س/ هو التداول حرام ليه؟؟
ج/
التداول عبارة عن عملية بيع وشراء للعملات والذهب على منصات معينة بحيث العميل يشتري وبعد كام ساعة يبيع تاني ويكسب ..
ففي الذهب = ده ماينفعش خالص لأن العميل مش بيستلم ذهب مش بيمسكه في ايده ..
أما في العملات فينفع في حالة واحدة = لو استلم المبلغ فورًا بعد مايشتريه ، يعني يدخل في حسابه في نفس اللحظة اللي اشترى فيها ، وده مابيحصلش خالص ، فمش بيحصل تقابض في المجلس ، فكدة يكون تعامل فيه ربا

****

س/ طيب لو تداول فوركس إسلامي هيبقى حلال ؟؟
ج/ الفوركس الإسلامي فيه نفس المشكلة وهي إنك مش بتستلم الفلوس في حسابك ، وعشان كده هيبقى حرام برضو ..

هو بس يفرق عن الفوركس العادي :
إن في العادي بيشترطوا عليك تبيع في خلال 24 ساعة وإلا هتدفع رسوم تبييت
وتاني حاجة أنهم بيدخلوا معاك إجباري كقرض بنسبة .. فلو فلوسك كسبت هيكسبوا معاك ، أما لو خسرت فهتتحمل الخسارة لوحدك ومش هيتحملوا معاك ..
وكل دي معاملات فيها محظورات شرعية
الخلاصة = ماتدخلش نفسك في سكة التداول لإنها حرام

د.ماجد شاهين

#س_و_ج
#رسايل