الرياء ↖️↖️↖️

بهزر طبعاً المحاضرة جميلة شوفوها 😴

أنشودة لا تحزنوا يا إخوتي بصوت الش//هيد حـ..ـ..ـذيفـ..ـة سمير الكحلوت خلال زيارته لابن عمه الش//هيد: ضياء فتحي الكحلوت عام 2009، حيث كان مصابا يتماثل للعلاج في مشفى الشفاء..

-
كنت زمان بتابع أحمد أبوزيد وقت ما باكل مثلا علشان بكون لوحدى غالب الوقت، بس مش بكون مركزة أوى ف كلامه يعني واحد قاعد بيرغى و ممكن انتبه لكلمة كدا ماشي و علشان الوقت يعني و خلاص، بس صدقاً مستفدتش من محتواه أى شيء غير ف مرة واحدة قال نصيحة واحدة لزقت ف دماغي و هى :
إن أول ساعة ف يومك هتضبط مود يومك، ف بلاش تتصفح فيها الانترنت و تتابع فيها أخبار و هكذا ..
دا فيم معناه يعني ..
بقول دا و انا بتجرع مرارة ما أجنيه على نفسي في الثامنة صباحاً و قد قرأت قرابة الخمس او الست أخبار مع تلات بوستات يخلوا الواحد عايز يشرب كونك سالفوريك بدل الشاى ..

تحسباً..

ﷺ

-

-
من أجمل و أميز الأشياء في تليجرام إن مفيهوش خناقات و ردود و قيل و قال و معارك و هرج و مرج، بتدخل تكتب اقتباس عجبك، تفوروارد صورة عجبتك تحط لاف للناس اللى بتحبهم، مقالات مفيدة، ترشيحات طيبة، و مفيش بلوجر و لا إسلام فوزي و لا إعلانات... مساحة تسمح لك أن تتابع أفكار الناس بوضوح دون التطرق إلى أشكالهم و حياتهم و مظاهر الدنيا اللى عايشين فيها ...
بدخل فيسبوك بحزن على كمية الخناقات اللى بيتصدرها نماذج مهمة مع إننا خلاص ف مرحلة المفترض نكون عرفنا فيها ازاى ندير الخلافات و وجهات النظر المختلفة و نحسن الظنون ببعضنا و نعطى لبعضنا المساحة اللى نمارس فيها الاحترام و الأدب، بس فيه ناس بتسيب الشيطان يضحك عليها فتقلل من الأمور الكبيرة و تتفه من الأمور العظيمة و تهول من النزاعات الشخصية ..
لو ينظر الإنسان لمعاركه و الواقع الذي نشهده .. و إن النزاعات الشخصية ليس لها مكان في بعض القضايا ..
أخيراً .. كان النبى صلى الله عليه وسلم لا يغضب إلا اذا انتهكت حرمات الله، غضبه لله وحده، لم يغضب لشخصه و لا انتقاماً.. صلى الله على سيدنا و حبيبنا و شفيعنا و معلمنا و على آله و صحبه و سلم...

-
من الأشياء اللى تعاملت معها بعد حرب غزة بشىء من النضج و بحس نفسي عاقلة اوى عدم التعاطي مع اى تريند بدون ان اتفقده جيداً و إن أى معركة بحب اخرج نفسي من المشهد و ابصلها من فوق بحاول أعطي لنفسي فرصة لتقبل المخالف من الرأى و دا على فكرة بيوسع على الإنسان آفاق معينة أثناء تعامله مع الناس .. مش بنطلق أحكام من موقف حصل أو خلاف واحد و لا حتى عشرة .. مش بنطلق أحكام ف المجمل أنت بتتعامل مع مواقف بتقر بخطأ الموقف لا تلمز الشخص بكلمة و لا تقلل من شأنه ..
"و كره إليكم الكفر و الفسوق و العصيان "
المبدأ هو كراهية الخطأ و مجانبة الحق و الصواب لكن احنا فيم بيننا طول ما بنتنفس هنظل نختلف و الاختلاف يثري ما عند كل منا
و الكسبان ف الخناقة مش اللى ليه اليد العليا ف الرد و لا صاحب الاسكرينات الأكثر و إنما اللى قدر يستوعب هذا الخلاف و يلتقط منه ما ينفعه في تجربته الخاصة و المنفعة ليست فقط شخصية إنما منفعة ليه و لعموم المسلمين خاصة إذا ما تصدر في موضع خدمة للمسلمين ..
مش هقول بقا احنا قدوات دا كلام مبقيتش بحب اقولب الناس فيه محدش فينا قدوة لحد كلنا على باب الله بنجاهد و نعافر ف طريق زى ما احنا شايفين ..
بس حسب علو الهدف و سموه في نفسك غصب عنك هتلاقيك بترقى عن السفاسف ..
و إن الله كره لكم ثلاثا: القيل و القال، و كثرة السؤال، و إضاعة المال..
.
وهذه القيل و القال التى امتلأت بها المنصات هى من أبوخ ما يكون و أسخف ما يكون، بتخلى الرجل اللى سمته حكيم ينزل من نظرى ف لحظة لتعاطيه مع توافه الأمور..
الله المستعان ..

نفسي الناس تخرس

-
تصعيد مبرر علشان جايلي إنذار تأخير عن تجهيز الغداء ⛹‍♀