👰🏻‍♀


بارتـات يومنـا الجمعـة 😍👆🏻

.

البـارت 61 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


ميار بتهم كيف تدور واسيل معها كيف لو شافت ! وعمتها لو رجعت وانكشف الموضوع قدامهن..

اسيل ضيفتها بشوكلاته ومكسرات خرجت عصير من الثلاجه: انتي كلي وانا شادور لش

ميار جالسه فوق الكنبه في طرف السرير وتفكر كيف تقنعها: تسلمي يا اسيل مااشتيش اخذ من وقتكم خيرات ومستحيه قوي اني جيت وقت مثل هذا بس قلنا نتأكد وين هو قبل مانكنس.

اسيل: يو مايهمش الان شابسر الغرفه كلها ، بس هي اين طرحته لان التسريحه والدواليب فاضيات حين رتبت شنطي

ميار طرحت العصير ووقفت: هي طلعت سبرت السرير والبردات وكنست يمكن تحت السرير

اسيل لفت الملايه والوسايد وطرحتهن على جنب

ميار خافت لاتشوفه: اسيل ممكن طلب عتدي لي بنتي من نازل

اسيل: حاضر من عيني عند من طرحتيها

ميار: عند ندى

اسيل لبست فوقها حجاب ونزلت
.
.

في بيتها

امها: لاتغثيش يابنتي ولاشي

رانيا: ماغثيت الا على ابني اما الطلاق انتي داريه مافي حسي ومستحيل ارجع

امها: حمي الولد هذك امه

رانيا: وهو والكل ماقصرش

امها: كيف

رانيا: ماحاولش يوقف امه في الاوقات الغلط كان يسكت لاتغثى منه ويزيد يفرض عليا اوامرها

امها: خلاص يابنتي ابردي لاتحرقي دمش ولاشي مابش نصيب
.
.

في غرفتها

ميار رفعت الفرش وشافت العمل خافت لفته بفاين وجالسه ترجف وتقرأ المعوذات

اسيل فتحت الغرفه ودخلت

ميار خايفه وبترجف وماسكه بالفاين بطرف اصابعها

اسيل شافتها: مالش خير ؟

ميارخافت تعرف شي: حشره شانزل ارجمها بسرعه لاتلقصنا واجي

اسيل: تمام

ام ندى طلعت للدرج وشاكه مالبثينه واختها ! لحقت بعدها للحوش دلا بدون ماتحس شافتها لفت ورا البيت بتمشي دلا

ميار طرحت الفاين في الارض خرجت الولاعه وحرقت طرف الفاين وبتبكي وتقرأ معوذات بصوت عالي

ام ندى خافت وشكت انها واختها بيفعلين شي وقفت وراها بنرفزه: قسما بالله

ميار نكزت: يمه يمااااه بكيت بسرعه

ام ندى: لو ماتتحاكي ايش اللي خرجتيه من غرفه فارس وحرقتيه لاطلع افتح الموضوع كله قبالهم كلهم واقول انتي وبثينه بتفعلين اشياء غريبه

ميار بربشه: ايش من اشياء غريبه مادخل بثينه وين بثينه ماجت كيف عرفتي

ام ندى: سمعتها يوم الصباح تشتي بجامه اسيل وسمعت الموضوع كله في التلفون مدري من بيعلمها واليوم عرفت انه انتي ماتشتين من ال..

يوسف خرج بعدهن: مالكن ؟ابسرت من الطاقه غومه داخل المكان وانتين هنا ايش حرقتين في شي؟

ام ندى مسكت يد ميار ونبره شديده: عقربه حرقت عقربه

ميار: ايوه

يوسف: اين هي

ميار: خلاص مابش شي

يوسف بيضحك: كنتي عترجميها تقتليها وبس ليش تعذبيها وتحرقيها

ام ندى: مدري يا ابني كيف القلوب قد بيحرقوا ويعذبوا اوادم جت على العقربه اللي بتقتل ! تحرق ويحرق كل من بيفعل هكذا

يوسف ضحك: انتين النسوان لحالكن بس

دخل

ميار: قوا يا ام ندى لاحاكيتي حد ، كلامش صح به حد حرض بثينه ومش انا داريه ليش وكيف لكن اول مادريت جيت بنفسي وخرجته بطريقه كله الا هذا الشي انا مزوجة ومعي بنت ومااشتيش ربي يعاقبني حتى لو مش انا اللي فعلته بس يكفي ان انا دريت وسكت على شي مثل هذا قوا خليني ذلحين ارجع بيتي وارجع ابدي الصبح لاعندش واقلش كل شي

ام ندى: خيرة الله الصبح نتحاكى

ميار  مسحت دموعها: شاطلع ادي بنتي


في الغرفه..

شافت اسيل وفارس بيلاعبوا بنتها

ميار: يو قد رجعتي السرير

اسيل: مالقيتيه؟ مش عارفه

ميار: الا بس قلت عيب شارجعه وارتبه بنفسي

اسيل مبتسمه: مابش شي ، رجعته انا وماشاءالله على بنتش تجنن بتضحك حين يحاكيها فارس

ميار شافت كيف هي وفارس منسجمين زعلت على اللي اختها حاولت تسويه فيهم.


 غرفه وليد..

مروى بعد ماشافت طبيعة اسيل وتعاملها مع فارس طنشت الكلام اللي وصلها كيف تتعامل مع زوجها وتتدلع عليه ، بتجابر وليد وبتكلمه على مواقف مضحكه حصلت لها

وليد: هيا ابسري مااحلاش اليوم عاد انا عرفتش كأنه اول مره اعرفش ضيعتي يومين علينا خزا وسكته وضبح

مروى: كنت منكره المكان ومستحيه منك ومااعرفش النسوان اللي في بيتكم

وليد: لاتستحي ولاشي ابسرتس اسيل كيف اليوم طبيعيه وبتتكلم وتعرفت على اخوتي كانت مستحيه شويه بعدا ماشاءالله تعاملت معنا جدا تعامل اخوي واشتيش هكذا خذي راحتش في البيت اخوتي مثل اخوتش ايش مااشتيتي اطلبيهم ينافعوش يوصلوش اي شي تشتيه

مروى داخل نفسها وعليها هو وأسيل انا شاوريه كيف اقع احسن منها: بعدا اسيل متعوده بتداوم وفاتشه يعني ماعتستحي

وليد: حالي حين تقع المره هكذا قويه حالي الخزا بس والكل حالي حين تعرف تتعامل مع اللي حولها باحترام

مروى يوووه منه ايش ماقلت له بيعجبه مش داريه مايشتي ..
.
.

في بيتهم ..

ميار وصلت طرحت بنتها في حضن امها: اين بثينه ؟


















📚 @rewayatyamania  🇾🇪

.

البـارت 62 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


في بيتهم ..

ميار وصلت طرحت بنتها في حضن امها: اين بثينه ؟

امها بتمازح بنتها: تميت اكبر امش وخالتش وارجع اعيد البزا معش

بثينه في غرفتها بتتفرج مسلسل وبتضحك

ميار رزعت الباب ودخلت: الله يقلعش مااشتيش اقل الله يلعنش ماسخيت عليش العنش يا لئيمه وانتي تفعلي هكذا..

بتبكي ويدها بترجف: كيف جالش قلب تمسكي الشي الوسخ هذا وتضري به خلق الله كيف سطيتي وجالسه بتضحكي ولافي حسش شي مش مستحيه من نفسش ولا ربش مابتخافي منه! لهذه الدرجه بعيده منه

بثينه منصدمه: مالش ماحصل؟

ميار: ماحصل ؟؟ خليتيني امسك شي وانا ارحم الله خايفه واسير ادور اعذار واوقع كذابه امد اختي لاتتحاسب ولا يقع بها شي مااشتيش يرجع لش يااختي وسخ الدنيا وتدمري حياتش مااشتيش تخطي في هذا الطريق نظفي قلبش وعيشي وابسري نفسش خلي لخلق الله حالهم

شي ماحصل معش وماكتبه الله لش احمدي الله واشكريه فيه خير مش تفعلي شي يغضب الله ويعاقبش بشي اخس

 بثينه نزلت راسها وحاسه بندم: وانا مادخلني مش انا اللي فعلته

ميار: مآثمه على الفكرة على الشيطان اللي داخلش وسوس لش تفعلي شي مثل هذا انتي داريه يتخايلش لو بعدته عنهم ماعتتعاقبيش غلطانه..

توبي يا اختي واستغفري وتصدقي يمكن الله يسامحش رغم عادها ماعتنقبل عند الله الا لو طلبتي مسامحه من اسيل

بثينه: مالش هكذا رجعتي العلامه حق الجامع الكبير

ميار بضبح: انا فعلت اللي عليا وهذه المره وقفت مع اختي لاصغر بش وامي قبال عمتي وخلق الله ...

اما واقسم بالله لو ازيد اشوفش تتحاكي وتخطي مع صفيه وتفعلي شي والله لاكلم ابي بكل شي

خرجت وقفلت الغرفه شلت بنتها وشنطتها: خاطركم تصبحي ع خير

امها: اين عتسيري امسي هنا

ميار: عقلي بنتش قوا يمه واعرفي اين بتسير ومن بتساير ومابتفعل.
.
.

بيت الشيخ

غرفه فارس
فارس بنظره جديه شاف اسيل: تعرفي يا اسيل انش صدمتيني والله ماتوقعت منش !!

اسيل مستغربه: ايش؟

فارس: اول مره ادرى انش متفهمه

اسيل: كيف يعني ؟

فارس: صراحه اول ماعرفتش كنتي شويه شديده بس طلعتي متفهمه وحنونه وعاقله

اسيل بدلع مبتسمه ومستحيه: وكيف دريت

فارس: ثلاث ايام مع بعض واحس كأني اعرفش من زمان وتعرفيني من زمان كيف قدرتي تحتويني وتتفهمي كل شي حصل

اسيل: طبيعي اتفهم وبعدين قلنا نغلق الموضوع

فارس: مغلق،  انا اشوف تعاملش معي مع اهلي مع امي واحمد الله على النعمه اللي انا فيها

اسيل: لاتبالغ مافعلت شي هذا واجبي

فارس: ومش اي حد يفهم ويقع مثلش حتى الزعل معش كله تفاهم

اسيل: عن نفسي هكذا انا واتمنى انك ماتتغير خيرات بيتغيروا مع الايام

فارس: اتغير ! مابلا قلي الله يهنيني بش اجلس اكتشف كل حاجه حلوه فيش ، انتي لاتخلي شي يأثر عليش ، وتكوني اسيل اللي اعرفها

اسيل: مابش شي عيغيرني عليك الا اني احبك اكثر واكثر

فارس: ايوه صح وين مشروعنا كمل زواج

اسيل ضحكت: ماسألت انا راكنه بيشتغلوا اي حين عيكملوه

فارس: مدري عترجعي تشوفيه اهم شي الان انتي معي وبس مايهمني شي ثاني ولا اشتي شي يشغلني وانا معش


ام ندى كملت عملها شافت جميله: اشتي احاكيش

جميله: خير مش اليوم الشيبه مريض اشتي اطلع ؟

ام ندى حاسه بذنب وترجتها ميار بس مش قادره تخبي شي مثل هذا وحاسه بذنب تخبي على المره اللي بتشتغل عندها: خلاص الصبح

جميله: تمام
.
.

ثاني يوم...

فارس ناولها التذاكر: هيا جهزي شنطتش

اسيل: يوووه منك صدق !

فارس: نعم

اسيل: ماقلت لي ان احنا عنسافر

فارس: كنت مخليها مفاجأه اخيرا جوازش اليوم خرج حجزته

اسيل: يا نصاب قلت لي الجواز امد نعقد به ماظنيت نسافر

فارس ضحك: لانش ع نياتش

اسيل: وامي؟

فارس: جيت لش ذلحين عيشلنا سواق امد يعرف المستشفى ويعامل كل شي لها وتسير خالتش معها

اسيل: يوه والله اني كنت أهمها هم

فارس: هيا حبيبي اول نسير موعدها وبعدا نرجع نبسر مانحتاج


نازل ..

جميله جالسه بتنقي مع ام ندى ردت عليهم: صباح الظهر

اسيل: تشتوا معاونه؟

جميله شافتها بنص عين: معاونه وانتي عتخرجي شافت فارس بيشوفها: بعدا انتي حريوه

اسيل مبتسمه لام ندى مبتسمه لها

جميله: اين ؟

فارس: شويه مشاوير ونرجع

جميله: تمام

اسيل: ماتشتوا شي؟

جميله: لو اشتي شي شاتصل لابني

اسيل هزت راسها تمام وسكتت

فارس: هيا مع السلامه. .


نزلوا بعدهم وليد ومرته.

امه شافت ام ندى: قومي جهزي لهم الصبوح

وليد: عنصتبح خارج

مروى: يلاه مع السلامه

ام ندى: الصدق يا ام فارس هذه البنت شايفه نفسها قوي

جميله: البنت خزويه هكذا طبعها



وصلت ميار..

ام ندى: هيا اجلسي نتحاكى مع عمتش..




















📚 @rewayatyamania  🇾🇪

.

البـارت 63 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


دخلت ميار : السلام عليكم

جميله: جنه مابسرت بنات اخي قلبهن عليا الا اليومين تيه لو دريت اني زوجت جهالي من زمان

ام ندى: اجلسي يا ميار عنتحاكى مع عمتش الموضوع مااقدرش اخبي عليها شي

ميار خافت: قوا لحد يسمع

ام ندى: مابش حد في البيت اجلسي وتحاكي.

ميار: عاطشه

ام ندى بهررت لها حين بتتعذر وقامت تدي لها ماء

ميار سارحه جالسه تفكر ايش تقول ليش اختها فعلت هكذا ماتشتي تفضحها عشان لاتخرب علاقتهم بعمتها

عمتها: مالش خير ماعتحاكيني ؟

ام ندى ناولتها الماء: انا شابدأ الحكى وهي تتمه

جميله: هيا تحاكين مالكن بتتعازمين

ام ندى بدأت تشرح لها ..

ميار: وانا حين دريت جيت بعدته وحرقته

جميله: الله يقلعها ليش فعلت هكذا ؟ هاااه تحاكي

ميار: قالت اقتهرت حين قلتي ان هي ماتناسب وليد وطز فيها وعتبسري احسن منها

جميله بصياح معصبه: تقوووم تفعل هكذاا؟؟؟ انا قلت من قهري حين كانت في نفسي لوليد وهي رفضت ماقلت هكذا الا من حنج وحب اشتيها لابني

ميار: ياعمه غوا وصاحبتها عبت راسها و

جميله: اصااااه ولانخس زياده انتي بعقلش ! مياااار من اي حين قد وقع كذيه كم مشاكل وكم ياهدار ماتوقعتها والله ماتوقعتها...

بتبكي وبتمسح دموعها بنت اخي هكذا تسخى على واحد من جهالي؟ ماتخافش الله ، حسبي الله ونعم الوكيل فيها ،

ميار: قوا ياعمه انا جيت لاتكبر المشاكل وبعدته سكته

جميله اشرت لأم ندى: طلعت الغريبه فيها الخير واحسن من بنات اخي من دمي ولحمي ماسخيت تسمع شي في بيتي وتخبيه وبنت اخي تجي تدس السحر وتبلينا وسط البيت

ميار ساكته وبتبكي زعلانه

جميله: انا لو سكت وماتحاكيت مش لاجل بثينه والله انها تستاهل الدعس بس مااشتيش اخي وامش يدخلوا في هدار والله لايطلقها

ميار: والله ماعد تزيد تدعس لش باب بثينه شامنعها تزيد تجي لكن قوا ياعمه لاتتحاكي مع ابي..



فوق السياره..

فارس بيتكلم في التلفون: والله ياوليد مشغول ذلحين شويه اسمع اشتي تسير للشركه حاكي مصطفى يدي لك شيك وسير اصرفه دولارات واديه للبيت ، انا !! ماشقدرش في السوق ...
ايوه احتاج الدولارات شاسافر ، وانت ! مارضيت تقتنع نسافر ..يلا براحتك.. قفل

اسيل سمعته: الصدق استغربت عنسافر وحدنا واخوك ماشي

فارس: وليد مارضيش يسافر ، قال مايشتي ماليزيا

اسيل: وانت ليش مااخترت دوله تتفقوا سوا انت وياه

فارس: انا اصحابي اللي درسنا جمعه عزموني واصروا نسير هانك واتذكر معش تفاصيل واماكن عشتها وحدي كنت اتمنى لو معي حبيبه

اسيل بنبرة غيره: تتمنى حبيبه !!

فارس مسك يدها وباسها: وذلحين قدي معي

اسيل نزلت يدها: مش قدام الناس

فارس: معش ماعد بينبسر حد ثاني
.
.

في المطعم..

مروى: من عيسافر؟

وليد: فارس ومرته

مروى: ليش؟

وليد: شهر العسل

مروى: ياسلام ياسعم ماتزوجوا الا هم او كيف

وليد: مااشتيش ماليزيا قلت نسير دوله ثانيه ومنتظر موافقة الفيزا

مروى: وليش ماراعوا لنا،  معاجلين

وليد بيضحك مستغرب غيرتها: والله قلت وانتي والكل يبعد الخزا منش شويه وانش ماشاءالله اليوم سمعت صوتش لو دريت اني حجزت من قبل

مروى: ليش هي فكرة من؟

وليد: فارس وراشاني هو ماكان لي نفس اسافر بين ارتاح هنا اكثر

مروى: هذك قبل ماتتزوج بس ذلحين ماينفعش تقرر من راسك اسأل اول

وليد: حاااضر ولايهمش هيا كيف شبعتي نخطى؟

مروى دهفت القلص من قدامها: ماعدبش نفس وقامت بزعل

وليد داخل نفسه: بدأنا دحس النسوان اللي بيقولوا عليه خبرتي..


بعد ماتحركوا بالسياره ووقف جنب البنك رجع بيعد الفلوس ورجعها للظرف: اطرحيها في شنطتش

مروى: حق من هذه؟

وليد: صرفت لفارس امد السفر

مروى بدهشه: من زلطك؟؟

وليد: ماشي من الشركه

مروى: هكذا يسحب من الشركه هذه بكلها وانتوا!

وليد شافها بنظره: اولا الشركه هذه هي حقه بدأها هو واستثمر وطور من نفسه

مروى بنظرة استهزاء: يعني انت الا موظف عنده!

وليد: ايوه اخي اساعده في العمل احسن مااسير مكان ثاني وبعدا الله يحفظه مابيفرق ويقل تعبه وزلطه يعني عادي لو احتاج عيدي لي

مروى مبرقطه: بس في الاخير الشركه هي حقه والاموال كلها

وليد: نعم.

مروى: وانت ليش ماتفعل مثله

وليد قدهم قريب البيت: مش ملاحظه انه من حين خرجنا من البيت ماتكلمنا اي موضوع يخصنا كل شي على اسيل ومافعلت وماقالت وذلحين فارس ما معه

مروى: انا سكت قلت ليش وان تحاكيت ماعجبك شي

وليد: يامرتي ياروحي بين اقل حاكيني جابريني عن نفسش مايعجبش ماتكرهيه مارضيتي نتواصل واحنا خاطبين ومارضيتي ذلحين نتجابر ونعرف بعض اكثر.
.
.

فوق السياره الثانيه...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 64 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


فوق السياره الثانيه..

اسيل نزلت بالأكياس: كان نفسي لو سرنا جمعه غثيت على مروى ووليد

فارس: ولاتغثي ولاشي ياروحي هو اختار يسير تركيا ومراعي للفيزا عتطلع قريب هذه اليومتين

اسيل: اذا هكذا فرحتني


دخلوا البيت..

اسيل شافت بنت ميار جت لاعندها ابتسمت لها وحضنتها خرجت لها شكلاتات

جميله بنظره لميار: بتبسري

ميار استحت من طيبة اسيل نزلت راسها

اسيل سلمت عليها

جميله: ليش تأخرتوا

فارس: بين اكمل أعمالي قبل السفر

جميله: مصمم قلنا لك مش ضروري ابوك تاعب

اسيل لفتت لفارس: يوه خلاص كنسلها

فارس: ابي شوية ارهاق يوم بخير ويوم تاعب واخوتي هنا ووليد هنا

امه بصدمه: يعني وليد ماعيجيش

فارس: مايشتيش ماليزيا

امه: وكيف تسير بقعه اخوك مايشتيهاش

فارس: براحته كل واحد يسير اين ماشتى

جميله: طول عمركم وانتوا سوا ماذاحين كل واحد عيخطى بعد كلام مرته


وصلوا وليد ومروى دخلوا ضابحين

جميله: مالك ماتسافر مع اخوك

مروى ماحبت تبين نفسها قدام اسيل دور الضعيفه: ماليزيا ضبحت منها ياعمه قد سافرتها مع اهلي خيرات وانتي يا اسيل ماقد سرتي ماليزيا؟

اسيل بكل عفويه وعادي عندها: ماشي ماقد سافرت ابدا

مروى: صدددق ! يلا سيري عتعجبش ماليزيا حين ماسافرتي

اسيل: ان شاءالله كان نفسي نسير جمعه

جميله: والله كنتوا عتراعوا من المعاجله

اسيل: اصلا عتكمل عطلتي قلنا نلحق

جميله: عطله مه؟

اسيل: العمل

جميله بضحكه استهزاء شافت ابنها: او عتشتغل بعد الزواج!

فارس: ايوه

جميله بنرفزه وصياح: انا ماناش داريه انت ماحصل لك!

اسيل تضايقت شافت كيف بتتكلم مع زوجها قدام الكل هكذا بسببها ماحبت تتدخل: انا شاطلع اصلي

مروى بتتكلم مع زوجها: هكذا كل مايحاكوها تطنش وتطلع

وليد بهرر: هيا قومي وانا اشتي اطلع اريح تاعب خلي امي تسد معه مادخلنا

فارس: لما ارجع من السفر عنتفاهم في هذا الموضوع انا والكل اشتي تغير مكان عملها شاقنعها

جميله: تغيره ليش؟ مراعيين لها تتوظف!

فارس شاف ميار جالسه وام ندى: خلاص يمه مش وقت عنتكلم وقت ثاني


في غرفتها ردت على تلفونها

خالتها: قلي لي كيف انتي مرتاحه او ماشي ماسألت قبال امش لاينشغل بالها عليش

اسيل : مالي شي بين احاول امسك نفسي واتصرف بهدوء في مواقف بتغثي واحد بس يكفي ان فارس مابيسمح لحد يغثيني

خالتها: بطلي خباله مش عندنا كنتي لسان شبر ونص وهانك توقعي دمه اشتحطي واوقعي مثل سليفتش شفتهم يوم الثالث جالسه تقلب عيونها وتتخايل نفسها وهم بيداروها مداراه وانتي محد عبرش

اسيل: قوا ياخاله قد بين اكلمش افضفض لاعد تزيدي تجننيني والا والله ماشزيد اقول اي شي

خالتها: خلاص تمام شاسكت لكن اوقعي حاذقه اللي مثلهم يشتي لهم كلمه بكلمه

اسيل شافت فارس فتح الباب ودخل: تمام سلمي على امي مع السلامه

فارس قفل الباب وجلس قدامها: مالحبيبي ضابحه

اسيل بابتسامه: مع مش ضابحه

فارس: يعني من اللي حصل شفتش طلعتي

اسيل: مابلا مايعجبني يضايقوك بسببي ومااحب ارادد عشان ادافع عن نفسي عيرجعوا يهدأوا ويتفهموا من نفسهم

فارس: انا متعود ماعليش شي بس اهم شي انتي ماتغثي

اسيل: وانا ماشغثاش لأنك بتجاوب وتبرر بدلي تجي منك احسن احس مايطيقوش اي كلمه مني

فارس مسك يدها: مع الوقت عيتغير كل شي انتي تبسري

اسيل: عاد انت ماقلت لهم انك غيرت الحجز الليله عيجننوا اكثر

فارس بغمزه: نقلهم وقت العشاء امد نشل شنطنا ونفحط ويحطموا فوق وليد ومرته

اسيل ضحكت: انت المجنون وماعندهم حجه يجننوا منك انا مادخلني

فارس: هيا قومي نجهز شنطنا مابش وقت العصر اشتي نخرج معي كم مشوار وتودعي امش

اسيل: تمام فتحت شنطه من شنطها

فارس بيخرج ملابسه

اسيل سحبت شميز

فارس: مش هذا

اسيل مبتسمه: الا هذا الشميز عجبني فوقك اول مره

فارس بدهشه ضحك: كنت لابس له ! نسيت وبعدين اعجبش وفعلتي بي هكذك بدعتي بي لو ماعجبتش ماكنتي عتفعلي!

اسيل: ماكنت شارد عليك ولا اعامل لك ورقه بس نظرة عيونك هذه اللي بتجنني واسلوبك الجنتل ومن ذلحين لازم تغير تعاملك مع اي واحده لاني بين اغير

فارس ضحك: ايش من واحدات مش الا واحده بعدش والله ماعد في حسي وقلبي الا انتي

اسيل بدلع وهنجمه: عنقضيها حب وغزل ورمسسه ونسير بعدا مصربعين ( معاجلين) وناسيين اشياء خيرات خليني اول شي اجهز اداتك منها اعرف ذوقك وايش تحب في اللبس اعرف ايش الاشياء اللي بتحتاجها يعني نبدأ نفهم على بعض اكثر

فارس: طيب احب هذه المحزمه قوي وهذا العطر رجع للدولاب وهذا التيشرت ورجع للتسريحه ايوه نسيت هذه الفرشه

اسيل بتضحك: يووه مش لهذه الدرجه كمل اول شي ملابسك وبعدين ادوات التجميل

فارس ضحك: تجميل هاه !! والله ان اي شي منش تقوليه يجنن قلك تجميل بيأشر لادواتها فوق التسريحه انتين النسوان اللي معاكن عدة تجميل اعظم من ادوات الرسامين محل بكله

















📚 @rewayatyamania  🇾🇪

.

البـارت 65 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


في غرفه وليد..

مروى ضابحه خرجت الظرف: هاه شل الزلط لاخوك

وليد مستغرب: مالش !

مروى: ولاشي مالي نراعي لما يتم شهر العسل ونسافر

وليد: ياروحي مش هو الا شهر عسل لو شي طبيعه حاليه وحب ان العمر كله عسل

مروى: ماقصدك

وليد مابش فيه طافه يتناقش معها وبيحاول يداريها لعل وعسى تغير اسلوبها معه: يعني حد معه عسل مثلش ويكفيه شهر بس

مروى: لاتغالطش كسرت نفسي مابش احلى من الواحد يسير اول ايامه ويسافر

وليد: ماقد تم أسبوع على العرس هذا وانتي ضبحتي سفريات لو ماقد سافرتي ماكنتي عتفعلي بي !

مروى: اهااه مقصدك تقلي قليله ولف

وليد تأفف: خاطرش اسير ادي الظرف احسن لانتأخر عليه.

مروى مبرقطه اتصلت لامها: ماافعل معه ماافعل قلي لي بين احس زوجي مابش معه شخصيه اخوه بيفرض رأيه في كل شي وهو ولافي حسه شي

امها: ماوقع

مروى: تخيلي سليفتي عتسافر هي و زوجها وهو بيكذب عليا انه مراعي للفيزا انا داريه انه عيرجع يقول ماطلعت ونجلس هنا يعني هي احسن مني تسافر قبلي

امها: بس خباله واوقعي عاقله مالش عتحانبي ساع الجهال اوبهي تدحسيه من ذلحين مش بعدا تقلي تغير ومدري ماله
.
.

في المطبخ..

ام ندى: ماعد تغدتش سارت مسكينه اختها تتخيبث لكن ماشاءالله عليها خافت وله الحمد والشكر اللي درينا قبل مايقع شي وبثينه ذلحين كيف عتفعلي معها

جميله: انتي داريه ماشفعل ببثينه والله ان الحل هذا هيا شاتصل لمرة نعمان

ام ندى: ليش مالها؟

جميله بتتصل بها: انتي عتدري ذلحين

ام ندى بتسمعها سكته بعد ماقفلت: يعني انتي من نفسش حاكيتيهم يخطبوها؟

جميله: هي كانت بتدور لابنها وحاكتني في الثالث لو قبالي بنت تشتي تزوج ابنها

ام ندى: يعني قصدش هذا قدو حل

جميله بنظره وراها خطه: ايوه حل ونص عتبسري بس


وليد جالس عند ابوه وسارح قرر انه لازم يوصل لحل معها رجع غرفته مش موجوده .. نزل يدورها


في المطبخ

جميله: مع يابنتي قوا لش اطلعي عادش حريوه

مروى: ولو حريوه ضبحت من الجلسه وحدي وليد واصل مشغول او مابحد خلوني اعاونكم

جميله: اجلسي بس عندنا نتجابر

ام ندى: تعرفي تطبخي ؟

مروى خافت تقول لا وتوقع اسيل احسن منها: ايوه

ام ندى: كل شي؟

جميله: مالش على عروستنا تفجعيها ، لاتهميش يابنتي المطبخ على ام ندى ماشاءالله مابش احسن من اكلها

مروى: مسكينه اسيل الظاهر ماقد تعودت عليكم واصل وهي مع فارس

وليد دخل شافها في المطبخ ابتسم: انتي هنا وانا بين ادورش

مروى: ضبحت وحدي

وليد منصدم: مسرع ضبحتي عاد انا الا خرجت ادي الظرف لفارس وجيت مابحد انتي

ام ندى شافت لجميله بنظره وراها معنى ( بتبسري )

جميله: هيا اقطبي وانتي تمي العمل

وليد ومروى خرجوا من عندهن..

جميله: مالش عليها مش انتي طايقه لها

دخلت اسيل في يدها كيس الكراتين والغلافات حق الهدايا: اين الزباله ارجمهن

جميله اشرت لها مكانها

اسيل رجمتها ووقفت: ماتشتوا افعل معاكم ؟

جميله: معي نسوان عيال ماشاءالله يجين بعد الظهر كل شي حاصل يقلين ماتشتين أفعل معاكن

ام ندى: ولاشي يابنتي تمينا كل شي تسلمي

جميله: بعدا ماشتي اقلش يابنتي خلي للرجال شويه خلي فرصه يسير يتم عمله يخرج يدخل براحته يرجعوا يملوا بساعتهم

اسيل مستغربه كلامها ! ماعرفت ترد هزت راسها: تمام

جميله: وامش عتسخي تفلتيها وتسافري

اسيل بزعل: بين اهمها قوي وسألتها قالت ماشي خالتي عتكن تشلها

جميله: الله يعينها مسكينه الأم تتعب وتكبر وتربي ويجي الغير يشلوهم حاصلين بعدا صدق ليش لاذلحين ماقد تزوجتيش! ماشاءالله ابني تقدم ووافقتوا بسرعه

ام ندى قربت منها ناولتها الحلبه وبهررت: ها يا ام فارس عتضربي الحلبه !

اسيل بابتسامه وطبيعيه بتتكلم: اول شي امي ماكانت توافق وانا صغيره لو ما ادرس واشل شهادتي تركن عليا وبعدا انا اللي ماكنت اقبل بأي حد

جميله: ها كنتي مراعيه للمرتاح والوسيم ومن هذا المجبر حقكن

اسيل: ابدا مافي حسي يكون مرتاح او ماشي لو مرتاح لنفسه يعني هو اللي عيتكفل بالبيت والمصاريف ولو مش مرتاح الحمدلله موظفه وعادي نتساعد

جميله: من الرجال اللي يقبل مره تصرف عليه ، الحمدلله ان ابني مرتاح

اسيل: واين المشكله لو الرجال ظروفه على قد مايقدر ومرته غطت حاجتها وبقية النواقص وتشاركوا قد الحياه بينهم شراكة

جميله: مابش عندنا هذا الخبر المره مره تتزوج وتجلس اميره بيت زوجها وهو يصرف

اسيل: كلنا مابش هكذا مجتمعنا كله بس انا اتكلم عن رأيي الشخصي حرام الرجال يتحمل كل شي ويلزم به بس في حاله مايكون بخيل يخبي وهي تصرف

فارس نزل دخل: من اللي بخيل وبيخبي ماقد بتحارشي لأمي...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 66 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


جميله: مابش عندنا هذا الخبر المره مره تتزوج وتجلس اميره بيت زوجها وهو يصرف

اسيل: كلنا مابش هكذا مجتمعنا كله بس انا اتكلم عن رأيي الشخصي حرام الرجال يتحمل كل شي ويلزم به بس في حاله مايكون بخيل يخبي وهي تصرف

فارس نزل دخل: من اللي بخيل وبيخبي ماقد بتحارشي لأمي وضحك

امه: والله مرتك صورتها عتغير العادات كلها والمبادئ الله يستر بس جهال ابني اللي عيجوا كيف عيقعوا غيرنا وغير ماتربيتوا

اسيل ماقدرت تمسك ضحكتها رجعت تبرر: له حلات لما يجوا الجهال عتربوهم انتوا ومثل ماتشتوا اهم شي تكونوا راضيين.

فارس شاف امه وبنظره: هيا ابسري على مره معي والعقل

جميله من طرف لسانها: ماشاءالله.



الليل بعد ماجهزوا الشنط ..

فارس بيتذكر ماسك ورقه وقلم بيأشر على الاشياء بيشطب اللي جمعوهن الشواحن اللابتوب الجوازات

اسيل طرحتهن كلهن ايوه


الباب دق حقهم..

جميله: هيا جي ابسر ابوك قد عيرقد

اسيل: اسحب الشنط على طريقك ارتب الغرفه بسرعه

فارس بيسحبهن

جميله بنظرة استهزاء: قد بتقلي يسحب سحب يعني ثقال لهذه الدرجه

فارس متوتر: ايوه مش هو على المره تتحمل الثقيل اسحبهن انا رجال قبالها اقوى منها ماعتكتسر لي يد

اسيل طنشت امه: بتغلق الستاير والدولاب رتبت التسريحه وبتشد السرير

جميله شافتها وخرجت

فارس ودعهم كلهم ونزل اخوته ساعدوه وتحملوا الشنط..


في الباب.

جميله: لاتنسى ماتطمني عليك حين توصل اتصل رسل حاكي اخوتك لاتنسى

اسيل ساكته ولاردت شي قررت ماعد تدخل ولا تتكلم الا لما يكون الشي موجه لها

جميله شافتها بنص عين: توصلوا بالسلامه

اسيل تحسست منها وخايفه تسلم تكسفها: الله يسلمكم

فارس حضن امه واخوته وخرج

طلعوا السياره

جميله: بتبسري كيف دعممت وخطيت ولاسلمت

ام ندى: والله ان قوا للبنت يا ام فارس قد اكتبدت لها انا

جميله: صورتي قد شانعث غرفتها كلها ابسر لو فعلت لابني شي وانتي والكل مدري مالكم عليا.

ام ندى: استغفر الله قوا لاتتحملي في ذمتش وتظني بها سوء حرام.
.
.

في بيت اسيل واقفين في الباب لانهم متأخرين..

اسيل: سامحينا يمه مالحقنا نبكر نجلس شويه انشغلنا قلنا عنجهز بسرعه تاخرنا

ام اسيل: سهل يابنتي ترجعوا بالسلامه ونشبع منكم اكثر ، اوبهي لنفسش وزوجش الله يسعدكم ويحفظكم ويدحنكم الافاات والغفلات

فارس ابتسم حبها فوق راسها: انا فدا للدعوه هذه الله يحفظش توصينا شي نفسش في شي تحاكينا

اسيل ودعت امها وخالتها وخرجوا


بعد زحمه يوووم كامل وتوترات وانشغال جلسوا في الطياره..

فارس ربط لها الحزام ورجع ربط حزامه ورفع غطاء الطاقه اللي جنبها وبيشوف والطياره واقفه: بتبسري النجمه

اسيل ضحكككت

فارس مسك فمها: اصص ضحكتش ماشاءالله ، مالش ؟

اسيل: اين نجمه واحنا عاد احنا في الارض مابش قبالي سماء حتى

فارس مسك دقنها بيده للطاقه مره ثانيه: تأملي!

اسيل: فارس منك صدق ياروحي ظلام مالك!

فارس: والملاك هذه ايش !!

اسيل ضحكت: قصدك انا ؟

فارس شاف المضيفه: مع هذه

اسيل بقصه خفيفه ع يده: عنبدأ ! قد بين اقل انك عاقل

فارس: قد بين اتغزل فيش انعكاس صورتش للطاقه ولااا

اسيل بضحككك وبتحاول تمسك نفسها: ماافعلك عادنا اول مره اسمع كلام حالي

فارس: ومش اخر مره

اسيل ابتسمت له ابتسامه خجل حب وماعد عرفت ترد:

بدأوا يدوا الارشادات والنصايح وبيشرحوا

اسيل جالسه تدعي أذكارالسفر وماسكه يده

بدأت الطائره تقلع وهي تضغط على يده أكثر

فارس: خايفه؟

اسيل بتضحك: لأ بس مدري كيف شعور جميل واحد يطير

فارس: معي مره محششه اي شي يضحكها ومش اي ضحكه

اسيل: الحمدلله محد عيسمع اذاني استدت واكيد كلهم صنجوا ذلحين

فارس بيضحك معها

بعد مافكوا الأحزمة واستقرت الطائره في الجو..

جالسين يتفرجوا من فوق

اسيل شافته: شعور غريب صح !

فارس: قلي مشاعر غريبه

اسيل: يعني كيف الواحد اول شي مايحس بالأمان بس بعدين يحس انه في يد الله اين ماكان سوا في الارض او الجو

فارس: بالضبط ، مثل لما عرفتش ماكنت اعرفش كثير بس مااعرفش كيف ارتحت لش وتمنيت تكوني حلالي

اسيل: تعرف ايش الأمان

فارس: ايوه

اسيل: ايش ؟

فارس: واحد عيحميش من كل شي

اسيل: مش بس هكذا في الأخير عتحميني قد ماتقدر.. الأمان اني اسلمك كل حياتي حبي قلبي أحلامي اشاركك كل شي واغلى ماعند الشخص نفسه


















📚 @rewayatyamania  🇾🇪

.

البـارت 67 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


اسيل: هذا احساسي معك هذه اللحظه ، مسافره ومفلته كل شي اهلي اللي عشت معهم عمري كله وبلادي وكل شي وحاسه بالسعادة لاني معك

فارس بلمعة حب في عيونه وابتسامه خفيفه: لما وافقتي بي وافقتي بقلبش والا عقلش!

اسيل عقدت حواجبها وبابتسامه وميلت راسها: ايش قصدك؟

فارس زادت ابتسامته لتعابير وجهها: يعني كنتي معجبه بي مثلش ووافقتي بقلبش او انه بعقلش شفتي عريس مناسب وافقتي

اسيل مسكت أصابعه ومارفعت عيونها: وايش تفرق معك وافقت وبس

فارس: يعني بعقلش

اسيل رجعت تشوفه: الصدق كان شعور ممزوج بين عقلي وقلبي ، اولا شفتك جاد في الموضوع وجيت من البيت بعدين هنا بدأ قلبي يحرض عقلي يوافق يعني الاثنين

اسيل: وانت

فارس مسك صدره: بقلبي وبس، عقلي كان ضايع

اسيل ضحكت حست غلبها: احنا عنتنافس ذلحين او ايش

فارس: ايوه

اسيل: لو كان اختارني عقلك كيف عيختار؟

فارس: يعني اول شي كنت شاصدق لأمي تدي رأيها تقيم الوضع حق خطيبتي دخلت مزاجها او لا وانا وقلبي عرض الجدر

اسيل ضحكت: ياسين عليك حبيبي

قاطعتهم المضيفه: عصير شاي ..

فارس قاطعها وبابتسامه: لو سمحتي قهوه الكلام والجو معها يحتاج له قهوه

اسيل شافتها مش عربيه وكيف بيمزح معها بقليل ممازحه ممزوجه بغيره: زيد اعزمها معنا احسن

المضيفه ضحكت وهي بتجهز لهم طلبهم: شكرا انا هنا لخدمتكم

فارس ضحك على موقف اسيل: طلعت تعرف عربي

المضيفه: انا امي عربيه

اسيل غطت وجهها قدامها بمشاكسه فتحت يدها شويه من عيونها: سوري بس اغير عليه

المضيفه ضحكت وبيدها: لاتهتمي لاتهتمي ومشيت

فارس ضحك: شفتي كيف احرجتي نفسش اخترتيني بعقلش وبتغيري لو بقلبش كيف عتفعلي بها !

اسيل ضحكت: يوه يافارس قوي خزا وانا كنت امزح استغل انها مابتفهم طلعت بتفهم

جلسوا يضحكوا

فارس جالس يتأملها بتشرب: ايوه كملي

اسيل: الان لو خيروني شاختارك بقلبي

فارس: ليش عرفتي الحب ياسعم

اسيل: من بيتكلم انت مثلي ايش فرقت يعني

فارس: اللي فرق اني شفتش ومن بدايتها عرفت الحب معش

اسيل: ياسلام عيقلي حب من اول نظره وكلام افلام ابيض واسود واغاني.

فارس قاطعها: اص عتزبج ذلحين اسمعي أول

اسيل طرحت يدها ع خدها: يلا ماهو الحب يا استاذ روميو

فارس: عن نفسي وبالنسبه لي الحب ماله دخل بنظره او كلمه او جمال او من انتي ومن انا ، حبيت روحش

اسيل قاطعته: اي روح ! هذك اللي فجعتك عصبيتها

فارس ضحكك: هي كانت الشريطه اللي خلتني اكتشف الهديه اللي معي الموقف هذك ادالي فضول اجي اشوف من الموظفه اللي بتصيح وتتكلم معي هكذا .

اسيل ضحكت: والله مجنون كمل

فارس: دورش انتي تقلي لي ايش الحب، بما انه فاعله نفسش برفسوره وبتسألي

قاطعتهم مطبات جويه

اسيل خافت مسكت يده قوي: ايش حصل للطائره عتفلت؟

فارس ضحك: ايوه انتبهي تفلتي يدي

اسيل: فارررس

فارس بيضحك عليها وهي خايفه: خلاص اصص امزح معش هذه مطبات مابش شي

اسيل: لاتمزحش مش وقت المزح ايش من مطبات واحنا في الجو

فارس جلس يضحكك ماقدر يمسك نفسه عليها

اسيل سحبت يدها منه ووقفت شافت الكل جالس محد خايف

فارس سحب يدها جلسها: اجلسي خليني اهدأ اشرح لش عتفضحينا عيعرفوا انش اول مره تطلعي

اسيل: يعرفوا ليش عيب

فارس: سمخه والله ، ياروحي لما نخطى من فوق سحب توقع مطبات جويه فهمتي

اسيل: ياسلام

فارس: اكلمش صدق

اسيل: طيب صدقتك

فارس: ماقلتي لي ايش الحب

اسيل: انه واحده مفروض تحس بالأمان مع حبيبها وهو بيزبج عليها ويخوفها اكثر

فارس: قوووويه يعني ايش

اسيل: يعني مابتحبنيش

فارس: اكبر دليل احبش امي بتبسري كيف طارحه لش في راسها لأني مشيت بعد قلبي

اسيل بجديه أكثر: والحب مش بكلمه او نظره او تعريف اقوله لك ذلحين، الحب الحقيقي مواقف افعال مش كلام

فارس: يعني عتتحملي تصرفات امي فتره بدون ماتزعلي وتتضايقي واوعدش تتغير هي طيبه قوي والله بس قلت لش خطيت كلامي صميل عليهم !!

اسيل: يعني احبك ؛ واللي يحب يسوي مش يقول ولأنك اثبت حبك لي ومنتظره اشوف أكثر ومايكمل ، وانا والكل شاثبت حبي لك.

فارس: زعلتي مني عشان قلت لش اول مره تطلعي وفضحتينا؟

اسيل ضحكت: بغير خباله ليش ازعل هو صدق اول مره

فارس: يعجبني فيش الرضا اللي انتي فيه يمكن شخصيتش وروحش الحلوه اللي خلتني احبش

اسيل بتبتسم للمضيفه اللي واقفه جنبه 

فارس كان ملتفت لاسيل مش عارف لمن مبتسمه لفت لها: بتخيرهم في الأكل

اسيل: دجاج

فارس: لحم

اخذوا وجباتهم..

فارس: اممم طلعنا مش متفقين ومانشبه بعض اذواقنا مختلفه

اسيل: حلو عشان تكون حياتنا متنوعه ، مش شرط نكون نشبه بعض حلو الاختلاف ، هنا يبان الحب الحقيقي احترام وتقبل اختلافات بعضنا البعض

فارس ضحك: هيا كلي يا افلاطون..


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 68 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


بيت الشيخ..

يوسف دق لوليد باب غرفته

وليد خرج ؟

يوسف: ابي تاعب جي معي نشله نسعفه جمال مابحد يعاوني

وليد: يلله البس واجي

مروى بمسكنه: يوه مسكين عمي كيف سخي فارس يبسره تاعب ويسافر ، المنافع كلها لك وهو الكبير اللي كلمته تخطى هنا

وليد لأنه شويه يغير من ميزة اهله لفارس: كلنا بننافع

مروى: بس انت ماشاءالله عليك حالي لاعند الكل حتى منافع فارس بتفعل له انت

وليد كمل يلبس: ذلحين الله يلطف بابي يتباخر والباقي مش مهم سهل

.
.

فارس: عجبش الأكل ؟؟

اسيل بدلع مبالغ فيه: يووه لااا ابدا مااشتي الا سوشي

فارس استغرب: طيب شلي اكلي وادي هذا

اسيل بدلع وبأطراف اصابعها: ولا ، انا مش معوده هذا الأكل ، متعوده حاجات افخم

فارس اول مره يشوفها هكذا بشويه استغراب: افخم! كيف ؟

اسيل بتمسك ضحكتها من ملامحه ومواصله الدلع وترقق الحروف: يعني بتاته مسلوقه فاصوليا زحاوق وزبادي

فارس ماقدر يمسك نفسه ضحك: يعني هولا افخم

اسيل رجعت ضحكت وبتاكل: مااحلاك صدقت ، يا روحي اي شي اهم شي نعمه غيرنا مش لاقيها

فارس: انا فدالش صدق ، قد استغربت قلت يمكن المضيفه جت جنبي

اسيل بنظره مسكت الشوكه: قد جربت الطباز بهذه كيف يوقع

فارس ضحك وبيلقمها اكل: ها كلي اسكتش احسن.
.
.

في غرفتها جالسه متبرقطه كيف تسافر سليفتها قبلها ليش مافي حسهم الا نفسهم خرجت وجلست مع عمتها

جميله بتدعي: الله لافجع لنا قلب عليه

مروى: يوه جالسه وحدش يمه كنتي عتدقي لي الباب

جميله بضبح: ليش ادق عنتقهوى او نسمر تشتي تخرجي خرجتي من نفسش

مروى: اصلا نسيت مابحد فارس ومرته قلت عتكوني وحدش

جميله طنشتها وبتتصل لوليد: ها مافعلتوا ؟؟ يلا تمام وطمني.. قفلت

مروى: ماقال؟

جميله: اتصلوا بالدكتور اللي بيتابعه يجي للمستشفى

مروى: الحمدلله حين ماسافرناش واحد ماعيهناش الرحله وهو بعيد عنكم

جميله: الله يحفظش يابنتي ويتمش بعقلش على الاقل معي واحده عاقله وبتفعل لي قيمه.
.
.

في المستشفى..

وصل الدكتور عاينه: مافيه اي شي الحالات هذه بتحصل له اوقات بسبب فقدان ذاكرته مؤقتا وحالة الزهايمر مثل ماقلت لكم يحتاج له عنايه اهتمام تكونوا معه وماحد يحسسه انه ناسي او ضايع عاملوه طبيعي جدا.. الخرجات كثير تنفعه سفروه اماكن سافرها من قبل..

يوسف جالس مع ابوه خارج ماسك يده ويكلمه: الحمدلله انك بخير قال الدكتور صحتك احسن مني


عند الدكتور ..

وليد: بس يادكتور ماعد يرد او يرمش عينه او يتكلم يفجعنا اخاف تقع له جلطه او شي

الدكتور: ولا يوقع به شي طالما بتمشوه وانتوا معه مش تتركوه وحده تخرجوه شويه يتحرك وادويته ياخذها بانتظام مابش داعي للقلق


بعد ساعات في المطار..

اسيل: مسرع وصلنا

فارس ضحك: مسرع! قلي ماحسينا بالوقت كنت متوقع تنعسي او تخافي

اسيل  ضحكت: اكون معاك واخاف !!
.
.

في غرفتها..

بثينه عرفت من امها انهم سافروا جلست معصبه حز في قلبها كلام اختها دخلت تبحث عن عقوبات السحر وفهمت بطريقتها ووسواسها انه الساحر اللي يتأذى مش هي اتصلت لصاحبتها: هذه المره اسأليه اي طريقه بدون ماندي له شي

صاحبتها: يابثينه لو تبسري طلع الرجال صورته كذاب هدد بعض النسوان بصورهن.

بثينه: من قلش؟

صاحبتها: بين اشوف خيرات بيعلقين عنده ويتكلمين عليه انه كذاب وصفحته مزيفه

بثينه: والله لاقتلش والله بغير جنان انتي قلتي لي مدري من اهلش فعلت ووقع زوجها مدري كيف على كيف

صاحبتها: مدري الصدق انا مش خسرانه شي هي صورتش والبلا بش لو احاكيه يذكرش

بثينه: اووف خلاص بس مااشتيش شابسر حل ثاني مافيني لوجع الراس مش انتي داريه ماعيقع بي لو حد يهددني بصور او توصل لأبي

صاحبتها: دبري روحش الصدق انا مالي دخل انا خدمتش الا خدمه

بثينه: ناهي ذلحين عتحسسيني مدري ايش فعلتي.. مع السلامه
.
.

في المطار وصلوا لصالة الاستقبال

اسيل بتلتفت له وهو مبتسم بيأشر ويلوح بيده لفتت أمامها مجموعه زميلات وزملاء معهم ورد واكياس هدايا..

فارس وهم بيمشوا: هولا دفعتي اللي درسنا سوا

اسيل: كيف عرفوا ان احنا عنوصل ذلحين

فارس: يمكن طه كلمهم قلت له يحجز لي فندق ويجي يستقبلني

اسيل: والبنات ماليزيات صح؟؟

فارس: ايوه بس مش هن كلهن زميلاتي مابلا الثنتين هولا ، وهن اصلا موظفات مع طه يعني انا مادخلني

اسيل بابتسامه: اهاا فكرتهم كلهم قلت ايش الشعبيه اللي معك هذه ولا رئيس

فارس ضحككك وصل لصاحبه: سلم عليه وبيبارك له..

زميلات فارس قربين يسلمين على اسيل ويباركين لها وانهن فرحين لفارس كثير

فارس كمل يسلم عليهم سحبوا شنطهم وسبقوهم للسياره ورجع يرد على البنات ويمزح معهن ونظراته لأسيل بعد مايرد على كل واحده ( خايف تزعل وتغير)

اسيل...




















📚 @rewayatyamania  🇾🇪

.

البـارت 69 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


فارس كمل يسلم عليهم سحبوا شنطهم وسبقوهم للسياره ورجع يرد على البنات ويمزح معهن ونظراته لأسيل بعد مايرد على كل واحده ( خايف تزعل وتغير)

اسيل مبتسمه وطبيعيه جدا وبتتكلم معهن وهن بيعرفين على نفسهن

فارس حب يستفزها يشوف بتغير او لا: ماشاء الله مسيطره على الجو عشان لا اكلمهن

اسيل: لا ابدا والله ، بس عيب بيكلمني وانا اجاوب عادي كلمهن مالك

فارس: خفت تاكليني مثل الطايره

اسيل ضحكت: على حسب مزاجي اعرف وين اغير عليك واين مااغيرش...


فتحوا السياره اصحابه منهم 3 وواقفين لفارس يطلع

فارس طلع ومنتظر اسيل تجي بتكلم زميلاته.. شافهم طلعوا واحد جلس قدام والاثنين ورا واحد على يمينه والثاني يساره..

اللي قدام بيكلم التكس بلغتهم: امشي..

فارس: ياي مالك المره وحدها بغير جنان.. !!. وقف السياره ؟ مالكم؟ ؟

مشيت السياره.
.
.

في اليمن..

جميله: ماله اخوك مااتصل المفروض انه قد وصل

يوسف: ذلحين يمكن وصلوا تاعبين يرتاح ويرجع يتصل

جميله: ايش من تعب هو الا اتصال

جمال: ماقال الدكتور لابي

يوسف: قال تبطل لوي وصياعه لاخر الليل وتجلس عند ابوك عترجع تلوي وحدك لوما تشبع

جمال: هيا صدق ماقال

وليد: والله انه قال لازم نهتم به ونكون معه ونسفره اماكن يعرفها ننشط ذاكرته

جمال: حالي شلوه معاكم تركيا

مروى ماقدرت تمسك نفسها: كيف يسافر وهو تاعب

الكل التفت لها استغربوا سرعه ردة فعلها

جمال: قال الدكتور مابش فيه شي يسير معاكم يغير جو ولو تشتوا انا شاجي اعاونك يا وليد

وليد: اها قول انت اللي تشتي تسافر تتعذر بأبي

مروى: ايوه شكله هكذا

جمال: ومافيها لو سافرت

وليد: معك مدرسه

جمال: اعرف الا ادي احلى درجات

مروى ضبحت جالسه تشوف وليد وتبهرر له

وليد: كما تزوجت سافرت

جميله ملاحظه عليها وساكته

رن التلفون

يوسف: رقم من الخارج شكله وصل فارس

جميله ادي احاكيه: يو يا ابني ادي احاكيه قد قلبي عيوقف فقدت له

مروى بتسمعها وتتبرقط من داخلها

جميله: ها يا ابني وصلتوا ياروحي

فارس: ايوه

جميله: اين مرتك اشتي احاكيها؟

فارس: شويه واحاكيش عاد احنا مربوشين اصلا جوا الخبره للمطار

جميله: هيا حاضر لاتنسى ماتتصل بي.. مع السلامه


 فوق السياره

فارس: هيا من اللغاجه مالكم خطيتوا؟ اين عتسير معاهن ماعتفهمهن سوا

اصحابه بيضحكوا

واحد منهم: يا اخي اشتقنا للعزوبيه قلنا نشلك نفتهن لنا يومين ثلاثه وحدنا منطقه جميله جدا وهي تجلس مع البنات وتتعرف عليهن وصيناهن عليها

الثاني: لاتخلينا نخطفك

ويضحكوا

فارس بيضحك: والله ان فيكم ثقالة دم عتخلوني اكرهكم بدل ماانا فاقد لكم..


في السياره الثانيه..

اسيل مستغربه ايش بيحصل سألتهن: ليش راح معاهم واحنا وحدنا..

صوفيا بأبتسامه: مفاجأه.. لاتفاصيل اكثر

اسيل تطمنت ابتسمت: اوك

بوتري: اخبرينا كيف كانت قصه حبكم؟ 

اسيل جلست تكلمهن..
.
.


بيت الشيخ..

جميله شافت مروى متبرقطه: طيب شاجي انا وابوك ويوسف عيجلس مع جمال

مروى اندهشت شافتها وشافت زوجها: والفيزا ؟ قد لنا خيرات مراعيين

جميله: عنتصرف ولو اخرتوا سفركم

مروى ماسكه نفسها: طيب مارأيكم نسير كلنا ماليزيا

جميله قاطعتها: مع ماااشي ماليزيا سرناها خيرات حين كان يدرس فارس وبعدا انتي والكل ضبحتي منها..

 مروى: مااشتيتوا

جميله: ومالش بتقوليها بحنقه

وليد رجع يضحك ويبرر: مابش اي حنقه ابسريها كيف فارحه

مروى بابتسامه مصطنعه: مابلا قصدي اللي يريحكم

شافت تستغل الفرصه تكسب عمتها: مابش احسن منكم اسير ونغير جو جمعه

جميله هدأت شويه: عنبسر كيف
.
.

في ماليزيا..

وصلوا شقه مزينه مرتبه مجهزه

فارس: انا طلبت فندق

طه: عيب اخي يسير فندق احنا عنسير عند الشباب وانتوا خذوا راحتكم يمكن ماتحب اكل الفنادق هنا شقه مجهزه

فارس ضحك حجفه مره ثانيه: تسلم والله طيب اين المره ؟؟

طه: انت وحظك يرجعنها ذلحين الليل الله اعلم

فارس بيتمطط ويتقعم ( يتثاوب): طيب اتصل احاكيها

طه: ولايهمك اتصل


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 70 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


طه: ولايهمك اتصل بزميلتهم وناوله السماعه

بعد ماردت عليه: اللي لقي اصحابه نسي احبابه

فارس بعد من جنبهم: محد يحاكي جهال جننوني ولارضيوا يتحاكوا معش خبر ايش بيحصل

اسيل ضحكت: ابدا قالوا مفاجأه

فارس: وين انتي الان ؟؟

اسيل: في بيت

فارس: بيت من مابيفعلوا هولا.. حبيبي مش انتي متضايقه

اسيل: لا ابدا عادي قوي حبوبات وبيكلمني على ايام دراستكم وكذا

فارس: طيب مدري اي حين يفرجوا علينا

اسيل ضحكت: انبسط معهم ونشوف ايش اخره المفاجأه

فارس: الله يستر كما هم لغج .. بس تعرفي ايش اهم شي

اسيل: ايش؟

فارس: وحشتيني...

طه رفع صوته: خلاص المكالمه انتهت ادي تلفوني

اسيل بتسمع قالت له: باي

قفلت

فارس ناوله وجلسوا يتكلموا...


بعد ساعتين نعس وخلوه يرقد..


في بيتهن..

صوفيا: قبل المفاجأه هل تسمحي لنا بها

اسيل: ممكن اعرف ايش هي ؟

بوتري: اوك..

اسيل جلست تسمعهن ووافقت ..


الساعه 7 الليل

طه: هيا بس نوم يكفيك

فارس نكز بيتفرج حوله شاف الدنيا ظلام تذكر وين هو: كم الساعه ؟

طه: الساعه 7 هيا نبدا برنامجنا

فارس: اي برنامج

طه بممازحه: تسير الفندق ايش كنت مصدق ان احنا عنخليك هنا

فارس: مالكم عليا امانه مافعلت بكم للتعذيب هذا كله

طه: قد تزوجت مرتين وخبرتك عادهم عزبان والله ماسبرت

فارس ضحك: على سيرة الزواجه مرتين خليها على الله ماوقع تخيل ماكلمتها واكتشفت بعد العرس كنت شاودف لكن ستر الله انها عاقله


بعد مجابره شافوا الساعه8

طه: والله ان احنا تأخرنا عيب الناس مراعيين هيا قم

صاحبه الثاني: اللبس وصل

فارس: اي لبس ؟

طه: قررنا احنا والشباب نفعلك عرس ماليزي ونرقص ونسهر

فارس: والله مااسمر سمره معاكم للساعه 10 بس

طه: تمام انجز ذلحين تحرك.


عند البنات.

اسيل مبسوطه وتصاحبت معهن بتسمع كلامهن ومتبعه طقوسهن بعد مارقدت وتغدت قامين سوين لها الحناء وسرحين شعرها ولبسنها عقد ورد كبير وتاجهن التقليدي


بعد الاحتفال البنات وحدهن والشباب وحدهم.

وصلوهم بسياره للفندق اللي حجزوه لهم.

نزلوا نفس اللحظه وبيمشوا للفندق

اسيل بتضحك: كيف شكلك يضحك بس

فارس شافها مغطايه من فوق راسها: والا ماانتي شكلش شبح بمضله

جلسوا يعلقوا على بعض ولما وصلوا الجناح انبهروا زينوه لهم شافها بعدت عبايتها واللي فوقها

فارس ضحك: من هذه القمر وقعتي ملكه جمال ماليزيا اول مره اشوف اللبس حقهم بهذا الجمال؟

اسيل بتضحكك: بس انت مااقدرش اتغزل بك  واجاملك لابس معوز

فارس ضحكك: من عيني

تلفونه شبك بالواي فاي ووصلين رسايل كثيره

اسيل: عيقلقوا نسيت تتصل

فارس الان نتصل فيديو تبسرنا امي








https://t.me/rewayatyamania/47791









📚 @rewayatyamania  🇾🇪

.

البـارت 71 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


يوسف شاف صور وفيديوهات فارس سجل له صوت: يهي يهي دام الله السرور يا حريو

شاف امه: خبرته عرسوا له... هاااه بيتصل رد عليه وناول امه

مروى بتتبرقط نفسها تفهم

جميله: ايش من عرس ! وانا بين اقلق ماغمضت لي عين

فارس: بخيرين لكن خليها ع الله خبرتي فعلوا لنا مفاجأه اول ماوصلت شلوني وحدي والبنات شلين المره ..

سحب اسيل جنبه وطرح يده ع كتفها: تزوجت واحده ماليزيه كيف هي

مروى اول ماسمعت قامت جلست جنب عمتها: اسكه ابسر

جميله شافتها لابسه تاج ذهبي كبير ولبس يشبه الهندي الساري احمر منقش بذهبي كتف بكم والكتف الثاني لابسه عقد ورد احمر عريض وشعرها على جنب وقصه شعرها ع جنب

مروى داخل نفسها( كيف وقعت تجنننن ) بس قالت: يوووه يا اسيل قد كنتي على التاج اليمني احسن ماهو هذا

جميله: صرفوا كل شيطان

اسيل مبتسمه فاكره تتغزل فيها وبتصلي على النبي

فارس فهم نظرة ونبره امه سحب التلفون وقربه من المايك قاطع امه: لو تبسري على منظر يمه ماشاءالله قرب من الطاقه..

مروى بتتفرج اضاءة الغرفه وتزيينها والشموع والمنظر من فوق والمدينه كلها تحت جالسه تتبرقط ماعروسه الا هي هذا وقد تزوج زوجها قبلها وانا ولابيعبرني هكذا

جميله: اعوذ بالله ماهو هذا التبداع واللبس ماهنا مارضيت تفعل حاجه

كان فارس واقف بعيد وشاف اسيل منشغله بتكلم امها رجع يغير الكلام ويسأل على ابوه

جميله: قد فجعنا ابوك واسعفناه..

فارس خاف: خير ماوقع

يوسف سحب تلفونه من امه: والله مافيه شي يا اخي غير طبيعي بيجي لابوك نسيان ويسرح مايرضاش يتكلم فسر الدكتور انه وقت مابينسى بس لكن صحته الحمدلله بخير

فارس: الحمدلله

جميله: ادي احاكيه

يوسف: يلا تصبح على خير.. قفل

جميله: للمه قفلت بين اقلك اشتي احاكيه

يوسف: بتبسريه مشغول وعادو الا سافر ماعنحاكيه امانه ومايفعل لابي وهو هناك

وليد: لو هو انا ان قد سمعتوا بي وقلتوا كل شي لافوق اخوك وانت مفتهن

جمال: اي والله صدق انا وانت مظاليم

مروى: مارأيكم نسير عندهم الجو هانك مناسب لابي بس تركيا برد عليه...

جميله بنرفزه: والله انها فكره صدق

مروى داخل نفسها وبعدا نقنعهم ان فيزتنا طلعت نسير تركيا وهم يسيروا عند اللي فارح بروحه هو ومرته..
.
.

فارس شافها قفلت

اسيل: امي بتسلم عليك

فارس: الله يسلمش ياروحي ويسلمها جالس متأملها ومبتسم بيشوف شعرها ولبسها قرب مسك يدها وبيشوف الحناء ونقشات يدها: ياسلام ايش الحلا هذا كله ايش الجمال واليد الجميله هذه..

.
.

في اليمن في غرفتهم..

مروى: والله انك يازوجي الصدق مش انت مدلع مثل اخوك مفروض يخلوك على راحتك تتعرس تفتهن فارس قد عرس مرتين ليش مايسيروا عنده..

رغم ان شخصيتك قويه ماشاءالله عليك بس هو هكذا المسكين يستغلوه..

بعدا ابسرت على فندق هم فيه شكله ضخم يعني قادر على تكلفة الكل بس انت كم جهدك عتنتبه لابوك والا لطلباتهم والا نتفسح.

وليد مطنن في كلامها وبيقلب الافكار والمواقف في راسه معها حق في اللي بتقوله
.
.

في مكان ثاني كله ضحك وأجواء حب..

فارس: يعني الصدق موقفهم بايخ كنت فاقد لهم ومتحمس اشوفهم وقت المقلب خورت اتضارب معهم

اسيل بتضحكك: بس والله انها لفته حلوه منهم ابسر ها كيف شغلوا نفسهم وفضيوا عشانك وغيروا لك جو وجمعوا خبرتك كلهم

فارس: وقت مافلتش ومشيت ماعد في حسي شي كانوا يفعلوا كل شي وانا حسي عندش وقلق عليش قلت عتستحي ماعتعرفش تتفاهم معهن

اسيل عوجت فمها ع جنب بدلع: ليش مااعرفش اتفاهم معهن جاهله!

رجعت ابتسمت: الا عرفت وتكلمنا وتجابرنا وجلسين يضحكني على جنانكم وكيف ارتاحين لليمنيين اكثر شي

فارس: اكلتي رقدتي ؟ ماخلونيش حتى اتصل

اسيل: ايوه ياروحي انا فدالك فعلت كل شي لاتخافش عليا ماتعرفنيش اجتماعيه شاصاحب لك حتى صينيين وعنتفاهم...

فارس ضحك: ايش الحلا هذا !

اسيل بشوية خجل بتلعب بشعرها وتشوف الورد اللي فوقها: اول شي ماكنت متحمسه لفكرتهن بس بعدين سمعتهن وشفت اللبس عجبني

فارس: انتي قمر من الله و بأي شي تجنني...

.
.

ثاني يوم

جميله بتوصف لهم العنوان ، انا قد حاكيت اخي عليكم وكل شي باقي تحاكي مرة اخي ولاتقلي لها انني دليتش عليهم قدش داريه توقع حساسيه من حق الأهل ونبيني ماعيقولوا
.
.

بيت اخوها...

امها: مش هو على ماتشتي كل من تقدم رفضتيه ماذلحين عنبسر لو مالهم شي توافقي

بثينه: يعني انا أقرر مش انتوا ، اول ادرا من هو وكيف هم وبعدين اوافق

امها: تمام حااااضر قلنا لش من الدحس سيري ابعدي نص المكياج قد وجهش ساع المهرج هذا ومش انتي راضيه عيقولوا فارحه بروحها..

دخلت اختها سلمت على الام وجلست

امها: واختش مالش ماسلمتي عليها ؟

اختها شافت لها بنظره !!

بثينه حاولت تختلق عذر قبل ماتفضحها: هي...



















📚 @rewayatyamania  🇾🇪

.

البـارت 72 ♡


عــروس صنعــاء 👰🏻‍♀

👌🏻👇🏻 😍
📚 @rewayatyamania  🇾🇪


بثينه حاولت تختلق عذر قبل ماتفضحها: هي هكذا لاقد طلبتها تسلفني اي شي تجنن

اختها: مااشتيش نتشارع ذلحين اسكتي احسن من الكذب تمام..

دق الباب

امها: هيا اسكتين ولانخس ولا اسمع صوت من المشارعه قبال الناس سيري وانتي امسحي وشش

بثينه حنقت ودخلت الغرفه جالسه تخفف مكياجها وبتكلم نفسها: يارب ويجوا ناس على مااشتي والله لاقهر عمتي ونسوان عيالها و اوريها كيف الاوادم..
.
.

بيت الشيخ..

وليد رجع بالجوازات والتذاكر دخل غرفته: هيا جهزي الشنط

مروى سحبت التذكره من يده شافتها: تركيا ؟؟

وليد: ايوه عنسير تركيا ولو يشتوا يسافروا يسيروا عند فارس

مروى: صح هو داري وهم يعرفوها ومتعودين عليها أهلك

وليد: يلا شانزل احاكي امي

مروى بابتسامه فارحه: تمام

غلقت بعده وتنفست براحه: يوروني الفقعسه حقهم ذلحين فارحين بارواحهم


نازل عند امه..

وليد: طلعت فيزا تركيا

امه: اها عتسير تركيا!

مروى تشتي تنزل قبل مايفوتها الموضوع لبست بسرعه ونزلت وهم بيتكلموا

وليد: ايوه طلعت الفيزا وقد دفعت قلنا نسير وانتوا سيروا ماليزيا سهله مابش تعب

جميله هزت راسها تمام

مروى بنظره ونبرة فرح غير الايام الاولى: وبعدا يمه انتي داريه فارس يعرف ماليزيا يعني لو ابي تعب او وقع به شي عتسعفوه ماتركيا مانعرف حاجه

جميله متنرفزه من اسلوبهم: سوا تمام.

وليد شاف مرته خاف لو امه ضايقت بسببها: مش قلت لش تجهزي

مروى: حاضر ياسعم مدري ماشاجهز هن الا شويه ملابس وسط الشنطه خليني اعاون امي عاد احنا على يومين

جميله: ولو اطلعي ابسري لو يشتي شي.. ام ندى  قد فعلت العشاء
.
.

في مكان ثاني...

كانوا بيطيروا بالمنطاد نزلوا للأرض..

فارس مسكها وبيساعدها ويبعد عنها الاحزمه: كيف عجبش؟؟

اسيل صاحت: يجننننننن ، رووووعه كنت احس نفسي شاغطس البحر وبتضحككك

فارس مبلود: وانا ماتهنيت كل الوقت ماكنت اسمع لو بتصيحي او خايفه

اسيل: اخاف من ايش ولا أخاف من شي

فارس مسكها ومشيوا: مجنوووونه

انبسطتي اليوم !!

اسيل: قوي من الصبح خارج بس ماحسيت بتعب

فارس: طيب ايش تحبي تتعشي اين نسير

اسيل: ولا مكان خلاص البيت اليوم يكفي
.
.

في بيتهم..

جميله اتصلت لاخوها: كيف الوضع طمني

اخوها: شكل البنت موافقه وامها بتمدح فيهم

جميله بنبرة سخريه: هي مرتك يعجبها الزنط والفشر ادينا لها مايملي عينها

اخوها: اهم شي الولد سوا تعرفيني انا مااشتيش البعاسس هذه

جميله داخل نفسها مش انت داري بنتك اكبر مصيبه قلك بعاسس: تمام كنت اشتي منك خدمه يا اخي لو تسير بنفسك تخرج لي فيزا اسافر انا وزوجي مع وليد تاعب الشيبه قلنا يغير جو وانت معارفك ماشاءالله ولو دفعنا مستعجل زياده

اخوها: ولايهمش


في غرفتها..

مروى: قوا قوا ياوليد انت راسله

وليد بضبح: ياسعم فارغين مثلنا مابش معهم شي بيدوروا من يجابروا ، تشتي تعرفي مابيفعلوا راسليها انتي

مروى: مااشتيش عتفكر فارحه بها

وليد: بين اقل ياروحي ياقلبي ماعلينا منهم عنرجع نعرف كل شي مارأيش جي نسهر نشوف فلم حالي لارضيتي نخرج لارضيتي نجلس ماناش داري ماتشتي

مروى: مااشتيش شي هنا لو خرجنا اين عنسير يعني على كثر اماكن الترفيه والسياحه

وليد: إن شاءالله يبدأ فارس مشروعه وعتبسري كيف عتوقع بلادنا

مروى عقدت حواجبها وباستغراب: مشروع مه ومادخل فارس كل شي فارس

وليد بضبح: هي فكرته ومشروع بدأه بأبتسامه تعبر عن فرحته لاخوه وعلى فكره بس بيننا امي ماقد دريت ،

مروى: ماهو؟

وليد: اسيل ماشاءالله عليها دعمته بأفكار كثيره وساعدته تنجح خطته وقتها اعجب بها وقرر يخطبها

مروى بضحكه حسد واستهزاء: يعني مش حبا فيها قال خليني استفيد من افكارها ومن مره قدي مرتي ببلاش

وليد ضحك: امانه ان انتي واحده تحور الموضوع وترجعه شكل عجيب هيا لحد يسمعش قوا

مروى تأففت: جالسه سارحه وبتفكر ليش اسيل مرة الكبير والطموح واللي معه مشاريع وفلوس وهي وافقت بسبب اسمهم ومستواهم وانه طلع اللي تمنته كله ملك ابنهم الكبير مش الاسره نفسها

وليد طرح يده على خدها وسحب وجهها لناحيته: ليش سارحه؟ كلها فتره يتموا المشروع ونبدا احنا اول ناس ننبسط فيه

مروى بضبح وقزازه سحبت نفسها وبعدت يده: يافرحتي صدق بدل ماتقلي نفعل مشروعنا وبعدا اكره هذه الحركه مايعجبني حد يسحب وجهي هكذا

وليد: رغم انش حلا ودلع ورقه قلت اتحيلى لمرتي ، ضايقتش!

مروى: ماشي يمكن حين قد انا نوم وبكره اشتي اجهز الثياب اليوم مافعلت شي

وليد بضبح ونرفزه: مش قلتي مابش داعي ولايشتين وقت مالش من حين جيتي وانتي مش طايقه نفسش ! حد غصبش عليا يابنت الناس او ايش

مروى بنرفزه وصياح: ...




















📚 @rewayatyamania  🇾🇪