‏الواجب عليك كـ شخص قريب مني ,تتخذ الصبر الواجد الـ مو قليل من ناحية :
"صبرك علىٰ مزاجي و كلامي" .

شخصيًا أفضّل قلب يضيق عليَّ من المحبّة
ولا فضفاض من زود سِعة وجودي فيه .

ماودي بالشيء اللي يروح ويرجع ,وأتمنى وأنتوا تفكرون بالرجوع لي تضيعون سُبل الوصال وتقطعونها بالمره .

نُحسن الظن ألف مره ونحاول ونبادر ونجرب بس إذا الخاطر عاف خلاص game over
الحياة بالطبع لا تقف عليك .

ماهربت ولا من ذكرى صغيره أو كبيره عشان أتجاوز شعور معين, أتعايش واستذكر واشوف ويمكن اسمع حتى لين تصير كلها بلا معنى !

أنا أعطيك المكان المُناسب عنندي وأنا أقوّمك منه
فـ لا أحد يسويليِ فيها أنا الثَابت إلليّ ما أتزحزح .

أمشوا على مبدأ " نفسي ومابعدها الطوفان " خلونا نتغاضى عن كمية الأنانية بهذا المبدأ لكنّه يفوز بأنه أفضل حل لراحة البال .

مع الوقت بتصير مقتنع انو معظم الشخصيات اللي
بتبهرك بالبداية بتتحول تدريجياً لشخصيات أقل من عادي فعلاً " النور المُفاجئ عمى مؤقت" .

أعطيّهم فرص لين تنزف يديني ثم أجي نهاية اليوم مستغربة ميين اللي جعل هذا الخاطِر جريح!.

تقبلوا فكرة انكم في بعض الأحيان غثيثين
والمجاملة تحتاج جهد وانا مالي خلق أجامل .

أنا أخاف يطيب خاطري من شخص أكثر من
إني أخاف أكرهه لو كرهت يعني فيه إهتمام
بس الأولى" ما أشوفك شي " .

" قفّى . . و أنا ما أحب طرد المقفّين
أشجعه وأنا أتمنّى رجوعه "
- ضريبة الكبرياء .

الواحد يتغاضىّ ويتغاضىّ ويتغاضىّ الين
مَايوصل مرحلـة :
طفح الكيل وطاب الخاطر واذا وصلها
صدقنيّ مُستحيل يرجع مثل ماكان ابد!!

من كثر الأشياء إللي عنها تخلّيت أحس فعلاً ما كانت حياتي حياتي !
‏لكن وصلت لمرحلة أقدر أقول عنها : "أنا تغيّرت وكبرت وتعاليت واذا بغيت أحبّ ! بحب ذاتي ".

حسيت براحة نفسيّة لما وصلت لعقلية ان كل شيء يصير بحياتنا " خيرة " حتى لو ما كنا نشوف الخيره بوقتها , الأيام راح تثبت لنا انها فعلاً خيرة .

مما قيل عن الخاطر لاطاب . .
لو تمدّ الماء لروحي وأنا في عز ضماي
- والله اني ما أشربه .

عن طلّة اللي ما يشابهها شبيه ولا يحاليها حليّه:
"ظلمتي من يجي بعدك يجون وكنهم مقفين
قهرتي من يجي قبلك لو إنّه - شمس تخفينه ".

انا ضد مقولة :"مايقوى الغياب إلا إللي عنده بديل" . . لأنه ممكن أقوى الغياب لخاطر نفسي مو ضروري عشان بديل .

لا تتعذر بأن " لا الظروف بصفّي , ولا الأيام بنصيبي" لأن كلنا عارفين زي ما أنت عارف إن ‏"لا تحملها على ظهر الظروف ‏أنت لو ودك كسرنا ظهرها" .

- المعاملة بالمثل من باب العدل :
إن جيت جيتك واذا صَديت لا والله
ابقطع الوصل لو حُبك مجنني .