#Маҳаллаларимиздан_хабарлар

📍Бухоро шаҳри, Жўбор маҳалласида йўл бўйларига қуёш панелли прожекторлар ўрнатилди.

📍Ромитан тумани, Навбахор маҳалласида Хўжауббон канали бетонлаштириш ишлари олиб борилмоқда.

📍Қоракўл тумани, Янгитурмуш маҳалласида яшовчи Умар Болтаев хонадонига 50 кВт қуёш панели ўрнатиб, қўшимча даромад манбаини йўлга қўйди.

📍Бухоро тумани, Хумин маҳалласида янги электр бетон устунлари ўрнатилмоқда.

📍Олот тумани, Бунёдкор маҳалласида аҳолини узлуксиз электр энергияси билан таъминлаш мақсадида қўшимча янги трансформатор ўрнатилди.

📍Олот тумани, Оқ-олтин маҳалласида “Менинг боғим” дастури доирасида 12 сотих ер майдонига 200 дан ортиқ мевали дарахт кўчатлари экилмоқда.

📍Когон тумани, Ўба чўли маҳалласида ички йўлларни шағаллаштириш ишлари олиб борилмоқда.

📍Ғиждувон тумани, “Оқ гул” сув иншооти орқали 7 та маҳалла аҳолиси тоза ичимлик суви билан таъминланади. Ҳозирда иншоотда таъмирлаш ишлари бошланди.

@Jamol_Nosirov

#Маҳаллаларимиздан_хабарлар

📍Бухоро шаҳри, Мохи Хосса маҳалласида ёнгин хавфсизлигини таъминлаш мақсадида “Хавфсиз хонадон” дастури доирасида аҳоли хонадонларида тарғибот ишлари олиб борилмоқда.

📍Бухоро шаҳри, Кўк Сарой МФЙ раиси ташаббуси билан ҳудудда ободонлаштириш ишлари олиб борилмоқда. Дарахт экиш ишларига аҳоли ва ҳомийлар жалб этилди.

📍Бухоро тумани, Янги Турмуш МФЙда йўлларни таъмирлаш ишлари давом этмоқда.

📍Бухоро тумани, Гулшанобод МФЙ, Маликон қишлоғи ички йўлларида шағаллаштириш ишлари амалга оширилмоқда.

📍Вобкент тумани, Мўминобод маҳалласида 3 км тоза ичимлик суви қувури тортилаётгани аҳоли учун катта қулайлик яратмоқда.

📍Вобкент тумани, Қўлиодина МФЙда маҳалла раиси Саънат Авезованинг “Маҳалла еттилиги” нинг 2026 йиллик дастури юзасидан аҳолига мурожаатномаси йўлланди.

📍Ромитан тумани, Ифтихор МФЙ ҳудудида Работалак ва Абдураҳимбой қишлоқлари орасида ўтувчи 159 диаметрли газ қувурида таъмирлаш ишлари давом этмоқда.

📍Ромитан тумани, Байналминал маҳаллала еттилигининг аҳолига мурожаати йўлланди. Шунингдек, 15-январдан бошланадиган аҳоли ва қишлоқ хўжалигини рўйхатга олиш ишлари юзасидан тушунчалар берилди.

📍Қоракўл тумани, Қорақулончи МФЙ раиси ва нуронийлар ташаббуси билан янги боғ ташкил этилмоқда.

📍Қоровулбозор тумани, “Тинчлик” маҳалласи раиси С.Қулжанова томонидан 2025 йилда амалга оширилган ишлар ҳамда 2026 йилги режалар ҳақида аҳолига мурожаат йўлланди.

📍Ғиждувон тумани, Қассобон МФЙда қуёш панеллари орқали ишлаб чиқарилаётган электр энергияси кучланишини барқарорлаштириш мақсадида ҳомийлар томонидан қиймати 30 млн сўм бўлган қўшимча 100 кВтли трансформатор ўрнатилди.

@Jamol_Nosirov

Бухоро шаҳрида “Саломатлик марафони” оммавий тадбири ўтказилмоқда

Бугун, 17 январь куни Бухоро шаҳридаги Диагностика марказида аҳоли саломатлигини мустаҳкамлаш, касалликларни эрта аниқлаш ва профилактик тадбирларни кучайтиришга қаратилган “Саломатлик марафони” оммавий тадбири ташкил этилди.

Тадбир доирасида мобил поликлиника, кўчма DELFT рентген аппарати, мобил маммограф, ультратовуш текшируви (УТТ), электрокардиография (ЭКГ), лаборатория хизматлари ҳамда ижтимоий дорихона фаолияти йўлга қўйилди. Барча мурожаатчилар тўлиқ тиббий кўрикдан ўтказилди.

Тез ёрдам ташаббуси билан 80 нафар ётоқдаги, кам таъминланган аҳоли ва уруш фахрийлари тиббий кўрикка олиб келинди. Тиббиёт институтининг малакали шифокорлари иштирокида жами 345 нафар фуқаро кўрикдан ўтказилди. Натижада 94 нафарда касаллик аниқланиб, 73 нафарга амбулатор, 11 нафарга стационар даволаш тавсия этилди. 1 нафар бемор коронография текширувига йўналтирилди.

Шу билан бирга, шаҳардаги 11 та оилавий поликлиникада бир вақтнинг ўзида кунлик тиббий кўриклар ташкил этилди. Уларда 3554 нафар аҳоли кўрикдан ўтказилиб, 25 нафарда бирламчи касалликлар аниқланди.

Марафон давомида нотоксик эндемик зоб ташхиси қўйилган беморда юқори технологияли “струмэктомия” операцияси бажарилди. Айни пайтда бир бемор 2026 йил 19 январь куни “гастроэнтероанастомоз” операциясига тайёрланмоқда.

Тадбир доирасида шаҳарнинг 45 та мактабида фаолият юритаётган 63 нафар мактаб ҳамшираси учун репродуктив саломатлик, соғлом турмуш тарзи ва тиббий саводхонлик бўйича ўқув машғулотлари ҳамда қандли диабет, юрак-қон томир касалликлари, аёллар саломатлиги йўналишларида workshopлар ўтказилди.

Ахборот-таълим ишлари доирасида 7 та LED экран, 3 та микроавтобус ва 2 та махсус мобил ускуна орқали тарғибот олиб борилиб, 1299 дона тарқатма материал тарқатилди. Улар билан 3899 нафар аҳоли танишди.

Шу кунга қадар марафон доирасида 38 456 нафар аҳоли тиббий хизматлар билан қамраб олинди. Айниқса, камбағал оилалар реестрига киритилган фуқаролар ҳам қамровга олиниб, айримларига бепул даволаниш учун йўлланмалар берилди.

“Саломатлик марафони” аҳоли саломатлигини муҳофаза қилиш, касалликларнинг олдини олиш ва соғлом турмуш тарзини тарғиб этишда муҳим амалий аҳамият касб этмоқда.

Маълумот учун: Саломатлик Марафони Бухоро шаҳрида жорий йилнинг 5 феврал кунига қадар давом этади.

😎Бухоро тиббиёти