البــارت 226 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


احمد:هيا للخباله تحاكا والا قفي من هانا

نادر قام سنب:خلاص شاقفي بحترامي عاسب ما تزبطنيش انت لاخارج

نغم زقمت يده وسحبتها وجلسته جنبها:قرر واتحاكا

احمد:ذاحين عتجلسوا تتعازموا من عيتحاكا هيا قوم من عندي انت وهي

نغم:خلاص ي عم اسمع انا شاحاكيك ماعليك من اللغجه هذا

احمد:ايوه

نغم بتوتر: ذاحين كل واحده من بناتك تزوجت واستترت وعيالك كل من مع مرته وعياله صح اوماشي

احمد:ايوه وبعدا

نغم:ايوواه وانت ذاحين لحالك ومابش احد معك صح

احمد:ايووه الخلاصه ماهييه

نغم:الخلاصه ي عم الله يخليك لنا قلت يعني بدل ماتجلس لحالك هكذا تتزوج واحده وتكمل معاها ماتبقى من عمرك الله يطول لنا فيه

احمد ضحك:انا اتزوج

نادر:ايوه لو ماتشتيش سهل شتزوج انا

نغم بسرته بنص عين

نادر ضحك:خلاص كملي

نغم: ايوه ي عم ومافيها ماناقصك رجال وسيم ومهنجم والكل

احمد ضحك:ي بنتي كبرنا ع الخبر هذا وبعدا الذي عتتزوجني ماعتتزوجنيش لسواد عيوني عتتزوج عاسب زلطي تقول اتزوج ذيه الشيبه لوما يموت واورثه

نادر بمزح نفخ صدره ودقه:الله المستعان تورث من واحنا هانا ولا يهممك حين قدك عتموت ما عنذكركش للشهاده عنقولك طلقها

نغم ضحكت:استغفر الله مالك

نادر ضحك:مالي

احمد:مع بغير تبداع زواجه بهذا العمر العقل انت وهي بطلوا جنان

نغم:للمه ي عمم مششك اول واحد تتزوج وقد تعديت ال50 وبعدا الذي يبسرك يقول عاد عمرك 40 سنه

احمد ضحك:لاتحاوليش ماشيي

نغم:تمام اقل شي اعرف منهي الذي عنزوجك بها

احمد بمزح: من ياسعم سندريلا

نادر:مع مشي سندريلا خالتها العجوز الشرسه تيك

احمد ضحك:اسمعو الصباحه هذا

نغم ضحكت:سندريلا هذي تكون خالتي مرام

نادر: احمم الذي هي امي

احمد انصصدم وبهرر:ماهو

نغم:ايوه لاتستغربش خالتي مرام

احمد:مرام من ي مجنونه هذي بالذات حتى ووافقت انا مستحيل توافق هيه

نغم:ياعيباه وانت مادراك انت بس قولنا عادك تشتيها اومع

احمد سكت

نادر:الله المستعان ي ابه عادك بتخزاء من ذيه المجبر قدك جد عيب عليك

احمد ضحك وخفعه برقبته:انت قليل ادب امانه لوما مرتك هانا والا كنت لبجتك

نادر ضحك:يامرتيي قومي اخرجي خلينا نتفاهم

نغم ضحكت:هيا مشو وقت الزبج هذا الساع قولنا ي عم انت موافق اومع انت بس حاكينا برايك والباقي عليا

احمد:والله ي بنتي مشنا داري ما اقلش غر مايصلحش

نادر:لاتصدقيش المشعات والقروطه تيه قال مشو داري ما يقلش حرام انو موافق من حين سمع اسمها ابي وانا اخبر به

احمد ضحكك:تمام ي كلب (زبطه) قوم اخرج من هانا

نادر ضحكك:للمه او كذب

نغم بتضحك:يعني موافق

احمد:خيرة الله افعلوا الذي تشتوه انا شخرج ابسر عملي خاطركم(قام خرج)

نغم سنبت ولفتت لنادر

نادر بيتبسرها مبتسم وقالوا بنفس اللحظه:وووافق

نغم ضحكت:ماتوقعتش بهذي السهوله يوافق

نادر:ولا انا لكن مدام الشغله فيها مرام اكيد عيوافق

نغم:وانت مادراك

نادر:من زمان وانا بن الاحظ عليه احساسه بالندم كل مابسر امي او اجتمعوا عيونه كان يبان فيهن وبييتمنى يصلح غلطه واكيد ماعييرفضش الفرصه وقد جت لاعندده

نغم:الحمد لله

نادر:وذاحين المرحله الصعبه هي كيف نقنع سندريلا بالامير المتوحش

نغم ضحكت:ياعيبتك ع عمي

نادر:ابي سهل لكن امي هي العقبه الكبرى مستحيل توافق بسهوله

نغم:ولا عليك ان شاء الله عتتسهل

نادر تنهد:على الله

في بني مطر..

وقف السياره ونزلوا كلهم
كان الهواء ونسمات البرد يضرب في وجيههم وصفاء السسماء ونقاء الجو بعد المطرر
بيتبسروا الجو ويتأملوا صفاء السماء والمنظر الفاتن في هذي المنطقه

مرام بتستنشق الهواء:محلا الجو بعد المطر وشم المكان يجنن

روان:ايوه حالي قوي حتی السماء مغيمه

لمار:احنا وبابا كنا نجي هانا واصل

ماجد بهرر لها:الله يرحمه

مرام اكتبدت

ماجد حب يغير الموضوع: يله
نزلوا الصبوح من السياره
وافرشوا لنا هانا نصتبح ع الجو الضخم هذا

مرام ابتسمت:لو لبست جاكت ي ابني برد عليك

ماجد:ماعليش مشو برد قوي

مرام:تمام هيا اجسوا

(فرشوا وجلسوا يصتبحوا)

ماجد:الله ي امه انا فدال الايدي محلا الاكل

مرام ابتسمت:بالعافيه ياروحي

لمار:مجودي اشتي اسكريم

ماجد:حاضر نكمل صبوح واديلش احلا اسكريم









📚 @rewayatyamania 🇾🇪

البــارت 227 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


لمار حبته ب صابره(خده):تسلم لي

ملاحظه:لمار عمرها الان 16 سنه

رن تلفون ماجد..

ماجد رد:حيا وقوا بالدكتور حقنا

نادر:حيااك ي حيدي كيف انتو

ماجد:مالنا شي نحمد الله

مرام فرحت:اديه احاكيه

ماجد:ريعي نبسر مايشتي

نادر سمعها:ماشتيش منك شي ي جني هات امي

ماجد ضحك

مرام:حيااا بالمتكبر هكذا ماعاد تجيش تبسر امك ولا تزورها

نادر:انا اسف ي غاليه لكن والله مابن افضاش

مرام:الله يعينك ي روحي كيفي مرتك

نادر:بخيره تسلم عليش المهم اسمعي اليوم بما اني جمعه واجازه حاكي ماجد مايخرجش من البيت شاجي انا والمره عندكم

مرام فرحت:يووه حيا بكم فوق عيني

نادر:ياسين عليش يله ذاحين شاقوم اتجهز للصلاه قبل ما تقبض عليا نغم

مرام ضحكت:الله معاكم

نادر قفل

ماجد:ماقال

مرام:عيجي هو ومرته عندنا

لمار فرحت:اخيرا

مرام ابتسمت:اخيرا هيا اصتبحوا

في بيت نادر بعد العصر..
بتتحاكا في التلفون:والله قد كنت ناسيه

ندين:شلوش احد ينسى يوم مثل هذا انا ماشنساه لوما اموت بحق البهذله الذي بهذلتينا

نغم ضحكت:خلاص تمام شاحاكي نادر ونفعله المره تيه عندنا

نادر دخل

ندين:تمام انقلعي يله شبسر ابني اينوه

نغم:الله معش

نادر:في مه تحاكيني

نغم:يوم الاثنين ميلاد جواد واياد

نادر:يووه تصدقي نسيت

نغم:وانا والكل نسيت غر قلنا هذي السنه نفعله عندنا بالبيت للاثنين يعني كل سنه بنفعل حق كل واحد لحاله حين بينهم يوم واحد

نادر:براحتش انا جاهز لكل شي وجواد ابن اختي وساع اياد

نغم ابتسمت:انا فدالك

نادر:هيا في ساع البسي ولبسي ابنش شخرج اشغل السياره

نغم:اياد جاهز ابسره نازل بيتلاحق هو واحمد ابن اخوك وانا شلبس واجي

نادر:تمام

في بيت خالد..

جالسين في الديوان مخزنين سوا

وليد:مارايك ي ابه تبطل شغل عند عم احمد

خالد:للمه

وليد:ماعدبش داعي لشغلك الحمد لله ربي فتحها عليا وامورنا سابره اجس وافتهن

خالد:ماعه بدأت انا وعمك من الصفر وماشفلتهش انا مابين اشتغلش عاسب المعاش بارك الله فيك غر اضيع وقتي انت داري مابن اتحملش الجلسه داخل البيت

وليد تنهد:يله براحتك

سمعو صوت بكااء قوي وصياح

وليد افتجع وقام بيحمل صلى مصدر الصوت

وخالد بعده

وليد:مالها بتبكي

سحر افتجعت:ولا شي سعليكم

وليد شلها وبيحاول يسكتها:كيف ولا شي قذا البنت مشافرها زرق مافعلتي بها

سحر:ولا فعلت شي هي غر نكعت من فوق السرير للقاع

وليد صيح:وانتي وين حسش مابتقدريش توبهي للبنت

خالد:حصل خير ي ابني مالك مابش داعي لهذا كله البنت بخير

وليد بيحاول يسكتها:كيف مابش داعي ي ابه يعني بنت عمرها سنه ماقدرتش تهتم فيها والا توبه لها

سحر:ياوليد مالك البنت ذربه انا كنت بن احاكي سلوى وهي نكعت

وليد:ايوه مشنتي فاضيه التلفون اهم(شل نغم وخطي الديوان)

سحر لفتت لخالد وعيونها ملان دموع

خالد ابتسم:سهل ي بنتي لاتغثيش افتجع عليها وبعدا انتي داريه المشولح هذا يصيح ويرجع يندم

سحر اكتبدت وجلست

خالد تنهد ورجع للديوان

في بيت ماجد..

اندق الباب وفتح ماجد..

ماجد:حياا واهلا وسهلا ادخلوا
شل اياد من يد نغم وحب راسها وسلم ع نادر ودخلهم للديوان

ماجد:كيف انت ي حبيب عمو

اياد:بحيل

ماجد ضحك:ابنش هذا مايشتيش ينطق الحروف ساع الناس

نغم ضحكت:طالع لعمه ابسر فيديوهاتك وانت زغير كنت ساعه اعجم

ماجد ضحكك

مرام ولمار دخلين وسلمين عليهم وجلسوا

نادر:كيف انتي ي امه ناقص عليش شي

ماجد:ماعينقص عليها وانا هانا

نادر:يا اخي اسكت شويه مادخلك بيننا

ماجد ضحك:دخلني الباب

روان دخلت وبيدها العصير وقربته لهم

نادر خزي منها

اياد:عمه روان استي عصيل

روان بتتحيلا له عيوني لك ي روح عمه هيا جي عندي

اياد حمل وجلس ف حجفها

روان بتشربه العصير:ماشاء الله عليه حبووب

نادر لفت لنغم:ساع ابوه اكيد

نغم بسرته بنص عين:قصدك ساع امه

نادر:ماشي سعي انا

نغم:والله انو سعي لا تقروطش

نادر:قلت ا....مرام قاطعتهم

مرام :جيتوا عندي تتناقروا ع ابنكم ع من طلع قر انت وهي

ماجد:نغم قدش ام والثاني بالطريق ماتشتيش تعقلي

نغم ضحكت:الجنان ضخمم قلدني الله وبعدا اذا كان الاب وابنه مجانين كيف تشتوا مني اعقل

مرام ضحكت:جبرني بكم

نادر:لمااري للمه انتي هانك جالسه جي عندي جي

لمار قامت جنبه

نادر حضنها:كيف الدراسه

لمار خازيه:تمام سابره

نادر حب راسها:لو احتجتي شي حاكيني انا موجود

لمار ابتسمت:تسلم

اياد قام لاعندهم وزقم لمار من يدها وبيسحبها






https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 228 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


اياد:كومي من حذف بابا

نادر بهرر:عيب هذي عمه

اياد:ماعه ماعه دلها تكوم

ماجد ضحك:كومي ي اختي جي عندي خليه يشبع بحذف ابوه

نادر ضحك:الله يقلعك اين حذف

ماجد ضحك:ابنك الذي قال مشو انا

لمار قامت:خصمه لاعاد تحاكينيش

اياد جلس بحجف نادر:احثن مستيس احاكيس

الكل ضحكووا

ماجد:شبت القصر وقذا لسانه اطول منه

نغم:ابوه الذي خربه

نادر ضحك:مادخلكم من ابني(لفت لنغم وغمز لها)

نغم فهمت:ياخاله جي معي اشتيش ضروري

مرام:خير

نغم:جي

مرام قامت مستغربه ودخلين غرفتها

مرام جلست:خير يابنتي مالش زوجش فعلش شي اخوش ومرته بينهم شي والا سلوى تصايحت هي وزوجها والا جابر ما...نغم قاطعتها

نغم:مابش شي ي خاله كلنا بخيرين الحمد لله بس به واحد مننا مشو بخير

مرام بلهفه:من

نغم:عمي احمد

مرام:هاا الله يشفيه

نغم:بس مشو مريض

مرام:وانا ما افعله

نغم:اسمعيني ي خاله اشتي احاكيش بموضوع مهم ذاحين عمي عايش لحاله وحاسس بالوحده بالرغم ان كلنا حواليه لكن من حين خرجت سلوى وهو متضايق واصل حتى ماعادبيجلسش معانا سع اول وانتي والكل اصبحتي وحيده وماجد يله يهتم بمرته ولمار وانا ونادر يعني قلنا نجمعكم ونز....مرام عصببت وقاطعتها

مرام:بس لاعاد تكمليش مالش بتجنني تجمعي من وتفرقي من قفلي الموضوع هذا وبطلي خباله انتي ونادر

نغم:ماشاقفلش المووضوع ي خاله ولازم تسمعيني للاخر

مرام عصبت:نغم انا بين احنجش قوي وبن اعتبرش بمكانة سحر لاتخليني اغثيش بسبب الهباله حقش

نغم:وللمه تغثيني ي خاله انا فدالش اذكري الله

مرام دمعت عيونها:منش جد تشتي اخلي رجال غير خالش يعني تشتي ادخل رجال لحياتي بعدما خالش رحله وشل حياتي معه

نغم:خالي بسام الله يرحمه مات وهذا مايعنيش انش تدفني نفسش بالحياه الموت حق وكلنا لهذا الطريق وخالي ماعيرجعش ويلومش على شي

مرام مصدوم من قسوتها:نغم الذي بتتحاكي عنه هذا خالش خااالش ي نغم

نغم بتكابر وتحاول تخفي وجعها وبتتحاكا بقسوه:انا داريه انو خالي لكن خالي مات ي خاله مااات يعني خلاص ماعادوش معانا فلتنا وسار لازم تبسري حياتش وتكمليها مع رجال يصونش والا تشتي تجسي وحيده هكذا

مرام:انا مصدومه معقول انتي نغم الذي قلبها طيب بتتحاكي هكذا منين خرجتي القسوه هذي

نغم اكتبدت وزقمت يدها:مشي قسوه ولا شي ي خاله لكن للمه ماتتزوجي يعني مافيها ولعلمش قد حاكيت عمي احمد وهو وافق وماعاد ناقص الا موافقتش

مرام:موافقتي على مه انتي بعقلش كيف تشتي مني افلت عيالي واتزوج

نغم بذكااء:ومن قلش انش عتفلتيهم ماجد ولمار عاشوا عندش من حين ولدوا شبعوا من حنانش عليهم لكن نادر واخوته انحرموا منش ومن حنانش ومن عطفش من حين هم جهال ارجعي وعوضيهم الحرمان هذا ي عمه سلوى كانت مغطيه جزء بسيط من غيابش لكن سلوى ماعاد بحديه عيالش كبروا صح لكن بحاجتش وبحاجة حنانش نادر الذي بتبسريه قبالش الدكتور الجراح الذي بيبسر الدم كل يوم وبيتعامل مع اصعب الاصابات والذي الكل بيفكر ان قلبه قوي بس الحقيقه الذي محد يعرفها الا انا ان نادر معه قلب طفل من داخل كلمه وحده بتغير مزاجه يوم كامل نادر برغم وجودي جنبه بس ماقدرتش اعوضه عن الحرمان الذي عاشه في طفولته وعن غيابش عنه لاني ماشقدرش مهما فعلت اشل مكانش عنده وجابر نفس الشي

مرام تأثرت قوي:بس ي بنتي ما....نغم قاطعتها

نغم:لاتبسبسيش ي خاله ارجعي وخلي شمل الاسره يلتم يكفي تفرق وتشتت لو مش عاسبش اقل شي عاسب نادر واخوته عمي احمد بحاجه لفرصه واحده منش عاسب يصلح غلطه معش احساسه بالذنب بيقتله كل يوم وافقي ي عمه علشاننا احنا

مرام:ماشي ي ن...نغم قاطعتها

نغم:لاتقوليش ماشي فكري وشلي وقتش قلت لش لو مش عاسب عمي عاسب عيالش وذاحين قفلي الموضوع ....ايووه صح قبل ما انسى يوم الاثنين عنفعل حفلة ميلاد جواد واياد عندنا بالبيت ولازم تحضري وسعليش محد عيكون بالبيت الا احنا النسوان بس

مرام:ان شاء الله خير

نغم:يله جي نرجع عندهم

مرام تنهدت وقامت

في بيت سمير..

سمير:وللمه ببيت اختش يعني هانا مشو بيت وبعدا كل سنه حفلة ابني بنفعلها لحالنا

ندين:مافيها ي روحي مابش بينهم الا يوم ميلاد اياد الاثنين وابننا الثلوث قدو نفعلها هذي السنه لهم الاثنين ومايضرش لو قدمنا يوم

سمير:ووللمه ماحاكيتيني قبل ما تقرري

ندين:مشنا ذي قلت هي نغم وماحبيتش اكسر نفسها هيا قوا لاتغثاش

سمير تنهد:تمام قدش اخبر


ندين قربت منه بدلع:يعني مشك غاثي

سمير بجديه:ماشي

ندين زقمت الكوت حقه وبتلعب به اكيد

سمير:حتى وانا غاثي حركاتش هذي بتنسيني كل الغثا بثواني

ندين ضحكتت بدلع

سمير:يعوه ي ابه هيا جي نرقد قدو شرق

ندين كررت:شرق مه الساعه عشر

سمير:ايوه ايوه انا داري هيا جي

ندين ضحكت وخطت معه










📚 @rewayatyamania 🇾🇪

البــارت 229 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


في بيت نادر..
نغم:ماقلك ماجد

نادر:بالبدايه حسيته معارض بس بعدها اقتنع وجلسنا نتجابر وشرحت له الوضع ووافق

نغم:ولمار

نادر:لمار كانت ساكته وخازيه ولا تحاكت بس عيونها كانين ملان دموع حسيت بالذنب حين بسرتها كانت تبسرني بنظرات وكأنها بتقولي اهم شي عندك راحة ابوك ونسيت اني اصبحت يتيمه

نغم:ماعه لاتفكرش هكذا

نادر تنهد:ربش يعين بس

نغم:امين انا شخرج اجس شويه بالبلكونه ابعد الضبح

نادر:تمام شتحمم واجي لش

نغم:تمام(لبست روب الصلاه وخرجت جلست فوق الكرسي وببتتبسر للسماء وارتسمت بعيونها صورة بسام حست بقهرر وبدون اي شعور نزلت دموعها بغزاره)
نغم:سامحني ي خال لكن بن افعل هكذا عسب سعادتهم(طرحت راسها في نهاية الكرسي وبتتبسر السماء وحست بغصه وقهر ماقدرت تفسر معناه)

نادر دخل:هيا سار الضبح والا عادو

نغم مسحت دموعها بسرعه:اكيد سار احد يتأمل سماء صنعاء ويشم هواها ويجس ضابح

نادر ابتسم وجلس بالكرسي الذي مقابلها وبسر عيونها حمر واستغرب:نغم بكيتي

نغم:ماشي غر مدري مادخل بعيني

نادر رفع حاجب:لي معش ست سنين وعادش بتضحكي عليا قدنا فاهمش اكثر من نفسش للمه بكيتي

نغم قرحت ساعع الغطاء وماعاد قدرت تكتم

نادر ابتلد:يوه ي ابه انا قلت مالش مش زيدي ابكي(قام جلس جنبها وحضنها) للمه بتبكي مالش

نغم حضنته بقوه:مدري للمه حاسه بضيق وضبح فقدت امي وفقدت خالي الاثنين فلتوني

نادر بيمسح ع راسها:بس ي روحي قضاء الله لاتبكيش وتحرقي دمش مايصلحش ادعي لهم بالرحمه

نغم:الله يرحمهم...نادر مدري للمه حاسه بضيق مشو طبيعي وكان به شي كاتم ع نفسي

نادر:معش روح ساكنه داخلش اكيد هو الذي كاتم نفسش(طرح يده فوق بطنها)يايه ي غلام مابتستحيش على نفسك حين تكتم مرتي هكذا

نغم ضحكت:شلوا عدوك قر

نادر ضحك:اخيرا ضحكتي(مسح دموعها باصبعه الابهام)

نادر:محلا عيونش حين تبكي العدسه رصاصي والبياض اقتلب احمر والنخره حمررا تجنني

نغم ضحكت وضربته بصدره;كريه

نادر ضحك وحضنها:بن اتحاكا صدق شكلش توحفه ي بكيه

نغم تضايقت:مش انا بكيه بطل ثقاله

نادر بيعاند:حرام انش بكيه ماهو هذا ابسري كيف قد صدري ملان من دموعش

نغم قامت دخلت الغرفه وحست ان نادر بيعيرها:نادر مالك

نادر فهم وقام بعدها وحضنها من ورا:لاتصدقيش ي روحي انا داري ان كبريائش مايسمح لش تبكي قبال احد ان بن امززح ولو تشتي شحلف لش اني ماشاحاكيش احد نش بكيتي

نغم ضحكت:مجنون

نادر حبها:مجنون فيش
.
.

مر اليوم كامممل وجهزوا للحفله
يوم الاثنين بعد العصر..

تجمعوا الاهل كلهم في بيت نادر وكانت الحفله ضخمه قوي

ندين:محلاهم الاثنين يجننننوا

نغم:الله يحفظهم من كل شر وعين جبرني بس هيا اخطي صوريهم لوما ادي الترته

ندين:تمام

مرام جالسه فوق الكنب وبتتذكر التفاصيل البشعه الذي عاشتها داخل البيت لاول مره تدخل البيت من 27 سنه اول مره ترجع للبيت الذي خرجت منه وكأنها تحررت من سجن حست بضيق وفرحتها ب ابن ابنها ماكانتش مكتمله فكرت بحكا نغمم وتذكرت حكاها عن عيالها وعن الحرمان الذي عاشوه تذكرت بسام وحركاته وابتسامته وتضحيته علشانها حست كأنها في دوامه مشي قادره تخرج منها

ندين زقمت يدها:هيا خاله جي معي ابسري العيال

مرام ابتسمت وقامت

بدأت الحفله وصوروا الجهال وكانت فرحة الكل ماتنوصف والكل بيتحيلا لهم وهم جنب بعض ولابسين نفس اللده ومعاهم نفس الملامح الحاده وكأنهم توأم

نغم:كأني بن ابسر نغم وندين وهن صغار

ندين:وكالعاده نغم وابنها احلا من ندين وابنها

نغم ضحكت:اصه والله انش قمر وبعدا ابسري محلاهم بينهم شبه قوي برغم ان دمهم مختلف

ندين حضنتها:يكفي ان دم امهاتم واحد

نغم:عيجبرني بش ي روحي

ندين:وبش يارب

اياد صيح:مامااا زي ابسلي زواد شل حقي الزعاله

ندين:هيا اخطي ابسري حقش المتوحش

نغم ضحكت:ياعيبتش

خطيين لاعندهم

نغم:ايادي حرام نونو اديله معك جعاله

اياد:ماعه حقي

نغم:يوه للمه جواد حالي وابن خاله ندين الذي تحبها

ندين:خلاص ماحبكش ي اياد انت شوعه

اياد طرح يده في صابرها وابتسم:ماعه حلاص انا سديله زعاله من حقي هو حالي وحاله ندين حاليه

ندين حضنته:يوووه جبرني شاااعضك

اياد:ماعه لاتعطينيس

ندين بتتحيلا له:انا فدالك

اياد اكل جواد كيك:دلحين انا سوعه ي حاله

ندين ضحكت:مش انت شوعه ي روح وقلب وعيون حاله

نغم:ابسرتي ابني ماسخي عليش ولا على جواد

ندين ضحكت:جبرني به وبش

نغم:جي معي نبسر الضيوف

ندين:تمام هيا
.
.

بعد نص ساعه..
نغم:ندين اضوي ابسري الجهال لاعاد يخربوا

ندين بتعب:قدنا تاعبه وزد ارجلي بيوجعني من الكعب اخطي انتي

نغم:كسله طول عمرش

ندين ضحكت وفعلت لها بوسه ع الهواء

نغم ابتسمت وخرجت لاعند الجهال ابسرتهم بيلعبوا سوا واياد مشو بينهم......










https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البــارت 230 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نغم ابتسمت وخرجت لاعند الجهال ابسرتهم بيلعبوا سوا واياد مشو بينهم استغربت وخطت لاعندهم

نغم:جوادي اينو اياد

جواد:خلز

نغم:اينه خرج

وحده من البنات:جت وحده فاتحه شعرها وشكلها شوعه ادت له حلاوى وشلته معاها

نغم افتجعت:اين مره وماقالت له

البنت:جت سألتنا كلنا وهي بتضحك من ابن نادر وقلنا لها هو وهي شلته وخرجوا

نغم افتجعتتت:اين شلته

البنت اشرت صلى الباب:خرجوا الحوي

نغم ابتلدت وحملت لاعندهم خرجت للحوي وابسرتها جالسه ف القاع وظهرها صليها وبتلعب مع اياد

نغم دعته:اياد مابتفعل

المره لفتت لها وشلت اياد وهربت لاعند باب الحوي

نغم ابسرتها بصددددددمه وتصمنت بقعتها
نغم بخوف:خاله بسمه

بسمه بصياح:لاتقربيش مني ابعدي عنييي

نغم:خاله هاتي الولد قووا

بسمه بصياح وحكا غير طبيعي:ماعه هذا ابني ابني انا هذا ابني الذي قتلتيه انتي ابببني هذا

نغم دعت مراممم:خااله مرام ندين جوا لاهانا قوا

بسمه بتتحاكى:اصه اصه هذا ابني انا اسسسكتي

نغم بتخطى صليها:خاله انا فدالش فتليه قوا

بسمه بصياح هستيري:لاتقربببيش قلت لش هذا ابني

اياد بكى:ماما كولي لها تثكت(قولي لها ستكت)

الكل سمعو الصياح وجوا

مرام:مابه هانا خير

نديم بسرت بسمه وافتجعت:ايااااد للمه شلته وكيف جت هذي

نغم:خاله قوا لاعاد تفعل شي بالولد حاكيها

مرام قربت منها:بسمه هاتي الولد بغير مشاكل

بسمه بصياح:ماشديش هذا ابنني لاتقربي مني قلت لش لاتقربي ابعدي يلله

مرام افتجعت ع الولد وسنبت بقعتها

نغم:ندين افعلووا شي ابني لاعاد تأذيه

ندين زقمت يدها:اهدي ي روحي ماعليش ابنش عيرجع بخير ريعي شويه

دخلت البيت وشلت تلفونها واتصلت لنادر

نادر استغرب:غريبه للمه ندين بتتصلي
رد عليها:الو

ندين بخوف وصوت مرعوب:نادر ويين انت

نادر مستغرب:انا بالمستشفى للمه

ندين:جي للبيت فيساااع

نادر:للمه خير مالش نغم فيها شي تأذت والا مابه

ندين:نغم بخير غر خالتي بسمه جت لاهانا وشلت اياد ومابتخلي احد يقرب صليهم وبتتحاكا بطريقه غريبه

نادر قام سنب:كيف جات وكيف خرجت من الحبس

ندين:مدري كيف المهم جي فيساع واتصل للشرطه قبل ماتأذي الولد

نادر خرج بيحمل:تمام تمام جاي المهم حاولوا تتوهوها لوما اوصل

ندين:تمام

(قفل وركب سيارته وساق بسرعه واتصل لجابر)
.
.

عندهم
ندين:خاله اذكري الله وادي الولد قوا

بسمه حضنته:مع هذا هذاااا ابننني انا ايوه ابني انا الذي قتلته اختش

اياد بيبكي;ماما كولي لها تنذلني سمها سوعه(شمها شوعه)

نغم قربت منها:خاله هاتي الولد ابسري كيف قدو مفتجع اوعدش ماشاخلي احد يعسش غر هاتيه

بسمه شلت حجار من القاع ورجمتها بهن:لااا تقرببييش قلت لشش هاءءذاء ابني اءبني

نغم استوجعت وانجرحت بيدها

ندين زقمتها:انتي بخير

نغم:نددين ابني

بسمه:اناا شخرج واشل ابني معي وواء الذي عيلحقني شقتتتله(فتحت باب الحوي وخرجت)

نغم حملت تشتي تلحقها وسنبت عند الباب ماقدرت تخرج لانها مش مستوره

نغم:خاااله ابني ي خاله الحقوها قوا

مرام:سعليش ي بنتي انا شلحقها (دخلت لبست البالطوه وخرجت بعد بسمه وبتدورها ف الحاره)

نغم زاقمه يد ندين بقوه وبتحاول تتماسك نفسها
.
.

فوق السياره
دخل للحاره وبيسوق بسرررعه
مرام ابسرتها وحملت لاعندها وزقمتها من يدها وبتحاول تزقم الولد

بسمه بتصيححح:فلتيييني هذا ابني فلتي فلتي قلت لش ابني ابني

مرام:بسمه هااتي الولد

نادر ابسرهن وعرف اياد وقف السياره ونززل ومعه جابر واحمد وخالد

بسمه بتصيح وبتبكي فلتوا ابني

نادر حمل لاعندها وشل ابنه بكل قووه

بسمه دهفتت مرام ولفتت لنادر بشراسه

احمد افتجع ع مرام ومسكها من كتفها لاتنكع

مرام اتوازنت وبعدت عنه

نادر ناول جابر الولد:شله للبيت

بسمه لحقته:ابنني هاتوه هااتووو ابني

نادر زقم يدها:مالش ابن من ي مجنونه هذا ابني انا وبعدا كيف تتجرأي تتدخلي بيتي

بسمه زقمته من الشميز وبتصيحح:هذاااااا ابني انا

احمد وطى راسه للقاع:ي ابني استروها مايصلحش تجلس هكذا احنا بالشارع

نادر بيحاول يبعدهها عنه:كيف استرها وهي لاصقه عرضي ساع الرباح

جابر ضحك:مش وقت زبجك هذا الساع عليك غضبي

نادر دهفها وقلب صوره:مااااالش اعقلي ي مره خيرر او قد الفيوز لذعت

احمد: ي ابني بغير لقانه اتصل للشرطه
خالد خلس الشال حقه وطرحه فوقها:استري نفسش

نادر:حاكيتهم وانا جاي اكيد قدهم على وصول

احمد تنهد:جابر شل الولد للبيت اكيد امه مفتجعه عليه لوما نبسر المصيبه هذي

جابر:حاضر هيا امه جي معي

مرام شلت الولد وضووا البيت

بسمه جلست بالقاع وتكورت ع نفسها وبتبكي بهستيريه ومابيذكر لسانها الا كلمة ابني هاتوا لي ابني
.
.







https://t.me/rewayatyamania/1972




📚 @rewayatyamania 🇾🇪

البــارت 231 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


عند نغم كل الضيوف خرجوا وماجلس بالبيت الا اهله
ماسكه نفسها بالقوه وكاتمه دموعها

ندين بتبكي وتدعي:يااارب سترك هذي المره ماتشتيش تخلي لنا حالنا في عرسي فعلت لنا نثره وذاحين نثره يااارب شلها وريحنا منها

نغم:حرام ي اختي مايسبرش تدعي ع احد بالموت

ندين:ضبحت ي نغم ضبحت

نغم:ذاحين بدال ماتهديني انتي رجعت اهديش انا خلاص اصه

سحر:صلين ع النبي اكيد امي لحقتها

نغم:حتى ولحقتها ما عتقدرش لها خالتي مشي طبيعيه هذي المره

ندين:انا اتصلت بنادر وحاكيته وقال انو جاي

مرام دخلت وبيدها الولد

نغم حملت شلته وحضنته وبتشم ريحته وامتلت عيونها دموع

اياد حضنها وحبها في صابرها:انا زيت ياماما

سحر ضحكت:زيت مه اسمها جيت

اياد:اثه انتي سوعه


سحر:تمام ي لقن انا الغلطانه افتجعت عليك

نغم:من شلك من عند هذك المره

اياد:بابا سلني يخ ي ماما كان سمها سووع

نغم ضحكت وحضنته:انا فدالك

مرام:هيا افتهني

نغم:مافعلتوا ب خالتي

مرام:مدري عمش ونادر عندها انا شليت الولد وجيت صليكم انا وجابر

نغم تنهدت:حسبها الله خربت علينا فرحتنا

مرام تنهدت:هيا جوا ندخل .
.

عند نادر..
وصلت الشرطه ونزلوا من فوق السياره

الضابط:خير مالكم

خالد:سامحنا ي افندم الظاهر قدك حافظ اشكالنا من كثر النثرات

الضابط ضحك:ولا يهمكم مابه

خالد:الادميه هذي اليوم جت بيتنا وشلت ابن بنتي وكانت هاربه به كيف قدرت تهرب من عندكم

الضابط بسرها:لاحول ولاقوة الا بالله هذي لها شهرين من حين خرجناها من السجن المره فقدت عقلها وكانت تفعل لنا مصايب في سجن النسوان رجعنا ضوينا بها للمصحه العقليه

الكل انصدموووووا

خالد:كيف يعني

الضابط:كانت تجلس تحاكي نفسها وكأن بيدها طفل زغير وبتناغيه

خالد:لاحول ولاقوة الا بالله الله يشفيها
الضابط اشر للنسوان يشلينها

بسمه حاولت تقاومهن وكانت تصيححح بصوتها وتغيرت ملامحها خرجت كل قوتها وهربت منهن وبتقول:ابني انتوا قتلتوه

لحقوا وراها وبيحاولوا يزقموها بسمه بتحمل بكل قوتها وتصيحح وتقول هاتوا ابني خرجت السكه وبدون ماتنتبه جت سياره مسررررعه وصدمتها الكللل لفت ع صوت السياره واتصنمووا السواق افتجع وهربب بسرعه اتجمعوا الناس حوليها ودخلت الشرطه نادر بيخطا لاعندها مصدوووم ابسرها كلها دم جلس ع ركبه وطرح يده في رقبتها ويدها وبيقيس نبضها

الضابط:يااي مابتفعل ي خبير

نادر:انا دكتور ي افندم المره طفحت خلاص

الضابط تنهد:انا لله وان اليه راجعون

خالد:لاحول ولاقوة الا بالله دمرت حياتها بنفسها

احمد:غطها ي ابني حرام

نادر شل الشال وغطاها به وقام

الضابط:ماتعرفوش احد من اهلها

احمد:معها اثنين اخوه عايشين في الحديده غر من حين تزوجت ومشم سائلين عنها ولا داريين اينيه

الضابط:حسبنا الله وذلحين كيف نفعل

نادر:شلوها مستشفى ال... وانا شتكفل بدفنها وتكفينها وكل شي

الضابط استغرب:بعد كل الذي فعلته بكم وعادك عتساعدها

نادر:هذا واجبنا ي افندم المره كانت مننا في يوم من الايام واجعلها صدقه لوجه الله ولا نخليها هكذا بالشارع مرجومه

الضابط؛خيرة الله خاطركم ومتواصلين معك ي دكتور

نادر:ان شاء الله ..حين توصلوا للمستشفى حاكوهم انها من طرف الدكتور نادر وهم عيتكفلوا بها

الضابط:ان شأء الله

شلوها ودخلوها للسياره وتحركوا

احمد:هيا عيالي نرجع البيت

خالد:له الحمد ارتحنا من همها

نادر:حرام ي عم مايسبرش مهما كان المره كانت بغير عقل

خالد:بعقل والا بدون ما سكهنا هرمها ...الله يرحمها بس

احمد:امين
.
.

بعدما وصلوا للبيت..
احمد دق الباب وقامين البنات لبسين واتسترين

احمد قرب من نغم وحب الولد في جبهته:كيف انتي ي بنتي

نغم:بخيره كيف شاكون بعد الذي فعلته تيك المجنونه

خالد تنهد:ادعي لها بالرحمه ي بنتي راحت لها

الكل انصدموا

نغم:كيفه

احمد:كانت تصيح وصدمتها سياره وماتت بساعتها

نغم:لاحول ولاقوة الا بالله

ندين:اخيرا ارتحنا منها كانت ساع عزرائيل

نادر:مايصلحش ي اختي ماعاد يجوز عليها الا الرحمه

ندين:الله يرحمها ولو انها ماتستاهلش

نغم بهررت:ندين حرام عليش مالش

ندين:اصه ي حرام عليش ماضرش الا قلبش الطيب هذا

نغم ضحكت:شلوش..غر ي ابه مدري مالها كان حكاها غريب فجعتنا

خالد:ايوه قالو لش قد كانت ملذوعه وواصل تهذي ب ابنها حين كانت تتمنى يقع لها جاهل

نغم تنهدت:الله يرحمها

احمد:اينو جابر ي خبره

نغم:سار يوصل خالتي ومرت ابنها للبيت

احمد:هااه سابر ..هيا جو نرجع
.
.

الساعه 12:00

نادر:حاكيتي امي من موضوع الزواجه

نغم:ايوه حاكيتها معااارضه بشكل فظيع غر جيت لها من وراها وقلت انكم بحاجتها وتعوضكم عن غيابها انت واخوتك ومن هذا...













📚 @rewayatyamania 🇾🇪

البــارت 232 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نغم:ايوه حاكيتها معااارضه بشكل فظيع غر جيت لها من وراها وقلت انكم بحاجتها وتعوضكم عن غيابها انت واخوتك ومن هذا الهدار وحسيتها تأثرت شويه

نادر ضحك:معش افكار جهنميه

نغم ضحكت:ايووه كان كيف تشتي

نادر حب راسها:انا فدال الذكيه حقي

نغم ابتسمت:غدوه عنسير عندها عاسب نزيد نبسر وزد قبل ماتجي كنت اتحاكا انا وماجد وقلت له يقنعها

نادر:وماقلش

نغم:الصدق حسيت انو غاثي غر بنفس الوقت يشتي يخرج امه من الذي هي فيه

نادر تنهد:ربش يعين
.
.
في بيت ماجد..
مرام معصبه:انت بعقلك ماهو الذي بتقوله وانت والكل ضحكوا عليك

ماجد:ي امه محد ضحك عليا ولا شي مافيها عمي احمد انا عشت معه وعرفته والله العظيم انو متغير قوي والكل يشهد برجولته واخلاقه

مرام بنبرة الم:إنا تشتي اتزوج بعد ابوك ي ماجد

ماجد اوجعته الكلمه ودمع:ابي الله يرحمه ي امه ابسري انا مابش عندي اي مانع واذا انتي بتهمي لمار انا شطرحها في عيوني ولا شانقص عليها شيي وشاكون اديها يوميه لاعندش اما ابي الله يرحمه قد رحله وفلتنا ي امه ماعدبش امل بالرجوع وعمي احمد يشتي منش فرصه ثانيه ووانا ماقبلت الا وانا متأكد انه تغير واني شأمن عليش عنده وبعدا اخوتي بحاجتش ي امه غبتي عنهم23 سنه عوضيهم عن العذاب الذي عاشوه بغيابش

مرام ببكت:وكيف شنسا اببوك ي ماجد واسمح لرجال ثاني يدخل حياتي ويلمسني

ماجد:ابي قلت لش الله يرحمه وبعدا عمي احمد نعرفه وزد ابو عيالش وكان زوجش يعني مافيها لو وافقتي عشان عيالش

مرام:ماشي ي ابني لاتضغطش عليا بحجر الله خلي لي حالي

ماجد تنهد وقام حب راسها:ولا يهمش براحتش والشي اللي تشتيه عيحصل(قام خرج)

مرام بتبسر صورة بسام وتببكي وتتذكر عيالها وتحس انها ظلمتهم وحرمتهم منها محتاااره ومشي داريه كيف تفعل وكيف تتصرف
.
.
في بيت وليد..
نقز من نومه بضيق وضببححح من الازعاج:مالها البنت بتبكي هكذا مافعلتي لها

سحر:مافعلت بها ي وليد قلدك الله بنتك واصل هكذا بكا دلع

وليد شل البنت وقام سنب فيها:مابش جاهل يبكي دلع البنت ي جاوعه ي فيها شي يعني حتى البنت الزغيره هذي مابتعرفيش تتعاملي معها وتهتمي بها

سحر:ي وليد مافعلها هي الذي بتبكي

وليد بقلبة صوره:وليش ما انا سكتت عندي وهيذا هي عترقد

سحر:مش انا داريه

وليد:هيا ارقدي خيرة الله عليش

سحر ضبحت وقامت خرجت جلست ف الصاله متضايقه وبكت بسبب تصرفات وليد وخوفه ع البنت زياده عن اللزوم
.
.

اليوم الثاني..
نغم:ريع شويه لسحر قالت تشتي تجي معانا

نادر:البنت هذي كرها بتخرج غبني ع وليد بس

نغم ضحكت:هه هيذا هي جت مع بنتها

نادر:ابسري كيف بتخطا هه ساع العساكر

نغم ضحككت:مالك لاتسمعك

سحر طلعت وسلمت

نادر:مالش بتخطي هكذا ساع الذي يشتي يضارب

سحر ضحكت:خلها ع الله بس بنت اختك ضبحت بي

نادر:ابسرتي حين سميتوها نغم قلت لكم ماعتجيش نغم ساع نغم

سحر:هو ابوها والا لو هي انا كنت شاسميها اسم ثاني

نغم ضحكت:والله ي ربحه

سحر ضحكت:المهم ذاحين كيف فعلتوا من سب موضوع امي وابي

نادر:هيذا احنا سايرين نبسر ماعتقول

نغم:ع الله
.

في بيت ماجد..
لمار:للمه ي ماجد مشتيش مماما تتزوج وتفلتنا

ماجد:ماعتفلتناش ي عيوني شاكون اشلش عندها كل يوم ولا يهمش

لمار بكت:يعني بابا فلتنا وسار وذاحين ماما للمه هكذا عيخلوني لحالي

ماجد حب راسها:كيف لحالش هيذا انا وروان عندش

لمار:بس انا اشتي ماما

ماجد:ما..قاطعهم صوت الباب

روان:الظاهر اخوك ومرته وصلوا

ماجد:قومي البسي سوا وانا شفتح لهم

روان قامت

ماجد خطي يفتح وسلم عليهم ودخلهم الديوان

نادر:مساء الخير

ماجد:ي مساء النور

نادر:اين جت امي

ماجد:ذاحين عتجي..لفت لسحر اسكه ادي البعسسه هذي اشتي اقحصها

سحر ناولته:هه افعل بها الذي تشتي ولا عتسمع حسها هي ماتدلع الا وابوها عندها عنبسر نجس شويه ويتصل يسأل كيفيه

ماجد ضحك:من حقه يفتجع عليها تبسري ع قمري هه

سحر ضحكت:عقبال ما ابسر عيالك

ماجد اختفت ابتسامته:ان شاء الله
دخلت مرام وروان ولمار وجلسوا وبدأوا يتجابروا

نادر غمز لماجد

ماجد فهم:لماري حبيبي شلي البنت واياد وسيري غرفتش لاعبيهم

لمار قامت:حاضر

سحر:اوبهي لبنتي من المفترس هذا لاعاد يلبجها

نغم ضحكت:ياعيبتش ع ابني

سحر خرجت لسانها تحاكنه:ااانت شوعه

اياد بسرها بنص عين:انتي مالس دحل

نادر بهرر:عيييب هذي عمه قولها اسف يله

اياد:ماعه

نادر رفع حاجبه:خلاص ماشديلكش جعاله ولا شاحبك

اياد:حلاص حلاص(لفت لسحر) انا اثف ي عمه

سحر ضحكت:جبرني

مرام ضحكت:ماشاء الله عليه ملقوف ساع ابوه

نادر بهرر:يووه انا ملقوف

نغم لفتت له:مااشي منو قال انت اعقل العاقلين

نادر:ايوه اكيد

سحر:المهم خلونا بالموضوع الذي جينا علاسبه

مرام:اذا انتو عتتحاكوا من نفس الموضوع ولا اسمع نخس

نادر:صلي ع النبي ي امه

مرام:اللهم صل وسلم عليه

نادر:...



https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 233 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نادر:صلي ع النبي ي امه

مرام:اللهم صل وسلم عليه

نادر:البنات قد حاكنش خيرات وذاحين جا دوري اذا انتي ماتشتيش الزواج عاسب ابي وافقي علشاننا احنا

مرام:للمه عتتزوج ابوك والا عتتزوجكم انتوا

نادر: ي امه احنا كلنا نشتيش داخل البيت احنا بحاجتش من حين وعيت على نفسي وانا معرفش من طرح راسه فوق ونام ماعشناش معش سعما باقي الجهال عاشوا مع امهاتهم وافقي علشاننا ي امه

سحر:ايوه ي امه قووا صح اني متزوجه وماشكونش عندش واصل لكن اقل شي اكون اجي بيتنا وابسرش قبالي ابسر امي وابي سوا ساع كل الاسر

نغم:ايوه كلنا نشتيش ترجعي وعمي احمد مشو الذي تعرفيه اديله بس فرصه واحده وعتبسري كيف هو وبعدا حين حاكيناه من الموضوع كان رافض لكن حين دري انو انتي ماترددش لو للحظه او رفض قوا ي خاله انهي كل شي وخلينا نبدأ صفحه جديده وحياه جديده


.........بعد مرور ساعات من النقاش والمشاده بالكلام ورفض مرام ومحاولة اقناعهم لها ب اسلوب مؤثر وجوا لها من طريق العيال واكثر من اثر فيها نادر..

مرام قامت:انا تعبت منكم ومابش فايده من الحكا معاكم خلاص افعلوا الذي تشتوه

نادر فرح:يعني موافقه

مرام وعيونها ملان دموع:موافقه ي نادر لكن علشانكم انتو ولا تتوقعوش مني اتقبل ابوكم ك زوج لي
نادر:اهم شي تكوني معانا

مرام خرجت من عندهمم ودموعها ماليه وشها دخلت غرفتها وبكتتتت بكل حرقه والم


في الديوان..

ماجد:الحمد لله هيذا هي اقتنعت بعد معاناه وربكم يسهل

نادر:ع الله

ماجد: يله قدو شرق قومي ارقدي عند روان انتي ونغم وانا ونادر عنرقد هانا.. والا تشتي عند مرتك ي دكتور

نادر:انا م اق....نغم قاطعته:ايوه انا والبنات عنرقد هناك وانتو هانا يله

نادر بهرر لها

نغم ابتسمت بعناد وقامت:هيا

سحر(زقمت بيدها وخرجين)
جهزوا لهم الفراش ودخلين الغرفه وغلقين الباب وكل واحده بترقد ابنها وبيتجابرين

سحر بتحاول ترقد البنت ومارضت
سحر:اففف انا والبنت هذي ضبحت بي مارضت ترقد

نغم:اصه ي مشولحه خلي ابني يرقد

روان:اديها عندي وانا شارقدها

سحر:هه تفعلي بي خير

روان ضحكت وشلتها وبتهزها وتغني لها بحنيه

نغم:مالش انتيي ع البنت

سحر:هيا وانتي لاتفعلي لي محاضره ساع وليد كل يوم واحنا في صياح ونثرات من تحت راسها

نغم ضحكت؛للمه

سحر:ي اختي اخوش بيحسسني وكأنو اول واخر من معه بنت بيفتجع عليها من الهواء وخصمه لاسمع بكاها يجي يقلب صوره ويقول مابن اقدرش اتعامل معاها واني بين افعلها شي شنيع قلدش الله ماعتفعل بها وزيد البنت فيها نذاله ماتبكي الا حين يجي ابوها وانو خارج مافيها شي تلعب وتضحك

نغم ضحكككككت:شلوكم حرام انكم جهال

سحر بضبح:والله اني بن اتضايق ي نغم يعني البنت بنتي واكيد شفتجع عليها اكثر منه انا امهااا ي ناس والله اني احيان تبكي مدري مافيها وارجع اهزها وابكي انا وهي

نغم وروان بيضحكين

روان:جعلش العافيه تبكي معاها صدق

سحر:والله يله اكيد ماعيفتجعش عليها وليد اكثر مني انا الذي تعبت فيها

نغم:سهل ي قلبي اتحملي عادها اول فرحكتم

سحر:قذا احنا صابرين لوما يفرجها الله
نغم:ع الله

روان:هه قذا رقدت

سحر قامت تشلها

روان رجعت ورا:خليها ترقد عندي قوا

سحر:عتزعجش

روان:ماعليش انا شتصرف معاها

سحر:قدش اخبر هه هذاا حليبها

روان شلت الحليب وطلعت فوق سريها ورقدتها في حضنها ونامت

نغم اوجعها قلبها:الله يديلها من عنده ويصبر قلبها

سحر تنهدت:والله اني بترحمني قوي وبن احس بلهفتها للجهال وحنيتها عليهم

نغم:الله يهينها ويرزقها الذريه الصالحه

سحر:امين..هيا ارقدي ورانا عرس نجهز له

نغم ضحكت:تصبحي ع خير

سحر:وانتي من اهله
.
.

اليوم الثاني بعد الظهر..
مجتمعين كلهم فوق الغداء

نادر لفت لنغم

نغم اشرت له وابسمت

خديجه:مالكم بتتشاوروا انت وهي تغدوا

نادر ضحك:هو غر نشتي نحاكيكم من سب موضوع زواجة ابي ي امه

خديجه:انا قلت لكم امك ماعتوافقش مارضيوتش تصدقوا

احمد ساكت

نادر:من قلش ما وافقتش الا وافقت واقنعناها وكل شي سبر ومن اليوم عنجهز للعرس

احمد استتتغرب وشرغ

غرام سكبت له ماء

احمد:منكم جد

نغم ابتسمت:ايوه ي عم مننا جد خالتي وافقت ..صح انها اتعبتنا معاها خمس ايام لكن اقنعناها

خديجه فرحتت:قلدكم الله صدق

نادر ضحك:والله

جابر مستغرب:ماتوقعتش انها توافق ابدا

نادر:كلنا لكن الحمد لله بعد صعوبه رضت

جابر لفت لاحمد:الله يتمها بخير ي عريس

احمد ضحك:عريس من ي ابني مابش عرس ولا شي بطلوا جنان قد احنا شيبات ع المجبر هذا ولا اشتي احد يناقشني بشي عتقع حفله بسيطه هانا بيننا البين ولا قاعه ولا شي

نادر:للمه ي شيخ احمد نشتي نفرح فيك

خديجه:هو صادق من تفرح فيه ياسعم عادو جاهل للخباله هذي بغير جنان

احمد:ايوه كثر هدار ونقاش مشتيش كلمه وهيه

جابر:...











📚 @rewayatyamania 🇾🇪

البــارت 234 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


احمد:ايوه كثر هدار ونقاش مشتيش كلمه وهيه

جابر:خلاص بعدك ي عريس ولا يهمك ولا تزعل اهم شي اني ابسرك انت والمزه سوا

احمد ضحكك وخفعه براسه:تغدا مزمزوا راسك

جابر ضحك:حاضر هه
.
.

في بيت مرام:جالسه في غرفتها بتبكي وحاسه انها خانت بسام

ماجد دخل وجلس جنبها:اسمعيني ي امه انا ماشغصبش ع اي شي والذي يريحش سويه لكن اشتي اقلش ان ابي اكيد ماكانش عيرضا لش العذاب وانش تكملي حياتش بدون سند لش انا موجود صححح لكن ماعيكونش اهتمامي بش سعما عيكون يهتم بش زوجش الذي هو نصفش الثاني لاتغثيش ولا تفكري انش غلطتي في حق ابي عيشي الحياه بلحظتها ولا تخليش الذكريات تمنعش من الابتسامه

مرام:واختك ي ماجد عادهي جاهله

ماجد:لاتنسي انش فلتي نادر وعمره سنتين وهيذا هو ذاحين دكتور ملان اليمن ولا وقع فيه شي

مرام تنهدت وسكتت

ماجد قام حب راسها وخرج
.
.
بيت خالد..
رن تلفونه خرجه وابسر الاسم ورد
وليد:حيا بروحي حيا

نغم لك الحياة كيف انتو

وليد:بحمد الله

نغم:كيف بنتك ومرتك

وليد:كيف عتكون البنت تبكي وامها ماقدرتش تسكتها

نغم:مالك ي اخي انت بتزيد بها قوي الصدق مشك اول من وقع له بنت بطل خباله هي امها واكيد ماعتفتجع عليها اكثر من امها الام ماتتحملش تبسر عيالها متأذين او بيبكوا

وليد:ياباه مالش دلا دلا عليا مافعلت لهذا كله وبعدا مادراش يعني جت تشكي لش

نغم:الذي بتفعله غلط امانه لو اسمع نادر يقولي ماله الولد والا للمه بيبكي والا انتي ماتعرفيش تتعاملي معه مازيد احاكيه عمري ماعترجعوش انتو تفتجعوا ع العيال اكثر مننا احنا الذذي تعبنا ووحمنا وابسرنا المووت والا انتو مافعلتوا لهم اسكه قولي جوا لكم جاهزين

وليد ضحححك:احنا المصدر الرئيسي كيف مافعلنا

نغم خزيت:الله يقلعك لسانك طول واطباعك تغيرت مالك ي اخي كون دلا دلا ع مرتك وبعدا هي تحاكت من قهرها وماقصدتش انها تشتكي سحرر تحبك ي وليد وصابره ع جنانك ولعلمك اهتمامك الزايد بالبنت مشو تمام عيخلي امها تتعقد منها

وليد:ناهي لاتبهرريش فوقي خلاص شاحاكيها وابسر مرضها واعالجها ماعادش تشتي

نغم:ولا اشتي الا انك تبطل البعسسه حق النسوان البنت والبنت البنت ماعيقع بها الا السلامه ماعتموتش اذا بكت وكل الجهال بيبكوا

وليد ضحك:ذاحين انا ساع النسوان شكرا ي نغم هيا خاطرش

نغم ضحكت:جي هكذا ي مدلوز مش قصدي غر ضبحت بي الصدق

وليد:خلاص حاضر ولا تزعلي شفعل الذي تشتيه

نغم:ايوه ذلحين اخي

وليد:يعني اول كنت ابن الجيران اوماهو

نغم ضحكت: حرام انك لغجه المهم لاتحاكيش سحر اني حاكيتك حلوها بينكم

وليد:حاضر سيدي عتخليني ارحلي والا عدشي اوامر ثانيه

نغم:الله معاكك

وليد:مع السلامه..قفل
.
.

في بيت خالد..
جالسه في غرفتها وبتكوي اللده حقق وليد وخالد وشكلها ضابحه
دخل الغرفه وابسرها قالبه صوره وبيحاول يفتح مواضيع:ايني نغم

سحر بدون ماتبسره:هيذا هي راقده سعليك ولا فعلت بها شي رقدت من نفسها

وليد جلس جنبها وطرح يده فوق كتفها:اسكه ابسري لي

سحر:وليد بتبشك الكاويه بيدي مارايك تبعد والا تشتي احرق اللده

وليد فصل سلك الكاويه وشلها من يدها وطرحها بالقاع

سحر لفتت له بعصبيه:مالك انت وحركات الجهال هذي

وليد طرح يده الثانيه حول رقبتها وبيتبسرها ب ابتسامه:مالي يعني اشتي ادري مال روحي غاثيه وصورتها مقلوبه من امس

سحر بتحاول تمسك دموعها وتبعد يداته:مافيني شي اخر يدك

وليد قبض يده بقوه:ماشبعدش حقي وانا حر

سحر بتحاول تتجاهل نظراته:وليد ماتشي

وليد قرب منها وقرب صابره جنب صابرها(الصابر بمعنى خد)

وليد:انا اسف ي روحي الفتره الاخيره قسيت عليش قوي مدري ماكنت افكر بس انتي داريه اني بن افتجع على البنت قوي وبن احنجها قوي ومابن اتحملش بكاها

سحر بصوت مخنوق:وللمه بتصيح فوقي انا يعني بن اضربها والا كيف وبعدا والله انها تلعب وتضحك ولافيها شي الا حين ترجع البيت انت تدلع وتبكي ولو تشتي شرجع افعلك كيمره واصورها حين مابحد انت

وليد ضحك وحبها:ولاتفعلي كيمره ولا شي مصدق لش خلاص حصل خير واوعدش ماعاد شاغثيش ولا

سحر بكت:ايوه اضحك عليا بهذي الكلمتين وترجع تصيح فوقي وتعصب ساع كل مره

وليد مسح دموعها:ماعاد شاصيح فوقش بسبب البنت ي ام دمعه وعد مني ووعد الحر دين

سحر بصوت غنج وعيونها ملانها دموع:كريه

وليد ضحك وعضها في صابرها

سحر بصوت عالي:ااي وليد

وليد ضحككك:اصه البنت راقده

سحر:يوه صح عتقوم تشولح بنا ريع لها شويه

وليد ضحك وطرح نخرته فوق نخرتها:احبششش قوي

سحر بدلع:وانا والكل احبك

وليد قرب منها يحبها

سحر غمضت عيونها وحست بحراره بجسمها

وليد قرب منها وفجأه قامت البنت تبكي بصوت

وليد نكز:جحفهه ماهو هذا ضروري تخربي الجو الرومنسي

سحر ضحكككت:الظاهر ان بنتك بتغير من امها وماتشتيك تقرب مني

وليد ضحك:هيا قومي اديلها حليب وسكتيها وانا شابدل واخرج

سحر شلت البنت وابتسمت له:الله معك











📚 @rewayatyamania 🇾🇪

البــارت 235 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


مرت ثلاث ايام وجهزوا فيها لحفله جدا جدا بسييييييطه وعقدوا عليها

في يوم الزفه بعد العصر..

نغم دقت الباب ودخلت
ابسرتها جالسه فوق سريرها وزاقمه صورة بسام وبتتبسرها ودموعها فوق خدها

نغم بهررت:عمه مابتفعلي

مرام:للمه بتدعيني عمه انا خالتش

نغم:كنتي بس ذلحين عمتي لانش مرت عمي (شلت الصوره) مايصلح الذي بتفعليه قدش متزوجه احمد ذلحين انسي خالي ي عمه انا فدالش عيشي حياتش وانسي الماضي

مرام مسحت دموعها:نغم انا وافقت عاسب عيالي بس وماتقدروش تغصبوني ع اي شي ثاااني حياتي وانا حره وماتقدروش تخلوني انسا بسام او ادفن ذكرياتي معه يكفي اني وافقت اتزوج بعمش هذا الذي انتي فارحه به

نغم بتتبسرها مصدومه لاول مره تحاكيها بهذا الاسلوب

مرام سحبت الصوره من يدها:الذي بصوره هو حياتي وروحي وقلبي اما عمش مابش شي يربطني به الا ورقه وعيالي بسس

نغم اكتبدت وغثيت وخرجت من الغرفه وغلقت الباب ارتزحت عرض الباب وزقمت لقفها بيدها بتحاول تكتم انفاسها نزلت دموعها بغزاره وقهررر وهي بتتذكر قسوة مرام وبتتذكر خالها وحست انها غلطت
مسحت دموعها وتنهدت بقوه ونزلت

ماجد بسرها نازله من الدرج ووقفها:يياااي مالش دلا دلا انتي انتي حامل

نغم بتتنفس بسرعه:ماتشتي

ماجد:مالش للمه عيونش حمر

نغم:مافيني شي حاكي نادر وجهزوا السياره واطلع ابسر امك

ماجد استغرب:نغم فيش شي

نغم بعدت يده ونزلت:مابش شي

ماجد استغرب وطلع لاعند مرام دق البااب ودخل

مرام:وانت ماعادك عتقول

ماجد:جيت اقولش تقومي تتجهزي عنشلش ذلحين

مرام:ناهي غلق واخرج

ماجد رفع حاجب مستغرب من الوضع وخرج
.
.
جهزوا السياره ولبست مرام البالطو بدون ماتفعل اي زينه او مكياج
طلعت فوق السياره ومعها شنطة لداتها ودموعها ع خدها

كانت الامور كلها طبيعيه ومابش اي احتفال او زفه تلبيه لطلب مرام واصرارها ع هذا الشي

وصلوا للبيت ونزل نادر فتح لها الباب وزقم بيدها

مرام وقفت وبتتبسر البيت من خارج وحست انه داخله قبر

نادر زقم بيدها وسحب شنطها ودخلوا كلهم للبيت

احمد والبنات كانين جالسات ف الصالون مريعين لهم

انفتح الباب دخلت مرام وقام احمد سنب

مرام:فلت يدي عتخطا لحالي

نادر فلت يدها وسنبت بقعتها
نادر استغرب:مالش ي امه

مرام:ولا شي

احمد قرب لاعندهم:حياش الله ي ام جابر نورتي

مرام بصوت بدون ماتبسره:الله يحييك

ماجد مقهور:امي في ذمتك ي عم اوبه لها وحافظ عليها

احمد ابتسم:في عيوني ي ابني ولايهمكك

ماجد سلم عليهمم وشل مرته ويشتي يخرج

ماجد: ايني لمار

الكل استغرب والتفتوا يدوروها وابسرها نادر فوق الكنبه ودافننه راسها بين ارجلها وبتبكي

نادر:لمار مالش ي روحي للمه البكاء

مرام سارت لاعندها:لمار قومي سنبي

لمار قامت وعيونها ملان دموع وبتبكي:للمه عتجلسي هانا ي ماما وتفلتيني يعني بابا فلتني وذاحين انتي

مرام ماصدقت تلقى عذر وحضنتها وبكتتت

الكل تأثر

ماجد دمعت عيونه وبيكابر وخطي لاعندهن

ماجد:لمار ايش قلت لش بالبيت وعلى ايش اتفقنا

لمار بعدت وبسرته

ماجد زقم يدها:هيا جي معي وغدوه عنجي لاهانا ونبسر امي ولا يهمش

لمار بتتشنهج

ماجد حضنها وخرجوا

نادر غلق الباب:احرقت قلبي امانه

جابر:كلنا معاها وعنهتم بها ولا عنحسسها بنقص

نادر:على الله لفت لنغم.. شلي امي وطلعيها

غرام زقمت الشنطه وخديجه معاها

نغم خطت لاعندها:هيا عمه

مرام طلعت وبدون ماتتحاكا
فتحوا غرفة احمد ودخلت

نغم شلت نفسها وانسحبت غرفتها ولحقتها غرام

خديجه قربت من مرام
خديجه:نورتي بيتش ي بنتي

مرام:نورش ي عمه

خديجه:سامحيني ي بنتي على كل شي

مرام ابتسمت بانكسار:مابش شي اسامحش عليه ي عمه الماضي انا نسيته

خديجه ابتسمت:انا فدالش ..احمد ابني تغير قوي ولو تبسري كيف كان يتمنى يحاكيش ويطلب منش السماح وانش تدي له فرصه ثانيه والحمد لله الذي جمع بينكم مره ثانيه وان شاء الله كله عيتحسن ويبقى تمام

مرام:ان شاء الله

خديجه:البيت بيتش واي شي تحتاجيه حاكيني

مرام:تمام

خديجه خرجت

مرام خلست البالطو ولبست جلابيه ساده مكممه ولفت المقرمه وجلست فوق الكرسي وتذكرت كل ألم عاشته بالغرفه ودموعها مافارقتها
اندق الباب

مسحت دموعها وقامت سنبت وقفت

احمد دخل وا.........





https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 236 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


مسحت دموعها وقامت سنبت وقفت

احمد دخل وابسرها لابسه مقرمه واستغرب
احمد ب احراج:احمممم قرب منها وطرح يده فوق كتفها بقصد يحاكيها ويطلب السماح

مرام تضااايقت وبعدت يدهه بقوه وتحاكت بدون ماتلفت له وبصوت واهي:لو سمحت لاتقربش مني ولاتحاول تلمسني انا مرتك ع الورق بس انا هانا عاسب اعوض عيالي الحرمان الذي عاشوه والعذاب الذي كان سببه انت ومن البدايه اشتي منك تعرف ان بسام حتى لومات عادو بقلبي وماشنساه طووول عمري ولا احد عيقدر يشل بقعته في قلبي

احمد بيسمع مصدوم ومصنم

مرام:رجاء لاتكونش تحاكيني ولاتخليني اواجهك ولا ابسرك

احمد ساكت ومكبود

مرام:وذاحين شخرج من هانا واسير غرفة سلوى

احمد:الغرفه هذي غرفتش وانا شخرج منها وانتي اجسي

مرام:مابش داعي للتضحيات هذه غرفتك لك ومشتيش اجلس بها (شلت شنطتها وخرجت)

احمد مازال مسنب بقعته ماكان متوقع منها هذا الحكاا جلس فوق الكرسي بضبحح تنهد ورجع ظهره لاورا
.

فتحت الغرفه ودخلت غلقت الباب وجلست فوق السرير
خرجت صورة بسام وحضنتها وبكتتت بقهر والم
.
.
اليوم الثاني..
نزلوا كلهم واجتمعوا فوق الغداء جلسوا فوق الطاوله وبيتلذذوا لريحة الاكل

نادر:الله ياسلام والاكل تسلم يدش ي فطوم

فاطمه:مو انا الي سويتوا مدام جديده هاي سوت

نغم دكمته:اسمها فاطمه مش فطوم

نادر ضحك:حركات ي ام نادر ماهو الاكل الحالي هذا

مرام ابتسمت:بالعافيه عليك

خديجه:مرام من حين اعرفها واكلها مابش بعده

نادر:هي ونغم الصدق كأنهن بيفعلين بالاكل سحر

نغم:انا تعلمت منها

نادر:هاا قلت انش تعلمتي من بسمه

نغم ضحكت:اين بسمه استغفر الله العظيم الله يرحمها بس

احمد قام من فوق الاكل:كرمتوا وسلمتوا

خديجه:يوه مسرع

احمد:الحمد لله(لفت لجابر) كمل اكلك والحقني للشركه معانا عمل خيرات اليوم

جابر:حاضر

احمد شل الكوت ومتوجه صلى الباب

نغم:يوه عم ريع اشرب قلص شاهي

احمد:اسلمي ي بنتي معي عمل خيرات

نغم:الله معاك

مرام ارتاحت بعدما خرج وقربت يدها تأكل نادر

نادر اكل:اسلمي ي روحي ماذاحين عتخليني اصدق نفسي وتحسسيني اني رجعت جاهل

مرام ضحكت:انا فدالكممم يهنا

نغم بصوت واهي:ياناكر الذي يسمعك يقول عمري ما اكلتك

نادر:ايوه انتي مرتي غير عن امي الاكل من يدها ثاني

نغم فارحه بوجودها:تمام اكل
كملوا اكل وشربوا الشاهي وكل من رحله عمله

نغم رفعت هي وفاطمه وشلت اياد وطلعت غرفتها

نغم:للمه قدك هكذا مجغوص

اياد ضحك:انا اكلت معاكوم

نغم ضحكت ودغدغته:فديت الحكا ذيه هيا جي اغسل لك

اياد قام وغسلت له وخلسته اللده وبتبدل له

اندق الباب

نغم:ادخل

مرام دخلت

نغم ابتسمت:عمه تشتي شي

مرام مستغربه من ابتسامتها وخطت جلست جنبها:مشنتي غاثيه مني

نغم رفعت حاجبها:للمه اغثى

مرام:انا اسفه ي بنتي امس قسيت عليش قوي سامحيني غر كنت م...نغم قاطعتها

نغم:لاتفكريش بالموضوع انا عاذرتش وبعدا ماقلتي لي شي غثاني

مرام ابتسمت:انا فدالش

نغم حبت راسها:ياسين عليش

مرام لفتت ل اياد:ايادي مابتفعل

اياد طارح يده في صدره وبيلعب:بن اببثل النونو حقي

مرام ونغم ضحكين:للمه عيخرج منه حليب

اياد مافهم:ايوه

نغم ضحكت:شلوا عدوك هيا البس هه انت واللسان هذا لقن ساع ابوك

مرام:ياعيبتش ع ابوه

نغم ضحكت:ايوه ماذلحين قدش هانا عتقعي ضدي انتي وهو

مرام ضحكت:من قال انتي الكل بالكل

نغم ضحكت:عيخليش لنا
.
.
في بيت ماجد..
جلسين فوق الغدا وبيتغصبوا الاكل كلهم

لمار:البيت شوعه بدون ماما للمه خليتها تسير ي ماجد

ماجد:هذا قدر ي روحي وبعدا مافيها مش انتي تحبي عمو احمد

لمار:كنت احبه بس ذلحين كرهته هو شل امي مننا وزد ابي

ماجد:لاتقوليش هكذا هو يحبنا قوي ويحب ماما واكيد عيسعدها وبعدا انا قلت لش شاكون اشلش عندها واصل

لمار تنهدت:بعد الغداء نسير لها

ماجد ابستم:حاضر من عيوني غر انتي اقطبي تغدي

لمار:حاضر اهه
.
.

مرت شهرين بالضبط والوضع بالبيت مثلما هو والكل لاحظ تهرب مرام من احمد وحشمتها قباله وكأنه غريب ومشو زوجها ولا يعني لها وتجاهلها له ونومها في غرفة سلوى ماحبوا يتدخلوا بينهم او يضغطوا عليها اكثررر
لمار كانت يوميا تجي تبسر امها وتجلس للمغرب ويرجعها ماجد
.
.









📚 @rewayatyamania 🇾🇪

البــارت 237 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


جالسين كلهم في صالة الانتظار والخوف والقلق والتوتر في كل الحضور

ندين:ياارب تقوم بالسلامه يارب

سحر:ان شاء الله عتقوم بخير سعليش ادعي لها

اياد:حاله ويني ماما

ندين حضنته:ماما عتجي ي روحي

اياد بنبرة بكا:استي ابسلها

ندين:ذاحين انت وعمه سحر سيروا للبيت واكلوا هم والعب انت ونغم وبعدا شاجي اشلك انا ونرجع عندها مارايك

اياد:ماعه ماعه اثتي ماما

سحر:جي معي ي حبيبي وشديلك جعاله واجس عاقل عاسب تبسر ماما والا ماشاخليك تجي

اياد:تمام هيا

سحر شلته:تشتي شي ي اخي

نادر:ماشي اسلمي

سحر:حين تولد طمنوني قوااا

مرام;ولا يهمش الله معاش

سحر شلت الجهال وخرجت مع وليد


بعد نص ساعه..

افتحتت غرفة العمليات وخرجت الدكتوره

نادر ومرام وندين قاموا

نادر:ها دكتوره بشري

الدكتوره:الحمد لله ع سلامتها معك بنت ساع القمر

نادر فرح:نغم.بخير

الدكتوره:الحمد لله كانت العمليه صعبه قوي بس نجحت والبنت ذاحين بالحضانه وصحتها تمامم بس نغم عتجلس هانا ثلاث ايام عسب ماتتعبش او يحصل نزيف

نادر:اسلمي ي دكتوره ومابش اشكال حتى وجلست اسبوع اهم شي تخرج بخير

الدكتوره ابتسمت:تمام مره ثانيه الحمد لله ع سلامتها والف مبروك

مرام:الله يسلمش ويبارك فيش

نادر لفت لندين:برد قلبش ذلحين من دموعش والبكبكه هذي فجعتينا بغير داعي

ندين ضحكت

نادر:امه اتصلي للبنات وحاكيهن وانا شاسير ابسر القمري حقنا

مرام:حاضر


في بيت ماجد..
ماجد:صدددق الحمد لله ع السلامه ايحين

مرام:اليوم بعد العصر

ماجد:تمام العشي شاجي انا والبنات للمستشفى نبسرها ونبارك لهم

مرام:تمام الله معاك شتصل لسلوى

ماجد:في امان الله قفل

روان بغثى:نغم ولدت

ماجد بفرحه:ايوه

روان دمعت عيونها:الله يسعدهم

ماجد اكتبد وحب راسها:اذكري الله مالش

روان:لا اله الا الله

ماجد:حاكي لمار واتجهزين العشي شاجي لكن ونخرج

روان:تمام .
.

في المستشفى..
خرجوا نغم غرفة لحالها وجلس نادر عندها

بعد لحظات دخلت الاسره كلها واجتمعوا عندها وبيباركوا لها

احمد:اين البنت نبسرها

نادر:حاكتيهم يدوها لاهانا بعد شويه

سحر:كيف هي ابسرتها

نادر:ابسرتها ايوه ساع امها

نغم بتعب:اينو اياد

سحر:راقد ف السرير الذي ورا ابوه قد جا رفسش وحب راسش وانتي راقد كان يقول كومي

نغم ضحكت:انا فداله

الممرضه دخلت وبيدها البنت

نادر قام شلها وابتسم وغلق الباب

نغم فرحت وحاولت تعدل جلستها

نادر:انا اذنت لها بس باقي الاسم

نغم:اديها اول مش وقت الاسم

نادر: اأبدا اول اختاري اسم

نغم لفتت لندين وابتسمت:قوليه انتي

ندين:احمم احم ابسر ي زوج اختي العزيز انا ومرتك الذي هي اختي قررنا نسمي البنت واخترنا لها اسم حالي

نادر ضحك:تنفعي تدخلي الاذاعات ماهو الاسم

ندين ضحكت:ألين

نادر رفع حاجب:اسم مشو عربي

ندين:ياسعم اياد عربي وبعدا حاالي اياد والين

سحر:ايووه يجننو هيا وافق

نادر رفع حاجب وبيعاند:مع مع الاسم شوع ابسروا واحد ثاني ما رايش ي امه انتي وابي

مرام:الاسم حالي ومابش فيه شي

احمد:ايوه خفيف وجديد

جابر:بطل نزاغه قدك موافق للمه اللغاجه

نادر ضحك:تمام الين الين ولا تزعل نغمتي

نغم ابتسمت

نادر ردد اسم البنت في اذنها وناول نغم .
.

بعدما خرجت من المستشفى..
جالسه فوق السرير والبنات كلهن عندها

ندين:ماشاء الله والشبه بين اياد والين تقولي فوله وانقسمت نصين

اياد:ماسي النونو سوعه

نغم بهررت:يوووه للمه حرام

اياد:انتي بدي لها النونو حكي

نغم ضحكت:ايوه لازم تشرب حلسب عاسب تكبر

اياد:وانا

نغم:انت قدك رجال كبير وحالي ساع بابا وبعدا النونو كخ قدو شوعه

اياد اقتنع وقام بسرها:لمه هي لاكده كولي لها تكوم

نغم ضحكت:هي راقده لانها نونو زغيره

ندين قامت شلته وبتضحك:ي اخي ما اكثر هدارك جي معي نلعب....








https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 238 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


ندين قامت شلته وبتضحك:ي اخي ما اكثر هدارك جي معي نلعب وخلي ماما تفتهن

اياد حضنها:اثتي زعاله

ندين:حاضر ادي لك زعاله انت وجواد

اياد:ايوه زواد هو ساحبي

ندين ضحكت وحبته
.
.

بعد العشاء ..
بيخطى بكل هدوء وتوتر قرب عند الباب وكان شبه مفتوح ابسرها جالسه فوق السرير وبتتحاكا ف التلفون
مرام:انا فدالش ي روحي لاتبكيش وانا والكل فقدتش...ايوه ولا يهمش غر ذاحين مرت اخوش ولدت ونفاس مقدرش افتلها....تمام ي روحي اوبهي لنفسش وللمدرسه وحاكي ماجد غدوه يديش هانا...يله الله معش
تنهد وحس بقهر ودق الباب

مرام قامت فتحت وابسرته وبدون ما تعيره انتباه:تشتي شي

احمد:مع سلامتش غر جيت ابسر لو تشتي عشاء والا محتاجه شي لانش ماتعشيتي معانا

مرام ب ابتسامه مزيفه:ماشي اسلم الحمد لله

احمد ابتسم:تمام تصبحي على خير
مرام وانت من اهله(غلقت الباب ع طول)
احمد تنهدد بصوت ورجع غرفته وبيتذكر حكاها مع بنتها ويقتهر
.
.

في غرفة نادر..
نادر جالس جنب نغم واياد راقد في حجفه
نادر: نغم

نغم:عيونها

نادر:مابتلاحظيش ان امي للان مابتعاملش ابي كأنه زوجها احيان بتتحسني انه غريب

نغم:معذوره ي نادر وبعدا قلبها لبسام هو حببب مشو صوره ايحين ماتشتي تحذفها من تلفونك حذفت يكفي انها وافقت تتزوج به وانت داري انها وافقت علشانكم

نادر:ايوه بس لهم شهرين وكأنهم اغراب وزيد امي بتتجاهل ابي قوي

نغم:خلها براحتها من نفسها عترجع تتقبله

نادر تنهد:انا شتحاكا معاها

نغم:مع قلت لك خلها براحتها لاعاد تزيد تضبح مننا

نادر:انتي ولا عليش انا شاحاكيها انا واتفاهم معاها

نغم:قدك اخبر

نادر شل البنت:المهم ذاحين كيفي تيه القمر حق ابوها

نغم ابتسمت:لو تبسر ابنك كيف ببيغير منها اليوم جالس بحجفي ولا رضي يبعد لوما انت جيت قال للمه اشل النونو وهو مع

نادر ضحك:من حقه يغار انا وانا ابوهم بن اغير منهم لان وقتش كله لهم وانا لي الله

نغم ضحكت:انت الكل بالكل ياروح وقلب ونور عيون نغم

نادر:يعووه ي ابه انا فدال روح وقلب وعيون نغممم امانه انش تستاهلي جائزه (قرب من بسرعه)جي احبش جي

نغم ضحككت:شلوك البنت لاتنكع

نادر حبها:انتي تحفه صاغها الرحمن من احلى التحف

نغم ضحكت: وانت شوعه من احلا الشوع

نادر ضحك:ولو اني مش راكبه لكن شقبلها منش

نغم ضحكت:وانا مفعلك معرفش اقول اشعار

نادر ضحك وحضنها وجلسوا يتجابروا..
.
.

اليوم الثاني..
احمد بيتحاكا بالتلفون:هيامه فعلت الذي قلت لك عليه

ماجد تنهد:ايوه ي عم غر ماكان به داعي لهذا كله يعني والله انو مايسبر

احمد:الا يسبر ونص ماعليك انت افعل الذي قلت لك لو انا بمكانة ابوك

ماجد:قدرك غالي ي عم ليكن مش هكذا وبعدا مدري ماعتقول امي حين تدرا

احمد:ماعليك افعل الذي قلت لك عليه والباقي عليااا

ماجد تنهد:بعدك ي عم

احمد:والناس الذي عيستأجروا البيت انا اعرفهم وضامنهم

ماجد;ولا يهمك واثقين

احمد:ومشتيش احد يدرى بشي الا لوما نكمل حتى اخوتك

ماجد:تمام على طول

احمد:يله خاطرك

ماجد:مع السلامه

احمد قفل وتنهد وحس برراحه .
.

في بيت نادر..
النسوان مجتمعات بالديوان عند نغم والبيت ملان

نغم جالسه في بداية الديوان والشذاب ولابسه اللبس الحرازي والبنت جنبها في سريرها

دخل اياد للديوان وبيتلفت يمين ويسار يدور امه

سحر قربت من ندين:اليش المشولح هذا دخل لاعاد يفعل شي

ندين ضحكت وقامت لاعنده:ماتشتي ي روحي

اياد:اثتي ماما

ندين:مع ماما ذلحين عندها نسوان عيب جي نخرج

اياد طرح يده فوق عيونه:سهل انا ساغمط ايوني هه

النسوان ضحكيين وبيتحيلين له

ندين:مع جي نخرج ابسر جواد بالحوي هو والجهال اخطى العب معاه

اياد بيحرك يده ويتحاكا بجديه:يوه حاله اصبلي اصبلي احاتي ماما

وحده من النسوان:خليه يحاتي ماما مالش

ندين ضحكت وشلته لاعند نغم

نغم:عيون ماما ماتشتي

اياد:هاتي اذنس اكولش سل(اقلش سر)
النسوان بيضحكين ويتحيلين لحركاته وبراءته

نغم قربت اذنها وبتسمع له
نغم:تمام غر لاتمهدش نفسك واوبه لنغم وجواد

اياد:تمام لاتحاكيس احد ناهي

نغم ضحكت:حاضر

اياد طول رقبته:اسكه ابثل النونو

نغم فتحت وشها وابسرها

اياد:اديلها زعاله من حدي

نغم:ماعه عادي نونو

واحد من النسوان ضحكت:هيا اوبهي لاعاد يرجع يفعل بها شي

اياد لفت لها وبسرها بنص عين:انتي ايث دحلس

الكل ضحكووووا

نغم بهررت:عيب ي اياد هذي خاله

اياد:ماثي حاله هي ندين بث

نغم ضحكت ولفت لندين:شليه من هانا

ندين ضحكت وخرجته عند الجهال ورجعت

سحر:ماقلش

نغم:قال يشل جعاله من غرفتنا ويدي للجهال وله

سحر ضحكت:جبرني بش كريم ابن اخي ساع ابوه

واحده من النسوان:ماشاء الله عليه يبعد من القلب غمه

نغم ضحكت:اسلمي











📚 @rewayatyamania 🇾🇪

البــارت 239 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


الساعه 10:30 العشي..
وقف سيارته بالحوي ونزلوا كلهم من السياره

ماجد:الله يستر ماعتقول امي

احمد'يا اخي كسرت راسي امي وامي قر قلنا لك عليا

ماجد ضحك:حاضر اهه بعدك

احمد فتح باب البيت ودخل
احمد:فاطمه جي هكذا

فاطمه:ايس

احمد:وين المدام والبنات

فاطمه:كلو اجلس في ديوان عشان مدام نغم

احمد:سابر (لفت لماجد) هيا جي معي للديوان

ماجد:يله قد احنا بعدك هه

دخل احمد للديوان

مرام بحركه سريعه قبل مايبسرها لبست المقرمه

احمد دخل:مساء الخير

الكل رد:مساء النور

احمد:هيا ابني ادخل

جابر ونادر مستغربين:منو الذي يدخل

ماجد دخل ومعه لمار وروان قفاهم

مرام فرحتتت وقامت:يووه حيا وقوا

لمار حملت حضنتها:كيف انتي ي ماما

مرام:الحمد للله ي روحي وانتي

لمار بفرحه:بخير وفارحه قوي اني عد اجلس معش

الكل استغربوا

ماجد وروان سلموا وجلسوا

احمد جلس:هيا صلوا ع النبي ي جماعه

الكل:عليه الصلاة والسلام

احمد:شاحاكيكم بشي انا قررته واتخذت القرار وكملت وعليكم تسمعوا وتتقبلوا بدون اي اعتراض ولا احد يقاطعني

الكل مستغررررب

احمد:قبل فتره سرت لاعند ماجد>>نرجع بالزمن اسبوعين<<

ماجد فتح الباب..
ماجد:حياك ي عم اتفضل

احمد دخل وجلسوا
احمد:ماقلت بالموضوع الذي حاكيتك به امس

ماجد:ماشي ي عم الصدق صعبه كيف شافلت بيت ابي واجي عندكم وبعدا مشي حاليه اثقل عليكممم مايصلحش

احمد رفع يده تحاكا سوا لاتخليني الطمك كيف تثقل علينا انت بعقلك

ماجد ضحك:ايوه ي عم مايسبرش الصدق وبعدا مابش داعي هيذا هو بيت ابي كبيررر وعيوسعنا

احمد:وبيتي كبير وعيوسعكم والغرف الفاضيات خيرات والبيت دورين

ماجد:مش هذا مقصدي لكن مشي سابره

احمد: انت داري انا الغلطان اذي بن اشاورك هيا اسمع البيت يتأجر وقد معي له مستأجرين حاجاتكم وعفشكم شله للبدروم وقفل والمستأجر عيجلس طالع حاكي مرتك واختك وبعد اسبوعين كل عيتجهز وشاجي اشلكم انا بنفسي للبيت وبعدا انتو ثلاثه يعني انت بتخرج العمل ولمار المدرسه ومرتك بتجلس لحالها واصل خلها تجي تتسلى مع البنات

ماجد:بس ي عم

احمد:خلاص انتهى انا مابين استشيركش هذا امر(قام سنب) حاكي مرتك واتدابروا بس لاقد احد يدري وبالاخص امك

ماجد:ماعادك تشتي اقول الا بعدك

احمد ضحك:ايوه هكذا رجال(سلم وخرج)


<<نرجع للواقع<<
الكل في وجيههم علامات تعجب واستفهام وبيستمعوا ل احمد

مرام فارحه وبنفس الوقت مستغربه ومقهوره ع البيت انهم اجروه

احمد:وذاحين ماجد ومرته عيجلسوا عنندنا وغرفة سحر عتبقى للمار بكل الذي فيها

نادر مشخر:والله ي ابه هذا شي يفرح وحالي ان الشمل التم وكلنا ببيت واحد احسن من التشتت وبعدا بيت خالي بسام الله يرحمه كبير يعني هم الثلاثه ضايعين فيه

جابر:ايوه وزد لمار تجلس عندنا وندلعها سعما كانت سحر

خديجه دقت بالعصا:حرام ماذلحين لا اذبحكم ولا عيكم منها خلوها بحالها قال تدلعوها ساع سحر واني تسير بيت زوجها وتفعل ساع سحر مه

الكل ضحكوووا

لمار خااازيه

نغم فارحه:احسن قرار اتخذته ي عم واحلى مفاجأه

مرام:وللمه فعلت هكذا ومن الذي طلبك

احمد: عيالش هم عيالي وماجد ساع نادر ولمار ساع سحر مشتيش احس اني بعدتش عن عيالش وخصوصا البنت لانها بحاجتش

مرام:ها يعني فعلت هكذا عاسب ترضي ضميرك

احمد بهرر وتنهد وقام:تصبحو على خير

نادر:ريع تعشى ي ابه

احمد:الحمد لله تعشيت بالشركه انا وعمك خالد(فلت وخرج)

جلسوا كلهم يتجابروا وفارحين وسمروا لانص الليل ولا حسوا بالوقت بس خروج احمد ضايق العيال واسلوب مرام كذلك

نادر:يعوه الساعه قدي ثنتين الفجر عتطير علينا الصلاه

جابر:مسرع ولا حسينا بالوقت

مرام:يله قوموا ارقدوا عاسب نغم تفتهن من عصر وهي جالسه هكذا

نادر:هيا تصبحوا ع خير (قام زقم بيد نغم وعاونها وطلعها للغرفه)

ماجد ومرته دخلوا الغرفه الذي جهزتها لهم غرام

ولمار في غرفة سحر

دخلت الغرفه وهي فارحه بالبيت وجماله وغرفة سحر الذي كانت خياليه من اثاث وجمال وزينه

مرام دخلت:عترقدي هانا ي روحي

لمار:اشتي ارقد عندش لكن الغرفه تيه حاليه قوي ساع الذي بن ابسرهن بالتلفزيون يعني غير الغرف الباقيات

مرام ضحكت:هذي غرفة الدلوعه حقهم وكانت ساع الاميره الذي تطلبه يتنفذ

احمد دخل وسمعها وجلس جنب لمار بدون مايلتفت لمرام:ولمار عتكون ساع الاميره واي شي تشتيه اطلبي ماشاقلش اعتبريني ساع بابا لان اكيد ابوش محد يشل مكانه لكن اعتبريني عمش والذي تشتيه انا جاهز

لمار ابتسمت بخزا:تسلم

احمد:....












📚 @rewayatyamania 🇾🇪

البــارت 240 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


احمد دخل وسمعها وجلس جنب لمار بدون مايلتفت لمرام:ولمار عتكون ساع الاميره واي شي تشتيه اطلبي ماشاقلش اعتبريني ساع بابا لان اكيد ابوش محد يشل مكانه لكن اعتبريني عمش والذي تشتيه انا جاهز

لمار ابتسمت بخزا:تسلم

احمد:ايووه قبل ما انسا مدرستش ذاحين قدي بعيده قوي لذلك شنقلش للمدرسه الذي جنبنا لو تشتي واذا ملتشتيش سهل شديلش سواق خصوصي يكون يوصلش والا نادر يوصلش غصبا عنه

لمار ضحكت بخزا:ايوه سهل اصلا المدرسه الذي انا فيها الاستاذه شوعه بتعاقبنا خيرات

احمد ابتسم:خلاص تمام يله ذاحين ارقدي قدو شرق

لمار:حاضر

احمد حب راسها وقام

مرام كانت تسمع لهم فارحه وبنفس الوقت مستغربه من اهتمام احمد بلمار وكل شي يخصها وتعامله معاها برغم انها مش بنته

لمار فكت الطرحه:عمي احمد طيب قوي ي ماما

مرام ابتسمت:مش وقت ذيه المجبر ارقدي يله شاجي اقومش تصلي فجر

لمار:حاضر شابدل وارقد
.
.
اليوم الثاني..
دخلوا الحوش وبيتجابروا..

احمد:مارايكم اليوم نشل البنات ونخرج نتغدا خارج

نادر:سابر ومرتي اخليها لحالها مه قدك ناسي انها ولدت قبل اربع ايام

احمد ضحك:اوه صح خلاص يله نعوضها يوم ثاني
دخلوا للبيت وسلموا ع بعض حق الجمعه وجلسوا مريعين للغدا۽

نادر طلع لنغم:جمعتش حاليه ساعش ي روحي

نغم:علينا وعليك يارب

نادر:ايني امي

نغم:مدري ابسرها بالغرفه

نادر ابتسم وخطي لا غرفة سلوى دق الباب ودخل

مرام ابتسمت:حيا

نادر حب يدها:جمعه مباركه

مرام:علينا وعليكم ي قلبي

نادر:جي اجسي اشتي احاكيش بموضوع

مرام جلست:خير

نادر:ابسري ي امه ابي من حين تزوج بش وهو بيحاول قدر استطاعه يفعل الذي يرضيش ويريحش وكلنا ملاحظين هذا الشي الا انتي
مرام:انا ما....نادر قاطعها;خليني اكمل اتحاكا..امس علشان ترتاحي ادا لش ماجد ولمار لاعندش ي امه يكفي الذي بتفعليه لكم شهرين واكثر وانتو ع هذا الحال لو سمحتي ي امه سامحي ابي انا عند الله وعندش يعني من حين تزوجتوا وهو ولا حاول يجرحش او يتحاكا معش وكل شي تشتيه بيتنفذ ودايما يفعل الشي الذي بيريحش وانتي ي امه ماتشتيش تريحيه تدي فرصه لعلاقتكم خلينا نكون اسره واحده وقذا كلنا مجتمعين وباقي انتي وابي

مرام متردده:نادر لاتضغطش عليا

نادر:ما شاجبرش ع شي بس لو انتي تشتي راحتي فهي حين ابسركم الاثنين بنفس الغرفه ومتفقين قوا ي امه ريحينا وبطلي عناد

مرام ساكته

نادر ابتسم وحب راسها:فكري بالذي قلته لش ولا تتسرعيش وذاحين انزلي نتغداء يله

مرام:تمام انزل وشلحق

نادر تنهد ونزل

اجتمعوا كلهم فوق الطاوله ونزلت مرام وجلسوا يتجابروا ويزبجوا ومرام ساكته وبتفكر بحكا نادر وتتذكر اهتمام احمد ب عيالها ومحاولة اسعادها وتغير احمد الذي ابسرته فيه خلال الشهرين واهتمامه بها من بعيد لابعيد بناء على رغبتها وبرغم بعده عنها الا انه بيهتم ب ادق تفاصيلها
ابسرت ف الصالون مزهرية ورد كبيره فييها ورد الجوري فرحت وقامت بسرته

مرام ب ابتسامه:من ادا الورد هذا حااالي قوي وريحته تجننن

احمد سكت وماردش

نادر:الورد هذا اشتراه ابي وحين سألته قلي انش كنتي تحبيه قوي وعرف حين تزوجتوا من قبل

مرام اختفت ابتسامتها:هااه(رجعت تجلس)

جابر:حركات ي حمود عادك متذكر ايش تحب وايش تكره

احمد لفت له ببهرره:تغداء وانت ساكت

نادر قرح ضحك:يعوه والجبهه

احمد لفت له:وانت قفل لقفك واكل

ماجد ضحك:ايني جبهتك ي نادر

نادر ضحك:اصه شاقوم ارفسك

خديجه:تغدوا وسكته بغير مرافسه

نادر شل لقمه واكل لمار:ها ي لماري اكلي من يدي ماعليش منهم

لمار ابتسمت واكلت
لمار فارحه وحاسه انها بين اهلها وفرحتها ماتنوصف
.
.
بعد المغرب...
مرام جالسه بين النسوان وعقلها في مكان ثاني

تذكرت حكا جابر(حركات ي حمود عادك متذكر ايش تحب وايش تكره) وتذكرت حكا احمد مع لمار وتفاهم احمد مع ماجد ومعاملته كأنه واحد من عياله وتغيره جلست تفكر بحكا نادر وحست انه على حق

مر الوقت وخرجين النسوان ورجعوا من اشغالهم وتعشوا وجلسوا بالصالون يسمروا ويتجابروا

احمد;من الذي فعل العشاء

غرام:كنت بن افعله انا ودخلت عمتي قالت عتفعله هي

احمد استغرب كيف فعلت له الاكل الذي بيعجبه وبنفس الطريقه الذي كانت تفعلها بها قبل طلاقهم

احمد:تسلم يدكم الاكل كان ضخمم

مرام خرجت من المطبخ وبيدها صحن قلاصات فيه عصير ليم
وبتقرب لهم

نادر:اسلمي ايوه ايوه ما ذلحين يحق لنا الدلع

مرام ابتسمت وخطت لاعند احمد وقربت له

احمد شل القلص

مرام:مع مش ذيه شل الذي لونه احمر السكر فيه قليل وفعلت له حليب

احمد ابتسم بتعجب:تسلمي

مرام ابتسمت:الله يسلمك

نادر وجابر لفتوا لبعض مستغربين من تغيرها

الكل استغربوا وفرحوا بنفس الوقت
.
.
مرر اليوم بحلاوته وجمعة الاهل فيه وخرجين النسوان رجعوا ابطالنا من اشغالهم وكل من طلع عند مرته وقفل ع نفسه







https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪