.

البـارت 47 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


دخلة عمار

جمد خليل مكانه والكل وقف بس خليل اشر لهم بمعنى ما فيش حاجه انا شتصرف وبسرعه تحرك ناحته واخذه على جنب

خليل بتشديد: خيرررر

عمار بحده: اشتي ابني

خليل: مااابش عندي عيال

عمار: خليل احمد ابني وامه تزوجت والحضانه من حقي نفسي نفسك بسرررعه قبل ما.....

*

بعد نص ساعه تماما

عند قمر

تعالت اصوات الصراخ وعيال شيماء وحنان اميره وفاروق يصيحوا عمار خطف احمد

وقفت قمر بكوشتها وجرت ناحية الباب بدون وعي وكذلك ووقفين النسوان وجرت حميده وغطت قمر

عرف خليل بالموضوع جن جنونه وطلب من امه تفتح له طريق يدخل لقمر

افتتح الطريق لخليل ودخل واحمد ماسك بيده وقمر لا زالت تبكي واول ما شافته بيد خليل جرت ناحته وحضنته وصارت تبكي اقوى واقوى 

كان خليل يشوفها وزاعل انو حتى فرحتها تخربت وخرجت للشارع بفستانها وما لحق حتى يرفع لها الطرحه ما جاء من قلبه يتركها زاعله فتح طريق لغرفته واخذها بصحبه ابنها ودخل معاهم وبدأ يفهم قمر بالقصه انووو...


..قبل نصف ساعه واكثر حبتين..

..نفسسسي نفسك بسرعععه قبل ما اخرب العرس و اشوه فرحتك الآن تخليني اشوفه قبل ما ارحلي للمره الاخيره

خليل باستغراب: ترحلك!!

عمار: ايوه انا مسافر

خليل: طيب سير وارجع بعدين الولد عند امه مش وقت

عمار: بس انا مستعجل اشوفه بس وارحلي

خليل بتشديد: رررحلك من هانا بدون شرشحه احسن لك لو سمحت

عمار ببحه: طيب طيب انا كذا كذا ماشي بس اتمنى تسامحني

خليل: يااا بني ادم افهم

عمار: ابني في ذمتك (ولف يمشي بس يد خليل مسكته)

عمار لف سكته

خليل: عمار انا مستعد اسامحك بس بشرط

عمار: اللي هو!

خليل: احمد تبقى حضانته لامه و علىى طول

عمار شرد شويه: تم بس لي طلب

خليل: اللي هو!

عمار: ابني يعرف اني ابوه ولو بيوم من الايام رجعت  تسمح لي اشوفه

خليل: تمام بس الان تنقلع فاهم

عمار: خليل انا مسافر ويمكن للابد لا تحرمني شوفته الاخيره

خليل عفر وشه: طيب ثواني

خرج خليل من الخيمه وكذلك عمار ومعاهم حزام اللي خاف لما شافهم توجهوا للخارج
فهمه خليل القصه وصيح لاحمد اللي كان يلعب مع العيال

واحمد هرع لا عنده واول ما شاف ابوه ذكر اخر لقاء بينهم وحاول يهرب.. بس عمار مسكه وحضنه صميل وخليل خنقته العبره فبعد حبتين

بس العيال اول ما شافووا احمد مع عمار فكروا انه بيخطفه وهنا علت الصوايح واول ما عرف خليل رجع لاحمد ومسكه من يد ابوه

عمار وقف: اتمنى تحط لي عنده صوره جديده.. وتقووله اني رجعت بس تركته عشان امه

خليل هز راسه مؤيده: تمام

عمار عفر شعر احمد وبوسه وارتفع: مع السلامه ..ومشى..



بااگگ

خليل: وهذا كللل اللي حصل

قمر هدأت شويه ولا زالت متشبثه بابنها بقوتها

احمد رفع يده لخدها: يممه لا تخافيش انا هانا

قمر خانتها ابتسامتها وتنهدت براحه

خليل بمزح: قومي شوفي كيف قد انتي معجونه فجعتيني ههههه

قمر حست كحلتها سالت لخدودها خانتها ضحكتها وطلعت لا ارادي

خليل لف لاحمد: هيااا سير جوب جده

احمد بعناد: اشششتي امي

قمر خانتها ضحكتها من جديد

خليل بهرر: هههههه جدده تصيح لك سريع

احمد: ماااااعه

قمر بعناد: خلاص خليه عندي

خليل اخذ من جيبه زلط: ترووح تجعل يا بطل

احمد اخذها بفرحه ووقف: وتغريد؟

خليل وقف بعده: ههههه وتغريد شلها معك اشتري لها وسيروا العبوا جمعه ولا ترجعو ابدا

احمد بفرحه: تمام ..ومشى..

خليل وقف بعده هو يمسك عتبة الباب بصياح: لا تررررجعوا الا يوووووم القياااامه ههههه

غلق الباب بهدوء لف واول ما غلق الباب قمر وقفت وكذلك خليل اول ما لف حس قلبه وقف

خليل: يعني ابنششش بدأ ينكد علينا من اليوووممم

قمر كانت منزله راسها بخجل بس اول ما قال كذا ارتفع راسها لا ارادي وهي مبلمه بصدمه وفاتحه عيونها علىىى وسعهن

قاطعتها ضحكه خليل وهو يتقدم منها مسك طرحتها وهو يرجعها على وجهها بضحكه: طوووووول عمريي وانا احلمم بهذه اللحظه يجي بكل بساطه يحرمني منها بهذه السهوله


قمر ضحكت بخجل وخليل رجع رفع الطرحه من جديد بفرحه ممزوجه بضحكه وهو بيشوفها نزلت راسها من جديد ضحككك: هههه حجر والا كيففف

قمر ما تحملت دموعها دون شعور بكت

خليل بحزن رفع يداته لخدودها بحبب وهو يرفع وجهها مقابيله: قمررر شوفي لعندي

قمر رفعت عيونه وشفايفها المرتجفه بخوف واول ما جاءت عيونها بوجهه حست انها بحللللم رفعت يداتها وهي تمسك يداته اللي جالس يحضن وجهها فيهن وهي تشوفه بصممت نزلت دموعها اكثر غصب ومن بين شهقاتها نطقت بشفاه مرتعششه: خ... خل.. خلييييل

خليل بابتسامه وهو يمسح دموعها: يا عيوونن خليل خلاص انتهى كل شيء اوعدش كل شي يكون تمام اهداي

ما ردت رجع قال بمزح: ههههههههه صح نسسيت اقول مبروك علينا عجوزتي


https://t.me/+Ecxq_OzMYh40M2E0










📚 @rewayatyamania  🇾🇪

.

البـارت 48 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


ما ردت رجع قال بمزح: ههههههههه صح نسسيت اقول مبروك علينا عجوزتي

قمر خانتها ضحكه صغيرة والدموع لازالت تنزل رفعت يدها تمسحهن من جديد وخليل بيشوفها امامه ومش مصدق واخيرا خلاص حبيبته قدامه تقدم منها بحبب وهو يطبع قبله على جبينها جذبها لاحضانه وهو يحاول يوقف دموعها همسس: شفتي القمر الللي بالسماء


قمر نزلت راسها بخجل من جديد بينما خليل رفع يده لذقنها وهو يشوف بعيونها الذبلانه تنهد براحه وهو يرفع يده لدمعتها من جديد بهدوء: نفسسس القمرر اللي بيطلع بعد شويه من اليوم  بيبدأ يغار منش  


احمممم اااااااااايوووات ايوووات
منسجميننن ايووات 😒😂💔


****


احححممم تمت الافراح واجتمع الحبيب بمحبوبته.. خليل وقمر كانوا اجمل حبيبين ماحد قدر ينسى تضحيات حبهم.. وماحد بقى ما تمنى يكون مكانهم.. وهكذا مر شهرهم ومر غيره وغيره حتى بقوا خمسه شهووور وعراوسنا لا زالوا مش مصدقين وكل واحد يصحى وينام وهو خايف الثاني يهرب عليه🙈♥



يوووم جديددد
كان الصباح لا يزال يرتدي حلته معلن بدا يوم جديد ومفعم


صحى خليل على موعد شغل له فتح عيونه ولاول مره يصحى من نومه من خمسه شهور وماتنعم عيونه بشوفه قمر النايمه عشان يتفرجها او قمر الصاحيه وجالسه تتفرجه فزز بسرعه وطوالي عرف مكانها

اخذته ارجله وتوجه للخارج والى البستان وصل وقمر زيما توقع كانت جالسه عند قبر امها

(طبعا زيما قوولنا دفنوها بنفس مكان البير اللي طالعوها منه)

كانت قمر تجابرها وتقرأ الفاتحه قرب وقرب وصار يسمع كلام قمر وهي تحرك اصابيعها بالتراب والدموع على خدودها وتشككي لامها انها حتى هي قدر خليل يسرق مكانها وبقت تنساها اكثر من ما تذكرها

قمر من وسط دمعتها: يمه انتي عارفه!
انا بقيت اغتر على القمر من جد خليل وعدني هكذا وانا صدقت.. لو تشوفي يمه قمر كم تحبه وكم تخاف علىىى ضيقته.. وكيف تنام وهي خايفه تصحى ووجوده حلم.. وكم هي فارحه بقربه.. وبايعه الدنيا على مايضحك
يمه تتتتعرفي لما تركتيني لحالي!

ما لحقت احس الوحده حتى كان خليل معي وما ناقصني شيء حتىىى.... بقت قمررر احلى اميرة ليتك تشوفيني يمه تعالي شوفيني وتمي فرحتي..


ما كملت حتى قاطعتها مسكه خليل لكتفها

قمر ماخافت لانها تعرف هذه حركته لفت لخليل وهي تمسح دموعها

خليل بابتسامه: امممم سمعت كل شي😊

قمر بابتسامه وعيونها تلمع: ليش ما خليتني اكمل

خليل وهو ينزل لمستواها جلس جنبها: ليش انا عاد باقي لي دلال بالدنيا اكثر من وجودش في حياتي؟

قمربغرور: اممممم اعتقد لا ههههه

خليل بضحكه: عارف ماقدرت اعوض مكان امش بس صدقيني كل اللي بيدي شاسويه انتي بس لاتبخلي عليا كل اللي تتمنيه قوووليه واعرفي تم

قمر اكتفت بابتسامه خجوله وتنهيده صغيرة

خليل مد يده: ما تحسسي الجو بارد قومي ندخل

قمر مسكت يده ووقفت وهي تاشر على الصخره اللي جنب البير: لا لا تعال اجلس شويه

جلس خليل بجنبها طبعا على صخرتهم القديممه اللي تعرفوا علىىى بعض اول مره بجنبها 

قمر بابتسامه شدت على يده بدون ما تتكلم وسندت راسها لكتفه وخليل لف يده حولها بحببب وهو يبوس راسهها وضمها بصمتت وهو يحاول يخبيها من البرد

قمر وهي تشوف التلة كيف صارت وتتذكر كل حياتها شردت شويه بعدين رفعت راسها بهدوء: خليل

خليل وهو يبعد اثار اوراق الشجر اللي تتطاير على حجابها: يا عيوني قوولي

قمرر: امم عندي سؤال

خليل ضحك بمزح: قبل الصبوح او بعده ههههه

قمر بضحكه: هههه لا لا سؤال بسيط بس يعننني اشتي اعرف ايش كان شعورك لما قعت اب

خليل وهو يحط يده على كتفها من جديد: تصدقي!

قمر هزت راسها مؤيده   

خليل: كانت فرحتي لش اقوى من فرحتي بنفسي

قمر ذكرت خانتها ملامح حزينه 

خليل لاحظ عليها شد على يدها بحزن وهو يشوفها لا زالت سارحه رفع يده وقرص انفها بمزح: بس انا بناتي لو يحبين شاقلع اذانهن

قمر: ههههه اممم وليش ماتقلع اذن مرتك

خليل: ههههه مدري تغريد قد احمد خطفها والباقيات سهل متى ما جين سدينا

قمر بابتسامه صغيره سندت راسها لكتفه من جديد وهي تحضن يداته لصدرها بحبب.. اخيرا اطمأن قلبها بجانب حبيبههها.. اخذت نفس كبيررر وضمتهن اكثرر وهي تعدل راسها على كتفه    خليل خلاص ابننا جايي بالطريق

       ****


بعد مرور 18 سننننه

قمر وهي تبخره:  يلللللللللللللللللللللللللللي الف الف الف مبرووووووك يااا روح امك

احمد وهو يعدل حزامه او ما يسمى ب " القايش" تبعه على خصره قرب وهو يبوس راس قمر    البركه فيش يا غاليه

قمر وهي تقرأ رقيه من العين دمعت عيونها

خليل دخل من الباب: الف الف مبروووووك يا ولدي

احمد قرب وهو يسلم عليه بمزح غمز: البركه فيك يا عم انت وبنتك

خليل: هههههههه تغريد في ذمتك

احمد: ...
















📚 @rewayatyamania  🇾🇪

.

البـارت 49 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


خليل دخل من الباب: الف الف مبروووووك يا ولدي

احمد قرب وهو يسلم عليه بمزح غمز: البركه فيك يا عم انت وبنتك

خليل: هههههههه تغريد في ذمتك

احمد: في عيوووني وفوق راسي ووسط قلبي وفي نخرتي حتى ههههه ما عاد تشتوا هه

خليل: ههههههه ابوك واخوتك برع يشتوا يباركوا لك

خرج احمد بصحبة خليل لابوه وسلم عليه وسلم علىىى اخوته ..طبعا عمار تزوج ولا تفكروا حتى انا فكرت لا بنت يمكن تقبله بس لا تخافوا زيما يقولوا المكدكدات خيرات ههه دنيا المهم😁😁..


عند النسوان
بدأت اجواء الفرح تعزف اوتارها وقمر راحت للعروسه

قمر لتغريد: مبرووووك

تغريد بابتسامه خجوله رفعت لسانها تنطق بس قاطعتها قمررر بهبل 

قمر: وووووووعقبالي ههه

قمر ( احممم طبعا قمر بنت قمر🙊)

- تقول احدى خُرافات الجينات:

"اكثر الرجال حباٌ ل زوجته اكثّرهم خلفةٌ للبنات🙃❤"

قمر بهررت: بنتتتتتتتت

قمر بحناك وهي تخرج لسانها بعناد: ابي قال ما اخجل واول مايدق قلبي ابلغه انا حر لاحد يكلمني ههه 

قمر: ههههههههه قومي جهزي وبخري غرفه اخوش ناهي

قمر: يممممه شوووفي هذا الدلع بكله يروح يرفع مشو حرام

قمر: سابر زعليني بس

قمر قربت لامها قمر وطبعت قبله علىىى خدها: لا لا كله ولا زعل قمريه باباه 

قالت كلماتها وراحت وتركت الكل بضحكته ومشت لغرفه احمد جهزتها بسرعه وشغلت البخور

لفها صوت البرع ، حطت المبخره وغطت شعرها وقربت من الطاقه وهي تفكر

"اممممم ولا واحد منهم حالي
اوووووف ههههه فديت قلبك ياباه مابش الا انت واحممد وراجح

(طبعا راجح ابن قمر وخليل رقم  2 )

قمر وهي لازالت تفكر: اممممم لحظه لحظه من هذاك
يمممممه ما احلاااااه هههههه خلاص شابلغ اب... '

صحت على رعشة اميره

لفت بخوف: يوووووه صلاة علىىى النبي مالش

اميره بضحكه: ههههه بيت من بتدوري

قمر: بين اشوف ابي بيبترع تعالي

اميره قربت وشافت لفت لقمر بضحكه: قمر انتي عارفه ايش حصل بعدما مشيتي

قمر: لحظه لحظه ششوفي من هذاك الحاالي اللي جالس جنب احمد

اميرره: هههه قوولي ما عرفتيه

قمر: ليش يعني انا اعرفففه لحظه

اميره: فارووق

قمر رفعت حواجبها بدهشه: مننن؟؟؟😳

اميره: فاااروق وعللىىى فكره رجعع من السفر عشانش

قمر لفت بدهشه: علىىىى شاني انا😒؟!!!

اميره: هههه حتى اووول ما طلعتي خالتي قمر صرفتش وخالتي حنان طلبتش منها من الاصل انا جيت ابلغشش 

قمر بدن شعور صاحت: صددددددق

اميره: هههههه ايووووه

قمر بدون شعور حضنت اميره وصارت تدور فيها واميره تضحك علىىى هبالتها

اميره: بس بسسسس

قمر استحت ووقفت ومش عارفه فين تجيب وجهها من اميره

اميره: ههههه فديت قلبب اللي يستحو انا بس ياا قمررريه لو تشوفي كم يحبش

قمر: هههههه يوووه فديت قلبه انا  😅>ما اسخفش من صدق 😂

اميره: تعالي تعالي علي (خطيب اميرة) بيجي هو وامه 

قمر: باقي شهر للعرس صح

اميره استحت سكتت

قمر حست فحبت تحرجها: يعني مش انتي فارحه 

اميره: الا الااااا فارحه قووي بس.. مدري كيف احس في حاجه ناقصه

قمر حضنتها: سهل مادام انتي تحبيه وهو يحبش كل شي ايسبر

اميرة كانت بتتكلم بس قاطعهن دخول رقيه (بنت حنان واخت فاروق)

رقيه وهي ميته ضحكه: ههههه يااا بنات لو تشوفين ما فعلت

قمر بضحكه: ههههه خيرررر

رقيه: امي خطبتش لفاروق القلب وانا قلت ابدا ماتم عرس ولا يخرج حريو الا وانا عروسه🙂

قمر: ههههه حتى انا عاد انا اعجبت باخوش قبل دقائق بس ههههه

اميره فقعت وقمر تبعتها ورقيه مستغربه

قمر هزرتها للطاقه: شوفي شوفي ما احلاه خلاص عجبني 

(  بنات اخر زمن😒😅)

رقيه: اميره خطيبش وصل


بعد دقائق،،

قمر وقفت: هييييي قومين توالفين من قله الحياء

رقيه بعدها: يخخخخخ علللىىى اشكال

اميره الثالثه: عليهم ال**** من صور

قمر: تفففففف ما اسخفهم

اميره صاححت: يااا كلبه ياكلبه طاقه العريس

قمر فزت ورجعين يمسحين الطاقه >ههه فديتكن بس😂<

قمر لمحت فاروق وداخليا'يغغغغ شكله صايع حراااام ما اوافق عليه '

الباب دق دق

لفين وكانت امل وبيدها يوسف (عيال حنين)

امل: بسرررررعه غداء عيخرجوا الحريوه قالت خالتي

***


راحين البنات للعروسه وابتدات تجهيزات تقديم الغداء وجات هدى وعيالها باركت لتغريد وابتدأت الزفه

اعلنت الافراح واجتمع الكل وتمت الافراح جن المساء وودعت هدى بنتها ومشت ودعواتها تسابقها قبل دموعها

بارك الكل وهنى وانتهت الزفه خيم الظلام واجتمع العريس بعروسته ومرت ثلاثه ايام علىىىى خير وجاء الرابع


الصباح...

عند احمد خرج وهو ماسك يد عروسته للصاله ولاقتهم امه وهي حامله الصبوح فوق راسها..

قمر: صباح الخير يا عرسان

تقدم احمد وهو يحب راسها: صباح الخير للخير بكله


https://t.me/+Ecxq_OzMYh40M2E0







📚 @rewayatyamania  🇾🇪

.

البـارت 50 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


قمر: صباح الخير يا عرسان

تقدم احمد وهو يحب راسها: صباح الخير للخير بكله

قمر لفت لتغريد: صباح الخير يا عروسه

تغريد بابتسامه خجوله: صباح النور

قمر: ليش خرجتوا قد انا جايه بالصبوح

احمد: لا لا نشتي نصتبح معاكم ونخرج نعمل ليه

قمر وهي تحط الصبوح بالارض: خير هه شدعي اختك ما عمك قد راح بدري معه عمل

احمد لف لتغريد وشد علىى يدها: اجلسي

تغريد بابتسامه هزت راسها بمعنى تمام وجلست جنبه

احمد مسك ملوجه وهو يقسمها نصفين عطى تغريد نصف ولف لامه

احمد: ويني قمر مازيد قالت؟

امه: يوووه وانت ماقد دراك

احمد: جابرني فاروق

امه: انا قد خليتها علىىى ابوك يسدوا ما اتدخل انا مااشتيش مشاكل مع خواتي

احمد: يمه الرجال مافيش عيب ويحب قمر من زمان بس ساكت عشانها كانت صغيره ومايشتي يحرجها ويخلي علاقتهم طبيعي

امه: ما انا ما اقل فيه الا كل خير زيد جابرها انت وبعدا خير

احمد: سابر صيحي لها

قمر دخلت وهي تعفر عيونها: من هيييييي!!

احمد بضحكه: انتي يااا معفنه للمه ماتقومي مع امي تسوي الصبوح

قمر وعيونها لا زالت مغمضه جلست: ما دريت تعبت امس وسارت عليا نومه (وكملت بحناك)  وانت مالك عليا 

احمد: ولا ولا شي اجلسي بس معفنه لما نزوجش وهم عيرجعوش

قمر بحناك وهي تخرج لسانها: هههههههه ما عيسخوش عليااا

احمد: هههههه ماهم صدق يحبوش قوي عتقلي لي انا

قمر ركزت لفت تغالط: وينو ابي يمه

امها: راح مع اخوش معاههم عمل

احمد وقف واشر لتغريد توقف بعده

احمد: خاطرش يمه انا خارجي

قمر: مع السلامه انتبه للبنت

قمر لفت لبنتها: هيا ما جابرتي نفسش يا بنتي

قمر تقلد بلاده: في ايش!!

امها: في ابن خالتش

قمر: ما قد جابرت ابي

امها بزعل: خير هه انا اللي اعرفه ان البنت تجابر امها مش ابوها

قمر: هههههه
***""


مر كمان يومين وقمر لا زالت تفكر بعدها قررت تكلم ابوها بس لاقته سابقها وطلبها لا عنده

كانت الساعه 10:00م

دخلت قمر للمجلس وابوها جالس منتظر لها

خليل: هيا مه يا اباه ما قلتي

قمر لا رد

خليل: قمر  بنتي انتي اللي عتتزوجي مش انا ماتشتيه هي غير كلمه مستحيل اجبرش على شي

قمر: طيب ردهم خبر مش موافقه

خليل: طيب اعطيني سبب

قمر: هكذا ما اشتيه

خليل بابتسامه وهو يأشر جنبه: تعالي هنيه اجابرش

قمر قربت وجلست جنبه سكته

خليل حط يده على كتفها: قمر باباه شوفي لا عندي

قمر رفعت عيونها بخوف

خليل بابتسامه وهو يبوس راسها:  هو من ناحيه انا مش عارف ايش بقلب بنتي بس لازم اقولها

قمر: اباه انا..

قاطعها خليل خليني اكمل

قمر هزت راسها بمعنى تمام

خليل: انا عشت وشفت كثير تزوجت ام تغريد وعذبتها  معي خيرات لا تعاقبيني بنفسش
صح انا احترمتها وعطيتها كل اللي تشيتي ماغلطت عليها وماحصلت بيننا مشاكل بس قلبي للاسف ما احتواها

ماقدرت تدخل لقلبي ابدا وكل فكري وحسي كان مع امش رغم كل شي ماقدرت انساها.. يمكن ما تقدري شعوري كبنت او لانش صغيرة بس اذا تشتي رأيي انا اشوف فاروق شخص مثالي واللي ما تعرفيه ان فاروق طلب يدش وسط الرجال وما توقع ينرد ابدا

وانا كنت قد قلت لاهي غير خالتش ماشي...
لكن الولد شاري ومن نظرتي فاروق شخص مثالي
وبيطرحش بعيونه وانا سعادتش تهمني وصراحه ارآه يشرفني بس اذا انتي نظرتش غير كل القرار الاننن بيدش بس باقلش حاجه... لا تسوي شيء عشان حد لان هذه حياتش انتي

قمر جالسه تتفرج ولا رد

خليل: طيب ماشحرجش اكثر فكري واستخيري ولش الخيره

قمر هزت راسها مؤيده ووقفت بوست راس ابوها وخرجت دخلت غرفتها وهي تفكر هل هي فعلا موافقه ام انها فقط وثقت واعجبت بحبه لها وكلام ابوها واحمد عنه فكرت واكتفت بذلك
وبعد ما فكرت بالاخير استخارت ونامت الى ان جن الصباح وهي لا زالت محتاره صحت وصلت الفجر ورجعت جلست بسريرها وهي لا زالت تفكر فجأة رن تلفونها لفت للاسم وكان رقم اميرة استغربت من اتصالها بهذا الوقت رفعت السماعه

قمر: الووو

_قمر لا تغلقي

قمر !!

-ثواني بس

قمر عرفت الصوت بس استغربت: من؟

_فاروق


















📚 @rewayatyamania  🇾🇪

.

البـارت 51 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


قمر عرفت الصوت بس استغربت: من؟

_فاروق

قمر باستغراب: خير!

فاروق: ليش تأخرتي عليا

قمر لا رد

فاروق: احممم قمر لو مابش بيننا نصيب عادي بس لا تجرحيني زياده ما تطولي

قمر غمضت عيونها وفتحت: فاروق ان...

قاطعها فاروق: خليني اتكلم

قمر سكتت

فاروق: قمر انا تقدمت وكلي ثقه انشس ما ترديني بس اذا في غلط  تقدري تصارحيني الان.. ايش اللي ممكن يقطع بيننا.. انا ناقصني شي.. او فيني غلط مثلا!؟

قمر: فاروق عيب عليك ليش هذا الكلام الان

فاروق: مش عارف بس بصراحه خفت تضيعي من يدي اولااا.. وخفت اكثررر اوهم نفسي بشيء مالي فيه ازيد.. فلو لي معزه تجوبيني الان وصدقيني محترم قرارش بس اشتي اسمعها منش.. يا انا ما اناسب.. او انتي في حياتش غيري؟؟

قمر: طيب ما الرد بيجيك ليش مستعجل

فاروق: ولو قلت لك لو سمحتي لا ترديني انا شاري  

قمر لا رد

فاروق: لا تخافي جوبي انا معش

قمر بخوف: ليش انا وعدتك بشي مثلا

فاروق: لا ما وعدتنيني بس انا اللي بوعدش واللي تتمنيه انا جاهز بس هذا لو في نصيب طبعاً

قمر: طيب في بنات خيرات ليش الا انا! 

فاروق: مش مستعد احرجش خلي الامور طبيعي وبعدا خير 

قمر: طيب غلق بيجيك الرد

فاروق: بس انا اشتي سبب لا تنسي

قمر بخجل: ولو قلت لك من الان مافييش سبب

فاروق بفرحه: باقلش انش كل حياتي وماعمري شفت او تمنيت غيرش

قمر زادت ابتسامتها الخجوله: خلاص غلق

فاروق: لو سمحتي اشتي اسمعها

قمر تقلد بلاده: اييش!!

فاروق: الموووافقه ولا اشتي غيرها لا تتهربي 😁

قمر: فاروق خلاص اظن وصلت

فاروق: احمم المهم لو سمحتي لا تزعلي مني

قمر بخجل: ولو قلت لك اني بالعكس فرحت

فاروق: ههههه خلاص غلقي قبل ما احرجش اانا

قمر بضحكه صغيره: ليش ما اتصلت من رقمك؟

فاروق: كنتي بتجاوبي!

قمر: اممم ما اظن

فاروق: خلاص لا تجادلي

قمر: فاروق لي طلب

فاروق بحياء: تسمحي لي اقووول تدللي؟

قمر بضحكه: جرب قول غيرها وشوف

فاروق: هههه ياا شيخه تدللي وتامري وسوي اللي تشتي وافعليهن كلهن

قمر: الاتصال هذا ماحد يعرف فيه

فاروق: ليش ما انا اكلمش من قبل وعادي وقفت هانا!

قمر: بس هانا غير لوسمحت  لا تجادل

فاروق: طيب ابشري باللي تشتي بس لو سمحتي عجلي فرحتي شنتظرها من امي

قمر وهي تمسك ضحكتها: ليش مافرحت الان؟

فاروق: قلت مااشتيش احرجش

قمر بزعل: يعني مااافرحت

فاروق بضحكه: طيب فرحت وباقي شويه واطير ليش الكذب بس فرحتي بتكون يوم نجتمع انا وانتي  تحت سقف واحد يوم نكون عروسين مش هنا طابت

قمر استحت: طيب انا لازم اغلق

فاروق: هههه طيب انتي اللي اجبرتيني بس لا زم تتعودي عشان اول ما ينحط محبسي بيدش بتضطري تنحرجي صميل.. ويمكن تنجبري تحرجيني انتي والكل ماحد عارف

قمر بضحكه: طيب بس الان من جد شرق لازم اغلق باروح المدرسه

فاروق: طيب مع السلامه انتبهي لنفسش اذا اتصلت مره ثانيه شتصل من رقمي

قمر: تمام بس الان مع السلامه.. وبسرعه غلقت



عند قمر
تنهدت براحه مسكت التلفون وتنهدت وغمضت عيونها وهي تحس قلبها مش محله وكل دقه فيه تقل فاروق


قمر رقم واحد اللي خرجت من غرفتها وسمعت قمر تضحك استغربت قربت للباب ودقت

قمر من الداخل: ادخخلوا

امها فتحت: صباح الخير

قمر: صباح النور ثواني قد انا جايه

امها دخلت: كنتي تكلمي حد او تهيأ لي!

قمر رفعت التلفون وهزت راسها مؤيده

امها: من؟

قمر: ررقم اميره بس طلع فاروق

امها: وماقال!

قمر: قال اوافق

امها وهي تجلس جنبها: ايوووه وانتي مارأيشش

قمر بخجل: خلاص بلغي ابي انا موافقه

امها: متأكده

قمر: ايوووه

امها بابتسامه: الف مبروك

قمر قربت وحضنتها: يمه احضنيني قوووي ههههه

امها دمعت عيونها حضنتها وبمزح: عاد عتتزوجي وتنسيني لا تخافي

قمر رفعت راسها: يممممه عندي سؤال

امها: خير

قمر بضحكه: كم تحبي ابي؟

امها بضحكه: هههه وايش طلع السؤال هذا ذلحين

قمر: لو سمحتي جوبي

امها: ههههههه خيرات

قمر: ههههه يممممه للمه كلكم تقلوا هكذا خيرررا خييرررات عادي هو مجرد سؤال جوبي

قمر  بتنهيده : اممم  يمه مهما وصفت ومهما قلت اللي بيني وبين ابوش مستحيل احد يفهمه

قمر بخجل: يمه فاروق يحبني خيرات

امها: ههههه وانتي؟

قمر خانتها ابتسامه بخجل: مدري بس بلغي خالتي خلاص انا موافقه 

امها: ههه مستعجله

قمر: لا مش انا بس فاروق قال افرحه سريع

امها: طيب دامش يهمش سعادته لا هذا الحد اكيد شابلغها الان

قمر: مع شويه لما يطلع الصبح ولما تجابري ابي

امها: تمام  ارتاحي ياا عروس

قمر: لا تقلي عروس هي كلها خطبه

امها: لا يااا روحي فاروق يشتي عرس ليش ما قلش

قمر بزعل: ماشي

امها: طيب صلِ على النبي ذلحين خطبه وبعدا خير

قمر...




















📚 @rewayatyamania  🇾🇪

.

البـارت 52 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪




قمر: لا تقلي عروس هي كلها خطبه

امها: لا يااا روحي فاروق يشتي عرس ليش ما قلش

قمر بزعل: ماشي

امها: طيب صلِ على النبي ذلحين خطبه وبعدا خير

قمر هزت راسها: تمام بس فاروق لازم ينتظرني عاد انا صغيره الصدق علىىى الاقل سنتين اكمل الثانويه

امها: سهل عنجابره.. ذلحين قومي جهزي معي الصبوح عشان تننسي انش عروسه

قمر وقفت وبضحكه خجوله: تمام الان



بعد اربع ساعات
عند فاروق اللي ما ذاق النوم من يوم ما طلب قمر
رجع تلفون اميرة اللي استعاره منها ورجع لغرفته ينتظر الخبر من فاه امه

رن تلفون امه وحنان رفعته: ي هلا ... تمام التمام  بشري....  يلللللللللللللللي الف الف الف مبرووووووووك.. ههههه  دامت لنا ولكم يوم الفرحه اللي تدعس فيه قمر فراشنا احلى عروسه


عند فاروق
سمع الزغاريد فز قلبه ووقف للهواء

خرج لامه وهو مقلد بلاده  

فاروق: ها بشري يممه

رقيه بفرحه: وووافقت😍

فاروق لف لامه: يمه زغردي واحده

حنان من بين فرحتها خانتها ضحكه ومن وسطهن: يلللللللللللللللللللللللللي

فاروق  لف لرقيه: وعقبال حقنا المعفنه ههههه

حنان: الا صدق خالتك خطبتها لراجح

رقيه: بس انا مش موافقه

فاروق: وللللليش مثلا

رقيه: هكذا وبعدين عشانك ماتشتي مشاكل مشو حالي

حنان: بسسسس راجح ورقيه عادهم صغار متى ما كبروا تكلمنا

فاروق: الا صددق ووالان اسمحوا لي

طبعا كان امين موجود ومش عاجبه الخبر وناوي يخرب الفرحه سعما قمرر خربت فرحته زمان لما رفضته بسسسسسسس بعدما شاف فرحه فااروق ما حب يكسررر قلبه وبعدها تذكر عشرره زوجته وانو لو فتح الموضوع بيحسسها انو لازال يحب قمر ويجرحها  وهنا رجععع غير رأيه


خرج فاروق ورجع لغرفته وطوالي حط رقم قمر ماحب يحرجها حط عل الرسائل وهمس اصابعه الكيبورد قائل

' الف مبروك علينا يااا بنت خالتي
امممم مانسيت اني وعدتش ما احرجش غير لما ينحط محبسي بيدش بس صدقيني ماقدرت اعذريني الفرحه شلتني
وع فكره من اليوم باشتاق لش خيرات

وختمها ب.. الف مبروك لي ولش وعقبال عيالنا 😅😁.


عند قمر
كانت مروحه المدرسه وجالسه تجهز كتبها رن تلفونها برساله عرفت طوالي فزت له ومسكته فتحته وقرت الرساله وخانتها ضحكتها وفزت علىى الرسائل مره ثانيه وكانت رساله من فاروق  تقول

'عارف احرجتش اعذريني بس لازم تعرفي اني فارح قوي وكذلك تجهزي انا جاايي بكره'

قرتها وضحكت مره ثانيه وحبت تمزح عليه نزلت للكيبورد كتبت  'قمر مش موجوده مشت المدرسه قبل شويه'.....!

وماقدرت تمسك ضحكتها فقعت

سمعتها تغريد اللي كانت بالصاله ودخلت عليها وهي ميته ضحكه

تغريد بضحكه: او جننتي!

قمر وهي تأشر للتلفون: لا لا تعالي شوفي

جلست تغريد جنبها شافت الرسائل وفقعت هي الثانيه وجلسين ينتظرين الرد

بينما فاروق اول ما شاف الرد سقط قلبه بس كتب 'العفو منكم انا رقيه كنت العب بتلفون فاروق وحبيت اسوي مقالب آسفة'

قمر شافتها وقفت من جديد 

تغريد: حرام عليش قوولي له معك قمر

قمر: ههههه عيموتني انتظري اقووله معك ابوها اموته من مره هو قصده ذلحين هي امي ههههه

ورفعت اصابعها بس تغريد هزرتها: مجنونه لا تسوي مشكله من عدم توقعي موقفه الآن تشتي يزعل منش

قمر سكتت فكرت ثواني ورجع  كتبت ' فاروق سوري معك قمر بس انا اللي اسوي مقالب😅'


فاروق اللللي كان ميت ومنتظر الرد تنهد وخانته ضحكه وهو يتخيل شكلها عليه ورد   '😳😢🤕'
' طيب انا شتصل ردي'

قمر ' لا لا مش وقت انا الان رايحة المدرسه من جد بعدين😬😅'

فاروق 'طيب بس لا تتوقعي عديتها عاد شخيلش تندمي 😅'

قمر ' تمام بس الان مع السلامه😂😂' وغلقت التلفون وحطته بالشاحن وراحت

***

تمت الموافقه واعلن الخبر السعيد وجاء اليوم التالي علىىى خير اتى فيه فاروق واسرته حاملين الهدايا والفرحه تعبي ملامحهم كانت بنفس اليوم شكمة تغريد وخطوبه قمر
تمت الحفله وارتفعت المحاجر وهاقد مرت سبعه شهور جديده انهت فيهن قمر سنتها الدراسيه ودخلت بالسنه الاخيره من تعليمها المدرسي


وبيوم كانت مروحه من المدرسه وتاعبه بزياده فتجاهلت المطبخ وطوالي طريق سريرها جات امها وصحتها للغداء بس ماقدرت صحت ولاقت بتلفونها رساله من فاروق دلاله انه عرف بحالها وخايف عليها رفعت سماعتها ورن ثواني وجاها الصوت  

فاروق وكانه حذر لمقالبها: الووو

قمر: ههههههه انا قمر

فاروق بفرحه: يا حيااا ههههه قالواا تاعبه سلامات

قمر بتعب: شويه بس كيفك انت

فاروق: تمام التمام انا.. ناقص بس عافيتش

قمر: لا بس شويه من المدرسه واللذيه

فاروق: تغديتي؟

قمر: ماقدرت

فاروق بمزح: اهم شي ما تموتي قبل ما نتزوج

قمر بضحكه: ههه لا سللامتي تعال شلني

فاروق: ههههه الان اتحرك

قمر: من جد نفسي اشوفك تعال عندنا

فاروق: ...

 















📚 @rewayatyamania  🇾🇪

.

البـارت 53 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


قمر: من جد نفسي اشوفك تعال عندنا

فاروق: حتى انا بس اوعديني اشوفش

قمر: عتجي او مع

فاروق: لااا 

قمر: لو سمحت على شاني

فاروق: قد كنا بقريه واحده قام ابوش يتشنكع هاناك

قمر: ههههه الحب يااا خبيله الحب سواه عشان امي مش زيك ولا سويت لي شيء

فاروق: هههه انا قد انا بكلي حقش ماعاد تشتي

قمر: امممم فاروق افتح النت بارسلك حاجه

فاروق باستغراب: خير

قمر: افتح وبتشوف

فاروق: طيب 


غلق الاتصال وفتح النت وطوالي وصلته صوره عباره عن ورقه ملونه ومكتوب فيها ..احبش ي قمر ليلي..

فاروق 'من!!'

قمر بمزح 'حبيبي 😅'

فاروق 'لا تخليني اغلط😳 '

قمر  ' امزح امزح  ليش انا معي حبيب غيرك هذه كتبها ابي لامي مش زيك ولا كتبت لي شي 😓'

فاروق 'عييييييدي عيدي  اللي قلتي 😳'

قمر ' منها  خيرات 😅'

فاروق 'اها حتى انا اكثر منشش اين لقيتيها'

قمر' لقيتها بشجرة بابي 😂'

فاروق غلق ورجع اتصل وقمر فتحت

فاروق: امممم هاذاك ابوش بسسس انا قررت اكتب لش حاجه ثانيه

قمر: مثلا؟!!

فاروق: بكره بتعرفي🤕

قمر: بس احنا سدينا تجي اليوم

فاروق: لا بصراحه انا جايي بكره مع ابي والشيخ قمر انا اشتي اعقد

قمر: سدينا لما اكمل مدرسه

فاروق: بس انا من جد تعبت واشتي اكون قريب شويه خليها عقد وبعدا العرس علىىى يدش

قمر: طيب تعال اليوم مافيش فرق بين غدوه واليوم

فاروق: ماتشتي تسوي حفله؟

قمر: عادي العقد اليوم والحفله بكره

فاروق: طيب ماطلبتي شي بس شطلب اشوفش

قمر: لا مش جاهزه خلاص خليها لبكره

فاروق: طيب بكره بكره بس اليوم شاجي عشانش وكذلك معي مفاجأه

قمر بفرحه: خيرررررر

فاروق: انا نويت اسوي بيت صغير لنا بالتله جنب قصر الاميره طبعا

قمر وقفت بطولها وبشهقه: احلللللللللللف

فاروق: هههه دلا دلا بس بعد العرس وكذلك ما نسكن فيه بس للخوارت عشانش بس والا ما اقدر افلت اهلي

قمر: تمام بس اوعدني به سرعه

فاروق: هههههه اوعدش نخلف اول عيالنا فيه هيا ماتشتي

قمر: امممم المهم انو يكون موجود 

فاروق: طيب انا الان لازم اغلق واتصل لعمي اني جايي بكره

قمر: مع السلامه انتبه لنفسك 

فاروق: مع السلامه وغلق


ما طول اليووم حتىىى انتهى بسررعه وهاقد اعلنت المحاجر اجمل كتابات الحياة وهي توقيع العروسين علىىى عقد قرانهم

طلب فاروق يشوف عروسته وكان له ما اراد

دخل والمحاجر لا زالت شغاله

رفع راسه وشاف القمر فعلا قباله خانته ضحكته شاف النسوان حولها رفع حواجبه 😕😕😏

امه بهررت وقامت تحجر: الف الف الف مبرررررروك مبررروك  يا قلب امك

قمر: هههههه وخالتك

فاروق اكتفى بابتسامه قرب وسلم علىى خالته قمرر وبعدين على عروسته ومسك يدها وتم تغيير الدبل لليسار واعتلت المحاجر من جديد بعدها تركوا العرسان لحالهم


جلس فاروق وجلسها معه وهو لا زال ماسك يداتها

قمر جلستتت سكته ودموعها نزلت غصب

فاروق شافهن وببحه: يعني زاعله مني؟

قمر رفعت راسها وهزته بالنفي

فاروق: كان؟

قمر من بين دموعها: تاعبه

فاروق شد على يداتها: جابريني

قمر: لا مافيش حاجه بس تاعبه شويه

فاروق: طيب جابريني صصغيره والا كبيرة لا تخبي عني

قمر: صدقني مافيش ولا شيء بس مع ضغط المذاكره وخايفه شويه

فاروق رفع يده لذقنها وبمزح: هههه ليش انا شكلي يخوف

قمر خانتها ضحكتها لا ارادي

فاروق بمزح: ابعدددوووا مني اسير انبع من الجباء

قمر جالسه تضحك بدون تعليق

فاروق: اممم على هذي الضححكه باقرر اخطفش بس عسان انا محترم  لازم اروح للرجال قبل ما توقعيني هههه

قمر: ههههه ما توصل للخطفف

فاروق: ههه قريب ان شاءالله المهم اول ما يفضى المجلس شطلب اشوفش من جديد بس اذا ما قدرت شتصل العشي ولو في حاجه ممنوع تكذبي تمام

قمر هزت راسها  تمام

فاروق شد علىىى يداتها: هيااا قومي وصليني للباب

قمر تبسمت ابتسامه صغيره ووقفت معه توجهوا للباب

فاروق: هيا سيري ولا تنسيني واجلسي عاقله خلاص الجنان قده حقي انا اغار

قمر بابتسامه هزت راسها مؤيده 


خرج فاروق للرجال وكذلكك قمر خرجت للنسوان وحاسه حالها مرتاحه وقررت تنفذ اول طلب لفاروق وما تحركت من مكانها ورفضت حتى تمزح مع البنات وداخلها تضحك علىىى نفسهها
.
.

جن المساء وفعلا ما قدر فاروق يطلبها مره ثانيه وروح لبيته


وبالمساء

قمر رقم واحد  ييللللللللللللللللي

شمسيه: الف الف الف مبروك

حزام وهو داخلي: ماقد كملت حقكن المحاجر

خليل: بقيت جد زيك

حزام عرف ان تغريد حامل لف لها: الف مبروووووك ياااا بنتي يتربى بعزش

تغريد اكتفت بابتسامه خجوله

حزام لف لخليل: وين قمرررر

قمر من غرفتها: انا هانا يااا جد

حزام: تعالي


https://t.me/+Ecxq_OzMYh40M2E0








📚 @rewayatyamania  🇾🇪

.

البـارت 54 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


خرجت قمر وحزام جلس علىىى جنب واشر لها مع تغريد كل واحده تجلس جنبه من جهه

وبسرعه قربين وكل واحده جلست من جهه


حزام وهو يشوف قمر ويفكر كم انها تشبه راويه تنهد ولف وهو بكاممل فرحته

حزام: اليووووم اكتملت فرحتي تغريد بقت ام وقمر بعد ثلاثه شهور بتبقى احلى عروسه


قمر وقف قلبها كيف حددوا.. فاروق وعدها انها تحدده هي حتى اختبارات ماعتلحق بس سكتت وفضلت السكوت لمن تكلم فاروق شووي وبارك الكل وهنى وتوجه كل واحد لغرفته وقمر توجهت لغرفتها واول ما جلست رن تلفونها فتحت بدون مقدمات  

قمر: من حدد العرررس

فاروق: صلِ علىىى النبي

قمر وهي تصلي على النبي: فاروق جوب

فاروق: انا

قمررر: ووعدك اللي وعدتني

فاروق: وعدي كنتي بتنفذيه ياااترى!

قمر لا رد

فاروق: جوبي

قمر: كيف عرفت اني الان وحدي لي ساعات انتظرك

فاروق: هههه هذه تقدري تقووولي معي مراقب عندش

قمر !!!

فاروق: احمد بس لا تغيري الموضوع متى كنتي بتحدديه

قمر: لو قلت لك تفرق

فاروق: تفرق اي بس انش تأخرريه اعذريني

قمر حبت تقهره: بعد شهر بس للاسف انت اخرته

فاروق: احللللللفي 😳

قمر بزعل: طيب انا كذابه ومستحيل كنت اعطيك شي محدد بس ليش تحطني بالنص حتى اختبارتي ماشقدر عليها

فاروق: طيب تختبري عندي مافيش مشكله

قمر بزعل: دائما انت اناني وما تراعي غير مصلحتك

فاروق: ايووه من ناحيه اناني فانا فعلا اناني وخصوصا فيش انتي ولا تجادلي بكره جايي وننزل السوق سوا وقولي الان تم

قمررفعت حواجبها علىىى بلطجته وبععدها فقعت ضحكه

فاروق بخوف: وووو

قمر: تأخر شويه لان تاعبه واشتي ارقد

فاروق بتعب: قمر  لا ترقدي وانتي زاعله لو سمحتي مايهون عليا

قمر بخووف: محد قال انا زاعله بس انت شكلك تاعب مالك!

فاروق ببحه: ايوووه تاعب ولا تسأليني الان

قمر بعناد: الا للمه؟؟ وتتكلم والان

فاروق: ما اقدر اتكلم وبعدين مااشتيش اخرب فرحتنا قد انا اليوم سالي شاجابرش بأقرب وقت وعد

قمر: طيب اللي تشوفه

فاروق: كأنش تشتي تغللقي

قمر: ليش عاد معك مجبر؟

فاروق: اكيد

قمر: مثل؟

فاروق: امممم كيف انتي

قمر: ههههه زي العصر

فاروق: اب بس العصر كنتي تاعبه لو سمحتي جابريني

قمر: انا فعلا معي مجبر بس....

فاروق: اذا يخرب فرحتنا لا تتكلمي الان

قمر: هههههه لا يخص فرحتنا وعلىىى فكره انا فارحه قوي

فاروق: ههههه حتى انااا خلاص اسمعشش

قمر: صلِ عللىى النبي 

فاروق: عليه افضل الصلاة والسلام خير

قمر بدلع: اول كم تحبني

فاروق: خيررررات

قمر: طيب بس اجابرك بكره لمن ننزل السوق وعد

فاروق: طيب بس شاجي بحين

قمر: تمام

فاروق: وانتي ؟

قمر: مالي!

فاروق: صلينو بيتكم😒

قمر: هههه طريق بيتكم

فاروق: هههه حلفتش قولي ماتخسري شي انا زوجش

قمر: تصدق 🙂

فاروق: خير

قمر: حاليه زوجي بس الان ارقد

فاروق كان بيتكلم بس قمر قطعت الاتصال وحطت سايلنت

فاروق توقع حركتها بس حاسس حاله مرتاح لف للجهه الثانيه وكذلك عند قمر وكل واحد حضن مخدته الى ان حالفه النعاس...

*

ما طولت الشهور الثلاثه حتىى مرت بسرعه وصار موعد دخول قمر لحياة فاروق


عند فاروق
وهو يرفع الطرحه عن وجهها: الفففف مبروووك

قمر  لا رد

فاروق قرب وطبع قبله علىىى جبينها وهمس: هنيت لقلبي يوم اختارش اجمل قمر حلت علىىى حياته
.
.


مرت الايام ومرت وصاروا قمر وفاروق احلىىى
عرسان ما فرطوا ببعضهم ولو قدر البنان وعاشوا اجمل قصه حب


الكل كان فرحان فيهم وسعادتهم مالها حدود وما زالت الايام تمر

بدأ فاروق يبني البيت اللي وعد قمر فيه وجاءت اختبارات قمر النهائيه ومرت وصارت بآخرها بس قمر كل مالها تتعب لاحظ عليها فاروق واصر يروحها للمستشفى


الدكتور: كم عمرش

قمر: اممم حاليا20 سنه

الدكتوره: ما شاءالله الف مبروك حامل 😍

قمر اعتلت علىىى وجهها ملامح الفرح والدهشه

الدكتوره: الللي واقف برع زوجش

قمر: ايوه بس لا تبلغيه انا اكلمه

الدكتوره وهي توقف: طيب اللي تشوفيه 

خرجت الدكتوره وبلغت فاروق زوجته تشتيه ودخل فاروق وكله خوف جلس علىى راس سريرها وهو خايف بس كان حاسس

فاروق هو يمسك يدها: قمر قوولي اللي بباالي صدق

قمر هزت راسها مؤيده


روح فاروق بمعية قمر حاملين فرحتهم للقريتين وانتشر الخبر السعيد والكل بارك وهنى وروحت قمر لباقي اختباراتها بمسانده فاروق وتمت على خير طلعت النتائج وكانت قمر من المتفوقين
















📚 @rewayatyamania  🇾🇪

.

البـارت 55 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


مرت الايام وتم فاروق بناء بيته او كوخه اللي وعد قمر وهنا روحت قمر اللي بدأت اواخر حملها وراحت لامها بطلب من فاروق واستغربت من ذلك شافت ابن احمد اللي اسموه حزام وبقت تتلاقن عليه وتحلف حجزته الا لبنتها وبعدها روحت بس تفاجأت بفاروق يتصلها تجي لبيتهم الجديد راحت وكلها فرحه


دخلت من الباب وكانت الاجواء كلها عاديه وحتى فاروق ما بحد خافت بس سمعت صوته وهو يناديها من الغرفه اللي اتفقوا تكون لهم

سمعت صوته وفزت ناحيته دخلت كان فاروق
مجهز حفله صغيرره طار كل التعب واعتلت عليها ملامح الدهشه

حاولت تتذكر مناسبه حتى افتتاح بيتهم الجديد ومع انه ما كان تم علىى الاخر الا انه كان بعيد زواجهم الاول للحظه ذكرت انه نفس التاريخ واليوم ذكرى زواجها الثانيه

قرب منها فاروق ومسك يداتها: قمررر

قمر  بفرحه: يا عيووونها

فاروق: هههه لحظه   

لف بسرعه طفى النور ورفع الستائر واخذها للنافذه

فاروق: شوفي القمر ما احلاه

قمر بغرور: انا  احلى منه ههه

فاروق كذلك بغرور: ههههه تممام ما اختلفنا بس مزيدك عليه حلاوه وجودي في حياتش صح

قمر حضنته بفرحه: واحلىىىى وجود  لا تحرمني منه ابدا يارب

فاروق وهو يضمهها بحبب حس عليها تاعبه اخذ كرسي وحطه خلفها 

فاروق: اجلسي

قمر جلست وهي بكامل فرحتها

انحنى لها فاروق وجلس علىىى الارض وهو لا زال ماسك يداتها: انتي عارفه ايش احلى شي بالقمر اليوم

قمر: اممم هههه لا!!

فاروق: ههههه احلى شي انو اليوم اجتمع عيد ميلاد القمر مع ذكرى زواجها

قمر باستغراب: بس عيد ميلادي يطلع..

قاطعها فاروق: ايوووه بس شوفي الهجري انطبق بميلادي زواجنا

قمر بتعب وفارحه كيف فاروق مهتم بتفاصيلها: شكرا

فاروق اكتفى بابتسامه صغيره

قمر: شفت الاتصال اللي قلت ماحد يعرف فيه

فاروق: هههه كان احلى اتصال عمري ماشنساه ابدا كل حروفش لا زالت محفوره بقللبي قبل عقلي


قمر: حتى انا لدرجه بقيت اخاف واغار احد يعرف انووو ثواني بسسس او دقائق من صوتك سرقتني حتىىى بقيت احبكككك لهذا الحد 


فاروق بابتسامه وهو يشوفها كيف تاعبه وكرشتها كيف كبيره وباين التعب بكل تفاصيل صغيرته

تنهد براحه وهو يشد على يداتها: قمر اوعديني تكوني بخير وتقومي لللي بالسلامه

قمر شدت علىى يداته اكثرر: وشاقوم لك بأحلى توأم....

#انتهت

                              *    *    *


*تلةه البن والبئر المهجورةه♡*

*الى هنا عزيزي القارىء ولي الشرف من ان اقول:*

*هذا واكون قد انهيت سرد قصتي الجميلةه متمنية أن تنال اعجابكم الشديد + مرورها لخيالكم بالقدر الجميل، ممتلكةه كامل الفخر من كوني استطعت كتابة مثل هذه الاقصوصةه وغيرها متمنية انني وفقت فيها ونالت القدر الغفير من اعجابكم*

بقلمي انا منسوجةه الاسم

او ( زينب - حسسن)☺️❤


موقف اخيرا لفتني وحبيت اشاركه معاكم

خلوني اعيده واحاول امثله بغيره عشان تكون الصوره اوضححح

عند خليل اللي كان بدأ يباشر عمله ومشغول مره

جاءته هدى من الخلف: خليل

خليل وهو مركز على لابتوبه بدون مايلتفت: اممم

هدى جلست ع كرسي جنبه: خليل اشتي اخرج

خليل بملل: الباب مفتوح

هدى حز بخاطرها: هكذا !

خليل: مع اقلبيها قلب (ولف لها بحده) تشتي تخرجي الباب وساع  ماتشتي جلستي ايش المطلوب مني مثلا

هدى وقفت: طيب انا شخرج عند جيرننا اللي جنب

خليل رجع لشاشته وبملل: ماااااشي

هدى بقهر: يعني!!

خليل: يعني ماتعرفي قمر

هدى جمدت: لا تكون قمر نفسها جارتنا؟

خليل: اي جارتنا لاقد فقدتيها سرتي ماشي براحتش







https://t.me/+Ecxq_OzMYh40M2E0







📚 @rewayatyamania  🇾🇪

.

البـارت 56 ♡


تلة البـن والبئـر المهجـورة 🌱

👌🏻👇🏻 😍
📚 @rewayatyamania  🇾🇪


باك&

احممم صراحه امم ان الموقف سيئ جدا الا اني ضحكت يعني واحده مثل هدى تزوجت خليل وعارفه انه يحب قمر لحد جنوونيييي جدا فبذمتكم ايش متوقعه منه مثلا غير كسرة قلب وخاطررر وللاسف هكذا اغلببب االرجال 💔
.
.
.

طيب لحظه لحظه خلونا نفرض انو قمر مكانها

خليل كان بدا عمله ومشغول مره

جاءته قمر من الخلف 

خليل كان بيحس ويلتفت من نفسه وبكامل ابتسامه: يا حياااا

قمر كانت بقرب وبتجلس جنبه بدون تردد

خليل كان بيرفع نظارته ويمسح عيونه بتعب

قمر كانت بتحط يدها علىى كتفه: قوم ارتاحح قدك تاعب

خليل كان بيرفع يده ليدها ويربت عليها وبكامل راحته: ايش كان في نفس القمر؟

قمر كانت بتتنازل عشانه وتنكر وتقول: ولاشي

خليل كان فضوله بيذبحه الا والا يعرف ايش بنفسها وتنازلت علىى شانه ويصر الا والا تقول

قمر كانت عتتردد بعدين بتقول بصراحه كان نفسي اخرج بس ذلحين تراجعت لما انت تكون بخير

خليل كان بيوقف ويرفض الا يقوموا يخرجوا وخليل بكامل ضحكته كان ببيووقففف فورا ويقولللل: بسسس احلى خرجه لعيونش


قمر كانت بتفرح كثيررررررر وتوقع عيونها قلووب😍😍 بس لازم راحة خليل اولى واهم فكانت بتخجل وتقول: خليل اذا تاعب صدقني مش ضروري

ووووخليل كان.....

لحظه لحظه: خليل ايششش؟؟؟ 😒


خليل كان عريس ولو العرووووس كانت قممممر ايش الللللي كان بيخليه يفكررر بالشغل من الاسااااسسس
.
.
.


الخلاصه..

من متى كان العمر فارق شرعي بالزواج..

ومن متى بقى الزواج الاجباري حلال..

الحياة بلا حب حقيقة هي اقسى من الموت عينه..

والعشره بلا مشاعر كالإبره بلا خيط تمر مرورها ويبقى الجرح مكشوف💔&النهايةه.


*تلةه البن والبئر المهجورةه♡*

*زينب- حسن#*

*تحياتي 🇾🇪*



https://t.me/rewayatyamania/49541








📚 @rewayatyamania  🇾🇪

🌱


بارتـات يومنـا الخميـس والأخيـرة 👆🏻😍

يسعد مساكم متابعينا الأكارم.. إليكم بتعليق الكاتبة زينب حسن😍👇🏻

السلام عليكم متابعينا الاكارم اتمنى تكونوا جميعكم بخير

اولا وقبل كل شي يسرني ويستعدني ان اتقدم بتهنئتكم جميعا ونفسي بالمولد النبوي الشريف عليه افضل الصلاة والسلام 🤍صلوووو عليه ❤❤


ثانيا.. حياكم الله جميعا باول روايه لي تنوضع على قناتنا المتواضعه والمتألقه بالوقت ذاته..

لا اطيل وادخل بالهدره عليكم مباشره😅 واعتذر على اي إطاله او تقصيرررر

بالبدايه انا حابه اشكر كل من كان سند للكاتبه زينب حسن بشكل عام من اهل واصدقاء وعقارب.. ءء قصدي اقارب🌚🤭

المهم من بينهم حابه اتقدم بشكررر خاص لشخص معيننن كان له الفضل  الكبير من بعد الله🤍 انو انا الان واقفه امامكم واقول هذا الكلام(كيف واقفه!! مدري😂 المهم بس اتخيل نفسي واقفه على مسرح وكذا بدون تحطيم رجاءا😂😭🌚)

المهم هذا الشخص يمكن الان هو مش عارف انا من بالضبط ويمكن يكون حاليا وبعد مرور عدة سنوات لو وقفت امامه فبيكون مش ذاكرني من الاساس😄 بس انا حبه اوجه له شكر خاص واعبر عن احترامي له وعن مكانته الرفيعه عندي بشكل عام هو سر الهامي الاول واكيد الاغلب عيتساءلوا عنه ولانو كلكم بتتسألوا منهو يعني ف شرحم فضولكم يعني واقولكم من هو🌚

بس اصبروا عليا قبلها با  اشرح لكم نقطه صغيره تقول(ازرع بذور الورد وامضي فلا تدري بإي وقتا ستنبت ولكن كن على ثقة تامه على من إنها بيوما ما ستزين الطريققق🥹)

اكيد كلكم سمعتم عن هذه المقوله ولكن انا الان كاكبر مثال عليها🤭 كيف؟

استاذي تبع الابتدائي وبكل فخر باقول اسمه(الاستاذ والمعلم المثالي والاكثر من رائع.. ابي الثاني ومساري وسندي الأول😍❤.. بعد خالص تحياتي المهداه إليه.. الاستاذ "منير الحطامي")🥲🫶🏻


وكذلك صديقاتي الاربع وسر نجاحيT...A...R...M+شكر خاص للكاتبتين والاكثر  بالنسبه إلي من خوات( ريما و إشتياق❤❤ )شكرررا علىى دعمكن قووي وشكر لكل من شجعني بلا استثنىىى احبكممم خيرررات🌚🫶🏻


ثالثا واخيرا كخاتمه وبادئه بالوقت عينه

اتمنى انو تكون روايتي الاولى نالت اعجابكم.. واخذت من مشاعركم القدر الغفيرررر

+استقبل رأيكم وتعليقكم على

القصه ومحورها الاساسي وفيمما تدور حوله🫠

الشخصيات وتنسيق الحوار والاحداث وخصوصا السرعه في السرد وهل تشوفوني وفقت في هذي النقطه او تشوفوا انو كان بامكاني الاطاله اكثررر؟!

بالنسبه للشخصيات

رأيكم على شخصيه احمد وعمار ومن على شاكلتهم ممن يتزوجوا بناتتت عارفين انهم يحبوا غيرهم عشان يرجعوا يدفعوها الثمن ضمن عشره فاشله🥺💔 + هل كان عقابهم مناسب او لا!

شخصيات خليل وحزام ومن بيعيش نفس قصتهم..؟ من فراق وحزن وصبرررر..وتضحيه و...و..الخ؟! وخصوصا حزام وكيف صبر على تبلي احمد له سنين!🥲

وكذلك شخصيات قمر وامهااا؟! وهل تشوفوا انوا الوقوع في الحب عيب يشوه حياة المرأة طيلة حياتها مهما حاولت تعدل المسار! .. وطبعا هذا بغضّ النظر عن انو شيء لا إرادي او لا... ام انو للبعض رأي اخررر؟!..

بالنسبه لشخصيات.. اسامه وشيماء وكذلك امين وحنان

هل تشوفوا انو الحب الحقيقي شرط انو يكون بعد الزواج، ام انوو لا وعادي قد ممكن يكون فيما قبل!🙂

واخيرا رايكم بالنسبه للشخصيه المضحيه الوحيده بالقصه شخصية(شمسيه) وهل تشوفوا انو كانت محور قصتها عادله معاها او لا🫶🏻

وكذلك رأيكم بالخاتمه وهل قصه قمر وفاروق اضافت جمال للقصه او لا🙂؟؟


منتتتظره اراءكم بكل حب وبدون ما اقووول اكيد رأيكم يهمني جدااا🙂🤍


آراءكم عبر بوت القناة
@YemRewBot


.

يسعد مساكم متابعينا الاكارم..

انتظرونا ومع قصة جديدة للكاتبة المتألقة: هناء عبدالعزيز

بعنوان

الذئب والفريسة

ابتداءً من مساء يوم غد الثلاثاء وذلك على قناتكم روايات يمنية على الرابط التالي

https://t.me/joinchat/AAAAAEIz_KDfjDgo7Gaxwg



.

قصة الذئب والفريسة للكاتبة: هناء عبدالعزيز