ՄԻԵԴ-ը բավարարել է Նախիջևանում հայտնված ՀՀ քաղաքացի Նարեկ Սարդարյանի գործով հրատապ միջոց կիրառելու դիմումը:

Այս մասին հայտնել է ՀՀ արդարադատության նախկին նախարար Արտակ Զեյնալյանը։

ՀՀ ԱԱԾ-ն հայտնում է:

Ադրբեջանի հատուկ ծառայությունները օգտագործում են ՀՀ տարբեր բջջային օպերատորների հեռախոսահամարներ և դրանցով զանգահարելով ՀՀ քաղաքացիներին, անկախ հետազոտություններ անցկացնելու պատրվակով իբր կատարում են սոցհարցումներ` ՀՀ-ում, հատկապես զինված ուժերում տիրող իրավիճակի վերաբերյալ հետախուզական բնույթի տեղեկություններ ստանալու համար:

Հուլիսի 27-ին, ժամը 01.10-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում, հակառակորդի կողմից դիպուկահար հրազենից արձակված կրակոցից մահացու հրազենային վիրավորում է ստացել պայմանագրային զինծառայող Աշոտ Գևորգի Միքայելյանը:

ՀՀ ՊՆ

http://mil.am/hy/news/8144

Օգոստոսին Ադրբեջանը և Թուրքիան Ադրբեջանում անցկացնելու են ռազմաօդային ուժերի և առանձին նաև ցամաքային ուժերի համատեղ զորավարժություններ՝ Նախիջևանում և «մայրցամաքային Ադրբեջանում»: Երկրները այս ձևաչափերով նախկինում ևս անցկացրել են նման զորավարժություններ:

Ավելի մանրամասն՝ https://razm.info/144581

Իսրայելական The Jerusalem Post-ի հետ հարցազրույցում ՀՀ ԱԳ նախարար Զոհրաբ Մնացականյանը հայտարարել է, որ Իսրայելը պետք է դադարեցնի Ադրբեջանին զենքի վաճառքը: Մնացականյանը նշել է նաև, որ Ադրբեջանը դրանք կիրառում է քաղաքացիական բնակչության դեմ, և հուլիսյան դեպքերը լրացուցիչ ապացույց են:

https://www.jpost.com/israel-news/armenian-fm-to-post-israel-needs-to-halt-all-weapon-sales-to-azerbaijan-636713

Թուրքիան և Ուկրաինան դիտարկում են Bayraktar ԱԹՍ-ների համատեղ արտադրությունը:

Դեռ 2019թ. օգոստոսին թուրքական Bayraktar ԱԹՍ-ներն արտադրող «Բայքար» և ուկրաինական պետական Ուկրսպեցէքսպորտ ընկերությունների միջև ստորագրվել էր «Black Sea shield» անունով համատեղ ընկերություն ստեղծելու մասին պայմանագիր։


Bayraktar ԱԹՍ-ների համատեղ արտադրության դեպքում, հավանական է, որ շարժիչները արտադրի ուկրաինական կողմը։


https://razm.info/144633

Հայաստանում բուն զորակոչի մեկնարկից՝ հուլիսի 1-ից սկսած, նոր տեսակի կորոնավիրուս է ախտորոշվել մոտ 30 զորակոչիկի մոտ։ Նրանցից 13-ը արդեն ապաքինվել է։

Այս մասին, PanARMENIAN.Net-ի փոխանցմամբ, հայտնել է ՀՀ ՊՆ մամուլի խոսնակ Շուշան Ստեփանյանը։

https://razm.info/144652

Ադրբեջանում օտարերկրյա հատուկ ծառայության համար լրտեսությամբ զբաղվելու մեղադրանքով երկու անձի են ձերբակալել

Ադրբեջանի պետական ​​անվտանգության ծառայությունը հայտնում է, որ ձերբակալվել են Ադրբեջանի քաղաքացիներ Հեբիբ Աբբասգուլիևը և Լամիյա Աբբասգուլիևան, որոնց մեղադրում են օտարերկրյա հատուկ ծառայությանը տեղեկություններ հաղորդելու համար։
Նրանց մեղադրանք է առաջադրվել պետական դավաճանության մասին հոդվածի հատկանիշներով։

Ադրբեջանի խորհրդարանում օգոստոսի 5-ին քննարկվելու է 2020թ. բյուջեի փոփոխությունների մասին օրենքի նախագիծը։ Նախատեսվում է պաշտպանական ծախսերը կրճատել ~50 մլն մանաթով, դարձնելով 3 մլրդ 804 մլն մանաթ (կամ ~ 2 մլրդ 238 մլն դոլար)։

Ադրբեջանագետ Տարոն Հովհաննիսյանը նշում է, որ եկամուտների այսպիսի նվազման պարագայում Ադրբեջանում տրամաբանորեն ստիպված պետք է լինեին ռազմական ծախսերը կրճատելու առնվազն մինչև նախորդ տարվա ցուցանիշը (ինչը ~20,9 տոկոսով քիչ էր 2020թ. սկզբին նախատեսված պաշտպանական ծախսերից), սակայն, ամենայն հավանականությամբ, իրենց մոտ Տավուշյան իրադարձությունների ֆոնին որոշակի վերահաշվարկ են իրականացրել, քանի որ էական կրճատումը կարող էր բավականին լուրջ ներքին դժգոհության ալիք առաջացնել։

Բյուջեի փոփոխությունների նախագծի մասին ավելի մանրամասն՝ ստորև․

https://razm.info/144682

Հուլիսյան մարտերի օրերին Ադրբեջանի ՊՆ-ն պնդում էր, որ առաջնագծում ադրբեջանական զրահամեքենա չկա, իսկ հուլիսի 14-ին սպանվածներից մեկը, պարզվում է, տանկիստ էր:

https://razm.info/144732

Լիբանանի առողջապահության նախարարը հայտնել է առնվազն 2500 վիրավորի և ավելի քան 30 զոհի մասին:

Լիբանանի առողջապահության նախարար Համադ Հասանը հայտնում է, որ մայրաքաղաք Բեյրութում տեղի ունեցած պայթյունի հետևանքով վերջին տվյալներով ունեն ավելի քան 50 զոհ և շուրջ 2700 վիրավոր։
Այս մասին տեղեկանում ենք Al Jazeera լրատվական գործակալությունից։
Նշենք, որ զոհերի թիվը, հավանաբար, դեռ կավելանա։

Հայահոծ թաղամասերում, ինչպես ողջ Բեյրութում, ավերածությունները զգալի են։ Այս պահի դրությամբ նախնական տեղեկություն կա ազգությամբ մեկ հայի մահվան և մի քանիսի՝ տարբեր աստիճանի վնասվածքներ ունենալու մասին՝ հիմնականում տներում՝ ապակիների փշրվելուց։

Պայթյունից մասնակիորեն վնասվել է նաև Լիբանանում ՀՀ դեսպանության շենքը:

___
ՀՀ Արտաքին գործերի նախարարություն

Բեյրութում տեղի ունեցած պայթյունի հետևանքով հայազգի մահացածների թիվն այս պահի դրությամբ 6 է։ Տեղեկություններ կան նաև մոտ 100 վիրավորի մասին: Այս թվերը, ցավոք, կարող են աճել, քանի որ մեծ է անհայտ կորածների թիվը:

___
ՀՀ Արտաքին գործերի նախարարություն