#"SHALOLA"NING YANGI NIHOLLARI👇

ASALOY ZARIPOVA

ONALAR

Onalar yig‘lasa, yig‘lagay osmon,
Gar osmon yig‘lasa to‘larmish ummon.
Yig‘idan dilimda bordir bir armon,
Onalar hechqachon ko‘z yosh to‘kmasin.

Sochlari oppog‘im, ko‘zim qorasi,
So‘zlasa tebranar bahor lolasi.
Qulog‘im ostida onam allasi,
Onalar hechqachon ko‘z yosh to‘kmasin.

Kasal bo‘lib qolsak bo‘lib parvona,
Dunyo farishtasi udir yagona.
Onamning allasi faqat bir dona,
Onalar hechqachon ko‘z yosh to‘kmasin.

Asaloy ZARIPBOYEVA,
Beruniy tumani MMTBga qarashli 57 - maktab o‘quvchisi.

https://t.me/redaksiyamiz

Робия ИБАДУЛЛАЕВА- "Саркоп" ОФЙ отинойиси: ОИЛАДА АЁЛНИНГ ЎРНИ👇👇👇

Инсоният яралибдики, жуфти-жуфт бўлиб яшайди, ҳаёт шу билан бардавом. Айни дамда одамни тупроқдан яратган ва сокинлик топиш учун ундан ўз жуфтини яратган ҳамда уларни никоҳ орқали оила қуриб яшашларини ирода қилган Қодир ва Хаким Аллоҳга, У Зотнинг жалолига яраша ҳамду санолар бўлсин!
“Сизларнинг яхшиларингиз — оила аҳлига яхши бўлганингиздир. Мен аҳли аёлига энг яхшингизман” (Имом Термизий) деган Расули Акром Мухаммад Мустафога (с. а. в) битмас-туганмас саловоту саломлар бўлсин.
Аслида аёл Яратганнинг нозик хилқати, табиатдаги нозик мавжудотдир. У бир томондан назорат тимсоли бўлса, иккинчи томондан жамиятга энг таъсирли қудратдир.
Аёл биринчи навбатда, хонадон бекаси. Зеро, фаҳм — фаросатли, зукко ва дину диёнатли аёл оиладаги ўз ўрни ҳамда фарзандлар тарбиясида ўз масъулиятини чуқур ҳис қилади ва у бунга масъул. Шу ўринда тарихга иназар ташлаб, Сароймулк хонимнинг Мирзо Улуғбекка берган тарбиясини эслайлик. Беихтиёр ҳаёлингизни турли ўйлар чулғайди. Сабаби шуки, минг афсуски, ҳозирги шиддат билан ўзгараётган замонда ўз боласи тарбияси учун ҳар куни бир соат вақт ажрата олмайдиган оналаримиз бор. Ҳолбуки, ёшлар, фарзандлоаримиз келажагимиз, эртамиз эгалари, ҳа1ётимиз давомчиларику!
Аслини олганда, ҳар қандлай фаҳм-фаросатли, зукко аёл эрининг мол-мулкини кўз қорачиғидай асрайди. Эрининг борида ҳам, йўғида ҳам ҳурматини жойига қўяди. Ўзини ораста тутгани ҳолда фарзандларини ҳам оқ ювиб, оқ тарайди. Нафақат хонадони, балки атроф — муҳитнинг ҳам саронжом — саришталигига масъулдир. Пардозни кўчага чиққанда эмас, эри ишдан келишига қилади. “Эрингга эътиборли бўлгин,чунки у сенинг учун ё жаннатинг ёки дўзахингдир” жумласи беҳуда айтилмаган. Эрга итоат қилиш шариатга итоат қилишдир.
Аёл илмли, маърифатли бўлса, оилада ҳам, жамиятда ҳам ўз мустаҳкам ўрнига эга бўлади. Шу сабабли ҳам мустақил юртимизда аёл-қизларимизнинг ижтимоий фаоллигини ошириш учун уларнинг олий таълим юртларига киришлари учун бир қатор имтиёзлар яратилмоқда, аёлга соғлом муносабат такомиллаштирилмоқда. Зеро, аёллари маърифатли элнинг эртаси чароғондир. Аллома А. Авлоний ҳазратлари: “Қизлар ҳаммадан кўра кўпроқ билим олишга интилишлари керак, чунки бу билим билан келажак авлодни тарбиялайдилар” — деган эдилар. Оқила ва зиёли аёл келажакда барпо бўладиган бутун бошли оиланинг илмли бўлиб улғайишига замин яратади. Пайғамбаримиз Муҳаммад Мустафо(с.а.в.): “Кишининг ўз фарзандини чиройли одоб — аҳлоқ билан тарбиялаши, кўп миқдордаги нафл садақа беришдан яхшироқдир”,- дея марҳамат қилганлар.(Имом Термизий ривояти).
Оилада аёлнинг покиза, солиҳа ва яхшиликка ошно бўлиши нафақат ўзи, балки бутун оиласининг хайри барокатига сабаб бўлади. Аёл оила ҳаётининг ҳамма соҳасида эрининг йўл-йўриқлари, кўрсатмалари, талаблари асосида иш тутиши керак. Акс ҳолда, оиланинг моддий барқарорлигини таъминлаш учун доимий ҳаракатда, меҳнатда бўлган эрни уйда ҳам мунтазам нотинчлик, муаммолар кутиб турса, у асабий, тажанг бўлиб қолади, соғлигини йўқотади. Шуни унутмаслик керак, ўз уйида тинчлик-хотиржамлиги бўлмаган эр бундай осойишталикни бошқа жойдан излаб қолиши мумкин... Доно, зукко аёл бундай ҳолатнинг олдини олади, муаммоларни ечишда барча тажрибаларга суянади. Айниқса, ҳозирги синовли кунларда ўта зарурат бўлмаганида ҳаёт эҳтиёжлари — кийим-кечак, ейиш-ичиш, уй-рўзғор буюмлари сотиб олишни чеклайди ва буни муаммога айлантирмайди. Эрининг кайфиятига қараб ўринсиз саволлардан тилини тияди, бўлар-бўлмасга аразламайди, гина сақламайди, ақл билан иш кўради, турмуш ўртоғининг кўнглини олиш, фарзандлари тарбияси билан шуғулланишга ҳаракат қилади.
Илоҳим шундай гўзал хулқ соҳибаси бўлмиш гўзал аёлларимиз бор бўлсинлар, Юртимиз тинч, осмонимиз мусаффо, Заминимиз барокали бўлсин!
Р. ИБАДУЛЛАЕВА.,
“Саркоп” ОФЙ отинойиси.

https://t.me/redaksiyamiz

Д. Г. БЕРДИМУРАТОВА,
Беруний тумани ФҲДЁ бўлими ll - даражали инспектори:
ФҲДЁ БЎЛИМЛАРИ ТАРАФИДАН АЖРАЛИШ ЁҚАСИДА ТУРГАН ОИЛАЛАР БИЛАН УЧРАШУВЛАР, УШБУ ОИЛАЛАРНИ САҚЛАБ ҚОЛИШ МАҚСАДИДА АМАЛГА ОШИРИЛГАН ИШЛАР ҲАҚИДА 👇👇👇

Ҳар қандай миллатнинг ўзига хос маънавиятини шакллантириш ва юксалтиришда ҳеч шубҳасиз оиланинг ўрни ва таъсири беқиёсдир. Айни пайтда оила ҳар бир жамиятнинг бошланғич бўғини ҳисобландаи. Оила мустаҳкам, тинч, ҳалол ва пок бўлса, жамият ҳам осойишта, мустаҳкам, фаровон бўлади. Аксинча, оилаларда парокандалик, бузғунчилик бўлса, ўша жамият бузилади, тинчи йўқолади, оқибатда таназзулга юз тутади. Бахтли оилалар туфайли бахтли жамият вужудга келади.
Бунда оила аъзоларининг, айниқса эр ва хотиннинг ўзаро муроса-мадорага бориши, ғазаби келганда уни енгиши ва ширин сўзли бўлиши, шу билан бирга оилавий сирларни кўчага олиб чиқмаслиги сингари бир қатор омиллар жуда катта аҳамият касб этади.
Беруний тумани Фуқаролик ҳолатлдарига далолатномалар ёзиш бўлими томонидан ажралиш ёқасида турган оилаларни яраштириш, оилавий ажримларнинг олдини олиш бўйича бир қатор ишлар амалга оширилиб келинмоқда. Хусусан,
2023 йил давомида бўлимимизга эр-хотинлардан ажралиш бўйича 44 та ариза келиб тушган. Шундан қанча ҳаракат қилишимизга қарамай, 15 та оила ажрашди, 14 оила яраштирилди, қолганларига ҳуқуқий маслаҳатлар берилиб, тушунтириш ишлари олиб борилди.
Даъвогар Н.Ш. турмуш ўртоғи П.О. (исми-шарифлар ўзгартирилган) билан ўрталарида тузилган қонуний никоҳдан ажратишни сўраб судга даъво ариза билан мурожаат қилган. Суд томонидан Беруний туман ҳоким ўринбосари, оила ва хотин-қизлар бўлими маъсуллари билан ҳамкорликда мазкур мурожаат ўрганиб чиқилиб, тарафларнинг оилага бўлган муносабатини ўзгартириш масаласи муҳокама қилинди. Натижада оила яраштирилиб, қайта тикланди.
Эрнинг ишсизлиги, оила олдидаги оталик масъулиятини ҳис қилмаслиги, баъзи ҳолларда қизларнинг ёш турмуш қуриши, ҳуқуқий саводнинг етишмаслиги, ҳар хил майда-чуйда гап-сўзлар сабабли қайнона-келин, қуда тарафларнинг ўзаро келишмовчилиги, ўринсиз рашк, ишончсизлик, маънан қашшоқлик кабилар аксарият ёш оилаларимизнинг ажралиш ёқасига келиб қолишига сабаб бўляпти.
Биз жойларда, хонадонма-хонадон юриб, маҳаллалардаги кўчабошилар, оқила аёллар, хотин-қизлар фаоллари, дин идоралоари вакиллари ҳамда бошқада ҳамкор ташкилотлар ходимлари билан биргаликда асосий эътиборни ажралиш ёқасидаги оилаларни яраштиришга қаратяпмиз. Мақсадимиз: соғлом оилани шакллантириш орқали жамиятимиз илдизи мустаҳкамлигига эришишдир.
Ота-боболаримиз, момоларимиздан қолган бир ҳикматли фикр бор: “Қушнинг ҳам уяси бузилмасин!”. Бунинг сабаби шуки, келажагимиз эгалари саналган фарзандларимиз фақатгина ота-онанинг биргаликдаги тўғри тарбияси туфайли мукаммал даражада камолга етади. Низоли оилалар, ажрашиш ёқасидаги уйлардаги болалар ота-онасининг ўзаро жанжаллари, тортишувлар, зиддиятли ҳолатларни кўриб, руҳан эзиладилар, маънан кемтик улғаядилар. Шу сабабли ҳам оилаларни сақлаб қолиш иши, нафақат ФҲДЁ бўлимлари, балки бутун жамоатчиликнинг ишидир.
Д. Г. БЕРДИМУРАТОВА,
Беруний тумани ФҲДЁ бўлими ll - даражали инспектори.

https://t.me/redaksiyamiz

Сени соғиняпман

Сени соғиняпман,
Қошингга шу дам
Учиб борай десам, қанотларим ҳўл.
Юриб борай десам, манзилингни ҳам
Адаштириб кетган борса келмас йўл.

Сени соғиняпман,
Қара, азизам,
Ғовлардан иборат тўртта томоним.
Тўрттала томонга югурай десам,
Наштарларга тўлган экан тавоним.

Сени соғиняпман,
Кулишларингни
Бир бора кўришга интизор бўлдим.
Хаста жонимдаги улушларингни
Бирма-бир улашдим ва кейин... ўлдим.

Сени соғиняпман,
Лаҳзалар сайин
Соғинчга айланиб борар вужудим.
Ишқнинг оташида ёндим атайин,
Севгидан бунёддир бутун сужудим.

Сени соғиняпман,
О, бадар кетсам,
Мени эслаб тургин ҳар қиш, ҳар баҳор.
Бир кун излай-излай изингдан етсам,
Эшикни очмагин зинҳор ва зинҳор.

Сени соғиняпман...

Исломжон Қўчқоров. https://t.me/redaksiyamiz

XALQ DEPUTATLARI BERUNIY TUMAN KENGASHINING 79-SESSIYASI TO’G’RISIDA АХБОРОТ

Kecha Beruniy tuman hokimligi majlislar zalida Xalq deputatlari Beruniy tuman Kengashining 79-sessiyasi bo’lib o’tdi. Mahalliy Kengash deputatlari, tegishli tashkilot rahbarlari, OAV vakillari sessiyada ishtirok qilishdi.


Sessiya kun tartibidagi masalalar yuzasidan sektor rahbarlari va mas’ullarning axborotlari tinglandi.
1.Beruniy tumani sektor rahbarlari tomonidan 2023-yilning 12 oyi davomida “Temir daftar”, “Ayollar daftari” va “Yoshlar daftari”dagi fuqarolarga ko‘rsatilgan amaliy yordamlar hamda aholi bandligini ta’minlash borasida amalga oshirgan ishlari to‘g‘risida.
I.Xidirov, M.Atajanov, M.Muratov, Q.Atadjanov-tuman sektor rahbarlari.

2.Beruniy tumanida 2023-yilning 12 oyi davomida huquqbuzarliklar profilaktikasi va jinoyatchilikka qarshi kurashish sohasida tuman ichki ishlar bo‘limi tomonidan olib borilgan ishlar to‘g‘risida.
M.Muratov-Beruniy tumani Ichki ishlar bo‘limi boshlig‘i.

3.Beruniy tumanida 2023-yilning 12 oyi davomida sodir etilgan jinoyatchilik va huquqbuzarliklar hamda ularning oldini olish borasida amalga oshirilgan ishlar yuzasidan tuman ichki ishlar bo‘limi boshlig‘i o‘rinbosari jamoat xavfsizligini ta’minlash xizmati boshlig‘ining hisoboti to‘g‘risida.
A.Pshiyev-Beruniy tuman Ichki ishlar bo’limi boshlig‘i o‘rinbosari

4.Tuman darajasidagi davlat organlari va tashkilotlarining norma ijodkorligi hamda huquqni qo‘llash amaliyoti to‘g‘risida tuman Adliya bo‘limining axboroti to‘g‘risida.
S.Raimbekova-Beruniy tumani Adliya bo‘limi boshlig‘i.

5.Beruniy tumanida 2024-yilda bazaviy soliq stavkalariga kiritilayotgan kamaytiruvchi va oshiruvchi koeffitsientlarni qo‘llash to‘g‘risida.
K.Atadjanov- Beruniy Soliq inspeksiyasi boshlig‘i

6.Tumanda qishloq xo‘jaligiga mo‘ljallangan yer maydonlaridan samarali foydalanish va hududlarni ixtisoslashtirgan holda fermer va dehqon xo‘jaliklarini tashkil etish maqsadida tuman hokimligi zahira yer fondi hisobidagi yerlarni ochiq elektron tanlovga chiqarish loyihalarini ko‘rib chiqish yuzasidan berilgan takliflarni muhokama etish to‘g‘risida
A.Kazakbayev- Beruniy tumani hokimi o‘rinbosari
7.Beruniy tumanida “Аyollar daftari”ga kiritilgan ijtimoiy himoyaga muhtoj xotin-qizlarning bandligini taʼminlash, ularning muammolarini o‘rganish va hal etish, shuningdek ijtimoiy-huquqiy, psixologik, tibbiy va moddiy qo‘llab-quvvatlash hamda ularga ko‘mak ko‘rsatish, kasb-hunarni o‘rgatish orqali ularni “Аyollar daftari”dan chiqarish to‘g‘risida.
S.Koziyeva- tuman hokimi o‘rinbosari, oila va xotin-qizlar bo‘limi boshlig‘i

8.Beruniy tumani mahalliy byudjetidan moliyalashtiriladigan byudjet tashkilotlari va muassasalarining 2023 yil 4-chorak xarajatlar smetalariga o‘zgartirishlar kiritish to‘g‘risida.
N.Yangibayev-Beruniy tuman iqtisodiyat va mоliya bo’limi boshlig‘i

9.Bolalar masalalari bo‘yicha tuman komissiyasining 2023-yilning 12 oyi davomida amalga oshirgan ishlari haqidagi axboroti toʻgʻrisida.
F.Yeshimbetova-Bolalarni himoya qilish sho‘basi mudiri.

10.Xalq deputatlari Beruniy tuman Kengashining hamda doimiy komissiyalarining 2024-yilga mo‘ljallangan ish rejalarini tasdiqlash to‘gʻrisida.
M.Kadirov-Xalq deputatlari Beruniy tuman Kengashi raisi o‘rinbosari.

11.Xalq deputatlari Beruniy tumani Kengashi kotibiyati bosh mutaxassisini lavozimidan ozod etish to‘g‘risida.
M.Kadirov-Xalq deputatlari Beruniy tuman Kengashi raisi o‘rinbosari.

12.Xalq deputatlari Beruniy tuman Kengashiga 26-Fizuliy saylov okrugidan saylangan deputat Alipov Baxtiyor Abdullayevichning deputatlik vakolatlarini muddatidan ilgari tugatish to‘g‘risida.
M.Kadirov-Xalq deputatlari Beruniy tuman Kengashi raisi o‘rinbosari.

13.Deputat saylovini o‘tkazish kunini belgilash to‘g‘risida.
B.Matyakubov-Tuman saylov komissiyasi raisi.
Sessiya kun tartibidagi masalalar yuzasidan qarorlar qabul qilindi.


https://t.me/redaksiyamiz

#Билиб_қўйган_яхши

Кўп ҳолларда ижтимоий тармоқларда аноним профиллар орқали ноқонуний ахборот тарқатилиши кузатилади. Бунда профил эгаларини топиш имкони бўлмаслиги мумкин. Лекин ушбу ахборотни тарқатган ёки улашган (“репост”) эгаси аниқ саҳифалар ва профиллар эгалари ёки гуруҳ маъмурлари жавобгарликка тортилиши мумкин. Шунинг учун, шахси ноаниқ, аноним ёки шубҳали профиллар орқали тарқатилаётган ахборотларга блогерлар, саҳифа (гуруҳ)лар эгалари ҳамда маъмурлари алоҳида аҳамият беришлари зарур, чунки ахборот мазмуни бўйича масъулият уларга ҳам қонун билан юкланган.

Манба: Адлия вазирлиги
Жамоатчилик билан алоқалар бўлими

Telegram | Instagram | Facebook | Twitter