البـارت 31 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


خالد: اسف يا دكتور

الدكتور: لا عادي انا مقدر حالته واي واحد بينفعل هذا اخوه

خالد هز راسه بمعنى ايوه

الدكتور : ع العموم احنا عنفعل جهدنا والباقي ع الله

خالد: ونعم بالله

توليب اول ما سمعت الدكتور جلست ادعي : يارب احميه مابش معانا احد غيره يارب احفظه لنا يا رب
بس النزيف داخلي يا الله يالله


مرت ساعتين واحنا بنفس الوضعيه شي مخييييييف

خالد: حسام روح امك وبسر محمود واحنا عنجلس عنده

حسام هز راسه وقام : يله


توليب لا لا هذا يلي خايفه منه من اول مستحيل اخليه واحده مستحيل

فيروز: يله يا توليب

توليب يارب هذه المره صوتي يطلع: لا شجلس هانا

فيروز: عتتعبي يا بنتي وبعدا الوقت متاخر ما ينفعش تجلسي

توليب تشبثت بالكرسي : ماشي ما شاروحش

خالد قرب: ما ينفعش يا بنتي تجلسي هانا وانا هنا ولا تخافي وعمش هانا والكل

توليب: والله ما اتحرك من هانا غير لما اطمن عليه

سميره بتبسر بنتها ولا قدرت تكلمها هي الاوله حالتها حاله

خالد: اوعدش اول ما يصحى ان شاء الله اجي انا بنفسي واديكن لهانا

عبد الله قرب: مش ضروري توعدها عتروح وهذا الدلع ابوه

توليب عضيت شفتي بقهر ذلحين هذا دلع اه اه انت بس لو تحس بلي بين احسه داخلي لتموت
طنشته وساكته

عبد الله : قومي يله السياره خارج

توليب وقفت وانا يله قدرت اوقف اه هذا شكله فرح حين قمت
بسرعه قربت لاقرب كرسي من غرفه الطوارئ وجلست عليه
ابسرته اقتهر
كملت وانا بين ااشر للغرفه : ولي امري هانا مش انت بتامرني
لاول مره حسيت نفسي قويه لهذه الدرجه

عبد الله قرب منها وبعدا ادى لها كف قوي

خالد جري: مالك مش هكذا البنت تاعبه محد يلومها

عبد الله: هذي يشتي لها تربيه من جديد

نزار فتح عيونه بصدمه من قوة الكف والله كف مااقدر اتحمله انا

توليب مسكت بقعة الكف احس البرقع لصق بوجهي وطعم الدم في فمي بس والله ما حسيت بوجع خص نص لانه منه
جلست وانا مطنشه له


عبد الله الان عصب زياده هذي حتى ما احترمته قدامهم : قومي يله

ابسرت لعند امي حسيتها بتترجاني بعيونها
وقفت وانا رافعه راسي علشان ما يحس انه قهرني التفت للغرفه
اسفه والله غصبا عني

مشيت لعند امي وانا مغصوبه ورحت انا وياهم
.
.


فوق السيارة..

سميره بتبكي: يا ربي ما عيقع بي

فيروز: اهدي يااختي ان شاء الله يقوم بالسلامه

توليب مسكت مكان الكف الان بس حسيت بالالم اه حسبي الله عليه

فيروز: حسام انا شجلس اليوم بيت محمود

حسام : حاضرر وصلنا يله انزلين وانا عد ارجع المستشفى

فيروز: حاضر

توليب نزلنا من السياره ودخلنا البيت اول مره احس بالوحشه في بيتنا يا رب

دخلت غرفتي بسرعه وغلقت وارتجمت فوق السرير
ايوه الان اقدر ابكي
بكيت ياالله اشفيه لنا يارب
والله مااقدر استوعب ياربي ساعدنا يارب
التفت للتلفون يلي مرجوم من وقت ما سرنا
ياالله الساعه00: 1

تاكدت من شحن التلفون علشان لوما يتصلوا
شفت مكالمات كثير من غلا وياسمين رجمت التلفون ورجعت اصيح يارب ارحمنا يارب

.
.


في الصباح..

توليب نقزت ومدري اصلا كيف رقدت بسرعه جريت شليت التلفون مابش اي اتصال منهم
خرجت للصاله ابسرت امي وخالتي فيروز راقدات فيها سرت غرفه البنات شفتهن راقدات في سرير واحد مسكينات خايفات قوي

بسرعه شليت التلفون ليش محد حاكانا الان ياربي بسرعه شليت الدفتر اللي جنب تلفون البيت
دورت بين الارقام لقيت اسم حسام بسرعه سجلت الرقم بتلفوني واتصلت
.
.

في المستشفى..

حسام نقز ع رنه تلفونه التفت يمين يسار ذكر اين هم من امس راقدين ع هذه الكراسي رجع ابسر التلفون يلي بيرن رقم غريب جاوب: الو

توليب ارتبكت لوما جاوب بس تشتي تطمن: ايوه ليش ما اتصلتوا تطمنونا

حسام عرف ان هي توليب: احنا من امس ولا قد جاء لنا خبر

توليب ياربي ساعدنا : طيب نشتي نجي لو سمحت وبدات تبكي

حسام: خلاص طيب اول ما يقوم الكل عد احاكيهم وانتين تجهزين

توليب: تمام والله ما انسى لك هذا المعروف
وغلقت وسارت تقومهن

سميره يلي بتحس نفسها منهاره
والله شي مش سهل ابدا😢

واسيل وعبير الكل تجهز ومورع لحسام
.
.


في المستشفى..

الدكتور خرج من عند احمد

خالد بسرعه قام: ها يا دكتور طمنا

الدكتور: تطمنوا بالنسبه للنزيف الوضع تحت السيطره بس هو الان بغيوبه ومااقدرش احدد متى يصحى بالضبط

نزار يلي سمع الدكتور فز بسرعه لعنده

خالد: تسلم يا دكتور

الدكتور: الله يسلمك ومشي

خالد: الحمد لله رب العالمين

نزار فرحان بس خايف من حكاية الغيبوبه هذي

حسام اول ماعرف ع احمد سار بالسياره يجيبهن واول ما وصل خرجين بسرعه

حسام: اطمنوا ياخاله قال الدكتور الوضع تحت السيطره وكل شي تمام

الكل فرح

سميره: عيبشرك الله بوجه النبي ياابني

توليب جالسه تحمد الله لانه استجاب دعوتها

حسام: بس المشكله...
























📚 @rewayatyamania 🇾🇪

البـارت 32 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


حسام: بس المشكله ان هو ذلحين في غيبوبه

سميره حست بقلق : ومتى عيصحى ياابني

حسام: الدكاتره ما يقدروش يحددوا يمكن يصحى باي لحظه واحيانا يتاخر بس في حالته مابش حاجه تخوف هذا يلي بين احسه

سميره: يارب الله يكون معه


وصلوا المستشفى

توليب دخلنا بسرعه لقيت في تجاهي عمي عبدالله طنشت وكملت طريقي اول ما وصلنا عند الغرفه قربت من الباب وانا بين ابسر لداخل بس مش واضح ابسرت احمد وراسه معصب والاجهزه كلها بعرضه

دمعت غصبا عني ياالله قومه بالسلامه التفت لوما جت امي والبنات يشتين يبسرنه وخرت شويه
نقزت ع رنه تلفوني بسرعه خرجته من الحقيبه بين اشوف اسم ياسمين
سرت بعيد عنهم وجاوبت : الو

ياسمين : وينش اعييت ما ورعت ليش صوتش هكذا

توليب ماقدرت تتحمل بكت

ياسمين حست بالقلق : خير مالش بتبكي اقلقتيني

توليب بتتكلم وهي بتبكي: اخي وقع معه حادث وهو الان بغيبوبه

ياسمين انصدمت: ايش
طيب اهدي وان شاء الله يتحسن لا تخافي

توليب بتبكي وبس

ياسمين : في اي مستشفى انتوا

توليب: في الــــ

ياسمين : طيب لا تقلقي ولا شي وان شاء الله يقوم بالسلامه الله معك

توليب غلقت وجلس في الكرسي وانا بين احس نفسي منهاره تماما


التفت ع حسام وهو داخل وبيده اكياس
بسرعه خالتي فيروز شلتهن منه وخرجت صبوح وقربت مني

فيروز : هيا يابناتي لكن من امس ما اكلتين شي

توليب هزيت راسي بمعنى ماشتيش

فيروز: مايسبرش اكلي ع الاقل تقاومي

التفت ع دخله واحده وجنبها ولد عرفت ياسمين
بسرعه قمت وسرت صليها

ياسمين: توليب

توليب جريت حضنتها وكنت ابكي وحسيتها قد هي بتبكي كمان

ياسمين: توليب اهدي ان شاء الله ما يقع شي جي اجلسي

جلسنا بعيد عنهم شويه

ياسمين حاولت اهدي نفسي ع شان توليب والله حالتها حاله : خلاص انتي تبسري ان شاء الله يصحى قريب لا تفعلي بنفسش هكذا

توليب خايفه مره وكل ما ابسر امي وخواتي اخاف اكثر : ان شاء الله
.
.

عند نزار..

نزار ابسرت ابي وهذا عبد الله داخلين علينا بعد ما جوا من عند يلي صدم احمد من الحجز

خالد: نزار يله سير غير ملابسك وكل وبعدا جي لك من امس ع هذه الجلسه

نزار الدكتور طمنا عليه بس والله خايف واحس اني اذا خرجت من المستششفى عد اندم
تعوذت من الشيطان ان شاء الله يقوم بالسلامه

بسرعه قمت بعد ما شليت مفتاح السياره من حسام

فيروز: ورع ياابني هيا سميره نروح

سميره قامت مع بناتها واتجهين لعند ياسمين وتوليب

سميره : هيا يابنتي

توليب قمت وانا مغصوبه وانا بين ابسر للغرفه ياالله احفظه

توليب : هيا عنروحش ع طريقنا

ياسمين: ماشي اسلمي عد باقي معي مشوار. وها انتبهي لنفسش ولا تقلقي تمام ان شاء الله يكون بخير

توليب : ان شاء الله.. الله معك

ياسمين : الله معك

توليب خرجنا من المستشفى وركبنا السياره.

فيروز: دلا دلا ياابني لا تسرعش

نزار ساكت ولا كلمه بيسوق بسرعه

توليب: ياالله ماهي هذه السرعه حاسه ان احنا عنفعل حادث اعوذ بالله

فيروز بقله صبر: نزار دلا لو احنا حاكينا حسام احسن

نزار خففت السرعه لما ابسرتهن قدهن خايفات قوي بس والله مش بقصدي مدري كيف بين احس نفسي مش متوازن

نقزت ع صوتهن بيصيحين بسرعه لفيت السياره
او والله صدق كنت شادق بعرض محل لاحول ولا قوة الا بالله

توليب صحت غصبا عني : انت مجنون


نزار طنشت صياحهن ومحد يلومهن كنا عنسير فيها

توليب عصبت زياده لما رجع لسواقته الاوله
بالله عليكم هذا يعرف يسوق حاسه ان احنا ما عنوصل البيت
ياربي ساعدنا نوصل بسرعه


وصلنا قرب بيتنا فتحت الباب بسرعه وانا مش مصدقه ان احنا وصلنا

دخلنا فكيت العبايه بسرعه وانا حاسه بحر مش طبيعي

امي والبنات دخلين ورائي

اسيل: ليش لحد الان ما قد صحي ليش

توليب قمت لعندها وحضنتها وانا بين احس نفسي قويه : لا تبكي ان شاء الله يصحى قرب

عبير: ياربي انه يصحى بسرعه

توليب كنت بين اسمع كلامهن وقلبي بيتقطع يارب قومه بالسلامه


سمعت الباب بيدق بسرعه قمت فتحت

صفاء دخلت وحضنتني : لا تخافي ان شاء الله بخير

هزيت راسي ودخلت انا وياها

صفاء دخلت سلمت عليهن وحالتهن حاله مسكينات
انا لو مكانهن وكان هيثم كنت عد افرح ههههه

صفاء : لا تتعبي نفسش يا خاله ان شاء يقوم بالسلامه

سميره: الله يسمع منش يابنتي ان شاء الله

صفاء: شكلكن ما قد اكلتين من امس اقوم ذلحين اعمل لكن احلا اكله

توليب تشتي تتكلم

صفاء قاطعتها: لا تقولي شابعه والله انش عتاكلي وغصبا عنش

توليب ابتسمت غصبا عني صدق هذه البنت حبوبه مش مثل امها وخوها

امي قامت تصلي جالسه تدعي

وبعدا قمنا تغدينا غصبا غصبتنا صفاء وانا عيني ع التلفون ع علشان يطمنونا

قمنا صلينا العصر والوقت بيمشي بسرعه
جلست ومابش لي نفس اعمل شي

كنت ابسر كل زاويه في البيت وابسره فيها ياالله قومه بالسلامه



















📚 @rewayatyamania 🇾🇪

البـارت 33 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


والله شي مش سهل اذكر لما مات ابي
كنت في الصف التاسع
لما رجعت من المدرسه وما بحد في البيت حسسيت بالخوف بسرعه سرت لبيت صفاء اسالهم

وفتحت لي امها اه ايش كانت قاسيه حتى ما فكرت بمشاعري لما قالت : ابوش وقع فيه جلطه وسرحوه المستشفى
وانا انهرت لارض وكنت ابكي بحرقه بسرعه خرجت صفاء وكانت تهداني وشليت التلفون واتصلت لاحمد وانا بين ابكي بس تفاجأت لما كان هو بيبكي بقوه.

وهو بيقلي: ابي مات ياتوليب مات

وانا رجمت التلفون وكنت بين اصيح وبعدا اغمي عليا و.....

انتبهت لما دخلت امي بسرعه مسحت دموعي يلي نزلت الله هذي الذكريات يلي توجع الواحد وتجبره انه يبكي الله يرحمك يا ابه والله يشفيك يا اخي.

عدلت جلستي لما دخلت امي بتقلي انه اذن المغرب
ياالله متى مشي الوقت بهذه السرعه
ياالله احمد من امس وهو ع هذه الحاله الله يستر
بسرعه قمت لبست لبس الصلاه وقمت اصلي

.
.

عند نزار..

قمت صليت في المسجد ورجعت مكاني باب الغرفه بعد ما لفت انتباهي الممرضين بيدخلوا لها خيرات
رجعت راسي لورا وحاولت اغمض عيوني وانا بين اتذكر كلام احمد يوم مات ابوه لما لحقته للمستشفى

كنت اشوفه وهو بيصيح ويبكي ولا قدرت اعمل له شي وهو بيقول: نزار خلاص انا انتهيت انتهيت
نزلت دموعي الله نفس الموقف وانا كمان ولا بقدر اعمله شي

تذكرت لما قلت له اني اشتي اتقدم لتوليب وقتها ضحك اول مره ابسره يضحك بهذيك القوه
وانا قلت له : مالك بتضحك خلاص غيرت رأيي ومثلت ان انا حانق.

وبعدا جاء يراضيني ويقلي انا بين امزح بس بين اتخيل انت وتوليب ورجع يضحك

نزار: ايش قصد تتمسخر عليا

احمد : الله يسامحك مابلا
وهو بياشر ع ايديه
نزار +توليب=انفجار

وهو كان صادق وبعدا قلت له خلاص لا تحاكيني ما دخلك انت من هذا

رجع يضحك وقال : خلاص ولا يهمك عتدي لك انفجار لعندك ورجع يضحك

ابتسمت غصبا عني من الذكريات

احمد امانه لا تموت وارجع اتمسخر عليا وبهذلني وصيح فوقي المهم ارجع يا رب


نزار نقزت من هذه الذكريات لما داعاني عم احمد عبد الله
كرهت هذا الشخص من لما كان يحكي لي منه احمد وموقف امس اكد لي كلامه
صدق بعض الناس محد يرتاح لهم ابدا
وقف واتجهت لعنده

عبد الله وهو جالس : اجلس مالك

جلست جنبه وانا مش طايقه

عبد الله : ذلحيين انت خطيب توليب صح

نزار فتحت عيوني بصدمه من كلامه بالله هذا وقت الكلام هذا الان حسسيت انه يشتي يوصل لشي قلت وانا متردد: ايوه.

عبد الله : ها قلت هو صدق والا احمد بيكذذب

نزار ياجماعه هذا الاادمي عيجلطني بالله عليكم الرجال بين الحياه والموت وهو بيتهمه بالكذب
وقفت بطفش من كلامه صدق غثيث
شفت ابي جاي صلينا والقلق باين عليه وبيمششي صلينا بسرعه جريت صليه وانا اقدم خطوه واخر خطوه
.
.

بيت محمود..

اسيل بتبكي من امس ولا قد وقفت احمد كان لهن بالذات مثل الاخ والاب بنفس الوقت

توليب حاولت تهدي فيها بس بدون فايده

توليب اتجهت لامي يلي بتحاكي التلفون وانا مركزه ع تعابير وجهها ياالله رحمتك

نقزت لما رجمت التلفون وهي بتبكي وجت صليا توليب

توليب حسيت كأن احد سكب فوقي ماء بارد
ولحظه وان الباب بيدق

عبير جرت تفتح ع وجه خالتي فيروز وهي بتبكي
وبتقول نسير المستشفى

لبست العبايه وانا مش داريه كيف بلبسها

بسرعه ركبنا السياره وانا بين اسمع حسام بيحاكي تلفون بس من مدري بس باين من تعابير وجهه القلق والخوف

ركبنا السياره وتحركنا

وانا بين امسح دموعي وهن ينزلين مره ثانيه

فيروز وهي بتبكي ماقالك يا ابني

حسام بضيق امانه ماسك دموعه مش قادر يرد : مش عارف

فيروز : كيف مش عارف تحاكى

حسام: مدري قال لي ادي بيت محمود بسرعه وغلق.. وضرب ع السكان بقوه وبصرخه : ليش ابنش نفهم منه شي

توليب يسرحنا ايش يعني بتكون اخر نظره ياالله هزيت راسي وانا بين اطرد هذه الافكار منه

حسسام بيسوق بسرعه جنونيه نزار كلمه وهو بيبكي يعني خلاص يارب ماقدرت احاكيهم متى نوصل


بعد ما وصلنا خرجنا من السياره مثل المجانين بنمشي وسط المستشفى الكل بيشوف لعندنا
وصلت قرب الغرفه وقلبي بيدق وقفت صررراحه مااقدرش اكمل شفت نزار جاي من صليها بيهرول وههو بيمسح دموعه
ياربي خلاص انتهى كل شي
التفت يمين يسار اشتي اصيح

جلست ع ركبي وانا منهارة بين ابسر صلا الغرفه اللي ما ققدرت اتقدم ليها

رجعت التفت ع عمي خالد وعمي عبد الله بيجروا صلا الغرفه غمضت عيوني وانا فيني صررخه قويه

بس لفت انتباهي الدكتور يلي كان يجري بسرعه جنونيه صلا الغرفه

ياالله الكل سار وانا جالسه هانا بس والله ماقدرت اواصل

شفت ممرضه خارجه من الغرفه وهي بتمشي عادي وفي يدها دفتر مشت من جنبي حاولت اوقفها بكل قوتي وكودا خرج صوتي : لو سمحتي

الممرضه وقفت

توليب خفت لما وقفت مشتيش تتحاكى

الممرضه : ايوه

توليب...










https://t.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 34 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


الممرضه : ايوه

توليب داخلي كله بيرجف حتى صوتي ضاع : كيف المريض يلي هانا وانا بين ااشر للغرفه

الممرضه شافت شكلها : ماتوقعي له اخته

توليب هزيت راسي وانا بين ارجف ايش عتقول

الممرضه : الحمد لله حالته مستقره والان صحي.

توليب قفزت حضنتها غصبا عني وانا بين اصيح: ياالله ياالله

الممرضه رحمتها: الحمد لله ع سلامته الان اهله عنده سيري

توليب بسرعه وقفت وانا بين امسح دموعي وابكي مش مصدقه والله لك الحمد ياالله

جريت صلا الغرفه وانا بين الوم نفس ليش ما سرت معاهم من البدايه

وصلت باب الغرفه وانا بين اتنهد
بين ابسر احمد وهم كلهم محوشين عليه
امي وخواتي وخاله فيروز

وعمي خالد وعمي عبد الله وحسام عدا نزار

صحت بسرعه وجريت صليه

كلهم بعدوا عنه لما قربت
ابسرته وهو بيبسر لعندي وعيونه بيدمعين

توليب قربت وانا بين ابكي وابتسم
والله شي كان بالحلم اني اشوفه امامي

كنت بين ابسره مش عارفه ايش اقول

اسيل وعبير جرين وحضنيني وهن بيبكين وانا حضنتهن ومش مصدقه هذه اللحظه

احمد بيشوفهن وبيبكي بس مش قادر يتكلم

حسام بيلتفت يمين شمال: اين نزار

خالد: دخل اول واحد والان خرج

فيروز: قد بسرته وهو بيجري ويبكي الله يهديه فجعنا

حسام: او اول مره ادرى انه حساس هه

الكل ضحك عليه

توليب التفتت لعند احمد وهو مبتسم ع كلام حسام فرحت انه تحسن

الدكتور دخل: الحمد لله ع سلامته والله ما كناش متوقعين يتحسن سبحان الله

خالد: الله يسلمك يا دكتور

الدكتور: الان لو سمحتوا تخرجوا خلوه يرتاح ضروري ع شان حالته
.
.

الكل قام وخرج..

سميره: الحمد لله رب العالمين

فيروز: قد قلت لش ان شاء الله بخير

سميره: اللهم لك الحمد ما كنتش داريه كيف عنفعل من غيره وبدات تبكي

فيروز: هيا ماهو للبكاء قذا بتبسريه بخير والحمد لله


توليب فرحانه مره ماكنت مصدقه الحمد لله الحمد لله
ابسرت تلفوني بيرن باسم ((ياسمين)) بسرعه شليته وجاوبت : الو

ياسمين: ايوه طمنيني ايش قالوا لكم

توليب وهي مبتسمه : ياسمين قام من الغيبوبه قام

ياسمين فرحت: صدق الحمد لله الحمد لله ع سلامته

توليب: الله يسلمش لو تشوفي كيف انا فارحه يا ياسمين ما كنت مصدقه

ياسمين: الحمد لله وانا والكل لو تبسري كم فرحت لش

توليب : يله مع السلامه اسير ابسر ايش بيفعلوا وشرجع اتصل لش بعدا

ياسمين : طيب الله معش

توليب بعد ما غلقت اتجهت لعند امي يلي كانوا يحاكوا الدكتور


الدكتور: لا الان عنخرجه غرفه خاصه وما بيخرج من المستشفى الا لما يتحسن

خالد: طيب يا دكتور افعل يلي مناسب

حسام جالس يدور نزار ولا حصله اتجه لعند ابوه: اين نزار

خالد: يمكن نازل ابسره وبعدا روحوا العائله تمام

حسام: حاضر ونزل يدور نزار

لقيه في صاله الاستقبال: نزار

نزار التفت ساكت

حسام جلس جنبه: مالك ذلحين ضابح المفروض تفرح

نزار ابسر لعنده: عمري ما فرحت اكثر من اليوم يا حسام ودمعين عيونه

حسام: خخخخخ اول مره ابسرك هكذا حساس والا ما صليا قرنديزر هههه

نزار لكمه بخفيف في يده: اص للقانه

حسام: طيب انا سارح اروحهم قالوا بس مرافق واحد يجلس معه

نزار: ايوه انا شجلس وانتوا روحوا

حسام: طيب براحتك تشتي ادي لك شي من البيت

نزار: مع لو احتجت شي شتصلك

حسام هز راسه وقاموا طلعوا

توليب بعد ما تطمنت عليه وشفته قدامنا مفتح خلاص الان ارتحت

حسام: هيا امه

فيروز: يله ياابني والتفتت لعند سميره هيا اختي

سميره وقفت: هيا
.
.


فوق السيارة..

سميره: والله مش انا داريه كيف اشكر وقفتكم معانا

فيروز: الله المستعان عليش احمد ولدنا من زمان لله الحمد ع سلامته ومشتيش اسمع منش هذا الخبر مره ثانيه
.
.

في المستشفى..

نزار جالس مراقب لهم لما خرجوه من الطوارئ ودخلوه غرفه خاصه

خالد: خلاص احنا عنروح واذا احتجت شي اتصلت

نزار: ان شاء الله وهو بيبسر احمد يلي صحي

عبدالله قرب: الحمد لله ع سلامتك مره ثانيه

احمد اشر بعيونه بمعنى الله يسلمك

عبد الله التفت لعند خالد: تسلم يااخي يلي حاكيتني والا ما كنت داري بشي حتى ما عرفت بخطبه بنت اخي من ابنك ولا احد حاكانا والا كنا عنحضر

خالد استغرب يشتي يقله اين خطبه بس التفت لعند نزار يلي بياشر له يقله تمام
خالد: ها خير ان شاء الله عقبى للعرس معوض

عبد الله : الله يحفظك يااخي يله انا شروح. والتفت لعند نزار واحمد: اذا احتجتوا شي بسرعه اتصلت

نزار: ان شاء الله

وخرجوا من عندهم
























📚 @rewayatyamania 🇾🇪

البـارت 35 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


في المستشفى..

احمد بيحاول يتكلم

نزار: اص ولا كلمه لوما تتحسن وبعدا عنتحاكى لوما نشبع

احمد بكي

نزار قرب منه: مالك بتبكي هم

احمد بيتكلم بصعوبه: ان انا بين ابكي من من الفرحه انا لو لو مت ماكنت داري كيف عيقع بهن

نزار: اص ماهو هذا الخبر الاهبل وبعدا وانا ما يفعلوا بي
يشتي يغير نفسيته

احمد ابتسم

نزار: يله الان ارتاح وبعدا بعدا

احمد هز راسه وغمض عيونه
.
.

بيت محمود..

توليب كملت حاكيت غلا بالتلفون وحكيت لها كل شي احس اليوم بفرحه كبيرة
اللي حصل مش قليل
حاولت انام لي يومين من غير نوم بس بدون فائده.
.
.

اليوم التالي الصباح

بيت محمود..

توليب قمت بسرعه اتجهت للصاله وامي بالمطبخ. بتعمل الصبوح
الله لو احمد هانا عمي خالد قال عيسرحنا في العصر نزوره

اسيل قامت وهي ملان نوم: صباح الخير

توليب: ياصباح النور حيا وين هي عبير

اسيل: عاد هي بالحمام(الله يكرم القارئ))

توليب : تمام
.
.

في المستشفى..

نزار التفت لعند احمد عاده راقد
انا ماقدرت ارقد من بعد صلاه الفجر يمكن لاني مش متعود ارقد بمستشفى
البنت افكر ايش عد اكلم ابي كيف افهمه اوف
عدلت جلستي لما دخل الدكتور وممرضه

الدكتور: صباح الخير

نزار: صباح النور يا دكتور

الدكتور بيسبر لاحمد المغذيه وبيضرب له ابر
التفت لما احمد صحي

نزار: صباح الخير

احمد بصعوبه: صباح النور
.
.

بيت خالد..

خالد: خاطركم انا عد اسير العمل ولا تنسي تكلمي نزار
انا اشتي توضيح ليش يكذب ع الرجال وما قاله الصدق

فيروز: تمام شاحاكيه

حسام بين اسمعهم وانا مستغرب ايش يلي خلى نزار يقول هكذا شساله واعرف اكيد
.
.

في المستشفى..

نزار جاوبت التلفون اتصالات من اصحاب احمد وزملاءنا بالدفعه والكل جاي يزوره
وكلها نص ساعه وخرجت دخلتهم

محمد : الحمد لله ع السلامه

احمد: الله يسلمك

حمزه: امانه ان الجامعه بدونك انت ونزار ولاشي

الكل ضحك عليه

امجد: قلي متى قالوا عيخرجوه

نزار: مدري بس لوما يتحسن

محمد: ايوه احسن يجلس هانا تحت المراقبه
.
.

بيت محمود..

توليب جالسه بين ابسر المحاضرات يلي رسلتهن ياسمين ياالله فوت محاضرات كثير المهم يرجع احمد بالسلامة

اسيل وعبير دخلين : توليب

توليب ابسرتهن وابتسمت من الورد يلي بيديهن

عبير: ابسري مااحلاه اشتريناه لاحمد

اسيل: شوفي النوع يلي اخترته انا احسن صح

توليب ابسرت الورد كله شكله يجنن😍: حاليات النوعين انتبهين يهترين

اسيل : اف اي حين عيجي العصر

عبير: الساعه00 :12

توليب ابسرت للتلفون صح كيف بيمشي الوقت بسرعه
.
.

في المستشفى..

احمد: تغديت والا عادك

نزار: الحمد لله ايوه

احمد: مش انا دراي كيف اشكرك يا نزار

نزار: يا رجال ع ايش تشكرني محد يشكر ع الواجب

احمد: الله يحفظك

نزار وهو متردد : احمد ممكن اسالك سوال

احمد استغرب: تفضل

نزار احم : امس هذا عمك كان كان بيسالني اذا انا خطيب اختك و ....

احمد: وانت ما قلت له.

نزار: انا حسيت انه يشتي يوصل لشي فقلت له ايوه

احمد ابتسم: تسلم يا نزار الحمد لله انك قلت له هكذا والا كان عيقل كذبت عليهم اصلا هو مرة اتصل لي وقال يخطبها لولده وانا تصدق قابلته مدري مره او مرتين بس وما ارتحت له ابدا
قلت له ان هي مخطوبه لصاحبي نزار وانت قد كنت حاكيتني عليها

نزار: وحاكى ابي والكل يمكن يشتي يتاكد وانا اشرت لابي يقله ايوه

احمد بتعب : الله يحفظكم بالله عليك هذا يركن عليه الواحد تخيل لو كان وقع فيني شي وماكان عيفعل بهن

نزار ذكر لما عبد الله ضرب توليب كف بس ما حب يتعب صاحبه اكثر


نزار جالس يفكر لانه في موقف صعب ايش عيقل لابوه
وايش بتكون رد عبد الله لما يدري انه كذب
قال وهو متردد : احمد

احمد التفت لعنده : همم

نزار...















https://t.me/joinchat/AAAAAEIz_KDfjDgo7Gaxwg






📚 @rewayatyamania 🇾🇪

البـارت 36 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


نزار جالس يفكر لانه في موقف صعب ايش عيقل لابوه
وايش بتكون رد عبد الله لما يدري انه كذب
قال وهو متردد : احمد

احمد التفت لعنده : همم

نزار بيتحاكى وهو ماسك ع اسنانه: احمد انا متقدم لتوليب مره ثانيه وان شاء الله هذه المره توافق
قال هكذا علشان ما يشك احمد انه فعل هكذا علشانه.

احمد مش مصدق رغم ان توليب رفضته ولو كان غيره ماكان حاكاه ابدا ابتسم وقال: نزار انا داري ليش قلت هكذا

نزار عض ع شفته لو كان اجل هذا الكلام تسرع اف : ايش قصدك يا احمد انت داري ان انا اشتيها من زمان وبعدا هي رفضت تشتي تضمن دراستها والان قديه عتكمل سنه مستحيل ترجع تبطلها

احمد ساكت كأنه مش مصدقه

نزار التفت : ها يا احمد ما قلت انا ماعد اطلعش كذاب عند عمك وابي والا سرت اخطبها من عمك عاده ولي امركم
يشتي ينرفزه

احمد ضبح : نزار لو سمحت لا تقول ولي امرنا ما اعرفهش من زمان لذلك اسكت
وبالنسبه لتوليب انا عد احاكيها بس اذا رفضت مره ثانيه انا ماادخل لا تزيد تدخل عمي بيننا

نزار ابتسم لانه قدر عليه ومتوتر لانه متاكد انها ما عتوافق : اوكي

نزار : طيب ايش رايك اسير ادي لي انا وانت قات عيعجبك ههه.

احمد بيبسر لنفسه ويرجع يبسر لعنده بمعنى بتبسر حالتي وتقول اخزن 😒😒

نزار : ههههه وما فيها عد اكلك انا ايش رايك

احمد : نزار قوم اخرج من عندي امانه انك ثقيل دم اعظم من اخوك

نزار: هههههه اص لا يسمعك يصدق
يله مادامك قلت اخرج عد اخرج بس لا تفرح نفسك انا عد ارجع

احمد : ناهي اخرج

نزار: ههههههه حاضر.. وقام خرج

.
.

بيت محمود..

الكل بيلبس مورع لحسام وخاله فيروز يسيروا يزوروا احمد

عبير: اف شكل الورد حقي ذبل

اسيل: هههههه عيس قلت لش لا تشتري من هذا النوع

توليب قرربت وشلتهن: مالش يا عبير هيذا مافيهن شي

عبير: مدري كيف تغير لونهن

توليب : هاتي ششارش فوقهن ماء وايرجعين مثل ما كانين

عبير: تمام بس بسرعه

توليب قامت : الان

سميره : هيا يا بناتي قذا جوا

عبير واسيل قامين بسرعه : يله جايات

توليب خرجت وفي يدها الورد: ها امسكي قدهن احسسن مما كانين

وخرجين وركبين السيارة..

فيروز: حيا

سميره: الله يحييش


بعد ما وصلو المسستشفى..

كلهن دخلين عند احمد

حسسام لقي نزار خارج جلس يتجابر هو وياه

حسام: كيف قده احمد الان

نزار: الحمد لله احسن

حسام : ايوه صح ذكرت ابي بيقل ليش تحاكيت امس هكذا

نزار ببرود: ع ايش

حسام : ليش كذبت ع عبد الله

نزار ذكر : ها وانا ماكذبت

حسام رفع حاجب: هيا للغاجه صدق ليش قلت له هكذا

نزار: تقدمت لها مره ثانيه

حسام فتح فمه بصدمه: ايش😱


عند احمد الكل فارح حين ابسروه متحسن ع امس

اسيل : امانه يا احمد ابسر صح ان حقي الورد احلى من حقها

عبير: والله ماشي ايش دراش بالحلى انتي

احمد: هههه حاليات كلهن وبعدا ذلحين قدهن حقي لا حقش ولا حقها

الكل ضحك 😂😂

اسيل : مابلا توليب ماادتش لك ورد ولا هديه هذه ابخل واحده ابسرتها بحيياتي

توليب 😜: مادخلش هديتي لوما يروح البيت

احمد ذكر نزار : ايوه صح توليب عتدي لي هديه تفرحني

عبير: وما دراك ان هي عتعجبك فرضا وما عجبتك

احمد : انا شطلبها هذي الهديه وهي عتديها وبيبسر لعند توليب

توليب بلعت ريقي بتوتر
ايش الهديه يلي عيطلبها هو الله يستر
.
.

نرجع لعند نزار..

حسام قرح ضحه: هههههههههه من صدقك متوقع توافق ههههه

نزار ابسر لعنده بنظره خلته يسكت😒😒

حسام : او اسف بس والله مااعتقدش ان هي عتوافق الصدق

نزار ابسر لعنده بنظره مكر : واذا وافقت

حسام ابسر لعنده بثقه : اذا وافقت وعد مني اوزع ببسي ع اهل الحاره كلهم وع حسابي

نزار ابسر لعندنه والله شكلي انا ذي عد اخسر بس يله : اوكيه اتفقنا

حسام : عد باقي

نزار : ايش

حسام: اذا انت خسرت ايش عتفعل

نزار بيفكر : اممم خلاص اذا خسرت انا اعشيك خارج ع حسابي

حسام هز راسه معنى لا: مستحيل هذا قليل

نزار رفع حاجب: يومين

حسام بيهز راسه وياشر بيده يرفع

نزار: مع التخزينه

حسام😍: خلاص اوكي اتفقنا ومد يده

نزار مد يده وصافحه : اتفقنا

حسام غمز له : وانا داري ان انا الفايز

نزار : ههههه الضحكه بالاخير

حسام : طيب بطلع اشوف احمد

نزار : طيب


حسام دخل المستشفى التقى بحسن واصحاب احمد بالشركه

حسن : هوذا ها

حسام: حيا كيف انت

حسن : الحمد لله اين غرفه احمد

حسام: شاوصلكم بس الان العايله هانك الان اقلهم يفسحوا لكم طريق

حسام سار بسرعه للغرفه ودخل: احمد حسن واصحابك حق الشركه

فيروز : يو ياابني خلونا نخرج اول

حسام : طيب شاسير اورع لكن بالسياره

الكل وقف علشان يروحوا

سميره : الله معك ياابني انتبه لنفسك

احمد : الله معاكم توليب

توليب التفتت : ايش

احمد: ...























📚 @rewayatyamania 🇾🇪

البـارت 37 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


سميره : الله معك ياابني انتبه لنفسك

احمد : الله معاكم توليب

توليب التفتت : ايش

احمد : انتبهي للكل تمام

توليب مدري ليش حسيت بالخوف من كلامه ليش بيقل هكذا : حاضر مع السلامه


حسن واصحابه دخلوا

حسن : الحمد لله ع السلامه

احمد بتعب : الله يسلمك

الكل قرب وسلم عليه

حسن : متى عتخرج من المستشفى

احمد: ان شاء الله اخر الاسبوع

حسن : ان شاء الله ع العموم عمي نبيل فعل لك اجازه شهر ع سب ترتاح

احمد: الله يحفظه


حسام اول ما كلم نزار انهم دخلوا عند احمد شل نفسه وطلع

نزار: حيا بمن جانا

حسن والبقيه : الله يحييك

واحد من زملاء احمد عبد الرحمن : انت المرافق حقه صح

نزار جلس جنبهم : ايوه

نزار : مخزنين الان اقوم ادي لكم ماء

حسن : تسلم الله يحفظك ماشين الشركه معانا اليوم عمل خيرات يله فرغنا شويه وجينا نبسر احمد

نزار: الله يعينكم

حسن : الله يعين الجميع.. ووقفوا

حسن والكل : الحمد لله ع السلامه مره ثانيه وما تشوف شر

احمد: الله يسلمكم وتسلموا ع الزياره


بعد ما خرجوا نزار جالس عنده

نزار التفت ابسر الورد : يهي يهي ورد وحركات

احمد ابتسم : هههه هوذا من البنات
.
.

عند توليب..

توليب وصلت البيت وانا مرتاحه ومطمنه ع صحته بس خوفني الكللام يلي قاله ايش المناسبه ياربي استر

جت عندنا صفاء وامها اخيرا تنازلت وجت 😂
وسمرنا جمعه

فتحت الواتس شفت رسايل من احمد خفت بسرعه فتحتهن (توليب غدوه سيري الجامعه عتفوتش محاضرات وانا بخير والحمد لله )
( وانتبهي ع نفسش)
(وعبير واسيل خليهن يسرين المدرسه يا ويلكن اذا عرفت ان انتين جالسات في البيت)

توليب ابتسمت ومسحت دموعي خلاص اذا هو بده نسير عنسير
حاكيت امي والبنات وسرت جهزت ادواتي حق الجامعه
.
.

في المستشفى..

احمد التفت لعند نزار: وانت يا نزار ضروري تسير الجامعه
ما عتوقفش اعمالكم بسبي

نزار: هههه بطل هباله والله مااسير الا لاقدك بالبيت

احمد حاول يتكلم نزار قاطعه : لا تقول ولا حرف انا قلت يلي عندي

احمد: طيب براحتك الا قولي ليش ما خزنت

نزار : قلنا نتضامن معك حرام وبعدا عتبسرني ودخلين نفسك هههه

احمد التفت يمن يسار يدور شي يرجمه فيه

نزار : لا تتعب نفسك وبعدا ابسر حالتك ما عتقدر تتحرك

احمد: ههههه امانه ان حسام بيبرد قلبي فيك

نزار ذكر التحدي حقه هو وحسام الله يستر
.
.

اليوم التالي..

توليب صحيت بدري وبعد ما اتصلت لاحمد واطمنت عليه وحاكيته ان انا عد اسير الجامعه والبنات عيسيرين المدرسه
واتصلت لياسمين تورع لي اسير انا وياها

توليب: امه يله خاطرش

سميره : الله معش يا بنتي

توليب اتجهت لاخر الشارع وياسمين مورعه لي هانك

ياسمين : توليب حيا اخيرا حضرتي

توليب وهي حاضنه لها : الله يحييش ايوه كانه عاده اول يوم لي هه

ياسمين: يله وانا عد اعرفش بالجامعه والبنات ههه
ومشينا واحناا بنتجابر
.
.

في المستشفى..

نزار دخل ع احمد : من بتحاكي

احمد: هذا ايمن ولد عمي عبد الله قال يطمن هه

نزار: وليش ما جاء

احمد: هو في الحديده معه عمل

نزار: ها طيب

احمد: اين عتسير ومالك اليوم من الصبح قالب

نزار: خخخ لا قالب ولا شي عادنا اشتي ارقد ههه

احمد : يعني مصمم ما عتسير الجامعه

نزار : ايوه عندك مانع والا بين اشغلك

احمد: ههههه قوي

نزار. : تشتي شي شنزل اصتبح

احمد: ماشي الله معك

نزار خرج من عنده وسسار يصتبح
.
.

في الجامعه..

رهف: حيا بمن جاء قد بين اقل ليش الجامعه منوره اليوم

توليب بتسسلم عليها : النور نورش

ياسمين تقدمت : وهذي اسمها رهف اكيد ما تذكريها صح

رهف : مالش اليوم يا ياسمين شكلش محمومه😂

سميه جت وسلمت ع توليب

ياسمين : ما دخلش انا بين اعرفها شكلها قدهي ناسيه لنا
توليب وهذي سمية ماهي اكيد تذكريها وبتغمز لها

توليب بتضحك ع تصرف ياسمين : خلاص ذكرتهن كلهن يكفي

ياسمين : عاد باقي البوفيه

الكل ضحك عليها 😂😂
.
.

في المدرسه 😐

البنات كلهن بيسلمين ع اسيل وعبير وفارحات بهن

اسيل: يعو يا عبير كم قذا دروس

عبير: سهل عنركن ع غيداء تفهمنا

غيداء: ولا يهمكن واذا تشتين نبدا من ذلحين

اسيل: مع اسلمي مش ذلحين انا جاوعه خلينا نسير البوفيه اول

عبير: ههههه مش انتي حق فهم

صفاء جت : حيا اخيرا حضرتين
وتوليب حضرت الجامعه

اسيل: ايوه ما كناش عنحضر غير احمد قال مابلا نحضر
ونقزت : عبير

عبير قربت منها: مالش

اسيل : انتي داريه نسينا ما نقل لاحمد ع عمي عبد الله

عبير بتذكر: ع ايش

اسيل : شلوش لوما لطم توليب

عبير: اص اص يا مفضوحه وبعدا ما عنحاكيه

اسيل : ليش

عبير: توليب عتغاريش اذا حاكيته

اسيل : والله انا عد احاكيه

عبير: انتي اخبر انا ماادخل














https://t.me/joinchat/AAAAAEIz_KDfjDgo7Gaxwg






📚 @rewayatyamania 🇾🇪

البـارت 38 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


بيت خالد..

فيروز : كان هكذا

حسام: ايوه بس متاكد ان هي عترفض

فيروز: طيب وليش عمل هكذا وهو داري ايش النتيجه

حسام: علمي علمش المهم اذا تكلم ابي فهميه هكذا

فيروز: حاضر لما نبصر اين عنوصل احنا وهذا الولد

حسام: خاطرش عد اتاخر ع المحاضره

فيروز : الله معك

.
.

وقت العصر بيت محمود..

عبير : اليوم عنسير عند احمد

سميره : ماشي خلنه يرتاح

اسيل : لا هيا امه اشتي اكلمه شي ضروري

توليب دخلت : ماهو الشي الضروري حاكيني انا

اسيل طننت : ها ولا شي حاجه ما تخصش اشتي احاكيه هو

توليب عوجت فمها : تمام

اسيل قربت منها : توليب ايش رايش اسير انا وانتي

عبير بتاشر لها لو تحاكيه يا ويلها

سميره: ماهو تسيرين وحدكن مابش سرحه

اسيل: هيا قوا والا خلاص اشتي احاكيه تلفون 😍

توليب : اذا هو تلفون خلاص شلي تلفوني وجي تتصل له كلنا

اسيل عقدت حواجبها : ماشي اشتي احاكيه وحدي

توليب : ناهي سيري هوذك التلفون بالغرفه

اسيل : حاضر 😍 وقامت

عبير قامت بسرعه وراها

اسيل دخلت الغرفه هي وعبير وغلقين الباب

عبير: اسيل لو سمحتي لا تحاكيه والله ان توليب عتصيح

اسيل: اص يا خوافه قذا بيرن

اسيل : الو

احمد : حيا كيف انتين عمركن طويل كنت شتصل لكن الان

اسيل فارحه : الحمد لله وانت كيف انت

احمد: الحمد لله احسن ما بتفعلين

اسيل : امي وتوليب بيتجابرين
وانا وعبير قلنا نحاكييك

احمد : هههه يعني سكته

اسيل: ماشي مش سكته احمد اشتي احاكيك حاجه

احمد استغرب والتفت لعند نزار يلي جنبه: خير

اسيل: اول اوعدني انك ما تحاكي توليب ان انا حاكيتك

احمد: طيب حاضر ما شاحاكيهاش ايش في

اسيل : يوم وقع الحادث وكنا بالمستشفى وبعدا عمي عبد الله قال نروح

عبير بتاشر لها لا تتحاكيش

اسيل كملت : وبعدا توليب ما رضت وعمي لطمها بقوه قدام الكل

احمد عصب : ايش وتوليب ما قالت

اسيل خافت لما عصب : ولا قالت شي رجعت قامت وروحنا

احمد معصب وساكت

اسيل: احمد قوا لا تحاكي توليب ان انا حاكيتك

احمد: طيب ان شاء الله

اسيل : يله مع السلامه

احمد: مع السلامه.
احمد غلق وهو ضابح عيقرح

نزار استغرب : خير مالك

احمد التفت : عمي عبدالله ضرب توليب يوم الحادث ولا احد حاكاني

نزار بلع ريقه لما ابسره معصب

احمد : ليش محد حاكاني

نزار: احمد اهدأ وبعدا هو لمصلحتها علشان تروح البيت

احمد: يعني انت ابسرته والكل

نزار ماعرف ايش يقول

احمد: ابسرت هذا وانا عادنا عايش كيف لو مت ها
انا ربيتهن وعمري ما مديت يدي حتى خفيف
وبالاخير يجي هو كف مره واحده ها

نزار: احمد مالك ذلحين معصب قد الناس نسيوا

احمد: انتوا نسيتوا بس انا عادنا عرفت

نزار ساكت مش داري ايش يقله

احمد كمل: يعني عندك عادي
كيف لو هي قدهي مرتك بتفعل هكذا صح

نزار عصب من كلامه : محد قال هكذا وبعدا تنكسر يدي لو امدها ع اي مره

احمد ابتسم : بس حتى ما علقت او اعترفت انه غلطان

نزار: طبعا هو غلطان ومايحق له لانه هذاك اليوم محد كان يلومها انا الاول كنت مثل المجنون و ....

احمد قاطعه : خلاص يا نزار لا تزيد تقول ولا كلمه

نزار: ايش قصدك خليني اكمل كلامي

احمد: نزار خلاص انت قلت لمصلحتها خلاص لمصلحتها
وانت كمان اذا كان لمصلحتها اضربها لو ما تشبعها تمام

نزار عرف انه ببيتمسخر ع كلامه: احمد مش قصدي هكذا

احمد: لو سمحت مشتيش اسمع ع هذا الموضوع ولا كلمه

نزار وقف : حاضر براحتك لو احتجت شي رنيت لي

احمد ساكت

نزار شل نفسه وخرج جلس ع الكرسي يلي خارج الغرفه

احمد جالس يفكر يعني عيجي نزار بيوم من الايام ويمد يده عليها لا لا يا احمد انت تعرف صاحبك
بس كلامه ينرفز الله يهديه



تسسريع احداث
يوم خروج احمد من المستشفى😍😍

بيت محمود..
طبعا توليب والبنات ما سارين الجامعه والمدرسه بيجهزين البيت لانه احمد عيخرج من المستشفى.

عبير : خلاص سبرنا غرفه احمد قدهي تجنن

اسيل : لكن الورد ذبل شاغيره

سميره خرجت من المطبخ وبيدها مبخره

توليب : هاتي وانا شابخر
توليب شلت المبخره وبخرت البيت كله

اسيل : اي حين عيوصل

سسميره : حاكتني فيروز قبل شويه وقالت قد حسام سار يروحهم

توليب شليت تلفوني يلي بيرن باسم(غلاي)

توليب : حيا

غلا : هلا والله كيفك

توليب : الحمد لله وذلحين بنجهز البيت احمد اخي عيخرج من المستشفى اليوم

غلا : والله اخبار زينه الحمد لله ع سلامته

توليب : الله يسلمش وانتي ما بتفعلي

غلا: والله توني صحيت احس حالي تعبانه واجد

توليب : خير مالش





















📚 @rewayatyamania 🇾🇪

البـارت 39 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


غلا: والله توني صحيت احس حالي تعبانه واجد

توليب : خير مالش

غلا : والله مادري ابوي يقول بنروح اليوم المستشفى.

توليب : سلامتش ان شاء الله ما تشوفي شر

غلا: يا قلبي والله اني فرحانه لك واجد واتذكر يوم دقيتي علي كنتي تعبانه واجد

توليب : ايوه الحمد لله

غلا : اقول توليب سلمي لي ع التوم والله وحشوني

توليب : حاضر ولا يهمش ولا تشتي شليهن لش

غلا: اوووووووم الفله😍😍

توليب: هههههه امانه انهن هرمات وكل ما كبرين جننين

غلا: اقول توليب انكتمي ولا حرف ماكو احلا من الاخوات ياقلبي ولو اني كنت مكانك
كنت طايره من الفرحه بس شسوي عشم ابليس بالجنه ههه

توليب : هههههه يمكن كلامش يكون صح

غلا: وش هو يلي يمكن لا متاكده بعد حياتي

توليب : عد احاول اصدقش هههه

غلا : بالطقاق اللي يطقش اقول انثبري مكانك بس الشرهه ماهي عليك الشرهه علي اللي دقيت عليش اشكي وجعي وشهوله اشكي لك

توليب : هههههه خلاص اول ما تروحي من المستشفى شتصل لش واطمن لانش شكيتي عليا هههه

غلا: مالت عليك ومالت علي انا بعد يلي دقيت عليش في امان الله

توليب وهي بتضحك: مع السلامه

توليب غلقت التلفون وانا فارحه بهذا اليوم ذكرت هديه احمد يلي قال عيطلبها مني الله يستر


كلها نص ساعه ووصلوا

دخلوا احمد ونزار وحسام وعمي خالد معاهم صدق وقفوا معانا وقفه ماعننساها ابدا

بسرعه دخلوا احمد غرفته وجلسوا شويه وخرجوا واحنا طرنا لعند احمد 😍

سلمنا عليه وجلسنا نتجابر

اسيل: هيا ماهي الهديه يلي تشتيها من توليب

توليب: هههههه عادش ذاكره

اسيل : ولا نسيت من هذك اليوم 😜

الكل ضحك عليها😂😂

احمد طيب عد اقول ايش هي هديتي احم احم

توليب كنت متوتره ايش عيقول ولا خطر في بالي اي شي 😂
فتحت عيوني بصدمه من كلامه
ابسرو ايش يشتي مني 👇

احمد: نزار تقدم لتوليب مره ثانيه وهديتي انش توافقي

توليب ابسرتوا ع كلام بالله هذه هديه التفت والكل بيبسر لعندي وهن مبتسمات هههه
مستحيل يا جماعه.

حاولت افتح فمي اتحاكى قاطعني احمد

احمد: هذه هديتي اذا تشتي تهديني شي واذكري انا قمت من موت محكم وما اعتقد انش عترديني

توليب فتحت فمي بصدمه من كلامه اللي افهمه انه بيامرني امر 😱😱

سميره : والله يا توليب بعد هذا كله ما اعتقد انش عترفضي

اسيل : الصدق كنت بين اقل سامحني يا احمد بس الصدق كنت بين اقل انه كريه بس من بعد الجميل يلي عملوه معانا والله ما بش مثلهم

عبير : وانا والكل اذا تشتي رأيي يا توليب انش توافقي

توليب بين اسمع كلامهم ومش مصدقه كيف بيحاكوني الان الكل ضدي وانا مش داريه ايش اقول
التفت الكل بيبسر لعندي مورعين ايش عد اقل

التفت لعند احمد احاول اتوقع ايش عتكون ردة فعله
امتلين عيوني دموع غصبا عني ليش محد بيفهمني ليش

نقزت ع صوت احمد

احمد: ها ماقلتي يا توليب

توليب ايش تشتوني اقول تشتوا اتخذ قرار هكذا لا ربي مااقلهم انا مش موافقه بس ليش محد بيفهمني ليش
قلت وانا مغصوبه : شافكر

احمد ابتسم لاني ما رفضت من البدايه وتامل خير

توليب قمت بسرعه من عندهم وانا احاول امسك دموعي قدامهم

دخلت غررفتي وغلقت الباب وجلست ابكي
ياالله هم يشتوني اوافق
بس انا مش موافقه ليش ما يقدروا انه ما نناسب بعض ليش ما صدقت فهموني المره الاوله
ليش فعل هكذا مره ثانيه ليش
ذلحين ماافعل ما عيخلوني غير لما احاكيهم
.
.

عند احمد..

سميره: يوه والله ما صدقت ان هي قالت عتفكر توقعت ان هي عتصيح وتسمعنا شويه خبر

احمد جالس يفكر هل يلي عمله صح بس هو واثق من صاحبه كيف هو

اسيل : انا داريه بتفعل حركات وترجع تقول وهي بتقلد صوتها : مش موافقه انا اشتي اكمل دارستي ولا تفتحوا هذا الموضوع مره ثانيه

عبير بتضحك 😂😂

سميره: مالش يابنت عيب عليش تتحاكي ع اختش هكذا

اسيل : وانا ماقلت هي بتقول هكذا

احمد: ايوه صح ذكرت ليش ما حاكيتوني ع عمي عبد الله لما لطمها

سميره انصدمت ما دراه : وانت من قلك

اسيل بتبسر لعنده وبتترجاه ما يتكلم

احمد: عرفت وبس

سميره: ابرد لك منه وبعدا كان ضابح هذاك اليوم محد يلوم احد

احمد : قلتيها محد يلوم احد مش يمد يده
لكن سهل بيننا

.
.

بيت خالد..

نزار تمدد فوق السرير: اه قدنا فاقد للبيت هه

حسام : ايوه قلي متى عنخرج نتعشى اليوم

نزار: هههههه ضحكتني

حسام: الحمد لله ذي ضحكتك هيا للهباله قصدك عتهرب

نزار جلس: ومن قالك ان انا عد اهرب بس التحدي ما قد كمل

حسام جلس جنبه: بس انا متاكد ان النتيجه لصالحي

نزار: ...















https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 40 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


حسام جلس جنبه : بس انا متاكد ان النتيجه لصالحي

نزار: ههههههههه قلت لك يضحك كثير يلي يضحك بالاخير

حسام: اوكي شدرب ع ضحكه تعجبك وبيلعب بحواجبه 😜

نزار: الا قلي ما قال ابي

حسام: مدري وكلت امي وهربت ههه

نزار رجمه بالوساده: والله انك جبان

حسام: مش جبان بس ما يعجبنيش اتدخل بحاجه ما تخصني

نزار: الله يعني انت يلي ما تدخل بشي ما يخصك ههههه يا رجال والله انك تحتشر حتى بحق الجهال هههههه

حسسام وقف: هههه عنبسر خاطرك وخرج
.
.

بيت محمود..
سميره دخلت ع توليب: هيا بنتي عتتغدي

توليب وانا بين امسح دموعي ياالله ثلاث ساعات وانا ع حاله واحد وليت لقيت حل
قلت : شابعه الحمد لله

سميره: للمه يا بنتي قومي اتغدي مش هكذا

توليب : الحمد لله والله شابعه

سميره: ناهي براحتش.. وخرجت

اسيل : اين هي توليب

سميره: قالت شابعه

احمد سمعهن صيح لامه

سميره: ماهو ياابني تشتي شي

احمد: اسكه قولي لتوليب تجي

سميره:حاضر الان
وسارت تكلم توليب

توليب ياالله ما عد اقله ذلحين
عضيت شفتي بقهر وقمت

احمد: مالش ادخلي واجلسي

توليب دخلت وانا جالسه افكر ايش عد اقل

احمد: اسمعي القرار قرارش ومحد عيغصبش واذا تشتي اتصله الان واقله انش مش موافقه ما فيها

توليب فرحت لما قال هكذا بس حسيته ما بيتكلم من قلبه
كنت بين اتذكر كلام امي والبنات واكثر واحد احمد ياالله ايش اقل بس صعب اوافق صعب

احمد: ها ما قلتي وتذكري محد عيقلش حاجه

توليب يارب ايش اقل ايش

احمد: اعتبر هذا السكوت موافقه

توليب يله قدرت اتكلم الا وامي دخلت وهي بتحجر
ويلللللللللللللي

سميره: اليوم خبرين مفرحين احمد خرج من المستشفى وتوليب عتختطب
والله كان نفسي محمود عايش بهذه اللحظه وبدات تبكي😭😭

توليب دقيت جبهتي بقهر ياربي ليش محد بيفهمني ااااااف

اسيل وعبير جرين حضنينها

توليب ياربي ايش عد ازيد اقول بعد هذا كله
بس لو كان شر لي يارب ابعده عني من عندك

احمد فرح قوي وبنفس الوقت زعل ع كلام امه 😭😭

سميره قربت من توليب حضنتها وهي بتبكي

توليب بدات ابكي غصبا عني والله

احمد بسرعه شليت التلفون وكتبت لنزار ع موافقه توليب
وانا بين احمد الله ان هي وافقت

سميره مسحت دموعها : هيا بنتي قومي تغدي هيا

توليب هزيت راسي بمعنى ما اشتيش
وسرت غرفتي ابكي براحتي
.
.

بيت خالد..

نزار قمت دخلت غرفتي لما سمعت تلفوني نغمه الرسائل

شليت التلفون وانا فاتح عيوني بصدمه من يلي مكتوب(نزار الف الف مبروك خلاص توليب وافقت☺️) (املك كان في محله)
(وان شاء الله كل شي يتم ع خير والف مبروك مره ثانيه )

نزار كنت بين اقرا ومش مصدق رجعت اقرا مره ومرتين
اخخخخ يعني وافقت رجمت التلفون لفوق الماسه بدون مبالاه

حسام دخل : يييه اعييت ما صيحت لك وين سرت

نزار ساكت ومش داري ايش يقول

حسام دخل: ووووو نحن هنا مالك مطنن

نزار شليت التلفون مره ثانيه وفتحت الرسائل ومكنته

حسام شل التلفون وبيقرا وهو منصدم : اااوووو والله انك طلعت خطير ودكمه بكتفه خفيف

حسام : ااااااااا يعني خسرت خسرت بس ع فكره انا مفلس
والف مبرورك مقدما هههه

نزار ساكت وبس

حسام: ييه بين احاكيك مالك مطنن مش هذا يلي كنت تشتيه

نزار اخذت نفس وانا اشتي اغير النفسيه : يله يا اخي العزيز
شباب الحاره مورعين

حسام: نزار قلت لك مفلس

نزار: مش هو عليا يله 😉

حسام : الله خربت عليا الضحكه يلي مجهزها اخخح
.
.

بيت محمود..

توليب حاكيت ياسمين رسائل لان انا ماقدرت اكلمها اتصال ومش مصدقه الى الان اني وافقت 😢
.
.

بعداسبوع..

توليب بعد اسبوع جاء عمي خالد وتكلموا وخلوا الخبر رسمي وانا مغلوب ع امري الكل يفصل وانا البس😢😪

سميره : خلاص حددنا الحفله يوم الخميس

توليب فتحت عيوني بصدمه حفله وانا حتى مش داريه : مش هو ضروري مشتيش

احمد: كيف ماتشتي الا عنفعل لش اكبر حفله والا تشتي يقولوا اخوها ما فعل لها شي

توليب خلاص طفشت محد بيفهم كل واحد يعمل مثل ما يشتي انا بس امشي ع الطريق يلي بيرسموها افف

سميره: وبعدا قد فيروز قالت لكل نسوان الحاره

اسيل: يوه ياعبير ماعد البس 😍

عبير: ايش رايش نطقم جمعه

اسيل : ايوه صح تمام ☺️

توليب والله تعبت كلهم فرحين بهذا النزار ومش هم داريين كيف هو قمت سرت غرفتي وحاولت انام انسى الواقع شويه
.
.

اليوم التالي في الجامعه..

توليب طبعا ياسمين فعلت اعلان مصور وصرت حديث الجامعه كلها كودي استقبل التهاني والتبريكات يخخخ

ياسمين: توليب مالش مطننه

توليب: ....
















https://t.me/rewayatyamania/43469







📚 @rewayatyamania 🇾🇪

🍃


بارتـات يومنـا الثلاثـاء 👆🏻😍

البـارت 41 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


ياسمين: توليب مالش مطننه

توليب : مابش شي احاول احفظ هوذا القوانين

ياسمين: البنات كلهن قالين عيحضرين يوم الخميس

توليب : اوكي

ياسمين : انتي داريه خالتي عترجع اليوم خايفه اني مااحضرش حفلتش بسببها

توليب غلقت الكتاب والتفت لعندها: وليش ايش عتستفيد

ياسمين: المهم تدور شي تقهرني فيه

توليب ابتسمت: ولا عيقع شي ان شاء الله

ياسمين : ان شاء الله
.
.

في العصر..

توليب جالسه تذاكر

واسيل وعبير وصفاء بيتجابرين

اسيل : مارايش ياصفاء تطقمي معانا

صفاء : اوكي ما عتلبسين

عبير : ما رأيكن نلبس فساتين

صفاء : مع مش هو حالي توليب عتلبس فستان واحنا نلبس شي ثاني

اسيل: خلاص نلبس بناطيل وبلايز ما رايكن

عبير: ايوه ع العلاقيات

صفاء : مابش معي ع علاقيات
اويه صح معي تنوره ع علاقيات

اسيل : خلاص سهل وشعرنا نعمله ذيل حصان

عبير: تمام😍

توليب بين ابسرهن واشتي اضحك بس والله ماقدرت احتمل ضحكت بقوتي 😂😂

صفاء: مالش بتضحكي او ماعجبش الخبر

توليب 😂: ايوه ماعجبنيش

اسيل: ابردي لش منها وبعدا عترجع تغير رايها😂😂

صفاء : اين عتسيري عند مكوفره معي واحده عتسبرش روووعه

توليب : يهي يهي عاد المره بتقول كوافير ما شسيرش بقعه

عبير: بطلي خباله والله ان احمد عيصيح

توليب رجعت فتحت الكتاب: قومين من جنبي اذاكر ما حضرت المجابره الا عندي

اسيل شلت الوساده ورجمتها بوجهها : والله ما نتجابر الا هانا 😜رويني ايش عتعملي

توليب : اسيل اشتري حياتش اليوم سكته وشلت الوساده ورجمتها لفوقها 😂😂

اسيل : سرت اشتريها قالوا قد باعوها ورجمتها بالوساده من جديد😂😂


توليب قرحت ضحكه ع ردها : اذا ماعبش معش حياة اسكتي سكته

وجلسين يلعبين بالوسايد ويضحكين 😂😂

.
.

بيت خالد..

فيروز: هيا ياابني سرحنا السوق نشتري الكسوه حق الخطبه

نزار: معي شغل مهم خلي حسام

فيروز: ماهو اخلي حسسام مايسبرش ضروري انت تسرحني انا وسميره

نزار بطفش : طيب خليه غدوه

فيروز: نفسي ادرى ليش انت هكذا اليوم ثلوث مايسبرش غدوه

نزار تنهد: طيب خلاص اتجهزي لوما البس

فيروز: يله لا تتاخر

نزار: حاضر ولا يهمش

.
.


بيت محمود..

عبير: اين عتسيري لبسة العبايه

سميره وهي بتلبس البرقع: شاسير انا وفيروز السوق نشتري حق الخطوبه ايوه صح يا توليب مارأيش تجي معانا تختاري لنفسش احسن الشي يلي يعجبش.

توليب ههههه : ماشي اشترين اي شي عادي

الكل استغرب من ردها😳

توليب: اقصد ذوقش حالي ادي ع ذوقش

سميره: تمام براحتش
.
.

عند احمد بالشركه..
حسن: حصلت لك سياره عتعجبك قوي ونظيفه ولا فيها اي نقص

احمد : تسلم لكن ما عد اشتريش

حسن استغرب: ليش

احمد: تشتي الصدق قد بيني عقده من السيارت من يوم الحادث

حسن : يارجال هو كله بامر الله وهو قدر

احمد: قنعت امانه ولو يدوها لي بلاش

حسن: هههههه براحتك.. وخرج

احمد شل التلفون واتصل لنزار

نزار: حيا

احمد: الله يحييك وينك

نزار: امم شاسرح امي السوق انت داري ما عدلا يوومين

احمد: ايوه صح ذكرت وارجع مر عليا

نزار استغرب : طيب ولا يهمك
.
.

بيت محمود...

توليب : خلاص تعبت 😂

اسيل: عيس جالسه تهدر فوقنا

عبير: عيحرزكن عقولكن ذي عيبسركن عيقول جهال

اسيل : مش هو عليش يا امه 😂😂

صفاء: خاطركن اروح احسن لي 😂😂

اسيل: مع السلامه تصبحي ع خير

صفاء: يمه عاد الناس يقولوا اسمري عندنا 😂

اسيل: مع ليش نزبل انفسنا يوميه

صفاء: 😜
.
.

في السوق 😂😂

فيروز : اسكه وقف عند هذا المحل

نزار: حاضر ووقف

نزلين بيتفرجين ع الفساتين

فيروز : ما رايش بهذا

سميره: حالي بس خلينا نبسر احسن

فيروز : حاضر

نزار جالس يبسر الساعه
كم عيجلسين : ها كملتين

فيروز : ماهو كملنا عاد احنا عنسير عند الذهب وادخل اختار انت

نزار: ليش شلين اي شي

فيروز استحت من سميره وبتبسر لعنده بنظره 😳

نزار انتبه : ها هوذا محل هيا ندخل

فيروز: يله تمام
.
.

بعد ما روحهن البيت وسار عند احمد

نزار بيدق الباب

احمد : تفضل

نزار دخل : السلام عليكم ورحمة الله وبركاته

احمد ابتسم : وعليكم السلام ورحمة الله وبركاته
: تفضل

نزار جلس : خير كنت تشتيني

احمد : ايوه كنت اشتي اقلك مارأيك احاكي عمي نبيل ع السفر وتسافر انت وتوليب

نزار بهرر: ايش

احمد : انا قد حاكيتك المره الاوله بس ما زدنا تحاكينا

وتوليب تشتي تسافر وصدقني فرصه لكم الاثنين
توليب عتكمل دراستها وانت عتلقى لك وظيفه تعجبك ما رايك

نزار بتوتر : انا عندي عادي بس شازيد احاكي البيت وارد لك خبر

احمد: اوكي تمام

نزار: اه امانه ان ارجلي معضيات بعدهن من محل لا محل وهن ماشاء الله ولا بحسهن

احمد: هههههه النسوان فرحتهن الاسواق

نزار: صدق والله ههههه






















📚 @rewayatyamania 🇾🇪

البـارت 42 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


في المساء

بيت خالد..

حسام: ماليزيا مره واحده من قدك😍

نزار: ماقلت يابه

خالد: والله مااقلك ياابني الاخير اذا هو مكتوب لكم هكذا عيقع

فيروز: ماهو مانا ماشصبر وابني بعيد عني الصدق

خالد: هي الا فتره البنت تكمل دراستها وهو عيلقى وظيفه يستفيد بها وجوا ما فيها

فيروز بدات تبكي : ماشي الصدق ما شقدر اتحمل

نزار تاثر من كلام امه حتى هو كيف يقدر يبعد عن اهله علشان توليب حضرتها تدرس اف استغفر الله وهي ما دخلها واحمد كلمني كلام اف :خلاص عد اقله ماشي

حسام-: خخخخ والله ان هي فرصه وعتضيع عليك وامي هو وقتها وعتنساك ههه

خالد: لا تضيعي ع الولد مستقبله ما عادو جاهل

فيروز وهي بتمسح دموعها : خلاص بشرط

نزار فرح قام لجنبها وحب راسها : وانا موافق ع الذي تشتيه

فيروز : نقدم العرس علشان ابسركم الاثنين قبالي

نزار فتحت عيوني بصدمه من شرطها عقدت حواجبي : الصدق ماقدنا جاهز اشتي ابسر لي شقله الم شويه زلط وهي ما عتوافق الان متاكد

فيروز : ايش يلي مش هو جاهز شقتك طالع وما تشتي الانفرشها وانا مستعده ابيع حقي الذهب وافرشها

حسام: وانا ماخليتوا لي قذا كل شي لنزار

نزار حب راسها مره ثانيه : مستحيل اخليش تبيعي حقش ع شاني والتفت لعند حسام : وانت بطل حسد😜

حسام: مش هو حسد مابلا بين اذكرهم ان عد معاهم دكتور 😏

فيروز: هذا شرطي والا مابش سفر ابدا

.
.

بيت محمود..

احمد : ها اعجبش الخبر

سميره: ماهو يلي عيعجبها تشتي تبعد بنتي عني حرام عليك

احمد: اف الله يهديش يا امه من قال عد ابعدها هي فتره دراسه وانتي داريه انها كانت تشتي تسافر وكنت اشتي نزار يسافر وفرصه جت لهم الاثنين

توليب جالسه افكر صراحه اعجبتني فكرة السفر بس لما دريت ان هي مع هذاك يلي ما يتسمى غيرت رأيي التفت لعند امي يلي خلتها محلقه وعاده خبر واسيل وعبير صراحه مااقدر ابعد عنهم ابدا

احمد: اعجبتش الفكرة

توليب : الفكره حالية بس والله مااقدر افارقكم الصدق

احمد: انتي عتفارقينا هكذا والا هكذا

توليب اكتبدت من كلامه مافكرت بهذا الشي. سكتت وهي غاثيه وما تقدر تتكلم

احمد انتبه ان هي زعلت : اسف وبس والله اشتي يكون تعليمش عالي صدقيني عتكوني احسن محاميه

توليب جلست ساكته وسكته وحاسه نفسي مخنوقه حتى ماعرفت ايش ارد عليه
.
.


اليوم التالي..

في الجامعه..

خلود واحده من الطالبات: ايوه مش احنا داريات بالعنوان

ياسمين : سهل انتي داريه ببيتنا جي لعندي وعنسير جمعه

خلود: تمام

رهف : الا قلتي لي هو بيدرس بالجامعه

ياسمين: ايوه

وجلسين يتجابرين

توليب جالسه تلعب بالقلم ومش معاهن خالص جالسه تفكر بكلام احمد نقزت ع صوت سميه : ها

سميه : لي ساعه بداعيش جاوبي الدكتور

توليب : من انا متاكده

سميه: ليش به توليب بالجامعه كلها غيرش

توليب : خخخ صح ياسسمين جي معي

رهف : مابلا بمرافق سيري وحدش نشتي نتجابر

توليب: مش هو عليش هيا ياسمين

ياسمين: يله هيا
.
.


مكان اخر عند احمد ونزار..

محمد تذكروه صح : شباب ضروري نكمل مشروع الحفل هذا الاسبوع

حمزه: انا من رأيي خليه ع احمد ونزار خخخ

نزار: وانت ايش مهرتك بالله

حمزه: يكفي انوركم بوجودي هه

محمد: حمزه مابنمزح مابش وقت للخباله

حمزه: اسف والله خلاص كلم بقية الشباب وبعدا نبدا نشتغل

محمد : اخيرا بدات تشغل عقلك حاضر شكلمهم

.
.


نرجع. لتوليب ::::😉:::::

رهف: مايشتي الدكتور

توليب طرحت كتب فوق الماسه وضحكت : ادى لنا هديه هههه

سميه : تشتي الصدق احسن هديه ابسرتها بحياتي

خلود : انا مشتيش ما يعجبني الهدايا ذي من هذا النوع 😂😂

ياسمين : الهديه ما ترد يافالحه 😂😂

.
.

في العصر..

بيت محمود..

احمد: خاطركم عد اسير الشركه

سميره: ورع ياابني شل هذه الورقه اشتي ذي فيها كلهن علشان غدوه

احمد اخذ الورقه : ان شاء الله

اسيل : احمد ورع ورع

احمد: مالش بتجري ايش تشتي

اسيل وهي بتبسر توليب لا تلحق وراها : نشتي نحجز كوافيره واختك مارضت تشتي الناس يضحكوا علينا ههه

احمد : ماهو وليش مارضت

اسيل وهي بتقلد صوت توليب : قالت ما شتيني شاخليه مشعفل كيف ما اشتي

احمد ضحك ع حركاتها هههه : لا تصدقيها هي بتفعل حركات جهال شاسرحها انا اذا ما رضت

اسيل : ههههه سممعتوا وهي بتداعي توليب للغرفه

احمد خرج وتوليب خرجت من الغرفه وهي بتتحلف لاسيل

اسيل: ههههه مالش الا هكذا

سميره: اسيل مالش مسنبه هكذا سيري رفعي الديوان مع عبير

اسيل: حاضر... وسارت


توليب دخلت غرفتي وجلست اقلب بالكتب اف مابش نفس نذاكر تمددت فوق السرير وحاولت انوم



عند احمد بيحاكي نزار بالتلفون..

احمد: هيا حاكيتهم

نزار: ايوه حاكيتهم موافقين بس بشرط

احمد حس بالقلق: ...



















📚 @rewayatyamania 🇾🇪

البـارت 43 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


عند احمد بيحاكي نزار بالتلفون..

احمد: هيا حاكيتهم

نزار: ايوه حاكيتهم موافقين بس بشرط

احمد حس بالقلق: خير وماهو هذا الشرط

نزار: قالوا مابلا نقدم العرس

احمد تفاجأ: ايش تقدم العرس لا لا مايسبر اذا ما سبرت السفره يانزار العرس ماعيقع الابعد ما تكمل الدراسه واذا صلحنا اوضاع السفر صدقني ماعيقع العرس الا بقرب السفر

نزار: انا حاولت اقنعهم بس مارضوا

احمد: خير ان شاء الله عنبسر

نزار: ع الله ماعيقع الاكل خير

.
.

اليوم التالي يوم الخطوبه..

احمد : هيا وين هي توليب

سميره: ماتشتي منها

احمد: اذا مارضت تسير عند الكوافير شاسرحها انا

توليب خرجت : مع خلاص شاسير حاكيت صفاء وشاسير انا وياها

احمد: ايوه هكذا.. خاطركم شاسير ادي يلي قلتوا

سميره : تمام

توليب نص ساعه وجت صفاء وخرجنا للكوافير
.
.

عند الكوافير..

المكوفره: حيا بصفصف

صفاء : الله يحييش كيف انتي

المكوفره: الحمد لله تفضلين

توليب جلست

المكوفره : ماتشتي اعمل لش

توليب: اي شي هي حفله عاديه

صفاء: ههههه الله يهدبش يا توليب لا تصدقيها اسبكييها ع ذوقش

المكوفره: حاضر ولا يهمش الا يلي يعجبش
.
.

بيت خالد..

فيروز بتغلق الشنطه : اها وهذي الشنطه جاهزه

خالد: ما نسيتيش شي مانشتي يقولوا قصرنا في حاجه

فيروز: مع ان شاء الله كل شي موجود

خالد: يله سواء.. اين هو ابنش ضايع هذي اليومين ولا عد بسرته

فيروز: بيقل معاهم مشروع التخرج مشغولين

خالد: يله خير
.
.

بيت محمود..

عبير : الديوان جاهز وان شاء الله مانقصنا حاجه

اسيل 😱: يعو ياعبير نسينا حاجه

عبير: ماهي 🤔

اسيل بترقص 😂😂

عبير: مالش بترقصي هكذا هيا قلي لي ايش نسينا

اسيل جالسه ترقص وسكته

عبير: اسيل مش وقت اللغاجه.

اسيل وقفت: شلوش نسينا المسجله اعييت ما وضحت لش

عبير: جحفه 😂😂وانا بين اقل قد جننتي

اسيل: ياسين عليا من الجنان
.
.

نرجع للكوافير..

المكوفره : ها مارايش بهذه التسريحه

توليب بتبسر نفسها عملت لها رفعه من مقدمه راسها والباقي كله ﭬير
توليب: يله حالي

المكوفره استغربت من تصرفاتها: طيب شعمل لش مكياج

توليب : اذا خفيف والا مع

صفاء: توليب مالش هكذا خليها تسبرش حالي

توليب: وانا ماقلت قذا سبرتني

.
.

بيت محمود..

عبير واسيل فعلين الغداء بسرعه علشان يتجهزين

توليب وصلت هي وصفاء

اسيل بتبسر توليب😍: من هي هذه

عبير: ماشاء يا توليب امانه طلعتي قمر

سميره خرجت من المطبخ بتبسر توليب : بسم الله عليش يا بنتي الله يحميش 😍
.
.

في العصر..

فيروز وصلت بدري ومكنتها الشنطه علشان تلبس الفستان

صفاء بتساعد توليب في اللبس

صفاء : ماشاء الله الفستان يجنن

توليب بتبسر نفسها بالمرايه وبتبسر الفستان
الفستان طويل لونه تفاحي منفوخ شوي ع شريطه بالخصر بلون تفاحي غامق عكس الفستان لونه تفاحي فاتح
والاكسسورات كريستال ع تفاحي
طلع شكلها مره انيق 😍😍

اسيل دخلت هي وعبير: ماشاء الله ياتوليب الفستان طلع عليش يجنن

توليب ابسرتهن وهن لابسات سواء
بنطال اسود مع شميز بناتي ابيض مع العلاقيات اللي الكتف اسود
وشعرهن ذيل حصان مع فيونكه بيضاء
طلع شكلهن كوووووول

توليب : مااحلاكن مطقمات 😍

اسيل : قولي ماشاء الله لا تصرعينا عين

توليب : انا اصرعكن ههههه

سميره دخلت وفي يدها المبخره : بسم الله ماشاء الله الله يحفظكن كلكن

االكل : امين☺️
.
.

عند الشباب..

الكل مخزن عند نزار واحمد ومبسوطين

حمزه: قلي متى العرس

نزار: ماقد حددنا وبعدا لوما ابسر لي شغله

حمزه : يارجال عيدبرك احمد جنبه بالشركه

محمد: وانت ما دخلك جالس تباحث

حمزه: ههههه الله يقلعك قال اباحث ومافيها لا سالنا او بتتضايق

نزار : ليش عتتضايق مافيها

حمزه التفت لعند محمد: هيا ابسرت

الكل ركز ع يلي دخل عليهم 😳

شاكر : حمزه هذا هيثم

حمزه اشترغ وبيسعل : الله يستر

محمد بيبسر لعند احمد ونزار

هيثم دخل :السلام عليكم ورحمة الله وبركاته

الكل رد السلام: وعليكم السلام ورحمة الله وبركاته

هيثم قرب من نزار وسلم عليه : الف مبروك

نزار وهو ماسك نفسه بالعافيه : الله يبارك فيك

هيثم قرب من احمد بعد ما سلم ع الشباب : كيف انت والحمد لله ع السلامه

محمد بيهمس لحمزه: ماقد ابسره من يوم الحادث

حمزه: شكله هذا وهو جاره

احمد: الحمد لله الله يسلمك
تفضل

هيثم جلس وهو بيبسر نظرات الكل عليه
.
.

بيت محمود..

صفاء: هيا نسير الديوان قذا النسوان ملان

توليب : شاورع لياسمين مدري ليش تاخرت

صفاء: طيب اتصلي لها

توليب: بين اتصل من اول ما بترد

توليب متوتره اكيد خالتها مارضت تخليها اف من هذي المره ياالله اين هي
التفتت لما دخلت ياسمين : حيا اين انتي من اول

ياسمين...













https://t.me/joinchat/AAAAAEIz_KDfjDgo7Gaxwg









📚 @rewayatyamania 🇾🇪

البـارت 44 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


توليب متوتره اكيد خالتها مارضت تخليها اف من هذي المره ياالله اين هي
التفتت لما دخلت ياسمين : حيا اين انتي من اول

ياسمين ابسرتها بتتحيلى لها : من هي هذي القمر ماشاء الله وقعتي ثانيه

توليب: وانتي ما ركزت لما دخلتي انها انتي 😍

ياسمين لابسه فستان قصير منفوخ بلون الكحلي
شعرها قصير وحاطه عليه فينكه بلون الكحلي
وشكلها مره انيق

ياسمين : اسفه والله انشغلت مورعه للبنات كلبات تاخرين

توليب : وين هن ذلحين

ياسمين : قذا دخلين الديوان هيا وانتي ندخل

توليب: يوه خزا

صفاء: هيا قالت خزا😂

ياسمين : هيا هيذا احنا جنبش

توليب: تمام هيا

توليب دخلت هي والبنات الديوان
والنسوان كلهن حجرين وبيبسرين لعندها

توليب متوتره الكل بيبسر لعندها جلست عند صاحباتها بعد ما سلمت عليهن وجالسات يتجابرين

.
.
عند نزار..

حسام دخل: اسف تاخرت

حمزه: سهل كنت عتزيد تجلس

حسام التفت فتح عيونه بصدمه لما ابسر هيثم 😳
التفت لعند نزار يلي شكله ضابح عيقرح
واحمد شكله مفسر مدري ايش بيفكر

حسام جلس : سبحان الله العظيم

حمزه: ع ايش

حسام وهو بيبسر لعند هيثم : ليش عاد الخبر

محمد: ههههه ماهو ليش عاد الخبر

احمد ابسر لعند حسام جالس ينبش

حسام فهم نظرة احمد بس حب يستفز هيثم : بين اقل سبحان الله العظيم والفت لعند هيثم : كييف النصيب

هيثم فهم انه جالس يتمسخر عليه : سبحان الله

حسام ضبح حين رد هكذا مايشتي يرد هذا الرد يشتي ينرفزه : ههه عاد احنا ابسرناك من بعد ذيك اليوم ههه تذكره صح

نزار الان عصب زياده ع حسام الرجال جالس يدور مشاكل : حسام

هيثم عصب وقف : خاطركم

احمد: اين عتسير اجلس نخزن جمعه

هيثم بيبسر لعند حسام : كان نفسي والله بس في ناس ما تنطاق هانا

حسام عض شفته بقهر هذا جالس يرجوم خبر وقف : ايش قصدك

هيثم ضحك بطريقه مستفزه: ههههه يعجبني يلي يفهم بسرعه

حسام مسكه من الشميز : هيثم احترم نفسك احسن لك

هيثم مسك ايدي حسام : انت اخر واحد يتكلم ع الاحترام

نزار وقف وسار لعندهم : مالكم جننتوا

حسام وهو صاك ع اسنانه : نزار لا تدخلش.

احمد وقف : حسام هيثم بطلوا هباله يله كل واحد يفك للثاني

حسام ابتسم : افك له وليش ما افك له
ودهفه للارض : زيد اتجاوز حدودك معي

نزار عصب من اخوه اصلا بدا المشكله هو : حسام اخرج من هانا

حسام : ذلحين انا يلي اخرج يا نزار.

نزار: تصرفك هذا مش تصرف رجال

احمد قرب من نزار بيهدئه

حسام : طيب شخرج يا نزار وخرج

هيثم قام وهو بيتوجع

حمزه: الله يهديكم خربتوا علينا الجلسه

حسام ركب السياره وجالس يلوي بالشوارع مقهور نزار قهره قوي وقدام الكل
.
.

بيت محمود..

الكل مبسوط بالحفله اللي بتتجابر واللي بترقص والكل فارح

واحده من نسوان الحاره التفتت لعند فيروز : اي حين عتفعلوا العرس

فيروز وهي فارحه : ان شاء الله بلعيد

المره: الله يوفقهم

فيروز : امين

توليب سمعتها انصدمت : لا لا هذا مش اتفاقنا والله ما سبرت له
وجلست وهي ضابحه تشتي تقوم من عندهن الان

ياسمين : ييه توليب مالش قد عتبكي

توليب وهي ماسكه دموعها : خدعوني يا ياسمين

ياسمين استغربت : مالش كيف خدعوش

توليب : سمعتي ماقالت العرس بالعيد واحنا اتفقنا بعد دراستي
لكن هذه المرة والله ما تسبر لهم انا الخبلا ذي وافقت انا.. وتشتي تقوم

ياسمين مسكتها : مجنونه بتبسري النسوان كلهن بيبسرين لعندش لبعدا وعتتفاهموا اجلسي للخباله

توليب بتمسح دموعها : انا الهبلا انا

ياسمين جالسه قلقه ويله جلستها بالعافيه

توليب جالسه وحالتها حاله ليش طرحت نفسي في هذا الموقف ليش

.
.

وقت المغرب بيت محمود..

توليب يله صابره لما يمشين النسوان تقوم طفحت

ياسمين مشت وهي بتوصيها لا تتهور وتعمل حاجه تندم عليها
بس والله معصبه قوي الله يستر

فيروز : مارايش اتصل لنزار يجي يبسرها

توليب لا لا ماعاد ناقص قمت بسرعه لغرفتي اشتي اخلس هوذا يلي فوقي كرهتهن حتى هن

سميره : لوما يجي احمد وان شاء الله خير

فيروز: كان خاطرش شاروح اكيد ذلحين عادهم يشتوا من يعمل لهم عشاء واذا جاء نزار شاجي انا وهو

سميره : خلاص براحتش عنلتقي

فيروز: يله مع السلامه

سميره: الله معش

توليب دخلت غرفتي شقرح ماكفى كل شي غصبا عني لا ويشتوا يخربوا مستقبلي
بين احل الاخراص

اسيل دخلت : ييه يا مجنونه عاد احنا عنصور احنا واحمد

توليب جالسه ابعد السلس بسرعه التفت ع رنه تلفوني رساله
بسرعه شليته وفتحت رساله من غلا (افتحي اللاب توب ابغى اشوفك 😍)

توليب بسرعه شليت اللاب توب وفتحت مكالمه فديو وظهرت غلا امامي ع طول : حيا

غلا جالسه تتفرج لتوليب : ...























📚 @rewayatyamania 🇾🇪

البـارت 45 ✍🏻


واقـع يستحـق الخيـال 🍃

👌🏻👇🏻 😍
📚 @rewayatyamania 🇾🇪


غلا جالسه تتفرج لتوليب : ما شاء الله ايش ذا الحلا والزين كله اقول توليب خفي علينا كشختك شوي ترا بنموت هههه

توليب ابتسمت : شاخفها ولا يهمش

غلا : مبروك يا قلبي والله ايش قد فرحانه فيك

توليب وهي ماسكه ضبحها : الله يبارك فيش

وجلسين يتجابرين
.
.

مكان اخر..

احمد دخل وهو ضابح من حسام وهيثم

سميره: حيا قد بيدورنك يتصورين انت وهن

احمد: تمام

سميره: وفيروز بتقل عيجي نزار يبسر توليب

احمد : طيب

سميره: مالك ضابح وبتتحاكى هكذا

احمد: ولا فيني شي

توليب اول ماقفلت المكالمه وسمعت احمد
بسرعه فكت شعرها ورفعت كل الملابس اللي جابوها للشنطه وغلقتها

شافت التلفون اكثر من اتصال من ياسمين بس ماردت
.
.

بيت خالد..

نزار دخل البيت

فيروز ابسرته وحجرت : ولللللللللي حيا اين هو اخوك

نزار ذكر حسام ياالله مش هو داري اين هو من العصر
اخ كله بسببها ماعاد ناقص اتصايح انا واخي كله منها لوشي مابقي هذا اليوم

فيروز : مالك مطنن اين هو اخوك

نزار: ها مدري شكله خرج مشوار

فيروز: ايوه عتسير بيت محمود تبسر توليب حاكني شاسير معك

نزار قد بين اكره حتى اسمها كل المشاكل ماوقعت الا من لما خطبتها اف
.
.

بيت محمود..

توليب صلت المغرب وخرجت لعندهم

الكل مبهرر لعندها بعدت كل شي

اسيل: ماقلت لش عاد احنا عنتصور

عبير: وانا جالسه اسبر نفسي من اول

توليب : تصوروا انا ماشتصور

احمد عصب من تصرفها : توليب ماهي هذه اللغاجه ليش بتفعلي هكذا ها

توليب والله لو اسكت اني هبلا : ايش من لغاجه والله ما لغاجه الا ان انتوا تضحكوا عليا زعم ان انا جاهله

الكل استغرب من كلامها

احمد: بايش ضحكنا عليش يافالحه

توليب: انت داري اول شي قلت عد اكمل دراستي وبعدا عتسفرني ورضينا وبالاخير تحدددوا عرس بغير علمي ولا تقول مادراني سمعت باذني يا احمد

احمد ضبح من كلامها خلته ولا شي

سميره: ماهو هذا الخبر حاكي اخوش سواء

توليب : وهذا هو خبري السواء

وبسرت ليدها الدبله والمحبس خلستهن ورجمتهن للارض : قولوا له غيرت رأيي

وشلت نفسها وجريت للغرفه قبل مايقول احمد شي
دخلت غرفتها وغلقت الباب وهي بترجف متاكده احمد ما عيخليها بحالها

احمد وقف : ابسرتي بنتش ع خبر لا اكيد هذه جننت
وسار بيدق باب غرفتها

اسيل وعبير وسميره خايفات قووي

احمد بيدق الباب: توليب افتحي احسن لش والله هذي المره ما تمشيها عليا

توليب ياالله مجنونه لو فتحت وهو هكذا يارب ساعدني : ماشفتحش يااحمد لا تتعب نفسك

احمد عصب زياده زبط الباب برجله : والله لاوريش

توليب بترجف ما عيفعل ياربي الله يستر التفت للتلفون قدهي عشرين اتصال من ياسمين هههه قد كملنا ياياسمين
.
.

بيت خالد..

نزار بيحاول يتصل لحسام بس مابيرد اف

فيروز : هيا قدنا جاهزه

نزار: السياره عند حسام وهو مابيرد

فيروز قلقت : اين هو ابني ياالله لطفك

الباب دق نزار قام بسرعه فتح ع وجه حسام

حسام ابسره طنشه دخل سكته

فيروز: اين انت اقلقنا

حسام : ليش القلق كنت عند اصحابي

فيروز: شاسير انا ونزار بيت محمود

حسام: الله معاكم.. ورجم مفاتيح السياره فوق الماسه ودخل غرفته

نزار اقتهر من تصرفه شل المفاتيح وخرجوا
.
.

بيت محمود..

توليب جالسه خايفه من احمد وبنفس الوقت مرتاحه لانها فعلت هكذا

احمد جالس يلف ويدور ومش داري مايفعل

سميره واسيل وعبير ساكتات ولا حرف

الباب دق

احمد : ها قذا جوا ماافعل قلوا لي وسار يفتح

سميره والبنات قامين دخلين داخل

عبير ابسرت الدبله والمحبس بالقاع حملت شلتهن وخرجت

احمد وهو عيقرح : حيا

نزار : الله يحييك
ودخلوا

فيروز دخلت عندهن : مساء الخير

سميره : مساء النور

فيروز: اين هي توليب

سميره عجمت مادرت ماتقول

اسيل ابسرت امها ساكته ردت: انتي داريه ياخاله دوخت وقت المغرب مدري مالها وذلحين راقده

فيروز: سلامات كيف لوما دوخت

اسيل مادرت ايش تقول : مدري شكله هبوط
.
.

عند احمد..

احمد: حسام روح

نزار: ايوه روح الان

احمد : خير.. دقيقه وراجع

نزار: خذ راحتك

احمد سار لغرفه توليب : توليب افتحي لا تخزيني قبال الناس افتحي وبعدا عنتفاهم وبعدا والله ماحددنا عرس ولا لي علم من خبرش هذا

توليب بتسمع ساكته لما تفتح مستحيل: احمد اذا ماتشتي مشاكل ابدا عتخزا من صدق لو خرجت والله لاقولها في وجههم احسن شي صرفهم لاني مستحيل افتح

احمد عض شفته بقهر هذي والله لاتعملها كيف شفعل : توليب عدي الليله ع خير وبعدا لش يلي يرضيش

توليب: خرجه من هانا والله مااخرج

احمد يائس مايفعل ذلحين لو صيح فوقها عيسمعوا وهي ذلحين مستغله الوضع اف منش

توليب فارحه انها قدرت تصرفه بس والله بترجف بكلها 😅

احمد رجع لعند نزار وهو مستحي منه ومش داري مايقول

احمد: نزار اسف والله بس البنت تاعبه قوي وذلحين راقده

نزار...













https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪