Ադրբեջանի արտգործնախարար Էլմար Մամեդյարովը պաշտոնապես հրաժարական տվեց: Նրան այդ պաշտոնում փոխարինել է կրթության նախարար Ջեյհուն Բայրամովը:

Հիշեցնենք, որ Մամեդյարովի գլխին դեռ շաբաթներ առաջ էին «սև ամպեր» կուտակվել, երբ Ադրբեջանի պետանվտանգությունը ձերբակալում էր ԱԳՆ-ում Մամեդյարովի մտերիմ բարձրաստիճան պաշտոնյաների:

Այսօր հակառակորդի մարտական անօդաչուի հարվածից վիրավորվել է Չինարի գյուղի բնակիչ Արամայիս Հովակիմյանը։

Արծրուն Հովհաննիսյան

Թուրքիա է մեկնել Ադրբեջանի ռազմաօդային ուժերի հրամանատար – ՊՆ տեղակալ Ռամիզ Թահիրովը: Հանդիպել է Թուրքիայի պաշտպանության նախարար Հուլուսի Աքարին: Աքարի հետ Թահիրովը քննարկել է հուլիսի 12-ից Հայաստան֊Ադրբեջան սահմանի Տավուշ֊Թովուզ հատվածում սկսված մարտական գործողությունները։

ՀՀ ՊՆ. կամավորագրման անհրաժեշտություն այս պահին չկա

http://mil.am/hy/news/8094

Ադրբեջանը, նորից խախտելով մարտական գործողությունների և կրակի դադարեցման պայմանավորվածությունը, կիրառում է հարվածային ԱԹՍ-ներ, այդ թվում՝ նաև բնակավայրերի ուղղությամբ։ Զգուշացնում ենք, որ ադրբեջանական զինված ուժերի առավոտյան դիակների թիվը կարող է խիստ ավելանալ։

Շուշան Ստեփանյան

Ըստ «Ռազմինֆոյի» տեղեկությունների՝ Ադրբեջանի ՌՕՈւ պետ Ռամիզ Թահիրովի հետ միասին Թուրքիան են մեկնել նաև՝ Ադրբեջանի ԶՈւ հետախուզության վարչության պետը, ԶՈւ 4-րդ բանակային կորպուսի շտաբի պետը, ինչպես նաև, ամենայն հավանականությամբ հրթիռահրետանային զորքերի հրամանատարը:

ՀՀ ԱՆ խոսնակ Ալինա Նիկողոսյանը հայտնել է, որ այսօր Չինարիում վիրավորված քաղաքացու մոտ առկա է մարմնի մակերեսի մոտ 10% այրվածք, բազմաբեկոր վնասվածք ազդրոսկրի հատվածում: Վերջինիս վիճակը բժիշկները նախնական գնահատում են կայուն ծանր։

Նշենք, որ Ադրբեջանի և Թուրքիայի զինված ուժերի համատեղ զորավարժությունների շտաբում ադրբեջանական կողմից ներգրավված է լինում հենց 4-րդ կորպուսի շտաբի պետը։

Ադրբեջանի ՊՆ-ն հաստատել է, որ Թովուզի ուղղությամբ հուլիսի 15-ի լույս 16-ի գիշերը սպանվել է ԶՈւ պայմանագրային զինծառայող, շարքային Իմսայիլով Նազիմ Աֆղան օղլուն (İsmayılov Nazim Əfğan oğlu):

Ադրբեջանական ԶՈւ-երի հարվածային ԱԹՍ-ն հարվածել է ԱԻՆ մեքենային, զոհեր չկան։ Մանրամասները ճշտվում են։

Արծրուն Հովհաննիսյան

Արծրուն Հովհաննիսյանի՝ հուլիսի 16-ի երեկոյան ճեպազրույցից կետեր

• Այս պահի դրությամբ ՀՀ ՊՆ-ն ֆոտոապացույցներով ֆիքսել հակառակորդի 10 դիակի դուրսբերման դեպք։

• Օրվա ընթացքում ՀՀ ԶՈՒ-ն թույլ է տվել Ադրբեջանին նախօրեին մնացած դիակները դուրս հանել ՀՀ տարածքից, ընդ որում արդեն հրապարակված լուսանկարներում երևացող տարածքը միակը չէ, որտեղ կան ադրբեջանցիների դիակներ։

• Կեսօրից հետո Բերդի տարածաշրջանում Ադրբեջանի ԶՈւ-ն կիրառել է հարվածային ԱԹՍ-ներ, որոնց հարվածներից հետո օգնության հասած ԱԻՆ-ի ավտոմեքենային են հարվածել։ ԱԻՆ-ի աշխատակիցները չեն տուժել դեպքից։

• Վիրավորների և զոհերի թիվը նույնն է մնում։

Տավուշի մարզպետ Հայկ Չոբանյանի՝ հուլիսի 16-ի երեկոյան ճեպազրույցից կետեր

• Ընդհանուր առմամբ հակառակորդի հարվածներից վնասվելու 51 դեպք է գրանցվել, որից 41-ը շինություն, 4 ենթակառուցվածքային օբյեկտ, 4 տրանսպորտային միջոց, 2 ընտանի կենդանի։

• 41 շինություններից 22-ը վնասվել է այսօր։

• Ենթակառուցվածքային օբյեկտները՝ բացառությամբ 2 ջրագծերի, վերականգնվել են։

• Վաղվանից սկսելու են վնասված շինությունների վերակառուցման աշխատանքները։

Հուլիսի 16-ին Անկարայում Թուրքիայի պաշտպանության նախարար Հուլուսի Աքարին հանդիպել է նաև Նախիջևանի առանձին համազորային բանակի հրամանատար, գեներալ-գնդապետ Քերեմ Մուստաֆաևը:

Ձախից՝ Մուստաֆաևը, աջից՝ Աքարը