.

البـارت 21 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


بدر: لا تسبريش غداء اليوم

حور: للمه شابع

بدر: ماشي ميت جوع بس قلت نتغدى خارج وبمكابره لاجل الجهال يغيروا جو وتتحسن نفسيتهم

حور بابتسامه ملان وجهها وفرح: صدق

بدر: ايوه صدقين مش الا صدق

حور: يوووه جبرك مااحلاك وانت طيب صدق بسام والله

وبصوت عالي داعت جيهان وجهران: جيهااااان جهرااااان هيا هيا ابدل لكم قبل ما يغير ابوكم رأيه


في المطعم: حور جالسة وباستغراب بتشوف كل شي حولها اول مره تدخل مطعم في حياتها بدر بيشوف التعجب في وجهها

بدر: مالش مطننه

حور استحت: لا بس اول مره

بدر: احلفي

حور: والله سعم ماتعرفش ابوك مايخلينا نتنفس واصل طبخ لضيوفه ورجاله وعدني بسام يرجع يرويني المطعم بس سافر ولا عاد وفى بوعده


بدر: قد انا بدل اخي شاوفي بوعده طلب لهم اكل وبدات تاكل بهدوء وحسها في عالم ثاني


حور داخلها (ليت الصدف تجمعني ببحور ياريت واشوفش مدري كيف حالتش جاوعه والا شابعه بتضحكي والا بتبكي ياريت واشوفش صدفه مستحيل انسى ملامحش والله لاعرفش من بين مليون) تنهدت وغصت بالاكل وعيونها املتين دموع

شافها بدر وكيف سارحه شاف عيونها كيف امتلين دموع

تنحنح بدر بقوه يشتي يكسر الصمت اللي بينهم ويكلمها

بدر: مالش كأنش تشتي تبكي

حور مسحت دمعتها: من قال

بدر: عيونش الحاليات قالين

حور استحت منه: ولاشي غير ذكرت امي جليله

بدر: عنسافر قريب وترجعي تعيشي عندها

حور بتلعب بالملعقه في الصحن: امممم وغدير

بدر يشتي يشوف ردة فعلها: شاردها فوق عيالها

حور: امممم الافضل انك تردها وتبطلوا عناد   وبصراحه كنت اشتي اكلمك اصلا بس قلت مااشتيش ادخل بينكم بس شارجع اكلمك لما العيال مايكونوا موجودين بيننا مايسبر اصلا يسمعوا المشاكل والحورات هذه


بدر ذكر غدير والمشاكل بينهم لما يجي ابوها ياخذها ويتصايحوا قدام عيالهم وكيف يبكوا بعد امهم لما يشلها ابوها وكيف حياتهم مشتته مافيش فيها استقرار بيقارن الهدوء اللي عايش فيه هذا الاسبوع مع حور وكيف عياله مرتاحين ومبسوطين وكيف غدير مريعة ينكسر ويجي لها مثل كل مره ويتراشاهم يرجعوها له وفعلا كل مره يحتاجها وبيسوي لها كل شي وتنكر كل شي بيسويه لها ولا حتى كلمه امتنان وشكر له ولا مره حسسته بقيمة الشي الذي بيسويه لاجلها مريع للإتصال منها تطمن على عيالها مريع رساله اعتذار منها على كلامه الاخير لها صح اني تزوجت حور بس والله ماغيرش مره ضمها صدري حور هي حور مابش بيننا شي اخر كلام رسله لها قبل مايسافر الحديدة مريع لردها بس كثر الانتظار احيان يفقد شغف القلب

.
.

عند حور بعد الايام الهادئه اللي عاشتها في الحديدة بعد معرفتها ببدر تعلمت ماتحكم ع الناس من مظاهرهم


وصلوا صنعاء مجرد ماشافت البيت تذكرت يوم عرسها وكيف سارت من هذا البيت وكأنها ارتكبت خطيئه

يوم عرسها الذي ما قد فكرت انها تتعرس وتصبح عروس تزف الى شخص وكل ما فيها ينزف



#قبل ثمانية شهور

حور وهي بتبكي: يمه قوى انا فدالكم حاكوا الشيخ كيف كيف اتزوج بدر هو مزوج مايشتيني ماله ابي بيفعل هكذا احنا اخوه في بيت.. وغدير كيف هو مزوج ماعتقل مرته هو يحب مرته بتبسريه كيف بيدلعها ولا بيرفض لها طلب بتبسريه كيف بيفعل لها كيف اتزوج به (وبانهيار وامها بتضمها يمه قوى قلوا له ماشي قلوا لبسام يجي يشلني هو وعدني اسافر وادرس يمه قوووى


جليله كانت تشتي تتكلم بس قاطعها دخول الشيخ


الشيخ: اسمعي ياحور وكلمتي ما تقع ثنتين عرسش الخميس الجيي يسالش الشيخ ع بدر لانتي موافقه قلي ايوه ماشي والله ليقع اخر يوم في عمرش وعمرها هذه الذي بتزيد لش الغنج والدلع وبحنيه مصطعنه: اسمعي يابنتي مااشتيش تخرجي من هذا البيت اشتيش عندنا واصل وبحيله بيجوا لش ناس خيرات ومااشتيش تخرجي وتبهذلي بي عندهم قلت لبسام وبدر واحد منهم يزوجش بسام قال يشتي يدرس وانتي مثل اخته وبدر وافق وقال عيتزوجش هو


حور بترجي فلتت حضن امها وسارت لعند الشيخ: ابه ياابه قووووى مااشتيش هم اخوتي هم ساع اخوتي كيف اعرس عليه وهو مزوج كيف اتزوج ومعه عيال ترضاها لي


الشيخ بهنجمه وحزم: ارضاها ونص بدر رجال وسيدهم  لا تخافيش يا حور ماشاطرحش في بقعه الا وانا داري وين شاشلش وخرج

حور: ولا رضي يقتنع يمه قوى خلوني احاكي بسام يمكن يلقى حل

جليلة وهي بتضم حور وتمسح ع شعرها: يعلم الله ما في راسك يا شيخ


تنهدت حور ونزلت من فوق السياره دخلت الصاله وشافت جليله قدامها ضمتها بقوه وكان وجهها منور وبتضحك بعكس ما شلها بدر كان وجهها كله حزن وكآبه تذكرت يوم ضمتها لامها في يوم عقدها


حور بتبكي: يمه كيف يشلني الحديدة...






















📚 @rewayatyamania  🇾🇪

.

البـارت 22 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


حور بتبكي: يمه كيف يشلني الحديدة واعيش هانك يمه مااشتيش افلتش قلي للشيخ اجلس هانا ليش سعم يقهرني هكذا عرس قال مابش عرس ولا عيفعل لي شي لاجل غدير ماتعرفش بشي وانا ماذنبي اتزوج بدر وانا مااشتيه وزيد يخرجوني ساع الجنازه بدون شي ليش الدنيا هذه ظالمه لي قوي يمه


جليلة وقلبها بيتقطع ع حور وكذبت عليها: يابنتي عتسيري بس شهر العسل وعترجعي واذا ماادوش شاجي انا عندش وبدر والله انو طيب ومابش مثل قلبه صدقيني

صحت حور من سرحانها ع صوت جليله: حور ياحور

حور: ها امه

جليله: مالش يابنتي مطننه

حور: ولاشي غير ذكرت حاجات وابتسامة تخفي ذكرياتها الموجعة ايوه قلوا لي بتشربوا العلاج بانتظام

جليلة: ايوه بتذكريني يوميه غير هذه الايام مدري مالش نسيتي امش

حور بدلع ضمت امها وطرحت راسها في صدرها: ماسخاني عليش ياام بدر غير الجهال جوا وشغلوني عنش

بدر شافها وتحيلا لها ولكلمتها ام بدر


جليله: عقبال ما يشغلوش عيالش والكل الله يوصلني لليوم اللي اشل عيالش في يدي

حور ابسرت بدر بنظرة وقلبت عيونها وذكرت


بدر يوم عرسهم من لما سافروا من صنعاء لما وصلوا الحديده ماتكلموا ولا بكلمة غير انفاسهم كانت سيدة المكان وصلوا الحديده ونزلوا للفله حق الشيخ الذي في الحديده


بدر بعد مااستراح في كنبه تنحنح وبدا يرتب كلامه اللي عيقوله لها: حور

حور ساكته

بدر: اسمعي يا تربيه بيت الشيخ

حور وجعتها هذه الكلمة بقوه

بدر: الشاهد الله اني اشوفش ولاشي مالش بقلبي مكانه بس الشيخ حلف يمين لو مااتزوج بش ليتبرى مني انا مستقر بحياتي مع غدير وهي ام عيالي ع العموم انتي واجبي نحوش ارعاش لان قدش في ذمتي بس انا عمري ماشاعتبرش زوجتي وادي حقوقش واظلمش معي هي فتره ابري يمين الشيخ واطلقش ومحد عرف اصلا اني تزوجت بش فنصيبش عيجي لش انا شاجلس معش بقوه اسبوعين لاجل الشيخ مايحس بشي وارجع صنعاء شاكن اجي يوم في الاسبوع اطمن عليش وامشي تطمني انتي مع عمي احمد ومرته وبناته خارج في المزرعه نعرفه من زمان فانا مطمن عليش من هذه الناحيه والغرف خيرات اختاري لش غرفه وخليها لش وانا شرقد في اي غرفه (وبنره حاده) ولو حد يعرف بسر علاقتنا ياحور ياويلش مني تقلي حتى لامي بهذا الكلام مفهوم


حور داخلها ضابحه وبتسمعه سكته ولا ردت عليه هزت له راسها بمعنى مفهوم ومشيت طلعت وداخلها بيقل (ع اساس انا اللي اشتيك الحمدلله جت منك مش مني لاني كنت اصلا اشتي اقلك نفس الكلام وانا مااشتيك الحمد لله يارب..


(بدر بعد ما قلبت حور عيونها ابتسم داخله من حركتها وقال مالها هذه البنت مهفوفه مابش عقل ساع الجهال وذكرها في الحديقه لما شلها هي وجهاله كيف جننت ولعبت ونست نفسها وكأنها بعمر جهران وجيهان ذكر صوتها وهي بتداعيه من فوق اللعبه يصورهم وكيف لما كانت تشوفه تفعل له بيده حركه بيباي (فهمتوا هذه الحركه كلنا كنا نسويها😂🙈)


جليلة لاحظت عليه ابتسامته وسرحانه

جليلة: ييييه بدر مالك مطنن انت وهي كل واحد يعلم الله وين حسه شاقوم ادي لكم عشاء

حور: والله ماتدوا حاجه انا شابعه والجهال قدهم راقدين وبدر مخزن لمن عتدوا واذا جوعنا شاقوم انا ماعليش انتي شي وباست يداتها


جليلة: خلاص غرفتكم جهزتها في الدور الثالث تيك يا حور الذي معاها جناح وحده والجهال عيرقدوا عندي لما نبسر ماعيفعل هذا مع امهم


بدر دعمم وبيفكر في الغرفه الذي جهزت لهم امه


حور: ليش غرفه يمه وحركات شرقد في غرفتي فاقده لها قوي وبدر يرقد في الغرفه هذه

جليله: يوه مايسبرش يابنتي


حور كانت تشتي تتكلم بس ردها بدر بنظراته وذكرت كلامه لما قال محد يعرف بعلاقتنا قلبت عيونها مره ثانيه: حاضر يمه غير قلت لاني فاقده لها ارقد فيها

جليلة: اين ما رقدتي يرقد زوجش معش.

حور شافت بدر وبدر رفع حواجبه ومبتسم

حور داخلها: ماله هذا بيشنخر واصل مصدق روحه





















📚 @rewayatyamania  🇾🇪

.

البـارت 23 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


بحور: مالك طننت

زياد: لحظه لحظه

بحور: مالك مابتدور في التلفون

زياد: والله انو نفس الاسم

بحور: اي اسم

زياد: لحظه شلوش الجن كيف بتربشي واحد

بحور: شلوك انت ماانا وبمحانكه عادنا اشتي اتزوج

زياده بسرها بنص عين: ابسري يا تتزوجي هذا قابوس ال.... نفس الاسم الذي وقع على عمليه امش اللي سوت الحادث هي وابوش نفسه الفنان التشكيلي قابوس ال....ابسري ها الاسم


بحور بتشوف صفحة قابوس في تلفون زياد وبتشوف الاسم والتقرير في يدها نفس الاسم

بحور: يعني ايش

زياد رفع كتوفه: بمعنى مدري

بحور بعصبيه: لا تقلش مدري يااخي حلل معي خمن فكر شغل مخك

زياد بمحانكه يشتي يردها لها: مشتى تزوجي ماتفعلي بالتقارير هذه

بحور: ماشاتزوج الا واهلي الحقيقيين معي


زياد بقهر ما يشتيش تتأمل ع الفاضي او تلاقي حد منهم وما تلقاش قبول لها عندهم: شوفي يابحور يمكن قابوس هذا يكون المنقذ لهم في الطريق مايعرفهم لانه مش معقول يكون حد من اسرتكم ويطرحكن في الميتم.. المستشفى هو الذي طرحكن مش هذا مش قلتي التقرير في الملجأ من المشفى يعني ماكان في حد معين طرحكن انتي واختش

بحور هزت راسها بمعنى ايوه

زياد. خلاص خلي الموضوع عليا انا شاطلع ع صفحته هذه قابوس بكل حذافيرها واردش خبر اذا في شي لفت انتباهي لا تقلقي خيرات ولا تتأملي خيرات لاجل ما تنكسري وتبكي ساع الجهال بعدا زمان كنت اراضيش بمليم وتمسحي دموعش وتتجملي مني ماذاحين ماعاد يرضيش لو بكيتي ياشوعه


بحور ضحكت من قلبها وبانت غمازتها: عادك ذاكر

زياد: ليش ويحين نسيت عشان اقلش نسيت


بحور داخلها بيقل لها(كيف هذا الانسان قادر ينسيني كل شي كنت عايشه له قبل لحظات شعوري بالخوف مجرد ارتباطي بشخص وشعوري بالاسى والحزن والفرح في نفس اللحظه اني مسكت خيط يمكن يدلني ع حد يعرفنا قادر ينسيني كل شعور بين احس فيه

زياد تحنحنح بصوته: احم احم نحن هنا


بحور شافته بنظره خلته يرتبك وينزل عيونه

ايوه قلي ما كنت تشتي جيت للبيت بعدها لحقتني او بتراقبني


زياد: فارح بش اراقبش جيت ابسر من هو هذا علي بابا الذي يشتي يشل القمر حقنا


بحور ضحكت بقوه منه: ههههههههههههههههههه علي بابا شلوك لو يدرا علي انك بتتليقن عليه

زياد بغيره: يدرى والا طزززز مايهمني

بحور: قدك داري علي المندوب الذي معانا في الدفعه صدمني اليوم ماكان باين عليه انه يشتي يتقدم لي


زياد: ايوه باين انه مايشتي يتقدم لش والدليل يوم الحفل ولما خلاش تطلعي قبله وانتي بساعتش تتجملي وتفحطي قبله


بحور: هههههههههه اصلا مش انت داري ماحصل


زياد: ولا اشتي ادرا غير اسمعي تنهد بقوه وقال: مااشتيش افرض نفسي عليش فرض انا يابحور احبشششششش واشتيش لي والله يابحور انش ضوء هذه واشر لعند عيونه وانش راحه هذا واشر لعند قلبه انا قلت لش بمافي قلبي بعد ما حسيت فعلا انش مقتنعه الان بفكره الزواج انا ماناش اخوش مثل ما قلتي مابين ابسرش مثل حنين بين ابسرش اعز واغلا من حنين والله شاهد محد عيصونش ويحبش مثلي ولا يابحور ما اسخى اخلى نسمه الهواء حتى توجعش ولا تجرحش والقرار الاخير لش مااشتيش افرض نفسي فرض عليش ياانا ياعلي هذا الذي تقدم لش وانا ماشاسخى عليش والكل اذا مقتنعه به وعادنا قولتش اخ لش وما بتخيلني غير اخ لش شاسأل عليه وابسر كيف هم مهما كان انتي ما تهونيش


قاطعته بحور وداخلها طاير من الفرح من كلام زياد وداخلها اضعاف مضاعفه له بس بتغطي شعورها قبال حنين انه اخ لها ولا بتبين شعورها له الا لنفسها: ممكن نغلق هذا الموضوع ذاحين


زياد شافها بنظره ومش مستوعب اصلا ايش قال لانه لحظه ماالقلب بيتكلم العقل يقدم استقالته


بحور: زياد


زياد شافها بنظره وداخله طول عمرش هكذا تخرجي من المواضيع وتتهربي منها ولا عتغيري طبعش


بحور: امممممم اليوم جاء لي  من اذاعه ال.... طبعا لاني الاولى ع الدفعه قدمت لي الجامعه كهديه برنامج صباحي في الاذاعه اقدمه البرنامج عيكون صباحي وعيكون من بدايه السنه الجديدة انا بكره شاسير الاذاعه انا وحنين


زياد ابتسم: عتفجعي المستمعين بصوتش


بحور بسرته بنص عين: ياسين عليك يا الذي صوتك ساع فيروز ماصوتك ساع الموتر ونقلك صوتك حالي


زياد فطس ضحك منها: هههههههههههههههههههه


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 24 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


نوريتا وصلت للمطعم الذي بدأ يشتغل فيه غمدان مع مدير المطعم الذي تعرف عليه غمدان وان صاحب المطعم طلع يمني الجنسيه بس مغترب طول عمره في المانيا طبعا فكرة ان ياسمين ونوريتا يجين المطعم كانت فكره غمدان بعد ماعرف من عمته ان قابوس سافر وانه في اليمن طبعا الدكتوره بتحافظ ع اسرار مريضتها وما بتقل لغمدان بكل شي سار غمدان للعياده لعند الدكتوره


غمدان (في مطعم بدأت اشتغل فيه تعرفت ع صاحبه قريب المطعم كأنش في اليمن مش في المانيا الطراز والتراث كل شي يماني حتى رائحته فيها رائحه البخور اليمني والاكل كله اكل يمني كله بيوصف وينقل حضارتنا اليمنيه الموسيقى فيه يماينه كل شي فيه مريح لنفسيه ياسمين اتمنى تقبلي عزيمتي وتجي انتي وياسمين الليله ياسمين محتاجه لليمن قلتي وهذا المطعم جزء من اليمن


د/نوريتا: فعلا كانت محتاجه مثل هذا الشي لعل الياسمين ترجع لذكرياتها وتعرف كل الحقيقة بنفسها لاني مافي يدي حقيقه تخلصش من قابوس ومن مرضه الذي لمسته في لوحاته ورسوماته الذي بيفصح عن الكبت الذي داخله برسوماته


وصلت الياسمين ع المطعم وتفاجأت اول ماشافت البوابه كانت بوابه كبيره خشبيه مثل ابواب زمان ابواب صنعاء القديمه فتحت الباب شافت الاناره والاضواء كان داخلها يرجف وكأن في شي لمس داخلها بتشوف المكان بعيونها الاضاءات والديكور وتعمد غمدان يفتح لها الاغاني اللي بتحب تسمعها وكانت تسمعها من اول رجف قلبها وحست بصداع في راسها بس كابرت لما شافت نوريتا بتأشر لها بيداها بمعنى انا هنا


تقدمت ياسمين لعندها وجلست

ياسمين متوتره وبانبهار: وين لقيتي هذا المكان وبتدور بعيونها عليه.. 22 سنه ولا عرفت ان في المانيا مكان كذا


نوريتا: لاجلك فقط حبيت تزوريه بعد حزنك الشديد ان زوجك ما اخذش معه لليمن فقلت اشلش لجزء بسيط من اليمن


ياسمين دمعين عيونها ومسكت يد الدكتوره بامتنان: بجد ماناش قادره اوصف لش شعوري انتي هدية الله لي في غربتي

.
.

تإمُلَك وأنتَ نائم يُدفعني للغرق بتفاصيلَك أكثَر


وصلوا لغرفه حور اللي فاقده لها ومتشوقه تنام فيها

بتشوف حور السرير وبتدور بعيونها ع مكان يمكن تقدر تنام فيه بدل السرير اما بدر من اول ما دخل الغرفه طرح جسمه ع السرير وبدا يغمض


حور بعد ماشافت بدر متمدد في السرير داخلها: ياالله مخرجك من اين جاء لي ذاحين هذا ومصدق نفسه حمل يرقد.

حور: ييييييه بدر

بدر ولا صوت

حور: يييييه من بنداعي عادك بعدت القات مش معقول تنام في دقيقه

بدر داخله بيضحك عليها ومغمض عيونه

حور: ياالله سترك مسرع رقدت عاد احنا طلعنا قربت منه وبدات تحط يدها ع كتفه بحكم انها تصحيه

حور: يييييه بدر

بدر: فتح عين وعين مغمضه ياالله والهرم مالش انتي ضروري اقلش ها ع شان تقلي لي ماتشتي تحاكي طوالي من دون مداعاه


حور عوجت فمها وطرحت يدها ع خصرها: هو انت اسلوب الناس الراقيه ماتنفع معك ماتشتي الا هجوم ع طول ذاحين ابسر لك حل وسير دور اين ترقد مصدق نفسك طلعت بعدي ذاحين قدهم راقدين سير ارقد في اي غرفه


بدر بصدمه منها: لا يا شيخه اقوم انا ادور لي وين ارقد وبمكر (بعدا عيدروا بعلاقتنا ان هي مشي تمام عادي نامي ع الارض او الكنبه ماانا والله مااقوم من فوق السرير عجبني وبمحانكه مررررررريح)


حور شافته بنص عين: السرير سريري والغرفه غرفتي لا تعصبني وقوم انا مااقدرش ارقد الا في سريري


بدر: عادي جي ارقدي مسموح

حور: قوم

بدر بمحانكه: ماعه عجبني

حور بدأت تفقد اعصابها: والله اني مضايقه منك لي ثمانيه شهور منه وراجم لي في الحديده ولا معبرني ماكنت اقدر ارقد من شدة الخوف اللي فيني وكابرت ولما جاء اليوم اللي اشتي اشببببع نوم تقوم تتجبر فوقي هكذا


بدر رحمها بس جالس معاند: زيد ابكي ساع جيهان بختي بالجهال انا ولف ع الشق الثاني ودعممها


حور بصوت ورفعت يداتها: يااااااارب ترجع غدير وتفكني منك شلت لها لحاف وامتدت فوق الكنبه وطفت الضوء وغطت في نوووووم عميق من كثر التعب والارهاق


عند بدر قهرته كلمتها يارب ترجع غدير ذكرته بها وبدعممتها له وليش ماعاد ذكرها هذه الفتره وهو مع حور اول مره في حياته مايهتم لها او يحن لها مالك يابدر معقول وجعها لقلبك يخليك قاسي عليها بدأ يبرر لنفسه ويذكر حياته معاها من يوم زواجه ....




















📚 @rewayatyamania  🇾🇪

.

البـارت 25 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


قامت حور الفجر ع رنة تلفونها قامت توضت وصلت الفجر شافته نايم قربت منه تشتي تصحيه يصلي فجر بدأت تتامل ملامحه اللي ماعمرها دققت فيها ولا عمرها رفعت عينها لعندها وكل ماكانت تشوفه وتجي عيوتها في عينه تخاف منه وتنزلها


حور (هه اول مره ادرى انك قمري ملامحك تشبه الشيخ بعكس بسام ملامحه تشبه امي جليله صح بسام قمري بس انت احلى ليكن مبهذل نفسك ماتهتم بنفسك شعرك مشعفل دقنتك ماتحلقها واصل بثوب ردت داخلها وانتي ماعليش منه جالسه تقارني قوميه يصلي ردت ع نفسها غصب عني بيأسرني بحنيته معي هذه الفتره شافته بيتحرك بعدت شويه منه

حور: بدر

بدر فتح عيونه وشافها أبتسم

حور شافته وخزيت: مالك بتبتسم

بدر ساكت بيشوفها وداخله (انا اشههههد انش ملاك في الارض مااحلاش ياحور سبحان من سواش في احسن صوره)


حور: ييييه بغير طنان قوم صلي وهيا اوفي بوعدك

بدر: اصلي

حور: ايوه صلي فجر

بدر اقتلب ع الشق الثاني: عاد انا رقدت لا تصحيني انا مااعرفش اصلي فجر

حور بصدددددمه: ماهوووو ماتعرفش تصلي فجر

بدر: ايوه مابين اصليش

حور انصدمت وسارت للشق الثاني وبدون وعي منها تربعت ع السرير

حور: احلف انك ماتصلي فجر

بدر ضحك ع شكلها مالها هذه مفجوعه

بدر: ايوه ليش متفاجئة ليش كل الناس بيصلوا

حور: بس حرام عتدخل النار

بدر: ههههههههههه قلي والله

حور: ليش مش انت داري

بدر تنهد وذكر تقصيره مع الله: مااعرفش اصلي الا جمعه مدري مالنا الله يهدينا

حور: ذاحين غير نفسك وقوم صلي شاعلمك

بدر: تعلميني سعم اني مااسترش شاقوم ناهي

حس بدر بضيق وكيف حتى صلاته ما يصليها كيف ضاع عمره لا درس ولا مهتم بصلاته ذكر غدير وانها ماعمرها قالت له صلي ولا صليت ولا قوم صلي تنهد داخله ودخل الحمام وبدا يغتسل للصلاه


خارج حور مطننه معقوله في ناس ما تصلي ولا فرض معقوله مايصلي بدر الا الجمعه ع قولته...


خرج بدر وحور مكانها جالسه سارحه شافته بدأ يصلي فوق سجادتها شلت دفترها الكبير تبع الرسم (طبعا حور رسامه مبدعه وبحرفيه تامه ) شلت قلمها وبدات ترسم ...

.
.

عند الياسمين كانت ابتسامتها منوره وجهها بيشوفها غمدان من بعيد وماسك يده ع قلبه وداخله: والله لاشل بحقنا والذي غربنا وبعدنا عن بعض والله لانتقم منه واشرب من دمه وعد لنرجع لبعض داري انو غصب عنش كل شي بس عنصلح كل شي يا عبقي ياراحتي يا أنسي قرب منهن وهو لبس لبس الموظفين تبع المطعم وعينه ع الورقه عشان يكتب طلباتهم


سمعت الياسمين صوته وشدها اكثر ريحه العطر هذه الريحه ذكرتها بريحه كأنها مشي غريبه عليها رفعت عينها وشافته هو نفسه علاء هو نفسه شافت نوريتا بنظره واشرت بيدها وخرجت الحروف بصعوبه منها


ياسمين: ايش بيحصل معي


نوريتا وتوقعها في محله انها عتذكر شي بعد مااتفقت هي وغمدان ينسقوا كل شي يمكن يخليها تذكر شي


نوريتا شافت ياسمين بدأت تمسك ع راسها بصعوبه اشرت لغمدان يختفي عنها

غمدان كان خايف عليها بس ابتعد عنهن


ياسمين: وين جاء الذي كان هانا كأني اعرفه يادكتوره نفسه نفسه اللي بيجي لي في الأحلام وكأني عشت معه نفس ظله نفس طلته نفس طوله وحجمه وشكله حتى نفس ريحته بدأت تمسح دموعها والدكتوره جالسة تشوفها بصمت وتذكر ياسمين اول ما كانت .....


قبل 22 سنه

وصلت لمستشفى كان عندها مناوبه بتشوف بنت مثل القمر ملامحها كأن هي اجنبيه بس لغتها غريبه كان في رجل ماسك يدها بقوه وكأنه بيفتجع عليها لاتهرب كانت لابسه الحجاب وعرفت وقتها انهم من اي دوله عربيه

شفتهم بيقربوا مننا سأل هذا الشخص ع دكتور او دكتوره نفسانيه لان زوجته تعاني من مشاكل

في هذه اللحظات قدرت تفلت من يده زوجته وهربت كانت تحمل في المستشفى وكأنها بتهرب حاولنا نمسكها وفعلا مسكناها وضربنا لها ابره تنويم كانت تتكلم كلام ما فهمته

حكى لنا زوجها عنها وقال(هي ياسمين زوجتي تعرضت لحادث قدام عينها قتل اخوها امام عيناها بسبب زوجها الاول وتعرضت لحادث سياره هي وامها توفت امها وكذلك كانت حامل وتوفوا اطفالها ماعاشت الا هي بس مش متذكره ولا شي لا انا ولا امها ولا اخوها ولا شي بتحاول تنتحر وتأذي نفسها مش متقبله واقعها تزوجتها بعد ما خلعت زوجها واخذتها معي ع المانيا لان اليمن صارت فيها مجنونة رسمي لنا شهرين وهي هادئه بس من امس وهي مش طبيعيه حاولت تنتحر اكثر من مره امس وحاولت تقتلني وتقل انا خطفتها انا زوجها وهذه وقدم لها كل الاوراق اللي تثبت لها صحه كلامه)


طبعا ياسمين مش متذكره شي من الاحداث ولا في ذاكرتها حاليا الا قابوس ..


قدم لها غمدان الاكل اللي تحبه ياسمين

ياسمين شافته: كأني شفتك من قبل

غمدان: ...


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 26 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


قدم لها غمدان الاكل اللي تحبه ياسمين

ياسمين شافته: كأني شفتك من قبل

غمدان: ايوه في السوبر ماشنساش ابدا انتي تشبهي حد قريب لقلبي قوي

ياسمين انحرجت من كلامه ولفت بعيونها بتدور ع شي يشغلها: ايوه صح ذكرتك

غمدان داخله نفس الحركه لما تخزي مابطلتيها حتى وانتي فاقده ذاكرتش.

نوريتا: انت يمني ممكن تجلس معانا اذا ماعندش مانع ياسمين

ياسمين هزت راسها بمعني عادي يجلس

غمدان جلس معاهن حست ياسمين كأني جلست معه من قبل كانت تتأمله وكأن هي بترسم صورته في ذاكرتها من جديد تكلم عن عدة اشياء كانت الياسمين تسويها تعمد غمدان يقولها امامها كانت مع كل شي يحكيه غمدان يمر في ذاكرتها كضباب كأن هي عاشته


ياسمين بدات تغمض عيونها بشده وتحاول تفتحهم من كثر ما كانت تركز ع كلام غمدان وتمر الاشياء في حسها حست بتعب في راسها

نوريتا همست لغمدان يسكت

غمدان: استأذنكم معي عمل الان وقام مشي

ياسمين شافته

نوريتا: هيا نروح مارأيش او عادش تشتي تجلسي

ياسمين بابتسامه: ارتحت قوووي شاكن اجي واصل هانا بس في اشياء غريبه لما كان علاء يتكلم عن اليمن واهلها ومواقفه كانت نفس المواقف بتمر في راسي وكأني شفتها كانت تمر في حسي كضباب او وهم او مدري كيف


نوريتا همست ع يدها وكأن هي بتطمنها وابتسمت داخلها وكأن هي حققت انجاز 22 السنه اللي مضت وياسمين معاها

.
.


بدأ يكسر الغرفه من حوله انتي ماتحبيني انتي بس بتحاولي تنتقمي مني انتي مش ام ليش ليش ماسويت فيش لما تحقدي عليا وتسوي فيني كل هذا ليش مش راضيه تسامحيني ليش مش راضيه تشوفي لوجهي امه غصصصصصب غصب عني لما طحستي من الدرج غصب عني يمه والله اني احترق يوميه اشتي حضنش اشتي تضميني مثل اول وتمسحي ع شعري بدا يبكي قابوس مثل الاطفال


رقيه شافته ومسحت دمعتها خانتها كل الحروف اللي حلفت ما عاد تنطقها فالصمت حررها من كل شي حررها حتى من حبس قابوس لما حققوا معاها في المستشفى ماسبب الحادث حقها واذا اعترفت وتكلمت انه قابوس كان قابوس عيتعاقب اكيد بس فضلت الصمت وان هي فقدت النطق افضل لها من انها تحبس ابنها خانتها الحروف ونطقت بعد 22 سنه

رقيه: إذا تشتي ضمتي لك تعالج ياقابوس

قابوس سمع صوتها وقام من مكانه بسرعه امه رجعتي تتحاكي

رقيه: ليش ومن قلك اني عجماء غير ماعاد بش نفس للكلام اذا كان الكلام عيشلك الحبس لاجل انك فعلت بامك هكذا

قابوس باس يدها وبكي عليها: يمه غصب عني يمه انا نادم مدري مالي داخلي بيتحول لوحش فجأة ولما اهدأ واذكر اللي سويته أرجع اندم يمه يمه انا نادم

رقيه: تعالج انت مريض انت مش انت بخير

  قابوس عصب بقوه: لو عاداسمعش تقلي انا مريض ياويلش انا ماناش مريض

رقيه فاهمه حالته دعممت وقالت: وياسمين مااخبارها مالك ما تديها معك والا خايف ذاكرتها ترجع لها وتذكر كل شي وتحن له وتفلتك

قابوس: ماتشتي مني تشتي تموتيني بكلامش ياسمين ماعترجع لها ذاكرتها ابدا وكم اسبوع وارجع هي اسعد انسانة ولا مقصر معاها بشي معانا ولد اسمه امير

رقيه ضحكت: ههه امير الله يحفظه لابوه

قابوس حس ان هي داريه بشي دعمم منها ومشي
وقفته بكلامها

رقيه: وبنات ياسمين وين جين

قابوس: ماتين

رقيه: ماتين عليهم مش عليا انا داريه انهن مامتنش مش اديتهن لعندي وبعدا خرجت ادي لهن ثياب من السوق وجيت وماعادهن موجودات وين شليت البنات يا قابوس

قابوس بشر وكأنه مش الانسان المبدع اللي مشهور في بلده وفي غير بلده ضحك: هههه انتي شكلش عتموتي بعدهن اقلش انسي يارقيه احسن لش والا شكلش عتندفني عشان تنسي هذه الحكايه ومشي ورزع الباب بعده


رقيه (ربيت لي عدو بس لازم كل شي يبان لازم الحقيقه تبان دام غمدان خرج ومثل ما قلت له ان الياسمين في المانيا شاقله ان الياسمين فاقدة الذاكره واقله ان البنات بخيرات وقابوس مدري وين شلهن بس قلبي قلبي مابيسخى عليك ياقابوس بس دام انك بتهددني ويمكن تطلع لك حالتك وتموتني في اي لحظه  شاسجل كل شي واخلي حد يوصله لغمدان واكون بريت ما فوق ذمتي...

.
.

عند بحور
وصلت الاذاعه وهي متحمسه بقوه كانت طلتها وجمالها كافي يخلي كل الذي حولها يشوفها

وقعت العقد معاهم واتفقت تبدأ بروفا من بكره للبرنامج بس تفاجأت ان المخرج هو نفسه علي بس كيف وهو مشو من الاوائل في دفعته دعممت منه وشافت حنين واشرت لها تشوف علي

حنين دكمتها: وهذا ماله لحقش لهانا

بحور: علمي علمش وزد المخرج

حنين: شكله عيقع برنامج قوه دام المخرج علي والمذيعه بحور

بحور: اهجعي امانه انا من الله متوتره وزيد هذا قدامي المشكله ولا كأنه يعرفنا ابسري والدعممه فيه

حنين: ايوه تعجبني رجولته مشو حق لف ودوران

بحور: اسكتي يالف ودوران ليش نسيتي...




















📚 @rewayatyamania  🇾🇪

.

البـارت 27 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


بحور: اهجعي امانه انا من الله متوتره وزيد هذا قدامي المشكله ولا كأنه يعرفنا ابسري والدعممه فيه

حنين: ايوه تعجبني رجولته مشو حق لف ودوران

بحور: اسكتي يالف ودوران ليش نسيتي اول موقف لنا في الجامعة معه وماقع رجال الا بعد الملطام

حنين فطست ضحك: هههههههههههههه وانتي امانه من ثاني يوم دوام وانتي دخلتي ملاكمه ومضاربه..


خرجين من الاذاعه وبتذكر حنين وبحور كل الموقف بحذافيره مع علي

.
.

#فوق الصبوح

الشيخ: العيال عيسيروا يبسروا امهم اليوم وترجع البيت قد سدينا انا وعمك ذاحين الارضيه الذي تحت الوادي رجع صاحبها من المانيا قال هي حقه وهي تحت بيته ومعه ورق وبصاير ليكن والله لو معه مامعه ما يشلها لو يسير هذا الراس واشر لعند راسه وعمك معي مافلتني لنا اسبوع فيها مشاكل وانت في الحديده مهيص لك


بدر بحاول يكتم اعصابه ودعمم كل شي ولا كأنه سمع شي وبهدوء: غدير تعتبر مطلقه انا حرمت وطلقت لو تخرج من البيت ما تكون لي مره وهي خرجت والعيال يكونوا يسيروا يبسروا امهم لبيت جدهم ماشمنعهم حقهم

الشيخ بصوت: عنكفر لك وكلمتي ماتقع ثنتين

بدر بصوت اعلى منه: الا عتقع ثنتين وثلاث بدر الاول انسااااااه والله ماترجع الا لوما تتأدب هي وابوها وانتوا سدوا والا طيروا ملح ماعاد يهمني الا هولا واشر لعند عياله

وبصوت كبير: قومي البسي يله اسير اسجلش معهد


الشيخ: معهد ايش سحرنك العيون والحلا قدك تشتي تدرسها وتدسع كلمتي هيا حرام وطلاق ماتدرس

بدر: حرام وطلاق حرام وطلاق قد امي حرام عليك من زمان اتقي الله فينا واصل وانت بتحلف بامي ماذنبها المسكينه صابره عليك ومقيد لنا بالحرام والطلاق حقك بس هذه المره يمه سامحيني ماعد اجلس يدسعني كل مره ولا كاني رجال عنده ولابيفعل لي كلمه

ماحس الا بكف ع وجهه: عليك لعنتي انقلع من بيتي يله اخرج وبصوت عالي اخرج يله

بدر مسك وجهه وشاف حور كيف مسكت عيون عياله لاجل ما يشوفوا ابوهم بيهتان قدامهم شل كوته وخرج وصوت حور وعياله وامه في اذنه

.
.

حنين: الله يوفقش يارب فرحت لش انش بدأتي تحققي احلامش


بحور ابتسمت وبتشوف الطريق


حنين: ايوه ومالش مدعممه موضوع العريس


بحور: العريس ماناش مدعممه لان مابش موضوع بالاصل علي مااشتيش لا هو ولاغيره


حنين التفت لعندها: بحور لاي حين عتجلسي معقده راكنه ان كل الناس مثل عادل ليش مخليه موقف حصلش في حياتش يأثر عليش هكذا ويعقدش من كل الرجال


بحور: بالعكس الموقف اللي حصل لي خلاني قويه خلاني ما اثق ولا اصدق حد خلاني حذره وما اصدق حد واذا صدقت ابتعد مسافه عنه انا ياحنين ماانفعش اكون زوجه وبيت ومسؤوليه مع انه حلمي اعيش الاستقرار بس مش الان

انا حلمي بعيد حلمي اني في يوم القى حور حلمي اكون مذيعه مشهوره اناقش عده قضايا مكبوته داخلي مش حلمي بس علي مشو الشخص اللي بين اشوفه يستاهلني انا اشتي انسان اذا بكيت في لمحه يرسم ابتسامتي يهون عليا يفهمني من نظره يحس فيني تنهدت وذكرت زياد وابتسمت


حنين بسرتها بنص عين: يعني ايش علي يعتبر مرفوض

بحور هزت راسها بمعنى ايوه

حنين: يخ والله انش كريهه كيف يحبش ويشتيش وعادش تزيدي تقهريه هكذا وعادو عيكون مخرج لبرنامجش حسي يابنت مالش هكذا قاسيه

بحور: ومن قلش اني قاسيه بالعكس زاعله بس هذا واشرت ع قلبها مايشتيه

حنين تنهدت: هيا دوري لنا مطعم ناكل غيري نفسيتي مثل ما جغرتيها قد انا امس رقدت وانا بين احلم بالعرس واخطط ايش البس وما عنحجز وكيف عنسوي وكيف شافعل اهم شي احلام طول الليل رجعت قلدت ان هي بتبكي ورفعت يداتها  وصاحت بصوت وهن موقفات في الاشاره حق الجوله (ياااااااارب اشتي عرررررس اشتي افرح اشتي احجر ولا قد قع لنا عرس وهذه واشرت عليها ولا رضيت توافق بحد )

بحور منحرجه من اللي جنب سيارتها وسمع حنين وهي بتدعي ورجع ضحك بقوته بتشوفها وترفع حواجبها لعندها ومن بين اسنانها: يامبدعه شلوش بهذلتي بنا


حنين تلتفت تبسر واحد مبتسم عليهن شافها التفت رجع يلتفت وشافها

حنين انحرجت بقوه طلعت زجاج السياره ولتفت لعند بحور

حنين: بحور تقلي سمعنا

بحور: مارأيش وقدش بتصيحي بطول صوتش ماعاد باقي الا تشحتي في الجولة
وانفتحت الاشاره واتحركين


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 28 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


عند أمل بصوت واطي بحكم ان امها ما تسمعها ذاحين مش وقتك انت وبحور بتبسر جدتك تاعبه وانت حسك في احساس

زياد: اهم شي يمه ولو ردت لش بحور ان هي موافقه انتي تردي عليهم مش احنا موافقين

امل: وليش هكذا واذا بحور ماتشتيك بعدين مهما كان ماناش موافقه ع هذه الخطبه

زياد فتح عيونه بصدمه: وليش بحور ربيتيها انتي وامي سيده

امل: مش قصه تربيه بس مااشتيش من الاقارب خليكم اخوه احسن


زياد: بحور مشي اختي بس اذا بحور وافقت قلي لهم مش موافقين وخلاص يمه والله لو تقع لحد غيري لاجنن


امل وهي سارحه في دنيا بعيده جدااااا بتذكر ماقبل 22 سنه بعد مافحصت ع بحور


د/احسان: البنت حالتها ماتسمح تقولي لها ولا حتى عتفهم ما بتقلي لها

امل: بس يااحسان البنت قالت لي عاد هي اول مره يقرب منها هذا الزفت عليه لعنه الله ما اعتقد متاكده

د/احسان: كيف متاكده او عاد انا اول مره اشتغل البنت متعرضه للاغتصاب من مده بسيطه يمكن انه كان يسوي لها منوم ويسوي اللي يشتي وذاك اليوم قرب منها يجرب اذا هي عترفضه او لا بعد ما ساومها انه عيشلها عند اختها


امل حست كأنها لفت بها الدنيا مسكت ع راسها ودمعت والله حرام ماذنبها هذا الشيطان وبعصبيه ضروري ياخذ جزاته هذه القضيه لازم تقع قضيه رأي عام


مسؤولة الميتم فاطمه بخوف: الله يستر عليكن استرين الخبر عتقع فضيحه كبيره ويحملوني المسؤولية اكثر شي انا وبكيت والله مابتغفل عن عيني ولابنت وانهن بناتي واعز شاسخى عليهن ذاحين هو هرب ماعاد لقيناه بعد ما كشفناه خلاص يادكتوره البنت عاد هي طفله ومالها ذنب بشي عنسوي لها عمليه وخلاص ونكتم الخبر شاتحمل كل شي ع حسابي


د/احسان: هذه جريمه تعتبر


امل بعد تفكير عميق تغاضت عن كل شي وذكرت حياه بحور لو انتشر الخبر كيف عتكون: البنت عتكبر وتدخل في حاله نفسيه لو انتشر الخبر وسويناها قضيه رأي عام المجتمع ماعيرحمها ولو اخذنا حقها عتظل ناقصه في المجتمع عتظل ذليله ماعتقدر تواجه المجتمع بخباثته وحقده عتظل الطفله المغتصبه من قبل استاذها والدار عتتشوه سمعته وفعلا الامر عيخرج عن السيطرة لذلك الاحسن انه نكتم الخبر ونسوي العمليه والبنت ماتعرفش بشي والبنت شاشلها عندي واربيها مع عيالي وخلاص...



زياد: امااااه مالش مطننه

امل: ها ولاشي ويحين سفرك

زياد: قريب باقي لي كم معامله واتوكل بس اشتي اسير وبحور لي

امل مسكت يداته بحنيه: الله يكتب لك مافيه الخير.


رجعت تسرح بتفكيرها في بحور وكيف اذا وافقت هل تقلها بالذي حصل معاها او تسكت واذا قالت عتزيد حالتها سوء وتتعقد اكثر واكثر تنهدت وقامت تشوف امها وزياد بيتصفح في صفحه قابوس ع الفيس وبيشوف نجاحه والصور والهدايا اللي بيحصل عليهن في كل معرض بيشارك فيه

.
.


جليلة: ياشيخ ياشيخ مايسبرش تردها وهي محرمه عليه مايسبرش خبرك


الشيخ: عترجع واكفر ع يمينه انا قلت كلمه لابوها البنت عترجع اليوم بعدا محد وقف معي ودق صدره الا هو ورجاله عيجوا معي نبسط ع الارضيه ويقاتلوا.. يومين ثلاث والارضيه لنا


جليلة: ماتفعل بالحرام من زمان واحنا داريين ان الارضيه الذي تحت الوادي هي حق الشيخ غالب وذاحين هي لحفيده الوحيد الان والا لان حفيده مسافر ومشو داري بهذا الهدار تشتوا تبسطوا عليها


الشيخ: اهجعي يامره حقي ومعي ما يثبت جهزي الجهال اشلهم ع طريقي لعند امهم معي عمل خيرات اليوم ... وابنش العاصي جغر لي الطبيعه بعدا الارضيه حقنا ومعانا ما يلوي ذراعه

.
.

عند حور جالسه زاعله ع بدر بتتصل عليه ولابيجاوب عليها كانت تعيد الاتصال مره بعد مره واخيرا

بدر ساكت

حور: بدر وانا مافعلت بك مابتجاوبني ع الاقل رد طمني عليك قلي وين انت


بدر بصوت رجولي: انا بخير تطمنوا ماعيقع بي شي تجهزي نص ساعه وانا باب الباب شلي شهايدش واي حاجه غاليه عليش وتشتيها واخرجي مريع لش اول ما ارن لش اخرجي


حور: وين عتشلني


بدر بصوت عالي: ماعليش ادي الذي قلت لش وبس وغلق لوجهها

بدر مسح دمعه كانت باب عينه وتنهد سار للجامع الكبير خرج كفاره لانه داري ان ابوه عيرد عيرد غدير ولاجل ما تكون حرام في حرام سار خرج كفاره وسأل الشيخ ودله ايش يسوي هدات نفسيته شوي بسر الجامع والطمأنينه الذي فيه حس براحه كبيره صلى ركعتين وخرج فتح تلفونه وشاف بسام متصل اتصل عليه واتس شافه متصل وما رد رسل له محتااااااج لك قووووي محتاج لك ياحيد اخوك بس بسام كنسل المكالمه واتصل عليه بعد ما هزت الرساله داخله وحس ان في بدر فعلا حاجه 

بدر: بسام ويحين رجعت

بسام وماله نفس يرد عليه: امس 

بدر: وانا اخر من يعلم وين انت ما جيت ع البيت

بسام وقلبه مقهور منه: والله انك اول من يعلم بس انا...




















📚 @rewayatyamania  🇾🇪

.

البـارت 29 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


بدر: بسام ويحين رجعت

بسام وماله نفس يرد عليه: امس 

بدر: وانا اخر من يعلم وين انت ما جيت ع البيت

بسام وقلبه مقهور منه: والله انك اول من يعلم بس انا غاثي من ابي وحلفت يمين ماعاد ادخل البيت وفاقد لامي قوي ومادريت ما افعل

بدر: ومالك ماتحاكيني ومالك مقاطع لي ولا كأن معك اخ بين اتصلك ولا بترد ولا حتى بتفتح رسايلي ذاحين وين انت وما رجع بك ماحصل معك

بسام: ولاشي درست لغتهم وذاحين تعلمت اللغه وبعد شهر شاسجل جامعه وخلاص ماعاد شاقدر اجي قلت اجي ابسر امي فاقد لها قوووووي داري محد بيهمني غيرها وقدو اشلها معي لارضيت ماعاد معاها الذي كانت بتوبه لها تنهد وقال شليتها انت

بدر: ذاحين اسمع وين انت بالضبط عاد انا كنت في الجامع بين اخرج كفاره شاسير اخرج لك كفاره ونلتقي ونتجابر والله ان اخوك فوقه حمل الجبال مشاكل مشاكل

بسام حس بغبن وقهر اخوه قال له وين يلتقوا


بسام(من يوم ما دخلت حور بيتنا كانت مثل الحوريات بنت صغيره شعرها اشقر فاتح وبيضاء وعيونها عسلي مايل للاخضر بقوه كانت بيضاء بشده كانت جميله ما اقدر اوفيها بالوصف كان عمري وقتها 16 كنت في اول ثانوي فرحت بها  كانت طفلتي اعلمها وتستمعني كانت ما تمشي مكان الا وتمسك يدي كانت تخاف من ابي الشيخ كثير كانت ماتسوي شي الا وتقلي فيه حنجتها من قلبي

حور زنجبيل بغباره ماتعرف من الدنيا شي كانت جوهره وسط البيت كنت ادرس معهد واخرج مع اصحابي واشوف البنات وكيف هن واقابل بنات خيرات في مجال دراستي وغير دراستي واحس فعلا ان هي جوهره ثمينه درستها وكنت اذاكر لها كنا نهرب هربه من البيت لاجل تختبر النصفي والنهائي

حبيتها وماحلمت بغيرها زوجه لي ولا سكن قلبي غيرها احرقت قلبي لما بكيت عليا لما سافرت ووعدتها اجي لها ونسافر وعدتها احررها واعيشها كل عيشه انحرمت منها مثل ما عرفت كل شي الا بي ومعي باقي اعرفها ع الحياه معي ونعيش وندرس ونخلف سافرت وانا واعد لها وصورنا مع بعض والفيديوهات اللي كنا نصور انا وهي هي اللي كانت مصبره لي في غربتي قلت شابسرهن لمااكون افقدش بس ههه كل 24 ساعه وانا فاقد لش وانا واصل في المعرض اشوف كل صوره واذكر كل موقف حصل فيها بحذافيرها

ليوم اتصلت عليكم كانت امي بتبكي وتقلي وينك غايب عننا ماعاد اتصلت قلت لها خير ياغاليه مالش تلفوني انكسر وعاد انا شليت واحد جديد قالت ابوك يشتي يزوج حور لبدر وعقد لهم جن جنوني حور ولمن لبدر وبدر مزوج طيب ليش وكيف ومتى وانا وقلبي اتصلت ع ابي من قبل ماافهم شي ما كان في راسي الا ابوك يشتي يزوج بدر لحور اتصلت عليه ورد وقلت له اني


الشيخ وجنبه عم بدر ابو غدير: حيا الله بابني وفخري مالك يا مرزح ابوك او محتاج شي تشتي زلط احول لك


بسام: لا يابه مااشتي شي الله يحفظك بس سمعت انك تشتي تزوج حور لبدر مالك يابه انت بعقلك البنت جاهله وبدر مزوج مالك يابه


الشيخ: ايوه ازوجها لبدر وشاف لعند ابو غدير اللي عرف بالزواج من بسام وطنن وبيحاول يمتص غضبه ويفهم الموضوع

بسام: يابه خلاص زوجها لي انا اشتيها


الشيخ: لا والله انها لاخوك والعقد الخميس


بسام بصياح: يابه بين اقلك اشتيها انا لا تزوجها لبدر بغير جنان يابه


الشيخ: ومن اي حين عندكم تشتوا وما تشتوا الكلمة كلمتي انا قلت حور لبدر مافكرت فيك انت وبعدا وين انت وين هي انت عترجع ادي لك بنت شيخ


بسام: وهي بنت شيخ مش انت ابوها والله يابه لو حور تكون لغيري ماعاد تبسر لي صوره البنت لي وبس


الشيخ: اخوك يشتيها ما اشتي انا ازوجها له وهي موافقه وافعل مافي راسك وغلق لوجهه


اكتسر قلبي لما كل شي تم بعد ماقال ابي اخوك يشتيها صدق هل اخي صدق يشتيها بعد ندمت لما غلقت تلفوني وفتحته وشفت رسايل حور وهي بتترجا لي اساعدها بتترجا لي اجي اشلها واسافر بها بتترجا لي وترسل صوتها وهي بتقل عيزوجني اليوم وين انت تجي تنقذني عيزوجني الشيخ ببدر مااشتيه يا بسام

ندمت وقتها ليش فلتش في اخر لحظه كان المفروض اجي واتحدى ابي وبدر واشلش بس انا خذلتش وما لي عين حتى ابسر عيونش اللي فيهن راحتي كرهت اخي وبعدت عنكم كلكم بس امي اللي ماسخي قلبي عليها امي قلبي بيحترق اشتي ابسرش اشتي اشلش ماقدرت انساش حرام عليا حتى التفكير بش تنهد من اعماقه وهو غارق في ذكرياته وفي حيرته

شاف بدر من بعيد وهو موقف سيارته تنهد وقال داخله والله نفسي اقتلك ضرب اخرج النار الذي بتحرق صدري يوميه


https://t.me/+Ecxq_OzMYh40M2E0




📚 @rewayatyamania  🇾🇪

.

البـارت 30 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


وصل الشيخ جهران هو وابو غدير (حاتم ) لمكان الارضيه وبدأوا رجاله يسوروا الارضيه واثنين طقومات عسكر حارسه لهم وهم جالسين فوق الصالون بكل عنجهيه وتكبر بيضحكوا ومنتظرين اي ردة فعل من قابوس بعد ماعرفوا انه جاء من السفر


قابوس كان بيشوفهم من بعيد بالناظور جلس بعدها فوق كرسيه الهزاز وبيفكر دخل لعنده ربيع صاحبه


ربيع: ذاحين ماعنسوي معاهم هولا حاوطوا المكان كله ومسلحين وجوا كأنهم مقاتلين واحنا بس اثنين انفار ماعنفعل


قابوس ببرودة اعصاب: خليهم كما كملوا يسوروا لنا خبر معاهم ذاحين اخرج معي اتصال مهم فتح تلفونه وبيتصل ع الياسمين


قابوس شاف صورتها بتظهر ع التلفون: فقدتش كلمه قليله عليش لو اقلش اني احس اني جسد بدون روح عتصدقيني

ياسمين ابتسمت له

قابوس شاف صورتها شاحبه وملامح التعب باينه عليها سألها: ياسميني انتي بخير

ياسمين: ماناش بخير وبدأت تبكي انا تاعبه كل ما احاول انام طبيعي تجي لي كوابيس كوابيس بشعه حلمت اللي في المطعم قصدي نفسه اللي في السوبر هو نفسه نفسه.... انقطع الاتصال عليها


قابوس جن جنووووونه كان يحاول يتصل مره مرتين ثلاث والتلفون مغلق قام من الغرفة مثل المجنون كان يلوي فيها ويتصل للدكتوره بعد الخامس اتصال ردت


قابوس بجنون وحاله من الخوف الهستيري: الياسمين الياسمين تاعبه مالها مش كانت اخر جلسات نفسيتها بتتحسن اتصلت وقالت رجعت لها الكوابيس ومدري ماللمطعم والسوبر رجعت لحالتها ليش قطعتي عليها الحبوب فهميني انتي ليش بتسوي هكذا ليش ماتخلي نومها طبيعي ليش قطعتي عليها الحبوب كانت تنام وهي مرتاحه انتي السبب انتي تشتي تدمريها 


نوريتا ابتسمت له: لا تقلق كل شي بخير اليوم معاها موعد معي بعد ساعه يمكن تلفونها فصل النت او الشحن بطمنك عليها لا تقلق هي بألف خير اوعدك ترجع مثل اول واحسن ترجع من اليمن بالسلامه وغلقت


قابوس جن جنونه رجم تلفونه بالقوه للجدر انا لازم اسافر كيف كيف رجعت اليمن ايش اللي خلاني ارجع بعد 22 سنه لاجل الارضيه يلعنها ارضيه الياسمين تاعبه تاعبه لا مش لاجل الارضيه لاجل رسايل التهديد من بيهدد وداري اني طرحت البنات في الميتم من بيهدد

شاف الرجال جالسين بيسوروا الارضيه حاول يضبط اعصابه تنفس بقوووووه لما شاف تلفونه بيرن مره ثانيه شاف الياسمين

فتح الفيديو

الياسمين وهي خارجه من 🏠 البيت اسفه حبيبي فصل الشحن لبست والان خارجه انا والامير نسوي شوبنق (نتسوق) وبعدها معي موعد مع نوريتا بعد ساعه لا تقلق تطمن


تنهد قابوس وكأن كل امان العالم انسكب على قلبه غلق الاتصال وشاف الرجال من الطاقه
ضحك ضحكه شر (لو تلوي الوادي كله طقومات لو تفرش الارض كلها قنابل مش انت داري من بتتحدى انا قابوس ياجهران عظم الله اجر اهلك فيك ابتسم ونزل لعندهم .

.
.

كان جالس مندمج ومبتسم لكلامهن ومايحجب عنهم الا ستار الطاولات الصدف جمعتهم مرتين مره في الجوله ومره وهم في نفس المطعم .... بس قلب تعابير وجهه قدوم بدر لعنده

قام بسام بكل برود وسلم عليه

بدر: احلويت ياخوك

بسام: انا حالي من اول

بدر: مع من قال عاد المانيا سبكتك


بسام ضحك وكأنه يشتي بدر يتكلم عن حور: وانت الزواجه الثانيه ما نفعت معك هذك انت لا احلويت ولا شي رجعت تكظم صورتك


بدر وكأن بسام لمس ع الجرح تنهد نهده خرجت من وسط قلبه ومسح بيداته ع وجهه: قل ظلمت نفسي من زمان وزد ظلمت الحور معي

بسام ابتسم من نطقه لاسمها

بدر: اخوك تاعب مامضى مضى وما سار ماعاد عيرجع اديت لابي لحمي هذا ناضج وهذا نيه اوكبت له صدري وظهري كان كل مايقل كلمه ما اخليش كلمته تقع ثنتين كله حاضر وناهي ومرحب كنت انت المدلع والمدلل وانا متحمل كل شي وقلت سهل يله بكم انت تحقق حلمي الذي حطمه ابي بمشيخته وعادات القبيله عنده

تزوجت غدير وكانت مثل ابي واكثر ما تشتي كلمتها تقع ثنتين بس لها حب اصلا مااعرف الحب كل حياتي بين البنادق والمشاكل والقات ارجع اخر الليل اذا ابي سدي هو وابوها القاها في البيت واذا مش هم سديين اجي وقد شلها من البيت وعلى هذه الشله يااخي

بعدا في يوم وليله قال الشيخ شازوجك بحور عاندته وحلفت اني ما اتزوجها مااشتيها رجع حلف لايتبرى مني اخذت البنت عقدنا وشليتها الحديده وقلت لها فتره واطلقها لاجل يمين ابي بس تتكفر وغدير مش داريه بشي وهكذا سبعه أشهر والبنت بنت مالمستها ولااشتيها ولا حتى كانت في حسي

اسير يوم في الاسبوع اطمن عليها واطرح مصاريفها وافلتها ليوم وقعت مشكله بينهم جاء يشل المره كالعاده بس هذه المره شلها بكلام يوجع  هانني عمي ومرتي معه قالوا ماناش رجال وجابوا كلام جارح قوووي مااقدر اقله لك وهي عرفت اني تزوجت...









https://t.me/rewayatyamania/46942










📚 @rewayatyamania  🇾🇪

🤍


بارتـات يومنـا الخميـس👆🏻😍

.

البـارت 31 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


اسير يوم في الاسبوع اطمن عليها واطرح مصاريفها وافلتها ليوم وقعت مشكله بينهم جاء يشل المره كالعاده بس هذه المره شلها بكلام يوجع  هانني عمي ومرتي معه قالوا ماناش رجال وجابوا كلام جارح قوووي مااقدر اقله لك وهي عرفت انه تزوجت حلفت لها مالمستها قلت لها لا تصدقيش ابوش ولش مايرضي خاطرش راسلتها بعد ماخرجت وهي ولا فعلت لكلامي حساب

لحقت ابوها وانا حرمت وطلقت ماعاد ترجع شليت العيال الحديده وجلسنا تصدق يابسام ان الثلاث الاسابيع هذه حسيت فيها اني عايش وكل السنين اللي سارت من عمري ماكني عشت فيها شفت الخوف والاحترام اني رجال ولي كلمتي في عيون حور وشفت الذل والاهانه في السنين الاوله مع غدير شفت الاهتمام للعيال ومراعاه مشاعرهم لحد يصيح عندهم من حور وشفت اللامبالاه في غدير ويفتجعوا العيال والا مااشتوا اهم شي رايي وكلمتي

قارنت حاجات خيرات فعلا بعض المواقف تكون خير لنا ولو فيها وجع تكشف لنا كل الحقايق وذاحين الصبح يقل ابوك رديت مرتك للبيت والعيال ردهم سدينا انا وعمك ولا كأني رجال عندهم مابيعتبر ابي لكلمتي حساب ولا يقل ابني غاثي منهم نقصوا من قيمته اهم شي مصلحته انا قلت ماعترجع واني حرمت وطلقت رجع لطمني وطرني من البيت وهذا انا عندك


بسام كان مركز ع كل حرف بيقله اخوه ومتألم ع حاله بس مش مثل مارقص قلبه لما قال انه وحور ماصار بينهم شي وكأن شي من قلبه برد دعمم كل شي وقال: ويحين عتطلق حور اشتي اشلها معي ونسافر وعدتها ادرسها


بدر ابتسم وشهق في نفس اللحظه: هههه انت داري اني قلت لها تريع شاجي اشلها وتدي الشهايد حقها معاها لو تبسر كم فاقده لك وتقل مدري ماله ما بيتصل لعندي ولا بيرد ع رسايلي هو وعدني يشلني وعدني يدرسني رجع قلت لها شاوفي بوعد اخي انا وقلت اسجلها وزد عناد في الشيخ لانه عصب بقوته لما دري اني شاسجلها


بسام: خلاص قذا جيت طلقها ومرتك رجعت وشاسافر انا وهي


بدر انقبض قلبه من كلمه طلقها وقطب حواجبه وشاف بسام بنظره خلت هذه النظره بسام يبعد نظره لبعيد منه ويتحاشى النظر فيهن وشاف البنات اللي شافهن في الجوله (حنين وبحور) خارجات من الطاوله اللي وراه وماشيات


بدر: اطلقها عوذب عادو الا بدأ هذا واشر ع ❤ يدق مشاعر غريبه يااخي رن تلفونه ها ذكرناها اتصلت لو ذكرنا مليون


بسام داخله ااااااااح هي اغلى من المليون يانذل مشاعر غريبه جعلك غراب رد ضميره مالك ع اخوك هذا بدر بدر الذي ما بيسخى عليك بشي جاوب ع نفسه ريته سخي في كل شي ولا شل حور وحور من بسرها وعرفها عتشل قلبه مثل ماشلت قلبي

.
.

تجهزت حور ومنتظره رنه بدر لها فكرت ماهي اغلى شي عندها ذكرت السلس والاسويره اللي في الدولاب حقها السلس كان حرف اسمها جابه لها بسام في عيد ميلادها واللي بيحتفل باليوم اللي جيت فيه ع بيتهم ويقل انه يوم عيد ميلادها 

لبسته وتحسست بيدها عليه وحنت له قوي والاسويره كانت في يدها ما تبعدها ابدا كانت هديه من مدرسه الاسلاميه لها هي وبحور لما كانين صف ثالث ومن يومها والاسويره ماتبعدها من يدها واذا بعدتها ترجع تلبسها من جديد.


حور وهي معصبه وباين عصبيتها من صوتها: وين انت كم لي مريعه لك وزد مصدقه لك شليت اغلى ماعندي


بدر وهو فاتح الاسبيكر ومبتسم ع عصبيتها الواضحه من صوتها: ايوه وماهن اغلى شي عندش.


حور قالت من قلبها: والله مامعي شي غالي الا سلس اخوك الغايب


بسام حس بوجع في قلبه وذكر  السلس اللي جابه لها في عيد ميلادها


بدر: واذا اديت لش الغايب بنفسه ماعتفعلي


حور: ابتسمت ولو اديته انا غاثيه منه ذاحين وين انت من صدق صدقتك ومريعه لك


بدر: الان معي لش مفاجأه ريعي لي انتي وامي في الصاله اهم شي الشيخ مشو موجود


حور تحمست لما قال مفاجأة: لا مش موجود خرج وشل رجع سكتت ماقالت شل العيال معه بس ايش المفاجأة


بدر: نص ساعه وتدري

حور بدلع: هيا امانه مايصبرني

بدر تحيلا لها: شدي الغايب واجي لا تقليش لامي خليها تفرح بعد النكد حق الصبح

حور شهقت: احلف بسام رجع

بدر: ايوه اوذا معي ذاحين

حور دمعين عيونها غصب عنها: يله طيب منتظره لكم


بسام (من لما سمعت صوتها دق قلبي دقات يسمعوهن من صنعاء لذمار صوتها الطفولي شقوتها الحروف لما تنطقها شكلها ضحكتها كل شي كل شي خلاني اموت فقد لها واعاتب قلبي من جديد والومه كيف سخي قلبك ع حور يابسام حور حور كيف سخيت عليها هون ع قلبه لما قالت السلس اغلى ماعندي مش داري كيف يبسر لوجهها كيف يسلم عليها هي ماعاد له حق حتى يفكر فيها بيبسر ملامح وجه اخوه وتعابير وجهه لما كلمها كيف الراحه تبدلت لوجهه بعد الساعه من الهدار عن كل ما يعانيه هذه الفتره



















📚 @rewayatyamania  🇾🇪

.

البـارت 32 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


وصلت البيت بعد ما وصلت حنين لبيتهم دخلت بكل هدوء وراحه نفسيه حستها اليوم انها من بعد ايام عتقدم برنامج اسبوعي لها خاص فيها عتتألق فيه وحاسه انه عيوصلها لحور وان الحل الوحيد الاعلام تناقش فيه عده قضايا مكبوته داخلها

وهي داخلة لعند امها سيده هذه الانسانه اللي كانت لها حضن كله حنان وامان وسعاده احتوتها وهونت عليها وهي ماعليه الان من فضلها وهي بحور بقوتها وشخصيتها بفضل امل لها ودعمها وهي بحور ونجاحها الان بفضل زياد وانه مثل ظلها وهي بحور بفرفشتها وضحكتها وجمالها بفضل حنين توأم روحها بس في لحظه هي ممتنه لهذه الاسره اللي احتوتها ممتنه للحظه للوقت اللي جمعها بهم وبتحمد الله عليهم..

بس في  لحظه حست  ان كل المشاعر والمواقف اللي كانت في هذك اللحظات تبخرت بلحظه وحست حركه جسمها كأنها انشلت


امل: مصمم يمه عليها


سيده(الجدة)بصوتها المهزوز: الله يقنع قلبه ماعذر من خير


امل: تخيلوا يمه قال حتى ولو وافقت على علي هذا اردهم نابي انه مش موافقين والا لايجنن رسمي


سيده: وبحور هي عترفض علي بس زياد ضروري يقنع منها انتي مجنونه تزوجي ابنش بواحده داريين ايش حصل معاها ولو هي غاليه عليا وتربت ع يدنا بس زياد اغلى


امل: كيف افعل يمه دليني


سيده: حاكيه بقصة الاغتصاب لها وانها مشي بنت وانكن فعلتين عمليه لها وهو عيقنع


امل: مايسبر يمه بحور بنت مالها ذنب بقصه اغتصاب وهي منومه من قبل وحش مشو انسان مالها ذنب


سيده: داريه مالها ذنب بس مانفعل كان ماعيقنع زياد منها


امل وكأنها حست بشي تحرك قامت تشوف ايش الشي هذا شافت بحور قدامها ارتبكت وماقدرت تتكلم

امل: ها بحور كم لش هانا ماسمعنا السيارة ويحين دخلتي


بحور بقوه رغم الدمار اللي داخلها وعتظل في نظرهم ناقصه مهما كملت نفسها عتظل في نظرهم الانسانه اللي مدري من اهلها او يمكن تكون عار ع واحده غلطت ورجمتها هي واختها هذا وهم الناس اللي احتووها وهي عمرها 10 سنين ومش راضيين فيها لابنهم كيف بعلي اذا عرف الحقيقية ومن اين هي بس كل شي يهون قدام اغتصاب اي اغتصاب ما اذكر شي من هذا كله

رغم الخراب وقفت بكل قوه قدامهن وبابتسامه تحاشت النظر او اي كلام يمكن تقله لها امل هونت عليها الاستفسار والسؤال من متى جت وكم لها: عاد انا وصلت ذاحين وين هم امي


قربت لعند سيده وحبت راسها: امه شكلكم اليوم تاعبين بس معي خبر حالي وقعت العقد في الاذاعه ومن الاسبوع الجيي عتبدا في البرنامج بس المخرج طلع علي نفسه المندوب نفسه الخطيب المستقبلي ماعاد قدرت تمثل اكثر بتحس نفسها عتبكي في اي لحظه بس معي ذاحين بروفا بعد العصر شاسير واتاخر غير قلت اطمن عليش ماناش داريه ان امل عندكم

التفت لامل انتبهي لها يمكن اتاخر ارقدي عندنا لاني شاجي واردش خبر ع علي ايش تقلي لهم


ما خلت فرصه لامل وسيده يردين عليها حست امل من طريقه كلامها وارتباكها ان هي سمعت شي قلبها قبضها وحست بندم وندم شديد مجرد مايطلع احساسها صح

.
.

وصل بسام وبدر للبيت كان بسام مش همه شي الا لما يشوفها خايف يضعف وماله عين يشوف لعيونها العيون اللي بيستمد منهن تفاؤله وقوته في الحياه


بدر دخل بابتسامه عكس التكشيره حق الصبح لما خرج

بدر بصوت: امممممممه يمه ياام بدر.


بسام بغيره: اممممه يا ست الحبايب ياام بسام


جليله كانت بتصلي سمعت اصواتهم خافت شبهت صوت بسام تعوذت من الشيطان وقامت بتلف سجادتها


بدر وبسام بصوت واحد من الدور الاول: اممممممممممممهههههههههه.


جليلة بسرتهم من طالع بسرت بسام وبدر كانت تنزل من الدرج بسرعه: امي وروحي امي وقلبي حيااااااا بنظر عيني حيا بروح امه

بسام ضم امه بقوه وسلم عليها

بدر بيشوفهم تنحنح: احنا هانا والله وانا ابنش والكل وعادو قع لي ملطام من زوجش جي ع الاقل حبيني( بوسيني ) هنيه واشر لخده بقعه الملطام لعل وعسى يخف الوجع

جليله ضحكت: هههههههههههههه كلكم عيالي والله ان قلبي غاثي لوما طمنتني عليك حور

بدر: الا صدق وينها قلنا لها تريع معانا مفاجأة


جليله: جت تقل ريعي لبدر نازل قال معه مفاجأة قلت اصلي وارجع انزل


بدر بيداعي حور من الدرج: حووووووور


بسام اقتهر بيحس ماعاد له حق فيها بشي شاف امه بنظرة قهر واللي عارفه بمشاعره لعند حور طبطبت ع يده ومسكتها بقوه واشرت براسها له وكأنها فاهمه شعوره لحظتها


حور (كنت في غرفتي وقتها شفت لحظه ما وصلوا كنت اشتي...





















📚 @rewayatyamania  🇾🇪

.

البـارت 33 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


حور (كنت في غرفتي وقتها شفت لحظه ما وصلوا كنت اشتي انط من الطاقه من شده فرحي بسام رجع ابتسامي لثغري وحسيت روحي رجعت  بس انا زاعله منه وعلى هجره وضروري يتعاقب ومش بسهوله شاكلمه واسلم عليه لانه مره قلي (ياحور لا تخلي حد يستهون بمشاعرش ولا  يزعلش ويبكي عيونش شلي حقش منه ومن عيونه واللي يوجعش بيوم وما يخليش الليل تنامي بسلام وتجلسي طول الليل تفكري فيه وتهميه هذا ما يستاهل يكون في حياتش لا ترخصي نفسش ومشاعرش لحد لا للاخ ولا لصديقه ولا لحد خلي لنفسش قدر ومثل ما حوريات البحر في عمق البحر ومحد قادر يوصل لهن انتي مثلهن حور.. محد عيزعلش لو اقطع لش من هذا واشر ع قلبه والله لاشرب من دمه اللي ينزل الدموع من هولا العيون )


وانا ذاكره كل حرف قلته لي قبل ماتسافر ومحد زعلني الا انت وقهرني وخلاني الليل ما انام وافكر ليش هجرتني مافعلت بك كنت اتصل فيك ارسل لك ما تكلمني ولا ترد عليا وجعتني قوووووي


انفتح عليها باب غرفتها كانت لابسه فستان شيفون طويل واكمامه طوال لونه اصفر وكانت جالسه ع طرف سريرها وجالسه بتمشط شعرها وسارحه في بسام وبتذكر كلامهم مع بعض .


جالس بدر يتاملها بصمت وكأن رصاصه صابت قلبه بقوه كانت بتشع مثل الشمس الصفراء شعرها الذهبي المايل للاشقر وحركه يدها وهي بتمرر المشط فيه ولون عيونها العسلي


حور ركزت عليه ونكزت

حور بتلم شعرها بالشباصه: عاد الناس يدقوا الباب


بدر: مرتي ليش ادق

حور دق قلبها من كلمه مرتي: لاياشيخ قل بغيرها مرتك اهجع لافضحك ملان البيت


بدر ابتسم ودخل وغلق الباب: ايش عتقلي لهم بدر ماقد لمسني لحد الان

حور ارتكبت من كلامه وشكله وهو مربع يداته وبيكلمها

حور تشتي ترد بس سكتها حركته لما مسك يداها بدر: انا جاهز تقعي مرتي من صدق


حور ارتجف جسمها وبعدت يدها بقوه منه: بغير خباله شلت الشيله من فوق السرير وفلتته ونزلت


بدر استوعب ع نفسه ماقال وكيف لمس يداها وكيف ارتكبت وخجلت تنهد ومسك ع قلبه: ااااااااه مابيحصل لك يابدر ما لحالك مقلوب هكذا



خرجت حور كانت تلمس خدودها وتتحسسهن تحس النار بتخرج منهن تنهدت وهي داريه كيف تسوي هي ناويه ما تشوف بسام يحس بزعلها شويه بس بدر جبرها تنزل

جليله شافتها: حيا ببنتي وين انتي


حور: كنت بين اصلي وبتتحاشى تبسر لوجه بسام

وبسام نفس الخبر بيبسر للقاع


جليله بتشوفهم: هيا مالكم ساع الاغراب كنكم ماتتعارفوا


حور رفعت عيونها وبسام والكل

التقت عيونهم مع بعض وكانت كل نظره منهم كلها عتاب وفقد


حور: الا اعرفه بس انا ما شاسلم عليه انا حانقه منه

ابتسم بسام وجليله: وليش حانقه

حور جلست ع طرف الكنبه وبدر خلفها من بعيد شوي وبكل عفويه: لو تبسروا يمه هذا الكريه واشرت ع بسام كم قد راسلته واتصلت له وهو ولا عاد عبرني ولا عاد رد عليا كم رسلت له واتصلت له لما الشيخ قال عيزوجني ببدر وهو مدعمم قال تلفونه انكسر مدري انسرق سبحان الله ما بقي في تلفونه هكذا الا لما احتجته وهو قال لي والله ما افلتش وانا سندش واخوش وصديقش هيا وين سار حكاه يمه بين احاكيه ولا بيرد مافعلت به

وانفجرت بكاء انا اصلا غاثيه منه كيف اسلم عليه لا يحاكيني ولا يسلم عليا وبكل طفوله قالت: ولااشتي حقه الهديه الذي قال لما سافر عيرجع ويديها وبتمسح دموعها بطرف الكم حق الفستان

.
.

عند الشيخ وخبرته كملوا يسوروا ربع الارضيه لان هي كبيره جدا ومساحتها شاسعه


الشيخ بصوت عالي بيداعي: يله ياطارق(واحد من رجاله) هذه ميه الف وبياشر بها لعنده سير ادي غداء وقات


قبل مايرد عليه صوت طارق جا له صوت واحد شكله كان اسمر اللون وطويل جذاب جدا شكله انيق ومهندم

قابوس بيتقدم لعنده: الله المستعان تسور ارضيه تحت بيتي واشر لعند بيته ومن الصبح هدار وداويه وماخليتوني ارقد ولا خليتوا امي التاعبه تهجع لها وكاد وحجار وياجنازه الله حلقي وزيد اخليكم تتغدوا من خارج وبصوت عالي بحكم انه يسمعه كل الذي حوله انا قابوس

(كل الذي كانوا حول الشيخ رفعوا سلاحهم لعنده لانه عارفين ان الارضيه هي لقابوس) بس ما هابهم قابوس وواصل كلامه ( حفيد الشيخ غالب وابن الشيخ عمار عارف باصول المشيخه والقبيله لو اسافر لاخر الدنيا ماعتغير فيني الدول شي ويمين بالله ماتتغدوا كلكم الا عندي والغداء جاهز ارحبووووا يارجال


الشيخ جهران استحى ع نفسه وحس نفسه صغير قدام كلامه اشر لرجاله ينزلوا الاوالي ومشي هو وحاتم مع قابوس


قابوس داخله: ههههههههههه عنبسر ايش اخرتها معك ياجهران


تقدم جهران ورجاله شافوا الحوش كله ملطخ بدم


قابوس شاف الدم وذكر ربيع وموقفه معه الصبح


قابوس ابتسم وطمنهم: لا تقلقوا يارجال هذه دمه اليوم جت تلعب معي ومشي قد اللعب قتلتها ادخلووووا فوق العين وفوق الراس


https://t.me/+Ecxq_OzMYh40M2E0



📚 @rewayatyamania  🇾🇪

.

البـارت 34 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


دخلوا الرجال ع مايده مالها اول ولا لها اخر ويحين جهز قابوس الاكل ومن طبخ.


#قبل ساعات ⌚ ..

قابوس نزل من الدرج بعد ماكلم الياسمين وقع في فخه لعبه السنين


ربيع وهو بيكلم امه: يمه قد بطوني بين ارجلي والله ليقتلنا هو مريض مريض قومي نهرب قبل مايدرا بشي


ام ربيع بخوف: وانت من قلك تحاكيه وتوثق فيه وببكاء ياالله خارجنا من قابوس ومن جهران هذا


ربيع: بعد الظهر عنخطى لنا من غير محد يحس رشا قد لفت الثياب باقي كم حاجه شاخرج رشا الاوله عشان محد يشك وبعدها انتوا


ام ربيع: وخالتك رقيه والولد 

ربيع: لهم الله ماعيسخى عليهم قابوس لما يهدا ويفهم كل شي هو طيب بس وقت العصبيه مايعرف حد


ام ربيع بقلب ام من اعماق قلبها بتدعي: يارب خارجنا يارب


بعد مرور نص ساعه من هذا الحوار بين ام ربيع وربيع

ربيع: خلاص ياقابوس بردت قلبك قد دمي ملان الحوش

قابوس وهو بيتنفس بسرعه من كثر ما ضرب ربيع: تحاكى اسمعك اشتي كل شي تقله لي بالتفصيل وبكل صدق لو ادرى انك تنقص شي والا تكذب بشي ياويلك ومسك شعر راسه بتفهم

ربيع وهو حاسس ان نهايته قربت

ربيع: قبل 22 سنه كنت اشوف ناس بيلووا عند الارضيه اللي تحت البيت وارجع نزلت اشوفهم مجرد ماقربت منهم عمروا فوقي الاوالي وقال


الشيخ: رحلك ياابني لا تدخلش روحك انت الا حارس ساع اسمك

ربيع بهنجمه: هذه الارض للشيخ قابوس وهذا كله وبياشر على ماحول البيت كله له وحقه وملكه


الشيخ طلع فوق سيارته ومشي وماعاد كلمني ليوم قبل 10 سنين كنت ع ضويتي من الملجأ طرحت لهن الفلوس ومشيت ومن دون محد يعرف من انا كنت امكن الحارس واقل للتوأم الذي طرحهن الشيخ قابوس ويوم كنت مراقب ما حسيت الا بعصا ع راسي وماعاد صحيت الا وانا والحارس جنب بعض ومكتفين ايدينا


ربيع: وين انا اااااااه راسي ياعيال ال....وين انا


الحارس مثله جالس بيسبح الله ويستغفر ومرعوب من المكان الذي هو فيه وهو واحد بعد حاله ماياذي حد ولا له علاقه مع حد


ربيع بيشوف الحارس: انت الحارس العم صالح صح

صالح: ايوه ياابني منهم هولا الذي شلونا انا وانت من باب الملجأ

ربيع: والله مالي علم وبيمسك راسه من الالم


دخل عليهم الشيخ وابنه واثنين رجال


جلس الشيخ فوق كرسي وقال مااشتيش أاذي حد فيكم انا شيخ ولي سمعتي ومكانتي اشتي تفهموني الاثنين من هن الذي طرحهن الشيخ قابوس ماقصة البنات الذي كنتوا بتتحاكوا عليهن


ربيع بيشوف للحارس والحارس بيشوفه المهم بعد عذاب وتهديد نطق الحارس


صالح: والله ياابني انه في يوم جا لنا واحد طرح لنا ثنتين بنات ساع القمارا كانين توأم وقال هولا بناتي انا مااقدرش اربيهن وامهن ماتت وجدتهن معاقه عيكن يرسل صرفتهن والمهم مايعرفين ان ابوهن عايش انا مااشتيهن انا مسافر انا ومرتي الجديده وامي تاعبه ماعتقدر تنتبه لهن وخلاص والبنات كبرين وتربين عندنا ومش عارفات من اهلهن ولا حتى فكر يجي يشوفهن


انا والله ماتحاكيت يا قابوس ولا نطقت بحرف ماقلت انهن بنات الياسمين ولا بنات غمدان وافقت الحارس بكلامه وقلت انه صدق كلامه مع انه غلط مش هن بناتك بس وقتها فكوا لنا وماعاد بسرت وجه الشيخ الا اليوم هو نفسه اللي خطفنا ونفسه اللي شل البنات من الميتم والكل لانه تبنى الشيخ واحده و الثانيه تبنتها اسره ثانيه قال لي الحارس هكذا

بعد اخر مره شليت له الزلط والله هذا كل شي واليوم خفت خفت لما شفته نفسه وانا مخبي عليك ماعاد ذكرناها ولا عاد بسرته حتى ماناش داري باسمه الاشكله بس سامحني سامحني وببكاء لا تقتلني امي وامك محتاجات لي ومرتي حامل..

.
.

نوريتا: ياسمين اذا تشتي تتخلصي من كل هذه الكوابيس وترجع لش ذاكرتش لا تكني تقلي بكل شي لقابوس

ياسمين بصدمه: ذاكرتي

نوريتا: ايوه ذاكرتش تعتبر مفقوده من لما سويتي الحادث في اليمن وهذه الكوابيس هي اشياء حصلت معش في الماضي انتي بتتحسني انتي باقي وقت بسيط وترجع لش كل ذاكرتش انتي ضروري تريحي بالش من كل شي ودام قابوس مسافر هو اللي كان مايشتي يشوفش بتتعذبي وتكوبسي انا قطعت عليش العلاج لان هذه الكوابيس هي اللي عتساعدش في ذكرياتش ترجع وحياتش تعرفيها صح


ياسمين بدات تبكي: حتى ماعاد بين احس بالامان مع حد


نوريتا: قابوس يحبش معه كل الامان بس اوعديني انش ما تقلي له ايش بيحصل في الجلسات ولا تقلي له ايش بتحلمي واذا سألش نوريتا ردت لش الحبوب قلي ايوه ردتهن وما تكرري غلطه الصبح انا شليت التلفون فجاه منش لانش كنتي عتغلطي وقابوس عيرجع في لمح البصر ويشوف علاء وعلاء ماله ذنب اصلا.


ياسمين ابتسمت لمجرد ذكر علاء: مارايش نسير الليل نتعشى في المطعم اليمني


نوريتا: مشغوله معي عمل في المشفى سيري لحالش عترتاحي اكثر اجلسي اكثر مع نفسش واكتبي لي الاشياء الجميله اللي حسيتي فيها.




















📚 @rewayatyamania  🇾🇪

.

البـارت 35 ⇩


عبـق اليـاسمـين 🤍

👌🏻👇🏻 😍
📚 @rewayatyamania  🇾🇪


ياسمين ابتسمت لمجرد ذكر علاء: مارايش نسير الليل نتعشى في المطعم اليمني


نوريتا: مشغوله معي عمل في المشفى سيري لحالش عترتاحي اكثر اجلسي اكثر مع نفسش واكتبي لي الاشياء الجميله اللي حسيتي فيها.



مشيت الياسمين ونوريتا فتحت المعرض وبتشوف اللوحات اللي صورتهن تبع قابوس كانين فوق 2000 لوحه بس اللوحات الاخيره اللي كانت معلقه ع الجدران وغيرهن مطروحات ع الطاوله شافت لوحه كان مرسوم فيها طفلين صغار جالسين في رصيف ع الشارع فيه ناس كثير.

الطفل الي كان على يمين اللوحه كان يبكي والطفل الي ع يسارها كان محاوط.بيداته ع كتف الطفل اللي بيبكي وكانه بيواسيه على شي ما.


لفت انتباهها لوحه ثانيه 🖼   كبيره وكأنها بتحكي قصه حصلت كان في بنت جميله وكانت حامل كان جنبها رجال بس كان شكله بشع وجهه وجه حيوان وجسمه جسم انسان بس كان من بعيد نفس الطفل اللي كان يبكي كان يشوفهم.

.
.


عند بحور خرجت من البيت وهي متبلده مش مصدقه ماسمعت حتى الدموع عاندتها ومانزلت كان داخلها يصرخ داخلها كأنه بركان كانت تسوق بكل سرعه وكأنها بهذه السرعه تشتي تتخلص من حياتها كلها زادت سرعة السياره كانت لفت يمين بالسكان لمحت الاسويره اللي لبستها حور لما تكرمين من استاذه الاسلاميه ذكرت حور ومر كل شي حصل ذيك اليوم صوت حور في اذنها


حور وهي بترفع خصلات شعر بحور وتحطهن لها قفا اذنها: المره الثانية عنجي من المرتبه الاولى مش الثالثه ما عنخلي سحر  تزيد علينا


بحور وقد الدموع في عيونها: ماقدرت البسها

حور: انتي واصل بكيه لانش ماقدرتي تلبسيها عتبكي ادي يدش

بحور مدت يدها ولبستها حور.

حور: دام اختش معش لا تقلقي شاكن امسح دمعتش واصل

بحور: واذا فلتيني يوم وبكيت وحدي

حور: ابسري الاسويره واذكريني ولا تبكيش ابدا الا وانا معش محد عيمسح دمعتش الا انا


بحور اكتبدت بالدموع وبتحس صدرها عينفجر من كثر الضغط عليه وبتقل لنفسها: حور قالت لا تنزليش دموعش وهي مش موجوده قوتش وسندش مابحد لكتف من عتسندي راسش

وقفت سيارتها لما شافت متر قطع عليها الطريق ووقف وسط الشارع انصددمت من حركه صاحب المتر كان لابس الخوذه تبع المترات (كوفيه الحمايه اللي تغطي الراس والعيون) بعد الكوفيه شافته وانصدمت من...

.
.

من يعيرني حياة أخرى! دون الم دون إن اعرف من اكون .


مسحت دموعها بطرف اكمام الفستان حقها

بدر تحيلا لحركتها وكأنها جيهان عنده مش بنت في العشرينات اما بسام حس انه حد طعنه بسكين في حلقه لا هو قادر يطلع الكلام ولا هو قادر يسكت مش داري مايفعل.

بدر من خلفها: سامحيه ياحور وغمز لبسام اخر مره له معذور بسر الزرق والشقر والحمر والصفر ونسيش


بسام من دون ما يحس اللي قاله: والله مايسوين حذاتها

حور وجليله وبدر بسروه

بسام بسرهم وسكت


حور: يله شاقوم اصلح الغداء


بدر: احنا تغدينا الحمد لله


حور: سم ويحين تغديتوا وانا مريعه بشهادتي  مصدقه لك وبمكابره وبتشوف بسام كم انا متحمسه للدراسه


جليلة: ياعيبتش عليهم ياحور تقلي لهم سم


حور: وهم ياعيبتهم علينا مايغدونا


بسام: لاجل عين تكرم الف عين قومين البسين هيا

بدر: ماشي انت اطلع ارتاح وانا شاسير ادي لهن

جليلة: الغداء موجود ليش عاد


قطع عليهم رنه تلفون بدر بسر المتصل وقطب (عقد) حواجبه شاف حور بنظره وخرج يجاوب خارج

حور شافته خرج قامت من عندهم ودخلت المطبخ فتحت الحنفيه وبتغسل وجهها تنهدت بقوووووه بتمسح وجهها بالشيلة وبتمشي مش منتبهه صدمت في شي بعدت الشيله من وجهها شافت بسام قدامها

حور رجعت خطوه منه وبسام فتح يداته بمعنى تعالي اسلم عليش

حور هزت راسها ورفعت جنوبها بمعنى لا

بسام بيحرك شفايفه من دون صوت: انا اسف اسمعيني وبياشر لعند اذنه


حور كابرت وهي اصلا فاقده له اكثر (مشاعر حور عكس بسام حور مشاعرها مشاعر اخ لاخته مشاعر تربوا مع بعض تربت عندهم وع يدهم ما تحمل اي مشاعر ثانيه الا مشاعر اخوه ) سارت لعند البوتجاز وبدات تحمي الاكل شافته جالس بيشوفها

بسام: يعني ما تشتيش تسمعي عذري

حور: ولاعذر عندي عيغفر لك ولاقد تسرش ترقد وبعصبيه(فعلت لك البيتزا) اللي بتعجبك كل واطلع بعدها ارتاح تحت عيونك حارق شكلك ما كنت تنام سوى وجسمك سمن شكلك ماعاد تمارس رياضه ولا سافرت وكنسلت كل برنامجك اللي كنت تفعله هانا


بسام بيسمعها ومبتسم ويشتي يضم يداتها ساع اول ويقل لها احكي لي ما حصل معش من لما عقدتي لليوم لانها الفتره الوحيده اللي ماعاد عرف عنها شي

بسام قرب لعندها: ادي اعاونش

حور قلبت عيونها فوقه وبتقرب الاكل



عند بدر شاف المتصل وضاق به صدره توقعها تتصل لانها عوايدها مثل كل مره يردها ابوها وابوه

بدر ساكت

غدير ع طول: ...


https://t.me/+Ecxq_OzMYh40M2E0



📚 @rewayatyamania  🇾🇪