.

#انتظرونا غدا ومع آخر بارتات رواية

على كف القدر نمشي ولاندري عن المكتوب


.

.

البـارت 111 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


تسمر سامي مكانه ولف ببطء وفتح عيونه بصدمة وهو يبسر دانيال واقف قدامه مبتسم وجنبه علي واحمد همس بعدم تصديق: دانيــــــااال

دانيال برفعة حاجب وابتسامة: ما اشتقت لي يا صديقي

سامي ومازال بصدمته: ك ك كيـ كيف هذا مش انت مت وانحرقت بالسيارة

دانيال بضحكة: هههههههههه فعلآ كانت خطة محكمة منككك انك تخلي واحد يرسل لي ان امي بالعناية المركزة لأنها تعبت فجأة.. والحلو في خطتك انك تبرعت بسيارتك اللي عطلت فراملها علشان انت متأكد اني عتسرع وماعد عتقدر اتحكم فيها واموت بقاع الوادي ههه فعلآ خطة جهنمية

سامي: طيب وليش ما مت وجثة من هذك اللي تفحمت

دانيال بملامح زعل مصطنعة: الله يرحمه كان راعي الغنم اللي حرفت السيارة علشانهن نزل يبسر وانفجرت فيه بينما انا.. نكعت من بينها اول ما انحرفت ونزلت للوادي..

تراجع سامي للخلف وماجد معه

احمد وعلي ودانيال رفعوا اسلحتهم بسرعة وبصوت واحد: مكانكككك

عض طرف شفاته بغيظ كيف انه انخدع منهم وما حتى جاء برجاله فقط هو وماجد.. بس لف وهربوا على امل يوصلوا للسيارة ولف على صراخ ماجد اللي رماه علي برجله

بسره ماجد بمعنى لا يفلت بس سامي دعمم وفتح باب السيارة يركب وشهق من الرصاصة اللي اخترقت زجاج السيارة الامامي

دانيال وهو يتقدم منه ببرود: مكانك ولا حركةة ي الجوكرر

بسره سامي بقهر وعجز

دانيال: هات سلاحكك... سلاحككك سريييعع وارفع يداتك

سلمه سلاحه ورفع يداته وتقدم احمد وكلبشه بسرعة

دانيال ونظره لحامد وعلي اللي وقفوا ماجد:  كلبشوه وخطوه للسيارة.. لف لسامي ومسكه من كتفه وقومه وانت تعال لاهانا..

خطيوا لاخلف حجار بحيث ماحد يبسرهم وتكلم دانيال: شل تلفونه يا احمد

احمد شل تلفونه وتكلم دانيال: من هو رئيس رجالك غير ماجد

سامي: ........

احمد بحدة: من هيااا بسرعةةة

سامي بقهر: عمران

احمد شل سبابته وفتح التلفون وضغط على رقم عمران

دانيال: تكلمه الآن وتقوله يجي مع كل رجالكك لاهانا ويا ويلك يبقى رجال واحد

بسره سامي بحدة ودكمه احمد بكتفه اول مارد عمران وهمس: تكلم

سامي: عمران

عمران: اسمعك

سامي ونظره لدانيال بحقد: تعال انت وكل الرجال للموقع اللي عترسله لكك

عمران: حاضر الآن 

غلق علي الخط وتكلم دانيال: نسق مع كل العناصر الكل يثبت في مكانه

علي وهو يوقف: الآن

@rewayatyamania المصدر الأول للروايات

بيـــت الشيـــخ..!!
دخلت مع البتول للغرفةة ووجهين نظرهن لسجى اللي متمددة بوسط السرير ونظرها لا فوق بسرحان وتفكير

بتول وهي تتقدم مع لبنان: سلام لاحلى سجى

فزت سجى ورفعت نفسها وهي ترد بابتسامة: وعليكم السلام ياحيااا

بتول وهي تبوسها على خدها: ابقاااش.. كيف القمر اليوم

سجى: الحمدلله

لبنان: ليش جالسة لوحدش

سجى: عادي ماانزل افعل

بتول: المهم.. انا خليت هذه تقية تغسل باقي الآن نغسلش بهذا الماء وان شاء الله انه شفاء يارب

سجى بتوتر: اغسل به

لبنان: ايوةة

بتول: تحممي بكلش بس اول نغسل عيونش ووجهش سابر

سجى بهمس: تمام

بتول: جهزي لها بجامه يا لبنان وهاتي منشفتها.. وانتي تعالي معي هياا مسكت سجى من يداتها ونزلتها من السرير وخطيت متجهات للحمام.. اعزكم الله..
.
.

عند الشباب..
كل واحد ماسك مكانه منتظرين وصول رجال الجوكر كلهم.. وسامي بالسيارة مكلبش مع ماجد وحامد حارس لهم..

احمد بهمس وهو ينزل راسه: دانيال وصلوا

شل دانيال اللاسلكي وتكلم بأمر: الى كل العناصر الكل يتسعد ويتأهب العدو وصل... لف لاحمد.. كلم عناصرك

احمد هز راسه وشل اللاسلكي: الى كل الوحدات استعدوا الهدف وصل مااشتيش اي غلط علــم...


من الجهه المقابلةة
علـي.!!

تكلم من خلال سماعته ونظره لرجال الجوكر اللي نزلوا من السيارات: نهجم الآن او..

دانيال: ثواني خلي الكل ينزل ويكونوا بعيد عن السيارات علشان ما يقدروا يهربوا بهن

علي: سابر

دانيال: وبعدين انت مادخلك من الهجوم خليك مكانك ناسي اصابتك

علي دعمم وهو يهمس: جدتككك

دانيال: جدتك احلىىى.. هههه

وصل له صوت احمد المقهور: فارح انت وهو تزبجوا ذلحين

ضحك علي ودانيال وتكلم: يلا اامروا  العناصر يهجموا

علي رفع يده وأشر للعناصر بمعنى ابدأوا الهجوم..

وكل العناصر تحركت واندلع اشتباك بالرصاص مع رجال الجوكر اللي تفاجأوا

دانيال بصوت عالي وهو خلف السيارة: مابش داعي لمقاومتكم الجوكر زعيمكم معانا سلموا انفسكم

احمد: اذا خسرتوا حياتكم ماحد نافع لكككم الكل يقدم نفسه للعدالةةة

علي من الجهة الثانية: سمعتوا ما قالوا الكل يسلم نفسه قبل نستخدم القوةة

رجال الجوكر كل واحد بسر الثاني بتردد ونظرهم لاصحابهم اللي ماتوا من رصاص العسكر.. بدأ واحد...




📚 @rewayatyamania  🇾🇪

.

البـارت 112 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


رجال الجوكر كل واحد بسر الثاني بتردد ونظرهم لاصحابهم اللي ماتوا من رصاص العسكر..

بدأ واحد رمى سلاحه ورفع يداته والكل تبعه واتقدموا العسكر يكلبشوهم.. وكل هذا تحت انظار الجوكر او سامي اللي باقي شوية وينفجر بغيظ كيف رجاله استسلموا بكل بساطة وزاد حقد لوما بسر دانيال حضن علي واحمد وهم يضحكوا بانتصار

صاح بحدة وهو يحرك نفسه: اااااااااااح

حامد ببرود وهو يوجه المسدس له: اااص ولا صووت يا نذل واخيرآ جاء اليوم اللي تشل فيه جزاك يا ظالم...!!
.
.

دانيال: يلا تحركوا بهم للسجن المركزي بذمار الآن ورفع قضية الجوكر يا علي لاتتأخر فيهااا

علي: حاضر بس انت ما عتجيش معانا

دانيال: حاليآ لااا

علي: ليش دام كل شي انتهى

دانيال بتنهيدة: اجمع نفسي واستوعب الاحداث اللي حصلت وبرجع بالوقت المناسب

علي: المهم لا تتأخر علينااا

دانيال ببسمة: تطمن

احمد: عتخطى مع علي وانت روح مع حامد وكأنه ما وقع حاجة سابر

دانيال: تمام يلا امشوا..

@rewayatyamania المصدر الأول للروايات


بيت الشيخ..!!

غرفةة احمد..!!
غطت شعرها بالكوفيه حق البجامه وهي تحضن نفسها ببرد وتتكلم: لبنان دفيني..

لبنان وهي تغطيها باليرقان: حاضر.. بتول زد ادي بطانيةة لو سمحتي

بتول وهي تشل بطانية من الدولاب: حاضر

دفين سجى اللي بترجف ببرد وتكلمت لبنان: تعبناش معانا يا بتول تسلمي

بتول وهي تسبر لثمتها: الله المستعان احنا خوات مابش بيننا حاجةة ويارب تتباخر وتسير العين منهااا

لبنان ونظرها لسجى: يارب ياالله

بتول: يلا انا استأذن وارجعي طمنيني عليهااا

لبنان: الله معش واكيد ولايهمش..

خرجت بتول ومنعت لبنان توصلها للباب ورجعت لسجى تدفيها سوا ولفت لتلفون سجى اللي رن وبسرته احمد.. وابتسمت اول مابسرته مسجل.. حياتي❤️..  فتحت الخط ووصلها صوت احمد: هاه حبيبي كيفكم

ابتسمت برفعة حاجب وردت: الله حبيبي في تطور والله

احمد بضحكة: ما بيفعل التلفون عندكم وينه صاحبه

عرفت ان عنده رجال لأنه بيكلمها بصيغة الجمع: نوم

احمد بقلق: لا ذلحين ماقد قامش ليش او تاعب ابسروه

لبنان بضحكة: لا لا.. قد قامت زمان تطمن.. بس تحممت وخمدتها ترقد برد

احمد تنهد بارتياح: ماعيقدرش يكلمني

لبنان: للأسف لااا..

احمد: طيب نوم العوافي انتبهوا له واي حاجة اتصلتوا

لبنان: تمام

احمد: ودكم شي

لبنان: سلامتك

احمد: في امان الله..
.
.

بعد الظهر..!!!

صنعاء...!!
دخلت للغرفةة بتعب وهي ترجم شنطتها على الكنبه وتوجه نظرها لهيثم اللي نوم على السرير واليوم روحها مع دنيا هشام من المدرسةةة..

خلست الزي المدرسي والحجاب والبرقع بتعب وخطيت للدولاب شلت لها بجامه واتجهت للحمام تغسل وتبدل دقايق وخرجت وهي تمسح وجهها وقفت قدام التسريحةة وبدأت تمشط شعرها بهدوء..

رن تلفون هيثم لأكثر  من مرة.. زفرت وهي تطرح الفرشة وتخطى تشل تلفونه من الكوميدينا.. بسرته رقم غريب وفتحت عيونها او ما وصلت رساله.. انا حنان.. رد

اتصلت وفتحت الخط ووصلها صوت بنت: هيثم حرام عليك للمه ما بترد ليش تحرق اعصابي

نرجس بحدة: جعل احرقش ربي ونتفش تنتيف يا فالتة

البنت باستغراب: من معي

نرجس بغرور: نرجس مرة هيثم وام اولاده لذلك لاتحلمي كثير انتي او غيرش.. هو الا كان يتسلى معاكن ويضيع وقت.. هذا الضايع

البنت بغصة: بس انا احبه وهو يحبني

نرجس بعصبية: حبش برص انتي وهو قولي آمين

قام هيثم على صوتها وبسرها باستغراب وظهرها له

البنت: وعدني يتزوجني وهو يحبني يمكن انهم غصبوه بش

نرجس: هههههههه والله انش مغفلةة ومسكينةة ترحمي.. غصبوه بي.. جلس ورايا شهور لأنه يحبني يا غبيةة يا محور الكون.. لاتحلمي خيرات.. لفت بحدة وبسرت هيثم بيبسرها بعيون مفتحات

البنت: اصلآ ما كان يخطى ويسير ويجي الا بي وبصوتي

نرجس: ههههه يا سلام يعني عارفة لنفسش انش حذاااء

البنت بحدة: احترمي نفسش

نرجس بحدة اكبر: احترررمي نفسش انتييي يا محترمة ولاعاد تتصلي لرجال متزوج ولاهو ضارب لش كرت يا حذاء فاهمةةة والله لو عاد ادرى انش تتصلي لهذا الرقم ان الخبر كله عيوصل لأخوتش وابوش يا محترمة فاااااهمةةة.. غلقت الخط ورجمت التلفون للسرير وهي تحط يداتها على خصرها بكل ضبح وقهر..

هيثم بهدوء: من هذه

نرجس بصياح: حبيتك حنااان.. ماشاءالله كل يوم تظهر لنا واحدة يا نسونجي شكلك لعبت على بنات العاصمةة كلهن

وقف قدامها وهمس بابتسامة: صح اني كلمتهن كلهن... وحبني مع اني ما وعدتهن بشي.. بس ما شلت قلبي الا بنت ذمار..وحبيتها  فاهمة

نرجس بحدة: طيب ليش بيتصلين لك من وين لهن رقمككك

هيثم: مدري والله بس طز حظر وبس

نرجس: لا ما ينفع تغير رقمككك واليوم

هيثم برفعة حاجب وببسمة: بتغاري؟

نرجس: ...




📚 @rewayatyamania  🇾🇪

.

البـارت 113 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


نرجس بحدة: طيب ليش بيتصلين لك من وين لهن رقمككك

هيثم: مدري والله بس طز حظر وبس

نرجس: لا ما ينفع تغير رقمككك واليوم

هيثم برفعة حاجب وببسمة: بتغاري؟

نرجس بتوتر: اغار على عليش المهم تغير رقمك

هيثم: هههههه باينه الغيرة بعيونش اصلآ ولو البنت هذه قدامش كان قتلتيها

ضربته على صدره بقهر ولفت تخطى وهي تهمس: سخييييف

هيثم بضحكة ويده على صدره: يمااااه فدوووه للي يغاروا عليا ويحبووني

بسرته برفعة حاجب من خلال المراية وهي تلم شعرها 

تقدم منها وهو يهز راسه: مابش داعي للإنكار باين بعيونش

لفت له وبحدة وهي ترفع يدها قدامه: المهم رقمك يتغيررر

مسك يدها بيده وباليد الثانيةة رفع قصتها خلف اذنها وهو يرد: عيوني اوامر ثانيةة

حطت راسها على صدره بهدوء وهي تتكلم بهدوء: اشتي بروست.. خطينا من قدام المطعم واتخورته وما صديت اطلبه من هشام

هيثم وهو يحاوطها من اكتافها: ابشري من عيوني حاجة ثانية

نرجس: لوما تجي عطلة آخر السنه ننزل ذمار

هيثم: عيوني حاجة ثانيةة

رفعت راسها وهي ترد: سلامتك الله يخليك ليييي.. خطيت من قدامه وهي تتكلم.. انزل نتغدى هيااا

خطي خلفها وهو مبتسم.. وكلمتها.. الله يخليك لي.. اعتراف مبهم بحبها له وافعالها من قبل فترة يدلين على انها تقبلته وبدأت تحبه وبتملك قووي خاصة بعد طلبها لتغيير رقمه..

@rewayatyamania المصدر الأول للروايات


العصر..!!

المدينةة..!!
دخل للبيت ووقف على صوت امه الحاد: وين انت ومن وين جيييت؟

لف وخطي لاعندها وحب راسها بابتسامة: حيا الله ام علي كيف حالش

ام علي بحدة: لا تراوغ ووووين انت ليش تخررج وعادك تاعب ولا هذا الوقت

رفع راسه لصوت خطوات بالدرج وبسرها زهراء وتكلم: ومن قال لكم اني خرجت

زهراء رفعت يداتها بمعنى مش انا

ام علي: مقصدك زهراء قالت لي لا تطمن.. قد كذبت بسبتك وقالت انك نوووم بس انا عرفت بطريقتي قول لي وين سرت

تنهد علي وهو يرد: كان معي عمل ضروري

ام علي: ايش من عمل؟

علي ببسمة: عتدروا قريب بإذن الله وتفرحوا كلكم.. المهم عادشي غداء جاوع

لفت ام علي وهي ترد: ماعدبش ما خلينااا

ضحك علي وتقدمت زهراء منه وهي مبتسمة وتكلمت: قد قلت انك نوم بس قلب الام والله

علي: مشكلة والله.. المهم اني جاوع

زهراء: قمت اعزل لك وامك صيحت وقالت اللي يخرج وعاده تاعب مابش له عندنا حاجة

علي بضحكة: اوووه ام علي شايلة بقوةة

زهراء: هههه قوووي

علي وهو يشد انفها بين اصابيعه: طيب مارأيش تخرجي معي نتغدى بمطعم فخم كذا

زهراء بغرور: اممم افكككر

فكها واتعداها وهو يطلع الدرج ويتكلم: عادها عتفكر طززز عتخطى اغير لداتي واخطى لوحدي

لحقته زهراء وهي تحمل الدرج وتتكلم بضحكة: عتجهز قبلككك ههههههه

ضحك وهو يسعى مثلهاا بس ببطء من جرحه..

سبقته وهو حط يده على كتفه وصاح بألم: ااااه

لفت بخوف ورجعت لاعنده وهي تطرح يدها على كتفه: اوجعتككك.. ليش تسعى وانت تاعب

فز بسرعة وسعي للغرفه وهو يضحك ويتكلم:  سبقتتتتش 

فتحت فمها بفهاوة واول ما استوعبت حملت بعده ودخلت للغرفة وهي تتكلم بقهر: نذااالة وغدر ما اقبببل

ضحك وهو متمدد على السرير بتعب: عيب ان بنت تفوز على رجال

زهراءبقهر: قووول والله

علي بضحكة: والله.. يلا جهزي لي لداااة واتجهززي هيااا

وقفت فوق راسه وشدت شعره بقهر وهي تهمس: حماااااار

صاح بألم وهي فلتته وخطيت للدولاب تخرج له لداة

علي ويده على راسه: عتتجاااهل واغفر لش لأني بدأت احبش بس والله كنت كسرت يدش

طرح الثوب والبجامه على السرير وهي تتكلم برفعة حاجب: والله.. بدأت تحبني

رفع نفسه ونزل ارجله من السرير وجلس قدامها: يعني وانتي

زهراء: اممم مدري يمكن بدأت

وقف قدامها بعدما شل البجامه بيده وهمس: والله انه سكن واتعمق وسط قلبي ومن زمااان يا بنت العم.. خطي وهو يسحب منشفته ويتجه للحمام وهو مبتسم على تعابير وجهها المصدوم..!!!


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 114 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بيت الشيخ..!!
فتح باب غرفته بتعب ودخل وهو يبسر لبنان متربعه على الكنبةة وبيدها كتابها وجهه نظره للسرير وبسر جسم مغطى: السلاام عليكم

لبنان: وعليكم السلام

احمد: من نوم

لبنان: اكيد سجى من عيرقد في غرفتك

احمد: ايش سجى لاتقولي انها نوم من ذاك الوقت

لبنان بهدوء: تاعبةة شوية و...

دعممها احمد وهو يخطى ويجلس بطرف السرير ويرفع اليرقان عن وجه سجى وبسرها رابطه لعيونها بشيلتها همس وهو يمسح على خدها: سجى.. سجىى... سجىىى ياعيني

تحركت سجى بانزعاج

احمد: سجى

سجى بهمس: ايش

مد يده يبعد الشال ومسكته سجى بسرعة وهي تتكلم بتعب: مع خليه

احمد بقلق: ليش نوم لا ذلحين تاعبةة بأيش بتحسي اوديش المستشفى

سجى اشرت براسها بمعنى مع وهمست: اشتي ارقد.. دفوني

احمد: ما يسبرش قوموا حاكوني

ماردت سجى وشدت اليرقان عليها بتعب

لبنان وهي توقف قدامهم: احمد خلها براحتها

احمد بحدة: كيف براحتها ايش فيها اذا تاعبه تكلمني

لبنان بهدوء: احمد.. انا والبتول غسلنا لهاا وان شاءالله ان في ذلك شفاء لذلك سجى تاعبة شويةة

احمد بتنهيدة: وانتين مصدقات لهذه الخزعبلات

لبنان اشرت لسجى اللي شدت على اليرقان بقوة وهي تغطي وجهها

عض شفته بندم وهو يمسح وجهه وقف وهو يتكلم: ان شاءالله خير جهزي لي ثوب وكوت.. عيجوا ناس عند ابي وضروري اكون معه.. شل منشفته وخطي

ولبنان بسرت سجى اللي مارضيت تقوم او تفتح عيونها خايفةة قوي تنهدت وخطي جهزت لأحمد لداة..

@rewayatyamania المصدر الأول للروايات

البتوووول..!!
فتحت باب الديوان وبسرت دانيال متمدد ويداته تحت راسه وبيبسر السقف بسرحان تقدمت منه وطرحت الُبن والبسكويت على الماسه وكتابها

لف لها وابتسم بهدوء وهو يرفع نفسه ويجلس: ايش هذا

بتول ببسمة: اول الحلو ابوعيون خضر بأيش مطنن هاااه

ضحك بهدوء وهو يشل قلص بن ويرشف منه: في هذه الدنيا

بتول بنفس الابتسامة: هم الدنيا ما ينتهي عيش يومك بيومه

دانيال: فعلآ.. بسر كتابها.. وتكلم.. معاكم اختبار

هزت راسها بمعنى ايوة وتكلمت: رياضيات وضروري تفهمني

ضحك وهو يطرح القلص ويشل الكتاب من يدها: وانا اقول ليش هذا البن والحركات

بتول بضحكة: يا جاحد قصدك تقول اني حق مصلحة

دانيال وهو يقلب الكتاب: حاشى لله.. على عيني اذاكر لش

قربت لاجنبه وهي تمد له دفتر وقلم: يلا ابدأ

دانيال: عيوووني

بتول: تسلم عيونككك
.
.

بين المغرب والعشاء.

بيت الشيخ..!!

غرفة احمد..!!
فزت من نومها على صوت تلاوة احمد وهو يقرا قرآن واخذ نفس بقوة وهي ترفع اليرقان من وجهها.. همست ب.. بسم الله يارب لاتخيب ظني يا شافي يا معافي رد لي بصري مثلما رديت ليعقوب بصره ي الله لاتخيب لي املي.. رفعت يداتها للشيلة ونزلتها من عيونها برجفةةة وهي مغمضه لعيونها بقوة.... يا الله.. فتحت عيونها ببطء ورمشت لأكثر من مرة وهي تبسر ضوء، قوي ومشوش..

غمضت عيونها بقوة وفتحتهن بعد ثواني.. واستقر نظرها على احمد اللي بيقرأ قرآن بخشوع.. حست ان قلبها وقف من كثر دقاته واتجمعين الدموع بعيونها.. حطت يداتها على فمها تمنع صوت بكاها يطلع بس ما قدرت وبكت بقوة وهي تشاهق بشكل فظيييع...!

فز احمد بصدمة وخوف وهي يبوس القرآن ويطرحه على التسريحةة ويتقدم من السرير بخطوات سريعةة: سجىىى

مسك يداتها اللي على وجهها وقلبه بيدق بخوف: سجى ايش فيييش ليش بتبكي... به حاجة بتوجعش سجىىى..  دخل يده تحت اكتافها ورفعها لاصدره وحضنها بخوف من بكاها وهمس بقلة حيلة: سجىىى يا عينييي

شدت عليه بقوة ومازالت تبكي وهي بحالة صدمة وذهووول

اخذ نفس بقوة وهو يحط يده على راسها ويقرأ عليها قرآن وآية الكرسي بهدوء..

هدأت بعد دقايق وماعد ينسمع الا صوت شهقاتها

رفع وجهها بيداته وهو يمسح دموعها ويتكلم بابتسامة حزينة: مالعيني.. احد زعلش او تاعبة حاكيني.. ليش هذا البكاء كله

ابتسمت وهي تشل نفس وتهمس وعيونها المليانه دموع بعيونه: بين ابسرككك

تجمدت يداته على وجهها وهمس بعدم تصديق: ايش؟ 

سجى بضحكة وبكى لملامحه المصدومه وببطء: ب ي ن.. ا ب س ر ك

ضحك احمد بعدم تصديق وتكلم: ايش لابس انا

سجى بغصة: ثوب رمادي

غمض عيونه بقوة وعدم تصديق وهمس: يا الله

ضحكت سجى وحضنته بقوة ورجعت بكت بفرحةةة

شد عليها ومازال بحالة صدمه وعدم تصديق وغمض عيونه من صوت بكاها ودقات قلبه وصلت لـ الف




📚 @rewayatyamania  🇾🇪

.

البـارت 115 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


لف لفتحة الباب وبسر لبنان واقفه بخوف وتوتر اشر لها براسه بمعنى تدخل وتقدمت منهم وهي تهمس: مالها صوت بكاها عالي

رفعت سجى راسها من صدر ومسحت دموعها وهي تبسر لبنان وتكلمت ببسمة بكاء: ايش هذا الحلا يا كلبةة سمنتي واي حين شليتي هذا الروب البنفسجي

لبنان فتحت عيونها بعدم تصديق وهي تبسر نفسها بشكل سريع: ايييش.. سجىىى انتي... انتي بتبسريني؟

ضحكت سجى وهي تهز راسها بمعنى ايوةة

وفزت لبنان بصدمة وفرحةة وهي تحضنها: ههههههههه مش انا مصدقةةة

ابتسم احمد لصوت ضحكاتهن ولف لصوت مريم وخلفها لين وليلى بيبسرين باستغراب: ايش به مالكم

لفت لهن لبنان بضحكة وفرحةة: سجىىىى

ليلى: مالها سجى

لبنان: رجعت تبسر رجع بصرهااا

بسرين بعض واستغراب وتكلمت لين: كيف لوما؟

احمد بعدم تصديق: مدري

لبنان بفرحةة: كل الخبر انو كان فيها عين من واحده لاتعرف الله ولارسوله

ليلى: يعني البتول ادت الماء وخلت هذك المرة تغسل

احمد باستغراب: اي ماء وايش من عين ومن المرة

لبنان: لوما جين البتول وامها عندنا تكلمت البتول ان في خطوبة ليلى كانت هذك تقية جنبها وهي بسرت سجى وتكلمت عليها وقالت مااحلى عيونها وان الشيخ احمد تزوج بنت قمر وصغيرة

احمد بفجعة: آمنت بالله

مريم: العين حق والسحر حق

احمد: عارف بس والله عاد انا الا صدقت الآن وآمنت بالعين اللي يسترنا ياربي عفووك.. بسر سجى اللي غمضت عيونها بقوة وهي مبتسمة وتمتم بكلام.. وتكلم بقلق: مالش مغمضة

فتحت عيونها واتكلمت بفرحة: بين اشكرالله على منه وفضله عليااا

احمد ببسمة: ما عتمرش مرور الكرام

لين: كيف يعني

لبنان: قصده انه عيتصدق للمساكين لوجه الله حمد له وشكر

احمد: ايوة عسى الله يقبل

مريم: الحمدلله على السلامة يلا انزلوا تعشوا هيا بنات

خرجين مريم وبناتها ووقفت سجى وهي تنزل من السرير وتخطى للمرايه وتبسر نفسها وتتحس وجهها بيداتها

وقف احمد خلفها وهو مبتسم: قمر ما تغير فيش حاجة

لفت له بسرعة وهي تحضنه وتصيح بفرحة: والله احبككككك

ضحك وهو يحط ذقنه على راسها: اموووت فيش والله

لبنان ويدها على عيونها: قليلين ادب ييييخ.. خاطركم.. خرجت من الغرفة وهي تسمع صوت ضحكات احمد وسجى وابتسمت بفرحة وهي تتجهـ.. لانازل

@rewayatyamania المصدر الأول للروايات

بعـد مرور أسبــــوع..!! 😴
وقف مع علي قدام الباب الكبير للفلل ولف له بتوتر ومشاعر مضطربة

علي بابتسامة: مالك او خايف

دانيال: مدري حاسس نفسي اني اول مره عتقابلهم فيها

علي: شل نفس واذكر الله والنبي وهيا ندخل كلهم منتظرين للمفاجأة اللي قلت لهم يستعدوا لها

شل نفس ودخل مع علي بخطوات ثابتة وكلما تقدموا ازدادت دقات قلبه بتوتر وقفوا قدام باب البيت وتكلم علي: لحظة ادخل انا بالاول

دخل علي ودانيال وقف في الباب بتوتر
.
.

تكلم بحماس وصوت عالي وهو يدخل: يااااهوه ي اهل البببييت

الكل لف بترقب وفضول لمعرفة ليش جمعهم هانا بيت ابو دانيال

ابو علي: هيااا وين مفاجأتك خليتنا نفلت عملنا ونجلس هانا

عبير: والله ان شكلها مفاجعة مش مفاجأة

علي بضحكة: والله انها مفاجأة عتخليكم تطيروا للجو.. لف للباب وتكلم: ادخـــــل

الكل لف للباب بفضول وفزوا واقفين اول ما بسروا دانيال متقدم منهم بكل شموخ وثبات والصدمة شلتهم ولاحد قدر يتكلم

دانيال بابتسامة لصدمتهم: السلام عليكم

الكل: 😲😲😲😰😰😵😵‍💫🤯😳😱

دانيال بضحكة: هههههه مالكم اول مره تبسروني

صاحت داليا بكل صوتهااااا: داااااانيااااال والله انه دانيااااال اخيييي

ام دانيال على طول غابت وفقدت وعيها وصاحين ام ريتاج وام علي وهن يمسكينها

تقدم دانيال بسرعةة ولقفته داليا وهي تحضنه بقوةة وتنفجر بكااااء

ضحك بهدوء وهو يشد عليها: ليييش البكاء ياعين اخوووش

داليا ماردت والصدمة نستها اسمهااا ومن تكون

تقدم ابو دانيال بخطوات بطيئة ووقف قدام دانيال وهو يهمس بعيون ملان دموع: دانيال

ابتسم له دانيال وهو يفك داليا بهدوء ويحضن ابوه بقووة: يا عيون دانيال وتاج راسه

بكي ابو دانيال بصوت عالي والكل بكي معه بتأثر

زهراء واقفه بالطرف ومغطيه لوجهها بطرف شيلتها ومستغربة من هذا اللي قد بسرت له عدة صور بتلفون علي بس ولا مرة سألت من هو رفعت راسها لعلي اللي وقف قدامها والدموع بعيونه وهمس: مالش

زهراء بهدوء: من هذا

علي بضحكة وهو يبعد الشيلة من وجهها: دانيال اخي وصديقي وابن عمي وكل حاجة بدنيتي

زهراء: ووين كان مسافر

علي ببسمة ونظره لدانيال اللي حاضن لأمه وبيمسح دموعها بعدما سلم على جده: كان ميت بس رجع

زهراء بصدمة: اااييش كيف هذا

ضحك وهو يسبر شيلتها: كيف هذا بشرح لش كل حاجةة بعدين

هزت راسها بمعنى تمام ووجهت نظرها لام دانيال وداليا اللي بيبكين بشكل هستيري

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 116 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بالجهه الثانيةة
شدت على يد عبير وهي تهمس بعدم تصديق: ذلحين من صدق اللي قدامنا دانيال او حلم

عبير بهمس وهي تمسح دموعها: صدق صدق يا ريتاج دانيال بخير وما مات ههه معجزة

غدير الحساسة وهي تمسح دموعها: واخيرآ ضحكت داليا من قلبها وشعت تعابير الفرح بوجهها

ريتاج سكتت ونظرها لدانيال اللي الكل حوله وافكارها سارت لابعيد بتفكير وتخطيط كيف ترده لها...
.
.

العصر....!!

صنعاء..!!
دخلت للغرفة وهي تغني وتصفق وتتمايل بفرحة ووجهت نظرها لهيثم اللي متمدد على السرير وبحضنه لابتوبه وبيبسرها ببسمة ورفعة حاجب: ايييش به

نرجس بفرحة وهي تلم شعرها لاقدام وتحركه وترقص: ايوووا عاشوووا عاشوووا ي ليلاااااه

ضحك هيثم ونزل من السرير ووقف جنبها ورقص معاها لحجي وهو يصفق و يضحك من ضحكتها

نرجس بحماس وضحكة: رحااابوه خطبهااا نصييير..

هيثم بضحكة: اوووه خطبهااا نصير

نرجس وهي تقابله بالرقص: وسرىىىى الليل يا العاشقيين

هيثم بضحكه: وسرىى الليل يا العاشقيين..  ايوه ايوووه...

نرجس: عاااشوووا عاااشووا

مسكها من اكتافها وهو يضحك بقوةة وهي حضنته ومازالت تضحك

هيثم: هاه وليش الضحك والفرحة هذه بكلهااا

رفعت راسها له وبفرحة: رحاااابوه انخطبت وووولوولولليي

مسك وجهها بين يداتها وتكلم بضحكه: والله لو انتي امها ما تفرحي لها هكذااا

نرجس: اوووف واخيرآ انقلعت من حياتنا والله فرحت لها من قلب قلبيي ولولوللللللي

ضحك وهو يرجع راسها لاصدره ويهمس: مجنونةةة

@rewayatyamania المصدر الأول للروايات

القريةةةة..!!
طرحت كتابها اول ما رن تلفونها وابتسمت اول مابسرته دانيال فتحت الخط وهمست: يا حيااا

دانيال بابتسامة وهو يرجع ظهره على السرير: وقوا بقلبي ودقاته

بتول بضحكة: كيفك

دانيال: والله الحمدلله نسأل عنكم

بتول: تمام.. ايوه

دانيال: ايوه ايش

بتول بحماس: كلمني عن ردة فعل اهلك لوما بسروك

ضحك وهو يرد: الكل بسرني بفجعة وامي ما تحملت وغابت ههه هه

بتول: هههه ما الومها والله.. ميت يرجع بعد عدة اشهر للحياة

دانيال: هههه بسرتي على  عجايب بالدنيا.. المهم ما بتفعلي

بتول بتنهيدة: بين اذاكر كيمياء معي امتحان غدوة

دانيال: سهلات ي قلبي فاهمه او مع

بتول: ايوة المسائل بسيطات

دانيال: اذا مش فاهمه خلي حسن او حامد يفهموش

بتول بسؤال: اي حين عتجي؟

دانيال بتنهيدة: مدري

بتول بزعل بان في صوتها: سابر

دانيال بهدوء: بتول

بتول: ايش

دانيال: زعلتـي؟

بتول بتدارك وضحكة: ههه لا عادي هم اهلك ومن حقك تجلس عندهم لأي حين ما ودك

دانيال: عارف ان الضحكة من خلف قلبش.. بس يوم يومين واجي واشلش معي

بتول: وين تشلني

دانيال: بيتنا وين يعني

بتول بتوتر: وتظن اهلك عيرضوا بي كزوجة لك

دانيال بحدة: غصبآ او رضا وما همني فاهمة وبعدين ما عيقولوا ابعدي هذه الافكار عن بالش

بتول: ان شاء الله خير
.
.

بيت الشيخ..!!
دخلت للغرفة وهي تسحب احمد من يده معاها وتتكلم بفرحة: يارب وتعجبككك

احمد بهدوء وبسمة: منش اي حاجة اكيد حاليةة

وقفت قدام اللوحه المغطاية بشاشه بيضاء ولفت له بعدما فكت يده: سم بالله وافتحها

ابتسم وهو يرفع يداته وينزل الغطاء عن اللوحة بهدوء وسجى مبتسمة بحماس

اتسعت ابتسامته بصدمة وهو يبسر نفسه مرسوم بكل اتقان بالثوب والعسيب ودابع للشال وهو واقف وخلفه وادي اخضر ونص سيارتهم الشاص

سجى بحماس: هاه كيفهاااا عجبتكككك

لمسها بيده وهو مبتسم ولف لسجى وحضنها بقوة وهو يهمس لها: ما اقول الا ي حظ من زوجته رسامةةة والله

سجى بضحكة: يعني عجبتكك

احمد: وفي هذا كلام.. يسلم يداتش ويخليش لي

سجى ببسمة: ويخليك يا يارب

رفع وجهها بيده وتكلم: متى رسمتيها وكم جلستي عليها

سجى: اممم.. رسمتها يوم سرت بيتنا قبل اسبوع يوم تباخرت وجلست عليها يوم من العصر لا الفجر

احمد: اوووه.. كثير وتعب عليش

سجى: ههههه رسمتها بكل شغف وما حسيت بأي تعب

حبها على جبينها بهدوء وهمس: ابداع ومبدعة وانا اشهددد

ابتسمت بحب واحمد شل اللوحة ورفعها له وهو مبتسم: طلعت ابتسامتي حلوة والله

سجى: هههههه انت بكلك حلو مش الا ابتسامتك

احمد: تتغزلي يعني

سجى: ههههههه يعني اذا ودك

احمد: والله اللي ودي اخبيش بين ضلوعي ووسط قلبي

ابتسمت بحياااء وتكلم احمد بضحكة: لاتسيحي عليناااا.. يلا عتنزل للمجلس

سجى: هاه هاه واللوحة وين عتوديهااا

لف لها بعدما فتح الباب: هذه اللوحة الفنية مكانها بصدر مجلس الشيخ قاسم.. ارسل لها بوسة بالهواء وهو يضحك وغلق الباب ونزل بسرعةةة





📚 @rewayatyamania  🇾🇪

.

البـارت 117 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


وقف بالحوش على صوت امجد: مالككك

امجد وهو يوقف قدامه: مالك بتحمل وايش اللي في يدك

رفع اللوحة لاوجهه وشهق امجد بصدمة: من رسمهاااااا

اشر له احمد على حرف الـS اللي بطرف اللوحة

امجد: اس من يعني ايش الرسام

احمد: مرتي يا ذككككي

امجد بصدمة: اسألككك بالله

احمد وهو يتعداه ويخطى للمجلس: والله

لحقه امجد وهو يتكلم: ماشاءالله ماشاءالله.. طلعت مبدعةةة وربي قوةة خلها ترسمني ساعك هكذااا

احمد وهو يدخل للمجلس: تحلم.. هذا رسم مخصص لي بس

امجد: شدي لها زلط واشتري لها كل شي

احمد وهو يعلقها: نوووو

امجد بقهر: اصلآ انت ايش دخلك بين اكلمك عتخطى لاعند سجىى.. لف وخطي وسعي اول ما لحقه احمد: ريييع حناك ماعتخليهااا ترسمككك

امجد بضحكة وهو يسعى بالحوش: بالغصب وانت مادخلككك

ضحكك احمد وهو يحمل خلفه ودخلوا للبيت...!!
.
.

صباح ثاني يووم...!!

المدينةةة.!!
خاطي للحوش متجه للشارع لاعند علي اللي متتظر له يخطوا للمركز وقف على صوت ريتاج خلفه: دانيال

لف لها وبرفعة حاجب: خير

ريتاج بابتسامة: الحمدلله على السلامةةة والله فرحت وما صدقت انك بخير اصلآ كنت حاسه

ابتسم بسخرية: شكرآ.. لف يخطى

وتكلمت بسرعة: شكرآ بس 

لف لها بضجر: ريتاج ما تشتي من الاخير بدون لف ولا دوران

ريتاج: ولاشي.. بس كان ودي اعتذر عن كل حاجة بدرت مني من وقت تفجرت السيارة بك لليوم واتمنى تقبل اعتذاري

دانيال: والله ما همتيني لا انتي ولا كلامش واصلآ قد انا ناسي ما قلتي اصلآ صدق ما قلتي لوما تعتذري

ريتاج بقهر: صدق ناسي

دانيال: للأسف

ريتاج: حلو نبدأ من جديد وننسى الماضي

دانيال بسخرية: لاتجمعيني معش ابدأي لوحدش وانسي لوحدش لا تتأملي بي.. لف وخطي بدون ما يدي لها مجال ترد..


ركب سيارة علي واتوجهوا للمركز ودانيال مترقب ايش عتكون ردة فعل اللواء وزملاءه..!!!

@rewayatyamania المصدر الأول للروايات

القريةة..!!

وقت الظهر..!!
دخل للبيت وهو بيداعي: يا اهل البييت يا حسن

ام بتول خرجت من المطبخ: ياهلا ياهلا بدانيال حيااا

حبها براسها وهو يتكلم بابتسامة: ابقاااش كيف انتوا ووينهم

ام بتول: الحمدلله وعمك بالمدرسةة والعيال بيدرسوا وحامد طلع المدينة قال يبسر له عمل وجدك معه عمل في القرية اللي جنبنا

دانيال: اها والبتول خطيت المدرسة

ام بتول بتنهيدة: ماشي والله تاعبة شوية واذا هي نوم

دانيال بقلق: تاعبةةة ايش فيها وليش ما كلمتوني

ام بتول: بسيطة هو الا من هذا المسير.. واذا هي بغرفتكم ادخل ابسرها وانا عتخطى ابسر الغداء


فتح باب الغرفةة وبسر الستاير حاجبات ضوء الغرفةة وخطي فتحهن واتوجه للسرير جلس عند راسها بالطرف ورفع اليرقان من وجهها ورفع شعرها من وجهها وهو يهمس بهدوء: بتووول... بتووولي

فتحت عيونها بتعب وابتسمت اول ما بسرته وهمست: عدي

دانيال: عيونه.. مالقلبي قالوا تاعبةة

بتول بهدوء: بسيطة قد انا بخير

دانيال: ليش ما كلمتيني

بتول: مابه داعي والله مسير

بسر الفراشة في يدها ومسك يدها وتكلم: فراش ومغذيات وبسيطة

ابتسمت بتعب وهي ترفع نفسها لاعرض السرير: كيف حالك انت وكيف اهلك

دانيال: الحمدلله.. اليوم خطيت المركز

بتول: صدق وايش كان موقفهم

دانيال بضحكة: الله لو تبسري اللواء كيف جلس مطنن لابيني.. وهمس بصدمة الصقر

بتول: ما الومهم والله.. ههههههه

حط يده على جبينها وتكلم: مابش فيش حمى من ايش تعبتي بالضبط.. عاد عصر بتكلميني بخير

بتول: مدري تعبت فجأة بس الحمدلله

دانيال: ما تشوفي شر يارب

بتول: الشر ما يجيكك

دانيال: اكلتي حاجه

بتول: ايوةة

دانيال: والكذاب

بتول بتنهيدة: مابش نفس

وقف وهو يخطى للباب: ثواني وادي لش اكل من عند امش وتأكلي بالغصب..
.
.

دخل للمطبخ وهو يتكلم: عمه

لفت له ام بتول ببسمة: اامر

دانيال: ما يأمر عليش ظالم.. به حاجةة جاهزة لبتول تأكل

ام بتول: اكيد لحظةة بس

ارتزح دانيال للباب

وتكلمت ام بتول وهي تجهز لبتول اكل: عدي

رفع راسه بانتباه: اامري

ام بتول: ما يأمر عليك ظالم.. قلت لو تودي بتول تعمل فحص افضل

اعتدل بوقفته بقلق: ليش تاعبةة قوي ماوقع فيها
قالت مسير وبسيط تعبت قوي و..

قاطعته بضحكة: هههه مالك اهدأ.. هو تعب عادي بس قلت لو تخطوا تعملوا فحص افضل لأني شاكه في حاجة ومدري

دانيال: بأيش شاكةة.. اذا هي تاعبة قوي كلميني

ام بتول: يوووه ياعدي بين اقول تعب بسيط..  بس اعملوا فحص والا ابرد

دانيال: لا لا خلاص اليوم عصر عتوديها للمستشفى

مدت له الصحن اللي فيه اكل لبتول: يلا شله لها وخلها تأكل غصب ماقد اكلت حاجةة

دانيال وهو يشله ويلف يخطى: ولايهمش هي عندي


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 118 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بعد العصر..!!
ارتزح للسيارة اول ما وصله صوت علي وتكلم: وينككك

علي: داخل للبيت الآن عادك في القريةة

دانيال: ايوةة اسمع.. معي عمل ما عتقدرش اروح اليوم يمكن دبر اي كذبةة وغطي عليا

علي: ليش وانت ما معاااك ما قدرت على فراق الحبايب

دانيال: جدتمككك المهم اختلق اي كذبةة

علي بضحكةة: سابر سابر ولايهمككك

غلق الخط ولف على خروج بتول وتقدمها منه ابتسم وطلع اول ما طلعت قدام وتكلمت بخزا وهي تتذكر كلام امها: والله ماله داعي تعب بسيط

تحرك وهو يرد بابتسامة: ولو اطمن اكثر.. بعدين ليش محمرة هكذا او حاميه.. مد يده ودخلها من تحت البرقع لخدها: ايش

بتول بضحكة: ماشي بس يمكمن لأني تاعبة وماقد خرجت

رجع يده للدركسون وهز راسه بهدوء..!!!
.
.

المدينةة..!!
دخل للصالة واتنهد اول ما بسرهم كلهم مجتمعين تقدم وهو يتكلم: السلام عليكم

الكل لف ورد: وعليكم السلام

ام دانيال وهي تبسر خلفه: وين دانيال

علي: دانيال.. اممم معه عمل مع اللواء واعتقد ماعيروحش حتى يرقد

ابو دانيال: ايش من عمل وعاده الا امس رجع

علي: عمل عمل ياعم ما دراك استخبارات

ابو علي برفعة حاجب: وبتظن ان احنا مش عارفين انك ضابط استخبارات والكل

ضحك علي وهو يخطى  للدرج  ويتكلم: ادري..  استأذنكم تاعب..

@rewayatyamania المصدر الأول للروايات

فتح باب الغرفة وبسرها على الكنبة وارجلها على الماسه قدامها تكلم وهو يطرح المفاتيح والتلفون على التسريحة: السلام عليكم

لفت له بفجعة لأنها ماانتبهت اي حين دخل: وعليكم السلام اي حين جيت

علي وهو يشل منشفته: الآن جهزي لي لداة امد ما اشل دش

زهراء: دش ايييش ناسي اصابتك لا يقع فيها ماء

علي وهو يسحب بجامته ويخطى: ما عتتحمش بالدش منتبه انااا..

تنهدت وهي تطرح القلم وتوقف متجه للدولاب تجهز له لداة

دقايق وخرج وهو ينشف شعره بمنشفة صغيرةة وخطي ارتمى على السرير بتعب

زهراء: وين دانيال

علي وهو يغمض عيونه بتعب: معه عمل ما روحش

زهراء برفعة حاجب: متزوج صح

فز ولف لها وهو يرفع نفسه لاعرض السرير: كيف عررفتي لايكون احد يعرف

زهراء وهي تجلس قدامه بطرف السرير: مع بس استنتجت ولأنه ما عيفعلتش اهله وعاده رجع

علي بضحكة: ام التحاليل انتتي

زهراء: المهم متزوج صح

علي: ايوة والله لو تدري كيف انصدمت يوم قال انه تزوج ما صدقت

زهراء: كان خاطب لريتاج صح

علي: ايوة بس بعد الحادث الاول رفضته ودانيال ماعد ادى لها وجه

زهراء: يحب مرته

علي: هههه والله على كلامه وافعاله يعشقها مش الا يحبها.. اليوم سحب على الكل وقال دبر لي كذبة ما عتروحش

زهراء: صح هو وين كان ماقد احد سأله

علي: عيقولوا بالاول يرتاح ولاحقين على الأسئلة

زهراء: وين كان

علي: بالقريةة اللي تزوج منها تزوج ببنت اللي جلس عندهم..المهم اختش كملت حق العرس

زهراء: لا غدوة عتخرج معاها سابر

هز راسه وهو ينزل نفسه ويحط راسه على المخدة ويتكلم: الشاش له يومين قومي غيريه لي يا ممرضةة 

وقفت زهراء وهي ترد: حاضر لحظة ادي الادوات

علي: الا كيف المعهد معش سابر

زهراء: الحمدلله حالي 

علي ببسمة: انتي الحاليةة والله

زهراء بثقة وهي تجلس بالطرف: ادري

علي: ههههه يا واثقة

زهراء: هههههه ارفع الفنيليه هيا بس لا تتوجع من المطهر لأنه قوي

علي: لا ماعليش ما يوجعني شوية مطهر..
.
.
بالمستشفىى..!!
دخل للغرفةة وبسر بتول بتعدل نفسهاا تكلم: هاه ماقالت الدكتورة

رفعت نظرها له بابتسامة ومدت له ورقةة

شلها من يدها وهو عاقد لحواجبه وحالما ما ابتسم بصدمة وهو يوجه نظره لها: من صدق

هزت راسها بابتسامة وهي توقف قدامه

ضحك بعدم تصديق وهو يرجع نظره للفحص بعدم استيعاب 

حضنها بقوةة وهي شدت عليه وهي تضحك بهدوء.. همس بفرحةة: ي اللـــــه




📚 @rewayatyamania  🇾🇪

.

البـارت 119 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


اليوم الثاني قبل الظهر..!!

المدينةة..!!
دخل للبيت وهو مبتسم وفارح ودخل للمجلس لوما سمع اصواتهم فيه: السلام عليكم

الكل رد بابتسامة: وعليكم السلام

سلم على امه وابوه وجده وجلس وهو يلف على سؤال امه: وين انت من امس لاحس ولاخبر

دانيال: والله كنت مشغول شوية

ابو دانيال: مشغول مسررع

دانيال: هههه ما نفعل

الجد وهو عارف ان دانيال ما كان بالمركز: المهم كملت شغلك

ابتسم له دانيال وهو فاهم له ولفوا على صوت نجوى وبنتها ريتاج: السلام عليكم

الكل: وعليكم السلام

جلست وريتاج جنبها وتكلمت ببسمة: وين انت اختفيت ماعد بسرناك

دانيال: انشغلت والله

ام ريتاج: المهم انك بخير وبيننا سهل

ريتاج بابتسامة: كيف حالك دانيال ان شاءالله بخير

دانيال ببرود وهو يلف لأمه: الحمدلله.. ووين داليا

ام دانيال: عادها بالجامعة مع بنات عمك

دانيال: وعلي وين

ابو دانيال: قال ابوه نوم

بسر ساعته: للآن

الجد: عاده تاعب ماعليه

ريتاج بتملق: دانيال تشتي حاجه اديها لك ادي لك اكل

دانيال بدون لايبسر بينها: لااا

ام دانيال بتركيز: بين ابسر الفرحةة في عيونكك الله يجعله خير مالك

ضحك دانيال وهو يحك خلف راسه: ماحد فاهم لي الا انتي انا فدالش

ضحكوا بهدوء وتكلم ابوه: هاه بلقفك كلام حتى انا ملاحظ عليك

ريتاج اتسعت ابتسامتها وسرحت بافكارها لابعيد وان دانيال عيخطبها من جديد وفتحت عيونها بصدمة اول ما قال ببسمة: انا متزوج لي عدة اشهر

صاحت بصدمة: ايييييش

الكل بسرها باستنكار ودانيال ما اهتم او لف

ام دانيال: تزوجت من صدقككك انت

دانيال بابتسامة: ايوةة والاهم من هذا قريب شوقع أب

ابتسم الجد وضحك ابو دانيال: ماقد استوعبنا زواجك وتزيد تصدمنا انك عتوقع اب

ضحك دانيال ولف لسؤال امه: بنت من هي وكيف لوما تزوجتها

دانيال بتنهيدة: بنت اللي جلست عندهم واستقبلوني ببيتهم وعاملوني كأني ابنهم

ام دانيال: راضي او..

قاطعها بابتسامة ثقة: احبـــها

ابتسموا عدا ريتاج اللي مفتحة عيونها بصدمة وهي تبسر ابتسامة دانيال وهو يحكي عنها وحبه اللي ظاهر بعيونه

ريتاج سارت تتكلم بس امها سبقتها وهي توقف وتسحبها معاها لأنها عارفة عتجيب العيد: ألف مبروك يا ولدي يلا استأذنكم معانا شوية لداة نصبنهن

ابو دانيال: لاتسبروا غداء تغدوا معانا

هزت راسها وسحبت ريتاج اللي مصدومة معاهاا

ام دانيال ببسمة: ايوةة وما اسمها اللي شلت قلب ولدي

ضحك دانيال وهو يرد: البتول

ابو دانيال: الله.. سلام على فاطمة الزهراء

الجد بضحكة: بسرت على صدفةة علي الزهراء ودانيال البتول

ابو دانيال: هههههه حتى في اسامي نسوانهم متشابهين ما يفترقوا

ام دانيال: الله لايفرقهم

دانيال: المهم اشتي اعرف قصة ابي علي اللي بتتكلموا عنه واتعرف عليه وعلى ولده ماقد بسرته

الجد: اخطى لاعند علي وهو عيفهمك واخطوا لابيت ابوك علي جمعة

وقف دانيال وهو يشل تلفونه: سابر الآن اخطى اقومه..!!

@rewayatyamania المصدر الأول للروايات

١٠/٠٠بعد الظهر..!!
دخلت للصالة باندفاع وهي تتكلم: السلام عليكم ك.... سكتت اول ما بسرت دانيال وعلي قدامها ونزلت البرقع بسرعة وهي تلف وتخطى للمطبخ

ضحك علي وهو يلف لدانيال: فجعتهااا

دانيال: هههههه افتعجت منك انت

ابو علي بابتسامة: ماقد تعرفك يا دانيال

علي: هههه خلها تتعرف بعدها عتبسر كيف عتكون ترد لك الكلمة بعشر انا الآن مصدوم انها خزيت وخطيت

دانيال: ههههههههههه ذيبةة بنت العم

دخل زياد للصالة وبسرهم برفعة حاجب وتكلم وهو متجه للدرج بدعممة: سلاااام

الكل: وعليكم السلام

دانيال بصوت عالي: هاه هاه مالك مهرووول هكذا تعال لاهانا

وقف زياد وماقدر يتجاهله لأنه يحسه هيبة وكلمته ما يثنيها لف ورجع لاعندهم وتكلم: ايش

دانيال برفعة حاجب: ما تعملت ايش تفعل اذا دخلت لا بيتكم وبسرت عندكم ضيوف وكيف تستقبلهم

نزل راسه وماعرف ايش يرد

دانيال: تعال اجلس هانا اشتي احاكيك

رجم شنطته للكنب وخطي جلس جنب دانيال بهدوء

دانيال: صف كم انت

زياد: اول ثانوي

دانيال: اووف صعب صح

زياد: قوووي

دانيال: هانت قريب وتختبروا آخر السنة

زياد: ان شاء الله

دانيال: ايوة وايش عتوقع لوما تتخرج

زياد بتفاعل: مهندس معماري

دانيال: الله الله ضخم وربي

زياد: ايوة احسن تخصص

دانيال: اهتم وركز بدروسك وادي معدل عالي بالثانوي علشان تدخل التخصص اللي تشتي

زياد: ان شاءالله اكيد مهتم

علي وهو يتمدد ومستغرب من زياد كيف تكلم مع دانيال هكذا: قوم ابسر الغداء عنتغدا هانا

دانيال: مع عيب عليك و...

ابو زياد بحدة: عيب اييش البيت بيتكم والله ماحد ادى خطوةة

وقف زياد وهو يتكلم: ايوة مابش خرجة بغير غداء دقايق نقربه

خطي وهمس علي لدانيال: ...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 120 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


خطي وهمس علي لدانيال: كيف فعلت وخليته يتقبلك ما يرضى يكلم احد الا من راس النخر

دانيال برفعة حاجب: الناس يجوا للناس بالاساليب يا ذكي تعلم الحوار والكلام

علي بسخرية: ههههه حاضر
.
.

ثاني يووم..

قبل العصر..!!!

بيت ابو دانيال..!!
تكلمت وهي ترتب المجلس بسرعة: غدير وين البخوور بخري بسرعة لا يوصلوا

غدير وهي تحط البخور: يلا الآن وهذا احلى بخور لعيون دانيال ومرته ههه

داليا بضحكة: والله مانا مصدقةة بس عيس اللي مفرحني اعتكاف ريتاج بغرفتها ودانيال والله ماهو ضارب لها كرت

غدير: لو جينا  للصدق ما يحق لها تزعل هي اللي فلتته بأمس حاجته لها وجرحته

داليا: ابردي منها وين عبير وزهراء

غدير: عبير قالت تبدل وتجي وزهراء والكل عتجي ذلحين مع امي..!!
.
.

وقف بسيارته قدام الباب الكبير للفلة ولف لبتول اللي بتبسر بانبهار وقبل ما يتكلم تكلمت: هذه بيتكم بكله

دانيال ببسمة: قصدش بيتنا ايوة هذا بيتنا

بتول: ماشاءالله كلكم على حوش واحد

دانيال: ايوة جدي عمرهن اربع فلل وكلهن بحوش وسور واحد

بتول: انت قلت اثنين اعمام لمن الرابعة

دانيال: عمتي نجوى جدي ما نسيها

بتول: اها قد زوجها مات صح

دانيال: ايوةة يلا نزلنا

اخذت نفس وفتحت الباب ونزلت ونزل معاها تقدمت منه ومد لها يده بابتسامته بادلته الابتسامة بتوتر وخطيت معه لاداخل ونظرات الانبهار بعيونها حتى لو حاولت تخفيهااا ما توقعته بهذا الغناء والرفاهيه..!!
.
.

بسر داليا في الباب وشهقت اول ما بسرتهم: جيتوووا

ضحك لها ورد: لا عاد احنا

داليا وهي تتقدم منهم: هههه سامج.. البتول

بتول بابتسامة: داليا صح

حضنتها داليا وهي ترد: ايوةة حيا الله مرة اخي حيااا

بتول ببسمة: الله يحييش يانظر

دانيال: ابسري لنا طريق ترتاح بتول شوية بعدها تدخل مابحد

داليا وهي تمسك بيد بتول وتخطيها معاها: تعالوا للغرفةة اللي بالطرف ماحد فيهااا..!!
.
.

نزلت العباية وهي مبتسمة باحراج من داليا اللي تكلمت: ماشاءالله ماشاءالله قمرر وعرفت تختار يا دانياال

دانيال ابتسم ونظره لبتول اللي حمرت من الخزاء كانت لابسة فستان بلون البنفسج الفاتح طويل وماسك عليها مككم ومعه ربطة بالوسط وفكه من الرجل اليمين وشعرها مفرود لانهاية ظهرها مع طوق بسيط يلمه ومكياج خفيف جدا.. كانت انيقةة بكل معنى الكلمةة

وقف ومد يده لها وهو يتكلم بابتسامة: يلااا دخلنا

هزت راسها بتوتر وهي تشبك يدها بيده وخطيت داليا قدامهم وهي فارحةة ومتحمسةة..!!
.
.

دخلوا للصالة ودانيال يتكلم بصوت عالي: الله  الله يا اهل البيت

الكل لف بحماس وترقب ونظرهم للي خلف دانيال

ام دانيال وهي تتقدم منهم بابتسامة: يا حياا وياقوااا بولدي ومرة ولدي حياااا

شد بيدها وهو يقدمها لأمه اللي اتسعت ابتسامتها وهي تبسر البتول اللي ردت بخزا وهي تسلم عليها: ابقاش يا عمه

ام دانيال: الله الله والحلا اسم الله عليش

ابتسمت بتول وتكلم دانيال بضحكة وهو يلمها من اكتافها لاصدره ويحبها على خدها تحت نظرات الكل: كيف ذووواق صح

ضحكت امه وهي تسحب بتول اللي ذابت وتتكلم: خلاص انت توكل وانتي يا بنتي تعالي اعرفش على اسرتنا

ضحك دانيال وهو يتكلم بصوت عالي: انتبهوا عليهااا واللي يأذيها او يزعلها لا اكسر راسه

ام علي: هههههه تهديد هذا على فكرةة

ضحك ولف يخرج: انتبهوا لهااا وبس
.
.

جلست جنب ام دانيال واخيرآ بعدما سلمت على الكل وجت جنبها داليا اللي تكلمت بحماس: كم عمرش وبتدرسي

ام دانيال: داالي خلي البنت ترتاح اول

بتول بابتسامة: لا عادي.. نتعرف.. انا صف ثالث ثانوي وعمري ١٨

غدير: واو اصغر مننا

داليا: لدت زهراء يعني

زهراء: لا ياذكيةة انا عتدخل العشرين قريبآ

داليا: اهااا

ام علي: وكيف حالش يا بنتي ان شاء الله الحمل مش متعب لش

بتول بابتسامة: الحمدلله شوية تعب بسيط

ام ريتاج: معروف حق الحمل الله يعينش

بتول وهي تلف للبنات: ممكن اتعرف عليكن ما اعرف الا داليا ايش اساميكن

غدير بضحكة: انا غدير بنت عم دانيال وهذه عبير اختي وهذه زهراء بنت ابي علي بنت عم دانيال والكل وزوجة علي اخي وهذه عروستنا زينب اخت زهراء.. وهذه امي وهذه عمتي نجوي.. وهذك اللي بالطرف ريـتـ...

قاطعتها ريتاج بقهر وغيظ وهي ماسكه لنفسها من اول ما دخل دانيال: انا ريتاج بنت عمة دانيال وخطيبة وكنا عنتزوج قبل ما يعمل الحادث وللأن انا خطيبته اذا ما تعرفي

الكل فتح عيونه بصدمةة

وبتول حست قلبها توقف وحرارتها ارتفعت ابتسمت بارتباك: خطيبته

ريتاج بحدة: ...




📚 @rewayatyamania  🇾🇪

.

البـارت 121 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


وبتول حست قلبها توقف وحرارتها ارتفعت ابتسمت بارتباك: خطيبته

ريتاج بحدة: ايوة اذا مش انتي عارفةةة بس فقد الذاكرة وماعد ذكر واضطر يتزوجش علشان يكون محرم ويدخل بيتكم

ام ريتاج بحدة: ريتااااااج

ريتاج: ايشووه يمه او عتخفين عليهااا مصيرها تدري اليوم او غدوة... لفت لبتول وبتحدي.. انا ودانيال مخطوبين ومن لما كنا صغار انا له ومصيرنا نجتمع

رفعت يدها اللي بترجف ورفعت قصتها لاخلف اذنها وماعد قدرت ترد بحرف ونفسها طلعت ونفسها اختفىىى حست الدموع تجمعت بعيونهااا

داليا بقهر: لا تصدقيهااا صح انه كان خاطب لها بس..

غمضت عيونها بقوة اول ما قالت كان خاطب لها واكدت لها كلام ريتاج وقفت بشكل سريع اول ماحست نفسها بتلعي وحملت متجهة للمغاسل ويدها على فمها

فزت ام دانيال وخطيت خلفها وغدير وزينب وزهراء

ام ريتاج بسرت ريتاج بقهر وريتاج مبتسمة بانتصار

داليا بقهر وبيدها تلفونها: الآن عتدفعي ثمن كلامش هذا صدقيني.. دانيال قال اللي يزعلها عيكسر راسه بس دامه انتي ما عيكفيه يقطع راسش.. لفت وخطيت للمغاسل اول ما وصلها صوت دانيال: هاه

داليا: عادك بالمجلس

دانيال: خرجت اول ما اتصلتي الرجال ملان خير ايش به انتبه على صوت بكاء بتول وصوت امه بتحاول تهديها واتكلم بفجعة: مالها البتووول

داليا بتوتر واتندمت انها اتصلت له: ولاشي خلاص

دانيال بحدة وهو يخططى للبيت: ابسرري لي طرريق غلق الخط وداليا اتجهت لاعندهن..

@rewayatyamania المصدر الأول للروايات

تكلمت بتول بتعب ودوار وراسها بصدر ام دانيال: مافيني حاجة بس اشتي اروح بيتنا

ام دانيال بقلق وهي تبسر وجهها رجع اصفر: بتول بأيش بتحسي حاكيني..اخلي دانيال يوديش المستشفى

غمضت عيونها بتعب وهي ترفع نفسها وتمسك راسها بيدها: مابش حاجـ.... انقطع كلامها اول ما حست بدوار فظيع بعدها ماعد حست بحاجةة غير صوت البنات اللي صاحين باسمها: بتوووووول

مسكتها ام دانيال بسرعة وغدير معاها

واتقدم دانيال بسرعة اللي حس قلبه توقف اول ما صاحين باسمها.. بسرها متمددة وراسها بحضن امه بتعب جلس على ركبه قدامها وهو يرفع شعرها ويتكلم بقلق: ايش فيهااا مالهااا.. ما انتظر احد يرد وحضنها بسرعةة وهو يخطى متجه لا طالع لا جناحه ويتكلم: داليااا تعالي...!!
.
.

شد على يدها بقوة ونظره مثبت على ملامح وجهها الذابلةة وكلام داليا يتردد باذانه وحاسس بحقد وغيظ وكره لريتاج بشكل فظيع ويقسم لو كانت قدامه كان فرمها فرررم

فز اول ما تحركت وهمس: بتول

فتحت عيونها بتعب وهي ترفع يدها لراسها بألم وجهت نظرها له وهي تهمس: وين انا

شد على يدها بين يداته ورد: بجناحنا.. كيف حالش الآن تاعبة تحتاجي مستشفى

غمضت عيونها بتعب وهمست: احتاج بيتنا وامي وديني

دانيال بتنهيدة: كلامها كذب صح اني كنت خاطب لها...

قاطعته وهي تمسك دموعها لاتنزل: كنت خاطب لها بس رحمتني وما كلمتني ويمكن لوما طلعت حامل كان طلقتني ورجعت لها لأنها لك من زمان وانا تزوجتني علشان تكون محرم لي..

بس اقولك ذلحين انت مش مجبر تجلس معي لأي مصلحةة طلقني وارجع لحياتككك الاوله وانسى انك بيوم عرفت البتول او اهلها.. ايوة صح بنت عمتك من مستواك وبنت دلع واناقة تناسبك اكثر مني و..

قاطعها بحده من كلامها: بسسسسسسس خلاااااااص

غطت وجهها بيداتها وانفجرت بكاء بصدمة وخيبة لأنه اول مرة يرفع صوته عليها ويصيح هكذا

مسح وجهه بقوة واتندم انه رفع صوته عليها تنهد وهو يمسك يداتها اللي على وجهها ويهمس: بتوول.. بتووولي.. بتولةةة.. ابسريني هاه... طيب وقفي بكاء.. آسف ما كان قصددي بتووول

بعد يداتها من وجهها بالغصب وهي لفت بسرعة بعدما كانت على ظهرها

دخل يده من تحت اكتافها ورفعها له ولمها لاصدره وهمس وهو يحبها على راسها: حقش عليااا آسـف

بتول بشهاق وبكاء: تحبهاااا

ابتسم بهدوء وهو ينزل راسه لها: احبش انتي وربي ما حبيت احد قبلش او بعدش خليش واثقةة

رفعت عيونها له وبتردد: خاطب لها.. خطبتها عن حب

دانيال: كنت كنت كنت خاطب لها بس الحمدلله الله ما تمم وعوضني بش انتي

بتول وهي تمسح دموعها: فهمني وذلحين واذا كان وجودي بحياتك عيخرب حياتك فانا انسـ...

قاطعها وهو يرجع ظهره للسرير ومازال راسها بصدره: لاتحلمي بس مجرد الحلم لاتحلمي انتي معي دائمآ وابدآ... واسمعي قصتي من اولهااا..!!!


https://t.me/+Ecxq_OzMYh40M2E0


📚 @rewayatyamania  🇾🇪

.

البـارت 122 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بعـد ساعــــة..!!
لفين على صوت خطوات وصوت دانيال العالي: بنات العم تغطين عتدخل

تغطين البنات وتكلمت داليا: ادخل

دخل وبيده بتول اللي رافعة لراسها وعلى وجهها ابتسامة هادئةة تكلم: السلام عليكم

الكل: وعليكم السلام

ام دانيال: كيف حالش يا بنتي

بتول ببسمة: الحمدلله آسفة خوفتكن

ام دانيال: المهم انش بخير

دانيال بسؤال: وينها

الكل عرف انه يقصد ريتاج واتكلمت عمته نجوى: في البيت دانيال انا اعتذر من مرتك ومنك قدام الكل نيابةة عن بنتي واوعدكم آخر مره تزيد تدخل في حياتكم او تتكلم بكلام مثل هذا

دانيال بهدوء: فهميها يا عمه اني متزوج واحب مرتي ومستحيل ابدلهاا والاهم من هذا منتظر لأول مولود لي.. خليها تبعد عن حياتي ولا وجهي يقابل وجهها

ام ريتاج: ابشر ولايهمككك..

دانيال: ولا تزعلي مني ياعمةة بس مااشتيش شوشرة في حياتي او مشاكل

ام ريتاج: عارفةة ولايهمكك.. ولاتهم ان شاءالله خطوبتها قريب

داليا بشهقة: وافقت على ولد الـ.....

ام ريتاج: ماقد كلمتها بس عتوافق غصب او رضى ماعليكم

دانيال: الله يوفقهااا يلا عترجع للرجال لغبوا لي اتصال المجلس ملان علشاني وانا هانا ودكم شي

الكل: سلامتككك

بتول وهي توقف بعدما كانت جالسة وتمد له تلفونه: عدي لحظةة تلففونك

الكل بسرها باستغراب لوما قالت عدي

ودانيال ابتسم وهو يشله من يدها: ياعيون عدي تسلمي اذا تعبتي اتصلتي لي او اطلعي جناحنا ارتاحي

هزت راسها بابتسامة وبادلها الابتسامة وهو يخرج..!!!

@rewayatyamania المصدر الأول للروايات


القريةةة..!!
لبنان وهي ماسكة لضحكتهاا وهم فوق السيارة: الله ذلحين ما يقولوا وهم يبسروا الشيخ احمد وهو راكب جنب مرته وهي بتسوق

احمد بضحكة: ما عيقول ابتهم

سجى: ما عيتكلم الا المتخلف ههههههه

لين: مدري ليش مفتجعة وحاسه ان احنا عنتقلب

ضربتها ليلى وتكلمت بحدة: تفاولي خيير يا كلبةةة

احمد: ولا يقع شي يلااا وصلنا جنبي هانااا

وقفت السيارة والكل نزل وخطيين خلف احمد
.
.

مد السلاح لسجى وتكلم: يلا امسكي لوما اسبر نصع

رجعت لا وراء بخوف: امسكه انا ماااشي

ضحك ومده للين وخطي وهو يتكلم: وعاد عترمي غصب والا رضى

سبر نصع لهن كلهن ورجع لهن وهو يتكلم: يله من تبدأ هيااا

لبنان وهي تشل السلاح من لين: طبعآ انااا وبدون مساعدتككك

ابتسم لها احمد وهو قد علمها خيرات على السلاح وكيف ترمي

عشقت السلاح ووجهته للنصع ورمت بمهارةة

صاحت سجى بفزع وهي تجلس وتسد اذانهااا: يماااااااااااااه

تقدم منها بسرعة ومسكها وهو يضحك: افاااا هذا وماقد رميتي خفتي من صوتهااا

سجى برعب: مااشتييش ما عترمي

احمد وهو يوقفها: لاتخافي انا معش.. يلا من ترمي

ليلى وهي تشل السلاح من لبنان: انا بس علمني اول

تقدم منها وعلمها كيف تعشقه ومسك السلاح معاها ورمت بس ما اصابت النصع

احمد: يلا معوضة بالطلقةة الجايةة.. تعالي يا لييين هيااا

تقدم منه لين بحماس ورمت بعدما علمهااا.. ولف وهو يتكلم برفعه حاجب: وين سجى

لبنان بضحكة: هربت للسيارة قبل ما ترمي ليلى

ضحك وهو يتقدم من السيارة ويفتح الباب وبسر سجى سديه لأذانها بيداتها ومنزله لراسهااا: سجىىى

فزت ولفت له: روووحني روووحني

سحبها من يدها لا نازل وهو يضحك: يا عيبااااه تخافي وانا بظهرش تعالي

وقف معاها قدام النصع وهي ترجف خوف من السلاح اللي رفعه قدامها: شليه

سجى: ماعه

لفها لاقدام وقربها من صدره وهو خلفهاا وحاوط اكتافها بيداته وهو ماسك للسلاح مسك يدها وخلاها تعشق الآلـي وهي مغمضه لعيونها بخوف

احمد: فتحي عيوونش لاتخافي سجىى

فتحت عيونها ببطء واحمد رفع يدها تمسك مقدمة الآلي ويده تحت يدها وباليد الثانيه حطها على الزناد واصبعه على اصبعها همس بهدوء: ركزي على الهدف وشلي نفس بقوووة

سجى برعب: احمد مااقدررش

احمد: تقدري اوثقي فيني اضغطي الآن لاتخافي طيب

هزت راسها وهي تشل نفس بتوتر واحمد همس على اصبعها واطلق رصاصةة واصابت النصع بدقةةة

سجى غمضت عيونها بقوة وكتمت صيحتها برعب واذانهااا طنين بقوةة وماعد سمعت شي

لفت لأحمد بسرعه وحضنته وهي مدوخةة بفجعةة

ضحك احمد وهو يمد الآلي لليلى ويلم سجى: يييه سجىى من صدقش

رفعت يدها واشرت بمعنى انها داخت وفي عالم ثاني وغمضت عيونهااا

احمد وهو يشد عليها ويلف للين: هااتي ماء للدلوعةة هذه.. جلس وجلسها معه وهي تراخت عليه بتعب

مد يده للين وهي سكبت له ماء من الصحةة ومسح به وجهه سجىى وهو يهمس: سجىى لاتخوفيني

دفنت راسها لاصدره بدون كلام

ليلى: مالهااا

لبنان: سجى يا هبلااا ماهذا قده دلع زيادةة

احمد بهدوء: سجى ياعيني

انفجرت بكاء وهي تشد على كوت احمد بقوةة وهانا احمد حس روحه طلعت والبنات خافين: ...


https://t.me/rewayatyamania/51645



📚 @rewayatyamania  🇾🇪

.

على كف القدر نمشي ولاندري عن المكتوب

للكاتبة✍🏻 أميرة اليمن

البارتات الأخيرة من 123 إلى 126👆🏻😍

أو عبر قوقل👇🏻
https://drive.google.com/file/d/1biwBhC-D5wrHFHdCqIDf179XQqD-7KIE/view?usp=sharing


https://t.me/rewayatyamania/51645

.