Լաչինի միջանցքի վիճակը լավ բանի չի բերի. Ո՞վ կարող է հաշտեցնել Ադրբեջանին ու Հայաստանին

Ակցենտ ռուսական պարբերականը գրում է, որ Լաչինի միջանցքում հակամարտությունը զրոյացնում է Ռուսաստանի և նրա հարևանների բոլոր ջանքերը ուղղված Հյուսիս-Հարավ միջանցքի զարգացմանը։ Առանց Հայաստանի և Ադրբեջանի միջև հաշտեցման Կովկասում ցանկացած միջազգային տարանցում վտանգված կլինի։

Լաչինի միջանցքը Հայաստանից Լեռնային Ղարաբաղ տանող միակ ճանապարհն է: Վեց ամիս շարունակ երթուղին փակել էին ադրբեջանցի պսևդոէկոակտիվիստները։ Այնուհետև ադրբեջանական բանակը Լաչինի միջանցքում անցակետ տեղադրեց։ Այն տեղադրվել է բացարձակապես անօրինական, ասել են Հայաստանի իշխանությունները և դիմել Արդարադատության միջազգային դատարան։

Նույնիսկ ռուս խաղաղապահներն են այժմ մեծ դժվարությամբ հասնում Ղարաբաղ։ Հայաստանի վարչապետ Նիկոլ Փաշինյանն արդեն մեղադրել է Ռուսաստանին «պարտավորությունները չկատարելու» մեջ և պահանջել է միջազգային առաքելություն ուղարկել Լաչինի միջանցք ընդդեմ Ռուսաստանի:

Ադրբեջանն ավելի ու ավելի շատ է պահանջում Ղարաբաղի վերադարձը: Նախագահ Իլհամ Ալիևն արդեն վերջնագիր է ներկայացրել Ղարաբաղի հայերին՝ կա՛մ Ադրբեջանի քաղաքացիություն, կա՛մ վտարում։ Այդ շանտաժին աջակցում է շրջափակումը։

Քանի դեռ Ղարաբաղի ճակատագիրը չի լուծվել, Հայաստանի և Ադրբեջանի միջև խաղաղություն չի լինի: Խոստացված խաղաղության պայմանագիրը կմնա երազանք, ինչպես և բոլոր տնտեսական նախագծերը։ Օրինակ Թուրքիայի և Իրանի մասնակցությամբ Նախիջևանի (Զանգեզուր) տարանցիկ միջանցքի վերականգնման նախագիծը։

Հենց Թուրքիան և Իրանը կարող են ճնշում գործադրել հայ և ադրբեջանական վերնախավերի վրա «Լաչինի հարցի» լուծումն արագացնելու համար, կնքել խաղաղության պայմանագիր, վերացնել բոլոր ճանապարհների շրջափակումը և վերջապես սկսել տարանցումը, և դրա հետ մեկտեղ Կովկասի անկում ապրող տնտեսության վերականգնումը:

Արցախում Փաշինյանի «տակ» աշխատող ուժերը շտապում են

Մեր ունեցած տեղեկություններով, Արցախի նախկին ԱԽ քարտուղար Սամվել Բաբայանը հայտարարել է, որ երկուշաբթի օրվանից պատրաստվում է Ստեփանակերտի Վերածննդի հրապարակում հանրահավաքներ անցկացնել այնքան ժամանակ, քանի դեռ չի հասել իր գլխավոր նպատակին, այն է՝ նշանակվել Արցախի պետնախարարի պաշտոնում։

Արցախի մեր աղբյուրի փոխանցմամբ, Բաբայանն իր շրջապատում ակնարկել է, որ պատրաստ է գնալ ամեն ինչի՝ իշխանության հասնելու համար։

Ինչպես հայտնի է, Արցախում քիչ չեն այն մարդիկ, ովքեր դեմ են Արայիկ Հարությունյանին և բավական վատ են վերաբերվում նրան, բայց Սամվել Բաբայանի՝ երկրի ներսում նոր ցնցումներ առաջացնելու այս մտադրությունը բավականին մեծ ռեզոնանս է առաջացրել։

Օրերս Ռուբեն Վարդանյանի կազմակերպած բավական մարդաշատ հանրահավաքը դուր չէր եկել ՀՀ իշխանություններին, ու, մեր տեղեկություններով, նաև այդ պատճառով է, որ Նիկոլ Փաշինյանին սպասարկող արցախյան քաղաքական շրջանակները, այդ թվում՝ Սամվել Բաբայանը, սկսել են շտապել։

Մեզ հայտնի է դարձել նաև, որ Արցախում Փաշինյանի «տակ» աշխատող ուժերը ամեն կերպ փորձում են ճանապարհ հարթել Բաբայանի համար, միաժամանակ ամեն ինչ անում են թիրախավորելու, վարկաբեկելու բոլոր այն մարդկանց, ովքեր որևիցե կերպ իշխանության գալու հավակնություն կարող են ունենալ:

Ամբողջ ադրբեջանական ընդդիմադիր մամուլը երկու օր շարունակ տարածում է վերջին սահմանային միջադեպի ադրբեջանական զոհերի նկարներն, անուն֊ազգանունները, հուղարկավորության կադրերը։

Խոսվում է 12 ադրբեջանցի զինծառայողի մասին։

Իրանական մեդիա տիրույթում տարածվում է, որ ըստ Իրանի հետախուզության տվյալների՝ ադրբեջանական ուժերը մեծ կորուստներ ունեն, պատասխան գործողությունների արդյունքում հայկական ուժերը թշնամուն մեծ կորուստներ են պատճառել։

Մայիսի 12֊ին սպանված ադրբեջանցի զինծառայողը, ըստ Բաքվի պաշտոնական աղբյուրների, Գարաև Մուհամմեդ Մահիր Օղլուն է։

Մայիսի 12-ին Ադրբեջանի ԶՈւ ստորաբաժանումները կրակ են բացել Սոթքի և Կութի հատվածներում տեղակայված հայկական դիրքերի ուղղությամբ՝ կիրառելով ականանետ և ԱԹՍ-ներ։ Հայկական կողմն ունի 1 զոհ և 1 վիրավոր:

Տևական ժամանակ է իրավապահ համակարգը տարբեր պատճառաբանություններով ընդդիմադիր քաղաքական գործիչ Արմեն Աշոտյանին արգելում է մեկնել Հայաստանից մասնակցելու տարաբնույթ միջազգային միջոցառումների։ «Փաստ» թերթի փոխանցմամբ` Նիկոլ Փաշինյանին խիստ նյարդայնացրել է այն հանգամանքը, որ Արմեն Աշոտյանը որոշ ժամանակ առաջ գաղտնազերծեց հայ-ադրբեջանական բանակցություններում քննարկվող սկզբունքների հետ կապված փաստաթուղթը:

Դոնեցկի Կույբիշևի շրջանում գնդակոծությունից դպրոցի շենք է վնասվել։

Այս շենքն արդեն մեկ անգամ գնդակոծվել էր 2014 թվականին, սակայն հետո այն վերականգնվել է։

«Համախմբում» շարժումը առաջարկում է Արցախի ինքնորոշման մերժումը քրեականացնող օրենք ընդունել:

Այս մասին նախաձեռնող խումբը մարդաշատ հավաք է կազմակերպել երեկ, որտեղ առաջարկել է օրենսդրական փոփոխության ստորագրահավաք-քվեարկություն սկսել, որով ծանր պատիժ է նախատեսվում Արցախն Ադրբեջանի մաս ճանաչող և Հայոց ցեղասպանության նշանակությունը նսեմացնող գործողությունների համար։

Պուտինը հեռագիր է ուղարկել հայ մարզիկին

ՌԴ նախագահ Վլադիմիր Պուտինը շնորհավորել է ձյուդոիստ Արման Ադամյանին` Դոհայում ընթացող աշխարհի առաջնությունում տարած հաղթանակի կապակցությամբ։

«Հարգելի Արման Ազատովիչ, սրտանց շնորհավորում եմ ձեզ հաղթանակի կապակցությամբ: Քաթարի աշխարհի առաջնությունում դուք համոզիչ կերպով հաստատեցիք ձեր առաջնորդի որակները, դրսևորեցիք ձեր բնավորությունն ու կամքը, վառ էջ գրեցիք ձյուդոյի ազգային դպրոցի հաղթական տարեգրության մեջ: Մաղթում եմ ձեզ նոր ձեռքբերումներ և ամենայն բարիք»,- ասվում է հեռագրի տեքստում։

Շառլ Միշելն ու Նիկոլ Փաշինյանը քննարկել են Ադրբեջանի կողմից Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամին, Հայաստանի և Ադրբեջանի միջև հարաբերությունների կարգավորմանը վերաբերող հարցեր:

Թուրքիայում տեղի ժամանակով 17:00-ին (Երևանի ժամանակով՝ 18:00-ին) փակվել են բոլոր ընտրատեղամասերը, ինչը նշանակում է, որ ավարտվել են նախագահական ու խորհրդարանական ընտրությունները։

Քվեարկության ավարտից հետո մեկնարկել է նախագահական ընտրությունների հաշվարկը։

Ընտրելու իրավունք ուներ Թուրքիայի շուրջ 64 միլիոն քաղաքացի։

Ընտրությունների վերջնական արդյունքները կհրապարակվեն մայիսի 19-ին։

Բրյուսելում ավարտվել է Փաշինյան-Ալիև-Միշել եռակողմ հանդիպումը։

Ըստ Ռեգիոնի` կառավարությանը մոտ կանգնած աղբյուրի, այն տևել է մոտ 4 ժամ։