11_عاوزه حد يجبلك فيديوهات عجائب وغرائب يبقي عليكِ بالشيخ "امين_الانصاري"💛

12_عاوزه الجنه وحد يريحك و تحسي إنه بيتكلم معاكِ ."محمد_الغليظ" 💛

بالإضافه لـ امير منير و عبدالرحمن الصاوي و علاء حامد 💛🌻#خلصت ✨🌺
اللهُـم إجعلنَي لِـ نفسيّ خيـراً ، ✨🌸
‏ولـ غيريّ نـوراً ، و لِـ من حوليّ أثراً طيبـاً .💮🌷
رحم الله اموات المسلمين أجمعين 🍂✨💛

هتكلم عن الأغاني 🌺🍃❤️
#تابعوا 🌝❤️

⏺️عشان بس نكون متفقين إنها محرمة بالإجماع ، والدليل تفسير ابن كثير للآية دي «وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ (لقمان 6)✨💚💛

⏺️الأغاني حرام لسببين ، الموسيقي والكلام الخارج الي يدفع النفس للحرام
اي اغنية فيها اي سبب من دول تبقي حرام
يعني الاغاني الدينية اللي بموسيقي ما تنفعش
اما بقي الاغاني الرومانسية اللي من غير موسيقى برضه حرام!!🥱👌🌺

⏺️جملة سمعتها ان احنا ماكينات اعلانات ماشية ع الارض ، مافيش حد يقدر يعمل marketing لحاجة قد حد جرب حاجة نفسه يشاركها مع غيره ، ودة من اسباب انتشار الأغاني ومن ضمنها تنزيل الاغاني استوريهات واتس وفيس وانستا وبوستات ع الفيس بدون اي داعي غير النشر وإبداء الاعجاب والاهتمام
احنا ما بنعرفش ان في مطرب نزل البوم من صفحته هو قد ما بنعرف من استوريهات صحابنا! بتفضل 24 ساعة وممكن تبقالك سيئات سنين طويلة!
بداية تنزيل الاغاني عموما هو مجاهرة بالمعصية ، الاول كانت اغنية ف هاند فري عادي بقت استوري 💔🥺

⏺️من أسباب انتشار الموسيقي هو استحلالها وحشرتها معانا ف اي حتة .. ف تلاقي الشيوخ بيحللوها وكلام ابن كثير بيترمي عادي ، تلاقي الاغاني موجودة ف فرح وحزن وحفلات وتجمعات عائلية ، حتي بقت موجودة ف فيديوهات بعض المشايخ!💔🥺

⏺️والله والله والله لا يجتمع القرآن والاغاني ف قلب واحد ، ولو اجتمعوا حتما حد فيهم هيقع يا تقعي انتي ف النفاق
انتي حابة اي؟
اصل هم كام سنة هتعيشيهم وقلب واحد قد قبضة الايد 🤏🏻 💚
يا تمليهم اغاني يا قرآن ، قرري !!.🌝 💞

⏺️صدق الله عز وجل -وكلامه كله صادق- في قوله «ِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ »
بصي كدة الرحلة دي ، انتي اصلا من غير ما تاخدي بالك لاقيتي الاغاني استوطنت قلبك (اتغفلتي) ف ضليتي ولاقيتي نفسك فجأة (ودة ماحصلش مرة واحدة طبعا) مش قادرة تحسي بالصلاة مش قادرة تصلي اصلا ولا تفتحي مصحف .. لاقيتي نفسك الفاظك بقت غريبة وصحبتك اتغيرت ، لاقيتي حجابك بيتدهور ونفسيتك ف النازل ف لما تعرفي انها من الاغاني تقولي Are you kidding me!!! ، معقولة الاغاني تعمل كدة! «ويتخذها هزوا»💔🥺

⏺️شايفاكي ياللي بتقولي الله يسامح فلانة خلتني ارجع للاغاني ، شغل يابني الاغنية اللهم تُب علينا
هي اه مذنبة بس ذنبك still عليكي وما نقصش ، مش هيخف من عليكي ابدا عشان سمعتي الاغنية بسبب حد
كلنا يوميا بتعرض علينا الفتن والمضلين ف حياتنا كتير ودة *اختبار* وانتي لازم تنجحي وتدعي ربنا ينتشلك من ده ويقبضك غير مفتونة
انتي بإيدك ماتشوفيش استوريهاتها تاني وتبعدي، عن الفتنة ، بس انتي بتدلعي🤷🏼‍♀️👌✨

⏺️الأغاني سككها كلها تودي ف داهية
مافيش أغنية بتودي المسجد ، مافيش حد بيعيش ع الاغاني «مطرب ، ممثل او حتي محب ليها» وسعيد
الاغنية هتشدك للمطرب نفسه ف تكتشفي انه ف التمثيل تحفة ، وايدا الممثل طلع ف برنامج كذا ، ف تلاقي نفسك شغلك الشاغل وكلامك ومحور كلامك عن الأغاني وانتي مش حاسة إن «اللسان مغرفة القلب» الدندنة الي ما بتقفش من علي لسانك دي تدل ع استوطان الاغاني ف قلبك ، والقرآن فين؟
-ف المصحف ، احنا هنكفر ولا اي 💔🥲

⏺️ خليكي صادقة مع ربنا إن نفسك تبطليها وإن شاء الله ربنا يعينك!!
بتبقى صعبة في الأول وبتلاقي نفسك بتقعي بس دا عشان ربنا يختبر صدق توبتك🌝💜
تطلعى على الأغاني اعملى تحديد الكل وبعد كده Delete وتيجي تفرحيني🤌🏻💜

⏺️للتوضيح بس!!
لما نزلت الآية «وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ (6)» ابن مسعود رضي الله عنه أقسم أنَّ المقصود بلهو الحديث هو المعازف
-ومين ابن مسعود دة بقي؟!!
=حَبر الأمة وترجمان القرآن اللي يعرف بأسباب نزول الآيات اكتر مني ومنك!! ❤️🌺💐

#خلصت ✨🌺
اللهُـم إجعلنَي لِـ نفسيّ خيـراً ، ✨🌸
‏ولـ غيريّ نـوراً ، و لِـ من حوليّ أثراً طيبـاً .💮🌷
رحم الله اموات المسلمين أجمعين 🍂✨💛

الدكتور ابراهيم الفقي الله يرحمه .. كان في مؤتمر عالمي .. فـ الصحفي بيسأله وبيقوله يا دكتور ؟ ايه اكتر موقف عجيب مر عليك ف حياتك ؟! وكان ساعتها ابراهيم الفقي مدير لاكبر سلسلة مطاعم فـ العالم .. قال للصحفي ف يوم دخلت المسجد بالليل وكان الدُنيا " هُش خالص مفهاش صريخ بن يومين" و مفيش حد ف المسجد غير راجل واقف رافع عينه وايده للسما وضهره ليا .. عمال يدعي ويقول يارب بكُل حُرقه وقلب موجوع ! .. فـ استنيته لحد لما خلص صلاه ودعاء .. وخدني الفضول اعرف ماله .. فـ ميلت عليه وقولتله " شايفك عمال تدعي كتير ومضايق .. مالك ؟! قاله والله يااخي عملت كل حاجه ممكن تتوقعها غضبت ربنا وعصيت ربنا كتير فوق متتخيل عليا ديون هتحبس بسببها .. فجيت ارمي حمولي علي ربنا ..معنديش غيره اتسند عليه .. وأتعشم في كرمه يتري هيرضي عني بعد كل الغلط اللي غلطته ف حق ربنا ده يتري هيقف جنبي ونقذني من اللي انا فيه ده انا عارف جدا وعندي يقين أن ربنا اسمه الرحمن الرحيم ومستحيل يخذل ايد عبد من عباده اترفعت ليه بس انا غلط ف حق ربنا كتير ورح الراجل قاعد يبكي بكاء هستري .. الدكتور ابراهيم الفقي قاله كام ديونك ؟! رد الراجل وقال 4000 جنيه .. الدكتور ابراهيم بيقول محستش بنفسي فورًا طلعت المبلغ من جيبي واديتهوله .. وقولتله دا الكارت بتاعي لو احتجت اي شيئ متترددش ثانيه ! تعالي وهساعدك .. الراجل خد الفلوس ورفض ياخد الكارت .. وقاله لاء كفايه الفلوس .. ولما اعوز واحتاج حاجه .. هاجي لربنا تاني وهتعشم فيه .. وهو هيساعدني أنا مُتأكد ف الدكتور ابراهيم الفقي ب ضحكه جميله كده قاله شوف ربنا احسن منك ازي محبش يشوفك حزين مهونتش عليه ربنا أحن عليك وعليا من اي حد وربنا لما باعتنا باعتنا سبب ليك وان اشوفك محتاج ايه ونفسك ف ايه ف متزعلش ربنا منك تاني وتعصيي!!❤

من الحاجات والمواقف برده اللى خليتنى ابكي حرفياً"💔
حد بيقول في ساعة فضفضه مع واحد صحبى ..
بقوله ايه اغرب موقف مريت بيه في حياتك ؟! .. قالي تصدق بمين ؟! قولت لا اله الا الله ..

قالي ف يوم كان عندي أرق .. الساعه ١ او ٢ بالليل .. اقوم اخد دش .. برضه قرفان .. مش عارف انام ولا مرتاح .. قولت انزل اتمشي شويه ف الشوارع .. عديت علي مسجد علي الطريق .. عربيه مرسيدس أحدث موديل واقفه قدامه .. وباب المسجد علي غير العاده كان مفتوح .. دخلت بهدوء حسيت براحه نفسيه عجيبه .. لقيت واحد لابس بدله ومتشيك .. وواقف بيصلي ورافع ايديه للسما.. وسامع شهقته ونهنهاتُه وعياطه .. بيقول اغفرلي ! 😢
معنديش غيرك اروحله يغفرلي .. ارجوك يا رب تغفرلي .. بيلح زي الطفل .. مكنش يعرف اني ف المسجد .. قولت اقعد شويه .. ركنت علي عمود المسجد .. اقسملك بالله النوم جاني ازاي معرفش .. اتخطفت .. حلمت اني في نفس المسجد .. ونايم نفس النومه وضهري للعمود .. وجالي واحد يصحيني .. بكل هدوء .. بصيت بإستغراب .. انت مين ؟! 😮

قالي : انا رسول الله .. وطيت علي رجله بوستها .. قالي قوم .. قول للشاب اللي بيصلي .. وبيدعي ربنا انه يغفرله .. رسول الله بيبشرك بالجنه وبيقولك : قبل الله توبتك و غفر ذنبك وجعلك كيوم ولدتك أمك .. واختفي !
.. صحيت من النوم جريت ع اللي بيصلي .. لقيته خلص .. قولتله اللي حصلي وازاي جيت المسجد وان ربنا جابني لحد هنا .. ونمت ف المسجد وجالي رسول الله في المنام وباعتلك رساله بيقولك فيها :ربنا قبل توتبتك وغفر ذنبك .. وانك جاره في الجنه .. لقيته بكي كأن ماتلُه حد وسجد .. وفضل يقول .. آآآآه آآآآه .. رحمتك يارب .. رحمتك يارب .. حضنته .. اتمنيت يكون عندي قلب رُبع قلبه .. جُزء من شعور الندم اللي عنده .. انضف شاب قابلته .. واغرب موقف صادفني وعشته .. وتوبت بسبب توبته ! #لحظة_ندم_وتوبه_صادقه 🙂 ! ❤

سيدنا سعيد بن المُسيب لما سألوه عن اعبد الناس .. اكتر بني ادم نضيف وبيحب ربنا .. قال : من تذكر ذنبه فإحتقر نفسه .. فإعلم انه اعبد الناس . !🙂

سيدنا الفُضيل بن عياض كان بيقطع الطُرق ويسرق البيوت بالليل .. وف ساعة فجريه والدُنيا هُس خالص .. كان بيتسحب وبيجري ينط من علي سور عالي علشان يسرق بيت مُعين .. وهو بينط .. سمع الشيخ ف صلاة الفجر بيقول ( ألم يأنِ للذين آمنوا أن تخشع قلوبهم لذكر الله وما نزل من الحق ) مآنش الاوان يا مؤمنين بالله قلوبكم تتوب وتندم وترجع لربها بقي وتقرأ قرآنه وتتأثر بيه وتتوب ) بكي سيدنا الفُضيل وقال ( آآآن يارب آآآن يارب ) وتاب ف لحظتها . !

سيدنا علي قال : ما ألهم الله عبدًا الاستغفار الا وكان يريد ان يغفر له ) مفيش حد بيجي علي باله كلمة استغفر الله .. الا وكان ربنا حابب يغفرله ف لحظتها .. أستغفر الله ❤

عشم ابليس ف الجنه .. دي كلمه بجد مش تهريج .. من كتر عدد البشر المهول اللي هيدخل مع بعضه الجنه يوم القيامه .. ابليس بنفسه هيفتكر ان ربنا هيرحمه ويدخله الجنه .. اوعي تيأس من رحمة ربنا .. هيغفرلك ويسامحك مهما عملت ولو ايه .. المهم انك تكون صادق دلوقت ف توبتك وندمك .. ومادام تبت 👌💛

_لحظة البعث هتفهم أن مكنش فيه حد يستاهل انك تعصي ربنا عشانه🥺💙_

*_د/حازم شومان💙_*

﴿وَاذْكُرُوا اللهَ كَثِيرًا لَّعَلَّكُمْ تُفْلِحُونَ﴾

- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ»

http://571153760.sarhne.com
سؤال أو استفسار بخصوص الدين او اي حاجة رابط الصراحة اهو إن شاء الله هرد يوميا 👌🏻❤️