وصلوه 500 على الاقل عشان اعلن عن الموعد🌚

.

السلام عليكم ورحمة الله متابعي قناتي الأوفياء..

اعتذر عن توقف النشر في القناة وذلك بسبب وفاة اغلى واعز انسان على قلبي خالي العزيز والحبيب اسأل الله ان يتغمده بواسع المغفرة وأن يرحمه رحمة الأبرار ويجعله مع النبيين والصديقين والشهداء والصالحين وحسن أولئك رفيقا ياارب العالمين..

فالشكر الجزيل لكل من قلق وسأل.. والشكر ايضا لمن لم يقدر وارسل باتهامات بالتقصير او عدم الرد وأنتم تعرفون كم أنا وفية وملتزمة دائما معكم رغم عن ظروفي فإذا غبت بدون سابق إنذار قدروني..

ودمتم إدارة قناة روايات يمنية
.

.

مرحبا بكم وممتنة لكل من عزاني كتب الله اجركم واحسن عزاءكم.. دقائق معدودة واعلن لكم بالقصة القادمة..
.

يسعد مساكم متابعينا..

انتظرونا ومع قصة جديدة وجميلة للكاتبة: هناء عبدالعزيز

بعنوان قلوب منكسرة

ابتداءً من مساء غدٍ الاحد

على قناتكم روايات يمنية

https://t.me/+Ecxq_OzMYh40M2E0

.

ملاحظة: القصة هي للكاتبة الحاصلة على المركز الثالث في هذه المسابقة🌹

قصة قلوب منكسرة للكاتبة: هناء عبدالعزيز

👌🏻👇🏻 😍
📚 @rewayatyamania  🇾🇪


ملخص القصـة 🥀

رقـم القصـة : 255

اسم القصـة 📖 :  قلوب منكسرة

اسم الكـاتبـة✍🏻 :  هناء عبدالعزيز

عدد البارتـات : 71

مدة العرض 🗓 :  7 أيـام

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة

#نبذة مختصرة عن القصة

🌷 حب الآباء لاولادهم واعطائهم كل مايطلبوه وما يحسبوا حساب للعواقب والزمن

🌷 استهتار الابناء واتباع الشهوات وحب الذات

🌷تخليهم عن واجباتهم الزوجيه وترك ابنائهم

🌷 تخلي الآباء عن تربية الابناء وترك تربيتهم  للأم فقط

🌷 اخذ اموال العائله وبيعها في سبيل راحتهم وعدم ترك اي ورث لاولادهم للزمن

🌷 قسوة الزوج مع زوجته وعدم اعطائها حقوقها الزوجية كاملة وسوء معاملتها

🌷فقدان المودة والرحمى بين الزوجين والحب والحنان لاولادهم

🌷 معاملة الزوجة كخادمة مطيعة للزوج واسرته دون رحمة

🌷 الظلم الذي تواجهه الزوجة بين اسرة الزوج وهضم حقوقها كإنسانة

🌷 بخل الزوج وكدر المعيشه وهو قادر يعيش حياة سعيدة

🌷 عدم الامان العائلي وطرد الزوجة من بيت زوجها لاتفه سبب

🌷 ضياع الابناء بين اب غاضب وام لا حول لها ولا قوة



📚 @rewayatyamania  🇾🇪

.

البــارت 1


#قلوب_منكسرة 💔
#للكاتبة_هناء_عبدالعزيز


👌🏻👇🏻 😍
📚 @rewayatyamania  🇾🇪


الكتابة ليست كما يظنون ليست بتلك السهولة التي يتخيلون، أتعلم ما معنى أن تنتزع نبضاً من قلبك، فتغمسه في حبر ثمّ تلصقه في ورقٍ.

في وقتٍ ما نحدّث أنفسنا ونقول لا شيء يستحق، لكننا ندرك ذلك في وقتٍ متأخرٍ جدّاً، نقولها بعد أن نكون قد أفنينا أعمارنا فيما لا يستحق.

@rewayatyamania المصدر الأول للروايات

◇◇◇◇

عام 1945. 💓البيت الكبير (بيت العائلة)

مريم: قد انا تاعبه ياعلي اشتي نزوج العيال قبل ما اموت

علي: مالش تتفاولي علي نفسك عوذبي من الشيطان وصلي علي النبي

مريم: اعوذ بالله من الشيطان الرجيم، اللهم صل وسلم على سيدنا محمد وعلى آله
وصحبه اجمعين

علي: ابسري له من بنات الجيران انتين النسوان اخبر مننا

مريم: بنات الجيران ولا واحدة عجبتني اشتي مرة تساعدني وتكون زوجة الدنيا والاخرة

علي: هاه ذكرت بنت العم محسن ما شاء الله قالوا ان هي حميش

مريم: يهي ياه انت بتسير الجامع والا بتسمع كلام النسوان

علي ضحك: عادك بتغيري عليا بعد هذا العمر قد عمري سبعين سنه وانت خمس وخمسين

مريم: من قلك اني خمس وخمسين عاد انا صغيرة هاه ابسر يدي سع من هي قلك قد انا كبيرة

علي: ضحك ناهي عادش ثلاثين لا تزعلي انت في عيوني بنت اربعتش سنه هيا ماتشتي

مريم عجبها كلامه: يلا قوم سير الجامع وكلم عم محسن ورد لي خبر اليوم

علي: يالطيف مستعجله قوي يلا اقوم اسير الجامع ويجعل في ذلك الخير

مريم: آمين يارب وسارت تصلي الظهر وجلست فوق السجادة تسبح وتدعي لبنتها حوريه إن الله يرزقها بزوج صالح مامعاها الا هي في الدنيا

إسماعيل: فين سار أبي

مريم: سار الجامع سير صلي يا أبني حرام عليك أنت وأخوك إبراهيم قدك كبير ولا تعرف طريق الجامع

إسماعيل: أماه أصلي في البيت أهم شي النيه،  قلتي لأبي عن الموضوع الذي كلمتك أمس

مريم: أيوة حاكيته وسار الجامع وعيبسر عمك محسن والله يجعل في ذلك خير

إسماعيل: الله يطول بعمرش يماه وحبها في رأسها

مريم: لا تعصي الله أنت داري ما قال الله كن صلي الله يهديك اليوم دنيا وغدوة موت

إسماعيل: يف خلاص ناهي ش أصلي ولا عليش وخرج من البيت وهو يهدر كل يوم هدار صلي صلي ولا كأني كافر بين أصلي ما بين أقطعها
بس متهاون فيها أي حين ما فضيت

إبراهيم ابسره: مجنون بتكلم نفسك

إسماعيل: أمك كل يوم تقلي صلي صلي وأنت ليش ما تقلك صلي

إبراهيم: الا بتكلمني وانا بين أصلي لازم نسير عندها نتركوع لو يعرفوا اننا بنشرب كحول ما عيقولوا

إسماعيل: أسكت لحد يسمعك والتفت يمين وشمال ( يستحون من الناس ولا يستحون من الله الذي يسمع ويرى)

إسماعيل: جي معي عند اصحابي نسير ننسى الدنيا وما فيها قد شليت فلوس من الخزنه حق أبي وهو خارج شليت المفتاح من جيبه

إبراهيم: لو ابسرك لا يحرم وجهك

إسماعيل: قوم يلا لاتجلس تهدر مثل العجايز يكفينا أبي وأمي

علي: رجع من الجامع يامريم وينهم إسماعيل وإبراهيم

مريم: مدري خرجوا خليهم ساروا مع أصحابهم قالوا يتغدوا سوا

علي: أنا داري مابيعملوا لا بيصلوا سوا ويرجعوا آخر الليل يعلم الله اين بيسيروا

مريم: كله هذا من دلعك لهم تدي لهم ما اشتوا الزلط في أيديهم عمل يسيروا شويه ويرجعوا يرقدوا لوما ندعيهم يقوموا يتغدوا مرزوحين لاظهرك محبتك لهم الزايدة فسدتهم.

علي: حسبي الله ونعم الوكيل قوي لاعاد تحمضيها فوق ما قدي ما اسوي أضربهم وكل واحد مشنب ابنش اسماعيل قد عمرة 25 سنه وابراهيم اصغر منه بسنه

مريم: ما بلا خايف عليهم لا يموتوا مثل اخوتهم ماتوا وهم صغار وقلبك معلق بهم

علي: خلاص خلي لي حالي قد انا شيبه يعلم الله كم باقي لي من العمر وطلع الغرفه حقه

مريم بكيت وحست قلبها وجعها وسكتت: ياالله خارجني تعبت ماعاد به معي صبر

حوريه: اماه مالش وماله ابي كان يصيح فوقش

مريم: ولا شي يابنتي رضي عليش اخوتش مافيهم خير عادوا يشتي يدي لهم بنات الناس

حوريه: لا تتعبي نفسك انت مريضه يا أمي قد انتوا تشتوا تزوجوهم

مريم: ايوه يمكن يجين النسوان يعقلنهم

حوريه: إن شاء الله محد داري يمكن يعقلوا ويدروا إن الله حق

مريم: اتجهزي ليوم الجمعة ان شاء الله اليوم الثلوث نسير نشتري كسوة الخطوبه

حوريه: انتين اخبر ما نشتري تمام بكرة نسير انا وانتي نخلي اسماعيل يشلنا السوق

مريم: إن شاء الله يابنتي
.
.

رجع أسماعيل وابراهيم آخر الليل

علي قام وابسرهم: أين كنتوا

إسماعيل وإبراهيم وقفوا فجأة وما سطيوا يلتفتوا

ابراهيم: سررنا نخزن مع الخبرة

اسماعيل: مالك ياباه تشتي شي

علي: ماشي ولا شي يوم الجمعه خطوبتك على بنت محسن بكرة سير شل امك وأختك يشترين الكسوة

إسماعيل فرح: ناهي تمام وسار غرفته يرقد كرها كمل ابوة يتحاكا

إبراهيم: هنيت لك يا أخي عتتزوج وتتهنى ما باقي الا أنا مدري اي حين ورقد






📚 @rewayatyamania  🇾🇪

.

البـارت 2 ``

قلـوب منكسـرة 💔

👌🏻👇🏻 😍
📚 @rewayatyamania  🇾🇪


إسماعيل شغل السيارة كانت من السيارات القديمات تويوتا بس قوي.. وجلس يطرق: هيا بسرعة

مريم: مالك يا أبني صلِ علي النبي عادو حين

إسماعيل: أشتي أسير أتغدى وأخزن بدري الخبرة  مراعيين

مريم طلعت السيارة هي وحورية وساروا: أبسري يابنتي مااحلى صنعاء القديمة

ونزلين من فوق السيارة وجلسين يخطين دلا واسماعيل بعدهن

ومبانيها القديمة كل هذه المباني عمروها الأولين الأجداد عمروها من التبن والسعف كانوا يخدموه خدامه التبن يدسعوه بارجلهم ويخلوه أيام لوما يشكلوه وبعدين يعمروا عمر حالي الله يسكنا الجنه

حوريه: هذا سوق الزمر وسوق الملح او مه

مريم: أيوه سوق الملح فيه كل شي موجود هنا القماش والمكسرات والحبوب بكل أنواعها والذهب والفضه جي بعدي سارين سوق العقيق اليماني أبسرتي مااحلى العقيق وهذولا الخواتم ما شاء الله، وابسرت صاحب العقيق وسلمت عليه

مريم: محمد كيف حالك يا أبني وكيف الحجة

محمد: الحمدلله يسلموا عليكم تشتوا شي من هنا

مريم: ما شي يا أبني جينا نبسر بعض الأمور وسلم على أمك السلام الكثير

محمد: الله معاكم يوصل يا حجه مريم مع السلامة

اسماعيل: هيا قطبه والا عنجلس نهدر

مريم: أعوذ بالله والعجله فيك قلت لك أصبر خليني اوري بنتي السوق

حوريه جلست تضحك سكته على أخوها تبسره جالس ياكل في روحه

مريم دخلين علي سوق الأقمشه: كيف حالك يا طه قد أنا زبونتك ادي لي أحلي شي عندك نشتي نخطب لابني هذا واشرت لاعند أسماعيل

طه: حاضر من العيون وادى لهم مطرزات وجرز وحرير هه اختاروا ما تشتوا كل الألوان عندكم

مريم: ماشاء الله كلهن حاليات وشلت ما تحتاج وساروا لاعند الذهب وشلوا حبوب جنيهات

حوريه: الأسعار غاليه كل هذولا بحبه جنيه فرانصي

مريم: قدي حريوه يابنتي الله يوصلني لوما اكسيش ورجعين للزمر وشلوا قناطر،

باقي الخضرة قد اسمنا جينا وشلت خضرة بكل انواعها ماخلت شي

حوريه: اماه ابي عيصيح

مريم: ولا عيصيح ولا شي قد قلت له يلا اخطي بعدي نسير للسيارة

اسماعيل طرح كل شي في الصندوق حق السيارة وهو بيتأفف اخيرا كملتين اعوذ بالله من الخرجه مع النسوان

مريم: مابتقول هيا جالس تحاكي نفسك مثل المجنون

@rewayatyamania المصدر الأول للروايات

◇◇◇◇

بيت محسن

محسن: ياسيدة يوم الجمعة خطوبه البنت خلي حليمه تتجهز

سيدة: حاضر الله يجعل في ذلك الخير بيت علي ناس محترمين ومعاهم اموال في القريه(الطمع مهلكة)

محسن: مانشتي من اموالهم اهم شي بنتش تستتر

سيدة: زواجه والذي جنبها بنتك عتوقع زوجة اسماعيل بن علي ال.......

محسن: اول مرة اكتشف انش تحبي الفلوس

سيدة: ومن ما يحبها الفلوس كل شي في هذه الدنيا نقدر نعيش مثل خلق الله

محسن: لا حول ولا قوة الا بالله يلا ناهي جهزيها

حليمه: اسماعيل بن عمي علي كيف هو سألتوا عليه

سيدة: احمدي الله ابن علي ال......

حليمه: بس ضروري تسألوا عنهم

محسن: ابوه مصلي داري ما قال الله وابنه اكيد  مثله

سيدة: لا تجلسي توسوسي استخيري الله والباقي عليه

محسن: يلا خاطركن سيرين اشترين حاجات الخطوبه

سيدة: ماهو هم يدوا والا احنا والله حالية

محسن: قصدي تشترين لها شي تلبسه والا عتراعوا لوما يدوا لها ما تلبس واشترين اي شي معاكن للحفلة

حليمه: ايوة يا اماه والا ما عنقدم لهم

سيدة: اسوي كعك مسمن وجحين وشويه فستق ولوز وزبيب اها وسبر

حليمه: ولي فستان مطرز

سيدة: مطرز ماقد يلبسوا مطرز في الخطوبه عتلبسي مصون مثل بنات الناس ماعليش من هذا الكلام


إسماعيل جهز نفسه للخطوبه شل الشنطه للسيارة: اوف كيف هي ثقيله ولا ثور داخلها

إبراهيم: اليوم يومك ياعريس

اسماعيل: اتصل بالخبرة ما ينتظرونا

ابراهيم: انت عريس انسى الخبرة شتصل لهم بعدين حاضر يلا فين أبي وأمي

اسماعيل: داري بهدار النسوان ما يخلص هاه جوا

ابراهيم  فتح الباب لابوه وامه وغلق الباب حق البيت وحق السيارة طلع اسماعيل وحوريه حجرت

اسماعيل: سمعتي بنا الناس مش هنا

حوريه: مالك يا اخي انت عريس عريس افرح

اسماعيل: افرح تمام بس مش قدام الناس بدعتي بنا

علي: سوق وابصر قدامك لا تفعل حادث بدل العرس جنازة

مريم: علينا اسامي الله

اسماعيل: ابسر ابوه وهدأ السرعة





📚 @rewayatyamania  🇾🇪

.

البــارت 3``

قلـوب منكسـرة 💔


👌🏻👇🏻 😍
📚 @rewayatyamania  🇾🇪


وصلوا للبيت الكل استقبله بحفاويه والزغاريد ملان البيت

محسن: اهلا وسهلا ارحبوا فوق العين والراس

صالح: اهلا وسهلا وشاور ابوه هذا ادوا معاهم كاتب العدل او اتفقتوا عقد والكل

محسن: ايوة اتصل لي علي وبلغني وانا نسيت من الربشه

الكل دخلوا الديوان ووزعوا القات والماء للمعازيم اتفقوا على كل شي ووقت الزفاف.

علي: قوم يا ابني سلم على عمك محسن وهات الشنطه يطلعوها للعروسة

اسماعيل سلم على عمه وحب راسه وشل الشنطه صالح للعروسه

علي: العرس بإذن الله بعد شهرين جهزوا نفوسكم واحنا والكل

محسن: عندي طلب يا حج علي

علي: اطلبوا احنا ما جينا هنا الا نتفق

محسن: العرس يكون في القريه حقنا والحمدلله القريه واحدة وانتوا ماشاء الله معاكم هنا بيوت

علي: انا قد كلمتهم بهذا الموضوع من قبل لاني مااشتي اعرس لعيالي الا في القريه اهلنا واصدقاءنا هناك

محسن: الحمدلله اننا متفقين على بركة الله

علي دعى كاتب العدل وعقد لهم

كاتب العدل: قول يا ابني بعدي (ابوها) زوجتك ابنتي المسماه بينكما على سنه الله ورسوله ( كانوا زمان مايذكروا اسماء بناتهم قدام الناس) 

اسماعيل شل يده كاتب العدل وقال وانا قبلت

تعالت الزغاريد في ارجاء البيت وقام ابراهيم نثر الزبيب واللوز في القاع والكل هجم وشل في جيبه.

علي: هذا الكيس للنسوان هاه شله لهم

شله صالح ومكن امه تقسم لهن

@rewayatyamania المصدر الأول للروايات


عند النسوان

سيدة: الف مبروك يابنتي وبالرفاة والبنين

حليمة: الله يبارك فيكم يماه ونزلت دموعها

زوجة اخوها: يوه مسرع قدش عتبكي خلي الدموع لوما تسيري

حليمه شافتها واتغاظت منها لانها عارفه ان هي ما تحبها جالست في البيت ناقر ونقير

مريم قامت ولبست العروس الدبله والبدله الذهب وحجرين النسوان

حوريه: الف مبروك يا مرة اخي

حليمه: الله يبارك فيش تسلمي اختي
.
.

بعد العشاء غادروا جميعا

علي: الحمدلله كملنا عقبال ابراهيم نعمل له خطوبه وعرس ان شاء الله

ابراهيم: لو قد به عادي انا جاهز

مريم: لا تستعجل عادك صغير عسي الله كم قد عمرك يا ابني مابش شي بينكم

اربع سنوات انت 19 واخوك 20 سنه اكبر شويه وما عليك الا نزوجك


اسماعيل دخل الغرفه وبعده ابراهيم

ابراهيم: هات حبه شقارة امانه اني اليوم مخوي ولو به مشروب عادو احسن

اسماعيل فتح الباب والتفت يمين وشمال وغلق: مالك يامجنون هنا وسط البيت والله لا ابوك يقتلنا

ابراهيم: خلاص جي نخرج عند البرك نتخبي ما افعل قد انا ما بين اجمع

اسماعيل: يلا الحقني نزلوا دلا وفتحوا الباب وشلوا الشقارة والقارورة واتخبوا وراء البركه (البركه هذه الذي يطلعوا منها الماء يسقوا بها الزرع) 

اسماعيل شرب لما شبع هو وابراهيم وطلعوا البيت وهم يتراجموا

ابراهيم: اخي تقول قد رقدوا والا عادهم

اسماعيل: اص لحد يسمعك يلا سير مكانك وغلق الباب

ابراهيم: ناهي ياعريس الغفله والله ان هي عتودف بنت عمك محسن ورجع يضحك

اسماعيل: يوه ويحين احضن المرة بدل الوسادة هذه وغاب عن وعيه
.
.

مريم قامت تصلي فجر وجلست فوق السجادة تدعي لعيالها إن الله يهديهم ويصلح لهم

علي خرج الجامع وجلس فيه يقرأ قرآن للصبح ورجع البيت

مريم: حوريه جي يابنتي ساعديني نجهز الخبز الدافي والذمول ابوش قد جاء

حوريه: يلا الآن تمت تقرأ قران وسارت المطبخ

علي: مريم عيالش ما قد قاموا أطلع أقومهم

مريم ماسمعت وطلع لا عند أسماعيل بس وقعت له صدمة كبيرة

اسماعيل خاف من ابوه لما شافه يشرب شقارة

  علي: مابتعمل يا كل........

اسماعيل: عادي بشرب شقارة مشو حرام

علي: عادك تتفلسف من اي حين اتعلمت هذا ياعديم التربية

اسماعيل: حسستني اني قد بين اعمل الحرام وسط الغرفة

علي: ماهو والله لا اربيك واعلمك كيف تتكلم مع أبوك ياوغد

اسماعيل: يف من قلي ما اغلق الباب علي نفسي وأهجع

مريم وابراهيم طلعوا على صياح علي

مريم: مالك ماقد به

علي: جي أبسري ابنش ما يفعل المحترم بيشقور وهو داري انه مضر على الأقل يخاف على نفسه وخرج من الغرفه

مريم: سمعت أبوك ارحم نفسك ياولدي وابعد عن اولاد الحرام يلا انزلوا أصطبحوا شرق

ابراهيم: لو يدرى الفعايل الكبار ما عيفعل مدري يقتلنا

اسماعيل: اسكت انت الثاني ابوك حق جامع وقرآن يسير ويجي للجامع والله ماهو داري بلذة الحياة وكيف هي


ابراهيم: أنا والله بين اخاف منه لو ابسرني أنا أنت قلبك قوي مايهمك احد تعمل الذي في راسك يلا يلا لا تخلي أبي يجلس يصيح نازل

اسماعيل كمل يشقور ونزل اصطبحوا وسار اسماعيل حب رأس أبوه  خلاص يا أباه حاضر مابشربها ابدا ( والله لو اجلس اتقالع أنا وهو ما بتدخل عليا مرة) فكر

ابراهيم شاوره آنا منك صدق بتتحاكا

اسماعيل بهرر فوقه يسكت مش وقت هدار الآن

ابراهيم سكت واصطبحوا وخرجوا لعملهم


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 4``

قلـوب منكسـرة 💔

👌🏻👇🏻 😍
📚 @rewayatyamania  🇾🇪


مريم: اقطبي يابنتي نسير المرنع (يعني ارض يخرج منها الماء وفيها اشجار وزرع محاصيل زراعيه عنب وبلس شوكي ورمان وغيرها) يارب تكونوا فهمتوا كانت زمان لو احد منكم اجداده عادهم جالسين الله يطول بأعمارهم يسألهم وبيلاقوا الجواب الشافي نرجع للروايه 🥰

حوريه: حاضر أنا شأنزل الغنم يرعين وأنت يماه سيري أحلبي البقرة والله ان هي ماتشتيش الآ انتِ انا تبسرني ترجع تتنبع ملان الحضيرة

مريم: لأنش ماتحبيها بتحلبيها لوما توجعيها الحيوان يشتي تعامليه بحب والله انو يحس بش

حوريه: مايعجبني هذا العمل يتعب يلا شنزل خاطرش يمه
.
.

علي: أبسر الحج محسن في الجامع السلام عليكم ياحج

محسن: وعليكم السلام ورحمة الله وبركاته مالك اليوم ياحج علي بين ابسر صورتك مقلوبة

علي فكر في نفسه لو يدرى ان اسماعيل لا بيصلي ولا يعرف الله وبيشقر والله مايرضي يدي بنته له: ولا شي بس قدو الكبر والتعب

محسن: كلنا قد احنا كبار والعمر ما عادو مثل أول كل ماتجي سنه الاشياء تتغير

علي: الله يرحمنا برحمته علي بقيه العمر ونزوج العيال وكل واحد يقوم يبسر حياته والدايم الله

محسن: ونعم بالله وجلسوا يقروا قرآن لا وقت الغداء يلا خاطرك وموعدنا العرس حق الولد

علي: إن شاء الله

@rewayatyamania المصدر الأول للروايات

◇◇◇◇

مريم  رجعت هي وحوريه البيت خبزين الخبز الدافي وفعلين العصيد وبنت الصحن والمرق الذي شمها يفتح النفس ذبحوا عجل

مريم: سيري لا بيت عمش محمد شلي لهم هذا المرق واللحمه عمتش فاطمة والدة

حوريه: حاضر يمه ولبست الستارة وسارت دقت الباب

محمد: من في الباب

حوريه: انا ياعم حوريه

محمد: حيا ببنت اخي كيف هو علي وكيف أنت يابنتي

حوريه: كلنا بخير شلوا هذا ادته امي وقالت تسلموا علي عمتي فاطمه

زينب: حيا ببنت عمي مالش ادخلي عندنا اتغدي

حوريه: كيف حالش يازينب أسهل عنجي بعد الغداء ونجلس جمعه

زينب: حيا بكم فوق عيوننا سلمي علي عمتي مريم

حوريه: الله يسلمش مع السلامة

زينب: في أمان الله

مريم: مالش يابنتي اتأخرتي

حوريه: عمي محمد يسلم عليش وزينب قالت نجي بكرة عندهم دخلت مكان الولاد حق عمتي فاطمة

مريم: الله يسلمش كيف عمش محمد كان نفسي ازوج زينب باسماعيل

حوريه: عاد هي صغيرة 15 سنة وعمي يمكن ما يوافق كله نصيب قد خطبتوا له والله يتمم لهم على خير

مريم: كله نصيب الله يدي لش نصيبش يابنتي ابن الحلال الذي يصونش من بعدي

حوريه: الله يطولنا بعمرش وسارت تكمل عملها
.
.

بعد مرور شهرين جاء موعد الزفاف..
ساروا قريه القابل وعملوا له عرس اتحاكوا به الحارة كلها غدوا اهل الحارة والضيوف

اسماعيل دخل على عروسته حليمه وما عجبته قال في نفسه هذه قدي كبيرة اكبر مني

حليمه ابسرته واستغربت ماله هذا عقد حواجبه هكذا حتي ماسلم عليا

اسماعيل جلس يبسرها خيرات بس مايعمل قدو في الوسط وغلق الغرفه
.
.

مريم: يوة والتعب اخيرا كملنا

علي ساكت

مريم قدك تاعب اومه

علي: ايوة ماعد قدرت اسنب من التعب ارقدي وخليني ارقد شل البطانيه وغطى راسه

ابراهيم خرج الحوش يشقر وابسر لا عند شقة اخوه يعلم الله وانا اي حين
.
.

في اليوم الثاني

اسماعيل: ودافه هذه مشي بنت وجلس يفكر اقول لامي وابدع بها والا اسكت

حليمه ابسرته عادي ولا كأن به شي

اسماعيل: طلع الجني في رأسه وسوس له ابليس (مالك مابش معك ناموس كيف تسكت على واحدة مثل هذه وجلس يوسوس له): قلي لي من زاد عليش اتكلمي قبل ما اصيح ملان البيت

حليمه: ماهو هذا الخبر حقك كيف من زاد عليا

اسماعيل: قرح آنا واعدك تتكلمي بكل برود من لمسك غيري

حليمه باستغراب: يوه ماهو هذا الكلام

اسماعيل جن جنونه لبرودها: يلا اخرجي من المكان الآن

حليمه بكيت بحرقه

اسماعيل نزل ودق الباب على ابوه وامه

حليمه نزلت بعده بخوف

اسماعيل: اباه اتصل لابوها يجي لها يشل بنته هذه كيف اتكلم

مريم: مالك يا ابني صلِ علي النبي واذكر الله

علي: ياالله نسيت اكلمه (ابو حليمه بنتي اتزوجت واتطلقت بعد شهر ماسدوا ماحصل نصيب بينهم كانت مشاكل بس انا مااشتي احرجكم) 

علي: كله قسمة ونصيب ما تعمل اسهل عنكلم اسماعيل انها مش بنت بنوت

اسماعيل: يعني كنت كنت عارف من قبل ان هي مطلقه كان ماله ابوها مايشتي مهر خيرات

حليمه خافت لا يطلقها مثل الاول وسكتت ماتشتي ترجع عند مرة اخوها تعايرها

اسماعيل طلع وغلق الباب: والله اكتسرت نفسي بختي مانعمل الحجه عند ابوها ماقلي وحدي سار يكلم ابي الذي قد بينسى اسمه

ابراهيم ابسر حليمه ورحمها كيف خرجت من الغرفه مفتجعه

حوريه: اطلعي عند زوجش وكل شي له حل

حليمه طلعت فتحت الباب ودخلت جلست ساكته

اسماعيل ابسرها وقدو محمر وجهه: قومي من عندي يله ولا ابسر وجهك

حليمه نزلت وهي تبكي قهر وما دريت كيف تعمل

مريم طلعت لاعندهم




📚 @rewayatyamania  🇾🇪

.

البـارت 5``

قلـوب منكسـرة 💔

للكـاتبـة: هنـاء عبـدالعـزيز

👌🏻👇🏻 😍
📚 @rewayatyamania  🇾🇪


مريم: اتعوذ من الشيطان يا ابني خلاص وقعت الناس عيسمعونا غطي على الموضوع بعدي ما عملت شي حرام كله نصيب وأبوك هو الغلطان قدك داري أنه بينسى

أسماعيل ساكت وقال في نفسه والله لا أوريكم لما يجي وقته أسهل أسهل

أبراهيم سار من البيت عند أصحابه

اسماعيل ابسره من الطاقه ونزل بسرعه وسار معه

ابراهيم: خلاص يا أخي سبر ما تعمل هي تجي تقلك ان هي قدي مطلقه خلاص ارضي بنصيبك

اسماعيل: نصيبي ناهي وسكت

رجعوا بعد الظهر اتغدوا وخرجوا عند عيال عمهم في القرية

واحد من عيال عمه: ماللعريس مسرع خرجت من عند المرة حقك

اسماعيل ماقدر يصبر بز بنفسه وخرج وبعده أبراهيم: من بكرة نرجع صنعاء والله ما اجلس هنا دقيقة

ابراهيم: احسن ماتعجبني القرية

@rewayatyamania المصدر الأول للروايات

◇◇◇◇

مريم: كان مالك امس ساكت ما رضيت تتكلم وشليت البطانيه ورقدت

علي: مااسوي حرام البنت مسكينه ماذنبها والطلاق مشوا عيب ولا حرام وقد قلت لأبوها هذا الكلام والرجال حطنا فوق راسه ازيد انا اجي اقله مانشتي بنتكم وقد قريت الفاتحه في وسط بيته والله لو قد أنا قليل أصل

مريم: باين على البنت مسكينه مانطقت بحرف لوغيرها عتبز بنفسها وتسير بيت أهلها

علي: هذا الولد عاصي والديه أبن كرها جاء أديتي أربع بنات في بطنين توأم توأم
مابقيت الا حوريه شل الله حقه ولوما قالوا لي رزقك الله بولد فرحت وحسيت أنه عيوقع سند لي لوما اعجز ،،،،،،،،،،،،، (لا تتمنوا لا مال ولا ولد)

مريم ذكرت بناتها ونزلت دموعها لكن الله رزقها بحوريه تسوي الدنيا ومافيها



رجع إبراهيم وإسماعيل من خارج

إسماعيل: اباه من غدوة شرجع صنعاء مااشتي اجلس في القريه اذا تشتوا تجلسوا براحتكم

علي: على الاقل لما نكمل الثالث حق البنت ونقول لاهلها ياابني عيب عليك قد أنا كبير تبدع بي هكذا

إبراهيم: صح عيب والله لا يتكلموا علينا الناس زيد استحمل

إسماعيل: أااااااااف يلا بعدها نرجع صنعاء
.
.

اليوم الثاني
جين النسوان بيت علي ولبسوا الحريوة المطرز وحجرين النسوان

سيدة: أبسرت بنتها حليمه مالش يابنتي صورتش ما عجبتني كأنش مش أنتِ فارحه وما بتضحكي

حليمه اتذكرت كلام إسماعيل (والله لو تتكلمي لا أزفرش بيت اهلش معاهم هاه بالي وبلاش ): هاه ماشي بس قد أنا فاقدة لش يمه

سيدة: يوة يابنتي هي زواجه بعدين احنا جنب بعض بيننا شارعين في صنعاء اي حين ما تشتي جي عندي

حليمه بلعت الدموع وسكتت

جلسين النسوان للمغرب وسارين ويوم الثالث عملوا لها تاج يمني بس ماحست بفرحة



اليوم الرابع..

اسماعيل: يلا قومي جهزي نفسك واطرحي الادة (الثياب) في الشنطه

الكل اتجهز وغادروا القريه واهل حليمه جلسوا اسبوعين في القريه عند اهاليهم كانوا يعزموهم غداء


فوق السيارة

مريم: كان نفسي اجلس ابسر اهلي سوي وازورهم

علي: ارجعي سيري شلي حوريه وسيرين

اسماعيل: اهلنا مش هم هناك كلهم قدهم في صنعاء بعدين من بقي منهم غير بيت ال-------

ابراهيم: هذه القريه ماتعجبني احسها ضيقه

علي: قدي قرية اجدادنا وأباءنا لوما أموت اقطعوا كل شي

مريم: الله يدي لك العافيه مالك قد خلاص يئست باقي ابراهيم وحوريه نزوجهم

ابراهيم فرح لكلام امه: ايوه يمه قلي له يزوجني

مريم ضحكت: ما عندكم الا الزواجة وذكر الله مش انتوا داريين وين هو

حوريه كانت مستمتعه بالمنظر تبسر السهول والأوديه وتسبح الله في ملكه

مريم ابسرتها وضحكت انه ماعقل لها ما قالوا ودعت لها أن الله يرزقها برجال يخاف الله فيها

اسماعيل شرد ذهنه وجلس يوسوس له ابليس ( وزد شليتها معك بدل ماتطلقها)
اين رجولتك مابش معك كرامه ولا ناموس ابسرها جالسه تتفرج الطريق وتبسر الناس من ضحك عليك يا ادوع بباقي مرة قد عسها رجال غيرك يامضحكه، وجلس يضحك)

اسماعيل ابسرها وهي تتفرج الطاقه ودعس بنزين قوي والسيارة هرولت بسرعة

علي: هدي السرعة هدي السرعة

مريم جلست تتشهد وحوريه وحليمه مسكين الكراسي من وراء الامامية

ابراهيم مسك السكان وحدره الاتجاه الآخر

حوريه صاحت: ياالله سترك

علي: الله لطف الحمدلله علي السلامة كان عيوقع حادث اعوذ بالله لو ما إن إبراهيم مسك السكان كنا في عداد الموتي

أسماعيل: الله لطف مدري من اين خرج لي هذا ال......

مريم: السرعة مابش أخس منها الحمدلله انك مسكت لا قدر الله وقع بنا شي

حورية مسكت حليمة وحضنتها وبكيين الثنتين حورية خوف على الكل وحليمة كرها وقعت لها تبكي بحرقة ما وقفت طول الطريق


وصلوا البيت العيال شلوا الشنط ودخلوهن وحورية فتحت باب البيت وطلعين أرتجمين فوق الفراش ولا قتلى

مريم: سير يا أبني أبسر مرتك حرام عليك ما ذنبها قد سبر خلاص قد أحنا في الوسط

أسماعيل ساكت وما بين بشي هز رأسه وخطي

أبراهيم: ...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 6 ``


قلـوب منكسـرة 💔
👌🏻👇🏻 😍
📚 @rewayatyamania  🇾🇪


وصلوا البيت العيال شلوا الشنط ودخلوهن وحورية فتحت باب البيت وطلعين أرتجمين فوق الفراش ولا قتلى

مريم: سير يا ابني أبسر مرتك حرام عليك ما ذنبها قد سبر خلاص قد أحنا في الوسط

أسماعيل ساكت وما بين بشي هز رأسه وخطي

أبراهيم: يوه والتعب هذا وهي الا ساعه كيف لو كانت بعيدة ورقد على طول وعادو صبح

مريم سارت المطبخ تعجن غداء وتفعل ما قسم الله مدري كم قد الساعة أبسرت علي: تقول كم الساعة ذلحين

علي: قدو ظهر باقي للأذان ساعه ونص يلا أسير الجامع

مريم: راعي اصطبح عادك من فجر لوما اكلنا صغيرة لقمه

علي: الحمدلله شابع يلا خاطرش سوين غداء سوا بنت الناس معانا حرام ماابسرت عرس سوا من ذمة أبنش

مريم: وين ساروا عيالك

علي: مدري خاطرش سيري أبسريهم

صيحت مريم لحورية وحليمة: يا بنات جين نسبر غداء نقطب شرق

حليمة: حاضر ياعمة جيت وحورية نزلت تعاونهن

حورية جلست تضحك كلما تتذكر الموقف حق الطريق وكيف بكيين الثنتين مثل الأطفال وحليمة تضحك بعدها ومريم تضحك

مريم: أمانة أنكن موتني ضحك كله ولا حليمة كرها وقعت لها


اسماعيل نزل: مالكن ماقد به جاوع هاتي لي صبوح

مريم: قدو ظهر أصبر شويه ياابني سير ادعي اخوك وجي

اسماعيل: سار رقد لوما دعوه غداء
.
.

بعد الغداء خرجوا الرجال ونسوان الحارة جين يباركين للحريوة

المرة: أبسري على حزن فيها ولا كأنها حريوة مالها تقلي

الثانية: مدري يعلم الله مالها عيونها منفوخات

المرة الأولة: ابردي لش هذا يعلم الله ماوقع بينهم

مريم ابسرتهن: هيا مالكن تتشاورين جيتين تنمين عندي

المرة: ماشي ياحجه مريم مابلا بين اسألها مالها الحريوة أو أحد غثاها

مريم: للمه هي ذكه مثل القمر ماشاء الله عليها بس مارقدت عاد احنا جينا من السفر وانتين ما شاء الله عليكن مسرع جيتين تتبسرين

النسوان خرجين بعد بعد

مريم: مع السلامه جين يهدرين ماعد به حياء

حورية: اماه يوه مالش اليوم والله لا يتحاكوا علينا الجيران من اتحاكا اتحاكا الناس ما معاها الا الكلام في وجهش ولا في قفاش

حليمة طلعت المكان وغلقت ورقدت لوما جاء اسماعيل وهي راقدة

اسماعيل: مرقدة ترقدش قومي ادي لي عشاء

حليمة فتحت عيونها وحست أنها بتحلم وفتحتهن مرة ثانيه لقيته فوق راسها وخافت وقامت للمطبخ تصلح له عشاء

@rewayatyamania المصدر الأول للروايات

◇◇◇◇

في اليوم الثاني

مريم: ماله اسماعيل أمس

حليمة: سرت اسوي له عشاء وقلت له اسير بيت اهلي ازورهم قد لي خيرات من بعد ما جوا من القرية قام يصيح فوقي

مريم: أنا شا أحاكيه عيب مايسبر يمنعش من بيت أهلش

اسماعيل سمعهن: اها بتشكيني لاعند أمي والله لو تكلمي الجن الازرق مابش يعني مابش أنا شا أوريش

علي نزل: هيا ياحجه وين الصبوح

مريم: يوه جعلي مكسر الآن شويه وهو جاهز امد ما اقربه

ابراهيم أبسر أمه وأبوه كيف هم متفاهمين مايحبوا المشاكل

حوريه: هيا صبوح سيري أدعي زوجش من طالع يلا

حليمه طلعت: هيا صبوح

أسماعيل ابسرها وعيونه بتخرج شرار ونزل

مريم: يلا ياابني شرق على أبوك

اسماعيل حب راس ابوه وجلس ياكل

علي استغرب كيف له وقال الله يهديك يعلم الله ما يشتي كان بي فكر في نفسه

مريم بعدما كملوا يصطبحوا وجالسين يشربوا قهوة: أبني خلي مرتك تسير عند أهلها حرام عليك قد لها خيرات ما أبسرتهم

اسماعيل: هذا بيننا محد يدخل تخرج بأذن مني أنا

مريم: وأنا أمك عاد لي قول في هذا البيت

اسماعيل حبها في رأسها وطلع وقال لحليمه تجي بعده

اسماعيل: خرجه من البيت ما بش فاهمه لو تدي من اديتي مابش خرجه

حليمة: للمه ما قد سويت هذه ما عادي عيشه

اسماعيل: بترفعي صوتك على من ولطمها في وجهها

حليمه وقع لها صدمة: والله ما اجلس لك في بيت

اسماعيل: لو تخرجي من هذا البيت انش طالق بالثلاث وخرج من البيت

حليمه من الغضب لفت حاجاتها في الشنطه بعدما خرج وسارت بيت اهلها


محسن وسيدة استغربوا حين جت مع شنطتها

حليمه: خلاص ماعد قدرت يمد يده فوقي على مه مافعلت

محسن: مالش يابنتي خير قولي لي

حليمه: كلمت أبوها بكل شي من اول يوم مادخلت بيتهم وأنه ما لمسها الا مرة واحدة وقد لهم ثلاثه اشهر وأنه دري انها مطلقه ومحد قله

محسن: أنا كلمت أبوه ليش ما حاكاني وكنا عنفسخ العقد

حليمه: خلاص ياباه ما اشتي ارجع له لو قدو اخر يوم بعمري

سيدة: خلاص مشو اول رجال وآخر رجال ولا تسير لاعندهم بنتنا لها كرامة هم يجوا لاعندنا مش احنا نسير نترجاهم يرجعوها عتبخس بنتك يكفي آهانه

محسن سكت ورجع قال: خيرة الله احسن من كل خيرة الولد قليل أدب مشو مثل ابوه محترم
.
.


حوريه: طلقتها يوه ما عيقلوا الناس

اسماعيل: من قال قال ماافعل ماقدرت احبها وما عجبتني من البداية

مريم: ماكنت خليتنا نزوجك بسرعة والله ان هي مسكينه ماقد احد سمع لها صوت

ابراهيم: ...





📚 @rewayatyamania  🇾🇪

.

البـارت 7``


قلـوب  منكسرة 💔


👌🏻👇🏻 😍
📚 @rewayatyamania  🇾🇪


مريم: ماكنت خليتنا نزوجك بسرعة والله ان هي مسكينه ماقد احد سمع لها صوت

ابراهيم: خلاص يمه سبر اذا يشتي نرجعها عنسير أنا وأبي لاعندهم

أسماعيل: لو تدخل مرة ثانية لهذا البيت فهي طالق طالق طالق خلاص من دون رجعه

مريم: يوه يوه والفعله الشيطان لعب بعقلك حسبي الله ونعم الوكيل

علي سمعها: مالش يامرة تحسبني

اسماعيل: طلقت حليمه وبالثلاث ومن دون رجعه

علي صيح: ماهو مافعلت

اسماعيل: طلقت المرة عادي مااشتيهاش مشو غصب

علي: حسبي الله ونعم الوكيل فيك ما أقل لأبوها حسبي الله فيك

مريم: لاتجلس تحسبن علي الولد خلاص كله نصيب

سمعوا دقة الباب

اسماعيل فتح ووطى رأسه

محسن: أين أبوك أشتي احاكيه

علي: اهلا وسهلا أتفضل

محسن: جيت للداة حق بنتي ماعد به بيننا كلام يدي ورقة بنتي وحقوقها الذي شرع الله

اسماعيل: مابش عندي لها شي بنتك خرجت من غير أذن وقد حذرتها كسرت كلمتي وخرجت من الغلطان وازيد أدي لها حقوقها قد شلت كل شي ذهبها عندها

رجعوا خسارتنا وكل واحد يسير في طريقه

محسن سكت ولا قدر يدي كلمة بعدما عرف أن بنته فعلت هكذا شل بقية أداتها ورحله البيت

فتحت بنته لطمها ملطام وسكت

حليمة صاحت: مافعلت ياباه مالك عليا بتضربني وأنا بنتك 

محسن: ولا كلمة قدش اخبر ما سويتي رجعت الحجة عليش خلاص ذلحين اطلعي من قبال وجهي لا اتحمل بمصيبتش

سيدة: ماسوت وللمه تضربها هكذا

محسن: قلها بكل شي

سيدة: وذلحين ماعيدوا لها شي

محسن: شلت ذهبها ماعد به تشتي ورث وعادو حي

سيدة طلعت حامية وجلست تحقرها: شلوش انت داريه أن ابوه عالم وداري ماهو الشرع ماذلحين خليش لوما يجي الثالث هذا اذا جاء

حليمة جلست تبكي بحرقة في شي على ظلمهم لها وفي شي علي هبالتها

@rewayatyamania المصدر الأول للروايات

◇◇◇◇◇

🌹بعد مرور خمسة أشهر

الناس نسيوا طلاق أسماعيل وحليمة وهذه الاخيرة اتزوجت على طبان ولا زد ادت نخس وعاشت مع ضرتها غصب عنها

علي: عيجوا ناس من القرية يطلبوا بنتش حورية

مريم: يوه جنة نفسي ابسرها حريوة قبل ما أموت ومن هم

علي: بيت ال......... ناس من القرية ابسروها في عرس اسماعيل قالوا لي بس مع دوشة أسماعيل قلت نأجلها شوية والآن الأمور سبرت طلبوها مرة ثانية

مريم: حيا بهم اعرف مرته طيبة قوي كانت تجي تخبز معانا في عرسة
.
.

اليوم الثاني

جوا الضيوف من القرية وفعلوا غداء كبير عزموا اهلهم كلهم

علي: أرحبوا فوق العين والرأس

شرف: تسلم ياحج علي الله يسلمك

حسن: قام وحب رأس عمه علي

علي: ماشاء الله الله ينور قلبك يبني


بعد الغداء اتفقوا علي كل شي وحددوا موعد الزفاف

زوجة شرف حفيظة: من هذة وأشرت لاعند فاطمه

مريم: هذة سليفتي مرة محمد اخو علي وهذه بنتها زينب

حفيظة: ماشاء الله كم عمرش يابنتي

زينب خزيت: عمري 15سنة

زينب حلوة بيضاء شعرها ناعم عيونها أسود عسلي وجهها حلو كانت القمر حقهم

فاطمة أشرت لزينب تقوم للمطبخ

زينب بضبح: مالها تية جالسة تتسأل ماعليها

حورية ضحكت: لاتضبحي ولا شي كله هدار نسوان

اسماعيل ابسر زينب بنت عمه وانبهر بها (زمان ما كانين بنات العم يكشفين على ابن عمهن) ماشاء الله هذه زينب أعرفها وهي طفلة مسرع شبت ودخلت راسه


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت  8``


قلـوب منكسرة  💔

👌🏻👇🏻 😍
📚 @rewayatyamania  🇾🇪


بعد شهر عملوا عرس لحورية وسارت القرية مع زوجها

مريم: يوه كيف البيت من دون حورية نفسي اسير ازورها للقرية

علي: غدوة خميس نسير ونجلس للجمعة ونسير السبت الصباح ولا عليش واتصل
لشرف وبلغهم

حورية فرحت: يوه كم قد انا فاقدة لأمي

حسن: ياريت يجوا يجلسوا هنا في القرية معاكم أموال خيرات مفلتين كل شي لمن

حورية: ابي مايشتي الا صنعاء مايعجبه القرية واخوتي والكل يعجبهم هناك

حسن: وأنتِ أينه يعجبش

حورية: المرة بعد زوجها لو يسير بلاد الروس

حسن ضحك وحمد الله انه رزق بمرة عاقلة
.
.


يوم الخميس الصباح

قامت حورية فجر صلت ودعت لهم ونزلت تعجن صبوح دافي وغداء مراعية لأبوها وأمها يجوا

حفيظة: مرة ابني القمر ماشاء الله عليش قد كل شي حاصل بارك الله فيش يابنتي

حورية دعت حسن وعمها شرف وقاموا اصطبحوا خبز دافي وجحين وقرم (القرم يعني ذمول حق اصحاب صنعاء)


بعد ساعة جوا أهلها

شرف استقبلهم وحسن

حفيظة: حيا حيا القرية نورت

مريم: منورة باصحابها ، حورية سلمت على أبوها وأمها واسماعيل وابراهيم

قربت لهم الصبوح الدافي وبعدما جلسين للساعة تسع قررين يخرجين للقرية دورة

حفيظة: اشلكن دار الحجر تبسرنه

حورية فرحت كان نفسها تبسره من زمان، طلعين الدرج وكان به الحارس حق باب دار الحجر فتح لهم ودخلين

مريم ورت حورية الغرف: أبسري يابنتي هذا الديوان الملكي ابسري كيف هو وعلى خرشات من حق الأولين وورتها بقية الغرف كان مليان غرف من الطاقه ابسرين هذا البستان فيه كل شي من ما خلق الله عنب ورمان وموز والتين الشوكي....

حفيظة: هذا كله حق الامام

مريم: جين بعدي وسارين عند النافورة حق البستان وطلعين المدرجات الزراعية

حورية: ماشاء الله كيف بيقدروا يبنوا هذه المدرجات

مريم: مشي بناية هذا بيحرثوا الارض ويزرعوها مدرجات جنة خضراء ايام الربيع والخريف حالي والشتاء ماعاد تلقي شي

حفيظة: والله إن الخرجة معش ياحجة مريم حالية قوي شرجع البيت معي عمل

مريم: راعي هاه نرجع جمعة للمه تفلتينا ورجعين جمعة وكانين يسلمين على النسوان طريق طريق وعزمنهن جلسة في البيت بعد الغداء

حفيظة: عزيزة يابنتي جي طلعي امش مريم الديوان والا المكان تصلي

عزيزة: حاضر يمه وشلتها غرفه الضيوف وقدمت لها السجادة

مريم عجبتها باين عليها مشحوطة: اسلمي يابنتي ماابسرتش لوما جيتوا عندنا

عزيزة: البنات يجلسين في البيت عندنا عيب نسير بيت النسب

مريم: ها هو صدق مدري مالي يابنتي قد بين انسى يلا جي وريني فين هو الحمام



بعد الغداء
جين النسوان وفعلوا جلسة حالية والرجال ساروا بيت الجيران


في العشي

مريم: ياحج علي اشتي اقلك حاجه

علي: ماقد به

مريم: عجبتني بنتهم اشتي نخطبها لابراهيم ما رأيك قد احنا هنا

علي: ناهي بس مايسبر ذلحين خلينا نطلع صنعاء ونقل لابنش وبعدين يكتب الله النصيب

مريم: إن شاء الله بنتهم حالية قوي وجلست تقله ما فعلت لها

@rewayatyamania المصدر الأول للروايات

◇◇◇◇◇

في يوم الجمعة
عزيزة وحورية في المطبخ وشم الفطير والخبز ملان البيت والمطيط الدافية والسحاوق الذي شمها قبل طعمها عمر حالي

مريم: طلعي هذولا لاخوتش وابوش ياحورية، 

حاضر يمه


سبح الجمعة ساروا يصلوا في الجامع واتغدوا وخزنوا وفي صباح اليوم التالي غادروا القرية

شعرت حورية بحزن لما غادروا بس رجعت تتأقلم مرة ثانية

وصلوا صنعاء

مريم: يوه كأن قد لي من بيتنا عمر ودنيا

علي: هي يومين وقد لش عمر

مريم: ابراهيم جي احاكيك

إبراهيم: حاضر يمه اطلع الشنط واجي

علي: مابلا تحاكيه راعي شوية ماقد وصلنا سوا

إبراهيم: هاه جيت

مريم: اشتي اخطب لك عزيزة مارأيك

إبراهيم: صدق وحب راس امه يافرحتي

اسماعيل: وأنا معه اشتي اتزوج

علي: ماقد مضت سنه على زواجتك الاولة قدك تشتي الثانية

اسماعيل: هي كلمة ماشي والله ما اجلس لكم في بيت

مريم: يوه والفعلة مالك ياابني هكذا ماتشتي الأ قولك ندور لك بعدين اسهل

اسماعيل: اشتي بنت عمي محمد زينب والله ما تكون لأحد غيري لا اقتل الذي يتزوجها هي كلمة وعشر سوا

علي: أبسرتي أبنش بيتحداني هذه آخرة الدلع حقش

مريم: أنت بترجع فوقي هذا دلعك أنت تدي لهم كل شي ماطلبوه أديته لهم هكذا وعادهم صغار لوما ولفوا كل شي جاهز لهم ماخليتهم يطعموا كيف يشقوا ويدوا القرش ويطعموا الجوع الذي احنا كنا نعانيه

عادك تذكر أبوك الله يرحمه كيف فحسك وخلاك رجال وأشتغلت لوما أشتقيت نسيت والا أذكرك المعاناه الذي عشناها

علي: أنا مااشتي عيالي يذوقوا ماذقناه وتعبت على سبهم خلاص خليه يتزوج ببنت عمه مانفعل خيرة الله احسن من كل خيرة

مريم سارت مكانها واتذكرت كل شي...




📚 @rewayatyamania  🇾🇪

.

البـارت  9 ``


قلـوب منكسـرة  💔

👌🏻👇🏻 😍
📚 @rewayatyamania  🇾🇪


مريم سارت مكانها واتذكرت كل شي عمتها وعمها كيف كانوا يدوا لهم المصروف بقدر اليوم بس وتخبيه في الحر (مكان يطرحوا فيه أكياس البر والحب وكل شي )

كان داخل مغلق مبني من حجر صم بيوت صنعاء القديمة كانت هكذا)


علي: أخي محمد نشتي زينب بنتك لإسماعيل قدك داري أن زواجته الأوله ماسبرت

محمد: بس يا أخي البنت عاد هي صغيرة وبكر كيف أزوجها  له

علي: قله بكل شي وأحنا أخوه وما نشتي تسير البنت لرجال غريب شاوروا البنت

وأحنا بعدكم

محمد: خلينا نفكر وأرد لك خبر

علي حاكى شرف ووافقوا على طول

محمد: فاطمه أبن أخي علي يشتي زينب لاسماعيل ما رأيش بعدين زواجته الأولة ماسبرت قدش دارية كيف وقعت

فاطمة: بس البنت عاد هي صغيرة ماقد بلغت سوا أدعيها وقلها مااشتي اقطع نصيبها

محمد: زينب جي يابنتي جنبي أشتي أكلمش

زينب دخلت وجلست جنب أبوها: ماهو ياباه

محمد حضنها: بنتي القمر أبسري يابنتي الآن قدش مرة عاقله وتقدري تحددي ماتشتي وما تستعجلي لو قلتي ماشي مااشتيه وأنا بعدش ما بصمل عليش ابن عمش علي أسماعيل قدش دارية أنه اتزوج صح

زينب هزت راسها بمعنى ايوة (قدي خازية)

محمد: ويشتي نزوجك به اذا أنت موافقة على بركة الله فكري يابنتي لا تردي ذلحين

زينب وطت رأسها وحمرين خدودها وسكتت وخرجت من الديوان

فاطمة ابسرتها: يوه يابنتي والله عادش صغيرة ماقد أنتِ دارية كيف الزواجة

محمد: لا تضغطي عليها خليها براحتها تفكر

@rewayatyamania المصدر الأول للروايات

شرف كلم بنته عزيزة ووافقت كان نفسها تسير عندهم والله استجاب


صلت زينب صلاة الاستخارة لمدة أسبوع كانت دينة قوي دارية ما قال الله تعلمت على يد شيخ في المعلامة ، ووافقت بعدما قلبها اطمأن (وياريت ما وافقت بس النصيب يحكم)


محمد ابسر علي في الجامع وقله أنها وافقت بس العرس بعد عيد رمضان باقي شهر بس لرمضان

علي: إن شاء الله يدي الله العافية
.
.

مرت شهرين الى آخر يوم برمضان الكريم

مريم: اللهم اصلح أولادي ويسر لهم أمورهم يارب جالسة فوق السجادة تدعي قبل اذان المغرب

علي سار الجامع يذكر الله صلى مغرب وسار يتعشى

مريم: يلا قوموا اتعشوا قربت الشفوت والسلته والفطير والسلطة وفعلت فتوته على عسل مع التمر واللحوح مع المرق واللحمه العجل

علي: الله يديمها نعمه ويحرسها من الزوال الحمدلله دائما وابدا مريم جعالة العيد طالع في الديوان بيت أخي محمد والعيال عيجوا يسلموا وزوج حورية قدهم هنا
.
.

في صنعاء لقي حسن عمل وعيستقروا هنا في صنعاء

مريم: يوه جنة الحمدلله والله اني كنت اهم السفر هم ما عاد أنا اتحمل مشوار السفر وعلاسب تجي عرس العيال

اسماعيل وابراهيم فرحوا قدو بعد العيد الأسبوع الثاني

صلوا تراويح وجهزت مريم الديوان وفعلت الجعالة في الصحون وفعلت كعك مسمن

مريم: قد أنا تاعبة أسير ارقد كما الصبح يصبح كل خير
.
.

في فجر يوم العيد قاموا كلهم وقد الصبوح الدافي جاهز والمطيط واللحوح والقرم

(جوعتكم صح😋)

حسن دق الباب وفتح له أسماعيل: كل عام وانت بخير وبصحه وسلامه وعريس ياعريس

اسماعيل: وانت بخير يانسب كيف صحتك ويحين جيتوا من القرية

ابراهيم: كل عام وانت بخير وبصحه وسلامه ادخل الديون حيا بك

حسن: الحمدلله جينا امس العشي قلنا نعيد هنا وقدي جلسة لقيت عمل في صنعاء فين عمتي

مريم: حيا بروحي حيا زوج بنتي الغالي كيف هي حورية

حسن: تسلم عليكم غطوة عتجي عندكم ثاني العيد (عادات وتقاليد من زمان)

اسماعيل: فين انتوا ساكنين جي وصلنا للبيت نزور الكريمة

مريم: خليه يشرب القهوة وياكل كعك والجعالة لا تصدق ياابني هو مستعجل هكذا على طول

حسن شرب القهوة وشل جعالة وقام: هاه ياعمه هذا عسب العيد وين عمي علي

مريم: يوه ياابني سلمت من كل شر مااشتي الا سلامتك (طرح لها جنية فرانسي)

مريم: خرج الصبح بدري يسلم على بيت اخوة عيرجع الظهر

حسن: يلا خاطركم تشتوا شي شبسره في الجامع

مريم: الله معك صاحب ورفيق


العيال ساروا مع حسن لاعند أختهم


حورية: حيا باخوتي حيا عيدكم مبارك وانتوا بصحة وسلامة

علي: جيتوا كنتوا عتقلوا لي اراعي لكم ونجي جمعه

اسماعيل: أنت مستعجل تشتي تقطب خرجت من فجر

حورية قربت لهم الجعالة والقهوة والكعك: هيا ماقد اكلتوا شي

ابراهيم: بعد رمضان يجي الواحد ماقد اتسلكت المعدة يوقع بشمه

حورية: والله صدق حسن ابسرها وضحك حورية خزيت

حسن: اليوم كانت عتحرق بالقهوة جيت اكلمها وافتجعت كانت بتغني عيد مبارك

ابراهيم ضحك وعلي قام واسماعيل يلا خاطركم أمي تسلم عليش

حورية: سلم عليها قد أنا فاقدة لها غدوة شازورها إن شاء الله



https://t.me/+Ecxq_OzMYh40M2E0



📚 @rewayatyamania  🇾🇪

.

البـارت  10 ``


قلـوب منكسرة  💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


ثاني يوم العيد

حورية سارت عند أمها: يوه يمه قد أنا فاقدة لش كل عام وانتِ بخير كيف صحتش

مريم: حيا ببنتي حيا الحمدلله يابنتي بس قد بين اتعب ماعد انا مثل زمان

حورية: الله يدي لش العافية من حن اتزوجت وقلبي عندش كلها أيام ويجين لش نسوان اخوتي يساعدنش اماه قد انا حامل مشرعه

مريم: إن شاء الله جنة ملان الدنيا الله يرزقش الولد الصالح وحجرت ملان البيت

حورية: عيسمعوا الجيران ماقد أشتي أحد يعرف من ذلحين عيجلسوا يراعوا لي

مريم: ماعندش حجة النسوان مايصدقين يدورين أين يحتشين(يسيرين يتفرطين)

حورية: أنا شاسبر الغداء والله ماتعملي شي يمه ارتاحي اليوم جت فاطمه وزينب يساعدين حورية

مريم دعت لها من قلبها

سوت الغداء وجوا بيت عمها محمد وفاطمه وزينب يتغدوا فعلوا سفرة كبيرة للرجال وحدهم وسفرة ثانيه للنسوان ، جلسين يتجابرين فوق الغداء وماتحلى مجابرة النسوان الا فوق الاكل

فاطمه: ماشاء الله قدش حامل الله يتممها لش على خير يابنتي

مريم: عاد احنا مانشتي ندري احد غيركن تعرفي النسوان كيف هن هدارات

فاطمه: ماعندش حجه كرها يلقين لهن زوه

زينب جلست تهدر هي وحورية بعدما سارين يغسولين

حورية: العرس قرب يامرة اخي ، وزينب تضحك وتخزا تحمر مثل الطماطيس

حورية: انا فدا لهذه الحمرة يلا ياقلبي عيجوا بيت زوجي نشتي نقطب ونصلي ونتجهز

زينب: عتجي اخت زوجش كيف هي حالية طباعها لانها عد توقع سليفتي وأنا مااعرفهاش

حورية: لا تقلقي عزيزة حالية وحميش ومؤدبة بس فيها شوية حسد تشتي كل شي

زينب: خيرة الله اسهل ماهذا أهم شي دحس السلايف مايعجبني

حورية: مدري ماقد جربت وأنت لو فعلت هكذا كأنش ماسمعتي علي سب أمي في رقبتكن

زينب: أمي مريم في عيوني، كانت مريم تسمعهن سكتة وحبتها قوي ودعت لها لأنها تعرف إسماعيل وطباعه الشوعه

@rewayatyamania المصدر الأول للروايات


وجاء يوم الشؤم ليس على زينب فقط وأنما على جميع افراد العائله سوف تبداء

قصه المعاناة الحقيقية قصة مؤلمة عانت منها زينب بكل معنى الكلمه الى آخر أيامها وكذلك ...............لا اريد أن أسرع الأحداث حتى لا افسد عليكم القصة

تابعوا بكل جوراحكم 😱

جهزوا للعرس الكل مستعد لهذا اليوم بشغف ولا تعلم زينب ماذا تنتظرها من أحداث لصغر سنها عانت الكثير ورضيت بما قسمه الله لها من خير وشر💔


مريم: ماشاء الله على حقنا الحريوة اسكه وريني ماشاء الله

حورية: اليوم يوم الغسل عنسير الحمام قد جهزت كل شي لا تعملي شي يمه انتِ تاعبة أسير مع زينب وعزيزة الحمام اجهزهن

مريم: يلا يابنتي ولا تتأخري المعازيم عيجوا ومابش من يلقفهم وفاطمة وحدها في البيت حقهم نسوان الحارة الله يجزيهن الخير كل واحدة ساعدت الذي خبزت والذي سوت بنات الصحن يلا الله معش
.
.


حوريه: ماشدخل معاكن الحمام شجلس هنا أخاف ينزل الجاهل مع كثرة الحمى

زينب: يلا ناهي وسارت هي وعزيزة كل واحدة حممت الثانية

وخرجين الثنتين ولبسين اللبس الصنعاني القديم

حورية جلست تحجر وصلين البيت على لقفه النشادة وجلست تغني لوما طلعين الديوان وقربوا الغداء واتغدوا

النسوان وحدهن والرجال وحدهم وبعد الغداء جلسين النسوان يتفرطين

عملوا لهن اليوم الثاني نقش لبسين جرز اخضر وقناعات وكانين ماشاء الله على اللبس الصنعاني القديم وهكذا الى يوم الدخلة يوم الخميس

غدوا الرجال والنسوان والحراوي سارين عند المزينه لبسين تيجان ذهبي قديم صنعاني وفساتين زفاف مخيط خياط قديم بس طلع حالي قوي،،،،

والعرسان لبسوا الجوخ والعمامة كان اسماعيل وسيم جدا جسمة ممتلئ

وابراهيم ضعيف شويه وطويل ، ركبوا القناديل في الشارع والعيال جلسوا يلعبوا

وصل النشاد حق العرسان وجلسوا في الشارع يزفوا الحراوة للساعة عشر في الليل ، دخل ابراهيم على عزيزة واسماعيل علي زينب وادوا لهن حق الفتاشة كل واحدة عشر حباب جنيهات فرانصي


وبدأت حكاية زينب وعزيزة مع اسماعيل وابراهيم وشياطينهم

علي: مريم قد أنا تاعب قوي جالس مسنب لليوم هذا الله يتمها على خير ويهدي عيالش


https://t.me/rewayatyamania/52819




📚 @rewayatyamania  🇾🇪