البــارت 51 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


غرام:يمكن دخلوه العمليات علاميد يتدرب وانتي داريه بعض العمليات بتستغرق سبع ثمان ساعات

سلوى: وتلفونه للمه مقفل

غرام:يعني تشتيه يدخله معه حجاب عليش

سلوى جلست:ماشي حاسه ان به شي

خديجه: اذكري الله مابه الا كل خيير

سلوى جلست وبتلعب بالتلفون بتوتر

في مكانن ثاني...

وصل للفندق
ورجم نفسه فوق السرير بتعب وارهاق
شغل تلفونه وابسره طافي طرحه فـ الشاحن ودخل تحمم وبدل لداته ورجع
شغل التلفون واتصل لـ جابر

عندهم..

الكل مجتمعين فـ الصالون ومفتجعين عليه وبيتسالوا وينو سأالوا عليه بالمستشفى وقالوا انه ماجاش

نغم بالرغم من كررهها له الا انها حست بقلق عليه وشعور غريب ماعرفتش تفسيره
في حوش البيت رن تلفون ابسر الرقم دولي واستغرب ورد

جابر:الوو

نادر:ايوه مساء الخير

جابر:من معي

نادر:النعنعي

جابر عرف الصوت انصدم: نادر

نادر: ايوه

جابر:ووين انت من الصبح لاذلحين الساعه 2:00 وعادك ماقد جيت وزيد مقفل تلفونك وبعدا ماهو هذا الرقمم مشو يمني وين انت ذلحين تحاكا

نادر:ناهي اسكت شويه علاميد اتحاكا انا

جابر:اننطق يلههه

نادر: اتصلت لك انت لانك عتعرف تتصرف انا ذلحين مش فـ اليمن او في صنعاء انا سافرت كندا

جابر صععق:كيييف سااافرت وليش ماتحاكيت

نادر:لاني لو تحاكيت كلكم عترفضوا وتعارضوا المهم ذلحين حاكيهم ومهد لهم ولا احد يقلي ارجع شاكمل دراستي سنه سنتين وارجع

جابر:انت بتمزح معي او ماهو

نادر ضحك:مابنمزحش ولا شي يله خااطرك وسلم ع الكل

جابر صييييح: كيف خاطرك ي نادر ماهو الذي فعلته هذا احنا جهال عندك تخرج وتدخل براحتك ايحين عاملت وايحين وافقوا

. نادر:اهدا يا اخي واذكر الله الموافقه خرجت اول من امس ذلحين ماعاد ماعاد بقاش قدنا هناك ابسر لك طريقه تحاكيهم فيها وغدوه ان شاء الله شتصلهم انا

جابر تنهد:استغفر الله جاهل وعتجلس طول عمرك جاهل يله انقلع واوبه لنفسك

نادر ضحك:الله معك

في البييت

اندق الجرس وفتحت الباب جودد

جود:ايينو خالو نادر اديته معك مه

جابر حب راسها ودخلوا

سلوى والكل وقفوا:ايينو نادر لقيته

احمد:ايش بقي مالك تحاكا اينو اخوك

نغم كانت مفتجعه عليه وقلقه

جابر:نادر مشو هانا

احمد:كيف مشو هانا كان اينوه

جابر:اتصلي الان وقال انو سافر كندا بعد الصبوح

الكل انصدمووو

سلوى:كيف سافرر مابتقول

جابر:الذي سمعتيه ذلحين قدو هانك واتصلي من هذا الرقم(خرج التلفون خلاهم يبسروا الرقم)

احمد صيح:كييف يسافر هكذا بدووون مايحاكي احد ايش الخباله هذه ماعاد احد بيهمه ولاهو ضارب لاحد كرت

جابر:ي ابه الصياح ذلحين ماعاد ينفعش قد سافر

نغم اكتبدت وحملت لاغرفتها

احمد بسرها:ماعيقلوا علينا الناس ذلحين سافر وماقد له شهر من حين تزوج

سلوى:بتهم الناس ي ابه ومابتهمش ابنك لو حصل له شي هانك البلد غريبه ومابش احد معاه

احمد:اخوش ماعادوش جاهل وماخربه عليا الا دلعش الزاايد كله من تحت راسش ذلحين اين اسير ادوره وماعتقل لخالد حن يسألني للمه سافر وخلا البنت هانا

سلوى بكت وطلعت

جابر جلس بينهم والكل كان.كئيبب

سحر طلعت غرفتها وبكت حست انها فقدت توأمها برغم عناده لها بس تحببه ومتعلقه فيه قوي

في غرفة نادر

جالسه فوق السرير وحاسسه انها متضايقه مشاعرها ملخبطه ومش قادره تفسر سبب قلقها وخوفها عليها

نغم:للمه سافر وماحاكاش اهله كيف سخي بهمم ولو يحصل معه شي وكم عيجلس هاناك....سكتت شويه

نغم:وانتي مادخل امش حتى وجلس عشر سنين احسن سكهت صورته الكئيبه

اليومم الثاني في الجامعه..

الكلاس فاضي ومحدد فيه الا سحر وخبيرتها بياكلين

تغريد(خبيرتها)منهو ذيك الذي جا دافع عنشش امس

سحر:مدري معرفهش

تغريد:كيف ماتعرفيش شلوش وشش

سحر ضحكت:تصدقي حتى اسمه مشنا درايه به بالرغم اني بن ابسره معانا من فترره

تغريد:اعتقد اسمه ما..وقفت بعدما سمعت اصوات

سحر:يووه شكلهم عيجو هانا قومي يله

تغريد تلثمت:يله

سحر تلثمت وخرجين من الكلاس
ابسرين ماجد ووليد وسمير وعلي داخليين

ماجد عرف سحر وجلس يتبسرها وكأنه يشتي يقلها شي

سحر توترت من نظرته وخرجت

سمير:اكلت البنات بعيونك

ماجد ضحكك:الله يشلك مش قصدي

وليد ضحكك:ادخلو المحاضره عتبدأ

علي:مش ملاحظين احنا اول ناس ندخل يعني عادو حين

وليد:ادخلوا بس يله

ماجد:اينه ندخل انا وسمير مالنا دخل في محاضرتكم خاطرك

وليد ضحك:ايوه صح يله انقلعوا
سمير:قلعوا عينك

وليد ضحكك وزبطه:يله من هانا قليل ادبب

ضحكوا كلهم ماجد وسمير خرجوا من عندهم








📚 @rewayatyamania 🇾🇪

البــارت 52 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪

عند البنات..

تغريد:ي حب ي حب ابسرتي كيف كان يتأمل عيونش

سحر:مروا عليا من امثاله خيرات

تغريد ضحكت: تعجبني الثقه

سحر:مش حكاية ثقه بس هم هكذا يجوا يفعلوا لنا فيها ابطال وورا بطولتهم حاجه

تغريد:يمكن حبش صدق لانه دافع عنش بوحشيه

سحر خفعتها بالملزمه:حبش اوباما ي ربحه اخطي يله

تغريد ضحككت:الله يقلعش و اوباما ماعيديه لاعندي

سحر:انتي ويااه سوا كلكم حق صميل

تغريد ضحكت

في البوفيه..

ماجد مركز عيونه على مكان معيين

سمير ضربه في راسه:واو وين قدك

ماجد:مال امكك

سمير:شكلها شلت عقلك وراحت لها

ماجد: من قصدك

سمير:الذي ضربت الولد امس علشانها

ماجد عصصب:سمير انتبه لحكاك لاتتحاكاش في شي مش انت داري به

سمير:ناهي اعصابك

. >>تسريع احداث<<

بعد مرور سنتين

مرت السنتين ونغم في بيت زوجها كانت تفقده وتبسر لداته بدون ماتحس كان فيها شي بيجذبها صليه بس في كل مره كانت تقنع نفسها انو مايهمها ولا يعني لها شي وطول فترة غيابه ما اتصل لها او حاكاها نهائيا

اهل نادر كلهم كانو متضايقين منه ومن حركته

طول السنتين هذذي احمد ما رضيش يحاكيه او يررد على اتصالاته

سلوى كانت تعد الدقايق والساعات وكانت تحس ان الدقيقه في غياب نادر كأنها سنه
سحر ماكانت تبين على احد بس كانت تبكي عليه واكثر وحده فقدته كانت تحس يومها بدونه ملل وكئئيب بما انهم كانوا يعاندوا بعض ويشاكسسوا في البيت

خالد ووليد تضايقوووو قوي من حركة نادر البايخه وسفره المفاجئ وخصوصا انو خلا نغم لحالها وعادهم تزوجوا.

وليد غير رايه في سحرر وكان يفرح اذا بسرهاا

كذلك سحر التزمت بدوام الجامعه بس علشان تكون تبسره
الاثنين مشاعرهم متخلبطه ومشهم فاهمين شي ومحد اعترف لحد وكان تفكيرهم انو مجرد اعجاب اما سحر كانت دايما تقنع نفسها انها تكررهه وماغيرت رايها فيه بس تصرفاتها كانت تبين لها العكس

روان اخت سمير دخلت الجامعه وبتدرس اول سنه

ازازد اعجابها في ماجدد وحبته بس كانت كاتمه مشاعرها وماصدتش تحاكييه او تبين له شي كانت تهتم في اخباره وتففررح حن تبسره مع سمير

ماجد كان مهتم في سحر من بعيد لابعيد واي شخص يأذيها كان يوقف قباله جببل

سحر ما اهتمتش تسأل عنه او تعرفه واساسا ماكانوش يتقابلوا خيرات الا بـ الصدف

بسمه تجبرت اكثثثر وزاد تحكمها في نديننن وكانت تحاول ماتبين شي على نغمم واذا نغم جات ماكانت تخليهن يجلسين لحالهن

ندين كانت تخبي على اختها وماتشتيش تغثيها وكانت تسكت
بسمه مستمره في نهبها زلط خالد وما تابتش

الساعه 10:00 الصبح في بيت نادر..
رنن التلفون وحملت ترد

سحرر:الو

جابر:ايني سلوى

سحر:يعني انا ما انفعش

جابر:بغير لغاجه هاتيها

سحر:حاضر هه

سلوى:ايوه

جابر:جهزوا الغداء ورتبوا اموركم معي ضيوف

سلوى:ضيوف ايش

جابر:مش ضيووف هو غر صاحبي مع مرته عيجوا من سفر وعزمتهم عندنا

سلوى:هنيت لك والمزاجج الذي فوق للعزومه ناهي يله الله معك

جابر ضحك: مع السلامه

فتح باب السياره بفررح ونزل دخل مطار صنعاء الدولي وجلس في صالة الانتظار

بعد ساعه في بيت نادر..

سلوى ونغم فـ المطبخ

نغم:منهم هذولا الضيوف تعرفيهم

سلوى: واالله مانا داريه جابر عليه تصانيف ساع وشه

غرام:مالش على زوجي

سلوى ضحكت: هو اخي قبل ما يكون زوجش اشتغلي وسكته

سحررر كررت: قحح بوم البيت هذا مشو فالح الا بقصف الجبهات وتنتيفها






https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 53 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


خديجه: وانتي بدل ماتجلسي تاكلي وتمكنيني كركره قومي عاونيهن يله اشتحطي

سحر:يوووه ي امه قد قلت لكم مانتوا فالحين الا بقصف الجبيه هيا ماشاقومش اعاون احدد قدهن اربع نسوان عيطبخين لقريه كامله(خرجت من المطبخ وبيدها تفاحه بتاكلها)

فجأه افتتح باب البيت ودخل جابر

سحر لفتت له وافتجعت لا يصيح فوقها

سحر: لاتصيحش ذلحين شطلع غرفتي

جابر ضحك: لاتطلعيش راعي اااااين جت سلا قلبيي(قصده سلوى) واااا سلوى

سلوى:ابسرتي المشولح حقش

غرام ضحكت: اخرجي ابسري مايشتي واحنا نكمل امد

سلوى غسلت يداتها وخرجت سنبت جنب سحر

سلوى: مالك ي مصيح خير

جابر فتح باب الفله كله ووجه يداته الثنتين صلا الباب

جابر:مفااااجأأهه

سلوى انصدمت

سحرر نطت وصيييحتت:ناااااااددررر جاااا

نغم دقق قلبها وفلتت كل الذي بيدها لبست المقرمه وخرجت وهي فاارحه ومش حاسه على نفسها

سحر حملللت لاحضنه وحضنته بقوههه

ناددر ضحكك: مارضيتي تعقلي

سحر بكيت: فقدتككك قوي قوي قوي ي خادم

نادر بيضحك: وانتي والكل فقدتش قوي

سحر وخرت من حضنه

نادر كان يخطا بخطوات ثقيله ووصل لا قبال سلوى وحضنها

سلوى حضنته وبتشم ريحته براحه وهي مش مصدقه واخيرا نادر رجع

سلوى:هكذا تفعل بنا ي اخي سخيت علينا

نادر حب راسها:اسف ي روحي الغالي بس مفعل السفره كانت ضروريه بالنسبه لي

سلوى:اقل شي كنت عتحاكينا ولا...نادر قاطعها

نادر:خلاص قذا رجعت وقد اخوش دككتور شاطر ومحد ساعه

سلوى ابتسمت:الله يحفظك ويحميك

جود نزلت من الدرج طااايره لاحضنه

جود:الحمد لله ع السلامه ي خالو

نادر:الله يسلمش ي روح وقلب خالو

غرام وخديجه والكل خرجوا وبيسلموا عليه

نغم كانت مسنبه بعيد عنهم بحيث ان نادر مابسرهاش كانت فاررحه برجعته قربت خطوتين ع اساس تسلم عليه ووقفت بعددما تذكرت اسلوبه ومعاملته لها وتجاهله طلعت غرفتها على طولل وغلقت الباب

بعدما سلم على الكل جلسوا فوق الكنب
نادر كان يوزع نظراته ع البيت كله وكأنه بيدور على شي

سلوى فهمته: اطلع غرفتك وعتلقاها هناك

نادر:من بتقصدي

سلوى غمزت له: الذي بتدورها

نادر: مشنا طالع ولا بن ادور على احد اينو ابي

سلوى تنهدت: عادو فـ الشركه

نادر:محد حاكاه اني جيت

سلوى: ماشي

نادر:لا احد يحاكيه لوما يجي

سلوى:غاثي منك قوويي ومعتقدش يتقبلك بسرعه

نادر: ماعليش انا الدكتور نادر مثلما بن اعالج خلق الله عتقدر اعالج الخلاف بيني انا وابي

سلوي ابتسمت: الله يهدي بالكم ويسد شأنكم

جابر: ي اخي بغير ثقالة دم اطلع ابسر مرتك

نادر تغيرت ملامحه: ماشطلعش ومشتيش ابسر احد ومالكم دخل

جابر طرح يده فوق اكتاف غرام:ايوه صح وانا مادخل امي اهم شي غرامي معي وجنبي وانت قرح راسك عرض اقرب جدر

غرام خزيت وضربت يده ووخرتها

جابر: انا فدال الذي بيخزى

غرام ضحكت وقبصته:قر

نادر بسره بنص عين:عيجبركم الله بروس بعض(قام وخرج للحوش)

جابر:آمين

في بيت خالد..

بسمه جالسه فوق المدكى

وندين بتشتغل وتجهز الغداء

شلت طاسه ملانها فاير وطرحتها فوق الدولاب ورجعت تقطع السلطة

بسمه بسرتها بنظرات شرر وقامت سنبت جنبها

بسمه: اديها انا شاكمل وانتي ابسري الباقي

ندين ماتوقعت:ماعليش قذا شاكملها

بسمه قربت منها متعنيه وياسعم بتمزح:قلنا اديها بغير عناد

ندين مستغربه ابتسمت وناولتها السكين
بسمه دكمت الطاسه بكوعها ونكعت لافوق فخذ ندين

ندين صااحت(ااااايي) مسكت

الفوطه(التنوره) وبتحركها علاميد يبرد الحرق وبتتتبكي

بسمه جلست جنبها وبتمثل انها غاثيه

وليد وخالد دخلوا البيت على صوت البكاء
لفتوا لبعض مستغربين

وليد عرف انها ندين وحمل للمطبخ
جلس عند ركبتها بخووف

وليدد:مااالش

ندين بتبكي من الالم وماقدرت تتحاكا

وليد لفت لبسمه بحده:مالها

بسمه:نكعت الطاسه الفاير لافوق رجلها

خالد:كيف نكعت وييني عيونكن

ندين بتببككي

وليد:اسكه رويني

ندين خززززيت وهزت راسها بمعنى مع

وليد عصبب:رويني يله انا اخوش بغير جنان

ندين رفعت الفوطه وكان الحرق فوق ركبتها بشويه








📚 @rewayatyamania 🇾🇪

البــارت 54 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


وليد:ماهوو هذا ي خاله

بسمه:وانا مافعلت هي اختك مدري اينو حسها

وليد صيح:سبحان الله الطاسه وقع معاها ارجيل ونكعت من نفسها مه

بسمه:ماقصددك

وليد:قصددي واضح

خالد:مالك ي ولد عيب عليك خالتك ماذنبها

وليد:ما....خالد قاطعه

خالد:مش وقت اضوي غرفتي وهات علبة الصيدليه فيساع

وليد سنب وبسر لـ بسمه بعين شرر وخطي
خالد شل ندين للغرفه وجلسها فوق السرير
بعد لحظات جا وليد وبيده العلبه فتحها وخرج المرهم حق الحروق

وليد:ابعدي يدش

ندين خاازيه:ماعه انا شفعله هات

وليد ابتسم:يا عيباه بتخزي مني

ندين ضحكت وحمممر وجها

خالد: خلاص ناولها وجي نخرج وخالتك عتدهن لها

وليد:تمام هه(خرجوا وغلقو الباب)

بسمه بـ لعانه:جعلي مكسر عليش جي وانا شدهنه

ندين هزرت المرهم من يدها: شكرا مشتيش منش شي

بسمه:يوه للمه

ندين:انا وانتي داريين للمه مابش داعي نتحاكا ولا تشتي احاكي وليد اميد يتصرف معش

بسمه انصدمت وبتسأل نفسها كييف عرفت انها متعمده قامت خرجت وغلقت الباب

ندين بتدهن الحرق وتبرده وهي بتتأاللم

في بيت نادر

وصل لاباب غرفته مسك مقبض الباب وهو متردد يدخل

اخذ نفس عمييق ودخل
كانت جالسه فوق السجاده وبتدعي سمعت صوت الباب ولفتت لا وراها وبسرته سنبت ورفعت السجاده بدون ماتحاكيه
نادر كان يتبسرهاا وحس ناحيتها بشوق وشعور ماقدر يفهمه
طرح شنطة لداته فوق السرير وبدأ يخرجهن

نغم بتتبسره من بعيد وبدون ماينتبه عليها ولاحظت عليه تغيرات كثيرره جسمه الرياضي وعضلاته البارزه اكثر من قبل وبتبسرر فيه هيبة الرجال بس في داخلها كانت تقول

نغم(الهيبه هيبة رجااال بس الحقيقه انا اعتبر نفسي ارجل منه صدق الذي قال المظاهر تخدع)

نادر في داخله(ماهو هذا الذي بن احس فيه وللمه حن بسرتها حسيت بشي غريب وجسمي انتفض معقول اكون ........لالا مستحيل مالك ي نادر (ابتسم تلقائي)بس عادها هذك المغروره ماتغيرتش حتى الحمد لله على سلامتك ماقالتها) لفت لها يشتي يحاكيها وماسمع الا صوت بااب الغرفه تغلق ونغم خرجت منها)

جهزين الغداء وتجمعوا كلهم فوق الطاوله ومريعين لـ احمد

نادر:ي خبره اينو ابيي ماعاد بش صبر

جابر ضحك: مستعجل تلتبج مه

نادر ضحك

اندق جرس البيت وفتحت فاطمه

احمد دخل وما انتبه لـ نادر قرب منهم وبسره فرررح في داخله وكان يشتي يسلم عليه بس كبريائه منعه بسر لنادر بنظرة غضب وطلع الغرفه

جابر: هيا برد قلبك سديت نفسه كان عتخلينا نتغدا وبعدا تظهر نفسك

سلوى ضربته في رقبته:عتقر والا ماشي

جابر ضحك:سدوا

نادر قام ولحقه للغرفه

دق الباب ودخل

احمد لفت له:خيير مامعك هانا ايش ضيعت

نادر دخل: معي ابي واشتي اسلم عليه

احمد: مادام انت داري ان معك اب للمه بتتصرف من راسك ولا ضربت كرت لحد

نادر:يا ابه الصدق انا ماعاد قدرت اتحمل الوضععع من جهه البنت الذي بليتني بها ومن جهه ثانيه ماجدد في الجامعه قد كنت احس اني عد انفجر

احمد لفت له بحززم :ماقدرت تحاكينا بقرارك هكذا تتصرف بدون علم احدد
حن سألني ابوها عنك ارتبط لسساني ماعد دريت ما ارد عليه كرها رضي يخلي بنته عندنا بعد ما جلست اترجاه ساعه واقنعه انك كنت مضطر تسافر

نادر بدون مايحس لفت له بعصبيه: يعني كان يشتي يرجعها

احمد:اييوه كان مابيتخايا لك بنات الناس لعبه ومابش وراهن رجااال البنت قد كانت لفت نفسها وسايره بيت ابوها ولولا اختك اقنعتها وحاولت معاها ولا كان عترجع وماتلقاش مرتك هانا

نادر تنهد :خلاص قذا انا رجعت وكل شي تمام وانا ااسف انا دراي لو حاكيتكم ماعتخلونيش اسافر ماصدقت وافقوا

احمد بتردد:ولو هذا الشي مايبررش تصرفك انت حتى سماعه مارفعتها تسأال على البنت كنت تحاكي خواتك من جنبها ولا فكرت تقول ادوها

نادر:ماعليك من البنت شتفاهم انا وهي ذلحين اهم شي ترضا عني انت

احمد: اسمعني البنت ماجلست هانا الا علشاني انا واختك وزيد ماعتجلس طول العمر هكذا قالت عترجع بيت اهلها بعدما انت ترجع من سفرك غير نفسك معاها ولا انت عتخسرها

نادر في نفسه(في ستين حريقه)

نادر:ذلحين انا جيت استسمح منك وانت بتمكني البنت والبنت

احمد:خلاص حصل خير

نادر حب راسه: يعني راضي عني

احمد: الله يرضا علييك ويوفقك

نادر ابتسم:الله يخليكم لنا

احمد:يله انزل تغداء

نادر:وانت


احمد:ابدل لداتي وشلحقك

نادر ابتسم:مريعين لك(فتح الغرفه ونزل)

بعد الغداء

جالسين فـ الصالون بيشربوا شاهي

احمد:بعد المغرب تشل مرتك وتضوي بيت عمك تسلم عليه

نادر:بس لازم اسير ال...قاطعه

احمد:ولا عتسير بقعه كلمه ماشثنيها

نادر:حااضر وماعاد باقي


احمد:الباقي عليك انت

نادر فهم: من عيوني

احمد:مانشتيش عيونك نشتي شحططه

نادر:الله المستعان مشنا مشحوط

احمد:الشحطه شحطه في كل شي مش الا بين الرجال بس

نادر ضحك: ناهي دلا علينا عاد احنا ضيوف

جابر ضحكك:تحمد الله ماقامش لبجك عادك بتتشرط








📚 @rewayatyamania 🇾🇪

البــارت 55 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نغم جالسه جنب سحر وبيتجابرين بصووت واهي

نغم كان حسها معاهم ومش مركزه مع سحر

سحر:ابسري ابسري مارايش بذيه الفسان بن افكر افصل مثله

نغم...

سحر:يايه

نغم:هاه ماهو

سحر:قلنا ما رايش بالفستان

نغم:حااالي قوي وكيوت عيقع فوقش جنان

سحر:صدق

نغم ابتسمت:صدقين

سحرر ضحكت:لغججه

نغم بصوت واهي:منش نتعلم

بعد المغرب في بيت خالد..

ندين جالسه فوق سريرها وبتتألم

خالد دق الباب ودخل

خالد:كيف انتي

ندين بألم:بيوجعني قووي

خالد:كيف حرقتي اشتي ادرى خالتش فعلت لش شي صدق

ندين سكتت

خالد: سعليش لاتفتجعيش تحاكي

ندين ماتشتيش ابوها يتعب وينصدم بمرته:ماشي هي كانت بعيد وانا ماطرحتش الطاسه سوا ونكعت فوقي

خالد:متأكده

ندين ابتسمت:اييوه

خالد حب راسها:تمام يله افتهني
خرج من الغرفه وغلقها

ندين(ماقدوش وقت تعرف شي ي ابه انا داريه لو حاكيتك عتتصايحوا يوم يومين ورجعتوا بس الذي نشتيه نخرجها من حياتك للابد ولازم السبب يكون اقوى)
.
.
في بيت نادر..

دق الغرفه ودخل

نادر بدون مايتبسرها: مراعي لشش نازل بسرعه

نغم لفتت له بدون اي همس وقلبت عيونها

نادر رفع حاجب واستغرب: من بين احاكي

نغم:سمعتك ومش ضروري ارد

نادر:استغفر الله العظيم بسس (غلق الباب ونزل للحوش)

بعد عشر دقايق نزلت نغم وخطت من جنبه بدون ماتريع

نادر بيتبسرها مستغرب

نادر: ياايي اين عتسيري مدعممه هكذا

نغم بدون ماتلفت او توقف: بيتنا مشو بعيد

نادر صيحح اانا حن احاكيش توقفي وتسمعي لي

نغم لفتت له: ماعاد باقي

نادر: ايش تشتي ممكن ادرى ايش المطلوب يعني بتنرفزيني او ماهو

نغم تأففت: ممكن لو سمحت تخطى بدون دحس واذا ماتشتيش تسير بيتنا ارجع وانا شاسير لحالي

نادر:تسيري لحالش في هذا الليل

نغم ضحكت باستهزاء واسستفزاز:معتقدش انه يهمك(فتحت البوابه وخرجت)

نادر رفع راسه للسماء(يارب صببرني)
خطي بعدها
وصلوا لاعند الباب ودقوا

خالد فتح

نادر دخل ولحقته نغم

خالد:حييا الله الغاييب

نادر حب راسه:الله يحييك ي عمم كيف انتووا

خالد:بخير نحمده ونشكره وانت كيف انت وكيف السسفرره

نادر ابتسم: كله بخيير

خاالد سلم على نغم ودخلوا الديوان

خالد جلس:ايوه ي ولدي سافرت بغير ماتقلنا

نادر:والله ي عم كل شي وقع بسررعه حتى اهلي ماحاكيت احد فيهم

خالد استغرب:كيف اهلك ماحاكيتهم

نادر:والله اني خرجت بغير ماحاكيهم واسأل نغم

نغم لاول مره تسمع اسمها في لسانه رفعت حاجبها وقامت من عندهم

نادر تنرفزز وكتمم شل الاكياس الذي جنبه وناول خالد

خالد: ماهو هذا ي ابني ماكان بش داعي تتعب نفسك

نادر ابتسم:ولو انت عمي اخو ابي قبل ماتكون ابو المره هذا مش من قدرك

خااد ابتسم:الله يحفظظك اسلم

بسمه دخلت: حياا الله من جا حيا الله الدكتور

نادر قام وسلم عليها

بسمه انبهرت فييه وفي جسمه وشكله المتغيرر

جلست جنب خالدد وببتتبسره

بسمه:ماشاء الله عليكك احلويت

نادر خزي وضحك:هن عيونش

بسمه ابتسمت وجلستت تتبسره
.
.
عند البنات..
ندين: اماانه يعني جا فجأه

نغم:ايوه

ندين بهررت:يووه استقبلتيه بـ الروب الذي شمه حلبه وثوم خزوا بش

نغمم ضحكتت:ششششلوشش ماشي طلعت وبدلت ذلحين ماعللليش منه قلي لي كيف انتي وكيف خالتي معش

ندين اختفت ابتسامتها:مابش شي دحس بالحكا بس

نغم تنهدت وطرحت يدها فوق فخذ ندين:سهل تحم.....قاطعها صوت ندين

ندين:ااااحح

نغم نكزت:مالش

ندين:حرقت بالماء

نغم كيف حرقتي اسكه ابسر

ندين روتها

نغم بهرررت:ندين ماهههو هذا الماء كان.فايير مه

ندين هزت راسها بمعنى ايوه

نغم:انتي الذي حرقتي والا خالتي حرقتش

ندين سكتت

نغمم:تحاااكي

ندين تجنبا للصياح:ماشي انا ما انتبهتش حن طرحته ونكع لافوقي

نغم:اكييد

ندين ابتسمت:اكيدين

اندق الباب ودخل خالد
خالد:قومي يله زوجش عيروح

نغم:يوه مسررع

خاالد:مدري سيري ابسري

نغم تأففت وقامت خطت الديوان


في الديوان
بسمه:امم اسمع ي دكتور يمكن عتستغرب من الذي شاقوله لك بس انا اشتي مصلحتك ومشتيش تتاذى

نادر استغرب:خيرر ماتشتي تقولي

بسسمه:اوبه من مرتكك كانت هانا مطلعه ارواحنا ومابتخلينا نجس يوم بدون صياح وزيد اشتي منك تكون تبسر تلفونها وتراقبها مشتيش تغلط وتكسر ظهورنا

نادر انصصصدم:كيف اراقب تلفونها

بسمه...




https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 56 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نادر انصصصدم:كيف اراقب تلفونها

بسمه:لاتكنش تخليها لحالها والتلفون معاها لانها قبل ماتتزوجوا كانت ت........قاطعها دخول نغمم

نادر لفت لها وهو مصدووم من حكا بسمه

نغم بدون ماتبسره:مسرع عنروح

نادر بيتبسسرها مش مستوعب

نغم استغربت ولفتت له:ماالك

نادر قام سنب:يله خاطركمم تصبحو على خير

بسمه:الله معك نورت

نادر سكت وخرج من البيت

نغم تأففت ولبست البرقع ولحقته

نادر بيخطا وبيفكر بحكا بسمه خطي بدون مايلفت وراه او يبسر نغم

نغم:ماله هذا قلب صوره اعوذ بالله مش انا داريه كيف وقع دكتور وهو نفسه يشتي له علاج


دخلوا البيت وكانوا اهله مجتمعين فـ الصالون

نادر طلع غرفته على طوول بدون ما يسلم

نغم خسلت البرقع وجلست معاهم

احمد:ماله زوجش

نغم:مدري

جابر:للمه دخل قالب صوره مافعلتوا لاخي او ابوش لبجه

نغم ضحكت:ماشي ولا وقع شي

جابر ضحك:انا بن امززح وبعدا ي ابه مشك داري ب ابنك يتقلب مزاجه في ثواني

احمد تنهد : االله يهديه

نغم قامت وطلعت الغرفه..
.
.
في غرفته..
خرج للبلكونه وبيفكرر وحكا بسمه بيتكرر في اذنه
سمع صوت الباب وخرج للغرفه

نغم بسرته وطنشته

خلست البالطو وعلقته وجلست فوق الكنبه ومسكت تلفونها

نادر تذكر حكا بسمه وعصبب

نغم بتتبسر التلفون وابتسمت

نادر فقد اعصابه وقرب منها ومسك التلفون ورجمه للجدر

نغم سنبت وصيحت:مااالك

نادر بيصيح:مااااالي يعني انا حرر الغرفه غرفتي وانتي مرررتي(ركز على كلمة مرتي) والتلفون اعتقد اشتريتيه من زلطي انا

نغم:واااووو حالي يعني انت متأكد اني مرتك بس به شي غلطت فيه التلفون هذا ما اشتريته من زلطك هذا هديه من اخي وانتت مايحق لك تفعل الذي فعلته

نادر: وللمه مايحق لي يعني تشتي اجلس اتبسر لش وانتي بتتجابري مع حبيب القلب وبتتبسمي له قبالي

نغمم انصدمت:ماهو

نادر صييح: الذي سمعتيه

نغم غمضت عيونها وبتحاول تتمالك اعصابها:نادر لا تطولش لسانك

نادر تكتف:والا ماعتفعلي يعني انا كذاب مثلا المشكله ان اهلش داخل بيتكم بيشكوا منش يعني انا ماديتش حاجه من عندي

نغم صيححت:نااااادر وقف عنند حددك واحترررم نفسسك لاهانا وبس اهنتني بما فيه الكفايه وما سكت الا علشان ابوك واختك لكن اذا الموضوع عيوصل لاشرفي وكرامتي فانا مستحيل اسكت لك وشاقل ادبي وهذا الشي مش لصالحك

نادر ضحك: الله طلع معش صوت وتعرفي ترفعيه تمام اذا انا كذاب مابيخليش تشخري الشخاره هذي بكلها وانتي ماسكه التلفون

نغم قربت منه ورفعت اصبعها السابه بتهديد:اسمعنييي وافهم الذي عتقوله انا غييير عن كل البنات الذي عرفتهن في حياتك شرفي وسمعتي خطط احمر الزم حدودك وقععع رجا...


عتقلوا مادخل نغم تمام انا شاقلكم كلل النسوان سوا ومحددد احسن من حد كلهن غدارات وبايعات وخاينات كلهنن بعد مصلحتهن اين ماكانت مابيهمهن لا اهل ولا حتى مشاعررر الذي حواليهن وذاحين مفتجعين على الست نغغم لا اجرحهها

احمد:كممم مره نتحاكا في هذا الموضوع ونرررفسس معك يا ابني اتعبتنا وارهقتناااا اتعببتنا بسس يكفيك حركات جهال لـ ايحين عتجلس على هذا الحاال

ناادر:لووووما امووت

احمد بيصيح:انتتت داري امممك عايشه وماحد قتلهااا محد قتل امك الا انتت

نادر:ايوه هذك المره بالنسبه لي مييييته انا بن اعتبرها ميته من حن عادنا جاهل

جابر:يا اخي الذي فعلته كان ما....نادر قاطعه

نادر:مابش شي يبرر فعتلها لو سمحتوا مشتيش اتحاكا خلوا لي حالي واخرجوا

احمد صيح:مانخرج من عندك بمزاجك هوو

نادر خرج البلكونه

احمد يشتي يلحقه

جابر مسكه:خله ي ابه وجي معي

احمد:بس ما

جاابر:اخطى ي ابه

احمد استسلم وخرجوا
.
. .
.








📚 @rewayatyamania 🇾🇪

البــارت 57 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪



في غرفة سلوى..
دخلت وغلقت الباب..
سلوى:مالكم ايش حصل

نغم: مابش شي نتحاكا فيه وخليني اضوي بيتنا

سلوى: كيف مابش شي نتحاكا فيه

نغم:اخووش ماعاد خلئ فرصه للحكا او للتفاهم وصلت معه انه يتحاكا عن شرفي

سلوى انصدمت: ماهو

نغم:ايووه هوو انا صبرت وتحملت سنتين وكله علشانش انتي وعمي بس هو مايستاهلش اتحمل علشانه لو دقيقه.. سنتين وانا جالسه هانا ساع العزبات ومتزوجه اسم بس سنتين وهو مافكر حتى يقول ادوا احاكيها او سأال عن حالي كيف هو ايش السبب العظيم الذي بيخليه يعاملني هكذاا وللمه من البدايه تزوجني وهو ماييشتي انا ماعاد شتحمل اكثثر عندي ظلم خالتي ولا هذي الاهانه

سلوى:انا معش في كل شي بس
نادر ....سكتت

نغم:نادر مه مابش شي يبرر فعلته

سلوى:صلي علا النبي واذكري الله واجسي ذاحي وشاحكي لش كلل شي وامري الى الله

نغم:ايش تحكي لي

سلوى:شافهمش للمه نادر بيعاملش هكذا وايش السبب ويمكن بعد ماتسمعيني تغيري رايش

نغم جلست:تحاكي بن اسمع بس مهما كان السبب معتقدش انه يسمح لنادر يتعامل معي هكذا

سلوى:ناهي اهدي واسمعي

نغم تنهدت

سلوى:نادر او بالاصح احنا كللنا ومن بيننا ابي حصلت معانا مصيبه واكثر واحد ثأتر فيها هو نادر اخي

نغم استغربت: ايش حصل

سلوى:كان عمر نادر ثلاث سنين وكان متعلق بـ امي بشكل مش طبيعي وامي والكل كانت تحبنا كلنا بس نادر عندها كان مميز

نغم: ايوه

سلوى نزلت راسها: بعدها جا هذك اليوم الذي امي وابي افترقوا فيه والسبب ان امي كانت تحب واحد ثاني وطلبتت تطلق
وبعدما طلقها ابي تزوجت به

نغممم انصدمت:مااهو يعني خانت عمي(مسكتت على فمها) انا اسفه ماقصدتش

سلوى ابتسمت بانكسار:مابش داعي للاسف المهم نادر تعقد من النسوان كبر وكرهه لهن كان يكبر معاه اعتقاده انهن كلهن سوا وانهن خاينات ولعابات وبيفلتين اهلهن بدون اي احساس بالمسؤليه وبعد ٣ سنين مشنا متذكره ايش الاحداث بالضبط بس امي وابي كانوا يسيروا المحكمه اعتقد امي طلبت الوصايه على نادر وابي رفضض
نادر كان يشتي امي ومتمسك فيها القاضي ابسر نادر وكان عيحكم لصالح امي بس فجأه امي جات لاعندنا ونادر فررح واعتقد انها عتشله جلست على ركبها وحضنته

نغم تأثثرتت

سلوى:وفجأه بدون مانعرف ايش السبب دهفت ناددر وصيحت فوقه وقالت انها ماتشتيه ولا عتشله وانها بتكرهه وتنازلت عن القضييه وكل واحد سار في حال سبيله ومن يومها لاذلحين ماعد بسرناش امي

نغم عصبت: كييفف امم يجي من قلبها تفعل هكذا بعيالها

سلوى ضحكت.باستهزااء:للاسف النوع هذا موجود واولهن امي

نغم تأثرت:ماعاد دريت ما اقلش

سلوى ابتسمت:لاتقلي شيي بس ذاحين اشتي منش طلللب صغير

نغم:ماهو

سلوى:انش تجسي معانا وماتفلتيش نادر

نغم سنبت:بس ي سلوى ما اقدررش اخوش ما...

سلوى قاططعتها:نغم انا فدالش وافقي قدش داريه ايش السبب الذي خلاه يفعل هكذا اشتيش تجسي جنبه وتدعميه وتثبتي له ان تفكيره غلط اشتي اخي يعيش ساع باقي الشباب ويحس بالحنان الذي فقده وماقدرت اعوضه انا

نغم سكتت

سلوى:صدقيني والله ان نادر مابش مثل قلبه انا ربيته انا بس الظروف خلته يقع قاسي هكذا لا انا ولا ابي قدرنا نغير رايه وتفكيره المحصور في النسوان والله عمري ماسمعته تحاكا عن بنت او بسر بنت ساع باقي الشباب ولا حتى طلب الزواج احنا زوجناه علاميد يتغير بس للاسف ماقدرش وانتي املنا الاخيير لاتخذلينااا

نغمم متردده

سلوى جلست وجلستها: قووا ي نغغم اانا عندي امل فييش انتي الوحيده الذي تقدر تغيره ولعلمش لاحظت انو بيهتم فيش بس تفكيره هو الذي بيجبره يبعد عنشش

نغم تنهدتت ولفتت لها:ماتشتي اقول لش

سلوى ابتسمت:قولي انش عتجلسي هانا

نغم:وانا موافقه

سلوى حضنتها:صددق

نغم:ايوه صدق بسس عندي شروط

سلوى وخرت:انتي تؤمري

نغم:اول شي اخوش يبعد عني ومايحاكيني لوما نبسر ايش اخرتته ومايكونش يهينني على الطالع والنازل

سلوى:حااضر انا شاحاكيه

نغم:وزيد مايدخلش فيني او في خصوصياتي

سلوى;اعتبريه تنفذ

نغم سنبت:خلاص اتفقنا

سلوى ابتسمت لها:الله يحفظش
.
.
في غرفة نادر..
دخل الغرفه وبيوزع نظراته فيها ولمح التلفون خطي لاعنده وابسر الشاشه مقلوبه رفع التلفون وركب البطاريه وطرح التلفون فوق التسريحه
جلس فوق الكنبه وبيهدي نفسسه
نادر(م...




https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 58 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


جلس فوق الكنبه وبيهدي نفسسه
نادر(من ماكان وايش ماكانت تسوي مايهمنيش واصلا للمه يهمني اذا كان انا مش معتبرها مهمه ومش معتبرها مرتي وفي القريب العاجل شاطلقها واففتهن من الهمم والحمل الثقيل هذا)
لفت للتلفون:بس للمه بن احس اني تسرعت وظلمتها يعني يمكن كان به شي ثاني خلاها تبتسم ....(سكت شويه)...وانا مادخلي فيها وبعدا مابش شي يخلي النسوان يتبسمين الا الحب الاخبل حقهن)

اندق باب الغرفه ودخلت سلوى..

نادر سنب:مشتيش احاكي احد

سلوى:حتى انا ي نادر

نادر ماسخي عليها تنهدد بقوه:ادخلي وغلقي

سلوى جلست جنببه:هديت والا عادك

نادر تمدد وطرح راسه فوق فخذها

سلوى بتلعب بشعره:ذلحين اسمعني وافتح اذانك هولا مصروعات فوقك على الفاضي(مسكت اذانه وقبصتهن)

نادر ضحكك:حاضر

سلوى:نغم وافقت تجلس هانا بعدما طللللللعت روحي وكرها وافقت

نادر بنبره حاده:وانتي للمه تترجيها تذلف في ستين

سلوى ضربته في جبهته:قلنا اصه ياتنح

نادر ضحك:انا تنح

سلوى:اكبرهم زيد شي واحد بعقله معه مره بهذا الجمال والحلا والادب ويفعل بها هكذا

نادر:اييوه انا عندش مانع

سلوى:قدك اخبر اذا انت ماتشتيها احنا بحاجتها داخل البيت ومش انا مستعده اجلس اتراشاها تجلس بسبب خبالتك البنت وافقت بس بشروط والشروط هذي اانا وعدتها تتنفد

نادر قام جلس:والله والنعم عادها بتتشرط

سلوى:من حقها وشروطها انك ماتتعرضش لها اووتهينها اذا انت ماتشتيش قربها لاتقربش منها واذا هي مابتهمكش لاتحاسبها على افعالها وانتبه لتصرفاتك معاها غلطه منك عتخرب العلاقه بيننا ولاتنسى ابي وابوها اصحاببب ومابش داعي افهمك اكثثر ي دكتور

نادر تأفف:كملتي

سلوى مسكت اذنه:ايوه كملت بس مشتيش تسمع من هانا وتخرج من هانا اشتي كلمة رجاللل

نادر:خلاص علشانش انتي بسس

سلوى حبت راسه:الله يحفظك(قامت وخرجت)

نادر رجع تمدد وتكتف وبيتبسر السقف ويفكرر
.
.
اليوم الثاني الصبح في الجامعه..
سمير وماجد بيخطوا ويتجابرووا
سمير:انت داري الجامعه هااديه من حن سافر نادر

ماجد: قد رجع

سمير:مادراك

ماجد:حاكيت مرته امس وقالت رجع الصبح

سمير: بس اكيد ماعيرجعش يدرس هو اساسا سافر يكمل دراسته

ماجد:ايووه قددوا دكتور ذاحين في مستشفى الـ...

سمير:بالتوفيق وعقبالكك

روان وخبيراتها خرجينن

سمير بسرها:شاحاكي الكريمه وارجع لك

ماجد لفت لها:تمام

سميرر خطي على خرجة سحرر دخل يده جيبه وبيدور تلفونه ومالقيه
لفت لا وراه ودعا ماجد
سمير:مااااجدد

سحر لفتت لمصدر الصووت وابسرت ماجد

سمير:تلفوني معك

ماجد:اييوه هيذا هوو

سحرر انصددمت:معقول هذا ماجد نفسه لالا مستحيل كيف هذا

تغريد:مالش طننتي فوقه

سحر:تغريد تذكري هذك اليوم حن كنتي عتقلي اسمه

تغريد:ايوه

سحر:بسمه

تغريد:اعتقد ماجد بسام الـ...

سحررر انصصدمتتت وحست جسمها انشل وجلست تتبسره ودمعت عيونها

تغريد هزت كتفها:مااالش

سحرر بصوت مخنوق:هذا هو نفسه

تغريد:من هوو

سحر فلتتها ودخلت وكانت تخطى بسرعه

ماجد انتبه عليها واستغررب

سحر دخلت الحمام(بكرامة القارئ)
خلست البرقع ووببتبسر نفسها فـ المرايه وتتتبكييي

سحر:هذا هو الوجه الذي عمري مافكرت اعرفه هذا هو الوجه الذي شل مني السعاده اكييد انو يشبهها قوي كيف ماركزتش عليه كيف جلست سنتين واكثثر مغفله وانا الذي فكرت ان اهتمامه فيني اعجاب ورجوله اصلا التافه هذا منين يعرف الرجوله) مسحت دموعها ولبست البرقع وخرجت
سحر(حتى لو عرفته مايهمنيش اصلا )
كانت تخطى بسرعه وبتفكر في ماجد خرجت من الباب وصدمت في وليد

وليد غمض عيونه بألم

سحر رجعت ورا خطوتين رفعت راسها وبسرته وقالت بصوت مكسور
سحر:اسفه ما انتبهت

وليد ابسر عيونها حمررا وحس انها متضايقه ابتسم ونزل شل حقها الشنطه وناولها

سحر شلتها وخطت

وليد جلس يراقبها:مجنونه بس ماعديش ثور ضحك عليها وكمل طريقه .
.

في بيت نادر..
دخلت الغرفه بهدوء
نغم: اووف ماهو هذا ليلة واحده رقدت عند اخته قلب الغرفه قلب اشتي ادرى للمه الرجال دايما هكذا ماوراهم الا الشقا
لفت شعرها وبدأت تنظف
ابسرت التلفون فوق التسريحه وخطت تشغله حاولت تشغله ووصلته فـ الشحن ومارضيش والشاشه كان مكسوره من الطرف
نغم:جحفه يعني مالقيش احد غير تلفوني يبرز عضلاته قباله يخخخ ع كراهه يارب صبرني علييه انا وعدتها اني شاغييره بس هذا فوقه راس يابس ساع الحديد لكن سهل يانادر اذا انت عنيد انا اعندد منك .
.
في بيت خالد..
ندين دخلت المطبخ تنظفه

بسمه دخلت:مابتفعلي

ندين:مارايش

بسمه:شلت الصحون ماعليش اخرجي شانظف انا

ندين استغربت:هاه

بسمه ابتسمت:يوه مالش بلمتي كذيه اخرجي افتهني

ندين مصدومه:انا افتهن

بسمه مسكت يدها وخرجتها:ايوه انتي يله اضوي غرفتش

ندين دخلت الغرفه مصدومه:مابتفكر هذي واي التغير المفاجئ هذا اجعله خير يااارب

بسمه في نفسها(صبرركن عليا شارويكن النجوووم.بعز الظهر بس اصبرين)
.






📚 @rewayatyamania 🇾🇪

البــارت 59 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


في بيت نادر بعد الظهر..
دخل للغررفه وكانت تصلي
جلس فوق الكنبه وريع لها لوما كملت

نغم توترت سلمت وقامت تشتي تخرج مسكت قبضة الباب وفتحته

نادر:ريعي هه

نغم لفتت له

نادر قام وسنب قببالها
خرج العلبه من القرطاس وناولها

نغم بسرته ب استغراب

نادر بدون مايبسرها: هذا بدل الذي كسرته امسس

نغم ساكته

نادر: لاتفكريش اني مهتم فيش او نادم على الذي فعلته امس بس هذا كله علشان سلوى مشتيهاش تغثى مني

نغم تكتفت ورفعت حاجبها وابتسمت ابتسامه جانبيه

نادر لفت لها: مالش ماتشليه

نغم اشرت له بعيونها لافوق التسريحه

نادر:ومايضحكش يعني قلت نكته مثلااا مجنونننه(طرح التلفون فوق التسريحه وخرج)

نغمم ضحكتت:والله محد مجنون هانا الا انت بس سهل انا شاعالجك (شلت التلفون وفتحته (جاللكسي نوت 6)
نغم:يييوه عادنا غثيت على تلفوني طلع ههذا احلا يله عسا ان تكرهو شيء وهو خيرا لكم
.
.
في بيت خالد..
بسمه فـ المطبخ بتسبر الغداء

ندين دخلت:تشتي اعاونش بشي ي خاله

بسمه:ماعه ي قلبي اخطي ابسري ابوش لو يشتي شي امد يجهز الاكل

ندين مستغربه:حااضر


في الصاله
وليد:مالش مبهرره

ندين:ي اخي الظاهر ان الوحي نزل على خالتك

وليد ضحك:كيف

ندين:ماعاد بتخليني اعسس شي داخل البيت تغيرت تغير كلي

وليد قام:هيا اوبهي التغير هذا وراه شي

ندين:ان بعض الظن اثمم لاتظلهماش

وليد ضرب جبهتها دلا:تمام ي خجفا عنبسر بعدا

ندين ضحكت:شلوك

وليد دخل غرفته:حن يجهز الغداء جي قوميني

ندين:حااضر

وليد غلق الباب وتمدد فوق سريره وطرح يده تحت رقبته وبيتذكرر شكل سحرر
وليد(مالي بن اجس افكرر فيها وللمه بنتضايق اذا بسرتها متضايقه ياتررى ايش الذي كان مغثيها اليوم وشكلها بككتت
تمام وانا مادخلي يعني وللمه بن اهتم فيها معقوله اكون.حبيتها...لالالا معتقدش من قبل كنت اكرره سيرتها بس ماهو المانع مابش شي مستحيل وكل شي بيتغير من الايام)
ابتسم براحه وغمض عيونه ونام
.
.
في بيت نادر..
اجتمعو فوق الطاوله..
نادر:اين جت سحرر

سلوى:مدري مالها جت من الجامعه نامت قيمتها تتغدا قالت ماتشتيش

جابر استغرب:مالها او احد قلها شي

نادر:انتوا تغدوا وشاقوم ابسرها
قام وطلع لاعنددها
دق الباب مره ومرتين ومحد رد فتح ودخل

كانت جالسه فوق سريرها بتتبسر السقف

نادر جلس جنبها:مالش مطننه وللمه ماتتغدي

سحر:مشتيش الحمد لله

نادر:كيف الحمد لله يله قوممي هيا

سحر:قلت لك مشتيش

نادر:انتي مش سحر الذي اعرفها قلي لي مالشش احد قلش شي بالجامعه حرام لا اسير اعجنها فوق روسهم

سحر ماقدرت تتحمل بكتت وطرحت راسها فوق كتفه

نادر استغررب:يايه مالش قلنا تحاكي

سحر:الييوم عرففته وبسرته

نادر :منو

سحر:الذي شل مننا سعادتنا اليووم عرفته منو طلع بيدرس بالجامعه

نادر عصصب:قصدش ما..








📚 @rewayatyamania 🇾🇪

البــارت 60 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪



نادر عصصب: قصدش ماجد الزفت

سحر:اييوه

نادر:قلش شي حاكاش والا فعل شي

سحر:ماشي بالعكس دايما كان يدافع عني ويحميني ومره جوا ضايقوني شبباب ولبجهم بس ماتوقعتش يكون هو

نادر طرح يده فوق اكتافها: ماعليش منه هو يشتي يعرض عضلاته قبالش ولا تحاكيه اوبهييي لو يقلش شي حاكيني وانا شاربيه

سحر بكتت: ذاحين هو جالس وعايش معاها مه

نادر مسكها من اكتافها وقابل وجهها: جالس معاها والا مش معاها هذا شي مايخصناش وذلحين قومي امسحي وشش وجي نتغدا يلله مشتيش اسمع اعذذار تحركي

سحر مسحت دموعها بالكمم حق الفلينه

نادر ضحك:جااااهله

سحر ضحكت:اصه

نادر مسك يدها :يله هيا

سحر قامت ونزلووا

جابر بسرهم نازلين من الدرج :شرفووا محد بيقدر للبنت هذي الا ناددر

سلوى ابتسمت:قلبه حنين انا فداله

نغم.في نفسسها:يييوه والحنيه قذا بن ابسرها معي

بعد العصر..

دخخلت غرفتها وشلت التلفون حملت البرامج ودخلت الواتس والانستا وجلست تطقطق فوقه

فجأه جالها اتصال ابتتسمت وردت
نغم:حييا

وليد:انا جايي البيت ابسرش

نغم قامتت:تمام ذاحين شانزل افتح لك

وليد:فيساع

في الحوش..

سحر دخلت المخزنن الذي فـ الحوش

نزلت نغمم وما انتبهت لها فتحت الباب وابسرت وليد قبالها

وليد دخل وسلم عليها:كيف انتي

نغم:فااقده لكمم

وليد:احد بيغثيش هانا والا شي

نغم ابتسمت:مااشي

وليد:تمام اوبهي لنفسش يله خاطرش

نغم مسكت يده:يوه مسرع جيت ترويني صورتك وتخرج

وليد ضحك:تطمنت عليش ماعاد باقي

نغم:ايش اخباركم

وليد:ايوه صح نسيت خالتش اقتلببت ملاك داخل البيت

نغم;كيف
وليد:تغيرت مع الكل

سحر خرجت من المخزن وما انتبهت له شلت كيس السكرر وغلقت الباب

وليد لفت لاوراه وبسرهاا

نغمم شههقت:سحححررر

سحر لفتت لها

وليد خزززي ولفت لنغم ولقاها ظهره

سحرر عرفته وطاارت الديوان الخارجي دخلت وغلقت

وليد:يله انا شرجع احاكيش يوم ثاني

نغم:تمام الله معك

وليد كان خاازي فتح الباب وخرج

نغم فتحت الباب ودخلت

سحرر:للمه ماتحاكيتي انو هانا يييوووه والخزا لو يحاكي نادر

نغم ضحكت:وللمه عيحاكي نادر

سحرر بتنط:هم اصحاب يوووه نغم قوا قوا قلي له مشنا داريه والله العظييم مابسرته

نغم:حاضرر تمام اهدي اصلا هو ماعيفكرش كذيه

سحر: مابش رجال عيفكر بحسن نيه ذاحين عيقول اني خرجت قباله متعنيه

نغم:ماعليش انا شاحاكيه يله جي ندخل البيت

سحر:الله يسامحش بسس

نغم ضحكتت
وخرجين

في غرفة سلوى..

جالسه بتتبسرر التلفزيون وتفكرر في نادرر
قاطع تفكيرها صوت الباب..

سلوى:تفضل

نغم دخلت:مابتفعلي

سلوى:ولا شي جي

نغم جلست:امم اسئله في بالي واشتي منش جواب عليها

سلوى:اسئله مه

نغم:عمتي ويني

سلوى استغربت:عمتش منن

نغم:عمتي ويني

سلوى استغربت:عمتش منن

نغم:قصدي امكم

سلوى تنهدت:مدري بس سمعت انها في إب

نغم شكت:سحر تعرفها

سلوى:ماشي امي فلتتنا وسحر عاد كانت باللفه

نغم:امم ومن الذي تزوجت به

سلوى:مانعرفه بس اعتقد اسمه بساام

نغم انصدمت وسكتت

سلوى:مالش

نغم:شي معاها عيال

سلوى:الذي اعرفه ان معاها ولد وبيدرس مع سحر

نغم:بسمه

سلوى:ماجد

نغمم انصدمت وقالت في نفسها(ييعني خالتي مرام هي ام ناددر يوه ياربي)

نغم وقفت بخوف:سلوى انا اشتي احاكيش بشي بس قبل ما اتحاكا لازم تعرفي اني ماكنت داريه بأي شي من هذولا وانش صددمتيني ذلحين يعني ماتوقعتش انو ماجد يكون اخوكمم

سلوى سنبت: للمه انتي تعرفيه

نغم:ماجد ابن خااالي واخي من الرضاعه وابوه يكون خالي اخو امي

سلوى صعقققت وسكتت

نغم:للمه سكتي

سلوى:ماتشتيني اقول بعدما عرفت ان الرجال الذي ددمر حياتنا هو نفسه خالش

نغغم:ابسسري والله ماكنت داريه بشي وشكيت حن جا نادر هذك اليومم وبيصيح وذكر اسم ماجد لذلك جيت لش اتأكد بس والله ماكنت داريه ان خاله مرام هي نفسها امكم مشتيش تغثي مني ولا تتغيري عليا ولو هذا الشي عيضايقش انا شرجع بيتنا وينتهي كل شي


سلوى ابتسمت ومسكت يدها: مابش داعي تبرري لي اي شي انا داريه ومتأكده انش ماعرفتيش الا ذلحين

نغم: يعني مشنتي غاثيه مني

سلوى:لا انتي ولا حتى خالش ولا ماجد لهم ذنب بشي الذنب كان ذنب امي وابي

نغم: نادر لو يعرف ان ماجد اخي ما عيسكتش وكرهه لي عيزيد اكثر

سلوى: للمه من عيقول لناددر لا انتي ولا انا ومحد داري الا احنا خلي الموضوع مثلما هووو والذي اشتيه منش انش تخرجي نادر من الذي هو فيه

نغم ابتسمت:وانا اوعدش اني شاحاول بكلل قوتي وقدرتي وماشستسلم الا لوما اثبت له ان تفكيره غلط

سلوى ابتسمت وجلسين





https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البــارت 61 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪



الساعه10:00..

نغم دخلت غرفتها وجلست فوق الكنبه

نغم: ماله هذا تأخرر قوي من قله يقع دكتور وقته ف المستشفى اكثر من وقته هانا اوووف جحفه (طرحت يدها فوق ذقنها)ذلحين ي نغم لازم.تبدي بـ المعركه سمعت ان الطريق لقلب الرجل معدته بس الظاهر ان الدكتور عيتعبتي معه(قامت سنبت قبال المرايه)

نغم:ذلحين قلدش الله تشتيه يتعلق فيش وانتي بهذا الشكل المفجع اذا العنف مانفع معه فأكيد الرمسسه تنفع هذي المره شستخدم جمالي لعل وعسى ينفعني

(فتحت الدولاب وخرجت بجامه عباره عن شورت وفلينه مخصره على جسمها لبستها ومشطت شعرها ولفته بشكل عشوائي وجميل فعلت كحل وبتره(روج)خفييف وتعطرت)

نغمم:ييوه جبرني والحلا امانه اني قمرر الاخبل ذيه مشو مقدر النعمه الذي عنده لكن سهل بعد الصبر يأتينا الفرج وذلحين شاراعي له لوما يجي. (تلفتت حول الغرفه وبسرت الجك حق الما بسرته بنظرة شر)

نغم:لازم نفعل شوية اكششن سع حق الهنود الظاهر ماعيخطا معه الا الدراما

(شلت الجك وسكبت ماء لايدها ورشته فوق السيراميك بحيث انه مايبان ومحد ينتبه عليه بسرعه)

نغم ضحكت:لاول مره احس اني مجنونه صدق اصلا قد الرجال هذا يدي الجنان والصرع وجميع الامراض

جلست فوق الكنبه...

وبعد نص ساعه اندق باب الغرفه

نغم رفعت ارجيلها فوق الكنبه بشكل مثلث وفعلت نفسها مشغوله بالتلفون

نادر دخل وتلقائي وقعت عينه عليها

نغم بسرته بنظرات ملانهاا براءه ورجعت عيونها صلى التلفون

نادر استغرب من وضعهها لاول مره يبسرها هكذا من بعدما ماتزوجوا غلق الباب وبيحاول يتجاهلها وباين عليه التوتر

نغم بتتبسره من بعيد وكاتمه ضحكتتها غصب

نادر خطي لاعند الكمدينو ودسع فوق الماء واستغرب

نغم عرفت انه بسر الماء وقاامت لاجنبه وبرتفع ارجيلها بتحاول توصل للصفيف طحسست رجلها متعنيه وصاحت

نادر لفت لها ومسك يدها بسرررعه قبل ما تنكع وكان قرريب منها قووي

نادر بيتأمل عيونها بدون اي شعور بالكرهه حس بشي بيجذبه لهاا وحس بحراره في جسمه

نادر بيصيح:مالش انتي عميا او ماهو لو نكعتي واستوجعتي

نغم يدها فوق صدره وعيونها في عيونه ابتسمت وقالت بصوت واهي وناعم

نغم:واذا استوجعت يهمك الموضوع

نادر لف صابره عنها :خري من قبالي

نغممم ضحكككت

نادر لفت لها بحززم:ماالش

نغم:مالي شي غر كيف ابعد من قبالك وانت ماسك يدي هكذا ساع الام حن تمسك ولدها لايضيع

نادر ضحكك غصب

نغم بتتحيلا له واشرت له بعيونها يفلت يدها

نادر فلتها وكان يشتي يخطا

نغم مسكت يده متعنييه:هه راعي

نادر بيحاول يتجاهلها

نادر:فلتي يدي

نغم:شافلتها سعليك ماشاعضك غر خلني امسح الماء

نادر سحب يده بقوه:مشنا مثلش ماشطسحش سعليش

نغم:تمام براحتك

نادر خطيي وططحس بقوه على ظهره واوجع يده في حافة السرير

نغممم كانت مسنبه وراه قررررحتت ضحكك عليه كانت تضحك.من.قلبها ببراءة ومسكت على بطنها وهي بتضححك

نادر نسي الوجع وجلس يتبسرها وهو مبتسمم وبيتحيلا لـ شكلها البريء قام سنب قبالها وتكتف واخفى ابتسامته وبيحاول يظهر لهاا عصبيته

نغم وقفت ضحكك

نادر:كملتي

نغم ضحكت وبتقلده:مشنا مثلش ماشطحسش سعليش

نادر كاااتم.ضحكته .وبيكابر بسرها بنص عين: وبعدا

نغم:ليت ومن صوركك شكلك كان توووحفه

نادر بجديه:كان حاكيتني ادي لش الكيمره معي

نغم بدلع:نسيت

نادر رفع لها حاجب وخطي شل المنشفه ودخل يتحمم

نغم ضحكت ;ضحكته حالييه بس مشنا داريه للمه بيخفيها هكذا (تنهدت ومسحت الماء ورجعت فوق الكنبه)

بعد خمس دقائق خرج وكـ عادته كان لاف المنشفه حول خصره وبينشف شعره بيده
جات قطرات الماء من شعره لاوجه نغمم
نغم:باب البلكونه مفتوح البس علاميد ماتمرضش

نادر بعصبيه: وبصفتش من مفتجعه عليا

نغم قامت شلت منشفه ثانيه وسنبت قبباله وطرحتها فوق اكتافه

نغم:بن افتجع عليك بصفتي مررررتك

نادر استتغرب من تغيرها سحب المنشفه ورجمها فوق السرير

نادر: مالش دخل فيني وعمرش ماعتكوني مرتي

نغم اكتبدت بس كابرت ومابينت عليه وابتسمت ابتسامه جانبيه

نغم:اذا انت مش معتبرني مرتك فهذا شي ينطبق عليك اما انا مش ضروري افكر بنفس الطريقه هذي









📚 @rewayatyamania 🇾🇪

البــارت 62 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪



نادر تأفف:مشو علييش(خطي للبلكونه عناد فيها خرج وهو بغير لداته)

نغم لبست المقرمه وخرجت:يعني تشتي تروي اهل الحاره ان معك عضضلات هيا ادخل برد عليك

نادر عصصب:ما خرجش انتي الشباب سامرين نازل ادددخلللي يلهه

نغم تكتفت وبتعانده:ماشدخلش

نادر مسك يدها ودخل هو وياها الغرفه وفلتها

نادر بيصيح:للمه تخرجيي افرضي احد بسررش

نغم :محد عيبسرني

نادر صييح:ومادراش عالمه الغيب

نغم بصوت واهي:اول شي انا كنت عند الباب مسنبه وثاني شي انا معك وثالث شي حتى لو بسروني مشنا لابسه المايوه انا متحشمه

نادر عصب:وانتي للمه زيدي البسي المايوه واخرجي

نغم ضحكت:ذاحين قلي ماهو الذي حارق دمك هكذا انت ققلت اني ما اهمكش

نادر مادري ما يرد:هواءء انتي ماتهميني صح لكن سمعتي تهمني الناس حن يتحاكووا عليش ماعيقلوش نغم خالد عيقلو مررت نادر الـ..

نغم ابتسمت:خلاص اسفه

نادر ماتحملشش وحس انها غلبته بعتذارها
سكت وفتح دولابه وبدل

نغم جلست :تشتي عشاء

نادر غلق باب الدولاب بقووه:قلت لش مشو عليش اكل ولا ما اكلش مالش دخل

نغم بعناد:ناهي دلا على الباب عتكسره

نادر عصصب من.برودها ورجع يلبس

نغم في داخلها(اليوم اكتشفت الجانب الحالي فييك جبرني بس امانه اننا عبقريه هيا صبرك عليا).

اليوم الثاني فـ الجامعه

نادر جنب السياره

نادر:اوبهي لنفسش واي شي يحصل معش افعلي رنه بس وشاكون عندش واذا حاكاش هذك الجني لاترديش عليه

سحر:تمام الله معكك(فتحت الباب ونزلت)

نادر راقبها لوما دخلت وخطي

سحر دخلت وابسرت ماجد جالس تضايقت ودخلت الكلاس

سمير غمز له:هاقد اتت

ماجد:سمير اصبح لا تخليني اقوم اصابحك

سمير:يا اخي مالك اهتمامك فيها ايش يعني مشنا اخبل اكيييد بينكم شيي

ماجد عصصب وقاام.مسك يده:جييي معي

سمير:اينه

ماجد صييح:تعععال اجاوبك علئ الاسئله الذي تشتي اجابتها لك سنتين

سمير خطي معه وسنبوا في مكان شبه فاضي

ماجد:البننت هذي الذي بيتخايا لك اني بن احبها تكووون اخخختتيي

سمير انصدم:اختكك

ماجد:اييوه اختيي من امي وناددر اخيي والسرر هذا الذي كنت مخبيه ماعادك تشتي لاتفكرش بالبنت بهذي الطريقه انا بن احميها لانييي اخوهااا.

سمير ضحك:بتمزح معي

ماجد صييح:هذي مواضيع احد يمزح فيها

سمير غثي:وطول السنين هذي وانت مخببببي عليا اكثر من مره كنت اسأالك وماتردش وتدعمم يعني مشنت واثق فيني ايش الفايده من صحبتنا هذه انا بن اعتبرك اخيي واني داري بكل شي يخصك وفـ النهايه تطلع مخبي عليا شي كبير مثل هذا

ماجد تنهد'انا اسسف ماقصدتش اخبي انت داري علاقتنا مش تمام انا ونادر مانتفقش وزيد اخوتي الثانيين يكرهووني

سمير:وايش السبب وللمه بينكم العداوه هذي

ماجد:لان الكل مقتنع ان انا وابي شلينا منهم امهم

سمير غثي:وكيف.قدرت تتحمل العبئ هذا كل هذي السنين وللمه ماحاكيتني

ماجد دمعت عييونه:مشنا داري كيف وللمه بس الذي اعرفه اني احببببهم بن اتمنى نكون ساع الاخوه صدق كبيرهم والصغير بيكرهني ومشنا داري ماهو ذنبي مشنا الذي اخترت ابي او امي ولا اخترت انهم يفترقوا عن امهم

سمير تنهدد:الله يعينك ي اخي ان ششااء الله كل شي عيسبرر مع الايام

ماجد ضحك بستهزاء:ما اركنكش

سمير طرح يده فوق اكتافه:خلاص هونها تهووون يله جي معي

ماجد تنهد:يله

في بيت خالد..

دخلت الغرفه وغلقت

فتحت البلاطه

بسمه:يوه وهولا اين اطرحهن ماعادبش بقعه يووه والحل ذلحين كيفف

(تلفتت حوول الغرفه وبتفكر اين تطرحهن)

بسسمه:ااايييوه شاخليهن هانا فتره امد يرجع اخي وادخلهن البنك

(قامت لفتهن في قرطاس اسود ودخلتهن تحت التسريحه ورجعت التسريحه فوقهن)
شلت الورققه وتلفونها سجلت الرقم
المكتوبب واتصصلت

بسسمه:اسعد الله صبحاك

نادر:من معي

بسمه:انا عمتك بسمه

نادر تضايق:حياش اي خدمات

بسمه:اشتي ابسرك لو تقدر تجي عندنا اليووم

نادر:خير مابه

بسمه:مابش شي غر موضوع يخصك انت ومرتك وضروري تجي

نادر عطس(الحمد لله)

بسمه:يرحمك الله

نادر:خلاص ان شاء الله لو فضيت شاجي اليوم

بسمه:مريعين لك يله خاطرك هه بس اسمع جي لوحدك

نادر:تمام مع السلامه


بسمه: في امان الله

ناددر قفل:ماتشتي الصياد هذي ناقصني انا هذرمة نسوان

في بيت نادر..

دخلت الغرفه وخلست المقرمه وجلست
كان البيت فاضي مافيه الا سلوى ونغم والخدامه

اندقق الجرس ومحد فتحح

اندق اكثثر من مره

نغم:مالهم هولا مايفتحووا لبست المقرمه ونزلت تفتح

فتحت وجلست ورا الباب

نادر دخل وصوته تاعب:مالكم قد البيت كله صنج

نغم غلقت الباب

نادر لفت لاوراه بيتخايا انها فاطمه

نغم بسرت صورته وافتجعت

نغم:مالك للمه قدك هكذا

سلوى نزلت









📚 @rewayatyamania 🇾🇪

البــارت 63 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


نادر: مالش دخل فيني ايحين عتفهمي

نغم:مشو على مزاجككك

سلوى:مالكمم(بسرت نادر وبهررت)

سلوى:يووه مالك عيونك ونخرك محمرات هكذذا خيير او تاعب

نادر جشر بقوه:مدري ماقدرتش اكمل
الدوام عتطلع ارقد

نغم تكتفت:مشو انت هي العضلات الذي كنت فارح بها امس العشي

نادر لفت لها ببرود

سلوى:مافعلت امس

نغم:تحمم وخرج البلكونه بالمنشفه وجسمه مبلل

سلوى:وعلامه مسمي نفسك دكتورر هيا اطلع الغرفه وشديلك حبوب اشربهن وارقد

نادر لفت لنغم بنص عيين

نغم:مالك بتتبسرني ساع خالتي مرت ابي هيا اطلع

نادر قرب منها بعصبيه:نغغممم

نغغم ضحككت وهربت المطبخ

نادر ابتسم على شكلها وطلع الغرفه
في المطبخ..

سلوى:يووه مالش

نغم بتضحك:اخوش حتى وهو مريض شرير

سلوى ضحكت:ياعيبتش هيا اخري شاطلع له العلاج

نغم:ادي انا شاطلعه

سلوى:ماعيرضا يشرب

نغم:ماعلييش ادي

سلوى ناولتها: قدش اخببر

نغم ابتسمت وطلعت

فتحت الباب بهدوء ابسرته راقد فوق السرير بجزمته ومتمدد على بطنه

نغم ابتسمت:ذلحين قلدكم الله ذيه دكتورر

(طرحت الحبوب والماء فوق التسريحه وخطت لاعنده)

خلسته الجزمه(بكرامة القارئ) وسنبت عند راسه
وجلست تتبسره بعد لحظات طرحت يدها فوق جبهته وكانت حرارته مرتفعه

نادر نكز وفتح عيونه وبسرها وقام جلس

نادر:مابتفعلي فوق راسي بتبخريني او ماهو

نغم خطت شلت الحبوب والماء
وناوللته:بطل لقانه واشرب العلاج

نادر خلس الكوت وتمدد:مشتيش منش شي اخرجي من عندي

نغم:هذي غرفتي سعما هي غرفتك وبالنسبه للعلاج لاتشربه علشاني انا اشربه علشان الامراض الذي هم مراعين لك بالمستشفى

نادر هزر بكت الحبوب من يدها خرج حبه وشربها

نغم قدمت له القلص يشرب

نادر بسرها ببرود وقام شل الجك وشرب منه

نغم حركت راسها بيأس وقال في نفسها(ياعيباه والعناد)

نادر:اخرجي من عنندي اشتي ارقد

نغم:ناهي عنخرجج يخخ

نادر كان يشتي يرد عليها بس تعبه منعه

نغم طرحت له الماء وخرجت

في الجامعه

روان جالسه مع خبيراتها فـ القاعه

سمير وماجد خرجوا وهم بيضحكوا ويزبجووا

روان بسرتهم وجلسست تتأمل ماجد من بعيد وانشغلت عن البنات

خبيرتها دكمتها بكتفها: من شل عقلش الله يهنيه

روان ابتسمت: جبرني به ابسري على ابتسامه يوووه

خبيرتها ضحكت:الله الله هيا قومي يا جوليت وبعدا اخزي اخوش مسنب جنبه

روان ضربتها براسها:حسستيني اني قمت غازلته ورقمته الله يقلعش

خبيرتها:اممم خير خير هيا قومي
قامين ودخلين

ماجد بسرها ولفت لاوراه وابتسم

سمير:مابيضحكك

ماجد:ولا شي في الوقت المناسب عتعرف

سمير:كم اسرار عادك مخبيها

ماجد ضححك:ماهو الا واحد بس وعتعرفه في وقته

سمير تنهد:الله يستر

في إب الجمال...

جالسه في غرفتها البيت فاااضي وهي لحالها فتحت تلفونها وكانت بتقلب الصوور
ابسرت صور لنادر وهو صغيير نزلين دموعها بقهرر والمم
ابتسمت من بين دموعها وهي بتبسر شقاوته فـ الصور وضحكته
حضنت التلفون بنكسااار قلب ام فاااقده لعيالها الذي مابسرتهممش من سنييييييننن بكت بقهررر وصوت يقطع القلب ودفنت راسها بين ارجييلها وجلست تبكي

في بيت نادر بعد العصر..

نغم بتدحس:يوه سلوى للمه راقد لاذلحين قوا ادخلي ابسريه كان حامي الظهر

سلوى:مافعل له عنيد ومارضي يتغداء ولا يقوم

سحر بمنزاغه:الله ع الحبببب

نغم بسرتها ببنص عين:حبش جني احول

سحرر ضحكتت: واياش

نغم:امانه معاكم رجال ساع الجاهل كل شي بمراشاه ودلع يخخ محد خربه الا اننننتي حسبش الله

سلوى ضحككت:والله ي خادمه

نغم:كان ماهو هذا ابسري على طبيعه

سلوى:ذلحين قذا وليناش انتي روينا شطارتش

غرام ضحكت:ماقدرنا عليه احنا عتجي تغيره نغم

نغممم قامت

سلوى:اين اتسيري

نغم:اصلي عصرر

سلوى:ططلعي له اكل معش وقيميه يمكن يرضا ياكل منش

نغم ضحكت:قلي يمكن يزبطني انا والاكل من البلكونه

الكل ضحكين

سلوى:حلقه وجيع افعلي له شربه

نغم بسرتها بنص عين:ياكل عصيد عصدوا بطنه تشتي تدلعه تفعل له شربه

سحرر ضحكت:مالش على اخي خلخلوا عظامش

نغم:خلخلوا عظامش انتيي وياه ياسين عليا

سلوى ضحكت:بعيدا عليكم الاثنين انتي اضوي صلي وانا شفعل الشربه واطرحها لش فوق الدولاب






https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 64 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪



نغم:تمام يله.

سلوى قامت وفعلت الشربه وجهزتها وطرحتها فوق الدولاب(الكونتر حق المطبخ)

نغم صلت ونزلت شلتها وطلعت الغرفه
فتحت الباب بهدوء وطرحت الصحن وولعت السراج
خطت لاجنب السرير ونادر كان يعررق ويتنفس بسرعه

نغم ابتلدت وقيمته:ناادر
نادر....

نغم طرحت يدها فوق كتفه:يووه ناادرر

نادر بصوت تااعب ومرهق:اممم

نغم:قوم تغداء

نادر..

نغم طرحت يدها فوق جبهته:يمااه الرجالل ناارر ما افعله ذلحين

نغم:نادر قووم

نادر فتح عيونه وبصوت غايب:ماتشتي انتي

نغم:قوم اكل

نادر:مشتيش سم خليني واخرجي

نغم:كان اشرب علاج قدك حامي

نادر:مشو عليش اخرجي قلت

نغم صيحت:بطلللل عناد جهال يلله قوووم ماهو هذا زيدت بهاا

نادر جلس بتتتعب وكانت عيونه غااارقه

نادر:صوتش ماتعليه وانا موجود فهمتي ولا اقوم افهمش

نغم بسرته بنص عين:ماتقوم تفهمني وانت هكذا تقول احد غسلك بما فايرر

نادر:انا محموم مش معووق احسن لش قري

نغم شلت الصحن وجلست جنبه:خلاص ناهي يله اكللل هممم ي جمل

نادر بسرها بنص عين وصيح:قومي من هانا قالت هم ي جمل اصغير عيالش انا

نغم ضحكت:ماشي انت البكر حقي ولا تغثى

نادر عصصب ودهف الملعقه

نغم تماسكت قبل ماينكع الاكل

نغم بعصبيه ورفعة حاجب:مالك انت ماتشتيش تعقل انت داري الحجه مشي عندك الحجه عندي انا الذي بن اكلك(قامت شلت الصحن وطرحته فوق الكمدينو)

نغم:تشتي تاكل اكل والا جلست

نادر:مشنا بحاجة خدماتش اخرجي

نغم بسرته بنص عين:مدري علامه بتبسر نفسك هكذا

نادر استغرب وعصب:ماهو

نغم فتحت باب الغرفه وسنبت:ايووه مغرور ومتكبر وياليت به شي يستحق(مدت له لسانها)

نادر عصصب وكان يشتي يقوم من فوق السرير

نغم ضحكت وغلقت باب الغرفه بحركه سرييعه وخرجت

نادر رجع جلس:مجنونه(بسر للصحن وحس بالجوع) شل الصحن يشتي ياكل

فجأه افتتح باب الغرفه

نغم:هيااا بسرت انا داريه انك جاوع

نادر بيتبسرها بتعجب

نغم خطت وجلست جنبه وشلت الصحن من فوقه

نادر:انتي بأي لهجه تفهمي وانا شاحاكيش بها قلت لش مالش دخل

نغم بشطاره وصوت هااادي ونظرات بريئه:لغة العنف محد يفهم بها انا ما افهم الا بلغة الحب

نادر طنن فوقها بدون مايتحاكا

نغم ابتسمت وغرفت شربه وقربتها له ياكل

نادر حرف راسه برفض

نغم تنهدت:انا داريه انك جاووع اكل علاميد تشرب علاجك وبطل دلع يله هه

نادر ماردش عليها

نغم مسكت ذقنه وحرفته صليها

نادر عصب ونزل يدها بقووه

نغم:احح كسرت يدي

نادر:شلي اكلش واخر....قاطعته ودخلت الملعقه لافمه

نادر سحب الملعقه

نغم ضححكت:انا محد يهزمني يله هه اكل بغير جنان

نادر استسلم وكان ياكل بس بدون مايتبسرها او يحاكيها

في بيت سمير..

جالسه في غرفتها والسماعات بذنها بتسمع اغاني وتردد معاها

فتحت معرض الصور وبتتبسر صوره والابتسامه ماليه وجهها

روان: من كان مصدق انه عيجي اليووم الذي احببك فيه واتعلق بك هكذا بالرغم انك كنت سبب في زعل اخي مني لاكثر من اسبووع(تذكرت الموققف وضححكت)

روان:صددق كنت مجنونه (تنهدت بحب)

وفجأه اختفت ابتسامتها

روان:مالش ي خبلا تحبيه بهذا الجنون ومشنتي داريه اذا كان هو يحبش والا ماشي لو كان يحبش كان تحاكا .......كيف يتحاكا شلوش اخوش صاحببه ومستحيل يخون صاحبه يووووه ربي مشنا داريه مفععل يااارب اذا هو مش من نصيبي ابعده من قلبي ياررب مشتيش اتأذى

في بيت خالد..

خرجت من غرفتها بملل جلست جنب التلفون ورفعت السماعه واتصلت لـ نغمم
سمعت صوت تلفونها

نادر لفت لها

نغم ناولته الحبوب:هه اشرب

نادر:التلفون بيرن اخطي ابسري من

نغم:شبسر بعدا ذلحين اشرب العلاج هه

نادر شل الحبوب وشربهن:احملي ردي قبل مايغثوا الذي اتصلوا لش

نغم:ماقصدك

نادر:ولا قصدي شي خلي لي حالي واخرجي
رن تلفونها للمره الثانيه

نادر:احملي ردي قلت لش لا تغثي

نغم تضااايقت وخطت ردت

ندين: وين انتي لي ادق سااعه

نغم لفتت لنادر بنظرات لوم وعتاب:كنت فـ الحمام عزش الله

ندين:تمام كيف انتي

نغم:الحمد لله تمام(لفتت لنادر)وانتي كيف انتي وكيف ابي ووليد

نادر عرف انها بتحاكي اختها وحس بالذنب غطا راسه وياسعم رقد

ندين:مالنا شي بخيرين نغغغم فقدتش قوي ضاابحه ومشنا داريه مافعل

نغم:ايني خالتي

ندين:خرجت

نغم:اينه

ندين:مدري قوا جي عندي

نغم:ما يسبرش ذلحين نادر تاعب شويه

نادر سمعها واستغرب وفعل نفسه راقد

ندين:وكيف ذلحين

نغم:جي انتي عندنا مارايش

ندين:ابي عيصيح فوقي اخرج بدون علمه

نغم:ماعليش جي وعلياا انا شاحاكيه اجسي انتي وسحرر









📚 @rewayatyamania 🇾🇪

البــارت 65 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


ندين: وخالتي عتزيد تعبي ابي ماعه

نغم:هيا ماهو قدو بختي المجانين والجبناء قلتلش جي

نادر سمعها وحس انها قصدته

ندين ضحكت:خلاص تمام شاجي ذلحين

نغم:يله مراعيه لش

ندين:تمام مع السلامه قفلت وقامت تبدل

نغم لفتت لناددر وبيتخايا لها انه نايم
تنهدت بقوه وطفت السراج وخرجت


في الصالون..

سحرر:فطووووم

خديجه:ماتشتي منها

سحر:تفعل لنا تنفاش وشي ناكله نضيع الضبح

خديجه:وماتضيعي الضبح الا بالاكل

(اندق الجرس وفتحت فاطمه)

سحرر:اييوه كان ماهو ي امه

خديجه:قومي افعلي لنفسش

ندين دخلت وسلمتت

نغم نزلت وجلست معاهن

سحر:هيا بتبسرين ي بنات قالوا اقوم افعل الاكل انا

سلوى:ومايقع بش

سحر بدلع:مشتيش للمه معانا خدامه

خديجه:ادينا الخدامه تعاون اختشش حن انتي كسله قومي قامت نفسسش اليوم انتي عندنا غدوه عند عمتشش ماهي مابش عندها ي امه ارحميني عتخرج عيونش لايدها

سحر:وانا مادخلي بعمتي انا عتتزوج القررد والا عتتزوج القرد واممه جحفه له هو وياها

نغم ضحككت:شلوش ايش من قرد

سحر:المحظوظ الذي عيتزوج بي

خديجه:محظوظ مه شكلش عتتطلقي من ثاني اسبوع وترجعي تقوزي عندنا

سحرر:يو ي امه ياعيبتش للمه

خديجه:كيف للمه العمه تشتي مرت ولدها حميش تطبخ وتنفخ وتفعلهن كلهن او عتتزوجي وتخدمش عمتش

سحرر:الله يشلها عمتتي عمتش عمتش ماهو هذا حسستوني اني عتتزوج لاعند وحشش

خديجه:الحجه مش عندش الحجه عند ابوش الذي دلعش على دمار راسه احنا ماكنا نقدرش نرد عليهم وانتو الجيل حق هذا الزمن الكلمه بعشر لاعاد خزا ولا حيا

سحرر بدلع:يوه جبرني انا عتتزوج علشان اقع خدامه او ماهو له جني شله هو وامه جمعه

ندين ضحكت:اعوذ بالله منش مالش عل الرجال وامه قذا بتدعي عليه وماقد عرفتيه عاد حن تتزوجوا ماعتفعلي به

سحرر:شاخلي فاطمه تعلمه الحماشه ويكون يشتغل لامه هوو

خديجه.بهررت:اليك اليك على قلة حييا ياااي العمه بمقام الام هي عتزوج ابنها تخدميها مش تخدمش

سحر:عمت عيونها اشتي ادرى انا العمه هذي ماهيه بشر مثلنا ولا زومبي

سلوى ضحكت:بعضهن عقارب ويلدغين من تحت لاتحت ساع الذي كنت عندها وبعضهن احن على البنت من امها

سحرر:ايوه انا لو ربي رزقني بوحده عقربه شاخليها تقتل نفسها بسمها انا سححر احمد مابش احد يتحكم بي

نغم ضححكت:يمين انش مجنونه

خديجه:مابلا قليلة ادب ويشتي لها واحد يكسر عظامها لوما تتربى

سحر:هيا هجعيني يا امه انا فدالش
.

في بيت خالد بعد المغرب

خالد دق الباب وفتحت له. بسمه
بسمه:اهللا

خالد دخل:مسساء الخير

بسمه خلسته الكوت:مساء النور والعافيه

خالدد جلس:وليد ماقد جاش

بسمه:ماشي
.

في بيت نادر..

البنات بيزبجين ويضحكين وما انتبهين ع الوقت

ندين بسررت الساعه:يووووه الساعه ست ونص

نغم افتجعت:اكيد ابي قد رجعوا من الشغلل قومي تروحي عيصيحوا فوقش

ندين:ماعه قدو ظلمي ماشخرجش لحالي

نغم:جي يله وشاسنب لش عند الباب قووومي

سمعوا صوت من طالع:الله الله

نغم:هذذا نادر اكيد ابسري تلثمي وشاقله يوصلش لا عند الباب

ندين:يوووه خزاا

سلوئ:ماعليش انا شاحاكيه

ندين تلثمت وقامت

سلوئ دعت نادررر:ناادر

نادر نززل وباين عليه التعب

سلوئ:انا فدالك ي روحي وصل اخت مرتك لاعند الباب مايسبرش تخرج لحالها بين الظلمي

نادر بتعب:حاضر هياا

نغم:البس الجاكت خارج بررد

نادر لفت لها وبسرها بطرف عينه:مشتيش

ندين فتحت الباب ولحقها ناادر كانت تخطا وهو وراها لوما وصلوا
.

في بيت خالد..

خالد:ايني البنيه ما بسرتها

بسمه:للمه

خالد:ادعيها تسقيني

بسمه:هو ااأء

خاالد'مالش بتأتأي

بسمه:مشي بالبيت

خالد بهرر:ايني هذا الساع كيف مش بالبيت
بسمه:خرجت ب.....قاطعهم صوت الباب

خالد بسرها بغضب وقام فتح

ندينن دخلت وهي مفتجععها وبتختظل من البرد

خالد بسر لاوراها وابسر نادر

نادر:مساء الخير ي عمم

ندين دخلت

خالد خرج:مساء النور ي ابني كيف انت قالوا مريض

نادر ابتسم:تعب بسيط مابش شي

خالد:سللامتك

نادر:الله يسلمك خاطركك هه

خالد:الله معاك(دخل وغلق وخطي للصاله بعصييه)

خالد بيصيح:اينن كنتي هذا الساععع وماخرجش من البيت بدون علمي ومن من استأذنتي


ندين افتجعت وبكتت

خالد مسك يدها:من بن احاااكي

بسمه.قربت ومسكت يده:مالك ع البنت صل على رسول الله البنت كانت عند اختها وحاكتني انها عتسير

خالد فلتها:وللمه ماتحاكيتي من اول

بسمه بخبث:وانت اديت لنا فرصه نتحاكا على طول هجمت

ندين انصدمت وماتوقعت بسمه تدافع عنهاا



https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البــارت 66 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


خالد:يله تمام مره ثانيه ماتجلسي خارج البيت لاهذا السساع سمعتي

ندين هزت راسها بمعنى ايوه ودخلت غرفتها

بسمه:ماالك عليها ياعيبتك

خالد:واننتي ماتشتي مني افعل بعد المغرب وبنتي مشي هانا ومشنا داري انها خرجت

بسمه ابتسمت:يعني انا مامليتش عينك يكفي انا استأذنت مني

خالد:يله خلاص حصل خيرر سيري ادي لي ماء

بسمه:حاضرر


في بيت نادر..

دخل البيت وجلس بينهم

سلوى:كيف قدك ذلحين

نادر بصوت تاعب:حلقي بيوجعني كأن داخله سكين

سلوى:شربت العلاج

نادر لفت لنغم ورفع حاجبه:ايوه شربته

سلوى:حالي هيا اطلع افتهن في غرفتك

نادر:اين غرفتي قدنا كاره الغرفه عيجيني مرض نفسي من كثر ماجلست فيها اليوم

سسلوى ضحكت:خلاص قدك اخبر(اندق الجرسس)

نغم كانت مندمجه بالتلفون وما انتبهت

نادر كان جالس مقابلها

سحرر قامت بفررح:هذا اكيد ابي وجابر شاقوم افتح

خطت تفتح لهم

نادر مريع لنغم تغطي شعرها بس مابش فايده

نادر عصب وافتجع لايدخل جابر وهي هكذا

نادر:ياااي يا حجه نغم

نغم.لفتت له

نادر:غطي راسش قد احنا داريين ان شعرش اشقر جابر عيدخل

نغم لبست المقرمه وفي داخلها فرح بغيرته عليها

جابر واحمد دخلوا

احمد:مساء الخير

الكل يامساء النور

جابر جلس جنب غرام وطرح يده فوق اكتافها

جابر:كيف روحي

غرام نزلت يده:اخزا على نفسك عمي هانا

جابر:وايش يعني اذا هم.هانا

خديجه:ايووه ايش يعني مايهمه ذيه قليل الادب قد احنا داررين انهي مرتك تشتي تحجفها اطلعوا غرفتكمم

غرااام خخززززيتتت

الكل ضحكوا

جابر:إنا مالكم علينا ي امه انا لي خارج البيت من الظهر ومابسرتها

خديجه:واحنا مانفعلك ابسر المسافه بين
نادر ومرته قبالنا كأنهم مايعرفوش بعض وانت ماعاد بتخزا

جابر بدون مايركز على وجود نغم:هو ذلحين حن بيكرهها مابيقربش منها ولامعترف فيها لكن لو هو زوجها صدق عتبسري اكثر من هذا

نغمم اكتتبدتتت واتغيرت ملامحها

غرام دكمته بكوعها يسكتت

نغم قامت وطلعت الغرفه

سلوى:الله يهديك ي اخي مافعلت البنيه اقتلب وجهها مية لون

جابر عض لسانه:ما انتبهتش انها هانا وبعدا ما ابسرت اين كانت غاسطه

نادر قام:حتى وهي مابحديه المفروض ماتتحاكاش هكذا هذي حياتي وانا حر فيها

جابر:ناهي ذاحين لاتتفلسفش واطلع ابسر مرتك واعتذر لها

نادر بسره بنص عين وطلع

احمد لفت لجابر:انت لسانك يشتي له قص

جابر:قلنا لكم ما ركزتش على وجودها مالكم
سلوى:خلاص حصل خييرر اهجعوا

في غرفتها..

ممدده فوق السرير على بطنها وددفنت وجهها بالمخده وبتبكي بصمتت

وصل لا عند الباب وبيحاكي نفسه..

نادر:ذلحين هذي كيف ارضيها يعني وما اقلها يارب عينني)

دقق الباب..

نغم سمعت الباب وطااارت الحمام(بكرامة القارئ)
وغلقت الباب

نادر ددخلل وزع نظراته حول الغرفه ومابسرها

نادر:اين جت هذي

نغم مسحت دموعها وغسلت وجهها ونشفته وجلست تبسر نفسها بالمرايه

نغم:ماهو هذا عيونيي محمرات عيدرا اني بكيت ما افعل

(جلست توهفهن بيدها وتغمض وتفتح وابسرت ان مابش فايده تنهدت بقوه وخرجت)

نادر لفت لها وكان يشتي يتحاكا بس حس لسانه مربط

نغم بتحاول ماتتبسرهش علشان مايعرفش انها بكت جلست فوق السرير ولقته ظهرها

نادر جلس فـ الطرف الثاني وتلاقت ظهورهم

نادر:هو اااءء ابسري جابر ماقصدش يغثيش حتى انه ماكانش منتبه لوجودش لاتغثيش منه

نغم ضحكت بستهزاء:اغثى منه!!....... للمه اغثى منه اذا كان الذي قاله هو الحقيقه وكل شي قاله صح

نادر انصدم وسكت

نغم:جابر ما انتبه لوجودي فـ الصالون لانه كبييير بس انت مش منتبه لوجودي بحياتك كلها بين كل الذي هم حواليك انا طرحتني فـ الهامش

نادر حس بقهر عليها وقام البلكونه وهو بيحاول يهرب من تأنيب الضمير ومن الحقيقه الذي قالتها نغمم

نغم حست بهدوء ولفتت لاوراها ومابسرته وكان باب البلكونه مفتوح

نغم:الرجال هذا عيدي لي الجلطه من عدمها يعني مريض والجو بارد وخرج البلكونه يزيد العماء عماء استغفر الله بس
(قامت فتحت الدولاب وخرجت جاكت )
لبست المقرمه وشلت الجاكت وخرجت للبكونه وسنبت ورا نادر وطرحت الجاكت فوقه

نادر لفت لاوراه بـ استغراب وابسر يدات نغم فوق اكتافه

نغم:الجو بارد لو تشتي تجس سهل غر لاتتأخرش لانك مريض(خرجت على طوول ومدتش له فرصه يتحاكا)

نادر رجع راسه لاعرض الكرسي وجلس يتأمل السماء ويفكر بنغم وتصرفاتها معه برغم قساوته عليها الا انها متحمله ومابتبين عليه ألمها وعمره مابسرها بكتت او اشتكت .
.
عند ماجد..
جالس فوق المكتب وبيراجع المحاضره
طرح القلم من يده وتنهد
ماجد رجع راسه لاورا وتذكرر روان حن دخل وهيي قباله فـ الديوان ابتسم وغمض عيونه









📚 @rewayatyamania 🇾🇪

البــارت 67 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


ماجد:مجنونه مدري ماودف بي لاعندها بس يله قد ودفنا وكملنا بس ذلحين كيف احاكيها ...لالا ماهو تحاكيها ي جني اخوها صاحبك مايصلحش مش ضروري تحاكيها جيلها من الباب.افضلل بسس لو ماوافقتش عليا ......وللمه ماتوافقش ماناقصني يلله خيير شاسافر إب واحاكي امي ونجي لهم


في بيت خالد..

ندين دخلت المطبخ

ندين:اعاونش ي خاله

بسمه:قذا عتكمل اخطي افرشي السفره امد

ندين:حاضر بس اول قلي لي للمه قلتي لابي اني استأذنت منش وانا ماحاكيتش اني عتخرج

بسمه:ماسخيت عليش ولو درا ابوش انش خرجتي بدون علمي عيصيح فوقش

ندينن اسستغربت وحبت راسها:تسلمي

بسمه ابتسمت:يله فيساع اخطي افرشي

ندين خرجت وفرشت السفرره

بسمه ابتسمت بخبث وتنهدت ورجعت تكمل

الساعه2:00 قبل الفجرر

نكزت من نومهاا وحست بعطش ولعت السراج وخطت لا جنب السرير شلت الجك من فوق الكمدينو سكبت ماء وشربت
لفتت لـنادر وكان بيعرقق ووجهه محمرر
افتجعت وطرحت يدها فوق جبهته

نغم:يماه قدو حامي نارر.شكل العلاج مانفعع

(نزلت للمطبخ وشلت طاسه فيها ما بارد وخرقه وطلعت الغرفه)

رفعت يده فوق صدره وجلست جنبه فوق السرير وفعلت له الكماده وبتخرق له

نادر كانن نوووم وماحس عليها

نغم.كررت وجلست تخرق له بالماء المعتدل

نادر فتح عيونه بتعب وكانت يد نغم فوق جبهته مسك يدها ونزلها وقام جلس

نادر:مابتفعلي

نغم:بن ارقص ما رايك ترقص معي

نادر بسرها بنص عين:عتتمسي

نغم:قول عتصبحي قدو فجرر

نادر:وللمه انتي عندي هانا وما مصحيش لاذلحين

نغم:قمت اشرب وابسرتك حامي وفعلت لك كمادات

نادر:ومن طلب منش تفعلي ومادخلش فيني

نغم طرحت الخرقه فـ الماء:ممكن تهجع ي سيادة المحقق كونن وتخليني اكمل شغلي(طرحت الخرقه فوق جبهته)

نادر سحب الخرقه ورجمعها للقاع:مشنا محتاج لخدماتش

نغم شلت الخرقه وبسرته بعيين غضب:اول شي حرارتك ارتفعت قوووي وبما انك دكتور مابش داعي اقلك ان الحراره اذا ارتفعت فوق 38 خطييره على المريض وممكن تسبب بموته

نادر سكت

نغم بعصبيه:وذلحين ممكن.تبطل عناد جهال وترجع ترقد وتخليني اكمل

نادر تأفف ورجع تمدد وغمض عيونه

نغم جلست تكمد له لوما برد جسمه جلستت تتأمله وبتخايا لها انه راقد ابتسمت ودنت حبته في جبهته

نادر انصدددم وصععق بس.فعل نفسه راقد ومشو داري

قامت من جنبه طفت السراج ورجعت رقدت

نادر فتح عيونه بعدم تصديق مسك جبهته بتعجب وتنهد غمض عيونه ونام

اليوم الثاني فـ الجامعه...

روان وخبيراتها جالسات في كلاس فاضي وبيصتبحين

خبيراتها:حاكيتي روميو انش تحبيه

روان.بهررت:من.جدش ي خضعا احاكيه مشنتي داريه انو صاحب اخي

خبيرتها:ومافيها اذا هو صاحبه .

روان:فيها زبيب اخضر كيف مافيها شلوش افرضي الولد خاطب والا مايحبني والا مايشتيش يخون صاحبه ونتف جبهتي

خبيرتها:انتي ي خبلا لاتقلي له انش اخت سمير حاكيه عادي كأنش واحده ثانيه

روان:وكيف احاكيه ارسله بالبريد مه

خبيرتها ضربت جبهتها:حرام انش مصروعه شلي رقمه من تلفون اخوشش

روان:هيا اصه اصه قالت شلي رقمه وبعدا مسسستحييل احاكيه وحتى لو كان يحبني عيفكرر اني قليلة حياا وانتي داريه البنات الذي بيحاكين الشباب بينزلين من نظرهم

خبيرتها:هيا جي نخرج يانظرهم.اجسي هكذا تبسريه من بعيد وحبيه واحلمي وبعدا ارجعي تبكبكي

روان:ماعليش مني عندي اتبكبك لوما اطفح ولا احاكي صاحب اخي واخون ثقته فيني هيا قري من البعسسه وجي نقوم يله

خبيرتها:اينه نقوم ريعي اكمل

روان:قططبه عيدخلوا الطلاب

خبيرتها:تمام يله





https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البــارت 68 💛


يكـرهـه نـصفـي ونصـفـي فيـه هـايـم

👌🏻👇🏻 😍
📚 @rewayatyamania 🇾🇪


في القاعه سمير:مالك مطنن هكذا ساع الذي ماتت مرته

ماجد ضحك:مابش شي

سمير غمز له:ماقد معانا

ماجد:معانا شكليت تشتي اديلك

سمير بسره بنص عين:احلف

ماجد:بغير حلفان وانت ماقصدك مامعانا

سمير:في من مطنن هكذا ومسافر في عالم ثاني

ماجد ابتسمم:الحب الحب

سميرر طنن:مماههو عيد

ماجد ضحك:الحبب ي اصنج

سمير بصوت غنائي وابتسامه:الله ع الحبب الله ومنيه تيه

ماجد لفت له بقوه:كيف منيه إنا مابتخزاش حن.تسألني عنها

سمير:سعلييك ماشاسير اخطبها

ماجد ضحك:ماااينفعش تخطبهاا انت

سمير:وللمه حرام

ماجد:لاني في يوم من الايام عتقع مرت اخوك

سمير:ناهي هي من الجامعه

ماجد:ماشي من المريخ

سمير:خخخ حااليه بس لاتعيدهاش

ماجد ضحك:ايوه من الجامعه كان من اينه

سمير:وهي تحبك

ماجد:وانا مادار امي ماسألتهاش

سمير:ايووااااه وايحين ناوي تخبطها

ماجد ضحكك:خبطك جني ماهو اخبطها اسمها اخطبها

سمير:ناهي ي ابو العريف

ماجد:عادحنا شنزل إب بعد يومين احاكي الوالده ونبسر مانفعل

سمير طرح يده فوق فخذ ماجد:على بركة الله

في بيت خالد..

بسمه في نفسها:غرريبه اين جا نادر قلي عيجي امسس شتصل له ذلحين واسأاله
فتحت تلفونها واتصلت

جالسه تقرأ قرآن ونادر نووم
سمعت صوت التلفون وقامت

نادر نكزز:هذا تلفوني

نغم:ايوه

نادر قام يشتي يديه

نغم:اجس شديه انا
شلت التلفون وناولته ورجعت تكمل قرايه

نادر رد بصوت تاعب:الوو

بسمه:صباح الخيرر

نادر:صباح النور من

بسمه:يووه ماعرفتني انا بسمه

نادر:هاا خير ماتشتو

بسمه:اين انت ريعت لك.ماجيت

نادر:امس كنت تاعب شويه ماسترتش اجي

بسمه:جعلي مكسر عليك سلااامتك

نادر:الله يسلمش

بسمه:هيا تمام حن تتباخرر جي انت ومرتك تغدوا عندنا

نادر:ان شاء الله

بسمه:يله خاطرك وسلم على نغم

نادر:يصال الله معش وقفل

نغمم بدحس وتشتي تعرف مني هذي الذي اتصلت له من الصببح

نادر لفت لها :خالتش الذي اتصلت

نغم:ماسألتكش من

نادر:وانا مش ملزوم اقلش بس عزمتنا غداء عندكمم

نغم:وانت للمه قبلت العزومه

نادو:انا حرر مارايش تزيدي تعلميني كيف اتحاكا

نغم:خلاص تمام اعصابك لايقرح عرق بدل لداتك وانزل اصطبح

نادر ماردش عليها وقام شل منشفته وتوجه الحمام(بكرامة القارئ)

نغم:الظاهر بينك انت والماء علاقه حبب كل ساع وانت تتحمم

نادر:ومابتخسري عليا او بتدفعي حق الماء من جيبش

نغم ضحكت:ماشي بس حق الماء بتدفعه انت حن تمرض

نادر:ماعليش مني(ودخل)

نغم ابتسمت:وعدد مني عيجي اليوم الذي شاخليك فيه تتمنى احاكيك وعنبسر من عيفوزز عناددك وكرهك ولا حبي وعنادي انا والايام بيننا يا دكتوور نادر

في الصالون..

قربوا الصبوح والكل اجتمعووا

نادر نزل من.غرفته لابس شميز وبنطلون وفاعل النظاره في جيب الشميز

احمد بسرره:العافيه ثانيييه ي ابني

نادر ضضحك:اكيدد (سحب كرسي وجلس يصتبح)

في المطبخ

نغم:ماله اخوش نزل يهنجم عادو.مرييض امس العشي بقيي نارر امانه بلدني افتجعت لاعاد يموت بين يدي وتقلوا انا الذي قتلته

سحر ضحكتت:للمه او انتي من اعوان داعش ومشنا داريه

سلوى:مالش انتي وهي ياعيبتكن على نادر

نغم:ناهي قلي له يبطل الجنان مش ضروري يداوم.اليوم

سحر:ومادراش انو عيداوم

نغم:وهذي السبكه.كلها للمه يعني استبك علشاني اومه

سحر:مابلا قلي انش بتغيري عليه من البنات الذي بالمستشفى

نغم بسرتها بطرف عينها:غارت عليش انتي وياه قوات التحالف هيا قومي اصتبحي لا ارجمش بالطاوه

سحر ضحككككت:قلدش الله ان الدعوه هذي من.قلبشش حرامم ان حبش له وخوفش عليه بيبانين من.عنونش

نغم ضحكت:اخرجي اصتبحي قبل ما اجي اخزق عنونش

سحر:حاضر شاخرج يله وانتي الحقي

جلسوا كلهم.فوق الطاوله واصتبحووا

نادر قام:الحمد لله

نغم:عتسير الشغل

نادر:ماشي عتسير المرقص

احمد قلب صوره:مالك ماتتحاكا ساع الناس

نادر:قلدك الله هذا سؤال يعني اين.عتسير

نغم قامت طلعت الغرفه..

سلوى:البنت قصدها حن.انت مريض مابش داعي تداوم اليوم افتهن

نادر:انا بخيير ماعاد الا زكمه


سلوى قددك اخببر الله معاك

نادر ابتسم وتوجه.صلى الباب

نغم.نزلت من.الدرج بسررعه وبيدها جاكت اسودد طويل لافوق الركبه بشويه
وصلت لاعند الباب ووقفت نادر

نغم:هه راعي

نادر بدون مايلتفت لها:نعمم

نغم:خطت وسنبت وراه وطرحت الجاكت.فوق اكتافه

نغم:الدنيا خارج برد وانت ماقد تعافيتش كليا واحتمال يصرعك البرد مره ثانيه

نادر طرح يده فوق كتفه ويشتي يخلس الجاكت

نغم سبقته وطرحت.يدها فوق كتفه:مابش داعي تخلسه لانو مني انا بغير جنان يله اخرج الله معك(فتحت الباب واشرت له يخرج)

نادر سنب لحظات وكان يتبسرها بصمت ويسأال نفسه للمه بتهتم فيه برغم انه قاسي معاها









📚 @rewayatyamania 🇾🇪