.

البـارت 93 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


وليد: لكن تمام اذا الموضوع هكذا راس براس شاوريهم من الشخصيه وانه مابش كبير كلنا رجال وكل واحد قادر يتحمل مسؤولية نفسه عيذلنا اخي لو قد صرف علينا بقرشين وماسك البيت انا شاصرف ضعف مابيصرف ونبسر لمن عترجع القوه والكلمه والاحترام  هنا.

مروى ابتسمت بفرحه وبتشجعه: ايوه

هكذا بعدا اكون ازنط بك عند اهلي وصاحباتي ماعتفعل من مشروع ! جي ندور ونخطط !

وليد: بس مشكلتي راس المال اشتي مبلغ

مروى: حاكيه يسلفك لكن لاتقله لأيش

وليد: مااشتيش منه امد مايرجعوا يطالبوني او يعايروا ، انا ابسرت ذهبش ماله شي مارأيش !! نرهنه ونشل قيمته نبدأ مشروع؟ عندخل بدله ضعفين

مروى عقدت حواجبها: بغير جنان ! ذهبي ! اطلب ذهب امك قد لوت به عمر من بقعه لبقعه مانا عاد انا حريوه وماقد تهنيت به وبعدا مش مضمون مشروعك ينجح او ماشي من عيرد لي ذهبي

وليد تنهد: متوقعه شافشل وين تشجيعش لي من اول!

مروى: ايوه اشجعك لكن مش بالذهب اطلب امك

وليد طنشها وسارح بيفكر كيف اول مره فارس اخوه حصل على رأس مال مشروعه وبيفكر يفعل مثله بس بدون محد يعرف لانهم مابيسمحوا له!!

مروى: طنشت غثيت! هيا ابسرت ماتشتي الا قولك!

وليد: اهدأي اهدأي كن ريحي فمش شويه من النق واصل بين افكر وتقريبا لقيت حل مش متفضل لأي واحد.

مروى ساكته وحاسه بندم لو فعلا لقي طريقه غيرها عتخسر انها تشاركه في المشروع وتربح معه..
.
.


ثاني يوم الصبح صحيت قبله وتذكرت انه قلها الليل خاور صبوح الفندق حق ماليزيا ( بان كيك بالنوتيلا)

نزلت معها من غرفتها الشكلاته ونزلت المطبخ تسوي الصبوح..

دخلت ام ندى المطبخ  بتشم: مابتفعلي

اسيل ابتسمت لها: فارس امس خورهن قلت افعل الصبوح انا

ام ندى: هيا شاجي اعاونش ماقد فعلتي؟

اسيل مسكت صحن البان كيك: هذولا وفعلت جنبهن بيض اوملت

ام ندى استغربت من الاوملت قربت راسها تشوف: هاه !

اسيل: هذه

ام ندى ضحكت: عمتش ماتصتبح الا دافي مطيط فته فول عدس

اسيل رفعت حواجبها وعضت فمها: هذولا كلهن مااحبهنش

ام ندى ضحكت: سهل شافعلهن انا وانتي قربي هولا صحون جبن زيتون مربى لو نفسش فيهن ولفارس اللحوح اللي فعلتيهن

اسيل ضحككككت وبتحاول تنقص صوتها على كلمه اللحوح قصدها بان كيك: حاضر اطعميهن ياخاله

ام ندى بصدمه: من الصبح يابنتي شكلاته !

اسيل انحرجت: خلاص مارأيش افعلش عسل!

ام ندى متجمله منها: اسلمي.


كلهم في الصاله مراعيين للصبوح خرجت ام ندى

فارس بيتلفت اي حين تنزل اسيل!

امه: وين مرتك

اسيل خرجت بعد ام ندى وفي يدها الصحن: صباح الخير

جميله: ماهو هذا !

اسيل شافت فارس كان همها نظرة انبساطه لما يشوف سوت اللي نفسه فيه: فعلت لفارس اللي خوره امس

جميله شافت فارس: ومن اي حين بناكل هذه البعاسس احنا!

فارس: انا شاكلهن انا هي فعلتهن لي

جمال سحب الصحن من يدها: وانت اشتي اطعم

يوسف: وانا طبعا اي شي غير الصبوح حق كل يوم اشتي منه

وليد: ياسلاااام على الحركات والدلع صباحك قشطه يافارس

مروى بقصته وشافته بنظرة ضبح.

اسيل قربت الصحن لاعند عمتها: حقكم فعلتهن بعسل قلت اكيد ماعيعجبكم بشكلاته

جميله: هذه الجغبصه والخباص مايعجبنيش وبعدا قد حاكيتكن المطبخ ماحد يلمس شي ويطبخ غير ام ندى داريه بطبيعتي ونظافتي وطريقة طبخنا

اسيل طنشت كلام عمتها ومادخلته نفسها فرحت بفارس واخوته وانه عجبهم.

شافت ابوهم في عربيته جالس وحده بيحاول يلقط العنب ومايقدر يرفع يده بصعوبه زعلت عليه قامت غرفت له مطيط
( حساء مكون من الطحين واللبن والزعتر والثوم)

وقامت ، كلهم مستغربين ليش غرفت لها وقامت من عندهم بيتفرجوا لبعض

مشيت لطرف الصاله سحبت عربيته وفتحت الستاير والطاقه وجلست اخر الدرج وبتأكله

فارس مبتسم ذكر اول موقف بينهم لما شاف طيبتها

وليد لفت لمرته: قد جلستي وجابرتي ابي!

مروى ردت بضبح فكرته بيلمح لها بتصرفات اسيل: مابين افهم مابيقل

وليد شاف فارس: بين استغرب يااخي كيف مرتك بتجابره نفسي يوم اسمع مابيقلها

يوسف وقف: وانا تحمست ابسر كودها بتحاكيه ليش معنا بيجلس يهذي ومايذكر شي
شاسير اسمع

كان واقف ورا عربيه ابوه وبيشوف قدامه اسيل سمع ابوه بيقول: شبعت يمه اين سار ابي!

اسيل: ابوك بيصتبح

يوسف منصدم ! ليش بتكلمه هكذا ! رجع لاعندهم بيضحك هيا قد مرتك امه

جميله: ماقالت له ! الدكتور قال لحد يصحح له معلوماته قلها تسكت لاتشرح وضعها انها مرة ابنه

يوسف شاف فارس ردة فعله لو زعل: ماشاءالله عليها من نفسها بتحاكيه وقالت له أبوك بيتصبح

مروى بصوت واطي يسمعه وليد: كم روحها تمثل وتفعل نفسها طيبه بمزااج اي حين ماخورت ابسرته

وليد بمشاوره قرب منها: على الاقل احسن منش لو هي بمزاج انتي ولا مره اعتبرتيه ابي

مروى: ...

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 94 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


وليد بمشاوره قرب منها: على الاقل احسن منش لو هي بمزاج انتي ولا مره اعتبرتيه ابي.

مروى: هكذا! رجعت تقارن

وليد: انتي بدأتي

جمال بيشوفهم ويفتكر انهم بيغازلوا: عقبالي يا اخي لوما قدها جنبي اشاورها

وليد شافها بنص ضحكه: مش عارف انها الحرب البارده وسط الزحمه.

فارس قام جنبها: تسلمي كانين لذيذات مثل ماخورت ليش ماكملتي صبوحش

اسيل: اكلت الحمدلله.. وقفت في يدها الصحن ومشيت شويه من جنب ابوه: حرام عليكم يافارس ليش بيجلس وحده خيرات ليش مابتخرجه خيرات وبيجلس وحده او مع واحد منكم بس ليش ماتتجمعوا وتخلوه معاكم

فارس: انا عمل.. اخوتي خارج.. امي تفاريط يعني مانسوي

اسيل: على الاقل وقت ماانتوا موجودين فوق صبوح وغداء ووقت الشاهي والعشاء والسمره اللي بعد العشاء

جميله شافتهم: ماقد تميتي ترصي له تعليماتش وقوانينش الجديده هنا ! عتقطبي (تسرعي) المره مراعيه لش انتي ومروى.

اسيل تنهدت لا اراديا بعد ماسمعتها

فارس بصوت واطي: ياساااتر

اسيل ابتسمت له وردت لعمتها: حاضر.



في الكوافير..

مروى بتتهرب منها وفاعله نفسها ماتقربها ولاتعرفها.

اسيل جالسه متجاهلتها وبتشوف المكوفره بتصلح البنت: خطوبتش ؟

البنت ابتسمت: ايوه كيف دريتي

اسيل: مدري بس خمنت يمكن حين عاد انتي صغيره

البنت ضحكت: صح

مروى داخل نفسها: مادخلش يافضوليه تحشر نفسها في كل شي تجابر كل واحد يخ والطبيعه

المكوفره ملاحظه نظراتها وقزازتها لاسيل: ماتقرب لش؟

مروى اشرت على نفسها: انا !! لاااا مااقربلهاش خالص مرة اخو زوجي

المكوفره ضحكت: سلااايف ، شافت غرورها وجلستها ونظراتها لها وللبنت واسيل: قدو باين ان انتين سلايف

اسيل مطنشه بتشوف الكاتالوج: مارأيش كيف عتقع هذه ؟

المكوفره: كيف فستانش!

اسيل بتوصفه لها..

المكوفره: ايوه مناسبه جدا ماشاءالله عليش عندش ذوق..
.
.

مكان ثاني مجتمع مع ابن عمه..

وليد: عتدخل شراكه معي؟

ابن عمه بضحكه: اكيد فارس رفضك وجيت لاعندي

وليد: ماشي يالغجه مااشتيش فارس يعرف بالموضوع

ابن عمه: انا مااقدرش اشاركك ولكن ممكن اضمنك للبنك تسحب قرض

وليد: بس هذه صفقه كبيره استيراد حديد وكميه كبيره يااخي ايش من بنك عيوافق يدي لي المبلغ هذا كله

ابن عمه: ادي لهم رهن واطلب قرض

وليد بضحكه: رهن ايش ذهب المره وامي كله على بعضه مايدي عشره في الميه من قيمه الصفقه

ابن عمه: فكر يا اخي اطلب اخوك من الطبيعه هذه

وليد: اخي مابش معه ربع المبلغ هذا

ابن عمه: جننتني ومعي عمل ارهن بيتكم

وليد قام من فوق الكرسي: شكلك جاوع سير اتغدى والعصر امر لاعندك نتفق

ابن عمه: وليد اسمع مني صدق هذا اخر قرار  عندي تشتي اضمنك موافق ادخل شراكه ماشقدرش وانت فكر وقرر.

وليد خرج من عنده وهو بيفكر في الموضوع..
.
.

في بيتهم فوق الغداء

جميله: فارس اليوم اتصلت صاحبتي تشتي وظيفه لابنها

فارس: مابش حاليا اي وظيفه بين افكر اتخلص من موظفين عندنا عجز في الرواتب

وليد: قلي لهم يراعوا لي شاوظفه ولايهمش كيف اكسف امي قبال خبيرتها

جميله باستخفاف: انت ! اخر واحد افكر فيه يفلح في حياته ، ماوقع فيكم مفحوس الا فارس حمي التعب فيكم قريناكم احسن مدارس وجامعات واحد صايع وواحد في وادي ثاني وانت جالس تتحمس بقعتك ولا اديت خطوه.

فارس ضحك: هيا ابسرت عتسكت احسن لك

وليد شاف اخوه بحسد وضبح قام

امه بصياح: عتتغدى ؟

وليد: مع حاشا لله حرام فيني اللقمه مااستاهلش فاشل مامني فايده وطلع

فارس شاف امه: احنا كنا بنمزح ماله قلب؟



في غرفتها جالسه ماسكه بطنها بتبكي

وليد: مالش بتبكي؟

مروى: تاعبه

وليد: يمكن حين مااكلتيش اقلهم يطلعوا لش الغداء؟

مروى: ماشي بس سير قل لامك ماشاجيش معهم اليوم
















📚 @rewayatyamania  🇾🇪

.

البـارت 95 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


وليد بيشوفها بتبكي زاعل عليها: حاضر افعل لش شي اسوي لش شي؟

مروى: يوووه ياوليد قلت لك ماشي افعل اللي قلت لك


بعد ماخلصوا يتغدوا

فارس: لاتغثي منه ولاشي

وليد بينزل من الدرج بيسمعها

 جميله: ماناش غاثيه منه ولاشي صح لسانه يشتي له قص وعصبيته لكن ارحم قلب فيكم

وليد فعل نفسه ماسمعش مشي للمطبخ طلب ام ندى تغرف لمرته اكل وسار للصاله: ماعتجيش معاكم مروى لاتراعوا لها

جميله: يووه بغير جنان ليش! مايسبرش وبعدا قد حانبتنا من صباح الصبح تتكوفر وذلحين ماعتسير!

فارس قام وطلع غرفته

وليد: تاعبه بتبكي

جميله عوجت فمها: ما تعبها فجأه هكذا عاد مرتك تيه فيها ملعنه او خورت تجلس عندك

وليد بعصبيه: ولو خورت تجلس مافيها ماهو هذا الجنان كل يوم معاكن خرجه كل يوم كوافير للنسوان هي كانت تاعبه لكن ذلحين حتى لو افتهنت والله مااخليها تدي خطوه

ام ندى خرجت بالصحن واقفه بتسمع الصياح ناولته الصحن ومشيت لاعند جميله

وليد طلع بالغداء

جميله: بتبسري على حريق دم اديت لي هيا ماوقع لو ادى لي الله نسوان عيال ساع خلق الله والاوادم

ام ندى: اين اوادم محد داري ماعند الناس وبعدا نسوان جهالش ولافيهن شي مش انا داريه انتي اللي بتحرقي دمش بنفسش

جميله: هيا سيري غسولي بحجر الله ماناش ناقصه لش ذلحين اطلع البس والله مااشتي ادي خطوه وانتي هيا البسي وخلي بنتش تغسول

ام ندى: يوه كنت اشتي احاكيش سهل لاسرت مع زوجي اليوم نبسر مازد فعلوا في البيت حقنا

جميله: يبسر زوجش وجيتي انتي معي هيا مافيني لحد منهن مابين اطيقهن

ام ندى: والله مانا داريه مااقلش خورت اختار بلاط الحمام على مافي نفسي

جميله: خلاص سيري امري لله شاسير وحدي

ام ندى: هيا خاطرش اسير احاكي زوجي وشاخلي ندى تقطب المطبخ ذلحين

جميله طلعت..

ندى واقفه بتغسول طحست المقرمه من فوق راسها ويدها ملان صابون

فجأه فتح الباب دخل وهو بيقول: جاوووع

شافها

ندى لفتت له: يووه ورفعت الحجاب فوقها

جمال خرج بسرعه طلع غرفته لقي يوسف خارج من عند امه

يوسف: اين كنت راعينا للغداء ماجيت ولاجاوبت

جمال: والله حرام هذه تشتغل يااخي اميره الشعر ذهب

يوسف ضحك: من قصدك!

جمال: ندى شكلي شاطلوس لامها من ذلحين تخطبها لي

جميله سمعته وخرجت من باب الغرفه: ماهو ! بتخرف؟ بتجنن؟ البنت بتغسول مادخلك للمطبخ ياقليل الحياء

جمال بعصبيه: ماهو ماحصل ياسعم ان انا بالعاني قلت ادخل اتغدى

جميله: تصون عينك ولسانك يا قليل الذوق تطلع توصفها لاخوك! وتقلي تشتي تخطبها
.
.

اسيل بتشوف زوجها وبخوف

فارس: يستاهل قليل ذوق

اسيل: لاتحكمش مش انت داري على ايش

فارس يشتي يخرج فتح الباب وامه بتقول

جميله: يكفي واحد سار ادا لنا واحده لانعرفها ولانصرفها

جمال شاف فارس: ناهي مافعلت بنمزح ماقلت شي كبرتي الموضوع وبدعتي بي على الفاضي هيا اعجبش واشر لفارس وغرفته ومشي

فارس شاف امه: تقصديني!

جميله طنشته و نزلت معصبه للمطبخ

ندى مغلقه بالمفتاح سمعت الدقدقه: من

جميله بصياح: افتحي

ندى فتحت: العفو قفلت بس لأن

جميله: اسسمعي والا اقلش كلامي مع امش روحي انتي ذلحين عنتم احنا..

ندى خرجت..
.
.

في غرفتها..

اسيل جالسه قدام التسريحه بعد مالبست بتتبخر

فارس شافها بتدمع: اسيل امي وهي معصبه تتحاكى اي شي دعممي لاتغثيش

اسيل قامت وقفت والتفتت له دلا والمبخره تحت شعرها: فارس قلت لك مية مره لاتجلس تبرر لحد خلاص يقولوا ماقالوا ليش اغثى هذه حقيقه اديت انت واحده مايشتوها مانتعارف ليش ازعل اهم شي انك اخترتني حبيتني جيت من الباب تزوجتني وانا مايهمني حد غيرك انت

فارس بيمسح الدمعه اللي طرف عينها: وهذه ايش!

اسيل ضحكت قربت المبخره من راسه وغطت بيدها عشان الدخان يجي لاعينه: هذه بسبب هذا

فارس بيبعد: يامجنونه بتبخريني انتبهي عتحرقي

اسيل شافت عينه امتلت دموع ضحكت عليه

فارس: المهم اللي اشتي اقلش عتبسري اكشن خيرات تعودي تدعممي وتتجاهلي بس لو حاجه زادت عن حدها صدقيني ماشسكتش

اسيل: حاضر يا طرزان ذلحين خليني اكمل البس واتجهز تأخرنا

فارس بيلعب بشعرها: من عيوني اي مساعده

اسيل مسكت يده وجلسته: تجلس بس وخليني اقطب قبل مااتهزأ ذلحين

فارس ضحك: يله البسي على راحتش اسير شويه عند ابي

اسيل: لو تخرجه بعدا يغير جو

فارس: ايوه شاحاكي اخوتي وخرجنا تمشينا شويه بعد مااوصلكن
.
.

في غرفه وليد..

وليد: قوا ملعقه بس

مروى: مااشتيش ولاشي قوا ابعده من قبالي مغثيه

وليد: يمكن استبردتي

مروى: او يمكن امترعت لو تبسر في الكوافير كلهن بيتفرجين لي ولا واحده بعدت عينها مني

وليد: لاتصدقيش الخرافات هذه

مروى بضبح: يوه ايش من خرافات

وليد: يعني بتصلي ! بتقري اذكار الصباح والمساء ماعيقع بش شي.. يلا شانزل الاكل


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 96 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


بعد المغرب في بيت اسيل بعد ماوصلين وزفوها..

جميله جالسه وهي متحاوصه من الزحمة ضابحه بتهوي وبتتفرج لبيتهم وللنسوان شافت الرساله وقامت خرجت اشرت لاسيل بيدها وفي الصاله بتلبس

ام اسيل: شويه امانه اجلسي يااختي تعشي

جميله بصدمه: بغير جنان عاد به عشاء لهولا كلهن ! يااختي ماكلفش الله تعزمي امة الصلاه وبيتش صغير والله ماارتحنا

ام اسيل: العشاء للصايمات وبعدا المفاسحه في القلوب يااختي مااحلى اللمه والفهنه مااسترش اعزم ناس من جنب ناس عزمت الكل وسامحينا لو ماارتحتيش هيا جي قربنا عشاء

.
.

فوق السياره..

فارس: يا اخي ليش تدور عمل ومشاريع اشتغل معي كم راشيتك

وليد: اشتغل معك ايش! سكرتير؟ اذا مصطفى الغريب ماسك كل شي ويعرف عنك وعملك كل شي مااشتيش اشل منك راتب بدون عمل ساع الناس

فارس: لانه متواصل مع الكل وبيحضر الاتفاقات وكل شي قلت لك تدرب معي اولا اعرف العمل وكيف بنفعل ونتفق وبعدا اجلس بدلي يا اخي مش الا بدل مصطفى.

وليد: مااسهل الحكى والمجبر هيا اتصل لامي او مرتك اشتي اروح المره وحدها تاعبه

يوسف: ناهي يا اخي لاتفتح موضوع وتخرج منه بمزاجك ماعنده حجه تدرب عنده وافهم عمله و

قاطعه بضبح: بحجر الله اسكت انت كم روحك الفضول
.
.

في الحوش

جميله: ليش تحرجيني وقلت مااشتيش عشاء او بنجوعش ماعنعشيش في البيت

اسيل: مابلا خورت من اكل امي وخورت تتعشوا

جميله: مايعجبنيش اكل عند حد

اسيل سكتت طلعين السياره..
.
.

في البيت..

جميله دخلت المطبخ وهو وسخ شافت غرفتهم اللي في الحوش طافيه طلعت تدق لاسيل


في غرفتها..

فارس جالس هو وياها بيتصوروا ويصورها

جميله دقت الباب بقوه

فارس: من

جميله فتحت

اسيل كانت واقفه لفتت لها

فارس ماسك التلفون بيصور

جميله: ماقد شبعتيش تصوار ، هيا انزلي غسولي مابحد اليوم يغسولين

فارس: ليش وينهن

جميله: عتسير تحاسبهن ! مابحدهن ماعتموتش هن صحنين

اسيل: تمام حاضر ماقلت شي شانزل

جميله خرجت وغلقت

اسيل: طيب شانزل بساعتي اغسول وافعل العشاء خاور شي؟

 فارس: كنت خاور نسمر سوا

اسيل بتمسح مكياجها: سهل شاطلع واعيد المكياج ونسمر وتبسرني لما تضبح وبعدا لاتنساش بكره معنا عمل

فارس: يوه صح عتداومي

اسيل: نعم

غيرت ملابسها ونزلت


بعد ماكملت تنظف المطبخ وصلحت العشاء

جميله دخلت شافت القلصات جهزتهن جلست تشم كل قلص نظيف او مزفر وتتفرج الملاعق

اسيل بتشوفها وساكته مبين عليها الضبح

جميله: مالش قالبه وشش وهن الا صحنين ما لو خليناكن تمسكين المطبخ ماعتفعلين

اسيل: ولاشي عادي جدا امسك مطبخ وبيت مش الا مطبخ بس اهم شي ثقتكم ان احنا نظيفات ونعرف نغسول ونطبخ.

جميله: والله ياحبيبتي قلنا موظفه ماحناش داريين ان انتي حميش هيا قربي فيسع
.
.

فوق الاكل..

وليد: تسلم يدش يامرة اخي امانه الفاصوليا تجنن اطعمي يامروى

مروى بملامح مقززه: مااشتيش فيها بصل شمه يغاثي

كلهم التفتوا لها !!

يوسف: انا اكثر واحد يكره البصل بس والله انها طعيمه جربي

مروى قامت: مااشتيش طلعت غرفتها

جميله قامت تلحقها شافت اسيل: لاتنسي ماترفعي وتغسولي وطلعت

فارس دق صدره: الغسوله عليا اهضم قد زيدت الاكل

جمال ضحك: هنيت لش يامرة اخي كيف اكسل واحد فينا عيفدي بروحه بدلش


















📚 @rewayatyamania  🇾🇪

.

البـارت 97 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


اسيل ضحكت: هنيت لي به عيفديني بغسوله العشاء

يوسف شاف وليد: وانت افديها اقلك بأيش؟

جمال: يجلس ينقي لها البصل من الاكل

يوسف ضحكك وفارس من ضحكة يوسف ضحك

وليد: الله يقلعكم لو سمعت الزبج هذا عليها عتفدوني بغرفكم اليوم
.
.

في غرفتها..

جميله: هيا صدقيني ان انتي واحمه

مروى: قد امي قالوا لي والكل بس ماصدقتش

جميله تغيرت ملامحها: وانتي حمله حمله مغصتش بطنش قمتي تحاكيها

مروى: مابلا سألتهم سؤال

جميله بنرفزه: اسمعي الدلع والغنج هذا وانتي عند امش ماذلحين ...(غيرت اسلوبها) بهدوء وابتسامه: ذلحين قدش مزوجه عتوقعي أم وتتحملي مسؤوليه مش هي فاضيه امش تجلس على الصغيره والكبيره تحل مشاكلش وقدش بيت زوجش وتفلت اخوتش

مروى  بكيت: هذا كله بسبب سؤال سألت امي!

وليد دخل انصدم امه عندها: خير يمه مالش ! مروى مالها بتبكي؟

جميله شافتها: هيا وقد فيها دموع وانا ماغير بين احاكيها حكى صدقني ان مرتك واحمه

وليد فرح: صدق ! مالش ماتحاكيني من اول ساكته

جميله: مش هي داريه انا قلت يمكن بكره سير تاكدوا وافعل فحص

وليد شاف الساعه وشافها: بكره ايش قومي البسي هيا

مروى تحمست وحبت تغير جو: تمام حاضر
.
.

نازل في المطبخ..

اسيل بتشوفه بيغسول ويقلدها كيف بتكلم عمتها ويكلمها كأنها عمتها

اسيل جالسه تضحك: بغير خباله ماتقلدنيش ماينفع لك انت والشنب هذا

فارس يده فيها صابون فلت الصحن الزجاج من يده للأرض وطلع صوت

اسيل اندهشت وشافته: يووه ، خير شاكنسه بسرعه بتشوف رجله ويده:  اهم شي  انت ماوقع بك شي.

فارس بيقلدها: مع ياعمه انا اسفه اكتسر عليا صحنكم ومش انا داري

اسيل بتضحك ضربته ضربه خفيفه: هيا بطل سخافه امانه والله لايرجع الضحك هذا بكاء

بتلقط الزجاج وبتدور اي شي

فارس فتح لها الكيس

اسيل: مع مااشتيش كيس اشتي حاجه ثقيله راعي بتدور

واقفه في الباب بتتفرجهم سكته معصبه منتظره لاخر موقف لاسيل وتدخل

اسيل شافت كرتون: ايوه افتح الكرتون هذا

فارس: هذا بكله للزجاج! ضحك ، بتخبيه امد لاتضربني امي

جميله: وللمه اضربك على الزجاج!! على الاقل انا شاستحي امد يدي على رجال وانت مااستحيت على نفسك ودخلت بكلك تفعل عمل النسوان ..

وليد وجمال ويوسف سمعوا صياح امهم ووقفوا وراها يسألوا ايش في!

جميله بتأشر عليها: وبعدا انتي من عتخدعي ! بتخبي الصحن اللي كسره ابني لادرا !

فارس: منش صدق يمه عتصدقي بين اضحك معها هي مزحه

جميله: لو صدقت المزحه الكرتون مابيفعل

اسيل رافعه حواجبها. ماسكه نفسها لاتضحك على شكل جميله وهي مكبره الموضوع على حاجه تافهه: فعلته في كرتون اخاف لو حد شل الزباله لايستوجع داخل الكرتون افضل

جميله بسخريه: ياحنووونه كنتي عتشلي الصحنين من يد زوجش وغسلتيهن... خرجت

الكل شافوا اسيل مبتسمين

اسيل مستغربه ليش مبتسمين

يوسف: والله انش ضخمه ماعليش من الحجه حقنا

جمال: كم جهد الناس يجلسوا يلفلفوا اي شي يكتسر

اسيل: صح كم جهدهم يعني شويه تعب بس الكارثه لو واحد تحمل بذنب حد استوجع بسببه

فارس بزعل من موقف امه: معي ملاك وعاد امي مش عاجب لها

جمال: انت داري امي من اول بتبسرك بتقلدها وهذا اللي عصبها

جلسوا يضحكوا وعلى خرجتهم من المطبخ

امه تشتي تحرجه قدام وليد ومرته: هيا وبشرنا يا ابني مراعيين نرقد على خبر يسلي القلب

فارس: ايش فرحونا معاكم؟

امه: اول اجلس افتهن ارزح ظهرك لك القوا

فارس شاف اخوته مبتسمين وماسكين فمهم رجع الموقف مزح مع امه وبيقلد اسلوبها وكلامها: امانه ياجميله مش انا داري كيف جلستي تتحملي التعب هذا انا كسرت 3 صحون وغسلت صحنين وقد انا تاعب

الكل ضحككك شافته ورجعت تضحك.

اسيل خرجت ابوه من الغرفه كان قدام التلفزيون وقربته جنب فارس: والله ان اللمه ناقصه عمي

فارس رجع يقلد امه شاف وليد: هيا اقطب يا ابني وانا شاجهز القهوه والذمول صورتنا اليوم عنتفرط هنا عجبني الخبر اقع دور امي انا ولا اجلس اتحمل التهزيئات

امه جلست تضحككك

اسيل استغربت لما شافتها: اول مره تضحك هذه الضحكه !!

جميله لاحظتها مركزه عليها ومبتسمه سحبت نظراتها وجالسه تكلم يوسف.

وصلها اتصال ابتسمت رفعت حواجبها مستغربه وردت عليه: ها روحي ليش خسرت نفسك اتصل بي على الايمو

الكل سكت

اسيل: ليش خير في شي؟؟
.
.


في المستوصف بعد ماسحبت منها الممرضه دم ، بعد ساعه النتيجه

وليد: سهل عنراعي

مروى: خلاص من المعاجله نسير نفعل لفه ونرجع

وليد مشي معها: صح برأيي نسير نتعشى مارأيش

مروى: ايوه جوعت

وليد شافها ضابحه حب يضحكها بيشرح لها موقف فارس وأمه: الحمدلله انه وقت ماسمعته امي كان بيقلد مرته

مروى: مادخلنا من حد ، هيا ابسر انت...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 98 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


وليد شافها ضابحه حب يضحكها بيشرح لها موقف فارس وأمه: الحمدلله انه وقت ماسمعته امي كان بيقلد مرته

مروى: مادخلنا من حد ، هيا ابسر انت كيف تتحاكا وانا لو تحاكيت تجنن عليهم اعظم من المحامي تدافع وتسكتني

وليد: في فرق انا بين اشرح لش موقف مضحك امد شفتش ضابحه يعني ماتدخلت في تصرفه غسول او ماشي او انتقدته ، انا اضحكش امي وهي بتسمعه

ثانيا يا أم سند الفرق اني بين اسليش وانتي بتضبحيني فوق مانا ضابح ارجع شاقرح من كل مكان مشكله واوصل وانتي ماتسكتيش ساروا رجعوا قالوا فعلوا

مروى سكتته: ام سند !!يخ من هي تيه!

وليد: انتي

مروى: بغير جنان والله مااسميه سند لو تموت

وليد شاف جديتها في الموضوع ! واسلوبها معه في النقاش ونبرة صوتها !!  انصرع ماعرف ايش يقول سكت

مروى: يعني مصمم تسميه سند

وليد بصياح انفجر مره واحده: مااااقد جت نتيجه الفحصصصصصص ولو جت ماعد تهمنيش اذا هذا اسلوبش في النقاش

مروى تنرفزت بضبح: ماعد اشتيش عشاء رجعني البيت هيا ذلحين

وليد معصب لف من الطريق اللي باتجاه بيتهم: يتخايلش شاراشيش ماااع  ، انا بين احاول معش قلت يمكن تتغير يمكن تفهمني يمكن تعرف تتعامل معي لازم افهمها اكثر مش داري ان هذه قدي طبيعتش هكذا مخلوقة من عند الله ، له الحمد والشكر بس

مروى ساكته وبتبكي وجالسه تفكر كيف اسيل وفارس ولا بيطلع لهم صوت ولا قد شافتهم متضايقين ومتصوره ان فارس اللي مدلعها وبيحبها ويهتم فيها واسيل بس بتتدلع وفوق هذا الكل بيحبها.
.
.

جميله: وهذه مالها قلقتنا وبعدا سارت ماعد رجعت

فارس: اطلع ابسرها


اسيل في الغرفه بتكلم حسام اخوها: عتتحمل سفر وهي تاعبه! ليش ماتجي تعرس هنا وبعدا تشل مرتك وتسير من عيهتم بأمي... انا داريه انك عتهتم بها بس دراستك انشغالك عتجلس وحدها و ماتعرفش حد هانك وخالتي؟ اقلك ياحسام شاسير بكره لاعندها ونتجابر سوا ابسر ماعتقل

فارس دخل وقد قفلت خير !

اسيل: حسام يشتي يسفر امي عنده

فارس: للعلاج؟

اسيل: ماشي بس مع مرته

فارس: ان شاءالله خير
.
.


ثاني يوم..

اسيل لبست للوظيفه تجهزت ونزلت سبقت للمطبخ تجهز له صبوح

يوسف معه نسكافيه فوريه وقف باب المطبخ: صباح الخير

اسيل: صباح النور افعلك معنا بن

يوسف: معي من هذا ، تشتي!

اسيل بحماس وابتسامه: لو معك اكيد ، قوي تعجبني

جمال: مابش كيك اليوم

اسيل ضحكت: افعلك ؟

فارس دهفهم من باب الباب: يلا من هنا لحد يتعب مرتي عتسبر قهوتي وبس مابش لكم

اسيل ضحكت و بتسألهم: هو هكذا جاهل والا بيغنج قبالي

جمال: مابلا ذلحين بيحسد ان معنا مرة اخ بتدلعنا وتعبرنا وهو ماكان داري اين اخوته الصغار

فارس: اصه حانبتوني وانا صغير واصل تبسروا لعبه جعاله في يدي وتبكوا وامي سهل انت الكبير ماذلحين البن حقي لك وانت تشتي تفعلك بان كيك ويجي دوري مابش ليش لانها  عتسير العمل

جميله: من هي اللي عتسير العمل

جمال شاف لهم غمض عيونه وابتسم: صباحكم منورررر بنور الغاليه وبسرعه قبل ماتوصل امه: بقدر فرحتي ان اخي تزوج وفارح بش ، بقدر مانا غاثي انش استلمتي بدلي دور المحاسبه من صباح الصبح خاطرش يااختي شاكل فول من خارج اخرج لي والله يعينش... خرج بسرعه

يوسف: والنسكافيه هذه حلالش روقي اعصابش بعد اللي عيحصل شاخرج اشرب من خارج

فارس بيشوفها ويضحك ع تعليقات اخوته

اسيل بتضحك معهم وبتاخذ نفس عميق وزفير

فارس اشر لها بيده: اخرجي وتحاكي اللي تشتي اقنعيهم انا مالي دخل

جميله: عتجلسوا تتشاوروا من داخل اخرج ها نتحاكى

فارس سبقها خرج: صباح الخير والعافيه والنعم الكثيره واولها امي الحبيبه

جميله منرفزه انه بيحاول يهديها يعني مصمم هو ومرته تسير تتوظف: خطيت رأيك وتزوجتها سكتنا قمت استغليت وفرضت انها تجلس فاتشه وماقد اقتنعت اخر شي تقلي عتتوظف !!

للمه تزوجت تجلس عند امها هانك احسن تخطي رأيها وتغنج عليها مش عليا انا ، اذا ابني مسحور ومايعرفش يتحاكا ويتصرف مع نسوانه انا مستعده اربيهن

اسيل بصوت هادئ رغم ملامحها المنزعجه: ابسروا ياعمه سكتتي اوقات احتراما لكم ومعزه ومحبه في زوجي ساكته عشانه لكن حد يغلط عليا ماارضاش  تربيه والحمدلله اتربيت احسن تربيه
اجلس عند امي انا كنت عندها معززه مكرمه

فارس قاطعها: أصبري

اسيل: لو سمحت انا مش من النوع اللي يرادد دايما اسمع واسكت بس هذه المره العفو منك انت وياهم شاقول مافي نفسي واخطى لي

مسحور ! ليش شاسحر ليش دايما بتقولوا هكذا !! يتخايلكم اني غبيه اتخبى سحر في غرفتي عرفت به وسكت امد تعرفوا اني متربيه امد لافعل مشاكل وسط البيت قلت تحصل وكثر خيرهم اللي تفاقدو ونصحوني وانتوا ولاحذرتوني حتى وذاحين تمكنوني واصل مسحور

جميله تشتي تتكلم بدأت تبرر: من اللي

اسيل: آخر شي..


















📚 @rewayatyamania  🇾🇪

.

البـارت 99 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


جميله تشتي تتكلم بدأت تبرر: من اللي

اسيل: آخر شي ولو شاقطعكم: زوجي مع كل احترامي وحبي له ( لفتت له) لاتغثاش

لكن اختارني فاتشه موظفه وتناقشنا وماعنده مانع والان اثبت لكم انني محترمه ومتربيه وياريت تقدروا هذا الشي سكت خيرات وتحملت خيرات لكن انا والكل معي قلب وبين احس وبين اغثى كم جهدي...

خرجت ولا رضيت تكمل تسمع عمتها وتناقش

فارس: ايش من سحر بتتحاكى به !

جميله بشويه ربشه: مرتك خرفت وبتدور لها مشاكل معي امد تخطي رأيها لكن تمام عنبسر اخرتها يا انا ياهي وسط البيت هذا

فارس ضبح من نفس الجمله اللي قالتها امه لما طليقته خرجت من البيت
خرج ولحق بعد اسيل شغل السياره وخرج


نص الطريق

فارس: ايش قص  السحر ؟ في غرفتنا احنا !

اسيل: اطلب منك طلب

فارس معصب: وقته ذلحين الطلب ! بين اقلش ايش قص  السحر

اسيل ماحبت تدي تفاصيل وتكبر المشاكل: مااعرفش المهم كان به شي وخرج من غرفتنا هذا اللي عرفته

فارس: اكيد كذب لاتصدقيش وتخافي

اسيل مايهمها يصدق او لا اهم شي وصلت لعمتها انها عارفه باللي بيحصل: مش خايفه ماحد يقدر يفعل شي اذا ربي مش رايد لنا شي

فارس وقف جنب الكافتيريا اللي جنب العمل: مارايش في عصير ليمون يهدأ اعصاب البنت اللي عرفتها وحبيتها لاول مره هنا ! وذاحين بعد زواج وشهر عسل بين اشتريه مهدئ لاعصابها

اسيل ضحكت: تمام ياروحي بسرعه اخاف  تتأخر على عملك

فارس: كلمت يوسف يسبق شابسر لو عيلتزم يساعدني اكون اركن عليه

اسيل: قصدك وليد؟

فارس هز راسه لا: وليد مارضيش قال بيخطط لمشروع خاص به ، ذلحين قلت اعرض على يوسف واذا مارضيوش اشتغل وحدي ومعد لأي حد حق يعاتبني

اسيل: ان شاءالله خير


فيروز وصلت: صباح الخير واخيرا اديتها تعبت افعل عملي وعملها

فارس ضحك: انا برأيي تدوري موظفه غيرها ، لأنه ماعد بش ركن عليها او تحملي اعذار واصل

اسيل: حتى هنا عتتآمروا عليا ، هيا سير شرق عليك

فارس: اتصلي بي قبل مايخلص عملش بنص ساعه

اسيل: حاضر.. انتظرت يطلع سيارته وطلعت هي وفيروز

فيروز في الدرج: اسمعي اليوم مابش عمل ويارب مايجي حد ولايتصل ، المجابرررره قدي شوالات حاكيني كل شي ، عمتش كيف سليفتش السامجه مابيحصل في بيت زوجش

اسيل: صدقيني مابش شي كله عادي طبيعي

فيروز بنظرة زعل: هكذا صتحبتي تغيرت عليا ماذلحين ماعدبش شي ينقال !

اسيل ضحكت: لانه مابش شي ، غير عمتي وسليفتي وبين احاول اتجاهل ولو زاد الامر عن حده أتصرف

فيروز: ولما تحاكي فارس مابيفعل

اسيل: احاكيه في ايش؟

فيروز: قلتي بتتصرفي بيسمع لش وينزل يواجه امه او يغلطش

اسيل: لا لا مابين اتحاكا الا لوجههن سواء سليفتي او عمتي مااشتيش ادخل فارس في أي شي.

فيروز: اسمعي انتي معش نظامين نظام الطيبه وحب كل الناس معهم بطليه ، صدقيني هولا يشتي لهم نظام تعاملش مع اللغج الشركات اللي تتصل تدور موظفين وبعد مانشرح لهم ساعه يقولوا الراتب زياده مانشتيش

اسيل ضحكت: لاتنسي النظام الثاني ادا نصفي الثاني

فيروز: يعني صدقيني أهله يشتوا نفس النظام فصيلة دمهم شكلها تحتاج هذا النظام

اسيل ضحكت: يوووه بس امانه عيب يدخل حد واحنا هكذا بنضحك

فيروز : ايوه صح ماذلحين عيب نضحك البنت تزوجت قد عتتخايل نفسها علينا

اسيل: يووه تخيلي لو انا هذا النوع السامج شانتحر 

فيروز وقفت تقلد نظرات عمتها لما تشوف يمين ويسار من طرف عينها للناس: هو تنتحري بكرامتش احسن ماتجننش عمتش وتموتي شهيده

اسيل تعبت ضحكك: بس حسبش الله كم حشينا اشتغلي

فيروز: اصبري باقي سيلفتش والله ان قلبي بيحز مابتفعل

اسيل: سمعت الصبح انها رايحه تفعل فحص يمكن واحمه

فيروز: يووووه معاجله على ايش شكل عمتش غششتها ان به مسابقه بينكن عشان ترضى عن اللي عتخليها توقع جده او ماهو

دخل زميل لهن في العمل

اسيل شافتها: الحمدلله اللي جاء مايسكتش ويخلصني من دحسش
.
.

في البيت..

ام ندى وصلت: سامحيني والله ان قد انا خازيه منش تأخرت جلست انظف البيت بعد العماره انا وندى ولاتمينا بس قلت ابدي

جميله: مابش داعي اسلمي انتي داريه ماقلت لش اول مره نقال حكى مااشتيش!!! من حاكى اسيل ان كان به سحر

ام ندى رجعت تنصدم فيها !!

جميله بتفكر لمحتها وهي مصدومه: يووه مقصدي من خارج ، ما انتي قد لش عمر هنا مدري كيف تخيبلت وسألتش

ام ندى: اصلا يااختي مش انا داريه ليش شكيتي فينا من البدايه ! انتي بتتحاكي وانا بين احاول افهم اي حين بثينه لحقت تحاكيها او توصلها خبر يمكن راسلتها !

جميله: الله اعلم ارجعي انتي خرجي منها خبر مااشتيش ابين لها شي
.
.


في السياره..

وليد نزل يدي نتيجه الفحص وخلاها تنتظره فوق السياره اول ماشاف النتيجة...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 100 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


في السياره..

وليد نزل يدي نتيجه الفحص وخلاها تنتظره فوق السياره اول ماشاف النتيجه فرح ونزل ملامحه عاديه ناولها الورقه.

مروى قرأت الورقه  بفرحه نسيت التصرفات اللي زعلته منها لفتت له

وليد ملامحه هادئه جدا دون رد فعل

مروى: مش انت فارح!

وليد شغل السياره ومشي: ليش ماافرحش

مروى بضبح: مدري

وليد: وما عتفرق معش ردة فعلي !! قد بين افتجع اضحك ازبج او اتحاكا بيعجبش ترجعي كل لحظه نكد قلت أفرح داخل نفسي  اخرج

مروى بتطبق كلام مر  اخوها ( تنتقم لنفسها بدون مايدرى): مارأيك نتفق اوعدك ماشزيد اضبحك ولاشي مالي دخل من حد ولو واحد ضبحني شاجننه هو بدل مااجننك.

وليد: كم قد قلتي هكذا وتحاكيتي

مروى: هيا ابسر هاه مابتديش فرصه الا وقد كسرت نفس الواحد وبعدا مش انت داري الزعل والغثى مش هو حالي للواحمه يعني لو وقع بي شي فهو من سببك

وليد: هذه آخر مره لش صدقيني لو زد فعلتي مشاكل وكبرتيها ودخلتينا في خلق الله دحس وفحس عيتغير معش اسلوبي تماما

مروى: ناهي بغير تهديدات

وليد: شاتصل لأمي اقلها

مروى: مع نراعي

وليد: لايش نراعي!

مروى: قالت مرة اخي مااتحاكاش الا بعد شهرين او ثلاثه حالي من العين وبالذات حين معي سليفه نراعي لو وحمت وقالت

وليد صاح يسكتها: بااااس هذه وصفه او حديث او ماهو مش انا فاهم مادخلها مرة اخوش في الوحام!

مروى: هي بتنصحني حين وحمت فعلت هكذا وماشاءالله

وليد بصياح: بغير قلة عقل ، ياااي انتي متعلمه!

مروى ارتزحت في الكرسي وبزنط غمضت عينها: وجامعيه

وليد شاف عيونها باللثمه ودلعها: حمي فيش الحلا هذا و مابش عقل

مروى نسيت الصياح اللي كانت تشتي تحنق بسببه وفرحت بنظراته وكلمته: انا حاليه !

وليد: مدري اوقات من نرفزتش الصدق مابين ابسرش حلا بس ذلحين هكذا شفت ثقتش بنفسش حين قلتي وجامعيه مااحلاش لو انتي هكذا عاقله وواثقه وهاديه ومحد بيضبحش وحد يعلمش عتوقعي ارق واحده شافتها عيني

مروى: خلاص افعل مااشتيت تشتي تحاكيهم حاكيهم

وليد احتار معها: ياروحي ياحبيبي يامرتي لو قلتي ذلحين انش واحمه او بعد شهرين او ثلاثه او تسعه او بعد ماولدتي ماعتفرق !!!  ليش مابيتزوجوا خلق الله سكته وبعدا يعلنوا من العين والحياه تجلس هكذا سكته سكته كل واحد ينتبه لنفسه من الثاني لايمرعه وكأنه ماعد بش رب مقسم الارزاق وحافظ للنعم وين ايمانش بالله وثقتش في قوته انه اقوى من عين فلانه وعلانه !!

مروى بتفكر في كلامه اقتنعت وتخيلت كيف تفكير مرة اخوها محدود ! سألت نفسها يووه وليد هكذا احتقرني..

وليد رد على ابن عمه: اممم مابش قبالي الصدق محاسب ، اتصل للشركه مصطفى عيقلك

ابن عمه: تمام
.
.


بعد اذان الظهر..

اسيل رسلت له رساله: وحشتني ويكفي لليوم عمل فقدت لك هيا نسير نتغدى وصلها منه رد: انا في الطريق.

دخل: السلام عليكم

فيروز بتطبع استماره: قوا زيدي ابسري الاخ وروحي

اسيل: تفضل

ابن عم فارس: اشتي محاسب معه لغه ويجيد استخدام الكمبيوتر ولكن لو معاكم سيره ذاتيه افضل اختار لو سمحتوا

اسيل مازالت ماتعرف من اللي امامها ولا هو يعرفها خرجت الكشف وناولته ..

ابن عم فارس: سجل رقم واحد

اسيل: مش هكذا يا اخ مايسبرش التواصل يتم عبر المكتب انا غلطت وخرجت لك السيره لاني معاجله انتهى وقت الدوام

ابن عم فارس بعصبيه وقف يشتي يمشي: ناهي ذلحين ذليتونا ماعنهربش عنحاسبكم

اسيل طنشته وخرجت لقيت فارس طلعت معه ومشيت

فيروز: برأيي بما انك شليت الرقم اذا عتتصل اتصل ذلحين ولو سديتوا المكتب ياخذ عمولته

ابن عم فارس: ايوه تمام سوا ماصاحبتش تسرق واحد عيني عينك

فيروز: اصلا كم انخصم علينا من رواتبنا خيرات يفعلوا هكذا يشلوا الرقم ويتواصلوا هم سكته

ابن عم فارس كمل يتفق وسجل بياناته

فيروز استغربت اللقب !!: يقربلك فارس الشيخ؟

ابن عمه: ايوه ابن عمي

فيروز بتشوف اسيل بتتصلها ردت وهي بتكمل تعبي استماره الرجال

اسيل: مازد فعل هرب او دفع لش؟

فيروز بتتكلم بألغاز: الا كل شي تمام بنعبي الاستماره انتي داريه قريبكم ابن عم زوجش

ابن عم فارس انصدم !!
.
.

في البيت..

وليد وصل هو ومرته: مروى واحمه

جميله: يوه جنه ملان الدنيا واخيرا شاوقع جده

مروى داخل نفسها: ...







https://t.me/rewayatyamania/47791












📚 @rewayatyamania  🇾🇪

👰🏻‍♀


بارتـات يومنـا الاحـد 😍👆🏻

يوم التروية🕋

اللهم في يوم التروية اروي قبور من فقدناهم.. اللهم آنس وحشتهم وارحم غربتهم واجعلهم آمنين مطمئنين إلى يوم يبعثون.. اللهم اروي ظمأهم بشربة من حوض نبيك واجعل الجنة مستقراً لهم يارب العالمين

اللهم اروينا بعفو منك ورضا وسعادة لا نشقى بعدها أبدا، يارب اروي حياتنا بالأقدار السعيدة والأيام الجميلة


اللهم اروي ظمأنا من حوض نبيك وارزقنا ظل عرشك واكتبنا ووالدينا ومن نحب من أهل الجنة بلا حساب ولا سابق عذاب يارب العالمين

.

البـارت 101 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


في البيت..

وليد وصل هو ومرته: مروى واحمه

جميله: يوه جنه ملان الدنيا واخيرا شاوقع جده

مروى داخل نفسها: يافرحتي بش وانتي جده ابني على الهرم والكيد حقش

جميله: الف مبروك يابنتي الله يتمم لش على خير 


دخلت اسيل هي وفارس بيضحكوا كان بيسمع لها موشح امه ويقلد اسيل لما عصبت

جميله تغيرت ملامحها: استغفر الله بس عاد انا الا هدأت حين دريت مرة ابني واحمه والا كنت شاموت بسبب مرتك اليوم ارتفع لي الضغط بسببش وانت يمين بالله لو توقع فوق كلمتي كلمه لا انت ابني ولا انا اعرفك

فارس: عاد انتي ذكرتي يمه تتحاكي على موضوع الصبح ؟

جميله: ياريت مالحقت اتصل ابشرك فضيحتنا قبال الكل لوما سيرة مرتك تقع على لسان الصغير والكبير رجال ونسوان

فارس: يكفي ماوقع ماحصل!

جميله: اتصلت مرت عمك تواسيني وتدعي لي على مرة ابن معي!  مرتك المحترمه في العمل تقالعت مع ابن عمك يعني مايكفيش يبسر مرتك موظفه وفاتشه وزد تتقالع معه وتسرقه !

فارس بيشوف امه لفت لمرته: اي حين جاء ابن عمي .

اسيل شافت عمتها: من هو ابن عمه ! شاجلس احقق مع كل واحد يجي لاعندي ! ومحترمه غصبا عنه وعن من يفتح فمه على اخلاقي ، ياعمه رجاء خلافنا على جنب والكلام في الاخلاق والاحترام يوقع جنب ثاني رجاءً

فارس ضبح فلتهن وطلع

عمتها: عتجننينا عتمرضي ابني معانده ماتشتي الا قولش مافيها لو سمعتي وجلستي في البيت عتموتي على قرشين

اسيل: انا احس لو اتكلم شاوقع فعلا مش محترمه خلوني اسير غرفتي احسن اهدأ وتهدأوا النقاش هكذا ماينفعش ابدا ... وطلعت ومطنشه لقانه عمتها دخلت الغرفه.

فارس ساكت

اسيل معصبه رجمت شنطتها وجلست

فارس: انتي داريه مرة عمي هذه اخس واحده هي وامي ماتسدش ماكرها ذلحين تلقى قصه

اسيل: ومادخلي منهن مشكلتهن لو ما سدين وبينهن مشاكل ، مادخل ابنها يجي ويبسرني وعيتحاكى مافيها اشتي افهم انا غلط او عيب او ايش!

فارس: اسيل لاتنسيش مجتمعنا كيف كل واحد وله تفكيره ونظرته للامور

اسيل: قلتها كل واحد يعني مش هو قانون نخطى عليه لازم كل واحد يحترم رأي الثاني لو معه رأي خاص به

فارس: ياروحي عندي فكره مارأيش تغيري العمل الصدق ماعجبنيش وبين اضايق حين

اسيل معصبه من الموقف كله: فارس لو تفتح الموضوع معي هذا ذلحين شاعاند ونزعل بعض ممكن كل واحد يكون يقدر الثاني لما يهدأ ويناقشه نقاش مش يفرض عليه اوامره وارائه !!

فارس: معش حق انا خصمي حد يناقشني وانا معصب

اسيل من اسلوبه هدأت شويه: شادخل اصلي

فارس: حاضر ياروحي... وخرج لاعند امه


جميله: اطلع غنجها ودلعها وراشيها وانا لحقه

فارس: ومن قال ان انا جيت اراشي!

رجاءً يمه، مره ثانيه لو تشتي تناقشيها تسحبيها على جنب وتناقشيها بهدوء سؤال وجواب رغم مش من حق حد محاسبه حد الا على شي يخصه هذه بنت الناس مش هي واحده مننا تتحمل الاهانه قبال اخوتي

جميله معصبه: إهانة هااه يوه يوه حفظتك تيه الكلمتين تنزل تقلهن لي!

فارس: شي يخصني انا ومرتي قلي للناس حاكوا فارس غلطت مرتي على حد!  يجي يحاكيني مش يفعل حركه المكالف هذه يسير يبكي ويشكي لامه يستحي ع نفسه لو بيعتبر نفسه من اهلي ومثل اخوتي مايفعل التصرف هذا  وبعدا اي حين لحق يتشكوى !

وليد : عيب عليك تتحاكى هكذا عليه

فارس بيحاول لايعصب: انت لاتدخل الله يرضى عليك

وليد: كيف لا ادخلش ! بين ابسر اخي مابش معه شخصيه ولا كلمه على مرته لو انت لهذه الدرجه متفتح ارجع عيش خارج البلاد مش كل من هب ودب يجي يقلي ابسرت مرة اخوك

فارس ماسك نفسه: الحجه مش هي عندك تتكلم معي هكذا! الحجه عند امي اللي ادت لكل واحد فرصه يفتح فمه ويتويقح معي هكذا لكن تمام مش عاجبكم انا ومرتي شاخرج بيت لوحدي

جميله: اتحداك يمين بالله ماعد تزيد تبسر صورتي لوما اموت لادعي عليك دنيا واخره لو عتخلي مره تفرق بيننا

فارس زعل وطلع غرفته

مروى بتسمعهم وفارحه فيها تستاهل ياسعم ماغيرها متعلم ويشتي يتوظف تحترم نفسها وتقر واصل وهي خارجه داخله فاتشه وعاد الحب والدلع والغنج لها.


وليد طلع للغرفه هو ومروى..

مروى: لاتغثيش نفسك ياروحي يكفيني عقلك كم كبرت في نظري مدري مالاخوك الصدق مش هو بحق الهنجمه والزنط وفاعل نفسه الكبير طلع بدون شخصيه بس عتبسر امك كيف عترجع تحاكيه ولا كأنه غلط هو ومرته عليها

وليد: ماتوقعتها هكذا الصدق
.
.

في غرفتهم

فارس معصب وضابح: ممكن افهم ايش اللي حصل ! اعتقد قد هدأتي

اسيل شافته معصب: دخل طلب كشف سيره ذاتيه لمقدمين على وظيفه واديت له سجل الرقم حق المحاسب اللي اختاره ويشتي يخطى قلت له ماينفعش يا اخي

حاكيته بهدوء وطبيعي قلت ماينفعش لازم عبرنا التواصل رجع يتفلسف ويقالع وعتسرقوني انت جيت فلت الموضوع لفيروز وخطيت ولارديت عليه بكلمه

فارس: وكيف...




















📚 @rewayatyamania  🇾🇪

.

البـارت 102 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


فارس: وكيف دري انش مرتي

اسيل: ماكنتش داريه الان تميت اصلي واتصلت لفيروز وحاكتني انها ابسرت اسمه وقالت له مايقرب لك فارس الشيخ قال ابن عمي

فارس بضبح: هااا  كان الموضوع هكذا! تمام حاضر .. قام يلبس

اسيل: مالك؟ اين عتسير

فارس: شاسير اوريه كيف الرجال يتكلم مع الرجال مش يسير يتفرط مع مكالفه

اسيل خافت يتضاربوا: فارس قوا انت عاقل مايسبرش هكذا دعمم

فارس طنش خرج وهو معصب

اسيل ماقدرت تتحمل اكثر من هكذا خرجت تدور عمتها...

يوسف لقيها في الدرج: لاتغثيش ابن عمي مدكوم الكل يعرفه هو وامه وابوه حاقدين من زمان على ورث ابي واخوته

اسيل بكل هدوء: لذلك يايوسف انا مش الورقه اللي عيصفوا حسابات قديمه بها اين عمتي !

يوسف: نازل

اسيل واصلت تنزل

يوسف رجع لحق بعدها

جميله جالسه تجابر مروى وتشرح لها اللي سمعته في التلفون

اسيل بتسمعها: ياعمه بدل ماتصدقي واحده ماتحبش بتحارش بالتلفون عتسأليني انا وتقلي لي ماوقع واجاوبش قبل الكلام اللي غثاني قبل شويه !

جميله: وعاد لش عين تنزلي تحاكيني !

اسيل: ايوه مش انا غلطانه

وليد: كيف مش غلطانه!

اسيل: وليد ايش الموضوع اللي انت داري به امد تقل هكذا؟

وليد: كيف تسرقيه

اسيل: انتو قلوا لي ماوصلكم لما سرقته

ساكتين كلهم

اسيل: جاء يشل الكشف وابسر الرقم سجله واحنا مابش عندنا هكذا قلت له مايسبرش احنا التواصل عبرنا رجع يقل ياسعم عنسرقكم ايش التعامل هذا ويدوشن ويصيح فلته وخرجت لزميلتي وفارس مراعي لي روحت

جميله بنرفزه: مادخلي من عملش وماهو اللي يسبر بنقلش مابش عمل قري في البيت الغنج والعناد عند امش مش هنا قدش مزوجه عيب عليش استحي تفعلي مشاكل بيني وبين ابني وذلحين من تحت راسش كل من عيفتح فمه علينا ويصغرونا

اسيل: ليش مهتمين بكلام الناس ! وكأنهم فعلا بيصغروكم !

جميله: مصممه تغلط وتزيد تبرر الغلط صميل نرضى ونقتنع

اسيل: مش هو صميل ولاشي احتراما لكم هدأت ونزلت اشرح لكم تسمعوا مني مش من كلام الناس ومجابرة نسوان يشتين يتشفين فيكم طول ماانتوا بتتبرقطوا وتبينوا لهم انه فعلا اللي حصل غلط بتدوا لهم فرصه يتمادوا اكثر

جميله: رجاءً تطلعي غرفتش احسن مااغلط عليش ذلحين

مروى بتضحك وماسكه فمها بتشوف اسيل

يوسف: والله مافيها شي كل اللي قالته صح

جميله: رجاءً ولا حد له دخل

اسيل طلعت سكته اتصلت تسأل على امها

خالتها: احنا في المستشفى والله ان انا مربوشه ربشه خليها على الله زحمه عتقدري تجي

اسيل: حاضر  اتصلت تستأذن فارس ولبست ونزلت طلبت يوسف يوصلها
.
.


بيت عمه واقفين في الحوش

ابن عمه: لاحول ولاقوة الا بالله ماناش داري ان هي مرتك الا بعد ماتحاكت الموظفه وبعدا انا سرت اقل لأمي مرة فارس موظفه ابسرتها وحكيت لها الموقف يااخي النسوان كبرين المواضيع ماعليك انت

فارس: كيف ماعليا وهي مرتي ترضى حد يتحاكا هكذا على مرتك!

ابن عمه: مابش مقارنه ليش انا شاخليها اصلا تتوظف مع رجال!

فارس هز راسه: تسلم يا ابن العم ومشي


لحقها للمستشفى..

اسيل بتكلم الدكتور خلصت امها العلاج وعلى خرجتها شافته

فارس: خلصتوا ؟

اسيل: ايوه

فارس: يشتوا شي ادويه ؟

اسيل: مع تسلم مافعلت اين سرت اقلقتني

امها خرجت من الغرفه

فارس سكت من اسيل وسلم على عمته وخالتها ومشيوا للسياره

اسيل كانت جنب فارس: هيا قلي بس ايش حصل بسرعه لاتسمع امي

فارس: ولاشي تحاكينا طلع الغلط من النسوان كبرين الموضوع هو ماله دخل بس معي طلب

اسيل: ايش؟

فارس: تغيري عملش

اسيل: ليش ! انا غلطانه في ايش، ماقلك

فارس: ماقلي شي ، ومحترم انش كنتي موظفه وماشمنعش من شي ولكن احترمي رغبتي وغيري عملش هذا العمل ماعجبنيش

اسيل: ماعجبك حين ابن عمك جاء؟

فارس: بين اغير عليش كل يوم يدخلوا لش كم واحد قليل ذوق مااشتيش هذا العمل..

وصلوا عند السياره وقد امها قريبه سكتت

طول الطريق بتفكر في الموضوع


















📚 @rewayatyamania  🇾🇪

.

البـارت 103 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


فارس: اطرحش عندهم اتم عملي حق ساعه واجي لش

اسيل: حاضر
.
.

في البيت..

امها: مالش يابنتي فيش شي!

اسيل: ماشي ولاشي بس تعب عمل

امها: حاكيني انا اعرفش التعب من الغثى

اسيل: شرحت لامها اللي حصل في العمل وطلب فارس..

امها: تمام يا بنتي احاكي عمش يبسر لش عمل في البنك عنده؟

اسيل: يو يمه حتى انتوا بين اقل عتفهموني

امها: يابنتي قد زوجش محترم لش وبيقلش سهل لكن غيري وظيفتش

اسيل: ومافرقت في البنك شاتعامل مع موظفين وعملاء، اهم شي البنت اخلاقها وين ماكانت ماذنبنا لو هم اللي قليلين حياء معنا !

امها: سهل تنازلي في هذا الشي

اسيل: لو ابدأ اتنازل على كل مشكله تقع عيتعودوا يخطوني على مايشتوا

امها: والحياه لو تشتي تعيشيها كلها تنازلات هو تنازل وراضي تتوظفي وانتي تنازلي وغيري عملش وهكذا خطوا الحياه احترام وتفاهم

اسيل ضابحه من اسلوب عمتها وماتشتي تشكي لها وتقهرها: حاضر

امها: ولاتقلي له اقنعتش انا ، تحاكي من نفسش امد يحس انش بتحترميه وتفعلي لكلمته حساب

خالتها: اذا الزواجه هكذا شاجلس لي عند اختي احسن والله لانتقاتل ، مادخل عمتش وسليفتها في الموضوع

اختها: انتي اسكتي بحجر الله ماشلت الراس اليابس هذا الا منش

خاله اسيل ضحكت: والله ان قد راسها اعقل مني ومنش يا اختي من يصدق اسيل قد بتننازل

ام اسيل ضحكت ورجمتها بالوساده: اهجعي قلت لش

اسيل بتضحك وحست ارتاحت شويه بس قدامها عمتها اللي ضايقتها قوي شافت اتصال فارس: هيا خاطركن وقوا تحاكين ماذلحين انا داريه موعد امي شاجي من نفسي

امها: انا قلت لخالتش ماتحاكيش مايسبرش كل شويه ونبعتي

اسيل ماتشتي تضايق امها اكثر بس مصممه على رأيها ماتفلتها وحدها: حاضر



فوق السياره

فارس هدأ مروق وفاتح اغاني

اسيل طلعت: مارايك اعزمك تتغدى

فارس شافها ضحك: عاد احنا تغدينا شابع ! جاوعه؟

اسيل: ماشي طيب نسير اي بقعه

فارس: ليش؟

اسيل: نرجع وقد رقدوا

فارس ضحك: والله ماعندش حجه لكن واحد مايفعل الاهل يبقوا اهل وعيهديهم الله

اسيل تذكرت موقفها مع امها انها ماتقدر تفلتها وقدرت موقفه: الله يعين بس

فارس: مارأيش نسير المستوصف تفعلي فحص

اسيل باستغراب : فحص ايش؟

فارس: حمل

اسيل ضحكت: كما شكيت شاقلك ماشسيرش يطبزوني على الفاضي

فارس : فكرتي في الموضوع؟

اسيل: بدون تفكير

فارس بزعل: يعني مصممه!

اسيل: ماشي بدون تفكير شاقبل عشانك بس رغم انا وين ماكنت مش غلط ومش ذنبي الناس بتغلط لكن مااشتيش ازعلك طالما احترمت رغبتي ووافقت اني استمر في وظيفتي انا شاحترم طلبك

فارس مسك يدها: الله يحفظش لي يا اعقل بنت في الدنيا.

.
.

في الحوش دخل من الباب وجنب الباب بيت صغير حق الحارس ومرته وبنتهم ندى

واقفه جنب الطاقه بتتفرج العصافير وبتصور الشجر اللي قدامها والسحاب سمعت صوت الباب شافته

جمال لمحها غلقت بسرعه الستاره: بيشبه لون عيونها وشعرها عسل مع ساع القهوه في ضوء الشمس جلس منتظر يمكن تفتح الستاره مره ثانيه بيشوف كأن حد ماسك الستاره بيده جلس يتعذر بالشجر يسسقيهن وشويه يلتفت...

سمع صوت سيارة فارس وفتح الباب ابوها خرج خاف رجم المرش حق الماء للأرض 

ابو ندى: يا ابني قد سقيناهن بسسسس غلق الماء مالك

ندى من داخل بتسمع وتضحك..

جت امها شافتها واقفه ورا الستاره بتتشاقر قربت فتحت الستاره وجمال واقف لفتت لها: مابتفعلي

ندى بعفويه بتضحك: ابي بيقالع جمال بيسقي الماء وقد ابي سقاهن

امها  عصبت: وانتي ماتستحيش بتتشاقري هكذا ! لو يبسرش وبشعرش ياسلاااام سلم

ندى: من اين عيبسر مغطيه دخل فجأة وانا واقفه قفلت بسرعه

امها مسكت شعرها: يمين بالله لو ماتلفي راسش وتجلسي ملفلفه لاحلقهن لش بتسمعي

ندى اقتهرت: مافعلت مادخلي انا وليش اجلس ملفلفه داخل البيت

امها: لان ابليس شاطر يسير يلعب بعقلش لاتنسيش نفسش تمام قد امش جميله بتحذر ماتدخلي البيت خلي لنا حالنا نطلب الله مابش اين نسير نتم البيت حقنا وانقلعنا..


في الحوش دخلوا ماسك يدها بيضحكوا

يوسف خرج لاعند جمال: مابتفعل ذكرتني حين كنا نلعب

جمال مشي ووقف جنب الطاقه: انا اليوم قررت أجلس في الحوش بين افتجع منهم

اسيل وفارس بيسمعوهم وبيضحكوا

يوسف مستغرب: بتفتجع من ايش؟

جمال: الجميله والوحش ( اشر لفارس)

اسيل ضحكت

فارس بيضحك: الله يقلعك

يوسف: الجو حالي مارأيكم نفعل سهره هنا على الاقل الحوش اكثر مكان آمن

اسيل: ليش ماحصل؟

جمال: هو قصده من اللي بيحصل امي ماتخرجش الحوش مايعجبها

اسيل شافت فارس ضحكت ( على كلامهم فوق السياره يدوروا وين يهربوا): وانا موافقه

يوسف: هيا ادي الكره ياجمال وجي نلعب تبسر مرة اخوك زوجها كيف هو حريف


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 104 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


يوسف: هيا ادي الكره ياجمال وجي نلعب تبسر مرة اخوك زوجها كيف هو حريف

جمال بيرفع صوته: انا خايف اكسر طاقه تعرف كيف انا منافس ميسي

جالسه ورا الطاقه بتسمع ومبتسمه فاهمه انه بيوصل كلام لها..

من الطاقه بتتفرج ووليد ممدد: جي ابسر هاه ولا كأنه حصل شي أحرقوا دم امي واعصابها وقلبوا البيت ورجعوا ضحك وكركره.

وليد واقف بيتفرجهم: خليه لوما يرجع يندم.

تحمس شافهم مجتمعين: جي ننزل

مروى: امانه بعد اللي حصل؟  تشتي امي تغثى مني ماشنزلش انزل انت عادك بتتحاكى عليهم

وليد مبتسم من ضحكهم: ناهي مادخل نزلتي في اللي حصل هيا انزلي مدري ليش بيضحكوا

مروى مااشتيش سارت لاعند عمتها: اقلكم حاجه يمه ؟ الصدق انا حاسه بكم وماعندكم حجه تغثوا ، كنت اقول احيانا ان انتوا يمكن حين جت باختيار فارس وخطى قوله عليكم مابتطيقوها ، لكن المره هذه انا معاكم كل شي غلط اللي بتفعله لابتحترم عاداتنا ولاشي جايه تحقق احلامها وتخطي كلامها عليكم انتوا داريين من انتوا ومن هي لذلك صمموا على رأيكم هي مزوجه لاعندكم الكلام والحكى اللي بيوقع عيوقع على الكل يعني اسير اي بقعه ويقولوا لي سليفتش وسليفتش ومااشتيش احد يبسرها احسن منكم وخطت كلامها عليكم

جميله معصبه وزادت تشتحن من كلامها ومانسيت كلام اسيل ايش عرفها ان في سحر!: اشتي اسألش حد حاكاش بشي في البيت؟

مروى مافهمت: مثل ايش

جميله: يعني حين سرتي خطبه بثينه ماقالت لش شي والاشي مالقينا في غرفه فارس !

مروى جالها فضول تعرف!!: مالقيوا؟

جميله: ولاشي خلاص بس

مروى سكتت وفتحت تلفونها ترسل وتسأل بثينه بما انهن بيتواصلين!

جميله: سيري ابسري زوجش وانتي مااداش هنا ؛ وبعدا مايعجبنيش حد يتدخل في الثاني انا هنا اللي اوقف كل واحد عند حده

مروى انكسفت ولعنت نفسها حين كلمتها داخل نفسها ( ماتستاهل حد يعبرها ويفعلها قيمه) وطلعت

وليد على طلعته من الحوش متحمس دخل الغرفه: قررنا اليوم نفعل سهره في الحوش ونشوي ونتعشى كلنا

مروى: فكره من؟

وليد: فكره يوسف واسيل

مروى ضحكت: وانت قدك بعدهم تخطيكم على خوراتها عادك بتتلفسف قبل ماتنزل ماحصل!

وليد: اللي حصل حصل واتغلق الموضوع يسد هو ومرته مادخلنا

مروى: سبحان الله وانت مثل عمتي نزلت احاكيها وقلبت فوقي بعد مابردت قلبها بكلامي

وليد بنرفزه: وماقلتي لها!

مروى توترت ولاشي خلاص قفل الموضوع.
.
.

الليل..

جمال ووليد بينفخوا المشاوي

فارس: عتدخلي تجهزي لنا الصحون والسلطه

اسيل: من عيوني

جمال: لاتنسي ماتتشهدي

يوسف: انتبهي ابعدي عن امي 100 قدم

فارس بيضحك

وليد بيضحك: من رأيي تدخلي من باب المطبخ الخلفي

اسيل بتضحك: يوه منكم بس خزا لو حد يسمع عيقولوا مدري ماقد قلت لكم ..دخلت

فارس شاف وليد بيضحك ونسي كل شي: انا غاثي منك يا اخي الصدق ما

وليد قاطعه: الصدق اعتذر انا اسف حاكيت ابن عمي وطلع كلام مرتك صح مش هو داري ولاقالت له شي

فارس زعل: وعادك تصدق ابن عمك وماتصدقني انا اخوك الله المستعان.

يوسف: بس لكم قوا هربنا من داخل البيت عنرجع نعيد ونزيد وبعدا عيب لاتفتحوا الموضوع قبالها البنت نسيت وتعاملت طبيعي رغم اسلوب امي يزعل الصدق

فارس: اطلع ادعي مرتك تتعشى معنا

يوسف: وحاكي امي

جمال: صدق مالها مانزلت مروى معنا

وليد: مابلا مع الوحام مغثيه شم الاكل

فارس بفرحه: شاوقع عم

وليد: عقبالك

جمال : يارب

يوسف ضربه على ظهره: يارب انا قبلك

جمال: انت عادك مطول

فارس: ايش اخبار دراستك

جمال: يا اخي ليش اتعب نفسي ، ليش قالوا خبره الا عشان نتساعد كلمه من هنا وكلمه من هنا وهاه حلينا الامتحان

فارس بجديه بضبح: عتبطل استهتار وتحمد الله على النعمه في مدرسه احسن المدارس غيرك يتمناها وعادك تغش!  اخرج حكومي

جمال بضبح: مالك عتمن عليا ذلحين ياسعم انه من جيبك

وليد: عيب استحي ع نفسك

فارس بيتفرج له بملامح ضبح

جمال: وانت بتسمع ! ماافعلكم خصمي القرايه قد الناس كلهم بيتوظفوا بدون شهايد

يوسف: من اللي عتقبل بك وانت ماكملت دراستك

جمال رفع صوته: ملااااان بس مااشتي الا واحده ولو تحبني عترضى

فارس: ادسعوه لي امانه مابش فيني طافه

وليد بمزح وقف حمش اكمامه: ولايهمك هيا يوسف امسكه لي

يوسف مسكه ووليد جلس يسافطه يدغدغه يبقصه وفارس هجم معهم عليه وبعدها مسك اذنه: يا صايع انا اخوك الكبير بمقام ابوك لاتعتبرني اخ بيتفسلف ع اخوه استمع لي والله لو ابني يفعل مثلك لافعل به هكذا واعظم بطلوا تتحسسوا مني كلكم وكل واحد يشتي يوقع رجال على الثاني

وليد شافه وحس انه يقصده بعد نقاشهم على الشغل


مروى في الدور الثالث من الطاقه بتتفرج شافت اسيل مش موجوده نزلت

ندى من بيتهم مطفيه سراج الغرفه واقفه في طاقتها بتتفرج وبتضحك 

على خرجتها من المطبخ والصحون في يدها...



















📚 @rewayatyamania  🇾🇪

.

البـارت 105 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ندى من بيتهم مطفيه سراج الغرفه واقفه في طاقتها بتتفرج وبتضحك 

على خرجتها من المطبخ والصحون في يدها جهزت السلطه والصحون شافت في الصاله

عمتها بتتكلم في التلفون وعمها جالس بيتفرج التلفزيون وحده لمحت دموع في عيونه

 ومروى نازله من الدرج: ماهو هذا اللي في يدش!

اسيل على خرجتها: صحون عتجي تتعشي احنا في الحوش

مروى رفعت صوتها: مااشتيس جغبصه ومهد شاخلي وليد يشتري لي من خارج

اسيل ماسمعتها خرجت وهي بتتكلم شافتهم بيتسافطوا وبتضحك طرحت الصحون فوق الماسه

وقفت جنبهم وبجديه بتدمع: حرام عليكم والله

كلهم سكتوا ووقفوا: خير!

فارس: مالش خير؟

اسيل: ادخلوا ابسروا ابي كيف هو يرحم الله ليش ماتخرجوه!

وليد ضحك: بغير جنان برد

اسيل مسكته من يده: فارس جي معي

فارس: اين!

اسيل دخلوا واقفين في الصاله: اطلع ادي له لبس دافي ونخرجه ابسر كيف بيدمع يعلم الله ضابح او ايش

عمتها شافتهم واقفين بتحاول تخلص مكالمتها بسرعه

فارس حس الجو مش برد قوي طلع بسرعه يدي لابوه شال وفنيليه وبطانيه ونزل

اسيل بتساعده يلبسوه

عمتها: ماعتفعلوا اين عتخرجوه بين البرد

فارس: عتخرجي معنا !ن تعشى

امه: من اللي سبر العشى؟

اسيل واقفه مستغربه من سؤالها !

فارس بابتسامه: كلنا كل واحد فعل حاجه

جميله: يلا شالبس والحق


في الحوش جالسين كلهم بيتساعدوا

اسيل: يوسف وجمال ممكن يكون عليكم الكراسي تخرجوهن من داخل !

جمال فعل سلام ضباط: ولايهمش تم يامرة اخي الان اي اوامر ثانيه

امه سمعتهم وهي خارجه: ماشاءالله مصدقه روحها قد بتدي اوامر

وليد شافها وشاف اسيل حب يغير الموضوع: حياش الله منوره ياحجه

مروى خرجت وقفت جنب عمتها

وليد استغرب: اهلا مش قلتي معيفه

مروى تشتي تكسب عمتها تحانك اسيل: نزلت عشان خاطر امي بس

جميله حضنتها: انا فدالش مالش ماتلبسي سوا لاتستبردي علينا انتي واحمه يوو الله يتمم على خير يفرحني بعافيتش انتي والجاهل


فارس شاف تمثيليتهن وشاف اسيل هيا اجلسوا نتعشى

اسيل مش مركزه معهن ولا مع عمتها كانت جالسه سارحه بتشوف عمها كيف تغيرت نفسيته ومبتسم وبيتفرجهم كلهم ويدقق في ملامحهم واحد واحد تذكرت ابوها لما كان مريض قبل مايموت وكيف كانت تنتبه له شافت الأكل كله صعب ياكله دخلت المطبخ

كلهم بيتعشوا ويتكلموا نسيوا انها مش موجوده

فارس استغرب وين راحت بعد لها اكل على جنب

وليد شاف فارس: اخي وين مرتك ! قد عنكمل

مروى شافت فارس: شكلها معيفه والكل او قدي واحمه ومخبيين

خرجت اسيل بصحن اكل عمها

فارس: ليش نخبي!

وليد: الصدق قد كانت تشتي تخبي وانا قلت لها مابش داعي

جميله شافتها: او واحمه و مخبيه من عينفسش! قدني ام اربعه وتيه واحمه

اسيل بتسحب عمها بالعربيه جلسته جنبها هي وفارس وبتأكله ردت: اخبي ليش! من ينفسني!

جميله عوجت فمها: مدري

اسيل: انا بين استودع نفسي كل يوم في يد الله

مروى ضحكت لفتت لعمتها: ومادخل هذا في الموضوع

اسيل بتوزع نظراتها بين مروى وعمتها: يعني لو بين استودع الله نفسي وازيد اخاف من العين معناها مابش ثقه ويقين في الله وانا الحمدلله لابين اخاف من عين ولاسحر ولاشي لأني واثقه فيه

جميله ارتبشت من الموضوع: هو مابياكل الا من يدي خليه وانا شأكله

جمال: والله لايموت جوع وهو مراعي لش يمه وانتي فوق التلفون اتصالات واصل

وليد: امانه كل ماابسر السكرتيره اذكر امي ولما ابسر امي اذكر السكرتيره

مروى شافته بنص عين: ماشاءالله ذكرتك العافيه

جمال ضحك: ليلتك هناء وسرور يا اخي فضحت روحك

مروى: ليش ماتعرف ومخبي!

جمال قرب يشاور اخوته واحد واحد

ضحكوا كلهم كانت اسيل مبتسمه مش فاهمه شي ومروى مبرقطه فكرت في الف قصه وقصه في راسها...

جمال بيمثل: انا الصدق شاقل لمرة اخي

مروى: تحاكا هيا

يوسف شافها جديه في الموضوع ماسك نفسه لايضحك: بغير خباله يا جمال اوبه تتحاكى

وليد بيمثل انه مهنجم: اتحداااك عتبسر مايقع بك عترقد في الحوش واشر له عند الطاقة وغمز له

جمال ضحك اذا هكذا هيا والله لاتحاكى: انتي داريه ان

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 106 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


جمال لمح الستاره حق ندى والطاقه مفتوحه رفع صوته: ان اخي معه سكرتيره ايش ماشاءالله عيونها ساعي هكذا حاليات وبتمشي عمله كله بدون تعب باتصال واحد

مروى لفتت له معصبه: اتصال !!! يعني بتمسح الاتصال من سجل المكالمات !

جمال ضحك: هيا استلم رقدني في الحوش انا لي منعك

وليد بيضحك ع مرته وحركات اخوه: الله يقلعك صدقت المجنونه حقي

جميله: بغير خباله لاتصدقيهم اصلا ماقد استقر مع اخوه.

جمال هي سكرتيره فارس وكل شي قلته بتفعله لفارس

اسيل بنفس الابتسامه: وانا اقول ليش اغلب الوقت مفلت عمله هذا لانه راكن عليها

فارس بيشوفها بنظرات حب ومبتسم

جمال شافها ماغارت زيد: ايوه حتى الصبوح والشاهي ولو هو ضابح تجابره تنكت له

اسيل: مايسبرش نذكرها هكذا ولو مزح حرام

مروى بتتفرجها بنص عين وبمزحه ثقيله: قولي ان انتي غرتي بدل ماتفعلي نفسش عاقله

اسيل ضحكت: اغيررر ! اولا ماعيحصل اللي قاله بس لو معه سكرتيره وبتهتم بعملها وملتزمه حدودها عادي انا واثقه في زوجي اختارني بنفسه لو يشتيها كان شلها ..لفتت له صح؟

فارس بضحكه وفرحه من اللي قالته: صح الصح

جمال اشر لمروى واسيل وبيضحك: الصدق واحد صفر

مروى: مادراك اصلا اللي مايغيرش مايحبش وانا بين احب زوجي واغير عليه

وليد باستغراب تحبه !! مزح معها: انا ؟

اسيل مسكت نفسها لاتضحك وتفكرها بتستقضي جلست مستمره تأكل عمها..

 جميله: بس لغاجه يكفي تعشيتوا هيا رفعوا وادخلوا الناس يشتوا يرقدو خزا

اسيل: فارس ابي قدو بينعس طلعه اول يرقد واحنا عنرفع

جميله بصياح: ليش من عيرفع او مراعيه لابني يرفع لش

يوسف مسك يد امه: والله ان صوره امي منعسه اقوى من ابي اسبق بها أول

وليد وجمال بيضحكوا

فارس واقف ماسك عربية ابوه وبيشوفها بزعل

جميله دهفت يد يوسف: بس لكم لغاجه زيدتوا بها

مروى قامت شافت أسيل: وانا مع الوحام بين انعس وانا جالسه ، شافت وليد تسلموا ياروحي على العشاء الحالي

وليد: يسلموا جمال واسيل اكثر من صمم وشعب بالفكره

جمال شاف الطاقه تغلقت: شكلنا كلنا عنرقد

اسيل: جي لهنا انت يتخايلك شاستحي منك انت ويوسف مابش هربه هيا ندخل الكراسي امد مايرجع فارس يرفعهن معنا

جميله: من بين احاكي انا!

وليد بضبح: ماهو نرفع الكراسي مالش يمه

جميله: قلت او عتغسولوا يكفي غسلت لي راس ابني ماناقصني الا انتوا

اسيل مطنشه رفعت نص الصحون ودخلت طرحتهن في المطبخ

جمال لف الباقيات كلهن

امه بتصيح

جمال بيضحك هرب بهن للمطبخ

وليد رفع الماسه: وانت يا يوسف طفي الناره

جميله بتتبرقط

مروى شافت جمال ويوسف ووليد: انتوا داريين في عمتي الضغط ليش بتجننوها !

جمال شاف مروى: باقي الغسوله عليكن ادخلي ساعدي مرة اخي مايسبرش وحدها وكلنا تعشينا ونفلت لها كنت شاغسول معها بس امي حلفت.. قفا بسرعه ومبتسم لاوجه يوسف ماسك ضحكته

جميله: والله ماتعس صحن هي واحمه اللي طلع الفكره ورفس الحوش يغسول هو

يوسف قرب جنب اذن جمال وبصوت واطي: بين افكر لو تزوجت ادي واحده تعرف تجامل وتساير امي بكلمتين ابسر كيف كل واحده فيهن بتنتبه على الثانيه

جمال ضحكك: مرة اخي فارس ترحم والله على نياتها.

فارس نزل شافها في المطبخ: اغسول معش

اسيل: كملت

فارس: طيب شاسبق اتفاقد الحوش لو باقي شي

جميله كملت تكلمهم ودخلت المطبخ: مسرع! بتخرجهن على صحن صحن وتتفرج ومروى واقفه باب المطبخ ماسكه خصرها

اسيل: كملت ولو مانظفتهن سوا مع المعاجله تغسلهن مروى... وخرجت من المطبخ طلعت بسرعه بالدرج قبل ماتلحقها دخلت غرفتها بتضحك وقفلت

فارس مبتسم: مالش بتضحكي؟

اسيل : اهرب قبل ماتقرح القنابل فوق راسي ماشاءالله على امك حين فيها طافه بين اتعب حين تتحاكى وانا بين اسمع بس الله يهديهم

فارس بيضحك: مجنونه وزد فيش شقاوه

سحبها جلسها جنبه مسك يدها: كل يوم بتسحريني

اسيل: ايوه ابدأ حركاتك ذلحين داريه ماتشتي

فارس: والله انه احاكيش صدق يوم شجاعه يوم حماشه يوم طيبه يوم تكبري عقلش.. الله يسامحش خليتيني انسى الباقيات.. مااشتي !

اسيل: تفتح موضوع العمل.. تمام ماشسيرش وشاتصل لفيروز تدي بدلي

فارس ضحك: مع هذا سدينا عليه اول خلاص مابلا هو انتي في بالش بيحز لكن صدقيني ماافعل الا اللي يرضيش واعرفي عمل ترتاحي فيه ويناسبش

اسيل: تمام ياروحي..
.
.

في غرفتهم..

مروى قربت منه قفلت انفها وتغاثت جريت وهربت للحمام

وليد شافها مستغرب سحب التيشرت بيشمه ! عطر ومشاوي!  يمكن حين ريحتي اكل!

غير بجامته...

دخلت فتحت الطاقه وبتهوي

وليد: قد غيرت ثيابي هيا قفلي لايدخل نامس وجي ارقدي

مروى قفلت الطاقه ورجعت سريرها مغمضضضه عيونها: ماهو هذا العطر ! شمه يخ بلاستيك محروق

وليد بهرر وجلس: بلاستيك محروق! ماعد باقي الا تقلي لي..

















📚 @rewayatyamania  🇾🇪