Vobkent tuman IIB masʼullari tomonidan voyaga yetmaganlar ishtirokida sodir etilishi mumkin bo‘lgan huquqbuzarliklarning barvaqt oldini olish, ularning bo‘sh vaqtini mazmunli tashkil etish hamda sog‘lom turmush tarzini keng targ‘ib etish maqsadida tizimli va manzilli profilaktik ishlar olib borilmoqda.

Xususan, tuman hududidagi umumtaʼlim muassasalari, mahalla fuqarolar yig‘inlari hamda ijtimoiy xavf guruhiga kiruvchi oilalarda o‘rganishlar o‘tkazilib, voyaga yetmaganlar va ularning ota-onalari bilan tushuntirish va targ‘ibot ishlari olib borilmoqda. Shuningdek, yoshlar o‘rtasida huquqbuzarlik va jinoyatchilikka sabab bo‘layotgan omillar aniqlanib, ularni bartaraf etishga qaratilgan aniq chora-tadbirlar belgilanmoqda.

Profilaktik tadbirlar davomida voyaga yetmaganlarning huquq va majburiyatlari, amaldagi qonunchilik talablariga rioya etish, salbiy illatlardan yiroq bo‘lish, shuningdek, internet va ijtimoiy tarmoqlardan oqilona foydalanish masalalariga alohida e’tibor qaratilmoqda. Mazkur tadbirlar yoshlar o‘rtasida huquqbuzarliklarning oldini olish hamda ularning sog‘lom va barkamol shaxs bo‘lib voyaga yetishiga xizmat qilmoqda.

Buxoro viloyati IIB JXX JTSB Karantin tadbirlarini ta’minlash guruhi xodimlari hamda viloyat Veterinariya va chorvachilikni rivojlantirish boshqarmasi xodimlari bilan hamkorlikda Buxoro shahridagi Markaziy dehqon bozori va “To‘qimachi” dehqon bozorida veterinariya-sanitariya holati yuzasidan nazorat tadbirlari o‘tkazildi.

Mazkur tadbirlar davomida oziq-ovqat mahsulotlarining yaroqlilik muddati, saqlash sharoitlari va sanitariya talablariga rioya etilishi ko‘zdan kechirildi. Shuningdek, sotuvchi va tadbirkorlarga aholini sifatli hamda xavfsiz oziq-ovqat mahsulotlari bilan ta’minlash, sanitariya qoidalariga qat’iy amal qilish bo‘yicha targ‘ibot-tashviqot ishlari olib borildi.