البـارت 26


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


العشي... 10.14
عند وليد!!!!
مراسله ع الواتس
وليد: لا ولاعليش من شي

شهد: تسلم الله يحفظك

وليد: الله يسلمش رنا انتي كم عمرش

شهد بكذب: عمري 17

وليد: العمر كله يارب

شهد: واياك يسلموا

وليد: بتدرسي

شهد: درست الاعدادية بس ماعاد قدرت اواصل😔

وليد: سهل سهل المهم تكتبي

شهد: كان نفسي اكمل دراستي لكن قدر الله وما شاء فعل

وليد:الحمدلله على كل حال....

.
.

بغرفة اسماعيل
اسماعيل: يا هلا

شهد؛ اهلين

اسماعيل: كيف الحال

شهد: بخير وانتوا

اسماعيل: تمام الحمدلله

شهد: ايش مسوي

اسماعيل: عاد انا الا طرحت الكتاب ثالث ثانوي قتلني

شهد: الله يعينك يارب وتجي درجات ترفع الراس ﴿وانا والكل يارب🥺﴾

اسماعيل: ان شاءالله

شهد: الله كريم

اسماعيل: رنا ممكن تحكي لي عن نفسش شوية

شهد: تكرم........ !!!
.
.


بالشقة عند. مــــلاك!!!!!

دخلت المطبخ وفتحت الثلاجه للمرة المليون ولا بينها شي حطت يداتها على خصرها بقهر: يعني اموت جوووع على اساس اني تغديت لا وزد بسر اني ما شليت الا صغيرة لحمه بدون رز وشل الاكل حناك للمه ما أكل من وين شاتجي نفس للاكل بعد كلامه الحالي ..جلست على بلاط المطبخ جنب الثلاجه وحطت راسها على ارجلها.....


غلق الباب ودخل بهدوء خطي للغرفة ومابحد جلس على السرير بعدما حط العشاء على التسريحه...وقف وخطي للحمام عقد حواجبه لوما ما سمعش اي صوت دق الباب وفتحه مابحد: وين سارت...خرج للغرفة الثانية ومابحد ....معقولة خرجت بس كيف.

توجه للمطبخ ووزع نظره ومابحد قفى يخرج بس لمح ظل جنب الثلاجه مشى بخطواته ووقف امامها..بسرها حاطه راسها على ارجلها وبتبكي

حط يداته بجيوب البنطلون وبسخرية يخفي بها حزنه عليها: ما بتفعلي هانا يا حضرة الهانم

فزت بخوف ومسحت دموعها بدون ما ترفع له نظرها

الياس: اممممم بتبكي لان خطتش ما زبطتش صح اااممممم ولانش تورطتي مع الرجال الغلط

رفعت راسها وبقهر: انا ما خططت ولا رميت حالي على احد انا بنت اخاف من الله ربي وافكر بالاخرة واهلي ربوني على الاخلاق

الياس بحده: بااااين الاخلاق انش تخططي مع مرة اخوش و ترمي حالش لاحضن رجال غريب بس صدقيني شادفعش الثمن غالي انا الياس ماحد يلعب عليااااا

ملاك اسمه الياس هه وقفت وبحده: الله لا سامح كل من ظلمني ووصلني لا هانا

الياس بحده: لوما تتكلمي معي لا ترررفعي صووووتش مرة ثانية فاااهمه
تقدم منها وبعصبيه اكبر: فااااااهمه

ملاك هزت راسها بمعنى ايوة

مد يد ومسك شعرها: جاوبي مش تهزي لي راسش سعما الهبلا...يا صايعه

رفعت له عيونها وبحده: الله ينتقم منك

فك لشعرها وضربها كف لف راسها للجهه الثانيه...مسك خدها بألم ونزلين دموعها
الياس بعصبيه: مرررره ثاااانيه ما تدعيش على اسيادش يا حثاله وهذا انذار لش...اعطاها ظهره وخرج بعدما قال: العشاء في الغرفة...طبق باب الشقه بعصبيه وغلقه وخرج من العمارة

ملاك تقدمت من المغسله وغسلت وجهها عدة مرات ودموعها ما وقفت وبتبسر الكف معلم على خدها ودم نزل من شفايفها مسحت وجهها بقهر وخطيت للغرفة وارتمت على السرير بتهالك!!!!.. ...

.
.


خرج مفاتيحه وفتح البيت وخطي لغرفته بسر امه بالصاله وبحضنه ولده بيبكي: مساء الخير

ام الياس: مساء النور للمه تأخرت

الياس: كنت في مهمه ماله بيبكي

ام الياس: قام من النوم وبيبكي

تقدم منها وشله من حضنها: هاتيه عندي

ام الياس: خله انا شارقده ذلحين انت ارقد لانك تاعب

الياس وابنه بحضنه: خليه انا شارقده عندي اخطي نامي لش قد بيتعبش.

ام الياس: على قلبي عسل هذا ابن الغالي

ابتسم لها بحب وخطي: تصبحي على خير

ام الياس: وانت من اهله

دخل للغرفة وحط ابنه على السرير وشغل له تلفونه امد ما غير لداته وارتمى على السرير شل ابنه وحطه على صدره ولاعبه لوما نام وحطه جنبه على السرير ورقد معه....!!!!!....

.
.

9.12صباحا

عند نادر...!!!&&&&&
اسامه دخل لاعنده: كل شي جاهز يا دكتور

نادر وبيده ملف بيقلبه: مسكتوه

اسامه: طبعا وذلحين هوه موجود

نادر وقف امامه: حلوووو الغرفة جاهزه

اسامه: كل شي

خطي معه ودخلوا للغرفة اللي بيجروا فيها العمليات.

ووقف امامه وشال الغطى من عيونه: يا حياااااا ويا قووووى الفهد بكله عندنا

رد عليه بخوف: من انت وللمه اديتني لاهانا

لف لاسامه بابتسامه: اوه اوه ماهو عارف لي

الفهد: انتم من رجال السوداوي.. ايوه صح وجيتوا لاعندي قبل يومين

نادر: ماشاءالله عليك بطل

الفهد: وليش انا هانا

نادر: في ضيافة السوداوي اممم لانه عرف انك تكلمت عليه وحب يرد لك الجميل

الفهد بخوف: ....



















📚 @rewayatyamania 🇾🇪

البـارت 27


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


الفهد: وليش انا هانا

نادر: في ضيافة السوداوي اممم لانه عرف انك تكلمت عليه وحب يرد لك الجميل

الفهد بخوف: ما تكلمت ما قلت

نادر: اسامه ذكره

اسامه: امممم انه متكبر وشايف نفسه ومن هذا الكلام

الفهد: وعلشان هذا اديتوني لاهانا

نادر: ايوووه

الفهد: خلاص وين السوداوي وانا اعتذر منه

نادر فرد يداته: قدامك بس ما بيفيد الاعتذار

الفهد بصدمه: انت نفسه السوداوي

نادر: اها.. مفاجأة مـه

الفهد: هو انت ط ططيب انا اسف ما كان قصدي

نادر: نوه نوه اسامه احنا نقبل اعتذارات

اسامه: للاسف ماشي لانو مابش مكان نصرفهن فيه

الفهد: الله يخليك غلطه اغفررر لي ما اعيدها

نادر: خدرووووه متشوووق ابسر كيف قلبه

الفهد بخوف: مع الله يخليك شادي لكم زلطي كلها معي زلط خيررررات

نادر: اكيد عنشلها ونشلك معاها

تقدموا اثنين وخدروه وسط صياحه وترجيه يفكوه ثواني وارتمى على السرير وبدأ ناااادر بعمله مع اسامه....!!!!

.
.


في المركز بمكتب العباس... $$$$

جالس على الكرسي وبيده تلفونه بيجابر منه: والله اني مشغول قووووي

...... لا والله انك عتجي ماشي ماعاد بيننا حكاية يا رجال

عباس: والله اني ما قدرت حتى اشل اجازه

..... على الاقل قدنا احنا اهل وعاد ابي وابوك عيال اعمام ضروري تحضر عرررسي والا شزعل الصدق كافي الخطوبة

عباس بقلة حيلة: خلاص شبسر ولا تهم ايحين بالضبط

...... في نص شعبان

عباس.: اها بعد نص شهر

.... ايوة المهم تحضر وصاحبك الياس والكل

عباس رفع نظره لالياس اللي دخل المكتب: تمام ان شاءالله

..... يلا خاطرك اي خدمات

عباس: سلامتك الله معاك.

حط التلفون والتفت لالياس: حياااك

الياس: يحييك من بتجابر

عباس: ابن عمي سلطان

الياس باستغراب: وايحين معك ابن عم اسمه سلطان اعتقد انهم زيد وكرار بس

عباس.: مش ابن عمي اخو ابي ابي وابوه اخوه بسرت يوم نزلنا وجلسنا معه

الياس: اها قصدك هذك اللي عزمنا نتغدى عنده

عباس: بالضبط

الياس: ومايشتي

عباس.: عرسه بنص شعبان وقال ما بلا نحضر انا وانت

الياس: معانا شغل لا فوق روسنا

عباس: شانبسر لاذاك اليوم

الياس: انا عارف قدك عتطير عشان الحب بس

عباس: ههههههههه عليك غضبي يا ملعوووون

الياس : انكر

عباس وقف: ماشي كلامك صح وذلحين هيا معانا عمليه

وقف وخطي معه......!!

.
.

العصر4.00
بيت الجد...&&&&&

ردت البرقع على وجهها ولفت لها: ذلحين ما شاتجي معي

طاهره وبيدها الملزمه: ماشي او عنجلس نهدر

معصومة: طز فيش شاخطى مع سارونه قد كلمت ماما وعمتي

طاهره؛ تمام وسلمي على حنان

معصومة: تمام يلا هيا ساااااره جاهزه

سارة لفت الحجاب على راسها والتفتت لها: ايوة جاهزه بس ما نتأخرش معي امتحان

معصومة: نص ساعه ونروح هيا.....

.
.


بعد. 12دقيقة
بفلة نادر...&&&....
حنان: وين طاهره ما جت معاكن

معصومة: بتذاكر معانا امتحان بكره

حنان: وانتي للمه ما تذاكري

معصومة: ساع الذي تقل للمه جيتي عندي

حنان: هههههههه لا لا الله المستعان عليش قصدي انتي وهي بدفعه للمه هي تذاكر وانتي مع

معصومة: انا ذاكرت امس العشي باقي الا اراجع

حنان: اها... وانتي ياقمر صف كم

سارة: سابع

حنان: اها ماشاءالله ذكيه والا مع

سارة: اكيد ذكيه واسألي عصووووم

حنان باستغراب: من عصوم

معصومة: ههههههه قصدها انا ماحد بيسميني عصوم الا هي واحيانا طاهره

سارة: الا والعباس اخي ما يداعيها الا عصومة

حنان: ههههه حالي يا عصوم.. دلع

معصومة: هههههه ياسعم

سارة: يلا هيا تأخرنا

حنان: مالكن عاده حين

معصومة وقفت: ماشي قالت معاها امتحان وانا والكل اروح اذاكر

حنان: الله يسهل لكن

معصومة: يلا خاطرش..

حنان: الله معاكن......


خاطيات بحووووش الفلة
سارة شقهت بفرحه:عصووومه ابسري، ابسرررري

لفت باستغراب:ماااهو

سارة بابتسامه: خيوووووول خيررررات

معصومة: الله من وين جين

سارة مسكت يدها وخطتها معاها: تعالي تعالي نبسرهن

معصومة: يا هبلا عيب ما يصلح

سارة مواصله مشي: من خلف السور امانه جي
وقفت معاها وامامهن سور والخيول ملانه......

.
.


واقف ببلكونه غرفته السرية ومربع ليداته ونظره لاعند معصومه وسارة ضحك بخفه لوما بسر حركات سارة ومعصومة لوما بسرين الخيول...دخل من البلكونه وخرج من الغرفة بعدما قفلها ونزل للدور الارضي وتوجه للاسطبلات....!!!



عند الخيول.$$$
سارة: يااااا لييييت وانا اركب فوق خيله

معصومة: اخر مرة ركبت وعاد كنت صغيرة..لو جدي معه خيوووول لا اشل لي خيل اسووووود

سارة: وانا اشل لي بني.. عصووووم اشتي اركب فوق خيل قوووووا

.......تكرررررمي اختاري اي خيل واركبيه

لفين للورا بخوف واستغراب

سارة: من انت

نادر بابتسامه: ...













https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 28


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


.......تكرررررمي اختاري اي خيل واركبيه

لفين للورا بخوف واستغراب

سارة: من انت

نادر بابتسامه: نادر...اممممم صاحب الفله

معصومة مسكت يد سارة ونظرها للقاع: نعتذر على التطفل اسمح لنا هيا ساااااارة

نادر حتى صوتها خياااال مش الا عيونها وملامحها:لا عادي ومابش خطيه الا بعدما تركب القمر الحصان اللي تشتي

سارة بفرحه: صددددددق

نادر: اكيييد

معصومة: لا هيا خطينا

سارة بريحمه: قووووا معصومه قووووووا الله يخليش

نادر: لاتكسري خاطرها خليها

معصومة ونظرها لسارة: طيب لكن بسرعه
نادر: .....حميييييد..ياااااا حميدددد تعااااال

سارة: من حميد

نادر:مدرب الخيول اختاري الخيل اللي يعجبش وهو عيساعدش بركوبها

حميد: داعيتني

نادر: ايوة شلها وركبها الخيل اللي يعجبها

حميد: حاضر...هيا

سارة خطيت معه بفرحه: هيااا..عصوووووم ابسريني تمام

معصومه:تمام

بعدما دخلوا لحلبة الخيول

واقفه خلف السور بربكه ونادر ما زال واقف جنبها بينهم الا متر واحد ونظرها للخيول ولساره اللي

ركبت خيل وبتخطى بفرحه..رفعت يدها واشرت لها

نادر: احمممم... بتبسري هولا الخيول كلهن وهذه الفله والسيارات و و و وكل شي هانا ممكن يكونين ملكش

معصومة باستغراب: ملكي انا..كيف

نادر وجه نظره لها وبابتسامه: بمجرد ما تصبحي زوجتي

معصومة بصدمة: ...

.
.


بيت الجد####
غلقت الملزمه بضبح وخرجت من الغرفة وتوجهت للمجلس دخلته بابتسامه: السلام عليكم

الكل: وعليكم السلام

جلست جنب جدتها: ما بتتكلمين

ام طاهره: حق يومية

طاهره: اها... وبعدين ماشاءالله قهوه وكعك وحركات...صبوا لي قهوه

ام زيد: من العيوووون

طاهره: تسلم لي عيونش

الجده: للمه ماسرتي مع معصومة

طاهره: معي امتحان هي ذاكرت وانا ماشي

ام وليد﴿ نخليها ام وليد عيب نقول ام طاهره ومعاها ولد🙊﴾... وذاكرتي

طاهره: الحمدلله ....!.!!

.
.


بشقه الياس عند ملاك&&&&&

رابطه راسها بالشيلة وبيدها المكنس وبتنظف الشقه وتمسح البلاط سمعت باب الشقه ينفتح وطنشت وكملت تنظيف رفعت نظرها لالياس اللي وقف امامها وبيده اكياس خيرات حطهن على القاع وجلس بتعب رجعت نظرها للبلاط اللي بتمسحه

الياس:قومي دخليهن للمطبخ واشتي غداء هيا معش نص ساعه

ملاك: غداء بعد العصر

الياس:وانتي ما دخلش اتغدى ايحين ما اتغديتي انتي طيعي اوامري وانتي ساكته

حطت اللي بيدها وشلت الاكياس ودخلتهن للمطبخ وبدأت تنقع الدجاج وتقطع البصل علشان تعمل له كبسه...!

.
.


نرجع لبطلتنا...!@@@
ردت بصدمة: ماااااهوووو

نادر: تزووووجيني وكل شي شا يصبح ملكش

معصومة بقهر: انسان ووووقح......سااااااارة تعاااااالي هيااااااا

نادر بابتسامه: طلبي واضح اشتيش تكوني زوجتي على سنة الله ورسوله

معصومة بخوف تحاول تخفيه: استحرم نفسك ولا تتكلم في مثل هذه مواضيع التافهه وبعدين انت مزوج وانا مش من البنات الماديات عشان تحاول تغريني باملاكك

نادر: بس انا احبش وما احاولش اغريش انا اشتيش من صدق انتي فكري وردي لي خبر

معصومة بعصبية: مش بحاجة اني افكر بانسان همجي زيك...لفت لسارة اللي وقفت جنبها: لووتبسري يا

مسكت يدها وخطيت معاها بعصبية

نادر بصوت عالي: انتي فكررررري براحتش مراااااعي لش

قبضت على يد سارة اكثر وبتخطى بسرعه

سارة: بأيش تفكري

معصومة: ولاشي اخطي ولا تقولي لاحد ايش وقع هانا

سارة: حاضر



بنفس الفله ببلكونه غرفة حنان ابتسمت بسخرية لوما رفع نظره لها وخطيت جلست على الكنبه...!!
.
.


نرجع لالياس وملاك
حطت الاكل على الماسه قدامة: تفضل

الياس وقف وبسخرية: الحمدلله شابع تغدي انتي

بسرت وبصدمه: كان للمه قلت لي اسبر

الياس: مزااااااج كنت جاوع وبعدين شبعت

بسرته بنظرات قاتله وسكتت بقهر

الياس رفع يده واشر لكيس كبير: بتبسري هذا الكيس

ملاك وجهت نظرها حيث ما اشر وبسرت كيس اسود كبير

الياس: هولا لداتي الوسخات كلهن وبينهن خمسه اثواب بيض اشتيهن يلمعين لمع وطبعا مابش غساله بيدددددش ويا ويلش ابسر بقعه بس في اي لداة

ملاك بدون اي تعليق خطيت شلت الكيس ودخلت تجهز الماء تبدأ تصبنهن

ورجعت تشل الاكل من الصاله

الياس: امممم سابر هكذا مرة مطيعه خليش هكذا واتجنبي المشاكل

طنشته ودخلت للمطبخ لحقها ومسك يدها ولفه له وبعصبيه: انا لوما اتكلم ما تدي لي ظهرررررش فاااهمه

ملاك بألم من مسكته: فاهمه

دهفها من يده والتفت يخرج

ملاك: اشتي كفات علاميد اصبن

لف لها: ومايصبنوا الناس الا بكفات

ملاك: ايوة وبعدين انا فيني حساسيه من الصابون شايحرقني يداتي لو غسلت بدون كفات

الياس بابتسامه: وهذا المطلوووووب اشتي توووجعي وتحرقي ليت والله واشتويتي بكلش سعما الدجاج يكووون احسننننن

لفت للمسغله بقهر ودموعها بعيونها

والياس خرج من المطبخ والشقه بكلها...!!!
























📚 @rewayatyamania 🇾🇪

البـارت 29


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


العشي 8.00
بيت الجد&&&&
غرفة البنات
جلست جنبها وبسؤال: مالش انتي من لما روحتي وانتي مطننه ومفسره مابه ما وقع

معصومة: هاه ولا شي بس هميه لامتحان بكره

طاهره: ماشي به حاجه ثانيه حاكيني

معصومة وقررت ما تكلم احد ابدا: مابش شي قلت لش...شلت البطانيه وادفت ترقد...يلا تصبحي على خير

طاهره قامت: وانتي من اهله شخرج اسمر معاهم....!!!!

.
.


بغرفة وليد،،،،
جالس على الواتس
وليد: هههههههه بعدين ماعاد عملتي

شهد: ولاشي شليت روحي وروحت لي

وليد: وررربي بردتي قلبي هكذا البنات والا بلاش

شهد: اكيد ضروري كل واحده تحافظ على نفسها

وليد: تعجبيني نادرا نلقى هذه الايام متعففات

شهد: الله يهدي الكل.... الا انت قول لي ما عملت بيومك هذا

وليد: ولاشي من المدرسه للبيت وخرجت ساعدت جدي شوية بالمزرعه ورجعت ذاكرت وصلينا مغرب وذلحين بين اجابر الحجه رنا

شهد: هههههههه يحصل لك اصلا

وليد: الله ههههه يلا شاغلق اتعشى وارجع

شهد:بالعافية يا نظر

وليد سرجين عيونه: على قلبش شارجع بسرعه نتجابر تمام

شهد: بانتظارك..!!!!

.
.


بغرفة اسماعيل.."""""..
والكل على الواتس

شهد: على ما قلت لك

اسماعيل: يعني حصل خير والحمدلله

شهد: ايوه وكله بفضلك انت

اسماعيل: وااااجبي للناس الطيبين

شهد: تسلم كلك ذوووق يا ذوووق

اسماعيل ابتسم ورد:الله يسلمش ويعافيش....!!!!

.
.

بحجرة بيت الجد&&&&
بعدما تعشوا الكل جالسين سامرين

زيد: متأكده يا طاهره مش هي تاعبه

طاهره: ماشي قالت شابعه وتشتي ترقد بس

ام زيد: شكلها تعبت مذاكرة

ابو زيد: الله يسهل لهن وان شاءالله ناجحات

وليد: واحنا.

اسماعيل: والا محنا لبن عرررفة

ابو زيد: هههه وانتوا والكل ان شاءالله ناجحين ومن الاوائل

ابو العباس: واللي عيرسب يا ويله مني

وليد واسماعيل: ان شاءالله مع

زيد: هههههه ايوة بعدين انتوا عارفين لعقاب الاستاذ علي

ام طاهره: ماهو عقابة عقاااااب

اسماعيل: لا تتفاولوا علينا

وليد: ايوه ادعوا لنا وبس

الجده: الله يسهل لكم ويوفقكم كلكم

الكل: امين

اذا نجحتوا يا عيال هديتي لكم انكم تشلوا السيارة وتنزلوا بها اي محافظه تشتوا

وليد واسماعيل بفررحه: يااااا رباااااااه

وليد: هذه الهدايا والا بلاش

اسماعيل: الله يطول بعمرك ياجد

ابو زيد: بس عادهم صغار لا يصدموا والا شي

وليد: مالك يا خال بتبسر قدامك رجال ساع ايش طولهم ويقلك صغار

طاهره: ما ادى الا الصدق

اسماعيل: انتي اسكتي احسن لش

ابو عباس: هههههه تمام تمام اول انجحوا بعدين سهل

اسماعيل: اللكزس والا الصالون يا جد

الجد: اختاروا

العيال: اللكزس اكييييد

الجد: خلااااص تم..!!!!



~

ومـا أرهقـك الله
إلا لـيُهديك أجمل مما تتوقع
وأجمل ما ستملك
وستبكي عيناك فرحاً يوماً ما
مكافأةً من الله على ذبولهما ....❤️🎶
#أمير ✍🏻✨

~~~~


بنفس الوقت عند ملاك
تمددت على السرير بتعب ونظرها ليداتها اللي رفعتهن امام وجهها وقدهن حمر وبيخرج منهن دم خفيف نفخت فيهن بوجع حطتهن على وجهها وبكت لما زاد وجع يداتها تكورت على نفسها بألم من عيشتها ومن معاملة الياس لها بعدت يداتها من تلى وجهها لوما جلس جنبها وقال: لهذه الدرجة بيوجعنش

ماردت وغطت وجهها وبتحاول تخفي شهقاتها

إلياس ونظره ليداتها المحمرات: اووووف وقف وخرج من الغرفة والشقه بأكملها

مسحت دموعها وبقهر: ما تخاييتي شايهتم بش ابسر ما عبرش انتي هانا سعما ال***** مابش لش قيمة...الله لا سامحش يا شيماء..جعل وراني يووووم فيش لفت لجهت الباب اللي انفتح ودخل منه الياس وطت راسها واتغطى وجهها بشعرها
حط المرهم على السرير جنبها: دهني يداتش منه...بيخف الوجع ..

خطي شل كوته اللي بالعلاقة وخرج..

مدت يدها وشلت المرهم ابتسمت بسخرية: الحمدلله عبرني وما جرحني بكلامه شكله عيقل يكفي جرح يداتها هه......!!!!.

.
.

يوم اخر بعد الظهر
بيت الجد&&&&
دخل لغرفتها بعدما قالت له طاهره انها ما تشتي غداء خطي وجلس جنبها وبحنيه: معصومة

معصومة وهي متلحفه بالبطانية: هممممم

زيد: للمه ما تقومي تتغدي

معصومة: ماشتيش

بعد الغطاء من وجهها: وللمه ما تشتي حاكيني ما وقع معش حدا غثاش قولي لي وربي لا اطين له عيشته.

رفعت نفسها وبابتسامة: ماحد ما غر تاعبه شوية

حط يده على جبينها: سلامات يا روح زيد من ايش تاعبه

معصومة: فددددديتك يا قلبي تاعبة من الجامعه والمواصلات

زيد: طيب قومي تغدي هيا

حطت راسها على صدره وبهمس وعيونها مغمضات: شابعه والله

باسها براسها ولمها بيده لاصدره وبهمس عند اذنها: اي حاجه مضايقه لش حاكيني لا تخبي عليا

عضت على شفتها بقهر:....



















📚 @rewayatyamania 🇾🇪

البـارت 30


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


عضت على شفتها بقهر: تأكد اذا به حاجه انت اول واحد بعد الله الجأ له

بعد راسها من حضنه وبابتسامه: طيب قومي نتغدى هيا

معصومة: مش...

قاطعها وهو يمسك بيدها ويقومها: وررربي ما اتغدى الا بش هيا اخطي

معصومة: يوووه منك ما انت

زيد: هههههههه شارحلي الجبهه بعدين تتمنيني

معصومة: ان شاءالله ترجع بخير

زيد وهم نازلين من الدرج للدور الارضي: ان شاءالله ارجع شهيد وارفع روسكم كلكم

معصومة: الله يحفظك ولايبعدني عنك شي جعل يومي قبل يومك يا زيد

زيد: لاتقوووولي هكذا مره ثانيه

معصومة: وانت لاتذكر الموت

زيد: تمام حاضر

وصلوا للحجرة وبصوت واحد: السلام عليكم

الكل: وعليكم السلام

ابو زيد: ماحد يقدر لها الا انت ههههههه

جلس زيد وجلست جنبه: قلبي وانا افهم لها وتفهم لي

ام زيد: الله يحفظكم ولا يحرمني منكم

زيد ومعصومة: ولامنننننش

طاهره حطت السلته وجلست جنب اسماعيل: هي كان قصدها ما عتغسلش المواعين معيا

وليد: ههههههههه فشلت خطتها

اسماعيل: فكررري بغيرها مرة ثانيه

معصومة: هاهاها سامج الاخت واخوتها

سارة: وافكارهم تافهه

اسماعيل: اليكم هذه البقرة المفروض توقفي مع اخوتش

سارة: انا مع عصوووم لان عباس يحبها وانا اي حاجه يحبها العباس احبها

معصومة وطت راسها بحياء من كلامها

زيد ونظره لاخته: هههههه هههههههه اول مرة ابسرها تخزاااا

ضربته معصومة بقهر: معععععفن والقسسسسم

الكل: هههههههههه

معصومة: بعدين للمه استحي العباس سعما اخي

الجدة: ومن قلش انه اخوووووش

معصومة: ابن عمي سعما اخي

ام وليد: خلاص خلونا نتغدى يا جماعه

الجد بصرامه: العباس مش اخوووش ولاهم يحزنون العباس يعتبر خطيبش وايحين ما حدد العرس عرسناااا

معصومة بغضب: ومن قال انه خطيبي ياجد العباس بين اعتبرره سعما اخي الكبير

الجد: وانا قلت العبااااس مش اخووووش العباس زوووووجش ان شاءالله

ابو عباس: يا ابه اهدأ ما يسبرش هكذا

الجد بعصبيه: الا يسبر وووونص والكل عارف ان العباس ولدي يشتيها من وهي صغيرة

ابو زيد: ان شاءالله خير يابه والرأي لها هي

زيد بسر معصومه قد شاتبكي همس لها: لاتخافي ما دام راسي يشم الهواء ماحد شايغصبش على شي

لفت له ودموعها بعيونها: الله يخليك لي

طاهره: طيب خلاص سكروا على ذيه الموضوع وخلونا نتغدى.!!!!

.
.

بعد مرور اسبوع.^_^.!!!!&&&&...
عند مـــلاك
حطت العصير على الماسه اللي امامه وجلس على الكنبة اللي مقابله له: تفضل

إلياس ونظره لتلفونه اللي بيده: قومي اديه لايدي

قامت ومدت له العصير عشان يشله

شله من يدها وكبه على وجهها..

شهقت بفزع مسحت وجهها

إلياس بسخرية: مره ثانيه تعلمي انش تدي الحاجه اللي اشتيها لا يدي مفهووووم وذلحين يلا اخطي ادي عصير ثاني

ملاك حبست دموعها وشلت القلص وخطيت للمطبخ حطت القلص على المغسله وبكت بقهر وهي بتغسل وجهها من العصيررر اللي كبه على وجهها نزفت الماء على وجهها اكثر من مرة عشان تخفي اثار بكاها شلت القلص وسكبت العصير وخطيت للصاله وقفت امامه ومدت يدها له وبصوت مهزوز: تفضل

رفع نظره لها بعدما كان على تلفونه وبسر عيونها العسلي مركزات عليه وعليهن اثار البكاء غمض عيونه بقهر وهمس لنفسه.. اللي عملته صح والا لا.

شكلها يدل على البراءة طفله ووووربي طفله فتح عيونه لوما سمع همسها مرة ثانية بتفضل... مد يده وشله منها وعيونه بعيونها اعطت ظهرها ودخلت الغرفة

شرب العصير مرة واحده بقهر انها ما بترد ولا تتكلم معه الا نادر ولا بتبدي اي استياء لمعاملته لها

وقف وخطي للغرفة فتح الباب وبسرها متمدده على السرير مستعدة للنوم تكلم وهو بالباب : قووومي اخرجي من الغرفة

رفعت نفسها باستغراب: ماهو

إلياس تقدم منها وبعصبيه: قلت قومي اخرجي من الغرفة اشتي ارقد

ملاك: وين اسير

الياس: ابسري لش اقرب زباااله اجلسي فيها يمكن يجوا عمال النظافه ويشلوش مع اللي بينها وارتاااح منش المهم اقلعي من قبببببال وجهيييي يلااااااا

وقفت وخرجت من الغرفة وهو طبق الباب بقووووة وقفله وارتمى على السرير

جلست على الكنبة وحضنت نفسها بيداتها : لا مخده ولا بطانيه كيف شارقد فوق هذه الكنبة الصغير ...

تمددت عليها ولمت ارجلها لاصدرها وغمضت عيونها وبهمس: كيف كنتي ولاوين وصلتي يا ملاك.. كنتي ما ترضي بالاهانه واليوم تصبحي وتمسي على الشتم والسب بدون حتى لاتردي.. الله لاسامحش يا شيماء... حتى محمد اخي صدق فيني ولاعاد ذكررني.. اه لو كان ابي وامي عايشين اكيد ماكانوا عيصدقوا ابدا....!!!!

( الصمت أيضاً له صوت و لكن بحاجة إلى روح تفهمه)....❤️🎶
#أمير ✨

.

.

الساعةةةة 12.00 منتصف الليل
شل تلفونه وجاوب بانزعاج: هممممم

العباس: الياس ويييينك

الياس بنوم:.....












https://t.me/joinchat/AAAAAEIz_KDfjDgo7Gaxwg





📚 @rewayatyamania 🇾🇪

البـارت 31


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


الساعةةةة 12.00 منتصف الليل
شل تلفونه وجاوب بانزعاج: هممممم

العباس؛ الياس ويييينك

الياس بنوم: اسألك بالله وين انا نوووم يا بغل نووووم

عباس: تعااااال بسرعه للمركز معانا عملية مهمه

قام ورزح ظهره للسرير: اووووف مهمة مه تيه الساع

عباس: اقبل للغااااجه اللواء عيجنن علينا لا تتأخر

وقف ونزل من السرير: سابر جايي ذلحين قفل الخط ولبس لداته وفتح باب الغرفة وخرج بسرها ملتوية على نفسها فوق الكنبة بدون مخده او لحاف بسرها بشقفه وسرعان ما تحولت نظراته لسخرية بسر الجاك الماء على الماسه جنبها نزل نفسه وشله وسكبه على وجهها بنذاله

فزت بخوف وغطت عيونها

الياس بسخرية: قومي نامي بالغرفة يلا

ملاك بقهر: كنت اتخليني اعفن هانا بدل هذا القوام على الاقل قدك كبير بطل حركات الخباله هذه

جلس جنبها على الكنبة ومسك فكها بعصبيه: ما عتجيش واحدة صايعه ضايعه ساعش تقول لي ما افعل وما اصنع... شد على فكها اكثر... واخر من يتكلم هو انتي يا حثاله المجتمععععع .. فك لها بقرف وخطي خرج من الشقه...

مسكت فكها بألم وبكت بقهر.... انا لايحين شصببببببر يااااارب ماعااااد اقدددددر.. تمددت على الكنبة ومسحت دموعها وبحزم.: كم جهدش تبككككي يا ملاااااك اللي بعمرش بالمدرسه ماهمهن شي الا الواجب بس انتي رررربي ابتلاااااش باكبر من عمررررش بكثيييير الحمدلله على كل حاااال ...!!!!!

.
.

العصر بيت الجددددد...!!..&&&

معصومة على تلفونها وطاهره بترفع الغرفة لفت لها والملابس بيدها: من بتكلمي وتتبسومي من اول

معصومة ونظرها لتلفونها: هه

رمت الملابس لافوقها بعصبيه: قلت من بتكلمي يا بقرررة

بعدت الملابس من فوقها وبنرفزة: مااالش يا خبلاااا تشتي اقوم افحسش سعما السلته

طاهره: لا تفحسينيش من بتجابري

معصومة: لجُين صاحبتي

طاهره: اها كيف حالها عادها بتدرس

طفت التلفون ولفت لها: بخير وتسلم عليش وايوه عادها بتدرس

طاهره: الله يسلمها.. قومي هيا معانا قشاع باقي لرمضان ثلاثة اسابيع بس

معصومة: عاده بعيد.. طاااهره كنت اشتي اسألش

جلست جنبها: ماهو يا نظر

معصومة: كيف لوما ايثار درست جامعه

طاهره: هههه خليها على الله عملت لش قضيه كبيرة لوما رضيوا يدخلوها الجامعه

معصومة: يعني دخلت بالغصب

طاهره: ايوه وقال ابوها مابلا استاذة.. وهي قالت مابلا تشتي تكمل جامعه

معصومة: اها سابر

وقفت طاهره وقومت معصومة معاها: قومي هيا معانا اداة خيرات بغير صبااااان

خطيت معاها وبعصبيه: مععععي مذاااااكرة مش فاضيه فكي لي

طاهره: بالغساله عنتمهن بسرررعه هيااااا....!!!.

.
.

يوم الثلاثاء...!!!
فوق سيارة العباس
إلياس: نزلتي مش ضرورية يا عباس انفدددددالك

عباس وهو بيسوق: حرام طلاق ما انزل الا رجلي على رجلك طااابت لك وبعدين قد سلطان اتصل لك عيب عليك يا ذاك

إلياس: خلاص تمام ايحين شانخطى

عباس: بعد العصر شانتحرك

الياس: سابر وصلني للبيت وبعدين شاسير بسيارتي للشقة واجي لشقتنا تمام

عباس: سابر ومرتك وين شاتجلس.

الياس: لاتقلش مرتتتتتي ما اتشرررف

عباس: اليييياس بطل خببببببل واقع رجااااال

الياس: خلاص بس قطف خبر

وقف بسيارة قدام البيت والياس نزل ودخل البيت وعباس توجه للشقة..!!!.



باس ابنه وحطه بالقااااع: يومين وارجع انتبهوا لانفسكم يمه ولرضا واذا احتجتوا شي اتصلتوا لي

ام الياس: لاتقلق ولاشي سير وبالك مرتاااح

ابو الياس: بعدين متعودين بتغيب اساااابيع

الياس: ههههههههه ما افعل ظروف عملي يلا خاطركم ودكم شي

امه وابوه:سلامتك..!!!



ركب سيارته وشل تلفونه ورسل لعباس...شل لي ثوب وكوت وشال معاك عشان يوم الزفة لاتنسى..!!!

شغل السيارة وتوجه لاقرب سوبر ماركت شل معلبات وحاجات خيرات وتوجه للشقه... دخل وهن بيداته بسر ملاك جالسه على الكنبه وحاطه يدها على خدها وشكل حسها بعيد

حط الاغراض في القاع وجلس على الكنبة...

لفت له ملاك وبسرت الاغراض وبهمس: اسبر غداء

الياس رفع يده وابسر ساعته: متغدي بالبيت مستغني عن اكلش

ملاك: طيب

الياس: طبعا هولا معلبات واكلات تمشي نفسش بهن لوما ارجع لاني نازل البلاد

ملاك بخوف: وكم بتجلس

الياس: وبأي صفة بتسألي انتي

ملاك وطت راسها: بين اخاف اجلس لوحدي هانا

الياس بنفسه بنت بعمر 16 سنه طبيعي تخاف بس تستاهل: ...















https://t.me/rewayatyamania/38966




📚 @rewayatyamania 🇾🇪

🖤

بـارتـات يـومنــا الاحــد👆🏻😍

بما اني بنشغل العصر بعرض لكم البارتات الآن

البـارت 32


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


الياس بنفسه بنت بعمر 16 سنه طبيعي تخاف بس تستاهل: هه تخافي لوكنتي تخافي كنتي شاتخافي من الله ولا عملتي اللي عملتي

ملاك: اكيد بين اخاف الله وانا ما عملت حاجه غلط وواثقة من نفسي

الياس: لا تجلسي تبربري فوق راسي بنفس المووووووال.. المهم الشقه ما تنفتح امممم والا شاقفل انا احتياط مابش لش ثقة اصلا عشان لاجي وقد.....

ملاك وقفت وبعصبيه: تكلللللمت وسبييييييت خيرررررات وانا ساكته بس هذا ما يعنيش اني راااااضيه انا وكلتك لله انت ومرة اخيييي

الياس: يووووه يممممممه وكلتينا لله هههههههه انتي اول اعرفي الله بعدين تكلمي.. وقف وخطي خرج من الشقة وقفل الباب ونزل متوجه لشقة العباس...

خطيت شلت الاغراض اللي ادى ودخلتهن المطبخ وبدات ترتبهن في الثلاجه وتحاول تتناسى كلامه.. همست بقهر: على الاقل شافتهن منه يومين..!!!


.
.


بعد ساعةةةةة
على سيارة العباس متوجهين للقرية&&&&

عباس: الله فااااقد لاجوااااء القررررية قوووي يا خبير.

الياس: ماهذه حتى انا والله

عباس: قد العيال جننوني اتصالات

الياس.: ههههه للمه

عباس: يتأكدوووا انا شنزل والا سعما كل مرة

الياس: هههه قنعوا من خررررطك

عباس: ماااافعل لهم وانا بس ان شاءالله ارمض معاهم

الياس: وتفلتني يا نذل

عباس: انت رمض مع مرتك وامك وابوك وولدك

الياس سكت وتذكر ملاك وخايف عليها لوحدها في البيت...!!!!

.
.


بالقرريةةةة بيت الجددد&&&

معصومة بعصيبة: يا لغغغغغجة هو عيووووصل لابيت العررررس لاعند جدي وابي وعمي والعيال مش لاعنددددددش

طاهره: قلت لش كلمته وقال شايجي للبيت عشاني يا قلبي واخي وقدنا فااااقده له

معصومة: طيب الساعه ارببببع ايحين شانسير العرس واليوم بنت اليمن قد جدتي وامي وامش قانعات جلسه

طاهره: ذلحيييين قد شايوصل اسلم عليه انا وسارة ونخطى

معصومة: وساااارة وينيه ما بتفعل

طاهره: بتبدل لداتها عتجي ذلحين .....

.
.


في تمام الساعه4-40
وصل العباس وإلياس للقرية.... جنب السيارة باب بيت الجد التفت لإلياس: اسلم على البنات واقبل

إلياس بابتسامه: تمام تمام

عباس: وللمه بتشخر هكذا

إلياس: ههههههه ولاشي انزل هيا شرررررق

بسره بسخرية ونزل ودخل للبيت وبصووووت عالي: ياااا اهـــــــــل الببيييييت

فزت طاهره وسارة وخرجين من الغرفة وكل واحده بتنزل الدرجة ثنتين علاميد توصل الاوله

بسرهن وضحك بفرررحه ومد يداته: ياااا حيااااااا

حضنته طاهره وسلمت عليه: توووو ما نوووورت القررررية يا غالي

باسها براسها وابتسامته ما فارقته: بنوووورش يا قلب

سارة: بس بس بعدي من اخي فااااقده له

ضحك ونزل نفسه شوية علاميد يوصل لها وسلم عليها وضمها بقووووة: كييييف بننننتي بخييير

سارة: بنتتتتك فاقدة لك خيررررات

عباس: مش اكثرررر مني

طاهره: حق من هذه السيارة

عباس: هذا الياس يلا انا شخطى العرس ذلحين... مد لها شنطه.. شلي هذه وطلعيها غرفتي..

شلتها من يده: حاااااضر

سارة: خلاص هيا عصووووم شاتصيح كمل العرس واحنا هانا

التفت لها عباس باهتمام: هي هانا

طاهره بنذاله: وليش بتسأل

عباس: لقاااافه عادها هانا

سارة: ايووووة هانا

التفت يخرج وقال: سلمين عليهااااا واخطين لا تأخرينهاااا

طاهره: هههههه يصل التفتت تطلع للدور الثاني وبسرت معصومة امامها ومكتفه ليداتها.. غمزت لها وبضحكه: يعني وصل سلامه

ردت البرقع على وجهها ونزلت: بسرررعه تبرررقعي والا نزيد نرااااعي لامغرب مــــه

طلعت الدرج بسرعه: مع مع ثواني وانا عندددددش..!!!!


.
.


عند العررررررس&&&&&
دخل الياس مع العباس والقوا التحية وسلموا على اللي كانوا يقوموا يسلموا عليهم... سلموا على الحريو اللي فرح بجيتهم واخيرا وصلوا للبقعه اللي فيها الجد والعيال تقدم وسلم على جدة اللي وقف له وعلى وجهه ابتسامه حب وفخر لحفييييده اللي يحترمه الكبير قبل الصغير

باسه براسه: كيف حالك يا كل ماااالي

الجد: بخير من الله وردت لي روحي ببسرتك يا غالي

العباس: الله لايحرمني منك

التفت وسلم على ابوه وعمه والعيال والياس كذلك وسع لهم وجلسوا جنبهم ثواني ودخل اخو العريس ووزع لعباس والياس قات وماء وبدأوا يخزنوا معاهم...!!!

.
.

يوم اخر الساعه10.12 صباحا
نزل من الدرج بكسل وشعره مخربش من النوم بسرهم مجتمعين بالحجرة وابتسم: ياالله اجمعهم على خير يا صباااااح الرضاااااء

وقفت ام وليد بفرررحه: يا صبببباح الفل ياحياااا بولدي يا حيااا

تقدم العباس بسرعه وضمها باشتياق وسلم عليها بلهفه: كيف امي وروووووحي وقلبي

ام وليد ودموعها بعيووونها: بخير دامك بخيييير

العباس: يا جعلللل داااايم

وقفت ام زيد وسلمت عليه وتحمدت له على السلامة

التفت لجدته اللي ما عبرته...





















📚 @rewayatyamania 🇾🇪

البـارت 33


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


التفت لجدته اللي ما عبرته خطي وجلس قدامها: اوووف اوووف معقووووله جدتي ما تعبر حفيدها العباس ولا هي فاااقده له

لفت له وبعتاب: لو كنت بتعبر جدتك كان جيت امس وسلمت عليها

نول راسه وسلم عليها بركبها وراسها: ما افعل يا غالية مسكنا الحريوووو ولا فك لنا وماقدرنا نروح الا الساعه واحده قد كنتوا نوم ياجده

الجدة بحنيه ونست زعلها سلمت عليه: يلا حصل خير اخر مره لك

العباس: اكييييد ما نرضى على زعلللللش

ام زيد: وين صاحبك

عباس: بغرررفتي نشتي صبوح

ام وليد قامت: من العيون ذلحين

عباس: تسلممممي

زيد وهو نازل الدرج: يسعدددد صببباحكم

الكل: وصبببباحك

خطي وجلس جنب عباس: عادك قمت

عباس: ايوه وانت ليش نوم لاذلحين

زيد: والله لا جامعه ولاشي ايش عليا

العباس: وايحين شاترجع الجبهه

زيد بهمس: برمضان بس بين اقل لهم بعد العيد

عباس: اها سابر

زيد: قد قام جدي

الجدة: زمان يا ولدي قدوة بالمزرعه

ام زيد: قال ارجع الحقه هو بحاجتك

العباس: قد العمال ملان المزرعه ما يفعل بك

زيد: انت عارف لجدك ما يخلي احد بغير عمل مسكني معه

عباس: احسن وبيني وبينك الفرغة شوووعه

زيد وقف يخطى: محد فارغ الا انت يا حيدددددي خااااطركممم

ام زيد: راعي اصتبح

زيد وهو بالباب: شاصتبح في المزرعه

عباس: شاجي انا والياس لاعندكم

زيد: مراااعي لكم.....!!.

.....صباح الخــــــير

التفت لصاحبة الصوت بشوق وحب ورد معاهم: صباح النور

معصومة وبيدها كتبها لفت لعباس وبتردد: الحمدلله على السلامة

عباس بابتسامة ونظراته مركزه عليها: الله يسلمش يا بنت العم

نزلت طاهره وهي بتسبر الحجاب والبرقع بيدها: يووةة قلت ان قد خطيتي علياااا

الجدة: الناس يقولوا صباح الخير تعلمي يا بنيه

لفت لها معصومة متجاهله لنظرات عباس: باقي نص ساعه بس هيا

طاهره: يووة ياجدةةة مع العجله نسيت صباح الورد يا جماعه

عباس: هههههه ما ذلحين ماعاد تنفع

طاهره: الحاااصل وانتوا اخبر بها

دخلت ام وليد والصبوح بيدها: هاه عباس الصبوح جاهز

وقف عباس وشله من يدها: تسلمي تسلمي يا قلبي

ام وليد: الله يسلمك..

ام زيد: اصتبحين يا بنات

ردت البرقع على وجهها وخطيت تخرج: شانصتبح في الجامعه هيا طاهره

طاهره: يلاااا

شل عباس الصبوح وطلع لاغرفته يقوم الياس يصتبحوا..!!!!


بعدما اصتبحواااا
غلق باب البيت الكبير وخطي جنبه متجهين للمزرعةةة

عباس: اتصلت للبيت واتطمنت عليهم

الياس: ايوةةةة اكيد وزد امي تحروني نكون نسوق دلا ولا نسرعش هههه

عباس: اها بس انا قصدي مرتك اللي هي لوحدها بالشقةةة امك عندها ابوووك

الياس: اهجع اهجع لك من ذيه الخبر.... هذك نادر صح

التفت للفلة اللي امامهم وابسر نادر في الباب: الا الدكتور نادر تعال نتقدم ونسلم عليةةةةة

بسرهم نادر جايين لاعنده وخطي لاعندهم بابتسامة: حيا حيا الشرررطة عندنا

العباس سلم عليه خد بخد: الله يحييك ويبقيك يا شيخ

نادر: كيف الحال

عباس: نحمدالله

تقدم الياس وسلم عليه: عاش من شافك دكتور نادر

نادر: تعيش يارب..... ضيفنا هيااااا

عباس: اسلم اسلم ربي يخليك

نادر: نورتوا القريةةة والله

الياس: بنورك... هي الا يومين وروحنا

نادر باستفسار: يومين بس

عباس: ايوة اصلا ما نزلنا الا علاميد عرس ولد ابن عم ابي

نادر: اها

الياس: وينك ليش ما بتجي ما بسرناك امس

نادر: كنت مشغول بالمستشفى ان شاءالله اجي اليوم اليوم الحناء او الذهب صح

عباس: على ما بيقولوا ومدري هههههههه

الياس: يلا خااااطرررك اي خدمات

نادر: ادخلووووا نضيفكم هكذا ما يسبرش يا عميد

عباس: بوقت ثاني ولايهمك ذلحين شنخطى المزرعة ونرجع للعرس

نادر: كان الله معاكم...!!!.

.
.


بعد العصر
بفلة نادر.......
جالس على مكتبه بغرفته السرية وتلفونه على اذنه: ايووووة بكرة ويروحوا اشتيكم تقلبوا لي الشقة قلب واي دليل ضد السوداوي ينمحي اثرةةةة........... ابسر ناس خبيرة بهكذا مواضيع المهم لاتضيع الفرصة ورررربي بضيع رووووحك............ اليوم بالكثير والموضوع منتهي.........مع السلامةةةة

رمى التلفون على المكتب ووقف امام المراية اللي على الجدار وسبر السماطه على راسه حط يداته على الجنبية وابتسم بخفةةةة: نسير نحضر افراح ال بيت الــ........ هههههههه لكن غلطوا لان ابنهم عمييييد بالشررطة وبيلاحقني.....شل تلفونه وخرج من الغرفة وقفلها ونزل واختار سيارة من سياراته واتحرك بها للخيمة اللي فيها العرس..!!!!!!!














https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 34


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


العشي11-00....!

امام شقة العباس وإلياس
واقفين واحد بيراقب والثاني بيده سلك بيحاول يفتح الباب همس بخوف: اقطب هيااااا لاحد يبسرنا

.....:قد بين احاول لاتلبكني...حرك السلك اكثر من مرة لوما فتح والتفت له بفرحه: فتح اددددخل بسرررعه

دخل معه وبدأوا يفتشوا بالشقة كااااملة..!!!!!

.
.


بشقـة ملاك&&&&
حطت احرام الصلاة والسجاده على الماسة ورفعت الختمه ووقفت قدام التسريحة فردت شعرها الاسود اللي يوصل لاحد خصرها وشلت المشط وبدأت تمشط شلت الشباصة ولمته باهمال وخرجت للمطبخ تسبر لها اي شي تأكل..!!!!.

.
.

عند البنااااات مروحات من العرس وكل واحدة ماسكه للثانية بخوووف

طاهره: لو خليتينا نروح مع جدتي وامي وامش كان احسن من هذا الخوف

معصومة وهي ماسكه لطاهره: سهل سهل البيت قريب

طاهره: اين قريب وهو بالحارة الثانية

معصومة بخوف: طاهره صوووت كلاااااب بتسمعيهن

طاهره:اص اص مدي هياااا الله يشلش

.
.

بالجهه الثانية¿¿¿¿
الياس: مالوليد واسماعيل روحوا بحين

عباس: ثالث ثانوي معاهم مذاكرة

الياس: بكرة عطلة

عباس: ولو يا حيدي معاهم امتحانات

الياس: ايوة صح وزيد للمه ما روح

عباس: مسكه الحريوووو وانا قد كلمني بس اخوووك تاعب مالي حاله للسهر قلت اغنم اني في القرية وارقد سعما الناس

الياس: صاااادق قد بسمها اجازة ههههه

عباس ونظره للبنات اللي قدامهم وماشيات بخوف:هولاك نسوان والا بين اتخيل

الياس: وين

عباس عرف طاهره: شكلهم الاهل شابسر ليش اتأخروا لا ذلحين...اسرع بمشيته وخطي خلفهن وبهمس: بناااات

معصومة بهمس لطاهره: يممممااااه لا تلتفتي اخطي بس

طاهره بخوف: كله بسببش

عباس ويتشي يخوفهن: هاه هاه كلمة ولو جبر خاطررر عبروووونا

مسكين ايدي بعض واسرعين بمشيتهن

عباس لفهن ومسك بالشنيط حقهن: وين وين

معصومة بهلع: من انت يا كلب يابن الـ....

طاهره: والله لاداعي لك اخي يا عديم التربية

عباس فك لهن وضحك بقووة: كلب ابن....... وشاتداعي لي اخوش اسكه داعيه

لفين وبصددددمه: العباااااااس

عباس:

.
.

بشقة العباس
جلسوا بتعب

.......ذلحين مه ما نقل للسوداوي ولا لقينا شي

.........ولا اي دليل هانا

.......اكيد انهن بالمركز مابش ولا ملف هانا

........خلاص قوم نخرج بسرعه و اتصل لسوداوي وقله ما لقينا حاجه....!!!!

.
.


عباس:ههههههه عيون العبااااااس

ضربته طاهره بصدرة: يا معفن يا كريه وقفت قلببببي

معصومة: ماهو المززززح الثقيل هذا

عباس بصرامة: مشو مزح هذا درررس لكن ووووين انتين لا ذيه الوقت

طاهره: عند العرس

عباس: وعرررس لا ذلحين للمه

معصومة بهمس: اصلا هي صاحبتنا وقد استأذنا من جدتي

عباس: اخر مره تجلسين خارج البيت لاتيه الساع فاااهمات تخيلين حدا تعرض لكن

طاهره: اصلاااا القرية امان

عباس: قلتتتتت افررررضي

طاهره: خلاص اخر مرة

عباس: يلا قدامي هيا

خطيين قدامه ولف لالياس واشر له يجي وخطي معه والبنات قدامهم...!!!!

.
.


يوم اخر قبل الظهر..

بيت الجد""""
صيح من الباب: ياالله ياالله طرييييييق

ابو زيد: ادخلوووا مابحد

دخل عباس والياس وزيد وطلعوا الدرج بعجلة: السلام عليكم

ابو زيد وابو عباس: وعليكم السلام

ابو عباس:هاه مالكم مدرعمين مابه

لف له عباس وهو بالدرج: نشتي نبدل ونخطى نتغدى ونزززززف بسرررعه

زيد: عشان سلطان لايقوم علينا القيامه...ووصلوا مشيهم

ابو زيد: هيا قم خطينا الجامع قد ابي هانك

ابو عباس وقف: يلا ونرجع نخطى العرس....!!.

.
.

طالع بغرفة العبااااس...
سبر الشال وحطه على كتفه اليمين وشل مسبحه باللون البني نفس لون الكوت والشال بيده وحط تلفونه على العسيب ولف لالياس اللي بيدبع الشال:جالس ساعه تتدبع السماطه ولاتقل الا حريوووو

لف له: عليك غضبببي مارضيت تسبرررر شكل غرفتك نحسسس

تقدم عباس منه وفردها وبيسبرها من جديد: مابلا انت سامج زياااادة.....هيا ابسر كيف يسبروا الناس

الياس بيبسر نفسه بالمراية: لا لا رجاااال والقسمممم

وليد واسماعيل دخلوا للغرفة وقدهم مبدلين: هياااا خطييينا

زيد من وراهم وبيده العسيب: كمل يأذن هياااا

عباس: خطينا هيا الياس

وليد: هرع هرع ماهي تيه الشياكه يا رجااال شاتطيح الحريووو

اسماعيل: قل ماشاءالله لاتصك اخي عييين

عباس: ههههههههه

وليد: لحظظظظه لححححظه اسماعيل اخي ضروري نخرج العباس بززززفه

رفع يداته وصفق مع وليد وبدأوا يغنوووا: من كان عروووووس الله يديم سروره الله يهنيه شبته ونوووووره من كان عروس الله يديم سروره الله يهنيه شبته ونورره

الياس: ههههههههه باقييي الحريوووه

زيد: حااافظين للزفااات

عباس: خورونييي اعرررس ذلحييين

وليد: انا لو انا بعمرك ان قد تزوجتتتت

اسماعيل: وانا

عباس: عادكم جهال على ذيه الخبر اخطوا اخطوا هياااا..!!!




















📚 @rewayatyamania 🇾🇪

البـارت 35


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


بفلــة نادر امام الاسطبلات!!!
قبض على تلفونه وبعصبية: كيف مالقيتووووا حاجه يا حمييير

......نبشنا الشقة نبش وقلبناها قلب مابش اي حاجه سيدي

نادر بعصبية: اقطععع قطع الله رووحك

......سيدي اكتشفنا قبل قليل حاجه

نادر: ماهي انطققق

........به معاهم شقة ثانية بس ما بيسير فيها الا واحد بس

نادر: وايش منتظررر يا حماااار انت وهو سيرووووا لها واقلبوها قلب واي ملف شلوووه

.....تمام الان نخطى

قفل الخط وتوجه لاداخل الفلة بسر حنان بالصالة امامه ابتسم لها: هلا هلااااا وانا بين اقول للمه الدور الارضي للفلة منووور اثااارةة حنان شرررفته

حنان: هه ليش انت تعرف النور اصلا كل حياتك ظلام مثلك يا سوداوي

جلس جنبها على الكنبه: لا لا مال حنانووو معصبة علينااااا

حنان: متى رضيت عليك حتى اعصب عليك

ضحك نادر واتمدد وحط راسه على ارجلها: العبي بشعررري

حنان: ماقدرررش وقووووم تاعبه اشتي اطلع

نادر: قووولي ما اشتيك في حياتي بالمختصر

حنان: مابيفيد شي سوا كنت بحياتي او لا انا ربطت نفسي بك ومابش مفر منك

نادر: ههههههه يعني مربوطه بي واي شي انتي معي.....يا منيييييرة منيييييرة

دخلت منيرة للصاله بعجله: ايوة

نادر: هاتي الغداء لي انا والمدام لاهانا

العمة منيرة: حااااضر

حنان: ومن قال اني اشتي غداء

بعد راسه من ارجلها ووقف ووقفها معه: انا يلا تعالي تغدي معي

حنان وهي خاطيه معه: على مزاجك احنا

جلس على الكرسي قدام طاولة الطعام وجلسها على الكرسي الثاني: طبعااا الكل على مزاااجي يا نظررر

ثواني ودخلت منيرة الغداء مع واحده ثانية وبدأوا يتغدوا...!!!
.
.


الساعه اربع العصر عند العرررس&&&
جالسين مخزنين وكلهم جنب بعض لف لهم زيد: من شايقوم نعمل برررعه على زامل الليث

عباس: اي والله قوموا هيا

الياس: على الناجي الوحيد

عباس: ماعليك اقبل مغازي الليل نشعل العررررس برع صعدي

وقف زيد: ابشرررر الان...خطي للارج وقلب الزامل..وخطي لاعند الياس وعباس اللي وقفوا وسط المقيل وبدأوا يبترعوا وشاركهم اسماعيل ووليد وشباب من القرية..!.!!!

.
.


بنفس الوقت بشقة ملــــاك&&&
وقفت بخوف من الصوت اللي عند باب الشقة تقدمت وحطت اذنها خلف الباب شهقت بخوف لوما سمعت صوت رجال بيحاولوا يفتحوا الباب خطيت بسرعه للغرفة ودورت مفاتيحها تقفلها وما لقت شلت البالطو والشيلة ولبست بسرررعه والرعشه سرت بجسدها: من هم يااارب استر لو كان معي تلفون كان اتصلت لالياس....رفعت البرقع تلبسه بس انصدمت بالرجال اللي وقف قدامها صااااحات بخووووف

........اص ولا اسمع كلمه والله وربي بنهي حياااااتش
زحفت لاطرف الغرفة بخوف: م مم من انت وما تشتي

طنشها وبدأ يفتش بالدواليب والادراج بسر درج مقفل خرج ودخل للغرفة الثانية...وملاك خرجت للمطبخ بسرررعه حطت يدها على فمها بخوووف واتخبت خلف الثلاجه سمعت صوت دعسه قريبه لفت نظرها للمطبخ وجت عينها على المقلى خطيت شلته بسرررعه ووقفت خلف باب المطبخ

دخل للمطبخ....: وووين سااااارت هذه اخرررجي والا وربي ما بيحصل خير

خطيت خلفه بحذر وضربته على راسه ضربه قوووية وضربته مرة ثانيه ووقع على الارض

جثت على ركبها بخووووف وبكت...بسرت تلفونه اللي كان بيده في القاع...وقفت وشلته بسررعه دخلت لاغرفة النوووم وفتحت درج التسرررريحه: كان هانا كان هانا ووووين سااار...شعين عيوها بفرح لوما لقت الكرت اللي كان فيه رقم الياس دخلت الرقم بايدي راجفه وغلطت مرتين وبالثالثه ضبط معاها...!!!!



عند ضجيج العرس رن تلفونه برقم غريب وكنسل الاتصال رن مرة ثانيه وجاوب: الووووو

ملاك بصوت ملان بكاء وبغصة: إلياااااس

الياس بصدمه وبهمس: ملاك

ملاك زاد بكاها: الياس وووينك تعااال بسرررعه

وقف وهمس بخوف: لحظه خليك معي... خطي وخرج من عند العرس بسررررعه

عباس بسره باستغراب ولحقه بخوووف


خارج بالشارع!
ملاك: اليااااس

الياس: ملاك مالش مابه ومن وين لش تلفوووون

ملاك مسحت دموعها وبصوت مهزوز: به رجال دخل للشقة يمكن يسرق وانا وانا... بكت بقووة.. يمكن قتلته مدري وووينك جيييي بسرررعه الله يخللليك خاااايفه

الياس بصدمه: عمل لش حاجه كيف لوما ددددخل

ملاك: الياس لاتفلتني جييي بسرررعه الي...... قطع كلامها سحبة التلفون من يدها بسرت رجال ثاني وصااااحت بخووووف

الياس بخوف من صياااحها: الوووو ملااااك.. ملااااااااك... ملاااااااك











https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 36


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


ملاك: الياس لاتفلتني جييي بسرررعه الي...... قطع كلامها سحبة التلفون من يدها بسرت رجال ثاني وصااااحت بخووووف

الياس بخوف من صياااحها: الووووه ملااااك.. ملااااااااك... ملاااااااك

عباس من خلفه: الياس مالك ليش خرجت

الياس مسك عباس من كوته وبخووف: ملاك يا عباس ملاك شرجع ذلحييين بسررعه..فلته وخطي لاعند السيارة

عباس لحقه: لحظظظه من ملاك مالك

الياس وقف عند السيارة: مرررررتي عبااااس هات المفاااتيح بسرررعه ارجع عند العرس ملاك في خطررررر يا عباااس

عباس بخووف:رجلي على رجلك اخطىىىى هيااااا انا شاسوق ركب معه السيارة واتحركوووا بسرررعه

.
.



عند مـــلاك..
جالسه بوسط الغرفة ويداتها مربطات وارجلها ولاصق على فمها ودموعها ما وقفين واثنين رجال واقفين امامها

حط يده خلف راسه وصاح بألم: اخ يا بنت...... الشكل كيوووت بس قوووة جبااااارة

.......ههههههه جااهله تزيد عليك يا اخجف لو يدرى السوداوي

......اسكت مش رااايق لك...كيف شانفتح ذلحين الدرج المقفل اكيد كل شي فيه

.........لحظه شتصل للسوداوي..ضغط رقمه ثواني وجاوبه:الووو

نادر:ايوة.

.....سيدي ما لقينا حاجه بس به درج مقفل وماقدرنا نفتحه

نادر: ما تخرجوا الا وهو مفتوووح

......سيدي به بنت في الشقه وحاليا مربطين لها ما نفعل بها

نادر:بنت.....طيب خلاص لاحد يلمسها...ابسروا عملكم وبس

........بس هي شلت التلفون ومدري لمن اتصلت خايفين لايجي

نادر واتذكر لما قام الياس وبيده تلفونه ولحقه عباس وابتسم بسخرية: حلوووو حلوووو...كيفها

........مززززه ايه من الجمااال وصغييييرة قوووووي وعليها عيووون تذبببح

نادر:خلاص...العباس والياس الان جايين واحد ينزل يجلس بالسيارة ووواحد يجلس بالشقة لوما يوصلوا...وانتم عارفين للباقي واذا اضطر الامر انهيتوا حيااااة اي واحد منهم....!!!!


.
.


عند الياس والعباس
فوق السيارة..
شل تلفونه ولفت له: زيد بيتصل ما اقل له

الياس وهو مرخي جسمه على المقعد وكل حسه عند ملاك وايش ممكن وقع بها وهل هي بخير وبيلوم نفسه انه خلاها لوحدها: دبررررها

عباس رد تلى التلفون: هلا

زيد: وين جيتواااا للمه خرجتوووا فجأة جدي قلق عليكم

عباس: اعتذر لنا من الحريو وقل لجدي وابي لا يقلقوا جا لنا امر طارئ ان احنا نرجع ضروري

زيد: طيب حصل خير

عباس: مع السلامة...

الياس بخوووف: كم باااقي لوما نووووصل تأخرنا يا عباس

عباس: ما لنا الا ساعه باقي نص سااااعه بس

الياس: حاسس نفسي خاطي فوووق جملللل اسرررع يا منعااااااه لا يقع بالبنت شي

عباس زاد السرررعه للاخير: تمام تمام هدي نفسسسسك......
.
.



في الشقة
جالسه مكانها وما ينسمع الا بكاها وقدامها رجال خلف باب الغرفة مراعي لوما يووووصل الياس بأي لحظه.....



بعدما دخلوا المدينه والطريق زحممممه وما ينسمع الا صوت السيارات

الياس بقلة صبر: وووقف وقف مش قادر اصبببر

عباس وقف السيارة ولف له:ما نعمل زحمممه

الياس نزل من السيارة: شبسر متررر اقطع وانت الحققققق

عباس: لاتخطىىى لوحددددك

الياس وهو ماشي: ماعتصبببررش....وقف متر ووصف له العنوان وانطلق معه باقوووى سرررعة...وعباس شغل سيارته وحاول يسرع ويخطى من بين السيارات



امام الشقق
وقف المتر وحااااسبه ودخل للبناية بسرررعه بسر المصعد مدري من طلع به خطي وطلع الدرج بسرررعه وقف امام شقته ودهف الباب اللي كان مفتوح تقدم بخطواته وبسر كل شي في الشقه مبعثر تقدم للغرفة بخوووووف وانصددددم من منظررر ملاك اللي امامه تقدم بهلع وخووووف: ملاااااااااك

ملاك بتبكي وتأشر له براسها بمعنى لايدددخلش للغرفة... هزت نفسها بخووف لوما تقدم منها وبتأشر له بمعنى لاتجيييييش...والرجال خلفه والمسدس بيده...

انحنى على ركبته وبعد اللاصق من فمها وبخوف ومد يده يفك رباط يداتها: من دخل لاهانا حدا اذاش وقع فيش شي

ملاك:اليييياس انتببببببه.....

لف الياس لورا ومسك بيدات اللي كان على وشك يضربه بالمسدس على راسه: من اننننت يا نذللللل
مسك بيداااته والمسدس بيده وملثم بالشال: انا اللي عيخللللص حيااااتك ووووين مفاااااتيح الدرررج بسرررعه

الياس دهفه منه ونكع المسدس وضربه بووووكس على بطنه: درررج مه ومن تشتي يا ابن........

وقف واتضاااارب معه وبحكم ان الياس شرطي ماقدر يوووقعه دخل يده بجيبه وخرج سكييينه

ملاك صاحت بخوووووف: اليااااااس مممممعه سكييين

لف لها الياس والرجال استغل الفرصه وضربه بالسكين على بطننننه

صاااح الياس بألم وخطي يبعد اللثمه من وجهه.
دهفه عنه وضربه بالسكيييين مررره ثااانية

ملاك بكت بهلللللع: الييييييييييياااااااااااس

جثى على ركبه ومسك بطنه بألم وارتجم للقاع..


















📚 @rewayatyamania 🇾🇪

البـارت 37


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


جثى على ركبه ومسك بطنه بألم وارتجم للقاع..

.... دخل السكين بجيبه بخوووف وخطي يفتش جيوب الياااااس يدور المفاتيح

ملاك وهي مكانها ما قدرت تتحرك لانها مربطه: ماتشتي منه يا كلبببب لييييش قتلللته

رد والعرق يتصبب منه:اص اص لا توتررريني...وين المفاااتيح هولا

الياس وعيونه شبه مفتوحات: فـ. ي احلامـ. ك تلقـ. اااهـ. ن

خرج تلفونه من جيبه ورد

.....اخرررج بسرررررعه صاااااحبه وصصصصل لا تتأخر

وقف وخرج من الشقه وهو بيحمل بخووووف



وصل العباس وركن سيارته وطلللع للشقة بخوووف دقه واحد لوما كان شايوووقع: سلاااامات مالك
بسره بخوووف وكمل ينزززل

ما اهتم وكمل يطلع الدرررج دخل بسرعه للشقة وبسرها مكركبه: الياااااس. وووينك... اليااااس

ملاك من الغرررفة.: احنااا هانا

خطي بسررعه للغرفة وبسر الياس مرمي بالقااااع والدم حوله وشبه واعي وملاك بعيد شويه منه مربطه ولابسه بالطووو وبتبكي..

تقدم ومسك الياس وبخوووف: اليااااس... اليااااس.. من عمل بك هكذا

ملاك بتبكي بهستيريه: مدري منهم تضارب مع واحد وطعنه

الياس بتعب: ف ك لهاااا

خرج تلفونه واتصل للمركز: هاااتوا سيااارة اسعااااف لــــ...... مع طقمم حاااالا...

تقدم من ملاك وفك رباط يداتها وبيتحااااشى النظر لها... فكت رباط ارجلها وخطيت لاعند الياس بخوووف ودموووعها بعيووونها: اشرررت لك لاتدددخل ليش ما فهمتننني لييييش

الياس: احد اذاش ا ا او

قاطعته وهي بتتحس وجهه: ماحد ماحددد..... لفت لعبااااس... اسععععف اخووووك لمن انت مرااااعي عيمووووت

سمع صوووت سيارة الاسعاف واتقدم من الياس ووقفه بيداااته: تلثمي عيدخلووووا لاهانا

الياس وهو ماسك لمكان جرحه بتعب: لا ت تف لت هاااش.. ل و حد ها

عباس ونظره للي دخلوا: تمام تمام انت تمااااسك... شلوه فوووق النقاله لسيارة الاسعاف..

عباس بأمر للعكسر: فتشوا الشقة شبر شبر وابسروا اي دليل ينفعنا.... لف لملاك اللي مبرقعه وواقف عرض الجدار بخوف: تعاااالي معي هيااا.....

تقدمت وخطيت معه نزلوا من البناية وركب سيارته وركبت ورا وتوجه معاها للمستشفى..!!!
.
.


عند. نادددر
رد بعصبببيه: كييف ما قدرتووووا تفتحوووه وانا قلت اذا لزم الامر اقتلووووا

....... طعنت واحد منهم طعنتين بس الثاني جاء وخفنا ننمسك وهربناااا

نادر: قتلته مااات والا لا

..... مدري بس شكله عااايش

نادر: ياااو يلكممم لو عرفوووا بشي كل شي بتتحملوووه انتممممم... قفل الخط ومشي بعصبيه...!!!!

.
.


بعد ثلاث ساعات من الانتظار
خرج الدككتور وفزوا ملاك والعباس لاعنده وبصوت واحد: هاه دكتووور كيفو

الدكتور: الحمدلله عدت على خير ولو الجرح عميق شوووية بس خيطناه وان شاءالله معافى

عباس: مابش اي مضاعفات يا دكتور او تأذى باماكن حساسه

الدكتور: لا لا الحمدلله

عباس: تسلم نقدر ندخل لاعنده

الدكتور: اكيد تفضلوا لكن لا تطولوا...!!!.

.
.


بالغرفة عند الياس وجه نظره بصعوبة للي دخلوا وابسر العباس وخلفه بنت عرفها انها ملاك

تقدم منه وباسه بجبينه: الف الحمدلله على سلامتك
الياس بتعب: الله ي سل مك

ملاك وقفت بعيد شوية وبهمس: حمدلله على سلامتك

بسرها الياس ومارد عليها: عرفتوا منهم

تنهد عباس من تعامله معاها: عاد رجال المباحث بالشقة ان شاءالله يلقوا دليل... انا شخررررج لاعند الضابط وارجع..... خرج عباس من الغرفة والياس وجه نظره لملاك: للمه جيتي لاهانا

ملاك:......

كرر من بين اسنانه: قللللت للمه جيتي لاهانا ما بتسمعييش ومع من جيتي

ملاك: جيت مع اخوووووك

الياس: ولييييش

ملاك: مابش مكان اجلس فيه وحبيت اطمن عليك لااني خفت عليك

الياس: وبأي صفة تطمني حضرررتش علييييا

ملاك:........

غمض عيونه وفتحهن وبقهر: تعااالي

تقدمت لاعنده ببطء ووقفت امامه

الياس اشر بيده على بقعه في السرير: اجلسي هانا

تقدمت وجلست جنبه بتردد

الياس: ابعدي هذا الغطاء منش

فتشت وبان وجهها وكانين خدودها حمر من بكاها وعيونها العسلي الواسعات محمرات من بكاها بس زادين من حلاها

الياس بسرها ورفع نظره للسقف: كيف لوما دخل وووا لل ببييت

ملاك: سمعت صوت باب الشقة بعدين................

نظراته لها وعقد حواجبه: ضربتيه بأيش

ملاك: بالمقلى

الياس ضحك بخفه ومسك مكان الجرح: ههههههههههه

ملاك: للمه بتضحك

وقف ضحك ورد: انا مستغرب بنت بعمرش كيف فكرت وقدرت تضرب رجال مسبع مربع

ملاك بابتسامه: اصلا بسرت تيه الحركه بفلم

مد يده وحط انامله على الجرح اللي تحت شفايفها: اذوووش ما قالوا لش

غمضت عيونها ونزلين دموعها بغزاااارة

مد يده...


















https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 38


شـفيــر الظــلام 🖤

👌🏻👇🏻 😍
📚 @rewayatyamania 🇾🇪


غمضت عيونها ونزلين دموعها بغزاااارة

مد يده وحطها خلف عنقها ولمها لاصدره وبهمس: ورررربي لا ادفعهم الثممممن غاااالي واللي خلققققني

ملاك ووجهها بصدره: خفت يعملووووا حاااجه فيني خفت يقتلووووك... انا مش عارررفة هم ايش يشتوا منننك بس شكلهم يعرفووووك انت واخوك...

رفعت راسها من صدره ومسحت دموعها: لانهم كانوا يتكلموا عنكم

الياس وقلبه بيحرق من دموعها: ما قالوا تتذكري كلامهم ذكروا منهم

ملاك: ماشي بس شكلهم بيدوروا حاجه مهمه... سكتت شوية بعدين تكلمت... ايوووه وسمعته قال ما نقول للسوداوي

الياس بصدمة: متأكدة

ملاك؛ ايووه ذكررره مرتين وزد اتصلوا له

الياس: داعي لي العباس

قامت وردت البرقع على وجهها داعت العباس ورجعت معه

الياس: روووح ملاك لاشقتنا وارجع لي

عباس: للاسف شقتنا دخلوها والكل يعني خطر عليها

الياس بألم من مكان الطعنه وعرقه بجبينه: ط ييب ابسر شقة غير الاوله استأجرها لوما اخرج وتعال بسررعه اشتيييك بموضوع

ملاك بخوف: واجلس لوحدي

الياس: حط اثنين عسكر للحماية لوما اخرج

عباس: طيب بس اللواء طالب زوجتك عشان التحقيق وشوية ويجي لاهانا

الياس: مابش داعي انا عارف بكل شي خرجها من المستشفى الان

عباس: سابر... خرج مع ملاك ودور بناية شقق واستأجر شقة وامر اثنين عكسر يجلسوا باب الشقة احتيااااط..!!!

.
.

بمقر نادررر...
اسامه: به طلبيه من خارج البلد من زعيم المافيا

نادر ونظره لتلفونه : بككككم

اسامة: مائة الف دولار

ابتسم ولف له: حلووو متى التسليم

اسامة: بكرة

نادر: رسل له الحساب ونرسل له طلبه....!!!!

.
.

في تمام الساعه10.00 العشي
فزت لوما سمعت طرقات على باب الشقة خطيت للباب ووقفت بحذر... دق الباب مرة ثانيه... وما صدت ترد وصلها صوته الدال على تعبه: افتحي انا الياس ومعي عباس

ملاك بهمس: طيب لحظه... خطيت لبست البالطو واتغطت ورجعت فتحت الباب بسرت الياس واقف مساند له عباس... دخل معه وساعده يجلس على السرير وقفت بالباب ونظرها لالياس اللي واضح عليه الوجعععع

عباس ونظره لالياس: هذا علاجاااته طبعا خرج على ضمانته والا عاده تاااعب.. خرج علاج ولف لها: هذا مهدئ اذا تألم والباقي الياس عارف لهن... انا ذلحين استأذن..

الياس: تسلم يا حيدي تعبناااك معانا

عباس: اليك اليك الاخبل هذا يشتي اندعه مطررراق لوما يررجع حسه

ابتسم بألم: هههههه اتحداااك

عباس: طررريقك تاااعب يووم ثاااني...يلا خاااطرك واي شي تحتاااجه اتصلت

الياس: سااابررر.....

خرج العباس وبعدت لثمتها وخلست البالطو واتقدمت منه:تشتي حاجه...

غمض عيونه مستعد للنوم مطنش لسؤالها..

تنهدت بألم وخرجت من الغرفة وغلقت الباب وجلست على الكنبة في الصاله...!!!
.
.


الصباح الساعه٩:٠٠
بيت الجد...
ام وليد: وايحين روووح وليييش مازد جا لاهانا

وليد: يمه الله يحفظش وقع معاهم عمل ضروري

الجدة: ولو ما يسبرش يرحله هكذا حتى اداته ماعاد شل له ولاشي

اسماعيل: هميتي الملابس عيشل من اقرب محل وبعدين كله لداته في شقته

زيد: وبعدين قال ان شاءالله يرمض معانا هانا

دخل ابو زيد وابو عباس: السلام عليييكم

الكل: وعليكم السلام

جلسوا واتكلم ابو زيد: مالك انت وهو مش في المدرسه

وليد: ماعاد الا مراجعه يا خال شوووية ونسير

ابو عباس: ولا تفوتوا دررس انتم وزاااري

اسماعيل: اكيد اكيد

ابو زيد: وين البنات

ام زيد: في الجامعه وين عيكونين...!!!

.
.


عند مــــلاك...
فتحت الغرفة وبسرته نوم على حطة امس تقدمت ووقفت جنبه وبهمس:الياس..الياس....

فتح عيونه وبسرها وبضبح: ماااهو

ملاك: ادي لك اكل

الياس: مع...

ملاك: بس ما يسبرش تجلس بدون اكل

الياس بعصبية: وانتي ايش اللي خصصصش اكثررر من مرررة اقووول لش لا تدخللللي في حاااجه تخصننني

لفت ومشت تخرج من الغررفة....

تنرفز من عدم ردها في كل مره وبصووت عالي: كوووني رددددي والا والله لا اقطع لش لسانش واخليش خرررساء من صددددق

لفت له وبقهر: طيب ما اقوووول

الياس حط يده على جرحه بألم : ولاشيييي اقللللعععي من عنددددي

ملاك: علاجك ماقد شليته

الياس: ما تفهممممي انتتتتي بين اقل اقللللع اخرررجي

قفت وخرجت من الغرفة.. والياس وقف بصعوبة واستند على الجدار ويده على بطنه وخطي للحمام ﴿عزكم الله﴾ المرفق بالغرفة















https://t.me/rewayatyamania/38966



📚 @rewayatyamania 🇾🇪