.

البارت 181 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



في مطبخ بيت سارة
سارة وامة اللطيف بيسبرين الغداء سوى
سارة: ي اماه انتي داريه ان قد سامي جنني يشتي نخطب له

امة اللطيف: منه صدق هوذا ماتحاكاش ولا دراني

سارة: اكيد عيستحي منش قد بيقولي انا هيامه مارأيش نخطب له عميد يركن ان احنا عنزوجه

امة اللطيف: يصبر شويه ماعيكملنش بنات صنعاء كما قدو وقت عنخطب له احسن واحده

سارة ضحكت: يعووه ي اماه لو يسمعش بتقولي كذيه عيجنن هو مراعي نوافق له

امة اللطيف: قولي له ماقد لقينا له واحده مناسبه له والا يشتي نخطب له من كان

سارة بتردد: معي لش واحده حاليه قوي واكيد عتعجبش وانتي تعرفيها

امة اللطيف: من!!!

سارة: هنووف بنت خاله ايناس مناسبه له قووي وحميشه وحاليه وقلبها نظيف وكل شي

امة اللطيف ببرود: هنوف (وسكتت)

سارة: انا بين ابسرها حاليه واحنا نعرفهم
وماعنلقى مثلهم طيبين ونرتاح لهم و..

امةاللطيف قاطعتها: ايوه داريه وايناس صاحبتي من زمان وانتين الثلاث خوات ومعزتكن واحده لكن مدري الموضوع يشتي تفكير

سارة: ولاتفكير ولاشي اخطي بعدي بس وانتي مغمضه هنوف تربيتش وبعدا بين احس سامي بيرتاح لها بحكم انهم تربو سوى ومتقاربين في العمر وكودهم سوى وهم صغار لهذا اختارها

امة اللطيف: هاااه قولي هكذا انو اختارها هو لمه عاد اللف والدوان يعني قد تحاكا بالصريح

سارة ضحكت: مابش لف ودوران انا حسيت هكذا ودائما يجابرني منها

امة اللطيف: قدو بيحلم بها والكل ايووه ايوه كشفته بسرتي ماقال جهاد لهنوف اليوم الاول

سارة: ايوه قوى امه اخطبيها له قبل ماحد يجي لها مابش سخى ع سامي يقتهر ومابش سخى فينا نخسرها من بين ايدينا والبنت تربيتش وتحبيها وتحبش والله ان الكل عيرتاح

امة اللطيف: مانا موافقه دام وهو يشتيها لكن مدري عيرضو او مع عيقولو عاديه صغيره

سارة فرحت: سهل ماقد نشتيش خطوبه رسميه ع الاقل حاكيهم واحجزي البنت لسامي وكما قد بيبسرو الوقت مناسب جينا لهم رسمي

امة اللطيف : ان شاء الله الله يقدم مافيه الخير نبسر ابوش اول شي

سارة حملت تحجفها وحبتها في راسها
.
.

بعد ايااام في المستشفى..... فعلت زي ماوعدت امي بالضبط وحريصه ع نفسي اشد الحرص ومنتظمه ع العلاجات
وصلت المستشفى الساعه ست ونص الصبح وقفت السيارة ودخلت بسررعه لغرفة الاطباء وكانت فااضيه غلقت الستاير وسرت اديت لي ملايه حق احد السرور المستشفى الفاضيه ورجعت الغرفه جلست فوق الكنبه وتدفيت من البررررد ورقددت بدون ما احس ع نفسي (طبعا انا وصحباتي تفرقنا ع اكثر من مستشفى وكان انا وايمن وشويه اطباء مش معروفين من الدفعه بنفس المستشفى)...

بعد مرور ساعتين
كان يدخلوا دكاتره ودكتورات للغرفه ويبسروني راقد يمشو بهدوء يطرحو حاجاتهم ويمشو لشغلهم
ايمن دخل وهو بيغني ابسر واحده راقده سكت قرب شويه وابسرني انو انا رجع يضحك سكته خرج وجلس في مكان قريب من الغرفه بيحرسها لاحد يدخل او يقوموني واي احد يداعيه يتعذر له بأي شي

بعد شويه جاء رئيس القسم ومسك ايمن وشله معه بالغصب

الساعه ٩:٤٠ ص نكزت وقمت من مكاني بسرعه ووجهي مورم وراوي نوم

انا: يووه الحمد لله شكله ماقد احد جاء ولا ابسروني خليني اقوم ابسر عملي واهرب من هانا قبل مايجي ايمن (سبرت شكلي وخرجت سرت لاعند رئيس القسم
ايمن كان راجع من عنده ابسرني وضحك
انا وقفت واستغربت ابتسمت: مالك خير

ايمن: صباح الخير كيف الرقده فوق الكنبه ساع المشردين

انا ضحكت وغطيت ع وجهي: وانا فارحه بروحي ماقد احد بسرني والله اني مادريت متى رقدت

ايمن: من ايحين جيتي شكلش بكرتي قوي ليش

انا: جيت من ست ونص خهههههه اصلاً قد وقعت حرب في بيتنا(وحكيت له بالمختصر )

ايمن: اهووه هكذا تعب يومياً لكن سهل يهون و...
قاطع كلامنا رئيس القسم وكارشنا وطار كل واحد بعد عمله احسن مايكتب علينا ملاحظات
.
.

بعد ما كمل دوامنا ع الساعه خمس بعد العصر
ايمن جاء: عاد انتي متاخره هانا صح

انا: ايوه ساعه بس واروح

ايمن بيتعذر عشان يجلس معي: اها اووه نسيت ماعد امر ع هولاك الاثنين اللى فعلنا لهم العمليه ابسر اذا يشتو مجارحه (باي ومشي)

انا ابتسمت: داريه به ماعدبش معه شي غر بيتعذر عشان لا اجلس وحدي واروح لحالي وقت المغرب (تنهدت) الله ع الحب لما يكون هكذا نحسه من نوع اخر وحلال ونرتاح به اكثر الحب مش بالتواصل والكلام المعسول والسمره في الواتس لاخر الليل واذا مابش هذولا يعني مابنحبش بالعكس الحب احترام تقدير خوف من الله في اللى بيحبها وثاني شي يخاف عليها من نفسه
وهذا اللى بيحصل معي انا و ايمن صدق اني محظوظه فيه الله لا يحرمنا اللى تعودنا عليه ويهنينا في بعض ويبعد عننا كل من يكره الخير لنا...

بعد شويه رجع وجلسنا نتكلم ونتناقش في بعض الحالات وبعد ماغربت الشمس خرجنا وكل واحد توجهه لسيارته خرجت بسيارتي وايمن بيمشي بعدي طووول الطريق لما وصلت حارتنا وبعدين مشي وروح بيتهم








📚 @rewayatyamania 🇾🇪

.

البارت 182 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


في بيت سهى فتحت حسابها الفيس الجديد ودخلت ع دردشتي اللى حظرتني وقرأتها مره ثانيه
عصبت مره ثانيه ورجمت التلفون للارض ورجعت تبكي وبتحاول تقنع نفسها انها خسرت ايمن للنهايه وتحاول تتعود ع الوضع
الجديد وتبسر حياتها لكن بيبقى في قلبها شويه قهر وحقد.


بعد ثلاثه ايام في بيتنا ....
جت عندنا خاله امة اللطيف وسارة وجلسنا عندهن شويه وكل واحده انشغلت بشي وسارة جالسه معي في غرفتي وبقين هن لحالهن

امة اللطيف: ي اختي انا جيتش هانا طالبه منش شي وياريت ماترديني

امي : خير اطلبي من عيني وماعاش من يردش

امة اللطيف تجملت: اسلمي الله يحفظش اصلاً انا ماشطلب منش الا وانا واثقه بأختي لهذا انا مرتاحه المهم اسمعي انا طالبه وشاريه بنتش هنوف لأبني سامي

هنوف جت تشتي تدخل تحاكي امي سمعت اسمها وقفت عند الباب تسمع

امي ماتوقعت وماعد درت ماتقول رجعت تضحك: يووه مسرع عادهم صغار ماقدمش حق زواجه وهنوف عاديه بغير عقل عتجنن الولد
هنوف سمعت وفهمت طار قلبها من الفرحه غطت بيدها ع فمها من الصدمه ورجعت تتقفز وتتخبى ورى الباب تكمل تسمع

امة اللطيف ضحكت: ولا صغار ولاشي وسامي هو اكبر منها بسنتين وعمر هنوف ١٨ سنه ماهو من صغار

امي: ناهي ما اختلفناش في العمر لكن مابش عقل عادنا بين احسها بنت امس وهي وسجى سوى

هنوف بصوت واطي: يوووه امي بخست بي لماذا ي امي هذا المدح الحالي هيا اماه لاتخربي الشغله عليا وافقي انا فدالش ماشي والله لا ادخل اراشيش مع خاله امة اللطيف (رجعت تضحك)

امة اللطيف ضحكت: حرام عليش حن تسخي تقولي عليها كذيه انتو الا وافقو بس مانا ماعد القاش مثل بناتش ازوجهن بعيالي عاد لو كان معي ولد مثل عنود حرام مايفلتين مني الثنتين

امي ضحكت: ماقد قدرتش اتخيل كيف عيوقع البيت بغير عنود وان قذا يشتو يشلو الثانيه وانا ماعتلقاش احسن منش اطرح بنتي عندها وابنش سامي ماشاء الله رجال ماينعاب لكن مدري كيف بين احسها ماقديش حق خطوبه وبعدا زواجة

امة اللطيف ماحبت تضغط ع امي: سهل ي اختي انا فدالش لاتهمي هذا الشي مالش الا تركز وتعقل كلنا كنا كذيه المهم انتي حاكي زوجش وابنش وابسري مايقولو لش واحنا مستعدين واذا بتبسرو عادهم صغار سهل لاقد نخطب خطوبه رسميه عنحجز البنت عسب لا تطير مننا وتوقع حقنا وكما قدكم جاهزين نبيتونا وعتلقونا لبينا نداكم

امي ارتاحت: البنت بنتش ي امة اللطيف وابوها واخوها ماعيتحاكوش وماعنلقى مثلكم وبنتي من نصيب ابنش ان شاء الله وماعاش من يردكم غر سعما قولتي نخليها بيننا والرسميه نأجلها ع الاقل لما تتباخر اختها

امة اللطيف فرحت: تسلمي الله يحفظش قولت لش واثقه بأختي ماعتردني حاضر من عيني ع ماتشتي وبنتش في عيوني
هنوف قلبها بيرقص فرحه مشي مصدقه الذي وقع وارتاحت ان امي وافقت وتأكدت من رأي ابي وفواز انهم عيوافقوا

سمعت صوتي بين اتحاكا حملت لاعندي بسرعه وضمتني قووي وبتتقفز
هنوف: يووه ي عنود لوو تبسري كيف اختش فااارحه قووي قلبي عيوقف
انا استغربت وابسرت لاوجهها وكانين عيونها بيلمعين من الفرحه: خير مالش فرحيني معش ي قرده
سارة افتهم لها كل شي ورجعت تضحك

هنوف ابسرت سارة واستحت منها تخبت خلفي وبتضحك

سارة بضحك: سهل سهل ي هنوف افرحي واقفزي براحتش مشنا غريبه وقدنا داريه بالخبر من زماااااان
هنوف جت لاقدامها: كذاااابه زمان من متى يعني

سارة: من لما كنتي عادش هبلا جاهله او مادخلتي الاعداديه

هنوف متفاجئه: يوووه يعني هو من زمااان

انا: ييه بطلين قله حيا واحكين لي ماهو انا ساع الاطرش في الزفه
سارة: بتحكي لي وتحاول تحرج هنوف

انا ضحكت: يخخ ع قلاد فيش ي هنوف انخطبت وتشتي تنخطبي بعدي ذاحين اكيد امي ماوافقتش صح عتقول عادش ترللي

هنوف قفزت: الا والله انها وافقت اعقلي ش ادخل اراشيها لما توافق ماشي ش ارحلي من عندكم

سارة ميته ضحك: الله يسعدكم الاثنين مجنون لقي مجنونه امانه لايوقع اكشن في بيتنا رهيب ونطفي بيتكم

هنوف استحت وخفعت سارة دلا: بطلين احراجات هيا احكي لي ايش اللى داريه من زمان الفضول عيقتلني
انا: لحظه لا تحكين شي ش اسير ابسر ايلاف وادعيها تجي عندنا (سرت كلمتها وجت معي)

وسارة جابرتنا من سامي وكيف كان دائما يشتري لها حاجات ويأكلها من المطعم عن طريق سارة وكيف يجلس يجابرها ويجننها وليش فرح لما تزوجت انو عيشل غرفتها
واحنا بنضحك ونزبج ع هنوف كيف شكلها مع الفرحه

هنوف كانت سعادتها ماتنوصف بالذات انه تحقق اللى تشتيه فجأة .






📚 @rewayatyamania 🇾🇪

.

البارت 183 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


في بيت ايمن اخر الليل
فاتح اللابتوب حقه وبيشتغل عليه ويدور ويبحث في مواقع مختلفه
مسك دفتر وقلم وبيكتب ويخطط ويحسب

ايمن: ايوه هكذا تمام ان شاء الله تسبر لي ماعد اكلمش احد الا اذا قد كل شي جاهز بأذن الله يلا ماكودي اشتغل عليها من الان عشان تجهز بالوقت المناسب
لكن ضروري اكلم فواز اول شي احسن وهو الوحيد اللى عيساعدني خلاص ان شاء الله اكلمه غطوه او بعده واكلمه ونتفق ع كل شي .


.
بعد مرور سبعه اشهر .....
انا الحمد لله تشافيت من اللى في جسمي اختفى تماماً ووضعي رجع طبيعي عادي اخرج بين الشمس
وانا وايمن كملنا سنه الامتياز حقنا وكالعاده احنا في المقدمه من ناحيه النجاح والتفوق

ايمن متفق هو وفواز يسوو لي مفاجأه ماتوقعتها ابددداً مفاجئه من العيار الثقيل وخططو لكل شي بدون ما احس

هنوف وسامي عادهم ما انخطبوا رسمي واهل وافقو عليهم بسرعه بحكم المعرفه القويه وامي ترفض اي احد يتقدم لهنوف تقلهم البنت مخطوبه

سامي اشتحط وبيعتمد ع نفسه وماسك شغل ابوه كامل
هنوف بتدرس انجليزي في المعاهد وقدها في دورات متقدمه

سارة كملت دراستها وبقي لها سنه الامتياز جاء لها عريس حالي وهي لحد الان ماقدرت توافق عليه وخاله امة اللطيف بتحاول تقنعها تبسير حياتها من اول وجديد

جهاد بيكبر ويشبه ابوه اكثر واهل وليد كالعاده ماهم دارين ان معاهم حفيد مدعممين

ايلاف ولدت بالسلامه وادت لنا ولد يجنن سماها ابي (علي) قد عمره اربع اشهر
سجى بدأت تدرس في المدرسه وتحب علي وبعض احيان تغار منه وتفعل به اي شي

ايثار هذك هي ماتغيرت ابداً ولاحصل معاها شي يستحق الذكر .
.
.
في بيتنا جالسه في غرفة ايلاف وهي بتغير لعلي ملابسه وترضعه

انا: يووه ي ايلاف بين احس الايام بتطير طيران

ايلاف: ليش هذا الاحساس

انا: قدش بتبسري بعد ثلاثه ايام حفل التخرج حقنا وبعدها بيوم انا وايمن عنعقد واعتبر متزوجه وهو زوجي وبعدها بثلاثه اسابيع بالضبط عيبدأ عرسي

ايلاف: هاا سهل لاتهمي افرحي بس عتدخلي حياه جديده ، يعووه ي عنودي عتسيري و تفضي علينا البيت وبعدا هنوف شويه وتطير بعدش وانا اجلس هانا اجابر نفسي مه اتنبع من غرفه لاغرفه ونجلس نعدد عليكن انا وامي

انا ضحكت: سهل يكفيش ان امي وابي وفواز عندش وقد معش اثنين عيلهوش ماعتلقي وقت تفضي لنفسش
ايلاف: هاهاها لاقد تضحكيش قذا الدور عيجي عليش تدي لنا خمسه سته جهال

انا: يعوووه خمسه سته مه هيا ماهو عنتوظف وندكتر سوى والا نفتح حضانه يلا بواحد يكفي

ايلاف: يلا هه عنبسرش مع ان احساسي بيقول هكذا عتفتحي حضانه
انا ضحكت: اعقلي والله لا اديهم عندش كلهم اتبلي بلاهم وانا اسير اداوم وارجع لهم العشي

ايلاف: ماعه عتقلبيني داده عادنا شدي جهالي جنب جهالش في الحضانه حقكم وانا ارتاح لي

(جلسنا نضحك ونتناقر وشويه نتفق ايش عنفعل في العرس وماعد ناقص ) .
.
.
ايثار اتصلت لهنوف بتقولها عتجي عندنا و به موضوع خطير تشتي تجابرنا فيه وتأخذ رائينا وباقي حاجات يتفقين عليها مع بعض
.
.
.
سارة اتصلت بنفس الوقت ....
انا: ها يروحي ماشتي او قد حقش القرد جننش هاتيه عندي اتضارب انا وهو

سارة ضحكت: مالش مهريه هكذا نسيت ليش اتصلت لش اسمعي ايش رائيش تجي عندي بعد العصر اشتي اكلمشش ضروري

انا ضحكت: مالكن اليوم كلكن معاكن مواضيع ضروريه جي انتي عندي انا ماعتقدرش ايثار عتجي هانا معاها موضوع ضروري ساعش

سارة: هاا وانتي قدش حقنا المستشار مانخطى الا بعدش يلا تمام عتجي متاخر شويه لكن موضوعي ماعنتكلم فيه الا انا وانتي لحالنا

انا: ناهي يلا تمام منتظره لش .


.
.
في بيتنا بعد العصر ايثار جت وجالسات مع بعض

هنوف: هيا ايش الموضوع الخطير هذا
ايثار عدلت جلستها: احم احم الخبر ان امي تشتي رأيي في شي قولين جوا لي خطاب ناس حاليين قوي واخوتي قد سألوا عليهم وكل شي بقي موافقتي وامي قد حاكتني وانا بين اتهرب قولت اول شي احاكيكن وابسر ماعتقولين بحكم قد احنا اهل وصاحبات قووي

انا ضحكت: ي حركات ي خطاب والله وقدكن كبار وكل واحده بتنخطب بعد الثانيه

هنوف سنبت وتخصرت: ييه ماهو هذا انا انحجزت قبلش من زمان وانتي تجي هكذا فجأة وتنخطبي رسمي قبلي هيا والله ماسبرت لش مادخلش لو سمحتي نمشي بالدور

انا وايثار قرحنا ضحك عليها وكيف متحمسه

ايثار: مفعلش ي ماما لا انتي حبطه مارضيتي تنخطبي رسمي قدام الناس اجلس اراعي لش

انا: الله ي هنوف بتضاربي وانتي ماقد انخطبتي حتى قولين انا اللى انخطبت قبلكن من زمان ولاقد تزوجنا لاذاحين (وضحكت)

هنوف وايثار: اصصه انتوا الاثنين اكثرر ملغجين ابسرناهم بحياتنا

(جلسنا نتناقر ونضحك وحكت لنا عن خطيبها واهله وقولنا لها رأينا وانها تصلي استخاره وهذه الحاجات)



https://t.me/+Ecxq_OzMYh40M2E0







📚 @rewayatyamania 🇾🇪

.

البارت 184 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


بعد شويه جت سارة وانضمت لنا

انا: اسكه قولين لي ماقد خططتين للعرس حقي وماقد نضمتين وقلفدتين الدنيا

هنوف: مااعه ماعنتحاكاش انتي وكلتينا نختار وونظم العرس خلاص ماعليش الا بالنتائج بس

انا: ماشي اتحاكين ولو به شي ماعجبنيش

ايثار: ماعليش شي كل شي عيوقع يجنن وان شاء الله نسوي شي تحفه

هنوف بضحك: لو تبسري كيف قد جنناهم طلبات وافكار واهلنا مساكين بيدفعوا التكاليف سكته

ايثار ضحكت: والله انو صدق تعبثنا بهم تعباث اصلًا كرها الواحد يعرس قدو يفعلهن كلهن

انا: الله يقلعكن عتفلسين بأخي وخطيبي كما عاد احنا نشتي نسير شهر عسل اعملين حسابكن

سارة ضحكت: اصه اصه شكلش عتجلسي في البيت والا تسيروا تداومي بعد يومين من العرس قلش شهر عسل

(وجالسات يزبجين ويضحكين علينا وانا ادافع ع ايمني) .

.

فلتنا البنات يخططين بكيفهن وسرت انا وساره مكان لحالنا وبدأنا نتكلم في موضوعها

سارة: ي عنود جاء لي عريس امي مصممه مابلا اوافق عليه وانا مدري كيف الصدق مش راغبه

انا: هو نفس الاول اللى جاء او ماشي

سارة: ماشي هذاك ما ارتحت للأم ابدا رفضت لكن هذا ثاني اسمه هاشم وهو قد تزوج من قبل ومرته ماتت بمرض خطير وقد معه بنت اكبر من جهاد قد عمرها ست سنوات

انا: طيب ليش مش موافقه دام وهو حالي وقد سألتوا عليهم والوضع مناسب ومابش مانع ي روحي ابسري نفسش وعيشي حياتش وتزوجي وخلفي اخوه لجهاد مافيها شي اكيد الله بيعوضش وعترتاحي معه بأذن الله

سارة بزعل: ي اختي مدري كيف ساع الذي قد تعودت اجلس لحالي وقد عندي عقده من الزواج بالذات من دحس العمه وخوات الزوج

انا: ماشي من قلش ان الناس يتشابهوا يمكن هولا ثانين وعترتاحي وقد قلت لش الله يشل شي ويطرح بدله حاجه احلى ابسري نفسش وتوكلي ع الله و وافقي شويه وجهاد يكبر وعتتعبي لحالش تربيه تشتي رجال يساندش و طبيعه الانثى ماتقدرش تعيش طول حياتها بدون رجال يهتم بها ويحبها هكذا الله خلقنا

سارة تنهدت: ونعم بالله انا لا وافقت قدو عشان جهاد يوقع له اب بيبسر الجهال الثانيين وهم بيداعوا اباءهم ويلعبوا معاهم بيزعل وجلس يتفرجهم من بعيد

انا: يووه ي قهري عليه سهل يمكن يوقع له احلى بابا وزد يوقع له اخت وتعيشوا مرتاحين

ساره: ان شاء الله الله يسمع منش يااارب .
.
.
نرجع لهنوف وايثار بالغرفه .....
ايثار: ي هنوف به مكتب يفعل تصاميم قاعات اعراس وكوش يجنن شغلهم حاجه خياليه اسمه امبيانس اطلبي اللى تشتي ويسويه لش وكمان يمسكوا يوم الصاله كامل بكل شي ابسري هه هذه صفحتهم ع الفيس بوك (فتحين فيديوهات ومنشورات لشغل المكتب)

هنوف رجعين عيونها قلوب: الله يجنن هذه الفكره نفس اللي في راسي بالضبط حتى الالوان ي ربي رهيييب قووي

ايثار: عاد الكوش اللى كلها ورد طبيعي تهبل ابسري هه ايش رأيش نختار واحد من هولا قدهن الضخمات قووي

هنوف: تمام وزد نطلب قالب قااتو كبيير ابو طبقات خيرات به معمل اسمه كنير زباره في الفيس والكل يجنن ويسووا لأعراس وقوالب من كرستال وحاجات يخرفنين

ايثار: تمام عنرجع نبسرهن يوم ثاني ونزد نفعل لهم جلسه تصوير في الصاله لما يدخل ايمن من استديو قُمرة احترافيات تصوير رهيبات

هنوف : الله عيوقع يووم يجنن فوق الخيال شكلهم عيدوخوا علينا من حلا اللى عنفعله (سكتين شويه وبيفكرين )

هنوف وايثار بصوت واحد: وانا اشتي يوقع عرسي هكذا الصدق (ضحكين)

هنوف: ااحح الله يوصلني وقدو عرسي واستاذ سامي يدخل عندي ونترمسس ونفعل رقصه ع اغنيه هادئه لـ اليسا ويلبسني الخاتم ورجع يشاورني ويقولي ....(ابتسمت)

ايثار دكمتها: لاقد تسرحيش ي ماما عادش بعيده ذاحين خلينا نكمل باقي حاجات خيرات والعرس قدو قريب قوي وباقي نتدرب ع الحاجه الاساسيه (وكملين عملهن واتفاقاتهم وخططهن العظيمه) .


نرجع عندي انا وساره ......
بعد ما فتحنا مواضيع ثانيه ذكرنا حفل التخرج
انا: ايحين حقكم الحفل مشو في يوم حفلنا صح

سارة: ايوه خلينا لكم الاولويه لان احنا حبوبين وحاليين قلنا انتوا اكبر مننا وتخرجتوا زمان يلا انتوا قبلنا تحتفلوا

انا: هاهاها نفسي اصدق ان انتوا حبوبين والله ان اكره البنات في دفعتش ي اختي احسهن زناطات مدري كيف اول واخر من عيتخرج

سارة: اقطع يدي لو انتي تعرفي واحده منهن بطلي خرط ع دفعتي المهم قولي لي مامخططين تفعلوا وكيف عيكون

انا بضحك: لو تبسري كيف قد احتشرنا حشيره خليها ع الله كانو عرس مشو حفل تخرج
(وجابرتها ماحصل وكيف خططنا لكل شي) .








📚 @rewayatyamania 🇾🇪

.

البارت 185 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


في بيت ساره الساعه ٨:٠٠ م
جالسه فوق سريرها وفي يدها قلم ودفتر بتشخبط وترسم وتفكرر

امة اللطيف دخلت: مابتفعلي ي امي هانا مالش ماتجي عندي نجلس نتفرج التلفزيون

سارة طرحت القلم: ولا شي ضبحت وبين افكر في كلامش وكلام عنود وكل شي

امة اللطيف: عادنا كنت جايه اكلمش وابسر مافعلتي عاد ام الولد اتصلت اول هيا مه وصلتي لقرار وفكرتي

سارة تنهدت: والله ما اقولش الا كل خير ي اماه قدنا بعدش اجرب حظي يمكن الله يعوضني وعشان جهاد يكبر ويكون معه اب وان شاء الله يكون هاشم اب حالي لأبني ويحبه ساع بنته وانا ان شاء الله اكون ام لبنته واعوضها واتعوض انا

امة اللطيف فرحت: يووه انا فدالش وبأذن الله يجبر بخاطرش ارحم الراحمين ويعوضش انتي وابنش ويعوضهم والكل

سارة هزت راسها: ان شاء الله

امة اللطيف: ولا تهميش وتقولي لو توقع لي عمه والا خوات زوج شوعات ش اقولش اول شي الناس مايستووش وثاني شي ام هاشم قالت لي ان معه شقه لحالكم تتزوجوا وتسكنوا فيها ع طول ماعتجلسيش عندهم مابلا انتي وياه وجهالكم وعترتاحوا وتتفاهموا وكل واحد يعوض الثاني

سارة فرحت شويه: يلا الحمد لله قد كنت بين اهم لانو مشو قليله اللى عشته مع هولاك البنات

امة اللطيف: يلا الله يقدم لش مافيه الخير ي روحي ش اسير ابسر ابوش لاهو يشتي عشاء (وخرجت)

سارة ضمت ركبها وطرحت راسها وبكيت ع طوول لانها تذكرت وليد وكلامه وصوته وكل شي يخصه وبتحاول تكتم بكاها لاحد يسمعها

جهاد سمع صوت امه التفت لها بسرها مغطيه وجهها
حمل لاعندها وبيمسح ع شعرها: ماما ليش ابكي من زعلش اسير اضربه انتي حبيبتي ما ابكيش

سارة التفتت له ووجها غارق بالدموع شلته في حضنها وبتتأمل لملامحه اللى تشبهه وليد

جهاد مسح دموعها بيده الصغيره: ماما لا ابكيش انا اوبه لش وما ازعلش قدنا رجال كبير محد يزعل ماما حقي اضربه غطوه اسير البقاله وحدي اجعل لش خيرات لا ابكيش

سارة مسحت دموعها: اهه ما ابكيش عشان حقي الرجال مايزعلش قولي تشتي يوقع لك بابا

جهاد فرح: ايووه بابا عيجي عندنا من السماء ويحبني هانا ويجعلي ونلعب كره

سارة: حاضر من عيوني ادي لك بابا وان شاء الله يوقع لك احلى اب (ضمت جهاد وبتحبه) .


.

في غرفة ايمن واقف قدام المرايه ويجرب اطقم بدلات رسميه وبيغني ومزاجه رايق

ايثار دقت الباب ودخلت سمعته بيغني بصوته الحالي اشرت له يواصل (ايمن صوته حالي بالغناء)

ايمن التفت لها ورجع يبسر للمرايه ويعدل الكرفته وبيغني

ايثار فتحت تلفونها ع دردشتي في الواتس وسجلت لي صوته بدون مايدرى

ايمن بصوت حنون يجنن: انا وقلبي نعترف حتى عيوني تعترف بالحب لك والشوق لك لجلك حبيبي نعترف....فالوقت انا مخفي غلاك والقلب هايم ...هايم في هواك... تسحر عيوني من حلاك ي كيف لك مانعترف! انتا حياتي يالغلا ي اغلى من كل الملا احبك بصدق وولاء ومن حب قلبك ارتشف بين الوعي واللاوعي حط موقعك في موقعي وتذكر اوقاتك معي واوعدك قلبك يرتجف ...انا وقلبي نعترف

ايثار: انا فدى لهذا الصوت يجنن ماشاء الله عليك (طفت التسجيل وارتسل)

ايمن التفت لها: هيا مه كيف الطقم جنتل صح

ايثار قربت منه بتتأمله: والله انو هوكه هذا حق يوم العرس

ايمن: ماشي هذا اللى عتلبسه يوم التخرج

ايثار امتلين عيونها دموع وتغير صوتها : هاا يعني عاد حق العرس اضخم

ايمن ابسرها: مااالش قد عتبكي

ايثار ضمته من ظهره وبكيت: امانه كيف عتسخى تسير وتفلتنا انت ومرتك كرها عتتزوجوا وتجي تملي علينا البيت وان انتوا عتسافروا وتفلتوني لحالي

ايمن مسكها من خدودها وبيضحك: مهدتي البدله ي بكايه هو ضروري نسافر امريكا عشان نكمل دراستنا ونحضر الدكتوراه

ايثار بعدت منه : ايوه وكم عتجلسوا هاناك

ايمن ضحك: تقريبا خمسسسس سنوات

ايثار شهقت: ي ويلكم من الله خمس سنوات ولا نبسركم ولاتبسرونا (دموعها بيزدادين)

ايمن جلسها فوق السرير وبيمسح دموعها: هيا ماهو ي بكيه سعم ان قد عنسافر غطوه وبعدا عنكون نجي هانا زيارة كل سبعه ثمانيه اشهر

ايثار: مش غطوه لكن بعد عرسك بنص شهر والله اني غاثيه ماقد تهنينا بكم ولا بوجود عنود واشتي ابسر اخي وهو متزوج وعايش حياته عندنا وبعدا تسير وانا اجلس هانا وحدي ساع صياد مابش الا انت اتناقر انا وهو

ايمن: من قال انش عتجلسي لحالش شويه وزوجناش ويوقع معش حياه جديده

ايثار: ع فكره ماقد وافقتش لهذا لا تفرحش قوي وبعدا عاد عنود ماقد دريتش انك قد جهزت كل شي صح

ايمن: الا عتوافقي انا داري بش كرها جاء ، ايوه عاديه مفاجأه ماعد احاكيها الا يوم مانعقد عشان تعمل حسابها وتتجهز لأمريكا

ايثار ضحكت وخفعته دلا: شلووك ايوه ش اوافق عميد يسفرني بعدكم انكد عليكم هاناك والكل

ايمن ضحك: عر هه تجوا بعدنا اكسر ارجلكم .
.


https://t.me/+Ecxq_OzMYh40M2E0





📚 @rewayatyamania 🇾🇪

.

البارت 186 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


في بيتنا فتحت الواتس ودخلت ع دردشه ايثار وفتحت التسجيل وسمعته رجعين عيوني قلوب 😍 وعجبني قووي جلست اسمعه اكثر من مره

انا: يووه يووه يووه صوته يشافي المبتلي الله يحفظه صدق عيكون يغني لي خيرات...رسلت لأيثار: 😍😍😍😍🙊🙈🙈🙈🙈🙈 الله حااالي يجنن يخرفن يشافي المبتلي ماشاء الله

ايثار ردت: 😂😂😂💔 سجلته ومشو داري ابسري ع رمسسه في اخي تعلمي منه لو سمحتي

انا:😂👊 ماقصدش بطلي فقعسه عاسب لا اقوله انش سجلتي وبعدا يعلقش في نجفه
الديوان

ايثار: 😂😂😂😂 الله يقلعش تخيلت شكلي وبعدا منو قلش انو عيسخى 😌 وهو ايمني طيب قوي

انا: 😒😒 ممنوع تقولي ايمني هو ايمني انا وحدي ماشي عتقول يزوني (يزوني دلع يزن وهو اسم خطيب ايثار)

ايثار: 😂😂😂😂خلاص اسفين كل واحده تدلع خطيبها لوحدها
.
.
.
في بيت سارة .....
احمد: ي سارة جي كذا ما اقولش

سارة جت: ها اباه ماتشتوا

احمد: غطوه عيجوا بيت ال.... يخطبوا هم وشويه من نسوانهم اتجهزين

سارة : هزت راسها بتمام

امة اللطيف: يجوا حياهم الله

سامي سمع وبيحطم: كلاً بيعرس كلاً بيتزوج وانا مراعي له يتم يدرس ... محد رضي يخارجني شكلي ش اسير لاعند عمي عبد الله ابسر ماهو خبره عادو ناوي او ماشي

امة اللطيف سمعته: هيا مالك قد بتحطم ماقد معانا من يشتي الحالي صبر سهل هانت

سامي استحى وبيحك راسه: هااه قد احنا صابرين لوما يفرجها الله

احمد: حاضر ي ولدي ش احاول احاكي عبد الله ونحدد يوم نخطب ماعد باقي

سامي بيخبي ضحكته: تمام ماشتيتوا بعدكم

امة اللطيف ضحكت: يلاه بكم افترد وشك وضحكت

سارة تنهدت وبتتحاكا بصوت واطي : الله يسعدك ي اخي انت وهنوف ويسعدش ي عنود مع ايمن
ويسعدني ويعوضني انا وهاشم .



.
في اليوم الثاني وقت العصر في بيت سارة وصلوا الرجال مع هاشم واهله

اهل سارة وابوها استقبلوهم

وابي وفواز كانهم موجودين معاهم دخلوا الديوان وطلبوا القرب والزواج من ابو سارة وهو وافق واتفقوا ع كل شي وطرحوا شنطه الخطوبه وجلسوا شوويه وراحوا لهم الرجال

و الساعه ٤:٣٣ وصلين نسوانهم واحنا كنا موجودات ماعدا هنوف وكانت جلسه عاديه

جت ام هشام و بنتها الصغيره ومعاها ثنتين بناتها مزوجات وثنتين نسوان عيالها يعني سلايف سارة

سارة داخلها زحمه احاسيس ومشي داريه تفرح والا تزعل كانت تحاول تكون طبيعيه قدر المستطاع
ام هاشم لبستها الدبله وروتها الكسوه واحنا وبنحجر لها وفارحات (بعد شويه مجابره )

ام هاشم: هيا صلي ع النبي واله ي ام سامي

كلنا صلينا ع النبي وانتوا صلوا ع اشرف الخلق

ام هاشم: مارأيكم نقطب نزوجهم في اسرع وقت ممكن كم تشتوا قد عاسب تتجهزوا ابني ماعنعرسش له ولاشي عيفعل يوم تخزينه للاهل وخبرته وبس وانتوا تشتوا تعرسوا ع عافيتكم وراحة سارة مابش عندنا مانع لكن حاولوا تقطبوا ما احنا مستعدين حتى بعد شهر ان شاء الله هيا ماقولتي

امة اللطيف: والله ما اقولش الا كل خير نبسر ابوها واخوها ونرد لكم خبر ان شاءالله ، ليش مستعجلين هكذا

ام هاشم: عاسب هاشم وبنته مجعجعين قووي مابيعجبهم الا في بيتهم مابيرضوش يجوا عندي الا لهم يتغدوا بس لكن يجلسوا عندي طول الايام مايرضوش هاشم يقول بيتي ماعد افلتهاش وهذك متعلقه بأبوها كودها عرضه

امة اللطيف : هااا كان سووى

سارة جالسه سكته بتتفرج بس

انا دكمتها: سارونه مالش زعلانه ليش مخبيه ضحكتش او مش انتي مرتاحه

ساره ضحكت بالغصب: ماشي مرتاحه غر استغربت من سرعتهم يشتوا يبالدوني ماقد استوعبت شي

جهاد دخل: وسار جلس جنب امه

ام هاشم: ماشاء الله هذا ولدش حيا بحبيبي جي لاعندي احبك

سارة: ايووه سير ي ماما لاعند جده ام هاشم وسلم عليها يلا

جهاد قام وبيتفرج لها وبيمشي دلا وسار لاحضن امة اللطيف

امة اللطيف ضحكت وحجفته: يووه حيا ابسر هه وهذه جده والكل سير عندها تحبك

ام هاشم خرجت من شنطتها جعاله وروته: تشتي من هذا جي شله انت وخليني احبك

جهاد فلت امة اللطيف وطار لاعند ام هاشم

احنا ضحكنا عليه

ام هاشم: جلسته جنبها وادت له الجعاله وحبته وتسأله بأسمك وكيف انت ومابتفعل

جهاد خازي من اللى مايعرفهن وبيجاوب ع ام هاشم بمشاوره وصوت واطي والا يحرك عيونه بس

سارة ابسرت تعامل ام هاشم مع جهاد وارتاحت .








📚 @rewayatyamania 🇾🇪

.

البارت 187 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


بعد ماروحين من عندنا وبقينا احنا بس
هنوف رسلت لي مسج (سمكن الجلسه في بيت خطيبي وانا مع ..هيا روحين يكفي قد تضاربنا انا وسجى وعلي)

انا قرأتها ومت ضحك وريت سارة وايلاف

سارة : حرام عليش كان عتخليها تجي احنا اهل ومابش بيننا هذه الرسميه

انا: مااعه ممنوع سعما هي بتسير بيت ايثار وانا ممنوع عليا وتروح تحانك خليها تطعم

خاله امة اللطيف فتحت موضوع العرس وبنتجابر بحكم مابش احد غريب

امة اللطيف: مارأيش ي سارة متى تشتي العرس شهر قليله قووي ماعنلحقش نجهز عرس بالمره

انا بفرحه: ي سارونه مارأيش نتعرس انا وانتي سوى قدو بعد شهر ع مايشتوا وعرسي قد كل شي جاهز هيا امه ونزتف سوى عيوقع يجنن

امي: والله انو صدق عيقع الفرحه فرحتين تزيدوا تحجزوا لها فستان ابيض وبس والباقي كله محجوز مع عنود نفعلهن كل شي سوى في بيتنا

انا: هيا امانه وافقوا بكم القى من يوانسني بالزفه والجلسه بالكوشه

سارة: اولًا من قال لكن اني اشتي عرس اصلًا شفعل يوم حفله عاديه في البيت واعزم الاهل وشويه صحباتي بس توقع خفيفه

انا: يووه لووسمحتي خلينا نفرح سوى قد اسمه عرس وزواج من اول وجديد ومش انتي ناقصه لما ما تتعرسيش

امة اللطيف: مافيها تعرسي وتزفزفي ع عافيتش محد عيفتح فمه عتتزوجي ساع كل النسوان

سارة: ماشي والله مافيني لحاجه لو بيدي ماشفعلش حاجه ولا البس فستان واتصلح بس يلا قدو ضروري عسب الاشهار بالزواج ولايقولوا ماسخيت تلبس وتتصلح لزوجها

ايلاف: ناهي لش ما انتي قد زيدتي بها قووي هيا ماهو ي سارة مابلا افرحي وادخلي حياه جديده وانسى الماضي لان عمره ماعيرجع

امي: خلنها براحتها واللى تشتيه ولو ترضي تعرسي مع عنود تفرحي قلوبنا اكثر

انا بين اتفرج لسارة بزعل ووضعها ماعجبنيش

سارة: قد قولت لكن ماهو اللى يريحني نفعل يوم في البيت وبس وحددي ي اماه معاهم اليوم اللي يعجبش انا بعدش

امه اللطيف: حااضرر من عيني اللى يريحش
بعد شويه مجابره سرت انا وسارة لحالنا

انا: لوووووووو تدري مانفسي من صدددق ادفع نص عمري عشان يتحقق هذا الشي

سارة استغربت: ماهوو!!!

انا: نفسي ترجع لي صاحبتي سارونه قلبي حق زمااان لما كانت ضحوكه وفرفوشه وماتهم شي وتسلي ع قلب واحد بحركاتها وجنونها سارونه اللى محد يقدر يسكتها لاقد ضحكت سارونه المجنونه ام المقالب والحركات البايخه سارونه صاحبتي اللى تربيت وعشت معاها كل حياتي نفسي ترجع لي واحضنها ونجلس ساع زمان وقلوبنا خفيفه ونظيفه مابش مايقهرنا ويزعلنا نفسي قووي ترجع لي

سارة تنهدت: ياااليت ياااليت ترجع تصدقي حتى ان افتقدت لها قووي الايام والتجارب والمسؤوليه غيرتها قووي وعلمتها حاجات خيرات توجعت و بكيت وزعلت اكثر من ما فرحت وضحكت كيف تشتيها ترجع بعد هذا كله

انا وجعني قلبي عليها وعيوني لمعين من الدموع المتجمعه مسكتها من كتفها : سهل كولنا بتوقع معانا ظروف وبنزعل ونبكي لكن مابنخسرش انفسنا وراحتنا قووى قووى حاولي ترجعيها لي تغيري عشان ترجع لنا لوو سمحتي حتى حاولي محاوله واحده عشاني قووى رجعيها لي

سارة عيونها امتلين دموع وبتكابر: خلاص عشانش وعد لا احاول مره وثنتين وثلاث ارجعها مثل اول انتي اوقفي معي وساعديني لاني وحدي ماشقدرش

انا ضميتها بسرعه: اساعدش من عيووني وادفع لش عمري كله لو تشتي اهم شي ترجع لي سارونه قلبي حق زمان

سارة قرحت بكاء وماقدرت تتحاكا ولا كلمه

انا رحمتها قوي ورجعت ابكي معاها واساليها واحاول اضحكها

سارة بضحك: خلاص وعد مني اخر مره تبسريني بين ابكي بدون سبب او ع الماضي ش افتح صفحه جديده واعيش زي اي واحده مشنا اول واحده يموت زوجها اللى حبته قوي ويتيتم ابنها وعادو مولود وعاشت مع اهله كأنها مسجونه

انا ضحكت: يلا منتظره التغيير بفارغ الصبر وعشان تثبتي لي انش عتتغيري وتعيشي للفرح وافقي يوقع عرسنا مع بعض لوو سمحتي

سارة: يووه منش فعلتي هذه الدراما كلها عسب اوافق مستحيل اوافق ع هذا الشي اشتيش تكوني احلى واجمل واحده يوم عرسش مشتيش احد يشاركش بشي وعادو اول فرحتش و اول عرس لش اشتي تعيشه وتحسي كل لحظه وتفتجعي وينكع قلبش زي اي عروسه تتعرس لحالها
مايحق لي اتعرس معش لان قد جربت اكون عروسه وعشت الحرويه لحالي اشتيش تطعمي وتجربي وبعدا ماعدناش جاهله مابلا والا عرس وزفه وخباله

انا: امانه عيكون قمه الحلا لما ثنتين صاحبات من الطفوله يتزوجين بيوم واحد ومع بعض كيف البنات عيبسرنا ويتمنين يوقع هكذا بعرسهن لكن انتي اختلاف ع عباد الله قد بين اعزمش تجلسي معي بنفس الكوشه ونتسبر سوى ونلبس نفس الفساتين ونفس الاكسسوارات ساع زمان لما كنا نطقم في الاعياد (جلسنا نتناقر طوول اليوم وهي مصممه ع رفضها ولا رضت تقتنع لما يأست منها) .



https://t.me/+Ecxq_OzMYh40M2E0








📚 @rewayatyamania 🇾🇪

.

البارت 188 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



يووم حفل التخرج
الساعه ٨:٣٠ ص وسط الجامعه
كل دفعتنا اجتمعت للجامعه ولابسين زي التخرج والكل متشيك وانيق اخر اناقه وحاسس بشموخ وعزه وفرحه غير موصفه حاسين ان احنا ملكنا العالم بأيدينا

كل واحد مع اصحابه وفارحين وانا وايمن كل واحد يراقب الثاني من بعيد لبعيد

انا: هيا بنات قدو وقت نسير قاعه الاحتفال يلا اللي معاها سيارة تسوق وتطلع معاها بنات اكثر عدد ممكن عشان نسير كلنا مع بعض ونجنن ونزقع بكيفنا اليوم يوومنا

ايمان: الحمد لله ان احنا فعلنا الحفل خارج الجامعه وفي قاعه كبيره توسع ضيوفنا كلهم ويوقع كل شي مرتب

البنات: ايوه والله

كل من معاهم سيارات من البنات والاولاد طلعو معاهم طلاب وخرجنا من الجامعه حوالي ٢٠ سيارة مع بعض البنات في قدمه الطريق سيارات الاولاد خلفنا
في سياراتي قدو زحمه بنات وكل واحده فوق الثانيه وفاتحات اغاني ونغني ياسعم وشويه نموت ضحك ع وضعنا ونرجع نزبج

الاولاد نفس وضعنا وفارحين وبيصيحوا ومخرجين من طيقان السيارات وبيصفرو ومزقرعين وبدو يطرقو مثل موكب العروسه السيارات الثانيه سمعنهم وطرقنا مثلهم طوول الطريق وفرحتنا ماتنوصف
وصلنا القاعه وقد بدأو يجو الحضور والمسؤولين بيجهزوا لكل شي كل واحد سار يسبر اهله واصحابه ووقع لنا الفل والورود

انا سرت استقبل اهلي جاء ابي وامي فواز ايلاف هنوف سارة وخالي عماد وانور وخاله تيسير بس سلمت عليهم وبيباركولي واغرقوني بعقود الفل ووقع لي اثنين بوكيهات ورد وواحد عقد ورد جوري كبير


عند ايمن نفس الشي وصلو اهله ابوه وامه وايهم وايثار وخاله واثنين من اولاد خالاته

باركوا له واغرقوه بالفل
ايمن مسك يد ايثار وشلها معه بعيد من اهله شويه ومكنها بوكي ورد ابيض ع احمر يجنن : امسكي هذا مكني د/ عنود قولي لها انو مني
وهذا والكل (بعد من فوقه احلى واكبر عقد فل)
ايثار: جبركم قدنا المراسل حقكم ياليتني دكتوره يوقع لي كل هذا الدلع

ايمن ضحك: حسد هذا السع مايعجبنيش
اهلي واهل ايمن دخلو وجلسو النسوان مع بعض والرجال مع بعض
بقيت انا والبنات وايمن حسه معانا من بعيد

ايثار جت وتبارك لي ومكنتني وبتشاروني: هذولا هديه من د/ ايمن لدكتورته المفضله

انا بسرت ايمن قدامي ابتسمت له وكلمت

ايثار: الله يجنن قولي له يسلم وشكرا قوويه (لبست الفل ومكنت البنات البوكيهات الثانيه وخليت في يدي حق ايمن)
البنات بيضحكين عليا كيفنا نصابه فلت هديه اهلي وشليت هديه ايمن بس

انا: انتظري ي ايثار (بعدت من فوقي احلى



واكبر اثنين عقود فل ومكنت ايثار وسحبت ورده حمراء ابو ساق طويله من البوكيه حق اهلي ومكنت ايثار) قولي له مبرووك تخرجه ومن نجاح الى نجاح ان شاء الله

هنوف والبنات بيضحكين عليا ويصفرين ياسعم يحرجنا

انا بضحك: اص ماعليكن غطوه وقدو زوجي

ايلاف: ايوه ايوه استغلي الوضع ابوش واخوالش مابحد يبسروش مابتفعلي ويحكموا سوقهم

سارة ضحكت: ش اسير ادعيهم

انا بضحك: مامع الحاسدين الا الدموع ي حرامه

ايثار سارت مكنته وايمن فرح قوي وتجمل لبس الفل والورده كسر ساقها لما قصرت وطرحها في جيب الكوت الصغير اللى في الصدر جنب منديل ابيض قماش ابسروا محلا ايمني ذواق ويفهم بالاناقه😝


بدأ الحفل وفقراته واحنا مستمتعين فيه

وبعد شويه جت فقره تكريم افضل عشرة دكاتره من بين الدفعه كاامل

رئيس القسم الجامعه طلع فوق المسرح وادى كلمته وشكر جهودنا المبذوله وفعل لنا تهنئه حنانه طنانه

رئيس القسم: يشرفني ان امُنح شرف تكريم افضل عشرة اطباء طبعا معانا نخبه من افضل الجراحين ومبدعين الطب البشري و ع راسهم دكتورين تميزوا بأداهم وحضوره وتألقهم الرائع اتمنى منهم الصعود ع خشبه المسرح لأستلام شهائدهم المشرفه وانتم ان تقفو تجليلا وتقديراً لهم (الكل وقف ومنتظر من هو)
الاول الدكتور والجراح: ايمن عبد الغني ال ....فليتفضل مشكورا

ايمن سمع اسمه وطار قلبه ضحكته وصلت لاعند اذانه وطلع لاعند الدكاتره اللى درسونا وكرموه بالشهايد والفل
والكل كان يصفق له بقووه

انا فرحت لأيمن من قلبي امتلين عيوني دموع الفرحه غمضت عيوني وبين ادعي : يارب يارب يارب انو انا الثانيه لا تخلي احد يشل مكاني يارب انو انا يااارب
رئيس القسم: مشكور حضورك ي د/ايمن ننتقل للشخص الثاني تتوقعوا من يكوون
الطلاب والحضور كل واحد بيمشع اسم ويختار الذي يشتي

انا جالسه ادعي مثل المطر

رئيس القسم ضحك: لا لا ماقدرتوا تحزروا اشتي تفعلو احلى واقوى تحيه للدكتوره والجراحه: العنوووود عبد الله ال...... فلتتفضل مشكوره

الكل بيصفق بحراره وبيصفروا

انا سمعت اسمي ودموعي نزلين ع طوول ارررررتحت وحسيت بخمول ماعد اقدرت امشي وكان نفسي اصيح بطول صوتي من الفرحه

طلعت المسرح بخطوات ثقيله وصوت التصفيق بيزاد

سلمت ع الدكاتره واستلمت شهائدي ولبسوني فل خيررات وبنتصور








📚 @rewayatyamania 🇾🇪

.

البارت 189 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


امي وام ايمن جنب بعض وبيبكين من الفرحه وبيتحلين لنا امي: انا فدالها صممت وحاربت كل شي وقف في طريقها لما وصلت للي نفسها وتفوقت ع الكل

ام ايمن: الحمد لله الله ثمن تعبهم وفرحنا بتخرجهم


ابي وابو ايمن فااارحين ومزقرعين .
ومفتخرين ان عيالهم اكبر الجراحين
انا نزلت من المسرح بصعوبها قد فوقي طن من الفل قد كنت شنكع مقدرت ارجع مكاني سرت طرف الصاله وبين ابكي من فرحي
امي بسرتني وجت لاعندي

وايلاف والبنات نفس الشي جين عندي

امي: مبرووك ي رووحي انا فدالش صدق رفعتي روسنا اليوم

انا ضميت امي وابكي وامي رجعت تبكي معي

البنات جين ويباركين لي وعيونهن بتلمع من الفرحه

وانا اضم كل واحده وافعل عندها دمعتين وارجع اضحك

سارة: اليوم انتي ملكه افرحي مابش مكان للدموع

انا: لك الحمد ي الله ماناش مصدق ان حلمي اللى تمنيته من ايام الثانويه اليوم تحقق حلمي ذاحين بين ايديي واقدر المسه انا محظوظه قوي لك الحمد ي الله
هنوف بتضحك: كان شكلش حالي وانتي بترفعي الفل لاطالع عشان تبسري طريقش تخطي

انا: يووه قد رقبتي بتوجعني ماعد استرش اخطى بهن هولا كلهن
ايلاف بعدت نصهن من فوقي

هنوف عدتهن وشهقت: يووه حسبش الله متحمله ٢٥ عقد فل قوى لش ما ارتجمتي من الثقل

امي ضحكت: ماشاء الله تستاهلي اكثر

انا: يلا وزعين هولا عليكن والبسنهن هديه مني زيدين ادين لأيثار وام ايمن وتيسير لو سمحتين

ايلاف: حاضر من عيوني
واصل الحفل وتكرمو الطلاب كأمل كل واحد حسب مستواه ودرجاته
وبعد ساعات كمل الحفل وفرحنا وانزفينا وتصورنا وفعلنا كل شي

الناس بدأوا يروحوا

الجامعه حجزت للبنات مزرعه فيها مسابح وساحات خضراء ومجالس وخلت الدعوه عامه لمن تشتي تدي اهله
وحجزت للاولاد نادي رياضي كبير وخلت الدعوه عامه

امي وايلاف وام ايمن والاهل روحوا البيت وانا وسارة وهنوف وايثار سرنا المزرعه

اجتمعنا مع بقيه البنات وخرجنا من الصاله بزفه وجنان وزقعه وتوجهنا للمزرعه وطلبنا غداء من المطعم يدوه لنا والعيال نفس الشي

في المزرعه بعدنا العبايات ولعبنا وضحكنا وجننا وارتحنا قوووي وماروحنا بيوتنا الا بعد المغرب وقد احنا ميتات من التعب 💕 .

.
بنفس يوم حفل التخرج اول ماوصلنا بيتنا ..... دخلت البيت وهو مجغور وخالاتي موجودات مع خاله امه اللطيف وشويه من نسوان الحاره المُقربات وكلهن بيحتشرين في المطبخ

هنوف: يووه مابه كيف لما مجتمعات كلهن

انا: مدري جي نسير نسئل امي وايلاف (دخلت المطبخ وليقتني ايلاف وامي)
انا بأستغراب: مابه او قد بدأ العرس ومشنا داريه !!

ايلاف: هذا ابي الله يحفظه عزوم ناس خيرات غطوه ع الغداء اصحابه ومن الحاره واهل ايمن كلهههم واهل عمي احمد وانسابه وذاحين بنعاني الغداء لغطوه

انا: يممه كم ، ليش ياسعم مافهمت

امي: ابوش من فرحته بتخرجش وقد بنته دكتوره ع سن ورمح كان يعزم كل واحد يلقاه واهل ايمن عيجو يعقدو لكم وعمكن احمد عيجي يخطب لسامي وزد عزمنا اهل هاشم قدي جماله من مره
هنوف قفزت بفرحه: يووه خطوبتي غطووه واخيييرا

امي بهررت لها: استحي شويه عاد عمتش هانا ما عتقول ماشي والله ماتشمي زواجه اعقلي اول ..
احنا تكركرنا عليها

هنوف اصترعت : يووه علي بيبكي ش اسير عنده (والهرربه)

ساره جت: قالو امي عندكم مامعاكم للهوكه هذه !! انا: حكيت لها

ايلاف: يلا ي حبايبي اشتحطين وجين عاوننا

انا: لاااااع لووسمحتين انا تاعبه وبعدين انا العروسه عيب عليكن المفروض اتحجب

ساره ضحكت: بطلي مغالطه ماعتتحجبي الا اليوم ومابترضيش هيا ايمن يشتي يطعم غداش

انا: ولو اني ميته تعب لكن سهل دام وايمن عيتغدى عندنا فداه التعب كله



https://t.me/+Ecxq_OzMYh40M2E0






📚 @rewayatyamania 🇾🇪

.

البارت 190 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪

.
دخلنا كلنا المطبخ وبنجهز ونقصقص الخضروات ونفعل بنات الصحن وبنتحابر من التخرج ومن العرس ومن عيجي غطوه وكيف عنفعل

كملنا عملنا ع الساعه ١١:٣٠ ودخلنا
خالاتي وساره جالسات عندنا وسمرنا انا وساره وهنوف لانص الليل

انا: سواري بين احس غطوه عيعقدو لش ع الطريق وانتي تبسري الرجال عشقهم الكلفته

ساره ضحكت: والله انو نفس احساسي عيقلوا قد الشيخ موجود والجو مناسب ومجتمعين

هنوف شقحت: واحنا مافعلنا بكم اعقدو لنا ع الطريق ي ساره والله ان معش اخ اهبل مبوررد قووي لو انا بدله حرام ما اخرج من هانا الا وقد عقدت من جيز اللى بيتزوجوا
احنا قرحنا ضحك كيف بتتبرقط

انا: خرووفه قلش امي استحي وبطلي الزقعه ولا تشاقحيش انتي عادش اصغر مننا فتره الخطوبه احسن شي يجي ومعش وقت تقدري تتراجعي لو ماعجبش سامي(وضحكت)

هنوف رجمتني بالوساده: سامي هذا احسسسن مليوون مره من حقش ايمن قصدها لاقد ادى لها ورده انو بيحبها شلوكم ي قديمين

ساره: هاهاها ع اساس انتو اللى حبكم استايل وماعد بتخلو زوه ولا كافي ماتسيرو فيه ، انتي داريه ان
انتي داريه ان سامي صفاطه جلف قووي دكمه واحده تنكع كتفش الله يعينش عليه وبعدا مه كل ماحب هذا الشخص يصافطه اقوى يعني عيجي وانتي حوارق حوارق (وبتتتضحك)

هنوف: يعووه ع جلافه ماذاحين اشتي خطوبه بس عسب افكر لان شكلي مودفه صدق
(جلسنا نتجابر ونضحك لما رقدنا) .


.

وقت الظهر في بيتنا زد جين شويه نسوان يعاونين امي وبيتنا مجغور ملان ناس بدأو يجو
فواز جاء لاعند ايلاف
فواز: ويني عنود
ايلاف: في غرفتها ماخلينهاش تنزل قدي عروسه ايحين عتعقدو وتخطبو
فواز: كله عيقع بعد الغداء عنكمل وندخل الديوان ونخزن اهم شي جهزين الديوان
ايلاف: جاهز غر ماعيكفيكم ولا خيمه ابسر كم قد انتو جيش
فواز: من قلش ان كلهم عيخزنو عندنا عيتغدو ويريحو لهم الاغلب عيبقى الاهل والعرسان واهلهم
ايلاف: هاا يلا تمام المهم لا تنسو نصيب النسوان من القات قد تعبين معانا .
.
.
في بيت ساره نفس الوقت
امه اللطيف وساره روحين يبسرين حقهن العريس

امه اللطيف: بترتب شنطه الخطوبه وتدعي له

ساره: عند سامي بتطقم له مايلبس وبتسبره

سامي شخرته وصلت لاعند اذانه: بين احس نفسي اليوم وسيم قووي لا اله الا الله

ساره: انت وسيم من يوم يومك جبرك محلاك وانت مهجنم وشكلك عريس مبروك
ي روح اختك الله يتمها لكم ع خير ويسعدكم

سامي ابتسم:اميين كيف بتبسري هنوف فارحه ومزقرعه مثلي او بتدقها خزا واحراج

ساره ضحكت: تطمن فارحه اكثر منك كودها الا تجابر عليك والا تتناقر هي واختها خطيبي احسن قالت خطيبي اروع

امه اللطيف دخلت وفي يدها مبخره عوده : ماشاء الله ع ولدي حجاب وياسين ع دمك ولحمك الله يفرح قلبك ويتمها لك ع خير

سامي حب راس امه: الله يحفظش ويعافيش .
.
.
عند ايمن فوق السياره
ايمن متشيك ولابس ثوب ابيض وكوت هوكه والشال والجنبيه (ايمن جالس جنب ابوه)

ايمن بتحاكا بصوت واطي: ي اباه حاكيهم بعد مانعقد اشتي ابسر مرتي

ابو ايمن ضحك: جالس هذك اللغجه ع نفس الموال من يوم الخطوبه تمام عد احاكي عمك عبدالله ونقول قديه مرته وحقه سهل لا ابسرها وهو اكيد ماعيجزمش يرفض

ايمن فرح وبيحاكي نفسه: ي خوفي مايرضوش او تتهرب هي وبعدا يقع شي ويخليني ابسرها غصب عنها .




https://t.me/rewayatyamania/3






📚 @rewayatyamania 🇾🇪

.

البارت 191 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



في بيتنا فرشوا الحوش وداخل البيت وبدأوا يقدموا الاكل

والنسوان بيحتشرين في المطبخ

وابي واقف في الشارع بيستقبل معازيمه وصل الكل وبيباركوا لبعض ولأبي وابو ايمن بمناسبه تخرجنا

شويه وجلسوا فوق الاكل وبيتغدوا وكل شي موجود ومتوفر

ابي بصوت عالي: حياكم الله فوق العين والرأس كلكم وارحبو ع الحاصل

الرجال ردوا عليه: الله يحييك

ابو ايمن: وافي وكامل ماشاء الله

فواز بصوت عالي: يهنى ع كل من تغدى

الرجال ردوا: هنّاااك وعافاك


عند ابو هاشم وعم احمد فوق الغداء
ابو هاشم: ما رأيك ي ابو سامي نعقد لهاشم اليوم والكل دام وقد حددتوا العرس ذيه الشهر قدو من مره

احمد: لا انتوا جاهزين ومستعدين مابش مانع ع بركة الله

ابو هاشم: جاهزين انت وافق واحنا بعدك

احمد: خلاص ع بركه الله نتوكل ع الله وعنزد نكلم البنت تدرى

ابو هاشم: حااضر من حقكم تسألوها


في غرفتي جالسه انا والبنات وبنات خالي

ساره وصلها مسج من سامي (ياااوه ي اختي ناويين يقرطسوش ويعقدوا لش اليوم اعملي حسابش😂😂)

ساره بتضحك قوي: ي عنوود والله ماراحت لش شكلش متفقه معاهم والله انهم عيعقدوا لي

انا: هع هع هع قولت لش

ايلاف جت: يلا ي قمارا انزلين تغدين هيا ي عرايس نورنا وجين معانا

هنووف: واخيييرا قدنا ميته جووع (خرجنا من الغرفه)

ايلاف: هيا بنات افعلين محجره حاليه ماعبش رجال (وحجررين)

انا وساره وهنوف بنتكركر (نزلنا تغدينا ورفعين البنات وغسولين مع المعاونات)
.
.

عند الرجال في ديواننا.. (تأخر الشيخ)
تقدمو اهل سامي وتحاكو عن الخطوبه وابي وافق وكملوا يخطبوووا وكل شي وبعدين جلسوا يتجابروا


ع الساعه ٤:٣٠ العصر وصل الشييخ وبيعتذر عن التأخير وبعد شويه بدأوا يعقدوا لنا

ابي وايمن ماسكين ايدي بعض ويرددوا بعد الشيخ ونعثوا الزبيب واللوز والرجال بيباركوا لهم

بعدها عقدوا لساره وفعلوا نفس كل شي وتنابعوا ع الزبيب واللوز

احمد بضحك: هيا اقرب ي شيخ عبدالله

ابي بيخبي ضحكته: مانفعل اعقله من الجنان

احمد: نعقد للباقين قدهم جمعه هيا اقرب

رجال١: ايوه هيا ي رحمتاه ابسرو سامي قد عيقرح يشتي زواجه (كلهم ضحكوا عليه)

ابي بضحك: هيا ماهو مابلا تكلفتوني بالثنتين رحلك مني

احمد: وانا تكلفت والكل هيا اقرب ي ذاك

رجال ٢: هيا قدي محطه لمه ماسامي حنو يرحم عتخطبوا له وبس

سامي مشخر بكل قوته وبيضحك
رجال٣: هيا حللو الشيخ وابسر ي عم عبدالله ع شخره فوق سامي حرام تكسفه (الرجال ضحكوا)

ابي ماسخي يرد عمي احمد ولا يكسف سامي

قام من بقعته وجلس في الارض عند الشيخ : هيا اقطبوني امركم الله زدتو عليا

احمد بيضحك: هيا ي شيخ اقطبي قبل مايدرى بالصرعه ويتراجع

احمد: قام من مكانه وهزر سامي وجلسه
وبدأو يعقدوو وسامي فارح ومبلود بنفس الوقت

فواز بصوت عالي: هيا من عادو عزب ويشتي زواجه يقرب للوسط عنقفل المحل (الكل ضحكوا عليه وكملوا اتفقوا ع كل شي)



عندنا في ديوان النسوان كلنا مجتمعات مع النسوان وشويه ضيووف والثلاث جالسات جنب بعض نتحروى
فواز جاء وبيداعي ايلاف...

هنوف بتشاورني بفرحه: شنطتي وصلت نيهههاااي اقطبوني بالدبله

فواز مكنها الشنطه وبيضحك: ادعي امي احاكيكن (بعد ماجت امي)

ايلاف: مالك بتضحك الله يستر مابه

فواز: ي اماه عقدنا لهنوف والكل زادوا ع ابي وغفروا بناته

امي بهررت: قلدك الله لمه من قلكم مايسبرش ماقديه حق زواجه

ايلاف مش مستوعبه: يااارباه عتنجلط هنوف

فواز: مانفعل قد عمي احمد مابلا والا لمه ماسامي يجلس بغير عقد

امي: ناهي حسابه عندي يخليهم يشلوا بناتي بنفس اليوم

م ايلاف: قدي مكتوبه من الله تتزوج اليوم حظها

فواز بضحك: سيري ادعيها ابشرها ابسر ماعتفعل (ايلاف داعتها)

هنوف جت ومستحيه: احم احم ماتشتي

فواز: مادريتيش مافعلو بش وانتي هانا مقعيه

هنوف افتجعت لايرفضوا: ماهووو!!

فواز: خطبنا وعقدنا لش مع عنود يعني قد انتي مزوجه ي اختي مبررووك هه

هنوف ابتلدت: هااااااه ماااهو من تزووج

ايلاف خبطتها: ركزي قد انتي مره سامي زوجوش وانتي هانا مقعيه

هنوف اكتبدت وماعد دريت ماتحس وما تفعل حست جسمها دخن شلت نفسها سكته ودخلت الحمام

هم ضحكوا عليها

امي بضحك: ماعندها حجه قد ابتلدت انا ي ويلكم من الله تزوجوا الترلي هذه
هنوف كانت تبكي وتضحك من الفرحه خطيت تغسل وجهها عشان تستوعب ترجع تضحك وتتفرج نفسها في المرايه وتتحيلا لسامي (سبرت نفسها وجت عندنا تجلس)

امي بصوت عالي: هيا مبروك ي امةاللطيف قذا خطبوا وعقدوا لسامي والكل
الكل استغرب وجلسنا شويه لما استوعبنا ورجعنا نضحك

قامت امه اللطيف تلبس هنوف الدبله وهن بيحجرين وبعدا يحجرين لنا

انا: ايووه ايووه قلبناه عرس جماعي كانو عقدي وحدي ي قلادات

هنوف: ارزاق ارزاق مشي ع البكاره ابسري جلستين تصروعني وزدت عليكن الثنتين هاهاها








📚 @rewayatyamania 🇾🇪

.

البارت 192 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


عند ابي في الديوان ساروا الرجال وبقي اهل ايمن

ابو ايمن بضحك: عاد معانا طلب صغير ايمن يشتي يبسر مرته قد جنني من يووم الخطوبه

ايمن استحى وبيتفرج لتلفونه ولا كانهم بيتحاكوا عليه
ابي : قدي هذك الزيده يبسرها من حقه قدي ماذاحين مرته مانستر نقل شي

ايمن فررح : احم احم مايقولوا اسلم ي عم والا ماهو ماقد جربت ي خبره
كلهم ضحكوا عليه

فواز: قووم صلي مغرب ذاحين لما نقلهم .

فواز داعاني انا وايلاف

فواز: ي الله مخرجاك ايحين يكمل ذيه اليوم هيا جهزيها ي ايلاف ايمن يشتي يبسر مرته كرهن عقد

انا بهررت: قلدك الله وابي ماقال

فواز: ابي عادو مسوم من عقد هنوف لو تقولي له يبيع البيت عيبيعه

ايلاف: هيا هيا اقطبي تلبسي شرق

فواز: البسي ملفلف ابوه الدلع والحركات وقدو زوجي

انا: نااهي انا ادرى منك مشنا خجفى ابوها الزره ماتناسبكش

فواز ضحك: اخطي البسي ي مدام عيكمل يصلي ويشغلني يشتي يبسر مرته

انا: يوووه قد كمل يصلي بالجامع خاطركم(ومشيت)

ايلاف: قلدك الله ي فواز تخليهم لحالهم شويه تمام لاتجلس فوق روسهم

فواز بهرر: اخطي للهباله هذا السع

ايلاف: لووسمحت شويه بس وقدهم مزوجين ماعيفعلوش شي

فواز: تمام سيري ذاحين عاجليها لما افكر في الخبر

ايلاف: واافق هيا عادو عيفكر سعم مدري من هوو

فواز: تمام اقطبني ذاحين



في غرفتي
لبست قفطان مغربي محشم لونه سكري مطرز خفيف ولفيت الطرحه بطريقه خفيفه واتسبرقدام المرايه

ايلاف شلت الروج وشويه قلافد من التسريحه وفعلت لي

انا: ي جنيه بتدوري فواز يقوم يضاربني

ايلاف: ماعيركزش وبعدا قدو زوووجش حتى لو يبسرش بشعرش عادي

انا: ايوه ماعد ناقص تقولي لي روحي معه اليوم قدو زوووجش

ايلاف ضحكت: والله لا نفسش عادي ي اباه عليكم

انا تنهدت بخوف: يووه كيف افعل ما اقوله اسلم عليه او ايش

ايلاف: لا تتوتريش اذا سلم عليش سلمتي وخليش خجوله واذا سألش شي جاوبي ع قد السؤال بس عسب لايقولش معه مره هداره

انا ضحكت: يهييي هاااه كم قد تجابرنا سوى انا بين اهم كيف لما ادخل فاتشه ويبسر وجهي

ايلاف: يهييي هاااه كم قد ابسرش لو تسأليه احلويت او لا سمنت او نحفت عيجاوبش ع طول

انا ضحكت: اصلًا كل الرجال يركزوا ع الملامح، المهم لا تحاكي خالاتي وبناتهن اني شدخل عند ايمن سكته
سهل سارة وهنوف

ايلاف: حاضر

(كملت اتجهز ونزلت لاعند فواز)


فواز : جي المكان الثاني هو منتظر هاناك

ايلاف: لاتنسى اللى قولت لك لووسمحت

فواز دخل الغرفه وانا خطيت خلفه وفيني شويه خوف وكنت موطيه راسي ومستحيه

ايمن : ابسرنا وسنب وبيهرب بنظراته للارض

فواز: مبروك عليكم الله يهنيكم ويتمها ع خيير

ايمن: اميين تسلم

فواز تعمد يحرجني: هيا مالش متخبيه قفايا هو يشتي بسرش انتي مانا قدو ضابح مني (مسك يدي ومشاني لاقدامه)

ايمن مد يده يسلم: مساء الخير كيف انتي

فواز دكمني: سلمي عليه

انا موطيه راسي مديت يدي بسرعه وسحبتها: الحمد لله

ايلاف شغلت فواز رنات عشان يخلينا لحالنا

فواز ابسر ان احنا ما ارتحناش قرر انه يخرج وخلا الباب مفتوح للنهايه

ايمن افتهن و تشجع: مبروووك علينا زواجنا وان شاء الله زواجة الدهر

انا بربشه: الله يبارك فيك وعقبالك

ايمن ضحك: ماهو عقبالي او قد تشتي اتزوج ثانيه

انا فهمت وضحكت خفيف: ههههههه نسسيت

(عم علينا السكووت ومحد داري مايقول)

ايمن اشر لاعند اصابيعي بمعني اغير مكان الدبله

انا استغربت وبين اتفرج اصابيعي:!!!

ايمن: لوو سمحتي ي مرتي غيري مكان الدبله من اليمين للشمال

انا: هههههههه حااضر ماركزت

ايمن: احم احم كنت اشتي اكلمش شي مهم جداً وضروري رأيش وموافقتش عليه

انا استغربت: ايش

ايمن بأرتباك: أااءء ااا امم طبعاً قررت اني اكمل دراستي الماجستيريه والدكتوراه في امريكا لانش داريه ان شهاداتهم هي الاقوى عالميا وقد جهزت كل شي وثبت الحجوزات ومواعيد الاختبارات

انا اكتبددت قوووي وتغير صوتي: اهاا الله يسهل لك ومتى حجزت

ايمن: بعد العرس بثلاثه اسابيع ع طوول

انا مكبووده انو عيفلتني :....... (سااكته وموطيه راسي)

ايمن عجبه الخبر: عتجلس هاناك اربع سنين وماعتقدرش اكون اجي هانا وابسرش واول ماعد ارجع افتح لي مجموعه مراكز صحيه متخصصه في الجراحات القلبيه والعصبيه

انا عيوني لمعين من الدموع وبين اخبيهن : ماشاء الله مشروع حالي الله يوفقك ويعينك

ايمن : مالش شكلش زعلتي او ايش هذا بدل ماتفرحي لي وتدعميني

انا بكبده: مش انا زاعله الا انا......(ماعد قدرت اكمل الكلام سكت)

ايمن ضحك: بااس بااس لاعد تبكيش اصلًا ماسخاني افلت عروستي واسافر وحدي ماعد ارتاحش ولا عد اقدر اجلس يوم واحد

انا فرحت وتحاكيت بسرعه: صددق يعني عتجلس معك ولا انحرم من حسك معي (ركزت ماقولت واستتحيت سكت)











📚 @rewayatyamania 🇾🇪

.

البارت 193 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


ايمن ضحك: لو انا داري انش عتتحاكي هكذا وتفرحي كان تحاكيت من اولها

انا: كنت اشتي اتحاكا بس قاطعني فواز بدخوله وسكت

فواز: هيا فين قد انتوا

ايمن: بين اكلمها من امريكا وماقد حجزت اسمعي اعملي حسابش مسافرين بعد ثلاثه اسابيع من العرس وقد جوازاتنا سابره وطلعت لنا الاقامه وقد معانا شقه هاناك وكل شي سابر

انا: جوازي عادو ع ماهو يمكن قد انتهى

فواز: قصدش ان احنا راكنين عليش قد جددناه وسبرنا كل شي توكلوا ع الله بس

انا: فارحه ومش مصدقه اللي منتظر لي بعد الزواج وكيف عتتغير حياتي (كملنا كلامنا وانتهى لقائي مع ايمن ودخلت عندهن وهم روحوا بيتهم لقيني البنات وبيسألني ماتجابرنا ومافعلنا حكيت لهن كل شي وفرحين عشان امريكا لكن امي زعلت وبتحاول تتقبل هذا الوضع .


بعد ساعات لما فضي البيت تماماً ابي جاء وبيداعيني
ابي: اهلًا بحقي الدكتوره مبرووك مبرووك دام الله السرور

انا: الله يبارك فيك ويحفظك (حبيته في راسه ورجع جلست عرضه وطرحت يده فوق كتفي)

ابي ضحك: ويني هنوف اللى زادوا عليا وخلوني ازوجها عادنا استوعبت ذاحين

هنوف جت : وفعلت نفس مافعلته وحاضنه لأبي من الشق الثاني

ابي: وعيشلوا بناتي مني والفعله تسخين تفلتنا وحدنا ربيناكن برموش عيوننا وعلمناكن وكبرناكن ودلعنا وفي الاخير يشلوكن من عندي ما اسخاهم (حبني في راسي انا وهنوف)

انا اكتبدت وحجفته وبكييت هنوف بتفعل مثلي وتدور البكاء منين يجي

ابي حس حراره دموعي رفع راسي وبيبسرني : بس ي بكيه ضروري تبكينا معش (عيونه امتلين دموع وبيكابر)

انا زدت ابكي لما ذكرت امريكا: ماسخاني افلتكم وكيف عد اقدر اجلس في بيت مشو بيت ابي وامي

ابي: انتين عتسيرين لاعند احلى ناس وعند ابوكن وامكن وفي بيتكم معاكن ازواج واهلهم ناس طيبين قوي وقد بيننا عشره وملح محد عيسخى ع بناتي واللى عيسخى ش اجي اسحبه من اذانه امي بتبكي سكته وبتتفرج لنا (وبدأت اكلمهم ماقالي ايمن ع امريكا)


فواز وايلاف متأثرين
ايلاف بصوت واطي: يووه مانا مافعلتش كذيه مع ابي لما تزوجت حسستهم كرهن تزوجت ع هباله فيني

فواز ضحك: انتي هبلا وعليها (هزرها جنبه وطرح يده ع اكتفها وبيحجفها صليه) يووه كيف انتي قصيره عندي

ايلاف : هو انت اللى بتطول كل يومين (شبكت يدها في يده وخبو ايديهم خلفهم عشان ابي لايبسرهم وبتتفرجه بعيون حنونه ورمنسيه) فوواز الله يحفظك لي ويخليك تاج ع راسي

فواز ابتسم وطرح يده الثانيه قبال عيونها: لاتبسرنيش هكذا بتشدفي حسي ماعد ادراش ما اقوول

ايلاف بعدت يده وبتتفرجه: احسن شي اشتي ابسرك وانت مرتبك

فواز : جي ي مرتي نهرب لنا من هانا خليهم لحالهم واحنا لحالنا نعتبر انفسنا عرسان والكل (شابكين ايديهم وطلعوا غرفتهم عند علي) .



https://t.me/+Ecxq_OzMYh40M2E0






📚 @rewayatyamania 🇾🇪

.

البارت 194 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


هنوف اتصلت لأيثار تحانكها وتفحرها

ايثار فتحت الخط وبتبارك لها ع الخطوبه

هنوف قرحت ضحك وبتضحك بهستيريه متخيله منظر ايثار لما تعرف انها عقدت

ايثار بتضحك من ضحكه هنوف: مالش ي ام الصبيان تحاكي اشتي اضحك

هنوف ماقدرتش تتكلم مكننتني التلفون واشرت لي اكلمها وافتح الاسبيكر

انا بضحك: متاكده تشتي تدري مالها اختي من كثر ماهي مش مصدقه عتجنن

ايثار: قدي مصروعه الخطوبه اثرت عليها ي رحمتاه قلة الولف هي تفعل كذيه

هنوف زادت تضحك : عنبسر من عيصترع ذاحين

انا: يوه ي ايثار فاتش نص عمرش اليوم لو كان اهل خطيبش جوا يتغدوا هانا انهم زوجوش والكل معانا تخيلي زادوا ع ابي وعمي احمد وعقدوا لنا الثلاث

ايثار اصترعت: هاااه لحظه دلا عليا افهم من هن الثلاث

هنوف: عنود رقم واحد واثنين سارة وثلاثه اناااا انااا ي حرامه مابش لش زواجه (وبتضحك)

ايثار مبتلده وساكته بتحسب وتستوعب

انا بضحك: هيا مالش وين جيتي او اصترعتي

هنوف: دوخت من الحسره مازوجوهاش معانا (وتضحك)

ايثار بتتقفز وتتبرقط: هنووووووف جعلش طحسه انا اكبر منش وانخطبت قبلش وانتي اللى مارضيوا يخطبوا لش ع اساس صغيره زوجوش مره واحده هيا حرام ماسبرت لش ي قررده

هنوف ميته ضحك: الله بيحبني قوي وجبر بخاطري انا و زووووجي لان احنا مساكين وخليناهم ع راحتهم ذاحين عوضنا

ايثار بتقلد بكاء وتضحك: الله يشله يزن شليته مال امه مايجي بيتكم يعقدوا لنا ع الطريق قدي هذك ذاحين اسير طريق ايمن اقوله ليش مايتصل له وقت العقد
قلدش الله ي هنوف لا تعرستي قبلي

انا: اول شي ايمن مايدخلش من خطيبش يعقد والا هو حر وثاني شي سعليش هنوف عترتزع في بيتنا سنتين ثلاث وبعدا يقرروا يعرسوا لها او مع

هنوف: هع هع منو قلكن اصلًا ماعد اشتيش عرس طزز في ابوه وقد معي سامي اصلًا شا اسير عند زوجي يوم الصاله حق عنود نكمل نعرس لش ورجع كل واحده تروح عند زوجها وعيجي وانا لابسه ومتصلحه وقدي من مره المساكين اللى مابش معاهم زوج وعيروحوا يرقدوا ع طوول (وبتضحححك)

ايثار: عليش اللعنه ي كلبه فارحه بكل قوتها

هنوف : يلا امسحي رقمي من عندش المزوجات مايحاكين العزبات يلا من هانا سيري تفرجي التلفزيون والا ذاكري ماجلستش عند المزوجات ولو ازد ابسرش تفعلي كحل والا روج انو من بلاش عيب انتي عزبه

ايثار بتجنن وميته ضحك: خرووووفه انقلعي انتي اول من تزوجت هبلا جعله سمش

هنوف بتغني وتحانكها .


.
الساعه ١١ م في غرفتنا
كل واحده فوق سريرها وهايمه في عالمها الخاص

انا: ماسكه قلم ودفتر مذكراتي وبين اكتب ماحصل معي اليوم وكيف احساسي ومدى فرحي

هنوف : بتسمع اغاني رومنسيه ومغمضه عيونها بتتخيل حياتها مع سامي ومبتسمه

ضوت شاشه تلفوني وطلعت نغمه الرسائل فتحتها ع طول وكانت رساله من ايمن ..



ضوت شاشه تلفوني وطلعت نغمه الرسائل فتحتها ع طول وكانت رسالةSMSمن ايمن

فتحتها بسرعه: ستبقى عيناكِ تربكانيِ مهما اعتدت رؤيتهما! 💕

انا ابتسمت وفكرت ايش ارد: ‏أجمّل شي انك تلقى شخص يثبّت لك حُبه بأفعاله كأنه يقول , وين بتلقى أحد يحُبك كثري؟
ايمن ابتسم ورد لي: ‏فهل في الحبِ من ذنبٍ ‏اذا أحببتُ يا ربي؟
‌‏فأنت َخلقتٓ هذا العشقٓ ‏يا رباهُ في قلبي
وانتَ صنعتَ هذا الحُسنَ يا رباهُ ماذنبي!
انا ردت عليه: أما والله أنّي كنتُ للحبّ كارهتاً ولكنّني إبتليتُ بك بلاءً جميلاً

ايمن رد: افتحي الواتس الان لو سمحتي حسابش معي قلك بلاء 😂

انا فتحت النت بسرعه وصلتني رساله: ي بلوتي قدنا بلاء عندش 👊💀

انا: 🙈🙈🙊🙊 البلاء نوعين بلاء حالي وبلاء شوعه وانت رقم اثنين 🙊😝😝

ايمن: والله 😂👊 قد كنت ش اسافر وحدي قولت مع لازم اشل هذه البلوه معي شكلي ش اغير رأيي 😂💔

انا: ايوه صح لاتحاكيني 😾😾 عادنا زاعله نكعت قلبي للارض واكتبدت

ايمن: ياسين ع قلبش انا اسف قولت اجرب افجعش شوويه

انا: 🙈🙈🙊اخر مره لك ماشي عتبسر خبر ثاني

ايمن: 😂😂 ياسعم تشتي تفجعيني بتزري فوقي عادي زري للصبح 😜 (كملنا نتجابر ونصحك وتكلمنا ايش عيكون مطلوب مننا من اختبارات اول مانوصل امريكا ) .









📚 @rewayatyamania 🇾🇪

.

البارت 195 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



هنوف جالسه في عالمها الخاص فجأه وقفين الاغاني استغربت رفعت التلفون تبسر ماله وان به اتصال من ساامي
هنوف بسرت لاعندي وانا حسي مشو عندها قامت خرجت وسارت ابعد مكان من غرف النوم حقنا ودخلت وغلقت جلست في الظلمي وفتحت الخط وبتسمع

سامي دري ان الخط افتتح شغل اغنيه بتلفونه الثاني وسمع هنوف اغنيه (هلا باللي تمنيته نصيبي هلا ي فرحي وسعدي وطيبي هلا ي نصفي الثاني هلا به هلا باللي اناديه بحبيبي )

هنوف بتسمع ومبتسمه بكل قوتها

سامي غلق الاغنيه وجلس سااكت

هنوف بصوت مشاوره: ييه وين انت مالك ساكت المفروض انا اللى استحي واسكت مش انت

سامي ضحك: جالسه هذك اللقنه حتى وقد انتي متزوجه المهم مبرووك ي رووحي و ي قلبي وي حبيبتي وي زوجتي وكل دنيتي

هنوف استحت وتنهدت: الله يبارك فيك ي روحي

سامي: الحمد لله انا اليوم فاارح قوي قدرت انفذ وعدي اللي وعدتش وقد انتي حقي وحدي ذاحين نتواصل بكيفنا ماعليهم مننا

هنوف ضحكت: جبرك انا فدالك الحمد لله الله رزقني بسيد الرجال ووقعت مرته فجأه

سامي: بسرتي سبحان الله كيف حلبطونا بالخطوبه وتعوضنا بزواجه امد لكن شكلهم ماعيعرسوا لنا الا وقد جعجعوني لما شبعت

هنوف: قد امي بتقولي من ذاحين ماعرس مابش الا كما عقلت وانا ما اضمنش نفسي اعقل لكم امد الصدق

سامي: اعقلي عندهم خرط امد مانتزوج وعندي اجنني اسهل عد اتحملش

هنوف: ي خوفي ترجع ترلي مثلي ويجي وقد احنا بنتلاحق ملان البيت وامي امة اللطيف تلحق ورانا بالعصيه

سامي تخيل الوضع وبيضحك من قلبه
هنوف بتتحيلا لضحكته: يحح جبرك ولو ان قد نفلتك امس عند سارة وكنت مقززه

سامي : ع مه نفلتيني نفلوا ماعدنا متحاكي

هنوف: حق ماقولت هكذا والله ما اقولك م ا ع ه

سامي: الا تحاكي ضروري اعرف

هنوف بملعنه: ماعه اول مابه قولي احبششش واعشقشش واهوواش شليني لشش وما احس اني بخير الا معششش ...وركز ع حرف الشين لو سمحت

سامي: احد قالش اني بغباء اقول بعدش م ا ع ه

هنوف: وانا م ا ع ه نفلتك نفل حجاب وياسين و ع موضوع كبير قووي لو تدرى به لا تجنن

سامي بسرعه: احبشش واعشقشش واهوواش شليني لشش وما احس اني بخير الا معششش ..هيا اسرعي تحاكي الفضول قتلني

هنوف ضحكت: لا لا مش هكذا تحاكا بهدوء وخليك ملان مشاعر واحاسيس

سامي: هيا من هذا هه والله انش عتتحاكي الان ي لغاجه

هنوف: مااعه ي كريه اصلًا نسيت ماهو الموضووع عن ايش كنا نتحاكا!!

سامي بيحرق: اقسم بالله ي خروفه لو ماتتحاكي لا اجي اسحبش من شعرش

هنوف بتتكركر وتحانكه: مالك دلا دلا لايقرح لك عرق عادك حريو (جلسسوا ساعتين يتجابروا شويه يسدوا ويرجعوا يتقالعوا ويتحانكوا وبعدا يضحكوا وهكذا) .
.

بعد خمسه ايام في بيتنا الصبح
انا قدام المرايه وفاعله في وجهي خلطه تبييض

هنوف جت وهي فاعله خلطه تبييض نوع ثاني

ابسرنا بعض وضحكنا ع اشكالنا

انا: مابتفعلي مامعش للدهونه انا قدنا عروسه بين اتحجب وانتي

هنوف: وانا عروسه ساعش ولا تنسيش معانا اليوم عرس سارة اقطبي

انا: منو قلش انش عتحضري العرس ممنوع عليش تدخلي هذاك البيت الا بعد عرسكم

هنوف تخصرت: وانتي عروسه ممنوع تخرجي تحجبي ساع الناس اذا ماسرتيش انتي انا والله ما اسير

انا: ماعه والله لا اسير عرس سارونه وانا مابحد والله لو قد بتجنني

هنوف: وانا والله لا اسير غصبب عنش رجلي ع رجلش

ايلاف جت: ي همتاه لحقنا العجايز مالكن اهدئين ي دجاج

انا وهنوف: هبلا تشتيني ما اسرش العرس

ايلاف ضحكت: اصلًا ممنوع تسيرين الثنتين لهذا ي قمارا اجلسين هانا واحده توبه علي والثانيه تذاكر لسجى
وانا اسير البس واتجهز براحتي واسير اتفرط انا وامي ونرجع لكن

انا وهنوف سووى: مااعه والله لا اسيير

ايلاف بهنجمه: يووه ي خزا البلا ماعيقولوا الناس علينا

انا: انا عادي لا سرت هن داريات بغلاوة سارة عندي وعادي محد عيتحاكا وش اجلس في بقعتي لا دخله ولا خرجه

هنوف: وانا مدخلش والله لا اسير لو تقولين ماقولتين وبعدا ماقد احد داري من الحاره ان قدنا معقوده الا شويه بس ع اساس مخطوبه ش اقل للبنات وبعدا هي ساع اختي ش اسير يعني ش اسير لا تحاولنش يخخ

انا: مدخلش سدين ش اسير ذاحين مع سارة الكوافير تأخرنا

ايلاف: يهي يهي ماهذه عادي تشتي تسير الكوافير ي بنت قري بقعتش تحجبي ساع الناس

انا: لو ماسرتش انا مع سارة من عيسير معاها ع كثر خواتها اللى معاها شلووش

هنوف: ي ويلش تسوي لش حاجه عند الكوافير خليش عاديه بنوته كيوته عشان في عرسش يقع لش شم وطعم

انا: ناهي ي شم وطعم سعم اني دجاجه مشوويه .




https://t.me/+Ecxq_OzMYh40M2E0







📚 @rewayatyamania 🇾🇪

.

البارت 196 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪

.
الساعه ٤:٢٢ بعد العصر في بيت سارة
البيت اتملى نسوان ومن الاهل (اهلها اللى في ذمار ماقدروش يجوا)

امة اللطيف: بتستقبل ضيوفها

اهل هاشم كلهم جوا واستقلبتهم بزفه ومحجره

في غرفه سارة ....
سارة جاهزه ولابسه فستان ابيض ناعم ع تسريحه ومكياج خفيف ومنقشه

انا لابسه فستان هادى وفاتحه شعري عادي
وبين اجهز سارة واعدل لها

سارة: يووه الله يوصلني وقدش بالفستان الابيض واسبرش بأيدي

انا: قريب قريب ان شاء الله بين احس الايام طوووال بنفس الوقت بيخطين امد

سارة: هو كذيه لأنش مراعيه لبدايه عرسش

انا بين اغالط: عتسيري اليوم عند هاشم وتشلي معش جهاد!

سارة: ايووه كان وين اخليه قدو معي

انا: ماشي مايسبرش خليه عندي يومين ثلاثه ويرجع سامي يوصله لاعندش

سارة: تمام لاقدو عيرضى و مايجننش

دخلت امة اللطيف: ماشاء الله قمر هيا نزفش قد جوا اهل العريس (خرجنا سارة وزفينااها وكلهن بيتحيلين لرقتها وابتسامتها الجذابه )

ام هاشم جت سلمت عليها وشاروتها بصوت واطي وسارة استحت وبتضحك خفيف ومادرينا ماقالت لها خخخهههههه

هنوف عند صحباتها بتزنط

بنت١: مبرووك الخطوبه الله يوفقش ي رب

هنوف: الله يبارك فيش وعقبالش ان شاء الله

بنت٢: هو مايسبرش تجي بيت خطيبش ليش جيتي ي هبلا

هنوف : ايوه انا داريه وكنت ماعد اجيش واتصلت امي امة اللطيف بتحلفني يمين مابلا والا اجي احضر عرس ساره اللى هي ساع اختي

بنت٢: ههههههههه حالي احمدي الله ع عمه معش ماتهتمش بهذه الرسميات

بنت١: نفسي ابسر سامي سع من قدوه كبر صغر طول عرض قدلي خيرات منه

بنت٢: ايوه صدق معش صورته اسكه ورينا

هنوف غارت: مابش معي صوره وتلفوني اصلا خارب لا تبسرنه احسن لكن لانو مشو حالي يفجع قريه ومشعفل قد ودفت فيه انا

بنت ١: يووه ودفتي فيه كان ليش وافقتي عليه

هنوف حنبت: أإءءاا اصلا ماسخيت اكسف ابي
واخي لما جوا سألوني وقلت يلا اوافق عادي

بنت٢: هاااه يعني خطبوش غصب عنش

هنوف كشرت: ماشي حسبش الله لاحد يسمعش قلت لش مايعجبني اكسر كلام ابي ورغبته لانهم اصحاب هو و ابي احمد لهذا ابي عجبه وماحب يكسفهم واختطبت وبسس

البنات: هاااه يلا الله يوفقكم .
.
.
جهاد داخل عند سارة فوق كوشتها
جهاد: ي ماما قدش حاليه وقعتي علوسه (قرب وحبها في خدودها وفارح)

ساره: بس ي حبيبي عيب النسوان يبسرنا

انا جيت وشليت جهاد: باي باي ي ساره انا اشل جهاد عندي يرقد وانتي اجلسي هانا ي مسكينه (خرجت لساني) تشتي تجي عندي انا وسجى

جهاد فرح: ايووه وادي لي العب بالايباد حق سجى وحدي واقد عندش للصبح ماما علوسه عيخرب العرس

سارة ضحكت: انا فدا للفاهم حق ماما يلا سير العب لما تروح مع ماما عنود

جهاد فلت يدي وحمل لاخارج الديوان لقيته ام هاشم مسكته وبتحبه وتلعبه وبتحاول تكسبه ويتعود عليها

كمل اليوم وعدا ع خير وجاء وقت ماتسير سارة دخلناها الغرفه نلبسها

اناخرجت بسرعه شليت جهاد لاعند هنوف : هنوف اسبقي روحي البيت وشلي سجى وجهاد معش عيرقد عندنا

هنوف فهمت عليا: قامت تلبس العبايه وخرجت للحوش بتلبسهم الجواكت بسرت سامي مراعي قدامها نزلت خنه البرقع ع عيونها وخبت ايديها عشان لا يعرفها وخلت جهاد وسجى يخطوا قبلها وهي تأخرت شويه وبعدا مشيت

سامي لمحها وعرفها خلاها لما مشت من عنده وداعاها: هاااه ييه ووويه ي حرم سامي رااعي

هنوف وقفت: جحفه عرفني ذاحين عيجلس يجابرني للصبح

سامي: مالش مهريه هكذا اين عتسيري هذا السع

هنوف: مروحه البيت عشان جهاد لايبكي بعد سارة

سامي بهنجمه: راعي ش اوصلش انا ضروري تخرج وحدها وتتمخطر بكيفها

هنوف: ناهي لاقد تصيحش هوذا البيت خطوتين ماتعرفوا الغيره الا في هذه المواقف

سامي: ماهو ماهو ماقلتي ماسمعتش سوى

هنوف ابتسمت: ولاشي قلت جبرك بااي ..
.

نرجع لغرفه سارة ....
بخرناها وعطرناها وجهزنا كل شي ولبست العبايه
السيارات في الحوش وملان الشارع منتظرين لها
طلع ابوها واخوها تصوروا معاها وسلموا عليها وخرجوا

سارة مسكت يدي بخوف: ي عنود مدري مالي مفتجعه قوي ماعد اشتيش اسير ولا اتزووج

انا: سهل هو هكذا ان شاء الله عترتاحي لما قدش عنده توكلي ع الله واخطي

امة اللطيف عيونها ملان دموع: الله يسعدش ي بنتي دنيا واخره ويسخر لش قلب زوجش ويحفظكم

سارة: اميين الله يحفظش ويقويش ي اماه

امة للطيف بصوت واطي: اوبهي لزوجش وهو ينتبه لش انتوا الاثنين مفارقين ومحتاجين اهتمام قوي لبعضكم قوى لأمي اوقعي رزينه وعامليه بأحترام واوبهي لبنته واحنجيها مثل جهاد عسب ربي يرضى عليش ويجبرش بزوجش وابنش

سارة: حااضر من عيووني

خرجت سارة من البيت وبنحجر لها طلعت فوق السياره مع عماتها وخرجوا من الحاره بموكب حالي

ام هاشم واهله روحين طوالي لاشقه هاشم وجهزين يستقبلنهم








📚 @rewayatyamania 🇾🇪

.

البارت 197 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


وصلت سارة ولقفنها بمحجره والرجال استقبلوا بعض مع هاشم والنسوان دخلين البيت بسرعه

سامي بيطلع الشنيط

دخلت سارة غرفتها وبعدين لها العبايه وجت ام هاشم خرجتها للنسوان اللى جين يبسرنها امد ورجعتها غرفتها

فضي البيت من النسوان وبقي ام هاشم وثلاث من عماته وها العبايه وجت ام هاشم خرجتها للنسوان اللى جين يبسرنها امد ورجعتها غرفتها

فضي البيت من النسوان وبقي ام هاشم وثلاث من عماته و بنته (رهف)
وسلايفها وخواته روحين البيت الكبير

دخلين هاشم يفتش لها وبيحجرين

سارة خايفه قوي كأنها لاول مره تعيش هذا الشعور وهاشم نفس الشي

هاشم دخل موطي راسه مسك ع جبينها وبيقرأ الفاتحه وفتش لها وهن بيحجرين

سارة رفعت عيونها لاعنده وبسرت ملامحه ع طوووول ارتااااحت قووي ونزلت عليهم السكينه والطمأنينه بعد ما ابسروا بعض

خرجين وخلنهم لحالهم وام هاشم بترقد رهف وتنتبه لها وجالسات في المكان الثاني ورقدين هاناك

بعد مرور ساعتين عندهم بالغرفه
سارة وهاشم مرتاحين قووي وبيتجابروا ويتعرفوا ع بعض

سارة بتمر في ذاكرتها لقطات من ذكريات يوم عرسها مع وليد وبتحاول قدر المستطاع تتغاضى عن الصور وصوت الذكريات
رجعت تقارن بين شخصياتهم الاثنين

هاشم مختلف تماما عن وليد في كلامه وحركاته وطبيعته وكل شي

سارة بدأت تكشر لان النقش بيلهبها وتحكه

هاشم ركز عليها: مالش شكلش بتلهبي من الخضاب

سارة: ايووه بيلهب من العصر

هاشم ابسر ايدها وهن محمرات ومجروحات من الحكه : يوووه كيف قدهن قووي مجروحات راعي لي هانا
خرج من الغرفه ودخل المطبخ فتح الثلاجه وخرج علبه زبادي وملعقه ورجع جلس قدام سارة

سارة استغربت: ليش الزبادي هذا !!

هاشم: مدي لي ايديش بس

سارة مدتهن له

هاشم بيرفع لها الاكمام ويثبتهن مكانهن فتح الزبادي وبيوزعه فوق النقش وينفخ بهدووء عليه

سارة بنتفرج له وبتكلم نفسها: يارربي ع حنيه في قلبه قد حسيت هذا الشي من كلامه وذاحين تأكدت
هاشم: بردين ايدش وابتعد اللهيب والحكوك صح

سارة : ايووه ولاعد بين احس بحاجه من علمك هذه الطريقه السحريه

هاشم ابتسم: كنت دائما اسوي لمريم لما تتحسس من النقش انا يعجبني النقش قوي وهي كان تسير تتنقش حتى لو عندها تحسس منه سهل اهم شي راحتي انا

سارة: من مريم!!!

هاشم: ام رهف بنتي

سارة: شكلك كنت تحبها قووي

هاشم: ايووه لكن القدر شلها مني بسبب مرضها

سارة: كيف لما ماتت ماهو مرضها

هاشم: تعبت قوي في مرضها كان عندها سرطان في الرئتين وماتت وقد اكل جسمها واهلكها قد كان في اخر مراحله

سارة زعلت: الله يرحمها ويفسح قبرها

هاشم : امييين انتي داريه اخس شي لما تبسري اللى تحبيه بيتعذب ويموت الف موته في اليوم عشان يجلس عايش معاكم وبقربكم انا كان قلبي يتقطع عليها في الفتره الاخيره كنت اتمنى لو كنت بدلها واشل وجعها كنت اتعذب قووي لما ماعد كنت ارضى ابسرها واجلس قربها ابدا
وهي زعلت قصدها ان قد ضبحت منها وكرهتها واشتيها تموت وماتت وهي زاعله مني حتى مالحقت اودعها واعتذر منها واقلها الصدق

سارة امتلين عيونها دموع وزعلت : لكن بين احس ان موت الفجأه يووجع ويقهر اكثرر بكثيير من اي وضع تتمنى تموت بعده او يكون مجرد كابوس وتقدر تقوم منه وكل شي بخيير

هاشم: كيف لما مات ابو جهاد

سارة: بتحكي له وهي بتتكبد والغصه في حلقها ودموعها ينكعين ع خفيف

هاشم متأثر وبيكابر قدامها ....
(فتحوا ملفات احزانهم وتذكروا الماضي كله بحلوه ومره بكيوا وضحكوا زعلوا وفرحوا وفي نهايه اليوم قرروا يعيشوا من جديد مع حياه جديده) .





https://t.me/+Ecxq_OzMYh40M2E0







📚 @rewayatyamania 🇾🇪

.

البارت 198 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



بعد يومين من عرس ساره...
هاشم وسارة جالسين مع جهالهم
هاشم: امتد وطرح راسه في حضن سارة وبيجابره من رهف

ساره: بتسمعه وبتلعب بشعره

جهاد بسرهم وغار ع امه وقف قدامهم وتخصر: ليش اجس هانا عيب جدو يصيح يلا قوم

هاشم ضحك وقام جلس: ماعليك هذه مرتي

ساره: عيب انت هذا بابا مايقولش يلا قووم

هاشم بيحانك ورجع بقعته وبيضحك
جهاد جنن مادري مايفعل مالقي قدامه الا رهف حمل لاعندها مسك شعرها ودهفها للارض

رهف: بكيت وماسكه شعرها

ساره قامت تمسك جهاد وبتصيح فوقه: ليش تفعل هكذا عيب هذه خواوه انتبه لها انت الرجال حقنا والرجال مايضربش اخته

هاشم جالس في مكانه يبسر ساره كيف عتصلح بينهم

رهف بتبكي بريحمه وبراءه

ساره مسكتها تسكتها وتحبها في راسها: يلا جهاد قولها انا اسف وحبها في راسها هذه خواوه

جهاد بيهز اكتافه: مااعه

ساره مسكته وجلسته بالغصب قدام
رهف: يلا قولها اسف وحبها لانك ضربتها وهي عتحبك في لانك اخوها وتنتبه لها وماتضربش الا اللى يضربها او يشل حاجاتها تمام

جهاد بسر هاشم بعد من ساره استسلم: اسف (وحبها ورهف مسحت دموعها حبته وزد تأسفت)

ساره ضحكت: ايوه هذولا جهالي الحالين
هاشم تفهم عدوانيه جهاد لانو مش معتعود ع رجال في حياه امه او يتشارك حياته مع احد قام حضن جهاد: بابا هاشم عيخرج الشيخ جهاد للحديقه ونلعب مع رهف وماما للعشي

جهاد: انت بابا اللى في السماء!!

هاشم: ايوه انا بابا حقك وحق رهف وماما تمام يلا عتجي معي الحديقه ونلعب كلنا

جهاد فرح: ايووه ونشتري عنب النبات كبييير

ساره ضحكت: قصده غزل البنات يلا نفعل مسابقه البنات فريق والاولاد فريق ونبسر من يلبس الاول هو الفائز ويلعب اكثر صح ي رهف

رهف قفزت: احنا عنفووز انا وماما هيا نسبق

جهاد: مع احنا وبابا هيا بابا احمل فوق السياره مانشتيش نبدل

كلهم ضحكوا عليه وساروا يبدلوا وخرجوا الحديقه وارتاحوا
رهف شويه تتقبل وجود ساره وشويه تنطوي عنها وتجلس لحالها
.

في بيتنا العصر هنوف في غرفتنا ومغلقه ع نفسها مدري مابتفعل
انا جيت اشتي ادخل الغرفه بسرت الباب مغلق بين ادقه بأزعاج

هنوف سمعت الباب حملت لاعند سريرها نفلت كتب ودفاتر وشلت قلم في يدها وشعفلت شعرها وفتحت لي الباب: نعم ماتشتي
انا دخلت: ليش مغلقه مابتفعلي

هنوف: ولاشي كنت بين اذاكر ماتشتي انتي

انا بين اشعفل شعرها: واللى يذاكر شعره يوقع به هكذا ي صياد

هنوف بعدت يدي: يخخ ماعليش انا هكذا ذاحين ماتشتي ازعجتيني اشتي ارجع اذاكر

انا: امممم مدري نسيت والله يمكن استغربت ليش هادئه ومابتحوسيش ملان البيت قولت اطمن عليش يمكن مدوخه
هنوف: هاهاها ماتضحكيش يلا اخرجي من غير مطرود اكمل مذاكرتي (خرجتني وغلقت)

انا: يووه ع قله حيا تطردني من غرفتي بنات اخر زمن

هنوف بصوت عالي: شويه واطردش من البيت كله يلا عند ايمنش افتتتهن

انا: عند ايمني احسسسن من عندش جبره بس

امي سمعتني وبتسعل: احم احم ي الله رضاك

انا استحيت من امي وبين اضحك دخلت لاعندها طرحت راسي في حضنها وفتحت شعري

امي: حيااا بالمستعجله حقي ع ايمن

انا بين اغالط: مشو حرام عليكم تخلوني اجلس في البيت بدون شغل ولا دوام بالمستشفى امانه ما اجلس افعل هانا ضبح

امي: قري لش منقار ساع باقي العرايس تحجبي قذا عرسش بدايه الاسبوع ذيه

انا: قد ايديي بيحكني يشتين يفعلين عمليه ويمسكين ادوات ومواد واشتغل

امي: سهل خليهن يرتاحين نزيد نوبه لش هذا الاسبوعين وبعدا سدي انتي وايمن تشتغلوا والا اجازه والا تسافروا مافعلتوا فعلتوا

انا: يووه كيف ش اقدر افلتكم وافلت بيتنا وصنعاء واليمن بكلها وكيف ش اقدر اعيش مع اجانب وفي بلاد غريبه وعادات ومعتقدات جديده كيف عيوقع شوووعه قووي انا قد بين افتجع من الغربه من كثر مابين اسمع المغتربين كيف بيشتكو منها وبيتعبو بدون اهلهم ويتخورو الاكل البلدي لما احمد الله ع نعمه اللى انا فيها غيري يتمناها

امي: والله انو صدق وبعدين الغربه هي تتهون من شخص لا شخص هم بيتعبو لانهم لحالهم لكن انتي ان شاء الله ترتاحي عتسافري مع زوجش ودكتور مثلش وبتحبيه ويحبش عتمشي الايام بسرعه

انا بهررت: منو قالش اني بين احبه ويحبني!!

امي : سعم اننا هبلا مابين اسمعش كلامش عنه وكيف تفتحي اذانش تسمعي قوي لاقد تحاكينا عنهم ولما تروحي من دوامش وانتي فارحه وقد بسرت لهفته عليش لما تعبتي يوم الخطوبه
وهو اكيد بينتبه لش ويتابعش دائما يعني قد انتوا متعودين ع بعض ومتفاهمين لهذا انا مطمنه عليش عنده وقلبي مرتاح

انا ضحكت بخجل: يووه ي اماه منش مبسبسه مش انتي بسيطه معش تقرير وافي عن كل شي

امي خفعتني دلا: احد تقول لأمها مبسبسه هيا ناهي حاضر من عيوني اوريش البسبسه صدق

انا: مع اسفه انا فدالش الا حقش البسبسه انا اعرفها








📚 @rewayatyamania 🇾🇪

.

البارت 199 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


.
في شقه هاشم اخرر الليل
ساره دخلت سكته غرفه الجهال تتفاقدهم وتدفيهم

بسرت رهف جالسه في زوه الغرفه بتبكي سكته والدنيا ظلمممي
افتجعت وحملت تبسر مالها

ساره جلست قدامها وبتمسح ع شعرها: مالش ي امي بتبكي انتي مريضه حاجه بتوجعش جهاد زعلش

رهف ببكاء: م مماشي بابا ق قال ارقد هانا عند جهاد وانا افتجع وحدي و و م مابش سرراج

ساره: فين بترقدي يوميه

رهف: في السرير الكبير جنب بابا

ساره: يوووه ي قلبي عليش خلاص احنا اسفين يلا جي ارقدي عندنا في سرير بابا (مسكتها تقومها)

رهف سحبت يدها ومارضت تقوم

ساره: ماتشتيش تجي عندنا واسرج لش الغرفه واحكي لش قصه الاميره

رهف بأحراج: الا لكن حقي البجامه وسخه تخضرت وانا راقده (وبكيت)

ساره فهمت ضمتها بحنان: خلاص ي ماما لا تبكيش سهل جي اغير لش وبعدا ترقدي عندنا ويجلس سر بيننا مانحكيش بابا تمام

رهف فرحت: وجهاد لا تقولي له عيضحك

ساره: ماشي ولا جهاد انا وانتي بسس يلا قوومي بابا مراعي لنا (ومسكت يدها الصغيره وغيرت ملابسه ورقدتها جنبها)

رهف متجمله من ساره ومن حنانها .


بدأت احلى فتره في حياتي وجاء اسبوع عرسنا انا وايمن ومتحرويين وعايشين الدور

بيوتنا امتلت ناس من اهالينا والزفات والمحجره في كل ساعه وحاسين ان الدنيا كلها فارحه لنا
انا قد سرت الحمام ولبست اللبس التراثي وزفوني وسط بيتنا وكان بدايه عرسي مثل عرس ساره الاول

ايمن بيخرج يلووا به اصحابه ومزقرعين فيه ويلبس ويتشيك وبيتصور ومحد قده
.
نجي ليوم الثلاثاء يوم النقش (الاخضر)

وقت الظهر في بيت ايمن ....
الرجال في الشارع بيحتشروا يسبروا القناديل وفعلوا خيمه كبيييره بطول الشارع ....

والنسوان الكبار بيحتشرين وسط البيت ويستبكين عيجين اليوم بيتنا

و البنات مع ايثار كلهن في الكوافير

ام سهى: لمه تزيدوا تفعلو هذه الخيمه بكلها وهو عيعرس في الصاله ليله الخميس

ام ايمن: بتبسري كم ي رجال خليهم يجلسوا في الخيمه البيت ملان نسوان وعشان الربوع هو عيعرس فيها

اختهن (منيره): ايوه سوى كذيه والحمد لله ان انتوا اديتوا طباخين يغدوا ويعشوا الناس ماحنا مش فاضيات نشتي نتعرس الصدق (بتضحك)

ام ايمن ضحكت: ايووه صدق ماكرها تزوج واحد من عيالي عسب ادلعه في عرسه وقد الطباخين عيمسكوا الايام كلها غداء وصبوح وعشاء اطلبين الذي تشتين كله موجود له الحمد

ام سهى بتتبرقط: ايوه مابه عليكم مريشين مابتهموا الريال وتلعبوا بالدنيا

ام ايمن: من هم الريال ي اختي مات بعده عيشي وارتاحي من نعمه الله واحمديه وهو عيزيدش

ام سهى: مارزق مثل رزق

منيره: يووه يووه عتدقيها عين هي وحياتها ورزقها صلي ع النبي وآله واذكري الله

ام سهى استحت ع نفسها رجعت تضحك: ماشاء الله اللهم صل ع محمد وآله الطيبين مالش مبلوده ي اختي غر اشتي ابسر ماعتقولي بين امزح يا أم العريس

ام ايمن زعلت شويه وبتضحك مجامله وبتكلم نفسها: هذا وهي اختي بتحسدني هكذا اعوذ بالله من الشيطان الرجيم ومن عمله ي الله
استودعتك جهالي ومره ابني وزوجي وبيتي وحياتي ي الله لا ترويني شر في احد واحفظ نعمتك علينا .


https://t.me/+Ecxq_OzMYh40M2E0






📚 @rewayatyamania 🇾🇪

.

البارت 200 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪



الظهر في البيوتي سنتر (مركز كوافير كبير) عندي انا وايلاف وساره وهنوف

انا جالسه فوق الكنب منتظره للكوافيره متى تفضى لي

الباقيات متفرعات في غرف مختلفه وكل واحده بيسبروا لها شي

وصلني اتصال من احد موظفات المستشفى اللى بين اشتغل فيه

رديت بأستغراب: اهلا صفاء كيف انتي

صفاء ببكاء: مش انا بخيره ي دكتوره هدى ابي تاعب قوي في المستشفى عنده انسداد في صمامات القلب ضروري عمليه الان ماشي عيموت علينا ومالقيتش دكاتره قلب فاضين ي اما اجازه او مشغولين بعمليات ماعيخرجوا وقد مات ابي قوى لو تقدري جي اسعفي ابي (وتبكي)

انا: صفاء اهدأي ماعيقع شي ان شاء الله معش الدكتوره عنود مش هدى ركزي

صفاء ابسرت وانو رقمي: يووه عفوا خربطت بالارقام مع الربشه اسفه ازعجتش وانتي عروسه
مع السلامه ابسر د/ هدى لو فاضيه

انا: انتظري لحظه قولي لي ابوش بنفس حقنا المستشفى

صفاء: ايوه وهو ذاحين في غرفه العنايه المركزه وتاعب قوي مفتجعين عليه

انا: طيب حاضر من عيوني اجي لش للمستشفى الان وابسره وافعل له العمليه

صفاء: ماشي هو عرسش كيف هذا اسلم....

انا قاطعتها: سهل ابوش اهم يلا مع السلامه عشان لا اتأخر (قفلت الخط عشان لا تناقشني)

صفاء فرحت: عتفلت عرسها عميد ابي الله يوفقها ويستر عليها

انا بسرت حولي ومابحد البنات عندي قمت لبست العبايه سكته وخارجيه من البيوتي سنتر

الكوافيره مسكتني: وين عتسيري الان عنبدا فيش ماشي عتتأخري

انا كذبت: سهل معي مشوار ضروري ربع ساعه وانا عندش

الكوافيره: يلا تمام لا تتأخري موصيين عليش اقطبش

انا هزيت لها راسي وخرجت بسرعه قبل مايدرين لانهن ماعيخلنيش استأجرت تكسي وطرت المستشفى اول ماوصلت طفيت تلفوني كشفت ع الحاله وبسرت الفحوصات وكان يشتي عمليه قلب مفتوح بأسرع وقت ممكن

انا: ابسري ي صفاء الان عندخله العمليه انتوا ادعوا له يقوم بالسلامه م اخبيش عليش العمليه خطره.. اول شي لانها قلب مفتوح ودرجه الانسداد كبيره وثاني شي ابوش قد سنه كبير ومتقدم يعني العمليه عليه حساسه جدا لهذا وكلوا امركم لله واستودعوه هو الحافظ والشافي وانا والدكاتره عنفعل جهدنا وبأذن الله يتعافى

صفاء مدمعه: يعني احتمال يموت ماشي ي رب

انا: ادعوا له ومايقع شي وشطرحه في عيوني....

جهزوا المريض وانا لبست لبس العمليات ودخلت انا ومجموعه من الاطباء والمساعدين وبدأنا

في الكوافير بعد ماعدت عشرين دقيقه جت ايلاف بتدورني مالقيتني

سألت الكوافيره وقالت لها واستغربت انتظرت الربع الساعه ولا قد رجعت

ايلاف: وين عتكون سارت تلفونها مغلق ذاحين وقت الخباله حقها قدو شرق

ساره: يمكن فستانها يحتاج تعديل او شي ناقص سارت تشتريه

ايلاف: ماشي فستانها جاهز ومعدل وبعدا مابش معاها سيارتها يعني ماعتسرش مكان بعيد

هنوف: مدري ليش قلبي بيقولي انها في المستشفى يمكن فقدت لها وضبحت من هانا سارت تفعل زياره كيفيه مفتهنه قووي


ايلاف: مامفتهنه الا انتي سعم انها مجنونه زياره هذا السع واليوم بالذات


مرت ساعتين ولاقد رجعت البنات قدهن ع اعصابهن وسبني لاسابع جد
وماسطيين يتصلين للبيت عيصيحوا فوقهن

ايلاف قررت تتصل لفواز تقوله وكلمته

فواز بيتقارح : الله حالي قوي وانتي مامهرتش ماتبسريها والا مشغوله بتتصلحي

ايلاف: لا تصيحش انا مادخلني مشي جاهله عشان احرسها هي يمكن في المستشفى والله ماراحت لها الكلبه

فواز: ناهي ماتستري الا تتفلسفي يلا ربع ساعه وانتين جاهزات الان جايي ماشي والله ما اراعي لكن وابسر من عيجي يروحكن بعدا

ايلاف بضبح: قد احنا جاهزت با...

فواز كان ضابح: غلق الخط وبيكلم اللى جنبه

ايلاف ضبحت اتصلت لاعند امي: عروستش هاربه ي اماه قد تعبت وانا ادور عليها ورجع فواز يتقارح فوقي

امي: كيف هاربه! ماهو هذا الخبر

هنوف شلت التلفون وغطت السماعه: ماهو هاربه وانتي سعم انها بتتمخطر عادش تحرقي الدم (جاوبت امي) هاا اماه مابلا هي في المستشفى يمكن به حاله خطيره او شي اتصلي لفواز يسير يبسرها

امي عصبت: مالها هذه المدلوزه عتجنني انا داريه.. قدي مسبره او ماشي

هنوف: ماشي ولاقد فعلت حاجه

امي جننت: والله ماراحت لها الساعه ثنتين وشويه والبيت ويمتلى نسوان وهي مابحد مع السلامه اكلم فواز يسير يديها غصب عنها .





https://t.me/rewayatyamania/3






📚 @rewayatyamania 🇾🇪

.

البارت 201 ❤


إرادة قلـ♥ــب

👌🏻👇🏻 😍
📚 @rewayatyamania 🇾🇪


فواز سار مستشفى ثاني وبيدورني ويسأل مسؤولين العمليات وكلهم محد داري
ركز انو في مستشفى ثاني غير اللى انا فيه زاد جنن وضبح اكثر

طلع فوق السياره بيسوق بجنون ووصل للمستشفى
طلع بيدور وقالوا له ان معي عمليه وعادها ثلاث ساعات لما تكمل

فواز: ادعوها لي خرجوها من الغرفه الان تجاوبني

الدكتور: مالك كيف نخرجها مايسبرش سعم انك في حضانه راعي لما تكمل

فواز بيصيح: ماعليك ادعيها وبس

الدكتور بيحاول يمتص غضبه عشان هدوء المستشفى: طيب حاضر (ومشي لاعند الممرضه) سيري لاعند هذاك الرجال وابسري مايشتي واذا قالش ادعي له الدكتوره عنود قولي له تمام حاضر ودعممي انتبهي تكلميها تركيزها عيقل

الممرضه: حااضر (مشيت لاعند فواز بتضحك ع عقله)

فواز مراعي ع ناار ولا خرجت له ضبح ورحله وبيتصل لأمي ويصيح وقالهم اني مطنشه لها وماعد اشتيش اجاوب احد يعني الدكتور والممرضه زادوا الطين بله .


.
بعد مرور خمس ساعات ع دخولي العمليات


الساعه ٤:١٥

كملت العمليه بنجاح غسلت يدي بسرعه وغيرت ملابسي والعبايه شغلت تلفوني وبسرت الوقت وقعت لي صدمه ووصلني ٤٠ مكالمه من اهلي

انا: يووه والفعله والله لا يشمتو بي قدو شرق قووي ارجع البيت وانا هكذا والنسوان ملان والا اخطى للكوافير يمكن عادها بشتغل يلا اجرب حضي واسير لاعندها

خرجت من الغرفه لاعند صفاء واطمنها وكنت مستعجله

انا: الحمد لله ع سلامه الوالد كل شي كان تمام وعيجلس يومين ثلاث بالعنايه عشان لاتحصل معه مضاعفات

صفاء متجمله قوي: يووه تسلمي الله يحفظش ويوفقش اليوم عرسش وجيتي تفعلي لابي العمليه والله انش اصيله

انا ابتسمت: مافعلت شي الا واجبي واللى ملزومه منه (وصلت لاعندي احد الممرضات المعروفات مسكتها اكلمها) الله يحفظش امسكي لي حاله ابو صفاء وجارحي له قدنا راكنه عليش واذا حصل شي كلميني ع طوول انا الان مروحه البيت ماعتقدرش اجلس ولا اجي غطوه
الممرضه : حاضر ولا يهمش

صفاء: الله معش اخطي قد تأخرتي (فلتهن وبين اطير طيران في مبنى المشفى كرهن وصلت للشارع اخذت تكسي ورجعت للكوافير) .


.
في بيتنا النسوان امتلين في البيت والمغنيه بتغني وكل شي سابر الا الحريوه هاربه 😂💔 امي وايلاف قد عيجنن وبيهمين ماعيوقع وكيف عيكتسفين ، اتصلت لتلفون امي

امي ردت وهي بتتقارح وسمعتني كلمتين حاليات سدت نفسي وقفلت الخط ولا ادت لي فرصه انطق كلمه

اتصلت لايلاف مارضت تجاوبني بالعاني
عند الكوافير وصلت وابسرتني قدامها جلست تحطم وتتقارح ان قدها تاعبه وقد كمل وقت دوامها واين كنت

انا اجتغرت طبيعتي وقلبت فوقها: اسمعي انا ماسرتش اللعب واكل انا دكتوره وبه مريض محتاج عمليه في قلبه سرت افعلها ورجعت المريض اهم من عرسي ومن محلش مافيش طافه تسبريني الله معش ومعي ش اروح بيتنا
الان والعرس طز فيه مشتيهش وش اروح لهن كذيه اللى عجبها اهلا وسهلا (نزلت البرقع وشليت شنطتي اخرج)

المكوفره الثانيه سمعتني حملت تمسكني: خلاص جي اسبرش من عيوني ايش يعني ماخربتش الدنيا انتي سرتي عشان واجبش وشغلش الله يجزيش الخير واحنا عنسبرش من عيوننا مابش ولا زبونه تخرج من هانا زاعله

المكوفره الاوله استحت مني: عفوا ماكنتش داريه انش دكتوره خلاص جي وعنقطبش في ساعه ونص

انا فرحت: تسلمين الله يحفظكن لحظه اسير ادي حاجاتي وفستاني عشان تبسري اللون

المكوفره: مابش اغراضش هانا خواتش اللى جين معش روحين الفستان معاهن وكل شي

انا شهقت وخبطت راسي: ي همتاه لي ذاحين مايديهن لي اووف ي رب خلاص ابدأين انتين لما اتصل لاخي يديهن ويجي لي

اتصلت له ورد عليا وذكر القصه وتصايحنا انا وهو كلمه بكلمه
انا: ذاحين حصل خير سير ادي فستاني من البيت وجي روحني شويه واجهز لو سمحت

فواز بصياح: سعما بتفعلي اللى في راسش ولا بتفعلي لأحد حساب روحي لنفسش وفستانش البسيه في البيت والا ماتشتيش من مره

انا بعصبيه : فووواز لاعد تعقد الدنيا فوق ماقديه عيب عليك كيف اروح وانا مصلحه و...

فواز قاطعني: قليل العقل يوقع به هكذا يلااا مع السلامه وقفل الخط

انا رجمت التلفون ورجعت ابكي: وانا والله ما اروح الا لما يجو لي لو اجلس هانا اسبوع

الكوافيره: هيا مه مابش وقت للبكاء المكياج عيسيح عليش .







📚 @rewayatyamania 🇾🇪