البـارت 23♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


ولذلحين م قدرررتش حتى افعل شي لسُهى ولا ارد لها اللي فعلته فيني؟!


وصاحبتي حظرتني لأن اخوها دري أنها بتحكي لي وبتدي لي كل اخبار سُهى؟!
هممم اتصل فيه؟!
والا ماشي؟!
وبوجع...
هو خاين!!!
بس يقدر يفيدني ؟!
لكن في ايش؟!
همممم...

وبفرررحه وشررر مع شوية حزن وخبببثثث...
ايييوووةةة لقييتهااا والله لا اورريش الويل ي سُهى وسمعتش عتدمر اخس مني بس انتي اصبررري عليا!!!"


ضغطت ع رقمه وفعلت اتصال، وبعد رنتين وصلها صوته...


أنهار وبإبتسامه عرييضه وبقوه عسب م تضعفش: ايييوة ي الخاييين عرفتني؟!



....؟؟؟!

.
.

اني،ب الگوه،اقنع،بنفسي،واگول،الدنياحلوه😥💔



سوسن : بناااات هيا جين نسير المنصه نززززف، احسسسن من الحوسه هنيه!!!


سُهى وهي بتصفق: والله م فيني من طلللع انتي بس سيري وشلي جيشش المدلوز معش!!!
واحنا هنيه عنجلس ساع العجايز😹


سوسن ضحكت: م في هذه صدقتي ههههههههههههههه!!!


سوسن طلعت فوق الكوشة،هي وشلتها وسُهى جلست مكانها مع بعض البنات...


كملوا يزفوها، وجلست تتصور...
وسوسن من غنيه لا غنيه ترقص ولا قرت!!!

أما سُهى كانت بعض الأحيان ترقص "اذا عجبتها الغنيه"...

والا طول وقتها جالسه هي وصحباتها يزبجين ويتحاكين!!!

ونُهى معاهن!!!



أم نادر كانت كل شوية تبسر لسُهى قووووي، وسُهى ترتبك!!!



كمل اليوم وشلوا الحريوة لعريسها، عسب يبدأوا حياه جديده...



في العشي...

وبعد م رقدوا الكل سُهى سارت لمكان اخوها أحمد...
دقت الباب وهو فتح لها...


احمد بإستغراب: يييوووه ي سُهى عادش ذاهنه؟!


سُهى: أيوه اشتي اتحاكى معك في موضوع!!


احمد : تمام ادخلي بدل م تجلسي واقفه!!!


سارت جلست فوق السرير وهو سار جلس جنبها: أيوة قلي لي م تشتي؟!


سُهى: احم احم اول شي قلي ليش فعلت هكذا؟! لو شي انك ذلحين متزوج مع معتز!!!


أحمد تنهد: ابن خالها أولى لها مني!!!


سُهى: بس انت طلبتها قبله، وكنت متحمس تتزوج ايش اللي قلبك؟! وقلنا لك ندور لك غيرها م رضيتش؟!


أحمد تنهد: تشتي الصدق ي أختي، انا رضيت اتزوجها لانه بعد فعلة أختها م اظنش أن به حد عاده عيقبل بها!!!

وقلت افعل فيها خير بس دام وابن خالها يحبها خلاص هي عتعيش بسعادة، من انا عسب اوقف في وشهم؟!


سُهى أبتسمت براحه: وانا كنت اقل مالك؟! ودام أنه هكذا عين العقل ي اخي، والله يحفظك صدق ويدي لك بنت الحلال اللي تناسبك وتسعدك!!!


أحمد ابتسم: أن شاء الله...


سُهى قامت: يلا م شااخليك تسهر أكثر، تصبح ع خير!!!


أحمد: وانتي من اهل الخير!!!



خرجت ودخلت مكانهن وابسرت سوسن قدام المرايه: يووووه ي سوسن كنت اقصد انش قد رقدتي م بتفعلي لذلحين؟!


سوسن: ي سعم م بتبسريني بين افعل؟! م بتبسريش المعركه اللي قدامي والفراتك؟!
بين ابعد الكوفارة م اقدرش ارقد وهي فوق رأسي!!!


سُهى سارت لبقعتها وتمددت: وانا مقصدي انش بعديتها من اول، لاني كم قدلي من حين بعدتها، مشني دارية انش كسلة لهذه الدرجه!!!


سوسن سكتت وبعدين قامت لعند سُهى: سُهى اوعديني م تفلتيني؟!


سُهى بإستغراب توضعت: وعددد ي اختي مالش ؟! مش من عادتش تترمسسي😹...


سوسن: يلعن شكلش مش انتي حق رمسسه، وع كلامش هذا والله م اقلششش م قالت لي نُهى اليوم!!!


سُهى فزت: امااانتششش ي سوسن قلدش الله م قالت تحاكي، وانا فدالش ي اختي خلاص اسفه اسحب كلمتي!!!


سوسن: ههههههههههههههه كله عسب حبيب القلب مشو عسب شييي!!!
المهم قالت لي أن امها معجبه بششش قووويي بشكل م تتخيلي، ويمكن بعد يومين او ثلاثه عيجوا يخطبوا رسمي!!!


سُهى حمرررت: قووولييي والله؟!


سوسن: والله العظيييم، حتى قالت ان هي قد بتجنن علييشش!!!م اتخيلش البيت بدونش ي هبلاء!!!


سُهى وهي خازيه: هي غير الا خطوبة م قد شااسيرش عندهم من غطوة، وبعدين عتبسريني كل يوم عندش!!!


سوسن تمددت في مكانها: أن شاء الله، يوووه والتعب من يصدق أن قد الشهرين ساارت مثل الريح...
اوووف وزيد غطوة دوام كيف عنفعل؟!


سُهى بتتخيل اول نظرة ويدق قلبها وبتحس أنها في حللللم وما تشتيش تصحى منه!!!
وسوسن جالسه تهذي لروحها لما رقدت...


وَتِلكَ اَلتَنهِيدَهْ اَلتِيّ تَأتِيّ بَعدْ اَلتَفكِير بِكَ تُؤلِمْ قَلبِيّ جِداً .💔
















https://t.me/joinchat/AAAAAEIz_KDfjDgo7Gaxwg






📚 @rewayatyamania 🇾🇪

البـارت 24♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


اليوم الثاني الصبح...

جوا أهل حنان لعندها وسلموا عليها وع زوجها وروحوا...

والمعتز خرج يشتري له قات...

واحمد مع ابوه ساروا لحقهم النجارة...

وساهر مع الجهال وسوسن كل واحد من سار دوامه...

والام وسُهى وإبتهال وبعض من نسوان العائلة جالسات ف الديمه بيفعلين الغداء...


حنان دخلت: سُهى شاادخل اعاونكن ضبحت لوحدي ف المكان!!!


سُهى بسرتها: مع مع الله المستعان انتي عادش حريوة سيري اجلسي ف مكانش والكوافيرة قد عتجي تكوفرش للجلسه حق بعد الغداء!!!


حنان سحبتها: كان جي معي والله م اجلس لوحدي ضبحت!!!


سُهى ضحكت: ههههه أن شاء الله، ولفتت لإبتهال.
إبتهال شاسير مع حنان مكانها تمام؟!


إبتهال بسرتها: سيري بس قدوذا احنا عشر ف الديمه والبيت نظيف لا تهميش!!!


سُهى: تسلمي الله يحفظش ي رب!!!


واحده من اللي فالديمه: يييه جي كذاهه وين عتسيري جي لعملش والا يلا كودا جت لش تهربييي؟؟؟!!!.


سُهى سمعت بس طنشتها لان قد كان هي شويه بعيده...


إبتهال بسرتها وبرزعه: خليها ي عمه عادي، وبعدين ما شاء الله قد احنا ف الديمه خيرات ليش عاد المزاحمه، واللي يشتي يجي يعاون جاء واللي م يشتيش الله يفتاح عليه!!!


المره سكتت بكبده وجالسه تحطم بينها وبين نفسها....



ف مكان الحريوة...

سُهى: أيوه كيفش وكيف المعتز معش؟!


حنان: الحمد لله والله م بش ساعه، بس انتي دارية عندي فضول ليش م عاد زوجتوش اخوش أحمد؟!


سُهى تنهدت: قلي ي طويلة العمررر!!!


حنان: ايووواااه؟؟؟!



نرجع لقبل شهر ونص...
وتحديداً، يوم م عيسيروا يخطبوا أمل!!!


دخلوا احمد تأخر شوية لأنه نسي تلفونه فوق السيارة، وهو راجعي مسكه ابن خال امل اسمه قاسم...


قاسم: اسمعني ي أحمد، داري انك عتقل عني جريء، واني م بين استحيش، بس انا بين احب امل بين احبها واشتي اتزوجها!!!!


أحمد استغرب: تمام بس ليش لذلحين وعادك ذكرت تجي تقلي م تخطبها من أول؟!


قاسم تنهد: والله كنت مجهز نفسي وكله، بس بعد حادثه أنهار قالوا نزيد نورع شوية، وبه بعض من اقارباءنا عارضوا لأنهم بيقلوا اذا قعت أختها هكذاك مش بعيده أنها تقع ساعها!!!


وبعد مشااادات رضيوا، ولما جيت اشتي اخطبها قالوا قد جيت انت واديت كلمه قبلي!!!

وبرجاء...

قوووا اطلب اي شي تشتيه، بس خليها لي وربي اني احبها!!!


أحمد مسك نفسه لا يقوم يضربه، لأن أساساً هذا الموضوع ينرفزه: تمام ولا يهمك، بس بشرط!!!


قاسم بلهفه: ايش من شرط؟!
ولا يهمك كل شي مجاااب وأوامرك منفذة بدون كلام!!!


أحمد: تدخل معي ذلحين ونخطبها لك، بدلي!!!


قاسم بتفاجؤ ومشاعر ملخبطه: قوووول والله!!!؟


أحمد ابتسم: والله العظيم هيا ندخل!!!



بعد م دخلوا، خطبوا أمل لقاسم وسط اعتراض بعض الأهالي، وبالأخص ابو احمد، بس ب الاخير فهمه كل شي وتفهم...


نرجع...

سُهى: ولما قدحنا نشتي نروح خرجت اول واحده انا وب الصدفه...
وسكتت وجلست سارحه؟!


حنان بإستغراب: ب الصدفه ماهو؟! يييه سُهى مالش؟!


سُهى نُكزت وتنهدت: اسمعي شااقلش بس اماااانتش لا تقلي لأحد لأن هذا الموضوع مرهق لي!!!
وانا واثقه فيش!!!


حنان: الله المستعان قلي لي ويمكن اذا هي مشكله نبسر لش حل لها!!!؟


سُهى: طيب...
ولما خرجت كنت اشتي اسير اشتري لي جعاله، وف الباب لقيت صندوق وورقه والورقه مكتوب ل حبيبتي سُهى!!!!
انا استغربت وافتجعت في نفس الوقت...


فتحتها ولقيت ورده ودفتر كبير، فتحته وف بدايته كلام غزل وشعر واحلا ايامنا وووالخ!!!


وبقهر... بس وربي م اعرفششش وحالي حال نفسي ولا لي في هذه السخافات ي حنان!!!


حنان بإستغراب: غرريبه والله، بس قد ستر الله محد بسرها غيرش والا كانت عتقع مشكله كبيرررةةة!!!


سُهى: ولا وانا مستغررربه كيييف لما أداها لبيت عمي؟! كيف دري أنني هنيك؟! ليش م يديها للبيت لبيتنا؟!


حنان م فهمتش: م قصدش ي سُهى؟!


سُهى بدموع ضيق: احس ان به حددد بينبش ورايا ويشتي يوقعني في مشكله، يشتي يشوه سمعتي، مشني دارية ليش، لان مش معقول الشخص هذا يدرى وين أنا؟؟؟!


حنان كانت تشتي ترد بس سمعين دقة باب...


سُهى قامت: شااسير ابسر من وشااجي...


سارت فتحت الباب ولقت في وجهها شي خلاااها تنصدددم!!!
بزته ولونها مخطوووف وسارت لعند حنااان...


سُهى بعيون مفتحه: حنااااان حنااااان ابسررررري والله لا اجنننن والله...
ايششش هو هذذذااا؟!



عند أحمد...

كان بيشتغل مع أبوه في النجارة، حس أنه تعب وجلس وكان مقابل للباب حق النجارة...
وهو بيشرب ماء بسر بنت لابسه لبس مدرسة، ادربت بحجرة...
وصحباتها اجتمعين حولها وهي شويه وعتبكي...

قالت بصوت متهدج: ...






















📚 @rewayatyamania 🇾🇪

البـارت 25♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


قالت بصوت متهدج: قومني وخطني للبيت احس اني م شقدرش اخطى، وركبتي بتوووجعني قووويه!!! البنات كل واحده من جهه طرحت يدها فوق كتفها...
وبيسمع صياحها فوقهن بتقلهن دلا يبزنها ودلا يخطنها...
لما غابت عن عيونه...


ابتسم وقام يكمل عمله: هه بنات آخر زمان، ودلع فرررص من مجرد دربة قد عتبكي، وخلت صحباتها يتحملنها هههههه وهن ما شاء الله صدقنها الهبل...
.
.


سأبقـى معـك
‏فأنت روحـُي وحياتـي والأقرب لي في هذا العالم ان تعثرت بالطريـق سأسندك واضـع يدي بيدك، سأبقى معـك حتى النهايـه🌹



في يوم الثالث...

سوسن: هيييا حنان سررريع قد النسوان ملاااان!!!
يشتين يبسرنش!!!


حنان: يلا ذلحين جاية،بس وين هي سُهى ادعيها لي اشتيها!!!


سوسن: ثواني وهي عندش، ولو م كنتش مشغوله كنت حنبت في حلقش ليش م انا م نزلتش لش من حلق أو كيفه!!


حنان ضحكت: قد سترررر الله، وهيا سريع ادعيها لي!!!


سارت سوسن وثواني وجت سُهى!!!


سُهى: جيت م تشتي؟! قالت سوسن انش تشتيني؟!


حنان بسرتها: أيوة اصلا اليوم م بسرتش من الصبح وين انتي ي أختي؟؟


سُهى بتعب: والله ي اختي تعرفي شغل من الصبح ولا قريت، ع الرغم من أن البيت ملااااان نسوان بس احس ان العمل م عيسبرش الا بي!!!!


حنان: الله يعينش ي رررب، بس م عاد زد قلتي لي م فعلتي باللي وصلين لش؟!


سُهى بإنزعاج: امانه لا عاد تذكريني، بس شااجاوبش شططت الوريق والباقيات رجمتهن للقمامه"عزكم الله"...


حنان قامت: احسن شي والله، هيا جهزت جي زفيني!!!


سُهى: يلا هيا، مع اني م قد تعطرتش بس مشتى!!!


حنان بزت العطر وعطرتها: ولا يهمش وقذا عطرتش وزيد من حق الحريوة!!!
وبمزح...
من قدش!!! افرحي ي هبلاء!!!


سُهى ضحكت، وبدأوا يزفوها...
وسُهى تحس نفسها مشوشه من كل الجهات ومفتجعة، من اللي ممكن يقع لها...


وصلت لكوشتها وسارت لعند سوسن..


سُهى بتوتر: سوسن انتي قلتي اليوم عيجوا؟!


سوسن لفتت لها: ايوووه للمه؟! وبعدين مالش شكل وشش مخطوووف!!!


سُهى: مدري مدررري احس اني تايهه، ومفتجعه في نفس الوقت!!!


سوسن إستغربت: للمه؟!


سُهى بسرتها: ولا شي ولا شي خليني اسير ابسر حنان لا هي تشتي شي والا شي؟!


سوسن : طوووز خليني ارقص ولا تجيش توتريني معش!!!


سارت من عندها وهي بتفكر "مدري ليش بين احس ان عتقع مصيبه؟! ولذلحين م دريتش من هو صاحب الهدايا؟! ومن هو اللي بيتخيبل لو احد يدرى أو توصل ليد اي واحد من اهلنا م عاد عيسمعوووش، ولا يفهموووا أنه كله كذب وان هذا به واحد يشتي يطرحني في مشاااكل؟!


ونادر وأمه عيجوا؟!اي حين؟! وهل اهلي عيقبلوا ؟! وهم وإذا سبر كل شي كيف عتقع عيشتي معاهم؟! هم ناس اصول واحنا...؟! استغفررر الله اووووف اووووففف..."



وهي ع سرحانها وشرودها، وتطنينتها دخلت نُهى وأمها...
وما أنتبهتش لهن...


نُهى بسرتها وسارت لعندها هزتها: سُهى مالش؟! مطننه ولا حتى عبرتينا؟!


سُهى طوالي لفتت وبسرت أم نادر وبتوتر وبتحاكي نُهى: يوووه اسفه والله م انتبهت لكن، وانتي كنت مطننه وسارحه وما بسرتكن...


وبتسلم عليهن...


نُهى : اسهل ي روحي الله يعينش باين من شكلش انش تعبتي من الصبح ولا رزيتي!؟


سُهى: أيوه والله وزيد قدش دارية م يعجبنيش يخطى عمل البيت الا بي، احس م بش اي حاجه عتتسبر اذا م بسرتهاش أو فعلتها انا!!


أم نادر كانت تسمعهن: هيا ي بنتي الله يقويش ويدي لش العافيه، ويحميش من كل شر...
وين هي الحريوة في اي ديوان جالسه فيه؟!


سُهى بتوتر: جوا معي، أصلا ً بقعتكم جاهزة انتوا ونُهى...


أم نادر عجبتها أنها بتميزها، وسارت بعدها وهي معجبه فيها اخلاقها تشفع لها عندها عوضاً عن شكلها اللي يسحر...
الا انها دخلت مزاااجها وبقوووة...


" الله لما يحب شخص، يجعل الناس كلهم يحبوه🙊"


سُهى: هيذاهي بقعتكم ي خاله، انتي ونُهى!!!


أم نادر جلست: تسلمي ي بنتي الله يحفظش، وين هي امش؟!


سُهى توترت أكثر: امي هوذاكم جنب الحريوة، مدري م بيحاكوها!!


أم نادر لفتت لها: اهاه ما شاء الله...


نُهى مسكت بيد سُهى: جي هكذا اشتي اقلش بحاجه!!!


سُهى التفتت لأم نادر: اول شي عاد انتوا تشتوا شي ي خاله؟!


أم نادر: مع تسلمي ي بنتي الله يحفظش، سيري بس افتهني لش...


سُهى خزيت وحست أنها دريت ليش بتفعل كل هذا، وسارت مع نُهى!!!


سُهى بخزاء: يييوووه منش ي لُغجه م تشتي مني؟!


نُهى بزعل: انا لُغجه؟! خلاص طز فيش مش ضروري اقلش ما قال نادر؟!


سُهى مسكتها بسرعه: الا الا امانه قلي لي واسفه اصلا كنت مرتبكه!!!



خارج وتحديداً في الشارع...

نادر وصلهن وجلس شوية بيتفرج البيت من السيارة، تنهد ولف يشتي يرجع ع عمله بسر حددد بيطرح بوووكس في باب البيت...
















https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 26♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


خارج وتحديداً في الشارع...

نادر وصلهن وجلس شوية بيتفرج البيت من السيارة، تنهد ولف يشتي يرجع ع عمله بسر حددد بيطرح بوووكس في باب البيت...


نادر عقد حواجبه: ماله هذا؟! وما يشتي من هنيه؟! وايش هو هذا البوكسسس؟!


بز تلفونه واتصل لفؤاد: فؤاد وين انت؟!


فؤاد: تصدق كنت اشتي اتصلك وأقلك سريع حقك السُياح يشتوك انت وبعدين انت قلت ثواني؟!


نادر تنهد: طيب وين انت سريعع؟!


فؤاد: انا في الزمر وانت؟!


نادر حرك صليه: ذلحين جايي، وورع لي لاني اشتي احاكيك في موضوع!!!

.
.

العشي...

كملت سُهى تفعل العشاء وداعتهم، وسوسن كانت تكنس هي والباقيين...



جوا يتعشوا وغرفت للعرسان...
وع طول لمكانها...



سُهى: يووووه سررحتش ي سُهى سرررحتش، ذلحين م عتفعللييي؟؟؟!
والله لا يذبحووش لو ينتشر الخبرررر!!!


ع كلامها دخلت سوسن: هيا مالش؟! بتحوسي وتلوسي وتحاكي روحش ساع المجانين؟!


سُهى بسرتها بنظره سوسن دريت مغزاها، جت جلست جنبها...


وتنهدت: اسمعي لا تتوتريش ولا شي، ولا تفتجعيش اذا انتي واثقه من نفسش انش م فعلتيش شي غلط...


سُهى قاطعتها: بس أهلنا م عيعرفوش هذا الشي خصوصاً بعد اللي فعلته أنهار ي سوسن، ولو وصلت ليد واحد منهم أن هي كانت موتتي اللييلة وانا ماليش دخل!!!


سوسن: قد ستر الله وزينب خرجت وبسرتها، وادتها لعندنا...
ولو كان حد ثاني أن الخبر قد انتشر!!!


سُهى: هو ما مسكت لي الا ان هي زينب اللي دريت ولو حد ثاني أن قد مت؟؟؟!


سوسن: صلِ ع النبي واذكري الله ومابه شي لهذا كله، واحنا عنخلي حد يجلس يبسر من اللي بيرسلهن؟!


سُهى بسرعه: مع مع مُستحيييل، وبعدين ينتشر الموضوع!!!



...: ي سُهىىىى ييييهه ي بنت وين انتي؟!


سوسن بسرتها: هيا انزلي ابسري م يشتوا منش؟!


سُهى مسكت بيدها: امانه جي معي مشتيش انزل وحدي!!!


نزلين الثنتين، والكل مجتمع ف الحجرة...
كل النسوان والرجال كلهم ف الديوان...


سُهى: هاه اباه؟! داعيتوني م تشتوا؟!


ابو ساهر: أيوه ي بنتي جي اجلسي جنبي اشتي اقلش حاجه!!!


سُهى جلست جنبه بتوتر وهي ساكته مورعه له يكمل كلامه...


ابو ساهر: طبعاً اليوم جوا بيت فلااان، حاكت امش وقالوا يشتوش لأبنهم الوحيد وأعرفه...
وقبل م اقلش شي الولد انا اعرفه ما شاء الله خلوووق ومؤدب ومعتمد ع نفسه رغم العز والغناء اللي عايشين فيه إلا أنه أسس نفسه بنفسه...


مصلي، صايم، قايم ومنه كله...
ولو م كنتش اعرفه اني رفضت أو سرت اسال عليه بس هذا انا اعرفه شخصياً...


سُهى حست نفسها دوووخنت من الخزاء مش دارية م ترد بس قالت بصوت خفيف: طيب وإخوتي داريين م قالوا؟!


ابو ساهر: كلنا مووافقين عليه، ونتوكل ع الله باقي بس انتي!!!


أخته قامت: والله م سبرررت ي ابو ساهر تزوج بنتك، وابني كم قد له موووررع لهااا...
وابن عمتها اولى لها من الغررريب...
والا لانه ابن فلان عترضوا؟!
أو معك كلام ثاني ي أخي؟؟؟!
.
.

عند نادر...

نادر : هيا مه يماه، حاكيتوهم؟!


أم نادر: أيوه حاكيتهم ي ابني مالك هكذا، كن امسك نفسك اللي عيبسرك عيقل قد عتطير...


نادر ضحك وبسر نُهى مطننه: وانتي ي ست ولهانه، قلتي لها اللي قلت لش تقلي لها؟!


أم نادر بسرته وبضبح: هيا م قد به معانا، من ذلحين قد بنفعل مرسال؟! وبدون علمي؟! انى عاد شي معك عقل؟! ورزانه؟! مشو أنت نادر اللي اعرفه رزين وثقيل!!! جت بنت آل... تخليك مهبول أو كيفه؟!


نادر بإحراج: مش قصدي يماه الله يحفظكم، وبعدين هي كلمه عاديه والله حتى اسألوا نُهى!!!


نُهى بشرود: يماه هي كلمة عادية صدق وبعدين الحب يفعل أكثر من هذا!!!


أم نادر: الله الله من اي حين هذا الكلام ي نُهى، أو قد شي معش شي والا شي؟!


نُهى بتهرب: الله يهديكم يماااه ايش عيكون به مثلاً؟! يلا تصبحوا ع خير قدني ملاني نوم اشتي ارقد!!!


وهربت قبل م تزيد تسأولها وتحقق معها، ونادر كان والكل يشتي يسألها وكذا، بس اتصل له فؤاد...


دخل غرفته ورد: هاه فؤاد سألته؟! م قال؟!






















📚 @rewayatyamania 🇾🇪

البـارت 27♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


أن تكون رجل فهذا يعني أن تكون قد "المسمى والاسم الذي ينادوك به👍



فؤاد: م رضيش يجاوبني الا بعد ضرب ومصياحه، بس في الاخير اعترف أنها واحدة من حقه كانت معزومه عند بيت خطيبتك وبس!!!

نادر: وايش اللي يضمن له انها بزتها؟!


فؤاد: قال إنه اتصلها وبسرها لما خرجت وبزتها!!!


نادر تنهد: طيب ليش م تقله وتعقله؟! مشو حررراااام يدمر سمعة بنات خيرات بسببه؟! واللي يفلحين من المكيدة يدخلين في دوامه السمعه وان هي كانت تشتي تهرب وووالخ؟!


فؤاد سكت...


نادر بضبح: أصلاً من بين احاكي؟! ولمن بين اقل أنه ينصحه؟! م بش فرق بينكم إلا أنه شوووية اوڤر وبيدخل ف المحرمات، وانت تكتفي ب الكلام...م بتتفتجعوش من الله، ولا بتهابوه؟! ومشو حرام عليكم انكم تلعبوا ببنات الناس وقلوبهن؟! م بيأنبكمش ضميركم؟!


فؤاد م توقعش هجومه وبيحاول يدافع: أصلا ً هن اللي بيسمحين لنفوسهن و...؟!


نادر قاطعه بضبح: اووهووو علينا عنرجع نعيد الموال والكلام والنصائح من جديد؟!
انا حاكيتك مرتين والباقي قلت اسهل يمكن يعقل ويعقل اخوه وووالخ بس هذه المره شكلي شتخذ إجراءات جديدة!!!
لان زيما يقولوا الاوله والثانيه والثالثه تنبببععع...


"مثل صنعاني أنه الشخص يمكن يفعل الغلط مرتين لكن الثالثه ترجع ضده ويندم"


فؤاد ببرود وكأنه نسي العشرة والصُحبه: ي اخي انت م تدخلش مني انا حر وهذه حياتي، وياليت اخر مره تدخل وتنصحني وفر نصايحك لك...
هه آخرته يتزوج واحده بدون أصل...
سلاااام...


” ‏أنت ي صديقي الذي أخاف أن تؤذيه الحياة فاذيت قلبي.“💔!.➻❥*



الصبح...

السفرة مجهزه خرج وجلس بضبح حتى م قلش صباح الخير...


نُهى: هيا ماااله حقنا الحريو ضااابح؟!


نادر بسرها بنظرة سكتتها!!!


ونُهى افتجعت: مالك ي اخي صلِ ع النبي احنا بنمزح، خلاص م عاد عنكنش نمزح معك!!!


نادر: يكوون احسن والله...
هيا يماه لو سمحتوا افعلوا لي سندوتش واكله ع طريقي...


امه: مع م ينفعش ي ابني ضروري م تأكل تشبع، وصبوح دافي هكذاك عيبرد...


نادر قام بضبح: كان تسلموا مشتيش اصتبح مع السلامه، ولا تورعوا لي ف الغداء...
شتغدى خارج ويمكن أتأخر العشي والكل!!!


أم نادر: يوووه للمه ي ابني م حصل؟! معك شغل؟!


نادر خرج بدون م يرد عليها...


أم نادر بسرت بنتها: ماله هذا؟!


نُهى بطنانه "لا يكون دري أو حاكاه بشي؟!": مدري الله أعلم، حتى اول مره ابسره هكذا واول مره م يرجعش يتغدى معنا وعيتأخر العشي!!!



نرجع لنادر...
وصل لمقر عمله، شل السُياح بدون م يبسر فؤاد أو يبز السُياح حقه بدلهم ساع م بيفعل كل مرة!!! لما يتأخر فيها!!!


وسار ع عمله، وكل تفكيره محصور بين رفيق عمره، وحبيبة قلبه!!!!
.
.

عند سُهى...

كانت تفعل الصبوح وهي متوتره من عمتها اللي فوق رأسها...


بس م توقعتش تسألها: وانتي ي سُهى ايش رأيش من تشتي؟! ابني والا...
وبسخريه...
هه ابن فلاااان؟!


سُهى بتوتر: زيما قالوا لكم ابي استخير واللي يرتاح له قلبي شااوافق!!! عليه...


عمتها: هع م بلا قلي انش تشتي ابن فلان وان بينكم قصة حب...

قربت لشقها...
بسسس تأكدي انش عتندمي والله اصلا ايش جاب لجاب، انتي بنت فلان وهو ابن فلااااان، وعيدي بدلش اررربععع ومش بعيده يطلقش ويرجمش ساع الكلبة هنيك بعد م يمل ويزهق منش واذكرش ي سُهى وانتي عتبسري!!!



وخرجت وخلت سُهى في دوامة أفكارها وحُكى عمتها بيرن في اذنها...
كملت تفعل الصبوح بسرعه، وخلت واحده منهن تقربه...
وتتجهز بعد م بسرت الساعه أنها متأخرة، وسارت للمعهد...
.
.

عند أحمد...

فتح المحل وبدأ يشتغل، وشوية م سمع الا صوتها...


...؟! امانه ي بنات لا تخطنش بسرعه مقدرش اني الافيكن!!! م بتبسرنش هذولا اللي في رجلي ويدي؟!


واحده منهن: شكل الدربة قعت قوية ي بلقيس!!! لدررجه ان انتي تغيبي ثلاثه ايام، واليوم الرابع تجي مجبسه؟!


الثانيه: ليش تجي أصلا؟! ارتاحي لش احسن في البيت عسب لا يتضاعفش الوجع!!! وتتجبر بسرعه!!!


بلقيس: ناهي ذلحين بدل النصائح والفلسفة جين اسندني والا لاتخطنش قبلي وبسرعه!!!


أحمد بسرهن وابتسم " ههه اسمها بلقيس؟! حالي؟! بس معقوله فعلاً تكون الدربة قوية لهذه الدرجه أنها تجي مجبسه؟؟؟!

تنهد...
يمكن خصوصاً أنها م بتجيش قدلها ثلاثة أيام من يوم م ادربت!!!

وفجأة ضحك...
ههههههههههههههه وطلعت مش شخطية وان هي زرية، بس الدربه كانت كبيرة"


سكت وكمل عمله، وبيفكر في نفسه ومستغرب ماله مهتم لدرجه حتى الثلاثه الايام اللي غابت فيهن جلس يفكر فيها وكيف قعت بعد الدربه!!!؟


"م بتلاحظوش اختلاف في احمد صح؟! رجع يشتغل مع ابوة وبيفكر في بنت جديدة؟! تقولوا ايش عيقع"














https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 28♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


-يكلها
تتعبني الخلگ بس رآحتي عيونچ 🤎"



بسر ساعته وابتسم " ذلحين المفروض تجي وتمر من هنيه، إذا تأخرت خمس دقائق اسهل مشتى، وإذا تأخرت أكثر...؟!
وسكت بإستغراب مع ضبح...
تتأخر م تتأخرش انت ايش دخلك ي أحمد قر وارزى وكمل عملك عسب تلحق المحاضرة"


م كملش كلامه الا ويسمع صوتها مع صحباتها، لف وبسرها شخر قوي " والحمد لله اليوم جت وقد بعدت الجبس، ليش ماشي قد لها اسبوع وشوية وهي به، قد عتتجبر رجلها فلا زد"


وع خطيتها نكع من شنطتها حاجه، سار بزهن وأنهن ورقه وقلم ويشتي يمكنها بس فضوله خلاه يبزهن وسار يكمل عمله!!!!
.
.

وقت الغداء عند نادر...

كمل يشرح للسياح إنه هذا هو وقت الراحه الريست له ولهم وعيلتقوا بعد كم ساعه، وقدهو خاطي صلا بيتهم...


فؤاد وقفه: نادر ي حيدي!!!


نادر وقف بس م التفتش له أبدا...


فؤاد تنهد وتقدم لعنده: نادرلأي حين عتجلس زاعل مني؟! غلطت وأعتذرت عن غلطي ايش عاد تشتيني أفعل؟!


نادر بجمود وما تحركش من مكانه: ع م اظن ي أستاذ فؤاد اللي يغلط يعتذر عن غلطه ذيك الساع، مش بعد اسبوع وكأنه خلاص فكه من مكه، ويشتي من الطرف الثاني أنه يعتذر له؟!
ومشتيش منك شي غير سير من قبال وشي، وقع قد حُكاك اللي قلته واقطعها معرفه!!!


وسار وهو ضاااااابببححح يشتي يقرح، ولو عليه أنه دماااه ضررررب بسسس مسك أعصابه ووصل للبيت!!!


واول م بسر أمه: هاه اماه قلوا للي قد ردوا والا عادهم؟!


أم نادر: صلِ ع النبي ي ابني، اول شي يقلوا السلام عليكم مش هكذا لا احم ولا دستور؟!


نادر ضحك بدون نفس: اسف يماه، بس م كأنهم تأخروا شوية؟!


أم نادر تنهدت: خليهم ي ابني الناس م يردوش من اول مره، وبعدين شكلهم بيدرسوا الموضوع من كل الجوانب خصوصاً...
أن هم مش هم أصل...
تداركت الوضع...
اقصد يعني مشهم ساعنا شوية مفتجعين ع بنتهم من هذه الناحيه؟!


نادر أستغرب: للمه ي سعم؟!


أم نادر: مش وقت ي ابني ذيه المجبر وهيا غداء قد قربته، واختك قدهي عتوصل...

.
.

عند نُهى...
فوق الباص وبتفكر...

" اقل لنادر والا ماشي؟! ادعمم وبس؟! بس شكل الولد منه صدق مجنون!!!؟
ي رررب ماهو هذا الجنان؟!
ومن وين طلع لي؟!
قد أديت له كل الاشياء عسب يفلتني ويبعد السخافه من رأسه، بسسس ولا رضي يفهم؟!

مجنون هو أو كيفه؟!
طيب ليش ي نُهى ليش م تشتيهش؟! ب الرغم أن فيه كل المواصفات اللي تشتيها، بس بس هو مشو اصل ساعنا!!


الله ي نُهى كيف رجع تفكيرش مُتخلف لهذه الدرجه؟! هذا وانتي دارسه ومتعلمه تقولي هكذا؟!

ي رب عينني وعاوني، احاكي نادر وخلاص وان شاء الله خير"
.
.


في بيت ابو ساهر...

العمه خرجت وقدي مجهزه بقشتها وبتداعي بناتها...


ابو ساهر خرج: يوووه مالش الله يهديش وين عتسيري؟!


العمه طرحت يد فوق يد وعوجت لقفها "فمها": كمل العرس م عباقي؟! وبعدين ليش نجلس في بقعه م يميزوناش فيها!!!؟؟؟


ابو ساهر: ليش ايش اللي قع؟! من اللي م ميزش؟!


العمه: بنتك المصون قد لنا اسبوع من حين ادينا لكم كلمة، وانتوا ولا رديتوا لنا خبر!!! وإذا هي تشتي ابن فلااان وبينهم قصه حب تتحاكى عادي!!!


سوسن سمعتها وبنرفزة: ماهو هذا الحُكى ي عمه عيب عليكم، وانتوا تعرفوا اختي كيف هي، أما اذا حين م ردتش هي عادهي بتفكرررر، سمعتوا ايش هي هي بتفكررر، ولو كانوا صدق ع حب م ترددتش ثانيه أنها ترددكم بالرفض وهم بالقبول!!!


العمه: هيا بسرت ي اخي بسرررت؟! محد في هذا البيت بيميزنا، وبيرفعوا صوتهم فوقنا لذلك م بش لنا جلسه هنيه بعد هذا كله!!!؟


ابو ساهر: اعتذري من عمتش يلا ي سوسن عيب عليش تحاكيها هكذا!!!


سوسن بضبح: اسفه،،، وخطيت...


ابو ساهر بسر أخته: ذلحين مش وقت هذا الحُكى وجي نتعدى قد الغداء مقرب!!!


العمه: لا والله ما يدخلي لجع، اني خاطيه ذلحين، والا خليت سُهى تجي تقلنا ذلحين بقرارها!!!


ابو ساهر تنهد: لش اللي تشتيه...
وبيداعي... ي سُهى سُهىىىىىى جي كذاهه!!!


سُهى جت وهي متوتره لأنها سمعت كل الحوار: هاه اباه؟! تشتوا شي؟!


ابو ساهر: عمتش حالفه م تأكل معنا شي إلا لما تسمع ردش ايش هو؟!
قررتي ي بنتي؟! قلي لي قرارش؟! ولا تفتجعيش!!!


سُهى بسرت لعند أبوها بسرعه وبقوه، وبتحس أن م بش اكسجييين أبداً: بس ي بابه عادني بين افكر واستخييير!!!


العمه بسرتها بإستحقار: قد لش اسبوع وانتي بتفكري وتستخيري، م عاد تشتي؟! مصدقه روحش ولا كانش ملكه؟؟؟!


سُهى قوت نفسها وبسرت لعيون عمتها: أيوه انا ملكه ملكه في عهد أبي...
أما قراري فهووو....؟!
























📚 @rewayatyamania 🇾🇪

البـارت 29♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


- وَ العَوَّضُ آتٍ...
وَ رَبُّ القَلبِ أدرىٰ بِمِيعَاده 🤍"



سُهى قوت نفسها وبسرت لعيون عمتها: أيوة انا ملكه ملكه في عهد أبي...
أما قراري فهووو ودامكم مصرين تدروا ذلحين فأنا شختار اللي جاء لي ب الحلا، وما جاليش ب الرزوعه...

اللي واثق فيني رغم الاشاعات وسمعتنا اللي قدهي ف القاع بسبب أنهار رغم هذا جاء وطلبني وابن فلااااان والكل...

وبيني وبينكم زواج الاقارب مشو ساااابرررر أبدا ً...
خلونا هكذا حبايب احسن مما يقع شي ورجع تتغاثوا بسببي!!!
وابنكم الف بنت تتمناه، الا أنا...


العمه عوجت لقفها: هيا بسرت ي اخي م بتقل؟! وكلامها دليل أنهم بيحبوا بعض، والا م دافعتش عنه هكذا!!!
وما توقعتش ي سُهى تبسري من الجانب المادي وأنه ابن فلان وافقتي عليه!!!


سُهى تنرفزت بس وجهت كلامها لابوها: بابه انا أديت لكم قراري، بس في الاول والاخير القرار قراركم، وزيدوا شاوروا إخوتي، وإذا تشتوا سيروا اسألوا الولد بنفسه اذا بيننا حب او بنعرف بعض أو او أو...

واسمحوا لي ذلحين اسير ابسر م عاد يشتوا مني!!!


سُهى سارت وابو ساهر لفت لأخته: سمعتي كلامها ي اختي؟! واظن م عبش داعي للتعماق وهو فعلا زواجه الأقارب مش هي حاليه...
وابنش أن شاء الله تلقي له المره اللي تسعده وتحبه وما بش عليه اصلا كلام!!!

وذلحين خرجي ابليس من رأسش وجي نتغدى...


العمه سكتت وهي بتقلب كل شي في رأسها، وسارت تتغدى معاهم...


النسوان في الحجرة والرجال في الديوان...


حنان بتهمس لسُهى: هاه سُهى م كانوا يشتوا منش؟!


سُهى بنفس الهمس: بعدين شرجع اجابرش...


حنان: بس لا تنسي اماااانه!!!


العمه بتبسر كيف ردة فعلهن: هيا اسمعي ي ام ساهر أنا جاية وطالبتش في موضوع!!!


أم ساهر بإستغراب: اطلبي وإذا قدرت عليه عيوني م يغلنش عليش!!!


العمه: بما انو سُهى رفضت ابني ايش رأيش...؟!

.
.

عند نادر....

كملوا يتغدوا وقدهو يشتي يخرج نُهى وقفته: نادر ؟؟!!!


نادر لفت لها: هاه م تشتي ي هرمه؟!


نُهى بتردد: اليوم العشي انت فاضي؟!


نادر : أيوة لمه؟!...
وبضحكه...
لا تقولي تشتي تخرجي كنتاكي وتشتيني اخرجش...


نُهى ضحكت: الله يقلعك ع م في النفس م هذا اشتي واصل، بس مع اشتي احاكيك في موضوع مهم...
وضحكت...
وياليت في كنتاكي احسن عسب يكون للموضوع نكهه...


نادر: صدقت ؟! هيا انقلعي من عندي لو اصدقش لا تفلسيني في اسبوعين!!!


نُهى: الله؟! الخير كله موجود، وبابه للمه بيشتغلوا وما يجوا الا اخر الليل الا عسبنا والا مع؟!


نادر بضبح: داري والله يدي لهم الصحه والقوة، بس انتي تعرفيني م يعجبنيش ابز من حق أحد اشتي من عرق جبيني!!!


نُهى بنيزغه: خلاص وانا اشتي كنتاكي من عرق جبينك، وبعدين انت اللي اديته لنفسك م انا م كنش في حسي هو انت اللي لوهتني!!!


نادر وهو خارجي: خيرة الله عليش بس، خليني ارحلي بعد عملي وانتي محد يزل لسانه عندش!!!
عتجلديه جلد لما يرضى يدي لش اللي تشتي!!!


وخرج وهي ضحكت، بس لما رجعت ذكرت الموضوع تنهدت بهم وسارت غرفتها!!!



وصل نادر، وبسر أن م قد جوش السُياح، جلس فوق الكرسي وبيفكر...

قطع تفكيره فؤاد لما جاء لقدامه...


فؤاد: نادر بس خلاص امانتك، ولما قلت اسبوع انا كنت اتهرب منك عسب اصلا كيف شقدر اواجهك؟! بأي وش؟!


نادر ببرود: باين، لدرجه لما رسلت لك رساله عتاب وترد عليا بأنك خلاص قرفت صحبتي وتدخلي في حياتك مع اني عمري م تدخلتش في شي م يعنيني، وانا لما صيحت فوقك هو محبه فيك، بس طلعت مش قد المحبه!!!


فؤاد بإستغراب: اي رساله واي كلام؟! م هو هذا الحُكى؟! امانتك ي نادر ايش اللي انت بتتحاكى عليه؟!


نادر: ي سعم مشك داري؟! وتشتي تقنعني بهذا الشي؟!


فؤاد: وأقسم ب ايات الله م انا داري ع ايش بتتحاكى، قلي ماهو؟!


نادر سنب لقباله وفتح تلفونه ع الرسائل الاس ام اس: هه وهذا ماهو؟!


فؤاد بعد ثواني فتح عيونه بصدمه: نااادرر بأيش تشتيني احلف لك بالله اني م ناش داري اي حين هذا ولا وصلت لي رساله وهذا الكلام وربي م هو أنا؟؟؟!
.
.


في مكان قد لنا خيرات منه...

أم أنهار: هيا ي أنهار اقطبي قبل م يجي حد من اخوتش ويبسرش امانه لا يقطعوش...


أنهار بضبح: هوذاني جايه، وياسعم وين شااسير شااسير الحمام "عزكم الله" وجنب المكان شاطير يعني والا ماهو؟!


أم انهار: م للقانه لا احرمني، وهم م يشتوش يبسروا صورتش من حلاااش!!!


أنهار طنشت امها ودخلت الحمام"عزكم الله"...
وامل خنست لمكان أختها!!!


وجلست تدور بتوتر " يووه وينو وينووو ي الله...













https://t.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 30♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


أنهار طنشت امها ودخلت الحمام"عزكم الله"...
وامل خنست لمكان أختها!!!


وجلست تدور بتوتر " يووه وينو وينووو ي الله، ضروري القاااه، م شي اختي أنهار عتتدمر من جديد، وتدمرنا معها...
الله يهديش بس ي اختي مشني داريه م افعل لش ولو يدروا اي حد أن معش تلفون لا يقتلوش!!!.
انا مستغربه كيف طول هذه المده محبوسة ولا تابت كيييف؟!"


قربت للدولاب بسرعه تشتي تفتحه!!!


...: أمل م بتفعلي عندش؟!


أمل بإرتباك: هاه؟! اقصد كنت بين ارفع لش؟!


أنهار: بس مكاني نظيف وكل يوم بين انظفه!!!
وبحزم...
لا عاد تنظفيهش أبداً...


أمل خطيت من شقها بتوتر: تمام تمام، يلاه تشتي شي؟!


أنهار تنهدت بسرحان: ولاشي اخرجي وغلقي بعدش...
وبسخريه، عسب لا يجوا اخوتش يقتلوني...


أمل دنت رأسها، خرجت وغلقت الباب بعدها، وهي م بين حزينه ع اختها، وضابحه منها...
لأنها وبالصدفه سمعتها بتتحاكى مع واحد...
واكيد اكيد معها تلفون...
ورغم كل شي قع م تابتش ولا شي!!!
.
.

كيف أقول لك ، في لغة الصمت أحبك...❤️


عند سُهى...

سُهى: سوسن اسمعيني، مش انتي مجبرة انش توافقي عليه، عسبي أو بسببي!!!


سوسن بشرود: مع ماشي مشو هكذا بس انا موافقه بكامل إرادتي!!!


سُهى تأفأفت: سوسن؟! ي سعمني م اعرفش؟! وانش وافقتي عليه عسب نسكه من هدارهم، والمشاكل اللي ممكن تحصل بينهم؟!


سوسن ابسرت لعند سُهى وبإبتسامه عريضه: مع من قااال؟! انا اصصصلاااا بين احبببه!!! وما كنتش اشتيش توافقي عليه لاني اشتيه؟!




في نفس البيت، بس في مكان ثاني!!!

ممدد فوق سريره، وبيقلب بيدة الورقه " افتحها؟! والا ماشي؟!
افتحها وع الله!!! بس هو حرام اني اتجسس ع حد؟! يمكن هي بتكتب شي م تشتيش حد يدرى به؟!

ويمكن هي ورقه عاديه لأي مادة؟! مثلاً؟!


تخيل أنه لما يفتح الورقه عيلاقي شي يخص الدراسه!!!
وضحك، ههههههههههههههه مشو بحق التشواق والرياع لهذا الساع عسب افتحها؟!


لذلك شفتحها وع الله!!!


فتحها وهو شوية متوتر افتهن شوية لما بسر أن الورقه م تخصش المواد...

بدأ يقرأ " لكل منّا أحلامه وفي كل يوم ينظر للمدى البعيد، للمستقبل وكيف سـ يكون، ذاك يُريد أن يكون طيار وذاك يُريد أن يكون دكتور!!! وهذا وتلك وهذه وذاك...
لديهم أحلاماً جمّه، أحلام تقتضي على أشياء مادية...
الا انا فأنا أحلم فقط بـ أن يكون لي عائله تتفهم، وتفهم...
فقط عائلة تأخذكِ لبر الأمان، من كل شيء!!!"



أحمد غلقها بتنهد وهو بيفكر بكل حرف كتبته " هه؟! عائله تكون لها أمان؟! تفهم وتتفهم؟!"

.
.

عند فؤاد...

وصل البيت وهو معصب باقوى قوته: فااايييز ي فاااييييزز، ي جنيييي وينك ي كلللببب؟!


فايز جاء وببرود: هاه مالك بتشولح؟!


فؤاد بعصبيه: م هو هذا اللي قلللته لنااادددررر؟! ومنننن سمح للللكك ترد عليه أو حتى تعس تلفوني؟!


فايز ببرود: دريت انو انا؟! كيف لما؟! ع العموووووم ايييوووه انا اللي قلت هكذا اصلا اشتييييه يبتعد عننا من قد يقلوا له؟!
كوده غير الا لا تفعلش، وحرام ومدري مه...

ي اخييي احمد ربك انني فكيتك منننه؟! واصلا ع حلا صحبته؟!


فؤاد...؟!
.
.

لقد جئتك طالباً منك نصفي الثاني، وراحتي وإرتياحي، جت أليك راغباً بأخذ ممتلكاتي إلي انا🙊



نادر بيطرررق فااارح قوي: هييييا امااااه نُهى انا لي منعكم، سرررريع القطبببه!!!


امه: هوذاني جيت اتصلت لأخوالك؟!


نادر: ايييوووه وذلحين قالوا عيجوا!!!


امه: واعمومك؟!


نادر: هه اعمومي؟! اعمومي ساع ابي مش هم داريين وين احنا بس عيجوا جهالهم؟!


أم نادر تنهدت: الله يهديه ابوك حتى في اهم المناسبات م يجيش؟!


نادر تنهد : اسهل يماه، اسهل...
هيا ذلحين امانه وين هي نُهى ساااعه تتلبس؟! ولا كأن هي الحريوة؟!


نُهى خرجت: هيا من الهرم حقك، قذا خرجت، وبعدين ضروري استبك عسب يدروا اني اخت العريسس!!!


نادر ضحك: عريس مرة واحده؟! عادحنا الا بدأنا وبسم الله...


طلعين فوق السيارة...

أم نادر: ايش رأيك ي ابني اليوم تقع خطبه وعقد؟! عسب العرس يكون نهايه الشهر؟!
.
.

في بيت ابو ساهر...

سُهى بتوتر: هكذا انا تمام؟! امانه كيفني؟!

















https://t.me/rewayatyamania/42859








📚 @rewayatyamania 🇾🇪

💗


بارتـات يومنـا الاثنــين 👆🏻😍

البـارت 31♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


في بيت ابو ساهر...

سُهى بتوتر: هكذا انا تمام؟! امانه كيفني؟!


سوسن: يووووه محلاااش ما شاء الله حروس الله وقلع كل شيطان، امانه انش لا تجننيهم، عتخليهم يوصفوش له ويجننوه عسب يتزوج بسرعه!!!


سُهى خزيت: ههه تسلمي عيونش الحاليه...


سوسن: وانا كيفني؟!...
وضحكت... عمتي م عتقلششش شي ولا عتصيح؟!


سُهى: هههه الله يهديش ي سوسن، اول م عتبسرش عتقل هذه كأن هي مغصوبه!!!


إبتهال: ي بنات ي بنات أهل نادر جوووو!!!


سُهى بسرعه قامت وبسرت من الطاقه: يوووه محلاه وسيم، وشخصيه بس ليش هكذا شكله ضابح؟!


حنان ع دخلتها سمعتها و ضحكت: ههههههههههههههه م عبش حياء؟! وسيم وشخصيه ومدري مه هكذا بدون احم ولا دستور؟!


سُهى بسرتها وضحكت: هههه وانا م قلتش إلا الصدق!!!؟
.
.

في الديوان الرجال كلهم موجودين، اخوال نادر وعيال اعمومه وفؤاد تأخر!!!


شوية الا وجوا أهل خطيب سوسن وكل شوية يزبجين ويقارنين بينهم!!!


سوسن قاطعتهن: اسمعين والله إن عبده شخصيه ووسيم، بس م بش حد من يهتم فيه ويهندددمه خلني بس لما قدني عنده عتبسرين كيف عيقع!!!


أم ساهر دخلت: يييه جيتين هنيه مجتمعات؟! هيا ادخلين داخل عيب عليكن، قد جوا أهل الخطاب كلهم، وانتين تجلسين هنيه لما نقلكن تجين!!!


حنان وإبتهال والبقيه خرجين، أما سوسن وسُهى جلسين لما يداعوهن!!!



في مجلس الرجال...

نادر كان مطنن وضااابح من أخواله وعيال عمه والحُكى اللي تحاكوا به، وأنهم رافضين زواجته تيه، بس م يقدروش يفعلوا شي لأن قدهم في الوسط...


بسر أن فؤاد تأخر قام وخرج للحوي يتصل براحته: هيا ي خبيرررر وينك لذلحين؟!


فؤاد: ي اخي زحمممه واصلا سرت اشتررريت لي قات عرمرمي لذلك تأخرت!!!


نادر: الله يهديك ي اخي القات حق الخطبه ملااااان م كنش به داعي للقات!!!


فؤاد: اسهل مشتى إذا نقص نزيد نوفي بذيه!!!


نادر تنهد يشتي يتحاكى رفع عيونه للباب لانه كان فاتح شوية... بسر حد بيطرح حاجه في الباب، قُدم وبسر نفس الصندوق استغرب...


وذكر كلام فؤاد: فؤاد وين هو فايز؟! رجع والا عاده حانق؟!


فؤاد بإستغراب: م اداه لا حسك ذلحينه؟!
بس شااجاوبك بعد م قعت المضرابه بيننا م عاد رجعش ب المره للمه؟!


نادر ضيق عيونه بضيق: بس بسرت نفس الصندوق باب البيت؟! معقوله حتى اليوم تكون موجوده داخل؟!
.
.


داخل...

إبتهال جت: هيا ي بناااات ادخلين قد بيسألوا عليكن!!!


سُهى بتوتر: يوووه ي سوسن امانه أن قد قلبي في بطني من الفجيعه!!!


سوسن وهي والكل متوتره بس قوت نفسها: اهجعي من الخباله حسستيني أنهم عيقتلوش، م به شي سمينا بالله ودخلنا!!!

.
.

عندما تُحب يجب عليك أن تثق بمن تُحب، يجب عليك أن تكون متمسك بمن نبض قلبك لأجله🖤



نادر غلق من عند فؤاد وحس بفضول، بز الصندوق وسار السيارة يبسر م بينه؟!


وهو بيفتحه، سمع دق ع زجاج السيارة بسره وأنه فؤاد...
طرحها ونزل: اخيييرا جيت ي حيدي؟! الله يقلعك م كنتش شاارضى أخطب الا لما تجي!!!


فؤاد: تسلم ي حيدي، هيا جي ندخل عيب نتأخر عليهم، وما معك هنيه؟!


نادر غلق السيارة: و لاشي خلينا ندخل قبل م يزيدوا يقلبوا ويطعفروا باقي المزاج الرايق!!!


فؤاد ضحك: ههههههههههههههه يعلم الله م قد فعلوا بك، هيا هيا...


نادر سكت، لانه تذكر كلامه حين قال "آخرته يتزوج واحده مش أصل" نفس كلام أخواله وعيال عمه...


دخلوا وان قد كملوا يخطبوا لسوسن وعبده، وقد لبسوها الدبلة والبدلة" عمة سوسن"...


خاله الكبير بسره: هيا وينك لذلحين عيب عليك احرجتنا مع العالم وين سرت؟!


نادر ابتسم بإحراج: سرت ادي باقي القات!!!


فؤاد مكنهم: أيوه وهذا هو...
هيا ذلحينه نقل بسم الله؟!


أحمد والمعتز بيبسروهم سكته!!!


خاله الكبير تنهد بصبر وضبح وبدأ يتحاكى: اعذرونا ي جماعه قذا قال لكم أنه سار يدي القات، هيا م ذلحين مشتيش الف وادور وزيما قد قالوا لكم احنا جينا نشتي بنتكم الكبيرة لأبننا نادر!!!


ابو ساهر: اكيد واحنا الصدق م عنلاقش لبنتنا احسن من ابنكم، ولأنهم طلبوها ب الاسم م سخيناش نردكم بسبب الفارق اللي بيننا!!!


نادر بسرعه: الله المستعان ي عم بس ، ايش اللي فارق م فارق كلنا واحدي ولا عاد اسمع هذا الحُكى مرة ثانيه من لقفكم!!!


أحمد والمعتز عجبهم رده وإندفاعه بس بيحسوا أن به حاجه غلط؟! ماهي؟!


ابو ساهر ابتسم: تسلم ي ابني هذا من طيب اصلك...
الله يحفظك...


خال نادر كان بيبسره بغيييظ وضبح باقي شوية ويقوم يقتله!!!


بس كابر وتحاكى: واكيد ذلحين م بش اي مانع نخلي الشيخ يجي يعقد لهم؟!


أحمد والمعتز بصدمه: ماااهو عقققد؟! للمه؟! وليش بهذه السرعه؟؟


الخال أحرج: ....
























📚 @rewayatyamania 🇾🇪

البـارت 32♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


أحمد والمعتز بصدمه: ماااهو عقققد؟! للمه؟! وليش بهذه السرعه؟؟


الخال أحرج: والله م نقلكم الا كل خير، البنت جاهزة والولد جاهز معه شغل وشهادة م عباقي للطوال والعراض؟!
ونشتي العرس نهاية الشهر!!!
وبسر ابو ساهر...
والا م قولك ي ابو ساهر؟!


ابو ساهر بعد تفكير: والله م نقلكم الا كل خير، وصراحه كلامك صح بس الاستعجال...؟!


الخال بصبر وشبه صياح: استهدي ب الله ي رجال الولد قدحنا نشتي نزوجه ذلحين لو علينا، بس الصدق قلنا شهر عسب تتجهز البنت وتبسر م به لها وم عليها!!!


نادر يشتي يبرر لخاله: يقصد خالي ي عم، اني مكون نفسي وجاهز منه كله واللي تطلبوه عيوني شديه، وما يغلى عليكم شي لاني الصدق اشتي م يجي الشهر الثاني الا وقدني مزوج!!!


ابو ساهر تنهد: ع بركه الله!!!


الشيخ: يلا مدوا ايديكم!!!



عند النسوان!!!

كانت أم نادر مبهووورة من سُهى، ومطنشه لنسوان اخوتها كيف بيتحاكين عليهم انهم مش أصل...


المرة اللي جنب مرة أخوها: مشني دارية كيف قبلتوا تجوا تخطبوها وسمعتهم في القاع؟!


مرة أخوها بإستغراب وعوجة لقف: ايش قصدش ي حجه؟!



نهاية الديوان...
جاء المعتز وفي يده دفتر...

وببضبح: حنان ادعي لي سُهى!!!


حنان: يوووه لمه؟! وليش انت ضابح؟!


المعتز: حنان قوا سيري ادعيها وعتدري بكل شي بعدين!!!


سارت حنان بدون كلام، وجت ومعها سُهى وأم ساهر...


المعتز: جي وقعي هنيه، الولد مستعجل قال يشتي عقد وابي وافق!!!


سُهى بصدمه: ماااهو؟! كيفه هذا؟!


المعتز: مالش م تشتيش؟! لانه قال يشتي العرس نهاية الشهر!!!


سُهى : مش هكذا بس اقصد ليش الاستعجال!!!؟


أم ساهر: ي بنتي وقعي م فرقتش ذلحين والا بعدين!!! وانتي هكذا والا هكذا عتتزوجي!!!


سُهى بسرت حنان وبتهز لها راسها وهي فارحه، بزت الدفتر بيد مرتعشه وقعت وهي مشوشه ومرتبكه وتحس كله خيال...

م حست بنفسها الا في حضن اخوها: الف مبرررووك ي روح اخوش وان شاء الله جعلها زواجة العمر، مع أنه في داخلي شي يقلي م ازوجش بهذه السرعه وشي يقلي م عنلاقي احسن من نادر!!!


حنان وام ساهر حجرين: لولولولالالالاللللللللللييييي!!!!!


أم نادر دريت أنه تم العقد حجرت من داخل الديوان، وبعدين كل النسوان حجرين معاهن!!!
وبسرعة البرق دريوا أنهم عقدوا!!!

.
.

خليك مثل ﺎلدلۃ مَــن تنزل تسد حلوك ولـا تاخذ طبع فنجان مَــن تخلص يهزوك 🤍"



أحمد جاء بضبح: الله الله، يماااااه!!!


ام ساهر جت: هاه يا ابني مالك؟!


أحمد: شلوا سُهى اي مكان ثاني عسب يدخل يبسرها، ابي الله يهديهم مشني داري ماله اليوم وافق ع العقد وأنه يدخل يبسرها!!!


أم ساهر: ي ابني من حقه يدخل يبسرها لانها قدهي مرته...


أحمد: خيرة الله مش وقت الحُكى ذلحين!!!
وسريع عسب م يتأخروش!!!



أم ساهر دخلت، وحاكت سُهى وهي ارتبكت مع فجيعه وتوتر ومشاعر مختلطه ، تحس نفسها في حلم وعتقوم منه!!!


العمه: وين عتسيروا؟!


سوسن: عيدخل زوج اختي يبسرها واحنا عنسير نصلحها!!!


العمه عوجت لقفها: الله يبسرها وهي ملبسه؟؟؟! واحنا قلنا لش يدخل يلبس الدبلة وانتي م رضيتيش؟! اصلا عتفجعيه بذيه الفستان !!!


سوسن ضحكت: هههه ي عمه الله يهديكم، ابنكم هو يعرفني وأعرفه ليش عاد كل هذه الاشياء؟! وع م اعتقد اذا ما عجبتش تقدروا تفسخوا الخطوبة مش احنا ذلحين لداه عسب تختاروا اذا عجبناكم والا مع؟!
سلام شااسير ابسر اختي م تشتي!!!



سُهى مسكت بأيديهن: مع أمانه ادين لي البالطو وحجاب وامسح البترة"الروج" والكحل وخلوه يدخل هنيه!!!


حنان: بس هو طلب يشتي تكونوا لوحدكم؟!


سوسن: فكرة اختي حالية وزيد عسب يدخل يلبسها الدبلة هو!!!


نُهى جت: هيا ي سُهى سعليش اخي م بيقاحصش والله!!!


سُهى بسرتها بتوتر: قلي له يدخل بعد شوية لا هنا مشتيش نسير وحدنا!!!


نُهى م عجبهاش بس جارتها: تمام بس اهم شي تكوني مستعدة!!!


أم نادر جت: الله يحررسش ي بنتي ما شاء الله حروس الله وقلع كل شيطان...
والله م عنده حجه ابني أختارش رغم أنه م يعرفش ب المره، ولا قد بسرش الا كرة...


سُهى إبتسمت بتوتر: تسلمي الله يحفظكم يماه "الصناعنه يداعوا أم الزوج ب يمه، گ تمييز ورفعة مكانه"
وان شاء الله اكون عند حسن ظنكم!!!



بعد خمس دقائق...

نادر دخل مع أحمد وهو مشخر وصل لعندها وحب جبهتها: الف مبرررووووك عليا بش!!!


سُهى بإحراج: الله يبارك فيك تسلم!!!


نادر: اليوم اللي بين أحلم به تكوني ملكي ومرتبطه بأسمي تحقق؟!
ماناش مصدق!!!


لبسوا بعض الدبل في اليد الشمال، ليعلنوا للكل أنهم حق بعض ومش بس خطوبة بل زواج!!!
ولبسها العقد والساعه مع الاسويرة...


وخرج...

وسُهى ميته من الإحراج...


نُهى جت لعندها: ...























📚 @rewayatyamania 🇾🇪

البـارت 33♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


نُهى جت لعندها: سُهى ليش لبستي البالطو؟! ومسحتي البتره؟! هو قدو زوجش عادي!!!


سُهى إبتسمت: دارية أنه عادي وقدو زوجي بس انا عادني م اعرفهش وبين اخزا منه، وثاني شي العرس م باقي له الا شهر ونتزوج خليه يشتاق لي!!!


نُهى إبتسمت ع تفكيرها وإرتاحت: ههههههههههههههه دام هكذا حالي...

مدت يدها...
هه هذه هدية من اخي اللي هو زوجش هديه ثانوية غير اللي أداها!!! لكن مميزة!!!


سُهى بزتها: تسلمي وقلي له كثر الله خيرة م كنش به داعي لكل هذه التكلفه!!!



خارج...

نادر بإحراج: ي عم ممكن اتواصل انا ومرتي اذا م عندكمش مانع؟!


ابو ساهر: بس هي م بش معها تلفون قد بعناه وما رضتش نشتري لها ثاني!!! قالت م تشتيش!!!


نادر حس بتورط: داري وقد قالت لي اختي، لذلك اشتريت لها هديه تلفون...
عادي نتواصل؟!


ابو ساهر ضحك: ههههههههههههههه قدوذا انتوا مجهزين نفوسكم م عباقي؟! ع بركه الله بس!!!


نادر فرح: تسلم الله يحفظكم، وممكن تقولوا للبيت يقولوا لأهلي يخرجوا؟!


سار داعاهم وخرجين!!!


وكانوا هو يتحاكى مع فؤاد وفؤاد لما بسر أنهن خرجين سلم ع نادر وبارك له وروح!!!



طلعين فوق السيارة ونادر تبدلت ملامحه لضبح وعصبيه: امااااه ابسرتوووا ابسررتوا كيف اخوالي فعلوا بي؟! م عاد احترموووش احد؟!

.
.

في خـيالي لو تمـر اقـول حـيا
كـيف لـا مريـت فـي الواقـع قبـالي



اليوم الثاني!!!
يوم السبت...!!!!

بكر رايق رغم كل شي قع معه والمنغصات إلا أنه مررروووق...


نادر بصوت: صبااااح الورررد لأحلى ورررده في حياتي!!!


ام نادر ضحكت: أيوه أيوه وبعدين عتجي ست الحسن وماعاد نسمعش منك هذا الكلام!!!


نادر ضحك وهو بيجلس : معععع الله المستعان انتي غيرررر وهي غير!!! انتي امي وهي مرتي!!!


نُهى قامت وهي بتتثاوب: ي الله رضااااك أصبحنا واصبح الملك لله!!!
يعني قلنا نغيب تقومنا بصوتك اعوذ بالله صدق!!!


نادر: انا اليوم مروووق والا كنت وريتش كيف صوتي اعوذ بالله!!!
وبعدين للمه اليوم عتغيبي؟!


نُهى: لاني أمس تعبت، وزيد عسب تشلني لعند مرتك أخرج اتسوق انا وياها!!! وانت تبسر عملك مع الخبير!!!
وغمزت له!!!!


نادر مافهمش: هاه أن شاء الله!!!
يلا هيا صبووووووححح!!!
اشتي صبوح ارزززم معدتي!!!



عند انهار...

أمل دخلت لها الصبوح: يلا هيا قووومي صبوووح!!!


أنهار: ادي لي ماء اغسل أيدي!!!


أمل : تمام...
وقدهي خارجيه!!!


أنهار بتردد: هو صدق امس كان عقد سُهى؟!.


أمل استغربت كيف دريت: ايووووه امس كان عقدها؟! للمه؟! وكيف دريتي؟!


أنهار بإرتباك: هااااه؟! ولا شي بس أمس سمعت امي وابي بيتحاكوا!!!
يلا الله يسعدها!!!


أمل ما صدقتش كلامها بس جارتها: امين ي رب الجميع، ذلحين هيا شدي لش ماء تغسلي ايديش واصتبحي م تخليش هناك!!!


أمل خرجت تدي ماء وانهار بسرعه خرجت تلفونها كتبت رقمها بسرعه " لووو سمحتي اشتي رررقم روووز سررريع!!!"


غلقت التلفون وخبته مكانه ع جيه امل: يلا هوذاهو هه هذا الماء!!!


أنهار ابتسمت مجامله عسب تخفي توترها: يلا تسلمي الله يحفظش!!!
.
.

في بيت ابو ساهر!!!

سُهى نزلت بسرعه: بابه نادر أمس ادى لي تلفووون فيه رقمه وقال لأخته تقلي أنه يشتي يتواصل معي!!! وما حبيتش اني اخفي عليكم حتى ولو قد احنا معقودين بس ضروري م اقلكم!!!


ابو ساهر ابتسم من بنته: يوووو هو أمس حاكاني واستأذن مني، ونسيت م احاكيش عادي ي بنتي، بس تصدقي فرحت قوي انش جيتي تحاكيني!!!


المعتز بصدمه: أباه مالكم؟! بترضوا بكل شي هو مش من عاداتنا وتقاليدنا؟!


ابو ساهر قام: الحمد لله شبعت، واظن ي معتز أني م بين افعلش حاجه غلط والا حرام، وهذا يكفي...


خرج لنجارته وابسر احمد هنيك...
فررح قوووي لانه بيحسه بدا يعتمد ع نفسه « لو يدرى بس بسبب من😹^_•.


شوية وجاء اخوه!!!


:صباح الخير ي ابو ساهر كيف حالك؟!


ابو ساهر بسره: صباح النور ي ابو مالك، بس حالي اني عتبان عليك أمس خطبة بناتي وعقد سُهى وم جيتش؟!


ابو مالك بإحراج: والله م اقلك الا كل خير ي اخي بس م كنتش اشتي اجي واخرب عليكم فرحتكم، بسبب أنهار واللي قع بسببها قدني اتحاشى اسير اي مكان!!!


ابو ساهر تنهد: الله يهديك ي ابو مالك، صح هي غلطت بس م تكورش نفسك صح هي كانت عتشوهه بسمعتنا قوي بس ستر الله وانت قادر انك تغير هذا المسار وتخليهم يسكتوا ويسدوا حلوقهم!!!


ابو مالك: كيفه ي اخي اسكه شور عليا!!!


ابو ساهر بسر احمد ع طول وهو خارجي وتنهد:.....؟!



عند أحمد...

كان مترقب اي حين عتخطى، وعين ع الشارع وعين ع عمله!!!

فجأة لمحها مع صاحباتها دق قلبه وسار للشارع وبيداعي: ييه ي بنت!!!


بلقيس لفتت بإستغراب: عفوا ً بتداعيني؟!


أحمد بإحراج...


















https://t.me/joinchat/AAAAAEIz_KDfjDgo7Gaxwg





📚 @rewayatyamania 🇾🇪

البـارت 34♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


عند أحمد...

كان مترقب اي حين عتخطى، وعين ع الشارع وعين ع عمله!!

فجأة لمحها مع صاحباتها دق قلبه وسار للشارع وبيداعي: ييه ي بنت!!


بلقيس لفتت بإستغراب: عفوا ً بتداعيني؟!


أحمد بإحراج خرج الورقه: أيوه بس حبيت امكنش تيه الورقه، لأنها نكعت منش قبل ثلاثه ايام..


بلقيس استغربت: وكيف لما دريت أنها حقي؟!


أحمد: لاني بسرتها لما نكعت من شنطتش، جيت اشتي امكنش وقد خطيتي، وخلال هذه الثلاثه الايام ما كنتش موجود في النجارة والا كنت مكنتش قبل «كذاااااااب😹^_•


بلقيس: اهاه شوووكرررااً..
بزتها بسرعه وطرحتها في الشنطه بدون م تبسر م بينها، وخطيت هي وصاحباتها، واحمد ابتسم قوي لما سمع صاحباتها بيتنيذلين عليها..

: ايوا ايوووا نكعت مه؟! وكيف عرفش من اول نظرة؟!

:بس تصدقي ي بنت نيااالشش وسيم وشخصيه..

بلقيس بضبح: اسكتييين بس حسستني أنه صدق، ي سعم هو غير مكني الورقه واكيد عيعرفني لانه زيما قال بسرني لما نكعت من شنطتي، وانا فاتشه فلذلك يقدر أنه يعرفني!!


أحمد ضحك أكثر ودخل النجارة يكمل عمله وطول يومه يفكر فيها!!

.
.

〥ڪرهـڪم سيحـفر ݪـي قـبࢪاً ، و‏〥פــبڪم سيـبني ݪـي قصـࢪاً 🖤🖤.

"

طلع فوق السيارة وحرك صلا عمله، بسر للي جنبه: اووووه نسيت الصندوق...
وضحك..
ذلحين يعلم الله كيف بيفعلوا؟! فايز اكيد دري اني بزيته بس عسب يبطل لعب ببنات الناس!!

يلا شرجع ابسرها لما اروح البيت!!


نزل للمكتب وبسر فؤاد..


فؤاد: صباااح الخير ي عررريسس!!


نادر ضحك: صباااح النور ي حيد العريسسس، عقبالك ي رب..


فؤاد: أيوه ذلحين قلي م قع لما اقتلب وشك امس؟!


نادر تنهد: اخوالي الله يهديهم في نص الجلسه روحوا حتى قبل م يحاكوا الناس، م تحاكوا الا وقدهم في نص الطريق وزيد إتصال!!
حسيت ذيك الساع أني اشتي اختفي لما سألني عمي "ابو سهى" عن اخوالي!!


فؤاد: اسهل يكفي أنني جلست معك وعيال عمك!!


نادر: خيرة الله وهيا ذلحين عممملل بدون كسسسلل!!
ادي لي الكشف!!


فؤاد: انت معك خمستعش وانا عشره!!


نادر بز الكشف: سابر خيرة الله، ذلحين جي نسير نستلمهم..
.
.

بعد الغداء..

وفي مكان اول مره نسير له..

في مكانها، جالسه فوق السرير نكزت اول م ذكرت الورقه قامت فتحتها..

وبسرت أنها ورقتها، تشتي تعطفها لفت انتباهها كلام نهاية الورقه وبخط خفيف..



" ليست كل العائلات للأمان مُستقر، فقط ذات الشخص هي أمانه ومأمنه، عندما يفهم الشخص ذاته ويتفهمها، لا يُريد أي شيء ً آخر...
هنا يكمن الأمان والراحة، أحتضني ذاتكِ، شاركيها كل م تُريدين وأخبريها كم أنتي تعشقينها"



بلقيس غلقتها..
يوووه هذه مش كلماتي؟! ولا حتى خطييي؟!

رجعت بسرت الورقه: بس القلم قلمي باين من شكله؟! معقوله يكون هو اللي كتبها؟!


وجلست تفكر في كل حرف كتبه وكتبته وتقارن بينهم!!



في بيت ابو نادر..

ابو نادر دخل وهو معصصصب: ي مرررةة ييييه وين جيييتي؟!


أم نادر خرجت بفجيعه: يوووو مالك ي رجال بتصيح؟! وتشولح؟! وكفلك جيت؟!


ابو نادر : بدووون أسئله وهدرة فاااضيه؟! انتي كيييف تسمحي لنفسش وتسمحي أن عائلتنا تدخلها واحده مش اصصصللل؟!


أم نادر بعقلانية: امممم انتو ايش اللي خلاكم تحكموا عليهم انهم مش أصل؟! الاب معاه نجارة والعيال معاهم اشغال متفرقه؟!


ابو نادر: بس سمعتهم الزفففته في القاااع، مش انتي دارية م قع قبل ثلاثه اشهر مدري اربعه مع بنت عمهم؟!
والا هذا م يدلش أنهم مش أصل؟!


أم نادر بهدوء: انا م يهمنيش بنت عمهم يكفيني هي كيف هي واهلها كيف هم؟! وبعدين كلنا بشر وكلنا نغلط خليني ساكته مشتيش افتح ماااضي اختك..
عسب م تزعلش مني!!


ابو نادر قرب منها وبعيون حمرررااء: اختي ع الأقل جاء وتزوجها م رجمهاش؟! وزيد احنا تبرينا منها!!


أم نادر تنهي النقاش: اسمعني ي ابو نادر صح اني كنت اشتي بنت فلان لنادر بس لما بسرت الفرحه في عيون ابني بسبب بنت اللي مش هي أصول احسن من تعاسته مع بنت اللي هي أصول..
والميزه والكل تفعل دور ي ابو نادر وكل واحد يفعل بأصله...
وافهمها وقلبها في راسك سوا...


ابو نادر بسرها: افعلوا مشتيوا بس والله ثم والله إن ما ليششش دخل بعدين ترجعوا تندموا تحملوا غلطكم انتووووا!!


وفي تيه اللحظه سمعوا رنة التلفون الارضي، سارت تجاوب وهو خرج وصرع الباب وراه..


أم نادر: أيوه من معي؟!


مرة أخوها: معقوووله انتي ي ام نادر اخرررتش بنت مزين تزوجي ابنش الوحيد؟! ولا فوق هذا كله سمعتهم في القاااع!!!


أم نادر عصبت لأن كل شوية ويفتتح الموضوع: ايش المزين في الموووضوع قلي لي؟! انتي قد بسرتيهم صح؟! تليقنوا عليش؟! تكبروا والا ميزوش وطرحوش فوق رأسهم...

وما دخلنا ببنت عمهم كنوووا افهموا حتى لو هي كيف م هي انا عندي سعادة نادر اهم شي ومن كل شي....


مجتمع مُعاق، مُعيق، ويُعيق 💔😪




















📚 @rewayatyamania 🇾🇪

البـارت 35♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


شلهم للفندق حق المكتب وشرح لهم اي حين يرجعوا يجتمعوا...
ودعهم وخرج...


سمع صوت من وراه: Excuse me mr.Nader "لو سمحت استاذ نادر"


لفت لعندها: Hi, miss is there any problem؟! اهلا، به مشكله؟!"


بإبتسامه: No, but I want to stay in a hotel alone " مع بس اشتي اجلس في فندق لحالي"


نادر فكر : Ok, there is a hotel near here, follow me." تمام، به فندق قريب من هنيه، الحقي بعدي"

يشتي يخطى...


بغيظ: "In general, my name is Rose" "ع العموم انا اسمي روز!!!

.
.

ستبقى دائماً وابدا الجزء الاجمل في قلبي🙊🤎


العشي...

نادر ممدد فوق السرير وفي يده الصندوق" افتحه والا مع عيب م يصلحش؟! لو هي حاجه خصوصيه!!! بس افتحها عسب مرة ثانيييه يكن يبطل حقه الهباله والمجهاله، والبنت تحذذذر وتحلى وتبطل هي والكل من هبالتها..."



ارتكز : يله بسم الله...
وبدأ يفتحها!!!


شوية ورن تلفونه نكز مقصده أنها سُهى بسره وأنه فؤاد تأفأف ورد: يووووه ي فؤاد حتى في العشي تتصلي لهذه الدرجه بتفقدني؟!


فؤاد ضحك: ههههههههههههههه اصصصه اهجع قلك بين أفقده قال، انا اتصلت لك بس لأن المكتب من اول بيتصلوا لك وانت تلفونك مغلق!!!


نادر عقد حواجبه: للمه مش من عادتهم يتصلوا لي م فعلت؟!


فؤاد: بيقلوا اقلك أن به واحده من السياح هي من اللي يشتوا يجلسوا شهر ويبسروا مناطق ثااانيه...
ومدري كيف حقنا المكتب سحبها معنا لذلك غطوة يشتوك تجي بحيييين عسب يتفاهموا معك!!!


نادر تنهد: خيييرة الله وان شاء الله خير وما اتعرررقلش لأن نهايه الشهر عرسي واشتي اتجهز!!!


فؤاد: لا تقلق ولا شي كل شي عيقع سااابر!!! بس اهم شي لا تنسى ولا تتأخر!!!


نادر غلق من عند فؤاد ونسي كلامه، وحسه عند الصندوق فتحه وهو مستغرب!!!


كانت الهديه عبارة عن خاااتم فضه مع اسويرة مكتوب عليهن S&F...
وورقه مع ورد يابس...


مد يده بتردد يفتح الورقة بزها وبز نفس عميييق وبيفتحها...
بدأ يقرأ ومع كل حرررف يزداد صدمة!!!!


" لقد أحببتكِ ولم أحب أحداً غيركِ، ولم أعلم أنكِ وبمجرد مشكلة صغيرة بيننا جعلتكِ توافقين ع أحد آخر غيري، هل أقول عنكِ خائنه أم ماذا؟!...

ولكن لا بأس هذه الهديه أجعليها مني ذكرى، ذكرى جميلة لكل شي حصل بيننا، وتذكري عندما لمست يداكِ اول مرة ونظرت إلى عينيكِ البنيتااان اللاتي تسحراني وبدون تردد!!!

سُهى ي حبيبة قلبي، يبدو أن ليس لدي نصيب فيكِ، ولكنني لن أنسسساااكِ أبداً وسأظل أتذكركِ وتعيشين في قلبي إلى الأبد!!!


حبيبك المخلص فايز ال...!!!"


سمع صوت وصول رساله لتلفونه، والباب بيدق....
ساع الخيااال وحس حاجه في قلبه تحطمممت وكل شيء حوله سرررااااب!!!



خارج...

نُهى: ناااادررر افتح لي مااالك؟! وبعدين مش انت وعدتني عتسير لحيت م قلت لككك؟!


م بش رد...


نُهى تنهدت: ناااادررر مالك افتححح مش من عادتك ترقد هذا الساع؟! والا شكلك مرهق!!!
والمشكلة مغلق الباب بالداير " المفتاح" كفلك؟!


كان يسمع صوتها خياااال، دموووعه تجمعت في عيونه و البكييه حنبت في حلللققه...



عند سُهى...

في يدها التلفون وبتحاكي روحها " اتصله؟! والا اررسله؟! عيب عليا قد له من أمس وهو مورع مني شييي!!! بس بين اخزززاء م افعل؟!"


دخلت سوسن وهي ع طول قالت: سوسن ايش رأيش اتصله والا أرسله اس ام اس؟!


سوسن: يوووه عادش لذلحين م قد رسلتيلهش شي؟؟


سُهى تنهدت: ايش افعل انا بين اخزاء واصلا مشني داريه م أقله أو م اتحاكى؟!


سوسن جلست جنبها: اسمعي بما انها اول مره تحاكيه اكتبي له "مساء الخير ي وجه الخير، كيف انت انا سُهى"


سُهى بتفكير: قولش؟!


سوسن:ايوووووةةة عسب مش من اول مره تقلي له كلام حالي قوي والا والا...
عيقل هذه مشفوحه!!!


سُهى: شووورش وهداية الله!!!


فتحت ع رقمه!!!
وكتبت بحروف بطيئة ورسلتها وهي خااازيةة!!!


كنت أظن أن الذي يحبني، سيحبني حتى وأن حاولوا الجميع تشويه سمعتي، وجعله يشك فيني، كنت أظن أن الذي يحبني سيفعل المستحيل من أجلي، ولكن نسيت بأن بعض الظن إثم💔😪



اليوم الثاني!!!

نزل بحين...
وما بش حد فتح الباب وقفه صوت أخته: نادر مسرع اليوم عتخرج؟!
وبعدين لحظه...

سارت لجنبه...
ليش أمس بين أدقدق لك ولا فتحت لاني دارية ومتأكدة انك كنت ذاهن؟!


نادر بجمود بدون م يلتفت: م كنتي تشتي؟!


نُهى: انت مش أمس قلت لي انك عتتلاقى انت وياه؟! وتبسر كيف هو؟! مش اتفقتوا؟!


نادر تنهد وذكر الموعد: نسيت ي اختي والله، بس وعد أن شاء الله مرة ثانيه!!!
قلي لأمي اني سرت المكتب من بحين طلبوني!!!



خرج ووصل لهنيك م بش أحد إلا المدير!!













https://t.me/joinchat/AAAAAEIz_KDfjDgo7Gaxwg






📚 @rewayatyamania 🇾🇪

البـارت 36♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


خرج نادر ووصل لهنيك م بش أحد إلا المدير!!!

سار لعنده وسلم عليه: صباح الخير ي مدير!!!


المدير: صباح النور اجلس ي نادر اشتي احاكيك في موضوع!!!


نادر جلس: خير ان شاء الله ي مدير؟!


المدير: اكتشفنا انو به سايحه معك جت بالغلط مع السياح حق مكتبنا، وهي تشتي تجلس اسبوع والمكتب حق الأشهر والايام الطويلة م عبش حد من حقهم الطاااقم بدأوا بمدينه ثااانيه، واشتيك تلافيهم!!!

م نشتيش اي غلط ي نادر لانه لو تشتكي بنا يمكن يعلقوا حقنا المكتب!!!


نادر بإستغراب: م قصدك ي مدير؟!


المدير سمع صياح وقف : لحظه بس أخرج ابسر م به!!!


خرج المدير ونادر جالس مكانه مهمووووم، بيحس بخيبه، ووجع قلب يحس بالخيانه وأنه استعجل، بيفكر بكل شي ويحلل...
وتذكر وصول رساله لتلفونه حق أمس...

بزه وفتحه بيقرأ بقلب موجوع "هه خير؟! اي خييير ي سُهى دميتني واوجعتيني!!! مش مصدق أن هذا كله يطلع منش!!! معقوووله معقووولة ي سُهى؟!

وانا م صدقتش حد واخترتش من بين الكل، رغم م تحاكوا عليش وع اهلش رغم كل شي تصدميني وتخيبي لي ظني!!! والمشكلة خلاص ارتبط اسمي بأسمش، قعتي حرررمي!!! م قل م افعل ي ررررب دلني وأرشدددني وقوي قلبييي صبرني ي الله💔"


رجع المدير وجلس مكانه: اعتذر بس كانوا بيتمشكلوا قدام " أمام" المكتب...
قبل م تسير عملك ومشتيش اعطلك، مدة اسبوووع عملك ع ماهو بسسس باقي الشهر شااخلي بدلك واحد وأنت تسير معاها توريها المناطق الثانيه!!!



عند سُهى...

نزلت بإستعجال: بابه تأخرت ع المعهد...
بس اشتي أسألكم انتوا اديتوا رقمي لنادر والا ماشي؟!


ابو ساهر: ماشي ي بنتي والله قلت قد معش التلفون ورقمه، تقدري تراسليه أنتي!!!


سُهى: اهااا تسلموووا حالي!!!
يلا دعواتكم!!! وقلوا لأمي اني قد سرت لان معنا اليوم مراجعه قبل المحاضرات!!!


ابو ساهر: الله يوفقش ويعينش ويعاونش،انتبهي لدراستش...
وللطريق!!!


سُهى: أن شاء الله ي بابا!!!


وقدهي خارجيه وقفها صوت أختها: لحظظظه ورعي لي نخطى جمعه!!!


سوسن بسرت أبوها: يلا مع السلامه ي بابا دعواتكم!!!...


خرجين وهو بيدعي لهن، وشويه ونزل ساهر مع المعتز وأحمد والكل!!!


إبتهال: لحظه ثواني وأجهز الصبوح، وشل معك ي ساهر العيال للمدرسه!!!


ساهر: تمام لكن سررريع قدني جاااوع!!!


المعتز: هيذه حنان عتنزل تعاونش!!!


ابتهال: عيب الله المستعان ي اخي، حنان عادهي حريوة والله م تعس (تلمس) شي، خليها معها غير شهر وبعدين عتفعلهن كلهن!!!



خارج...

سُهى كانت سااارحه!!!

سوسن دكمتها: هيا مالش ي اختي مطننه!!!

سُهى تنهدت: تقولي ليش م ردش؟!

سوسن بإستغراب: يوووه حتى لذلحين م جاوبش؟!

سُهى بضبح: أيوه!!!

سوسن: غريييبه والا شكله م ابسرهاش، مع اني كنت أظن أن هو اول م يبسرها عيزقرررع ويرد ع طوووول!!!


سُهى: يمكن مشغوووول! وما بسرهاش والله يعينه!!!


تلك الخيبه المستوطنة داخلي، الخيبه التي جعلتني أرى العالم بعين مختلف، التي كسرتني واوجعتي، والتي لا ادري كيف سأشفى منها ي الله عليك بها😴😪💔



بعد الغداء...

نادر بيجاوب التلفون: هيا وين انت ي خبير؟!
قدني في...؟! وين وين؟!


...: وانا والكل هنيك بس م بين ابسركش وينك؟!


نادر بيتلفت: انا لابس بنطلون جنز اسود وفنيلية سوداء مع شميز ابيض!!!


...؟!: ها خلاص بسرتك ذلحين جاايي لك!!!


نادر بيتلفت يشتي يبسر وين هو ومن هو...
وشوية شوية بسر واحد لابس زنه بيضاء وكوت كريمي وجنبيه!!!


نادر ع طول دري أنه هو مد يده: السلاااام اكيد انت ضياء ال...؟! صح؟!


ضياء بتوتر: أيوة انا كيف دريت!!!


نادر ضحك عسب يبعد التوتر اللي فيه: ههههههههههههههه من لبسك حسستني انك عتسير تخطب ومن توترك!!!
بس لحظه كأني قد ابسرتك من قبل!!!!


ضياء دنى رأسه: ايوووه اعتذر انت بسرتني في مطعم ال...!!! اللي خبطت بأختك!!!


نادر بعقادة لحواجبه: يعنييي كان بعاااني "مستقصد" مه؟!


ضياء خزي: تشتي الصدق ايوووه، وقبل م تسأل تعرف بطيش الشباب اشتي ابسرها وابسر ردة فعلها!!!


نادر كان يشتي يضربه من الضبح بس مسك نفسه: طيب اجلس نتحاكى، طبعاً نُهى حاكتني انك متخرج وكنت تجي تراقب لها وبسرتها وجيت حاكيتها، من هذه الناحيه عجبتني انك ابن ناس وجيت من الباب، ولا تقلقش من ناحيه ثانيه اهم شي اخلاقك وشتعرف عليك اكثر وانت مضطر تجاوب ع كل أسئلتي اللي اشتي أسألك بهن!!!


ضياء😅 : ناهي دلا دلا ي خبير ع شويه شويه بز نفس عميق!!! كأنك راديه م بتسكتش!!!


نادر ضحك: ههههههههههههههه هوذا انت زباج، م عرفتكششش!!! اللي قبل شوية متوتر وقدوه عيسيح من الخزاء!!!
.
.

عند سُهى!!!



















📚 @rewayatyamania 🇾🇪

البـارت 37♪


مـن الجبـاء بسـرتك💗

👌🏻👇🏻 😍
📚 @rewayatyamania 🇾🇪


عند سُهى!!

كانت ماسكه لتلفونها بضيق وشوية وعتبكي رسلت بأيدي ثقيله " نادر؟! أن شاء الله تكون بخير!!! ليش م ترد "


جلست خمس دقائق م بسرتش منه رد..


رجعت ردت " طيب اعتذر اذا كنت ازعجك، بس حبيت اطمن عنك، واطمن ع امي ونُهى"


خبت التلفون في جيبها وسارت لعند حنان..
دخلت بدون م تدق!!


سُهى: حنان انتي داريه بأيش انا مستغربه منه؟!


حنان بسرتها: عاد الناس يدقوا، مش هكذا مدرعمه!!


سُهى بضيق: طيب شخرج!!


حنان قامت: يوه مع مع الله المستعان زعلتي؟!
الله يقلع النفسيه انا بين امزح معش!!


سُهى جلست سكته، وشوية م حست نفسها الا بتبكي، بصمت..


حنان افتجعت: يووووه مالش ي سُهى بسم الله اعوذ بالله من الشيطان الرجيم مالش؟!


سُهى جالسه تبكي، حنان حضنتها وخلتها لما هدأت!!


سُهى بزت نفس: حنان انا مفتجعه وربي!!! ليش بين احس بضيق؟! واكثر شي مجنني أن البوكسااات م عاد بتجي لي؟!


حنان: احكي لي كل شي من البداية ولا تتوتريش م به؟! وليش مفتجعه؟!


سُهى تشتي ترد حست بإهتزاز تلفونها في جيببها بزته بتوتر مع شوية فرحه أنه رد، لانه م بش في تلفونها غير رقمه فتحت الرساله!!


وكل م تقرأ تتجمع الدموع في عيوونها وتزززييد صدمتها اكثر فأكثر!!


رجمت التلفون لفوق السرير حضنت حنان وكانت تبكي بصوووت يقطع القلب، بصوووت يبكي الحجر، عمرها م كانت متوووقعه منه، حست أن قلبببها بيوجعها..

كيييف في لحظه قدر يعيشها فوق السحاب، وفي كلمة قدر يهويها لسابع ارضضض كيف بيقدر أنه يصدق أو يقدر ينطق هذاك الكلاااام كيييف؟!💔


حنان بفجيعه: ييييووه مالش سُهى مالش لا تفجعينيش؟! م قااال؟ ومن اللي رسسسل؟!


سُهى ببكاء موجععع: ي لييييت م وثثثقت ي لييييت م حبييت و ي لييييت م سلمت لحد قلبي حتى لو قد قع زوجي، ي لييييت وم ركنت أنه خلااااص م يمكنش يصدق عليا الزززله💔..
كلااامه بيوجعنييي، كلااامه سكاكين في صدري والله ي حنان!!


الله يصبرش ي سُهى ويعينش ع خذلانش، ويعقل نادر...


لكي يلتئم جرحك أياك أن تلمسه بحجة أنك تطمئن عليه🖤


بعد أسبوع..

ابو ساهر جاء لمكان سُهى بسرها بتذاكر بذبول: سُهى نادر جاء في الديوان قال يشتي يحاكيش!!


سُهى تفاجأت وفي نفس الوقت تذكرت كلامه وكأنه عاده امس " بقد م حبيتش ي سُهى كرهي لش زاد اضعافه"
"لا تمثليش انش مهتمه وانش من واحد لواحد والكل يعرفش"

" كنت معمي بحبش، مشني داري وين كان عقلي لما حبيتش واستعجلت بالعقد ووقعتي حرمي"

" تخونيني ي سُهى تخونيني؟! والا هه اصلا انتي م خنتينيش انتي كنتي لعبيه وتشتي تقهري حبيبش بي؟!"


غمضت عيونها تهدي نفسها وترجع دموعها اللي كانين يشتين ينزلين...
هزت رأسها: ذلحين ي بابه اسبقوا وانا شنزل بعدكم!!


ابو ساهر: مورع لش ي بنتي!!


نزل وهي نزلت دموعها بحرقه بس مسحتهن بسرعه، غسلت وشها لبست شيله وروب حق جلسات طويل ومكمم، ونزلت!!



دخلت وهي مدنيه رأسها وتحس بضيق وخنقه بتتحاشى النظر له: السلام عليكم ورحمه الله وبركاته!!


ودخلت جلست جنب ابوها!!


أبوها ونادر: وعليكم السلام ورحمة الله وبركاته!!


سُهى تشتي تقول كيف انت، كيف احوالك بعد خذلانك لي؟! كيف ضميرك بعد م وجعتني؟! بس حبست كل شي داخلها واصلا هي بتحس حاجه عالقه في حلقها بيمنعها من الحُكى!!


وصل لمسامعها صوت تنهيدته: كيف انتي ي سُهى؟!


سُهى دموعها تجمعت في عيونها وتقول في داخلها " كيف بتسأل عني وعن حالي وانت جلمودي وكلامك بيجلدني كل م تذمرته؟! كيف عيكون حالي وانا مدمااايه كأني جسد بلا روح؟!" بس تمالكت نفسها وبصوت واهي باين فيه الوجع: له الحمد وله الشكر..

سكتت م تشتيش تقله وانت كيفك بس تذكرت أبوها..
وردت..


وانت كيف انت؟! كيف حالك؟!


نادر قام: عمي ممكن اجلس انا وسُهى خمس دقائق بس؟!


ابو ساهر: بسس..؟!


نادر قاطعه: لا بس ولا شي امانتك ي عم الله يحفظكم..
والله م هي إلا خمس دقائق!!


سُهى مسكت بيد أبوها قوي كأنها تقوله لا تسرش بسر لعندها وشد يدها يطمنها، قام: تمام بس خمسسس دقائق ي نادر وشاجي اهه!!


ابو ساهر خرج..

ونادر قرب منها قوي جلس جنبها رفع رأسها لعنده وبسر عيونها المدمعه الحمراء: جعلي الموت حين زعلت هذه العيون ي سُهى بس والله مش بيدي، انا كنت م بين اقدرش افكررر أبداً..
مش من شي بس كانت الضغوطات من حووولي ورغم هذا واجهتهم وبزيتش طلبتش ومحد قدر يوقف في وجهي بسسس، الله يلعن الشيطاااان واتبااعه!!

وبعد م فكرت وحاكيت نُهى رجع لي عقلي ي سُهى!! والله م يهون عليا زعلش!!


مسك ايديها وبترجي: سُهى الله يحفظش سااامحيني ووعد م تتكررشش، وانا جيت عسب اعتذر منش مع ان ماليش وش اجي واستسمح منش، بس مضطر لاني شااسافر لعمل م شرجع الا قبل العرس بثلاثه أيام!!











https://t.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪