أكثر فئة حقيرة في المجتمع لـ تسيبك بدون ما توضحلك هوا سيبك علاش ؟! نِهي علاقته بيك و السبب مجهول يخليك تشك في روحك انك درت شي غلط عقلك ثابت ؏ فكرة هوا مشي و خلاني علاش ؟! قصدي لما تسيبو اعطو سبب باش الشخص يمكن يصلح الشي لـ داره أو يقدر يبدا بداية جديدة مع شخص جديد بدون تفكير في العلاقة القديمة علاش إنتهت لأ و شن الفكرة لـ يبدا حاطها في راسه الطرف التاني أنّ أنت حـ تعرف بروحك علاش سيبك ! من المكيف حـ يعرف مثلاً ؟! أو يقول تو ينسى بروحه مع الوقت، باه و الوقت لـ ضيعه و هوا يحاول ينسى أنت حـ تعوضهوله بعدين و حتى كان نسي حـ يراوده السؤال بين فترة و فترة هوا علاش سيبني ؟! و العلاقات تنتهي بـ كلمة "طيبة" و السبب علاش مش بـ "بلوك" !
هما متفكروش لـ أنت درته ؏ خاطرهم و لا أنت تعبت قداش ، هما تفكرو لـ أنت مقدرتش إديره بس !
ما نحبش نقول لـ حد إنّي مضايقة و منحبش نحكي ؏ اللي مضايقني و منحبش حد يحسسني أنه ساخف عليا ، أني إنسانة نحب نعيش زعلي بروحي و نرضى بروحي برضو
أنت متعرفش عليا إჂ̤ حاجة حرفياً ، حط الفكرة هادي في راسك كويس أنت متعرفش شن ظروفي و شن هيا أسبابي متعرفش شن الضغوطات و الأعصاب اللي أني فاها فـ متحكمش عليا و حط روحك في مكاني قبل ما تقول إنّي تغيرت و تزعل ! لأنك ببساطة متعرفش عليا غير شوية تفاصيل بسيطة و يلي واضح قدامك مش أكثر !