RASMIY TUSHUNTIRISH

🔎 Umumta’lim fanlari bo‘yicha milliy sertifikat imtihonlari natijalari xalqaro metodika — Rash modeli asosida hisoblanadi. Ushbu model turli test variantlari hamda turli vaqtlarda o‘tkazilgan imtihonlar natijalarini o‘zaro taqqoslash imkonini beradi. Bunda ankor (langar) savollar muhim ahamiyat kasb etadi. Agar ankor savollar mavjud bo‘lmasa, turli variantlarda olingan natijalarni solishtirish imkonsiz bo‘ladi.

📚Ankor savollar bir nechta test variantlarida o‘zgarishsiz takror beriladi. Ular yordamida har bir variantning qiyinlik darajasi aniqlanadi hamda variantlar o‘rtasidagi farqlar nazorat qilinadi. Ankor savollarning asosiy vazifasi test variantlari qiyinligining ishtirokchilar natijalariga ta’sir ko‘rsatmasligini ta’minlashdir. Bu esa barcha ishtirokchilar uchun teng sharoit yaratishga xizmat qiladi.

📝 Xulosa qilib aytganda, milliy sertifikat imtihonlarida avvalgi imtihonlarda qo‘llangan test savollarining (ankor savollarning) takrorlanishi natijalarni xolis, adolatli va ishonchli baholashni ta’minlaydigan muhim metodik vosita hisoblanadi.

✔️ Agentlikning rasmiy sahifalari:
Telegram | Facebook | Instagram | YouTube