🔮
71 🔮
🔮



قاطعها صوت راشد:احم السلام عليكم.
رشا لصقت لمصطفى ونزلت راسها ومغمضه بقوه.
مصطفى:انا داري انو السلام لها بس شارد عليك انا وعليكم السلام
راشد ابتسم.
علي:اجلس ياابني.
راشد جلس بالكنب.
ومصطفى جلس و جلسها معه.
راشد بيتظيرف ويحك راسه:ذلحين جيت ابسر من مصطفى والا رشا.
رشا سمعته ذكر اسمها ودق قلبها أكثر.
مصطفى ضحك:هيا رشا ارفعي راسش ليش متخبيه تحت يدي.
علي بحزم:رشا ارفعي راسش وشوفي ليا يله.
رشا بعدت من يده مصطفى رفعت راسها واول ما فتحت عيونها ابسرت راشد خزيت وقلبها دققق.
راشد شافها😍 وابتسم بيحاكي نفسه:اخيرا شفت المجنونه ذي عيونها شلت عقلي ولا دريت ما شاء الله.
مصطفى:هيا ذلحين كيف خلصت حقك النظره قدهي الف نظره
رشا وقعت بها ضحكه بس خزيت تضحك ابتسمت بقوه🙈.
راشد زاد شاف اسنانها حلوات وبيض وعجبته ابتسامتها أكثر وضحك:اللهم لاحسد بتحسد حن انت مابش خطبه.
رشا بقصت مصطفى وتتحاكى من بين اسنانها:بس قله يخرج والا بخرج انا.
راشد سمعها وضحك:يله خاطركم ياعم واسلموا

خرج راشد و'مصطفى رجع يعلق عليها.
رشا خزيت وطلعت للشقه هربه😂.
وصلت دخلت غرفتها وجلست على السرير تبعد الشيله من راسها وتهفف حست بحما.
عهود وايلاف وشذا وخلود لحقين بعدها وغلقين.
إيلاف:كيف شفتي.
خلود:كيف قعت النظره الشرعيه.
عهود:تحاكي عجمتي.
شذا:كيف كان احساسش.
رشا مبتسمه:اششش اسكتين سؤال ولا سؤال.
أما كيف كان احساسي احساس صعب اوصفه مدري كيف اوصفه احساس حلوووو اول مرة اشوف راشد مثل اليوم.
إيلاف ضحكت:انهو الحب ياجناااه.
رشا ضحكت:يمممكن.
شذا فارحه من فرحة اختها:الله يتمم السعادة الذي اشوفها بوجهش الان.
رشا:يااارب.
ايلاف:عقبالي يارب ☺
كلهن ضحكين ورشا تحكي لهن وهي حاسه بفرحه مش هي عارفه سببها.
راشد خرج فارح ويتخيلها بعيونه.


اليوم الثاني قبل الظهر
ايلاف:رشاااا هيا بسرعه ساعه وانتي تتخيبلي.
رشا:عاد بكوي شعري.
ايلاف:والله مايحتاج شعرش ناااعم ذلحين نسير الكوافير عشان الزحمه هناك بنتاخر.
رشا:خلاص تمام هيا البسي وقلي لهن يتجهزين والغدا بنشتري من الطريق.
ايلاف:من بيشلنا.
رشا:عارفه ليش بتسالي هو مصطفى ياخطيره.
إيلاف ضحكت:المهم تفهمي.
خلصين لبسين كلهن خلود وعهود ورشا وشذا وايلاف وخرجين للسياره وطوال الطريق ومصطفى يضحكهن دمه خفيف😂حالي.

الساعه 2ونص خلصين كلهن رشا فعلت شعرها مندوش ونصه فير لان شعرها كثير وطويل وقع روعه وفعلت مكياج خفيف قوووي.
وكلهن فعلين خفيف عكس عهود.



@rewayatyamania 🇾🇪

🔮
72 🔮
🔮


وصلين البيت وقد الاهل كلهم موجودين خالات رشا وبنات خالاتها وعمتها خديجه واصوات الاغاني والضجه طبعا فعلوا حفله كبيرة.

دخلين الغرفه لبسين الفساتين رشا لبست فستان لونه ذهبي انيق ومخصر ومابش اكمام والباقيات فساتين قصيره انيقه خلصين اخر لمسات وقد بياذن العصر صلين العصر وتعطرين وصلوا اهل راشد استقبلينهم بالمحاجر وريم وامها شلين معاهن هدايا لرشا من راشد.

في الغرفه عهود شافت اتصال من مراد.
عهود:بنات بنزل شويه وارجع بسير اتعطر.
شذا ضحكت:تعطري العذر باااايخ قولي تنزلي عند مراد يشوفش ولاعاد تلفي وتدوري.
عهود ضحكت:يووو ع ذكيه اخوش الصدق ازعجني اتصالات ورسايل انزل يبسر الشياكه تيه.
رشا:والله لو تتاخري قد بدخل باقي دقايق بس .
خلود:بنجهز الاغنيه المناسبه عشان ندخلها ولو تتاخري بندخل وانتي اجلسي عند حبيب القلب.
عهود:ناهي بس خمس دقائق ولبست العبايه عشان لا تصدف أحد ونزلت.
وصلت شقتها ابعدت العبايه وشافت نفسها بالمرايه ودخلت للمجلس.
مراد عيونه رجعين قلوب😍:انا فدال الحاليه تيه تعالي مسكها من يدها وحبها عهود خزيت.
مراد:قد لنا مزوجين أكثر من شهر وعاد انتي بتخزي منهي هاه.
عهود:لا مابش خزا يتهيا لك.
مراد مسكها من خصرها وهي حمرت.
عهود:بطلع البنات قالين لااتاخر.
مراد ضحك:انتي قلتي مابتخزي افدي العيون المرسومه.
عهود:يووو جبرني بك انا فدالك انا كم بين احبك .
مراد فرح:يوووه ياقلبي اسكه عيديها مره ثانيه.
عهود خزيت🙈:مشتيش.
مراد بيضحك :يله عشاني.

نطلع لطالع.
رشا:تاخرت جعلها معص هيا ادخل وبس قدهو وقت.
خلود :بتلقيها ذلحين جالسه تترمسس واحنا نفتحر تطلع والله ماننتظر هيا مشينا.

نرجع لطيور الحب
عهود:احببببببببك.
مراد قربها منه وهمس باذنها :وانا اموت في حبش ياروحي انتي.
عهود بعدت:خلاص بطلع بيصيحين عليا والله.
مراد:تمام وانا بطلع وللمغرب برجع وانتي انزلي.
عهود:اممم مشتيش بجلس عند البنات.
مراد مثل زاعل:وانا اجلس وحدي والحلا ذيه لهن.
عهود ضحكت:غبني على الزعلان من عيوني بنزل هربه عليهن.
مراد حبها في راسها:وحصني نفسش.
عهود حبت يده :تمام ولبست وطلعت وقدهن دخلين الديوان.
البنات حوالي رشا وهي خازيه جلست بالكوشه وكلهن بيسلمين عليها ويباركين.
عهود ضبحت دخلين من غيرها:يووو قلعكن.
ايلاف:سيري كملي ماكنتي عليه قلك خمس دقائق.
عهود ضحكت:والله لاانزل صدق بس قدهو خزا.

طلعت سلمت ام راشد وفارحه برشا. .
ريم:الف الف مبروك ياحبيبه اخي الغالي.
رشا:الله يبارك بعمرش.
لبستها ام راشد الدبله والمحبس وسلس ذهب. 😍



@rewayatyamania 🇾🇪

🔮
73 🔮
🔮


خلصت تلبسها وبيحجرين.
قامين رقصين كلهن وبيجننين وضحك وتصورين قبل المغرب بدقايق تروحين النسوان ودخلوا تصوروا علي ومنير ومراد ومصطفى معاهن.
خرجوا
ونظفين الديوان شذا وخلود وايلاف وعهود نزلت شقتها تبخر قبل يجي مراد ورشا دخلت غرفتها تغير.

في الليل.
راشد:احكي لي كيف الحلفه وكيف رشا وايش لبست وكيف تصلحت وكيف..... قاطعته ريم:لحظه لحظه ع سؤال سؤال ايش دا الجنان وبدات تحكي له وهو فارح.
راشد:بتصل لخالي يكلم عمي علي عشان يقنعه نتواصل انا ورشا.
ريم:جرب حظك إذا قبلوا بعض الناس ماترضاش.
اتصل راشد لخاله.
خال راشد بيحاول يقنع علي.
علي:خلاص شافكر واتصل لكم.
علي جمعهم كلهم بالصاله وعهود ماطلعت جلست بشقتها.
مراد:ايش الموضوع قلت اطلع ضروري.
علي:اتصل خال راشد يقل يتواصلوا الجهال ايش رايكم.
رشا خزيت وسكتت.
مصطفى:يتواصلو ايش الصدق ماعجبني الخبر.
مراد بيفكر:والله مش عارف الي تشتي ياابه قدك أخبر مننا.
منير:انا عن نفسي الصدق الصدق لو اخطب بدور اتواصل مع خطيبتي مافيها شي تواصل بالمعقول واتس ومجبر محترم مافيها شي.
علي:انا واثق ببنتي عاقله.
مصطفى :من متى يامنير قد انت حكيم.
منير ضحك:من اليوم.
علي:مارأيش يابنتي انا واثق بعقلش وتصرفش.
رشا:والله مدري الي تشوفه انت انا بعدك.
علي:خلاص بقلهم تمام بس تواصل بحدود عشان تتعارفوا أكثر .
رشا:دام وانا بنتك تطمن انا عاقله مثلك.
علي ضحك:افدي العاقله تيه.
رغد:ظلم خطبوها وانا لا بعدين لا تتفدي عليها بس عليا.
كلهم ضحكوا
اتصل علي لخال راشد قاله تمام يتواصلوا بحدود والمعقول.
راشد:هاه خال بشر.
خاله:كم تجيب لي وافق تتواصلوا بالمعقول .
راشد فرح :اجيب لك عيوني ياعيوني الله معك اسير ادور رقمها.
خاله ضحك:مجنون الله معك.
راشد مفحط لغرفه ريم:ريمو ريمو افتحي.
ريم فتحت:يو مابه.
راشد:هاتي رقم رشا الان.
ريم ضحكت:شلوك مله فجعتني هات اسجله سجلته له بس لاترسل اليوم لغدوه قدهو ليل الناس بترقد الساعه 11.
راشد:ماعليش مني تصبحي على خير.
سجل اسم رشا مجنونتي😍.

وهن في غرفتهن قد شذا رقدت ورشا عاد تفكر براشد كيف كانو والنظرة الشرعيه وتضحك.
تلفونها بياشر لرسايل فتحت الواتس رقم غريب.
السلام عليكم..... كيف حالش ..... الووووو.... فينكم... يامجنونه تعالي.... يايييي.. يااااو او رقدتو.... يارشاااااا.
رشا استغربت من هو هذا المحشش قدهو جنان وهرم ردت :من جني للهرم.
راشد شاف الرساله وفرررح وضحك:وتسخي ع الهرم يا الجزيره ياالاذاعه.
رشا عرفت انه راشد وفرحت سوت نفسها ماعرفت:من والا حظر.


@rewayatyamania 🇾🇪

🔮
74 🔮
🔮



رشا:من معي والا حظر.
راشد:مستعجله يعني انا راشد🙈.
رشا خزيت ماعرفت ايش ترد مارسلت شي.
راشد:يي وينكم ليش ماتردي خازيه هنا وفي الجامعه مثل الجزيرة ولا تسكتي هيا اوقعي لقنه الان.
رشا يوووو ع جراءه فيه عاد الناس بتخزا اول يوم رسلت:مشو سع لسانك.
راشد:هههههههههه مجنونه المهم كيف انتي.
رشا:الحمدلله بخير ☺.
راشد:قولي وانت كيف حالك بس مجامله بس.
رشا خزيت:😅نسيت كيف حالك.
راشد:من وقت شفتش وحالي تماااام.
رشا خزيت:شكرآ.
راشد:ماهو هذا شكرآ ياانسه رشا.
رشا:مدررري.
راشد:اقلك شي.
رشا:قول.
راشد:عيونش جننتني يا ام عيون ملونه وزيد ابتسامتش حاليه هنيت لقلبي بش.
رشا ماله هذا مدوخ يترمسس
😂:هن عيونك تسلم.
راشد:عارف انهن عيوني بس قلت اجاملش😜.
رشا:يخ سامج😒.
راشد:ههههههه الله اعلم فين بتوصلي عقلي الصدق قد انا بغير عقل خطبت مجنونه.
رشا:ساعك.😂😂.
راشد:عاد اشتي اقلك شي مهم واشتي تعرفيه.
رشا:قول مامعك.
راشد:امممم خلاص بالوقت المناسب اقلك.
رشا:جاها فضول :لا الان تقوله.
راشد:والله ماشي بالوقت المناسب قلت لك بقلك.
رشا جحفه:كان ليش عاد قلت بتقلي وغيرت رايك.
راشد:لانني حبيت اغير راااايي.
رشا بضبح ونفسها تفحر ايش كان بيقلها:براحتك.
راشد:بتسيري غدوه الجامعه والالا.
رشا:يمكن لا بالصبح مدقدقه من الحفله والضجه.
راشد:تمام وانا مابسيرش.
رشا:تمام قد انا الان نوم الساعه 12 بسرعه جزع الوقت.
راشد:مابش رقده خلينا نتعارف أكثر اشتي اعرف عنش كل شي.
رشا وهي تنعس:تمام.
راشد:شفتي الهديه الي مكنت لش عجبتش والالا.
رشا خزيت لان عادها ماابسرتها:بسير الان اشوفها ماشفت الهدايا ماوقع لي وقت.
راشد:بسرعه.
فتشت رشا الهدايا وهي مبتسمه شافت منه هديه عطر عليه كرفته صغيرة حمرت حلو وفستان احمر أنيق طويل وطقم كرستال ومساح وخاتم انيق وجزمه حمرا وعبايه ضخمه عجبتها الهديه قوي.
رشا:الهديه تجنن تسلم وزاد احمر اللون الي احبه ☺.
راشد:اكيد ذوقي مابش عليه اي كلام والمهم عجبش والأحمر كمان لوني المفضل 😌. وكملوا مجبر وتعارف عن بعض للساعه2 وكل واحد ارتاح للثاني .

في الصبح الساعه 9.
سميره:هيا بنتي قومي اصطبحي قدهي غيبوبه مش نوم.
رشا تتمصع:وين شذا.
سميره:كلهم بالجامعه هيا قومي اصطبحي.
رشا:حاضر اسبقي وبجي الان.
قامت ذكرت أمس وراشد وابتسمت فتحت الوتس شافت منه رساله.
راشد:صباح الفل والورد 🌷..... يانوم... شكلك نوم صدق عوافي وانا برجع ارقد😪.
رشا شافت ظهوره قبل ساعه.


@rewayatyamania 🇾🇪

🔮
75 🔮
🔮



رشا:رسلت ايوه عاد صحيت يسعد صباحك.

اليوم الثاني بالجامعه.
راشد بيشوف لها من بعيد رسل لها:صباحي انتي يااحلا صباحاتي .
رشا فتحت الرساله ماله هذا جالس يترمسس :ياهلا يسعد صباحك شافته وابتسمت.
راشد:ممكن تغطي عيونش شويه مشتيش يشوفوهن.
رشا:بطل جنان بتخليني عميا قلك اغطي.
راشد:جزعي بواطل بعد الزواج انا اوريش😡.
رشا:بااااي😝معي محاضرة.

بعد المحاضرات.
إيلاف:كيف شفتي الخطبه.
رشا:حاليه والله الله يوفقكن.
شذا:ذلحين قلتي انه جالس يترمسس مسرع.
رشا:مدري مستعجل ع رزقه.
عهود:بطلوا رمسسه زايده قلك رمسسه شلش جني انتي وهو.
رشا:بس يقول ياقلبي مثلا ولا مثل كذا بعدين ايش تشتي اقله اكسر جبهته خليه ع مايشتي المهم انا اكلمه سوا.

بعد اسبوع رشا بدات تحب راشد أكثر.
ريم:ياراشد بكرة عيد ميلاد رشا.
راشد:من قلك.
ريم:عزمتني لانها بتجتمع مع البنات حفله صغيرة بالبيت.
راشد:خلاص بجهز الهديه اليوم وخليها مفاجأه بس قولي لها لا تجهز كيكه عساس انتي بتشتري هديه منك انتي لها.
ريم:حاضر.
راشد رسل لرشا:غدوه عيد ميلادك صح.
رشا:ايوووه.. راشد حب يفعل نفسه مش مهتم عشان المفاجأه:اها تمام.
رشا ضبحت هذا سامج ولا حتى عبرني بكلمه يخ. رسلت :😊يله بنشغل باي.
راشد ضحك شكلها زعلت:باي.
رشا زادت ضبحت:طززز فيه.

اليوم الثاني بعد العصر طبعا ريم اتفقت مع البنات ع المفاجأه انو وقت توصل ريم يدخلين رشا بالغرفه لمن يخلصين يجهزين مفاجأة راشد.
ريم وصلت.
ورشا بالغرفه بتغالطها إيلاف .
لبست بنطلون جينز وفنيله طويله شوي سوداء وفعلت شعرها ذيل الحصان وقعت انيييقه.
رشا:تأخرت ريم.
إيلاف:بتكون بالطريق سهل.
خلصين جهزين الكيكه فيها ورد احمر ومكتوب l love you my heart وحرف R وحلا جنب الكيك وعصير وشمع بكل المجلس وثلاث هدايا مغلفه بااحمر وباقه ورد جنب الكيكه وورد بالقاع ع شكل جسر وباطرافه شمع وبالونات حمرا وشغلين اغنيه كل عام وانت الحب اختيار راشد طبعا وكل شي فكرة راشد وقع المجلس جنان شكله ومرتب وكانت فيه خلود وعهود وشذا وريم.
إيلاف:شكها ماعاد بتجي يله وبس.
رشا ضبحت:طز فيهم يله.

دخلت المجلس والاضواء طافيه بس اضواء الشمع والاغنيه ابسرت كل شي وصاحت من الفرحه ومسكت لقفها.
ريم:كل عام وانتي بخير وعقبال ميه سنه هذي المفاجأة من راشد.
رشا دمعت من الفرح لانها ماتوقعت وماعرفت ايش تقول زاد شافت الكيكه الي مكتوب فيها وفرحت ودمعت أكثر .
كلهن قدمين لها هدايا وهي عادها متفاجئه.
ريم ضحكت:مالك ساع الصنمه.
رشا حضنتها:انا فدالش



#يتبع...

@rewayatyamania 🇾🇪

🔮
76 🔮
🔮



رشا حضنتها:انا فدالش.
ريم:ههههههه لا تتفدي لي ماعلمت شي اتفدي ل راشد صاحب الفكرة والهدايا.
رشا خزيت:الله يحفظه😊.
خلود:ضحكت قدهي بتدعي له جبره بش.
رشا سمعت رسايل التلفون:اششش لحظه راشد رسل.
الرساله:كل عام وانتي بخير وعقبال سنين طويله وانتي بقربي وان شاء الله حلالي وام عيالي رشا انا احبك وكل كلمات الحب قليله بحقك اتمنى ربي يسعدك واتمنى المفاجأه البسيطه عجبتك يااغلا من دخل حياتي وغير لي نبض قلبي كم سااكتب لكي لكي تعلمي مدا حبي لكي اميرتي رشا احببتكي والله يشهد حبي لكي صادق ونقي ولكنني وعدت نفسي ان لااصارحكي بحبي حتى ااتي لكي من والدك لكي تكوني لي وقريبا ملكي حلالاً يارب واحبك للمره الالف ❤🌷happy birthday my life .
رشا بكت من الفرح رسلت .🙊ايش عاد بقيت لي اقوله 😭.
راشد ضحك:سيري كملي الحفله وبعدين نتكلم.
رشا:اوك تسلم لي ربي يحفظك 🙈🙈.
راشد:رشا.
رشا:ايوه.
راشد:احبك🌷.
رشا قلبها دق:باي 🙈🙋. وسكرت وهي بتضحك والدموع في عيونها.
خلود:يووو ايش بتتحاكوا امانه اشتي اشوف.
رشا:مااااعه😜وطلعت لسانها.
إيلاف:قوا هاتي نشوف.
ريم:ايوه وانا والله مااقول لراشد.
جابت لهن الجوال كلهن بهررين😰.
ريم:يابي ياباااه من متى اخي كذا رومنسي وحركات😱.
إيلاف:يووو والحلا الله يسعدكم.
خلود مثلت تبكي :وانا اشتي يخطبوني خلاااص.
كلهن رجعين يضحكين وقطعين الكيكه واكلين ورقصين وايلاف طلعت لسماح وسميره من كل شي لانهن كانين من المطرودين هن ورغد😂.
عهود:يله افتحي هدايا راشد.
رشا تتدلع:ماااعه بالليل افتحهم وحدي.
خلود:يوو قوا الان جبرش.
رشا بضحكه:تمام تمام اصلا قد انا مستعجله اشوفهم.
فتحت الهديه الاوله دبدوب كبير احمر بوسطه قلب مكتوب فيه love you وورده حمرا طبيعي .
شذا:ما شاء الله يجنن.
ايلاف:واااو شوفي داخل الورده اشوف خاتم.
رشا:والله انو صدق خرجته وانهو خاتم ذهب حرف R.
خلود:يجنن الله يهينش.
ريم:هيا افتحي الثانيه لانه بالبيت ماخلاني اشوفهن الهدايا.
فتحت الثانيه رجعت عيونها قلوب. 😍فستان احمر ناااعم قصير للركبه وخلفه طويل وفيه تحت الصدر حزام ذهبي وجزمه ذهبي.
خلود:يماااه دوروا لي خطيب قوااا
عهود ميته ضحك هي وشذا.
ريم:الله والاحمر يجنن ماتوقعت اخي كذا بس تحت السواهي دواهي.
إيلاف:افتحي الاخيره بسرعه.
فتحت الثالثه.


@rewayatyamania 🇾🇪

🔮
77 🔮
🔮



فتحت الثالثه فيها عطر أنيق وتعليقه نص قلب والنص الباقي مع راشد وكرت احمر فيه قلوب مكتوب عليه( الحب الحقيقي .. هو أن تزرع في طريق من تحبه وردة حمراء .. وتزرع في خياله حكاية جميلة .. وتزرع في قلبه نبضات صادقة .. ثم لا تنتظر المقابل لانك فقط تحبه ).
رشا:يووو خلاص قشننتوووو.
شذا بتشم العطر:وااو شمه يجنن ذواق باختيار العطور.
خلود سحبته من يد شذا:هاتي نعطر ورجعت تعطر.
رشا سحبته:يوو قلعش خلصتيه افعلي بس مرة مش كله ساع الرشاش.
إيلاف سحبته:هاتي البخل ورجعين يتضاربين ع العطر.
ريم:ريم حسبي الله عليك ياراشد بورت بهديتي خلاص هاتي هديتي ماعاد لها داعي 😭.
رشا ضحكت جعلش فدالي هاتي افتحها فتحتها طقم عطر.
رشا:تسلمي ربي يسعدكم كلكم سع مااسعدتوني.
وخلصين مضرابه وضحك وكانت الجلسه روعه استمتعين باقوا قوتهن.


في الليل قسمت كيكه لاخوانها بس قالت انها من ريم وام راشد عشان خزيت من ابوها واخوتها.

وقت النوم دخلين غرفتهن شذا طرحت رأسها وذكرت خالد وتذكرت حبهم ورسايلهم وبكت بصمت( صعب حين تتظاهر بالقوه بينما قلبك يموت من الداخل والاصعب حين لااحد يشعر بوجعك الذي تشعر انه سينهيك يومآ ما)بقلميn_0.

رشا فتحت رسايل راشد.
ردت:يسعد مساك يلي تسعد الخاطر.
راشد:كيف كان شعورك امانه.
رشا:والله أجمل مفاجأة بحياتي واجمل يوم ربي يسعدك سع مااسعدتني مدري كيف اشكرك والله كل شي كان روعه.
راشد:ياروحي مافي داعي للشكر بيننا المهم كل شي عجبك واحبك اميرتي رشا .
رشا حست بحبه أكثر وقلبها يقول وانا احبك بس استحت ولاقدرت تقولها واكتفت ترسل فيس :🙈. راشد اااخ ياقلبي متى تحبني هذي البنت بتجنني:رشا اشتي الخاتم يضل بيدك اليسار بجهه القلب لانه حرفنا الاثنين والتعليقه بشنطه الجامعه ولا تبعديهن ابدا.
رشا:حاضر من عيوني.
راشد فرح:من ايش عيديها مرة ثانيه.
رشا خزيت :ماشي.
راشد:الله يحفظ لي عيونك يله ياقلبي غدوه معك جامعه وما اشتي تواصلنا يأثر بالجامعه والدراسه ذاكري واصحي مصحصحه وبنكون نحدد وقت نتواصل فيه عشان ماتتعبي من السهر.
رشا فرحت من كلامه وتقديره وقد كان نفسها تقله هذا الكلام من قبل بس مافي فرصه:اوك ربي يسعدك.
راشد:واياكي يارب بامان الله.
رشا:بامان الله وسكرت الواتس وفكرت فيه وبكل شي وبعدها ماعاد حست بشي رقدت.
راشد فارح متى تقلي احبك وارتاح منتظرها بفارغ صبري بس مشتيش اضغط عليها يارب وفقنا لما تحب وترضى.

وبعد مرور شهر رشا حبته أكثر لطيبته لحنانه لتفاهمه والأكثر احترامه وكلامه.


@rewayatyamania 🇾🇪

🔮
78 🔮
🔮


بعد مرور شهر في الجامعه.
خلود خلصت محاضراتها وخرجت قبلهن جالسه تقلب في الملزمه حق التصاميم.
علي شافها وسار لاعندها وهو يتلفت لااحد يشوفه.
بعد دقايق وهم مع بعض بيتحاكوا علي مشي
خرجين شافينه واقف معاها واستغربين.
رشا:خلوووود ماكان يفعل علي هانا.
خلود :سررر شي خاص بيننا لاحدا تتدخل.
إيلاف:منش صدق.
خلود:ايوووه صدق مالكن دخل .
عهود:من غير خباله ايش تحاكيتوا ومن متى
خلود :يففف مالكن دخل المهم هذي الفلوس من علوش ورجمت الفلوس ومشت للقاعه وهن باقي بصدمتهن.
عهود ضبحت من تصرفها ولحقت بعدها.
شذا:مالها خلود ايش بتخبي علينا واحنا محدا تخبي ع الثانيه.
رشا:مصدومه من ردها شفتين كيف قلبت فوقنا مش معقول هذي خلود الي اعرفها.
إيلاف:وعلي اخي خزوي مايحاكي احد ايش بينهم ولا حكا لي ولا شي.

في القاعه.
عهود بعصبيه:خلود ايش التصرف السخيف الذي فعلتي.
خلود:ولاااشي.
عهود صيحت فوقها:خلود وغصب عنش تتحاكي.
خلود شافتها معصبه خلاص بقلش بس توعديني ماتقولي لهن.
عهود باستغراب وعدم صبر :وعد بس تحاكي.
خلود: علي...................................... رجعت عهود لاعندهن وخلود باقيه بالقاعه.
رشا:ايش بها ايش قالت.
عهود:الموضوع مش سهل بس بالوقت المناسب انا اادبها.
شذا بخوف:ايش في تحاكي.
ايلاف:عهود مالش ايش في وايش الي مش سهل.
عهود:بعدين تعرفين باي.
رشا:يففف مالهن طز فيهن والله ماعاد اكون اقول لخلود شي سع ماتخبي عليا.
شذا:هن أخبر براحتهن.
إيلاف:اشش غيرين الموضوع سوسن جت.

ورجعين يتجابرين وحسهن بموضوع خلود ايش هو وأكثر واحده معصبه ومتضايقه رشا.


بعد دوام الجامعه الكل روح وفي الليل.
رشا رسلت:خلود ايش في تحاكي.
خلود:ممكن ماتتدخلي فيني.
رشا انجرحت ودمعتتت:براحتش باي.
خلود:باي.
رشا زادت انجرحت ورجعت رسلت لراشد.
بعد دقايق من كلامهم

راشد:ايش في متضايقه.
رشا تخبي عليه:لالا ولاشي بس معدتي توجعني.
راشد:سلامتش يارب.
رشا متضايقه من خلود لانها ولا عبرتها 'مصدومه من كلام خلود لانها صديقة الطفوله وتعتبرها اخت مش بنت عم واسرارهن مع بعض وتحبها كثير.


بشقه ابو علي.
ايلاف بتدور بقلق متردده تحاكي علي واخيرا قررت تقله.
دخلت غرفته.
ايلاف:علي.
علي :عيونه.
إيلاف :اشتي احاكيك بموضوع.
علي:تحاكي.
إيلاف:ايش موضوعك انت وخلود لاتخبي شي عليا لو سمحت مشتي تحصل مشاكل بيننا احنا وعمي يله لقينا اهلنا وافتهنا قوا ياعلي.
علي تفاجا:ماقصدش يعني.
إيلاف:انت ادرا انا .


@rewayatyamania 🇾🇪

🔮
79 🔮
🔮



ايلاف:انت ادرا انا واثقه فيك ياعلي قوا قلي ايش بينكم.
علي عصب:ايش قصدش للخباله ايش بيننا وايش تتحاكي تشتي اكسر لش لقفش او كيف لا تضبحي بدمي بهذا الحكا.
ايلاف زعلت:لا تتقارحش فوقي طز فيكم انتو أخبر فلتته وخرجت قدهي عتقرح.
علي ضبح:ايش بها تيه ايش قصدها قلك ايش بينكم خفه عقل.


صباح اليوم الثاني.
وصلين الجامعه وكلهن مبرطمات.
خلود بخبث:ضحكت ههههههه ليش تفتحرين بالله ايش دخلكن بحياتي.
رشا معصبه ساكته.
إيلاف:حسافه والله طلع لش وجه ثاني.
عهود:ماعليكن منها وانتي ياخلود تشتي يزعلين منش.
خلود رفعت عيونها لفوق:يزعلين به اربعه جدران.
رشا بعصبيه والدموع بعيونها:احترمي نفسش زيدتي بها.
خلود:يخخخ سامجات ومشت.
شذا:لا اكيد جننت فقدت عقلها ايش بها.
رشا:طزززز فيها وقامت للقاعه.
خلود شافتها دخلت القاعه وضحكت بخبث.
رشا سمعتها وتبرقطت.


في المصنع.
علي:يامراد هذه الأوراق حق الملكيه لك ساع مامعانا من كل شي وهذي قيمه البيت الذي عتفعله والأرض قد هي موجوده بنفس الحاره.
مراد:انا فدالك يااخي قد احنا واحد كان... قاطعه ناصر:قدهو حقك احسن بعدين مابش بيننا شي.

في بيت ناصر.
خديجه جت زوجه اخوها عندها.
زوجه اخوها:باقلش من اولها قد احنا اهل انا واخوش نشتي بنتش خلود لابني فارس مش نفس عهود زوجتوها واختش تشتيها لاابنها.
خديجه فرحت:انا فدالش قدهو ابن أخي بس افتح الموضوع للبنيه وبعدين لاابوها وان شاء الله خير وعهود قد انتي عارفه تزوجت غصب عني.
زوجه اخوها:اخاف خلود تفعل نفسها.
خديجه:ماعليش بتصرف بس بالوقت المناسب وان شاء الله ارد لش خبر.


نرجع للجامعه.
خلود سايره تشتي تشتري صبوح بحجه انهن متزاعلات بتاكل وحدها شافت علي وزادت تسوي فيهن عناد.
خلود:ياعلي الله يحفظك تقدر تشتري لي معك سندوتش وعصير زحمه .
علي:اكيد سيري اجلسي بعيد من الزحمه وانا ارجع اجي لاعندش انا هنا عند البوفيه شباب.
خلود:حاضر خرجت الفلوس تشتي تمكنه.
علي:والله مااشل فلس عيب عليش انتي بنت عمي ومشي وخلود فرحت وضحكت.
رشا دمها بيفور:شفتين قليله الادب جالسه تجابر.
عهود:مش قليله ادب ولد عمها بعدين يصير خير.
شذا:حتى ولو شوفي تصرفاتها.
رشا:هي أخبر وحنقت منهن.
إيلاف:رشاااا تعالي الخباله.
رشا طنشت ومشت.
علي مكن خلود الصبوح ومشي وهو بيفكر يقلها شي بس متردد.

مر اليوم نفس امس والكل مخاصم لها وخديجه عادها مافاتحت خلود بالموضوع.


اليوم الثاني بالجامعه.
وقت الاستراحه.
خلود جت لاعندهن وهي تتريحم:بنات خلاص بقلكن كل شي بس وعد ماتزعلين


@rewayatyamania 🇾🇪

🔮
80 🔮
🔮


خلود:الموضوع ومافيه وسكتت.
شذا:يفف ضبحتي بدمي تحاكي.
ايلاف:شكلها بتجلطني.
خلود مسكت لقفها:انهو مقلبببب😝😝😝
رشا عصبت:ماقصدش.
خلود قرحت ضحك ماعاد قدرت تتحاكا:واال والله انهو مقلب.
عهود بتضحك:ايوة مقلب.
إيلاف قززت منها:يخ ع سامجه كيف مقلب وقد شفناه يتحاكا معش.
خلود بقلكن كيف.

نرجع لقبل يومين.
علي شافها وسار لاعندها وهو خازي اول مرة يحاكي واحدة من بنات عمه.
علي:يابنت عمي .
خلود رفعت راسها باستغراب:اهلا.
علي:مدري ايش اسمش نسيت المهم لوما تخرج إيلاف مكني لها هذي الفلوس لانها طلبت مني الصبح ونسيت امكنها لها وهي تشتي صبوح ومقدرش انتظرها اشتي اسير مع اصحابي.
خلود:انا خلود خلاص بمكنها انا
( وشلتها من يده ).
علي:اسلمي ومشي.
وهي شافتهن سالينها وكملت فيها مقلب.
في القاعه لما لحقت بعدها عهود قالت لها انهو مقلب وامنتها بالله لاتتحاكا بس تشتي تضبح بهن.
رشا قامت بعصبيه:يعني ثلاثه ايام بتلعبي بااعصابنا والانسه عهود متفقه معش.
عهود شافتها قلبت مشكله:صلي على النبي والله ماكنت عارفه الا بعد ما لحقت بعدها وامنتني لااتحاكا بشي.
رشا قد بتبكي :جرحتيني وثلاثه ايام وقلبي مقهور وبين افتحر كل ساع وانتي فاعله مقلب سخيف ساعش.
خلود زعلت ع خبالتها:رشا انا فدالش لا تبكي ماقصدت اضايقكن هكذا بس قلت مقلب بسيط.
ايلاف بعصبيه:ايش من بسيط حتى انا وعلي تصايحنا وصيح فوقي.
خلود افتجعت لانه علي دخل بالموضوع:يووو ليش قلتي له وماقلتي.
شذا:انقلب السحر ع الساحر تستاهلي.
عهود:بنات قد الطلاب بيتفرجوا لنا مالكن شولحتين بنا.
رشا وهي تبكي:واحده جزمه وتشتي تمشي وخلود مسكت يدها وحبتها.
خلود انقهرت انو رشا تبكي :رشا اسسسفه وربي ماقصدت مالش ليش تبكي.
رشا دهفتها:لاعاد تحكي معي فلتتها ومشت.
ايلاف قلبت عيونها ولحقت بعد رشا.
شذا:الله يهديش من مقلب سخيف ولحقت بعدهن.
خلود بكت:يوو ماتوقعت نوصل لكذا مالهن.
عهود حضنتها:انا حذرتش من اول يوم بس ماسمعتي لكن سهل بيرضين عن اذنش اسير للمحاضره حقي .
رشا انجرحت من خلود لأنها تحبها قوي وكلام خلود وحركاتها كانين جارحات للكل بس لرشا أكثر.
علي بيفكر في القاعه. ( لازم اسال خلود ايش قصد إيلاف لأني مافهمت بسوالها ايش بيننا شكلهن شافيني وقت كلمتها وفهمين غلط وقف ساير لاعند خلود)

شاف خلود من بعيد وسار لاعندها وصل وهي تبكي وحدها استغرب.
علي:خلود مالش ليش تبكي في أحد ضايقش قولي لي. (خلود خازيه منه ولاردت جالسه تبكي )

علي:يي بين اتحاكا من ضايقش لايكون أحد من الشباب.


#يتبع...

@rewayatyamania 🇾🇪

💠 81 💠
💠



خلود وهي تبكي مقهوره من ردة فعلهن:علي انا اسفه وربي ماقصدت بس سويته مقلب ماتوقعت يكبر ويزعلين مني انا اسفه.
علي قاطعها:لحظه لحظه ع ايش اسفه وايش الي مش قصدش وايش من مقلب ومن الي زعل.
خلود حكت له بالمختصر وهي محرجه منه.
علي بضحكه خفيفه:اها وانا اقول ليش إيلاف كانت تتقارح فوقي وانا جيت الآن لنفس السبب بس ليش البكا هذا بكله يابو الاحساس ماعاد بقيتي دموع.
خلود اول مره تشوفه بوضوح وتشوف ضحكته وملامحه ابتسمت وهي تبكي :زعلين مني وأكثر واحده رشا.
علي:سهل يومين ويرجع كل شي زي ماكان.


خالد بخرجته من القاعه هو ومصطفى شافوهم.
خالد ماعجبه الوضع:مصطفى خليك شويه وارجع.
مصطفى باستغراب:حاضر.
خالد وصل جنبهم:ايش موقفكم مع بعض هانا.
علي ضحك :افهم الموضوع من اختك أما انا بريء
خلود:يخ عاده يضحك.
خالد ركز انها بتبكي وفلت من يده الملزمه:خلود ليش تبكي مالش من زعلش تحاكي.
خلود زادت بكت.
خالد:خلووود انا سالتش من زعلش وليش علي واقف معش.
علي:خليها تحكي لك وانا عن اذنكم.
خلود جلست تحكي لخالد.
خالد:الصدق المقلب ماعجبني لان علي فيه بس على نياتش وخلاص اعتذري لهن وحاولي أكثر من مرة عقاب لغلطش وان شاء الله خير.
خلود فرحت انه تفهم الموضوع وماعصب:حاضر.

(رجع خالد ومصطفى سال علي وخالد وحكوا له ورجعوا يضحكوا انه انقلب عليها الموضوع ).

في الليل.
راشد ضل يسأل عن سبب ضيق رشا الي ملاحظه من ثلاثه ايام لوما قالت له.
راشد:سهل خلي روحش رياضيه وتقبلي المقلب مش تقلبين خصام وانتين صحبات واخوات.
رشا:بس قهرتني وعاد انا زاعله الصدق تستاهل.
راشد:وانا اقول انو اميرتي رشا طيبه القلب هيا سامحيها قد عاقبتيها اليوم وهي بتمسي زاعله.
رشا:عمري لاوقعت طيبه قلب خلتني ثلاثه ايام.
راشد اقنع رشا تسامح خلود.


في شقه ابو علي.
علي تذكر خلود وبكاها وضحك عليها ورجع اعتذر لايلاف لأنه عصب فوقها واقنعها تسامح خلود.

في الصاله خرجت شذا ورشا يسمرين بالصاله.
علي:كيف امور الجامعه.
شذا:ماشي حالها الحمدلله تعب بس تعودنا.
علي:ان شاء الله متفوقين.
مصطفى نفسه يقول شي بس متردد رجع قرر يتحاكا.
مصطفى:يابابه حبيبي.
علي:عيون بابه ماقد معك للرمسسه
كلهم ضحكوا
علي:انا فاهم امورك ماتشتي.
مصطفى:اممم بين افكر نفعل جروب للااهل يعني احنا وعيال عمي وبنات عمي وانت وعمومتي الاثنين.
علي:مش فاضي للمجبر ماافتح الوتس الا نادرا.
رشا عجبتها الفكره:والله حالي نوقع كلنا بجروب.
شذا ماتشتي شي يجمعها بخالد:لالا مش حلوه الفكره.


@rewayatyamania 🇾🇪

💠 82 💠
💠






شذا:لالا مش حاليه الفكرة مشتيش انا ادخل ولا انا فاضيه لهذا الخبر بطلوا قلة العقل والخباله. ( نبكي فجأة ب دون سبب ،، او نحادث الناس ب أسلوب سئ دون احساس ،،دائمآ وراء هذا حزن عظيم أو قصه لم يستطع أحد فهمها 💔).
منير:ناهي مالش تقارحتي هكذا لو ماتشتي لا تدخلي احنا نشتي.
شذا سكتت وتكتم.
مراد:انا بعدكم باللي تشتوا.
علي:خلاص شاحاكي ناصر ومراد وان شاء الله خير.
مصطفى فرح:قوا اتصل لهم الآن خلينا نتجابر بالجروب ولكن لاتقول لااحد غير عمي عشان افعل الجروب سكته وانا متاكد الشباب كلنا نشتي جروب .
علي:أمري لله شل التلفون اتصل لمراد.
علي:يابو علي الجهال ازعجوني يشتوا يفعلوا جروب واتس للعيال والبنات واحنا معاهم.
مراد:بعدك ياخي عادي يفعلوا.
اتصل لناصر وقال عادي مابش عنده مانع.
مصطفى فرررح وفعل الجروب مداليز فل.
مصطفى.(.. بكامل شهرتي وكل ثروتي ومكانتي العاليه واسمي الملكي مصطفى ابن الشيخ علي تم افتتاح جروب مداليز فل ع يدي وفكرتي وضممت اليه جميع الاهل والي ماعجبه الجروب بيجلس غصب عنه وانتهى الحوار).
علي شاف الرساله وضحك رسل :متى تعقل متى.
مصطفى بيضحك ورسل :زوجني اعقل 🙈.
منير:قلك زوجه محدا بترضا فيك.
مصطفى يلمح:الا بيرضوا ماعليك انتبه لنفسك بس.
ايلاف سمعت صوت رسايل كثير وفتحت الواتس شافت للجروب ودخلت قريت رساله مصطفى وقشننت فرح😂😂.
إيلاف:ياهلا ومرحبا بااهلي وتاج راسي كيف انتو.
مصطفى:بخير بخير يابنت عمي وانتو كيف حالكم.
رشا:نحن هنا🙌كيفكم ياقماعه.
مراد:قمعو معدتش قلك قماعه😂😂.
منير:😂😂قمل اخرج لش.
رشا:يخ منكم تخلف جماعي😒.
عهود:احم🙊وانا جيت.
خالد دخل للجروب واستغرب وعلي نفس الشي وخلود.
خالد:مال جدتك فعلت جروب بإذن من.
مصطفى:باذن من ابي وعمومتي عجبك اجلس ماعجبك بتجلس غصب عنك ياخلدوووني.
خالد:لالا عجبني شويه شويه ع جبهتي خلدون بعينك😂.
علي:يامرحبا بااحلا شباب بس فيه ارقام غريبه خيرات حق من.
مصطفى:حق البنات.
خالد فرح عشان شذا:اوووه والله كلام البنات معانا.
رشا:او ماعجبكم نخرج.
خالد:لا والله انو عادي وحلا بس انتي اي واحده من شله الجن حقكن.
رشا:😂😂فكر واعرف من نفسك ياذكي.
خلود وعادها زعلانه لانهن مخاصماتها كلهن:السلام عليكم كيفكم.
منير:بسم الله من هذي العاقله.
خلود:😂😂شلوك وانت من.
عمهم ناصر دخل.
السلام عليكم ياشباب يله مع السلامه مش فاضي لكم بفعل خروج من الجروب 😚.
علي:وانا بعدك😂. (عمهم مراد مابش معه واتس)
مراد:😂😂عمي مستعجل بالله اجلس حتى ضيف الليله عندنا وغدوه رح لك.



@rewayatyamania 🇾🇪

💠
83 💠
💠



منير:ليش مستعجلين بس صدقوني بتفعلو خير بخروجكم😝.
مصطفى:صدقت يامنير بيجلسوا يفعلوا هيبه بالجروب😂😂.
ابو مراد ضحك بنفسه:😡بطلنا نخرج.
رشا:لاتخرجوا بعدين يرجعوا يتمهزلوا علينا اجلسوا ادبوهم.
علي:لحظه اول شي كل واحد يعرف نفسه عشان اسجل الاسماء واعرف من بيتحاكا.
ايلاف:قصدك احنا اما الشباب معك من اول.
خالد يشتي يعرف رقم شذا:ايوه كل واحده تكتب اسمها.
خلود:وانتو عشان نعرف رقم كل واحد.
علي:انا علي...انا مصطفى . . وانا الشيخ حقكم منير😂😜. .... وانا مراد🙌. انا خالد😌. شذا في الغرفه تتابع بصمت وقلبها يوجعها وزاد شافت خالد بيتحاكا ونزلت دمعتها. .. انا خلود🙈.... انا رشا😌✌.. وانا إيلاف 😊... وانا عهود.
مصطفى سجل اسم إيلاف جميلتي وفارح.
خالد منتظر شذا ترسل وهي ولا حرف.
خالد تضايق وعرف ليش ماترسل لأنه موجود:اظن ناقصه واحده من البنات.
منير جالسه تتدلع مادخلت الجروب قلك ماعجبتها الفكره.
خالد زاد ضبح:اها 😢 يله خاطركم معي تحضير للجامعه.
كلهم:الله معك.
خالد دخل يشوف شذا بالخاص شافها متصله زاد زعل أكثر وفعل حالته ( ارحم قلبي قليلاً فالشوق يقتلني والصبر لم يعد يُعايشني فقد مل مني وحياتي بعدك لم تعد تُهمني وكيف لي ان اخبرك بشوقي وحنيني وكيف لكلمه احبك في الصمت تنقال ويقلتني أكثر الكتمان فقط ارجوك ارحمني فقد مل الصبر مني💔💔)بقلميn_0 ..
شذا فهمت انه تضايق دخلت خاص شافته متصل ودمعت شافت حالته وبكت أكثر فعلت حالتها ( لم اعد احتمل ذكريات الماضي فهي تقتلني ولم اعد اقوا على فراقك الذي دمرني فقط اريد انسى واعيش بلا هماً ولا كدر ياربي ارحمني وأعني فانا تحملت عذابي هذا من صغر سني )
بقلميn_0
وغلقت الواتس وهو شاف الحاله واتضايق غلق بعدها ورجم بالتلفون ورقد . (كل واحد حاسس انو الثاني بيراقبه)

تجابروا أكثر من ميه رساله.
ابو مراد فعل خروج وناصر بعده 😂✌.
مصطفى:😂ضبحو ماشي معاهم نفس للهذره الله يحسن خواتمهم شيبوا.
خلود:انت فدالهم😡.
علي:واااخلود عاد هن فعلين لش حل والا قد انتي مطلقه خلاص 😂😂😂✌.
خلود زعلت:خباله.
مراد:حل ايش مافهمت.
عهود حكت لهم ورجعوا يضحكوا ويعلقوا على خلود.
خلود بكت رسلت:اصلا كان غلطي امزح مع نفسيات وانت ياعلي كان اكرمتنا بسكوتك أحسن باي.
رشا ضحكت بنفسها تستاهلي:😏.
علي عرف انها زعلت:ووو مش قصدي بس قلت نضحك.
كلهم بيضحكوا.
علي شافها ماعاد رسلت دخل خاص:ياحساسه هيا ارجعي للجروب والله ما اقصد ازعلش انا اسف.
خلود بعناد:مشتيش خلو الجروب لكم والله لاافعل خروج.
علي:أمانه لا تخرجي


@rewayatyamania 🇾🇪

💠
84 💠
💠


علي:امانه لا تخرجي قد قلت لش اسف هيا يابنت عمي والله ماقد اعتذرت لااحد.
خلود:خلاص ليش تعتذر لي كان مش ضروري.
علي بنفسه والله مش عارف ليش قلبي وعقلي بعدش:لانش بنت عمي.
خلود:تسلم خلاص عشانك بدخل الجروب 😊.
علي:شاطره😅 (سار اقنع رشا بالخاص انها تسامح خلود واقنع إيلاف وانهن ينسين الموضوع حق المقلب وطبعا وافقين) ( ورجعوا الجروب الاثنين ومحدا لاحظ انهم خرجوا مع بعض ورجعوا يرسلوا مع بعض ).
رشا:خلود قلبي خلاص سامحتش.
علي ابتسم:اصلح الشاطره.
ايلاف:وانا كمان ولاكانه وقع شي وننسى المقلب.
خلود فرررحت:انا فدالكن.
عهود:الحمدلله تسامحتين وعن اذنكن ياقلبي تصبحين على خير
مصطفى:بس بس رمسسه سديتين نفسي 😒. إيلاف:اللهم لا حسد😝.
مراد خرج بعد عهود .
رشا شافت قدهن 11 رساله من راشد😁.
رسلت هلا رشود اسفه مارديت بسرعه ما انتبهت للرسايل لاني بجروب الاهل.
راشد:اها حصل خير بس ايش من جروب اهل🤔.
رشا:احنا وبنات عمي وعيال عمي.
راشد بغيره:اهااا عيال عمك حلو.
رشا مافهمت انه زعل:ايوه 😊.
راشد بعصبيه:كان ليش عاد جيتي سيري كملي كلام معاهم ومافي داعي ترسلي لي.
رشا استغربت:مالك عصبت هكذا.
راشد:من غير خباله تخرجي من الجروب الان قلك عيال عمي.
رشا بعناد:مابخرجش قد ابي راضي ذي هو ابي وكانوا معانا بالجروب هو وعمي.
راشد:رشا قلت اخرجي لو سمحتي عشاني .
رشا:اسفه مقدر اخرج قدهم اخوتي وعيال عمي مافيها شي عيب اخرج من الجروب بيفهموا انه عشانك خرجت .
راشد حس راسه بيدخن من الغيره:يعني مابتخرجي يارشا.
رشا:لا بس لاتزعل لو سمحت.
راشد انجرح لأنه قال عشاني ورفضت طلبه:خلاص تصبحي على خير..
رشا:راشد ابليز لا تكبرها.
راشد:اششش ولا ترسلي حرف.
رشا زعلت:طز الله معك. (راشد زاد انجرح من كلمه طز وماعاد رسل غلق الواتس وجلس يفور من كلامها)
وهي رجعت للجروب.
في الجروب
وكملوا مجبر وضحكه ومر الوقت ولا حسوا قدهي الساعه 12 ونص.
ايلاف:شباب😱شوفو الساعه.
كلهم:😱😱😱😱😱.
خلود:يااااوووه غدوه ماعاد بقدر اقوم بااااااااي.
علي:ههههههه باي
كلهم تصبحو على خير وغلقوا

رشا متضايقه انها تزاعلت هي وراشد دخلت شافت ظهوره وشافت غير حالته
( اجرحني عادي انا كلي لك💔) دخلت الغرفه وشذا فعلت نفسها نوم.
رشا حست انها مش راقده دخلت تشوف اخر ظهور شذا وشافت حالتها دخلت لخالد وشافت نفس اخر ظهور شذا وفهمت بالحالات حقهم حست انه وجعها قلبها عليهم.
رشا:شذا قلبي لا تكتمي بعدين يوقع بقلبش شي انا عارفه ان انتي صاحيه.
شذا تنهدت من بين دموعها:ماعليش مني ارقدي.


@rewayatyamania 🇾🇪

💠
85 💠
💠


شذا تنهدت من بين دموعها:ماعليش مني ارقدي.

رشا:حاضر بس غيري الحاله حقش خالد اكيد بيكون قد شافها ذلحين لو احد من اخوتي يشوف حالاتكم الاثنين بيفهم.
شذا قامت:مسحت دموعها حاضر غيرت حالتها ( أنا بِـخيْر,بخَـير جداً,رَغْـم الواقِع,بخير من الدّاخِـل,رُغماً عَـن السّـواد العارِم والضّجيج المُزعِج,أنا بِخَـير بشَكل غَـريبْ.)
رشا:شذا متا ناويه ترحمي نفسش خلاااااص اعتبري خالد ماضي وانتهى.
شذا بكت:كل مره أحاول انسى افشل تمر فترات اتناسى واكذب على نفسي اني اكرهه ماعاد احبه واسمع صوت خالد او اشوفه يرجع لي كل شي وافشلللل بنسيان كل شي قولي لي كيف انسى وكيف اقسى كيف انا تعبت اشتي ارتاح. (( ...........💔... لا اعلم ما الحقيقه التي تعيش في داخلي ...هل مازلت احبك .ام ماذا..انا اكرهك ومازلت اراقبك بصمت لازلت ابكي بصمت لازلت استيقط في منتصف الليل ....وهناك كم بقلبي من الاشواق اليك آنظر الي جوالي .....اريدسماع صوته فقد آشتقت اليه وكم من ايام استيقط ..في منتصف الليل واخذ جوالي نسيت باننا افترقنا ولايحق لي ان اسمع صوتك .... في ذلك الوقت ليس علي سوا البكاء ...ؤالبكآء الذي يمزق الاحشاء ويحرق آلقلب اصبحت لآهات الحاني نعم اكرهك لدرجه اني لا اريد مكروه ان يصيبك ...اين آنت ... هو يظن إنني بخير بدونه ولكني اقسم باني لا آعرف للراحه عنوان كيف صورتك اهلكت خيال ...شوقي اليك مزق فوادي.. وصوتك مازلت اسمعه دائماً .....ولكنه وهم ...كيف لي ان ابتسم وقد كنت انت سبب سعادتي لم استطيع الكتابه آكثر فقد صعب علي التنفس حينما ادكرت رحيلك المؤلم ولكن القدر سيكتب بيننا مايشاء .....💔))n_0

رشا حضنتها:خلاص ياروحي الله كريم ارتاحي كل واحده رجعت بسريرها متضايقه واكيد شذا وجعها أكبر... (( _تحاول جاهدة كسر قاعدة " لا أحد يبقى لأحد "
ولم تكن تعلم بأن هذه القاعدة تم سحقها تحت عجلات " النصيب"
زُهقت روح الحبيب ولم يبقى سوى ضحكات النصيب ، لم تحترم عادات مجتمعها
تفاصيل وجهها الكئيب ،
وحال جسدها الغير رتيب ،
وصوتها المحمل بأنصهارات البكاء
وسرحان عينيها في الأرجاء
لم يكُن مجدياً ترتيب قائمة الأُمنيات من البداية
لأن هذا سيجعلها تحتضرُ بصمت في النهاية. لاجل النصيب))


@rewayatyamania 🇾🇪

💠
86 💠
💠




صباح اليوم الثاني بالجامعه وقت الاستراحه.
خلود:جعلي مكسر من مقلب بس تستاهلين.
رشا:لو ماتوسط علي اسامحش كان ماسامحتش وافجر قلبش.
خلود استغربت:علي مادخله.
رشا:رسل لي امس في الخاص انو مش حالي الزعل بيننا وكلام المهم اقنعني.
إيلاف:حتى انتي رسل لش وانا هو الي اقنعني.
خلود رفعت يداتها للسماء:اووووه ياعلي جبررك.
كلهن ضحكين.
شذا شافت خالد واختفت ضحكتها.
رشا حكت لهن عن راشد كيف زعل.
عهود:من حقه يغار بس اسلوبش كان غلط شويه قلتي طز وقلتي مابحذف كان قلتي هم مثل اخوتي وابي قال لو احد يطلع من الجروب ياويله.
رشا ضبحت:انا كنت جالسه أراضيه وقالي ولا كلمه رجعت حنقت.
إيلاف:سهل ترجعوا تتراضوا بعدين.
شذا مش معاهن بعالم ثاني.

عند الشباب خرجو كلهم.
خالد حاسس قلبه ان شذا ماكلت شي من زعل أمس :ايش رايكم نفعل خير بالبنات.
خالد:كيف يعني.
خالد:نشتري لهن صبوح مننا بيتزا وبرجر به مطعم جنب الجامعه بالضبط.
علي:هجعنا مش انت راحم للبنات انت تشتي عشان يقلين خالد حنين قدهي واضحه هههههه.
خالد ضحك:قلعك بذا الوجه.
مصطفى يشتي عشان إيلاف:فكرره حلوه خليهن يفرحين هيا قبل يشترين صبوح.
كلهم جمعوا واشتروا بيتزا وبرجر ع عددهن وعصير طازج وليز كبير.
مصطفى:بسيرهن انا.
خالد :لالا انا.
علي:امانه خلوني انا عشان يتجملين مني😂.
خالد:امانه انكم ساع الجهال اما ذلحين.
مصطفى:خلاص انت عاقل خليك على جنب وبسير انا وعلي.
علي:وليش مانسير كلنا الثلاثه.
مصطفى ضحك:تمام بشل البيتزا وانت أخبر بالباقي.
علي:شل العصيرات والليز.
خالد شل البرجرات ولحق بعدهم.

عند البنات.
إيلاف:بتجين عندي اليوم ومن غير أعذار ساع حق كل مرة.
خلود:ايش نجي نسوي نرقص يعني.
ايلاف ضحكت:هههههههههه ايوووه بالضبط.
شذا:خلاص بنطلع كلنا عندش وانتي ياخلود تعالي.
خلود:ان شاء الله بشوف امي. .
عهود:جاااوعه بسرعه سيرين اشترين.
رشا:والله مااسير كل يوم انا.
ايلاف شقهت:يو على كذابه وانا كل يوم معش.
شذا:مالي دخل ولا بسير لو اموت جوع.
خلود:عناد فيكن والله مااسير.
ايلاف ضحكت:احلفين وضلين جاوعات.
وصلوا عندهن على ضحكة إيلاف وهي خزيت. ( شذا شافت خالد دق قلبها وتفعل نفسها طبيعي)

مصطفى:احم احم قلنا اليوم نفعل خير للخادمات الحاليات هولا.
رشا:اول شي اختار واحدة خادمات او حاليات ثاني شي ايش من خير وجهك مش حق خير. (راشد بيشوف لهم من بعيد ودمه بيفور).
مصطفى:والله هكذا هيا شباب نكل الصبوح احنا.
رشا:يووو لالا امانه تعال انا فدال اخي دام وهو صبوح.


@rewayatyamania 🇾🇪