فيما يخص الكهرباء ....

ببساطة في عجز كبير جداً جداً في الكهرباء
يعني التوليد مقابل الطلب والاستهلاك ضعيف جداً
و ده بسبب سياسات الدولة

طيب قبل رمضان كان في برمجة وجدولة للقطوعات والناس عارفة الليلة كهرباء في بكرة مافي .. ااي هي صعبة وحارة على الناس بس كنا مسستمين حياتنا على هذا الأساس .

لكن الإدارات العليا في الكهرباء والمسؤولين في الوزارة وشركة التوزيع ... مااااا بعترفو بالمشكلة زي ما بحصل كل سنة ..
وبطلعو في التلفزيون يقولو مافي مشكلة ومافي قطوعات
و ده كلنا عارفنو كذب ساي .. وبب كده بختو الموظفين في المكاتب في مواجهة مع الجمهور في حين إنو هم المقصرين

في رمضان فعلاً ما بتتبرمج قطوعات خاصة للقطاع السكني لكن الحمولة عالية على الشبكة وبالتالي الناس بتصلها كهرباء ضعيفة شديد والشبكة بكل مكوناتها بتتأثر بالضغط ده زي ما المواطن مضغوط وزيتو طالع ... بتحصل اعطال لانو أساساً الشبكة هوائية ومنهارة ودراسات التحسين للشبكة البعملوها المهندسين ماااا بتتصدق ميزانيتها عشان الشبكة تتصلح وتستوعب الأحمال الجديدة البتدخل عليها

بالإضافة لي إنو كل مكاتب الكهرباء بتعاني من نقص حاد في الفنيين والعمالة ومعدات العمل وعربات الطوارئ وطبعا ما محتاجين نقول ليه

فااااا قصة إصلاح الكهرباء وكل مؤسسات البلد بيتطلب زمن وحاجات تانية كلنا عارفنها كويس طبعاً ده بعد تتوفر كل الموارد والإمكانيات اللازمة ....

مؤكد إننا على حق في غضبنا من قطوعات الكهرباء لأننا بندفع مقدم وعايزين كهرباء مستقرة وما شغلتنا بقصصهم الكتيرة دي
لكن كمان شركة توزيع الكهرباء فيها موظفين ومهندسين وعمال .. ما عندهم ذنب .. هم لا كيزان لا مرتاحين ولا عاجبهم البحصل في البلد دي ولا أي شي .. و مؤسستهم زي كل مؤسسات البلد دي فيها فساد مالي وإداري ومشاكل كتيرة ..
نوصل صوتنا ؟؟؟ ايوه
نمشي نحتج ؟؟؟ ايوه

نكسر ؟؟؟ لااااا
نضرب عامل في الكهرباء ؟؟؟ أبدا ً ما مقبول الكلام ده
نصورهم لايفات بدون إذنهم وننتهك خصوصياتهم ؟؟ لااااا
الأخوات الفي الواجهة ديل صرافين مبيعات ومحاسبين
ولا عارفين المشكلة شنو ..

موظف الكهرباء ده مواطن زيو زينا .. بعاني نفس معاناتنا
لانو عايش معانا في نفس البلد ... ف نبطل نطلع غبننا من الحاصل في البلد فيهو ونتفشى فيهو لانو ما عندو ذنب
بالعكس شغال في وضع سيء .. وموارد رديئة وبعد ده بتحمل سخطنا وزعلنا وكواريكنا .. لأنو مننا وفينا

فيهم الطلعوا مواكب وصابنها في القيادة زينا وفيهم الاعتقلوهو وعذبوهو زينا ....
الفنيين والمهندسين صايمين وبشتغلو في الشمس دي وبيأدوا واجبهم رغم سوء الموارد وتعبانيين وبرجعو يلقو كهربتهم في البيت ضعيفة وقاطعة زينا برضو .
فما نبقى عليهم ... نحنا ما أعداء
همنا واااحد ... أزمتنا واحدة ... مشكلتنا واحدة

نمشي نصبها في المكتب ؟؟؟
المكتب حق الدولة وحقنا كلنا .. زول بسألنا مافي ... بالعكس بتعاملو معانا بكل ذوق وأخلاق عالية
لكن ما نسيء ليهم ...
ونحنا وهم وكلنا نصبها في القيادة عشان بلدنا ترجع ومطالبنا تتحقق وكهربتنا ما تقطع تاني
لأنو لو استمرينا نتعامل معاهم كعب ممكن يسيبوا الشغل ويعملوا إضراب .. إضراب لمؤسسة مهمة زي دي ... الوضع حيبقى اسوأ من كده بكتير وح يأثر على نجاح الثورة

#تسقط_بس
#الكوز_الما_بفهم_في_الكهرباء_ما_يتحكم
#حكومة_كفاءات
#مدنيه_خيار_الشعب
منقوول

بتمنى الناس تفهم الكلام دا👍🇸🇩💕

اللهم سودان جديد قادر على احتواء ضخامة أحلامنا .. ♥️🌸🇸🇩
#õoba

✨✨✨✨✨💜🍂عبد العظيم .. لم يستلقي أحد 🙁💜يحرسون أحلامكم والوطن🍂

مهما طال الزمن أو قصر ؛ ما كنت متخيل في يوم من الأيام إني اسمع بناس بتموت في السودان عشان الموية 💔

15 قتيل و عشرات الجرحى الآن بسوق القش، والجيش يكثف وجوده وضرب دوشكا و بمبان كثيف..
💔

🤦‍♂🤦‍♂🤦‍♂
ي جماعة والله عدم الفهم والايمان دا مشكلة كبيرة
نسأل الله السلامة

في ناس من شدة ما علاقتنا معاهم كانت عميقه وبقت سطحيه رمضان كريم م قلناها لبعض🙂."

‏و يسألونك عن السودان قل هو :

بجمال يوسف💛 ، و حزن أبيه 💔، وغدر إخوته..💜.. ✌️

#ربي_اِجعل_هذا_البلد_أمنااَ.. 🇸🇩🤲
#SUDAN.. ✌️💜

" يا الله في عُشة هادية .. فرحة تلِمنا " 🌸💜..

‏7 مضان :
اللهم أبعد عنّنا كل ألم يرهقنا، وكل حزن تضيق به صدورنا ❤️

وما للروح دون اللّٰه روح 🍃
وما للقلب مـن عون سـواه❤

( وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ )
يغيّر الله مسار الشمس على بعد ٩٣ مليون ميل لأجل مؤمنينَ نيام، كيف لا يغير أشياء صغيرة من أجلك!؟

ادعو لي أي ممتحن/ة شهادة ينجح ويجيب النسبة ال بتمناها.
♥️🌸

"دُقُو البيوت دي سريع .. دُقُو البيوت دي يا ناس "

#لن_ننسى

" أدي الشي دا كهربا شوفو حي ولا ميت"

#لن_ننسى

" كتلو كتلو .. كتلو اولاد الكلب كتلو "

#لن_ننسى

'' يعني انت الدكتور البتعالج فيهم !''

#لن_ننسى

" كُراعِّي كُراعِّي .. كُراعِّي إتقطعت "

#لن_ننسى

" نزلت دمعة من عيونه مخلوطة بدم .. وانا بكيت من غير صوت "

#لن_ننسى

" دخلت المعتقل وانا عندي اخو وطلعت انا عندي شهيد "

#لن_ننسى