البـارت 4 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


اريام:فهوود دلا دلا عاد احنا نشتي نعييش

قصي:هههه شكله ناوي يطاير روسنا اليوم

ام فهد:صلوا ع الرسول ي عيالي مالكم بتفاولوا
وطول الطريق واريام وفهد وقصي بيتناقروا


بعدماوصلوا صنعاء*"*

شيماء:الله والحلا في صنعاء والله انها قممه

رهف:ماذلحين قمه ومن امس وانتي بتتبكوي

الكل..ههههههههه

اريام:هيا فههد متى عنوصل البيت تعبت

فههد:وصلللنا

الكل اين هو البيت

ابو فهدد : هذا البيت

الكل : ماشاء الله ضخم

اريام ورهف:بيزقعين وفارحات
الله والحلا صنعاء حاليه قووي

دخلوا البيت واعجبهم وكل واحد دخل غرفته يرتب وناموا بعد السفر الطويل


*‏انسى الالم انها مجرد حياة ولن تدوم*😴♥✨



في صباح يوم جديد مع زقزقة العصافير**

قامت اريام وكلها لهفه وفرحه

رهف: ايش الابتسامه الحلوه هذه

اريام: قولي ماشاء الله عتمرعيني

قصي: عيمرعوش على حلاتش

اريام: وانت ماقد قام بك من ذلحين

قصي: ماقدرت انام

اريام: ياجماعه مارأيكم نخرج نتمشى

رهف؛: ايوه ايوه امانه هيا ياقصي

قصي: يله البسين بسرعه نخرج نفعل لفه للحاره ونرجع قبل ما يقوموا

لبسين وخارجو يتمشوا

اريام: ياي ما احلى هوا الصباح النقي

وجلسوا يتمشوا ويتعرفوا ع حارتهم اكثر


فوق الغداء***
ابو فهد : اريام ورهف غطوه معاكن مدرسه قومه من راس الصبح وقصي عيوصلكن المدرسه حقه قريبه من منكن


في الليل***

جالسه رهف بتفكر يووو يعلم الله كيف المدرسه والمدرسات والبنات عيحبننا والا معع

قاطعت عليها اريام: يالوووه وينو حسش

رهف: ياخبلا واالله ان انا مفتجعه مدري وما نتاقلم مع البنات والمدرسات

اريام: هي من نفسها خايفه بس حبت تقوي اختها
اريام: ولا عيقع شي انتي تبسري انهن عيحبني كلهن
رهف : مجنونه


الصباح...**"

شيماء: اريام اريام قومي مش من اول يوم تتاخري

اريام ورهف نقزين بسرعه : يله يله

لبسين وتكشخين وعيمشين المدرسه

عند قصي اللي طالع مزز

اريام: جبررر اخي الحالي ذيه

قصي: اسلمي اسلمي ياربحه

اريام:ربحه هاه جزاتي حين بين امدحك ماتستاهل

قصي:امشي امشي تأخرنا

كلهم : يمه مع السلامه

ام فهد: الله معاكم


في المدرسه *
اريام: دخلت لها ودكمت رهف ماشاء الله كبيره قووي

رهف: اي والله على الله نتاقلم

ومشين ووصلين ع نهايه الطابور

دخلت كل واحده فصلها


في الفصل
البنات بيبسرين لعند اريام لان عادها جديده

الاستاذه:عرفينا عليش ياقمر

اريام:بكل ثقه انا اريام احمد الــ.....وعرفت عن نفسها
والبنات كلهن اعجبتهن جرأتها

الاء: ماشاء الله عليها والجرأة

لمار: انتي اي وحده جديده تعجبش


في الراحــــــــه*
اريام جالسه وبتراجع قاطعها صوت الاء

الاء:هااااااي

اريام:هاياااات

الاء:اممم كيفك اريام

اريام:تمام الحمدلله وانتي

الاء:تمام ممكن نتعرف بحضرتك

اريام:ههه اي عادي وجلست مع الاء وتعرفين وصارين صاحبات وتعرفت ع شلة الاء وكل البنات حبينها معدا لمـــــــار


اريام ورهف
مع قصي مروحين من المدرسة***
خرجووا من المدرسه وبه عيال خيرات:

اريام:ماهو هذا ي قصيي منين جوا هولا كلهم

قصي:يا هبلا طريق بيتنا من بوابه العيال

رهف: وانت كان عتتاخر والا تتقدم جايي تخطينا ع الرواحه

اريام: لا تصدق ضخم خلينا نتعرف

قصصي: بسرها بنص عين قالها شحطه نزلي الخنه وامشي ساع الناس

وهي امانه ياقصي ابسر ابسر ذيكه الولد بيبسر لعندي والله ان هو قمممري

قصصي: صدق اللي بيستحوا ماتوا









📚 @rewayatyamania 🇾🇪

البـارت 5 🧡


*ملـــــــح الحــــياة وســكـــــــرها* 🧡🧡🖇

👌🏻👇🏻 😍
📚 @rewayatyamania 🇾🇪


فوق الغداء
فهدد : كيف المدرسة معاكن

اريام:والله انها قووه الاستاذات كلهن حبني واتعرفت على نص الفصل
وصاحبتني وحده حاليه قووي اسمها الاء

قصي:ماشاءالله عليش تعرفتي ع نص المدرسه

اريام:كان ماتشتي خلينا نتعرف وبيجي موووت


في الغرفة:
اريام: سارحه وبتبسر من الطاقه والله انه نفسس الولد هذك المزز شكله ساكن في الحارة حقنا وفرحت


اليوم الثاني في المدرسه:
الاء بتذاكر هي واريام طبعا اريام ذكيه

الاء: ماشاء الله عليش كيف بتجاوبي في الحصه وعندش الجرأة تقومي تشرحي

اريام بتفاخر : اعجبش


بعد انتهاء الدوام *
اريام : يله خاطرش اخي مراعي لي

الاء: الله معشش امم لحظه لحظه الا اقلش وينو بيتكم

اريام: في حاره ال...

الاء:صدق وبيتنا هاناك خلاص نكون نروح جمعه

اريام: حلو

مشيين اريام ورهف والاء مروحات

اريام: مشت وبتتبسر الولد حق امس وبتقول في نفسها ماشاءلله على قبله فيه

الاء:هذا اخوش

اريام: انتبهت لها وبسرت لعند قصي ايوه هذا اخي الاهبل

الاء:ويله عليش والله انه مزز

اريام:بخبث او اعجبش وتغمز لها

الاء:خخخخ بايخه

وصلت اريام للبيت والصدفه بيت اريام وبيت الاء جننب بعض

اريام: خاطرش

الاء: هذا بيتكم

اريام: ايوه

الاء: واحنا هذا

فرحين الثنتين عشان يكونين يذاكرين جمعه ويمشين جمعه

وصلين رهف واريام قدهن مدوخات
اريام: يمه اين الغداء قدنا جااوعه

شيماء: يله جاهز صلين وجين


في اليوم التالي *
اريام قامت الصبح وتجهزت عتخطى المدرسه
خرجت مراعيه لآلاء اتفقين يخرجين سبع ونص

اريام:هيا ويني هذه مالها تاخرت

الاء:هيا امه انا عتخطى اريام اكيد قدها مراعيه

ام كنــــان: الله يفتح عليش

الاء:قولي لكنان ان انا عتكون اخطى مع بنت جيرننا معادناش بحاجته

كنان:الله الله من لقاء احبابه نسى اصحابه

الاء:مش انا فاضيه ارد عليك لوما اروح ومشت مسرعه

كنان: الله يعيننا عادي بتأجل اللقانه لوما تروح هههه


اريام: مالش تأخرتي ي ربحه عيغلقوا المدرسه

الاء: بين اتجاكر انا وكنان الاهبل
واسرعين قبل ما يغلقوا المدرسه


قصي: جالس بيذاكر قاطعه الياس ومحمد وباقي شلتهم

وائل:مابتسوي هنا ي حالي

قصي: من اشكالهم عرف انهم بيدوروا مشاكل قصي بسرهم و طنش

محمد: وائل بيحاكيك جاوب

قصي ساكت

اتنرفزوا وبدأوا يداهفوه

قصي:ماتحمل وبدأوا يتضاربوا


في الجهه الثانيه***
وسام: ابسر ابسر وائل وشلته من اول وهم يشاغلوا هاذكه الولد وهو مطنشهم ونرفزهم وبدأوا يتضاربوا

كنان:قوم قوم نسير معه هو واحد وهم اربعه

كنان وصل وبيكلم وائل:مالك عليه ي وائل

وائل: وانت ماعليك يا سوبر مان عتقتلب المنقذ من تمشكلنا معه جيت تفارع

كنان: غلطان وعادك تتفلسف

وبدأوا يتضاربوا شلة كنان مع شلة الياس

وقصي:مستغرب ليش هولاك اتمشكلوا معه
وكنان ليش اتقدم له بالمساعده مع انه مايعرفه

الاستاذ سمع صياحهم وهم بيتضاربوا وعارف ان الياس وهو الغلطان لانه صيته في المدرسه كلها انه حق مشاكل

الاستاذ:يله ي الياس انت وحققك الغاغه قدامي للادارة

الياس بسر لعند كنان بنظرة حقققد انا اوريك
وانفه بينزل دم وبسر لعند قصي بنفس النظره عتندم ع الكف وعترده عشرين

قصي: قام وفكه بيوجعه

كنان:سلامات مابيوجعك

قصي:بس فكي من الدكمه

كنان:قوم هيا جي نسير للصيدليه حق المدرسه ونجارحه

قصي:تسلم والله ماقصرت وقام معه

وهم في طريقهم للصيدلية كنان:الا ماقلت لي ايش اسمك

قصي: انا قصي وانت

كنان:انا كنان

الاثنين اتشرفنا


الاء واريام عند البيت *

اريام: يله مع السلامه جي عندي العصر

الاء: ان شاءالله عتقل لا امي


وصل قصيي وقده بيحس جسمه متكسر
ارتجم فوق الكنبه

اريام: حملت مالك ي قصي

قصي:حكى لهم كل القصه

فهد:من ول اسبوع مضاربه

قصي : وانا ما افعلهم هم بيدوروا مشاكل

شيماء:من هذا الولد اللي ساعدك هو وشلته انت تعرفه

قصي:ماشي معرفهش بس تعرفنا وقال اسمه كنان

اريام:سمعت اسم كنان وتذكرت الاء الصبح قالت في نفسها لا يكون اخوها اللي ساعد قصي



https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 6 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


في اليوم الثاني *
قامتت يووه قدنا متاخره قومي قومي ي رهف الاء عتخطى
لبست وخرجت لعند الباب

اريام:يارب وماقد خطيت فتحت الباب بسرتها واقفه مع ولد

اريام:من هذا الي بتحاكيه اريام وعادها بتضحك هي وياه الله يستر كان عتسال ع اخلاقها قبل ما اصاحبها

اريام: لكن والله شكله الولد المزز والله وعرفت تختار الكلبه اسير اتاكد

وصلت اريام لعندها : الاء هيا نمشي عنتاخر

الاء:بسرتها حيا بروحي حيا

كنان:بسرر لعند اريام بتامل وفي نفسه ماشاءالله والحلا فيها وقال لالاء هي هذه اريام اللي دحستينا عليها

اريام:بسرته بنص عين في نفسها وعادها بتحاكي خلق الله مني
ومشت

الاء:ايوه هي او اعجبتك وغمزت له ومشت بعد اريام

وهو بسرها : اعوذ بالله انا تعجبني هذه

الاء:لحقت اريام هاه هاه مالش راعي

اريام:انا ما اخطاش مع بنات بيحاكين عيال وعادهن يحاكنهم من صاحبتهن

الاء:ضحكتت وحبت تجننها هذا ماهو شي عدباقي معي غيره ملان

اريام:بسرتها بنص عين

الاء:لاتصدقي ياخبلا هوو اخي

اريام:بصدمممه اخووشش

الاء:ايوه اخي كنان

اريام:استغربت وفرحت في نفس الوقت انه قريب من بيتهم بس تذكرت كلامه وقالت اهاا قد قلت يعلم الله من بتحاكي ..

الاء:الله المستتعان انا اشرف من الشرف وطرراخ في ظهرها


«اعرفكم على " كنان " كنان اخو الاء اكبر منها بسنه
كنان قاااامز قوووي وشخصيه ومزز وخفيف دم يعني زباج ويحب اخته الاء وامه لانهم اللي بقوا له وهو المسؤول عن البيت من بعد ابوه الله يرحمه صف ثالث ثانوي عمره 19 »


قصي في المدرسه جالس بيذاكر

كنان:السلام عليكم

ققصي:وعليك افضل السلام

كنان:مالك جالس هانا لوحدك جي اعرفك على شلتي

قصي: تمام وقام معه


عند الشله**"

كنان:طبعا انا كنان

الشله كلها هههههههههههههههههه

وسام:هههه احلف اول مره ادرى

ليث:اتشرفت بمعرفتك ي غالي

ايااان : ههههه بغير خباله ي كنان عرفنا ع صاحبك

كنان:بسرر لعند قصي القاف مايقدروش يسكتوا هذك وسام

قصي: ايوه اعرفه

وتصافحوا وتعرفوا عليه وتعرف عليهم وانسجم معاهم قووووووي

اياان: اتشرفنا بمعرفتك ي قصي
خلاص ماذلحين قدك واحد من الشله
اتحمل المصايب

الكل....ههههههههههههههههههه


في البيت
ابو فهد روح من العمل وجالسين كلهم بيتعشوا

ابو فهد: ها ياعيالي اعجبتكم صنعاء كيف انتوا في مدارسكم اتاقلمتوا

اريام:انا الحمدلله اموري تمام التمام

رهف:قدي تمام التمام ولا فلا لقيت لها صاحبه من نفس الفصل والحاره وزد البيت جنب البيت ماعاد عتقولي قلي لي انا اللي تعرفت عليهن كلهن ولا واحده من حارتنا

فهد: سهل سهل عتتعوضي

ابو فهد: وانت ي قصي كيف امورك

قصي:الحمدلله تمام معي صاحب واحد عرفني على شلته كلها

رهف قفزت : ماعاد عتقل انت داري يا به ان صاحبة اريام الاء وصاحب قصي اخوها وكلهم قدها اخر سنه

اريام ماتستريش تسكتي ساع الراديه اللهم لا حسسد

الكل ههههههههههههههههه



في بيت ام كنان
ام كنان: كنان ياولدي قوم ذاكر قدهي اخر سنه واصل وانت فوق التلفون اشتي ترفع راسي

كنان: ناهي يمه ولا عليش الا افرح قلبش وارفع راسش للسماء

الاء: يله عنبسر من عيجي نسبه اكثر

ام كنان: الله يوفقكم يا عيالي وابسركم احلا خريجيين ان شاءالله

الاء وكنان:ان شاء الله

الاء :اتصلت لاريام

الاء: الووو يسعد صباحك كيفك اريام وجمعه مباركة

اريام: هلا وغلا تمام الحمدلله وانتي اخبارك... وجمعتك ابرك

الاء:انا تمام الحمدلله مارأيش تجي عندي العصر نذاكر فيزياء

اريام:تمام ان شاءالله اكلم امي واردك خبر

الاء:يله مراعيه لش


في المطبخ *
قد انتي عجوز وما قد بتستري تفعلي شي اشتحطي
اريام: مادخلش مني قذا خلينا الشحطه لش

شيماء:غبني ع زوجش لقانه لسانش اربعه امتار وعادنتي ماتقدري تسوي شي

اريام:بتضحك بهستيريه... ضحكتيني والله ان هو مسكين بيحلم ببنت مدري كيف ع كيف واطلع له انا

شيماء: ههههههه ومعترفه

بعدما خلصين يغسلين الصحون وصلين

اريام: يماه

ام فهد: هاه

اريام: يماه الاء اتصلت لي وقالت اسير عندها العصر نذاكر فيزياء

ام فهد: تمام سيري لكن شحطه مغرب وانتي هنيه

اريام: بفرح على طووول

اريام:هاه الووو الاء

الاء:حيا بروحي حيا

اريام: امي رضت اجي

الاء:بفرح حلووو منتظره لش

اريام: شوي وانا عندش باااي

كنان دخل لعندها: ايش الابتسامه هذه ابو اسسد من بتحاكي

الاء:حبيبي

كنان:طررراخ في ظهرها هرع هرع

الاء:اححاه ياكلب لاتصدق يا اهبل بين احاكي اريام

كنان: اتذكرها وابتسم اها سابر وما قالت لش

الاء:وانت مادخلك

كنان:هاه يحسب الله ان انا اخوش الكبير

الاء:عتجي عندي نذاكر فيزياء

كنان:اهااا ونعم والمذاكرة


بعد نص ساعه*
ام كنان:الاء جاوووبي الباب

كنان:قفزز فتح الباب







📚 @rewayatyamania 🇾🇪

البـارت 7 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


بعد نص ساعه*
ام كنان: الاء جاوووبي الباب

كنان:قفزز فتح الباب

اريام:ويني الاء

كنان: يشتي يجننها
من الاء

اريام: اريام بخبث هاذك اللي بتلقط صحات
الا اختك من الاء

كنان: على لقانه

الاء دخلت في الخط:حييا حييا ب اريام

اريام: الله يحييش بسرت لعند كنان بسخريه هيا وخر من الباب والا عتجلس مركوز

كنان:اعوذبالله والفم معش ووخر من عند الباب

اريام:الحاصل ودخلت من جنبه وكلها ثقة


قصي:ضبح واتصل لكنان
قصي:الووو اخبارك ي شيخ

كنان:ارحب ارحب

قصي : تسسلم وين انت

كنان : هانا جي هوذانا عند عزوز صاحب البقاله

قصي : يله شويه وانا عندك


عند شيماء بتذاكر

رهفف:اصه ماهو الهدار ولاناا داريه مابتقولي

شيماء: مشو ضروري تدري عاد انتي صغيرة ع هذه الحاجات

رهف: عنقلهم مدري وانتي بتلعنينا بالانجليزي واحنا ساع الاهبل مش احنا داريين

شيماااء:ههههههه اكييد


خارجه من بيت الاء

اريام: يله يقلبي مع السلامه نلتقي غطوه ان شاءالله بكرري مش ساع يوميه

الاء: ان شاءالله

خرجت ولقت كنان داخلي بيتهم

اريام: اعوذ بالله ع الدخله والخرجه وهو قبالي

كنان: يحسب الله ان هو بيتنا

اريام:بتقلده يحسب الله ان هو بيتنا
قد احنا داررين محد بينكرك ومشت

كنان: بسر لعند الاء ماهي هذه من بنت اعوذ بالله على لقانه

الاء: هههههههههه وينو كنان اللي محد يقدر يسكته جت سكتتك

كنان:خخخخ بايخه يله قدامي داخل


في اليوم الثاني *

مشت اريام وقصي وعلى خرجتهم لقيوا الاء وكنان

اريام: اعوذبالله من راس الصبح نتصبح ع وشه

قصي: من هو

اريام:ولا احدد

كنان: يسعد صباحك ياغالي

قصي :وصبباحك اسعد

الاء:من اسعد

اريام:اسعد ابن عمي حمود ههههههههه

قصي:ههههه ذكرتيني به تقولي زد خطب يا اريام

اريام:خخ وانا مادخلني يخطب والا عمره

قصي: هو بيحلف مايخطبش الا انتي

كنان: مدري كيف حسس حس ان هذه الكلمه طعنته وهو مش فاهم لييش
كنان لا يكون بين احبها...

قاطعته الاء : ي الوووه اللي ماخذ عقلك يتهنى فيه

كنان:خييير

اريام:اقطبي اقطبي يا الاء نلحق الطابور ومشييين


بعد الاختبار كملت اول واحده اريام

اريام:الله الاختبار قمه بسيطط

الاء اي والله

لمـــار:بتبسرهن بنص عين والله انه ساع وجهها تقصد الاستاذه>>>

الاء: كله على المذاكره ياقلبي

اريام: اي والله ابردي لش منها
والله ان به جوو اليووم خخخورافففي سحابهه ومطر خفيف روووووعه

الاء:اي والله ايش رايش نخرج

اريام: فينه

الاء:الحديقه
انا عتكلم كنان وانتي اقنعي قصي تمام

اريام:حلو والله ابشري بعزش

وكل واحده دخلت بيتهم

اريام:بتضبط الخرجه نبعت لعند قصي
قصي ياقلب وروح اختك

قصي:ماقد به معانا ماقد في تفسش

اريام:فديت الذي بيفهموني

قصي: اشتي الزبده

اريام بتبسرر ع جوو امانه ان النفسيه محتاجه خرجه ي منعاه خرجنا نتلوى

رهف:ايوه ايوه والله ان به جوو بعشره مليون

دخلت ام فهد:ماقد معانا

قصيي:ابسري بناتش المجنونات يشتين يخرجين

اريام:قوا يمه مشو غر احنا احنا وبييت الاء قوا يمه

قصي:عرف ان الاء عتجي وبدأ يقتنع

رهف:قوا قوا يمممممه اليوم بسس

ام فهد: خلاص ي قصي خرجهن لكن فيسسع مغرب وانتوا هنيه

اريام: بفررح تمام الله يخليش لنا يممه لكن الله ما اسووق الا انا طبعا اريام عاشقه سواقه وهي حريفه

قصي:وانتي مادراش وين عنسير وعادش جديده ع المنطقه

اريام:بقههر لك هذه المره
اريام: الووو ي ربحه امي رضت عتخرج انا وقصي ورهف

الاء: وشيماء

اريام:شيماء معاها اختبار في المعهد

الاء: اها الله يعينها سابر اتجهزي نص ساعه ونمشي وانا كلمت كنان وانتي زيدي خلي قصي يتصل له

اريام:تمام ع طووول

اريام:قصي

قصي:ماقد به

اريام: اتصل لكنان وقله يجي معك

قصي:قد اتصلت له مابتبسريني رضيت اشلكن

ارياام:هو غر حن قد صاحبك عيجي ما انت مش معبر لنا

قصيي:ايوه بعدا من اي حين هوذا بتكرهيه

اريام : ايوووه مادخلك




https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 8 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


باب البيت اريام لا بسه بالطوو انيقه طالعه عليها روعه والكوتش الابيض، والحركات والبرقع مفتوح شبرين ههههه هي عتسير الحديقه وتشتي تغيض كنان
بكل كشختها نزلت تشغل السيارة
وهي بتفتح الباب وعلى الجو الحالي قد نفسها تطير خرجت فتحت السياره وشغلتها ونزلوا قصي والباقيين

طبعا كان كنان من اول يشوفها ويضحك ع حركاتها

وهي بتتجاكر هي وقصي ان هي عتسوق على الروحة وفي نفسه والله وتعرف تسووق ماشاء الله والجرأه فيها صدق بنت مجنونه وتنحب

قصي اتصل لكنان وقله يخرج وطبعا قد اتفقوا انهم هذه المره عيسيروا بسيارة ابو فهد والمرة الثانيه بحق كنان عشان لا يزعلوا


طبعا قصي بيسوق وكنان جنبه واريام والاء ورهف وراء

اريام: فتحت الطاقه وبتخرج يدها وراسها ومستمتعه بالمطر الخفيف

كنان بسرها: ياي ي مجنونه دخلي راسش فضحتي بنا

اريام: وانت مادخلك مني اعتقد اخي قصي مش انت

كنان: بسر لقصي وهمس له الله يعينك والاخت معك

اريام: الله يعين الجميع

كنان: والاذان معاها اعوذ بالله

اريام: الله يقلعش ي الاء كنتي عتجي وحدش انتي ووجع الراس

كنان: الله انتي ماتشتي يجي اخوها لكن هي تسير مع اخوش عادي

قصي: بسره بنص عين والاء بتضحك عليهم

رهف:بتمكنا هيا نخرج وعيمكنوها مجاكره

ساروا الحديقه ونزل المطر وكانت اريام والاء يتلاحقين ويلعبين بين المطر

اريام:تحببب الممممططررر خيييرات وتتمنى دايما الدنيا تجلس مطرر

*آحبُ آلمـَطـَر، بل و آحِب آلطـريـقهہ آلتي يـُلطـّف بِهـــ‌‏آ حدود آلآشـيـآء آلتي يتسـآقطـُ عَليـهـــ‌‏آ.. عِندهــ‌‏آ يصـبحُ آلعآلَمـُ مـُعتِمـآً بِطـريـقهہ نآعِمـ‌‏هہ و لَطـيـفهہ.. وقتَهآ آشـعُرُ گمـآ وَ آنَني ذُبتُ في دآخِلهہ وكانما ولدت من جديد‌‏ ..*♥😴


قصي وكنان بيبسروهن وهن بيتمجننين ويضحكوا عليهن

كنان: اختك الفيوزات حقها خربانه

قصي : ما اختك العقل بيتساقط منها

كنان:الا مجنونه بس مش نفس اختك ههههههه

طبعا قصصي طول الرحله وهو بيبسر لعند الاء والاء نفس الشي

الاء:يارب يكون معجب فيني مثل ما انا معجبه فيه وفرحت ومشت

اريام والاء ورهف اتصورين واشترين غزل بنات ولعبين السفينه اريام اكثر لعبه تحبها السلاسل

قصصي.: هييا امي عتصيح

اريام:قوا ي قصي زييد لعبه

قصي:تسع لعب سلاسل وما قد قنعتي

اريام:عينك يامنعاه زد هذه ماعتروحش التذكره


فوق السياره

الاء: والله ومضيتي قولش

اريام: بفخرر اعجبش
وتذكرت الله يقلعك ي قصصي انا قلت عتسوق انا على الروحة

كنان:والله عادحنا نشتي نعيشش

قصصي:ايوه صح قده ظلام ومطرر المره الثانيه

اريام:طوووز فيكم اهم شي اليوم احلا يووم

مرت فترره ع ابطالنا *

علاقة اريام وكنان صارت قويه وكل يوم مصياحه ومجاكره

الاء وقصصي كل واحد حاسس انه معجب بالثاني


شيماء:اتقدم لها عمر صاحب فهد والعرس بعد ثلاثه اشهر

وفهد خطب بنت عمته

اريام: الله ي رهف عنتعررس حرام لا اخيط اضخم فستان واتسرح احلا تسريحه

شيماء: ان شاءالله لا تتشوقيش بعدا تقرح في راسش

قاطعتها الاء
الاء: اي والله

اريام: ماعيقع شي

الاء: قومي قومي نذاكر هييااا الاختبارت قربت

اريام: يله يله

المغرب*
الاء: خاطرش والله ان قده شرق وامي عتصيح

اريام: مايقع لا جلستي عندنا

رهف: امانه اجلسي

الاء: في عرس شيماء ان شاءالله

اريام مافي عررس شيماء قدو اكييد والله لا ازعل لو ماتجلسي

الاء:الا ان شاءالله اجلس

في اليوم الثاني بعد العصر ***
اريام: اففف ضبحت مذاكر

الاء:اي والله

اريام: يابنت خلينا نخرج نفعل لفه للحارة ونسير للبقاله حق عزوز نجعل ونشتري اندومي

الاء ورهف:ايوه ايوه يم يم

خرجين لما قدهن عيوووصلين للبقاله



https://t.me/rewayatyamania/30495



📚 @rewayatyamania 🇾🇪

نـكــــت روووعة تموتـك ضحـك

البـارت 9 🧡


*ملـــــــح الحــــياة وســكـــــــرها* 🧡🧡🖇

👌🏻👇🏻 😍
📚 @rewayatyamania 🇾🇪


خرجين لما قدهن عيوووصلين للبقاله

رهف : مابيفعلوا المشايخ حقنا عند البقاله

اريام:يفف ماعناخذش راحتنا

الاء:نزلين الخنه

وصلين للبقاله وهي ملانه عيال وجهال صغار

الاء:الله يقلعش والزحمه

اريام: اريام واحنا مانفعلهم هاه هاه عزوز اقطب زلجنا ادي اندومي وحار نار وو......

كنان:هاذك الاء مابتسوي بين الزحمه هذه

قصصي:ورهف واريام انا عتوريهن

الاء:اريام ياكلبه ابسري ابسري كيف قد بيبسرونا قد عياكلونا بعيونهم

اريام:طوووز ما افعلهم ي سعم مدري مابنفعل
وتحاكي صااحب البقاله
هيااا عزوز اقطبنااا زلجنا بعدا زلج الغاغه هذه

رجعين وكل واحده في يدها كيييس ملان جعاله

كنان وقصصي باب البيت
وين سرتين

اريام: ي سععم مش انت داري

كنان: يحسب الله ان به رجال اتصلين واحنا عنسير نجعلكن بتسيرين تتميلحين عند البقاله كلكن

اريام: انتت ماتدخللش بتحسسني انك ابي وتاشر للبنات هيا هيا انتي وهولا الفرغ بدل ما انتم جالسين بتانتروا عند البقاله سيرو احفظوا لكم كلمتين
ومشت

قصي: انا عترويش

كنان: اختك هذه عتجنني

قصصي: هو صدق وانت مادخلك

كنان: باحراج هاه يحسب الله ان اختي معاهن

قصصي: متاكد وغمز له

كنان: خخخخ زباج

البنات <<<طلعين ي كلين الجعاله ويتجابرين كيف عيفعلين في عرس شيماء وايش عيرقصين لها من رقصه

الليل..
بعدما كملوا يتعشوا
ابو فهد : مشو على ماتشتي قد اديت للرجال كلمه

فهد:ي به مالك ماتكلمني من اول اجهز اموري

ابو فهد: عرسك مع شيماء وانا عتجهز كل شي ولا تقلق هذا اخر كلام

اريام:الله والحلا عصفورين بحجر واحد

فهد: مستغرب من قرار ابوه بس قال في نفسسه سابر انا عليا اتزوج ومادخلني

قصي: اي والله يا به قدي هذك الهوكه

فههد: ما انتم ماعتقلوا

قصصي: وانت ماعتقل اتعرسس سكته


مررت الاسبوعين وكلها تعب اريام وقصي شغالين ويجهزوا ومعاهم كنان والاء

وام كنان:يو ي الطاف الله يعينش والله ان هو تعبب
ام فهد: اي والله لكن والله ماقصرتي انتي وابنش وبنتش معانا

ام كنان:الله المستعان ولو واجبنا


في اليوم التالي***
باقي لعرس شيماء وفهد اربعه ايام وبدأت الجلسات في البيت

االاء:بتدقدق بيت اريام

قصي: من

الاء: ويني اريام

قصي:ي اريام جاوبي الاء

الاء: في نفسها محلا اسمي في لقفك

اريام:حيا حيا

الاء:يوو مالش ماقد لبستي

اريام: ماعتسرش واستأذني لي من المديره

الاء:تممام واستأذن لي والكل

اريام:هههههه ايوه

بعد العصر **البيت ملان

شييماء: اريام ادي الشذاب من الصفيف وجي سبري الزنه عيجين صاحباتي

اريام:يله يله

وطول بعد الغداء وهن بيرقصين ويحجرين وماخلين شي ومافعلنه

ومرت ثلاث ايام ع هذا الحلا والبيت ما بيفضى وقصي مسكين مهاجر ولا بيخلوه يدخل

قصصي: اففف ايحين عيكمل العرس

كنان:ههههه اتشردت

قصي: ياخي ضبح اقسم بالله

كنان: ماباقي الا القليل جي نسير نبسر اللي بيركبوا المخيم

طبعا المخيم لفهد.....

الليل...
اريام واخيرا عترقدي عندنا ي ربحه نتجابر

رهف: عذا البنات منويات ع سمره مع فنان اسير ارقد قدنا تاعبه

الاء:هههههههههههههه

دخلت ام فهد: رقده يابنات غطوه قومه بحين عشان تسيرين الكوافير

اريام:اي والله
وناميين

يوووووم عرس فهد وشيماء
الكل فااارح ومبسوط من فرحهم

اريام قامت فجرصلت وقومت البنات وهي خارجيه لقيت فهد طررراخ في ظهره بسرته بسخريه انت عتتزوج وانا معع

فهد: دلا دلا عليا انا حريو احترميني حتى اليوم
بعدا ماعاد بتستحيش
عاد قصصي اكبر منش ومابيتحاكاش

مشي قصي وسمعهم : الا عتتحاكى وافعل ثوره خلي اليوم يمضي ع خيرر

اريام بمكرر :وانا معك شفعل ثوره لكن ذلحين بسرعه وصلنا لعند الكوافيره بعددا سهل








📚 @rewayatyamania 🇾🇪

البـارت 10 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


عند الكوافيره***

انا مادخلني لا ماسبرش التكسير حقش بتتحركي وتتحاكي وتتصلي اجلسي سكته

اريام:هيا ناهي بسرعه قالت ما عيسبرش اقسم بالله لو مايسبر نهايتش ع يدي

الكوافيره:عاد فوقها تحداث ولقانه

اريام:خلاص انتي وخري مشتيش تسرحيني انتي ادعي تيكه

الكوافيره:ع قلة حياء الله يعين زوجش عليش

اريام بسخريه :مادخلكم من زوجي كلكم االله يعينه ياسعم اني عتعامله مثل ما بين اعاملكم امشي من عندي كسرتي راسي هدار

الاء:مالش ي اريام

اريام: بتقلدها باستخفاف...غبني ع زوجش

الاء:ههههه بس ماهذا هو صدق وقالت بصوت واطي غبني ع كنان

اريام:ع فكرره سمعت

الاء:اعوذبالله والاذان معش .... انا حاسه ومتاكده ان كنان يشتيش وعيرجع يجي ويخطبش وانتي عتبسري انا ادرى ااخي

اريام: فررحت قووي لانها هي والكل تحب كنان بس الاثنين بيعبروا عن حبهم بالمجاكره وعاجبهم
االوضع
اريام:ناهي ناهي امشي كسرتي راسي فوق ماقد فوقي هذه بكلها
تقصد التسريحه >>>

الاء واريام: طلعين لا عند شيماء وقد الوقت متاخر

ارريام: ماشااااء الله ع اختي القمممر

الاء: والله طالعه روعه ي شيوم الله يسعدش

شيووم: امين يارب


بعد ساعه<<<خلصين
اريام اتصلت ع قصي ومابيجاوبش
اريام: ياارب ماله هذا مابيجاوبش قدو شرق نشتي نروح شيماء

الاء: اي والله تقلي ماله قصي مابيجاوبش

اريام: والله مدري قد عتجنن

الاء: خلاص مارأيش تتصلي لكنان يجي لنا

اريام: اتصلي له انتي وينو تلفونش

الاء: تلفوني في البيت لكن انا حافظه الرقم

شيماء: هيييا اريام تاخرنا

اريام: اوووف ياربي خلاص هاتي

الاء....... 77-

كنان جالس عند السوبر يستلم الضيافة
تلفونه ترن ترن

كنان: بسره رقم غريب وطنش

اريام: عاد الخبير بيرن ومابيجاوبش

الاء: جربي مره ثاني جربت مرة ثانيه

كنان: الوو

اريام: قدي خازيه لكن قوت نفسها

كنان:سمع صوت بنت

اريام: ايوه معك اريام

كنان: فررح قال في نفسه حيا بروحي حيا كنان ايوه ماقد به معانا

اريام:وين قصي

كنان:مدري والله يمكن سار يبسر الفنان هو كلمني الصبح ان قد جواله مخلص من الشحن هو مشرد مافيش وين يشحن

ارياام:اووف بين اتصله مابيجاوبش واحنا في الكوافير وشيماء تاخرت انت وينك

كنان: امم خلاص خلاص لاعد تبكي شويه وانا عندكن في اي كوافير

اريام وصفت له المكان

شويه وبيتصلها هيا اخرجين انا باب الباب خرجين وقد اريام عتموت خزاء وبتدعيي ع قصي

الساعه 5/30المغرب في الصالة***
شيماء:يو يمه خازيه ومتوتره قووي بين احس بدوخه

الاء: مش حاجه جديده كل العرايس هكذا قوي نفسش وماعيقع شي

بعد شويه دخلت ام فهدد
والدموع في عينها وهي بتبسر بنتها عروسه
ام فهدد: ماشاء الله صلاة ع النبي ع القممر حقي

اريام: بقهرر وانا يمه كيف انا ماقلتي لي رأيش

ام فهدد: ابتسمت والله انكن كلكن قمر طالعات ع امكن

اريام: كانت لابسه فستان رقيق وانيق جددددا وتسريحته تكسير روعه طلعت قمه ع شعرها
الطوويل والمكياج الخفيف االشبابي طلعت مزززه

الاء: ماشاء الله على القمررر طالعه تجنني ي اريام

اريام: تسلمي ياقلبي وانتي كمان

ام فهدد: هيا زفة قدو شرق تاخرتين في الكوافير

اريام: بقهر انا شارويه قصي


بدات الزفة***
بدأت شيماء تنزل برقه من الدرج ع اوتار النغم

طفيت الصاله بالكامل وبقت الانوار متمحوره عليها بفستانها الابيض الناعم وهدوءها المعتاد عكس المجنونه اريام


مشى اليوم وكله افراح وبهجة ع عائله ابو فهد

في الليل
اريام : يمه هيا جهزوها قد قصي بيتصل المخرج مراعي

جهزت شيماء وزفوها زفة الخرجه

اريام ورهف والاء وصاحبات شيماء كلهن زاعلات على فراق شيماء

وام فهدد بتبكي وام كنان بتهديها

خرجوا شيماء ورجعوا البيت عشان يستقبلوا عروسة فهد

وصلت اريام البيت والمخيم والفنان والشكه حق اللمبات ملان الحاره صح زعلت ع شيماء بس فرحت لاخوها قوووي
مشيين من جنب البيت

الاء:ابسري ابسري كنان بيبترع يووو جبره

اريام: انتبهت له وكاان شكله خقه كان لا بس ثووب والكوت مفصل عليه والعسيب والشال والاالي كااان شكله كششخههههه

اريام: مش الا اخووش ابسري قصي جبررره والقبله فيه

الاء: ماتسخاش ع قصي ايووه كلهم ماشاء الله الله يحفظم

اريام: اممممين

رهف: اريام اريام

اريام: ماههوووو

رهف: ابسري ابسري المتيم

اريام ع طوول عرفت انه اسعد
اريام: بسرته اوووف وهذا ما جاء به

رهف: يحسب الله انه عرس ابن عمه


عند فهدد***
بيزفوه وكلهم فارحين من فرحته وبيبترعوا

قصي: ي اسسعد جي افعلك برعه

كنان: على طول يشتي يعرف اسسعد هذا اللي يشتي يخطب اريام

اسعد: اسسلم انا هاذا مرتاح

كنان: في نفسه هو هذا... انا احلا منه الف مرره



جت عروسة فهد....



https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 11 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


جت عروسة فهدد
وفتش لها واتصوروا هو وابوه وامه واخواته

وانتهى اليووووم على خير ع عائله ابو فههد


ابو فهدد:والله وجاء اليوم اللي ابسرت عيالي حراوى عاد باقي ابسر عيالهم وعيال قصي واريام واموت وانا مرتاح

امم فهدد: اي والله الله يسعدهم وقصي واريام نزوجهم جمعه

ابو فهد:ههههه ي سعم انه شرط لكن ع الله بدل الفرحة فرحتين

ام فهد: ان شاءالله


في صباح يوم جديد *
الكل ناايم بعد التعب الطويل

ام فهد: اريام اريام قومي الساعه11

اريام: امممم
يمممه قواااا خليني ارقد بين احس جسمي كله متكسرر

ام فهد: ام فهدد الله يعيننا عليش والعناد فيش


بعد نص ساعه رهف: اريام اريام قومي قومي اسعد جالس عندنا

اريام: اففف مش انا ناقصه ماجلس يفعل

رهف: يعلم الله مافي راسه علة مافهمت منهم وهو بيحاكي ابي انه جاء يخطبش

اريااام: افف بين اسمع اسمه وتسدد نفسي


فوق الغداء
ابو فهد: ويني اريام

قصي: عادها تاعبه من العرس

ابو فهد: سيري ي رهف ادعيها

رهف : اريام جاوبي ابي شكله يشتي يكلمش من موضوع اسعد

اريام: ماتشتوا يابه

ابو فهد: خير ان شاءالله مابلا اسعد ابن عمش حمودد جاء ويشتي يخطبش

اريام: اقتلب وجههاا ي ابه ماشتيش ماقد بين افكر اتزوج

ابو اريام: لكن اسععد والنعم به

اريام: حسست انها لازم تبكي عشان تخلص نفسها وفي نفسها لازم عشان كنان
اريام: يابه بين اقلك مشتيش وبعدا اسعد انا بين اعتبره مثل اخي لا اكثر وبكت

قصي: يابه مشو بالغصب مش موافقه خلاص

ابو فهد؛: خلاص تمام ليش بتبكي يابنتي عنقله مابش نصيب وخلاص

اريام: تسسلموا يابه وفي نفسها قد عتطير من الفرح وووو نجحت الخطة


العصر ***
اريام والاء ورهف جالسات

الاء: والله مرة اخوكن طيبه وحاليه قوي

رهف: اي والله الله يسعدهم

الاء:بتبسر لعند اريام وهي سارحه وباين عليها ضابحه

الاء:يا الوه

اريام:هاه ماتشتي

الاء:مالش قالبه صورتش

رهف: كله من تحت راس اسعد

الاء:ماله اسعد هذا

رهف:جلس عندنا واليوم حاكى ابي عشان يشتي يخطب اريام

الاء: قوولي والله وما قلتوا له

اريام:غلقوا الموضوع خلاص انتهينا

الاء:كيف انتهينا يعني وافقتي

رهف:لا ماوافقتش فعلت لها دمعتين وقصي زد كمل وابي قال خلاص عيقله مافيش نصيب

الاء: ارتاحححت اها الحمدلله جبرره قصي


في بيت ام كنان

الاء: يمه كوني ادعي لي خييرات الاختبارت قربت وحفل التخرج بعد اسبوع

ام كنان:والله ان انا واصل ادعي لش انتي واخوش وبعدا ماشاءالله عليش من حن جت بنت احمد ال.... وانتي مجتهده

الاء: اي والله بس اليوم ماذاكرناش ولا شي

ام كنان:يووو ليش كان ماسرتي تفعلي

الاء:اريام كانت تاعبه وضابحه

ام كنان:سلامتها مالها

الاء:ولا شي بس ابن عمها من القريه جاء يشتي يخطبها وهو بيحبها من زمان وهي ماتشتيه

كنان كان ماشي وسمع يخطبها على طول دخل
: من هي

الاء: وانت مادخلك

كنان:بسر لها بنص عين

اصلا الاء قدي عارفه انه يشتي اريام
الاء: بس اليوم اسعد جاء يشتي يخطب اريام

كنان: ايوه وهي ماقالت

الاء: وافقت

كنان:اسالش بالله

الاء:بتضحك على شكله ايوه

ام كنان: وانت مالك مهتم زياده

الاء:بسرته وغمزت له لا تصددق يا اخبل ما وافقت اصلا هي تعتبره مثل اخوها

كنان:ارتتتتاح وفرررح وفكر يكلم امه قبل لا يخطبها غيره
كنان:يمه انا اشتي اخططب اريام

الاء:فرررحت قوووي انه تكلم

ام كنان: استغربت يووو يابني هوذا مابتسدوا دقيقه لكن والله ان انا فرحت من قلبي اشتي ازوجكم وابسر عيالكم

كنان:يعني موافقه

ام كنان:ايوه يابني اريام بنت ناس اخلاق وادب عتحاكي امها ولا شي نصييب ع بركة الله

كنان:فرررح قوي ان اريام عتكون خطيبته

الاء: لكن تحممل لقفها نصها

كنان: اووووص لا تتحاكي على خطيبتي

الاء: الله الله على اللي بيغاروا اول توافق بعدا اتحاكى

كنان: هي عتوافق انا متاكد

الاء: فديت الواثثثق ذيه



بعد ثلاثه ايام *

ام كنان:خلاص تمام اليوم شاكلم امها

كنان: اربعه ايام وانتي بتمكنيني غطوه بعده

ام كنان: خلاص اليوم اخر كلام يله امشي المدرسه عتتاخر








📚 @rewayatyamania 🇾🇪

البـارت 12 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


في المدرسه<<<

ايوه انا عارفه ان انا ما جهزت بس والله ما ازتف الاخيره قدها عتلقي كلمه الخريجات وقلنا يله

االاء: هيا اريام قصدش من زفه يو والعناد فيش

ازياء التخرج وصلين هيا نسير نجربهن
وسارين يجهزين ويقايسين الزي ويتصورين للمجله


نهاية الدوام*
اريام : جي عندي بعد الغداء نزيد نفعل اللمسات الاخيرة

الاء: ان شاءالله


ابو فهد وامه بيتكلموا
ام فهدد: ايوه صح نسيت ما اقلك ام كنان كلمتني قالت تشتي اريام لابنها كنان

ابو فهد: والله كنان والنعم فيه بس اريام يمكن ماتوافق ابسرتي كيف عادها رفضت اسعد وقالت مابتفكر بالزواجه

ام فهدد: اهااااا اي والله

ابو فهد: انتي كلميها نطيب نفوس الجماعة بعدا سهل ولا به نصيب على بركة الله

اريام ورهف كملين يغسلين الصحون وسايرات يصلين

ام فهد: هاه هاه ي اريام شوي احاكيش

اريام: خييير

ام فهد: خيير ام كنان

اريام نقزت من لما سمعت ام كنان
اريام: ايوه

ام كنان: تشتي تخطبش لابنها كنان واشتي اخذ رأيش

ارييااام: وجههاا مايتفسر بين فرحه وصدمه مش متوقعه في هذا الوقت
اريام: اممم يمه خليني افكر واصلي استخاره واردش خبر

ام كنان: الله يختار ما فيه الخير

دخلت ارياام الغررفه
وفيييها فرحه ماتنوصف هي كانت شاكه بحب كنان واليوم اتاكدت


‏*نصادف أشخاص لانعرف عنهم شيئا سوى جمال ارواحهم
‏مع الأيام يصبح لهم مكانة في القلب
‏وتكون الحياة بوجودهم أجمل💛✨*



رهف: الله الله على المتجاكرين حقنا قد كنت حاسه وغمزت لها

اريام: اووووووص انتي عادش صغيره على هذه الحاجات

رهف:هههههههههه على غيري


طبعا بكرره حفل تخررج ابطالنا
اريام: الدنيا مش سايعتها فارحه انها عتنخطب لكنان وكمان عتتخرج بكره مش مصدقه بكره ثمرة 12سنه من الجهد والتعب بذلته


قصي عرف ان كنان اتقدم لاريام وفرح قوي ويشتي يفاتح ابوه بموضوع الاء ع طول اتصل لكنان
قصي اخبارك يانسسسب

كنان: الله الله لا تحرجناش تمام الحمدلله وانت

قصصي : تمام الحمدلله والله وسويتها

كنان: بفخرر اعجبك يله جي هوذحنا مخزنين عند ايان

قصصي: يله

الاء واريام ورهف جالسات:
رهف: والله وطلعتين خطيرات بتتامرين ولا تقولين لي

اريام: اوووص عادنا دريت من امي والاء ماكلمتني

الاء: اي والله ماكلمتهاش خلي القدر يكتب مكاتيبه صح ي خطيبه اخي

اريام: ناهي قومي نفعلنا كلمتين

ونامين البنات بدري عششان معاهن حفل من الصبح *

قامت اريام فجر صلت وهي فاااارحة وبتزقع ملان البيت قومتهم وقاموا كلهم يتجهزووا

ابو فهد: اليوم لا تسوين ولا حاجه عنكمل الحفل ونسير المطعم ونسير نتلوى

الكل فااارح من فرحة اريام وقصي

اتجهزين اريام والاء ولبسين ازياء التخرج وتكشخين

رهف : ماشاء الله تجنني


الساعه 8
الاء واريام جاهزات خرجين والسيارة مراعيه لهن والسياره مزينه الف مبررروكك التخررج
على خرجتهن بسرين كنان وقصي باب البيت
اريام:بسرته واستحت

كنان: من اي حين هههه مبرووك التخرج وعقبى للبكالوريوس

اريام: وانت كمان

طلعين السياره وفتحوا اناشيد النجاح والتخرج
والكل فااارح

في المدرسه *
الاء واريام ازتفين مع بعض

في التكريم
اريام: الفرحه مش سايعتها بتبسر الناس متجمعين عشانهن ابوها رافع راسه انها اوائل وبتبسر الفرحة في عيون امها واخواتها

وبسرت كنان وزادت فرحتها

رهف: يحح جبرهن محلاهن وهن بالزي

ام فهد: كم لي مراعيه لهذا اليوم ابسر بنتي خريجه

وكملت الزفه و التكريم ولا يخلو الحفل من الفقرات المنوعه والمنسقه وكان حفل في منتهى الروعه

انتهى الحفل وكان احلااا يوم بالنسبه لابطالنا

بعد الحفل العالئتين ساروا المطعم وكملوا وساروا الحديقه وتصوروا

وروحو البيت بعد التعب الطويل




https://t.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 13 🧡


*ملـــــــح الحــــياة وســكـــــــرها* 🧡🧡🖇

👌🏻👇🏻 😍
📚 @rewayatyamania 🇾🇪


بعد العشاء في بيت ابو فهد:

اريام:اححح قدنا مقطقطه

رهف: قوا لارجلش من الصبح وانتي بتزقعي

شيماء: ماشاء الله كنتي تجنني في الزفة

طبعا شيماء سارت معاهم الحفل ورجعت عندهم

رهف: اي والله ابسرتي كنان كيف كان قد عياكلش بعيونه

اريام: فدييييييييته

شيماء: صدق اللي بيستحوا ماتوا


في اليوم الثاني

ام فهد: مدري مالي اليوم قلبي مكبووت

ابو فهد:صلي على النبي مالش

ام فهد:مدري كيف بين احس

ابو فهد: اذكري الله خيرات وماعيقع شي


العصر *
اريام: يماه انا عتسير عند الاء

ام فهدد:تمام سيري وقلي لام كنان تجي عندي

اريام: تمام
اريام سارت عند الاء
جالسات
اريام:يووو كيف البيت ضبح من غير شيماء

الاء:سهل عتتعودي
الاء:مابتسوي باب الطاقه من بتدوري من اول وغمزت

اريام: خخخخ بايخه مابلا مدري كيف بين احسس اليوم

الاء: مستغربه منها وبتحاول تواسيها : سهل سهل لا مابسرتيه ع الجيه عتبسريه ع الروحه

اريام: طررراخ في ظهراها انتي دائما افكارش مسمومه


الليل *
كنان: مساء الخير ي احلا ام في الدنييا وحب راسها

ام كنان:حيا بروحي حيا

الاء: بسرته بنص عين ماقد به معانا

كنان: اوووص انتي بيبسرها بتوعد
كنان: بس يمه اشتي اقلش متى عنسير نخطب خطوبه رسميه

الاء:بين اقلللش مايدي الكلام المعسول الا وفي راسه حاجه

كنان: فديت اللي بيفهموا

ام كنان:ولا عليك ان شاء الله اكلم ام فهد بكره

كنان: بفررح ان شاءالله


في صباح يوم جديد *
كان يوم بالنسبه لام فهدد كئيب مش عارفه من ايش
ام فهد: الله يستتر ما يجيني هذا الاحساس الا وعتوقع حاجه


اريام: هاذك اليوم بتزقع ملان البيت وتتضارب هي وقصي وفعلت ضجه في البيت

فههد: متى عتتزوج اريام يقع البيت هدوووء

اريام: قل بعد ما اموت ماحن اتزوج عتجلس فوق قلبك البيت جنب البيت وغمزت له

فهدد: هههههه الله يهديش


بعد العصر *

اريام
قوا ي ابه نخررج ضبح في البيت

ابو اريام: مش اليوم اريام معي عمل للرقبه

اريام: قوا ي ابه رهف سارت مع امي وقصي خارج
مابلا انا هانا ضبحت يامنعاه

ابو فهد: وتقدري تأثري فيني تمام اتجهزززي بسرعهة

اريام: حبت راسه الله يحفظك ياتاج روسنا
لبست وقدهم خارجيين

فهد: وين عتسيروا

اريام: المريخ عتجي

فهدد: ايوه راعوا لي المريخ المريخ

طلعو السياره ومشو اخر الحاره

فهد: حقنا المشايخ بيتمشوا

اريام:بسرت كنان وهو بسرها

كنان: هاذك اريام وفهد وابوك وين عيسيروا

قصي:والله مالي علم هوذا انا معك من اول

كنان:سابر


يا به على الروحه والله ما اسوق الا انا قدنا عارفه بالطريق

فههد: عادحنا نشتي نعيش

اريام:انت تسكت قوووا ي به

ابو فهد : تمام اهم شي سوقي دلا دلا

اريااام:الله يحفظك وبسرت لعند فهدد وبتحانكه
ساروا تمشوووا لماقده مغرب

اريام:هياا ابه نروح

فهد:من اي حين هاه تذكرت حين عتسوقي انتي

طلعوا فوق السياره

فهد:ي باه خليني اسوق انا

ابو فهد: خليها تسوق اليوم هي ماشاءالله حريفه في السواقه وتتعلم عشان تكون تسير الجامعه

اريام:شغلت السياره ومشوا لما قدهم عيوصلوا البيت
اريام:هيا ابسرت سقت ولا وقع حاجه

فهددد:انتببههههههههييييييي ي ارررررررييييييام ااااااااااااااااررررررييييياااااامممم
طرررررررراخ


في المستشفى<<<<

الدكتور : البنت عاد فيها نبض بسرعه بسرعه على الطوارئ


الممرضين دخلوا اريام الطورئ

ام فهد:مالهم تأخرووا ي الله استرر

رهف : يمه مالش ماعيقع ششي

ام فهد:قلبي مش مطمئن وتبكي


شويه وتسمع التلفون بيرن
ام فهد: من

رهف:هذا رقم فهد

ام فهد: جاوبي اخوووش بسررررعه

رهف: الوو

الدكتور هذا بيت احمد ال،....

رهف: قد عتبكي ايوه ليش

الدكتور: اللي كانوا فوق السياره فعلوا حادددث

رهف: وهي بتبكي وماوقع فيهم

الدكتور:للاسف ماعاد في الا البنت عايشه عادها في العنايه

رهف نكعت التلفون من يدها

ام فهد:سمعتتت وتهزر قصي من اكتافه قد قلت لكم قلببببي مشششش مطمئن وتبكي بحررررقة








📚 @rewayatyamania 🇾🇪

البـارت 14 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


في المستشفى >>>

وصلوا اهل اريام

ام فهدد : وينهم هم ما ماتووش اتاكدوووا فهدد مامتشششششش وتبكي بهستيرية

الدكتور: للاسف الاب وابنه اعطوكم عمرهم

رهف: دوخت

قصيي:بيبكي بحرقه ويصطنع القوة

كنان عررف وجووا للمستشفى

قصي:وين اريااام

الدكتور:البنت عادها في العنايه وهي لاحد الان في مرحلة الخطر

كنان: انهاااااار يارب وتخررج بالسلامه

الاء: بتواسي رهف وتبكي

ام كنان:صلي على النبي ي الطااف كلنا على هذذذا الطرريق

رهفف:ابييي ما متتتشش الدكتووور كذااااااب



بعد خمس ساعات انتظار
خرج الدكتور
قصي وكنان والاء كيف ارياام طمنا ي دكتور

الدكتور:لحد الان ما اقدرش اقلكم اي شي احنا فعلنا اللي علينا والباقي على الله
هي تعرضت لضربه قويه في الرااس

الاء: بتبككككككي باعلى صوتهاااا : اريام لا تفلتينيش

كنان كان حاسس بضيق الدنيا كلها فوقه


في اليوم الثاني
ومرررت هذي الليلة مثل الف سنه على بيت ابو فهد

طلعوووا اهل ابو فهد من القريه والدفن عيكون بعد الظهرر

عائلة ابوو فهد كلهم منصدمين

رهف تصحى شوي وتتذكر وتدوخ

شيماء:بتبكي وتحاول تهدي امها ومر ومرها فهد


في المستشفى<<<

جد اريام: ايش فايدة في التاخير واكرام الميت دفنه
ااالدكتور: وهذا الكلام السديد الله يعصم قلبك ي حج

جد اريام: اجرنا واجرك عظيم ما عيبقى الا وجهه


في الحاره<<<
صوت القارئ عبدالباسط يملا حارة اريام
والحاره كلها زاعلين عليهم


خرجوا الجنايز من الجامع وبدأوا يمشوا بهن للمقابر


رهف بتبسرهم من الطاقه وهي في عالم اخرر وتسمع انتقل الى رحمه الله.. احمد ال.... وفهد ال....

كانوا عائلة ابو فهد كانهم في كابوووس بششع ومنتظرين يصحوا منه

قبروا الجنايز ورجعوا للبيت وقصي منهاااااااار وكنان نفس الشي بس بيحاول يهديه

وهم راجعيين للبيت

قصي: يا الله كيف حصل هذا كله فجاه و يبكي ويمسح على وجهه وشعره بقوه

كنان: مالك ي قصي اذكر الله وقوي نفسك في هذه المحنه وكلنا في هذا الطريق

قصي: ياكككنان صعبب صعبب انني اتذكر ابي وفهد وانتهي بيرحمهم الله


مشيوا وسمعوا اثنين بيتكلموا

الله يرحمه ابو فهدد وابنه والله زعلت عليهم كان انسان طييب

الحج صالح:هو مايسير الا المليح ي علي
الحج صالح: وبنتهم اللي كانت معاهم تقل كيف حالها

علي:والله قالوا حالتها خطيرة قووي لان الضربه جت في راسها ويمكن تموت في اي لحظه

كنان:حسس انها طعنه في ظهره وكانه في حلمم بششع ماتخيله في يوم

قصي: سمعت ايش قالوا ي كنان: ياااارب صببببببرني واحفظ لي اختي


في بيت ام فهد الله يرحمه
البيت كان مليان نسوان وخلق بيجابروا الموت

ام فهد وشيماء ورهف ومرة فهدد في حاله لا يحسد عليها


في المستشفى:
قصصي: بيتعصب فوق الدكتور... كيف يادكتور ماتقدر تطمني ولها هانا يومين والله لو يقع باختي حاجه نهايتك على يدي

الدكتور: الضربه جت في الراس واحنا عملنا اللي علينا وهي الان تحت المراقبه وهذا امر الله مش هو بيد احد

كنان: خلاص يادكتور تسللم ماقصرت

كنان:اجلس ياقصي واتعوذ من الشيطان مالك

عندد اريام اللي كانت في حاااالة يرثى لها اريام كانت في العنايه وكل الاجهزه فوقها والاكسجين وكان وجهها وملامحها متغيره وكان ماعادت اريام


بعد اسبوع....







📚 @rewayatyamania 🇾🇪

البـارت 15 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


بعد اسبووع
في المستشفى
ام فهد وقصي وكنان والاء ورهف كلهم في الانتظار ما خلوا حد يدخل لا عندها

خرج الدكتور

الكل لعنده ام فهد : طمني عن بنتي

الاء: كيف هي اريام طمنا يا دكتور

الدكتور: معي لكم خبر حالي وهو ان المريضه اتعدت مرحله الخطر بس اللي استنتجنا انها عتجلس في غيبوبه

الكل فررح وحززن في نفس الوقت

كنان: كم المده مثلا

الدكتور: والله احنا مانقدر نحدد بس به ناس بيجلسوا شهر وناس شهرين وناس سته اشهر وناس سنه كله على حسبب

الكل سنننه وبداين يبكين

مرت ثلاثه اشهههههر على اريام وهي داخل غرفة العنايه

الاء ورهف وام فهد جالسات في الانتظار

كنان: كان جالس باب المستشفى وكل هموم الدنيا فوقه
كنان جالس بيفكر بمنظر اريام عندما سمحوا لهم بزياره وكان قلبه بيوجعه عليها

قصي: صباح الخير

كنان: وهو ضابح منين عيجي الخير

قصي: مالك ضابح انت اللي بتمكنني نصايح ترجع تضبح انت

كنان: يا قصي انا تعبت ابسر اريام تتعذب لها ثلاثه اشههر في غيبوبه يعلم الله بايش بتحسس وانا عاجزز ماقدرت اعملها ولا اي شي وخايف افقدها ياقصي

قصي: عوذب من الشيطان ياكنان مالك ماعيقع شي مش الا انت عاجز كلنا عاجزين هذه حاجات بيد الله وماعلينا الا الدعاء والله يرضى بما رضى وان شاء الله تخرج من المستشفى وتتحسن وتتزوجها وتوقعوا احلا عرسان

كنان: بحززن وفرح من كلام قصي الله يسمع منك ياغالي

قصي:ايوه صح امس قلي الدكتور ان هي حركت يدها وان شاء الله بداية خير

هم جالسين

الاء بفرررح : يا كنان ارياااااام فااقت من الغيبوبه

كنان:مش مصددق

وقصصي:اريام فاقت متى وقاموا


عند اريام
فاقت من الغيبوبه وكلهااااااا تعب والدكاتره حولها

اريام: وين اناا

الدكتور: انتي في المستشفى

اريام: مابين اسسوي هانا وكلمها الدكتور انها فعلت حادث

اريام تذكرت كل شي

اريام: ابي وينن ابي وفهههد وينهم

في هذك اللحظه دخلو كلهم لعندها امها حملت حضنتها وهي تبكي والاء ورهف وقصي

اريام: بسرت كنان وابتسمت له ابتسامه كلها تعب
اريام: وين ابي وفهدد وامها ساكته

اريام : انا بين اكلمكم وين ابيي وفههد
اريام:خلاص عرفت من سكوتهم انهم اعطوها عمرهم

اريام: كانت تبكي وتقوول ابي مامتش انتم تكذبووا عليا انا اللي خليتهم يصدموا انا اللي سقتت السياره
وكانت تبككي بكاء مهسسسستتر

الدكتور عملها إبرة مهدئه

الكل كان زاعل على اريام

في اليوم الثاني ***
اريام: ماعادت بحسها كانت انسانه ثانيه ماعاد بتكلم احد واصل سارحه وبتبكي بحرقه كانت جثه بلا رووح

قصصي:يعني نقدر نخرجها اليووم

الدكتور: ايوه نكمل شويه اجراءات وتقدروا تخرجوها بس اريام تحتاج عنايه تحتاج تخررج من الحاله اللي هي فيها

بعدما كملو الاجراءات خرجوا اريام من المستشفى

الكل كان فارح وحزين في نفس الوقت على حالته


اريام كانت عادها تاعببه وكانت كلما تتذكر تبكي وتنام وهكذا

الاء: والله مايسبر هذا اللي بتفعليه في نفسش ي اريام لش ثلاثه ايام وانتي ماتاكلي وكل ساعه بكااء
اريام كانت في حالة صدمه ماعاد كانت تتكلم كانين دموعها ينزلين بحرقه وخلاص

دخلت رهف وقصي

الاء:انا ماقدرت فيها عنييده

قصي: خلاص ي اريام ابي وفههد ماتوا والبكاء مابيرجعش احدد وكلنا عنموت

اريام: بحررقه كانت تتكلم بصوت مرتفع وتبكي ماتوووووا بسببي بسببي ياقصي فهد كان يقلي لا اسوقش عادو يشتي يعيش وانا بغبائي وعناادي ماوافقتت ليشش ما امووت معاهم وارتااااح لييش انا قتلتهم ياقصي وانهارتتتتت

مرت الحاله هذه على اريام لمدة شهر وهي في حاله إكتئاب حااد ماعاد كانت تكلم احد حتى كنان كانت دائما تبكي وتتذكرهم وتتمنى تمووت بعدهم لصقت صورهم ملان غرفتها كانت تجلس دائما تردد اسماءهم وكانت تجلس تصلي وتقرا قران وتددعي ان الله يغفر لها دائما تكتب عبارة


‏*ماتت فقيدي و لم تعد الحياه حياه، يؤلمني قلبي عندما اردد دعاء لميت ، دعاء لاشخاص كانت حياتي* بوجودهم * أجمل ، اللهم أبدل تراب فقيدي بالمسك و الريحان* *، و أبدل كفنهم بحرير الجنان و أجعلهم أسعد* *السعداء يارب*💔



https://t.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 16 🧡


*ملـــــــح الحــــياة وســكـــــــرها* 🧡🧡🖇


👌🏻👇🏻 😍
📚 @rewayatyamania 🇾🇪


بعد مرور وقتتت
بدأوا كلهم يقنعوها وكانت شوي شوي تقتنع انها مش السبب وانه قضاء وقدر وبدأت تجابر وتتكلم شوي وتخرج تاكل معاهم
وطلبت تكلم كنان بعدما كانت ترفضض حتى تسمع اسمه بس الحزن صار رفيق دربهااا وماعادت ارررررررييييييام المجنونه حق زماااان قلبها خلاااااص اكتسررررر



*تجــبرك هذه الحيــاةً. على أن تتغير بطريقة مؤلــمة ، بطــريقة ‏قاسيــة تكاد أن تقول فــيها لنفــسك أنا لـم اعــد أنـا💔*



بعد مرور سننننه على فراق اخوها وابوها
كان الحادث امسس الذكرى دائما في مخيلة اريام طيوفهم كانت دائما تمر من عندها مايمشي يووم وماتتذكرهم وتبكي حتى في احلامها بس اريام كانت قوتها بالله


*هذه الحياة لن تقف لتراعي حزنك أما أن تقف أنت وتكملها رغم انكسارك أو أنك ستبقى طريح للأبد*


اهم شي ان كنان قده مستعجل يشتي عررس
اريام طبعا ما وافقت
بس اقنعها قصي لانهم عيتزوجوا جمعه

قصي خطب الاء اخت كنان قبل ثلاثه اشههر
واقنعوها واقتنعت ان الحززن في القلب وان الانسان لازم يتعدى الحياه عشان يقدر يعيش صح ماكنت اريام الاوله المجنونه حتى انها رفضت تعممل عرس بس كنان يحب اريام بكل حالاتها ومستعد يضحي على شانها حتى بروحه وهو متاكد انه بيقدر يخرجها من حالة الاكتئاب اللي دخلتها


‏*شُكرًا للقلوب التي تحاصِرنا بالنور في أشد لحظات عتمة الحياة*✨♥



جاء يوم العررس ومحد عمل عررس احتراما لمشاعر اريااام

وكان قصي فارح ومبسوط ان الاء عتكون مرته وكنان نفسس الشي الفرحه مش سايعته

اريام: صح كانت حزينه بس مبسوطه عشان كنان هو الشخص المناسب لها وان هي عتتزوج حبب حياتها


‏*بينما كُنت تنتظر كوكبًا واحدًا، سيأتيك شخص ما* *ويُهديك مجرة بأكملها*



في الليل
اريام شلوها لبيت كنان

كنان:كان لابس الزي المعروف للحراوه ولبس هو وقصي نفس الزي كنان كان شكله كششسخه

اريام: كانت بفستانها والتسريحه والمكياج الرقيق طالعههه تجنن

كنان:دخل وقرا الفاتحة وبسرها وخقققق على جمالها كانت في منتهى الجمال
كنان: ايش هذا الجمال بكله تقل ملاااك سبحان الله مشش مصدق انك اليوم خلاص مرتي وحلاالي

اريام: اكتفتتتتت ب ابتساااااااامه سحرتتتته




بعــــــــــــد مرووورو ثلاث سنوات *

قصي: عايش هو وامه صح ماقدروا ينسوووا الماضي بس حاولوا يتأقلمووا

الاء وقصي مبسوطططين بحياتهم مرره...ثمره حبهم لندا واصيل

رهف اتزوجت ايان صاحب كنان وقصصي


اريام وكنان.........
مبسوطين والحمد لله ثمرة حبهم: فهددد وملاك..

كنان حاول يخرجها من حالة الاكتئاب صح اتاقلمت بس قلبهاااا خلاص انكسسر

..اريام؛؛؛ حاولت تتأقلم بس اي احد يفقد شخص غالي عليه خلاص يضيع طعمم الحياه االوان الحياه كلها تختفي بعيننه مهما مرر من الوقت على فقدهم ومهما مررت السنوات تبقى اصواتهم ضحكاتهم اطيافهم تلازم محبينهم في كل وقتت الله يجبر كل قلب ساالم من الفقد و الله يعصمم كل قلب فقد قطعة منه صح كلنا بنموت وما احد باقي غير وجه الله بسس جررررح الاسى ما بينتسسسى💔
مابيحس بهذا الكلام الا مجربينه...

*في الحياه تغمرنا اشياء جميله تسعدنا ثم تذهب ولا تتتعوود؟؟!*
*وكانها تخبرنا بانه لا شييي يبقى للابدددد* وهكذا نحن مجبرون على ان نعيش ونتذوووق *ملـــــــح الحــــياة وســكـــــــرها* 🧡🧡🖇



*~النهـــــــــــــــــــــــــــــايـــــــــة~*
😴🧡🧡




https://t.me/rewayatyamania/30495



📚 @rewayatyamania 🇾🇪