لما تاخدي القرار وتلبسي النقاب هتحسي براحه وتغير للاحسن هتحسي انكي بقيتي صاينه نفسك هتلاقي نفسك .وإنتِ بتلبسيه هتلاقيكي مختلفه ومميزه دايما بعفتك 💜 .

بصي النقاب هيغيرك اوي قبل ما تعملي اي حاجه غلط هتحترمي لبسك للنقاب بمعنى انه بيخليكي تتكسفي انك تعملي حاجات كتير اوي حرام عشان مش هتليق بالنقاب ف هتبطليها و بيخليكى تحاولي دايمًا تبقي أحسن نتيجته مبهرة 💜

والله نقابك صيانة ليكي ولأخوكي المسلم وحفظ زينتك لزوجك وبس .. واختبار صدق ل حبك لربنا واتباع السنه
بتاخدى ثواب كل بنت شافتك وقلدتك وكل شاب شافك وغض بصره !💜

في بنات كتير نفسها تلبس النقاب ووالدها رافض واللي اهلها مش موافقين عليه
والله الواحد بيستغرب من الناس دي !! يعني المعروف أن من الرجولة أن الراجل يحب يشوف بنته في ستر كامل إنما دلوقتي بكل بجاحه في آباء بيحاربوا الستر 🙂

الامهات اللي بتفكر غلط وتقولك البت تتجوز الاول وبعدين جوزها يبقا يلبسهلولها ولا البنت اللي بتقول اتجوز وبعدين البسه هوا انتو مفكراني انو النقاب هيمنع الجواز يعني
طاب بالعقل كدا النقاب طاعه والجواز رزق فكيف لطاعه أن تمنع رزق 🙂💜

النقاب مش هيمنعك من الجواز ولا حاجه
حتي لو جالك عريس بتبرجك دا فالأسرة لا تقوم على سواد عيني المرأة وحمرة خديها، بل على أخلاقها وطباعها
أتقي الله نقابك ستر ليكي
تبرجك دا لو هيجيبلك عريس فا الحشمه هتجيبلك راجل 💜🙂

النقاب لايعني التعقيد والتشدد النقاب هو
إخفاء ما يستحق أن يخفي ليراه مايستحق ان يراه 💜

ماينفعش تأجلي وتقولي هلبسه أما اتجوز او انا لسه صغيره عن النقاب 😞
هتفضلي تأجلي لحد ماربنا يحرمك من الطاعة
والنبي صلي الله عليه وسلم قال " ولا يزال قوم يتأخرون حتي يؤخرهم الله " ..🥺

ملكيش دعوه بالناس اللي تكرهك فيه دوري علي ناس تشجعك على لبسه وتبقا فرحانة وفخورة بيكِ دورى على الصُحبة الصالحة اللى تعينك على طاعة ربنا وتنافسك فى الطاعات قربى من ناس تشجعك على لبسك للنقاب 💜

بلاش تحبطو حد في النقاب شجعو اصحابكو علي لبسه
فا والله ‏رَحِمَ اللهُ مَنْ أَعَانَ أَخَاهُ عَلَىٰ صَلَاحِ آخِرَتِهِ !💜

النقاب ابدا ما كان ظلم النقاب راحه والاحتشام سنه بالعكس بالنقاب هتصوني نفسك مش هتظلمي نفسك وكمان هتخفي اللي المفروض مايظهرش غير لحلالك 💜

خليكي عارفه ان كلما زادت حشمة المرأه كلما زاد خجل العين من النظر إليها. 💜

مفيش حاجه اسمها اني هلبس نقاب بس اهم حاجه الشكل يابنتي طالما لبستي نقاب يبقا لازم تبقي عارفه ان النقاب مش للزينه بل لستر الزينة...
النقاب مش للفت الأنظار.. النقاب لدفع الأنظار..🙂
أستقيمو يرحمكم الله 💜

بلاش الالوان اللي بتخطف الانظار
• خلي فتحة العين بالقدر اللى يتيح لكِ الرؤية بس
• البسى عبايات واسعة مش تبقي مغطية وشك وجسمك مكشوف خلي سترك يبقا كامل

هتفوقي أمتي هتلبسي نقاب صح امتا بلاش تضحكي علي نفسك بلاش تخدعي نفسك مش هتقدري تخدعي ربنا ولا هتخدعي الناس متفكريش أن دا نقاب
نقاب وخمار قصير نقاب وحواجب ظاهره
نقاب وفيه شئ من الزينه
نقاب وأظافر مزينه نقاب وبلوزه نقاب ولبس ضيق وووووو دا مش نقاب 🙂
بزمتك أنتي كدا دا نقاب دا يرضي ربنا 😞

البنات المنتقبات المحترمات وبتحط صورها على الفيس وغيرها من السوشيال
كل بنت هتنزل صورة على السوشيال وتسمح لأي شاب يعمل زوم عليها ويحفظها عنده ويعمل فيديوهات وغيره .🙂هتتحاسبي صوني نفسك واتقي الله
اه انتي منتقبه وساتره نفسك بس ما أدراكي انك لستي فتنه لغيرك لعل إحتشامك هو فتنه لشاب يري منك الاحتشام
تجنبي الشُبهات كي لا تقعي في الحرام.💙،

لا تكوني بتبرّجك عوناً للشيطان على إخوانك
وتذكري القبر وضمّته والصِراط وزلّته..💔

النقاب في الزمن اللي احنا فيه دلوقتي هو فرض
فيه بعض المذاهب تقول بالإستحباب
بس نفس المذاهب اللي قالت بالإستحباب قالت هو فرض في زمن الفتت وزمننا هذا هو زمن الفتن

علطول الاختلاف دايما في أنهم يقولوا النقاب مش فرض أخلعوه💔
وي ولا مرة قالوا العري حرام أستتروا💔😢

لَيْسَ الجَمَالُ جَمَال وَجْهٍ فَاتِنٍ
إِنَّ الجَمَالَ تَأَدُّبٌ وَحَيَـاءُ.. "💜