب الجنان هذا مش هانا ولا في هذه المواقف اهدأ


عبد المطلب من بين اسنانه: قسسسم بالله لو ما يجي لا اعبي كرشه رصاص وقل قال عبد االمطلب


محمد: ابني واعرفه اهدأ شويه ويجي رؤوف رجال وقد كلمته قال لي افعل يابه ما تشتي وانا بعدك خلاص عيجي الصبر بس... وحاول يتصله للمره الالف


يزن بيبسر عبد المطلب ويأشر له يهدأ
ويحاول يتصل لرؤوف ويرسل له رسايل....
.
.

عند رؤوف كان ضضااابح مقهوور وكلهنن فيه مشتت ضايع مهموم حتى وجود ذياب ما نفعه بشي

ماشيين لبيت ابو ورد بعد اقناع كبير من ذياب...

السكوت سيد الموقف


رؤوف: راعي هانااا خمس دقايق وارجع


ذياب بضبح: هيااااا رؤوف زيدت بها الصدق ماذلحين قدو شرررق ذلحين قد ابوك وجهه تحت المفرشه من الحياء عيب عليك...


رؤوف ما عبره وفتح ونزل


ذياب دقق السكان: اووووووف والعناااااااد


رؤوف نزل وما بسر تجاهه شي عيريحه ويدله غير الجااامع الجااامع هو الوحيد... دخل واول مابسر شيبات بيدرسوا وعيال صغار على شكل حلقه بيحفظوا القرآن ابتسمم من الروحانيه اللي في المسجد صح انه ما يقطع فرض حتى العصر صلاها اليوم بس روحانية المسجد هذا ثانيه لانه كبير وملانه حلقات قرآن... اتوضى وسجددد وجلسسس يدعييي دعاااااااا كل شي في قلبه وتوكل على الله....وهو غافل تماما عن العين اللي بتراقبه من اول ما دخل

وعلى خرجته بيبسر ولد خرج من الحلقه وبيحمل لعنده...

استغرب وسرعان ما ابتسم من شكل الولد فعلاا كأنه ملاك صغير ولابس ثووب ابيض وراسه اشقر ابتسم لا ارادي اول ما شد الولد على ثووبه

الولد بلهفه وكلام كله براءه وطفوله : ياعمووو انت حالي وشكلك طيب سساااع بابه جي ابسر الشيخ كرمني وجاب لي سيكل عشان قدنا في الجزء التاسع جي ادرس معانا وانت لانك كبير الشيخ بيجيب لك سياره اكيدد عتفرح بها اكيدد


رؤوف ابتسمم وتغير مزاجه كليااا من كلامه وبراءته نزل لا مستواه وحبه: ما شاءالله قدك في الجزء التاسع يا بطل


هاشم: ايوووه في التاسع واول ما اكمل احفظ المصحف ابي وعدني يشتري لي سياره ضخمه


رؤوف استغرب منه عاده صغير حوالي سبع سنين واستغرب اكثر من ابوه اللي بيربي ابنه التربيه الصح ويزرع الدين في قلب ابنه من صغره نادرين هولا الاباء في هذا الزمن فعلا تذكر ذياب وتنرفز خرج من جيبه خمسه الف : هاه وهذه هديتي لك لانك في الجزء التاسع انا مستعجل والا كنت بشتري لك هديه بدل الزلط بس مكن ابوك وقله عموو رؤوف يحترمك خيرررات ويسلم عليك تمام ي!!!؟؟؟؟


هاشم بز الزلط بفررح وببراءه: هااااشم اسمي هاااشم ... وتمام شاقله ياعموو انت حالي وطيب مثل ابي بس ليش بكيت اول وانت بتصلي?!


رؤوف اتلعثم متى بسره ماكان فيش احد قدامه: ه ها اه... انا!؟؟


هاشم: ايوه انت بسرتك بتعس هانا واشر على ايسرك... وبسرتك دمعت وببراءه.. وجعلي اموت اني بسرتك


رؤوف ابتسم: هههه لا تموتش يا هاشم عاد المصحف مراعي لك تكمله... احنا اللي المفروض نمووت.. وقام شوف يا هاشم انت عتكبر وعتجي لك هموم فووق طاقتك عتوقف امامها عاجز تماما لما تحس بهذا الشعور ارجع انت اسجد وصلي وادعي الله بكل يقين ولو اضطريت حتى تبكي ابكي عادي لان البكاء امام الله قووة مش ضعف.. بس انتبه تبكي امام اي مخلووق محد بينفعك ابكي امام الخالق بسس وبسر ساعته... تمام يا هااااشم.. والعيال بيدعوه من الحلقه دوره يسمع


رؤوف: يله امشي ولا تنسى كلامي الضعف امام الله قوووه وصل سلامي لابوك تمام وحبه وخرج


هاشم مطنن من الكلام وصل للحلقه

وكلهم بيسالوه من هو هذا الرجال


هاشم ببراءه وهو بيبسر الزلط ويبتسم: صصصصاااااحبي



-‏تحدَّثوا مع الله لا تتراجعوا عن البُكاء عن البحث في ظلمة الليل من نورِ طمأنينته لا تُحاولوا أن تُرتِّبوا الكلمات وتستهلكوا وقتًا في الصمت إنه يسمع جميع اللغات اللهجات الحسرات الأوجاع الخدوش النزاعات لا تفرضوا معادلات غريبة وصعبة للوصول إليه ستجدونه في كل مكان.
.وقَبل أن تنام تكلم مع الله ،
‏أخبره بالذي كسركَ اليوم ‏اخبره بالذنوب التي وعدت أن لا تفعلها وكررتها ‏
أخبره أن قلبك مكسور ويحتاج لجبر وليس جابر غير الله، أخبره أنك تتألم وأن لديك أمنيات، أخبره كل شيء فـ اذهب لله بضعفك ياتيك بقوته🖤✨











https://t.me/rewayatyamania/35470



📚 @rewayatyamania 🇾🇪

🖤🥀


بــارتــات يــومنــا الجمـعــة 👆🏻😍

اوووول رواية في القنـاة😍 تستحق القـراءة😉

#اعتذر التأخير لظروف ارجو التقدير

البـارت 76 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


رجع للسياره ومبتسم لا ارادي كل ما يتذكر هاشم وشكله وبراءته يبتسم بس اول ما بسر ذياب ووجه اللي باقي بس شويه ويقوم يفحره اختفت ابتسامته ورجع يبسر قدامه وحاسس انه خلاص بعد ما دعى وتوكل على الله يقع اللي يقع...


ذياب شغل السياره ونفسه يقوم يفرغ المسدس في عرضه من البرود اللي فيه قرر يسكت وما يتكلم بس حاسس نفسه عينفجر لو ما تحاكاش وتكلم بنبره مستفزه : عادو حين يا خوك كان عتزيد تفعلك لفه للحاره الثانيه وتتعرف على الناس


رؤوف التفت للجهه الثانيه وبيبيسر من خلف الزجاج سكته


ذياب بعد ما بسره ضابح ماعاد حتى استفسر وسأله وين سار وفضل يسكت

المقيل متكهرب والرجال بدأوا يتكلموا انه ما عيجي وانهم عيظلموا البنت و وو....


صالح بسر محمد بقزازه: هياااا وين ابنكم المصون لذلحين لا مش انتم عارفين كيف يخطبوا الناس كان عتتعلموا بعدا تجوا


عبد المطلب بسر محمد ورجع بسر منزل ما يشتيش يتحاكى ويزد ينثرها


محمد وهو اللي فعلا بدأ يخاااف لو رؤووف ما يجي كيف عيكون موقفه بين الرجال واتكلم بثقه عكس التناقض اللي فيه: خلاااااص بس قلنا شويه ويجي واحنا متعلمين الاصول من قبل ما نعرفك


صالح بإستحقار: لو هو حق جيه لوشي ان قدجاء


قاطع كلامهم دخوول رؤوف وقفاه ذياب


محمد اول ما بسر رؤوف ابتسممم وكأنه رجعت روحه التفت لصالح وبردة فعل سريعه وفخر في رؤوف: وهاااااذا ابني جاء ابني رجال وعند كلمته وكلمة ابوه وهو ابن الكاسر وعارف بالاصول


رؤوف بسر ابوه كيف فررح وكيف بيتكلم وابتسم له تسليك


محمد رد له الابتسامه: ودددام قد تاخرنا عليكم ... المهم ان احنا جينا طالبين راغبين يد بنتكم المصونه لابني رؤوف


يزن بسر رؤوف وابتسم ويهديه وهو عارف ومتأكد ان ورد عاد هي ورد حق زمان اللي تلفت الواحد من مسافه ولو تشوهت...


رؤوف بيصابر نفسه مصابره ويقامر تجاه ابوه والرجال


عبد المطلب بيبسرهم كلهم بقزازه وبيتمنى يشل اخته ويسافر ويخلص من كل شي...


صالح بإستهزاء: واحنا موافقين وعلى بركة الله


محمد: على بركة الله وانا اشتي تكون خطبه وعقد في نفس اليوم مارأيكم وبسر عبد المطلب


رؤوف كانوا بيخزن ويسمع سكته ويتغاضى اول ما سمع التفت لابوه بقهر


عبد المطلب: مااااشي ليش وانت مستعجل...


قاطعه صالح: تمام انا موافق وماعليك من عبدالمطلب انا ابوها مش هو وخير البر عاجله اخطب واعقد ولو انت تشتي تشلها الليله شليتها قالت ماتشتيش عرررس


رؤوف بيبسرهم ببلاده وقدو ساع الادوع في الزفه معقووله كوول شي عيوقع بهذه السرعه الحاجات اللي مايشتيها تجي له بكل سهوله طيب ليييش! هكذا


عبد المطلب بلع ريقه والود وده يقوم يفتح لابوه قبر ويدفنه بس ايش بالاخير يبقى ابووه... استغرب من كذب ابوه وكيف مسترخص بنته لهذه الدرجه وليش قال ماتشتي عررس وهي مش عارفه من المتقدم اصلا... اح اح يعينش الله ياورد...


ذياب ويزن كل واحد بيبسر الثاني ومستغربين من صالح كيف بايع روحه ومسترخص بنته وبيبسروا رؤوف مفهي وفي عالم ثاني....
.
.

عند ورد امها وخالتها كلهن مجتمعات جالسه بتبسرهن وكأنها اول مره مستغربه من سخافة هذا العالم وككل كلامهن من الناس


فيض بسرتها وقلبها مقروح على رفيقة عمرها... اشرت لها
: ياي ورد قومي معي للغرفه بدل الجلسه هانا اوجعني راسي


ورد قامت من دون اي ردة فعل وفيض لحقتها..
جلست وتنهدت بقوووه


فيض بوجع مسكت يد ورد : ورد قوووا اتكلمي اشكي لي ابكي حتى صيحي خرجي مافي قلبش، قوووا انا عارفه انش مجروحه وباقوى قووه بس ليش ساكته لييش يا ورد ارفضي اذا ماتشتيش ليش لوما كلمش عبد المطلب سكتي ليشش بتفعلي بنفسش هكذا حتى ما سألتي من هو هذا اللي متقدم وليش ولا تحاكيتي وكأنش بتقلي لنا افعلوووا بي ماشتيتوا ورد قد ماتت من زمان، ورد قوووا انتي مستوعبه مابتسوي والله العظيم انشش اجمل واحده بنظري وبنظر كوول من بسرش حتى وان حرقتي واصلا ما وصل لوجهش الا شويه ندووب وربش في ناس اتضرروا اقوى منش وما بيفعلوش هكذا ليش انتي غلقتي على نفسش منافذ الحياه وعايشه بس بالاسم ليشش انتي مش متخيله كم بتوجعي قلب عبد المطلب وقلبي وقلب امش بهذه التصرفات اتغيرتي قووووي يا ورد قد انتي واحده ثانيه ماعد اعرفهاش بين احاول افهمش ماعد قدرت والله ليش هكذا اتكلمي ابكي وارفضي وافعلي جهدش وبقلة حيله والدمعه باب عينها بسسسس لا تسكتي ...


قاطعتها ورد ببرود ونظره حاده: اااااايش اقووول اصلا ايش بيفرق قلي لي اتكلمت ما تكلمت والله مابتفرق شي وكل شي مكتوب ومقدر من عند الله عيوقع... اتكلمت ذاك اليوم قلت لهااا ماشي قوووا لا تشوهينيش لا تحرقيني يا هناء
اتغير شششششي!!!؟















📚 @rewayatyamania 🇾🇪

البـارت 77 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ولا اي شي حرقت واتعذبت وذقتت انواع الوجع هل فاد الكلام مماااشي لا عبد المطلب ولا امي ولا ابي يقدروا يغيروا شي.. خلاص الواحد يجلس ساكت احسن والله من وجع القلب الكلام عمره ما يغير شي وربي عتشكي عيرحموش ومدري ايش وبعدين يقلوا لش الله يعينش خلاص انتي اشكي للي يعينش وبسس بدل الكلام ادعي وبسس... ابتسمت ابتسامة قهر وتكلمت بوجع ارتحتي ذلحين ارتحتي اللي وحدش بقيتي معي ارتحتي


فيض دمعت من طريقه كلام ورد اللي كأنه جمر وما قدرت تطفيها: طيب ليش ما تبكي ذلحين.! ليش ماتبكي حاسه بالكلمات بيخرجين من نار بس ليش ما بين ابسرش دمووع ليششش وحضنتهااااا بقهررر


ورد بادلت فييض الحضن وكأنها اللي بقت لها من كل هذا العالم اللي تكرهه.....
.
.

بعد المغرب..

رؤوف بيبسر ابوه ومستغرب من جلسته لا ذلحين ماعاد فيشش احد حتى ذياب ويزن روحوا ومع انه باين وواضح انه هو وصالح ما حد يطيق الثاني.. اشر له بمعنى هياااا


عبد المطلب بيبسر رؤوف بيتمنى يقتله ضررب يكرهه كره العمى...


محمد بابتسامه: اينه عتسير راعي شويه وعيجي المملك ومعه يزن وذياب شهود...


رؤوف بقهرر: ليشش يا باه بهذه السرعه ياسعم عد اطير ولا عتطير هي كل شي في مكانه ماهي هذه العجله


محمد بهمس ما يسمعه صالح: ايشش الفايده في التأخير وخليني اسد القاف الناس كلها اتزوجت بابن محمد الكاسر خليهم يموتوا قهرر باين معاها حساد خيررات سعما كان امها


عبد المطلب بسره محمد بحده: جااالس ماعترحلكش من امي


محمد بهم: محد عيفهم الفراق مادراكم انتم لكن شاعوضها في بنتها واخليها ملكه...


رؤوف شبه انه فهم انه بيتكلم عن طليقته الاوله بس ليش بغزل ماقد ذكر في يوم انه كان يحبها دعمم وابتسم بافكاره اللي بتخالف افكار ابوه انه يدلعها.. وفي نفسه صح اتزوجت واحترمتك لانك ابي وقدوتي بس في المعامله محد عيتدخل مرررتي واعاملها كيف ما اشتي انا....

.
.

موسى مفهي وفي سابع دنيا


انور اشر له: ياي يا خووك وين قدك


موسى بسره باهمال: ما تشتي


انور: ما اشتي شي بس بين ابسرك مفهي ومطنن قلت مالك شكلك ضابح على الحب حقك حين عتتزوج برؤوف الكاسر..
.

موسى: اين حب وين طلي قووم اقلع من عندي اللي عيسمعك عيقل كنت احبها صدق هي والجدر سواء تتزوج والا عمرها وبعدين ماله بيجنن هذا بنت محروقه وسمعتها في القاف الخلق كلهم وعاده عيتزوجها


ريان بحده: وين صاحبك عبدالله يا موسى غطس


موسى: مشو صاحبي هو جاهل ورجع لحضن امه بسسسس


انور: كان احنا مفتهنين هو يدي الزلط واحنا نجلس وذلحين كودنا ندور لنا زلط


ريان: هه كل شي وله نهايه

ريان: ايش ناوي تفعل يا موسى عيشتنا هذه مشي سابره


موسى بتفكير: ضروري ندور لنا خطط جديده ندخل منها زلط ماهكذا تعب


انور: كيفه عنفعل نشتي واحد مريش ساع عبدالله


موسى: خلاص خلوها علياا قرب العشاء يا انور وبعدا عنبسر كيف...
.
.

في بيت اول مره نزوره
براءه: هههههههه ايوه ايوه فعلين مفعوول واكثر قالوا لك ماعد بتقدر تقووم ولا حتى بتجي الجامعه لها غايبه اسبوعين...
انت بس كوون جيب لي البضاعه وانا شادمرهن تدمير من يقلوا لها ترفض اخي وزد تهينني .. هه شاوريها الكبره حقها شاخليها مجنونة عصرها
يله مع السلامه اشتي ارقد باااي
طرحت التلفون وتمدتت فوق السرير بارتياح وابتسمت بخبث وفرحه ان خطتها بدأت تتنفذ....

.
.

عند رانيا

ام رانيا: ماهوووو مابتقلي بنتي تشررب حبوب ويعلم الله حبوب ماهن


رانيا بندم::والله يمه ما كنت داريه انهن عيفعلين بي هكذا والله قصدي انهن مهدئات عاديه مسكت امها وبدأت تبكي... يمه لو تبسري هناء يمه كيف قدهي ساع الخبلا منهن ماعاد بتستر تقوم ولا تستر تتحاكى ساع الناس قدهي مثل السكرانه... يمه والله ان احنا مش احنا داريات ليش ادتهن لنا وكانت تديهن في البدايه بلاش ورجعت كانت تطالب مننا زلط... بس انا كنت احسهن بيضرني وما كنتش اشرب الجرعه كامله ولما عرفت انه منهن بطلتهن بالمره وكنت اوهمهن ان انا بين اشرب
لكن هناء كانت تشربهن كلهن وتزيد تطلبها لوما ضرنها قووووي وبين شهقاتها.. يمه ماعاد بتجيش الجامعه وذلحين بنختبر وهي معع والتلفون ماعاد بتفتحه يعلم الله كيف حالتها...


ام رانيا مصدومه من الكلام: وانا بين اقول مالها حالتش كانت كذيك وانتي بتمكنيني ضغوط الجامعه ومدري ماهو انا كان ازلجش تقري والا تسيري ت##...


رانيا ببكاء: يييمممه والله بين اقلش كنت خبلا وغافله بس الحمدلله اهتديت والحمد الله ان انا ما شربتهن كلهن والا لوشي ان انا مجنونه سااع هناء يمه قوا سامحيني قووااا يمه


ام رانيا ...










https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 78 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


رانيا ببكاء: يييمممه والله بين اقلش كنت خبلا وغافله بس الحمدلله اهتديت والحمد الله ان انا ما شربتهن كلهن والا لوشي ان انا مجنونه سااع هناء يمه قوا سامحيني قووااا يمه


ام رانيا وهي مقهوره من بنتها وافعالها وفي جهه اخرى حمدت الله ان بنتها اهتدت وعرفت غلطها دمعين عيونها وحضنت بنتها: خلاااص بس لاعاد تبكي واطلبي السماح من الله مش مني... وصاحبتش الله عيفرجها عليها ماعذر من خير... مدري مالكن يا بناتي كم بنجلس نحذركن من هذه الحاجات وانتين ولا مانفعل اسكتي بس وربش عيفرجها....
.
.

بعدما جاء الفقيه وعقدووا لهم ورؤوف زي الاخبل بيمشي بعد ابوه ومش عارف ما يفعل... خلاص رؤوف اتزوج وبممن بواحده محروقه وحالة امها حاله كيف عيقابل اصحابه في الجامعه ايش عيبرر للاهل كل هذه الافكار في راسه بعدما عقد على ورد قطع تفكيره صووت صياح عبد المطلب..


صالح: بين اقلك ما تدخلش منها خلاص ماذلحين قدها مزوجه انساها انتت


عبد المطلب والشرر بيتطاير من عيونه: والله ما يشلها الليله لو يقع ما يقع
مالك بتجنن ياسعم ان هي حاجه رخيصه لوما بتفعل بها هكذا.. ياباه هي ورد بنتك من لحمك ودمك ليش بتفعل هكذا... على الاقل خليني افعل لها حفله واتكسى لها ليش يا باه تشتي تكسرها فوق ماقدهي مكسوره


صالح وهو متنرفز على الاخير والحاجه الوحيده في راسه انه يزوج ورد وفي اسرع وقت طنن من كلام عبد المطلب وسرعان مارجع صوته وبقوه: ما تدخلششششش مني يا عاقي والديك عيجي يخطي قوله على ابوه قذا عيتمشيخ الجاهل حقنا ويدسع كلام ابوه


محمد مستغرب من ابو ورد باقوا قووه ليش بيفعل هكذا ببنته شكله يشتي يبز مهرها الثلاثه المليون...


رؤوف وقد باقي شويه ويقوم يفحرهم بسر اتصال وارد من ذياب ودرى انهم مراعيين له خارج... غلق التلفون وقام خرج من غير اي ردة فعل وهو ضاااابح الففف


خرج وبسرهم بيخزنوا فوق سيارته ويراجموا لا داخلها اول مره مايصيحش طنش وطلع وصرع الباب بقووه


ذياب: مالك..


رؤوف وراسه ويداته عرض السكان:اوووص ولا كلمه اسكتووووا خلوا لي حالي


ذياب بسره قالب صور سكتتتت...


يزن ضابحح باقوى قوته على رؤوف وفي نفسه المفروض تفرح يا رؤوف بهذا اليوم ويقع لك عرس وزفه وهوكه من حقكك لكن حظك مانفعلك الله يفرجها...


بعد المعركه والمحانبه اللي وقعت داخل ويمين عبد المطلب ... عيشلوها بعد ثلاثه ايام لبيت رؤوف....
.
.

ضوا رؤوف هو وابوه للبيت وكان طول الثلاث الايام واصل خارج وما يرجع الا يرقد... كان واصل سايلنت ويبسر اصحابه سكته وبنص عين ...



في ديوان بيت ذياب..
ذياب: يا اخي مالك مادخلنا احنا لوما بتعاقبنا طول الثلاثه الايام وانت بتقلب صور فوقنا


يزن ابتسم: لا تنساش انك شاهد على المأساه اللي قعت له


ذياب التفت لرؤوف: والله انك بتنكد على نفسك ومحد معبرك وكل شي عيمشي سعما يشتي ابوك انت بس انسى وعيش اليوم عيدوا حريوتك الليلةةة المفرووض تزقرع وتقوووم نبترررع خلونا نخزن تخزينه بطيبه نفس يا منعاه يحسب الله ان انا كنت مراعي لعرسك مراعاه


رؤوف: ومن قلك انو عرسي هذا... اطيب نفس ابي بس ماعاد اغلق الشهر الا وقد اتزوجت خليها بس توصل وشاخليها تطلب الطلاق هي


يزن ضبح: اصاه اصاه اللي عيسمعك عيقول ميته عليك ماتشتيك لا انت ولا غيرك هو غر قدو حكم القدر ضدها وعادهي عنيده اعظم منك وحلفت ما تفعل حاجه ولا تشتي شي وبعدااااا غيرك الف تمناها


رؤوف قلب وجهه بسخريه


يزن: مدري ايحين عتبطل الكبره حقك هذه ابسر من سبتها مابيقع لك


رؤوف: انت ذلحين صاحب والا طبينه عتهجع ماشي قمت تنقلع من عندي


يزن لانه داري انه ضابح دعمم من كلامه...

ذياب ضحك: جالس لقن هو غر بس بطريقه جلفه شويه... اشتي ادرى يا رؤوف كيف حال اللي في البيت كلهم موافقين او مع!!؟


رؤوف اتنهد بضبح : مدري ماعاد بين اجلس في البيت واصل وانا عندك... وديان عادهي بتقيس النبض قالت لوما تعرفها وعتحكم.. وامي كانت معارضه قووووي في البدايه وابي صيح فوقها وهددها بالطلاق الاسطوانه حق كل مره لو تعارض وبعدا سكتت
واختي مدري ماعاد بسرتها قدلي اسبوعين والله


يزن: وعبدالله!


رؤوف: يا اخي قدو ثاني باقوا قوته امانه تيه المشكله الاخيره قطعت فيه قدو حالي


ذياب: ههههههه يهدي من يشاء عقبالك يا حيدي


رؤوف قلب صور: او بتبسرني من كفار قريش


يزن ابتسم: حاشى الا كبيرهم


رؤوف ابتسم لهم: نذاله















📚 @rewayatyamania 🇾🇪

البـارت 79 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


في غرفه ورد الساعه 8:00 بعد العشاء
كوولهم في غرفتها امها بتجهز الشنيط وفيض وامها جالسات عندهم من العصر


ورد بتبسرهم سكته


فيض بتبسرها ومقهوره عليها باقي شويه وتبكي وتعبت من عنادها


ام فيض بتبسرها من طالع لا نازل بقزازه والتفت لعند امها وبهمس: هيااا بنتش هذه ساع اللوح ولا بتدي حركه الناس عيجوا تقوم تلبس وتفعل لها في وجههاا اي شي هي عروسه


ام ورد: لاعاد تزيديهاش عليا مقهوره عليها من داخلي قلبي... ماعاد بتسمع حد ولا عاد هي مثل زمان قدي ساع اللي بغير حس ولا رفضت ولا وافقت ولا قد بكت ولا ضحكت ولا اي حاجه مدري كيف عيوقع بها عندهم... كان نفسي يقع لبنتي عرس ساع باقي بنات خلق الله لكن مايفعل واحد


ام فيض زعلت على ام ورد ومسكتها من كتفها وهدتها...

.

عبد المطلب في الصاله سيره جيه سيره جيه ولا قررر


صالح ببرود قاتل: اجلسس لك جلاس صرعتني سيره جيه


عبد المطلب بسره بحقد: الله يدي لي ربع حقك الدعممه بس مدري هي دعممه والا ماهو والله ماعاد دريت ما انا، اختي ووحيدتي عتسير هكذا بغير عرس بغير شي ساع الجنازه وانت ولا في احسك زوجتها تحت الضغط لا قالت لك ايوه ولا ماشي ولا قد اتحاكت احمد الله حن معك بنت ساعها والله ماعتعرف بيقمتها الا لوما ترحلها ورجع اتذكر كلامي

صالح: ناهيج اقتلب داعيه ومش انا داري اسكت بس وقذا بين اسمع طراق سياره شكلهم جوا خليها تتجهز....
.
.

ورد قامت لبست وتجهزت وهي مثل الجثه الهامده وسارت تصلي ركعتين بعدما سمعت انهم دخلوا الديوان... سجدت وما شكت لا احد لا لامها ولا اخوها ولا فيض ولا احد شكت لله وحده حكت له كول مافي قلبها وتوكلت عليه وسلمت ومشت


-في إحدى حواراتي مع الله، لم أكن أسمع جواباً مطلقاً أو مقاطعةً، كانت الساعات كلها لي، كما أنني بكيتُ دون حرج، و لم أخجل من الحديث مراراً عن تعبي و أنني متعب، و أنّ التعب قد أنهكني، لقد قلتُ أنني متعب بعدد المرات التي تعبتُ فيها و لم أسمع صوتاً يأمرني بالسكوت، و لا النهي بالتوقف عن البكاء، و لم يصفعني بحجة الخوف عليّ، بل شعرتُ بالهدوء، و كل الفوضى بداخلي قد رتبها، و أنَّ عدد المرات اللانهائية التي قد تعبتُ فيها قد زادتني متانةً، فقُول لي يا صديقي أأستغني عن حواري مع الله من أجل أُذنك.🖤

.
.
عبد المطلب داعى ورد تخرح عشان عمها وزوجها مراعيين خارج


ورد كملت صلت بهدوء رفعت السجاده ببرود وبسرت فيض وامها وام فيض واقفات جنب بعض بيبسرنها بشفقه قاتله فيض دموعها اربع اربع وام ورد نفس الشي وام فيض بتهدي الاوضاع


اما ورد ما نزلت لها دمعه وكانها عارفه انها عتسير للجحيم بارجلها وتوفر الدموع للمواقف الجايه اكيد عتكون اصعب من هذا


ورد ببرود قاتل: ليشش الدموع من مات... انا مت مره ومحد سمى عليا وذلحين ايش الدموع هذه ع فكره الدموع مابتغير شي ويلا خااطررركم
ومشت تشتي تخرج


فيض ما تحملت وصاحت بين دموعها: وردددد لحظه بس خليني احضنش حضن يعوض عن كل الايام اللي شاعيشها من غير ما ابسرش او اسمع صوتش.. وحملت حجفتها بقووتها ودموعها اربع اربع...


فيض: ورد يا قلبي انتبهي لششش قووووي انتي كل شي غالي بالنسبه لي ولامش ولاخوش لا تنسيش انتي كل شي... ورد بادلت فيض الحضن..


قاطع حديثهن صوت عبدالمطلب بيداعيهن يخرجين

فيض: استودعتش الله ي اغلى من روحي استودعتش للقوي القادر في امان الله


ورد وعيونها مزججات دموع بس مش قادره تبكي... بسرت امها بنظرة وداع والم وقهر ونظره تعبر عن الف كلمه وخرجت


بسرت ابوها وعبد المطلب مراعيين لها ابتسمت بقهر ومشت


عبد المطلب بيبسرها باين عليها ما بكت ولا نزلت دمعه بس القهر في عيونها والعتاب واضح


صالح بقزازه: عادها عتقلب صور احمدي الله عتتزوجي بابن الكاسر كم من بنت صحيحه بتتمناه مانتي قد انتي حوارق فرص..


ورد بسرته بحقد وبلعت ريقها من قووه الكلمات اللي حست انها طعنتها من اكثر شخص المفروض يوقف معاها اليوم.. قررت تتكلم بس اتراجعت وعرفت ان الصمت احيانا راحه نفسيه


عبد المطلب بيحس بالكلام وحس كيف تغيرت ملامحها: مالك يا باه تقدر تقول كلمه حاليه ماشي سكت المفروض يأنبك ضميرك لو شي انك عتخرج بنتك بموكب وعرس وزفه وكل شي بس مانقل الا حسبنا الله عيعوضها الباري... مسك ورد من اكتافها


ورد انا جنبش سند وظهر انا شاجلس اجي لعندش واذا مش مرتاحه باتصال واحد اجي لش لا تخليهم يتمادوا عليش ولو بكلمه انا موجود لا تفكيرش محد معش انا اخوش وعضيدش ورؤوف اي كلمه يغلط عليش انا شاربيه استودعتش الله يا روح اخووووش في ودايع الله...


ورد...


؛ نضحك على آلدنيآ وتضحك عليناَ .
؛ حتـى تبكينآ صوآديف آلآقــدار"🖤"...






📚 @rewayatyamania 🇾🇪

البـارت 80 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ورد بسرت اخوها بانكسار وتمردت دمعه من عينها حضنته بغير شعوور... وعلى الاغلب عرررفت انها عتتزوج باخو هناء هناء اللي هي سبب في كل اوجاعها والمها وكأن ما كفاهمش اللي فعلوه وما سلمت من خبث عبدالله زاد القهر قهرين انها عتتزوج لعندهم وباخوهم ومن لحمهم ودمهم بسس ايشششش تفررررق خلااااااص ورد ماااتت من زمان.....


عبد المطلب استغرب من حضنها بس فرح وبادلها بنفس اللهفه وحب راسها


ورد مسحت دموعها بعنف وردت البرقع تعلن جاهزيتها


عبد المطلب مسك بيدها وخرجوا...



رؤوف : اوووف طيب هو زوجني هو ليش ما يجي يديها هو مابلا اجي اراعي هانا ثلاث ساعات ياسعم مدري من هي الله يصبرني بس قطع كلامه مع نفسه عبد المطلب وصالح وبنت صغيرة الحجم باين عليها صغيره... صغر حدقة عيونه وهو بيبسرها وكأنها مش هي مدري كيف كان متخيلها كان متخيلها انسانه كبيره ودبه وبشعه داخليا وخارجيا... ابتسم وحس انه ارتاح واحد بالميه..


صالح واقف نفس الجدر وماله اي اعتبار او كلمه..
ورد شدت على يد عبد المطلب بقوتها وخوفها
عبد المطلب شدها بحنيه بمعنى انا معش...


رؤوف بيبسرها كيف ماسكه يده وحلل من خلال كلامه دايما في الديوان انه يحبها خيراات وهي نفس الشي ...


عبد المطلب فتح الباب وبقهر: من غير مساء الخير من غير شي لاني والله اختي ونصفي الثاني ومشتيش ازوجها بك بس قدو النصيب... ولانو النصيب فرض نفسه يا ابن الكاسر.. اختي خط احمر قسسسما بالله لو ادرى بس انه ضايقتها بكلمه لا
يوقع شي ماقد شفته... اختي امانه في رقبتك يا رؤوف صونها مثل ما تصون اختك وذلحين يلا الله معاكم وخلي عندك علم كل يوم وانا عندها شتفقدها واصل...


رؤوف بيبسره بتطنيش...


ورد طلعت ورا...


رؤوف مالها هذه طلعت ورى ياسعم ان انا سواق ابوها... بس خليها هانك احسن مافيني لوجع الراس وشغل السياره ومشى...


ورد كانت مفهييه طول الوقت وبتبسر حارتهم بشعورين شعور قبل ما تحرق وشعور بعد وبعد فضيحه الصور كرهتها وتتمنى ما ترجع لها



كنتُ أترك جزءاً مني في كل شخص عرفته وأحبني وفي كل مَقام مكثت به، أؤمن أنني تركت بكل شيء -غادرته أو غادرني- أثرًا يُشير إليّ بجميع أصابعه
-الآن ألوّح بكلتا يديَّ في الفضاء لا شيء سوى الفراغ يا الله.. لا شيء سوى وجعي 🖤


رؤوف بيبسرها بيجابر روحه من اول وهي بتبسر من الزجاج امانه لو انا لا تكتسر رقبتي.. وبعدين قالوا مغصوبه والله باين فارحه ولادمعه هه قلكك مغصوبه... بس لو يبسرها ابي ورا عيقع يوم حامي... ووقف السياره


ورد جالسه بتبسر من الزجاج ولا جابت اي ردة فعل


رؤوف بسرها واستغرب وفي نفسه يووو شكلها خرسا والكل والله انك ودفت يا رؤوف اتكلم بحده وهيبة بيت الكاسر: انزلي من عندش وجي هانا


ورد بنفس وضعيتها: مشو ضروري وابوك ما عيتحاكاش لا تخاف


رؤوف بلع ريقه وكأنها بتقرا افكاره: انا قلت جي هانا احسن من ما انزل اسحبش


ورد ابتسمت بقهر اصلا كانت متوقعه انه عيكون هكذا في تعامله وذلحين تأكدت من شكوكها نزلت وطلعت جنبه


رؤوف حرك من غير حتى يلتفت لعندها


في بيت رؤوف''' كولهم مراعيين وديان جالسه رجل على رجل مراعيه متى تجي مره رؤوف

وديان: ياباه هيا وين رؤوف مازد جاء


محمد: مالش معاجله عيجي ذلحين


وديان بخيال: الله نفسي اتعرف عليها يا باباه احسني شاحبها اصلا بين احس ان هي مظلومه وان هي ساع حق فله


محمد: هههه الله يعينش يا بنتي انتي متأثره مع المسلسلات


وديان: بين اقلك بين احسني شاحبها قلك مسلسلات


محمد: هههه تمام وانا ايش قلت حتى انا بين احسني عتحبيها


وديان: ههههههههه معي اب نزغه ينتبه على الكلمات الجديده اللي بين اضيفها لقاموسي


ام رؤوف قامت: كم فيكم من هدار... خاطركم اسير امتد لي قد انا متكسره مراعاه شكلهم عيتأخروا شبسرها الصبح ما حبكتش ياسعم قدهي حريوه صدق


محمد بقهر: قلت لش يا سميه سبري لقفش مع مرة ابنش مشتيش معايره ومحانبه وقد قلت لش من هانا لا تختبريش صبري في هذه البنت لان انا شاقوم معها وقدش اخبر مافعلوا بها عيالش ماعدبش داعي للرفاس


سميه: ناااهيج درينا الله يفكنا من شرها


وديان: هياااا ناهي لكم عتدوا بنت الناس لبيتكم والا عتجلسوا تتصايحوا عيب يمه مايسبرش تقلي هكذاحرام لو هي مها ان انتي بتزوعي البيت زوع بالمحجرات وماعترقديش الا الصبح


سميه: انتي بطلي لقافه يا شبر ونص هذك مها بنت اختي لو كانت هي اصلا ان ماعندخلها ساع السرق اح اح على مراعاتي لعرس ابني سارت للشارع وبسرت لعند محمد بحده... لكن مايفعل واحد حكم القوي على الضعيف ومشت


محمد اتنهد بهم


وديان سارت لجنبه....












https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪