.

البـارت 82 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


في المساء بيت محمد الكل موجود وفرحان  وعادل رجع بيته يجهزوا حاجاتهم ويرجع بيتهم عشان العرس

الساعه ٣٤: ١١ رسائل لتلفون جهاد sms من عمه سلطان محوله من رقم ابو العريس اللي كانوا ناويين يحضروا يشوفوا باسمه

جهاد خرج التلفون وقرأ الرساله😳
وشاف أفراح والبقيه

جهاد: عمي سلطان جاب رساله محوله وبدأ يقرأ
العفو منك ياأخي ياسلطان
ماشنقدر نطلع بكره بيت أخوك
حصلت معانا ظروف

وكتب سلطان هذا كلام الرجال ترجعوا تقولوا لمو ماطلعوا 

جهاد كتب الله المستعان انت أبونا وواثقين بكلامك
وإن شاءالله خير
تمام أنا شبلغهم بالبيت

باسمه: تصبحوا على خير

جهاد: مسرع ياقلبي اجلسي شويه

باسمه: وقت قدامنا عمل وعرسك نقوم مصحصحين😊

جهاد: وانت من أهل الخير بكره تنزلين تكتسين  وتشترين لوازمكن تمام

باسمه: إن شاءالله تمام الله يوفقك ويسعدك

دخلت باسمه الغرفه وقالت
يسرى عادك صاحيه

يسرى: إيه صاحيه

باسمه: سمعتي كلام عمي قلك اعتذروا

يسرى: معاهم ظروف يوم ثاني يطلعوا ويتم كل شي على خير

باسمه: مااظنش أنهم بيجيئوا خلاص بح طالما  عادهم يفكروا ببيت أبو جلال وحملوني مسؤولية الذي صار مسحت يدي

يسرى: مانيش داريه لمو كلما جاء عريس يطير  تحت ظروف غامضه

باسمه: وهذا الذي محيرني ومالقيت له إجابه

وحاولت باسمه  ترقد تحت التفكير بكل حاجه  حياتها ومستقبلها
واحداث قصتها  كل يوم تزداد تعقيد😔💔

الحمدلله رب العالمين ربنا أتنا في الدنيا حسنة وفي الأخرة حسنة وقنا عذاب النار❤️
.
.

في صباح يوم السبت..

الكل قام بهمه لأنه عرس والزفه شغاله على صوت الفنان إبراهيم الضمري😍

جهزين الغداء والبيت مليان من الاهل
نوريه وبناتها، وفاطمه وبناتها


بعد الغداء 
جهاد: باسمه هذه فلوس إشتري الملابس اللي تعجبكن واي حاجه في نفسكن، وإشتري معك ل دنيا فستان أنيق هديه مني لما تجي عندي😍

باسمه: طيب على طول ضروري إلا فستان وإلا لو في حاجه أجمل  أشتريها😉 يعني على ذوقي😊

جهاد: هههههههه أهم حاجه شي حلو وأنيق

باسمه ويسرى  راحين السوق يكتسين وراحت معاهن سمراء وذكرى

بعد لوي من محل لامحل
عجبهن فساتين  روعه جداً وأخر موضه اشترت باسمه ويسرى ثلاثه فساتين نفس الموديل وثلاثه فساتين موديل مختلف بتصميم هندي وحاجات  الميك آب  وووو

وأشترت لدنيا حاجات أنيقه 😉🙈 ماعلينا  هههههههههه

رجعين البيت بعد تعب كبير

جهاد عمل عرس بسيط وعزم زملائه من الجامعه بس ماحضروا لأن طريق تعز متعبه بالسفر وباركوا ل جهاد  بالتلفون


يوم الأربعاء....
يوم الغسل أو تلبيس الدبل والمحابس😍

بيت محمد راحوا بباص والزفه والحجير ولللليي وللييي
حريق حريق وسعوا الطريق
لجهاد طريق
الدنيا تحرق حرررريق وسعوا لجهاد
طريق😍😍

جهاد راح بسيارة سلطان وباسمه وأهل بيت سلطان
والزفه شغاله على صوت الفنان أيوب طارش الكل يعرف زفة أيوب 😍🙈


وصل موكب العريس وأبو العروسه استقبلهم لبيت أخوه عبدالعليم
بالدور الثاني

والنسوان دخلين بيت عبدالجبار بالدور الاول


سلطان: باسمه انت إجلسي شولي ادي بنتي نهى من بيت زوجها جي معي

باسمه كانت نزلت من السياره رجعت ركبت السياره قدام جنب عمها

سلطان خفض صوت المسجله واتحرك بالسياره  وقال الناس الذي كانوا شيجيئوا اعتذروا وماعاد ردوا لي خبر
قالوا معاهم ظروف ولازد نابي

باسمه: ايه قد قال لنا جهاد إنهم اعتذروا

سلطان: مانش داري مو حصل كانوا مقتنعين  وغيروا رأيهم تقولي مش مرة أخوكي سمير السبب

باسمه 😳اتفاجأت واتغيرت ملامحها وقالت:
لمو رويدا مو دخلها بالموضوع

سلطان: يمكن جابت كلام عليكن من شان المشكله الأخيره معاها

باسمه: عادي تقول إللي تقول إحنا واثقات من أنفسنا طز به
وبالاول والاخير هو نصيب، محد داري وين نصيبه وبعدا إحنا مانهدرش معاها ولا حاجه هي بعد حاله وإحنا بعد حالنا😊

سلطان اكتبد وحمر وجهه كأنه كان منتظر من باسمه رد غير اللي سمعه منها وقال
أنا قلت يمكن  تصدقي يابنت أخي إن أختها تدخل غرفة عمها وعمتها وتشغل التسجيل وتطرح تلفونها وتخرج وترجع بعد فتره تشيله وتقول نسيته هنا وتجلس تسمع مو يقولوا والا مو يخططوا😨

باسمه:😱 أوه والفعله على قلة أدب بها مو تستفيد وبعدا ياعم الله يحفظك سواء هي والا  لا محد يقدر يمنع النصيب
صح والا اني غلطانه😊 وابتسمت بوجه سلطان  وهي تقول في نفسها
لمو عمي يبرر  للرجال  ومصمم انها رويدا مرة سمير  اكيد بالموضوع إنه ويحاول يشككني بها

سلطان: ها إيه صح بس شوفي لوين وصلت البجاحه بأخت مرة سمير لكن الله يفرحني بك وبخواتك والله لعمل لك عرس حنان طنان

باسمه: آمين يارب بوجودك إن شاءالله
وأني شقول حسبي الله ونعم الوكيل لكل واحد  يوقف بطريق النصيب والحلال

هنا سلطان تغيرت ملامحه ووقف السياره...



















📚 @rewayatyamania  🇾🇪

.

البـارت 83 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


باسمه: آمين يارب بوجودك إن شاءالله
وأني شقول حسبي الله ونعم الوكيل لكل واحد  يوقف بطريق النصيب والحلال

هنا سلطان تغيرت ملامحه ووقف السياره ومسك القبع وعدله
وقال إيه والله هذا هو الواحد يوكل الله يله وصلنا بدخل البيت أدعي  نهى

باسمه: اكيد  طالما الله موجود وهو اكرم الاكرمين قادر على كل شي ، يله وأني بنتظرك هنا

نزل سلطان وباسمه نفخت الهواء ومسكت رأسها اللي يوجعها وقالت ههههه حتى ماقال لي هيا إدخلي معي😏هيا سهل مش ضروري
وخرجت  من شنطتها السلس عشان توري عمها الشبكه اللي اشتراها جهاد للعروسه

وتفكر بكلام سلطان وهي مش مقتنعه تماماً  باللي قاله🤔🤷‍♀

شويه وجاء سلطان مع بنته نهى دخلوا السياره 

نهى: السلام عليكم  هذه باسمه كيف حالك

باسمه: وعليكم السلام الحمدلله تمام  وانت كيفك

نهى: الحمدلله بخير دامك بخير

سلطان بدأ يحرك السياره وباسمه: لحظه ها شوف الشبكه كيف عجبتك

سلطان: ماشاءالله حلوه مبروك عليهم ونهى شافتها

نهى: الله تجنن الله يوفقهم

باسمه: آمين يارب العالمين

واتحرك سلطان ورجعوا بيت عبدالجبار

باسمه وصلت وسلمت على مرة عبدالجبار ومرة عبدالعليم وخلست البالطو واللثمه
ودخلت المخيم وبيدها الضيافه😊

فاتن ويسرى: لمو أتأخرتي كذا

باسمه: عمي كلمني بموضوع نهدر بالبيت مش هنا😊

يسرى وفاتن: تمام

شويه ووصلت دنيا من عند الكوافيره
كانت لابسه فستان سكريمي منفوش والصدر مكشوف والمكياج متناسق مع الفستان 🥰  والتسريحه مرفوعه وشكلها كيوت وبريء

فاتن جلست جنب دنيا وأشرت ل باسمه تقرب جنبها

باسمه: ها فتونه مو تشتي

فاتن: صوري دنيا ذلحين وعاد المكياج حلو كذا

باسمه: شافت دنيا اللي كانت تشوف لها........ وقالت
هي مايعجبها الصور ترجع تحرجني قدام النسوان  ماشصورش ولا حاجه

دنيا ذكرت موقف العقد لما هزرت التلفون من يد باسمه وسكتت

وباسمه رجعت مدت التلفون لفاتن: ها صوريها انت أما أني سوري ماشصورش وراحت ترقص

فاتن: انتبهي تهزري التلفون مش حلا كذا

دنيا: لا ماشهزروش😊

فاتن صورت دنيا وشويه وقالوا للنسوان يتغطين العريس بيدخل

لبسين النسوان وخوات جهاد  اتغطين لانه أبوها واخوتها بيدخلوا

جهاد دخل 😍 وجلس جنب دنيا وخوات جهاد  قربيين من الكوشه وباسمه وقفت قريب من جهاد 

بدأ جهاد يلبس دنيا المحبس والدبله والساعه مره ثانيه والسلس وبقية ذهب العروسه
ودنيا لبسته الدبله وخاتم العقيق والساعه

ورقصوا على أغنية إليسا
الفرحه اللي انا فيها ترجع ليك، وأنا جنبك راضيه ومرتاحه لكل مافيك😍😊

واتصور ابوها واخوتها وخالها
وخرجوا وجهاد جلس شويه وخرج

وقبل المغرب جهاد أتصل من أجل يرجعوا البيت
.
.


بيت محمد...

وصل جهاد والشباب عملوا الواجب هيصه وزفه ورقص وكله


يوم ثاني  يوم الخميس

الصباح في المطبخ كل واحده ماسكه مهره اللي يعملين بنت الصحن😋 واللي يطبخين الرز  والمشكل واللحمه 😇ووو

وقبل الظهر جاءوا ضيوف سلطان وبعض من رجال القريه وأهل البيت
وقدموا لهم الغداء بسطح بيت محمد بالمخيم
لما يخرجوا الرجال كلهم يقربين للنسوان

بعدما اتغدوا الرجال والنسوان الغسوله حق العرس اللي ماتخلص🙄🤪

جهاد استبك  وراح يخزن عند عادل ببيت سلطان
خرج من غرفته
وصوت الحجير وللللييييييييي وللللييييييييي

جهاد يازين شباب الحاره ياحضور صلوا على النور يصلح الله الامور وتصفيق وحجير لما خرج من البيت
وجهزين المخيم عشان العروسه توصل لوسطه والسماعه شغاله واغاني ورقص قبل المغرب  غلقوا الزفه


بعد صلاةالعشاء....

جهاد واقف عند الباب منتظر  دنيا توصل🥰

وصلت دنيا وصوت الألعاب الناريه تملأ الأجواء 🎊🎉

عبدالجبار خرج من السياره وسلم على جهاد وسلم دنيا ليده

جهاد مسك بيد دنيا ومشى معاها الدرجات لما وصلوا  المخيم
والنسوان ملان المخيم من الأهل والجيران

وصلوا الكوشه وجهاد فتش ل دنيا

عبدالجبار: بنتي أمانه عندك وهذه شرفك وعرضك انتبه عليها

جهاد: ولا يهمك ياعم دنيا في عيوني
واتصور معاهم ونزل من المخيم واجهه سلطان 

سلطان: يله عشاء الشواعه وأنتم جاهز

عبدالجبار: تسلم ياابن عمي مافيش داعي إحنا مستعجلين

سلطان: والله ماتدا خطوه عيب يارجال كل شي جاهز مايصلح تجزع وهو مقدم ومسك عبدالجبار  من يده وسحبه للمجلس

وعبدالجبار استسلم وجلس يتعشي مع ضيوفه والشواعه

إحنا من عادتنا في إب الشواعه وأهل العروسه لازم يتعشوا قبل مايمشوا🤭


واتصور جهاد مع امه وخواته والحجه كاتبه  باركت لجهاد ونزلت من المخيم😊


نرجع   للعرسان
شغلوا أغنية إليسا
حب كل حياتي😍
ورقص جهاد ودنيا
وجلسوا شويه

وسلطان أخذ جهاد ودنيا للفندق
نخلي العرسان بالفندق على راحتهم🤭🫠

https://t.me/+Ecxq_OzMYh40M2E0



📚 @rewayatyamania  🇾🇪

.

البـارت 84 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


ببيت محمد...
البنات رقدين بعد جهد وتعب😴🥱
والنسوان العقال الكبار سامرات


صباح يوم الجمعه.....

العرسان اصطبحوا بالفندق وهم بالطريق راجعين البيت

باسمه ساعدت في الطبخ ودنيا وصلت راحت معاها الكوافير

وأهل دنيا معزومين ببيت محمد
.
.

بعد العصر.....

دنيا وصلت من الكوافير
سلمت على أمها واختها ومرة عمها
وطلعت معاهن للمخيم والبنات يزفين دنيا

باسمه سلمت على الضيوف وراحت تتجهز

دنيا رقصت مع آيه بنت هدى اخت جهاد على أغنية
مريام فارس ، قومي قومي قومي
رقصي وريهم جمالك يله انت يابنيه


ووقت المغرب دنيا سلمت على أهلها بيرجعوا البيت
والام نصحت دنيا شوية نصايح
.
.

في المساء...

باسمه فتحت النت بعد أسبوع مافيش وقت للنت أيام العرس

يزن: الوووو
وين الناس
وحشتيني
كما شعمل حبه

باسمه مو بينه هذا مو من حبه
ردت على الرساله  مو من حبه

يزن: ياحيا
مو من حبه مش داريه مو هي

باسمه: لا مانيش داريه مو هي

يزن: 😂😂😘
عرفتي مو هي الحبه

باسمه: سعيدك عادك فرح

يزن: وين كنتي غايبه فقدتك

باسمه: كان معي عرس أخي

يزن: الف مبروك عقبى لنا

باسمه: آمين واياكم اجمعين

يزن:  آمين حبيبي

باسمه: ذلحين منك صدق حبيبي ومدري ايش خلى لي حالي

يزن: أحبك  مله مو افعل

باسمه: إفعل حظر  وخلاص

يزن: ليش ماتفعلي انت حظر

باسمه: لأنه انت بدأت تراسل وانت إنسان متحضر وفاهم إحظرني وخلاص

يزن: مستحيل  احظرك بسومة قلبي

باسمه: نجلس اللي نقوله نعيده لاحبه ولاحبتين

يزن: ايش مسويه 

باسمه: ولا حاجه

يزن:  إلا  فاتحه النت 😂😂

باسمه: إيه صح ☺️يله مع السلامه

يزن: مسرع زيدي شويه وإلا خايفه تحبيني وتتعلقي بي

باسمه: لا خايفه ولا حاجه بس اني تعبانه

يزن: ألف سلامه عليك ياقلبي

باسمه: الله يسلمك وغلقت النت


كملت أيام  العرس على خير

سلطان قال ل جهاد يجلس بالشقه حقه فاضيه ومفروشه
وجهاد رفض لأنه يشتي يجلس ببيتهم وتتعود دنيا على العيشه بالبيت مع أمه وخواته

باسمه: دنيا جي بعمل لك مكياج وادلعك😊

دنيا: طيب يله ومشت باسمه مع دنيا لشقة سهير بالدور الارضي لأن جهاد ودنيا يناموا عند سهير مؤقتا

وجلست باسمه تصلح دنيا وتختار ملابسها وقالت ل دنيا
منو اللي اختار معك الكسوه

دنيا: أني جلست بالبيت واختي ومرة أخي هن اللي كسوني😊لمو

باسمه: اختارين لك ثلاثه فساتين نفس اللون  رصاصي لمو كذا😏

دنيا: مدري لمو

باسمه: شفت صور أختك ومعاها فساتين احسن من اللي اشتروها لك العروسه انت وإلا هي المفروض انت تروحي معاهن وتشتري اللي يعحبك مايجيش بال ٢ مليون وين هي ظلموكي بالكسوه الصدق😏

دنيا: قولي لهن لمايجيئين

باسمه: وأني مو دخلني انت راضيه خلاص مافي شي حلو غير المكياج

دنيا: أصلا كنت مشغوله ماقدرت أولي معاهم

باسمه: دائماً العروسه هي اللي تختار بس مدري عندكم موضه العروسه ماتنقي ملابسها
ومكيجت دنيا واختارت لها فستان ولبسته دنيا وطلعين عند جهاد اللي مخزن مع أمه وخواته

.
.

بعد نص شهر...

عبدالجبار اتصل ل جهاد وعزمه من أجل الثامن
وجهاد قال له تم


بيت عبدالجبار...

جهاد وصل ودنيا وأفراح وباسمه وفاتن

عبدالجبار: لمو ماجاء معكم سلطان

جهاد في نفسه ههه يدور عمي وهو قال مايشتي عمي يحضر والايتدخل بالعرس

جهاد: عمي معه ضيوف ماشيقدر يجي

عبدالجبار: يله خير ادخل وصيح لمرته تسلم على صهيرها جهاد

المهم  اتغدوا وضايفوهم

وباسمه عملت ل دنيا تسريحه حلوه مناسبه لهذا اليوم وميك آب والكل عجبهن التسريحه 🥰

باسمه تتجهز ودنيا دخلت

دنيا: 😳باسمه باسمه حقي القطب مش موجوده

باسمه: 😱دوري حلا يمكن بالشنطه

دنيا: الذهب موجود كله ماعدا وحده من القطب ضايع

باسمه: وحده بس وسكتت في نفسها اللي بيسرق شيسرق الكل مش فرده وحده من القطب، وشافت ل دنيا  وقالت ، خلاص ها إلبسي حقي القطب مايصلحش عروسه وماتلبسي القطب الناس مو شيقولوا😠
وخلست القطب لدنيا ولبستهن وزفين دنيا لعند النسوان

دنيا كل شويه وتخرج من عند النسوان وترجع وصديقاتها بعدها

أفراح: سميره قولي لبنتك تجلس هنا عيب مايصلحش النسوان يشتين يبصرينها وهي داخله خارجه

سميره: ههههه تشتي تجلس مع البنات بس أني شقول لها تدخل

باسمه: أمه اهدئي مو بك

أفراح: ابصري ها مابوش ميزه واحترام

باسمه: هذه على أمها المفروض تقول لها اجلسي هنا انت وصديقاتك مابش ضبطه خلاص النسوان مركزات

رجعت دنيا جلست وهي ضابحه

باسمه وفاتن رقصين على اغنية الفنان فارس كرم ، الليله بدنا نولعه وحده بدنا نودعه

رقصين بطريقه حلوه ومبهره والكل عجبهن الرقص🥰


قبل المغرب روح جهاد والكل من بيت عبدالجبار

لما وصلوا البيت

جهاد: تشمتي ببيتكم ماعبرتيني ولا حاجه ولا قلتي حياك الله ببيتنا

دنيا: ...

















📚 @rewayatyamania  🇾🇪

.

البـارت 85 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


قبل المغرب روح جهاد والكل من بيت عبدالجبار

لما وصلوا البيت

جهاد: تشمتي ببيتكم ماعبرتيني ولا حاجه ولا قلتي حياك الله ببيتنا

دنيا: هههههه لمو ضروري اقول لك كذا

جهاد: مدري والله انت أخبر بعدا مو هذا بإذنك وين حقك القطب

دنيا: استرقين كان به نسوان مدري وين اختفت وحده من القطب

جهاد: والشنطه حقك وين كانت😡

دنيا: بالدولاب

جهاد: طيب خير إن شاءالله

واتعشوا كلهم ودخل جهاد غرفته مع دنيا وسألها مره ثانيه ودنيا تألف له خبر من رأسها او بالاصح من تأليف أمها سميره

جهاد خرج دخل الحمام  (اعزكم الله)
وصيح ل باسمه
ودخلوا غرفة أفراح

جهاد: أشتي تحكي لي بالتفصيل من أول مادخلنا بيت عبدالجبار لما رجعنا

باسمه: بس ياأخي مااشتيش يقولوا حصلت مشاكل بسبب خواته

جهاد: منو اللي شيقول طز بهم انت قولي وبس😡 هي قالت لي وحكى لباسمه كلام دنيا

باسمه حكت لجهاد  كل حاجه ماعدا ان دنيا كانت داخله خارجه
ومن شان الشنطه ماتصدقش شنطتها كانت بالطاقه مش بالدولاب ومابش نسوان ولا حاجه  كنت أني وأمي وفاتن وعمتها جاءت مالمست شنطه ولا شي ،  ليش هي قالت به نسوان والا يمكن عمتها سرقتهن😨

جهاد: إيه قالت كذا بس أنا شقول لها كيف😡 وخرج جهاد  لعند دنيا

جهاد: كيف تقولي إن به نسوان وهو محد موجود  وعمتك جاءت وقت الغداء وامي وخواتي ماشافين احد لمس شنطتك اللي بالطاقه مش بالدولاب😡

دنيا: يمكن ضاعين هنا بالبيت شندور عليهن والا لما سألتني اختي صفاء فاين كانت القطبه وسطهن😏

جهاد خرج وهو ضابح وصيح ل باسمه 

جهاد: قالت يمكن ضاعين هنا شقول ل سهير تدور عندها وإلا وسط الفاين مع أختها

باسمه: تشتى الصدق زوجتك تكذب  وهذا معناه إنها تشتي تلصق التهمه بنا إحنا ، وسهير شتزعل لو قلت لها كذا

جهاد: أنا أشتي اتأكد من كذبها

باسمه: أني كنت معاها لما جهزت ذهبها الفاين كان بالشنطه بدرج والذهب بدرج ثاني وأني متأكده القطبه مع أمها

وأني قلت عيب تجلس بدون قطب ولبستها حقي وبالاخير تطلعنا سرق وتغطي على عملتها هي وامها وزوجتك مازعلت ولابان عليها الزعل كيف لما الواحد يضيع قطب يكون الواحد شيجنن وزوجتك ولا بحسه تكلمني وهي مبتسمه معناته داريه وين القطبه والله إنه في شي مش عارفين مو به برأس زوجتك وإلا عيب تقول ضاعت هنا وهي داريه انه كذب

جهاد 😡عصب بكل قوته وقال أنا شقول ل سهير  خليك ورا الكذاب

جهاد صيح ل سهير

جهاد: دنيا قالت ضاعت عليها قطبه دوريها عندك ربما تكون صدق بالغرفه

سهير: الله المستعان لو هي موجوده كنت شفتها لما اكنس المكان

بس ولا يهمك بدور عليها واقشع الغرفه كلها
وفعلاً سهير دورت بالغرفه مالقت قطب ولا حاجه 😏

وباسمه اتجنبت دنيا قالت اليوم تسرقنا القطبه بكره تقول سرقنا الذهب كله
وعلمت دنيا خطوات الميك اب وكيف تعمل وبطلت تدخل غرفتها شتعمل دنيا مثل مرة سمير  بعد العرس باسمه رتبت معها الملابس وشافت ٢٠٠٠ سلمتها ليد رويدا  ، ورويدا تقول مدري وين راحت الألفين😔 دورت عليها وبعد  ٨ أيام قالت رويدا إنها لاقت الالفين بعلبة الاكسسوارات  وباسمه بطلت تدخل عندها

قرفت من هذه الحركات الغير أخلاقيه إنه الواحد يساعد مرة الأخ بالهندام وبالأخير يضيعين حاجات عن قصد 😏 ويقولين باسمه ماشفتي الفلوس باسمه ماشفتي القطبه 😔
أشتريت دماغي وهن يدبرين حالهن😇

المهم ماعلينا على قولة جدتي
كل واحد يشتي له قلب لحاله😊

جهاد ثبت برنامج تسجيل المكالمات بتلفونه😳🤔 وأكتشف؟؟

باسمه: يسرى تقولي مو غرض دنيا لما تقول القطبه ضاعت هنا والا وسط الفاين وهو كله كذب

يسرى: والله مادريت لمو تعمل كذا

باسمه: لأنهم ابصروا جهاد لقمه سهله ووافق على شروطهم قالوا بيأخذوا ذهبها على شويه شويه وجهاد يشتري بدله وتأكل هي وأهلها من الجانبين وأني حذرته منهم بس هو ما سمع مني قالت أمي البنت غير أهلها ههههه ها قدامك عاده أخس منهم

دنيا: أشتي أتصل لبيتنا

جهاد: ولا مره أتصلوا لك تتصلي الا انت لكن ها إتصلي وضغط على الإتصال ومد التلفون ل دنيا

دنيا: ها أمه كيف حالك وأبي

سميره: الحمدلله وانت كيف حالك هيا مو قال جهاد على القطبه ماصيحش فوقك كما تقولي له إنها معانا من أجل يشتري لك بداله

دنيا: الحمدلله بخير يمه الله يحفظك زيدي دوري القطبه عندكم دورنا هنا ماهليش لو هي وسط الفاين اللي مع صفاء

سميره: ههههه انت قلتي له كذا  مره ، طيب يابنتي شقول ل صفاء

دنيا: تمام وينه أبي

سميره: ابوكي عاده خارج سلمي على جهاد وعمتك وحلياتك

دنيا: سلمي على أبي لما يجي وجهاد يسلم عليك طيب يوصل سلامك مع السلامه
أمي تسلم عليك وعلى عمتي والبنات شخرج اقول لهن وخرجت دنيا توصل السلام😏

وجهاد ركب السماعة وسمع التسجيل...

https://t.me/+Ecxq_OzMYh40M2E0



📚 @rewayatyamania  🇾🇪

.

البـارت 86 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


وجهاد ركب السماعه وسمع التسجيل حق المكالمه 😳😡 بس سكت لما يشوف مو به بعقلهن ورجعت دنيا وجلست مع جهاد بغرفتهم

جهاد: قولي لاختك تدور القطبه بسرعه أنا نازل تعز من أجل استأجر بيت واجهزه وارجع اطلع  وننزل سوا تمام

دنيا: طيب شقول له إن شاءالله تظهر😍 يعني شنزل تعز وأكون اهدر سعهم رحتوا وجيتوا

جهاد: إيه بس راسليها من تلفوني وتلفونك اللي جيتي وهو مكسر بصلح له الشاشه واشتري له بطاريه

ناس ماتهمهم  غير المظاهر ناس استغلاليين لف ودوران وكذب ايش راح يستفيدوا؟؟؟تابعوا معنا


ثاني يوم جهاد يهندس المسجله

دنيا: صلحتها ياسلام  زوجي مصلح مسجلات

باسمه: مهندس إسمه مهندس درس خمس سنين وتقولي له مصلح

دنيا: هو إسمه مصلح لانه صلحها

باسمه: لا مهندس وإلا اسكتي قاله مصلح😏
ودنيا سكتت واكتبدت

وجهاد بان على ملامحه الزعل😏 بس سكت
.
.

في المساء....

الكل سامرين سواء بالمجلس

دنيا: باسمه هاتي تلفونك شبصر الصور حق التلبيس

باسمه: طيب شويه وعملت كل البرامج على البصمه ودخلت لمعرض الصور ومدت التلفون ل دنيا لكن ماتحذفيش ولا صوره تمام

دنيا: لا والله ماشحذف ولا صوره بس ابصرهن

دنيا أخذت التلفون وقلبت الصور ورجعت التلفون ل باسمه

باسمه أخذت التلفون وعلى طول دخلت على المحذوفات😉 ورجعت
قالت دنيا حذفتي صور😇

دنيا: لا والله 😳

باسمه: لا تحلفيش

دنيا: حذفت وحده بس ماعجبتنيش😊

باسمه: عادك تقولي والله🤨 حذفتي سبع صور مش وحده

دنيا: تغيرت ملامحها ووجهها حمر وقالت وأنت مو دريك

جهاد اللي كان جالس جنبها لفت بوجهه وشافها وهو متفاجئ

وقال، أصلا تلفونها بينه برنامج المحذوفات يطلع كم حذفتي وأنت لمو تحذفيهن

باسمه: والمشكله عاده تحلف هيا إفتح البلوتوث شرسل لك بالصور كلهن وأحذفهن أصلا من بعد الموقف اللي عملته معي يوم العقد مااشتيش أني صورك عندي

جهاد: لمو مو عمله يوم العقد

باسمه: أني شصوره بعدما عقدوا وهي هزرت التلفون من يدي احرجتني وخلت النسوان والاهل يهدرين كلام طالع نازل

جهاد شاف دنيا بنظره خلتها شتبكي وقال لها: وانت مو صنف لك تهزري التلفون ودنيا ساكته ماعرفت ترد

باسمه: أني شقول لك لمو به من علمه وقال له لاتخليش احد تصورك  صح وإلا  لا

دنيا: ها أصلا مايصلحش تصوريني

باسمه: لمو مايصلحش قد عقدوا وإحنا نعرف الأصول بس هن ضحكين على عقلك وانت صدقتي لو كنت صورتك قبل العقد يحق لك تهدري

جهاد ضبح ماكنش داري باللي حصل بالعقد بس الكلام والموقف خلى باسمه تهدر😏

قبل ماينزل جهاد تعز راح بيت عبدالجبار هو ودنيا وسلم عليهم ورجع  مع دنيا والقطبه معها😉🤪
ناس ماتجي الا بالعين الحمراء
بعدما جهاد دحس دنيا دحس إن القطبه عند أمها

جهز جهاد نفسه وناوي يسافر
.
.


يوم ثاني  بعد الغداء....

جهاد سلم على الكل وقبل مايسافر بحفظ الله

جهاد: باسمه شكون اتصل ل دنيا ل تلفونك وانت خلي التلفون عندها

باسمه: طيب على طوول  بس إتصل لتلفوني الأول وتكون تخليه عندها حتى للصبح، عادي

جهاد: اوك قد وصيت دنيا عليكن وانت مااوصيكن عليها ياخواتي أنا شنزل تعز ومطمن داري مو معي

باسمه: انزل وانت مرتاح ومطمن ولايهمك هي أختنا  وإن شاءالله مايوقع إلا كل خير

واتسالموا وجهاد أخذ شنطته وسافر
والامور ماشيه تمام بالبيت وكل شي طبيعي

جهاد بدأ يأثث البيت اللي استأجره ويتصل لأمه وخواته ول دنيا

وباسمه رجعت عند الدكتور هي وفاتن😔
.
.

بعد فتره قصيره.....

جهاد طلع من تعز وجلس أسبوع وأخذ دنيا وسافر معاها

بعد وقت بدأت المشاكل بين جهاد ودنيا

دنيا فتشت تلفون جهاد وشافت رسائل من بنات

دنيا: من هذو البنات اللي يراسلين لعندك😡

جهاد: هذو اللي أشتغل لهن برامج وهن اللي يدين لي الطلاب اللي يحتاجوا برامج من أجل دراستهم او مشاريع تخرج
وأنا قلت لك من البدايه إن انا معي بنات ومعي شغل معاهن

دنيا: بس هن ها يرسلين لك قلوب ❤️و ورود💐

جهاد: هذا شي عادي عندهن ، هن مش يمنيات، بعد أنا ما قلت لهن  ياقلبي ولا ياروحي تعاملي معاهن، بكل إحترام 

دنيا: الا صحيح أني شفت بعيوني

جهاد: مايحقش لك تفتشي تلفوني وانا قلت لك من البدايه بعدا  لولا هذو الطلاب وشغلهم ما انت هنا الآن ، وأنا واثق من نفسي طز بك

دنيا: طز بك أنت أصلا انت مش رجال

جهاد فار دمه 😡 وعمل ل دنيا كف😳: إحترمي نفسك أنا رجال غصباً عنك

دنيا رفعت يدها وردت الكف ل جهاد 😳

جهاد 😡 عصب وضبح وضرب دنيا بالعصا وهي مسكت العصا وجهاد سحبها على طول الغرفه 😳

دنيا بكت والله لاتصل ل عمتي أفراح واشتكي له  وأخليه تربيك ياكلب

جهاد: إتصلي والله مانا مفتجع منك انت اللي عادك تشتي تربيه من اول وجديد انت تصدقي امك واختك خليهن ينفعينك😡
وها إتصلي وضغط على رقم باسمه

باسمه: ...



















📚 @rewayatyamania  🇾🇪

.

البـارت 87 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


جهاد: إتصلي والله مانا مفتجع منك انت اللي عادك تشتي تربيه من اول وجديد انت تصدقي امك واختك خليهن ينفعينك😡
وها إتصلي وضغط على رقم باسمه

باسمه: هلا بالقلب كيف حالك

جهاد: الحمدلله بخير دامك بخير  وين أمي

باسمه: خير مو بك امي هيذا ها

جهاد: بعدا شنهدر هاتي أمي

باسمه: طيب ومدت التلفون لامها

أفراح: مساء الخير كيف حالك

جهاد: الحمدلله دنيا تشتي تكلمك

دنيا: ياعمه جهاد ضربني 😭

أفراح: لمو مو حصل أنتم عادكم إلا عرسان

دنيا: ابصرت بتلفونه ارقام بنات وسألته وهو ضربني😭

جهاد هزر التلفون من دنيا وقال لافراح بكل شي بس ماقال ان دنيا اعطته كف قال شوحت بيدها لقدام وجهي وأنا ضربتها

أفراح: هات دنيا شهادره

يابنتي جهاد قال لك من البدايه إنه معه طلاب بنات وعيال وانت قلتي عادي

دنيا: ياعمه اني اشتكي لك وانت طلعتيني غلطانه 😭

أفراح: لا غلطانه ولاحاجه بس لازم يكون في ثقه بينك انت وجهاد وهو يصرف على البيت من شغله هذا اوقعي مره ويله لا تعملي مشاكل معه وكوني مره اصلحك الله

دنيا تبكي 😭 واللي برأسها  برأسها وقالت إن شاءالله مع السلامه
وغلقت التلفون

جهاد: ياعمه جهاد ضربني كوني محترمه واسمعي كلامي أختك وأمك ماشنفعوكي بشي مو يشتوا مني قالوا هات ٢ مليون وانا دفعت هم باعوكي بالبيس بيع تفهمي محد  يتصل لك حتى اتصال  وعامله نفسك إنهم يحبوكي هههههههههه 

دنيا: مابش معاهم رصيد

جهاد: هم يضحكوا على عقلك بهذا الخبر واختك متصله اربعه وعشرين ساعه من اين ومابش رصيد هيا أص ماسمعتك الا أنا

دنيا: لمو تكره أمي واختى كذا مو عملين بك🥹

جهاد: لانهن يعلمينك وسرقين القطبه وانت اديتيها لهن كذا باره مبرده حق مو حق العزومه اللي عملوها لنا بالثامن ، ماناش بحاجتكم ولا أشتي  عزائم وكل مره يشلوا عليك من الذهب وأنا اهبل ششتري لك والله مامعك  الا ذهبك تفهمي

ودنيا تبكي دموووع التماسيح 😭

ورجع جهاد قال لو أمك محترمه ماتعلمك كنتي بعد العرس تمام وسابره لما علموكي خربتي لكن والله لو ماتعتدلي لايوقع خبر ثاني😡
.
.

الساعة ٢ بعد منتصف الليل..

باسمه نقزت على رسائل sms ل تلفونها من جهاد

صباح الخير
الأمور تمام وأنا ضبطتها ومديت يدي عليها بوقته لأنها غلطت، وبينت حزمي وماخليت لها مجال  الحمدلله وماعاد كلمتكم بالتلفون بالموضوع لأنه أتصل ودنيا جنبي،

المهم أموري بخير ولاتقلقوا وبعد حق قبل أمس بدأت تتصلح، وعادها تحت التجربة

دنيا قالت لأمي هي مش غلطان ودنيا قالت لي لما هي غلطانه أعمل إللي أشتي لذلك ضربتها لأنها غلطت مش أنا اللي قلت

أفدي القلب ياقلبي ذكرت أعمل لك رساله الآن  امووواح امووواح

يسرى نقزت كمان على صوت الرسائل وقالت
منو هذا🥱

باسمه: هذا جهاد ادي رسائل ها إقرأي ومدت التلفون ل يسرى

يسرى قرأت الرسائل لمو تعمل دنيا كذا اقلقونا عليهم

باسمه: أني مش داريه من أي صنف هذو الناس لا خلوا أخي يرتاح ولا بنتهم جالسين بعده لما يخربوا حياته لاحول ولاقوة الابالله العلي العظيم
هيا ارقدي مابش بيدنا حاجه نعمله

رجعت باسمه تفكر الله يسامحك يمه قلنا لهم  إبردوا لكم من الناس هذو قالوا لا البنت مالهاش  ذنب زوجوها وجالسين يستعبدوها
وامتدت فوق فراشها ونامت بعد تفكير🤔
.
.

ثاني يوم جهاد خرج من المحاضره واتصل لباسمه

جهاد: الووو كيف حالك ياقلبي

باسمه تسمعه وتقول في نفسها يهدر ويضحك  وهو باين من صوته إنه زعلان ومقهور غمضت عيونها وهي مقهوره على جهاد وقالت
الحمدلله بخير دامك بخير

جهاد: أنا الحمدلله بخير والله ان انا أتصلت داري إنك شتجلسي تهميني وماشتقدري ترقدي بس أدبتها

باسمه: هو صدق ماقدرت ارقد بس والله مانشتي الأمور توصل بينكم كذا مش حلا تمد يدك

جهاد: هي قاله لو عملت حاجه غلط اضربها وهي نالت جزاها للكذب والشتم لي وشوحت بيدها لوجهي

باسمه: يعني ماضربتك بوجهك

جهاد: لا الله المستعان شكسر يدها

باسمه في نفسها والله ماشتضربها هذا الضرب بكله إلا وهي مدت يدها لكن الله يسهل الأمور  ورجعت قالت
الله يهدي بالك ويسهل امورك يارب

جهاد: لا تقلقوا عليا ولا حاجه شتتعتدل وأنا احس أنها تغيرت

باسمه: قلت بالرساله من بعد قبل امس يعني وقع معك شي والا شي

جهاد: هكذا شوية مشاكل لاتشغلوا بالكم بي

باسمه: ياأخي الله يحفظك كيف مانشغل بالنا بس كل اللي نشتيه إنك تعيش مرتاح ومطمن ها لمو زوجناك الا ترتاح بعد تعبك كله

جهاد: أنا داري ياقلبي الله يحفظك ويسعدك بس هي بتفهم معه معه

باسمه: الله يهديها ويعقلها

جهاد: يله انا قريب من البيت ماتحتاجي شي

باسمه: تسلم الله يحفظك بس حقي العوده للفحص بعد اسبوع

جهاد: ...

https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 88 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


باسمه: تسلم الله يحفظك بس حقي العوده للفحص بعد اسبوع

جهاد: تمام ولا يهمك الله يشفيك انزلي وانا شرسل لك نبي عليا لما تنزلي مع السلامه

باسمه: طيب إن شاءالله مع السلامه

جهاد دخل بيته اللي بتعز

دنيا: لمو اتأخرت😏

جهاد: اسمعي يابنت الناس أنا ماشجلس معك بمشاكل وين انت لمو اتأخرت
أنا درست واجتهدت وكملت دراستي بالدم قبل الدموع مش انت اللي بتخربي مستقبلي تمام😡

دنيا: مله قلتو لمو اتأخرت

جهاد: معي محاضره يا قلتو عدلي تصرفاتك معي مش هدارك

دنيا: أقرب الغداء ذلحين😏 طبخت أني وجارتي جاءت تعاوني وطبخنا  كذا ووو

جهاد: تمام  شصلي وقربتي الغداء
.
.


بيت محمد....

باسمه ماقالت إن جهاد أتصل الا ل يسرى


الوضع متوتر بين جهاد ودنيا

دنيا: جهاد أني غرت عليك وأنت تضربني هذا جزاتي🥹

جهاد: هذا الشي عملتيه بتعلمه من أمك لو كان من نفسك كنت شصدق ولا تنسي بعد العرس قلتي لي حياتي عندك وعيشتي أحسن من بيتكم  بألف مره وخواتك احسن من أختي وأهلي كلهم🤨

دنيا ساكته.......

جهاد: هيا وين لسانك وإلا أمك قالت لك محد يقول كذا للزوج 

ودنيا ولارد

هذا دليل على أن امها تعلمها  البنت تتزوج خلاص الله يستر عليها  مو يحتاج الأهل غير ان بنتهم تكون مرتاحه وسعيده بحياتها🤷‍♀️


باسمه جاء موعد الفحص وراحت مع سمير
استلمت الفلوس من الصرافه من عند يزن
وراحت العياده

الدكتور عمل سونار لباسمه للغده والرحم طبعاً بوجود سمير

الدكتور: الغده  راحت منها الخربشات بس الرحم  بحولك لأخصائية نساء وولاده تشوف النزيف مو  سببه بحولك  للدكتوره
فوزيه ال........

باسمه: تمام يادكتور شكراً وخرجت من عيادة الدكتور

لعيادة الدكتوره فوزيه

سمير: سجلي وانتظري دورك وأنا شخرج اتصرف واشتري مقاضي وأرجع

باسمه: تمام مابش أمراض كثير إن شاءالله يجي دوري بسرعه

وخرج سمير ، شويه والممرضه 
نادت اسم باسمه محمد  ال........

باسمه دخلت عند الدكتورة وبدأت تشكي لها من النزيف المتكرر

الدكتوره فوزيه: الدكتور علي هو حولك لعندي هذاك أستاذي كيف حاله

باسمه: ايوه وهو الحمدلله عمل لي سونار وقال أجي عندك

الدكتوره: طيب صورة الجهاز اللي عمله لك فيها شي وأني بعيد لك الجهاز ذلحين بس قولي لي  كيف الدوره معك وكم لها تلخبطك


باسمه: لي أكثر من سنتين واجلس أكثر  من ٢٥  يوم ونزيف شهريا

الدكتوره: طيب امتدي على السرير

باسمه امتدت على السرير والدكتوره وضعت الجل وتحرك (البروب) هذا تبع الجهاز اللي تحركه الدكتوره على البطن اثناء عمل السونار يقولوا له بروب🤭

المهم  باسمه قالت
خير يادكتوره 

الدكتوره فوزيه: كان في عندك كيس من قبل 🤔

باسمه: ايوه يادكتوره بالجهه اليمين لمو😳

الدكتوره: في بداية كيس جديد كم الفتره اللي تعالجتي للكيس

باسمه: لي كثير أكثر من سنه ونص تقريبا وأني  عملت عمليه للثدي من قبل أشتي أعمل فحص 😔

الدكتوره: طيب يا باسمه لاتخافي ولا حاجه بعمل لك فحص الثدي من الدم من أجل اتأكد بس بالعوده، أصلا..........

باسمه 😱🥹 خرجت من العياده وكلام الدكتوره يرن في رأسها  وتمشي بالشارع معقول هذا الشيء يحصل معي هذه معاناه مثل عمتي نوريه لك الحمد والشكر يارب إرحمني إرحمني ياألله فجأه ذكرت سمير بيروح العياده وهي مش موجوده رجعت للإستقبال وجلست تنتظر سمير

سمير أشترى مقاضي لبيته ورجع البيت ونسي باسمه 😱

باسمه شافت الساعه ١ وسمير لا حس ولا خبر وهي جالسه شتقرح😵‍💫🫤
اتصلت ل سمير
الوو سمير وين أنت حسرك مراعيه لك

سمير: 😳 أوه والله إن انا نسيت قد انا بالطريق مروح

باسمه: 😱منك صدق وإلا تمزح مش انت مجنون

سمير: والله نسوك إنك معي

باسمه: وذلحين كيف أعمل اجلس هنا يله ها شتصل ل صاحب الباص لو عاده هنا شطلع معه مع السلامه وغلقت التلفون وهي تشتي تبكي بكل صوتها بس ماسكه نفسها بالقوه لو حد يشوفها🥹

باسمه: الوو السلام عليكم

صاحب الباص: وعليكم السلام  ها خير

باسمه: لو أنت هنا أشتي اطلع معك البلاد

صاحب الباص: قد انا مروح بالطريق وين سمير نزلتم معي وانا نسيت والله😅

باسمه: هو روح ونسيني هنا أنت وهو يله خير

صاحب الباص: والله نسيت راعي لما أنزل مره ثانيه

باسمه: هو شكله كذا مااعرفش حد هنا مع السلامه وغلقت الخط

ذلحين كيف أعمل اجلس هنا  شخلي الفراش يشتري لي غداء وبعدا يحلها الله😔

اشترت الغداء واتغدت شويه واتصلت عبير بنت ناصر
عبير: الوو كيف حالك وين امي شهادره

باسمه: الحمدلله لمو عمتي عندنا اصلا أني بالمدينه اتعاين إتصلي للتلفون الثاني

عبير: ايه أمي عندكم خلاص تمام مع السلامه

رجع جهاد أتصل
الوو ها ياقلبي كيف حالك مو عملتي

باسمه: نسوني بالمدينه وحكت له كل شي 🥹

جهاد: ...




















📚 @rewayatyamania  🇾🇪

.

البـارت 89 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


رجع جهاد أتصل
الوو ها ياقلبي كيف حالك مو عملتي

باسمه: نسوني بالمدينه وحكت له كل شي 🥹

جهاد: خلاص ياقلبي إن شاءالله مابش داعي للقلق والتوتر كل شي وله علاج

باسمه: بس لا تقلش لزوجتك مااشتيش حد يدري

جهاد: ولا يهمك ماناش أهبل الله يشفيك

باسمه: آمين يارب  مع السلامه



بعد العصر......

صاحب الباص أتصل ل باسمه تخرج من العياده

خرجت باسمه وهي ساكته وهو يبرر انه نسي
وباسمه في نفسها نسيني أخي مش إلا انت الغريب

صاحب الباص: كما شتأخر برجع البلاد قبل المغرب معي البنات الموظفات هنا برجع معاهن عادي

باسمه: عادي هي يوم شلوها من الرأس
ركبت الباص ووصلت على كفتيريا واستراحه  للبنات دخلت هناك وقالت ل صاحب الباص لما تتحرك اتصل لي كما تنسى مثل الظهر😏
.
.

قبل المغرب.....

باسمه رجعت البيت وعمتها فاطمه موجوده وسلمت عليها
وقالت لها عملت فحص للتيفوئيد😅
وسمير اعتذر من باسمه


لا أريد شيئاً يا إلهي ، إلا شيئاً واحداً ، شيئاً لا يُعجزك ، أُريد الأمان في داخلي ، الأمان فقط يا الله ، الأمان من الحُزن والخُذلان ، ووحشة الوحدة والشك ، الأمان من العثرات التي استهلكت عمري ، الأمان من نفسي ، من اليأس ، وهذا هو أكثر ما أخشاه !💔



في المساء.....

جهاد أتصل لعند باسمه

جهاد: مساء الخير كيفك ياقلبي

باسمه: الحمدلله بخير دامك بخير

جهاد: لاتخافي ولا حاجه والله لبيع الغالي رخيص واعالجك لو لزم الأمر  اسافر انا وانت

باسمه: الله يحفظك ويفتح عليك أني داريه كله على ربي

جهاد: وين أمي والبنات

باسمه: امي هله عمتي فاطمه كانت هنا رجعت راحت عند خيزران هذي أمي معك

باسمه قالت ل يسرى لو جهاد والا زوجته يشتوا يهادروني قولي لهم بالحمام (اعزكم الله) مش طايقه نفسي وخرجت الغرفه الثانيه

شويه ويسرى دخلت: باسمه مو بك جهاد مصمم  يشتي يهادرك هو ودنيا قلت لهم مثل ماقلتي قال شيراعي لك

باسمه: 😭 ها

جهاد: مو بك يااختي صلِ على النبي 

باسمه: هذا تليف بالرحم داري مو يعني تليف

جهاد: ولا يوقع إلا كل خير

باسمه تبكي بكل قوتها وخايفه تسمعها أفراح  لانها مش داريه
وقالت ل جهاد يااخي والله أني خايفه من هذا التليف

جهاد: مثل ماقلت لك لاتهمي ولا حاجه دنيا تشتي تكلمك

دنيا: مساءالخير كيف حالك

باسمه: الحمدلله بخير  وانت كيف حالك🥹

دنيا: الحمدلله بخير

باسمه: مرتاحه عندك

دنيا: الحمدلله

باسمه: ماتحتاجي حاجه

دنيا: تسلمي

باسمه: الله يسلمك مع السلامه
وغلقت الخط وقالت كل من يغني على ليلاه🥹

باسمه كلمت يسرى وسهير وفاتن🥹 إنه طلع معاها تليف بالرحم وما كلمت أمها من أجل ماتجلس تهم باسمه ومرضها


بعد فتره قصيره.....
باسمه استخدمت العلاج والمنظم ورجعت عند الدكتوره وعملت فحص الثدي من الدم

الحمدلله طلع الفحص سليم مافيش خطر أبداً

كان الفحص للإطمئنان
والتليف مثل ماقالت الدكتوره بس حاجه بسيطه

فاتن: هيا موقالت الدكتوره

باسمه: نفس الكلام عاد التليف موجود

فاتن: يااختي الله يحفظك لا تصدقيهاش قتلتي نفسك بكاء طيب لو كان عندك تليف وين العلاج  الدكتوره تدي لك منظم بس وإبر قطع النزيف لمو ماتديش لك حق التليف إفهمي
إبصري يا باسمه عمتي نوريه لانه بها تليف كم كان معه علاج وحولوها ل صنعاء

باسمه: قدهي دكتوره يعني تكذب عليا مو مصلحته😭

فاتن: أني من خبرتي إن الدكتوره غلطت بالجهاز نسيتي لما وحده من الدكتورات قالت إن وحده حامل وهي شباب كانت شتسبب بقتل البنت لولا إن الأب راح لدكتوره ثانيه وطلع تكيس بالمبايض والأب حاكم الدكتوره وكان بيقفل عليها العياده

باسمه: أني الصدق شولي عند دكتوره ثانيه حسبي الله ونعم الوكيل


فعلاً بعد فتره باسمه راحت عند دكتوره ثانيه
وحكت لها كلام الدكتوره فوزيه

الدكتوره: عملت لها جهاز وقالت
شوفي عندك التهاب ببطانة الرحم والدم متجلط بجدار الرحم هو اللي يسبب لك نزيف لاتصدقي أبداً بجيب لك علاج وإن شاءالله يروح كل الألم  ، المهم انت ماعندك تليف

باسمه: شكراً جزيلاً يادكتوره طمنتيني والله إن النوم طار من عيني بسبب كلام الدكتوره هذه

الدكتوره رزان: وقفي العلاج الأول واستخدمي هذا لمدة ثلاثه أشهر ورجعتي

باسمه: طيب وشكراً مره ثانيه

خرجت باسمه من العياده وهي فرحانه ومبسوطه  إن كلام فوزيه طلع غلط

كم نتائج فحوصات طلعت غلط منهم من مات من الخوف ومنهم من عاش خائف ودموعه ماوقفت مثل باسمه
الحمدلله رب العالمين 
كل ما مرت به باسمه إبتلاء من الله

فتحت باسمه النت بعد فتره بسبب مرضها مافتحت الواتس اب

يزن: 🖐🏻
😉
😘
وينك

باسمه شافت رسائله
لا حول ولاقوة الابالله العلي العظيم
هذا الآدمي مايفهمش

شويه وشافها متصله...


https://t.me/+Ecxq_OzMYh40M2E0



📚 @rewayatyamania  🇾🇪

.

البـارت 90 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


شويه وشافها متصله
مساء الورد
وينك غايبه

باسمه: مساء النور
موجوده

يزن: لاغيبك وحشتيني

باسمه: لي شهر مقفله الواتس اب عادك ذكرتني

يزن: مله مو اعمل خفت أتصل لك يجاوبني واحد من إخوانك

باسمه: ولا تعمل حاجه ومابش داعي تتصل

يزن: والله

باسمه: والله

يزن: زعلتي مني صح

باسمه: لا زعلت ولا شي

يزن: لمو مله ياذي اضحكي

باسمه: إن شاءالله يوم القيامه الصبح

يزن: ياذي حرام لمو تقولي كذا اضحكي للدنيا تضحك لك

باسمه: لو سمحت تقدر تخلى لي حالي😔

يزن: 🖐🏻
وغلق النت

باسمه: سعيدك عادك فرح اضحكي، اهدري،  فرفشي
استغفر الله العظيم

رجعت تراسل تغريد

تغريد: مساء الفل والياسمين عليك ياقلبي
كيف حالك 😘
باركي لي

باسمه: مساء العسل ، الحمدلله بخير دامك بخير  ، ألف ألف مبروك  خير😍

تغريد: أني حامل لي شهرين

باسمه: الله يجبر قلبك ويرزقك بالذريه الصالحه يارب

تغريد: آمين وانت الله يسخر لك ابن الحلال

باسمه: آمين يارب ، مدري لمو العرسان يطيروا مايقرش واحد

تغريد: الله كريم لا تيأسي

باسمه: لا والله مش يأس الله كريم ويعوض صبري خير😊

تغريد: الحمدلله ،  يله مع السلامه 

باسمه: مع السلامه وغلقت النت
لك الحمد والشكر يارب
.
.

بعد فتره قصيره....

أسأل الله ألا يتضح ثقل الأيام على ملامحي ، ألا أتخلص من غضبي في وجه كل عابر ، وألا أرمي بـألمي في حديث على عاتق شخص او صديق وهو ينتظر صمتي ، أسأل الله دائمًا أن أبدو متماسكاً مهما وهنت وضاءة مهما أظلمت من حولي وعاث بي السواد .


يسرى صبنت ملابس أمها وخواتها وبعد الغداء  نزلت الملابس من السطح وعطفتهن وراحت تحط الملابس بالدولاب 
مشترك بين أفراح ، يسرى ، وباسمه

يسرى فتحت الدولاب  😳
يسرى: 😳 الدولاب مقلوب رأس على عقب منو فتش كذا جلست تتفرج للدولاب وشافت محفظتها الصغيره وفتحتها😱 شافت الذاكرتين  مكسورات
سألت باسمه وفاتن

يسرى: من الذي كسرت حقي الذاكرتين اللي بالدولاب😡

فاتن وباسمه 😳 مدري والله مالنا علم ولا فتشنا حاجه لمو تسألي

يسرى: ها ابصري انت وهي ها مكسرات نصين منو عمل كذا
باقي أمي اسألها اذا هي والا لا

يسرى خرجت لعند أفراح
أمه منو نبش درجي الذي بالدولاب وكسر الذواكر عليا

أفراح: وأني مودريني مش أني 😏ولا

يسرى: يمه كان منو سألت باسمه وفاتن مش هن  فيهن حقي الفديوهات حق الخياطه وتواشيح واغاني إلا انت أكثر من مره وأني ابصر الدرج حقي منكوش ومنبوش نبش وهذه المره والكل رتبت الملابس وشفت المحفظه والذواكر مكسرات عادني باخذ وحده واعملها بالتلفون من ممكن يعمل كذا أكيد انت يمه مو به براسك قولي لي

أفراح: إيه أني كسرتهن هكذا من أجل أرتاح هن شرائح مش ذواكر ولاحاجه😡 تضحكي على عقلي

يسرى: لمو مله يمه تعاملينا كذا تفتيش بعدنا بعدنا لمو🥺

أفراح: أني أم ويحق لي اعمل اللي أشتيه من أجل  احافظ عليكن

يسرى كلمت جهاد بالواتساب عن هذا الموضوع ورجع جهاد أتصل

رن التلفون وجاوبت أفراح
اهلاً بآبني الغالي كيف حالك

جهاد: اهلاً يمه أنا الحمدلله بخير دامك بخير يمه قالت يسرى انك كسرتي حقها الذواكر لمو يمه تعملي كذا

أفراح: عاده تشتكي بي لعندك🥺 بس أني أم  ياجهاد ولازم تعذرني كسرتهن وخلاص اذا تشتي ششتري لها بدلهن

جهاد: يمه الله يحفظك مايصلح تعملي كذا هاتي يسرى شكلمه

يسرى: الو كيف حالك

جهاد: الحمدلله رب العالمين أمي قالت شتشتري لك بدلهن

يسرى: مااشتيش بدلهن تخلينا بحالنا وبس  مانشتي منها شي

جهاد: خلاص أنا ششتري لك ولايهمك بس مااشتي مشاكل مع امي لما أطلع بشوف حل هاتي باسمه وفاتن 

جهاد كلم باسمه وفاتن وغلق الخط
.
.

بعد مرور يومين..

عادل جاء بيتهم هو وسمراء ومعتز وقصي وغرام😍 اتغدوا خزنوا وجلسوا لمغرب ومعتز قال اشتي ارقد ببيت جدي عند أمي أفراح وعماتي


المساء...
فاتن راحت ترقد مع معتز

أفراح: دخلت بسرعه وفجأه هيا ارقدي الوقت متأخر

فاتن بيدها المصحف نقزت على صوت أمها 😳: عادني اقرأ اكمل السوره وارقد

أفراح وعيونها على المصحف وعلى حوالين الغرفه: يله ها معتز رقد ارقدي وخرجت

وفاتن يارب مو هذا جاءت أمي مثل المفجوعه نقزتني الناس ينسوا وأمي ولا تنسى أبداً لك الحمد يارب وغلقت المصحف ورقدت😴








https://t.me/rewayatyamania/47348










📚 @rewayatyamania  🇾🇪

💔


بارتـات يومنـا الثلاثـاء👆🏻😍

.

البـارت 91 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


ثاني يوم بعد الظهر فاتن رجعت من الشغل
بنات محد شافت الصوره حق أمي كانت بالمصحف مانيش داريه وين اختفت

يسرى وباسمه لا والله مدري ماشفنا صوره ولا حاجه

فاتن راحت تسأل أفراح: أمه كان به صوره حقك بالمصحف مدري وين اختفت

أفراح  شافت لفاتن بغضب😡
الصوره معي ماشدي صوره ولا حاجه جالسه طول الليل تقري على راسي

فاتن 😳 علت صوت التلفزيون من أجل محد يسمع صياحهن وقالت
يمه هذه الصوره انت اديتيها لي من نفسك لمو شقري على راسك

أفراح: الا صدق اني داريه والله العظيم شرجع اشتري سم واسممكن الثلاث هكذا وارتاح منكن ومن هرمكن

فاتن: لمو مله يمه مو عملنا هي غلطه وخلاص  انسي الموضوع

أفراح: طيب حسابكن عندي وخرجت من الغرفه

وفاتن طلعت المطبخ وحكت ليسرى وباسمه اللي حصل🥺💔

عدى النهار والوضع زي ماهو


في المساء.....

أفراح مخزنه وجالسه معاها يسرى وباسمه وفاتن دخلت ترقد

شويه وأفراح لحقت فاتن

أفراح: جالسه تقرأي حقنا الفقي وين التلفون اللي تخبيه وسط المصحف وتعملي نفسك تقرأي

فاتن 😳 مو من تلفون والله مامعي تلفون من وين لي تلفون وانتم اخذتم التلفون مني

يسرى لحقت بعد أفراح وهي تعبانه ومزكمه وحمى وقالت
من وين لها تلفون يمه

أفراح: إلا به معاها وأني ابصرت أمس وهي معاها كذا حاجه سوداء تشبه التلفون

يسرى: لمو ما قلتي أمس والا اخذتيه من يدها على قولك تشتي الا مشاكل وتسمعي بنا الجيران الساعه ١٠ الليل يسمعوا ويقولوا مدري مو نعمل  والا كيف نعاملك إتقي الله بنا واصبري لما يجي لنا الموت طالما قد إحنا عاله عليك إحنا أمراض  وانت ماتتقي الله بنا حرام عليك يمه🥹

أفراح: مابش بكن حاجه ماهدرك قدام معتز يرجع يهدر لمن والا من وها اشربي هذه الحبه طالما انت مريضه

يسرى: مابشرب الحبه ولا حاجه يعلم الله مو هذه من حبه وحق مو

أفراح: انت أخبر هذا جزاتي لأنني اشتيك تتعافي

يسرى: مااشتيش ولا ششرب زعم خايفه عليا


باسمه دخلت الغرفه وشافت الوضع قالت😳

باسمه: يمه حرام عليك كل يوم وطلعتي لنا بحاجه جديده وين امي حق زمان اللي تحبنا وتخاف علينا🥺

أفراح: أمك حق زمان ماتت والحب خلاص زلج وكمل مابش حب لو هو عليا ل اسممكن وارتاح

باسمه: يعني خلاص نمسح ايادنا منك تعاملينا  كأنك مرة أبي مش أمي ولا إحنا من دمك ولحمك

أفراح: باسمه انت اسكتي ما اهدرش معك أني اهدر مع هذه الكلبه وتأشر على فاتن

وفاتن ساكته لو جابت كلمه وحده افراح أكيد شتضربها😭

خرجت أفراح وباسمه خرجت بعدها
وباسمه تكلم أفراح يمه ارحمينا مله واعتقينا لوجه الله كل واحده مننا وبها اللي مكفيها أني أمراض بالجمله ونزيف يعلم الله لمو ويسرى كل ساعه ومرضت😭 وفاتن الغده الدرقيه منتفخه وفيها ورم خفيف لمو كذا والله حرام عليك

أفراح: واني مو دريني أنتن ماتقولين لي حاجه

باسمه: لمو انت تسألي مو بنا والا كيف إحنا واصل دعاوي وخرجت باسمه مقهوره وتبكي😭 ويسرى وفاتن يبكين بالغرفه

وعم الصمت على الجميع 🤫🤐


ألا يحق لنا أن نعيش في هدوء وإطمئنان في كنف الأم 
عيشه تملأوها الراحه والأمان
شحبت ملامحنا وهزلت اجسادنا
وبهت جمالنا وصرنا ك أعجاز نخل خاويه😭💔$ خاطرتي


الوضع مستمر هكذا ببيت محمد كأنه اصابته لعنه !!!؟؟؟؟

كل مده وأفراح تعمل مشاكل
ولا احد يعرف السبب....... 💔
.
.

بعد أربع أيام...

أفراح طلعت المطبخ بعد يسرى

أفراح: وين انت لمو فتحتي درج الكمودينو ( التسريحه) وأخذتي التلفون من درجي

يسرى: مو من تلفون بعدا من متى اتعلمنا نفتش  وإلا نمد ايادنا على حاجه سوا شي يخصك وإلا يخص غيرك وبعدا هذا التلفون هو حق جهاد اللي جابه له أمير وانت اخذتيه من الطاقه تظني إنه حق فاتن

أفراح: أنتن تتفقين عليا وتكذبين وفتحتي الدرج وغيرتي التلفونات

يسرى: يعني كل مره تخليني سارقه مو استرق عليك أصه قولي بعد الذي نعمله كله تقولي كذا

أفراح: أني ماقلت سارقه قلت متى اخذتي المفتاح الله يجعل لكن جلطه وجعلني اقبركن على وحده وحده ويجعلني عودي بعيونكي امرضكني

باسمه: طيب يمه والله لاشتكي ل جهاد

أفراح: قولي له زعم شيبسق أذني ونزلت من المطبخ

باسمه عملت رنه لجهاد
وجهاد أتصل

جهاد: الوو القلوب عند بعضها عاد انا خرجت من المحاضره الآن
كيف حالك ياقلبي

باسمه ماقدرت ترد الغصه بحلقها نزلت من المطبخ ودخلت الغرفه وغلقت الباب

جهاد: الو باسمه مو بك

باسمه: 😭أمي ياجهاد أمي نقول له وين أمي حق زمان قاله أمك ماتت وتشتي تسممنا  وتقول فاتن تقرأ على صورتها قرآن

جهاد: يااختي هي ام مله مو نعمل له

باسمه: تعاملنا بما يرضي الله😭 مش كذا تداعي بنا طول عمرنا مابصرنا ولا شفنا منه دعوه حلا

جهاد: خلاص انا شطلع قريب وابصر حل مش كذا





















📚 @rewayatyamania  🇾🇪

.

البـارت 92 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


باسمه: جالسه فوق فاتن تدور بعده وين التلفون  وتقول ل يسرى انها تفتش درجها وتشل تلفون اللي جابه لك امير هيا قل لي وين الراحه لو مش ببيتك وين نحصله حسرنا ياجهاد اقسم بالله أمي تشتي تسممنا

جهاد: زعم إن الدنيا لعبه أنا شطلع وابصر حل لمو تعمل كذا والناس كلهم يعرفوا اخلاقكن وتربيتكن

باسمه: الناس يقدرونا وأمي جالسه دحس فوق راسنا ماعملناش جريمه الله يسامح وأمي ماتسامح ولاترحمنا وتعتقنا لوجه الله
الصدق ابصر لوين تتصل لأمك تمام أمي تتوهم من التلفونات وأكثر من مره أني اكلمك وهي من ورى الباب تتسمع وأني بقفل تلفوني 😭

جهاد: مش كذا يااختي

باسمه: إلا كذا ها كيف انت مش حاسس بالنار اللي بنا إحنا عايشات بجهنم اتصل لأمك للتلفون الارضي والا لعند سهير كرهت التلفونات مااشتيش خلاص

جهاد: بس مله لاتحرقي دمك انت مريضه هدي اعصابك

باسمه: أموت للكلاب ارتاح واريح من وين العافيه والواحد عايش بقلق وتوتر

جهاد: خلاص اعملي اللي يريحك أنا شطلع واعين أمي مو به برأسها وبعدا شنهدر لاتقلقي ولا حاجه 😠

باسمه: إن شاءالله وإلا أني داريه إن أمي خلاص مستحيل تتغير مانيش داريه لمو كل البنات يقولين أمي تدعي لنا أمي أمي وإحنا ولا جبرت قلوبنا بشي إحنا عندها خدامات وبس ونعمل بلقمتنا😭

جهاد: ورجعنا للخبر هذا انتن تاج على رؤوسنا مش خدامات خلاص مله لاتقهرينيش أكثر من كذا

باسمه: طيب ولايهمك مع السلامه ومن ذلحين  شقفل تلفوني
وغلقت باسمه التلفون وخرجت الشريحه وفتحت الغرفه وخرجت 🥹

أفراح: تشتكي بي لجهاد وتعلميه عليا وأني امكم  وتغلقي الباب لوجهي

باسمه: أمه خلاص الخبر عند إبنك سدي انت وهو  وها تلفوني خرجت الشريحه عيني إبنك لوين يتصل لك

أفراح: 😡لك لعينه تشلك تضربك طناح عادك تتخنفري طيب لكن أني شقول لكن كيف

باسمه طلعت المطبخ وماردت على أفراح
وهي تقول أستغفر الله العظيم واتوب إليه
أمي خلتنا نرفع صوتنا عليها سامحنا يا رب🥹

يسرى: مو قال جهاد

باسمه: قال شيطلع ويبصر حل مش كل ساعه مشكله مش حلا الناس يسمعوا وأني خلاص  خرجت شريحتي من التلفون وتبصر أفراح لوين يتصل إبنها الغالي 😏

يسرى: وتسخي على جهاد مش لهذه الدرجه تعملي كذا😇

باسمه: جهاد براسله واتس وإلا تليجرام هكذا يمكن أفراح تفوق شويه وإلا عليا وعلى اعدائي🤨

يسرى: والله مانيش داريه لمو رجعنا كذا مشاكل بيننا واصل ومحد  يقبل للثاني كلمه😔

باسمه: كل مره أقول لك به من عمل لنا عمل حسبي الله ونعم الوكيل
والله إنني حاسه وانت تقولي لااااا على أساس الناس ملائكه انت تبصري أني شاكه بوحده لكن الله يرد كيدها بنحرها اللي ماتخاف الله ولا رسوله

يسرى: اللي يمشي بهذا الطريق عاقبته هوان ومذله من الله سبحانه وتعالى، هيا نكمل عملنا  وبعدا يحلها علام الغيوب

.
.

بعد عدة أيام....

جهاد طلع من تعز مع زوجته دنيا

باسمه وأفراح والكل استقبلوهم وصلوا بعد العصر
اتغدوا وبعد شويه جهاد داعي أفراح لغرفه لحالهم

جهاد: هيا مو يمه كل ساعه مشكله مع البنات مو عملين

أفراح: فاتن الله يشله وارتاح منه معه تلفون  مخبأ وهذا هو

جهاد: أخذ التلفون وقال، هذا التلفون حقي جابه لي أمير وهو طافي مايشتغل وخربان لكن أنا  شكسره من أجل ترتاحي لكن بشرط ولا اسمع هدره بعد هذا كله😠

أفراح: طيب أني إلا من خوفي عليهن😏

جهاد: مش كذا يمه لاتنسي إنه به وحده غريبه بينكم ترجع تسمعك تقول امهن تشهد عليهن  قفلي الموضوع 🤐
واخذ التلفون وطلع السطح وكسره 😳
وفاتن تبكي بالسطح وباسمه ويسرى

جهاد: ذلحين لمو تبكين

يسرى: كسرت التلفون من أجل أمك ترتاح على حسابنا

جهاد: هكذا اقطع الشك باليقين

باسمه: لو هي شتقتنع سهل لكن هي تزيد عتوا ونفورا

جهاد: بعدا لكل حادث حديث هيا انزلين عادنا ضيف والا ماتشتين تجلسين معي
ولفت على فاتن هيا قومي يمكن تكون دنيا حامل بشتري فحص منزلي وانت اعمليه نبصر النتيجه

ونزلوا من السطح


في المساء......

يسرى وفاتن وباسمه
في غرفتهن

باسمه: يابنات ابصركن دنيا كيف طلعت من تعز ياأرض اتهدي ماعليك ادي😏

يسرى: إيه تقولي جاءت من تركيا

فاتن: ههههه تعدل تعامله مع جهاد وهي شتكون تجنن من دون حاجه

باسمه: والله صدق رجعت وقد بها زنط ماكانت كذا بعد العرس

يسرى: كله عمل أمها خربتها على جهاد وذلحين شنبصر كيف تعمل معانا

باسمه: استغفر الله العظيم كنت أقول بعدما تنزل تعز شتطلع وهي سمينه ومرتاحه بس زادت ازيد نحيفه مره😳شفتها اتفاجأت

فاتن: لأنها دحكه وقلبها أسود والا صدق المفروض ترتاح محد عايش مثلها

يسرى: إبصري على أم بنتها على غلط وواقفه معاها وتزيد تعلمه على جهاد

باسمه: ...


















📚 @rewayatyamania  🇾🇪

.

البـارت 93 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


يسرى: إبصري على أم بنتها على غلط وواقفه معاها وتزيد تعلمه على جهاد

باسمه: الغلط غلط وإحنا أمي حدث ولا حرج  جالسات بعد حالنا كافيات خيرنا شرنا وعاده مش عاجب أفراح هانم

فاتن: صدق والله عملت غلطه وأمي ولا سامحتني

باسمه: المهم قدرت اقنع جهاد ترجعي شغلك وهم وافقوا لأنه به منظمه ومع الأيام بحاول اقنعه تأخذي لك تلفوني القديم😊

فاتن: المنظمه ياقلبي باقي شهر وبس تدي لي تلفونك القديم الهشكه هكذك ما اشتيش🤨

باسمه: الحاصل عادك تزنطي وبعدا على ضمانتي  والحذر تعملي شي وإلا شي أني الملامه وبوجه المدفع😠

فاتن: لا والله خلاص توبه الحمار يجدم لسانه مره وحده 😂😂

باسمه ويسرى هههههههههههههههههههه

جهاد اشترى فحص منزلي وفاتن قالت ل جهاد  خليه ل بكره وبعمله لها 

دنيا عملت الفحص ومحد داري😳حتى جهاد

دنيا: تعمل نفسها تمزح وقالت ل يسرى
أني حامل عملت الفحص بالمغرب وطلع حمل

يسرى: صدق الف مبروك

دنيا: ههههه ماتصدقيش أني امزح معك
.
.

جاء ثاني يوم....

فاتن: دخلت غرفة جهاد وقالت دنيا وين الفحص بقول لك كيف تعملي

دنيا: ها قد عملت الفحص اليوم من نفسي🤭

فاتن: متى لمو تعرفي كيف تستخدمي الفحص🤨

دنيا: ها إيه 

فاتن: تمام عادني قلت شعمله لك



بعد العصر....

يسرى تكلم جهاد والكل بالمجلس وذكرى وهدى وآيه بنت هدى، ماعدا أفراح معزومه عند عادل

يسرى: جهاد مبروك دنيا قالت لك إنها حامل

جهاد😳 ألتفت على دنيا وبهرر ورجع لفت على يسرى وقال لااا ماقالت لي ورجع لفت على دنيا متى عملتي الفحص

دنيا افتجعت وقالت اليوم عملته اليوم

يسرى: لاتكذبي قلتي لي أمس على أساس إنك تمزحي

جهاد لفت ل فاتن وانت عملتي له الفحص انت وإلا من

فاتن: لا دخلت لغرفتك وقلت له جي بعلمك كيف تعملي الفحص قالت قدعملته هي، هي تقدر

جهاد: لمو ماتقولي لي جالسه ساكته

دنيا: عادني كنت شقول لك🥹

جهاد: متى شتقولي لي من أمس ماقلتي لي 😡

دنيا: ها مله عملته إلا اليوم

جهاد: أمس وإلا اليوم لمو ماقلتي لي بعد الظهر وإحنا بالغرفه وقبل مانخرج نخزن كنا بالغرفه  متى ناويه تقولي لما تستأذني أمك😡😡

دنيا سكتت مابش رد لأنها فعلاً كذبت ولفت ودارت🤷‍♀️

باسمه: هي عملته أمس طالما كلمت يسرى وهي متأكده ورجعت قالت تمزح  وساكته ، بس لما جاءت فاتن تشتي تعمله لها  أتورطت رجعت قالت لنا عملته اليوم على الأقل تقول لك تفرحك لا تقولنا إحنا😏🤨

دنيا شافت باسمه بنظرات خوف لأن باسمه قالت اللي حصل بالضبط وهي ساكته وباين إنها اتوترت😏

جهاد شاف باسمه وهو ساكت
ورجع بنظره ل دنيا وهز رأسه بمعنى طيب أنا  شقول لك كيف


الكذب حبله قصير مافي داعي للكذب ، بين الزوج وزوجته هذه تجلب المشاكل والتوتر بالعلاقه كونوا صادقين مع من تحبوا  خاصه اذا كان الشريك يبذل جهده لاسعادك ويغفر زلاتك بإستمرار💔

وصارت مشكله بين جهاد ودنيا

باسمه تقول والله ماقصدنا نعمل مشكله بينهم  قصدنا نبين ل جهاد  إن دنيا تكذب عليه وتستخف به وتمشي على قول أمها واختها وجهاد عارف بكل شي لأنه مخترق الواتساب حق دنيا بس مطول باله ومنتظر تتعدل بمعاملتها معه وتحترم مشاعره وتقدره لأنه طلباتها أوامر وأهلها مستغلين هذه النقطه ودائما جهاد يسمع ويقرأ رسايل دنيا واختها

لاتكوني تقولي ل جهاد طيب ولا حاضر قولي له أني آلفه وعارفه وأني أشتي واشتي ووووو
وجهاد يصبر نفسه لعل وعسى وينصح دنيا
لكن دنيا ولا معبره له أهم شي أمها ترضى عليها وتنفذ خططها🤔🤷‍♀️

باسمه: أشتي اقول لك حاجه انت وفاتن

يسرى وفاتن ها خير

باسمه: تذكرين العريس اللي كان عمي سلطان جابه لي بعرس جهاد على أساس اتزوج مع جهاد 😔

يسرى وفاتن: مو بينه😳

باسمه: أهل العريس ما اعتذروا ولا غيروا رأيهم ولا معاهم ظروف

يسرى وفاتن: هيا قولي مش وقت الألغاز

باسمه: بس الكلام بيننا
تعرفين طبعاً إن عرفات بنت خالتى خيزران  اتزوجت على واحد مزوج ومعه بنات عمي سلطان هو اللي غير رأيه وقال لهم معي بنت زوج صهيرتي بقرية ال.......

روحوا لهناك وأنا شكلم زوج صهيرتي وعلى ضمانتي
ووقع العرس بعد عرس جهاد بأسبوع🥹

يسرى: وانت مو دريك

فاتن: يمكن ناس ثانيين مش هم

باسمه: إلا هم ونفس العريس
تذكري يوم جاءت سمراء مرة عادل أخي بعد عرس جهاد
قلت لها عرفات عامله حالات لبنت زوجها اتزوجت لوين
وسمراء اتوترت وقالت هااا إيه اتزوجت لقرية ال........
قلت لها سبحان الله هو إلا نصيب وسمراء سكتت ، ومعه قطعة أرض بشارع ال........
يعني الأمر مدبر من الأهل

أشتي أدري لمو عمي يعمل معي كذا😔 كأنه متقصد يحرق دمي ويهينني بسبب مشكلة فواز اخو زوجته وبسبب بيت جلال

حتى سمير قال لي العريس...

https://t.me/+Ecxq_OzMYh40M2E0



📚 @rewayatyamania  🇾🇪

.

البـارت 94 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


أشتي أدري لمو عمي يعمل معي كذا😔 كأنه متقصد يحرق دمي ويهينني بسبب مشكلة فواز اخو زوجته وبسبب بيت جلال

حتى سمير قال لي العريس اللي كان لك عمي جابه لبنت زوج عرفات قلت لسمير أني داريه رجع سمير سألني من اين دريت قلت له من شان سمراء واتأكدت بوقتها انه نفس العريس سمير قال له واحد من الاسره حقنا مارضي يقول لي من هو

يسرى وفاتن وباسمه
حسبي الله ونعم الوكيل على كل ظالم لا يؤمن بيوم الحساب


إنهزامات متكرره، وخذلان، ونوايا غير صافيه  ، ليس لها معنى
اشد أنواع  الخذلان ، خذلان الأقارب
كفى بربكم ، لا نملك قلوب من حديد نحن بشر  ، لاتتلاعبوا بمشاعرنا ماحدث ليس صدفه، إنما حدث بتدبيركم ، الاناني

دائماً عمي يقول من سمح قلبه عاش
بس هو وزوجته فتحيه وخالتي خيزران عاشوا بس ماسمحوا قلوبهم
جالسين ينتقموا مني على غلطهم
وأي عريس يجي لعند سلطان يقول ماليش دخل ببيت أخي محمد هم مايحترمونيش والبنات رافضات الزواج
كل هذا عشان أفراح رفضت تزوج فواز بن خيزران منال لأنه كان يشتي باسمه
١٥ سنه والانتقام ماخلص أبداً والحقد والكراهيه

حسبي الله وكفى سمع الله لمن دعى


طبعاً وضحت لكم لأنه الحقائق بتنكشف في البارتات القادمه
والمستور يبان ويكون واضح وضوح الشمس
والكل راح يشوف كيف كان إنتقام خيزران  وفتحيه ومعاهم سلطان 😭😨🤔
.
.

ثاني يوم من مشكله جهاد ودنيا.....

فاتن طلعت تغسول بعد الغداء وأفراح لحقتها

أفراح: وين انت جالسه تدوري التلفون وفتحتي الدرج وخرجتي ورقة العقد حقي للدولاب😡

فاتن 😳: وهذا متى يمه لافتحت الدرج ولا خرجت ورقة العقد ولا أني داريه إنه ورقة العقد حقك موجوده

أفراح: إلا انت جالسه تدوري الجواز حقك مو تشتي به

فاتن: والله يمه لا فتشت ولا حاجه والجواز حقي عندك من أول ما اديه جهاد لمو زعم اشله سكته 🥹 مابصرك الجواز حتى مره وحده


في الوقت نفسه

باسمه: يسرى وين أمي 😨

يسرى: مدري تقولي لحقت فاتن😳

باسمه: أكيد إطلعي بسرعه للمطبخ

يسرى طلعت المطبخ وأفراح موجوده وقالت هيا مو يمه مو عمله فاتن

أفراح قالت ل يسرى من شان تفتيش الدرج 😡

يسرى: هيا قولي لنا ذلحين مو براسك تشتينا نموت ونسكهك شغلنا صح! كل مره وانت تطلعي لنا بخبر بس مشاكل مله إرحمينا واعتقينا لوجه الله😠

أفراح: الله يشلكن من بين البنات اشغلكني بروحي إنزلي إتبكبكي لعند جهاد تمام

يسرى: جزيك الله خير ولا شبكي ولا شقول حاجه ها سكتنا🤐

نزلت أفراح من المطبخ

وباسمه طلعت الدرجات بسرعه
دخلت المطبخ وشافت فاتن ويسرى يبكين😳 وقالت مو معه اليوم أمي من خبر

فاتن قالت لباسمه كل شي

باسمه 😳: ورقة العقد قد لها يومين بالدولاب لما كانت أمي عند عادل بدرج أمي أني فتحت الدولاب ادي من درجي ملابس لي والورقه كانت  طارفه وتبان ابصرتها قلت إنها بصيرة البيت قرأتها ورجعتها مكانها🤔 يعني أمي خليتها هناك  بالعاني وعن قصد😳 أوه أمي على خطيره
خرجت الورقه وراحت عند عادل على أساس فتشنا درجها وهي مش موجوده

فاتن: لكن والله ماهو أني ولا حاجه ملابسي أصلا مش بالدولاب ولا أني داريه وين المفتاح 😭

باسمه 😭: أني داريه ولا حتى أني وداريه ولا يسرى

يسرى 😭: أمي رجعت راحتها المشاكل

كملين بكاء ونزلين من المطبخ 💔

جهاد خرج من غرفته وشاف باسمه وقال:
باسمه مو بك عيونك مورمه كذا😳

باسمه: مو بيني ولاحاجه اتعود تبصرنا كذا ☹️ وإلا يمكن من الصداع ماقدرت أرقد سع الناس

جهاد: أمي مو عمله 😡

باسمه: مو عمله هههه ولاحاجه لمو أمي تعمل حاجه غلط أمي مابش سعه

جهاد: باسمه قولي مو عمله معاكن

باسمه: ماعملت شي أقول لك يمكن من قلة النوم  وانت داري أنني أجلس اترائي واحلم احلام مزعجه ومخيفه😔

جهاد: إن شاءالله شعين وادور راقي موثوق به وارجع اخليك تسرحي عنده هكذا الشي زاد عن حده

باسمه: إن شاءالله وإلا المقبره فساح

طبعاً البنات ما قالين ل جهاد من أجل ماتزيد المشاكل كتمين الغصه وسكتين😔🤐


جهاد: كم مرات أقول لك لاتكوني تقولي كذا 😠

باسمه: لمو أني من المنظرين والا كيف ، الموت علينا حق

جهاد: مايموت الإنسان إلا وفاة أجل إصبري وربي يجزيك على صبرك خير

باسمه: الحمدلله رب العالمين
.
.

مرت ٣ أيام بدون أحداث مهمه
ورمضان كريم🤭

جاء رمضان والقلوب موجوعه 💔

الحجه كاتبه مرضت ثاني يوم رمضان
وكل الأهل راحوا يزوروها لعند سلطان
ويدعوا لها بالشفاء 😔

وبعد ٨ أيام من رمضان...



















📚 @rewayatyamania  🇾🇪

.

البـارت 95 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


وبعد ٨ أيام  من رمضان
قبل المغرب عادل ببيت سلطان أتصل لتلفون باسمه

باسمه شافت الرقم والدم جمد بعروقها😨
جدتي ماتت

جاوبت عادل: السلام عليكم ، ها عادل خير

عادل: وعليكم السلام كيف حالكم ، أتصلت اقول لكم إن مرة مختار بن عمي سلطان اولدت وجابت بنت

باسمه: الحمدلله بخير دامك بخير ، فجعتني قلت مدري مو حصل

عادل: ههههه افتجعتي مابش حاجه قلت أقول لكم يكون عندكم خبر

باسمه: الحمدلله على سلامتها مع السلامه وغلق الخط وجلست على ركبها وهي تختظل(ترتعش) وتقول الله يسامحك يا عادل حلقت تتصل ذلحين

رجعت باسمه قالت لهم كل شي بس باسمه مرضت وحصل معاها حمى وعملت إبر وحبوب😔
وقررت تعمل تلفونها وضع طيران ✈️ من أجل  لو حصل حاجه ماتتلقى الفجيعه هي


وفعلاً مرت عدة أيام من رمضان وباسمه مفعله وضع الطيران✈️

في أواخر رمضان
عادل يتصل بس تلفون باسمه مغلق

روح سمير من عمله وأفراح نازل والبنات بالمطبخ

سمير: أمه وين أنتم عادل يتصل وباسمه تلفونها مغلق 

أفراح: من بعد فجيعة باسمه قالت تقفله ماتشتي فجايع لمو خير

سمير: هو صدق كانت فجيعه صح ل باسمه إلا كان شيقول لكم إن خالتي جوهره حصلت لها جلطه واسعفوها أمس بالسحار وحالتها خطيره😔

أفراح 😱 ياقهري عليك يااختي عاده قبل خمس أيام عندي😭

وباسمه نزلت من المطبخ وشافت أمها تبكي:
أمه مو بك لمو تبكي

أفراح: خالتك جوهره حصلت لها جلطه وووووو

باسمه شهقت ومسكت على صدرها😱
خالتي جوهره
متى حصل هذا🥹

أفراح حكت ل باسمه كل شي
وقالت الصدق كانت شتوقع لك فجيعه صح

باسمه: والله إنني حاسه إنه به حاجه شتوقع  لذلك عملت تلفوني وضع طيران بس مش متوقعه إنه خالتي جوهره كنت اظن إنه جدتي كاتبه، لاحول ولاقوة الابالله العلي العظيم

والكل بعد صلاة التراويح راح يزور جوهره 😭 وحالتها تقطع القلب 💔

أفراح تسأل اروى بنت جوهره
كيف أختي ذلحين مو قال لكم الدكتور

أروى: 🥹الدكتور ادي لها علاج قال الجلطه بسبب الضغط كان مرتفع  ٢٦٠ وقال إحتمال أمي تجلس معاقه لانه إيدها ورجلها ماتقدرش تحركهم

فاتن: كنت أقيس لها الضغط وهو مرتفع واقول له ياخاله استخدمي علاج للضغط وهي ماترضيش 🥹

يسرى: الله يشفيها ويعلم بحالها🥹

باسمه: الحمدلله على كل حال الله يشفيها ويخليها قدامكن والله إنه قهرنا على خالتي من داخل قلوبنا😭

أروى: آمين يارب العالمين أني داريه انكن تحبين أمي ادعين له ربي يقيمها بالسلامه

أفراح: والله إنه ندعي لها 😭

أروى: ذلحين حولوا أمي رقود ب مستشفى ال.......  شنطلع بكره إن شاءالله

أفراح: الله يشفيك ياجوهره ويعلم بحالك

وجلسين للساعه ١٢ ليلاً  لانه رمضان ورجعين البيت💔


ثاني يوم وطبعاً  الكل يعرف سحور وفطور وصلاه ووووو
واجواء رمضانيه حزينه😔💔

عادل بعدما سلم على الكل وخزنوا عادل وسمراء وعياله وأفراح والبنات، وجهاد ودنيا

عادل: يمه قلك خالي عبدالرحمن مريض بالسعوديه ومصاب بفيروس كورونا له ثلاث أيام عاد إحنا درينا أليوم  وقلت أجي اخزن عندك وابصر انت داريه والا لا

الكل بحالة ذهول😳😱

أفراح: لا والله مالي علم ياقهري عليك يااخي مش داريين عنه بحاجه 😭

الكل لاحول ولاقوة الابالله العلي العظيم

باسمه في نفسها جدتي وخالتي، وخالي 🥹 مدري كيف رمضان هذا من اول رمضان وأني بي ضيق مايعلم به الا الله وكل يوم أصلي تهجد واجلس أبكى مانيش داريه لمو لاحول ولاقوة الابالله العلي العظيم كنت حاسه إنه في حاجه بس ماتوقعت إنه ثلاثه يمرضوا كذا بشهر
الله يحسن ختامنا ويشفي مرضانا ومرضى المسلمين ، خالي عبدالرحمن عاش غريب وزاد مرض بالغربه ووحيد 

سمير: عاد إبنه عزام ناوي يخرج ذلحين يجلس عند أبوه

أفراح تبكي وتقول اختي وأخي مرضوا محد داري مو مكتوب له😭
واقتلبت الجلسه حزن 😔💔


باقي للعيد ثلاث أيام بين توديع رمضان وإستقبال العيد وبين قلوب حزينه على مرضاهم😔

جهاد: باسمه متى ناويات تروحين السوق تكتسين

باسمه: العيد عيد العافيه مالناش نفس وبه مرض بالاسره

جهاد: الله يشفيهم  معاهم رب أرحم من الوالده على ولدها ، لكن ضروري من أجل افرغ نفسي تنزلين مع دنيا

باسمه: يسرى هي تتولى الكسوه مثل كل مره

جهاد: وانت إنزلي معانا

باسمه: أني وفاتن نعمل العشاء وأنتم انزلوا مع يسرى وسهير ناويه تنزل معاكم

جهاد: تمام على ماتشتي
خلاص يايسرى نصلي ظهر وننزل السوق إن شاءالله

يسرى: تمام لكن اقيمك تقم بسرعه

جهاد: اكيد 😅لما معي عمل أقوم طلقه وإلا شتنكري

يسرى: إيه داريه بس أمزح معك😇


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 96 ⇩


وإن لـم ينصفني أحـد سينصفني القـدر ❤


👌🏻👇🏻 😍
📚 @rewayatyamania  🇾🇪


بعد الظهر...
نزل جهاد مع دنيا ويسرى وسهير 😇
وباسمه وفاتن عملين العشاء

وكانت الدنيا مطر وتعبوا بالتسوق🤭
أذن مغرب وجهاد واللي معه بالطريق
صلوا مغرب واتعشوا
وووو
وكسوة العيد شافوها بعد صلاة التراويح

يسرى اشترت فساتين نفس التصميم طويله وبكم واحد، والالوان مختلفه

جهاد اشترى لدنيا فستان على ذوقه ومن الإبره للصاروخ بحكم إن كسوتها قليل وادوات مكياج ووووو

جاءت هدى وبنتها آيه

دنيا داعت آيه لغرفتها

دنيا: جربي حقي الفستان ، كيف هو

آيه: جربت الفستان  ماشاءالله حلو يجنن، مبروك عليك

دنيا: 😏ماعجبنيش  ، كنت أشتي مثل اللي مع البنات
على دخلة جهاد ودنيا تقول ل آيه ابيعه لك

جهاد 😡 لمو ماعجبكش وبعدا الفساتين اللي مع خواتي مابش رقم صغير كلهن إكس إل  xl 

دنيا سكتت وآيه وجهاد خرج من الغرفه وآية  بعدت الفستان وقالت ل دنيا الله يشلك ياهبلاء خالي زعل منك

دنيا: سهل هو صدق ماعجبنيش وعاده واسع عليا والرقم صغير😏

آيه 🤨أني مو دخلي وخرجت من الغرفه

دخلت فاتن: دنيا هاتي لي الشرابات هذه 🤭

دنيا: لا هذه اعجبتني شدي لك بيس اشترى لك مااشتريت إلا هذه بس🤨

فاتن: لاتصدقيش أمزح معك به معي ملان هههههه وخرجت من الغرفه

جهاد: يسرى  بعدا  شدي لك الفستان حق دنيا  سرحيه عند الخياطه تخصوره

يسرى: طيب إن شاءالله

جهاد: جربتن الفساتين وطلعوا تمام

يسرى: أيوه تمام

جهاد: سامحني ياخواتي على التقصير

باسمه ويسرى وفاتن
تسلم الله يفتح عليك ، ولا به تقصير ولا شي مابعد هذا إلا بوقه وتبذير😇الله يفتح عليك

وجهاد في نفسه ودنيا ماقالت لي حتى الله يفتح عليك 🤐 وعاده ماعجبها شي


الساعه ١ فاتن ويسرى وباسمه يصلين تهجد
فجأه 😱يسمعين صياح

باسمه: صوت صياح من وين هذا الصوت😳

طلعت تجري من الدور الارضي من بيت سهير  لأنه أمير مسافر وهي تونس سهير
طلعت الدرجات بسرعه
وجهاد ودنيا صوتهم مرتفع

ودنيا فتحت باب الغرفه ياعمه جي ابصري إبنك

أفراح دخلت بسرعه ، خير مو بك لمو تبكي  وتصيحي😳


يسرى دخلت وباسمه انتظرت وتسمع من خارج والباب مفتوح

دنيا: إبنك ضربني كله بسبب بناتك😭

يسرى: وإحنا مو دخلنا بسببك انت ياكذابه

باسمه😡 دمها يغلي بس ساكته🤐 وتسمع من خارج وتقول مو عملنا😳

.
.

بَكيت
لأن كلَ شيءٍ
عبارةٌ عن استنزاف
وأنا متعبٌ
من توسلِ الأشياءِ الجيدةِ
كي تَحصل ..!!


جهاد: كسروا لقفك مو دخل خواتي الموضوع  بيني وبينك😡 هو حقك الكذب واللف والدوران

أفراح: ذلحين مو به فهموني

دنيا: ياعمه أني اشتريت زوج شرابات وفاتن  تشتي تشلهن عليا وكنت شدي لها بيس تشتري قالت معه (ودنيا تصيح بكل صوته)

أفراح: مله إسكتي يا دوشانه سمعتي بنا الناس وعملت يدها على لقف (فم) دنيا


دنيا: بعدت يد أفراح وقالت جهاد يدافع مع خواته

جهاد: ورجعه تقول خواتي قلتي معك شرابات وحده  وهذا مو هو 😡ها
من كل شي اشتريتي ٢ وتخبي نصهن  وحده لك ووحده  لأختك وحاموره لك وحاموره لاختك  اتزوجت وحده وإلا ثنتين اقول لك عيب عليك كوني محترمه

دخلت باسمه وهي ساكته وجهاد قرب من باسمه ومسك يدها وخرجها من الغرفه 😳

باسمه في نفسها موبينه جهاد خرجني أني ساكته لكن طز يحرقوا☹️

أفراح: خلاص صلوا على النبي واذكروا الله

جهاد: لا إله إلا الله محمد رسول الله ، خلاص يمه اخرجي انت ويسرى

خرجين من الغرفه......

وجهاد ودنيا عادهم يتصايحوا غلق جهاد باب غرفته

دنيا: والله إنني شتصل لأبي لو أنت رجال طلقني أني أكرهك وما اشتيش منك كسوه مانيش بحاجتك رجلي هذه😭شلبس من اللي معي

جهاد عمل لها كف ثاني: أنا رجال غصباً عن عينك وعين أهلك 😡 تلبسي من حقك على أساس معك ملابس سع الناس جيتي عندي بشنطة بيتكم ملابس زفت هو معك فستان واحد حلا والباقي  زفت سرقوا شرطك كله ، هيا خليهم ينفعوكي

دنيا: سهله الحاصل شخليهم يكسوني هم

جهاد: والله لو يدوا لك حتى خيط واحد لحرقه قدامك وقدامهم

دنيا: جالس تذلني زعم مابش معي أهل

جهاد: اوص بس ماسمعتك إلا انا مش معبرين لك ولايضربوا لك إتصال إلا لما تتصلي انت وعاده اتصالهم كل تعلمه لك خربوكي وشيخربوا بيتك
واخذ تلفون دنيا اللي صلحه بعد العرس  ، والتلفون هذا من اليوم واليوم مابش تلفون ، ويشتوا يتصلوا  لعندي

دنيا: التلفون حقي مالكش دخل به

جهاد: أنا حر مااشتيش زوجتي يكون معاها تلفون😡

دنيا جلست تبكي ومقهوره😭
وهي بالاصل سبب المشاكل بينها وبين جهاد  لو حكمت عقلها وكسبت زوجها أفضل لها من هذا كله

دنيا رغم صغر سنها بس خطيره وتصدق أمها  وهي كأنها مغصوبه على جهاد اتزوجت به عشان دفع متطلباتها يعني زواج مصلحه 😏
باعوها بالفلوس ولازم يكسبوا من وراها💵
للأسف من يفكر بالمال يخسر كل شيء




















📚 @rewayatyamania  🇾🇪