​​Янги трейдерлар орасида энг кўп учрайдиган саволлардан бири:

"Нима учун фойдани фиксация (тақсимлаб ечиш) қилиш керак?"

Жавоб видеода ⤵️

#management #psixologiya
───── ◉ ─────
@reminderstrade

Мунтазам фойдада бўлиш учун энг катта қадам — ўзини англаш: кучли ва кучсиз жиҳатларини билиш.

Кучсиз жиҳатлар керакли саъй-ҳаракатлар билан кучлига айланиши мумкин. Аммо камчиликларни минималлаштириш учун улар ҳақида билиш керак.

Битим очаётганда, бошқараётганда ва ёпаётганда содир бўладиган аниқ ҳислар ва фикрлаш жараёнларини ёзиб боринг.

Сизга манфаат келтирмайдиган савдо хулқингизни аниқланг ва уни йўқотиш устида ишланг.

Амалиёт сизни мукаммаллаштирмайдии. Фақатгина мукаммал амалиёт яхшиланишларни келтириб чиқаради.

Агар сиз нотўғри нарсаларни амалиёт қилаётган бўлсангиз ёки айни ўша нотўғри нарсаларни қайта-қайта такрорлаётган бўлсангиз, қанча соат сарфлашингиздан қатъий назар курашишда давом этаверасиз.

Тараққиёт ва турғунлик орасидаги фарқ – бизнинг доимий равишда шахсий тажрибамиз устида ўрганиш қобилиятимиздадир.

Original:t.me/SANCHO_DT/1198

#entertainment #psixologiya
───── ◉ ─────
@reminderstrade

Бугунги хатти-ҳаракатларимиз билан биз эртанги кун харитамизни чизамиз. Вақт ўтиб қаерда бўлишимиз ва нималарга эришишимиз ўзимизга боғлиқ.

Эътибор қилмай, ёмон одатларимизни кичик-арзимас санаб, 5-10 йилдан кейинги келажагимизни гўзал суратда барпо бўлишидан ўзимизни маҳрум қиламиз. 5-10 йилда яхши натижаларга сабабчи бўлиши мумкин бўлган кичик яхши амалларни арзимас санаб, ўзимизда одатлантирмаймиз.

Биз бирйўла катта сабабларни тутишни ва катта натижага эришишни истаймиз. Аммо ҳақиқат бундай эмас.

Унутмайлик! Муваффақият – бу поғоналардан кўтарилишдир. Бу бир муддат, гарчи узоқ туюлса-да, қийинчиликарга сабр, тўсиқларни енгишга куч тўплаш, доимо ўз устида ишлаш ҳамда мақсаддан кўзни узмаслик, дегани.

Танланг: қисқа муддатли ҳотиржамлик, осойишталигингизни деб бутун давом умрингизни омадсиз қилишга тайёрмисиз? Ёки бир муддат қийинчиликларга бардош бериб, умрингиз қолган қисмини енгилликда ўтказишни истайсизми?

Танлов ўзимизда...

#entertainment #M
───── ◉ ─────
@reminderstrade

Муваффақиятли трейдер сифатида сизнинг вазифангиз — мукаммал тарзда ўйлаб тузилган, хатти-ҳаракатларингиз ва қарорларингиз режасига ҳар куни амал қилиш.

© Sancho DT

#management #psixologiya
───── ◉ ─────
@reminderstrade

Атрофингизга мақсади сизники билан бир бўлган кишиларни тўпланг. Ҳеч бўлмаганда, мақсад томон ҳаракатланишини кўриб илҳомланасиз.

#M #entertainment
───── ◉ ─────
@reminderstrade

​​🖇ТРЕЙДЕРНИНГ РУҲИЙ ҲОЛАТИ

Кириш

Зарардаги трейдерларнинг аксари, муаммо бозор ҳақида етарлича маълумотга эга эмасликларида деб ўйлайдилар.

Улар нарх ҳақида ҳамма нарсани билишга уринадилар, янги инструментлар ва индикаторлар ортидан қувиб юрадилар, чунки бозорнинг ҳар бир ҳаракатидан савдо қила олишлари мумкин бўлган мукаммал стратегия мавжуд деб ишонадилар.

Бундай трейдерларнинг заҳирасида инструментлар қанча кўпайса, депозитларини шунча тез йўқотадилар, чунки сифат – сондан устун.

Улар узоқ жавобини излайдиган муаммо қандай инструментлар ишлатишларида ёки қанча битимлар қилишларида эмас. Муаммо – ўзларида.

Аммо улар бу ҳақида билолмасалар керак, чунки "психология" – анча оғир, шу билан бирга тажрибасиз трейдерлар тарафидан энг кўп рад қилинадиган бўлим:

Улар иқтисодий эркинлик ва ютуққа эришиш учун савдоларни осонгина бажара оламан, деб ўйлайдилар.
Кўплаб трейдерлар тўқнаш келган психологик тўсиқлар оғриқли тарихи мени айланиб ўтади, деб ўйлайдилар.

Одамлар табиатан бир хилдирлар, ҳар биримизда муваффақиятли савдога тўсиқ бўлувчи ҳиссий камчиликларимиз бор. Айни шу камчиликлар ҳар қандай бозор фаолиятига асос бўлади.

Орамизда ўзида фақат яхши сифатларни жамлаган киши йўқ, демак трейдинг психологиясига эҳтиёжи бўлмаган киши ҳам йўқ. Ягона фарқ шундаки, ҳар бир кишининг ўз оғриқли нуқтаси бор, аммо албатта ҳар бир кишида бор.

Руҳий чидамликни ўзлаштириб, уларни ўз фойдангизга бура оласизми ёки капиталини мунтазам бозорга топшириб борувчи кўпчилик тарафида қоласизми – гап мана шунда!

#psixologiya
───── ◉ ─────
@reminderstrade

Трейдда:

10% стратегия
30% моней менеджмент
60% психология

ҳал қилади.

#psixologiya
───── ◉ ─────
@reminderstrade

​​🖇️ ТРЕЙДЕРНИНГ РУҲИЙ ҲОЛАТИ

1-бўлим. Қанчалик узоқ бўлиши ҳақида ўйламанг.
Қанчалик яхши бўлиши кераклиги ҳақида диққатингизни жамланг.

Трейдга енгил пул топиш ғояси олиб кирган янгиларнинг яхши кўрган саволи: "Фойдада бўлишим учун қанча вақт кетади?"

Бу ҳақида унутинг. Бунинг ўрнига: "Фойдадаги трейдер бўлишим учун нима қилишим керак?", – деган саволни қўйинг.

Биринчиси. Трейдинг – тез бойиш схемаси, деган хаёлни бутунлай унутиш.

Иккинчиси. Трейдинг казино эмаслигини тан олиш ва катта ютуққа умид қилишни бас қилиш. Умумий яхши натижа – бу кўплаб кичик ғалабалардир.

Учинчиси. Айнан сиз учун ишлатиш қулай бўлган сетаплар ишлаб чиқиш.

Тўртинчиси. Риск менежментини бузиш истагини йўқ қилиш.

Бешинчиси. Омадсизлик сабабларини бозордангина эмас, ўзидан ҳам излаш.

Кимдир йўлнинг бошида, ортиқча меҳнат қилмай фойдага киради, аммо кейин бу ўринни ушлаб қолиш учун ўз устида қаттиқ ишлайди.

Кимдир эса натижага бозор ва ўз шубҳалари, қўрқувлари билан узоқ курашишдан кейин, бир қанча мағлубият ва ғалабалардан кейин, узоқ йиллик ўрганишлардан, бэктест ва ўз устида оғир меҳнат қилишдан кейин эришади.

Ҳар икки ҳолатда ҳам узоқ муддатли фойдалиликка машаққатли меҳнат олиб келди. Биринчисига омад кулиб боқди ва ютуқларни қўлга киритишда давом этди, деб ўйламанг.

Зарурий меҳнатсиз бир мартали кунлик/ҳафталик/ойлик фойда кўп маротаба такрорланмайди.

Трейдинг билан шуғулланаётганда, натижа тез орада кўринмаслигига тайёр туринг, ҳеч ким сизга муддатни айтолмайди.

Аммо сизга шуни айта оламанки, сиз ўзингизни нимага кучингиз етади деб ўйласангиз – шунга қодир бўла оласиз. Агар сиз бошиданоқ бу машғулотни осонгина ташлаб кета оламан, деган хаёлга бораётган бўлсангиз, бу мен учун эмас, деган фикрлар келаётган бўлса, тез орада осонгина мағлубиятга учрайсиз ва бу кўчани тарк этасиз. Шубҳа қилаётган нарсангизга вақт ва меҳнатингизни сарфлашга ўзингизни руҳлантиролмайсиз.

Узоқ муддат эътиборида муваффақиятли трейдер бўлиш учун, кўнглингизга ёқмайдиган барча ишларни қилишингизга тўғри келади – ўзингизни интизомга солишингиз керак бўлади.

Балки, охир-оқибат сизнинг йўлингиз энг тез йўллардан бўлмаган бўлиши мумкин, аммо манзилга етиб борганингизда, бу йўл тўғри бўлганини тушуниб етасиз.

Ҳозир эса, танлов қилинг ва бу танловни қабул қилинг, мақсад қўйинг, кучингизни тўпланг, ҳар куни ўзингизни руҳлантиринг. Хатолардан хулоса қилинг ва йўлда давом этинг.

#M #psixologiya
───── ◉ ─────
@reminderstrade

​​🖇️ ТРЕЙДЕРНИНГ РУҲИЙ ҲОЛАТИ

2-бўлим. Муваффақият йўли хатолар билан қопланган.

Одамлар муваффақиятларни ўз ҳисобларига, хатоларни эса бировларга нисбат беришга мойиллар. Кўпчилик ўзи ҳақида аслидан кўра кўпроқ яхши гумонда бўлишга кўникиб қолган.

Инсон пул топишдан кўра кўпроқ ҳақ бўлиш ҳақида ғам қилса, у ўз қизиқишларига тескари ишлар қила бошлайди.

Унинг ёмон натижасида ўзидан ташқари атрофидаги барча айбдор бўлади, чунки хатони тан олиш унинг мавжудлигидан-да оғриқлироқ.

Аммо бозор олдиндан айтиб бўлмайдиган нарса, ҳатто энг ақлли аналитик ҳам хато қилади.

Сиз ҳар бир содир қилган хатоингиз ниманидир ўрганишга имкон эканлигини қабул қилишингиз керак.

Агар хатоларни инкор қилсангиз, бозор уни сизга қайта ва қайта олиб келаверади, то бу хатони ечиш учун чора кўрмагунингизча.

Ноҳақ бўлишнинг айби йўқ. Хато қилиш уят эмас, балки ўз хатоларини тузатмасликкина уятлидир.

Такрорланувчи хатолар билан қилинган савдо натижасидаги ҳар қандай муваффақиятларнинг фойдадан кўра зарари кўпроқ. Чунки у сизда бу ҳаракатларингиз билан "ҳақ бўлганингиз" ҳақидаги хато фикрни қувватлаб боради.

Ташқаридан қанча маълумот олманг, ўз тажрибангизда синаб кўриб ва хато қилиб кўриб олган билимингиз кўпроқ қийматга эга бўлади.

Аксар зарардаги трейдерларнинг зарардалиги сабаби шундаки, хатоларни тан олиш уларни фалажлаб қўяди, шу сабабдан ноҳақ бўлганликлари ҳақидаги фикрлардан инстинктив равишда қочадилар.

Улар ғолиб бўлишни жуда истайдилар, аммо ўз олдиларига қўйилган психологик тўсиқларни енгиб ўтолмайдилар. Бундай трейдерларга савдо қоидалари хос эмас, чунки бундай қоидалар борлиги уларни ўз хатоларини тан олишга мажбур қилади. Шунинг учун улар нимаики қилмасинлар, хато бўлади.

Агар сиз учун "ҳақ бўлиш" эмас, фойдада бўлиш муҳимроқ бўлса, ўз мағлубиятларингизга орқа ўгириб олманг.

Улар сиз учун жуда ҳам оғриқлими? – Уларни вақтинча четга суриб туринг. Бирмунча вақт олдинги тарихда содир қилинган хатони тан олишингиз, ҳозир аниқланганидан кўра осонроқ бўлади.

#psixologiya

👉 Мавзу бошланиши: https://t.me/reminderstrade/94

───── ◉ ─────
@reminderstrade

– Муваффақият йўлини бир сўз билан ифодаласа бўладими?
– Дисциплина.

Дисциплина – мақсад ва натижалар ўртасидаги кўприк. Мақсадлар қанчалик катта бўлса, кўприк ҳам шунчалик бақувват бўлиши керак.

#M #entertainment
───── ◉ ─────
@reminderstrade

​​🖇️ ТРЕЙДЕРНИНГ РУҲИЙ ҲОЛАТИ

3-бўлим. Қўрқув – омон қолиш инстинкти.

Одамнинг эмоционал тузилишида "омон қолиш" инстинкти программалаштирилган. Бу одамзот тирик қолишига тўсиқ бўладиган хавфли муаммолар тўлиб ётган даврда шаклланган.

Узоқ аждодларимиз хавфсизлигига хавф солган ҳар қандай нарса, автоматик тарзда улардаги "омон қолиш" инстинктини ишга туширган. Гап шундаки, ўзини сақлаб қолиш инстинктини шакллантирган муҳит энди мавжуд эмас. Ҳозир буталар ортида биологик хавф ортиқ пойлаб турмайди.

Аммо бизда эмоционал мия бор, ноаниқлик туфайли юзага келган хавфларни ҳал қилиш учун программалаштирилган мия. Қачондир хавфли оламда тирик қолиш учун фойдали бўлган инстинктлар, бугун бир жиҳатдан тўсиқларга айланган.

Савдо сизнинг савдо ҳисобингизга хавф солади. Миянгиз бу хавфни муқаррар таҳдид деб қабул қилади ва ҳимоя механизми сифатида қўрқувни ишга солади. У мия ресурсларини тез қарор қабул қилиш учун сафарбар қилишга мўлжалланган: "ур ёки қоч". Шу сабабдан қўрқув таъсирида кишилар баъзан, вақт ўтиб ўзлари ҳам ажабланадиган, аҳмоқона ишлар қиладилар.

Савдода кўп хатолар сабаби қўрқув бўлади: ноҳақ бўлиш, пулни йўқотиш, имкониятни бой бериш ёки потенциал фойдани қўлдан бериш қўрқуви. Бу қўрқувнинг ҳар бири омадсизлик қўрқувини акс этади. Бу омадсизлик қўрқуви боғчада, мактабда, университетда, ишда сингдирилади.

Умумтаълим тизими ҳақ ва ноҳақ тушунчасига асосланган: стандарт тўғри жавоб учун ўқувчи рағбатлантирилади, омма тўғри деб қабул қилган жавобдан бошқача фикр билдириш камида масхара ва ижтимоий танқид каби нохушликларни келтиради.

Шунинг учун биз хато қилишни ёмон кўрамиз, эҳтимолий хатони таҳдид деб қабул қиламиз ва ўзимизни бундан ҳимоялаш учун ҳамма чорани қиламиз, ҳатто ўз ноҳақлигимизни тан олмаслик йўли билан бўлса ҳам.

Муаммо шундаки, хавф реалми ёки тасаввурдами? Трейдингда аксар ҳолатда хавф тасаввурий бўлади ва нерационал (мантиқсиз) қарорлар қилишга олиб келади. Сизнинг қўрқувларингиз ҳажми ўзингиз катталаштирган даражада улкандир.

Қўрқув билан қандай курашиш керак?
(давомида ёзилди👇)

#psixologiya
───── ◉ ─────
@reminderstrade

​​(3-бўлим давоми)

Қўрқув билан қандай курашиш мумкин?

• Қўрқувни енгиш учун биринчи қадам – қўрқувингизни шунчаки тан олиш.

Трейдерлар мунтазам равишда, ўз ички муаммоларини тан олиш ўрнига, ўзларини айни дамда яхши ҳис қилиш учун, ўзларини ўзлари алдаб келадилар.

Миянгиз ёқимсиз ҳақиқатдан кўра, тинчлантирувчи ёлғонга тезроқ ишонади. Шунинг учун аксар трейдерлар муаммо жавобгарлигини бошқаларга юклайдилар.
Муаммони тан олиш – уни ҳал қилишдаги муваффақиятнинг ярми.

• Қўрқувни енгишдаги иккинчи қадам – битим рискини қисқартириш.

Хатога йўл қўйиш оқибатида катта зарар қилишдан қўрқсангиз, бу зарарни камайтиринг: масалан, одатий 1% ўрнига, 0.5% ёки 0.1%. То зарарлардан қочиб бўлмаслиги, аммо келгуси фойда билан бу зарарларни қоплаб бориш мумкинлиги ҳақидаги фикр мустаҳкам ўрнашмагунча, шу зайлда савдо қилишда давом этинг.

• Қўрқувни енгиш учун учинчи қадам – максимал даражада аниқ режа тузинг.

Бу ҳиссиётлар иложсиз назоратдан чиққанида амал қилишингиз керак бўлган қатъий қоидалар бўлишини кафолатлайди. Сизнинг аввалги объектив онгингиз, сизнинг ҳозирги эмоциялар билан қувватланган, иррационал онгингиз ўрнига аллақачон тўғри қарорларни қабул қилиб бўлган бўлади.

👉 Мавзу бошланиши:
t.me/reminderstrade/94

#psixologiya
───── ◉ ─────
@reminderstrade

​​🖇 ТРЕЙДЕРНИНГ РУҲИЙ ҲОЛАТИ

4-бўлим. Очкўзлик кишини кўр ва аҳмоқ қилиб қўяди.

Қўрқув кўпинча кишини фалажлаб қўяди, ҳаракат қилмасликка мажбурлайди. Очкўзлик эса ҳаракатланмаслигингиз керак бўлган ўринда ҳаракат қилишга мажбурлайди.

Оммада бойлик ва пулга сотиб олиш мумкин бўлган барча яхшиликка табиий интилиш мавжуд. Бозорда гиперактив бўладилар, чунки тез бойиб кетишни истайдилар. Айнан шу сабабдан улар ўз капиталларини вайрон қилиш жараёнига жуда яқинлар.

Капиталини кўпайтириш иштиёқида чопадиган трейдерлар, бу учун ҳақиқатда зарур бўлган кўникмаларни жамламай қўядилар.
Жараён билан машғул трейдерлар эса, тақдир тақозоси билан, узоқ муддат персперктивасида кўпроқ даромадда бўлиб чиқадилар.

Очкўзлик белгилари қандай?

1. Сиз кўпроқ фойда олиш илинжида, атайлаб рискни оширасиз.

2. Битим сизнинг йўналишингизга қарши юрганида, зарардан фойдага чиқишигача кутиб туриш илинжида стоп-лоссни олиб қўясиз.

3. Нарх тейкларингизга яқинлашганида, янада кўпроқ фойда олиш учун уларни олиб қўясиз.

4. Кўп даромад қилиш умидида иложи борича кўпроқ битимлар очасиз.

Рўйхат тугамайди: очкўзлик ҳар кимда ҳар хил акс этиши мумкин. Аммо буларнинг барчасини бир нарса жамлаб туради: охир-оқибат сиз кутгандан ғирт тескари натижа бўлади.

Очкўзлик билан қандай курашиш керак?
Бу ҳақида бироздан сўнг гаплашамиз...

👉 Мавзу бошланиши:
http://t.me/reminderstrade/94

#psixologiya
───── ◉ ─────
@reminderstrade

​​(4-бўлим давоми)

Очкўзлик билан қандай курашиш керак?

• Битим очиш ва ёпиш борасида қатъий режа тузинг.

Агар режангизга амал қилишни ўргансангиз, пул сизни оқибатда ютуқ ўрнига зарар олиб келалиган нотўғри ва ҳатто ортиқча савдо ечимларини қилишга ундаши олдини оласиз.

• Бошланғич этапларда трейдингни асосий даромад манбаи ўрнига қўйиб олманг.

Пул топишингиз кераклиги ҳақида қанча кўп фикрни банд қилсангиз, топиш нари турсин, йўқотиш эҳтимолингиз шунча ортади.

• Рискларни қаттиқ назорат қилинг.

Рискларни тўғри бошқармаслик билан сиз ўзингизга стоп-лоссни рад қилишга, позиция размерини, риск размерини инобатга олмасликка қўйиб берасиз. Бундай ёндашув билан сиз ҳеч қачон ҳеч қандай даромад қилолмайсиз.

👉Мавзу бошланиши: http://t.me/reminderstrade/94

#psixologiya
───── ◉ ─────
@reminderstrade

​​🖇 ТРЕЙДЕРНИНГ РУҲИЙ ҲОЛАТИ

5-бўлим. Савдо режаси – сизнинг хавфсизлик оролчангиз.

Савдо режаси – бу агар амал қилсангиз, фойдада бўлишингизни таъминловчи ҳамда ўзингиз ҳақингизда, савдо қилаётган бозорингиз ва савдоингизга таъсир қиладиган бошқа факторлар ҳақида мантиқий баёнот.
Савдо вақтида, нима рўй беришидан қатъий назар, бу режага амал қиласиз. Шундай қилиб, савдо вақтида рўбарў келишингиз мумкин бўлган кўплаб сценарийларга ечим бера олиши учун режа кенг қамровли бўлиши керак.

Ўз савдо режасини нимага асосланиб тузиш керак?

Энг аввало бошланғич билимларни ўзлаштириш зарур. Ҳеч бўлмаганда, минимал тажриба орттириш учун сиз бу билимлар асосида ўнлаб, ҳатто юзлаб бэктестлар ўтказишингиз керак. Барча кузатувларингиз ҳақида битимлар журналига қайд қилиб боришингиз керак.
Бу жараён давомида тўплаган маълумотларингиз реал савдода сиз учун қайси бири кўпроқ мослигини тушунишга ёрдам беради. Буни қанча аввал амалга оширсангиз, ўзингиз учун шунча яхши бўлишини тушунишингиз керак.

Биринчи мартадаёқ режа мукаммал бўлиши ва исталган вазиятда ўзингизга бўлган ишончни қўллаб-қувватлаши ёки рад қилишга тайёр бўлишидан умид қилманг. Сизнинг савдо режангиз мунтазам равишда қайта ишлаб ёки тўлдирилиб боради, узоқ савдо йилларидан кейин ҳам. Аммо шунга қарамай, у албатта бўлиши зарур.

"Аниқ ёзилган савдо режаси менга зарур эмас, чунки менинг савдо стратегиям жуда содда".

Агар бундай қарашдаги трейдерга мурожаат қилиб, қоғозга ўз савдо режасини тузиб беришини сўралса, жавоб тарзида нафақат рад қилинишни, балки ҳатто ғазабни ҳам кўриш мумкин. Чунки аслида уларнинг режалари шунчалик чалкаш ва қийин-ки, стратегияларини бутун тарзда очиб бера оладиган аниқ баёнот қилиб бера олмайдилар ва буни улар жуда яхши биладилар. Бу – мазкур трейдерлар узоқ вақтда фойдада бўлолмасликларининг очиқ белгиси. Йўқ деганда, савдога ёндашишларини тизимли қилмагунларига қадар.

Савдо режаси нима учун керак?

Қарор қабул қилиш жараёнининг кўп қисмини ўз савдо режасига топшириш учун. Бундай стратегия муайян бозор ҳолатларида амал қилишингиз керак бўлган ҳаракатларни аввалдан тузиб беради.

Савдо режаси савдодан ҳиссиётларни айиришга ёрдам беради. Ўзингиздаги ҳис-кечинмаларга эмас, фақатгина режангизга асосланиб қарорлар қабул қилишингиз учун.
Бу ҳиссиётлар иложсиз назоратдан чиққанида амал қилишингиз керак бўлган қатъий қоидалар бўлишини кафолатлайди. Сизнинг аввалги объектив онгингиз, сизнинг ҳозирги эмоциялар билан қувватланган, иррационал онгингиз ўрнига аллақачон тўғри қарорларни қабул қилиб бўлган бўлади.

Режа нима, қачон ва қандай қилиш зарурлигини аниқлаб беради. Савдо режасини тузиш – қилиш керак бўлган ишнинг кичик бир қисми, холос. Янада қийинроқ масала – режага сўзсиз амал қилишга ўзини ўргатиш.

🔜 Ўз режангизга амал қилишни қандай ўрганиш мумкин?
Бу ҳақида ҳам батафсил тўхталамиз...

👉 Мавзу бошланиши:
t.me/reminderstrade/94

#psixologiya
───── ◉ ─────
@reminderstrade

​​Ҳеч кимга ҳеч нарсани исботлашга мукаллаф эмассиз.

Чалғиманг, вақтингизни кимдирлар учун сиз ҳақ бўлганингизни исботлашга сарфламанг. Бунинг ўрнига ўз устингизда ишлашда давом этинг.

Уларнинг гапларига эътибор қилманг. Ҳатто энг яқин кишиларингиз сизга ишонмаса ҳам, ўзингизга бўлган ишончни йўқотиб қўйманг. Улар муваффақият йўлида бўладиган табиий қийинчиликларни иложсиз тўсиқлар деб кўрадилар, аммо ким буни енгиб ўтиб, муваффақият қозонса – улардаги ютуқларнигина кўрадилар холос, унгача бўлган қийинчиликлар эса худди-ки унга рўбарў бўлмаган.

Кишилар эътирозлари муваффақият йўлидаги тўсиқлардан бир тўсиқ, уларнинг аксари ўзлари муваффақият қозонмагани ёки комфорт зонасини тарк этолмаганидан сиз ҳам улардек бўлишингизни истайди. Эътибор қилманг.

Бирор нарсани исботлашингиз керак бўлган ягона инсон – бу ўзингиз. Қандай қийинчиликлардан ўтаётганингиз ҳам, қандай ютуқлар қўлга киритаётганингиз ҳам, мағлубиятларингиз ҳам ўзингизга аён. Ҳар куни ўзингиз билан курашинг, ҳар куни кечадан кўра яхшироқ бўлинг – шу сизни муваффақиятга етаклайди.

#M
───── ◉ ─────
@reminderstrade

⚠️ Бироз узунроқ, аммо шу билан бирга муҳим мавзу ҳақида тез фурсатда бўлишаман ⌛

───── ◉ ─────
@reminderstrade

​​(5-бўлим. Давоми)

Савдо режаси

Бозордаги муваффақият такрорланувчан ва узоқ муддатли бўлади, агар унинг ортида яхши ўйлаб чиқилган жараён турса. Тасодифий ҳаракатлар тасодифий натижа олиб келади.

Савдо режаси – трейдернинг савдога умумий ёндашувини аниқлаб берувчи қоида ва тамойиллар йиғиндиси. Режа маълум бир трейдер характерининг индивидуал хусусиятларига ва унинг вақт имкониятларига мос келиши керак.
Унинг таркибидаги параметрлар тўлиқ бўлмаса-да, асосийси – режада бозор ноаниқлиги билан курашишда маълум бир кишига қўллаб-қувватловчи бўладиган барча нарса бўлиши керак.

Савдо режасини қандай тузилади?

1. Биринчи қиладиган ишингиз – савдо қиладиган жуфтликларни танлаб олиш.
Кўплаб активларга сочилиб кетиш керак эмас. BTC/ETH/LINK ларни танланг — булар энг техник активлар. Агар бараварига бир қанча активлар билан савдо қилсангиз, битимларингиз сифати пастлаб кетиши мумкин.

Кўп миқдорда очилган графиклар концентрацияни сусайтиради. Сиз робот эмассиз ва объектив айтганда, диққатингизни фақатгина оз миқдордаги имкониятларга реал жамлай оласиз.

2. Кунда қанча вақт трейдингга сарфлашга тайёрлигингизни ва қайси пайтлигини аниқлаб олинг.
Позиция очиш ва ёпиш билан боғлиқ механик ҳаракатлар – трейдер бажариши керак бўлган масалаларнинг кичик бир қисми холос эканлигини инобатга олинг.

Трейдернинг иши график устида ишлашдан кўра, кўпроқ ўз устида ишлаш билан боғлиқ. Сиз ўзингизни кучли ва кучсиз жиҳатларингизни ўрганиб чиқиб, биринчисининг сифатини оширишингиз ва иккинчисини камайтиришингиз керак. Бундан ташқари инструментларингизни тарихда тест қилиб, бозорни таҳлил қилиш қобилиятингизни мукаммаллаштиришингиз зарур.

Оптимал вариант Kill Zone ларда савдо қилишдир, чунки позиция очишга энг кўп имкониятлар айнан шу вақтда бўлади, шунингдек, кўп ҳолатда битим натижаси ҳам анча тез аниқ бўлади. Агар имкон бўлса, трейд учун ажратадиган вақтингизни шу вақтларга тўғриланг.

3. Кейин – бозорда қанча вақт бўлишни исташингиз ва қанча вақт бўла олишингиз ҳамда ўз шахсий хусусиятларингиздан келиб чиқиб, савдо турингизни аниқлаб олинг.
Бу учун ўзини таҳлил қилиб, кучли ва кучсиз тарафларини аниқлаш керак. Савдода шундоқ ҳам босим қиладиган факторлар бисёр. Сиз қутулишингиз мумкин бўлган ҳар қандай босим манбааларини йўқ қилишга интилишингиз керак.

Агар сиз ҳодисалар тез алмашиши тарафдори бўлмасангиз – скальпер трейдерлар каби минутли таймфреймларда савдо қилиш сизга нимага керак? Бундай босим таъсирида сиз муваффақиятга эришолмайсиз.

4. Савдодаги мақсадларингизни ҳақиқатга мос равишда аниқлаб олинг.
Мен (Sancho) учун мақбул ойлик мақсад – депоимдан 15%. Баъзан кўпроқ ўхшаб қолади, баъзан камроқ, аммо узоқ муддатда ўртача натижа мақсадга мувофиқ бўлади.

Бошланғич этапларда асосий мақсад – безарар бўлиш. Ўйламай битимлар қилишга ундайдиган осмон баланд мақсадлар қўйманг.

5-6-7-пунктлар⤵️

👉 Мавзу бошланиши:
t.me/reminderstrade/112

#psixologiya
───── ◉ ─────
@reminderstrade